رهنت شوقي وبايع الناس لرضاكــ وانهد حيلـي مــن غرايـب طبـوعكــ

[Zhoor el7lwa]

يعطيج العافيه حبيبتي^_^
كملي...

 

[ღ Mzajiya ღ]

واااي نواف مو من صجه حسبي الله علييه :rgewrg: والله يعين مرته عليه مالها ذنب
والله يعين جنا وناصر وتردلهم بنتهم يااارب :yaaaaaarb:
يعطيج الف عافيه عالرواية .. من متابعين رواياتج :eh_s(7):​

 

[مطيريه كوول]

يّ حيآتي ياجنآ مسكييينه هي ونآصر

أمآ نوآف حقيييير وحيوآن

كملي حبيبتي نآطرينك

​

 

[برنسس أوراق]

ثانكس عالردود الحلوه بنآآآآآآت والله يعافيكم يااااارب وكل الزائرات حياهم الله
والحين بنزل لكم باااارت طويل

 

[برنسس أوراق]

الدقه الرابعه والعشرووون


اللي نسااااكـ انسااااهـ
واللي هوااكـ اهوااااهـ
واللي قدر فرقـــــآآآآآك
تـقـدر على فرقاااااااااااااه
لا تشتكي وتلووووووم
عمر الحزن ما يدوووووم
والعمر فيه كم يوووووم
حتى نعيشه بآآآآآآآآآآآآآآه



@بـعــــد مــــرور 22‎ ‎‏ سـنــه@



عايلة ناصر (46سنه)وجنا(44سنه):

روح: المفقوده صار عمرها 22 سنه
احمد : 20 سنه..جنا قعدت سنتين بعد ما ضاعت منها روح ما حملت وما كانت مقرره تحمل قبل ما تلقى بنتها بس ناصر اجبرها..والحين احمد بكلية الهندسه ثالث سنه

عبدالعزيز: 19 سنه..ماخذ اشباه امه اكثر من ابوه عكس اخوه احمد..روحه مرحه ويحب النكته والمقالب..اهو بعد طالب بكلية الاداب ثاني سنه

فارس: 18 سنه..ماخذ من اسمه حب الفروسيه ورياضة السباحه وكرة القدم..طالب بكلية العلوم الاداريه اول سنه

مشاعل: 17 سنه..اخر العنقود ودلوعة ابوهاااا بشكل كبيييير بعد ما فقده روح..وامها واخوانها مدللينها حيل..ثانويه عامه علمي



فيلا ناصر ابواحمد
ليلة الأربعاء
الساعه 10 بالليل


مشاعل قاعده بالحديقه..منسدحه على بطنها عالعشب وتذاكر امتحانها بلبسها الخفيف..بلوزه بيضا علاق عليها كتابات بالسماوي مع شورت سماوي قصير..شعرها الاسود المدرج مغطي على ويهها ومو منتبه الا على دروسها

قانون نيوتن هو: ......

قاطعها صوت فارس: انتي للحين قاعده؟؟

مشاعل رفعت راسها وابتسمت: امممم قاعده ادرس
فارس ابتسم..كان لابس تريننغ اسود وبيسوي رياضته المسائيه بس يا قعد عندها: يلا ما بقى شي باجر اخر يوووم

مشاعل قلبت على ظهرها وطالعت السما وانسدحت: آآآآه ئي والله فكه..بااااجر خميس اخر يوووووم..اول ما ايي بناااااااام يوم كامل
فارس ضحك عليها: هههههههههه مريتي بشعورج..
مشاعل طالعته بطرف عينها: تتطنز؟؟
عبدالعزيز وهو طالع لهم من باب المطبخ وبيده عصير كيوي: ههههههههههه ما عليج منه شنو عندج باجر؟؟
فارس يضغطها: قاعده تحفظ قانون نيوتن يعني شنو عندها عربي مثلا هههههه
مشاعل قامت وطقته على فخذه: جببببب مالك شغللللل
عبدالعزيز وفارس: هههههههههههههههههههه

احمد شافهم من شباك غرفته: ما شااااء الله شعندكم مسوين سهره
عبد العزيز طالع وضحك: ههههههههه لا وانت الصاج سمره لان باجر خميس واخر يوم امتحاانات الثانووويه هههههههه
مشاعل انقهرت منهم: يوووووه سكتوا خلااااااص
فارس وعبدالعزيز وحتى احمد سمعها: هههههههههههههههههههههههههههههههههههههههههههههههههههههه
فارس: انزل انزل
احمد ابتسم: اوك..
مشاعل وقفت ومشت عنهم وتركت كتبها: اففففففففف
عبدالعزيز: افااا زعلتي وين رايحه؟؟
مشاعل ابتسمت: هههههه لا بروح اييب لي تويكس وبيبسي تبون
عبدالعزيز ابتسم: ما اقول لأا
فارس يضغطها: ئي بلعي بلعي اصلا انتي بهالاسبوعين من كثر ما يننتج الامتحانات متنتي..روحي اكلي تويكس عشان يصير كل شي فيج ناط اكثر من جذي ههههههههههه

عبدالعزيز واحمد : هييييييييييي انت ههههههههههههه
مشاعل اول ما سمعت كلامه رجعت له ركض وقعدت على بطنه وجرت شعره: ياااااااااااوصخ انا كل شي فيني نااااااااااااط والله لآعلم عليك ابوووووي هيييييييييييييين

فارس بعدها عنه واهو ميت ضحك: هههههههههههههه آآآه يابطني..ااااااح اح شعري ياحماااره هههههههههه
مشاعل بقهر تخصرت ونعمت صوتها: شعري ياحماره..شنو بنيه انت خايف على شعرك
احمد وعبدالعزيز منسدحين ضحك: ههههههههههههههههههههههههههههههههههههههههههههههههههههه

ناصر نزل على اصواتهم وكان لابس بيجامة نوم كحليه: شفيكم؟؟ شهالصووووووت؟؟

احمد..عبدالعزيز..فارس: هدوء ................

مشاعل راحت لآبوها : باااابا(وباست خده) آمووووووواه
ناصر ابتسم: انتي للحين ما نمتي مو عندج باجر امتحان
مشاعل بدلع: عادي بابا قاعد ادرس
ناصر: تدرسين صح..صدقتج..روحي نامي يلا
مشاعل : يووووه بابا اخر يووووووم عااتي
ناصر ضحك عليها ورجع داخل: ههههههههه انزين لا تطولون بالسهره عشان تقعدون مبجر

مشاعل تشوف اخوانها يضحكون عليها: اوكي باباا..


واول ما راح ابوها صعدت اهي ويابت تويكسات وكولا وليز وانواع الحلويات ورجعت لاخوانها وخلوها سهررررررررره
للصبح

+
+
+
+



فيلاا نواف ابواحمد
الساعه 7 الصبح


خلونا نعرف بعايلتهم:
نواف(47)ورنا(41) وعيالهم:

جنا واحمد : 22سنه..وما يتشابهون بالشكل كلش وانتوا تعرفون السبب..طبعا درسوا طفولتهم ومراهقتهم والثانويه والجامعه كلها بروما عشان جذي صار عندهم ثلاث لغات الايطاليه والانجليزيه والعربي لغتهم الام..وتوهم من سنتين ردوا الكويت عشان يشتغلون فيهااا ويستقرون على طول

وطبعا رنا بعد احمد ما يابت عيال كلش وخذت موانع لانها كانت تعبانه حيل لما ولدت بالسادس وقليل من الحريم يولدون بالسادس وما يموت جنينهم بس سبحان الله احمد عااش وصار الحين ريال ويعتمد عليه بس افكاره شوي متحرره بحكم عيشته بروما


جنا درست دبلوم سكرتاريه وبكالوريس محاسبه وماجستير إدارة إعمال والحين اهي موظفه ببنك الكويت المركزي بمكان مرقوق الكل حاسدها عليه
اما احمد يشتغل مترجم بوزارة الاعلام بالقطاع السياسي والاخبار وبحكم لغاته ودراسته شخصيه معروفه ويقدر يلتقي بأي نائب او وزير برا او داخل الديره



قامت رنا من نومها وشافت الساعه سبع..تعدلت ولبست روبهاا وطلعت تشوف عيالها قعدوا ولا لأ

مرت اول شي على غرفة جنا..فجت الباب وشافتها بارده حيلل والغطا طايح عنها: جناااا ياجناااا قومي يلا بتتأخرين عن دوامج

جنا حطت ايدها على ويهها لما حست بأشعة الشمس: امممممم

رنا ابتسمت..طول عمرها جنا دلوعه..نواف دلعها حيل ولسبب رنا صارت تعرفه من زمان بس ما حقدت عليها ولا شي..بالعكس ربتها مع احمد ورضعتها مثل بنتها واعز بس احيان تغار منها : جنااا قومي يلا بسج نوم الساعه سبع..إذا تأخرتي عن دوامج مالي شغل

جنا من سمعت الساعه سبع نطت من مكانها لان المفروض سبع ونص اهي بمكتبها: صججججججج اشلووووووون جذي راحت علي نووووومه..افففف الحين بتأخر وبيحطون علي وحده

رنا وهي طالعه: عيل صحصحي واخذيلج شاور ولبسي بسرعه قبل ما يروح عليج الوقت

جنا ما نطرت باجي الكلام..دشت سيده الحمام..خذت شاور سريع ما تعدا الخمس دقايق وطلعت بسرعه لبست اول شي شافته..بنطلون اسود قصته مستقيمه مع قميص ابيض قصته عاديه بس خلته ازرتها مفتوحه من فوق وعطت شعرها هوا وحطت كحل وماسكرا وحمره زهريه وطيررررررررران خذت سويجها وطلعت من غرفتها شبه تركض



تحت بالصاله

كانوا امها وابوها قاعدين يتريقون

نواف: وينهم؟؟
رنا: كا الحين ينزلون
جنا نزلت من الدري ركض وتعدتهم للباب: صبااااح الخير بابا..صبااح الخير ماااما..يلا بااااي تأخرت واااايد واااايد برووووووح


يتبع،،،

 

[برنسس أوراق]

نواف يطالعها اشلون مستعيله: شفيج شوي شوي مو طاير شغلج
جنا من عند الباب: لااااا بابا بعدين يقولون جنا بنت نواف ال..يت متأخره..وععععع

طلعت وضحك عليها نواف وكمل ريوق وهو مستانس انه تصبح بويهها


رنا : شفيك تطالع الباب؟؟ البنت راحت خلاص؟؟
نواف ما رد عليها ورجع يكمل اكله: مو شغلج..اكلي وبس

نزل لهم احمد وهو كاشخ بدشداشه وغتره وعطره سابقه من قوووووته: صباح الخير ياحلووووين

نواف: صباح النوووور
رنا: غريبه؟؟ لابس دشداشه اليوم خبري فيك ما تلبسها الا بالمناسبات
احمد ابتسم وهو يقعد ويصب لها عصير اورنج بكاسه شفافه: ئي اليوم فيه اجتماع مع سفير بريطانيا ولازم اغطي الحدث

ووقف: يلاا فمان الله

نواف وهو مبتسم فخر بولده: فمان الكريم

رنا: ديربالك على روحك واقرأ على نفسك من العين

احمد ضحك وهو طالع: ماشي ههههههههه


+
+
+
+

بفيلا ضاري ابوفهد
الساعه 8:30


اول شي تعريف بعايلتهم
ضاري (51) واثير(42‎‏)‏ وعيالهم:

فهد : 21سنه..طالع على ابوه بعيونه العسليه وشعره الاسود الناعم وماخذ من رومانسيته وتفهمه وعطفه
سدن: 20سنه..معنى اسمها ستار الكعبه..وماخذه منه وايد..يعني حيل خجوله وطيبه وما تحب تسمع اغاني ولا تابع فنانين ومطربين حدها المجلات والكتب الثقافيه..طالبه بجامعة الكويت علوم سياسيه

شروق: 18 سنه..عاد هذي طالعه على امها باللقافه وحب الطلعات والمجمعات..طالبة بالجامعه اول سنه وما تخصصت

سلطان: 17 سنه..ثانويه عامه علمي كبر مشاعل ودايم يروح يدرس وياها المواد الصعبه واهي نفس الشي..حبوب ودمه خفيف ويحب يتمشى كل يوم بالليل بالممشى



نزل ضاري عالدري واهو توه قاعد من النوم ومتسبح ولابس بيجامة بيت : اثير..اثييييييييير


اثير كانت قاعده بالصاله الجانبيه تطالع تلفزيون وتبرد اظافرها: تعال انا هني بالصاله..

راح لها ضاري وهو مبتسم: راحوا العيال؟؟

اثير ابتسمت: ئي فهد والبنات جامعتهم وسلطان قلبي راح المدرسه..

ضاري مسك الجريده: يعني ماكو غيرنا انا وياج
اثير ضحكت: هههههههه ئي فضالنا البيت..بس تدري وااااي قاعد احاتي سلطان خنت حيلي اليوم اخر يوووم..احاتي النتيجه
ضاري ضحك: هههههه لا تحاتين ولدج ذيب طالع على ابوه
اثير طالعته وهي تضحك: هههههه انزين قوم اتريق..ريوقك جاهز عالطاوله
ضاري قرب منها وباس خدها: ما اعرف اكل بروحي..
اثير استحت منه وطالعته وهي تبتسم: اقووول حبيبي..شعندك اليوم؟؟ فيك شي غريب..رآآآيق من الصبح
ضاري ضحك: ههههههههه ولا شي عيالنا مو هني وانا ماخذ اجازه اليوم..حرام اختلي بمرتي شوووي..
اثير بحيا مع ضحكه وهي مشغوله بأظافرها والمانكير الاحمر: هههههههههههه حبيبي انته..قوم اتريق وبعدين اختلي على كيفك..

ضاري ضحك وقام لطاولة الاكل: ههههههه تتذكرين اشلون التقينا
اثير ابتسمت وخذتها الافكار بالماضي: اكيد اتذكر اشلون انسى هاللحظات الحلوه




نرجع شوي بالتاريخ قبل 22 سنه ولما اثير كانت ماخذه دورة التمريض والاسعاف وتطبق بوحده من المستشفيات:



د.ضحى: ها اثير خلصتي شغلج؟؟
اثير : ئي كانت عندي عيوز تبي ابرة سكر بس والله كسرت خاطري..حسيت قلبي يعورني وقلت شلي بهالعباله ادشها
د.ضحى ضحكت وهي تدش مكتبها ووراها اثير اللي كانت تتدرب عندها: ههههههههه
حبيبتي هذا الطب وهذا مجاله..ساعات تحسين هالمهنه إنسانيه وودج تساعدين كل الناس ومرات تقولين انا شيابني هني من كثر المصايب والبلاوي اللي تشوفينها

قطع عليهم صوت الممرضه المصريه: دكتوره ضحى طالبينك بقوطة العمليات

ضحى وقفت : اوكي يايه..اثير اخذي راحتج وما اوصيج بمرضاي ديري بالج عليهم

اثير ضحكت: هههههههه إن شاء الله

قعدت اثير بمكتب ضحى تشوف الملفات وتقرا شوي من كتب الطب لحد ما انفتح الباب بشكل سريع ووقفت مخترعه: خير شصاير

دخلوا رائد وزياد واهم ماسكين ضاري اللي ويهه كله دم ومو قادر يحرك ايده من الالم
زياد بخوف: دكتوره واللي يعافيج..صار لنا حادث بالبر واحنا نتسابق بالبقيات والظاهر ايده انكسرت

ضاري يكابر: شفيكم؟؟ مو ياهل انا اعرف امشي
رائد قعده غصب عالكرسي: اقعدددد بس خل تفحصك

اثير كانت مصدومه من دخولهم واللي صدمها اكثر لما طاحت عينها بعيون ضاري وعرفته..هذا اللي حبته شهور ودخلت تمريض عشانه وهي ما تعرفه وما تجرأت تروح لعيادته وتقوله عن حبها بس تحركت وهي شبه مخدره: خلاص الحين بفحصه وإن شاء الله ماكو الا العافيه استريحوا انتوا

قعدوا زياد ورائد عالكراسي واثير فجآه صارت تتصرف مثل دكتور عندها خبرة سنين..نادت السستر تساعدها وتييب لها ادوات التعقيم والتطهير وراحت اهي تفحص ضاري


اثير بربكه وهي تاخذ القطن اللي فيه مطهر من السستر وتمسح الدم اللي بويهه وصوب شفايفه بحذر: اشلون صار الحادث؟؟؟
ضاري كان يطالعها وهو متخدر من العوار ويحاول يتذكر ملامحها واهي تشتغل بدون ما ترفع عيونها: قالج..كنا طالعين مخيم وطبعا لازم نتسابق وانا دست بسرعه وانقلبت بس ما فيني شي اهم خوافين شوي

رائد ضحك: ههههه اقول خالي العزيز اسكت وخل الدكتوره تشوف شغلها
زياد ابتسم: ئي دكتوره عندج اياه


اثير كانت مشاعرها متضاربه بين وجود ضاري وزياد ورائد وبين دقات قلبها وشغلها
..مسحت الدم عن ويهه وحطت بلاستر على الجرح اللي فوق حواجبه: الحمدلله الدم كان من جرح بسيط وما يا صوب الراس..الحين بنشوف ايدك شفيها

كانت تتكلم وضاري يطالعها بدون ما يرمش

اثير حاولت ترفع كم البلوزه: بتعورك شوي عادي؟؟
ضاري ابتسم بدون شعور: حلالج
اثير توردت خدودها وزياد ورائد ضحكوا عليها
رائد بغمزه: هههههه شعندك يالخال شفت الدكتور صغيره قمت تخورها
ضاري ما رد عليه لانه حس بالالم لما حاولت ترفع ايده: انجعم انت..آآآآي آي شوي شوي شفيج
اثير بحرج: لازم تفصخ بلوزتك او نقصها

زياد وقف: خلاص انا اساعدك نفصخها

ضاري: لا يبه لا قصوها احسن والله مو قادر اشيل ايدي..

اثير طالعت الممرضه الهنديه: مقص..

عطتها الممرضه مقص وقربت اهي من ضاري وقصت بلوزته كلها من عند صدره وكشفت عن عضلات صدره القويه وهني اهي بغت تطيح من طولها بس تماسكت غصب عنها

ضاري كان متشقق من الوناسه واهو يطالعها انفعالاتها ويدري انها منحرجه منه وخذا راحته

اثير فحصت ايده بس قالت: لازم نسوي اشعه عشان نتأكد إذا فيها كسر او رضه بسيطه

ضاري: اخذي راحتج

وبعد الاشعه والفحص طلع معاه رضه قويه ولفتها له اثير وكتبت له مسكنات ياخذها

واول ما خلصوا

زياد : يلا نمشي
رائد : اشلون تطلع وانت مو لابس
ضاري ابتسم: عادي ايدي مجبسه ما علي حرج..انتوا روحوا وانا الحين ايي
زياد : خلاص عيل ننطرك احنا برا


يتبع،،

 

[برنسس أوراق]

طلعوا وظلت اثير قاعده ورا المكتب مع ضاري اللي واقف جدامها
اثير بحرج: سوري اني قصيت لك البلوزه بس...
ضاري قرب منها وحط ايده على شفايفها وقاطعها: قتلج حلالج
اثير تدودهت..طالعت بعيونه بربكه: آ..

ضاري سبقها بالحجي: مو انتي اللي شفتج عند عيادتي
اثير ابتسمت بدون شعور: امممم
ضاري ابتسم: شفتي القدر اشلون جمعنا..قبل فتره انتي ييتي مريضه عندي واليوم انا مريضج




ضاري قطع افكارها: هيييييي اثيرررر وين سرحتي صار لي ساعه اناديج

اثير ابتسمت وقامت له ولمته من ظهره وباست خده: سرحت باليوم اللي شفتك فيه
..بس تدري للحين مقهوره من ساروووه الغبيه..طول هالمده اسولف عنك عندها وهيمانه فيك وما قالتلي انك خالها
ضاري ضحك عليها ولف لها ومسك ايدينها وباسها: ههههههه بالعكس زين سوت عشان اقدر اشوفج..ولا كنتي تبين دكتوره ثانيه تعالجني واحبها

اثير بغيره وهي تقرصه من جتفه: ئي مو عشان اذبحك واذبحها
ضاري واثير: هههههههههههههههههههه


+
+
+
+

يلا نهاية البااارت
إن شاء الله يكون عجبكم
نطروني ببارت يديد وتعريف يديد بأبطالنا

 

[برنسس أوراق]

الدقة الخامسه والعشرون



ليتً لي ( سلطة عليكـ ) !
مآ تحب الأ :: آنـــآ ::
ولآ تشوف الا :: آنآ ::
ولآ تنآم الأ :: هنآ ::
....... ( بين عيني والجفن ) ......



فيلا ناصر ابواحمد
الساعه 11

جدام البوابه

وقفت سيارة سلطان ونزلت منها مشاعل وهي مبتسمه(سلطان فترة الامتحانات صار اهو يوصلها بحكم ان وقتهم موحد ومدارسهم قريبه يم بعض)

مشاعل ابتسمت: ثانكيووو سووووسوو يلا عاد بشرني عن نتيجتك

سلطان ضحك: هههههه شنوو سوسو جم مره قتلج لا تقولينها..وععع جني بنيه

مشاعل ضحكت: ههههههه ادلعك كيفي..

سلطان ضحك: هههههه انزين يلا دشي خن امشي
مشاعل: انزين بتروح تنام انت؟؟
سلطان : اكيد بناااام بدون تفاااااااااااهم وانتي
مشاعل ابتسمت: وانا بعددد بناام يومين وإذا طلعت النتيجه قعدني زيننننن
دشت الفيلا وهي تأشر له بيدها
وسلطان ضحك عليها وحرك عنهاااا


وداخل الفيلا
بالصاله الكبيره الفخمه بأثاثها الروماني
الممزوج باللونين الاورنج والابيض والبني الفاتح


مشاعل دخلت وشافت امها وعبدالعزيز واحمد: هااااااااااااااااي

احمد وعبدالعزيز ضحكوا : هااايات ههههه

مشاعل راحت وباست امها : هاااي ماماي..

جنا ابتسمت: هااايااات ياعيون امج انتي..
شسويتي بالامتحان؟؟

مشاعل قطت روحها بوسط الصاله عالسراميك: آآآآآه فكه فكه..بروووووووح انااااااااااااااااااااااااااام يومين ومابي احد يقعدني
الكل: ههههههههههههههههههههههههههههههه

دخل عليهم ناصر توه راد من برا : شفيج مسدووووحه بنص الطريج..قووومي يلاااا

عبدالعزيز: عادي يبه دعمتها شبه..
احمد ضحك: ههههههه ياملغي..
مشاعل نطت من مكانها وراحت لابوها وباست خده وبعدين راحت ركض للدري: اموووووووواه بابا برووووووووووح اناااااااااااااااااام..(وصارت تناقز عالدري)يااااااااااااااااااااااااهووووووووووووو

كلهم يضحكون عليها الا ناصر كاتم ضحكته على خبال بنته: تعاااالي يالهبله من يابج؟؟

مشاعل وقفت اخر الدري وتسندت عليه وحطت راسها عليه جنها نايمه: ياليييييييييل..يعني منو؟؟ نفس كل يوم..سووسو

ناصر فج عيونه: منو سوسو؟؟ وشفيج جذي بتطيحين؟؟
مشاعل اخترعت وتعدلت وطقت يبهتها: اففففف سوسو يعني سلطااااان..(ولفت)يلااااا عااد بسك تحقيق..اففففففف

ناصر ضحك : هههههههههههههههههههههه لا ومدلعته بعد
جنا تتمصخر: سلطان صار سوسو..ما شاء الله عيل هههههه
احمد بضحك: هههههه عيل انا حمووودي وهذاك عزووووووزي ههههههههههه

عبدالعزيز طق كفه بكف اخوه: هههههاااي يبتها والله
ناصر طالعها بنص عين: مو جنج تتطنزين على بنتي..ونسيتي انها طالعه عليج..ولا نونو وين را..

جنا حطت ايدها على حلجه: هيييييييييييييييي

عبدالعزيز مسك بطنه: لاااااااا لاااااااا خليه يما يطلع فضايحج
احمد شرق بالماي: كح كح كح ههههههاااااي
كنت نونو يبه..
ناصر مسك ايدها اللي على حلجه وباسها: شفيج عادي

جنا دزته بقهر من صدره وقعدت بزاويه وتجتفت: انقلللللللللع ارتحت الحين سمعوك


طبعا احمد وعبدالعزيز غشيانين من الضحك: هههههههههههههههههههههههههاااااي

ناصر قام يراضيها وقعد يمها وحاول يبوسها ويلمها: افااااا زعلت حبيبة نونو..

جنا استحت من حركاته عند عيالها: وخرررررررررر ما احاجيك..وخررررررر
(ودزته وانحاشت)اففففففففففففف

ناصر وعياله: هههههههههههههههههههههههه



اما فوق بغرفة فارس

دشت مشاعل عليه بعد ما غسلت وبدلت ولبست بيجامة بيت شورت اورنج وبدي ابيض كت عليه صورة ورود بالاورنج: فاااااااارس فاااااااااااااااااااارس


وطبت فوق وهو نايم

فارس حس ان ظلوعه تكسرت: اااااااااااااااه وعمــــــــــــى إن شاء الله وعمــــــــى..(ودزه عنه)شتبين ياأم راس شتبين؟؟ افففففففففف طلعي برا بنااام

مشاعل ضحكت وهي تعدل شعرها اللي تخربط وتنسدح يمه: ههههههههه حتى انت عندك راس مو بس انا
فارس عدل قعدته وضحك عليها: هههههههههههههههه انزين قوووومي ذلفي يلااااااا
مشاعل زمت شفايفها مثل اليهال: ماب..

فارس قام عن فراشه ورفع حواجبه: قوووومي يلا يالياهل

مشاعل ضحكت : هههههه انزين خلاص الحين بقوووم
وقفت ومشت بتطلع واول ما دش فارس الحمام ردت وانسدحت بفراشه وهي تضحك عليه وتغطت وراحت بالنووووووووووووووم


فارس خذاله عشر دقايق تحت الدوش وبعدين طلع لاف الفوطه على خصره واول ما شافها ضحك: ههههههه والله العظيم خبله..كل يوم تاركه فراشها ونايمه بمكان

دخل عليه احمد وهو يطلع ملابسه : قعدت؟؟

فارس ابتسم وهو ياخذ له جينز وتيشيرت موفي ويروح الحمام : ئي توني قاعد

احمد ما انتبه لمشاعل: وإن شاء الله ليش رايح تلبس بالحمام لا تقول تستحي هههههههههههههههههه

فارس ضحك وهو يصك باب الحمام: هههههههههه ياحمااار شعووول نايمه بفراشي..

احمد توه ينتبه لف وشافها: صج..ئي والله..(وراح لها)شعووووووول..مشاااااااااااااعل يالخبله..قووووومي نامي بدارج..مشاااااااعل

مشاعل وين تحس وهي توها مخلصه اختبارات: ..................

طلع فارس وشافه: لاتحاول ما راح تقوووووووم ناسي انها سهرانه امس وراحت مواصله لو تنط ما قامت

احمد ضحك: هههههههههه خلاص عيل خلها نايمه
فارس ابتسم وهو ايي ويشيلها على ايدينه ويطلع فيها لغرفتها: لا يبه تبيها تخيس بفراشي يومين

احمد ضحك وهو يطلع وراه: ههههههه حرام عليك عآآآآآد



بغرفة مشاعل

دخل فارس وحطها بفراشها وغطاها: شغل التكييف ونزل الستاير

احمد ابتسم: اوك..

وهم طالعين سمعوا صوت شي طق بالدريشه

فارس وقف: سمعت الصوت؟؟
احمد راح للشباك: ئي سمعته..بس شنو هذا؟؟
صار يتلفت واول ما فتح الدريشه شاف سياره تشخط بسرررررررعه
احمد طق الدريشه: انحاش النذل..اكيد اهووو؟؟
فارس شاف صخره ملفوفه عليها ورقه: كا ورقه اكيد اهو حاطها


وقرأ المكتوب

مشآآآعل هذا رقمي
99******* دقي علي
ناطرج..
انا من زمان مراقبج..
بدر


فارس عفس الورقه بقهر: آآآآه يالقهرررررررررررر ومراقبها من زمان بعد

احمد اشر له يطلع: تدري اشلووون تعاال نتفاهم برا احسن..مانبيها تحس بشي

+
+
+
+

فيلا زياد ابوعادل..
نفس الوقت

تعريف بعايلة زياد(50)وجوري(44):

عادل: 22سنه..يابته جوري بعد ما فقدوا روح بنت جنا بخمس شهور..ماخذ الجمال من امه وابوه
غزل : 21 سنه..حلوه وسمره شوي وطيوبه حيل

طلال: 20سنه..

اريج: 18سنه..

احلام: 16 سنه..


بالصآآآله

اريج نزلت وراحت لابوها: يبه
زياد كان مشغول بالنت: نعم
اريج: اممم يبه بغيت فلوس
زياد التفت لها: ليش؟؟
غزل من عند الدري: انا اقولك..نبي نشتري هدايا تخرج حق شعول وسلطان..
طلال: مشاعل فهمناها بنت عمتج..سلطان شكوووو؟؟

 

[برنسس أوراق]

احلام: اشلون شكو؟؟ اهو مو يصير ولد خال ابوي..وهم اهو بعلمي..يعني عادي نحتفل فيه
جوري تدخلت وهي تقشر برتقاله لزياد: تفضل حبيبي..لا مو عادي
زياد ابتسم واخذ منها البرتقاله: تسلمين..ليش خليهم؟؟ بيستانسون
عادل وطلال: من صجك يبه؟؟
زياد ابتسم: شرايكم نتفق على طلعة شآآآليه بما ان عطلوا المدارس والجامعات وهناك نحتفل بالخريجين
احلام واريج وغزل نطوا مع بعض: يسسسسسسسسس هههههههههههههههه

عادل وطلال: ما صدقوا هههههههه
جوري: عيل انا بدق على جنا وساروووه واثير وفلووو وابلغهم
زياد ضحك: ههههه شطول الوحده وصار عندكم عيآآل وللحين تدلعون بعض ههههههه
جوري رفعت حاجب: ئي حبيبي إذا انتوا كبرتوا وخرفتوا احنا للحين صغآآآآآر

عآدل يصفر: يآآآهووو حيلهم بينهم
طلال ضحك: ههههه اسكت خن نسمع
زياد ضحك : حق هالسوالف اول نآس انتوا

جوري ضحكت: ههههههه اكيد مو عيآلك..

الكل: هههههههههههههههههههههه


+
+
+
+
انتهى البآآآآآرت ياحلوين
يلا عآآد ابي ردود سنعه..وتوقعات حلووووووه

 

[Zhoor el7lwa]

يسلمووووووو البارت عجيييييييب^_^

 

[Zhoor el7lwa]

بس ما حطيتي لنا عايلة ساره و فلا؟؟

 

[بيبي 22]

ثااااااااانكس حبوووو
نوااااااف زفت من يوم يومه .. ان شاء الله رنا تقوول حق اخوها يوم من الايام عن جنا الصغيرة :rerrerek:
وااااااااي عيالهم كبروا حسستيني صرت عيوووز ههههههههههههههههههههههههههه

ناطرييين التكملة حبي وانتي رووووووووووووووعة من قلب :eh_s(7): :eh_s(17):​

 

[ام خالد الغلا]

يعطيج الف عافيه وايد تعجبنى قصصج وانا اتابعج بصمت واحب اسلوبج بطرح القصه

واللى يعجبنى فيج اكثر انج ما تتاخرين فى تنزيلج للبارتات

وموفقه ان شاء الله على طول
وناطرينج يا الغلا

 

[خفايا البحر]

حلوووووووووووووووووووووووووووووووو

 

[princess roro]

وووووووووووووووووواي نووواف قاام يهقرني وووووووووووع

اوراق ممكن تقولين لي وين بيته برووح اذبحه من الذبحححح

بغني اغنيه حق نوواف

(( جعل نوواف للماحي وجعل نوواف للماحي يلا معااي بناات ))

واي جنووي تكسر الخاطر اهم شي مشاعل سوسو ونونووو

لوووووووووووول

وووووووووووواي سالفه ضروووي اي شي تووووووووووونس

نااطرينج حيااتي .. متى البارت ..؟؟​

 

[Zhoor el7lwa]

ناطرينج حبيبتي^_^
اب اب اب لعيونج

 

[برنسس أوراق]

يسلمووووووو البارت عجيييييييب^_^

الله يسلمج حبي

 

[برنسس أوراق]

بس ما حطيتي لنا عايلة ساره و فلا؟؟

مالهم دور مهم حيل بالبارتات الباقيه..

 

[برنسس أوراق]

ثااااااااانكس حبوووو
نوااااااف زفت من يوم يومه .. ان شاء الله رنا تقوول حق اخوها يوم من الايام عن جنا الصغيرة :rerrerek:
وااااااااي عيالهم كبروا حسستيني صرت عيوووز ههههههههههههههههههههههههههه

ناطرييين التكملة حبي وانتي رووووووووووووووعة من قلب :eh_s(7): :eh_s(17):​

[/size]
حبيبتي انتي اللي روووووعه..وردودج روووووعه وتفاعلج روووووعه..فديتج

 

[برنسس أوراق]

يعطيج الف عافيه وايد تعجبنى قصصج وانا اتابعج بصمت واحب اسلوبج بطرح القصه

واللى يعجبنى فيج اكثر انج ما تتاخرين فى تنزيلج للبارتات

وموفقه ان شاء الله على طول
وناطرينج يا الغلا

حبيبتي مشكوره عالدعوه الحلوه والله يوفقنا اجمعين..عآد انا محتاجه هالدعوات منكم..ويسعدني وجودج مم متابعاتي ويشرفني رايج الكريم..