رفيجتي أولدت .. شنو اهديها ؟

[Heaven Light]

مرحبااااا بناااات ...
شلونكم ان شاء الله تمام ..
بنات انا رفيجتي توها اولدت ويابت بنت .. ما شاء الله .. الله يرزق كل محرومة بالذرية الصالحة آمين ..
ابي اودي لها هديه لها ولبنتها بس شنو اخذلها .. ابي شي غريب .. ولو عندكم مواقع نطلب منها بليز لا تبخلون علي فيهم ..
بس اهم شي قولوا لي شنو اهديها بالضبط وما ابي من مذركير وما ادري شنو اهي اكيد مجهزة من هل الاماكن .
يالله همتكم بنات ..​

 

[ام عفاف الكويت]

ليش ماتهدينها صندوق مبيت داخله شي يفيدها بعدين مثل قميص نوم او طقم عطر او خاتم ذهب بس اعقد الذهب غالي

وبالنسبه للبنت في وايد اشياء مثلا احنا داخلين شتا روحي اخذي لها جاكيت حق المواليد من لان مارك

وحياج الله

 

[الاسطورية]

كل الي يولدون يحبون الفلوس

 

[Heaven Light]

هلا والله ام عفااف مشكككورة يا قلبي انا فكرت اخذ لها عطر
البنت للحين محتارة ..

 

[ام عفاف الكويت]

البنت احنا الشتا في كفرات يهبلون جيبي لها واحد اللى تدخل داخله او تتغطى فيه بس لاتنسيييييييييين

وردي مو ازرق

 

[Heaven Light]

الاسطووورية اي والله صاجة ..
بس بحدود جم المبلغ ؟

 

[nice smile]

والله انا برايي تعطينها فلوس انتي واللي تقدرين عليه لانه في ناس يعطون 10 وفيه ناس يعطون 100

 

[الاسطورية]

والله غالبا يحطون 30 الرفيجات

 

[Heaven Light]

مشكوووورييين بنااااااااااات .. ما قصرتوااا والله ...

 

[رفرف]

انا اقولج ...


روحي محل ماماز اند باباز بالأفينيوز ..
عندهم خوووووووووش فناتق

عربانات اليهال اتينن ..
والكراسي .. والدوارف احلى من مذركير ..
في العاب هزازة واي حدها عجيبة وجنها غنفة مريحة حق اليهال اسعارها بالثلاثينات وطالع ..
انا خذيت حق رفيجتي منهم سرير متنقل حق البيبي يتسفط وينحط بجنيطة صغيرونة وايد عملي بغيت اخذ حق بنتي بس كبرت عليه ..
وهدوم اليهال بعد حلوة يعني انتي روحي وشوفي شتاخذين لها ..

 

[ملكة بيتها]

أنا والله من فترة رحت بيت ديفا كانت في وحده اسمها داليا العيسى عارضة اكسسوارات ولفت نظري اسوار ينلبس باليد وهوعبارة عن خيط جلد وفيه شكل بنت أو ولد من فضة والحلو ان ينكتب اسم البيبي على شكل البنت أو الولد حده كان راقي وغريب

 

[بيه كويتيه]

انا اقول تودين لها ملابس حق ولدها او بنتها

 

[ملاك-77]

انا رفيجتي توها والده أخذت لها من ريبيل بحولي

كاكاو راقي بـ25 دينار وكنت مفكره أشتري للبيبي

سرير بس بصراحه الوالده تحتاج الفلوس للتجهيز

وفعلا كل الوالدات يفضلون الفلوس لانهم يكونون شارين كل شي

 

[بطاطا]

رفيجتي توها والدة و شريت لها 3 قطع قطعتين عاديين و قطعه فيها 9 اشياء حق الياهل


و ككاو ريبيل بــ 23 لونه ازرق و فيه دبدوب ازرق لانها يايبة ولد


حطيت الملابس بصندوق من فاشن مل و زينته مع كرت و بس

 

[نور دنيتا]

انا اقتراحي وديلها فلوس احسن و حطيهم بحصاله و يم الحصاله دبدوب شكله يطلع يعقد