رضيت بزواج زوجي علي بس الحياة صعبه علي

[طوق اللولو]

قبل اكتب اي شئ
ارجو من بعض العضوتات يقدرون وضعي وحياتي الصعب تزواج زوجي علي وانا صغيرة في السن مو مقصره معه باي شئ
لكن بسبب غدر الحريم وخاصه من امه واخواته


رضيت بامر الواقع للاسباب اولها
وضعي بالمجتمع
اولادي
وانا احبه
ولااريد احد يتشمت فيني وخاصه العدو
الان
يرجع من عندها ورحيت ملابسه رحيتها ماااتحمل احاول انسا انشغل نفسي بس احس بالجنون

 

[iLLuMinaTion]

الله يعينج

 

[ضايعة بدنيتي]

رد : رضيت بزواج زوجي علي بس الحياة صعبه علي



كلميه وقولي له لين بتجيني مابي اشوف او احس بأي اثر عليك منها . كلميه بهدوء وخليه يراعي شعورك وهي بعد المفروض تراعي شعورك ولا حتى انتي تقدرين تسوين مثلها

ودام انك رضيتي بزواجه لازم تتحملين تبعات هالزواج وحطي في بالك ان صبرك واحتسابك ماراح يروح هدر كل شي عند الله مكتوب ومحفوظ

عسى الله يعينج ويهدي زوجك ويسخره لج

 

[قلبي عبدالله]

مالك الا الصبر
خالة زوجي مع انها الزوجه الثانيه تزوج عليها زوجها يعني من المفترض وضعها اهون من وضعك كونها مو الزوجه الوحيده في حياته لكن احس بينها وبين الجنون شعره جاها الضغط اهملت شكلها اهملت بيتها كل مهمومه اصبري ووكلي امرك للي ما ينسى عباده الهي نفسك عنه تناسيه اذا مو موظفه اشتغلي بتنسي همه تدريجيا والله يلوم اللي يلومك واللي ظلموكي راح يشوفون يوم الله يمهل ولا يهمل

 

[MiiMoo]

رد : رضيت بزواج زوجي علي بس الحياة صعبه علي

انااا يبطون جبدي الريايل الي يتزوجونرعلى حريمهم واهنه موفرين لهم كل شي عيال وجمال وصحه ..... صج الشرع حلل اربع بس مو اب هالطريقه لازم يكون في سبب معين عشان تزوج عل مرتك استغفر الله الله يعينج

 

[ام دليار]

رد : رضيت بزواج زوجي علي بس الحياة صعبه علي

الله يسخره لج

 

[ضحكه طفل]

رد : رضيت بزواج زوجي علي بس الحياة صعبه علي

الله يسخره لج

 

[عروسة]

حبيبتي صار الموضوع وخلصتوا مافيها شيء من حقه وقلتيها تأثير اهله عليه قوي شتسوين ابد اقضبي مكانك وربي عيالك ابرك من تفكيرك فيه وفيها .. وحبيه بالاول والاخير زوجك وابو عيالك بس لاتكدرين خاطرك عيشي معاه حياتكم حتى لو عنده مليون وحده..حاولي تسيطرين على نفسك وبعدها انتي بتاخذين عالوضع ودلعيه لاتحسسينه انك متضايقه ترا الرجال يفكرون انهم نمتصرين وان مالنا غيرهم اذا شافونا مكسورين..


ابد نصيحتي خلي الوضع اقل من عادي وخلك فلانه اللي عرفها وعيشي حياتك زيين ..

الله يحنن قلبه عليكم..

 

[رُۈحَ ۈ رْيحَآن]

الله يسخره لج حياتي ادعي ربج وعليج بسوره البقره وقيام الليل ركعتين ثلث الليل سهام الليل لاتخطي والاستغفار عظيم

 

[كماشه]

ياحياتي احسج تفكرين فيه حيل من مواضيعج حاولي تنسين او اتناسين ادري ان الوضع صعب بس اصبري وادعي ربج باخر الليل انه ينزل على قلبج السكينه ويصبرج ويزيل التفكير والغيره من قلبج حبيبتي اليوم الي هو مو عندج اشغلي نفسج بذكر ربج والصلاه والدعاء ترى الدنيا ماتستاهل اخرتها مصيرنا القبر اجمعي لاخرتج من الحين صدقيني لافكرتي بالاخرة بتهون عندج مصيبتج والله يسخر زوجج لج

 

[عقارية]

نصيحة محب ، ونفس ما قالوا لك البنات

الزمي البقرة وقيام الليل ولا تتركينه وألا تضيعين
وربي بيكتب لك اللي فيه الخير لك ولهم.

 

[بتبوتااا]

الله يعينج ياقلبي اهم شي انه عادل بينكم ومومقصر معاج بشي ..

 

[اكابر]

الله يعينج .. ويصبرج ويعطيج قوه تحمل وصبر تعادل صبر ايوب قولي امين ..

 

[ريماا]

يااربي لله يعييينج بس داام انتى رضيتي خلاااص
انسيييييييييييييييية لاتفكرين فية ولا فيها طلعي وعيشي حيااتج الحياااة مو رجاال لاتربطيين سعادج باى شخص سعادج انتى للي تصنعينها لاتنطرين من زوجج يسعدج
دااام انتي مووو مقصرة بحقوقة هذي نعمة انج مااغضبتى ربج
فكرى بنفسج يعني لله عطااج عيال وبيت وصحة واهل واستقرار هذا بحد ذااتة يخلييج مرتااحة نفسياا طووول مانتي تراقبينة ومعطيتة اهمية رااح تتعذبين حتى اهو بيمل
وطووول مايحس انج معززة نفسج وعايشة حيااتج بامور ثاانية صدقيني بيحس بكااينج وقوتج

 

[حظ من عنده انا]

رد : رضيت بزواج زوجي علي بس الحياة صعبه علي

الله يعيينح

ويسسخره لج يارب

 

[سنفوره كشخه]

ياقلبي عليج .. بحط لج كل الاحتمالاات :


انت ما تذكرين ان كيدهن عظيم !!!!


استغفر الله مااابي اظلم الحرمه يمكن هي تسبحه بعطرها حتى وهو مايدري يعني ترش على ملابسه على ابو انج تغارين ,,
سوي مثلها اذا طلع من عندج رشي من عطرج على دشداشته شوي بس علشان تشمه ,,

استغفر الله ..

ويمكن انتي حساسه زياااااااده ,,

بس نصيحه عيشي عمرج لج تمتعي بشبابج لا تمحورين حياتج حول هالرجال !!!

اذا بقى تفكيرج بس حوله راح يضيع منج بس لو اهتميتي بنفسج وطلعاتج وهواياتج مع عدددددددددم التقصير بحقه! راح ينجذب لج اكثر ,, وانتي راح تنشغلين عن سفاسف الامور عطرها وشعرها ,,الخ .. والله ادري الغيررره موووت بس شكوتج لله

 

[جوانا2011]

رد : رضيت بزواج زوجي علي بس الحياة صعبه علي

الله يمسح على قلبك....ياعمري انتي ..الله يرده لك ردا جميل
الله يسخره لك

 

[بدووورة]

الله يكون بالعون وادعي الله يصبرج عليج بالصبر والصلاه

 

[حجيه هيونه]

حاولي تنشغلين عنه


بعدين يمكن اهي تتعمد هالشي عشان تحرج فلاتحترين ولا شي


تعوذي من ابليس وتعايشي مع الوضع عشان انتي ما تتعبين

 

[مشاعر]

الله يعينج ياقلبي والله لو انا مكانج يمكن يوقف قلبي

ادعي الله سبحانه وتعالي انه يصبرج وحاولي انج تشيلين هل شي من بالج ..مثل ماانتي زوجته اهي زوجته ادري هل شي صعب بس هذا الواقع
ونصيحه لاتبين له ولا لاي احد انج متضايقه مشي ياقلبي الحياه لازم تصبرين عليها