رفيجتي محتاجه مساعدتكم...سالفتها غير سالفه!!!

[TBOOLA]

السلام عليكم

هالسالفه عن رفيجتي....اهي كانت اتعرف واحد من 3 سنين تقريبا وكان يبيها زواج بس المشكله ان اهوو عصبي وااااايد واناااااني مايقدر..بس يفكر بنفسه....من النوع الي اذا عصب مايشوف جدامه عادي اييها لي البيت ويدق من تلفون البيت اذا ما ردت عليه....وقته اهي ماتبييييه عافها الخااااطر من سوالفه
لما قالتله انا مابيك.. عصب و ياها لي البيت وطق جرس باب بيتها وشالته امها وقالت منو جان يقول اسمه وطلب اخوانها
بس ماكانو موجوديييين....طبعا اهي بوقتها ماااااااتت من الخووووووف مو عارفه شتسوي واهو قال حق اهله عنها عشان ياخذها بس اهله ارفضووووو مارضوووووو
المهم كانت اتعرف اخته
دقت عليها وقالت لها السالفه جان تقولها خلاااااااص الموضوع عندي لا تحاااااااتييين انا راح اوقفه عن حده
المهم عقب فتره جان يوووووخررر عنها...بس درت بعدين من اختها ان اهو ملج على وحده وراح يتزوج .... اهي طبعا افتكت منه قالت اكيد ماراح يسوي شي بعد

المهم امسسس اتصل عالبيييييت واهي شالته وقالها انتي فلااااااانه؟؟ جان تقوله اي طبعا اهي حسبالها هذا ولد عمها
جان يقولها انا فلااااان عرفتيني؟؟؟ اهني اهي انصدددددممممممممتتتتتتتتت
قالها انا لي الحين احبج ماني قادر انساااااج وابييييج طبعا اهي اذا قالت شي مايعجبه يعصب ويشييش وعادي اييها لي البيت
المهم قالتله انا مااقدر اكلمك جان يقولهاا عطيني رقم تلفووووووونج بدق عليج
اهي كان عندها خط ثاني من زمان مو فاتحته جان تعطيه هالرقم وقالتله مافي رصيد قالها اعبيلج بس المهم اكلمج...عقب فتره كلمته من خطها الثاني لانها ماتقدر ترفض خااايفه منه
جان تقوله وزوجتك وينها؟؟
جان يقول موجوده وعندي بنت منها وانا مرتاح معاها اهي مو مقصره معاااي مسويتني يا دهينه لا تنكتين!!!
بس قلبي مو ناسيج ابيج زوجه ثانيه لي.....ماني متخيل انج تاخذين واحد غيري انتي لي انااااا وانا ابيج

طبعا اهي تقوله انا مااقدر اخذك وانت متزوج!
جان يعصب ويقولها وزوجتي شكووووو؟؟؟ انا راح افهمها واكيد اهي تبي سعادتي!!!
شفتوووو الانانيه؟؟؟
اهو من النوع الي يلاحقها عشان يشوفها شنو لابسه؟؟ ويحاسبها على الروحه والرده والمكياج وهالسوالف
يعني واحد ما يطااااااااق مو متفاهم كللللللش

الحين اهي متوهقه مو عارفه شتسوي تخاف تدق على اخته لان اهو يقول انا الحين ريال متزوج وعندي بيت محد يقدر يوقف بويهي هذا حياتي وانا ماسويت شي غلط انا بتزوج ثانيه على سنه الله ورسوله

بنااااااات تكفووون عطوها حل شتسويييي؟؟؟؟
واايد تعباااانه خااايفه يسوي شييي

 

[dl3 q8]

هذا حده لزقه ..

مومعقولة بيقول حق اهلها لان ممكن اهو يتضرر بعد << شكله بس يهددها جذي
اصلا اهي غلطت لما عطته رقمها الثاني المفروض تسكر التلفون بوجهه وماترد عليه ..
هذا صرااحه لزقة ومايستحي ..

انا لو منها ادق على اهله واوقفه عند حده وما ارد عليه .. والخط هذا اكسره واقطه ..
هذا مستحيل يحبها هذا يلعب حاله حال غيره ..

لاترد عليه وتقط الخط وبـــس هذا الحل وغيره مافي .. واذا تعرض لها اهي تدق على اخوانها وتقول لهم هذا مأذيني مو اهو اللي يدق ..

والله يهديها ويفكها من شره انشالله