رضينا بالهم والهم مارضي فينا

[I don’t care]

السلام عليكم
والله مدري وين احط الموضوع

اولا انا مو صاحبه المعرف

المهم بدش بالسالفه على طول احنا خمس خوات 4متزوجات الحمدلله انا الاخيره بنت بنهايه العشرينات سنعه وجامعيه دين واخلاق وفوق ذا جمال فوق الطبيعي انا مامدح نفسي لا وربي بس هذا راي الناس فيني وبدون مبالغه
لكن فيه شي غريب كل ماتقدمو لي عرسان وبعد شوفه السنه مايتم نصيب والرفض من جهه المعرس تخيلو ياحريم هذا 6 رجال يرفضني الي يروح ومايسال واخرته واحد جلسو اهله يحاولون فينا شهر على مانوافق عليه منفصل وكبير بالعمر وبيعيش مع امه ومع ضغط امي علي اني اوافق لانه خوش ريال ومايتعوض وكفايه انه من العيله
الا انه اتصل وقال استخرت ومافيه نصيب... ااااااه يابنات تعلقت فيه يوم شفته وقلت بس هذا الي بينسيني الدنيا ومافيها وارتحت له وكان يسولف معي ويبتسم وكلامه يدل انه موافق علي صرت ادخل المجلس اشم عطره واتذكره
يااارب امسح على قلبي يارب انساه

انا بحاله نفسيه مايعلم بها الا الله تحطمت والله يابنات لاعارفه الاكل ولانام كله بغرفتي ابجي ولاحط عيني باحد من اهلي ولاجلس وياهم

من مرت عليه نفس حالتي شالسبب ساعدوني ولاتنسوني بدعواتكم

اللهم اليك ابث شكواي وحزني اللهم اني اسالك باسمائك
الحسنى وصفاتك العلا ان ترزقني بوظفية تسند يتمي , وزوج صالح مرفوع ذكره في السماء الأرض يعوضني عن حرماني من أبي..
اللهم ياحي ياقيوم أسألك أن تقر عيني وتثلج صدري بنعيم الجنة و الدنيا ومن دعا لي أو أمن على دعائي..

 

[om Firas]

الله يرزقج بولد الحلال اللي يستاهلج يااارب
حاولي ترقين نفسج يمكن فيح حسد الله لا يقوله
اقري سورة البقره كل يوم وكثري استغفار ودعاء
الله يسهل امورج ويوفقج ياارب

 

[Daleela]

اهم شي الدعاء والله يرزق كل بنت بزوج صالح انشالله

 

[روحي ابوي]

حبيبتي الخيرة فيما اختارة الله.. ثقي بالله هذا اهم شي . اهو الرازق وهو المعطي

ياااااارب يرزقج بواحد احسن منه ويرزقج بالوظيفه السنعه

 

[I don’t care]

الله يجزاكم خير

 

[أسيرة_أحزاني]

الله يرزقج بالولد الصالح الي يستاهلج ويعزج يارب العالمين والخيره فيما اختاره الله

 

[د.شريفة]

رد : رضينا بالهم والهم مارضي فينا

عليج بالرقيه الشرعيه وسورة البقره

 

[ســكره ورديه]

اقري على نفسك واقري الاذكار صبح ومساء ولاتخلين صورة البقره

يمكن فيه شي وينفك

واحتسبي صبرك حياتي

 

[اميرة-الاحجار]

شكلج معيونه عمري او فيج تابعه رقي نفسج

 

[Bent Ameer]

الله يرزقك الزوج الصالح المعافى اللذي تقر عينك به وتقر عينه بك

اللهم امـــين


حبيبتي بعطيج نصيحه من قلبي طبقيها وماراح تندمين وبتشوفي الفرج بأذن الله

اقري سورة البــقره 40 يوم واكثري استغفار وآلحي من الدعااء والله يوفقج

 

[روح مغليها]

الرمضاان جااي ادعي الله يجعله من نصيبج
وكثري الاستغفار بنيه الزوااج فيه
وييااارب وياارب تاااااخذيييييييييييييييينه

 

[memories*]

يمكن الله خاشلج الي أحسن منه صبري و كثري الاستغفار والله يروفج الزوج الصالح يااااااااااااااااااااااارب

 

[I don’t care]

الله يجزاكم خير يارب

 

[اميره1980]

الل يرزقج بالزوج الصالح يا رب

 

[Um Turki]

ارقي نفسج اتوقع عين

 

[noorq8]

اسألي الله بأسمائه الحسنى ,يعني يارزاق ارزقني زوجا صالحا تقيا وياوهاب هب لي زوجا تقيا وجذيه ,ادعي بأسماء الله الحسنى .

 

[غير كل الناس]

يابت الحلال انشاء الله خيره

 

[ام كوشه منكووشه]

رد : رضينا بالهم والهم مارضي فينا

اختي عليج بالاستغفار واقري سورة البقرة كل ليله
والله يرزقج بالزوج الصالح انشالله

 

[nwarah]

ماادري بقولج سبب يمكن انتي تكونين جذي : وايد بنات من اول ما اييها احد تروح تقول حق رفيجتها و تعطيها التفاصيل اليومية
شوفي يمكن احد يحسدج ترا العيون تدخل القبر لازم تآمنين بالهشي
كتمي على الموضوع لي وقت الملجة مالج الا جذي
و اقري على نفسج و توكلي على الله
والله يعوضج خير لا تحسفين على احد
انتي قلبج الحين بسرعة يحب لانج بنية
لا تخافين لما يتقدملج ان شاء الله اللي احسن منه بتسينه على طول

 

[pretty sarona]

جنج تتكلمين عني ,, إذا لقيتي حل عطيني إياه