رفيجه رفيجتي ماتت و ...... !! شسوي ؟؟ =(

[بنت اسكندر]

السلام عليكم ورحمه الله وبركاته

بنات عندي سالفه والله حدي متوهقه ماعرف شسوي












انا مع رفيجتي روح بالروح , رفيجتي الحين تدرس بره و رفيجتها اللي معاها ( تدرس معاها بنفس الجامعه يعني حييل رفيجتها بعد ) , توفت الله يرحمها ,

انا اكثر شي اكلم رفيجتي عالوتس اب

مره قاعده اكلمها الليل الساعه 8 او 9 قالتلي انا بالعزا
و نطرتها لين الساعه 11 و كتبت لها يوم تخلصين من العزا اللي مو داش بمخي بعدين تعالي كلميني

اهي حييل تضايجت مني , انا ما توقعت انه رفيجاتها ماتت و ماادري انه في عزا الليل !!!


المهم هذا اللي صار قبل جم يوم ,
بس المصيبة العوده انها وحيده بره ماعندها احد و كل ما ادق عليها صوتها حيييل تعبان يالله قاعده تتكلم و ااذا كلمتها بالوتس اب بس تشوف شنو كاتبتلها بس ما ترد علي .

انا حيييييييييييل خايفه عليها
شسوي و شقول لها عشان اشوي تتحسن

ماعندي كلام او اسلوب اقولها ياه , ابيها ترجع مثل اول , ابي التعب يروح عنها




بليييييييييييز ساعدوني :tek:

 

[العز انا]

رد : رفيجه رفيجتي ماتت و ...... !! شسوي ؟؟ =(

خرعتيني الله يهداتس ..

عادي دزيلها ادعيه واذكار ..
وخلتس دوم وياها لا تقطعين عنها ونعم الصديقه والله

 

[بنت اسكندر]

شلون ادز لها اذكار

وشدز لها ؟؟

 

[الأماني]

ميخالف خليج معاها ولا تلومينها بشي اهي الحين وضعها صعب بعد فقدان رفيجتها وعسي ربي يعينها ويصبرها

وطرشي لها اذكار الهم والحزن والكرب ودعاء من اصيب بمصيبه وهذي الأدعيه تلاقينهم بحصن المسلم

وقولي لها خليها تذكر ربها وان رفيجتها محتاجه دعائها

 

[شقرديـه عالطل]

دزيلها ادعيه واذكار
وخليج متواصله معاها لاتتركينها عشان ماتضعف اكثر

 

[بنت اسكندر]

جزاكم الله خير

انزين انا الحين بكلمها بالفون بس ماعرف شقولها

 

[الأماني]

جزاكم الله خير

انزين انا الحين بكلمها بالفون بس ماعرف شقولها

اذا دقيتي عليها سالي عن صحنها وذكريها بربها وان الكل ماشي بهذا الدرب واني رفيجتج اللي ماتت محتاجه دعائك

وعسي ربي يثبتها عند السؤال يعني من هذا الكلام

وانتي دايما خليج معاها ولا تخلينها لأن بهذي الفتره تكون محتاجه احد معاها يواسيها ويصبرها

وفعلا مثل هذي الصداقه نادره بالزمن

 

[كراميلا مرة]

الله يرحم رفيجتها
والله يفرج عنها

 

[بنت اسكندر]

والله حدي تعبانة

بس اسمع نفسها ابجي =(

 

[الأماني]

والله حدي تعبانة

بس اسمع نفسها ابجي =(

ميخالف اختي خليج انتي الأقوي

وذكري ربج دايما وعسي ربي يصبر قلوبكم

دايما بداية المصيبيه تكون صعبه وساعات الواحد ما يعرف شنو يسوي

وعسي ربي يطمن قلبج عليها

 

[♥ SWeeRa ♥]

رد : رفيجه رفيجتي ماتت و ...... !! شسوي ؟؟ =(

الله يؤحمهاااااا

 

[عتيبيه رزه]

رد : رفيجه رفيجتي ماتت و ...... !! شسوي ؟؟ =(

الله يرحمها
ورفيجتج لاتخلينها بين كل فتره وفتره دقي عليها او دزيلها مسج وقولي لها ترى الحي ابقى من الميت والكل ماشي بهالدرب ولاتسوين بنفسج جذيه ترحميلها وادعي لها احسن ن انج اتسوين بنفسج جذيه

 

[miss moon-1]

رد : رفيجه رفيجتي ماتت و ...... !! شسوي ؟؟ =(

الله يعينها ماتنلام حاولي تتواصلين معاها على طول وقوليلها تشغل سوره البقره او تقراها عسى الله يثبتها وعينها *

 

[كويتيه مذهله 87]

الله يرحمها ويعين رفيجتج علي الغربه

 

[bitter-sweetness]

الله يرحم اللي توفت
و رفيجتج لا تخلينها مسكينه بروحها
ما عندها احد

 

[Tom ♥ Jerry]

رد : رفيجه رفيجتي ماتت و ...... !! شسوي ؟؟ =(

.


لا حول و لا قوة الا بالله العلي العظيمـ
حياتي حاولي تخففين عليها شوي و تطلعينهآ من الجو الي اهيه فيه
قدر الله و مآ شاء فعل ..
كل وآحد بيوم بيومه و هاذا يومهآ ..
قوليلها تطلب لها الرحمه و المغرفه آحسن من البجي ..
لأنه مآ رآح يفيدهآ بقبرها : )

 

[ام فهووودي]

الله يرحمها

حبيبتي انتي هدي رفيجتج وقوليلها تتعوذ من ابليس عشان لايوسوس لها وتستغفر وتذكر الله ( الا بذكر الله تطمئن القلوب )

وانتي ادعي لها ان الله يصبر قلبها على افراق رفيجتها

 

[بنت اسكندر]

الحمد لله كلمتها احسها حيييل احسن من امس

بس مادري بعد احاتيها يمكن بس جذي تقولي اني زينه =(

و مشكووورين بنات الله يزاكم خير

 

[يالبيه 17]

رد : رفيجه رفيجتي ماتت و ...... !! شسوي ؟؟ =(

حبيبتي ماعليه كلها ايام ان شاء الله وبترجع مثل قبل انتي بس دقي عليها كل يوم وتطمني عليها


والله يعينها يارب

 

[ToOja-_-]

ميخالف حبوبه خليج معاها حاجيها بالفون و قوليلها هذا قضاء و قدر و كلنا بمشي ع هاالطريج

و خليج معاها حتى لو تحاجينها بالوتس اب ماعليه اهم شي تحس انج وقفتي معاها و اكيد هالشي بخفف عليها واايد

و عسى ربي يفرج ضيقتها و ضيقه كل المسلمين يا رب