رمضان يجمعنا ( المائدة الرمضانية هنا وهناك ^^ )

[لبابة]

السلام عليكم ورحمة الله وبركاته
حياكم الله أخواتي كويتيات ومبارك عليكم الشهر الله يجعلنا وإياكم من صوامه وقوامه :eh_s(7):

أتشرف بكوني إحدى عضوات هذا الصرح الجميل والرائع الله يديم بيننا المحبة والأخوة في الله .

حبيت يكون أول موضوع لي هنا خفيف وإن شاء مايكون الأخير

كلنا نعرف إن لكل مجتمع عاداته وتقاليد في رمضان وربما لكل بيت عادات خاصة بالسفرة الرمضانية سواء الفطور أو السحور وأكلات معينة مايستغنون عنها بهذا الشهر الفضيل , من هذا المنطلق حبيت نتعرف على عادات بعضنا وأهم الأطباق اللي تكون موجودة على السفرة واللي يزعلون لو ماسويتيها لهم ويعتبرون أنفسهم صايمين حتى اليوم الثاني :eh_s(4):
هنا راح يكون برنامج كل وحدة منا ونظامهم في الفطور والسحور والأكلات اللي تحبونها وممكن نستفيد من بعض ببعض الطرق

أتمنى ألقى منكم تفاعل :eh_s(7):

فائدة ..

الصوم جنة ..
رمضان من الرمض أي الاحتراق،سمي بذلك لإحتراق الذنوب فيه ...
أو هو من الرمض كذلك ومعناه شدة العطش لأن الإبل يشتد عطشها فيه....

اللهم بلغنا الإستمتاع بقيامه وصيامه والعتق من النار فيه ..


للمشرفة ( إذا كنت أخطأت بمكان الموضوع أعتذر وأرجو نقله لمكانه الصحيح ):eh_s(7):​

 

[لبابة]

أببدأ بنفسي
إحنا نظامنا في الفطور كل شيء سواء لأن بعض الناس يحطون في البداية التمر والماء والعصيرات وبعد الصلاة يكون الأكل الدسم
فطورنا عكس العالم كلهم لأنه يخلو من أي نوع من الحلويات حتى اللقيمات نسويها أحياااااناً بعد التراويح مع القهوة
البطاطس المقلي شيء رئيسي عند أخواني هو والسمبوسة والفيمتو طبعاً :ggdw:
ولابد برضوه من المعجنات والبيتزاء وشوربة الشوفان الحمراء


بعد التراويح القهوة ومعها يا كنافة أو لقيمات أو بف باستري بالجبنة وأحيانا جبنية

وقبل صلاة الفجر بنص ساعة السحور كبسة ولبن وماء


هذا نظامنا وأنتم كيف نظامكم ؟
خلونا نتعرف على بعض أكثر :eh_s(22):

 

[كبرت قبل اكبر]

بصراحه أنا حابه هالسنه اغير ابي قهوة وتمر اول شي وبعد الصلاه الفله وكل سنه أحط القهوه والتمر والسمبوسه والعصير والسلطه شي رئيسي ياتبوله يافتوش والفطائر والحلى اما الشوربه والصواني على الساعه 11 الليل والسحور قبل الفجر بنص ساعه وجبه دسمه وبس ثانكس ياعسل

 

[جارة القمر]

مشكوووووره


أحنا نحط كل شي مره وحده



طبعا لازم التمر واللبن والماي والفيمتو


والشوربة والتشريبه والسلطة



وطبعا الطبق الرئيسي



سوالف مقالي ومعجنات ما يحبون



وبليل غذا جعت اكلت شي خفيف



والسحور متأخر شوي

 

[لعبير]

مرحبا احنا نحط تمر ولبن وشوربه شوفان وتشريبه لحم شي ضروري عند اهلي وصواني ولمقالي وبعد صلاه تراويح قهوه وجاي ولقيمات وسمبوسه او فطاير سحور قبل لاذان بنص ساعه احنا دايما سحورنا سليق او عيش احمر واذا بقي من لفطور شي يسخنونه ادري طولت لووول ،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،​

 

[لبابة]

حياكم ربي ومنورين موضوعي لاعدمتكم :eh_s(22):

حبيت أسألكم وش التشريبة ؟ ممكن طريقتها وإذا فيه لها صورة ما نقول لا


الله يجزاكم الجنة ويبلغنا وإياكم رمضان ويوفقنا لصيامه وقيامه :eh_s(17):

 

[Queen of Sadnes]

كل عام وانتم بخير وتقبل الله طاعتكم
بالنسبه لنا
الاساسي التمرواللبن
السلطه والشوربه
ياتشريبه او عيش
وخبز عروق او كبب وسمبوسه
وبس
والحلو بعد الفطور
التشريبه اتوقع في ناس يسمونها الثريد اللي اهي خبز يتقطع صغار وينصب فوقه مرقة لحم او دياي او خضار

 

[مشغوله و محتاسه]

احنا طرقنا مختلففففه


ببيت اهلي و بيتنا ... نفطر على تمر و لبن و نصلي وعقب نحط الاكل



بيت حمولتي لا طريقتهم يحطون كل شي ..


و بالحالتين حلو ..لان ما يحلى الفطور الا باليمعه و القعده مع بعض ... وهذا اهو اهم شي وقت الفطور

زوجي مو اكوول .. بس يحب يشوف اطباق حلوه و منوعه

التشريبه مقدسه هههههه اعتقد عند الكل

و ولدي هالسنة طالب فته كل يوم !!@@

عندي انا .. السمبوسه غرامي .. لازم موجوده اغلب رمضان

و طبعا في اطباق وااايد لذيذه ... المحاشي و محلبية قمر الدين و الشرررربت البارد اللي يسرسح


اما السحور .. فالعادة يكون من زايد الفطوور


مشكوره عالموضوع

وانتو شنو طريقتكم ؟؟

 

[أحلى همبه كويتية]

مبارك عليكم الشهر حبيباتي وعساكم من عواده

انا في بيتي من السنة الماضية غيرت النظام

احط التمر واللبن وشوية سمبوسة او كبة او شوربة العدس
نفطر وريلي يروح المسجد يصلي وانا اصلي بالبيت
عقبها نحط الأكل الثقيل مع الحلو بسفرة وحدة


الطبق الرئيسي مع ما تبقى من كبب
مع الفيمتو وعصير قمر الدين واللبن مرة ثانية



السحور
عادة يكون شي خفيف يعني مو طبخ مثل الفطور
سندويشات صاج او توست ومرتديلا بالشواية مع عصير
والحمد لله على النعمة


ربي يعوده علينا وعليكم بالخير

 

[أحلى همبه كويتية]

في بيت أهلى يوم الزوارة
نحط كل شي على السفرة
اللي يخلينا نحتار شنو ناكل
ولازم احنا البنات المتزوجات ناخذ بيدنا شي مسوينه بالبيت

ناس تفطر ونصلي ويصير هجووووووووم نكمل اكل وسوالف لما ندوووووخ


بعد صلاة التروايح نحط الشاي واذا فيه حلو بعد عشان باقي الزوار يهلون علينا بعد الفطور

 

[ضحكة الدنيا]

كل عام وانتم بخير

ومبارك عليكم الشهر

احنا نظامنا بالفطور كل شي نحطه مره وحده
الا الحلو مثل الجلي والمحلبيه والكريم كراميل واذا فيه حلو بارد
كله بعد صلاة التراويح
بس الفطور فيه اشياء اساسيه وكلن وله طبقه الي مايستغني عنه
انا بالنسبه لي شي اساسي المعكرونه والسلطه واللقيمات والسمبوسه

اما السحور فهوه يكون زود الفطور

والحمد لله علي النعمه

 

[ثمة ضوء]

احنا بعد الاذان تمر وقشطه وقهوه ومويا وعصير تانج وفيمتو
بعد الصلاه الشووربه والسمبوسه واللقيمااات والبيتزا
خلاص مااافيه شي الى السحور
السحووور شي اساااسي كبسه ولبن وماء تعويض عن الغداخخخ

 

[أم توتو]

انا نظامي في بيتي احط كل شي مرة وحدة لان ماعندي خادمه وهو شوربه وسمبوسه وكبه والطبق الئيسي والحلو والسحور ماتبقى من الفطور اسخنه واحطه للسحور عسى ربي يديمها نعمه ويحفضها من الزوال

 

[dnyay_mll]

مبارك عليكم الشهر
الفطور اهم شي يكون فيه تشريبـه ولقيمـات ومحلبيه هذا اهم شي عندي
والاطباق الباجيه اللي اكون مسويتها مثلا كبب فطاير اطباق عيوش
وبعد الفطور نحلي كريم كراميل او قمر دين او كاسترد

عالساعه 10 نحط الكيك والحلويات البارده والقهوه
السحور يكون من باقي الفطور اذا يعنا مو دايما نتسحر
اهم شي عالسحور محلبيه او كريم كراميل او كاسترد وروب

والحمدلله على النعمه

 

[shams2008]

الفطور تمر ولبن والفيمتو
وكبب والمقالي والتشريبه

السحور الاكل الزايد نسخنه وناكله

مبارك عليكم الشهر

 

[لبابة]

مشكورين على المرور ربي يسعدكم :eh_s(17)::eh_s(22):

مشغولة ومحتاسة .. حبيبتي شوفي نظامنا بأول رد :eh_s(7):