رهنت شوقي وبايع الناس لرضاكــ وانهد حيلـي مــن غرايـب طبـوعكــ

[برنسس أوراق]

حلوووووووووووووووووووووووووووووووو

الله يحلي ايامج

 

[برنسس أوراق]

وووووووووووووووووواي نووواف قاام يهقرني وووووووووووع

اوراق ممكن تقولين لي وين بيته برووح اذبحه من الذبحححح

بغني اغنيه حق نوواف

(( جعل نوواف للماحي وجعل نوواف للماحي يلا معااي بناات ))

واي جنووي تكسر الخاطر اهم شي مشاعل سوسو ونونووو

لوووووووووووول

وووووووووووواي سالفه ضروووي اي شي تووووووووووونس

نااطرينج حيااتي .. متى البارت ..؟؟​

ههههههه حبيبتي انتي اخاف اعطيج ويذبحني..ههههههه
توج ما شفتي شي..صبري..

 

[برنسس أوراق]

ناطرينج حبيبتي^_^
اب اب اب لعيونج

حبيبي مشكوره عالرفع

 

[برنسس أوراق]

الدقة السادسه والعشرووون


إذهب..

إذا أتعبك البقاء..

فالأرض فيها العطر والنساء..

والأعين الخضراء والسوداء

وعندما تريد أن تراني

وعندما تحتاج كالطفل إلى حناني..

فعد إلى قلبي متى تشاء..


فيلا نواف ابواحمد
الساعه 3 العصر


جنا دخلت توها راده من الدوام : السلام عليكم
نواف ابتسم: وعليكم السلآاااااااااااام هلا بغلاتي..تعالي عطيني بوسه
جنا ابتسمت..من صغرها معودها على هالحركه..يت وقعدت يمه وحضنته وبآست خده : آموووووووووواه
نواف ابتسم وهو يلمها له حيل ويطالع بعيونها: ها حبي شسويتي بالدوام لحقتي ولا وصلتي متآخره؟؟
جنا ضحكت: ههههههه لا الحمدلله ييت عالوقت بالضبط بس والله انكرفت بالشغلللللل
رنا يت من المطبخ وشافتها: ها جنا ييتي؟؟

جنا ابتسمت : ئي مااما توني ييت..الغدا جاهز
رنا تطالع نواف بغيره: ئي جاهز قومي بدلي ونزلي وانا بخلي سمير (الطباخ)يحط لج غداج
جنا وقفت : وحموود ما يا؟؟
رنا : لااااا مشغول اليوم يمكن يتأخر

جنا صعدت الدري: آووووكي..عيل ببدل وايي..

رنا سيده راحت لنواف: وبعدين يعني؟؟

نواف طالع التلفزيون: شنوووو؟؟
رنا بغيره: وبعدين مع هالتلمم والتبوس اللي ما يخلص..
نواف ببرود : بنتي وكيفي..اسوي اللي يعجبني
رنا بقهر: لا مو بنتك..لا تنسى هالشي..صج انا رضعتها بس اهي مو نطفتك ولا انت ابوها..يوم كانت صغيره قلت ميخالف ما تفهم شي بس الحين لآااا البنت كبرررررت

نواف طالعها بغصب: قصري صوتج لا تسمعنا..وبعدين وإذا كبرت؟؟ شالفرق؟؟

رنا وقفت وتخصرت: الفرق انك ريال واهي ما تصير لك شي ويمكن يدش الشيطان بينكم وانا مو موجوده
نواف قام ومسكها من ايدها حيل وضغط عليها: جبببببب ولا كلمه..مينونه انتي..ياويلج لو سمعتج تعيدين هالحجي مره ثانيه..سااااااااااااااااامعه!!
ودزها عالقنفه وراح عنها

رنا قعدت تفكر والقهر ذابحها : اففففففف اففففففففف شالمصيبه ياربي..استغفرالله


ثواني ونزلت جنا لابسه تريننغ وردي: وين راح بابا؟؟
رنا وقفت وهي منفسه: راح يناام..اكلي غداج وما عليج منه..

مشت عنها وجنا تطالعها وهي مستغربه
بس ما فكرت وايد وراحت تتغدا


+
+
+
+

فيلاااا رائد ابوراشد


رائد(49)ومرته ورود(43) وعيالهم:

راشد : 20سنه
وليد : 19سنه
نايف:18سنه
محمد: 17سنه
وما عندهم بنااااااات..


محمد : يبه
رائد : نعم
محمد : بسافر مع ربعي البحرين
راشد : خييييير توك مخلص امتحانات اليوم وبتسافر
رائد طالعه بحده: اتوقع انا ابوه
راشد بهدوء: آسف يبه بس احنا خلصنا قبله من الجامعه ونطرناه يخلص امتحاناته الثانويه واهو بارده مبرده بيسافر
ورود بخوف الام: ئي صح اشلون تسافر بروحك انا اخاف عليك..
رائد ينهي النقاش: محد راح يسافر..دق عمكم زياد وعزمنا عالشاليه باجر الصبح وبنروح كلنا احنا وبيت عمتكم جنا

نايف استانس: صج..
وليد : خلاص عيل خلك ويانا..والله وناسه يمعة الشباب والبنات بالشآليه
ورود قرصته: ئي انت هذا اللي حارق قلبك..البنات
وليد ضحك: اححح هههه مو يما انتي الله يهداج ما يبتي لنا بنيه ندلعها
محمد : بس انا مواعد ربعي يبه
رائد ابتسم: مو مشكله اطلع مع ربعك اليوم وباجر تعال الشآآليه وانا تأخرت ياويلك

محمد قام باس راس ابوه وهو مستانس: مشكووووور يبه
وصعد داره ركض

ورود باعتراض: ليش خليته يرووووح؟؟

رائد ابتسم : خليه يعتمد على نفسه..ويحس انه ريال عند كلمته مو يواعد الناس ويخلف..

ورود سكتت بعد رده ورجعت تقشر فواكه لعيالها


+
+
+
+

فيلا ناصر ابواحمد
الساعه 10بالليل


بغرفة احمد

كان قاعد اهو واخوانه يسولفون


عبدالعزيز يطالع ساعته: اوووف صارت عشر وشعول للحين نايمه
فارس : يمكن من صجها بتنام يومين
احمد ساكت : ........
عبدالعزيز غمز لفارس: حمووود شفيك؟؟

احمد : افكر
فارس: ليكون بسالفة هالتعبان بدر..خله يولي مدام شعول ما شافت الورقه وتعرف رقمه مالنا شغل فيه..اهي مو معطيته ويه من الاساس واساسا عطلوا خلاص يعني ما يقدر يتعرض لها

بهاللحظه طلت مشاعل براسها: مسآآآآآآآء الخيييييييييييييير
ويت تفتر ببجامتها اللي كانت عباره عن قميص نوووم بناتي قطن ناعم علاق وطوله للركبه ولونه بنفسجي فاتح

فارس وعبدالعزيز: هههههههههههه مسآآآآآآآء النوووووور صح النوووم توج قاعده؟؟
مشاعل ابتسمت وهي تنط عالسرير وتقعد بحضن احمد على ريوله: اممممم..شفيك حمووودي ساكت؟؟
احمد بدون مقدمات: منو بدر؟؟
مشاعل ما فهمت: شنوووو؟؟
فارس تدخل لما شاف ردة فعلها: احمد خلاص ما تسوى ترى
مشاعل ضايعه: شسالفه؟؟ صار شي وانا نايمه؟؟ ومنو هذا بدر؟؟
احمد يطالعها: انا اسألج..منو هذا بدر؟؟
مشاعل بعفويه: ما ادري..اول مره اسمع عن واحد اسمه بدر منك
احمد بتوتر: يعني ما تعرفينه ولا عمرج شفتيه؟؟
عبدالعزيز وفارس: احمدددددددددددد
احمد بحده: انا اتفاهم معااها بكيفي..لا تتدخلون بينا
مشاعل حست ان الوضع مو طبيعي..زعلت وقامت عنه: تشك فيني؟؟
احمد بهدوء حط ايده بجيوبه وطلع لها الورقه: هآآج اقري
مشاعل قرت الورقه وهي مصدومه ونزلت دموعها: والله ما اعرفه والله العظيم ما ادري..
احمد صدقها لما شاف دموعها..قام ولمها لصدره: خلاص شعوول انا آسف..اصلا هالورقه قطها واحد من دريشتج وانتي نايمه وحبيت اتأكد بس..
مشاعل خذت بخاطرها وبعدت عنه: زينننن مشكوووور
وخلتهم وطلعت

فارس قام وراها: ليش جذي يعني؟؟
وطلع وصك الباب بنرفزه
عبدالعزيز تنهد: بصراحه ماكان له داعي الحركه اللي سويتها..يعني اهي كانت نايمه ومن كلام الزفت بدر بالورقه انها ما تعرفه ليش تسألها وتخليها تفكر؟؟
احمد شد شعره: ما ادري ما ادري
عبدالعزيز ابتسم: قوم صالحها..توها قاعده واكيد ما راح تاكل شي بعد اللي سويته

 

[برنسس أوراق]

تحت عند المسبح..

مشاعل قاعده على اطراف المسبح ومنزلها ريولها بالماي وتبجي

ناصر كان يشوفها من غرفتهم واول ما حس انها تبجي نزل لها بسرعه وراح قعد صوبها وهزها: مشااااعل حبيبة ابوج شفيج تبجين شصاير؟؟

فارس كان بهاللحظه بيي بس شاف ابوه وتوهق ورد للباب: اففففف هذا ابوي..وليه
..الحين اشلووون؟؟ يارب ما تقوله


مشاعل دفنت ويهها بصدر ابوها: ولا شي بابا بس احاتي النسبه يوم الاحد
ناصر بشك وهو يمسح على ظهرها: اكييييييييييد ولا فيه شي ثاااااني
مشاعل رفعت ويهها ومسحت دموعها: لااا بااابا والله ما فيه شي لا تشغل بااالك

جنا طلعت وشافت عيالها الثلاثه واقفين عند الباب ويطلون للمسبح وكانت لابسه قميص نوم اسود طويل ورابطه عليها الروب: شفيكم؟؟ جنكم حراميه طالين من البآآب

احمد انحرج: هاا ولا شي
فارس يضيع السالفه: انتي ليش نازله؟؟
جنا تعدتهم وطلعت للباب: اقوووول تعااااالوا وانتوا سآآآكتين..

طلعوا معاها وراحوا صوب المسبح وسمعوا ناصر يقول

ناصر بحنان وهو يمسح دموع بنته: مشاعل انا ابوج واخاف عليج اكثر من نفسي..وما ابيج تسكتين عن اي احد يزعلج او يضرج سمعتي..انا فقدت وحده ومابي افقدج انتي بعد

جنا بآلم: نآآآآآآصر
مشاعل باستفهام: ليش يبه منو فقدت؟؟
ناصر التفت لجنا ونزلت راسها: كان عندنا بنت اكبر من احمد
احمد انصدم: اكبر مني اناااااااااااااا
فارس بسرعه: وينها يبه؟؟ ماااااتت؟؟
عبدالعزيز حس بآمه وشد على جتفها: يمااا

جنا نزلت دموعها وتكلمت بصوت مبحوح: خطفوها مني
عاد الحين دور مشاعل تنصدم: خطفوووووووووووووووووووهاااا

جنا ببحه: بالمستشفى..كنت توني والده ما صار يوم ونص
ناصر ساكت يبيها تفضض وتطلع اللي بقلبها: ............
احمد بفضول: اشلون يما؟؟
عبدالعزيز: اشلون خطفوها وانتي وين كنتي وشداركم انها ما ضاعت مع المواليد اليدد؟؟
جنا تمسح دموعها وتقوم عنهم لانها ما تقدر تتذكر هالشي..

عيالها: يمااااا
ناصر وقفها: جنآآآآآآ
جنا ما ردت عليهم مشت وخلتهم
ناصر التفت لعياله: انا كنت بييب غدا وايي وامكم كانت مرضعتها وداشه الحمام تغسل واول ما طلعت ما لقتها..لما ييت سألت عنها لان الممرضات قالوا لجنا اني ييت وخذيتها وليومكم هذا ما ندري عنها شي..إذا اهي ميته ولا عايشه..ظلينا سنتين ندور من محكمه لمحكمه..الممرضات فصلوهم والمدير استقال وانا ما استفدت غير الحزن..حسيت بوقتها اني ضآآآيع لاني فقدت قطعه مني..ومو اي قطعه..بنتي واول فرحتي..مرت الايام وانا احاول اطلع امكم من حزنها وطلبت منها تحمل عشان نييب ياهل يعوضها عن اللي ضاعت بس اهي ما كانت تبي تحمل إلا إذا لقيناها..صبرنا سنتين واخر شي حملت فيك تحت ضغط مني..
احمد سكت..ما يدري من الحزن..ولا القهر..ولا السالفه اللي اول مره يسمعها: ......
مشاعل : شنو كان اسمها يبه؟؟
ناصر ابتسم: سمتها امكم روح
مشاعل واخوانها: روووووووح؟!
احمد ابتسم: يعني لو كانت عايشه جان الحين اهي اكبر مني بسنتين
ناصر ابتسم ووقف: هذا لو كانت عايشه..يلا لا تطولون بالسهره..



راح عنهم وتركهم يفكرون بالقصه اللي اول مره يدرون عنها


فارس: من الحقير اللي ما عنده قلب اللي يخطف بنت صغيره
عبدالعزيز يحلل الموقف: يمكن وحده ما تييب عيال عشان جذي خطفتها او يمكن واحد حاقد على امي دز ناس يخطفونها
او
مشاعل شهقت: انزين ما عندنا صووووره لهاا
احمد : وين ناطه؟؟
مشاعل: بروح اسأل امي إذا عندنا لها صوره ولا لآ
احمد : تعالي عيب وين رايحه بهالليل
عبدالعزيز: حلاة شكلج وانتي داشه عليهم؟؟
فارس ضحك: هههههههههههه
مشاعل بقهر: انتي ما احاجيك زعلانه منك..وانتوا مالكم شغللل بروح يعني بروح واللي بيي حياه الله ههههههه




فوق بغرفة نوم ناصر وجنا


دخل ناصر وشافها قاعده عالسرير وتطالع صوره بفونها وتبجي..(كانت صوره لروح واهي توها مغسلينها عن الدم ومعطينها لناصر يشوفها)

ناصر قرب وقعد وخذا راسها وحطه على صدره وهمس وهو يدخل اصابعه بشعرها: حبيبتي احتسبيها لنا عند الله..
جنا بدموع وهي تشد على قميصه: حرموني منهااا حرموني منهاا
ناصر رفع ويهها بين ايدينه: ما يضيع حقنا عند رب العالمين..اهم شي الحين انتي لا تضايقين نفسج
وقرب منها ومسح دموعها بشفايفه واندمج معاها وباس شفايفها وعاشوا جو


وقطع عليهم اندفاع مشاعل : مام..هـــئ..

طلعت وصكت الباب وانسدحت بنص الطريج

اخوانها كانوا وراها: هههههههههههه شفيج؟؟
مشاعل : واااااي لاأأ لاأأأ
ناصر فتح الباب وهو معصب: شتبين انتي؟؟ ما تستحين داشه جذي بدون ما تطقين البآآب
مشاعل تخبت ورا عبدالعزيز ومسكت بلوزت بقوه: آ آ والله ما ادري بابآ..سوووري آخر مره..آموووووواه

عبدالعزيز وده يضحك بس ما يقدر بوجود ابوه: وخري بتشقين الفنيله..
ناصر كتم ضحكته: آخر مره فاااااهمه..وبعدين شنو كنتي تبين خلصينا
فارس ابتسم: كانت تبي تسأل إذا عندكم صور لروح ولا لأا
ناصر ابتسم: دقيقه..
صك الباب ودش

فارس بفضول: شنووو شفتي بسرررررعه تحجي؟؟
احمد يضحك: هههههه شكووو انت؟؟
مشاعل دفنت ويهها بظهر عبدالعزيز: لا مابي ما اقول استحي..
عبدالعزيز دزها: وخرررررري ههههههههههه

مشاعل ضحكت وراحت لفارس: ههههه حمااااار هين اقول لفارس بسسسس..
عبدالعزيز واحمد : ولي زينننننن
فارس ضحك وهو يسحبها له: ههههه المهم بسرعه
مشاعل تشاوره: شفت ماما وبابا قاعدين يبوسون بعض..واااااااااااااي حرررررر حررررررررر
وتسدحت مره ثانيه

فارس ضحك وهو يطالعها: هههههههه قومي الله ياخذج
عبدالعزيز واحمد يضحكون عليها: هههههههههههههههههههه

طلع ناصر وشافها: وانتي كل ما اطلع القاج مسدوحه..شرايج تيين تنامين معانا
مشاعل قامت بسرعه: والله..(ويت بتدش بس ابوها دزها)
ناصر ضحك: هههههههه المهم هاكم هذا فون امكم فيه كل الصور اللي تبونها وهذول بعد اشرطة فيديو انا مصورها

مشاعل نطت وخذتهم: صججججججججج..ياااي بروح اشوفهم
راحت ووراها اخوانهاا

اما ناصر رجع لجنا بعد ما قفل الباب


جنا متمدده ودآيخه حدها: شفيك؟؟ شنو عطيتهم؟؟
ناصر ابتسم وهو ينام معاها وياخذها بحضنه وصار ظهرها على صدره: اشششششش مو مهم نامي انتي الحين..



وبغرفة مشآآآآعل

كانت قاعده على سريرها واخوانها مسوين دائره عليها ويشوفون الصوره اللي بفون امهم

مشاعل: هذي روح..
فارس ابتسم: هاتي اشوف..احلى منج..مبين انها طالعه على امي
احمد : اشلون عرفت ملامحها صغيره..
عبدالعزيز : انزين ييبوا الاشرطه خن نشوف

مشآآآعل نطت من سريرها للدفيدي: آناا اشغللللل انااااا
فارس يشوف اسماء الاشرطه : اممم شوفوا فيه..طفلي الاول..وفيه عيدميلادي..وفيه...

مشآآآعل: ئي ئي نبي هذا طفلي الاول..يوم امي حامل فيك احمدوووووه
احمد ضحك: لا والله هههههههههههه

 

[ღ Mzajiya ღ]

تسلللللللللم ايدج حياتي
موفقه :**​

 

[همس المشاعر]

رووووووعه
اوراق خريفية والله وربي انتي مبببببدعه
وعن وجهة نظري وربي واقسم لج بالله أني أشوفچ احسن كاتبه يا مببببببببببببببدعه
وكم باچي بارت ؟¡!¡
و ناصر وجنا بيعرفون عن بنتهم وبياخذونها ولاىلا !¡!؟*
وبصراحه اوراق انا ما اقرأ الرويات اللي مااكتملت بس انتي غير
وثااااااااااااااانگس !¡!

 

[همس المشاعر]

بس متى البارت ؟¡!¡

 

[دلوعة بيان 98]

القصة عجيييييييييييييبة
وايد وايد حلوة
ماشالله عليج الصراحة انتي اكثر من مبدعة


و ناطرين البارت :d
​

 

[برنسس أوراق]

تسلللللللللم ايدج حياتي
موفقه :**​

الله يسلمج

 

[برنسس أوراق]

رووووووعه
اوراق خريفية والله وربي انتي مبببببدعه
وعن وجهة نظري وربي واقسم لج بالله أني أشوفچ احسن كاتبه يا مببببببببببببببدعه
وكم باچي بارت ؟¡!¡
و ناصر وجنا بيعرفون عن بنتهم وبياخذونها ولاىلا !¡!؟*
وبصراحه اوراق انا ما اقرأ الرويات اللي مااكتملت بس انتي غير
وثااااااااااااااانگس !¡!

العفووو ورايج شرف لي..همس وينج والله اشتقتلج ولحملتج..حبيبتي انتي ما بقى شي عالنهاااااايه..وإن شاء الله بنزلها للجوال للبنات

 

[برنسس أوراق]

القصة عجيييييييييييييبة
وايد وايد حلوة
ماشالله عليج الصراحة انتي اكثر من مبدعة


و ناطرين البارت :d
​

حبيبتي انتي عيونج اللي روعه..

 

[برنسس أوراق]

الحين بنزل لكم البارت ‏27 و ‏28

 

[Zhoor el7lwa]

يسلمووو حبيبتي البارت حلو مثلج ههههه^_^

 

[بيبي 22]

مشـــــــــــــــــكورة حبيبتي والله صيحني البارت يوم قالوا لهم عن اختهم :eh_s(2):

ان شاء الله يلقونها :yaaaaaarb:

ثانكس حبيبتي روعة روووووعة :rerrerek: :eh_s(7):​

 

[Zhoor el7lwa]

هيااااااااا ناااااااطريينج حبي^_^

 

[برنسس أوراق]

الدقه السابعه والعشرون

تيمعوا كلهم جدام التلفزيون وشغلت مشاعل الشريط وبدا لهم هذا المشهد:



طلع ناصر للبحر شايل الكاميرا بيده ولابس برمودا بيج وبلوزه حمرا حفر: جنووو طلعي من الماي

مشاعل طقت ستوب وشهقت: وااااي هذا ابوي وهو صغييييييييييير...زوووووغه زووووووووووووغه..
عبدالعزيز طقها على راسها واهو يضحك: هههههههههه خلصينا انزين بنشوووف

فارس واحمد : هههههههههههه خلاص سكتو

مشآآآعل ضحكت وطقت بلي


جنا كانت داشه البحر وواصل لركبها وقاعده تلعب بالماي ولابسه برمودا جينز بيج وبلوزه علاق حمرا علاق..رفعته راسها وشافته: مابي بنتسبح..وبعدين شحقه لبست نفسي..(وتخصرت)تقلدني ههههههه

ناصر يقرب منها وموجه عليها الكاميرا ويضحك: كيفي مرتي وألبسج اللي ابيه..وبعدين تعالي شنو اللي بنتسبح؟؟

جنا خذت بيدها ماي ورشته على ويهه: هههههههههه (وحطت ايدها على بطنها)انا وحمودي نتسبح ههههههههههه وبعدين شكو مرتي وألبسج انا اقول انت شحقه لابس نفسي (وطاحت بالماي من الضحك)هههههههههههههههههههههه


مشآآآآعل طقت ستوب مره ثانيه وماتت من الضحك: هههههههههه شوفوا شوفوا..ههههههههه حمود امي تقول عنك هههههههه

احمد ضحك: هههههههه بس والله امي وهي صغيره حلووووه
فارس يضحك: ههههههههههه ما تشوف طاح بهواها..
عبدالعزيز: هيييي انتوا هههههههههههه
مشآآآعل طقت بلي: خلاص سكتو..


ناصر ترك الكاميرا عالرمل تصور ودش وياها الماي واهو يضحك: ههههههههههه(ورفعها عن الماي) اقووول قومي قومي لا تمرضين(وطالع بعيونها)انتي وحمودي هااا
جنا بضحكه وهي تلف ايدينها على رقبته: ئي ههههههههههههههههههه
وبخفه انحنت للماي وخذت بيدها ماي ورشت على ويهه وانحاشت هههههههههههه

ناصر تفأجا بالماي على ويهه: هههههههههه تعااااااالي وين منحاشه انا ارويج هههههههه

وطلع وراها


هالمره مشآآعل اول ما وقفت كلهم ضحكوا وياها: ههههههههههههههههههههههه

عبدالعزيز: كملي كملي..

جنا كانت توها واصله الرمل ومواصله ضحك: هههههههههههـ
ناصر قطع عليها ضحكتها لما مسكها من خصرها من ورا وسدحها عالارض وصار فوقها بالضبط ما بفصل بينهم الا النفس: صدتج

مشآآآعل كانت طاقتها البوهه: .........
احمد سحب منها الريموت وهو مستحي: احم احم ...خلاص مو لازم نكمل
فارس وعزيز خذوا منه الريموت: لااااااااااااا وين ويننننننننننننننننننننن لما صارت السالفه حلووووه
احمد ضحك: ههههههه شنو هذا صيع انتوا ههههههه
فارس وعبدالعزيز: بكفينا عآآآآد
مشآآآعل: ههههههههه بس لاتهاوشون..
فارس طق بلي وكملوا الفلم: اششششش


جنا تفأجات لما مسكها : هييييييي نوووونو شوي شوي علي نسيت اني حاااامل
ناصر ابتسم لها وهو يتأمل انعكاس الشمس على صفاء وبياض بشرتها وخدودها الحمر: لاا ما نسيت بس شكلج انتي نسيتي الحركه اللي سويتها
جنا قام قلبها يرقع من نظرته وبدلع: امممم نونو حبيبي ترى حمودي بينا
ناصر ضحك على طريقتها بالهروب: هههههههههه وينه ما اشوفه
جنا طالعت بطنها: هني ببطنـ

وما استوعبت الا وشفايف ناصر على شفايفها يبوسها

مشآآآعل فجت عيونها: هـــــــــــــئ
احمد صار ويهه طماطه وبسرعه خذا الريموت وطق ستوب وطفا الشاشه: آآآآآآ

فارس وعبدالعزيز انحرجوا: احم احمممم

مشآآآعل ضحكت على اشكالهم: طاع اشكالكم ههههههههههههههههههههههههههههه
قوموا طلعوا يلا انا بشووووف..
احمد تخصر: لااا والله..
مشآآآعل تضحك: هههههههههههههههههه

فارس: خلاص يبه شغلوه وطوفوا اللقطه

شغلوه بعد حوار ونقاش وهوشاااااات

جنا توهقت وصارت تقاومه بيدينها وتهز راسها بضعف بس اهو ماسكها عدل
وماخذ راحته لان الكاميرا شغاله واهي لاعت جبدها : ناااااااااااااااااصر خلاااااص..
ودزته عنها وقامت ركض للشاليه وايدها على حلجها

اما ناصر شافها وعرف انها بترجع وطالع الكام : ههههههههه راحت بترجع..شفتوا اشلوووون..(وسكت شوي)شرايكم اروح وراها..(وضحك)ههههههه اكيد بروح وراها كيفي معرس ما صار لي الا اسبوعين وشوي ههههههههههههه

ومسك الكام وصكها وقام


مشآآآآعل ضحكت: ههههههههه شفتوا شقال ابوي معرررررس..ههههههههههههه

احمد ابتسم: يعني هني امي كانت حامل بروح..لانها قبلي وابوي يقول انه معرس..

عبدالعزيز: يااااه تخيلوا لو الحين عندنا اخت أكبر منا
فارس: جوو عجييييييييب
مشآآآعل: شوقتوني اشوفها..
احمد : وين وين يبه؟؟ شداركم انها عايشه؟؟
بعدها كلهم سكتوا واستغفروا ربهم لانهم اعترضوا على حكمه وبعدها قام كل واحد ينآآآم لا مشآآآعل ظلت سهرانه عالنت لانها توها قآآآعده..


+
+
+
+
خـلــــوه يشــــوف ويجـــــرب ..
ومــا يلـقـــى غـــيري احـبــــيب ..
وان كــان معــدنــه طـــيب .. أنــا طــــيب..
وقـلــيبـــي فـــاتــــح ابــوابــــه ..
يـا دنيـــــا يـا غــرابـــــه ..



فيلا نواف ابواحمد
كان الوقت الفير الساعه 2:30


بغرفة النوم الرئيسيه


نواف منسدح بفراشه ويمه رنا نايمه ومو حاسه فيه..يطالعها ويفكر بكلامها وهوشتهم العصر

{ انت ريال واهي مو بنتك وانا اخاف الشيطان يدش بينكم وانا مو موجوده}

{انت ريال واهي مو بنتك وانا اخاف الشيطان يدش بينكم وانا مو موجوده}

{انت ريال واهي مو بنتك وانا اخاف الشيــ......}


نواف مسك راسه عشان يبعد عنه هالافكار: آآآه بسسسس بسسسسسسس


قام من الفراش وطلع برا الغرفه..وبدون إراده منه خذته ريوله لغرفة جنا فتح البآب وكانت الغرفه ظلااام وبآآآرده ومو مبين الا ظل جسم جنا من تحت الغطا

نواف يطالعها ويبتسم: آآآه ياجنا..مو قادر لج لا وانتي بعيده عني..ولا وانتي جدامي وبين ايديني(قصده جنا الصجيه وروح)

ابتسم على افكاره ومشى بهدوء لسريرها ووقف يطالعها

وشوي شوي رفع الغطا عن جسمها وصار يتأملها وهي نايمه

نواف لوهله ندم ولف بيرجع: استغفرالله يآآآرب..كله منج رنووو انتي السبب حطيتي البنيه برآسي وانا مربيها

رجع بخطواته بيطلع بس جنا حست فيه وقعدت

جنا مفتحه عين ومغمضه عين: بآآبا تبي شي؟؟
نواف ابتسم ورجع لها وقعد يمها ومسك ايدها وبآسها: لا بآآبا ييت اطمن عليج..نآآمي انتي
جنا ما سآلت وردت انسدحت ونامت من دوخة النووم
نواف سكت لحظآآت وهو يتآملها وهي نايمه يمه ويشوفها عن قرب لكن هالمره غير عن عين الانسان اللي رباها مثل ابوها..عين الشهوه

شوي شوي خذته افكاره بعييييد ومد ايده لشعرها وصار يمسح عليه وانفاسه الحاره صارت قريبه من ويهها

جنا حست بالوضع غلط وهي نايمه وفتحت عيونها وشافت ابوها قريب منها وايد : بابا شفيك تعبااااان؟؟

 

[برنسس أوراق]

نواف ابتسم وهو يرفع الغطا عنها ويتغطى وياها: لا بآبآ بس مو يايني نوم..بآلي مشغول شوي
جنا بطيبه: متهاوش مع ماما
نواف ابتسم : عآدي بآبا حبيبج ينام وياج..
جنا ابتسمت : اكيد عااااادي
قربت منه ولمته بعفويه ونواف ابتسم وحضنها لصدره بقووه وانسدح وخلاها بحضنه وصار يمسح على شعرها ويسولف: يلا باباتي نامي

جنا غمضت عيونها ثواني وبعدين حست ان ابوها قاعد يلمها حيل وبشكل قوي حتى جسمها قام يعورها من ايدينه اللي صاكه عليها وشوي وشوي صارت ايده تمشي على جتفها ورقبتها وفجت عيونها وقامت عنه وهي متوتره وبطلت الابجوره: بآآآبا شفيييييك قاعد تعووورني
نواف خاف لا تشك وتسمعهم رنا وتصير سالفه وبنفس الوقت مايبي يخسرها: سوري بآبآتي بس والله مو مني من الافكار اللي ببآلي
جنا بحنان: خلاص بآبآ خل هالافكار تولي وقوم نآآآم..حرام تقعد ماما وما تلقاك نايم يمها..بعدين ينشغل بالها
نواف قام وهو ما وده يقوم : اوووكي بآبآتي تصبحين على خير بس وين بوستي

جنا بعفويه قامت وبآسته واهو بحقاره لف ويهه ويت البوسه بشفايفه وبعدت عنه مخترعه : هئ سوري بآبا والله مو قصدي والله..(وقعدت تبجي)اهئ اهئ اهئ اهئ اهئ اهئ اهئ اهئ اهئ

نواف كان بقمة الوناسه من داخله بس ما بين لها ومثل خوف الاب وحنانه وقام لمها: ادري بابا ادري بس عآآآآد لا تبجين والله قلبي يعووورني
جنا بعدت عنه وهي مو قادره تحط عينها بعينه: سوري بآبآ
نواف ابتسم وقام عنها: خلاص حبيبة بابا نااااامي
طلع وخلاها تفكر بلي صآآآآر وفيها البجوه وشوي شوي طار النوم من عيونها وظلت تطالع القمر من الدريشه

+
+
+
+

فيلا ضاري ابوفهد
الساعه 9 الصبح

بغرفة سلطان

دشت سدن لابسه تريننغ موف بأصفر : سلطااااااان سلطااااااااااان قوووووووم يلا نروح ونخليك ترا

طفت التكييف وشغلت الليتاات ورفعت الستاير ودخلت اشعة الشمس

سدن تهزه: قووووم يلاااا
سلطان يتقلب: اففففف سدون ياملغج طلعي برااا
سدن شالت عنه الغطا: شنو طلعي برا..قووووووم يلا نروح الشآآآآليه
سلطان توه صحصح وفج عيونه: افففف نسيت..يلا كاني قااايم قااايم
وصار يتثاوب
سدن ضحكت عليه: ههههههه قووووم يلاااا
كلنا لابسين وناطرينك

سلطان بعد الغطا وقام للحمام يتروش عالسريع


تحت بآلصآآآله

ضاري قاعد يقرآ الجريده : إذا خلصتوا قولوا لي
فهد: خلاص يبه روح انت وامي واخذوا شروق وانا وسدن وسلطان نيي بسيارتي

ضاري ابتسم: جاهزه ام فهد
اثير ابتسمت: اكيد جاهزه..
ضاري وقف: عيل يلا شروق مشينا

على طلعتهم نزلت سدن : شنو راحو؟؟
فهد: ئي انتي وسلطان بتييون ويآي
سدن: افف توه دش الحمام
فهد راح وقف عند الدري: سلطاااااااااان سلطآآآآآآآآآآآآآآآآنووووه

طلع سلطان لاف فوطه على خصره وشعره مبلل: زين يآاخي بلبس بس لا تقعد تصارخ
فهد ضحك: هههههههه صج انك ما تستحي على ويهك طالع الصاله مفصخ..رووح ألبس وفكنا وتعال بسيارتي

+
+
+
+

فيلا ناصر ابواحمد
نفس الوقت

كانوا كلهم عند البآآب ما عدا مشآآعل متأخره

عبدالعزيز شافها طالعه تعدل فلات وردي بريلها وكانت لابسه برمودا جينز مع بلوزه ورديه بأبيض: خلصيناااااااا ياسندريلا
فارس ضحك: ههههههههه ئي والله قاعده تعدل نعالها خخخخ
جنا : هيييييي يوزو عن بنتي عآآآد
مشآآعل استانست ويت باست امها: اموااااااااه فديت ماماتي انااا

احمد بسيارته: يلا يبه تأخرنا
ناصر يا وركب: يلا حبيبتي
جنا يت وركبت معاهم: يلا يايه
مشآآعل نطت: لاا لاا بابا دقيقه ابي فلوس؟؟
ناصر طالعها وهو يبتسم: شحقه؟؟
مشآآعل: بمر الجمعيه
فارس : جمعيه الحين..
مشآآعل تخصرت: مالك شغل عزوز يوديني..
عبدالعزيز ضحك: هههههههههه ما شاء الله قررتي بكيفج
ناصر طلع من بوكه 50دينار وعطاها: هاج هذول يكفونج
مشآآآعل ابتسمت وخذتهم منه: ئي..ثانكيووو بآآبآآتي..

وتفرقوا بسيارتين..فارس ومشآعل مع عبدالعزيز بسيارته..واحمد مع امه وابوه بسيارته




وبسيارة عبدالعزيز


مشآآعل ناطه جدام بين اخوانها : عزوووز حط لنا راشد

فارس يستهبل: أي راشد..ولد خالي رائد

مشآآعل : هه هه هه بآآيخه..

عبدالعزيز ضحك: ههههههه ترى وصلنا نزلوا وخلصونا

+
+
+
+

وصوب ثاني بالجمعيه


جنا : حموود وقف هني انزين
احمد ابتسم: وين رايحه؟؟ المنطقه المحظوره
جنا ضحكت: هههههههه جببببببببب يآوصخ

احمد ضحك عليها : ههههههه انزين بسرعه انا بروح صوب العصاير



من نآحيه ثآنيه


مشآآعل تفتر صوب الحلويات بيدها سلة وتعبي فيها: امممم عزوز اخذ تويكس ولا سنكرس
عبدالعزيز ابتسم: انتي كله تويكس..غيري شوووي
فآرس متسند على الرف: اقووول شعوووول ما تبي شي خآآص مني منآآك يعني..
مشآآعل ولع ويهها: جببببببببب يآآوصخ
>>لاحظتوا الجمله خخخخخ

عبدالعزيز وفآرس: هههههههههههههههههه
عبدالعزيز: اسكت عنها لا تفضحنا

فآرس يضحك وكل البنات اللي بالفرع يطالعونه: هههههههه ما عليك انت..صج صج شعوول تعااالي..>>وبدون ما يعطيها فرصه تفكر سحبها ومشى..

مشآآعل تفشلت منه وهو يسحبها: هييييي فاااارس..فآآآآرس ياحماااااار هدني..الناس يطالعونا هدني..

فآرس من السرعه ما انتبه ان فيه احد جدامهم ودعم فيه بقووووه والمشكله ان مشآعل دعمت بظهره لانها كانت ورآه
وطاحت هي فوق فآرس وفآرس فوق....



عبدالعزيز يضحك: هههههههههه قوموا فشلتونا..هههههههههه
مشآعل وقفت وهي تتسند عليه: هيييين يافروووس الحمااار ضحكت علينا النآآآس..

فآرس توه يستوعب الوضع وقف بسرعه وهو يمد ايده للبنت اللي تحته ويوقفها: سوري سوري والله ما انتبهت لج
مشآعل بقهر وهي ماسكه ذراع عبدالعزيز: ئي مو عيونك بقفآآك
جنا وقفت بخجل وهي تعدل شعرها اللي غطا على ويهها وترفعه بالربطه ذيل حصآآن لانه انفتح: احم لاا عادي بس انتبه مره ثآآنيه
فآرس انصدم اول ما شآف ويهها: .............

مشآعل بدون شعور : رووووووووووح

جنا باستغراب : نعممممممم
فآرس للحين عيونه مفتوحه بدهشه وما ترمش: عزيز شوفها مو فيها شبه؟؟..
عبدالعزيز قرب منها وانصدم لما شاف ويهها: ئي والله فيج شبه من امي..
جنا : آآ
احمد قطع عليهم بصوته: يلا جنا وينج؟؟
جنا راحت له ومسكت ذراعه: كاااني..

مشت عنهم مع احمد وهم ظلوا واقفين


مشآعل لمت اغراضها بسرعه وقطتهم بالسله: بسرعه بسرررررررررعه
فآرس وعبدالعزيز يطالعونها: شفيج وين رآيحه؟؟
مشآعل تمشي وراهم: بروح وراها..
عبدالعزيز مسكها:من صجج..البنيه مع زوجها
مشآعل: شدراك انه زوجها؟؟
فآرس: ما يبيلها ذكاء ياغبيه ما تشوفينه ناداها وهي راحت له على طووول..وبعدين اسمها جنااا
مشآآعل ما ردت عليهم قطت السله عند الكاشير وطلعت
عبدالعزيز وفارس توهقوا: هيييي وين رآيحه؟؟ تعآآلي
عبدالعزيز: روح وراها وانا بحاسب وايي..مينونه هذي لا تسوي شي


برا عند المواقف

 

[برنسس أوراق]

الدقه الثامنه والعشرون

برا عند المواقف


طلعت مشآعل وهي تتلفت وتدورهم بين السيآآرات

ولمحتهم قبل ما يحركون وراحت لشباك جنا: لحظه..


احمد وقف سيآرته بسرعه قبل لا يدعمها: استغفرالله يارب..عميااااا انتي بغيت ادعمج..

مشآعل طنشته وطالعت جنا: الله يخليج انتي شمسج؟؟
جنا مستغربه منها: جنا..
احمد باستغراب: شسالفه؟؟
جنا : ما ادري..
فآرس توه شافهم ويالهم: مشآعل شفيج فشلتينا..آسفين يآلاخو تقدر تروح بس اختي شبهت على اختك
احمد ابتسم: اوكي مو مشكله
مشآعل طلعت بوكها بسرعه: لاااا لحظه..الله يخليك لحظه شووي..(وطلعت صوره لآمها)
فآرس: شتسوين انتي ينيتي؟؟
مشآآآعل بلهفه: ئي ينيت ينيت..مالك شغللل زيييييييين..(وعطتها الصوره)هااااج شووفي هذي امي اسمها نفس اسمج..مو تشبهج تكفين طالعيها عدل
جنا كانت مصدومه من موقف مشآعل ومن كل اللي صآير خذت الصوره ولما شافتها عرقت ودق قلبها بسرعه ونمل جسمها : ه..هآذي ام..امج
مشآآعل بترقب: ئي انتي حآسه صح..الله يخليج قووولي الصج..انتي شسمج الكامل؟؟
جنا بتردد وصوتها ما يطلع: ج..جنا نواف احمد ال..
احمد قاطعهم: شسالفه يالاخو ترى النآس واقفه..
فآرس: والله ما ادري شقولك..احنا آسفين بس اختي تعبآآنه شوووي..مشكوووور ما قصرت تقدر تمشي عطلناكم

مشآعل بصراخ: لا لا لحظه شووووي الله يخليك وقففففف شوووي وق..
بس احمد ما رد عليها ومشى وحتى جنا ما لحقت ترجع الصوره لمشآعل
فآرس ماسكها ويهزها بالشآرع: مشآآآآآآعل خلاآآآآآآآآآآص
عبدالعزيز طلع لهم يركض من الجمعيه : خييييير خيرررر شصاير
مشآعل دزته وهي تترك العنان لدموعها: شفيك انتتتتت انا كنت بسآعد ماااما
وراحت للسياره ودخلتها وصكت البآآآب بقووووووه
عبدالعزيز وفآرس كل واحد فيهم مشى بدون ولا كلمه..
ركبوا السيآآآره ومشوا وعم الهدوء الا من صوت مشآآعل اللي تبجي

+
+
+
+

بسيآرة احمد

احمد باستغراب: تعرفينهم؟؟
جنا متدودهه وتطالع الصوره اللي بيدها: هاااا لااااااا اول مره اشوفها وبعدين من وين بعرفها شكلها صغيره واحنا ما يينا الديره الا من سنتين يعني حتى لو بكون صداقات مو بسنها
احمد سكت..وجنا بعد سكتت لحد ما وصلوا الفيلا ونزلوا



دشت جنا وشافت ابوها بالحديقه


نواف ابتسم اول ما شافهم: هلا وغلا بحبيبة بآآآبا
جنا ابتسمت مجامله وبآست خده وقعدت: بآآبا
نواف ابتسم: عيووووووونه
جنا عطته الصوره بتردد: تعرف منو هذي؟؟

نواف اول ما مسك الصوره عرق وقآم قلبه يدق بسرعه وحاول ما يبين : من وين لج هالصوره
جنا: تعرفهاا؟؟
احمد يا وقعد معاهم: ها عرفتوا منو؟؟
نواف ارتبك: لا منين بعرفها
جنا انطفى الامل اللي بقلبها وقآمت وخلتهم: انا بشوف ماما
نواف التفت لولده: شسالفه؟؟
احمد تنهد: انا اقولك..

وبدا يسرد القصه لابوه


+
+
+
+

لبـيـهـ
لبـيـهـ
لبـيـهـ / ياشوقي لأجلك دعاني
اجيكـ واشواقي تقووووووول
{لبيهـ
لبيهـ
لبيهـ
لبيهـ}
جنبـك يصيـر العمـر له
طــعــم
ثااااااااانـي
أحس بقيمة الوقت وأحصيهـ
لا جاد وقتي باللقا لو ثواااااااني
عندي تساوي
{كل} عمري ثوانيه<3




بالشآآليه
الساعه 11 الظهر


العوايل كلها متيمعه..ناصر وعياله..زياد وعياله..رائد وعياله..ضاري وعياله



عآدل: اقول عمي عيل وين فروس وعزووووز؟؟
ناصر ابتسم: والله بنت عمتك دلوعة ابوها تبي الجمعيه وراحوا معاها
عآدل ضحك: ههههههههه تستاهل بنت العم

سلطان يغمز: هيييي تراهي خطيبتي لا تحط عينك عليها
عآدل دزه: رووووووح زيننننن
الكل: هههههههههههههههههههههههههههههه

احلام تزن بآذن ابوها: بآبا عفيه
زياد زهق منها: اففففف شتبين شتبين
طلال يدزها : وخري مناااااك..بالبيت مو مفتكين من حنتج ولا بالشآليه
محمد : هههههه يامعوود عطناياها امنا ما يابت لنا اخت
زياد : هيييي عآد لا كله ولا بنتي
احلام ضحكت: ههههههههههه فديتك بآبا

اريج باعتراض: وانااااااااااا
زياد ضحك: ههههه وانتي بعد احببببببج
غزل تخصرت: عيل انا طلعت برا
الكل: ههههههههههههههههههههههههههههه

رائد بضحك: انتي حبيبة عمج..
غزل ضحكت: ههههههه فديت عموو انااا

اثير كانت تشوي ذره اهي وجوري: تعآآآآلوا بناااااات صارت الذره جاااااهزه

احلام وغزل واريج وسدن وشروق مع بعض: وآآآآآآآآآآآآآآآو ههههههههههههههه

راحوا كلهم يركضون وكل وحده تقول لآمها..ماما انا ماما انا


فهد ابتسم: سدووووون ييبي لاخوج لا تنسينه
سدن طالعته ودزته بوسه : فديتك انا الحين اييبلك
سلطان: وانا بعددددد
سدن طالعته وضحكت: انته انطر مشآآعل تييب لك هههههههه
سلطان والكل: ههههههههههههههههههههههه

جنا يت وبيدها ذره وقربت عند الريآييل وبالتحديد عند نآصر اللي معطيها ظهره..انحنت له وحطته عند حلجه: هااااك بواحمد
من ايدي
ناصر ابتسم وعض عضه من الذره: يآآآعمر بواحمد انتي

ضاري ضحك: هههههه انته للحين تغازلها خلاص كبرت
الكل: هههههههههههههههههههههههههههههه
جنا رآحت لضاري وجرت شعره: هييييييييييييييييي انته كبرت وخرفت مو انااااااا

ضاري : اي ايييي ياحمآآآآآره
جنا ضحكت وهدته: احسنننن تستاهل هههههههههههههه
فهد وسلطان: ههههههههههههه افآآ يبه..
ضاري ابتسم: ما اقدر لها مو تقولون
الكل: هههههههههههههههههههههههههههههه


رآح الوقت بالسوآلف ويت مشآآعل مع اخوآنها..سلموا وقعدوا


ولما آذن الظهر

دشو الحريم الشآليه والريآييل تيددوا وبيروحون المسيد

مشآآعل راحت ورا ابوها: بآآآبا

نآصر مستعيل: بعدين باباتي الحين بروح اصلي..
مشآآعل بهمس: لاآآ بابا بقولك شي وما ابي ماماتي تسمع

زياد تدخل: خلاص احنا نمشي عنك وانت ألحقنا
ناصر ابتسم: خير إن شاء الله..

 

[برنسس أوراق]

طلعوا الريآييل وراح نآصر مع بنته بوحده من الصآلات

ناصر : ها بابا شنو تبين؟؟
مشآآعل بهدوء: تعرف واحد اسمه نواف احمد ال..
ناصر سكت شوي بعدين هزها بعنف: وين شفتيه؟؟
مشآآعل انصدمت ردة فعل ابوها: ما شفته والله ما شفته..بس واحنا بالجمعيه.................................وقالتله كل الموقف

نآصر بلهفه: انتي متآكده؟؟
مشآآعل : ئي بابا حتى اسأل فارس وعزيز..كانوا معاي وشافوها حتى هم اول ما شافوها قالوا تشبهين ماما وكان معاها زوجها ماادري اخوها اسمه احمد
ناصر وقف: سمعيني عدل..هالسالفه ما تقولين عنها لآمج وانا بطريقتي بسأل عنها وعن ابوها فهمتي..
مشآآعل وقفت: إن شاء الله بآبآ
نآصر ابتسم: يلا الحين بلحق عالصلاه وانتي شوفي البنات اللي عليها صلاه تصلي

مشآآعل ضحكت بحرج: هههههه زيننننن الحين اقول لهم

+
+
+
+

فيلا نواف ابواحمد
السآعه 9 بآلليل

بآلصآله

سيتي : ماما هدا عشى كلاص
رنا : خلاآص قولي للطبآخ ينجب الاكل..
سيتي : اوكي مآما

رنا وقفت وراحت لاحمد اللي قاعد عالنت : احمد
احمد بدون ما يرفع رآسه: هممممم
رنا : قووووم يما غسل ايدينك العشى جاهز

احمد يطقطق عالكيبورد بسرعه: إن شاء الله يما دقيقه


بالحديقه

نوآف قآعد ويفكر وبيده الصوره اللي نستها جنا عنده الصبح


جروح المآضي كلها فتحتيها بدون قصد يآجنا
..امس رنا توز برآسي وكنت ب..استغفرالله يارب استغفرالله..(وطالع الصوره)واليوم انتي ييتي تسألني عن حبي الاول..معقوله ياجنا صار عندج من نآصر..احمد وعبدالعزيز وفآرس ومشآعل..آآآه يالقهر آآآه..معقوله مرت كل هالسنين وما نسيتج..
>>طبعا طلع عنهم برنت وعرف عنهم كل شي
وتنهد بقووه: ليش الواحد ما ينسى حبه الاول؟؟

رنا : نواف..نوآآآف شفيك صارلي سآعه اناديك
نواف التفت لها وهو يحط الصوره بجيبه: هلاآآ
رنا : وبعد سرحآآن..انا ما ادري شفيك هاليومين شلي شآغل بآلك
نواف زفر : ولا شي خلصيني شتبين
رنا : قوم حطينا العشى
نواف : جنا نزلت
رنا : ما ادري عنها..بس اكيد بنزلها تتعشى مو كافي ما تغدت اليوم
نواف وقف: خلاآص نآديها وانا بسبقكم


+
+
+
+
لا تشتكي وتلوم
عمر الحزن ما يدوم
والعمر فيه كم يووم
حتى نعيشه بآآآآآآآآآهـ


بآلشآليهآت
نفس الوقت


البنآآت احلام واريج وغزل ومشآعل وسدن وشروق مسوين دائره عند البحر ومآخذين لهم من العشى وقاعدين يآكلون
..وكان محاشي وورق عنب ومعكرونة ديآي بالبطاط وشوربة فطر وسلطآآت مختلفه وسندويشآآت كلوب منووووعه..


مشآآعل وهي تذوق الورق عنب: اممم يهبل..صج خالو ساره وبنآتها ليش ما يو

شروق: الظآهر انج مو بآلدنيآ..سافروا من امس بالليل للسعوديه
مشآعل بصدمه: والله..يآحظهم..ودي عآآد بعمره بعدين افر الريآض والدمآآم وخاصة اسواق الخبر والشرقيه..عذذذذذذذذذاب تينن

سدن : ههههههه إن شاء الله لا طلعت نتيجتج قولي لآخوانج يودونج
مشآآعل خذت الشوربه: واااي سكتي سدون قآآعد احاتيها
اريج ابتسمت: هالسنه عندنا انتي وسلطان ورشود اخوي
مشآعل بغرور: رشووود ادبي وكسلااااان اما انا وسوسو علمي وشطورين
احلام ضحكت: ههههههه ومدلعته بعد
مشآعل ضحكت: ههههه ذكرتيني امس وانا راده من الامتحان سألني ابوي مع منو يايه جان اقول سوسو اهو انصدم وانا انحرجت واخواني ضحكوا
الكل: هههههههههههههههههههههههههههههه

شروق : صج شعول تحبين اخوي..
مشآعل ابتسمت: لا يبه وين..حدنا صداقه..اممم تقدرين تقولين ارتاح لما اقعد معاه بس للحين احنا صغار ما وصلنا للحب

طبعا سلطان كان مخلص عشى ويمشي وسمعهم: عن منوو تتحجون؟؟ اكيد عني

شروق ضحكت ومشآعل تأشرلها لا تقولين: هههههه شدراك؟؟ صح نتكلم عنك ههههههههه
مشآعل استحت وقآمت عنهم: هيييين اوريج

البنآت : هههههههههههههه
سلطان طالعها وهي تركض للشآليه وابتسم: حرآآم عليكم ليش احرجتوها

شروق: ههههه انا سألت سؤال عادي وهي ردت
سدن : ماله داعي بصرآحه..الحين ما راح تقدر تقعد معآنا الليله
سلطان قآم : ماعليكم انا احاجيها..


البنآت ضحكوا وكملوا سوالفهم و سلطان قآم للشبآب




بعيد شوي عنهم
كانت مشآآعل تتمشى عالبحر رافعه جينزها وقاطه شوزها عالرمل


جنا كانت ملاحظتها من اول ما قامت عن العشى: مشآآآآآآعل
مشآآعل ما سمعت وكملت مشيها وهي تطالع ماي البحر: ...............
احمد ابتسم: مشآآآآعل
مشآآعل سرحانه: ................

احمد استغرب وطالع ابوه وامه: شفيها؟؟

نآصر عرف انها تفكر بالسالفه اللي صآرت اليوم: خلوها اكيد تفكر بنتيجتها
زياد ابتسم: عآآد بنتك شاطره ما يحتاج تفكر

نآصر ابتسم: إن شاء الله نتايج تبشر بالخير

راشد ابتسم: عآآد يبه انا من الحين اقولك فآآآآشل بامتياز
الكل: ههههههههههههههههههههههه
رائد يتطنز: ئي عفيه يبه شآطر ما شآء الله عليك هههههههههه
نآصر بهمس: بقوم وتعآلوا وراي ابيكم بسآلفه
رائد ابتسم: شسالفه؟؟
نآصر: انته قوم وييب زياد وضاري معاك وبتعرف..بس اسمع مو تخلي الحريم ينتبهون عليك..
رائد بترقب: إن شآآآء الله روح انت ونلحقك



قآموا كلهم وقالوا للحريم انهم بيتمشون شوي وراحوا بعيد حيل عن الشآليهات



ضاري: شسالفه تراك مشيتنا بعيييييييد؟؟
رائد : خضيت قلوبنا يآاخي تكلم
نآصر وقف والتفت لهم: روح
ضاري ورائد وزياد مع بعض: روح؟!
ضاري : شلي ذكرك فيها؟؟
زيآد : قصدك ما نسيتوا هالسالفه
رائد : معقوله اكثر من عشرين سنه ما نسيتوا يمكن البنت مآتت
نآصر طالع البحر: اشلون انسى بنتي يارائد..

رائد سكت: ...........
نآصر كمل: اليوم مشآآعل شافتها
ضاري بصدمه: شنووووو؟؟ شآفتها وين؟؟
زياد بسرعه: واشلون عرفتها
نآصر قعد قرفصآء عالرمل وقالهم عن الموقف اللي صآر بالجمعيه مع مشآعل وآخوانها وسكت شوي بعدين تكلم: انتوا من زمان تدرون بلي بيني وبين نواف..وتعرفون كل المشآكل اللي صآرت لي انا وجنا من ورا رآسه واشلون كنت اشك فيها بسبته..
رائد بهدوء: يعني؟؟
ضاري: قصدك انه ممكن يكون له ايد بضيآع بنتك من المستشفى
زياد: بس كلنا نعرف انه بهالفتره كان بروما يدرس واصلا توه راد اهو ومرته وعياله من سنتين بس...ولا نسيتوا لما طلع اسم ولده بالجرايد لما توظف واشلون كان يغطي الاحداث.
نآصر تنهد: ما نسيت بس انا حآس ان جنا اللي يقولون عنها اهي بنتي روح..ولا مستحيل فآرس وعزيز ومشآعل يعرفونها واهم عمرهم ما شآفوه..صج مرات تشوف اشخآص يشبهونك بس مو لدرجة ان مشآعل تبجي عندها عشآن ما تروح.

ضاري فاهم عليه: انزين وشبتسوي الحين؟؟
نآصر ابتسم: انا طلعت عنوانهم وبرنت عنهم وبصرآحه ببآلي فكره مينونه
زيآد ابتسم : الله يستر منك
رائد : غرد
نآصر ضحك: هههههههه ن.........


+
+
+
+

انتهى البآآآرت
ترقبوا بآآآرت سآآخن جدا
واخيرااااااااااااا