رفيجتي قست علي :(

[ملاااك نفسهـ]

صبأأأأأأأأأح إلخييييييير ..

بقولكم سالفتي مع رفيجتي واللي اقدر اسميها اخت دنيايـ وحبيبة قلبي وكل شي بالنسبة لي .. انا وياها عشررررررة عمر

وفاهمين بعض حيل ,, ونكمل بعض !

بسإلكم ..

مويصير بين الخوات عتاب او زعل بسيط تروحيلها وتقوليلها مو ؟

انا ذاكـ إليوم كنت مشتاقتلها مووووت وصار بينا سوء تفاهم بسيط كالع ـادهـ عاديـ

اعووووذ بالله دخل الشيطان بينا وصار هالسوء تفاهم مشكلة وبجي وصراااااااااخ <<

بصراحة ماتوقعت السالفه توصل لجذيـ ,, وتقووولي حجي ماتثمنه وادق ماترد وتكلمني بجفوة

جد جد انا من امس مانمت وكله افكر بالحجي اللي قالته سألتها ليش صايره سلبيه معاي وتفكرين بسلبياتي لهالدرجه مافي موقف ايجابي وياج ,, لهالدرجة هنت عليج ,,

قالت وكلمتها تررررررن باذوني انا صرت سلبيه منج وانا تعبت ومااقدر اتحمل اكثر وانا دايما احس ابجي من الداخل بس اضحك عشانج !

وكانت بترد لماضيها من هالسالفه بس وربي مااحس ان عتابي وصل الاموووووور لهالدرجة وربي لوتدرون شنو السالفه سخيفه لابعد الحدوود << مجرررررد تغلي تقدرونـ تسمونه ؟


وربي لوميتة ارحم لي من اسمع هالحجي منها مو معودتني على جذيـ

شقولها ؟


بناااااات جد مغثوثه من هالسالفه بلييييييييييز لاتستهينون بمشاعريـ ,, سؤري على الاطالة !

 

[شذى الحب]

حاولي تفااهمني معااهااا ليش صرااخ وبجي

الله يخليكم لبعض انتِ كلميهااا حااولي اعتذري منهاا قولي لهاا اسفه اذا انتِ غلطتي عليهاا

اكسبيهااا هذي رفجيتج

 

[الـــغـــلآ]

..~



والله مادري شقولج

انا بس ابي اعرف شنو اللي صاير بالضبط وشنو السلبيات اللي ماسكتها عليج

لان انا اذكر قلت تقريبا مثل هالكلام القاسي لوحدهـ

بس هذيج تستاهل

بس حبيبتي اذا انتي واثقه من عمرج انج ما سويت شي غلط خلاس براحتها هي حره

واذا هي ما تبيج كيفها خليها بروحها والله يعوضج اللي احسن منها يا رب ​

 

[ملاااك نفسهـ]

صعععععععععععععبه بينا عشرة عمر شلووون ؟؟

والله انا حالي من حالج قطت هالحجوة وراحت مدريـ شنو ماسكة علي للعلم انا مومن النووع السلبي نهائي واحب اشوف اللي جدامي بمميزاته مو من عيوبه << لان بنهايتنا بششششششر ؟؟

واعتذرت منها وكلمتها تقولي لاتناقشين بهالموضوع جد وربي مقهوووره ان اغلى الناس تفكر فيج جذي ..

ماقصرتو حبايبي !!

 

[الـــدفـــشـــة]

خليها يومين جذي ليمه تهدى السالفه عقبها دزيلها مسج انه ماكان ودج يصير الي صار وتركيها
عشان تفكر بلي صار وترد المياة الى مجاريها

 

[الـــغـــلآ]

صعععععععععععععبه بينا عشرة عمر شلووون ؟؟

والله انا حالي من حالج قطت هالحجوة وراحت مدريـ شنو ماسكة علي للعلم انا مومن النووع السلبي نهائي واحب اشوف اللي جدامي بمميزاته مو من عيوبه << لان بنهايتنا بششششششر ؟؟

واعتذرت منها وكلمتها تقولي لاتناقشين بهالموضوع جد وربي مقهوووره ان اغلى الناس تفكر فيج جذي ..

ماقصرتو حبايبي !!

الحين انتي معتذرهـ منهآ وهي غلطانه وكآنت قاطهـ كلام شكبرهـ وتقولج بعد لا تناقشين بالموضوع ؟؟
مو سالفه هذه رفيجات اوكي بس مثل ما انتي تحترمينها هي تحترمج​

 

[WHAT`S UP]

بصراااحه مادري شقوول

 

[يوآش يوآش]

رد : رفيجتي قست علي

خليها فتره ..وردي حاجيها

وتفاهمي معاها ..

 

[كويتيه مذهله 87]

فتره وتعدي يمكن معصبه خليها تهدي شوي
واذا ردت مثل الاسلوب ماتشووف شر

 

[:::جرحك وفي:::]

امممممممم شوفي حبيبتي انا انصحج انج ما تقطين نفسسج على انسانة معطتها قدر واهي مو معطتج

نفس هذا القدر

لان باين من كلامج انها غطانة وفوق هذا زعلانة وتقط كلام شكبره وتبي تقطع العلاقة لان يمكن زهقت ..!

انتي ما تشوفين هالشي يمكن من غلاتها عندج بس هم مثل مااهي نفسها عزيزة عليها انتي نفسج عزيزة

انتي خليها تفكر ولا تطلع الغلطة منج طرشيلها مسسج وقوليلها انتي قسيتي علي بكلامج وانا رفيجتج ومن حقي

اعرف الدوافع الصجية لهالخلاف لان مو معقولة تهون عليها هالعششرة وتهدد وتزعل بهالطريقة come on الدنيا

حدها ما تسسوى تبيعج عشان سخاافة ..!

وصدقيني حتى لوترركتج مصيرها بتندم لان ماراح تلاقي احن من قلبج عليها آ ..!

والرفيج الصجي يعدي حق رفيجه صغائر الاموور .!

حبيبتي ادري طولت بالحجي بسس اخر شي بقوله الله يوفقج ويرزقج اللي يقدرج .!

 

[بدورة القمورة]

الله يهديهاااااااا

اصبري شووووووويه لا تكلمينها

 

[حرم القيصركمودس]

رد : رفيجتي قست علي

انا اقول من تجربتي فترة وتعدي
خليها فترة بعدين ردي كلميها عشان تهدى

 

[( المـلاك )]

خليها فترة عشان تهدى الامور
وعقبها واصلي شوفي شيصير

 

[omy nour 3any]

نفس حالتج بالضبط....
بس الحين ارتحت تدرين ليش لاني قطعت علاقتي فيها .....

 

[حكستار]

ما اقدر افيدج
الله يصلح الامور بينكم

 

[كوشيه فوشيه]

رد : رفيجتي قست علي

عادي عادي تصير باحسن العوايل
ياكثر هوشاتي انا ورفايجي
ماكويومين ونرجع انتراضى
انتي الحين اتركيها هاليومين
وبعدها دقي عليها واعتذريلها
وراح ترجع الاوضاع مثل ماكانت
بس اهي عشان معصبه ماتدري شنو قاعده تقول
ولما تراضينها صدقيني راح تضحك على نفسها
وان شاء الله ترجعون نفس اول واحسن
واذا تراضيتو بلغيني اوك

 

[آغلى حــب]

رد : رد: رفيجتي قست علي

خليها فترة عشان تهدى الامور
وعقبها واصلي شوفي شيصير

انا معاهااااا​

 

[black rose BH]

ماعليه هدي اعصابج ياقلبي

مافي شي يسوى بهالدنيآ انتي خليها شوي عشان تهدا الامور مثل ماقالو خواتي الي قبلي

وعقب كلميها قولي لها الي في خاطرج واكيد راح تسمعج

واذا ماسمعتج ولا همها ذي تبي الفكه وتبي اي سالفه عشان تتباعد

بالتوفيق يارب والله يبعد عنج كل ضيج

 

[ملاااك نفسهـ]

احووووم احم ماقصرتوو حبايبي

جد جد اشكركم من قلبي على تفاعلكم الطيب مع ـايـ وهذا إلعشم فيكم :$

حبيت أطمنكم وأبشرررررررركم إنها دقت وكلمتني واعتذرتـ ,, على كلامها وتقووووووووولـ مدريـ شلون قلت هالحجي رديت عليها وقلتـ

صفحة وانطوتـ مانبي نرجع للماضيـ

وسلاااااااامتكم

 

[سيدة الكويت]

رد : رفيجتي قست علي

والله فرحتينى أختى ...والله لا يحرمكم من بعض .. ومرات الصديقات تسير علاقتهم أكثر من الخوات