رهنت شوقي وبايع الناس لرضاكــ وانهد حيلـي مــن غرايـب طبـوعكــ
- بادئ الموضوع برنسس أوراق
- تاريخ البدء
الدقه الحاديه والعشروووون
يـ حـسبون
أن المشآآآعر
تسليه ول ـعبة
ورق
ومرت خمس شهوووووووووووووور
جوري حامل بالشهر الثالث
اثير وساره تخرجوا من الجامعه بجيدجدا..
وقدمت ساره على القطاع الحكومي والخاص اما اثير ببالها مواااال نعرفه بعدين
مشعل وفلا تزوجوا قبل شهر وسافروا دبي وردوا عشان دراستهم
نواف ملج على رنا اخت مازن بالاسبوعين اللي يا فيهم واخذها وسافر روما يكمل دراسته والحين خلص سنه ورنا حامل بالشهر الخامس
إيطاليا
روماااااا
الساعه 8 بالليل
رنا طلعت من الغرفه وهي لابسه برمودا جينز للركبه مع بدي وردي كت حرير وواسع عند بطنها وشعرها المصبوغ اشقر مبلل وطايح على جتوفها..شافت نواف سرحان وراحت قعدت يمه وباست جتفه: نوااااف حبيبي شفيك..من اول ما رديت من الجامعه وشكلك متضايق
نواف طالعها وهو يفكر: انتي بأي شهر؟؟
رنا استغربت من سؤاله بس جاوبت: ببلش السادس بعد يومين
نواف بغموض: انزين انا قريت ان المره يصير تولد بالسادس لان الجنين يكون تام الخلقه بس نموه ناقص
رنا باستغراب اكبر: ئي صح بس ليش تسأل؟؟
نواف بهدوء: بعدين تعرفين..بس قومي حطي لي عشى ميت من يوعي
رنا بهدوء: من عيوني حبيبي الحين اجهزلك احلى عشى
نواف طالعها وسرح بعيييييييييييد(صج انج حلوه يارنا وناعمه ومو مقصره وياي بس جنا للحين بقلبي..للحين اميل لها)
+
+
+
+
شقة مشعل وفلا
نفس الوقت بس الساعه
ست المغرب
طلعت فلا من غرفة النوم لابسه بنطلون بيج وتوب ملون
فلا : يلا حبيبي كاني جاهزه
مشعل قام وعدل غترته وعقاله: يلاااا بس انتي متأكده انها ماكو احد..فشله اروح وألقى الحريم عندها
فلا ابتسمت: ئي شفيك امي دقت علي وقالت لي تعالي..جنا ولدت وكلنا عندها..بعد ما يصير ما اروح لها..وبعدين اخوي وعيال خالي كلهم هناك عادي
مشعل ابتسم: عيل مشيناااااااا يلاااااا
نزلوا من الدري وراحوا السياره وقبل ما يركبون دق فون مشعل
مشعل: خلاص ركبي وانا اييج..(ورد)هلا نوااااف
نواف : هلا مشعل..اشلووونك واشلون الشباب وياك
مشعل ابتسم: والله تمام..شوف نويف انا الحين بودي فلا المستشفى..جنا ولدت ويابت بنت وبتروح تحمد لها بالسلامه..انا ادق عليك لما اقعد مع الشباب ماشي
نواف قام قلبه يرقع بسرعه..هذي اللحظه اللي ينطرها ويفكر فيها: ماشي مع السلامه
..سلم على الشباب
مشعل ابتسم: ماشي سلاااام
فلا نادته: يلا مشعل تأخرنا
مشعل ابتسم ويا ركب مكانه: يلا ييت..
فلا : منو هذا
مشعل بخبث: حبيبتي بروما
فلا طقته على ايده: تحجى عدل
مشعل ضحك: هههههههههه هذا نواف
فلا : ئي صج اللي يدرس بروما..اهو جم باجيله
مشعل ابتسم: توه خلص سنه..بس يقول إذا عجبه الوضع بيستقر هناك لانه مرته وياه والحين حامل
فلا ابتسمت: صج ما شاء الله..الله يرزقنا
مشعل طالعها وابتسم: آمييييين ياأم نايف
فلا ضحكت وطالعت الطريج: ههههههههه آميييييين يابونايف
+
+
+
+
بمستشفى الولاده
الساعه 7 المغرب
بجناح جنا الخاص
جنا بهمس: شفتوا البنيه؟؟
ام زياد ابتسمت: ئي شفناها قبل ما نييج..ما شاء الله يايما..طالعه تشبهج
ام ناصر: شدراج..انا شفتها تشبه ولدي ههههههه
جوري: عاد بدت هوشة الحموات
الكل: هههههههههههههههههههههه
ام جوري: الله يقومج بالسلامه يايما وتشوفين ولدج انتي وزياد معرس قولي آمييييين
جوري بخجل: آميييين يارررب
جنا ببحه: ناصر كان يبي ولد..لا ومسميه احمد بعد
ساره: انتي ما سويتي سونار..بس اهم شي انج جهزتي لون محايد بيج..لا ازرق ولا وردي
ام زياد : والبنت شفيها؟؟ البنت روح ابوها يايمه
ام ناصر ابتسمت: وأنتي الصاجه..اصلا ما شفتيه يوم قالوله بنت بغى ين من الفرحه لانه طول عمره وحيد وما عنده خوات وبنته خلته يعيد حسابته شوي
جنا ابتسمت لهم: يااي ودي اشوفها
ام تركي: لاحقه بتشوفينها بس ترتاحين ييبونها لج
فلا : الا صج سميتوها
جنا : لا ما اخترنا اسم..
ام ناصر: صبروا اسبوع..السنه تسمونها بعد اسبوع..
ساره: انزين شرايج تسمينها ساره
جوري: لا جوري احلى..انا مرت اخوج..وبسمي جنا إذا يتني بنت
فلا ضحكت: هههههه لا انتي ولا اهي..سموها مسك او افنان او شهد او غلا..او امممم ما ادري فيه وايد اسماء حلوه ويديده
جنا ابتسمت لهم: ما ادري بشوف ناصر بالاول..
+
+
+
+
نرد لروما
وعند نواف اول ما وصل له الخبر
رنا حطت صحون العشى: يلا حبيبي العشى جاهز
نواف قام واخذ سويجه وراح للباب: تعشي انتي..انا تذكرت شغله ناسيها بخلصها وايي
وطلع بدون ما يعطيها فرصه تسأل
رنا باستغراب: شفيه؟؟ توه يقول ميت يوع والحين يقول بطلع..(وتنهدت)آآآآه..اتعشى وانام احسن لاني شكلي بتعب وياك يانوااااااف..
اما نواف راح لاقرب سفريات وسأل عن التذاكر وحجز تذكرتين للكويت باجر الصبح..
+
+
+
+
بالمستشفى
الساعه 9 بالليل
بالاستراحه
ساره: هلا ثوثو
اثير ابتسمت: هلا سارووووه وينج من الصبح ادق عليج ما تردين
ساره ابتسمت: ئي احنا من الظهر بالمستشفى مع جنووو..ولدت
اثير : صجججج..متى ولدت؟؟ وشيابت؟؟
ساره : يابت بنوووته وولدت المغرب الساعه ست بس تصدقين ظلت من الثنتين الظهر يالله ولدت
اثير : ئي مو بكر وطبيعي بعد اكيد ولادتها بتكون صعبه وتطووول..
ساره: انزين ثوثو الحين انا اخليج..الزياره انتهت ورئووود يناديني بنطلع
اثير: اوكي بس تدرين نسيت شكنت بقولج..ئي ئي تذكرت..بسجل بدورة تمريض وإسعافات صحيه ب...
ساره باستغراب: شحقه دورة تمريض..مو ميولج وبعدين تخصصج غير..اخذي شي ينفعج للوظيفه
اثير: لا يالخبله يمكن اشوف المزيون اللي احلم فيه بالليل والنهاااار
ساره ضحكت: ههههههه مالت عليج وعلى عقلج..خو روحي له العياده وبطيها بويهه قولي له انا احبببك وخلاص ههههههه
اثير قامت تغني لعبدالحليم:
على قد الشوق
اللي بعيوووونه
ياجميل سلــــم
انا ياما عيوووني
عليك سألوووني
وياما بتألم
وبخاف لا تصدق
يوم الناس واحتار
واوصف للناس
الجنه وانا في النار
وبخاف لا تصدق يوم الناس واحتار
واوصف للناس الجنه وانا في النار
رائد بصراخ: سااروووووه يازفته امشي بسررررعه
سااره بهمس: ابببببيه ابيييه ثوثو الله يقطع شرج زفني رئوووود يلا بااااااي..خليج مع عبدالحليم هههههههه
اثير ضحكت: هههههههههه باااااااي
ساره راحت له شبه تركض: يلا يلا كاني يايه
رائد بهمس: وينج من تحاجين؟؟
ساره : يوووه شفيك احاجي اثير..وبعدين لو ادري انك بتعصب جان ييت بسيارتي
رائد : جببببب بس امي وابوي ناطرينا بالسياره من عشر دقايق
ساره سكتت وصارت تتحلطم بنفسها
+
+
+
+
انتهى البااارت
الدقه الثانيه والعشروون
أ ح ـباب
كانوا
ق ـدرهم
فوق
الاص ـحاب
خ ذتني الدنياآ
ب ـع ـــيد
وخذتــني
تـعبـت أدور
م ـثلهم أص ـحاآب
في وقـت حتى ضحكتي
ت ـعبتني
مطار الكويت..
بوابة القادمين..
الساعه 3 العصر
رنا تمشي مع نواف وهي تفكر: الحين بتروح لبيتكم تشوف ابوك على طول ولا اشلووون
نواف وباله مشغول: لاا بوديج شقتنا بالاول وبعدين بمر ابوي اشوفه واردلج
رنا: انزين ليش ما ايي معاك بسلم على عمي واتحمد له بالسلامه
نواف: لاا خليج بالشقه احسن يمكن يكون عنده رياييل ولا شي..انا بالليل اوديج له
رنا : براحتك..بس والله يبتنا فجأه..زين انك معطل الحين ولا جان توهقنا صج
نواف (اففف): رنا خلاص لا تقعدين تحنين على راسي..بالي مشغول الحين..وبعدين تخيلي يدق عليج مازن ويقولج تعالي ابوي تعباان حيل شتسوين؟؟ وصج مابي احد من اهلج يدري اننا يينا
رنا : ليش مشتاقه لأمي بشوفها
نواف صارخ عليها بوسط الشارع: اوهوووو قتلج مابي احد يعرف وبسسسس شنو ما تفهمين
رنا تفشلت من الناس اللي سمعتهم وركبت معاه التاكسي وهي ساكته وزعلانه
اما نواف كان يفكر(يارب تضبط يااارب..بس المشكله رنوو اشلون اقنعها بالسالفه واشلون تولد بالسادس)
+
+
+
+
بمستشفى الولاده
نفس الوقت
بجناح جنا
كانت توها ماخذه شاور سريع ولابسه من قمصان النوم الطويله اللي يابتها امها..ساتان سكري فخم وفوقه شال عشان ما يدشها برد واهي نفاس>>نصايح امها خخخ
انسدحت بفراشها وضغطت الزر
ثواني ويتها السستر المصريه: ايوه يامدام جنا عايزه حاقه
جنا : ابي اشوف بنتي
السستر ابتسمت : دلوقتي هبلغهم يجيبولك بنتك..تحت امرك
جنا ابتسمت : مشكوووره
وخذت فونها من الكوميدنه ودقت على ناصر
ناصر بهمس: ياهلا وغلا ومسهلى بااحلى ام بالدنيا
جنا ضحكت: ههههههه وينك انت طولت؟؟ بتخلص الزياره
ناصر ابتسم: شسوي حبيبتي كان عندي شغل خلصته ومريت اييب لكم غدا..دقايق واكون عندج
جنا بهمس: زين لا تطول الحين بييبون لي البنوته برضعها
ناصر بخبث: شنو يعني تبيني اشوفج وانتي ترضعينها هههههههه
جنا بحيا: لااااااا نااااااصر
ناصر ضحك: هههههههه شوي شوي لا يروح صوتج..يلا باااي
جنا بدلع: بااااااي
سكرت منه وكانت السستر توها يايبه البنت وياها..حطت سريرها يم جنا وطلعت
جنا ابتسمت بلهفة الام ولمع بريق عيونها وتوسعت ضحكة شفايفها وهي تشيل بنتها بكل هدوء وتضمها لصدره بحنااااان كبييير وتشم رقبتها وتبوس خدودها: واااااااااي بنتي حبيبتي..رووووحي انتي..احبببببببج احبببببج احببببج واخيرا صرت ام وشفت لي بنت نفس ما كانت امي تدعيلي..وااااي مو مصدقه..شحلاتج..شصغرج..صغنووووونه..
ومع هالمشاعر الكبيره ما قدرت الا انها تقرب بنتها لصدرها وترضعهااا وهي ميته من الفرحه
دقايق وحست جنا ان بنتها شبعت وغفت على صدرها..ابتسمت وشالتها بهدوء وحطتها بسريرها وقامت للحمام
وبهاللحظه دش نواف وهو خايف من اللي بيسويه
ما شاف جنا وتحبط
نواف: افففف وينهاااا؟؟ (لمح سرير البنت وقرب منها)حسااافه ما شفناج ياجنااا بس عادي هذي بنتج..قطعه منج..بس من اليوم ورايح بتصير بنتي وباسمي..ذكرى منج لي
ضحك بنفسه على افكاره الشيطانيه وسحب سرير البنوته بكل هدوء
بس السستر وقفته بالطريج: ايه يااستاز واخذ البنوته فين
نواف ارتبك : ولا شي مرتي شافتها وبردها الحين الحضانه
السستر قربت بتاخذ منه السرير: طيب استريح انته وانا هوديها
نواف (شهالعله هذي الحين تطلع جنا واتوهق): لا مشكوره انا بوديها بنفسي بس ييبي فراشه تدليني المكان لاني ما حفظته
السستر صدقت: شكلك مش مصدق انك صرت اب هههههه خلاص هبعت معاك ميري..(ونادتها)ميري ياميري تعالي خودي الاستاز
يت ميري ونواف راح وراهااا وتنهد بقوووه ان السستر ما شافته وكان طول الوقت منزل راسه وخايف لحد يلمحه ويعرفه
ميري كانت تمشي وتدز السرير بهدوء
نواف طلع من بوكه 300 دينار بربطه وحده وحطهم بجيب اليونيفورم مالها وهمس: طلعيها لي لسيارتي وهالفلوس كلها لج ومابي احد يدري بلي صار ولا انج شفتيني
ميري قلبها رقع من المبلغ اللي حسته كبير على جيبها ووافقت لان حاجتها للماده غلبتها: يس سير انا ما يشوف انته
مشت جدامه ووصلت صوب جناح الاطفال..
وقفت بزاويه وشالت البنت ولفتها بشيلتها السودا
ميري: انا فيه يطلع الحين بس هدا فلوس يكفي حق تزكره عشان انا مافيه يقعد هني..بعدين هدا سستر يسأل انا وين روح بنيه
نواف بهمس وهو يتلفت: لا تخافين يكفون انج تحجزين تذكره واثنينه وثلاثه بعد..بس اهم شي محد يدري
طلعت ميري وهي متانسيه ظميرها وفرحانه بالفلوس اللي يمكن بخمس سنين ما تحصل ربعهم
ونواف اول ما تأكد انها حطت البنت بسيارته قالها تركب وشخط بعييييييييييد: شوفي الحين بوديج شقة خدم قعدي فيها هنااك زين
ميري وهي تشوف البنت بحضنها: اوكي بابا انا خلاس يبي يشتغل غير مستشفى..يمكن فيه مدرسه يبي فراشه
نواف التفت للبنت : عطيني اياها
ميري شالتها وعطتها لنواف وحطها بالمقعد اللي يمه وخذته الافكار لبعيد: الحين باقي رنووو نولدها ونسجل ولدي والبنت باسمي..عيالي التؤم..هههههههههههههههه..والله وضبطت معاك يانواف..إذا ما حصلتج ياجنا احصل بنتج..كافي على نصور انتي..هههههههههههههههههههههههههه
بعد مده وقف سيارته عند منطقة عزابيه وخدم ونزلت ميري وحرك اهو ووقف مره ثانيه عند اقرب صيدليه ونزل يشتري دوا
نواف مرتبك: لو سمحت عندك شي يسرع الولاده..مرتي حامل وبتخلص التاسع وخايفه تتعسر ولادتها هههههههه
الصيدلي ابتسم: ايه فيه نسوان كتير بيوصلو العاشر ولسه ما ولدوا بيكونوا اكلو لحمة جمل او شي..عالعموم سواني وبجبلك الدوا
دش الصيدلي داخل ونواف يفكر(والله هالناس ينقص عليهم بسرعه..يعني هذيج السستر بسرعه صدقت اني ابو البنت..هههههههه شنو يعني ما شافت نصووور امس..وميري الخبله عشان الفلوس سوت اللي ابيه..وهذا الغبي بعد بسرعه صدق ان مرتي بتولد هههههههههههههه ولا الناس اللي بممرات المستشفى يطالعوني ويبتسمون عبالهم انا الابو اللي مو مصدق انه يتله بنت ههههههههههههه)
بعد ثواني اخذ الدوا وحاسب وطلع وراح للشقه على طووووول
+
+
+
+
اما بالمستشفى
قبل هالوقت بنص ساعه
اول ما دشت جنا الحمام تغسل
طلعت جنا وهي مبتسمه..لكن هالابتسامه تلاشت اول ما شافت سرير بنتها مو موجود: وينها؟؟ معقوله يت السستر وخذتها
راحت قعدت بسريرها وضغطت الزر ويتها السستر نفسها
السستر: ايوه يامدام
جنا : وين بنتي؟؟ انتوا وديتوها؟؟
السستر: هو حضرتك انا شفت ابوها وخداه ومرجعها للحضانه ماقاش لسه
جنا باستغراب: ناصر يا..غريبه ما حسيت..(وطالعتها)خلاص مشكووره تعبتج وياي
راحت السستر وجنا رفعت فونها بتدق على ناصر بس كان واصل
ناصر بابتسامه وهو يدخل ويحط اكياس الغدا: والله كاااني..سوري حبي تأخرت علييييييييييج
وقرب منها وباس خدها
وفتح الاكل وحطه جدامها عالطاوله عشان تاكل
جنا ابتسمت له وبدت بأكل السلطه: حبيبي انته بس انشغلت عليك
ناصر ابتسم: ما ينشغل بالج على غالي..الا وينها بنتي حبيبتي مو تقولين بترضعينها
جنا هني وقفت اكل وطالعته: رضعتها وحطيتها بسريرها ورحت انظف صدري بالحمام وطلعت ما لقيتها..السستر تقول انته ييت ورديتها الحضانه
ناصر بصدمه: اناااا..ما شفتيني توني ياي..وبعدين شكو اردها وانا ابي اشوفها
جنا بخوف: عيل منو خذاها؟؟
ناصر وقف وباس خدها: حبيبتي انتي اكيد ضاري ولا واحد من اخوانج وهالخبله ما عرفته مو امس كانوا كلهم عندج ويمكن ما ميزت منو ريلج..انا بروح اشوفها وانتي اكلي اووووك
جنا ابتسمت له بثقه: اوووووك لا تطووول
طلع ناصر وجنا ردت تاكل من السلطات والورق عنب
مر الوقت وخلصت جنا اكلها وكانت بتنام وناصر ما رد وبدت تخااااف لما سمعت صوت صراخ وهواش عند الرسبشن مال قسمهم
وطلعت تمشي بثقل وشافت ناصر معصب وويهه احمر ولعن ابو ابو اسلاف الممرضات بالسب: انا الحين بعررررررف منو اللي خذاااااها..شهالتسيب اشلوووون تخلون اي احد مني والطريج ايي وياخذ عيال النااااس..والله لاوريكم..والله لأدخلكم المحاكم من صغيركم لكبيركم..اشلوووون تضيعون يااااهل اشلوووووووووون..صج لا قالوا..مصريين وهنود لاهين بالسواااااالف والاكل والقرض بالنااااس..اتفوووووو عليكم اتفوووووووووووووو
جنا بخوف راحت وخذته من بين الفراشات والناس اللي ماسكينه: نااااااصر..وخروا انتووووا..هديه انتي الثانيه..(وطالعت بعيونه)ناااصر شفيك؟؟؟ منو اللي ضايع؟؟ ووينها بنتي؟؟
ناصر مسكها ووداها لغرفتها وغصب ماسك اعصابه لا يعصب عليها: ماكو شي حبيبتي دشي انتي داخل ناسيه انج نفاس وطالعه بلبسج للناس
جنا فقدت اعصابها: ماااابي مااابي قولي وينها بنتي؟؟ ليش قاعد تصرخ عليهم؟؟
السستر تبلع ريجها بخوف: هوو حضرتك يامدام مش طلبتي بنتك عشان تشوفيها وبعتيها مع ابوها للحضانه خلاص حتى انا بعت ميري معاه
ناصر صارخ عليها: شنووو انتي غبيه..مو ماكله فول اليوم ولا شنو نظامج..اي ابوووو اي ابوووووووووووووووو..انا ابووووها توني داش جدامج ما تشووووووفين
جنا توها تستوعب الوضع..نزلت دمعتها وهي تطالع ناصر والممرضات بخوف: يعني شنووو؟؟ وينها بنتي؟؟ منوو خذاها؟؟ إذا ناصر ما خذاها وانتوا ما تدرون عنها يعني خطفوها..(وشدت ناصر من قميصه)خطفوها نااااصر بنتنا رااااحت..خطفووووها..قوووووولوا لاااا تكفوووووووووون قوووولوا لا..قولوا ان ضاري مسوي فيني مقلب..قولوا انه رائد او زياد مسوين فيني مقلب(وصارخت)شفيكم سااااااااااااااااااااااااكتين
طاحت عالارض وهي تبجي والكل واقف محتار..وبعض الرياييل قاعدين يتحسبون عالممرضات التسيب اللي صار والبعض خاف على بنته او ولده وراح يتأكد من وجوده وصارت فضيحه عووووووده
ناصر رفع جنا عن الارض وهو مانع دمعته لا تطيح وطالع الممرضات بتوعد وعيونه تطق شراااااااار: لا تقولين جذي إن شاء الله بنلقاها اكيد مع ميري او واحد من اخوانج مسوي فينا دقه
وبهااللحظه يا مدير المستشفى بنفسه بعد ما وصلت له السالفه: خييييييير شصاير هني؟؟
+
+
+
+
اما بشقة نواف
الساعه خمس المغرب
اول ما يا كان مأذن العصر
دش وبيده البنت واهو خايف من ردة فعل رنا لا تشوفها
بس ما لقاها بالصاله واستغل الفرصه وعلى طول دخل غرفة مكتبه وحطها على قنفه جلد وكانت نايمه وهالشي اللي خلاه يرتاح
واول ما طلع راح لغرفته النوم وكانت رنا نايمه من تعب الحمل والطياره
نواف: الحين اشلون اعطيها الدوا
رنا حست فيه وفجت عيونها: نواف ييت؟؟
نواف ابتسم لها على طول: ئي حبيبتي..انتي شفيج نايمه ماتبين نطلع نتغدا نتمشى؟؟
رنا بتعب: لا حبيبي وين نتغدا الحين صار العصر
نواف يمثل الحب: انزين شفيه صوتج..تعبانه؟؟ تبين اوديج المستشفى
رنا عدلت قعدتها: لاا شدعوه عادي بس تدري تعب الطياره والروحه والرده بالمطارات..بس ما عليك امر حبيبي ييب لي قلاص ماي
نواف ابتسم(ابيها من الله انا): افاا ثواني ويكون عندج احلى قلاص ماي..وقلاص عصير بعددددد
رنا : تسلم حبيبي
قام نواف المطبخ التحضيري..طبعا ما فيه اغراض ولا شي لانهم ما سكنوا فيها الا ليله العرس بس قبل ما يسافرون بس فيه عصاير وماي
اخذ لها عصير اورنج ذوب فيه حبتين من الحبوب مع قلاص ماي ورجع الغرفه وبيده الصينيه
+
+
+
+
بيت ابوناصر
الساعه سبع المغرب
بجناح ناصر
فتح الباب لجنا اللي منتهيه من التعب وكان شايلها اهو وامه
سدحها بالفراش وتنهد
ام ناصر بدموع: حسبي الله ونعم الوكيل فيهم..اشلون يضيعون البنيه جذي؟؟ ما يخافون من ربهم؟؟
ناصر دخل ايدينه بشعره: تكفين يما ارحميني بروح اللي فيني كافيني..وما صدقت متى نامت جنا
جنا بهمس : ن..ناصر سميتها؟؟
ناصر بلهفه: ارتاحي انتي الحين وإن شاء الله بنلقاها..ضاري ورائد وزياد وحتى تركي ومشعل قاعدين يدورون بالمستشفى
جنا بضعف وهي تبجي وتطالع الشباك: سمها روح..روح ضاعت مني..
ناصر ما قدر يكبت اكثر ودفن ويهه بحضن امه وبجى
وام ناصر بجت بعد من كبر المصيبه وهي تتحسب عليهم
+
+
+
+
نرجع لنواف ورنا
ورنا بعد ساعتين من شربها العصير كانت ميته من التعب والألم والعواار أسفل ظهرهاااا: آآآآآه نااااصر ناااااااصر بطني يعوووورني ألحقني بموووووووووت
ناصر يمثل الخوف: حبيبتي شفيج شصاير؟؟
رنا ماسكه بطنها وظهرها وتتلوى بمكانها: ما ادري ما ادري بطني يتقطع..فجآه حسيت بعووووار..آآآآآآآآآآآآآآآآآآآآآآآآآآآآآآآآآآآآآهـ
ناصر بسرعه شالها ووداها لآقرب مستشفى وكان يهديها ويفكر(يارب ما تقعد تبجي واحنا طالعين وننفضح عند الجيران): لا تخافين حبيبتي لا تخافين قربنا نوصل
رنا ظلت طول الطريج تصارخ لحد ما وصلوا المستشفى ونزلها ناصر على طول وراح وياااااااااهاا
وبعد الفحص
الدكتور باستغراب: انت زوجها؟؟
ناصر بلهفه: ئي دكتور بشرررررر
الدكتور : مرتك معاها ولاده مبكره..الظاهر انها شاربه شي يسرع ولادتها او يمكن عبالها بهالطريقه تجهض الجنين
ناصر بخوف: ما ادري دكتور اهي توها بالسادس..انا كنت طالع بشغل وييت وشفتها تعباااانه
الدكتور: احنا بنولدها قيصري ولازم توقع الحين
ناصر بسرعه: ئي ئي اوقع عااادي
وراح مع الدكتور وقع على اوراق العمليه ودخلوا رنا غرفة العمليات وبعد سااااعات من الانتظار ولدت
ناصر: ها سستر
السستر نزعت كمامها: ولد زي القمر..بس نموه ناقص وحنوديها الشيشه
ناصر(احسن عشان ما خربط لو يابت بنت): صج مشكووووره سستر اهم شي مرتي اشلوونها
السستر: لا اتطمن دلوقتي هيا بخير بس نايمه ومحتاقه لراحه وتغذيه
+
+
+
+
انتهى الباارت
Zhoor el7lwa
New member
بيبي 22
New member
هالكلب نواااااااااااااااااااااااااااااااااف << سوري عالكلمة بس صج صج حمااااااار :eh_s(14):
شلون ياخذ ياهل ويحرمها من امها وابوها بس عشان يبي ذكرى من جنووون شهالسخافة والنذالة هذي :eh_s(14): :eh_s(14): :eh_s(14):
الله يصبرج جنووون ويصبرك ناصر والله ما تستاهلووون
بس ان شاء الله ضاري او احد من اخوان جنووون يلقوون الياهل ويذبحووون نواااف الزفت :eh_s(14):
ناطرييين تكملتج حبيبتي ... سوري عالانفعااال :eh_s(22):
شلون ياخذ ياهل ويحرمها من امها وابوها بس عشان يبي ذكرى من جنووون شهالسخافة والنذالة هذي :eh_s(14): :eh_s(14): :eh_s(14):
الله يصبرج جنووون ويصبرك ناصر والله ما تستاهلووون
بس ان شاء الله ضاري او احد من اخوان جنووون يلقوون الياهل ويذبحووون نواااف الزفت :eh_s(14):
ناطرييين تكملتج حبيبتي ... سوري عالانفعااال :eh_s(22):
princess roro
New member
O m g
ليش آمبي حرآم ليش يآ نووآف
مآلت عليگ يآرب يجگونه يقولون له بس عندگ ولد مو بنت
بذبححه
نآطرينج حوبيٓ
ليش آمبي حرآم ليش يآ نووآف
مآلت عليگ يآرب يجگونه يقولون له بس عندگ ولد مو بنت
بذبححه
نآطرينج حوبيٓ
ههههههه حبيبتي انتي لا تنفعلين..بتدور الايام عالظالم بس تابعي..ولا تستغربين في ناس تفكيرها اسخف من جذي واااايد
الدقه الثالثه والعشرووون
قول احبكـ
قول وطيرني
بهواكـ
احس الدنيا اجمل وانا يمكـ
قول احبكـ
خلني اعيش (عمر)ثاني
قولها وزلزل كياني
عيدني لدنيآ البيآض
بمستشفى ال..
الساعه 9 بالليل..
الموظف: شنو بتسميهم؟؟
نواف بابتسامه واسعه: احمد وجنا..بتاريخ اليوم 22/ 4
وقف شوي وبعد ما تاكد من تسجيل اسماءهم رجع لرنا بالجناح
رنا كانت قاعده من خمس دقايق بس العوار مسكتها
نواف دخل والابتسامه شاقه ويهه: الحمدلله على سلامتج حبيبتي
رنا بحده: اطلع براااااا اصلا انته السبب انته اللي شربتني عصير ما ادري شنو حاط فيه وبعدها انا حسيت بعووار ولا اشلون بولد بالسادس اشلوووون..
نواف يمتص غصبها..قرب منها وباس شفايفها بقوووه وحرك اصابعه على خدودها ورجع شعرها ورا: حبي..الحين انتي ولدتي وصار عندنا توم بنت وولد وتقولين انا السبب..
رنا بدهشه: توم
نواف بخبث: ئي ياقلبي توم..جنا واحمد..
رنا نست زعلها والابتسامه شقت حلجها: بس انا سويت سونار بروما وقالت لي دكتورتي ولد بس
نواف باس خدها : عادي حبيبتي الطب يخربط مرات..يمكن عشان جذي انتي تعبتي..ما سمعتي ان البكر إذا كانت حامل بتوم تولد مبجر
>>يشلخ عليها
رنا بضياع: امبلاا بسسسسسس
نواف باس شفايفها: لا بس ولا شي..الحين ابيج ترتاحين وما تفكرين بأي شي غير انا وانتي وعيالنا
رنا ابتسمت: انزين قلت لآهلي
نواف : لااااا محد يدري اننا ردينا..بحجز لنا نسافر باجر ونرد لروما وإذا وصلنا هناك ندق عليهم ونقول لهم
رنا : ليش عاد خلنا نقول لهم..عشان اييون يباركون لنا
نواف (مو إذا شافوني بالديره بهالوقت بالذات بيشك فيني اخوج): حبي انا اخاف عليكم من العيييين ومابي احد يدري الا لما نصير بروما عشان محد ايينا ويصك عيالنا بعيييين..ترضين يمرض واحد من التوم بسبة العين ونفقده بعدين
رنا بسذاجه: لاااااا لااااا كلش ولا عيالي..خلاص ما نقول لآحد..نسافر باجر وبعدين نقول لهم
نواف ابتسم وخذته الافكار لجنااا
+
+
+
+
بعد يومين
بيت ابوناصر
الساعه 2 الظهر
كانوا ابوزياد وعياله وضاري وابوتركي وعياله وحتى نسيبه مشعل مجتمعين ويسولفون بالمصيبه اللي صار لهم يومين وماكو حديث غيرها..ضياع روووح
ناصر قاعد بزاويه وهموم الدنيا على راسه وصاكه بويهه وحده مغلق: ...........
مشعل يطالعه ويحاجي ضاري: لا حول ولا قوة إلا بالله
تركي: مصيبته كبيره..الله يكون بعونه
ضاري : والله جنا كاسره خاطري..صايره نفس الليمونه..شوي وتموت من الخرعه
زياد : بنتها لا تلومها..انا لو تييب جوري ويصير معاها نفس الشي يمكن نين انا وياها
ام زياد راحت لناصر وشدت على ريله: ناصر حبيبي اذكر الله..تحسب عليهم فبنتك..وإن شاء الله ربي يعوضكم بأخت واخوان غيرها
ناصر بصوت مكسور: هذا اول فرحتي وبجري..محد بعوضني عنها..لو يبت عشره غيرها ما يعوضني عنهاا
ام زياد قلبها مكسور على بنتها وريلها بس شتسوي لازم تصبرهم : حسبي الله ونعم الوكيل فيهم..الله لا يحللهم لا دنيا ولا آخره..قوووم يمه قووم روح لمرتك وطيب خاطرها ترى انا وامك والبنات تعبنا معاها وما رضت تاكل ولا تشرب..اهي نفاس والله مو زين لها..
ناصر تنهد وقام عنهم: ........
ابوناصر قلبه مفطور على ولده: وين يبه؟؟
ناصر ببحه: بشوف جنا يبه مو راضيه تاكل ولا تشرب
راح عنهم والكل يطالعهم بشفقه
+
+
+
+
روما
نفس الوقت
بس الساعه سبع
اول ما وصلوا من المطار
رنا على طول لفت لنواف وخذت منه سراير العيال: عاد الحين ما عندك عذر..بشوفهم
من ولدتهم واهم بالشيشه وصعدنا الطياره ويينا وانته مانعني عنهم
نواف ترك السراير المتحركه عند الباب ودش الغرفه وهو يحاتي ردة فعلها إذا شافت الاختلاف بأحجامهم: انا بروح اريح حدي تعبااان
رنا ما اهتمت له لانها كانت مشغوله باليهال..رفعت الستاره عنهم وابتسمت للوهله الاولى بس بعدين شهقت: ليش جذي حجم جنا مختلف عن حموودي؟؟
تذكرت لما نواف يسألها عن المره إذا ولدت بالسادس وقارنت بين كلامه وحالتها بعد ما شربها العصير وردتهم المفأجاه و..و..و
وقامت بسرعه ورا نواف: الحين فهمت؟؟ طلعت واحد حقير وقلبك اسوووووووود وما تخاف من ربك بعدددد
نواف كان يطلع له بيجامه: احترمي نفسج
يارنا
رنا بصراخ وويهها احمر: لااااا وتسألني عن المره إذا ولدت بالسادس اشلون يكون نمو الولد وبعدين فجآه تطلع من البيت وترد الفير ومعاك تذاكر وتبينا نرجع لان ابوك مريض..وانا مثل الغبيه صدقتك لما قتلي لا تقولين لآهلج وسكت لما ما خذيتني معاك اشوف عمي المريض..وبعدين تروح وترد لي وتشربني عصير ماادري شحاط فيه وتخليني اولد عشان تنسب البنت اللي ما ادري من وين يبتها ولا سرقتها..
نواف انصدم لانها كشفته بسرعه: انتي ينيتي؟؟ شقاعده تقولين؟؟
رنا وصوتها ارتفع: ئي ئي لا تطالعني جذي وجنك بريء ومو مسوي شي..انا متأكده اني كنت حامل بولد مو بتوم مثل ما فهمتني حضرتك..وانا الغبيه اللي اصدق كل شي تقوله وخايف علي من العين..طلعت خايف يشوفونهم اهلي ويعرفون اختلاف حجمهم ويكشفون لعبتك الوصخه
نواف ما تحمل ينكشف جدامها وعطاها طراااااااق طيحها عالسرير: جبببببببببببببببببببب
رنا انصدمت من الكف ورفعت نفسها عن السرير وهي معصبه وماسكه خدها: تمد ايدك علي وانا بالنفاس يانواااااف..حتى جرح العمليه ما طاب
نواف بصراخ : يكووون بعلمج هالبنت بترضعينها مع احمد لاني سجلتها باسمي وخلاص وبيصيرون اخوان بالرضاعه وعيالنا غصبا عنج وعن كل الناااس..وبتعيشين معاي هني وبتربينهم مثل ما ابي..وبنخلص دراسه هني ونقعد على طول فهمتييييييييييييييييييي
ولف بيطلع ورجع طالعها: واهلي واهلج باجر انا ببلغهم انج ولدتي وياويلج لو ادري انج قلتي لهم عن شي سااااامعه
وطلع وصك الباب بقووه ورنا بجت على حظها العاثر مع ريلها صعب المزااااج
+
+
+
+
انتهى البارت
يمكن قصير..
بس وعد البارت اللي بعده بيكون
قووووووي وطويل
