رقم تلفون من 9 ارقام

[سلالام]

السلام
بنات ما اعرف للمقدمات فبدخل بالموضوع على طول
انا فيه رقم غريب كله يدق علي ومتأزمه نفسيا منه والمشكله انه من 9 ارقام
واللي اعرفه انه ارقامنا بالكويت 8 بس صح ولا تغير وا ؟!
ويكون بداية 7
وانا مطنشه ما ارد عليه فقاموا يدقون علي من رقم ثاني بعد من 9 ارقام
بس بدايته 5
فقلت ادق على زين استفسر منهم عن الرقم هذا بس ما رضوا وقالوا اذا الرقم مأذيج
قدمي شكوى عليهم بس انا مابي مشاكل واهلي يدرون عن السالفه
فشنوا الحل ؟!! وشلون اعرف صاحب الرقم ؟!!
واتمني من اي وحده تعرف تساعدني وتريحني والله يجزاها خير
ضروري بنات
ولاتهونون السالفه ترا والله تعبانه نفسيا منها

 

[Tom ♥ Jerry]

,


طنشششيلا تكبرين السالفه
انا شكثر يدقون علي ارقام غريبه

 

[غصون ق]

انه بعد بس بعض المرات اخلي اخوي
بس اول مره اشوف رقم من ٩ ارقام
ليكون شركه لان بعض المرات يدقون

 

[^ MiSS MoOoka ^]

غريبه من تسـع آرقآم

يمكـن برآمج الآيفون ، في برآمج لهآ ارقآم بس تكون دوليهه فـ يضيفون رقم غير الرقم آلآصلـي
غير الفآيبر والتآنقو ،

بس ططنشي لآ تردين آحسلـج آلي يبيـج ضروري ويعرفـج بيدز مسج ولا وآتس يخبرج انهه الي يدق
لآ تتعبين نفسيتج مآتسوآ عليج آهم شي ان اهلج يدرون مآعليج بذن الله

 

[سلالام]

مشكورين البنات اللي ردوا
بس انا ضروري ابي اعرف اللي قاعد يدق علي منو
لاني شاكه بواحد من الاهل وبتأكد
زين ما فيه برنامج باللي اي فون يبينلي اسم المتصل واذا كان الرقم
دولي من اي دوله
اكيد فيه ياريت اللي تعرف تدلني واكون شاكره لها
والله يجزاكم خير

 

[الجذابـة2022]

حبيبتــي لا تردين على اي رقم غريب يجيج ..

لان هالفترة اجي ارقام غريبة لنا حتى فالدوحة وانا بعد بس مارد

لان اللي عندج من اندونيسيا او من البلادين اللي برع يدقون ويقولون لح ان انا حلمت فيج ان مسوين لج سحر ومن هالخرابيط

او يسون حركة من عندهم بدون ما تدرين ويخصمون من الرصيد ... لاتردين كلش لان هالفترة واجد يدقون من بلادين ثانية

ويتعاملون بسحر ...

بس ماادري اذا غندكم فالكويت هالشي صاير معاكم ولا لا احنا في قطر ياكثرهم اللي يدقون

فالطنشي لو يحرقون فونج لو احد من اهلج مثل ماقلتي على الاقل بدزون لج مسج بيقولون من ​

 

[هناء - Hana]

طنشية خله يتصل لمن يششبع راح يمل صدقيني؛*

 

[اللّہ معي ، ♡]

ليه مكبرتها وهي صغيره طنشششششششي لين يملون



او خلي احد من اهلج يرد وخلصنا

 

[VET-Nour]

ردي ع الرقم وقولي وجعاااا ان شا الله اتدقون لييل نهار عنخيركم ما تتعبون لعنبو داركم لا حشيمه ولا كرامه
و بعدين كحّي جنه هرن سياره و صكري بوجهه

بيحرمون يدقون جذي :d ههههههه

 

[Patcholli]

ليش خايفه وماتبين اهلج يردون وخايفه تصير سالفه حبيبتي انتي ماسويتي شي غلط وبالعكس اهلج بيقولون برافو عليج وقفتيه عند حده والاحسن تخلين احد من اهلج يرد او ياخذ الرقم ويتصرف معاه ..!!

 

[granted]

اختي هذا الموقع يطلع الرقم من اي دوله
International Numbering Plans, © 2001-2012

 

[جوري - q8]

شفيج ترا ٩ ارقام اعتقد بسوق شرق محل عطيتها رقمي ودقت جنه من٩ ارقام ويوم سالتها قالت اي دقت ترا محلات بشرق وتاكدي احسن

 

[روانتي 12]

اذا دق ردي وانتي ساكته وخليج جدام اهلج كلهم عشان مايصير شي غلط
و اذا الي داق ساكت وينطر تردين عليه سكري بوجهه واذا قال الو ردي عليه وشوفي منو و شنو يبي
وبجذي بتنتهي سالفه

 

[سلالام]

جزاكم الله الف خير البنات اللي ردوا
و vet-noor ضحكتيني وانا مالي خلق
الله يوفقج

 

[أإلع ـشق دلع ـهـأإ]

حتى انا دق علي رقم من ٩ ارقام مره وحده

يكفينا شرهم يارب

 

[جذابه بنت ذيابه]

احقري ولا تردين