رفع ضغطي وانا حامل شنو الحل؟!

[شيهانة مطييير]

مرحباً .. قاعدة اكتب بفوني ودموعي علئ خدي تعبت من التفكير وعجزت أدور حل مؤ عارفة شسوي .. انا متزوجة صارلي 7 شهور وأللحين حامل وتعبانه حيييييييل ب أوحامي توني طالعة من المستشفئ وصارلي اسبوع نايمة بيت اهلي المهم مالكم بالطويلة امس ( زوجي العزيز) رفع ضغطي الله يرفع ضغطه لاول مرة يصارحني انتي مقصرة معاي بشغلات واجد وطينتج ثقيلة ودمج ثقيل انا مريحج وابيج أتعلمين من هالدنيا انا رجلج مؤ مقصر معاج وابيج تعرفين رجلج زين وعندي إبداعات ترئ ماطلعتها .. سألته شنو مقصرة فيه قالي سوالف ما تسولفين انتي صم بكم سفرتج برا ابيج اطلعين اللي بصدرج انتي انتي ماتغيرتي؟! ها بنات اشرايكم بكلامه وأبي حلول حلوة وقولولي شنو سوالفكم حق رياجيلكم؟! من غير هجوم لان انا كثر مااقدر اسولف معاه عادي وعلئ فكرة اهو 24 ساعة طالع مايقعد بس اعتقد والله اعلم يبيني اجيب ماضيي وتسولف عن دراستي بالتجاري << هالمكان يشكون فيه اغلب الشباب

 

[granted]

Up
ان شاء الله يفدونج البنات

 

[ديانا سبنسر]

خلج فرفوشية معاه حاولي توفين اهتماته شنو وتابعيها معاه خليه يشاركج بتفاصيل حملج كلميه عن الياهل وشنو تطلعاتكم وتحضيراتكم عنه اهتمي بشكلج ادري انج حاااامل ومالج خلق بس علشان خاطره شدي على نفسج الله يهديكم لبعض ويهون عليييج ويقومج بالسلامة

 

[فرفورهـ]

لااااا تيبين طاري الكليه واذا سالج قولي كنت احضر واطلع وماعرف احد فيها
حطي فلم وشوفوه وتناقشو فيه
عزميه العصر على كوفي انتي سويها مو لازم برا البيت
حطي جاي عقب الغدا وسولفي وبطي راسه سوالفه
ساليه شنو سويت وشنو حطيت وين رحت وين ييت
والحين اكيد اهو ماقال هالحجي الا لان متضايق ومحتر لانج تعبانه وجذي

والله يوفقج وييسر امورج ان شالله

 

[مناير ...!]

الله يتمم عليج
زين سولفي معاه وضحي وخلج ونيسه

 

[-فلانة-]

ميخالف حبيبتي..هدي بالج ولا تتضايقين،،
ألزم ما عليج راحتج الحين،،
يبي يسولف سولفي معاه،، زهقيييييييييييييييه
سولفي عن كل شي،،
انا عن نفسي كل شي أسولف،، حتى المعلومات الطبية عن الحمال أسولف فيها معاه،، صج إني ساعات أندقر ومايعطيني ويه بس عادي،، ياريح مايهزج جبل :krkrkr:
لا تفكرين وايد شنو لازم تقولين،، خليج عفوية والحجي يطلع تلقائي
عسى ربي يتمم عليج و يرزقج الضنا السليم المعافى إنشالله..​

 

[انثى عاشقة]

ياعمري الحمل تعب الله يعينك ويقومك بالسلامة
انتي تعالي ع نفسك شوية فرفشي اضحكي سولفي معاه
قولي له شنو تحبين وشنو تكرهين
يعني شاركيه اهتماماته وخليه يشاركك اهتماماتك ..
الله يسعدكم ويوفق مابينكم ​

 

[دلع بآبي]

والله احترنا فيهم هالرياييل لو شنو ماتسوين مايبين بعينهم

 

[نور العجمي]

الله يعينك ويصبرك حبيبتي

 

[~Swan~]

سولفي قرقي على راسه تخيليه امج ابوج اخوج اختج
شلون تسولفين وياهم بالزواره وتضغطون بعض بس عالخفيف الريال ما يحب الضغاط القوي لول

جابلوا التلفزيون وعلقوا عالمشاهد والممثلين

فتحي اليوتيوب دوري شي يضحك او اي شي وسولفيله عنه

سولفيله سوالف الفصله

ممممم تكلموا عن الدين

سولفي عن المستقبل تخيلوا بيتكم المستقبلي وعيالكم ووو واشكالكم وانتو شياب


تذكروا ايام الملجة

خو في وايد سوالف

كلش كلش اذا قفلت بويهج فتحي الواتساب وحفظي برودكاست وقوليه حقه

خخخ


امبيه انا عكسج اموت بالقرقه مااسكت بس جدامه

وجدام اهله مسويه نفسي الملاك البريء واللي ما افتهم بشي

حتا اهو يقولي اهلي انتي وايد ذربه جدامهم بس اخ لو يدرون انج ينييييييه ومطلعتلي قرون
بس احلى جذي جدامه شي وجدام الناس شي ثاني لوووول​

 

[Patcholli]

سولفيله عن مواقفج ويا خواتج صديقاتج موقف يظحك موقف حزين موقف غريب موقف اثر فيج ..

عادي سولفيله عن يومج شنو سويتي شنو شريتي شنو مشتهيه شنو بخاطرج شنو مشاريعج

جذي يعني كلشي خلج كتاب مفتوح حق زوجج سولفيله عن اغلب الاشياء اللي تسوينه واللي وديج تسوينها :*

 

[رمز الفخر]

والله ان الرياجيل عليهم طلعاات
لاسولفنا قالوا بطيتي راسي ولي سكتنا استخفوا
ماعليش عبري له عن اللي في خاطرش وتكلمي معاه حاولي تشاركينه اهتماماته
انا انساانه صرييحه ورجلي كتوم ومجنني واربع عشرين ساعه براا والله حلم من احلامي انه يعبر حااولت معااه بس للحين ما فهمته وانا حامل وصار لي ثمان شهور من يوم تزوجت

 

[FJ style]

حبيبتي لا تتضايقين مو وقته كافي اللي فيج
شوفي الريال عمره ما يقدر ظروف المرا
شوفي وانا حامل وحولي عيالي واشتغل وووو تعبااااانه
واهو ايي باردة مبردة (انتي هاملتني وانتي وانتي وانتي بعدين عقب ما سم بدني يستوعب ويقول انا مقدر انج تعبانه
وفوق هذا هم مو مقدر

هذا اهو الرجل مخلوق انااااني
ماراح يقدر تعبج الا من رحم ربي ولكل قاعده شواذ

بس الدور عليج
اول شي ذكري ربج وادعي ان يزيل الهم من قلبج
بعدين
لي ياج زوجج فرفشي وغيري تعابير ويهج وابتسمي
روحيله ومسكيه من ايده وتليه وقعدو عالقنفة او السرير وقوليله شلونك حبي شالدنيا فيك
شلون الجو برا قوليله انج جيكتي عالارصاد الجوية والجو كذا كذا
وفي شنو يحب مثلا مباراة او نادي او نوع سيارة معينه
واقري عنهم وفتحي الموضوع معاه
سولفيله عن البيبي
تثقفي عن مراحل نمو البيبي كل اسبوع
نزلي برنامج baby center من الاب ستور وتابعي حملج اسبوع باسبوع وقوليله شنو قريتي
ان مثلا بهالاسبوع البيبي طلع له مثلا شعر او يتحرك او يفتح عيونه او او او

اذا تحسين وده يعرف ماضيج على قولته
سولفيله السوالف الزينة
ليش خايفه
ريحيه وطمنيه
قوليله عن طريقتج بالمعهد وشلون مثلا ماعندج غير المحاضرات والدراسه ورفيجات زينات ووو

زوجج زهقان لانه عند نفسه هو معرس بسانتي ربج يعلم انتي شلون تعبانه
خلي ايام حملج ذكرى حلوة لج وله

 

[اسيل الصمت]

الحمال بروحه عذاب ومعاناة
الله يكون بعونج حبيبتي

والله النفسيه تصير زفت وقت الحمال غير الوحام و المتن وووو الى اخره
الزوج لازم يقدر هالشغله

الله يكون بعونج حاولي تتقربين له ضغطي على نفسسج شوي شنسوي الوحده ماتغفل عن ريلها شوي
الا انقلبت الدنيا على راسها

 

[ليه الجفآ]

اللله يعينج ...


يمكن انتي حيل قليلة حجي .. ويبيج تسولفين باي شي ..

على قولت البنات .. جمعي سوالف حتى لو م البرودكاست بعد شتسوووين ..

وحتى القصه القصيره احفظيهم شكثرررهم بالجرايد خخخخخ

او اقولج اهني بالقسم اقري سوالف وقصص وسولفيها عليه بطي راسه




الله يهون عليج

هونيها​

 

[aloooya]

حاولي تفتحين مواضيع معاه تسولفين و تخلينه يسولف

 

[روان المطيري]

هههههههههههههههههه
في وحده ضحكني تعليقها ( بطي راسه )
ماقصروا البنات ..
والله يهون عليج

 

[غنج اهلها]

حبيبتي لا تتضايقين مو وقته كافي اللي فيج
شوفي الريال عمره ما يقدر ظروف المرا
شوفي وانا حامل وحولي عيالي واشتغل وووو تعبااااانه
واهو ايي باردة مبردة (انتي هاملتني وانتي وانتي وانتي بعدين عقب ما سم بدني يستوعب ويقول انا مقدر انج تعبانه
وفوق هذا هم مو مقدر

هذا اهو الرجل مخلوق انااااني
ماراح يقدر تعبج الا من رحم ربي ولكل قاعده شواذ

بس الدور عليج
اول شي ذكري ربج وادعي ان يزيل الهم من قلبج
بعدين
لي ياج زوجج فرفشي وغيري تعابير ويهج وابتسمي
روحيله ومسكيه من ايده وتليه وقعدو عالقنفة او السرير وقوليله شلونك حبي شالدنيا فيك
شلون الجو برا قوليله انج جيكتي عالارصاد الجوية والجو كذا كذا
وفي شنو يحب مثلا مباراة او نادي او نوع سيارة معينه
واقري عنهم وفتحي الموضوع معاه
سولفيله عن البيبي
تثقفي عن مراحل نمو البيبي كل اسبوع
نزلي برنامج baby center من الاب ستور وتابعي حملج اسبوع باسبوع وقوليله شنو قريتي
ان مثلا بهالاسبوع البيبي طلع له مثلا شعر او يتحرك او يفتح عيونه او او او

اذا تحسين وده يعرف ماضيج على قولته
سولفيله السوالف الزينة
ليش خايفه
ريحيه وطمنيه
قوليله عن طريقتج بالمعهد وشلون مثلا ماعندج غير المحاضرات والدراسه ورفيجات زينات ووو

زوجج زهقان لانه عند نفسه هو معرس بسانتي ربج يعلم انتي شلون تعبانه
خلي ايام حملج ذكرى حلوة لج وله

ردها وايد روعه :eh_s(7):