رفع اللثه سؤال

[شندوخه]

منو سوت رفع لثه
تعور ولالا ؟ تحتاجين لخياطه ولاشلون
بنج موضعي ولا تخدير عام لان انا وحده خوافه حدي
ولم سولج رفع اللثه شكثر قالج ممنوع الاكل لان ابي امتن مابي اضعف

 

[ii DareeN ii]

انا سويتها عند دكتور جونسون هندي دكتور حيل شاطر واشطر دكتور لثه
وانا حدي خوافه واذكر سويتها قبل حرب لعراق بيومين

اول شي بقولج اياها خطوه خطوه

1- حط لي كريم الي يخدر اللثه
2-بعدين قزني الابره مالت التخدير موضعي طبعا
3-بعدين بدى يشتغل وماحسيت بولا شي كلش ابدا
4-طلعت منه ماحسيت بولا شي وفج البنج ماحسيت بالم كلش وعطاني بس غسول فم خذته من الصيدليه واصلا على كرسي العياده العادي

 

[شندوخه]

داااارين مشكووره حبيباي طمنتينييييي
انزيين ماخيط لثتج ولا عادي؟
ورديتي على طول تاكلين ولا قالج خلج سوائل ؟

 

[حنون المزيون]

خوووووش والله شكلها سهاله
عيل ليش الدكتور بدر الانصاري قالي جراحه وبنج كامل وخرعني

 

[supermarket]

بنات شنو يعني رفع اللثة؟

اول مرة اسمع فيها

 

[ii DareeN ii]

ممم ليش بنج كامل انا كانت لثتي نازله بسبه طريقه تفريشي الغلط ونزلت وكانت تلتهب وايد فقرر يقص منها طبعا يحددها بشي عنده يقص فيه النازل من اللثه وماخيط كلش اقولج على الكرسي مال العياده العادي دشيت ماخذت نص ساعه وللا ربع ماذكر بالضبط بس كلش ما طولت والحمدالله جم سنه ولثتي زينه

واحسن دكاتره لثه بالكويت النوري وديفد جونسون وطالب الصراف بس طالب بطل يعالج لان صار مراقب وصج هذيل حيل زينين

 

[smilmoon]

اخت دارين ابي اسأل اي عيادة يشتغل الدكتور جونسون ؟
وهل تستخدم عملية رفع اللثة اذاكانت اللثة تبين عند الضحك؟

 

[helwa]

دارين بغيت اسالج انا عندي اللثه كانها مقصوصه من تحت يعني نازله حيل وقالي دكتور لازم زرع لثه انتي جذي ولا لا ودكتورج وين صاير ؟ مشكوره

 

[ii DareeN ii]

هلا حبايبي دكتوري ديفد جونسون في مركز رميثيه التخصصي وفي الدكتور النوري اتوقع بالاميري وهذيل احسن صج دكتورين لثه بالكويت بس يبيلهم واسطه وفي هم دكتوره يديده يايه من امريكا توها اسالكم عنها اهي اختصاصيه لثه ويقولون شاطره للامانه انا بديت افقد الثقه بالخاص بنسبه حق سوالف الاسنان لاني اشوف الشكاوي الي اتيي ضدهم وايد

بس حق عمليتي ماسويت حبيبتي زرع لثه بس شالو جزء بسيط من اللثه الي كانت نازله بنسبه لزراعه اللثه والله مادري بس بحاول اسوي عليها سيرش بالنت وحياكم

 

[ii DareeN ii]

هلا حبايبي دكتوري ديفد جونسون في مركز رميثيه التخصصي وفي الدكتور النوري اتوقع بالاميري وهذيل احسن صج دكتورين لثه بالكويت بس يبيلهم واسطه وفي هم دكتوره يديده يايه من امريكا توها اسالكم عنها اهي اختصاصيه لثه ويقولون شاطره للامانه انا بديت افقد الثقه بالخاص بنسبه حق سوالف الاسنان لاني اشوف الشكاوي الي اتيي ضدهم وايد

بس حق عمليتي ماسويت حبيبتي زرع لثه بس شالو جزء بسيط من اللثه الي كانت نازله بنسبه لزراعه اللثه والله مادري بس بحاول اسوي عليها سيرش بالنت وحياكم

 

[شندوخه]

بعد قلبي دارين ماقصرتي
انا ماقالي نرفعها بس اخر مره شلعت ظروسي انتفخت لثتي ونزل جزء بسيط صوب الظرس وشكله حيل بايخ ودي ارفعها

 

[ii DareeN ii]

شندوخه بسيطه بسرعه تخلصين بس يحدد اللثه بمثل الاله ومراح تحسين بشي ان شاء الله سهاله انا بغى يوقف قلبي يوم العمليه بس طلعت سهاله حيل

 

[شندوخه]

الله يسمع منج ان شاء الله
جزاج الله خير حبيبتي ماقصرتي

 

[ام فلاح؟]

انا ما ابغي ارفع الثه ابغي اشيل الدم لاسود في وحده قالت احسن تشيلينه لان يسمونه الدم الفاسد هل صحيح ولا؟ ومن جربت هالشي؟

 

[ريمه الكويت]

شكرا لج انا بسوي حق بنتي تقويم وقال الدكتور بعد التقويم راح تنزل لثتها شوي فمكره بالعمليه بعد التقويم

 

[كويتيه ذوقـ]

رد : رفع اللثه سؤال

انا سوالي قص لثه قبل يومين الدكتور هادي الصفار الي بعيادة اسنان كلينك سهلااااااااات الحمدلله ولا حسيت بولا شي
اصلا كتبلي بروفين مسكن وقالي لاتاخذينه الا اذا احتجتيه ... وانا القص كان كبير موصغير وخياط لان اللثه وايد نازله بس الحمدلله ميه ميه سهل وشاطر ويده عسل ويريح نفسيا كان يسويلي العمليه وانا اسولف معاه شوي واغط انام شوي هههههه وكلها ماخذت حتى اقل من ساعه ... لوووووووووول

 

[جيرازksa]

^

^

^

ياقلبي انتي كانت نازله كثير او لا وكيف قالك علاكل شي يعني سوائل كم يوم او عادي ياريت تفيديني

 

[silent99]

دكتور جاسم النجار في عيادة الميدان وايد زين سويت عنده عملية قص لثة
و سوالي عملية ازالة ورمة داخل اللثة فوق جذر الضرس.. سويت هذي العملية مرتين

عملية قص اللثة ترا بس اسمها عملية و الناس يخترعون.. ولا اهي شغلة بسيطة و سهلة و يستخدم فيها بنج الاسنان العادي و يستخدم جهاز خاص للقص اعتقد انه يقص اللثة و يكويها بنفس الوقت لأني ماكنت اشوف دم.. و ماكان فيه خياط ولا شي

انا رفعلي اللثة شوي بعد ماسويت عمليتي الاولى اللي اهي خلعلي السن الامامي و بعدين فتحلي اللثة و شال الورمة و نظف مكانها و رجع خيطني ب 8 غرز.. و لما طاب الجرح سوالي عملية قص اللثة و ماكان فيها خياط

طبعا اسناني اللي جدام كلهم تلبيس كان من مادة البورسلان و بعد 10 سنين غيرتهم و سويتهم من مادة اللافا

ماشاء الله وايد زين و فاهم بشغله و دقيق و محترم

و الشي اللي احبه فيه انه يتناقش معاي و شرحلي كل شي خطوة بخطوة بالتفصيل و يجاوب على كل اسئلتي قبل ما يشتغل

كان يداوم في فرع الميدان اللي بحولي مجمع بيروت بس الحين صار رئيس مركز الميدان في الجهرا

والله اني اطق درب من الجابرية لي الجهرا بس عشان اروحله لأني ما اثق باي دكتور غيره بعد معاناتي الطويييييييييله مع الاسنان

 

[شندوخه]

رد : رد: رفع اللثه سؤال

دكتور جاسم النجار في عيادة الميدان وايد زين سويت عنده عملية قص لثة
و سوالي عملية ازالة ورمة داخل اللثة فوق جذر الضرس.. سويت هذي العملية مرتين

عملية قص اللثة ترا بس اسمها عملية و الناس يخترعون.. ولا اهي شغلة بسيطة و سهلة و يستخدم فيها بنج الاسنان العادي و يستخدم جهاز خاص للقص اعتقد انه يقص اللثة و يكويها بنفس الوقت لأني ماكنت اشوف دم.. و ماكان فيه خياط ولا شي

انا رفعلي اللثة شوي بعد ماسويت عمليتي الاولى اللي اهي خلعلي السن الامامي و بعدين فتحلي اللثة و شال الورمة و نظف مكانها و رجع خيطني ب 8 غرز.. و لما طاب الجرح سوالي عملية قص اللثة و ماكان فيها خياط

طبعا اسناني اللي جدام كلهم تلبيس كان من مادة البورسلان و بعد 10 سنين غيرتهم و سويتهم من مادة اللافا

ماشاء الله وايد زين و فاهم بشغله و دقيق و محترم

و الشي اللي احبه فيه انه يتناقش معاي و شرحلي كل شي خطوة بخطوة بالتفصيل و يجاوب على كل اسئلتي قبل ما يشتغل

كان يداوم في فرع الميدان اللي بحولي مجمع بيروت بس الحين صار رئيس مركز الميدان في الجهرا

والله اني اطق درب من الجابرية لي الجهرا بس عشان اروحله لأني ما اثق باي دكتور غيره بعد معاناتي الطويييييييييله مع الاسنان

الحين الدكتور بعياده الميدان اللي بالجهرا ؟؟ خوش اذا جذي يصير قريب علي

 

[Turquoiseya]

انا لاحظت ان لثتي قامت تنزل من عقب التقويم
لو بقول لزوجي بقص لثتي 00 يمكن يقص لساني
صج زوجي زهق من طلباتي اللي ماتخلص