رواد الفنادق ,,, وناستكم

[انثى استثناء]

بنا انا عندي كم شغله ابي اسال عنهم

بس تحملوني شوي ,,,

انا وريلي الحين قعد نمر بفتره من الضييقه و الملل فقعد اقوله خلي نغير شوي من الروتين


فهو يقولي خلي نحجز فندق يعني نقضينا ويك اند

و انا اقوله ما غيرنا شي طلعنا من شقتنا دخلنا غرفه ثانيه قلت له ما احنا عايشين بروحنا محد معانا
شنو التغير الي سوينا قلت له


ابي اسال انتو لرحتوا فنادق شنو الوناسه الي الي تستانسونها في الفندق

عفيه بنات قولوا لي لان ريلي قعد يقنعني و انا ما قعد اشوف اي تغير في الفندق

قولوا لي تجاربكم الحلوة

 

[بتبوتااا]

الوناسه الي نستانسها بالفندق جنها وناسه نستانسها بره 

تغير يعني مثلا غرفه مع حمام سباحه او حوالينها مطاعم نفس الموفنبيك او كمبسكي جدامها بحر اوالهلتون فيها معرض ومطاعم وشاليهاات
الفكره مو انه غرفه الفكره الاماكن الترفيهيه بالفندق نفسه حياتي

 

[Gifts&Occaions]

صح تغييير الاماكن يغير النفسية ومنها تجديد لحياتكم الزوجية

 

[جوري 2007]

لا مو نفس الشي ،، لا تستهينين بتغيير المكان ،، انصحج بفندق المارينا ، تتريقون الصبح عقب تسبحين بحمام السباحه او البحر عندهم شاطئ حلو ،، عقب ترتاحون وبعدين تطلعون تتغدون بالمارينا كرسنت وعقب دشي سينما بالمجمع ،، لا تستخدمين السيارة كلش خلي كل
شغلج مشي ،،ثاني يوم نفس الشي بس بدال السينما افتري تسوقي وخلي الغدا او العشا داخل المجمع

 

[اوتار الحب]

سافرو 3 ايام 4 ايام

دول الخليج

او عمره او المدينه

 

[منووله مشعل]

مع جووووووووووووووووووري 2007...

 

[Mednight Rain]

بالعكس تغيير حلو ، عندج فنادق وايد حلوة وفخمة وهادية ويسون عروض للويك أند .
خلوها استرخاء مو شرط طلعة ناموا وسهروا وتمشوا على البحر للفجر ، سوي مساج اذا عندهم ، خلوها تصير ايام سبشل تجددون نشاطكم واخذي معاج البوم صور حلوة وشوفوها وتذكروا هالايام والباجي عليج

 

[أم الفناتك]

بالعكس الفندق تغيير وناسه مره حجزت بفندق وكان في جاكوزي زينت المكان بالشموع والورد وقعدنا فيه استانسنا وعقب طلعنا اتغدينا وتغيير المكان يغير النفسيه حتى فالبيت لو اتغيرين اماكن اثاثج اتغير نفسيتج فما بالج بالمكان ابكبره انا اقول حجزي وتوكلي على الله

 

[انثى استثناء]

مشكورين حبيباتي ,,, و الله شجعتوني

خلي زوجي الحين يفرح ...

الله يسعدكم

 

[قسوة الزمن]

الفندق مكان صغير يضمكم في بعض دشي موضوعي وشوفي شلون تغيرون الرومتين لحظة بحط لج الرابط

 

[قسوة الزمن]

http://www.q8yat.com/t962783.html