روآيتي الثآنيه [إنطعن غيري وأنآ اللي تآلمت] بقلميM!s$ GoOnA

[دلوعه و افتخر]

ناطرينج و ناطرين التكمله

 

[كلي أحزان وهموم]

طــــــــــولتـــــــــــــــــي:eh_s(2):

 

[دلوعه و افتخر]

وين التكلمه...!!!؟؟؟

 

[lovely~Noora]

بليـــــــــــــــــــــــــــــــــــز علقتي قلوبنا نبي النهاية

 

[^Tataly^]

واااي رهين قطعت قلبي
ومتلك>مطلق
كسر خاطري والله الله يكون في عونه ناطرينج حبيبتي​

 

[Miss-Madry]

الحين شكو مطلق مو بالسعوديه وكاترينا ورهين راحوا الكويت @@

مو داشه مخي السالفه :\

 

[جفاكـ ضيع غلآكـ]

ويينج حبــي طوولتي



نااطريينج ع ناااار

 

[Miss-Madry]

Upppppppppppppppppppppppppppppppppppppppppppppppppppp

 

[M!s$ GoOnA]

آسفه بنااات والله امس لا تشوفوني شوي وابجي الايقو الحقير عللق مو راضي يبجي
الحين انزل البارت من الاول عشان يصير مرتب

مس مادري ..
اهما ما سافروا الكويت اهما راحوا السعوديه !

 

[M!s$ GoOnA]

>> الــــــــبـــــارت الــــــثــــــــلآثـــــــــون والأخــــيـــــــــر <<




نهى : وي وي وي .. جذي ينزلوون .. وااي لو شايفج عبدالله جان شسوا فييج
سبيجه قعدت : اشوا انه مساافر وبعدين شدعوا توني بالرابع
سعود : هههههه صج ما ينعرف لج قبل جم يوم تتبجبجين ليش انه بيسافر واليوم يطلع منج هالحجي
نهى : عبالج الرابع توج .. انشالله بالثالث ماتنزلين جذي لو يصير بالجنين شي شتغبرين بعدين
سبيجه : وي اسم الله عليه
سعود : شفتي مالج قلب !



بــــــــــآجـــــــــــر ...


الـــــــــســــــــــــعــــــــوديــــــــــه ...

:: بيت بو مطلق ::

ساره قاعد تقرا قرآن بغرفتها ..
دخلت حصه وقعدت تنطرها لين تخلص ولما خلصت : تقبل الله
ساره : منا ومنك صالح الأعمال
حصه ابتسمت
ساره : وش عندك ؟
حصه : وش عندي؟ ماعندي شي !
ساره : لا والله منتي خاليه تكلمي قولي وش فيك ؟ وش بتقولين ؟
حصه : ماشالله عليك يا يما عارفتني زين
ساره : اكييد ما يبغالها .. خبز يدي
حصه : اممم .. يما انا ..
ساره : انتي إيش ؟!
حصه : يما انا ابغى اشتغل
ساره : تشغتليين !! .. ليه ناقصك شي علشان تشتغلين
حصه :لا يما .. بس ما يصير نجلس كذا .. انا خلاص قررت اني اشتغل
ساره :ما تفهميني وش تشتغلين ؟! .. وكيف بتحصلين وظيفه وانتي حتى شهادة متوسطه ما عندك !
حصه : لا رح احصل ... بشتغل مُدرسه .. ايوا مُدرسه .. اجيب الطلاب هنا عندنا في البيت .. واشرح لهم دروس خصوصيه زي ما يقولون ! .. وآخذ حصيلتي من التدريس من اهاليهم .. وش قلتي ؟
ساره ابتسمت : والله انك منتي بهينه يا حصه
حصه : ههههههه يعني موافقه ؟
ساره : ما ودي والله !.. بس اذا انتي حابه .. على راحتك مارح احرمك من شي خاطرك فيه
حصه قامت باستها على راسها : مشكوووره يماا الله يخليك لنا ولا يحرمنا منك ياارب



:: مطار لندن الدولي ::

وقفت رهين قيدها من الجامعه لأجل غير مسمى بسبب سفرتها مع امها ..
جاكي بنبرة حزينه لان ماودها تفارقهم وتفارق الاخت والصديقه : راح اشتااق لكم واايد .. لا تنسوني مثل ما انا ماراح انساكم .. رهين ماراح انسى ولا يوم عشناه مع بعض ( ولمتهاا حييل واهيا تدمع .. ولمت كاترينا )

و ودعتهم الوداع الاخير .. و كلها دقايق وطارت الطيااره .. وطول الطريج وكاترينا ماسكه اييد رهين جنها خايفه انها تضيع منها برمشة عين ..

.................................................. .......................................
.................................................. ..............
..........................................
.....................
......


وصلوا واهما تعباانين .. طلبوا تاكسي وصلهم للفندق وارتاحوا وريحوا اجسامهم المتصلبه طول الرحله ..

ويا صباح صبّح .. طلبوا ريوق من الفندق .. ولبسوا

كاترينا لبست عبايه وملفع ورهين قاعد تطاااالعهاااااااا




<< بدووون ترجمه بالكلام >>

كاترينا : هههههههه شنو فيك ؟
رهين مبطله حلجها وشهقت : تعرفييييييين عربييييييي !!!!
كاترينا :ههههههه انت forget انا كان في شغل in كويت ؟
رهين لي الحين بصدمتها : ايييي.. بس مادري ..يعني .. يعني لا يعني مادري ما كنت ادري
كاترينا : شلون انت فكر I can كلام هني
رهين : ايي هههه .. انزين البس عبايه وملفع !
كاترينا : sure !
رهين : ههههههه اوكي


لبست رهين وكاترينا و طلبوا تاكسي

كاترينا عطت السايق ورقه وفيها العنوان ..
رهين بتعجب طبعا كلمتها بالانجليزي بس الكلام مترجم : احنا وين رايحين ؟
كاترينا تعدل جوتيها : الحين تعرفين
رهين : ابي اعرف الحين وين مكانه وين بيته ؟
كاترينا : للأسف ما اقدر اقولج .. لاني ضامنه 100% انج لو دريتي ماراح نكمل مشوارنا
رهين : وشنو يعني !!.. ما ردّي بعرف
كاترينا ابتسمت : اكييد


:: شقة طارق ::

طارق شايل مشاري و واقف جدام الباب : يالله يااا رنا ماصارت ترى
رنا داخل الغرفه وبصوت عالي : إييه جاايه جايه ( وطلعت )
طارق : يه يه يه .. شهالزيين
رنا : ههه حاجه بئه.. يلا كرمال ما نتأخر
طارق مو قادر يثبت على ريله : هاج هاج مشاري
رنا خذته : شو بك ؟!
طارق طاح على الأرض فجأه
رنا حطت مشاري على الغنفه : طارق شوبك
طارق : رنا عفيه دقي على نهى قوليلها ما نقدر نييهم اليوم
رنا قعدت يمه بسرعه : ايه شو بك خوفتني
طارق نزل راسه وحط ايده على يبهته ونزلت دمعته
رنا قعدت يمه : طارق !! .. انت ... انت بتبكي ! .. ليه طارق شو فيه ؟!
طارق مسح دمعته اللي ماكان وده تشوفها رنا : مافيني شي مافيني الا العافيه .. بس انتي كلميها لا تقعد تحاتي
رنا بنبرة خوف وتوتر : بتصل فيها بعدين ..ما بينفع هييك انت كذا مره صارت فيك هاي الحركه و كنت تكزب علي وتقولي ما في شي .. طارق امشي ع الدكتور مابيصير هييك
طارق : رنا مافيني شي صدقيني بس ريلي تخدرت شوي وطحت !
رنا قامت : يووو ما بينفع معك .. بتروح معي يعني بترووح

وطبعا خذته قصبـ(ن) عنه .. وركب السياره وطيييري يا رنا على المستشفى






الــــــــــــــســــــــــــعـــــــــوديــــــــ ــــه ...

:: بيت بو مطلق ::

غلا : وش رايكم اليوم نتعشى برا


نوره : الللللله .. والله من زماان كان ودي اتفسح زي العالم
ساره : إيش إيش ! .. لا لا مافي عشى برا البيت .. تبغون أكل من مطعم اتصلوا فيه وهو يجيكم
حصه : يماا خلينا ولو مره نشوف الدنيا ، وش فيها يعني .. هذا مطلق وحجزوه .. خلينا نرتاح ونصير زي اللي حوالينا
غلا : خاله .. ترى البنات معهم حق ... مساكين عيشه زي الناس مو بعايشين
ساره رق قلبها : آآ خلاص كيفكم .. بس وحده تجلس معي في البيت ، اذا جلست لحالي بستاحش
غلا : لييه تعالي انتي معنا
ساره : ايش ؟.. اجي معكم و وش اسوي !؟
حصه : ههههه تتعشين معنا بعد وش تسوين
ساره : امرنا لله نجي وياكم ..



×××××× مـــــــــن جـــــــــهـــــــــة ثـــــانـيــــــــه ××××××


الصدمه خيمت فيه .. مو مصدق اللي يشوفه جداام عينه .. وقف وبكل ذهووول .. يفرك عينه .. وده يصدق بس مو قادر ..

" معقوله اللي اشوفه قدام عيني حقيقه !! ... هذي هي ؟ ولا هذا حلم !! "

تخدرت وانصدمت منه .. !!
" لالا مو هذا اهوا .. اللي تركته انسان وهذا انسان ثاني .. شاللي غيره لهالحال! .. ملامحه تغيرت حييل .. جسمه نحف .. تحت عينه هالات سودا... الشعر تاارس ويهه "

وقف بذهول : كــ ... كــا.... كاترينا !!!
ردت ودمعتها على خدها لان صوته ذكرها بماضي نسته: أي انا كاترينا .. شنو صير فيك انت ؟ .. ليش انت كدا
رد عليها بنبره مبحوحه : كاترينا وينك وينك يا كاترينا .. انا بحاجتك مره .. لا تسيبيني لحالي .. الكل تخلى عني
كاترينا بقوه : انا هنا مو مشان ارجع ماضي .. " مطلق " انا جيب لك سبرايز ممكن انت تحبه او لأ
مطلق : مفاجأه ! .. وش هي
كاترينا : رهين ادخلي
رهين دخلت وانصدمت من شكل الريال اللي جدامها وأول سؤال خطر على بالها " هذا ابوووي ؟! "
مطلق مو فاهم ولا مستوعب أي شي : كاترينا مين ذي .. انا موب فاهم شي
كاترينا : انت تبي عرف منو دي .. دي بنت انت
مطلق انصدم حداااا : إيييش ! .. بنتي .. انا مالي بنت .. وش تهلوسين !
رهين : انت ابووووي ؟ .. انت زوج امي كاترينا ؟؟ ... ترى بحد ذاتك اناااني .. أي اذا انت منصدم ترى حتى انا منصدمه .. بس تدري شالفرق ( دمعت عينها ) الفرق انك منصدم ان لك بنت عايشه و يا اليوم اللي صارت فيه جدام عينك .. اما انا مو منصدمه ان لي ابو .. منصدمه اني دريت وبدون لا احد يقوللي ولا يعلمني ان ابوتك لا يمكن لو مهما تسوي انها تكفيني .. منصدمه منك ومن طبعك الشرس ومن حبك لذاتك وانانيتك... تدري ليش ؟ .. لأنك تطعن وتبري نفسك من هالتهمه وبكل جبُن
مطلق : آآآآخ ... والله لو اني عارف ان الدنيا بتصفّع فيني كثيير وتوصلني لهالحال كان ما عملت اللي عملته
كاترينا ودمعتها على خدها : موتلك ( مطلق ) إزا انت ندمان
رهين كملت عليها : ترى ندمك لا يوفيني ولا يوفي هالإنسانه اللي خدعتها ونصبت عليها
مطلق مسك اييد رهين بتوسل : سااامحييني .. اترجااك تاسمحيني يا بنتي
رهين وخرت عنه : إلا هالكلمه مابي اسمعها منك .. كافي انك خليت غيرك يسمعني اياها بدون لا يحس بطعمها !


مطلق خنقته العبره .. ما قدر يمسكها اكثر من جذي ،، مو سهل ان الانسان يواجه نتيجة فعله القاسيه بنفس القسوه والتجمد .. وبالنهايه مطلق " بشر" : وانا مستعد إني أقسم لك اني ...
رهين : تكفى لا تكمل .. اذا انت فيك قوه تستعد تسوي وتقول.... انا ما فيني قوه اني مجرد اسمع حتى .. وخاصة منك انت.. سمعت لنااس واايد .. ولعلمك ترى انت ما تستحق هالكلمه .. ( وانفجرت بالبجي اكثر ) ضيعتني .. ضيعتني والله ضيعتني .. يماا خلاص خل نمشي ما اقدر استحمل اكثر من جذي
كاترينا مسحت دمعتها : موتلك I wish انت تعلّم من اللي صار .. لان انت كنت كاسي ( قاسي) كتيير مع الناس ومع نفسك ..بس انسى انو رهين بتسامحك .. هي شفكت ( شفقت ) فيني لأن موش زنبي ( ذنبي ) .. الزنب كلو فيك انت .. انت يا موتلك ! .. يلا رهين

وراحوا يطلعون مع ان رهين ماكان ودها .. كان ودها انها تحظنه وتتشبع بحبه وتحس ان في سند وظهر لها في هالدنيا .. بس حبت انها تذوقه رُبع الل ذاقته اهيا .. " خل يحس شوي .. خل يصحى على نفسه .. ويقيم مشاعره عدل "




:: الكويت ،، المستشفى ::

طبعا رنا ماقدرت تستحمل الوضع بروحها .. دقت على نهى و نهى دقت على عماد ، واللي موجودين نهى وسعود وعماد و رنا
نهى : رنا وين خليتي مشاري
رنا : سبتو مع الخادمه

طلع الدكتور ..
رنا بس شافت الدكتور طلع ،، بسرعه دخلت الغرفه حق طارق
نهى : ها دكتور شفيه طارق طمنا ؟
الدكتور : للأسف اخ طارق مصاب بالشلل النصفي
عماد : شلل !!!
رنا طلعت : دكتور بس هو ما بيقدر يمشي بنووب .. هو بالزوور ركب السياره
الدكتور : زوجج يا اختي فيه شلل نصفي
رنا صعقت من اللي سمعته : شووووووو .. طارق .. طارق مشلووول !! ( وبجت )
نهى بجت : بسم الله عليك يا وخيي .. واعليا عليك فجأه صرت حتى المشي ما تقدر.. فجأه !!



:: المملكة العربيه السعوديه ::

كاترينا لما طلعوا من المركز قالت بهمس ( الكلام مترجم ) : مو جنج قسيتي عليه شوي .. كان على بالي انج بتسامحينه .. وبتكوونين مشتاقه ان يكون لج اب حقيقي في حياتج
رهين : والله ما أنكر هالشي وشفتي لهفتي لشوفته قبل لا نيي هني .. بس ليش اهوا بعد ما يكون مشتاق ان يكون له بنت
كاترينا : واهوا قال هالشي .. وترجااج انج تسامحينه
رهين : لاا لا يا يمه .. انا كنت اسمع واصدق مشاعر الناس وهذا لمن كانت الدنيا صاافيه بعيوني وكل هذا مااضي ومستحيل يرجع لي هالطبع لان الدنيا أسودت بويهي .. فما بالج انج تبيني اصدق كلام من واحد ما تعلم الدنيا من نفسه .. صفعات الدنيا اهيا اللي علمته .






بــــــــــــــــــــــعــــــــــــــد مــــــــــرور ســــــــــــــتـــــــــة ســــــــــنــــــــــواات ...]~






يــــــــــــــوم الـخميـــــــــــــس ..




:: بيت بو عادل ::
الكل متيمع .. طبعا لانها زواره .. رن جرس الباب وقامت سبيجه تبطل الباب .. بطلت الباب بس شافت منو انصدمت حدهاا وطقتها البوهه انشل لسانها ما قدرت تنطق ولا كلمه .. ما توقعت انها بتشوفها بعد كل هالسنين !!
وبكل صدمه قدرت تقول : رهــــــــيــــــــــن !!!
نهى داخل البيت : يمه سبيجه منو بالباب
لفت سبيجه على امها ومو عارفه شتقول : يما .. هذي .. يما هذي .. اللي بالباب .. يما هذي رهين
الكل انصدم وكلهم طلعوا برا كلهم .. شافوا رهين ومعاها اثنين .. محد قدر ينطق ولا كلمه ، حتى رهين ما قدرت تقول بس قلبها يقول واهيا وعينها تأشر وتطالع ، اول من طاحت عينها عليها اهيا


" هذي رنا اللي كانت امي .. كبرت عن أول ، هذا طارق اللي كان ابوي .. أي هذا ابوي طارق !! .. لحظه ليش بالويل جير .. اكيد تعباان .. هذا .. هذا مشااري !!! .. أي هذا مشاري اخوي كبر عن أول وااايد ... هذي نهى اللي كانت عمتي ما تغيرت وايد بس بين عليها الكبر شايله منو ؟شايله ياهل من ولده ؟ ... هذي سبيجه .. سبيجه اللي كانت اختي وصديقتي .. امبيي سبيجه حاامل ! أي كاهو بطنها جدامها أي حامل .. يعني تزوجت !! .. هذا سعود ريل نهى ... شيّب وصار كبير بالسن ... هذا عااادل ماسك ولده ؟! .. وهذي العنود زوجته مشالله احلوت واايد .. لحظه لحظه هذي ابرااار !! .. مشالله كبرتي يا أبرار وصرتي مره ... وهذا بدر أي بدر اخوي الصجي اللي قال ماراح ينساني ... منو هذي اللي ماسكها !! زوجته! أي اكيد ... و هذا عماد اللي كان عمي ... منو هذا ؟؟ .. اول مره اشوفه ... يمكن زوج سبيجه .. أي ليش لأ . هذي عايلتي القديمه "

رهين قالت واهيا تكلم امها وابوها واهيا تأشر عليهم : هذي عايلتي القديمه .. العايله اللي كنت عايشه معااهم ... ( و وجهت الكلام لهم كلهم ) ترى هذي امي .. أي امي .. امي الصجيه والله اهيا ترى امي الحقيقيه مو مثل امي رناا لااا .. انا سافرت وتعبت وربي ساعدني ولقيت امي اللي ما في أحن منها علي .. اهيا اللي تبيني طوول عمري .. مو مثل رنا امي المؤقته اللي قزرت فيني امومتها لاا .. كااترينا امي ... هذا الغااالي ابوووي .. ابوي وسندي وظهري بالدنيا ... لا تتعجبون أي ترى اهوا ابوي اللي يحميني طوول ما انا عايشه مو مثل طارق اللي مثّل الأبوه عشان فقدها فتره ولمن حصلها تبرع فيني للشارع ... انا ما تغيرت والله .. انا مثل ما انا .. بس دورت على أصلي وأساسي


رنا دمعت عينها ومدت ايدها : تعي يا رهيين .. تعي .. شو اشتقت لك
رهين ما قدرت تمسك نفسها وراحت وضمتها حييييل مع انها ما نست قسوتها اللي عاشتها معاها في الفتره الاخيره ، وامها كاترينا كانت تشوفها وتبتسم مستانسه ان بنتها رجعت لها الفرحه بعد ما حققت اللي تبي .. واللي تبيه اهوا انها تشوف العايله اللي ربت عندها

رنا : حيااكي انتي وامك وابوك .. تفضلوا جوا

رهين رجعت واهيا ماسكه ايد امها وابوها : آسفه .. ما أقدر ادخل البيت اللي طردني .. صج اشتقت لكم .. بس كرامتي ما تسمح اني ادخل مكان أهله طردوني وما بغوني وفضلوا بُعدي .. انا بس ييت ابشركم اني ان الحياة ابتسمت لي ورجعتني لأهلي .. والحين اقدر اقول مع السلامه .

 

[M!s$ GoOnA]

>> يتبع ..


مثل ما انجبرت بفراقهم وبعدت عنهم باختيارهم بدمووعها وتركوها بأبتسامه .. انكتب لرهين انها تطلع منهم مع امها كاترينا وابوها مطلق بأبتسامه أمل تبشر ذاتها بحياة أفضل وأسعد..وانها تركتهم بدموعهم لأن كان ودهم قربها من يديد،،،


هذي أهيا الحياة الأليمه اللي عاشتها " رهين " اللي تعلمنا منها الصبر والتحمل عشان نوصل للي نتأمل فيه .. لأن ( الصبر مفتاح الفرج ) .. و تعلمنا أن نتمسك بحبل الأمل مهما كان سُمكه حتى لو كان رقيق وارق من خيوط شبكة العنكبوت .. وان المشاعر اهيا اللي بإمكانها انها توصلنا لبر الأمان واهيا اللي بإمكانها تصفي الحياة بعيوننا ،، بس بعض المرات لازم ندوس على مشاعرنا ونراعي كرامتنا .. لأن الكرامه كنز مودوع في ذوات البشر ... ومو شرط يكون الفرح اهوا الطريج الوحيد اللي
يساعدنا عشان نقدر نستمر بحياتنا .. لأن طبيعة الحياة والمعيشة ممزوجه بأفراح وأحزان .. ومع كل هذا لازم نحط ( الأمل ) عنوان الـ ( بقاء ).










THE END



هذي اهيا الروايه و خلصت ...

طبعا الروايه مو حقيقيه من وحي الخيال ، بس مو كل شي يرنسم بخيالنا يكون مو صج ، واايد سمعنا وقرينا عن قصص مثل قصة رهين ، بس الفرق ان رهين قدرت تصير اقوى من القدر ، وتحملت وصبرت ، وتمسكت بالامل لين حققت اكبر امانيها ..

واسفه على القصور وعلى التأخير في بعض البارتات وخصوصا هذا البارت الاخير ! اللي سبب لي أزمه
والسموحه اذا قصرت مع وحده وزعلت وحده فيكم

في النهايه احب اشكر كل من شجعني وتابعني و وقف وياي :-

~FOOSY~
جفاكـ ضيع غلآكـ
Crazy girle
كيآن انسانه
batooly
3thab 2lroo7
دلوعه و افتخر
Miss Noofa
only pink
Şhώasha . . ~
^Tataly^
just smail
كلي أحزان وهموم
كويتيه و اافتخر
(***Aisha***)
Miss Hayoon
بشاريه طربانه
سعاد الكويتيه
lovely~Noora
سارووونه22
عطر مذهب
انات قلب
Miss-Madry




وآسفه جدا جدا إذا نسيت اي وحده ما شكرتها
وما انسى المتابعين اللي خلف الكواليس ( اللي مو مسجلين هني ) >> فطووم حياتي مشكووره على الكلام اللي كل مره تقولينه لي ثاانكس واايد :eh_s(7):

:eh_s(21)::eh_s(21)::eh_s(21)::eh_s(21)::eh_s(21)::eh_s(21):

 

[~ FOOSY ~]

الــــروايــــــــــــــه روووووعــــــــــــــــــــــه تـــسلـــم أيـــدج :eh_s(15):

ورهــــين اللـي سـوتـه أحســن شــي ومـادري شـعلـق ع الـروايـه صـراحه :eh_s(2):

ومــره ثــانـيه أقولج الروايــــه روووعــــــــــــه :rerrerek:

ونـــاطــريــنـج بــروايـه ثــالثــه انشــالله

وســـوري لان ادري وايـــد أأذيــج وانــتــي تـنـزلــين البــارتـــاتـات :eh_s(22):

موفـــقـــه يـــآرب :eh_s(17):

أحــــــــبـــــــــج

:eh_s(8):

 

[~ FOOSY ~]

ونــــاســه أول وحـده اقــرا البــــــــــــــــــــارت

 

[Miss Hayoon]

رواااااااااية تهبببببببببببل ونهاية وايد حلوووه

موفقة حبيبتي و ناطرين الرواية الثالثة

 

[انات قلب]

يعطيج العافيه حُبي
الروايه عجييييبه حدها
واتمنى ما تكون اخر روايه لج ناطرينج
بروايه غيرها
والنهايه وااايد حلوه و عجبتني رهين كانت حيل صبوره
موفقه حُبي

 

[✿¸3ώẪṧĤ»]

أبدآآآآآآع . .

في روايه بعد و لا لا ؟؟

يعطيـج العآـآـآـآفيــه . .
​

 

[just smail]

يعطيج العاافيه والرواايه حييل حلووه وزين سووت رهين

 

[جفاكـ ضيع غلآكـ]

الرواايةة رووووعةة ابدآآآع تسسسسلم ايييدج حبيبتي


وو اتمنى انها ما تكوون اخرر روايةة لج

وحساااافة سبجوو ماصاار فييها شي


و شاكرةة لج مجهووودج ي ــالغلآ

 

[دلوعه و افتخر]

الروااايه واايد حلللوه

ناطرين يديدج

 

[أم جديله !]

روايتج رووووعه

ورهين كسسرت خآطري

وبأنتظآر جديدج
​