روآيتـي الثآمنه .. القصآيد كلها بإسمك تغنت للكاتبه : gala q8

[✿¸3ώẪṧĤ»]

waiting
​

 

[فتوشآ]

حدهااا تهبببل
ميرسي انج طرشتيلي رساله
بس ما قدرت ارد زحمه عندج
و امم .. ويَ رب تكون النهايه حلووه
و ريم كسرت خاطري بس يارب ما تصير نفس
البنات !
و دلال اتمنى تبقى طيبه و ما تغار من رييم ..
و خالد ما بييه يسوي شئ مو زين
لريم لانه حرام بعده راح تضيع !!

و مششكوره علئ الرواايه
وانطر البااارت

 

[gala q8]

يعطيكم العآفيه بنات و كل وحده ردت لوول مستعيله << ابي انزل البارت بعد شوي إن شـآء الله ..


المهم .. اممم ^^ لوول ترى مسحت الرسآيل عشآ اللي تبي تدز لووول .. و بس يعطيكم العآفيه :d

 

[gala q8]

البآرت الرابع ​

...​

نزلت ريم تحت صوب البحر تتمشى .. اهي عادي تعودت على الوضع مع انه بس جم يوم .. ​

.... ​

في بيت ابو ريم .. ​

مشآعل قاعده بالحوش و تطالع السما .. ​

طلع ابو ريم من غرفته واهوا يكح : كح كححح .. ​

مشآعل التفتت عليه و ركضت له : يبآ .. ( مسكته ) بسم الله عليك .. ليش طلعت من دارك ؟ ​

ابو ريم : لاعت جبدي وانا ابوج .. كححح .. احس بالضيقه لي قعدت بروحي .. ​

مشآعل : بسم الله عليك يبآ .. تعال اقعدك بالكرسي برا .. ( وسآعدته لين قعد ) يبآ ما اكلت دواك ؟ ​

ابو ريم : وي اكلهم وانا ابوج و ما عندي فلوس اشتري الدوا .. خليها على الله ربي اللي يشفي و يعآفي ​

مشآعل : ونعم بالله يبآ .. ونعم بالله ( وتطالع ابوها اللي كاسر خاطرها ) .. ​

ابو ريم : إلأااقول وانا ابوج .. اختج ريم ما اتصلت ؟ ​

مشآعل : امبله اتصلت اليوم متآخر شوي .. و تقول من الوناسه ما قدرت تتصل امس .. ​

ابو ريم : ما ادري ليش اليوم متضآيق حدي .. و احس اني مو قادر اتكلم من الضيقه .. ​

مشآعل : بسم الله عليك يبآ .. ​

ابو ريم يطق ايده على فخذه من الحسره : اييييه يا مشآعل .. شوفي حالتي الحين ! انا كبرت و برقبتي 3 بناات .. و مو قادر اسوي اي شيء .. لا حالتي الصحيه تسمح لي اشتغل ولا لي شهاده ترفع راسكم .. و حتى اختج مو عارف شسوي فيها ! وله شلون اداويها .. كانت راقده بالمستشفى من اشهر .. و المسكينه كل يوم حالتها تصير اسوأ و الحمدالله على كل يارب .. وانتي ما عندي لج فلوس تكملين الجامعه .. و منو يويديج واييبج من الجامعه ! حتى فلوس اكل ما عندنا .. و اختج ريم تدرس هالسنه والسنه اليايه خلاص بتقعد حالها حالج ! ياربي شسوي ! شسوي يااربي ( و حط ايده على راسه واهوا حتى مو معبر يقعد عدل مثل الناس ) ​

مشآعل : يبآ لا تقول جذيه انت مو بس عندك 3 بنات .. و احنا يا يبا نقدر نصرف على روحنا .. بس انت لا يضيق خاطرك ​

ابو ريم : من وين تصرفون يا يبا ؟ قبل.. يوم ان امج موجوده كانت تقدر تتحرك و تروح و تيي كانت تشتغل .. والحين ما نقدر نسوي شيء .. ​

مشآعل : يبا ما لنا غير رب يسآعدنا و يعطف علينا .. ​

ابو ريم : الله كريم وانا ابوج .. ( طالعها و خايف ) .. إلا تعيشتوا ؟ ​

مشآعل ابتسمت بضيقه : إي الحمدالله .. ​

ابو ريم : بس جنه الثلاجه ما فيها شيء ! ​

مشآعل ابتسمت و الدمعه بعيونها : لا يبآ .. امس كان باقي خبز مال قبل امس .. آآ .. تبيني اييب لك شوي ؟ ​

ابو ريم : لا لا ما ابي اكل شيء ​

مشآعل : يبآ ما يصير انت صآر لك اكثر من يومين مو ماكل .. ​

ابو ريم : لا وانا ابوج ماني يوعان .. ​

مشآعل قامت : لا يبـآ لازم تاااكل ( وراحت المطبخ ) .. ​

مشآعل واهي تفتح الجريده اللي كانت خاشه فيها قطعه صغيره اقل من الكف من الخبر وتقول بقلبها ( يعلم ربي يا يبا .. إني ما اكلمت منها عشآنك .. واليوع ماكل بطني .. حتى الماي باليالله القى منه شوي .. ) وراحت فتحت الثلاجه اللي مافيها كهربه كلش لقت نص بطل ماي طلعته و دمعته عيونها .. و راحت لابوها .. ​

مشآعل مبتسمه : تفضل يبآ .. ​

ابو ريم يطالع الخبزه : تعآلي وكليني واكلي معاي .. ​

مشآعل ابتسمت من قلبها : آفآ عليك يا الغآلي من عيوني الثنتين .. ( و قامت تقطع له قطعه اكبر من قطعتهـآ تخاف تاكل وايد و إيووع أبوها ) .. ​

... ​

ريم تتمشى على البحر .. ​

واهي تمشي لقت صبي قاعد على اليال و يبجي .. ​

ريم تطالعه و اهوا يطالع جدامه و ريم قعدت وراه بس شوي بعيد .. ​

و قام يبجي و يصيح مثل الياهل اللي ضآيعه لعبته .. ​

ويطق ايده بالتراب حيل كآنه متحسر .. وله فيه شيء .. !! ​

دلال واهي صوب البلكونه اللي تطل على البحر : ريمووووه .. ( وتىشر لها ) ​

ريم التفتت و تآشر حق دلال تقول لها تعىلي يعني .. ​

دلال ابتسمت و آشرت لها زين نطريني .. ( و ركضت تنزل ) ​

دلال تركض عند ريم : هاااي ​

ريم : هااي .. ​

دلال قعدت يمها : ها شقاعده تسوين !! ​

ريم : ماكو .. بس ما ياني النوم قلت اقعد شوي اطالع الشرووق .. ​

دلال : اممم .. زين شفيج تطالعين مناك ؟ ( والتفتت ) ​

ريم تطالع الولد ( الولد قام من مكانه وراح ) وقالت ريم : هذا الولد قاعد يبجي و حالته حاله ! شفيه !! ​

دلال : هذا ! .. ( نزلت راسها ) ​

ريم : دلول شفيج !! ​

دلال : آآخ .. هذا فهد .. امه تزوجت واحد و ولدها هذا عمره 10 سنين .. و من بعدها ضاع حاله حال الكل .. طبعا بعد ما شاف معانات امه و زوج امه اللي كان يعذبه .. والحين عمره تقريبا 19 سنه ​

ريم : حسبي الله على ام ما تدري عن ولدها .. حسبي الله على كل ام بتقط ولدها هالقطه عشان الريل .. ​

دلال تطالع ريم .. وريم تطالع دلال .. ​

ريم توها تستوعب ان دلال قطت ولدها : اووف .. اسفه مو قصدي والله .. بس دلال خلينا نتكلم صج .. انتي ما عورج قلبج و انتي تقطين ولدج عند ابوه !! ​

دلال لفت ويها : كيفي حريتي وانا ابيها .. ​

ريم : حرام عليج يا دلال .. انا امي ماتت و انا صغيره .. والحين انا يتيمه .. تدرين شكثر فقدت امي ! صدقيني .. البنت او الولد إذا فقد امه يفقد نص التربيه والمجتمع .. ( دمعت عيونها ) .. تدرين شنو اتمنى بس ! اتمنى امي اللي تعيش وانا اللي اموت .. ​

دلال تطالعها : تحبينها !! ​

ريم دمعت عيونها و تطالع عيون دلال : اكثر من نفسي .. ​

دلال دمعت عيونها : وتعتقدين بعد كل هالسنين لو برجع لولدي يكون مشتاق لي كثرج ؟ ​

ريم تبجي : والله اكثر مني ​

دلال تطالع ريم و ريم تطالعا .. واحضنوا بعض و يبجون .. ​

... ​

دلال تتذكر ​

قبل سنين طويله واهي عمرها 15 سنه .. ​

كانت بغرفتها و تبجي بالارض .. و حاطه ولدها بفرآشها و يصيح يبي امه تضمه على صدرها .. ​

دلال تصآرخ و اهي تبجي : موووت يآ محمد موووووت .. اكرررهك .. ما ابي اسمع صوووتك ( و تبجي ) ​

محمد الطفل الصغير يصآرخ .. ​

دلال قامت و اهي تبجي .. توهـآ هذآ ثاني شهر لها .. ​

و اهي عمرها 15 سنه .. البست عبآيتهـآ و حجآبها .. و خذت الفلوس اللي كانوا فبوكها و خذت بطآيقها و جوازها و طلعت من البيت و كان البيت ظلمـآ ,, ​

و قامت تنزل من الدري شوي شوي .. لين وصلت عند الباب و طلعت تركض بنص الليل و محد يدري عنها ابد .. ​

... ​

نرجع عند دلال و ريم حاليـآ .. ​

دلال وخرت من حضن ريم و قامت تبتسم و تمسح عيونها : بآجر الصبح السآعه 8 خلينا نطلع بروح مكان وابييج تيين معاي ​

ريم تمسح دموعها : وين بنروح ؟ ​

دلال تبتسم و تمسح دموع ريم : بعدين تدرين وين .. ( وابتسمت ) ​

ريم : إن شـآء الله .. امبيه جنه سوينا فلم هنيه ههههه ​

دلال : هههههه .. اي والله ههههههه .. ​

... ​

السآعه 8 بالضبط .. ​

طق طق طق طق .. ​

دلال : امممممممممم .. ​

طق طق طق طق طق طق .. ​

دلال : يووووه منووو !! ​

ريم دخلت : دلوول نايمه !! يا الله قووومي خلينا نطلع انتي قلتي الساعه 8 بتوديني معاج ​

دلال قامت : اي والله صح ! الحين الساعه جم !! ​

ريم : الحين الساعه 8 بالضبط ​

دلال : زييين .. يا الله طلعي و خليني اطلع ملابسي ​

ريم تطالع دلال : تدرين اليوم برد البيت ؟ ​

دلال تطالعها : صج !! ​

ريم ابتسمت : اي ..

دلال : شدراج !! ​

ريم قاعده تتذكر .. و تقول ​

قبل شوي كنت بغرفتي .. ​

ريم كانت قاعده تسوي شعرها .. طق الباب عليها ..


ريم : منوو !! دلول دخلي


دخل خالد : صبآح الخير ..


ريم طالعت خالد وابتسمت : اهلا خالد ..


خالد : هآ ! شلابسه !!


ريم تطالع ملابسها و تبتسم : حلوين ! امس سهرت مع دلول بغرفتها لين نامت .. و قبل لا تنااام قعدنا نطالع الملابس اللي اهي شاريتهم و كان عندها واايد ملابس تينن فعطتني هالملابس عشىن بطلع معاها بعد شوي


خالد : بتطلعين !!!! وين !


ريم قعدت بفرآشها : تصدق ما ادري !! بس احسها وايد مستانسه لمجرد انها بتطلع و تاخذني معاها ..


خالد : حلوو زين .. المهم زهبي نفسج اليوم لازم ارجعج بيتكم لا تتآخرون


ريم : بتردني البيت اليوم !!!!


خالد : اي شفيج متفآجئه !! شنو ما تبين ترجعين اليوم !


ريم : لا مو عن ما ابي ارجع بالعكس .. بس يعني انت قلت اخر الاسبوع و اليوم نص الإسبوع !!


خالد : إي ادري .. بس انا اليوم لازم ارجع بيتي .. اخواني محتاجيني ولازم ارجع .. و ما اقدر اخليج منيه اصلا ما اثق فيهم ولا فيج ههههههههه


ريم : نعم ! ليش ما تثق فيني !


خالد : لانج لبستي الاحمر و طلعتي جدام الرياييل جذيه


ريم تبتسم : خالد اقول اطلع برا احسن لك .. جد مالي خلق سوالفك السخيفه


خالد ابتسم : ههههه .. زين ( و كان بيصكر الباب بس فتحته مره ثانيه ) إي صج


ريم : يووه شتبي بعد !!


خالد ابتسم بمكر : على فكره .. ترى الاحمر واايد طالع حلو عليج


ريم تطالعه منصدمه : زين برا .. ( و تطالع اضافرها )


خالد ابتسم : اقول لا تصدقين زين ههههههههه


ريم تطالعه تدور المخده و قطتها عليه : براااااا .. ​

خالد طلع : ههههههههه ( واهوا مصكر الباب و قال بصرآخ ) مينوووونه ​

​

​

​

... ​

​

عند دلال و ريم ​

​

دلال : آهآ .. يعني بتردين البيت ! اليوم راح افقدج واايد ​

​

ريم : حده انا راح افقدكم .. بس تصدقين حسيت بالاماان .. يعني اقدر ارد ريم العاديه اللي ما عندها اي مشكله .. وبصراحه افضل مليون مره من هالعيشه اللي منيه .. على الاقل اكون مع ابوي و خواتي .. ​

​

دلال ابتسمت : يا من حظج .. بترجعين بيتكم وانتي متطمنه و بتردين طفله بحظن ابوج .. ( شالت راسها من المخده و قعدت عادي ) .. انا لو ترد فيني الدنيا .. ودي ارجع ام لولدي محمد .. وارد ذاك البيت اللي حسيت فيه اني فعلآ ام .. ​

​

ريم : يا الله دلول .. و خلاص اللي صار صار .. و تقدرين ترجعين له .. المهم قوومي بس خلينا نروح ​

​

دلال : يالله .. طلعي على ما ابدل ​

​

ريم ابتسمت : اوكي .. ( و طلعت .. ) ​

​

​

​

​

​

... ​

​

​

​

بالسيآره ( ريم + دلال ) .. ​

​

دلال : تدرين وين بوديج اليوم ؟ ​

​

ريم تفكر : امم لا وين ؟! ​

​

دلال : شوفي وين بوديج < وابتسمت .. ​

​

​

​

​

​

....​

​

 

[رتبه دبلوماسيه]

الروايه مبينه وايد حلوه
وبرب اقرى الروايه وواقولج رأأي​

 

[رتبه دبلوماسيه]

الروايه عجيبه عجيبه عجيبه عجيبه عجيبه عجيبه عجيبه عجيبه عجيبه عجيبه عجيبه عجيبه عجيبه عجيبه عجيبه عجيبه عجيبه عجيبه مشالله عليج
ماعندي توقعات
وبانتظار البارت الخامس متى بتنزلينه​

 

[ورده خضرا]

ححدي اندمجت متى التكمله
وصراحه لو اقول الروايه حلوه منيه لي بكره ماراح اوفيها حقها

 

[gala q8]

إن شـآء الله راح اكممممل والله شجعتوووني

لوول بعد ابي ردود على ما ااكتب لوووووووووووول ..

 

[رتبه دبلوماسيه]

وعاشت غلاوي وعاشت غلاوي وعا شت غلاوي وعاشت غلاوي ....هاذي ثالث روايه اقراها من روايتاج وانشالله دوم متميزه​

 

[رتبه دبلوماسيه]

اب اب اب اب ناطرينج

 

[Nona_AR]

تسلمين حبيبتي على هالبارت ناطرينج حبيبتي غلا شوقتيني ابي اعرف وين بيروحون وترى انا كنت متابعة كل رواياتج بس بصمت بس رواية ضياع للحين ماقريتها وناطرين البارت قلبي

اب
اب اب اب
اب اب اب اب اب
اب اب اب اب اب اب اب
اب اب اب اب اب اب اب اب اب
اب اب اب اب اب اب اب اب اب اب اب
اب اب اب اب اب اب اب اب اب اب اب اب اب
اب اب اب اب اب اب اب اب اب اب اب اب اب اب اب
waiting

 

[حبكـ ملكني]

اب اب اب اب اب اب

روااايتج رووعه شويه عليهاا
كملي نااطرينج يالغــلا...

 

[ms.fro0o7a]

اب اب اب اب اب اب
ويت يو }

 

[gala q8]

وي لوووول وناسه :$ << استحي لووول ..

عاد والله تدرون احس اني ما عطيت هالروايه حقها بلي قبل لووول ..

إن شـآء الله راااح اكملها الحين قاعده اكتبها .. و احاول انزلها الحين و بزيدها شوي عشىن تطول الروايه وتصير احلى



يعطييكمممممممم العـآآآآآفيــــــــــــه على التشجيـــــــــــــع :$ ​

 

[رتبه دبلوماسيه]

الله يعافيج بانتظاارج حدي متحمسه

 

[MeeMeeYoo_2]

waiting

 

[دلوعه و افتخر]

waiting you

 

[gala q8]

سامحوني بنات تآخرت لول لان امي ماكانت راضيه اخذ اللاب والحين اخذته راح اكلمها شوي وانزلها لكم عشآن هالبارت تصير فيه حلركات و جذيه

 

[gala q8]

البآرت الخامس ​

...​

ريم و تاكل من قلب : ونآسه هالمكان .. و لا يطل على البحر بعد امممم .. والله خوش مكان ​

دلال : إي هالمطعم افضل مطعم عندي ​

ريم : امم .. انا اخر مره رحت البحر وانا عمري 12 سنه قبل لا يمرض ابوي .. و كنا يايين نغير جو انا و خواتي مع ابوي .. ​

دلال : وييييه حدج قديمه الكويت تغيرت و وتتغير كل فتره وفتره .. والحين لو امشيج الكويت على البحر ووييييييه .. بتستغربين منها .. صآرت اكشخ من قبل اكثر من ماهي .. ويييه وينج و وين الديره الحين !​

ريم : آآممم .. لا لازم تفريني إياهـآ آبي اشووووفهـآ .. والله من زمان ما طلعت .. ( تطالع الاكل ) إلا صج هذي الاكله شنو اسمها ؟ وايد حلوووة ​

دلال ابتسمت : هذي إسمها تبوله ​

ريم : و هذا ؟ ​

دلال : هذي اسمها ورق عنب .. ​

ريم تاكل : اممممم .. والله لذيذ ( بعدين وقفت عن الاكل ) ​

دلال تطالعها : شفيج !! ​

ريم قطت القفشه : مافيني شيء ​

دلال تطالع ريم : ريموه شفيج !! ​

ريم تطالع دلال و بعدها نزلت عيونها : أبوي و خواتي ما يلقون اكل إلا بالحسره .. وانا هنيه اتمتع بهالاكل ! ما ابي اكل خلاص ​

ريم : ليش ! اكلي انتي ميخالف ​

ريم : ما يطاوعني قلبي اكل واخلي ابوي و خواتي من غير اكل .. انا اشبع و ابوي و خواتي يواعه ! ايوع معاهم افضل لي مليون مره اني اتهنى بآكل اهما مو معاي .. ​

دلال ابتسمت : تحبينهم ؟ ​

ريم نزلت راسها : اهما الدنيا اللي انا عايشه عليها .. شلون ما احبهم ؟ ( تطالع دلال ) ابوي دايما يقول لنا لا تتعودون تاكل شيء انتوا متآكدين انكم ما راح تحصلون مثله بعدين ​

دلال تعجبت : ليش ؟! ​

ريم : لان ندري ان ما راح نحصل مثله بآجر .. اخاف ناكل منه و نشتىق لطعمه باجر .. ولي أشتقنا له بنكره حياتنا اكثر .. ( تطالع دلال و اهي تبتسم ) .. تدرين عاد .. هه .. اشتقت لطعم الخبزة والماي .. ( قامت تنفض ايدها ) الحمدالله .. شبعت ​

دلال تطالع ريم : مع انج صغيره بالعمر .. بس عقلج كبير .. ( ابتسمت ) ​

ريم ابتسمت وتطالع حولها : يا الله قومي حدي مشتاقه اشوف الديره ما ادري ليش احس اني كنت مسافره واليوم راجعه لها هههههههه ​

دلال : لا تخافين بوريج الديره .. بس دقيقه .. ​

ريم : اوكي ​

دلال رفعت ايدها تآشر حق الجرسون و يآ لها : بليييز ابي الشيك .. و لو سمعت حط لي نفس الاطبآق اللي طلبناهم و كل واحد منه اثنين .. ​

الجرسون : اوكي ​

...​

وبعد ما دلال ورت ريم الديره كلها .. ​

ريم : امبييه لا صججج فرررق .. وين قبل و وين الحين !! والجو حده يسآعد بعد هههههه ​

دلال : تكفين خلج اليوم بعد موجوده .. لا تروحين اليوم .. ​

ريم : من صجج !! لا لازم ارجع اليووم .. ما اقدر ابوي مريض و انا لازم اجابله .. والحين اختي مشآعل بروحها بالبيت ​

دلال : اهـآ .. ما عندج إلا اخت وحده ؟ ​

ريم : لا عندي اخت ثانيه بالمستشفى .. مريضه بالورم .. عسى ربي يشفيها ​

دلال : اميين يـآرب .. زين اخذي هذا ( و عطتها ورقه و فيها رقمها ) .. هذا رقمي و اي وقت دقي علي اوكي .. ​

ريم : اوكي .. ​

طلع عآشق طلع مهتم .. << رنه فوون ​

دلال : الووو .. هلاا والله هلااا .. اي شفيك ! ( تطالع ريم ) إي كاهي معاي .. ليش ! ( تطالع ساعتها ) وووي اسفين .. خلاص الحين اقطها عليك .. انا لا مو مشغوله .. زين .. يا الله مع السلامه .. ​

ريم : منو ؟ خالد ؟؟ ​

دلال : هههههه اي يعني منو بيكون غيره مثلا ؟؟ ​

ريم : اها .. شيبي ؟ ​

دلال : ماكو .. بس يبي يقطج بيتج .. بس احتمال قبل لا يقطج بيتج يروح بيته .. مرت ابوه تبيه ضروري ما ادري شفيهم بالبيت ​

ريم : أهـآ .. اوكي ​

دلال تطالع ريم : شفيج ؟ ​

ريم : مافيني شيء ليش ؟ ​

دلال : لا يعني ما قلتي تبين تروحين البيت بسرعه ههههههه ​

ريم : ههههههههه .. لا ابد ماكو شيء .. ( لفت ويها و ابتسمت وبعدين لفت ويها على دلال ) هههههه .. احسج فاهمتني .. بصرآحه ابي اشوف حياته شلون صآيره .. ​

دلال تطالعها : ههههههه ليش !! اعترفي ههههههههه ​

ريم : ههههههههه والله بس جذيه فضوول .. ​

دلال : ههههه ما يندرى .. ​

... ​

بعد ما وصلوا الشآليه كان علـــى السـآعه 6 المغرب .. ​

كان خالد جافس ايده و متسند على السيآره .. و كان برآ الشآليه مو داخله يعني واقف بنص الطريج ناطرهم .. ​

دلال بالسيآره مع ريم : ويييه امبييه طاعيه واقف منيه ناطرنا .. ​

ريم : امبيه شكله معصب ​

دلال : إي اهوا دق علينا على الساعه 5:30 اهوا عنده المواعيد مضبوطه ما يحب احد يتىخر عليه الله يعينج لو شفتيه واهوا معصب هههه .. ​

ريم : لا عاد لا تقووولين الله يعينا .. ​

... ​

وقفت سياره دلال و خالد راح عند باب ريم و سحبها و مسك ايدها : يا الله بسرعه ماكو وقت .. جذيه راح اتآخر ​

دلال نزلت من السياره و وقفت تطالع ريم : ههههه الله يعينج عليه ههههه ( ونزلت جيس من السياره و عطته خالد ) .. ​

ريم خايفه : انزين شوي شوي واااي .. آآآآآآي قاعد تعورني لا تير حييل .. ​

خالد فتح الباب : دخلي ريم .. ( و دخلت ريم و صكرت الباب ) .. ​

دلال : باابااااي ​

خلود خالد اشر لها بـ ( بآي ) .. و دخل السيآره .. و حط الجيس ورا ​

خالد ما فر ويها صوب ريم بس قال : ربطي حزام الامان ​

ريم : إن شـآء الله .. ( و قامت تربط نفسها .. ​

خالد مشى .. و كان دايس شوي .. ​

ريم : امبيييه شفيك تمشي جذيه جنه احد دايسك على طرف !! ​

خالد : سكتي بس حدي متآخر .. اووووووووووف ​

ريم : امبيه شوي شوي .. في سيارات يمنا انت شفيك !! ​

خالد بصرىخ ولايعه جبده : تكفيييين ريموووه سكتي خليني اركز .. ​

وبعدها شوي وقفوا عند ألإشآره.. طلع من مخباته ولاعه و زقاره .. ​

ريم انصدمت و شهقت : آمبيييييييييييه .. التدخين مو زين ! ​

خالد طالعها وابتسم على طرف و رفع حاجبه : ممكن تتكلمين عدل عن سوالف اليهال هذي ! ​

ريم : اي سوالف يهال !! لاني قلت لك لا تشرب زقاير تقول لي سوالف يهال !! ​

خالد : هههههه .. لا بس اسلوبج جنج ياهل ​

ريم : اي توني ياهل .. على ما اكبر يبي لي سنين .. يا .. يا الشايب .. ​

خالد : ههههههههه .. ( رفع صبعه و طق راسها فيه خلى راسها يرجع لي ورا ) ههههههه .. شفيج رقله !! ​

ريم : هييي وخر ايدك .. ​

خالد : هههه زييين .. ( طالع الإشاره .. و قط الزقاره من الجام و حرك و دااس ) .. ​

... و طول الطريج كانوا يسولفون و يضحكون .. لين وصلوا البيت على السآعه 7 .. ​

ريم مبققه عيونها : هذا بيتك !! وله مثل ما يقولون واحنا يهال بيت الاميره ؟​

خالد : شهالسوالف ! لا يبا هذا بيتي .. شنو اول مره تشوفين بيت ! ​

ريم : اي اول مره اشوف قصر مو بيت تقصد ! احنا بيتنا ما إيي ربع بيتكم هذا ​

خالد : قولي ما شاء الله لا ينهدم وله يصير فيه شيء هههههه .. نزلي بس ​

ريم اشهقت : وين انزل بعد !! ​

خالد : بعد وين ! نزلي داخل عيل شنو بتنامين منيه !! ​

ريم : شكو انام منيه .. بس مستحيل انزل و ابوك و اخوانك و مرت ابوك هنيه !! امبيه فشله ​

خالد : لا فشله ولا شيء .. نزلي وبعدين ترى حتى لو يشوفونج ما راح يقولون شيء لانهم متعودين على جذيه .. ​

ريم : متعودين على شنو ! ​

خالد : يووووووووووووووه .. يعني لازم اقول انهم متعودين اييب صديقاتي البيت !! خلصيني نزلي ​

ريم اشهقت : لا يبـآ مالي خلق باجر اخوانك يشوفوني منيه شيقولون ؟ انزل انت بروحك وانا مستعده انطرك لي 100 سنه جدام ولا انزل .. اهم شيء سمعتي ​

خالد : هههههههه ( نزل وراح عند بابها وفتحه و مسحبها واهوا مبتسم ) نزلـــي خلصيني هههه ​

ريم و اهي تصآرخ : ويــع وييييييييع خالد ما احب جذيه ما يونس عشىن تضحك .. ( وتحاول توخر ايده ) وخررر عننني ويييييع خالـــــــــد والله اصآرخ الحين و ايمع اهلك عليك و اقول لهم ما اعرفك .. ​

خالد مبتسم : ههههههه قوووولي .. ريم : وييع انزين انا اعرف امشي هدني .. ​

وصلوا عند الباب .. وفتحته و دخل واهوا ماسكها نفس المسكه .. ​

ريم اول ما دخلت : خــآلـ,, ( سكتت و طالعت البيت .. لو بقول روعه شويه عليها .. ) ​

خالد يرها و قطها على الغنفه : قعدي منيه ولا تتحركين لو يصير حرب خلج قاعده .. ​

خالد قعد ينادي اللي بالبيت : يبـــآ ,, ههيثم .. يأ سعووود .. يا ام حصه .. ​

نزل هيثم مبتسم : اهلا خويلد واخيرررا ييت ​

خالد راح يسلم عليه : الحمدالله على السلاامه .. توه ما نور البيت والله ​

هيثم : نورك يا اخوي .. شدعو كلش ولا كآني اخوك تتصل وانا بآمريكا .. و لا اتصل عليك ما ترد شدعوه شدعوه !ّ! نسيت اخوك وانا اخوك !! ​

خالد : لا والله ابد .. بس كنت حدي مشغول وقتهـآ .. لو مو ام حصه اتصلت جان انا شيييبني منيه !! ​

ام حصه نزلت و اهي ماسكه حصه : اهلا خالـــد حيآك .. ​

خالد : الله يحييج ويفجيج .. ( وراح يلم حصه ) هلا وغلا بدلووعت اخوووها .. ​

حصه فاله شعرها و حاطه تاج فيونكا ورديه و ماسكه دبدوبها : خالد ( وركضت له ) ​

خالد : ابووووي إنتي يا عيون خالد وابو خالد و يد خالد و اهل و طوايف خالد كلهم .. ​

وريم تتآبع بـ صمت :| ​

حصه : وينك ! إنت وعدتني تيي تاخذني مبجر و نطلع وينك تآخرت !! ​

خالد باس راسها : حبيبتي إنتي ادري انا قلت باخذج بس شسوي صار عندي ظرف والحين توني مخلص منه .. ​

ام حصه انتبهت على ريم وابتسمت .. ​

ريم حست فيها و لفت طالعتها و ابتسمت و تقول بقلبها ( ويه اهم شيء شافتني ولا قالت شيء .. ) ​

هيثم : هههههههه .. خلاص عاد عن الدلع ترى مثل ما هذا اخوج هم انا اخوج و لا بعد مو شايفتني من 3 سنين .. هههههه ​

هيثم التفت وانتبه على وحده قاعده على الغنفه مبين ريلها بس لان خالد مغطي عليها .. هيثم طل عليها لين رجع ورا و بينت واشر علىها و طالع خالد : منو هذي ! بسم الله !! متى دخلت ! ​

خالد ابتسم : هذي ريم .. ( و طالعها ) .. هذي آآآ .. هذي ,, ​

ام حصه < فاهمه خالد وتعرف سوالفه : إي هذي اخت رفيجتي انا قايله حق خالد إييبها عندي وامها بتاخذها بعد شوي .. ​

خالد ابتسم : إي صح ​

هيثم : آهـآ .. زين انا بروح اخذ لي غفوه .. لاني من ييت وانا ما نمت ​

خالد : افـآ .. الحين انا ياي لك من برآ الديره لي هنيه عشان ويهك هذا و انت بتروح تنام !! ​

هيثم : هههههه احمد ربك سلمت عليك بعد ( وقام يتثاوب ) والله موقادر بروح ارتااح .. ​

خالد : هههههههه نووم العوافي .. روح نام .. ولمن تقعد نسولف .. ​

هيثم : زين يا القرقـآ بروح انام ( و صعد فوق و اهوا يتثاوب ) .. ​

... ​

قعدوا ريم و خالد و ام حصه و حصه برآ بالقعده اللي يم المسبح .. ​

خالد : وبس هذي كل السآلفه .. و كنت ابي اقطها بيت ابوها بس الحين ما يمدي ​

ريم تطق ايد خالد و تسآسره : ليش الحين الساعه جم ! ​

خالد يطالع سآعته : الساعه 9:30 ( لف ويها عليها و صار ويها جدام ويها بالضبط ) ​

ريم : إي ميخالف يمدي ​

خالد : ريم انا ما اقدر اقطج الحين ! ( و يطالع عيونها ) ​

ريم تتكلم بعفويه : وااي تكفا قطني الحين ما اقدر ابي اروح البيت الحين حدي مشتاقه لابوي ​

خالد : تكفين عاد ما ادري منو ابوج شيخ وله ملك اقول انثبري بس ​

ريم : ابوي تاج راسي لاهو شيخ ولاهو ملك بس اهوا جنتي و ناري .. ​

خالد طالعها : مشتاقت له ؟ ​

ريم : حدي ​

خالد قام يطالع عيونها ويقول بقلبه ( ابوج ما يغىر عليج ! انا لو عندي بنت جذيه ما اطلعها من البيت اصلا ) .. ​

ريم : الووووووووو قاعده اكلمك رد علي !! ​

خالد : زين يا الله قومي بقطج .. ​

ام حصه : لا ريم شدعوه قعدي شوي .. ​

ريم : لا ميخالف .. انا ,, آآآ .. لازم ارجع الحين إن شـآء الله مره ثانيه .. ​

خالد قام و ريم قامت و طلعوا .. ​

...​

السآعه 10 .. خالد يطالع ريم اللي حاطه راسها و نامت .. ​

خالد يطالعها و مبتسم .. ​

بعدها تذكر .. ​

خالد و يمه ياسمين .. ​

يىسمين شعرها اشقر طويل و ضعيفه حيل .. بس حلووة حييل .. ​

يآسمين : خلووود حبيبي تكفا خلني اسووق ​

خالد : لا والله انا مينون اسوق !! ​

يآسمين : إي شفيها يعني !! ​

خالد : لالا .. توج ياهل ما صار عمرج 18 سنه ههههههههه ​

يآسمين : لا والله باجر بإذن الله بيصير عمري 18 سنه خو يوم ما تفرق يا الله عاااد ​

خالد : قلت لج ما ابي كيفي يا ربي سيارتي وانا حرر .. ​

يآسمين : اووف سخيف زين .. خلاص زعلت ​

خالد : يمممممممممممه فديت البوز انا ( ويطل عليها واهي تطالع الصوب الثاني ) طالعيني ( ويبتسم ) يا كلبه طالعيني


يآسمين يعني زعلانه تطالعه و تشوفه مبتسم و اهي تبتسم معااه : ويييييييييييييييييييييييييع وخر عني ​

خالد : ههههههههههههههه فديتهـــآآآآآآآآآآآآآ يآ عالم .. ​

... ​

 

[دلوعه و افتخر]

يـععططيـج ـآلـعآآفـييةة

نـآآططريـنجج