رفيجتي تحولت فار ابيض صغير !!!

[7elwa&3soola]

السلام عليكم ورحمة الله وبركاته الله يجزاكم خير ويعطيكم الصحة والعافية ​

فسروو لي هالحلم :​

مرت رفيجتي علي خذتني من البيت مع السايق وماسكه بإيدها قلاص جاي كبير ​

وانا بحضني صينية فيها غوري جاي وقلاص جاي كبير نفسها ​

رحنا المدينه الترفيهية وكان المكان خيالي وجميييل لدرجه تفوق الخيال ماي ونافورات وشلالات​

وماي يلمع لامع حلو ​

صعدنا درج عاليمين كانت في قاعة بنات وشباب يدرسون وكلهم عندهم قلاص جاي يشربون​

وكنا نبي ندل معاهم ندرس قالو مافي مكان ولما طلعت من القاعة فوق ساحه فاضية فيها كراسي​

وقاعد فيها الشيخ صباح وقالت رفيجتي امشي نصور معاه ماهتميت وقلت عادي مولازم ومرينا من
يمه ​

بعدها نزلنا ردينا لنفس المكان الحلو وكان في بركة ماي كبيره والماي اللي فيها يلمع عجيب​

وكنا قاعدين نلعب بالماي ونمسكه ورفيجتي قالت ابي اشرب منه قلت لها لااا لاتشربين ​

وشربت منه بإيدها فجأه تحولت الي فااار ابيض حلو صغييير حيل وشلتها بإيدي وقعدت ابجي حيييل ​

حيييل وطلعنا نبي نرد البيت وبالشارع شايلتها بإيدي وتكلم عادي وفجأه طاحت من ايدي في سيارات ةقطاوه وانا خفت عليها خفت قطوه تاكلها او سياره تدعمها ​

لقيتها منخشه بمكان وشلتها بإيدي واناديها واقولها فيج شي وكل وحده ردت البيت ​

وانا بطريج راكبه السياره مع اخوي واقوله احمد وانا ابجي بقولك شي بس لازم تصدقني​

رفيجتي تحولت لفار عاد قال معقوله قال يمكن تصير وبس !​

طالبه عمري 22 ورفيجتي نفسي مومتزوجين ​

والله يجزاااكم خير ويوفقكم ويعينكم يارب :eh_s(17):​

 

[مفسرة الاحلام]

ان صدقت الرؤيا هذي سعادة لحياتك انتى وصديقتك ومواصله لتعليمكم وراحه بال

وقد تلحظين بعض التغير في تصرفات زميلتك وانها بدات لاتهتم بك او تحدث مواقف تضايقك منها والعلم عند الله