روآيتي الاولى { نظر عيني } .. بقلمي M!s$ GoOnA

[M!s$ GoOnA]

السلام عليكم ورحة الله وبركاته


حبيت انزل لكم روايتي الاولى .. ( نظر عيني ) .. واتمنى تعجبكم كلكم .. وترى هذي اول مره اكتب روايه فاتمنى الكل يعطيني رايه بكل بارت ..

وآسفــــه عـــلى القـــصــور مقــدمـــاً


فديـــتـــكم :ceaf32e183:

 

[M!s$ GoOnA]

رد : روآيتي الاولى { نظر عيني } .. بقلمي M!s$ GoOnA

خل قلبك دليلك ..
خل عيني سريرك ..
لا تضيع حبيبك ..
شوفه ، يرد جميلك ..
وإذا عزمت تروح ..
لا تخلي عيني بين الجروح ..
يمكن قلبي بحبك ينوح ..
هل تعطف عليه ولا تروح ؟ ..
ترى قلبي بين يديك ..
واحساسي بين عينيك ..
وكل ما تكره بين رجليك ..
دوس عليه وخل حياتك شبيك لبيك ..
هذي الدنيا تراها سعيده ..
والنار تراها اليمه ..
لاتقط نفسك بأي حاجه غريبه ..
من خوفي عليك صرت اديبه ..​

شفت الورد ؟؟
شفته كيف يميل ؟؟
مثل قلبي ..
لابكى .. خل الفرح منه يزيل ..
رسمتك بعيني ..
وخليتك جميل ..
لا تكسر قلبك ..
وتصير عليل ..
ترى الدنيا ماتسوى..
الا بعض الشي القليل..
لو اقط نفسي بحر ..
كل شي لـجل عينك يصير ..​

>> الــــــبـــــــــــــارت الاولـــــــــــــــ <<

:: في بيت بو غاليه ::

بوغاليه ( احمد ) : يبا غاليه طاوليني الكوشه ( غاليه اهيا بنتهم الوحيده يطالعون الله ويطاعونها واهيا عمرها 19يعني توها شابه وتدرس في كلية الطب ومن يوم كانت صغيره وهذا طموحها )

غاليه : انشالله يبا .. الا يبا شلون الشغل وياك وشلون الشركه

احمد : حمدالله ويي ذكرتيني بدق على خالج بو ثامر بكلمه عن التقارير (بو ثامر : حمد اخو هيا ( ام غاليه ) اللي اصغر منها بسنتين يشتغل مع نسيبه احمد بالشركه وصاير له ذراعه اليمين الواحد منهم ما يسوي شي الا بشور الثاني)

غاليه : شفت يبه .. شفت شلون انا بركه

احمد : أي والله يابوج انتي الخير والبركه انتي اللي تارسة لي البيت

ام غاليه ( هيا ) دخلت الصاله و صينية الجاي بيدها : هااا هااا منو الخير والبركه الحين صارت غلوي اهيا الخير والبركه ويني انا وين رحت

غاليه : ههههههههههههههههههههههههههههههه

احمد : هههههههههه .. هاا قمنا نغاار ..خو هذي بنتج تغارين منها

هيا : لاااا .. هههههههههههههههههههههههه

وعقب قعدوا كلهم يسولفون ويظحكون وياطلعون التلفزون .. جان يرن تلفون غاليه << لجون يتصل بك >>

غاليه : عن اذنكم هذي لجين بنت خالي حمد تتدق

هيا : أي يما روحي اخذي راحتج
.............................................

لجين : اهليين غلوي يا خايسه ولا تسألين

غاليه : وااي واي خذتني بمشراع وميداف .. يا حبيبتي انا بس اليوم ما كلمتج وكنت بدق علييج بس كنت قاعده مع امي وابوي

لجين : امممممممممم .. لا لا صدقت

غاليه : واااااي .. والله كنت بدق عليج .. وبعدين كيفج صدقتي ولا ما صدقتي ( واهيا تتغشمر )

لجين : انزين ما علينا .. بقولج عن شي بس عفيه لا تقولين حق احد

غاليه : أي اوكي ما اقول

لجين : اليوم لما رحت الجمعيه شفت وحده ..

غاليه : أي كملي منو هالوحده

لجين : مها ( اهيا مرت ولد عم غاليه بس لجين تعرفها عدل واهيا مثل رفيجتهم، مها عندها توم ( نوف ونواف ) وريلها اهوا ولد عم غاليه اسمه سالم يدرس الدكتورا بره الكويت ( في بريطانيا ) ومخلي عياله بالكويت مع اهله و ماخذ مرته وياه )

غاليه : هااااااااا ..مها ..شلون .. اهيا مو ....

وقطعتها لجين وقالت لها : مسافره !! .. أي حتى انا استغربت اول ماشفتها قلت شلون اهيا مسافره مع سالم بريطانيا معقوله يرد سالم ومايكمل الدراسه !! وبعدين رحت لها وسلمت عليها وخذيت منها الاخبار

غاليه : وشنو الاخبار ؟؟؟

لجين بهدوء : غلوي .. مها تقول انها كانت مو مرتاحه في بريطانيا لان سالم كان حاكرها وقال لها ماتطلع وايد من الشقه وكل مره اهيا تطلب منه انها تطلع وتتمشى حالها حال الناس بس سالم كله يرفض واهيا كل ماتييب الطاري سالم يتنرفز ويعصب ويسوي سالفه كبييره ويتهاوشون ليين اخر مره كبرت السالفه اكثر واهيا رجعت الكويت وخلته

غاليه : بــــــــــس !! .. وشلون تخليه هناك بروحه

لجين : نطري نطري .. واهيا قالت لي ان سالم هددها بالطلاق لان السالفه حييييييل كبرت بينهم

غاليه انبهرت : هاا .. لجون شلون يطلقها والله حراام والياهال شنو ذنبهم يضيعون حراام والمره توها ما طولت وياه

لجين : والله انا مثلج قلت نفس الكلام ... المهم عفيه تكفين غلوي لا تقولين حق احد

غاليه : اوكي والله ماراح اقول حق احد .. بس تهقين ابوي مايدري ؟!

لجين : ماادري ..

ولما خلصت المكالمه .. راحت غاليه الصاله عند امها وابوها وكملوا سولفو والوضع طبييعي بس كانت غاليه واهيا قاعده وياهم تفكر بالموضوع وتفكر ان صج ان ابوها مايدري عن مها وخاصة انها مرت ولد اخوه ..


:: في مدرسة فيصل ولد بو ثامر وخصيصا في مكتبة المدرسه ::

(فيصل : رابع واحد من خوانه عمره 16 بـعاشر احلى شي عنده القراءه وعنده مكتبة كتب ومن كثر ما اهوا يقرا يلبس نظارات )

فيصل واهوا مجبال رف من الارفف مع رفيجه محمد : فيه عن عالم النباتات والحيوانات .. ( واهوا يتطنز )لا الصراحه حمود لقيت خووش كتااب عن الطب .. بالله عليك يايبني قسم الاحياء وتقولي تلقى عن طب العظام .. اقول انت بس لو تفكنا من هالبفك والا جان احنا بخيير .. اقول بس رووح اطلع برا لا يشوفك المشرف

حمود واهوا حلجه متروس اكل : اناا اقولك مادري بس انت ...

وقبل لا يكمل دزه فيصل لين وصله عند باب المكتبه

فيصل : جب جب .. اكل ... لط باللي عندك
محمد : حاظر انشالله ..

وشوي والا طالع فيصل من المكتبه وبيده كتابين مستعيرهم من المكتبه

محمد : اووووووووخ ...... بالله ماتقولي شنو هذا شنو هالمليوون كتاب

فيصل : هههههههههه .. خو انا مو مثلك دنيتي اكل بأكل .. على الاقل انا استفيد ابني مستقبلي

محمد واهوا يضحك ضحكة استهزاء : ههه ... طاع هذا يبني مستقبله .. يا حبيبي تو الناااس وراك مشواااااار الحين استانس وريح مخك شوي لاحق على الشقا لاحق لاتخاف

وكملوا يتمشون بالمدرسه و كل واحد منهم يعاير الثاني باللي يسوي


وسوري البارت قصير .. لاني اول بشوف رايكم فيها وانشالله يعجبكم البارت

 

[بحر حبك]

شكلها حللوة...


كملي ناطرينج​

​

 

[M!s$ GoOnA]

رد : روآيتي الاولى { نظر عيني } .. بقلمي M!s$ GoOnA

وينكم بناات .. شكلها الرواية مو عاجبتكم .. تكفون لا تحبطووني !

 

[Tom ♥ Jerry]

.


البدآيه روووووووعه : ) !
مآ آقدر آعلق على الشخصيات الحين لأنه مآ صار آحدآث !!

بس عجبتني شخصيه فيصل مبدئيا
> يمكن لأنه مثلي آحب الكتب و القراءه !

يعطيج العافيه يا قلبي
و كملي نآطرينج : ) !!!


.

 

[M!s$ GoOnA]

رد : روآيتي الاولى { نظر عيني } .. بقلمي M!s$ GoOnA

>> الــــــبــــــــــارت الـــــثـــــانــــــي <<

ومن جهه ثانيه :: في الجامعه ( كلية الطب ) ::

ثامر ولد بو ثامر (اكبر خوانه عمره 22 سنه يدرس بكلية الطب يعني مع بنت عمته بس اهوا شاد حييله بالدراسه وما عنده سوالف وخرابيط اهما مسمينه على يده ابو امه ) واهوا يتكلم بالتلفون : شوف زياد انا مالي شغل باللي قاعد تسويه انت مو عارف شنو راح يصير عقب بس انا رفيجك اخووك ابي لك الزين ابي مصلحتك .. فج عن هالطريج .

وكان ثامر يمشي بممر الكليه .. وشوي ولا يلقى بنت عمته هيا ( غاليه ) .. عاد ثاامر كاان يخزهاااااا جان يقول حق رفيجه زياد : زياد اكلمك بعدين
زياد : طااع هذا ... انت انطر خل ابرر موقفي

وثامر بدون لا يحس صكر التلفون بويه زيااد و قاعد يمشي صوب غاليه وغاليه كانت قاعد تقرا من اللي كتبته بالمحاضره

ولما وقف ثامر جان تلاحظ غاليه ان فيه احد يمها رفعت راسها والا ثامر ولد خالها جان تقول : هلاا ثامر .. شلونك

ثامر حس ان مو مصدق ان غاليه اللي تكلمه لانه اهوا يحبها بس اهيا ماتدري يعني حب من طرف واحد وكان سرحان بغاليه واهوا مو حاس

غاليه باستغراب : ثامر .. ثامر شفيك
ثامر بدون لا يحس : هلاا .. هلا والله...

غاليه : ايي .. اقول شلونك .. شلون الدراسه وياك ؟

ثامر : تمااام ... وانتي شلونج .. شخبارج ؟

غاليه : حمدالله

ثامر : اممممممم .. آآ غاليه

غاليه : هلاا

ثامر : بكلمج بموضوع .. بس مادري .. امم انتي فاضيه الحين ؟

غاليه : أي فاضيه ..!

ثامر : بسألج سؤال ممكن ؟

غاليه : أي تفضل

ثامر : في مره حبيتي ؟

غاليه استغربت من كلامه لان اول مره احد يسألها هالسؤال بس جاوبته بكل ثقه : لا طبعا الحمدالله انا ما احب هالسوالف ، بس ما قلتلي ليش ؟ .. اخاف تحب واحنا يا غافلين لكم الله

ثامر ارتاح من داخله : ههههههه .. لا لا

غاليه كررت السؤال : عيل ليش السؤال الغريب ؟

ثامر : مادري .. جذي

غاليه : امممم يعني اقدر اسميه فضول

ثامر : اييييي عليج نور فضوول

غاليه وثامر : ههههههههههههه
ثامر : انزين غاليه انا بمشي .. تامرين على شي ؟

غاليه : لا ثامر مشكوور

وثامر علق يمكانه .. وقعدت غاليه تضحك عليه لانه قاعد يطالعها
غاليه : شفييك ثامر .. مو تبي تمشي ؟؟
ثامر توعى جان يقول : اي أي بمشي .. تامريني على شي ؟

غاليه كانت بتمووت من الضحك بس حاولت انها تمسك نفسها بس ابتسمت وقال : لا لا مشكوور .. شفيك تعيد الكلام

ثامر : هاا .. مادري ههههه مخدي ههههههههههه

غاليه : هههههههههه
وراح ثامر واهوا حاس ان الدنيا ضحكت له بعد ما شاف غاليه بنت عمته وبسرعه طلع التلفون من مخبااته ودقت على زياد رفيجه واول ما رد زياد عليه جان يقول

ثامر واهوا واهوا مو شايلته الدنيا من الونااسه : الحق .. الحق على رفيجك يا بو العز اللللللللللللللحققققققق

زياد : شفييك .. خرعتني شفيك

ثامر : لاا ما فيني الا العافيه ... بس انا حلقت ... حلقت بالسمااا وطرت فوووووق ولقيت الدنيا تضحك بويهي

زياد : بسم الله عليك ثامر شفيك .. شنو هالخرابيط حلقت وما حلقت ومادري شنو .. قووول شفيك

ثامر : لقيت حب ضايع من زماان

زياد : يه يه يه ... اشوف قمت تشعر بعد .. ومادري منو اللي يعطيني محاضره مسااع ومادري شنو .. ومنو صاحبة الحظ السعييد اللي لقيت الحب الضاايع عندها ؟؟؟

ثامر : المصيبه .. انها كانت جداامي من زمااان وانا ما اشوف .. كنت عمــــي !!

زياد : وييه .. جداامك .. وعمي .. وماتشووف .... ويييه شصاير بالدنيا .... انزين يلا عاد منو

ثامر : بنت العمه ..

زياد منصدم وفيه ضحكه بنفس الوقت : غــــااااالـــيــــــــه !!!

ثامر : أي شفيك غاليه

زياد : لا لا ولا شي بس مادري اول مره اسمع منك

ثامر : مو اقولك كنت اثول .. ماشوف

زياد : ههههههههه

وقعدوا يسولفون .. ومن جهه ثانيه غاليه كان وضعها عااادي لانها ما حطت ببالها كلللش ان ثامر يحبها واصلا هالشي ولا عمرها توقعته ... اماا ثامر ما نسى السالفه كللش و ولاربع منها وكان حداا مستانس ..
ولما صار بليل راحت غاليه عند بيت خالها حمد عشان تقعد مع لجين …. نسيت لا اعرفكم على افراد عايلة بو ثامر :-

بو ثامر : ( حمد ) اخو هيا ( ام غاليه ) اللي اصغر منها بسنتين يشتغل مع نسيبه احمد بالشركه وصاير له ذراعه اليمين الواحد منهم ما يسوي شي الا بشور الثاني

ام ثامر : ( سعاد ) تشتغل دكتوره بالجامعه ولها خبره قويه بالحياة وكله تساعد عياله بكل شي وموخليه عليهم قاصر

ثامر : اكبر خوانه عمره 22 سنه يدرس بكلية الطب يعني مع بنت عمته و اهوا شاد حييله بالدراسه وما عنده سوالف وخرابيط اهما مسمينه على يده ابو امه

لجين : ثاني وحده من خوانها عمرها 19 كبر بنت عمتها واهيا وياها حيييييييل مثل الخوات وخاصة ان غاليه ماعندها لا خوات ولا خوان ، تدرس بكلية الآداب وطموحها انها تصير مترجمه بالسفارات

ليان : ثالث وحده من خوانها وخواتها عمرها 17اصغر من لجين بسنه بس ، يعني بـ11 وداشه قسم العلمي مثل اخوها ثامر

فيصل : رابع واحد من خوانه عمره 16 بـعاشر ويحب القرايه بس مو وايد

… كانت غاليه رايحه بيت خالها حمد عشان تقعد مع لجين و لما راحت هناك كان الكل موجود في البيت ماعدا ثامر وليان.. كان ثامر رايح الجمعيه امه مطرشته وليان قالت بتروح وياه لانها ملت من قعدة البيت وقالت تطلع تشم هوا ..
ولما دشت غاليه بيت خالها حمد ...

غاليه واهيا رايحه صوب الصاله : سلام عليكم ..

الكل : وعليكم السلام ..
خالتها مرت خالها ( سعاد ) : هلا يما شلونج ..

غاليه : تمام حمدالله شخباركم انتو

خالها حمد : حمدالله .. انتي شلون الجامعه شلون المحاضرات ؟؟

غاليه : حمدالله ماشي الحال .. وين لجون ؟

لجين واهيا توها طالعه من المطبخ : مو انتي قلتي بتيين ؟

غاليه : أي .. ليش ؟؟

لجين : انا قلت اسوي اللي تحبينه ..

غاليه : شنووو

لجين : كور الكاكاو ( هذي اكثر اكله تموووووت عليها غاليه من اييد لجون بنت خالها وبعض المرات اذا يت تقولها تسويها وياها لان ولا مره قالت لها تسويها قبل لاتيي وهالمره سوتها لجون قبل لاتيي عشان تسويها لها مفآجاة )

غاليه : صج .. وااااااااااااااااااي فديتج انا.. تسلم اييدج

لجين : حيااتي الله يسلمج .. وعشان مره ثانيه ماتقولين ..( وي تتبيخل علي وماتسوي اللي احبه ) < يعني تقلدها

الكل : هههههههههههههههههههههه

فيصل : لااا والله واحنا اذا قلنا لج سوي ما تسوين يالعياره بس حق ربعها

لجين تبي تحر فيصل : ايي بس حق ربعي

فيصل انقهر : افففففففففففففففففففففف

غاليه : الا وين البقيه الباقيه ؟؟ ( تقصد ثامر و ليان )

سعاد : ثويمر مطرشته الجمعيه وقالت ليان بتروح وياه تغير جو

لجين تلكم غاليه : كفج ..

غاليه واهيا مستغربه عطاتها كفها جان تقول : انزين ليش ؟!!

لجين : ههههههههههههههههههههااي .. ثويمر يحليله صاير مطراش هالايام

غاليه ماكانت تبي تضحك يعني احتراما حق خالها وخالتها يعني عشان ولدهم وفشله يعني بس كان فيها ضحكه بس ابتسمت

سعاد : يااا حماره هذا اخوج العود استحي على ويهج وبعدين انا اللي مطرشته

لجين واهي توزع ابتسامات : ايي ههه ..ههه سوري !

لجين : اقول غلوي .. امشي فوق داري

غاليه : أي اوكي يلا

لجين : عن اذنكم احنا بنروح فوق

حمد : اخذي راحتج يبا ..

سعاد : اذنج معاج ..

وراحو فوق وقعدو وسولفو .. وبعد ربع ساعه طلعت غاليه من غرفت لجين لانها كانت ناسيه جنطتها تحت وبتروح تييبها واهيا بالممر شافت ثامر رايح غرفته وطبعا راح يروح صوب غاليه لان غرفته يم غرفة لجين وغاليه كانت توها طالعه من الغرفه واكيد كانت قريبه من الغرفه .. فتلاقو ..
ثامر واهوا مستانس : اووووه .. يه يه يه غاليه عندنا فالبيت !!

غاليه : شلونك ثامر ..

ثامر : حمدالله .. ها يايه حق لجون

غاليه : ايي والله

ثامر : ايي .... يلا عيل عن اذنج
غاليه : اذنك معاك

وراحت اهيا تحت تاخذ جنطتها .. وراح ثامر واهوا مسبه لان مستانس عشان غاليه عندهم حتى مو دال وين طريجه ودخل غرفة لجين بالغلط

لجين : هاااي .. وصلت

ثامر اختبص و شاف انها مو غرفته وقال بصوت وااااااااااااااااطي يعني بينه وبين نفيه ( ويي انا شيايبني هني هذا الحب ومايسوي ) : هاا .. ايي وصلت

لجين : انزين شيايبك عندي .. شتبي

ثامر : هاا .. ولاشي مادري ضيعت دخلت بالغلط

لجين : اوووالله شدعوا << واهي تغمز له >> اخااف شايف لك شووفه وصاير مسبه وتحب.. هااا قول

ثامر بقلبه ( والله الحب في بيتنا وانا ماني عارف اسوي شي صج مسبه ) : شكوو أي حب أي خرابييط

لجين واهيا تتطنز : لااا صدقت كللش

ثامر : اوووووووووه .. يباا صدقتي ما صدقتي كيفج والله

وتواا بيطلع من الغرفه .. والا تناديه لجين ..

لجين تبي تشوف تعابير ويها : تعاااال تعااال اشووف

جان يطل ثامر عليها : شتبين

لجين تتطنز واهيا ميته من الظحك بس قامتتها : اخييييييييييه حب حب اخيييه ع الحب مضيعك واعلياااا

جان يخليها ويروح غرفته ... ومن جهه ثانيه راحت غاليه غرفة لجين
بناات يمكن ما انزل باراتا الا بعد الامتحانات او يوم الخميس .. لان امي شايله عني الاب توب عشان الدراسه

 

[Tom ♥ Jerry]

.


لوووول ثامر يظحك
مشكووورة و نآطرينج يا قلبي
تيك يور تايم

 

[توتا كويتيه]

مشكوووووره حبيبتي

 

[6amni bs]

رد : روآيتي الاولى { نظر عيني } .. بقلمي M!s$ GoOnA

توني اقراها رووعه
يعطيج العافيه
ناطرينج

 

[M!s$ GoOnA]

رد : روآيتي الاولى { نظر عيني } .. بقلمي M!s$ GoOnA

>> الــــــــــــبــــــــــــــارت الــــــــــثــــــــــالــــــــــــث <<
جان يخليها ويروح غرفته ... ومن جهه ثانيه راحت غاليه غرفة لجين

لجين : ويييييييي نسيتج انتي شتسوين طولتي..

غاليه : ماكو اول ماطلعت شفت ثامر سلمت عليه وعقب نزلت يبت الجنطه وييت وبس

لجين : ايييي انزين قعدي قعدي .. بقولج شي

غاليه : ها قعدت قولي ..

لجين واهيا تضحك : ههههه .. ههه .. ثموور

غاليه : شفيه ؟

لجين : ههههه .. شكله يحب الا مو يحب الا عااااشق

غاليه : هههههههه امبي حلفي .. عاد ثامر العاجل يحب ؟!!!

:: بغرفة ثامر واهوا يتكلم بالتلفون مع رفيجه زياد ::

ثامر : أي احب .. شفيها اذا حبيتها
زياد : مادري .. مو مصدق

ثامر : ليش انشالله .. خو انا مو مثلك اقص على بنات خلق الله انا احبها حب شرييف

زياد ويتطنز : اييي حب شريف اييييي وانت حدك مستانس على الكلمه ههههههههه

ثامر : شفيك حمدالله والشكر مو مصدق

زياد : لااا مادري انا اصلا ما اتوقع اني راح اصدق

ثامر : لييييش ... ليش انا ماني انسان ماعندي مشاعر واحساس

زياد : لاا امبلا

ثامر : انزيين زيود .. انا احبها

زياد : شفيك الف مره تقولها .. شنو المطلوب يعني

ثامر : مادري علمني شسوي ... ولا اقولك شرااايك اخطبها

زياد : اوووووووووووووخ .. مو من صجك تخطبها مره وحده

ثامر : ايي شفيها يعني احبها

زياد : بس يا ذكي انت ماتدري اذا اهيا تحبك او لأ

ثامر : أي بهذي انت صاج

زياد : انزين نفرض انك خطبتها والبنت قبلت .. بالله ما تقولي من وين راح تصرف عليها و على عيالك بعدين ؟؟

ثامر : عادي اخطبها وعقب اذا تخرجت واشتغلت نتزوج وتالي اقدر اصرف عليها

:: الصبح في بيت بوثامر ::

ليان : يلاا يماا تأخرنا الساعه 7 الحين يطق الجرس

سعاد : انزين انشالله كاني بس البس عباتي

ليان : يلااا .. وااي شمعنى فصييل غاايب اففف

سعاد : حماار .. خليه انا اعلمه متفق مع ابوج امس لاا ومكلم ابوج لما كان دايخ عشان يوافق بدون لا يحس

ليان منقهره : وااااااااااااااااااااي

سعاد : يلا يلا طلعي برا كاني خلصت

ليان واهيا تبطل الباب : انزين

وراحو السياره وطول الطريج وليان تحن يلا بسرعه ويلا بسرعه

وفجأه سعاد حست بدوخه وحست ان الدنيا تدور فيها وما قدرت تقاوم وتوها بتسفط على اليمين ولا تيي سياره شاااااخطه ودعـــــمــــــــتهم وسيارتهم لفت لفت لفت وتكسرت وتيمعو النااس والسياير لين وصلت الدوريه ومعاهم الاسعاف وطلّعو سعاد وليان منها وركبوهم الاسعاف وبسررررررررعه على المستشفى ..

(( المستشفى – قسم الحوادث - ))

حمد : انا لله وانا اليه راجعون ، لاحول ولا قوة الا بالله

ثامر : انشالله ماكو الا الخير

ويوهم لجين وغاليه وفيصل يركضون .. لجين تبجي وفيصل متوتر وعينه دمعت > ما ينلام امه واخته .. وغاليه قاعد تهديهم ..

لجين واهيا منفجر من البجي : وييينهم ويينهم .. يماا.. ( وتشاهق ) ابي اشوفهم

حمد : يا يبه انشالله ماكو الا الخير .. انتي هدي الحين يطلع الدكتور انشالله ويقولنا كل شي

غاليه واهيا تشاهق من الخرعه : خالي شنو شصاير

حمد : والله مادري حادث على الخط السريع ( لان مدرسة ليان مو بنفس المنطقه اللي اهما ساكنين فيها )

غاليه واهيا حاطه ايدها على راسها تحاول تهدي من خرعتها : انشالله يطلعون بالسلامه

وشوي وطلع الدكتور ..

ثامر : ها دكتور بشر ..
لجين واهيا تبجي : شلونهم .. ابي اشوفهم
الدكتور : لا الحمدالله البنت بخيرر بس كسور بالظهر والكتف ورضوض قويه شوي بالرجل

حمد ولجين بنفس الوقت : وسعاد و امي !!!!
الدكتور : الحمدالله سعاد بخير بس شوي رضوض بالرجل والحمدالله والف حمدالله الجنين ما طاح ثابت

هني الكل نصدم صدمه قويه ولجين وقفت ما قامت تبجي وثامر يبولع بريجه وغاليه وفيصل وحمد وكلهم مصدوومين جنه احد كافخهم على ويووهم

حمد : شنو حاامل !!!!!
الدكتور : أي حاامل ليش ما تدرون ؟
حمد : لا والله .. صراحه تونا ندري
الدكتور : عيل مبرووك سعاد حامل
لجين : وبأي شهر ؟
الدكتور واهوا يبتسم : بالشهر الثالث
فيصل : بس اهيا ماقالت لنا !!
الدكتور : لا يمكن ماتدري لان طبيعي انها ما تحس لان الجنين يكون صغير توه
حمد : المهم كلهم بخير ..
الدكتور : الحمدالله
لجين : انزين ما يصير اشوفهم
الدكتور : الحين لاا اذا دخلوهم ممكن .. بس على فكره سعاد راح تتم بالعنايه المركز لمده 24 ساعه بس
ثامر و لجين : لـــــــــيــــــش .!
الدكتور : عشان نراقب حالتها لان تقريبا 30% يمكن يطيح الجنين بس انشالله يثبت
حمد : انشالله ، مشكوور دكتور
الدكتور ابستم : هذا الواجب .. عن اذنكم
ورااح الدكتور ودخلو ليان غرفه خصوصيه اما سعاد مثل ما قال الدكتور بالعنايه

فيصل : يباا ليوون نايمه متى تقعد ؟
حمد : تأثير البنج ..مادري
لجين : امبي طاع شلون شكلها .. ( كانو لافين من جتفها لين اييدها وظهرها ومادري شحاطين .. رافعين ريلها على مخده )

غاليه : يلا عيل انا اترخص الحين .. ها لجون وفيصل اوصلكم على طريجي ؟

لجين : لا مابي ابي اقعد مع ليون ..
فيصل : طاع هذي والله انا داايخ وفيني النوم .. تدرون شنو احلى .. اني ماداومت اليوم ههه
حمد : شوفو ثامر
كلهم : ههههههههههههههههههههههههه
لجين : امبي من صجه

ثامر كان قاعد على الكرسي وخذته غفوه

فيصل راح عند ثامر : ثاااااااامر قوووووووووم
ثامر فز : نعم
كلهم : ههههههههههههههههه
ثامر حس ان فشله وخاصة ان غاليه بنت عمته موجوده

ثامر واهوا يعدل قعدته : ممممم .. وااي شدعوا يعني انا دايخ عاادي يعني مخرعينا من الصبح شرايكم يعني لا وانا مستانس محاضراتي متاخرين ..

فيصل : ههههه .. انزين انا بروح البيت مع غاليه حرررره بروح اناام

ثامر احتر مو عشان بينام عشان بيروح مع غاليه جان يقول : انا اوصلكم عادي انتو تعبانين
غاليه : لا عادي .. وبعدين سيارتي موجوده
ثامر : على راحتكم .. ولجون بتروح وياكم
لجين : لا بقعد مع ليون
ثامر : وانشالله لي متى بتقعدين ليبليل مثلا .. ناويه تخيسين اليوم بالمستشفى
لجين : يووووووو .. لا تصير مليق أي بقعد
ثامر : لا يا حبيبتي مو بكيفج
حمد : لا لجين روحي وياهم ماراح تستفيدين من القعده راح تملين بروحج وبعدين ليان راح تكون طول الوقت نايمه على تاثير البنج
غاليه : اييي صح تعالي معانا وارتاحي الحين والعصر تعالي
لجين : يوو .. انزين
غاليه تكلم لجين وفيصل :هههه .. يلا نمشي
فيصل : يلااا فيني النوم
غاليه : يلا مع السلامه .. انشالله يقومون بالسلامه
حمد : الله يسلمج

 

[~ آسٓگنتگ عٓيونـيٓ ~]

\

حبيبتي القصه حلوه شكلهــآآ
لآيوقف لآيوقف لآيوقف لآيوقف

نـــــــآآطرينــج حبيبتي

 

[يادنيا ارحميني]

رد : روآيتي الاولى { نظر عيني } .. بقلمي M!s$ GoOnA

واااااااااااااااااااااو القصه حدهآآ عجييييييييييبه وحلوة وصاحبتها احلى

يونس ثآمر .. وحبيت شخصية غاليه

:eh_s::eh_s::eh_s:

عفيه حبيبتي كملييييي...
ناااطريييينج ..! بفااارغ الصبر
:s142:

لآ يوقف لآ يوقف
لآ يوقف لآ يوقف
لآ يوقف لآ يوقف
لآ يوقف لآ يوقف
لآ يوقف لآ يوقف
لآ يوقف لآ يوقف
لآ يوقف لآ يوقف
لآ يوقف لآ يوقف
لآ يوقف لآ يوقف

 

[Tom ♥ Jerry]

.




نآآآآآآآآآآآآآآآآآطرين : *

 

[كويتيه و اافتخر]

رد : روآيتي الاولى { نظر عيني } .. بقلمي M!s$ GoOnA

القصه عجيبه ابداااع
ناطرينج
لا لا لا لا يوووووووووووقف

 

[ريماس21]

رد : روآيتي الاولى { نظر عيني } .. بقلمي M!s$ GoOnA

عجيييييييييييييييييبه القصه


نااطريج يالغاليهه

 

[M!s$ GoOnA]

رد : روآيتي الاولى { نظر عيني } .. بقلمي M!s$ GoOnA

صراحه بناات .. انا حدي مستانسه .. فرحتني ردودكم .. ويادنيا ارحميني ترى شفت الرد ههههههه < بيني وبينها
>> الــــــبـــــــارت الـــــــرابــــــع <<


:: في بيت بو سالم ( اخو احمد بوغاليه ) ::

وهذي افراد العايله ..

بو سالم : ( فواز ) اهوا اخو احمد و حييل حييل يعزون بعض وولا واحد منهم يقدر يفارق الثاني و بو سالم اكبر من بو غاليه وكان يشتغل مع احمد بنفس الشركه بس بعدين تركها لظروفه الخاصه وبنى له عماير واستثمر منها و متزوج ومرته متوفيه

سالم : اكبر خوانه يدرس الدكتورا في الهندسه المدنيه بره ( في بريطانيا ) عمره 30 متزوج ومرته اسمها مها وعنده بنت وولد ( نوف ونواف ) توأم عمرهم 4 سنين

وليد : ثاني واحد من خوانه عمره 23 طبعه هاايت بره البيت ومطلع حق ابوه قروون يدرس في كلية التربيه ( لانها اسهل شي بالنسبه له )

ليلى : اخر العنقود واهيا بنت بين صبيين عمرها 18( 12 ثانوي ) واهيا ودايما امتياز بالمدرسه

التلفون يررن ..

وليد : الوو ؟
غاليه : الوو سلام عليكم
وليد : وعليكم السلام
غاليه : شلونك وليد ؟
وليد : تمام الحمدالله
غاليه : وليد وين ليلى
وليد : لحظه ..
ليلى : الوو اهلاا
غاليه : هلا والله شلونج ليوول
ليلى : تمااام .. شخبارج يالقديمه
غاليه : والله انتي اللي ما تسألين ولا انا معذوره عندي دراسه
ليلى : على الاقل انتي ضمنتي الجامعه وخلصتي .. انا اللي ادور الدرجااات
غاليه : هههههههههههههههه .. تعاااالي ليوووووووووووووول
ليلى : هااا .؟
غاليه : امبييي شفتي شصار بليان بنت خالي حمد ومرت خالي ؟
ليلى : ويي شلونهم ليان ولجين من زماان عنهم ( اهما يعرفونهم يعني عادي )
غاليه : امبييي واعليا علييهم
ليلى : وييييي شفيج .. ليش ؟؟
غاليه : سوو حادث ليونه وخالتي سعاد

:: في بيت بو غاليه ::

هيا ( ام غاليه ) : شنهووو .. حاادث ،، وليييش ما قتيلي لييش
غاليه : يما شسوي كنتي نايمه وقلت ماني مخرعتج .، وبعدين خالي حمد قالي ان الحادث مو حيل قوي
هيا : وشلون تقولين لي مو قوي واهما يا عوينتي بالمستشفى
غاليه : مادري يما والله من الخرعه .. بسرعه رحت
هيا : وديني وديني الحين برووح اشوفهم
غاليه : يما مو الحين ماراح تشوفين احد
هيا : وليش ما اشوف احد شنو وين خالتج سعاد وليان عيل
غاليه : أي صح اهما بالمستفى ، بس ليان على تأثير البنج وخالتي سعااد ... ( وقطعت كلامها جان تقول ) : اييي صححححح ما قلتلج خالتي سعااااااااااااااااااااااااد حاااااااااااامــــــــــــل !!
هيا انصدمت : شنوووو .. حاااااامل ، من بعد هالسنين كلها وحاامل
غاليه : هههههههه .. شفتي مثلنا كلنا انصدمنا
هيا : ياحلييلج يا سعاااد .. بس تعاالي واليااهل ما ...
قطعتها غاليه وقالت : لا .. ما طاح ، شفتي الله كاتب عليه ان يثبت وما يخسر حياته
هيا : ايي والله صدقتي .. انزين لا تضيعين السالفه وقومي وديني
غاليه : يمااا والله قلتلج ليوون نايمه و خالتي سعااد بالعنايه
هيا : شنوو ليش بالعنايه
غاليه : مادري .. الدكتور يقول عشان يراقبون حالتها لان يخافون الياهل يطيح ويأثر عليها
هيا : وييي الله يقومها بالسلامه انشالله

:: بغرفة ثامر ::

(( ثامر قاعد يتكلم بالفون مع رفيجه زياد ))

زياد : الله يكون بعونهم ..
ثامر : آآميين .. اقولك
زياد : قولي
ثامر : اليوم شفت غاليه بالمستفى يايه
زياد يتطنز : صــــج .. مبروك
ثامر : انا مستانس وقاعد اكلمك من صجي وانت تتطنز
زياد : شدراني عنك شفتها وخير ياطير
ثامر : اقوول باي .باي
زياد : لا لا خلاااااااص يبا آسف وحقك علي
ثامر : مممممم .. زيوووود
زياد : نعم
ثامر : انزين قولي شسوي
زياد : شنو شتسوي .. اول شي لازم تعرف انها تحبك ولا لأ .. واذا اهيا ماتدري عنك قولها
ثامر : شنوووووو .. شنو اقولها انت ينييت
زياد : انت اللي ينييت .. انا ما اقول انك تروح تقولها .. بين لها من حركاتك او قول حق اختك وتتصرف اهيا
ثامر : ماادري .. شلون اقول حق لجوون تقولها
زياد : ايي والله قول لا واهيا تعرف تتصرف
ثامر : يعني شنو اقولها انا احب غاليه

:: في غرفة لجين ::

لجين : شنوو.. تحبهااا !
ثامر وويها يقولب الوان : ايي ..( وصار صوته منفعل ) بس مادري شلون اعرف اذا اهيا تتقبلني ولا لا
لجين : ههههههههههههههههههههههههههههههههههههههههههههه ... لااا لاا ما اصدق
ثامر عصب شوي : لجـــيـــن .. انا اقولج احبها وانتي تضحكين
لجين تحاول تسكت : بس والله مادري شلون يعني هههه .. بس صج زين ما اخترت
ثامر : أي جذي كلميني ابي تشجيع .. بس دام انج شجعتيني ابي منج طلب
لجين : وانا اقووول .. الذيب ما يهرول عبث .. شنو قول
ثامر : ابيج تفهمينها بهالموضوع
لجين منصدمه : افهم منووو
ثامر : يا رب يارب يصبرج ياروح ..عيل انا طول الوقت اتكلم عن منو
لجين :لا يكون تبيني اقول حق غلووي
ثامر : عيل تقولين حق ابووي مثلا
لجين : امبيي والله اخاف افاجأهاا .. بس تدري شلون باجر اخليها تيي واقولها
ثامر : مشكوووووووووووووووووووووره هذي الاخت ولا بلااش ( وطلع واهوا مستانس )
لجين واهيا تعلي صوتها عشان يسمع لان توه طلع : أي الحين صرت زينه عيل مساع تتطنز علي هاا

:: الصبح . في المستفى ::

حمد و هيا ولجين وغاليه كانو عند ليان

ليان : قاعد تتحرك وتتأوه : مممممم .. ممم

هيا شوي شوي : كاهي جنه قامت
هيا : هلااا يمه .. حمد الله على السلامه غدا الشر انشالله
ليان: آآه .. ويني انا
حمد : يبا انتي بالمستشفى ..
ليان : ليش
حمد عرف ان البنج له تاثير لانه وايد يخدروونها عشان ما تحس بالعوار ، لان واحد من ربعه اول كان نفس الشي
حمد : انتي وامج سويتوا حادث لما كنتو بتروحون المدرسه
وشوي جان هيا تاخذ حمد برا .. كانت خايفه انها فقدت الذاكره من عقب الحادث .. بس حمد فهمها كل شي بس مو متأكده وكانت خايفه لان وراها دراسه وجذي لانها حاطه ببالها انها فقدت الذاكره .. وراحت هيا وحمد حق الدكتور وسألته بس قالها نفس اللي قاله حمد ،وهم سألوه عن سعاد وقالهم ان بعد شوي راح يطلعونها غرفه خصوصي ، واهما راجعين حق ليان لقوا فيصل وثامر يمشون بالممر ورااحو كلهم عند ليان بس طول ما اهما عند ليان كان ثامر يطالع غاليه بدون لا يحس لانه كان طول الوقت يفكر بشنو راح تكون ردة فعلها لما تكلمها لجين .. وكل هذا ماكانت غاليه حاسه فيه كللللش وهذا اللي مخوف ثامر كان خايف من صدمتها وبس !

و بعد ربع ساعه دخلو سعاد غرفة خصوصية وكللهم راحو وتطمنو عليها وكانت قاعده بس دااايخه وتعبانه شوي وسألت عن ليونه وطمنوها انها بخير وكل شي تمام بس اهيا اصرت انها تشوفها بس قعدوا يقنعونها انها ما تقدر تشوفها لان اول شي ليان في كسور وما تقدر تمشي وحتى لو حطوها بالويل جير صعبه عليها ، اما اذا اهيا بتروح لها ماراح تقدر وصحتها ما تسمح الحين ..، ويالله يالله اقتنعت بس طول الوقت ما قالو لها انها حاامل ، لان هيا قالت تو الناس واهيا الحين تعبانه .. وصج ان الموضوع يخصها بس مو وقته .. وعقب ما كلهم تطمنوا عليها اهيا وليونه راحت هيا وغاليه بيتهم و قالوا كل شي حق احمد ابو غاليه ، ورااح حمد وثامر وفيصل و لجين بيتهم ..

:: ومن جهة ثاااااااانيه ، في بيت اهل مها::

مها : يما انا قبل جم يوم كلمت سالم

ام مها ( نوريه ) ( نوريه امها قلبها ابيض بس ما تعرف تعبر عن مشاعرها عدل ، واهيا ارمله يعني ابو مها متوفي وعندها بنتين بس مها الكبيره و شروق ) : انتي من صجج ، تكلمين هذا ، هذا اللي ما يستحي على ويها هذا اللي كان حابسج وموخليج تعيشين على راحتج .. قوليلي شتبين فيه
مها : يما بيني وبينه ياهال ومابي احرمهم من ابوهم وقلت نصلح الامور وخلاص نفتح صفحه يديده
نوريه : وليش ما شاورتيني ليش انا مو امج ..؟
مها : يمه يعني انا ابي احمي بيتي ومابي ينهدم بيوم وليله ..
نوريه : بس هم اهوا يمكن يقص عليج بهالكلام المعسول وتالي يعيد اللي سوا قبل > تقصد عن ان اول ببريطانيا

ودخلت عليهم اخت مها ( شروق: اهيا اصغر من مها تدرس بالثانوي واهيا لها اخر سنه يعني بـ12 ، شخصيتها واسلوبها واايد حلو وذرب ما تحب تتكلم بأحد وتحش بالناس ) وفهمت الموضوع بس طول ما اهما يتكلمون كانت ساكته وكان كلام امها عن سالم جارح له يعني حست انه مسكين ومايستاهل لانها تعرف سالم لان كان وايد زين مع مها اول ماتزوجو وكان صج يحبها ومايرضا عليها واهيا بعد.. وعلى قولة مها انهاا رجعت الكويت عشان كان ما يبيها تطلع وايد من الشقه ، وكان بنظرة شروق ان شي طبيعي وعادي لان سالم يعرف طبيعة الاجاانب واهوا يغار على زوجته وهذا شي عادي ، بس ماكانت تبي تجادل وايد مع اختها ..

نوريه : كيفج انا قلتلج وانتي حره
مها : يما انا قلتلج نوف ونواف توهم صغاار ما ودي ابعدهم من ابوهم ، ويما انا مو على أي شي بزعل وشيل شلايلي .. جني انطر منه الزله
نوريه تنرفزت وسكتت

وانشالله البارت الياي يا باجر او مادري !

 

[M!s$ GoOnA]

رد : روآيتي الاولى { نظر عيني } .. بقلمي M!s$ GoOnA

up

up

up

up

 

[M!s$ GoOnA]

رد : روآيتي الاولى { نظر عيني } .. بقلمي M!s$ GoOnA

وينكم بناات تكفون لا تحبطووني

 

[يادنيا ارحميني]

رد : روآيتي الاولى { نظر عيني } .. بقلمي M!s$ GoOnA

وآآآآآآآآآآآآآآآآآآآو .. كمليييييييي كملييييييييييي حبيبتي
بالإنتظاااااااااااار


لآ يوقف لآ يوقف
لآ يوقف لآ يوقف
لآ يوقف لآ يوقف
لآ يوقف لآ يوقف
لآ يوقف لآ يوقف
لآ يوقف لآ يوقف
لآ يوقف لآ يوقف
لآ يوقف لآ يوقف
لآ يوقف لآ يوقف



لآ يوقف لآ يوقف
لآ يوقف لآ يوقف
لآ يوقف لآ يوقف
لآ يوقف لآ يوقف
لآ يوقف لآ يوقف
لآ يوقف لآ يوقف
لآ يوقف لآ يوقف
لآ يوقف لآ يوقف
لآ يوقف لآ يوقف

:ada:

 

[كويتيه و اافتخر]

رد : روآيتي الاولى { نظر عيني } .. بقلمي M!s$ GoOnA

لا يوقف
لا يوقف
لا يوقف
لا يوقف
لا يوقف

بليز لا تأخرييين علينا
القصه عجيببه