رواية أما غرام يشرح الصدر طاريه و إلا صدود و عمرنا ما عشقنا / الكاتبة : صدود

[al_sheikha]

روووووعة هالرواااايه حلوووة شوويه عليهاااا
اناا قاريتهاا وانصحكككم تقرونهااا
يعطيج العاافيه ي أحلى بدويه ^_^

 

[طــُـهــر ♥!]

بدويه عفيه لا تطولين ونزلي بارتات واجد وربي ما اقدر اوصفلج فرحتي وانا أقرا لما أخلصها أمل وأقول ليتني ما قريتها كلها مره وحده بس ما اقدر اقاوم


الله يسعدج دنيا وأخره أحسنتي في أختيار الروايه ومو غريبه عليج ي راعية الذوق كله



بدويه أنتي كريمه وأنا أستاهل أكرميني لا خليت منج


ميته اعرف شالنهايه
جم بارت باقي ؟؟؟

,’



حيااتي .. نفس حالتي اول ماقريتهاا
اللهم آميين .. ويااك ي الغلا
الذووق منك وفيك
من عيووني
لاتستعجلييين على النهايه بااقي كثيير ..~
نورتي ي جميلهه ..:eh_s(7):




,’​

 

[طــُـهــر ♥!]

روووووعة هالرواااايه حلوووة شوويه عليهاااا
اناا قاريتهاا وانصحكككم تقرونهااا
يعطيج العاافيه ي أحلى بدويه ^_^

,’




مرورك الروعهه
يعاافيك ي بعدي
نورتي ي جميلهه ..:eh_s(7):




,’​

 

[طــُـهــر ♥!]

البارت الخامس والثلاثون..


أرجع في الليل

أحمل في صدري جراح النهار

يثقلني ظلي

و تكتسي روحي ثياب الغبار

حاربت بالشعر

في عالم لا يفهم الشعرا

غنيت للطهر

في عالم يغتصب الطهرا

المرحوم بأذن الله تعالى..غازي القصيبي..




في حرم كلية امبريل للهندسة..

هادي\يازينك ياوغدة بتدرسين في كلية افتتحتها عجوز بريطانيا..
غادة\وش ذا الكلية والله انها تخوف ياهادي..والمصيبة العجوز مفتتحتها..
لو عسوولة هي اللي فاتحتها يالبيه..تكفى ادرس معي..
هادي\هذا ثاني يوم اداوم معك كنك بزر في الروضة..
ترى وراي دراسة..
غادة\وان ضعت؟؟
هادي\مابتضيعين هذا جدولك واخذناهـ والقاعات وعرفتيها..
وش تبين أكثر..؟؟
غادة\طيب ما اعرف احد هنا وش السواة؟؟
هادي\والله مدري أنا اتلفت ادور على عرب بس ماشفت أحد..
سلكي مع الاجنبيات ومشي عمرك..
غادة\ياربي متى بتمر ثلاثة أسابيع اووف..
هادي\وش عندك بعد ثلاثة أسابيع؟؟
غادة\عشان أرجع السعودية..ناسي العيد..
هادي\غادة ورى ماتاكلين تبن..وتروحين قاعتك..
غادة تشهق\لا يكون تبينا نعيد هنا؟؟
هادي\لا بنعيد في سووق الخرفان اللي ورى الكلية هذي..
غادة\مالي شغل فيك اذا ماتبي ترجع تعيد مع هلك كيفك..
بس انا بارجع اعيد مع هلي..
هادي بطفش\ايه طيب أنتي بس تبشرين..
غادة\امم طيب تعال معي القاعة بتبداء المحاضرة..
هادي يماشيها\طيب يالله..
وصلها لباب القاعة دخلت وهي تظن انه بيدخل معها..
لكن هو أشر لها من عند الباب أنه رايح..
ويأشر بالجوال..
أرتبكت غادة ولا بينت هذا الشيء..
القاعة كبيرة ومزدحمة وأغلب الموجودين مسوين قروبات..
فتحت الاب وبدت مع الدكتورة ..
بعد نهاية المحاضرة كان معها وقت فراغ لان محاضرتها الثانية بعد 4ساعات..
طلعت جوالها وكانت راح تتصل بـ هادي..
لكن غيرت رايها لان هادي اكيد بجامعته وعنده محاضرات ماله داعي تزعجه..
تجولت بالكلية وعينها على المبنى الرئيسي..
خائفة ان تتوهـ..
طال الوقت وهي لوحدها..
دخلت بالقاعة المخصصة للمحاضرة وكانت فارغة الا من مجموعة لايتعدى عددهم الخمسة..
فتحت جهازها وأستكملت دراست المحاضرة السابقة..

حست بأنها مراقبة..رفعت راسها وناظرت حوالينها..
بس ماشافت أحد..مافيه الا القروب اللي كانوا موجودين بالقاعة قبلها..
ولا أنتبهت أن الخمسة صاروا ستة..



؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛ ؛؛؛؛؛؛؛؛؛؛؛


قفل جهازهـ ونظراته عليها..
يعلم بأن حالها سيء..ولا تطيق البقاء في بيته..
فنفس الشعور يشعر به..
ربما يكن لها مشاعر خاصة في قلبه..
ولكن بهذا الوقت لا يريد الا بقائها بعيدة عنه..
هو لا يقصر في ايصال هذا الشعور لها..
فمن اليوم اللي رجعوا فيه السعودية ..
تركها في بيته وراح لشغله ومارجع الا اليوم الثاني..
وهي لم تطالب بوجوده او تحسسه بانها محتاجة له..
عرض عليها النوم بغرفة نومه وهو ينام بغرفة ثانية..
رفضت ونامت بالغرفة الثانية والوحيدة ..

طالب\أنا طالع محتاجة شيء من برا..؟؟
شوق بهدوء\لا شكراً..
طالب\لاتنتظريني بأتاخر..
شوق\ومتى أنتظرتك..؟؟
طالب\كل ليلة ..
خرج وهي قفلت الباب ورجعت تجلس بمكانها..
قال أنتظرهـ..مابقى..
أخذت جوالها وأتصلت على امها..
لكن امها ماردت مثل المرات السابقة..
كتبت رسالة نصية وأرسلتها..

صباحك خير يا يومه..
وحشتيني..

رسالة صباحية ترسلها كل يوم..ولا تتلقى الرد عليها..

وقبل النوم ترسل رسالة مسائية..

أودعك على أمل نلتقي بكرهـ..
تمسي على خير..

رمت جوالها وهي تتذكر غلطها والمصيبة اللي سوتها..
معهم حق يزعلون ولا يكلموني..
اللي سويته مو شوي..
غمضت عينها لما تذكرت الموقف غازي يضرب بالسوط وهديل تبكي..
عضت أصبعها بندم..
ليتني ما أفتريت عليها..ولا ظلمتها..
حسبي الله ونعم الوكيل..
يارب سامحني..
الوحدة اللي انا حاسة فيها ألحين..
هل هي نفس وحدتها ومرارها..؟؟
شوقي لحضن امي..لاهتمام غازي..ولدفى بيتنا..؟؟
هل يشبه شوقها ولو بالحلم..؟؟
الحنين اللي ماعمري عرفته تتجرعه بكل لحظة..

مامر الا شهر على فراقي لأمي..
وأحس روحي تذوب من الشوق..
وهي سنة وزود لا شافت أم ولا أب ولا أهل..
عايشة بغربة ووحدة..
وقسوتنا عليها..
لا قسوتي أنا عليها..
بالكلام بالسب..
ولما جرحتها وانا مبسووطة واقول لها اني جومانة..
وأخر شيء أفتريت عليها ظلم وزور..
عاشت كل هذا ولساتها قوية..
رغم الضرب والاهانات الا انها ما استسلمت..
بس أنكسارها واضح للكل..
وأنا كنت انبسط بقهرها وضيقها..
بس أنا مالي دخل..
قلبي هو اللي يحقد عليها..
أخوها قتل أخوي..
قتل سعود حبيب قلبي..
ما أقدر أتقبلها ولا أقدر اتجاهلها..

بس مالي حق أظلمها والله مالي حق..
خذينها بذنب أخوها..

الخطاء ماهو خطاي لحالي ووالله ماهو خطاي..
كلهم أذوها..
غازي..أمي انا ورشا وراجح..
حتى طالب ماهو بريء من ذنبها..
ليش يعاقبوني أنا لوحدي..

حسيت بخطاي وأدري ماهو صغير..
بس ليش مايحسون بخطاهم وهو أكبر أحقادي..
أكبر من كرهي لها ومن حزني عليها..
ذنبهم أعظم وأكبر ..
خطاهم الحرمان..
حرموها من هلها..

ماحسيت بخطاهم الا يوم عاقبوني..
ليه ماحدن يعاقبهم ويحرمهم من أحبابهم..
ليه مايحسون بالحرمان..



\\لا تستعجلي الأقدار ياشوق\\


؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛ ؛؛؛؛؛؛؛؛؛؛؛؛؛؛؛؛؛؛؛؛


ياحروفنا الملح.. في شفاهنا الحنضل ...
كان السكوت أفضل .ولا الكلام ؟
كانت حقيقه ..
يوم انقطع حبل الحوار
يا حروفنا الحنضل..في شفاهنا الملح
زعلوا حبايبنا..كان السكوت أفضل..

لا زالت صـــامتة..
رغم محاولاته أستنطاقها ولو بحرف..
لا يقلقه صمتها أكثر من سرحانها..
تمشي وهو يمشي ..
الى أين...؟؟
لا يعلمــان..
لم تقترب من الاسطبلات منذ ذاك اليوم..
لم تخرج من القصر..
معتكفة بغرفة والدته..
ولولا أنه لا يقوم بمضايقتها بتواجده معها بالغرفة لما خرجت منها..

يعرف انها تخاف من تواجدها معه..ما يلومها..
ويدري انها لو تستمر على هالحال يمكن يصيبها اكتئاب نفسي حاد..
وهذا من خلال خبرته في الطب..
من أنطوائها على نفسها حزنها وسرحانها الدائم..
كان يتبع الخطة الطبية في معالجة المصابين بالاكتئاب..
يهتم فيها يتكلم معها وهو يدري انها ماراح ترد عليه لكن يستمر باهتمامه فيها..
يتدخل باي شيء يخصها ويساعدها فيه..
حتى الكتاب اللي أخذته من المكتب يتكلم عن تاريخ لرجل عصامي..
فقد أسرته ثمناً لصدقه وشهادته بالحق..
أستبدله بكتاب ثاني يتكلم عن الطبيعة وأسرارها..
كان يقدر ينهي أكتئابها وصمتها اذا ذكر اهلها..
أو وعدها فيهم..
لكنه يعلم بخطورة هذا الشيء..
فاذا وعد ولم يفي بوعدهـ..
بيوصل اكتئابها الى ذروته وفي هذي الحالة قد تفكر بالأنتحار...

ويرفض أن يستخدم معها العقاقير المضادة للأكتئاب..


تركها للحظات وتوجه للاسطبلات وهي كملت طريقها من دون ماتلاحظ غيابه..
مشت ومشت..
وفجاءة رمت بنفسها على الثلج..
فسخت قفازاتها وجزمتها<<وانتوا بالكرامة
دخلت يدينها وأرجولها في الثلج..
شهقت كم شهقة لكن ماسحبتها..
طلعت وحدة من يدينها ورسمت على الثلج..
ويـــــــنك..
وضربت بيدها على الكلمة ورجعت يدها بوسط الثلج..

سمعت صوت خيل..وبعد لحظات كان واقف عندها..
نزل من على الفرس..
و جلس جنبها..


أتركوني معها أداوي جراحي وجراحها
وحدي من يملك الحق بها هي طفلتي
هي تلك الأنثى التي رمت بي من قمم شموخي
لـ أودية براءتها أعشق تمردها أعشق طهرها..!
صغيرتي لاتقتليني بـ صمتكِ عودي كما كنتِ ِ أرجوكِ
أصرخي بوجهي تمردي ..!
ولكن لاتقتليني بصمتكِ ..!

حورآء إنسية ...


خرج يدينها من الثلج كانت جامدة وترجف..
ضم يديها بين يدينه يدفيها..
خرج أرجولها وكانت بنفس حالت يدها..
جامدة وترجف..
سحبها توقف بقوة..

غازي بعصبية\تبين تتجمدين..لك اللي تبينه؟؟
سحب الايشارب من على رقبتها..
والحجاب من على راسها..
أنتثر شعرها وطاحت غرتها على وجها..
فسخ جاكيتها الطويل ورماهـ على الأرض..
رفعها بسرعة وركبها على الفرس..
وبلحظات كان جالس وراها..
ضرب الفرس بحدة..
وأنطلقت الفرس تعدووو بسرعة..
كانت الريح باردة جداً..
شهقت بقـــوة وهي تتنفس بسرعة..
كان الهواء يضربها على وجها رقبتها..
جسمها بالكامل..
الجزء الوحيد اللي ماوصله البرد هو ظهرها المستند على صدر غازي..
زاد ضغط الهواء عليها..
غمضت عيونها بتعب ومالت عليه..
حس فيها لكن أستمر وزاد من ضرب الفرس..
لعل وعسى تلتفت له أو تنطق بحرف..
أيقن أنها تموت ولا ترضيه..
وقف الفرس ونزل..
نزلها وضمها له بقـــــوة..
غازي بحنين\أرجعــــــــي..

كأني يتيم ان حرمتك شاعرا
وفي صحبتي اياك لااعرف اليتما

كأني غريب في وجود معذب
وعندك القى عالم الحب والنعمى..

فسخ جاكيته ولمها فيه ورجعها القصر..
طلعها للغرفة ولمها بوسط مفرشها..
نادى على ماريا وطلب منها تبدل لها وتهتم فيها..

بعد لحظات من خروج ماريا..
كان في غرفتها..
وهي جالسة على الأرض جنب السرير..
جلس جنبها لاصق فيها..
ماتحركت..
كان يتمنى لو تظهر منها اي ردت فعل..
بس الجمود كان متلبسها..

غازي\أنا قتلتك..وأنتي مو أول ضحية لي..
قبلك كان فيه ضحية عشقتها بجنون..كنت أشوف الدنيا فيها..
كانت شيء كبير بالنسبة لي..لا ماكانت شيء هي كانت كل شيء..
تركتها لان ظروفي معها ماكانت مساعدتنا..
ولأنها صغيرة ومحتاجة رعاية..
أنا ما اقدر أقدم لها هذي الرعاية..
تحتاج أمها ترعاهـا..تركتها بحضانة أمها..
وفي يوم وانا في المستشفى..
أتصل علي خالها يقول كُن جاهز بالطوارى جايبين بنتك تعبانة..
بس اللي جابوها ماكانت رسل..
كانت قطعة لحم محروقة..
مابقى فيها روح عشان تعيش..
بس كان لازم تعيش..
بنتي أحترقت وأنا ماقدرت أعالجها..
مر تحت يدي أطفال رجال بنات..
حتى المجرمين عالجتهم..
بس بنتي عجزت اداويها..
كانت أول وأخر حالة عجزت عنها..
ماتت بين يديني..
تركت الطب لأني عجزت أداويها..

أنتبه لدموعها الطافرة من عيونها..
لم ذراعه حوالين كتفها وضمها له..

غازي\خسرت رسل..
وما أريد أخسر الثانية..
ماراح أسمح لك تموتين أو تذبلين..
أرجعي وأنا أوعدك ما أمد يدي عليك..
ولا أضايقك أو حتى ألمسك..
الحدود اللي طالبتيني فيها راح أحترمها وما أتعدى عليها..
قسيت عليك كثير وأنتي صبرتي أكثر من ما كنت متوقع..

ما ردت عليه..وهو متوقع انها ماراح ترد..
ظلت جامدة مستمعة بصمت..
وهو ظل ضامها لآخر مرة..
قبل أن يحترم حدودها..

لأنه يعلم بأن تلك الأنثى الجليدية..
لن تنسى بسهولة..


؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛ ؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛


في بيت راجح..

أم غازي ورشا في الصالة العلوية..
لأن رشا ماتقدر تنزل بسبب الجبس..
راجح في مكتبه المنزلي..

رشا\تكفين يومه حني عليها..
أم غازي بهدوء\عجزت أربي فيها وأعلمها..
حذرتها من الظلم ومن انها تتعرض لبنت الناس..
ماتسوي الا اللي في راسها..خليها تتربى يارشا..
رشا\لا تنكري انك مومشتاقة لها..؟؟
أم غازي\هذي بنتي وأكون كذابة أن قلت ما فقدتها..
بس بنتي لوت ذراعي باللي سوته..
وأثبتت لي أني ماعرفت أربي..
رشا\صلي على النبي..الأمور كلها بتنحل..
أم غازي\اللهم صلي على نبينا محمد..
وش اللي بينحل..وان رجعت شوق ورضيت عنها..
واذا رجع اخوك ورضيت عنه..
بنت الناس عن من بترضى..؟؟
بنتحمل ذنبها عند رب العباد..
لاتقولين غازي المسئول الوحيد عنها..
لا كلنا مابنطلع من ذنبها..
رشا\أنا والله مارضيت باللي يصير فيها..
لا لها ناقة ولا جمل في موت سعود..
صح هي تكون اخت القاتل..وقلبي في البداية صد عنها..
بس صدي عنها كان من قهرنا على الغالي..
راجح بحدة\الغالي الله يرحمه..
ومثل ماقلتي يا ام غازي كلنا ظلمناها..
وحن ندري بان الله مايرضى بالظلم..
قال الله في حديث قدسي
(ياعبادي أني حرمت الظلم على نفسي وجعلته بينكم محرماً فلا تظالموا)
مالنا عذر مهما تعذرنا..
رشا بعصبية\بس حن مارضينا بظلمها..
حاولنا نساعدها..بس غازي مافسح لنا المجال..
أم غازي\حاولنا..؟؟
ومتى حاولنا بعد ماجنت البنت..
بعد ما أنطفى نورها..
أهانات ضرب تحقير..
ما أحد قصر فيها..
راجح\مايفيد العتب بعد مافات الوقت..
وأنا صح تركت غازي براحته هالفترة..
يمكن يقدر يرضيها أو يصلح اللي كسره فيها..
بس اذا ماتعدل الوضع فأنا اللي بعدلها بعون ربي..
رشا\وش ناوي تسوي..؟؟
راجح يناظرها\أحط النقط على الحروف مـــع الكل..
رشا ما أرتاحت من كلامه..
والتفتت على أم غازي تهرب من نظراته..
رشا\طيب وش قلتي مع شوق..؟؟
أم غازي\لا..خليها تتربى..
راجح\أنا رايح الشرقية هاليومين..
اذا تحبين يا أم غازي تعالي معنا..
أم غازي\الله معكم يا ابو حمد..
بس مالي طاري لا على الشرقية ولا غيرها..
راجح\على راحتك..وعلى قولك خليها تتربى..
رشا\ومتى بتروح الشرقية؟؟
راجح\بنروح بعد يومين ع الخميس ان شاء الله..
رشا\نروح...؟؟؟
راجح\ايه ماتبين تشوفين أخوك؟؟
رشا\بلى..
راجح\بنروح لأخوك..

ليش قلبها مو مطمن لها السفرة..
ولا لكلام راجح ونظراته..
وش فيه ماهو طبيعي..؟؟
لازم انتبه لكل تصرفاته..
يمكن هو مايقصد شيء وانا شاكة فيه من عبط..
لا هو يقصد..وعنده موال وبيغنيه ..
اللي كاتم سر مدفون مثلي..
بيعرف اللي كاتم سر مثله..

تقابلت نظراتهم ونسوا من تواجد ام غازي..
كل واحد يقول مصيرك تنطق وتقر بسرك..



؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛ ؛

فزت من نومها وهي تصرخ بصوت مخنوق..
كوابيس كلها قسوة وألم..
ترتجف بمكانها وتتشهد بخفووت..
لاقدرة لها على النوم..
ولا قدرة لها على الصحوة..

أضقت بي ياعالم الظلام..
لم تنبذيني أيتها الأحلام..
ألا تحتضنني مملكتكم..
وتمنحني رؤية أمي..؟؟!


كادت تصرخ بذعر وهي ترىء الظلام يتحرك..
ويقترب منها بهدوء..

كيف دخل..؟؟
هل سمع الصراخ..
هل وصل نحيبها وهي نائمة الى أبواب قلبه..
أم تسللت شهقاتها الخائفة لجدران أذنيه..
أم انه يحنث بوعده من جديد..
فيتعدى حدودها المرسومة بالرصاص..؟؟!

أدركت بعد ثوان..
أنه كان بغرفتها قبل ما تصرخ..
وقبل ماتصحى وهي تبكي..

ما أهتمت لوجودهـ..
لأنه يدري أنها تبكي وهي مايمة..
ويدري بالكوابيس اللي تزورها كل ليلة..
لما تصحى يكون جنبها ورغماً عنها يحضنها..

بس الليلة ما أقترب منها..
ظل واقف بمكانهـ..
يراقبها..

جلس على آخر السرير..
مايقدر يشوف معالم وجهها بوضوح..
مايبين بها الظلام الا بريق عيونها..
وتمرد غرتها على جبينها..
الغرفة غارقة بالسواد ..
الا من نور خفيف يدخل من البلكونة الزجاجية..


غازي\أنا لازم أسافر..
سفرتي ما بتاخذ أكثر من عشر أيام..
هذي راح تكون سفرتي الأخيرة من دونك..
أبيك تكونين بخير..
وتوعديني بهذا الشيء..
لاتفجعيني فيك..

كان يتمنى لو تطلب منه طلبها الدائم..
وأنا بأروح معك..
ما بأجلس هنا لحالي..
ماهو بكيفك ترميني هنا وتروح..

لكن هالمرة غير عن كل مرة..
الجسم موجود..والأرادة مسلوبة..
القلب ينبض..لكن الروح غايبة..
يمكن هي بترتاح بغيابه على عكسه..
ويمكن تتشافى بغيابه..
لكن قلبه يخاف انها تختفي من حياته..

غازي\ما أبيك تطلعين من القصر أبداً..
ولا تفكرين ترجعين الملحق..
القصر لك باللي فيه..
لاتطلعين منه..
أوعديني تظلين بخير..


صدت عنه بألم..
دفنت نفسها بفراشها وتغطت بالكامل..
مايظهر منها غير شهقات مخنوقة بالوسادة..

لو أنه لم يعدها..
لكانت تبكي على صدرهـ إن شائت أو أبت..

فلتتجبر بصمتها وصــدها..
فهي من تملكت مالم يُمتلك من قبل..


هم أهل ودَي وإن صـــدوا وإن هجروا
وغايتي إن رضــوا عنّي وانْ غضبــوا

دَعْهُم يجـوروا فما للصَّبَ من أَحَدٍ
يُنجيه منهم إليه منهمُ الهَربُ

فهم أحبـــــــة قلبي لا عدمتُهُمُ
ما دمتُ حَيّاً وإن بانـوا وإن قربـوا ..

خرج من القصر متوجه للمطار..
محذر الخدم من ازعاجها او مضايقتها..
مهدد الحرس الشخصي..
بالمراقبة والحماية..

إستودعها الله قبل لا يطلع من المزرعة..


؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛ ؛؛؛؛؛؛؛


شوق بخوف\ليش ماقلت لي من قبل؟؟
طالب ببرود\هذاني أقولك..
شوق\عمي راجح جاي بعد ساعة وتوك تقولي..؟؟
طالب\ليش خايفة منه..؟؟
شوق\لا مو خايفة..بس كان لازم أعرف..
طالب\اذا مو خايفة ليه مرتبكة؟؟
شوق بعصبية\لأنك بارد ماتحس عمي بيجي وانت مريح قلبك..
طالب بسخرية\وش أسوي مثلاً أقطع شعري..ولا أنحاش من السعودية..؟؟
شوق\طيب رشا معه؟؟
طالب\ايه رشا وغازي..
شوق شهقت بقوووة وتجمدت بمكانها..
وقف طالب وقرب منها..
طالب\وش فيك يا بنت؟؟
شوق بهمس\لا بــ يجي
طالب\لاتخافين مابيسوي لك شيء..
شوق\غـ غازي بيــذبحني..
طالب بحدة\تستاهلين الذبح..
لكن اللي بيجي غازي الصغير ولد رشا..
ولا أخوي واخوك تبرى منا..لاتنسين..
شوق بيأس\دائماً تقولي فوقي على نفسك..
أصحي من أحلامك وأوهامك..
وأنت ليش ماتصحى من ظلمك..؟؟
لاتنسى أنك أنت السبب في اللي صار..
طالب يهزها بقوة\من اللي تبلى البنت؟؟
من اللي ظلمها بظنونه التعبانة؟؟
شوق تبكي\أنــــــا..أنـا اللي ظلمتها
انا اللي كذبت عليها عند غازي..
أنا اللي تبليت عليها..
وأنا اللي أنجرحت منك ومن حقارتك..
طالب\أنا ماكنت أعرف هي من تكون..
شوق بضيق تصرخ\مايهم أن كنت تدري أو لا..
مايهم أن كانت هديل مايهم...
اللي يهم أنك حبيتها..حبيت غيري..
لا مو بس حبيتها الا عشقتها بجنون..
طالب\أنا ماحبيتها أفهمي هذي تخص اخوي..
كانت مثل الخيال في بالي بس..
شوق تضربه\كـــذاب كـــذاب..
شفت عيونك شفت شوقك لها..
وأنت ماعرفتها الا من عيونها..
ماشفت الا عيونها بس عرفتها..
تحبها لا تنكر لا تنكر..
طول عمرك أناني ماتراعيني..
تدري باللي في خاطري بس تكسرني..
أزعل وأزعل بس مايهمك..
تدري أني في النهاية راضية وساكتة..
وبأخر طعنة تحب وتعشق..
بس أنا ماعدت أبيك من زمان..
أنت ماتعترف بأغلاطك..
ماتعترف انك سبب في قهري..
ولا انك سبب في اللي صار..
كــــــــــــــــــــذاب..
طالب يهديها\أهدي الحين ونتفاهم بعدين..
راجح وهله وصلوا..
شوق خلينا قدامهم طبيعيين..
وأوعدك أفهمك كل شيء..
ولا تخافين من راجح ولا من غازي..

سحبت نفسها منه وطلعت غرفتها..
كانت تتسبح وهي تبكي..
وعتبانة على نفسها ليش ضعفت وبكت قدامه..
وتأكد لنفسها هالوقت ماهو وقت انهيار..
خصوصاً بوجود رشا وراجح..


خلصت لبس وبدت تسرح شعرها..
لما دخل طالب عندها..
هذي أول مرة يدخل غرفتها..
طالب\أنقلي أغراضك ألحين لغرفتي ..
راجح ورشا بينامون بهذي الغرفة..
وانتي نامي عندي..

خرج من غير مايسمع ردها..
والأكيد أنه لا..
وهي أحتارت مثله..
اذا ظليت هنا وش بيقول علي راجح..
ورشا بتذبحني..
يقولون اللي يقولونه..
لو يطق مارحت لغرفته..
وأحسن عشان يعرفون بالوضع وأنا ارتاح وأرجع مع عمي..


تركت أغراضها بالغرفة ونزلت..
سلمت على عمها وهي تحس بجموده معها..
كانت خايفة لا يتوطى في بطنها وزوجها وزوجته موجودين..
جلست جنب طالب عل وعسى تبعد عنه..
طنشها راجح أغلب الوقت وما تكلم معها..
الا لما سالته عن حاله..
ياويلي وأنا اللي ناوية أرووح معه..
والله مير يدفني بين الشرقية والرياض..

حست بروحها بتطلع لما خرج طالب من الصالة وطلع فوق..
تمنت لو تشرد وراهـ..
بس ماسوتها..
أنتظرت الهووشة طول الليل لكن ماصار شيء..
لا هاوشها ولا ضربها..


طلعت لغرفتها ورشا معها..
حست أنها تذوب بملابسها..
لان رشا بتفضحها الليلة وتهاوشها لانها بغرفة وطالب بغرفة..

وماكانت تدري أن رشا نفس حالها مرتبكة ولا تدري كيف تحل الوضع..
لانها تعرف بيت أخوها..
مافيه غرف نوم كثير..
غرفته وغرفتها..
فأكيد هو وزوجته بغرفته..
وانا وراجح بغرفتي..
ياربي وش هاالاحراج..
حتى كنبة مافيه..

طالب وراجح كانوا جالسين بالصالة العلوية..
وأغلب كلامهم عن مشروع غازي اللي أبتدوا فيه..
وراجح جاء الشرقية عشان يوقعون الأوراق الخاصة بالشراكة..

طالب\يالله يا أبو حمد تمسون على خير..
راجح\وأنتوا بخير..
دخل غرفة رشا وعينه على شوق..
طالب\تمسين على خير يأم غازي..
رشا\وأنت بخير فديتك..
طالب\شوق تعالي..
شوق\طيب..عن اذنك..
رشا\تصبحي على خير..
شوق\لا راجعة لاتنامين..
طالب يسحبها\لا مابترجع نامي..
رشا\ههههههههههه ان شاء الله..


دخلها الغرفة وهي تهاوشه بهمس..
شوق\انت وش تبي ؟؟
طالب\ولا كلمة أنا قلتلك أنقلي أغراضك هنا..
شوق \ومانقلتها وش بتسوي؟؟
طالب\نقلتها وخلصت..
شوق تشهق\وش سويت؟؟
طالب\قلت للخدامة تلم اغراضك وتحطها بغرفتي وهذا اللي صار..
شوق\يا كذاب ياكذاااب من وين لنا خدامة يالكذوووب..
طالب يبتسم\الخدامة اللي مع رشا..
شوق\كذوووب من أول مانزلت وهي مع غازي..
طالب\بكيفك لاتصدقين..
شوق بعصبية\والحين كييف؟؟
طالب\نامي هنا لحتى يروحون..
شوق\ما ابى..
طالب\ولا أنا ابى..
شوق\أكرههههك..

تركته ودخلت دورة المياهـ..
وهو بدل ملابسه ونام..
خرجت من الحمام وشافته نايم على السرير..
عصبت منه المفروض ينام على الكنبة..
بس وش أقووول طوول عمره بارد ومايحس..

أخذت وسادة من على السرير..
وشرشف من الكبت ونامت على الكنبة..

؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛ ؛؛؛؛؛؛؛؛؛؛؛؛؛؛

دخل الغرفة كانت رشا منسدحة وجنبها غازي نايم..
تأمل الغرفة باابتسامة خفيفة..
راجح\هذي غرفتك..؟؟
رشا بخجل\ايـــــه غرفتي..
راجح\ذوووق..
رشا\شكراً..
راجح يرفع حاجب\الا هذا وش يسوي هنا..؟؟
رشا مصدومة\منهو..؟؟
راجح يشل غازي من على السرير\هذا النتفة النشبة وش يسوي؟؟
رشا تمد يدينها تبي تاخذ غازي منه..
لكن هو سدحه بالسرير الخاص بغازي..
سرير صغير اشترته رشا لغازي لما كانت تجي هنا عند اخوها طالب..
رشا\ليش أبيه ينام جنبي..
راجح\الا ماتبين رجلك الثانية ولا أكسرها لك..
رشا\نـعم؟؟
راجح\ينعم عليك..

دخل دورة المياهـ تسبح وخرج..
كانت جالسة على السرير تنتظرهـ..
راجح بخبث\حي المرة اللي مانامت وخلت رجلها..
رشا تتجاهل كلامه\أنزل نام في المجلس..
راجح ينسدح على السرير\تعقبين..تطرديني من غرفتك..
وأنا فاتح لك بيتي وغرفتي و...وكل شيء
رشا حمدت ربي انه ماكمل كلمته لانها مابتتحمل كلامه وبتنحرج منه..
راجح\قومي نامي وراك جالسة..؟؟
رشا\بأنام على الأرض..
راجح\بكيفك يا أم رجل مكسورة..
رشا\كل شوي تعاير برجلي..خاف الله لا تنكسر رجلك..
راجح بغموض\واللي أنكسر ظهره عشانك وش تقولين فيهـ..؟؟
رشا\مافهمت..
راجح\مصيرك تفهمين..
وقفت وبعدت عنه..
وهو تغطى ونام..
أخذت وسادة من جنبه..
لكن يدهـ سحبت الوسادة وسحبتها بقوة..
رشا بصوت مخنوق\اتركنــــي..
راجح يضمها له ويغطيها\ولا كلمة نامي..
رشا\راجح ابعد..
راجح\يعني أغير رأيي وما ننام..

سكتت عنه وما تجرئت تتكلم عشان لا يسوي شيء ممكن تندم عليه..
احساسها غريب..
غير متقبلة هالشيء وماتبيه..
غمضت عيونها وأوهمت نفسها انها نايمة..

؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛


من يوم رحل وتركها لوحدها بالقصر ماتركت غرفتها..
أو بالأصح غرفة ام غازي..
تقضي يومها على الكنبة تناظر الثلج..
كل يوم يزيد بكثافته وبرودته..
مصدومة بنفسها..
تحس انها ماتحس..
وكأن الوحدة شيء طبيعي وروتين لها..
تبي تفهم هي وش صار فيها..
لكن ماتقدر تواجه نفسها..

دخلت ماريا ومعها جوال..
مدته لهديل..
هديل ما أخذت منها شيء وظلت على حالها..
ماريا\سيتصل السيد يريد محادثتك..
أخبرته بأنك لازلتي لم تتكلمي ولكنه أصر على مهاتفتك..
ماردت عليها ولا أخذت اللي بيدها..

سمعت ماريا تتكلم معه وتقوله انها مارضت تكلمه,,
بعد ثواني سمعت صوتهـ وكأنه قريب منها..
ماصدمها صوته..
كثر ماصدمها كلامه وخلاها تشهق وتنهار..
وتصرخ بكل قهر..


غازي\عيدك مبارك..اليوم عيد الأضحى..

هي من بدايت غربتها وهي مضيعة التاريخ..
ولا تدري كم الأشهر ولا كيف الزمن يمشي..
لما جاء رمضان هو قال لها..
والعيد..
والعيد..

وهذا العيد بتقضيه مثل العيد اللي قبله..
لا أمها ولا أبوها..
لا أخوانها ولا غادة..

ولا حتى هـــــــــــو ..




فات عيد الفطر ما شفت البعيد
وعيد الأضحـــى فــات مثله مثل إخيه

شفت في عيد الفطر حزن فريد
وشفت في الأضحى الحزن أمه وإبيه

فاتت أعياد السنه ذي عيد عيد
والشقي يــاكــل من الحسـره يـديـه

مابقى للصبر في صدري رصيد
وكـــل بيت قـد كتبتــه حــزن فيــه

دام ما للعمر من يضمن مزيــد
يــا نجــوم الليــل عنــــي عــايـديــه

قولي إن صويحبك عقبك وحيد
قــولــي إن النــوم عيــا لا يجيـــــــه

قولي إنه حــرم اللبـس الجديد
وقولي إنــه مـا نسـى العهد وعليـه

وقولي إن الحال ينقص ما يزيد
والسبــب كثــر انتظــــــاره علميـــه

الانتظار أشد من سجن الحديد
احتريـــه الصبـــح والليـــل احتـريـــه

قولي إن العيــد كلن بـه سعيد
كــــود مــن خلـــــه بعيــد و يرتجيــه

أبعده عني ضحى العيد الجديد
وإن فهـم مـــاهي غريـبه من نبيـــه

عيده مبـــــارك إلى يوم الوعيد
خــــاف ياتي عيد ما اعــايده فيـــه




ابن فطيس المري...

 

[طــُـهــر ♥!]

البارت السادس والثلاثون ...


" .. مـن أنـــــا ؟! .."

تقولين : من أنت ؟ ! .. هل تجهلينْ ؟

أنـــا فــــي هــــواك الــوفــي الأمــيــنْ

أنـــا ؟! سـائـلـي الـلـيـل كـــم ضـمـنـي

عـلــى لـوعـتـي .. وأســــاي الـدفـيــنْ

أنــا ؟! سائـلـي الـشـعـر كـــم صـغـتُـه

لـعـيـنـيـك عــذبـــاً شــجـــي الـرنــيــن

أنـــا ؟! سـائـلـي الـــدرب كـــم جـئـتـهُ

أنـــــوْء بـغــصــة قـلــبــي الــحــزيــنْ

أنـــا ؟! شــاعــرٌ لُــحْــت فــــي أفــقــه

فــبـــددّت عــنـــه ظــــــلام الـسـنــيــنْ


المرحوم بأذن الله تعالى..غازي القصيبي..




في بيت أبو علي..
الجدة والعيال مجتمعين في الصالة..
لم يكن هذا العيد كعيد الفطر..
فليست هديل وحدها من يفتقدها المكان..
فالأم والأب ليسا هنا..
لن يكون للـ عيد بهجة وحضور..
إن غاب أحبتنا دون رجووع..
ولكن الأب والأم لم يقضيا العيد الا في أطهر بقاع الأرض..
فلن يتمنى أحد قرب مخلوق أكثر من قربه من رب العباد..


هادي كان جالس معهم بالصالة..
لكن شعور الضيق بالمكان..
وإحساسه بهم غريب..يتردد عليه دوماً..
إجتاحه للحظات..
إستئذن بهدوء وغادر المكان...


غادة\ياشين العيد..بارد وماله طعم..
لو أدري إن أمي وأبوي في الحج مانزلت..
الجدة ترمي فنجال القهوة على غادة وتصيبها على راسها..
الجدة\يالغبراء ماني بمالية عينك تقضين العيد معي..
تبين امك وأبوك..لا بارك الله في وجهك..
غادة ويدها على راسها\آآآآآي وش ذا العنف يومه؟؟
لو مسويته وأنتي في بريطانيا كان يسجنونك ويعاقبونك..
الجدة\جزاك لو معي فنجال ثاني على عينك..
غادة تشهق\ولييييييه وش سويت أنا؟؟
الجدة\ماهو بعاجبك العيد معي..تبين أمك..
غادة\وهـ ياقلبي أتاريك تغارين فديتك..
تقوم من مكانها وتضم الجدة والجدة تدفها عنها..
غادة\صح أني مفتقدة امي وأبوي في العيد..
بس من له عسووولة مثلك ما يحس أنه وحيد..
أنتي تاج رووسنا ونور عيونا..
والله أني مشتااقة لك مرررة طول ما انا في لندن..
وأتخيلك معي لما الدكتور يهاوشني وأنتي تهاوشينه..
الجدة\أمك يا حسين ليه يهاوش لا يكون يضربك..؟؟
غادة\لافديتك مرة كان بيضربني بس قلت اسمع يا أصلع ترى جدتي مرة قوية..
ينشد فيها الظهر وبنت حمايل لو ضربت اخليها تتوطى في مصارينك..
عبدالله\يالكذوووب يالوغدة من اللي يقول في المطبخ..
أن العجووز بتكوش على الخرووف وتنسى العيدية عليك..
غادة بنظرات قوية على عبدالله تبيه يسكت..
الجدة\اي خروف ياعبيد؟؟
عبدالله\خروفك يومه..تقول انك بتلتهين بخروفك ومابتعطينها العيدية..
غادة سحبت الدلة من يد الجدة قبل لا تهفها فيها..
غادة\والله أن تصلين على النبي وتسامحيني..
الجدة\قومي انقلعي أجل ماتبين الا الدراهم..والله ما تعرفينها..
غادة\لااا يومه تكفين لا تحلفين..تراني باتغرب واحتاج فلووس اكثر من اللي يعطيني ولدك..
عبدالله\ولا تعطينها ريال يومه خليها تتربى..
رايحة لآخر الدنيا وراجعة ما اشترت لي الا توكس وأبو ريال بعد..
لو أنا اللي رايح كان اشتريت لها توكس أبو ريالين..
علي\هههههههههههههههههههههه حيلهم بينهم من ذا الحال وأردى..
عبدالله\لو يهمك مستقبلي كان سجلتني مع الوغدة بكليتها..
علي\يا نص نصيص خلص الأبتدائي ثم يصير خير..
محمد\أخوياي بيتعشون عندي..
الجدة\والله ما يذوقونه..
محمد\ياساتر مانبي خروفك بنتعشى من المطعم..
عبدالله\لا لا ذا المرة انا اللي بعزم أخوياي..أتفقنا من العام انه هالسنة دوري..
محمد\أقول أنقلع أنت وقطاع الطرق أخوياك..
إن شافتهم الهيئة في بيتنا قالوا مقر إرهابيين..
عبدالله بدفاع عن أخوياه\أحسن من البراميل اللي مخاويهم..
كل واحد بحجم الفيل دب ومضغوط ما ظنتي يمشون بس يتدحرجون..
غادة\ههههههههههههههههههههه حلوة عبووودي حلوووة
علي\هههههههههههههههههه ياذا الولد عليك لسان عقرب..
عبدالله\وارثه من أبوي..
قام علي يبي يمسك عبدالله اللي نط بخفة ورى جدته..
عبدالله\داخلن على الله ثمن عليك ياجدت أبوي الا فاكتني من ذا الرجال..
الجدة\والله ما تلمسه هذاني حلفت..
علي يطلع من الصالة وهو يهدد..
علي\طيب خلك على طبعك ياعبيد..
ولا أشوف وجهك طالع أنا ومدامتي نتعشاء برا ونحتفل بالعيد..
وأنت خلك مع أخوياك قطاع الطرق..
عبدالله\مايجوز تروح أمي معك من دون محرم..
محمد\رح معهم يالخبل لاتخلي امك مع رجال لحالها عيب..
عبدالله\وأخوياي؟؟
محمد\أفا يالعالم أخوياك أهم من أمك..
ما انت برجال ولا تستاهل الشنب اللي على وجهك...
خرج عبدالله يركض من الصالة وطلع لجناح امه وابوه..
وهو يحلف أن امه ماتطلع من البيت من دونه..
غادة\هههههههههههههههههه ياويلي بطني بامووت..ما انت بصاحي يا محمد
محمد\خليه يطلع مع هله ويفكني..والله لو يجلس أن ما يضيف الا أخوياه الليلة..
أعرفه نشبة بيخليني اطلع اخوياي الاستراحة..
غادة\ههههههههههه فديته والله أنه كفووو له كلمته وله دووره..
محمد\ما اقول الا الله يبلاك بورع مثله..
غادة\بسم الله علي..
عبدالله دخل\وش فيني ماتبين واحد مثلي يالوغدة ؟؟

؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛ ؛؛؛؛؛؛؛؛؛؛؛؛؛؛؛؛؛؛؛؛؛؛؛؛


طلع المفتاح من بوكه..وفتح غرفتها..
يعتقد بأنه الوحيد اللذي يزور غرفتها..
ولا يعلم بذاك المعذب الزائر لها كل ليلة..
يتسأل بصمت..
لماذا يشعر بها قريبة..
هل لأنها تسكن روحه وجوارحه..
أم لأن طيفها يترىء له دائماً..
نام على فراشها وأحتضن وسادتها..
وأول ماشــم ريحتها طفرت الدمعة من عينه..
رغم كثرة اللي حواليني بس ما أبيـــــــــــــــهم..
ما أبـــــــــي غيرك..
مر في باله ذكراها معه بهذي الغرفة..
وكانت أخر ذكرى لهم..

دخل عندها وهي تسولف على المسن..
وأول مادخل نست المسن واللي معها فيه..
هديل\هلا وغلا تبارك المكان..
هادي يجلس جنبها\هلا فيك..توقعتك نايمة..
هديل بنص عين\وانا متى نمت من دون إذنك؟؟
هادي\هههههههههههههه بكره تتزوجين وتنامين بإذن زوجك..
هديل\لبى زوجي وطاريه أجل وش تبي أتصل عليك وأطلب إذنك..؟؟
هادي\شفتي أنك خاينة..وأنتي دائما تقولين انه انا اللي بأخوون..
هديل تحلف\لا والله ما اخونك والله هههههههههههه
يخسي أخونك عشانه..إلاوش سوويت مع أمي..؟؟
هادي\تشوفيني مفلع ولا مفقوش؟؟
هديل تناظر بوجهه\لا والحمدلله مافيه آثار ضرب..
هادي يبتسم\يعني وافقت..
هديل بزعل\كنت متأملة انها ماتوافق..
هادي\يانذلة ماتبيني أروح..؟؟؟
هديل\تبي الصدق لا ما أبيك تروح..
ولأني أدري ماراح تسمع لي وبتسمع لأمي..
كنت مطمنة إنها ماهي موافقة وبكذا ما أنت رايح..
هادي\يوووهـ وش فيكم محملين الموضوع فوق حمله..
أول مرة اطلع البر يعني؟؟
هديل\لا ماهي أول مرة..بس ماله داعي تطلع..
مابقى وقت على الامتحانات اجلها لبعدين..
هادي\باقي شهرين.. بعد الإمتحانات طلعة ثانية..
هديل\طيب واذا قلت عشاني لاتروح..
هادي\ما بأروح..بس الطلعة في خاطري..
فزت هديل مرعوبة وتمسكت في هادي وهو يضحك عليها..
لأن صديقتها أرسلت تنبيه ع المسن وهي مو كاتمة الصوت..
ودائما صديقتها تنبها والصوت عالي..
هادي\ههههههههههههه لو طالع من الشاشة صرصور ماخفتي كذا.
هديل بعصبية\وجع وجع وش صرصوره لا تخليني أوسوس..
هذي شوشو النـــــــــــــــذلة دوم تسوي تنبيه عشان تخوفني..
تعرفني اخاف من الأصوات المفاجئة..
هادي\شوشو؟؟
هديل\شهد..
هادي\الا تزوجت سعيدان والا باقي..؟؟
هديل\ههههههههه ايه تزوجته مالك نصيب فيها..دور غيرها..
هادي يغمز\موجودة بس توها صغيرة..
هديل\وخروا عنه الكبير تراك أول سنة جامعة يابطل..
مشوارك طويييل...
هادي\على ما أخلص الجامعة وأتوظف..
تكون هي بعد خلصت مدرسة ودخلت الجامعة..
هديل\حاسبها ياقلب أختك..؟؟
هادي\إيه حاسبها ههههههههههههه
هديل\لا تنسى إتفاقنا نتزوج بنفس الليلة..
هادي\بالله لو أنتي ما تزوجتي وما أحد يبيك..
يعني أجلس عانس قصدي عازب على طول..
لازم نعدل من إتفاقيتنا..
هديل بزعل\يعني اذا تزوجت أنت بتخليني؟؟
هادي\لا بأجلس معك إيه بأخليك وأعيش مع زوجتي..
هديل\نذل قوووم انقلع مابيني وبينك اي أخوة..
مافيه أحد ينسى توئمه..
هادي\وأحد قالك أطلعي بعدي..؟؟
لو جلستي في بطن أمي تسع شهور زيادة وبعدها جيتي..
ماهو شفتيني خرجت خرجتي وراي صدق نشبة..
هديل\أنت اللي سحبتني من كشتي وخرجتني وراك غصب وانا ما ابي..
هادي\الغلط ماهو غلطنا..هذي غلطة أبوي لا لا غلطة أمي..
هديل دفنت وجهها بوسادتها وهي تضحك من كلام هادي..لأنها تدري انه بيجيب العيد في كلامه..
هادي\هههههههههههههههه لازم يعرف بانه غلط علينا يوم انـ .......
هديل مخبية وجها\قوووم ياقليل الأدب اطلع برا قوووم..
لاتتكلم كذا بأعلم أمي..
هادي يسحب الوسادة يبي يحرجها أكثر..
هادي\أتحداك تقولين لأمي عن الكلام اللي قلته بتموتين بثيابك قبل تتكلمين..
هديل مغمضة عيونها\هادي خلاص اسكت حلفتك بالله اسكت..
هادي\ههههههههههههههه مغمضة عيونك يعني اذا ماتشوفيني ما أشووفك..
نعامة أنتي؟؟
هديل\قووووووووووووووووووم
هادي\هههههههههههههه طيب خلاص ما اقول شيء فتحي عيونك..
هديل\لا قليل أدب..من تماشي أخلاقك زفت..؟
هادي\أماشي علي أخوي..هههههههههههههههه
هديل\ههههههههههههههههه أخوك هذا صديق سؤ..لسانه متبري منه..
هادي\طيب فتحي عيونك باسلم عليك قبل أنام..
هديل جلست\تصبح على خير ..
هادي يقبل جبينها\وأنتي بخير ..ترى بنطلع بعد صلاة الفجر..
هديل تشهق\موقلت بعد كم يوم؟؟
هادي\لا أنا أستعجلتهم قبل لا تغير أمي رأيها وتحبسني في البيت..
هديل\ليه أحس إنها أخر مرة أشوفك؟؟
هادي يضمها\بسم الله عليك عمرك طويل تفائلي خير..
هديل\ماني خايفة على نفسي خايفة عليك..
هادي\يادلع هادي مابيصير علي شيء ان شاء الله اسبوع وراجعين..
هديل\أحسه سنين مو اسبوع..
هادي\أبي أعرف ليش وكل هذا التشائم..؟؟
هديل\إنت تدري كوابيس صار لها شهر تزاورني كل ليلة..
هادي\ماعندها سالفة جالسة تزاورك..طيب وش تشوفين فيها.؟؟
هديل\أشوف شخص ما أعرفه حتى ملامحه مو باينة لي..
بس أخاف منه وبنفس الوقت أضربه..
هادي\يضربك؟؟يئذيك؟؟
هديل أنحرجت\لا هـ و يعنــ ــي مايضربني..ب بـس ......
هادي\بس وشهو..؟؟
هديل تنهي الموضوع\مدري مايسوي شيء.
هادي\أضغاث أحلاهم لا تهتمين لها..
هديل\وأنت أهتم بنفسك عشانك ماهو عشاني..
هادي\وكيف يصيرلي شأن من دون شأنك؟؟
هديل تودعه\أحبك..وبأظل انتظرك..لا تتأخرعلي.
هادي\ماراح أتأخر غمضي عين فتحي عين تلاقيني موجود..
المهم أنتي كوني بخير..
هديل بغصة\بأكون بخير..

مسح دموعه وهو يهمس\خاينة مابقيتي بخير..
متي يا الخاينة وتركتيني..
حتى بالحلم مستكثرة تزوريني..

كانت هذيك الليلة آخر ليلة وآخر لقاء يجمعهم..
هادي مارجع البيت لأنه قتل سعود وهرب من المملكة..
وهديل تغربت ولا ألتقت فيه بعد رجوعه..

؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛ ؛؛؛؛؛؛؛؛؛؛؛؛؛؛



سمعت صوتهـ وكأنه قريب منها..
ماصدمها صوته..
كثر ماصدمها كلامه وخلاها تشهق وتنهار..
وتصرخ بكل قهر..


غازي\عيدك مبارك..اليوم عيد الأضحى..

هي من بدايت غربتها وهي مضيعة التاريخ..
ولا تدري كم الأشهر ولا كيف الزمن يمشي..
لما جاء رمضان هو قال لها..
والعيد..
والعيد..

وهذا العيد بتقضيه مثل العيد اللي قبله..
لا أمها ولا أبوها..
لا أخوانها ولا غادة..

ولا حتى هـــــــــــو ..

هديل بهستريا صارت تصارخ وتضرب الأرض بأرجولها..
رمت كل الأغراض اللي ع التسريحة على الأرض..
فازات الورد..العطورات..
التحف..
كلها رمتها بقهر وغيض..

هديل بنحيب\مجــــــــــــــــــــرم..أناني كذاااااااب
والله كذاب..حلفت يالمجرم حلفت ما تأذيني والله انت حلفت ووعدتني..
الله لا يسامحك الله لا يسامحك..
يومــــــــــــــــــــــه أريد امي يومممممممماهـ..
أريــــــــــــــــــد أمي..

غازي\تبين أمك..قولي يا غازي أريد أمي..

هديل\أكرهك أكرهـــــــــــــــــــــك..

غازي\من تبين؟؟
هديل بجنون\أمــــــــــــــــــــــــــــــــــــــــــــــــي..
غازي\من عيونـــــــــــــي.

بعد لحظات سمعت صوته يعايد أمه بالعيد..
غازي\عيدك مبارك يومه..

حقيييير تافه خسيس ونذذذذذل ..
يبيني أعرف أنه مع أمه وهله وأنا لوحدي.

أخذت الجوال من ماريا وبدت تسبه..
هديل تبكي\تبيني أعرف أنك تعايد أمك..
تبي تقهرني تبيني أموووت مقهورة ..
الله لا يسامحك تراك قهرتني والله قهرتني..

مارد عليها ولا بكلمة..
اللي رد عليها انسانة ثانية..
انسانة كان صةتها هو المستحيل بأبعد أحلامها إنها ممكن تسمعها أو تلتقي فيها..
حرمها منها ومن حنانها..
غربها عن أحضانها وقربها.

أم علي\عيدك مبارك يومـــه..
هديل شهقة بجزع\يـ ووو أ أمــ ........ أمـــ ــي..
غازي\حجك مبرور وسعيك مشكور..
أم علي\تقبل الله منا ومنك..

شهقات متتالية هذي كانت ردت فعلها..
هو مع أمي..
إيه هذي أمي والله أمي..

هديل بنحيب\يومــــــــــــــــــــــه..يووومه
يومه أنا هديل يووومه..
أشتقتلك يا رووحي والله العظيم..
أحلم فيك بس ما أشووفك..
يومممه أبي أرجع تعالي يوممه تعالي أنا بمووت ..
بمووت من شوقي لك..
إلحقي علي يومممه قهروني..
كلهم قهروني تعالي يومه تعالي..

تبكي وتنتحب تترجى أمها ترد عليها..
لكن أمها ماكانت تسمعها..
غازي كان يسولف مع أمها والسماعات بأذونه..
هديل تسمعهم..
وهو الوحيد اللي يسمعها..

هديل جلست على ركبها منهارة..
تهتف بصوت مخنوووق وتنادي على أمها..
هديل\يوووومه ردي علي كلميني..
قولي له يرجعني لك يومه..قولي له يرحمني تكفييين..
يومه إساليه عني وش سوا فيني..
خليه يحكي لك عن ضربه وكرهه لي..
يوووووووووووووومه قولي له يرجعني لك تكفين يومه..
أحبببببببك والله العظيم...
مشتاقة لك ولحضنك..أحبك ياروحي والله أحبك..

غازي يسمعها ويسرح بآخر كلامها..
يدري إنها تقصد أمها..
لكن يظل هو المتحكم بالوضع..
وبرأيه هذا الكلام ما أنقال الا بلسانها..
وما أحد سمعه غيره هو..
لذلك يظل هو المقصود...

ركز عيونه على أمها...
آآآآهـ بس لو تسمع نحيب بنتها..
لو تسمع رجاويها وشهقاتها..

طول معها في الكلام يبيها تتكلم وتتكلم عشان هديل تسمعها..
ولما شاف أبو علي يقرب منهم وقف وإنسحب من المكان...
قبل لا يتعرف عليه..

أبوعلي\من هذا؟؟
أم علي\ماعرفته يقول إنه من جماعتنا..جاء يعيد علي..
سال عنك وقلت له ما انت مطول..
أبوعلي\من جماعتنا..؟؟ماعرفتي منهو ولدهـ..
أم علي\ما سألته..
أبوعلي\الله كريم نلقاهـ في خير..
يالله مشينا نعيد على ربعنا اللي معنا..ثم نكلم الاهل في البيت..



؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛ ؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛



هديل بخفوت\من أنـــــــــــــــــــت..؟؟
غازي\أنا غازي ماعرفتيني؟؟
..خــــــلاص..أمك راحت بطريقها..
هديل بصوت مبحوح\لا لا ابيها..ابي أميييييي ..
يومممممممممه..
غازي\لاتخليني أندم على اللي سويته..
قلتي تبينها وصار مثل ماطلبتي...
والله أنتي عايدتي أمك قبل لا أعايد أمي..
راضية ألحين.. بالله عليك من أنـــــا؟؟؟
هديل تبكي وماردت عليه..
كانت منسدحة على الأرض وماسكة الجوال وكانها تنتظر أمها تطلع منه..
هديل برجاء\أريد أمي..
غازي بهدوء\عطي الجوال ماريا..
هديل\لا اريد أمي..
ابيها وينها وينها؟؟يوووووومه
غازي\ماراح تسمعك..
هديل\رجعني لأمي رجعنييييييييي..
هذا إنت ماقدرت على فراق أمك يالخاين..
تركتني هنا ورجعت لأمك..
رجعني لأمي..
غازي\تركتك لاني كنت لازم أحج..
هديل\وأنا ابي أحج..ترى لي حجة بذمتك..
غازي يبتسم\السنة الجاية وعد تكون حجتك..
هديل بغصة\عساني الموت قبل لا أحج معك..

قفلت الخط ورمت الجوال بقوة ع الأرض..
هديل تبكي\أكرههههك والله أكرهك..
الله لا يحلك ولا يبيحك يا الظالم يا الحقير..
الله لا يسامحك.
يوووومه فديت ترابك يوومه وحشتيني..
آآآآآآآآآآآآآآآهـ ياصوتك جرحني..
أحرق عروقي وجنني..



؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛ ؛؛؛؛؛؛؛؛؛؛؛؛؛؛؛؛؛؛؛؛؛؛؛؛


كانت جالسة تدعي وتستغفر وتتقرب من الله بالعبادة..
وجنبها إمراءة مابينهم أي معرفة..
لكن صوت بكائها وبحة صوتها أجبرتها تتكلم معها..وتحاول تهدي من نحيبها..

أم غازي\يا حاجة صلي على النبي..البكاء بيتعبك وأنتي بحاجة قوتك بالحج..
أم علي\قلبي ياأختي محروق على ضناي..
تمنيتها معي هذي الحجة..
أم غازي\الله بيكتب لها الحجة السنة الجاية بطولة العمر ان شاء الله..
أم علي بغصة\مابقى لها عمر بنتي الله خذا أمانته..
أم غازي\الله يرحمها ويسكنها جنته..
بدل ماتدعين لها بالغفران تبكين وتضايقينها..
أم علي\بعدني مصدومة بخبر موتها..أحسها بترجع وهي بخير..
كنت واعدتها تحج معي هذي السنة..
العام ترجتني أخذها معي بس قلت أختها الكبيرة أول بعدين هي..
وهذا جاء وقت حجتها بس ماهي بموجودة عشان تحج..
آآآآهـ ياقلبي عليها محروووق..
أم غازي تمسح دموعها\الله يرحمها ويغفر لها..
هي عند رب البيت ورب الحجيج..والله يبلغكم فيها بجنته..
أم علي بصوت خافت\الله يبلغني فيها ويغفر لنا..
أم غازي\عيالنا ماتوا قبل لا نموت..سبحان رب الأقدار..
أم علي\بنتك؟؟
أم غازي\لا ولدي مات مقتول..ولي بنت مقاطعتها وزعلانة عليها..
أم علي\ولك قلب تزعلين على بنتك؟؟
أم غازي بحزن\بنتي تسببت على إنسانة بريئة..وأذتها
وأنا قطعتها عشان تتربى وتحرم ترمي الناس بالباطل..
أم علي\وإن جاك خبر موتها وإنهم دفنوها من دون ماتشوفينها..
لا ودعتيها ولا طيبتي خاطرها..وش تسوين بنفسك؟؟
أم غازي بخوف\لا بسم الله عليها عساني ما أفقدها..
أم علي تمسح دموعها\تلاحقي بنتك وتراضي معها..
قبل لاتفقدينها بين طرفة عين وإلتفاته..
لازعلك يفيدك ولا خاطرن مجروح..
أم غازي تبكي\بنت كسرت بخاطر بنت محرومة..أذتها من دون حق..
شهدت عليها بزور..و المسكينة تعاقبت على ذنب ماهو بذنبها..
أم علي بحسرة\المحرومة وهذا المكتوب لها عسى ربي ينصفها..
وبنتك إن تابت فسامحيها ترى مابه أقسى من فقد الضنى..
أم غازي\والله إني جربت فقد الضنى في ولدي وفي عيون المحرومة..
وقطيعتي لبنتي كاسرة ظهري..
قطع كلامهم صوت جوال أم غازي..شوق كانت المتصلة..
أم غازي\هذي بنتي ثالث مرة تتصل..
أم علي تبكي\ردي على بنتك هذا عيد لاتكسرين قلبها..
تخيلي عيدها يمر من دون أمها والله مايهنى لها..

أم غازي مسحت دموعها وراحت تكلم شوق..
ومقررة ترجع وتتعرف على هذي الحرمه..
اللي حست أنها تتشابه معها بفقدان الضنى وبشي ثاني..


؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛ ؛؛؛؛؛؛؛؛؛؛؛؛؛؛؛؛؛؛؛


عيد...
معقولة هذا عيد..
بأي تاريخ وباي بلد..
العيد اللي أعرفه يكون عيد مو وحدة وملل واكتئاب..
وتكون أمي معي وغازي بعد,,
رشا وعمي راجح..قريباتي وصديقاتي..
الكل كلمني وعايدني بس أمي مارضت تكلمني..وغازي مستحيل يسامحني بهالسهولة..
ولا اللوح اللي عندي الي يقال انه زوجي..
كان يعايدني زمان وبهديا..
بس هذا العيد كانت معايدة باردة مالها طعم..
ناظرت في طالب اللي كان يلاعب غازي ويسولف مع رشا..
شوق بهدوء\رشا؟؟
رشا\هلا..
شوق\أمي ردت عليك..؟؟
رشا بارتباك\ ا إيه ردت علي...
شوق تكتم عبرتها\كيفها؟؟
رشا\الحمدلله بخير..تقول ربي سهل عليهم الحج..
شوق تهز راسها\الحمدلله..
رشا\ياقلبي لاتزعلي بكرة تهداء الأمور وكل شيء يتصلح..
شوق\بس اليوم عيد..
راجح\والمسكينة اللي ظلمتيها مامر عليها يوم عيد من دون اهلها..؟؟
وهذا عيد ثاني لا اهلها ولا غازي وهله معها..
إحمدي ربك على النعمة اللي إنتي فيها..
شوق\ماهو أنا اللي غربتها ولا هو انا اللي حرمتها من أهلها..
بسكم ظلم وإفتراء..
طالب يحدة\شوق قصري حسك..
شوق تبكي\لا ليش ماتبون تسمعون الحق..
إيه ظلمتها وإفتريت عليها..
بس ماكنت انافقها مثلكم..بينت لها إني ما أطيقها ومستحيل احبها..
الشفقة خليتها لكم..إنتوا تشفقون عليها..بس مانسيتوا إنها تصير أخت القاتل..
وإن كنتوا نسيتوا انا مانسيت..
رشا تمسك شوق تبي تطلعها بس شوق مو راضية تتحرك.
راجح\كان احسن لو كفيتيها شرك واللي فيها يكفيها..
شوق\إنت عادل مع الكل الا معي أنا..
غلطت إيه أعترف وهذاني أتعاقب ألحين..
بس غلطتي الأكبر هي لما هربت من أخوي وماخليته يعاقبني..
كان انا الحين مرتاحة منكم ومنه ومن هذا الكائن..
والاهم مرتاحة من قلبي ومن ضميري...
طالب\أي ضمير؟؟لاتتكلمين عن شيء مفقود..
شوق بصراخ\إنت المفقوود بحياتي واللي مالك وجود..
إنت مجرد اسم ولا راح يكون لك تواجد أكثر من اسم..
بكرة بشخطة قلم ينتهي دورك..
بلحظات كان طالب واقف قدامها وضربها على وجها بقوة خلاها تطيح على الأرض..
أمام نظرات راجح ورشا..
طالب يمسك شعرها\قلتي مجرد اسم..؟؟
رشا تترجى\طالب تكفى اتركها الله يخليك تكفى سامحها..
طالب بحدة\راجح خذ حرمتك عني لا يجيها من الطيب نصيب..
راجح\فيك خير مد يدك على حرمتي..
وتراني عم مدامتك اتركها قبل توصل بيني وبينك..
طالب\حرمتي ماعدلتوها يومها عندكم..
وبما إنها صارت عندي فعدالها على يدي..
راجح يسحب شوق ويوقفها وراهـ..
راجح\غلطت عليك ومعك حق في اللي سويته وسلم الله يمينك..
ويشهد الله لو ما إنت اللي سويتها كان انا اللي مسويها..
بس ماني بناسي إنها بنت اخوي وأنا ولي أمرها..
رشا\صل على النبي إنت واياها لاتقلبونها هوشة..
أنا بأخذ شوق فوق وإنتوا هدوا الأمور..
المفروض تعذرونها البنت مقهورة وتبي امها..
فراق الأهل نــــــــــار..

بغرفة شوق وطالب في بيت راجح..

شوق بحضن رشا وكلماتها كانت مثل الطعنة بقلبها..
فراق الاهل نار..
نست كف طالب ونست تجريح راجح ونست عقاب غازي..
في بالها هديل والوحدة اللي عايشتها هديل هالوقت..
سمعت صوت جوالها وكانت هذي النغمة مخصصة لأمها..
ناظرت بالجوال وهي تبكي..
لو اتصلتي يومه قبل لا أتخيل هديل بهذا اليوم كنت رديت وزدت بظلمي..
خليني اتعاقب يومه..إحرميني منك ..حتى بالعيد إحرميني منك..
عسى ربي يسامحني على اللي سويته فيها..
خليني أتعاقب يومه..
خليني أنهان من راجح ..وأنضرب وأنذل من طالب..
خليني أطهر نفسي من الذنوب اللي أذنبتها بهديل..
قفلت جوالها ولا ردت على أمها...


؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛ ؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛

كانت جالسة ورى مكتبه..
وتكتب في أحد المذكرات الإنجليزية الصنع الموجودة باحد أدراج المكتب..
رغم مرارة إحساسها بالفقدان,,
الا إن صوت أمها كان مثل البلسم لكل جروحها..
لو يدري إنها بدت تستسلم وترضى بالواقع ماكان سمح لها تسمع أمها..
هو باللي سواهـ زود ثقتها بقدرتها على الرجوع لأحضان نبع الحنان..
وظلت تردد في بالها كل ليلة قبل النوم كلمة ..بأرجع..
ذبحتني الغربة يومه..ذبحني السفر والهم..


أحــــنُّ إليـــكِ يـا أمــّــــي *** حنيـنَ كــلّ مـــنْ هجــــروا


وكنــــتُ بكِ أرى الدنـــيا *** فأنــتِ .. ودونـــــكِ البشــرُ


سئمـــتُ أيُّهـــــا السفــــرُ *** فلا تبقـــــي ولا تـــــــــــذرُ


فكــــلُّ جـــــوانحي وجـدٌ *** ووجــــدي كلّــــــــهُ ضجــرُ


ســـأدعو اللـــــهَ يا أمّــي *** ســـــأدعـوهُ وأنتظــــــــــــرُ

أعـــــودُ إليـــــكِ يا أمّـي *** أعـــــودُ لنبـــــــــعِ أحلامـي


لأغفـــــو بيـــــنَ عينيــكِ *** وأغســـــل دربَ أيــامـــــي


وأغـــرفُ منْ ســنا الدمعِ *** ضيــــاءَ مـــدادِ أقلامــــــي


فأنــــتِ قصيدتـــي الأولى *** وأنـــتِ عبيـــــر إلهامــــي


وأنـــتِ أخـــي وأنــتِ أبي *** وأخــــــــوالــي وأعمــامي


قفلت المذكرة ووقفت بتصميم على اللي في بالها..
لفت حجابها على راسها..
لبست معطفها وخرجت من القصر..
توجهت للإسطبلات...ترددت بلحظة..
وبعدها دفنت كل الخوف بصدرها وكملت طريقها..

هديل بصوت جامد\فكتور فلنعقد إتفاقاً..

 

[طــُـهــر ♥!]

البارت السابع والثلاثون...


من الإعصــار جئتِ...أم النسيم..؟؟

وناري أنتِ....أم بـــرد النعيـــم..؟؟

مزاجُك لا يقــر له قــــــرار ..

كـــا البرق..لا يقر على الغيــوم ..

يجرعني..السعادة حين يهوي ..

وحين يشـــاء..يسقيني همـــومي ..

ويمنحني السلام..وحين يطغى ..

يقلبنــــي على جرحِ أليـــــمِ ...


المرحوم بأذن الله تعالى..غازي القصيبي...




قفلت المذكرة ووقفت بتصميم على اللي في بالها..
لفت حجابها على راسها..
لبست معطفها وخرجت من القصر..
توجهت للإسطبلات...ترددت بلحظة..
وبعدها دفنت كل الخوف بصدرها وكملت طريقها..

هديل بصوت جامد\فكتور فلنعقد إتفاقاً..

ألتفت عليها فكتور باستغراب..
وقف لحظات يناظرها من دون مايرد عليها..
قرب منها خطوتين وهي ظلت ثابتة بمكانها..

فكتور\أستميحك عذراً..؟؟
هديل\فلنعقد إتفاقاً..
فكتور\هل هذا يعني باننا أصبحنا أصدقاء..؟؟
هديل\لا..فأنت عدوي ولن اهبك إسم صديق لأنك لا تستحقه...
فكتور\إن كنا لن نصبح اصدقاء فلا اعتقد بأننا سنعقد إتفاقاً..
هديل\تريدني ان أثق بك..؟؟
فكتور\اجل..
هديل\لن أفعل أبداً..
فكتور يبتسم\كيف لك ان تعقدي إتفاقاً مع شخص لاتثقين به..
هديل\هذا ماعلمتنا إياهـ الدول والرؤساء..
هم لايثقون ببعضهم ولكن يعقدون الإتفاقيات ..
فكتور\ألا تخافين مني..؟؟
هديل\لِم هذا السؤال هل ستوذيني..؟؟
فكتور\ههههههههههههه إن اعجبني الإتفاق لن أفعل..
هديل\قد يعجبك..
فكتور\حسناً ايتها الصغيرة لنرى إن كان ماتعرضينه يناسبني..؟؟
هديل\ليس قبل أن تعدني بأنك لن تؤذيني..
فكتور\سأكون صادقاً معك..أنا لا أكرهك ويوسفني الأذى اللذي تسببت به لك..
هديل\كـــاذب..كنت فخوراً بإيذائي..
فكتور\بعدما علمت من العمال بما فعله السيد بك هنا..أعني عندما ضربك بالسياط..
ندمت على إيذائك كثيراً..
هديل\لا أصدقك..
فكتور\كرهتك لأنك تخصين السيد وتنتمين إليه..فأردت إيذاك كي يعلم بذلك..
هديل بقهر\أنا لا انتمي إليه..ولا إلى احد..
فكتور\لماذا لم تخبريه بانني اتسبب لك بالأذى..؟؟
هديل\هذا امر لا يعنيك..
فكتور\بالتاكيد ليس لحمايتي..أخبريني لماذا لم تخبريه؟؟
هديل\اتيت نعقد إتفاقاً وليس لتستجوبني..
فكتور\ماللذي تريدينه..؟؟
هديل\مساعدتك لي..
فكتور\في ماذا..؟؟
هديل بتردد\أولا أخبرني إن لم توافق على طلبي ماذا سيحدث..؟؟
فكتور\لا أعلم..أنتي لا تثقين بي..وانا أجهل ماتريدين...
هديل\انت لن تخبر السيد بإتفاقنا حتى وان لم نتفق؟؟
فكتور\ بالتاكيد لن أفعل..
هديل\حسناً أنـ....................
فكتور بعصبية يقاطعها\قبل ان تخبريني يجب أن تعلمي شيئاً..
ناظرت فيه بتسئول وخوف..
فكتور\لا تثقي بي...أعرف نفسي جيداً..ربما أقوم بإلحاق الضرر بك ..
هديل\ماذا تعني..ولماذا تفعل ذلك..قلت لتوك بانك نادم على إيذائي سابقاً؟؟
فكتور بصوت هادى\أنتي تعلمين بانك جميلة أليس كذلك؟؟وعيناك ساحرتان جداً..
أنتي سببتي لي الأرق..والتفكير الدائم بك..
أرتبكت وتراجعت كم خطوة على ورى ويدها على لثمتها..
والخوف منه تضاعف لدرجة كبيرة..
فكتور بغضب\إرحلي من هنا...فانا أكرهـ أن أوذيك أكثر مما فعلت..
فأنتي تتعرضين للكثير من الأذى..وأخشى عليك من نفسي..

أنسحبت من المكان من دون ما تنطق بحرف..
خائفة مرتجفة..مو مصدقة اللي سمعته منه..
ركضت راجعة القصر وهي تبكي..
الله ياخذك مو على أساس تكرهني وتكرهـه..
أنت عدوي مثله..
وأنا ابي اكسب عدو عدوي لصالحي..
ماصبرت عليك الا عشان تهربني منه..
وألحين أنت وإياهـ..

جلست على الدرج تحت الثلج..
ياويلك ياهديل كنتي بتخلينه يهربك وهو يبي ........
حسبي الله ونعم الوكيل على ابليس..
لو انحبس طول عمري هنا ولا ارجع لهلي..
كله ولا يرقب مني..
لاهو ولا الحقير الثاني..

مسحت دموعها وهي تتنهد..
آآآآآهـ يومه صوتك أشقاني وعذبني..
وش يصبرني على فراقك أكثر من الفراق اللي عشته..
وينـــه أبوي..؟
ليش ماتقولين له يجيبني لك..
ليه ما تقولين لأخواني يدوروني ويرجعوني من بعثتي الوهمية..؟؟!
معقولة نسيتوني..؟؟
ولا تبريتوا مني..؟؟

ماهو ذنبي يومه والله ماهو ذنبي..
حرمني منكم وحرمني من نفسي..

فديتك يومه وحشتيني..

؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛ ؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛


راجح بابتسامة\الحمدلله على السلامة..
رشا\الله يسلمك..
راجح\آخر الكسرات..
رشا\ههههههههه ان شاء الله...
راجح\يعني ماتبين تغيرين رأيك وتجين معي أنتي وذا النشبة؟؟
رشا باحراج\رحلتك بعد ساعتين..وأرجولي توها ماتعودت بعد الجبس..
مرة ثانية إن شاء الله..
راجح\رشا أسالك سؤال..وتجاوبين بصدق..
رشا بحذر\على حسب السؤال..
راجح\يعني ممكن تكذبين علي؟؟
رشا\لا ماراح أكذب..بس اذا ماناسبني سؤالك ماراح اجاوب عليه..
راجح\وإذا ناسبك..؟؟؟
رشا بارتباك\يمكن اجاوب..
راجح جلس قريب منها ولم يدينه حوالينها..
قرب فمه من اذونها وهمس..
راجح بهمس\أنتي تحبيني من سنين وأنا أعرف هذا الشيء...
من قبل لا تتزوجين سعود..لما خطبتك من طالب..عرفت إن سعود خطبك ووافقتي.
أنسحبت بهدؤ رغم إني أنصدمت منك..ومن سرعة موافقتك..ومن سرعة الزواج ككل..
كيف توافقين عليه وإنتي تحبيني..؟؟
رشا نفضت نفسها تبعد عنه ووقفت بعرج..
رشا بضيق\أنت مو مستوعب اللي جالس تقوله..هذي اوهام مالها اي صحة..
وش أحبك؟؟من وين جايب هذا الكلام..؟؟
راجح يوقف\ماهو انا اللي اتوهم...وأعرف زين وش أقول..
صار لنا ثلاث سنين متزوجين..وإنتي تحاولي بكل طاقتك تنهي الزواج..
تمنيت أعرف أسبابك وانتي مو راضية تقولين..
رشا بخوف\من البداية شروط زواجنا واضحة لك..ليش ألحين تتذمر منها..
إذا مو عاجبتك طلق..
راجح بحدة\مو عاجبني..وماراح اطلق..
رشا سكتت وماردت عليه..
راجح\ماجاوبتي على سؤالي..
رشا تسترجع في بالها كلامه تحاول تتذكر وش سؤاله..بس ما عرفت السؤال..
راجح\ليه وافقتي تتزوجين سعود؟؟
رشا بهدؤ\سؤال سهل لأنه خطبني وهو ماينرد..
راجح\واثقة بسهولة السؤال..
رشا\الاجابة مثل ماوصلتك..
راجح\واللي يقول إنك كذابة..
رشا بعصبية\انت مدري وش تفكر فيه..جاوبتك على سؤالك..
وقلت لك اوهامك مو صدق..
راجح\كـــــــــــــذابة..رشا إعترفي بسرك..
رشا خنقتها العبرة من الخوف\مافيه سر مافيه شيء ..
مافيه شيء ماصار شيء..ماصار شيء..
راجح يضمها بقوة\طيب إهدي..ليه خايفة كذا..
أنتي تحبيني وانا اعرف هذا الشيء وبلسانك قلتيها..
كنت ناوي أعاقبك على السنتين اللي قضيتيها في بيت أخوك وأنتي تحبيني..
بس ليه خجلانة من هذا الشيء ليه..؟؟
رشا\مــ أحبك لاتكذب ماقلته..
راجح يقبل جبينها\نتفاهم لما أرجع..
أنتي ريحي نفسك ورتبي أفكارك..الخوف ماله مبرر ولا له داعي..
انا مستحيل أضرك..

سافر بعد ماوصلها لبيت أم غازي..
وحلفت ماتطلع من بيت أخوها لو يسحبها راجح سحب من البيت...
حمدت ربي ان السر اللي يتكلم عنه هو اعترافها بحبه..
لما كانت تتكلم مع شوق ..
وتاكدت إن شوق قالت عمها عن هذا الشيء..
أو إنه صادق وسمعها تقول هذا الكلام..




:::::::::::::::::::::::::::::::::::::::::::::




كانت بغرفتها تبدل ملابسها عشان تنام..
طلعت بجامة..لما أنتبهت على الملابس اللي أرسلتها لها صوفي..
شالت قميص النوم اللي من صوفي..ورمته بآخر الدرج..
وهي تهمس\قليلة أدب..
طلعت الفستان الذهبي وقررت تلبسه وتشوف شكلها فيه..
الى متى وأنا بناطيل وهم أشتقت للفساتين والدلع..
بدلت ملابسها ولبست الفستان سكرت سحابه ..
ووقفت قدام المرايه تناظر نفسها..
قصير يمكن يوصل لنص الفخذ...
من دون اكمام وماسك على الصدر..
حست بإحراج من نفسها على الشكل اللي هي واقفة فيه..
والله لو تشوفني امي لابستة تقطعة وتتوطى في بطني..
حركت شعرها وقدمت بعض الخصلات على قدام..
غرتها طايحة بشكل جذاب على جبينها..
قربت من المراية ووقفت على جنب ..
لو شعري لسى طويل كان راح يغطي ظهري اللي نصه عاري..
مدري كيف يتجرئون يلبسون مثل هذا اللبس...
خصوصاً ام سيقان الحمارة المنمشة..
الله يهديك ياصوفي لك وحشة..
أنتبهت على شيء غريب بجسمها..
قربت من المرايه أكثر..
وانصدمت باللي شافته..
بأعلى كتفها اليمين من ورى..
كان فيه علامة غريبة أول مرة تلاحظها..
حطت يدها على كتفها وشهقت ..
لما تاكدت إن هذي العلامة باقية كأثر من ضربها بالسوط..
همست بقهر\والله الآثار اللي بقلبي مابتموت..
فكيف بآثار على جسمي..
ياربي رحمتك يارب..
بكت بزعل على حالها وخبت وجها بفراشها..
كانت تتكلم وتبكي بنفس الوقت...
هديل بنحيب\كرهت حالي والله العظيم..
بأموت بحسرتي على هلي..
آآآهـ يارب لايشوهني أكثر..
ياربي لايضربني ماعاد اتحمل ضرب..
والله ياربي والله...

غفت بفستانها وهي تبكي....
جاهلة تمامــــــــــاً تواجد ذاك الجلمود بالقرب منها...
وجاهلة موعد قدومه الى المزرعة...

واقف كالتمثال المنحوت من الشمع..
خلف الباب الزجاجي ..
متواجد في بلكونة غرفتها تحت الثلج..
يشعر بخفقان عنيف بقلبه..
هل من رآها بذاك الجمال هي أسيرته لاغيرها..
آسيرته الغالية..
وكأن الحزن يزيدها جمالاً..
والبكاء يكحل عينيها دوماً..
ما أجمل أثيرتي..
لم يرها من قبل بهذا الشكل المغري..
يالدلعها العفوي...تستعرض نفسها امام مرآتها..
تجهل وجودي ومراقبتي لروعتها..
تعبث بشعرها المجنون..
لم أخسر جديلتها فهي تسافر معي وتغفو على وسادتي..
أما منظرها بشعرها القصير يزيد جراح جمالها..
يكاد قلبي يذوب لمرى إبتسامتها الحزينة...
ليتها تفقد ذاكرتها فلا يبقى للماضي أثر لديها...
أقسم ان ألون حياتها بألوان الخيال...
أسيـــرتي ما أعذبك...
يا لــنعومتها..نحرها يتصل بصدرها النافر بروعة التكوين..
خصرها الملتف يكاد يمزق ذاك الرداء...
أطال النظر لساقيها..
وأبحرت عيناه من جديد لتاملها...

إقترب من الزجاج متناسي لوعدهـ اللذي قطعه عليها..
بأن يحترم حدودها وخصوصيتها..
ولكنها تبكي...
وهو إعتاد أن يحتضنها رغماً عنها..
وأن يجبرها على البكاء بأحضانه..

تراجع وأبعد يده عن الباب الزجاجي..
وبقي هناك يتأملها حتى أدرك بأنها إنتمت لعالم الأحلام..
وأنها نائمة بكل تأكيد..

حاول أن يغادر المكان عائداً الى بلكونة غرفته..
لكن عقله..قلبه..
جوارحه..قدميه..
لم تمتثل لأمرهـ..
وأبت الا البقاء ومراقبت أسيرته النائمة..

يخاف عليها من نفسه..
فمنظرها قبل دقائق يسكن خياله..
فتح الباب الزجاجي..
ودخل الغرفة الدافئة..

إقترب وإقترب..
حتى إحتضنت يداهـ وججها الأليم..
قبلها على أعلى كتفها المجروح وإحتضنها وهو يهمس..
.....\سامحيــــني...


؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛ ؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛


قفلت التلفون وهي تتنهد..
هذي ثالث مرة تتصل ولا يعطونها خبر مؤكد..
أدركت إن وقتها يضيع في ملل وفضاوة مو راضية عنها..
فقررت تدور على وظيفة وتشتغل بدل العطالة..
أتصلت بصديقة لأمها وهي عضو بارز في مجال التدريس..
وطلبت منها تساعدها بهذا الموضوع...
وعدتها تساعدها بس لازم ترسل اوراقها لهم عشان تباشر بمعاملتها..
أتصلت برشا وطلبت منها تروح لبيت امها وتأخذ ملفها وشهاداتها وترسلها لها..
طالب\السلام عليكم..
شوق تبعد السماعة عن إذنها\وعليكم السلام..
رشا\هذا طلووبي عطيني اياه باكلمه..
شوق\ماهو بلايق الدلع..المهم أبي اوراقي متى ترسلينها..
رشا\اليوم أو بكره اذا قدرت..
شوق\توقعتك تقولي بعد اسبوع..
رشا\ليه انا عند امي هالفترة..والحين اروح غرفتك وادور على ملفك..
شوق\وش مجلسك عند امي وين زوجك..؟؟
رشا\سافر..
شوق\ليه ماسافرتي معه..لايكون طلقك هههههههه
رشا بخوف\لو يسويها يريحني ويريح عمرهـ..
شوق\امممم ليه؟؟
رشا\شوق بالله قولي لي الصدق..أنتي قايلة لعمك شيء عني زمان؟؟
شوق\مثل أيش؟؟
رشا\إني أحبه ومن هالكلام...
شوق\مو وقته هالكلام..
رشا\لا وقته يا نصابة قولي الصدق..
شوق\أخوك يسلم عليك..
رشا\يوووه نسيت إنه عندك..طيب متى اكلمك..
شوق بكذب\لا تكلميني مشغوولة طول اليوم..
رشا\كذوووب ياعاطلة من زوود المسئوليات..
شوق\عندي تقديم وشغل ماتعرفينه يا جاهلة..
رشا\شوق اذا عرفت إنك قايلة لعمك شيء ذبحتك..
شوق\أتحداك توصليني شوفي كم كيلو بيني وبينك..مابتصيديني..
رشا\لاتنسين إنك عند اخوي..وأسرارك عندي..وأقدر أقوله كل شيء..
شوق أرتبكت\رشا قلبي أنتي تعوذي من إبليس...مايصير كذا..أنتي تعرفين الوضع..
رشا بمركز القوة\لا يصير ويصير..وش قايلة لعمك إنطقي..؟؟
شوق\خلاص ولا يهمك أكلمك بعدين..
رشا\لا ياحمارة الحين تتكلمين..
شوق\ان شاء الله يالله مع السلامة..
رشا\شوقوه لاتتنذلين ترى والله اتنذل فيك..
شوق\كثري منها مع السلامة
قفلت الخط قبل لا تكمل رشا كلامها وتهديدها..


طالب\أسمع تقديم وأوراق..وش السالفة؟؟
شوق بهدوء\أبي أقدم اوراقي ع الديوان..وأتوظف..
طالب\ماشاء الله..وبأذن من تتوظفين؟؟
شوق\بإذن الوزارة..
طالب بسخرية\ذكية تصدقين..
شوق بسخرية مماثلة\بعض ماعندكم..
طالب\أعتقد أني ماسمحت لك تتوظفين..
شوق\واعتقد إني ماطلبت رأيك..
طالب\مافيه وظيفة..؟؟
شوق\ما أقدر اجبرك توافق..
طالب\يعني تدرين إنك ماراح تتوظفين الا بإذني وموافقتي..
شوق\إيه أدري..لكن الوضع هذا مؤقت..
طالب\مؤقت..؟؟
شوق\إيه طال عمرك مؤقت..انا الحين أشتغل بأوراقي..
ومعاملات التوظيف يبيلها وقت مو بسيط..
على ما تقرر الوزارة توظيفي أكون رجعت لعهدت أمي واخوي..
طالب\واثــــــــــــقة انك راجعة لهم...؟؟
شوق\راجعة لبيت أبوي الله يرحمه..وحتى لو كانت امي واخوي مايبوني..
لي حق أظل في بيت أبوي وما احد له حق يمنعني..
طالب\وبيت زوجك..؟؟
شوق\مـــاهو بيتي...أنا ضيفة غير مرغوب فيها هنا..
وأنت تستنى اليوم اللي تفارقني فيه..
ولا يهمك هذاك اليوم ماهو بعيد..
طالب\تقولينها بمرارة...
شوق\إيه أقولها بمرارة..ماهو لأني متحسفة عليك....
قسوتك وجرحك لي شافاني من ارتباطي فيك من سنين...
طالب\والصــــــــــورة والمكتوب عليها..؟؟
شوق\كلام مراهقة...ماله أي وجود عند اللي جالسة قدامك...
وإنت رديت على الكلام بطيبة قلبك..
طالب بابتسامة\جرحك ردي على كلامك في الصورة..؟؟
شوق\أبــــداً...الجرح شيء متوقع منك..وهذا اللي تعودت عليه..
طالب بصدمة\تعودتي اجرحك..؟؟
شوق\لاتمثل دور المظلوم..ولا تتفاجاء...
راجع حساباتك وأوراقنا القديمة وأحكم بنفسك...

طلعت لغرفتها وهو ظل بالصالة يسترجع كلامها...
متعودة اجرحها...؟؟؟
صح إني قسيت بكلامي في الصورة..
بس هي متعودة على إسلوبي و على هالشيء..
ومثل اللي أنضرب على راسه أدرك إنه اعترف لنفسه..
إن شوق فعلا متعودة على قسوته وكلامه الجارح او المستهتر فيها..
وصار يسترجع ويغوص بذكرياته اكثر وأكثر..
وتذكر لما سوت عملية الزايدة لما زارها بالمستشفى كيف قال لها..
طالب\حتى الزايدة ما تحملتك أنفجرت ببطنك..الله يعيني عليك..
عصبت منه وقالت لغازي يخرجه من عندها وهم يضحكون عليها..
ولما تخرجت من الجامعة بارك لها بإسلوبه الجاف..
أرسل لها رسالة ع الجوال تهنئة بسيطة..
وفي النهاية كتب..
..الله يعين كنت متعذر بدراستك..
ألحين من وين اجيب عذر عشان أأخر الزواج..
وش رايك تقدمين على الماجستير والدكتوراة..
بكذا يتاخر زواجنا سبع سنين..

أنهالت عليه الذكريات مثل المطر..
كان كلامه لها يقصد فيه يثير عصبيتها..
لأن عصبيتها تعجبه من طفولتها..
بس ماحسب حساب انها ممكن تكون تجمع بقلبها كل جروحه..

ولما تمت ترقيته بشغله..
والهدية اللي أرسلتها له مع بطاقة تهنئة..
كلمها بس ماردت عليه..
فارسل لها رسالة..
هديتك وصلت..لو كنتي هنا رديتها لك..
باحتفظ فيها لحتى القاك واعطيك اياها..
مايناسبني نفاقك لي..
مافيه زواج قبل مئة عام....

الحين عرف ليه ماردت عليه ..
لانها كانت واثقة بانه مابيضيع الفرصة من دون مايبين لها انه مايبيها..


وزاد بجرحه لها لما هربت من المزرعة معه..
كيف كان قاسي معها بشكل كبير..
ويصرح لها بانه ينتظر اليوم اللي يقبلون هلها فيه ترجع لهم..
ولانه ما اعترف بغلطة وانه سبب في اللي صار بهديل..
حط كل المسئولية عليها..
ماكانت شوق راح تتبلى على هديل لو هو ماجرحها باعجابه بغيرها..
في اللحظة اللي اعترفت شوق وقالت انها شافته مع هديل بالغرفة..
ماهمته شوق واحساسها بهذيك اللحظة..
اللي همه نفسه..وكيف إنه إنكشف إنه اعجب بغير حلاله..
والمصيبة اللي كان يتغزل فيها هي هديل...
حط كل اللوم على شوق لانها أذت هديل...
بس مالام نفسه لانه أذى شوق..
وجرحها...
جرحها وهو يدري إنها تحبه من سنين...
وعت على الدنيا وهو قدامها...
نصيبها ومرتبطة فيه..
مايدري ان كان لها رفض او عدم رضا بفرضه عليها...
هو أختارهـا وتمسك فيها وقال لأخوها إنها له ومايعطيها لغيرهـ...

بس ماراعاها...
كانت تصرخ فيه بغيض..تقول طلقني..أو اخلعك..
ودائما تقول إني ما ابيها ولا مرة قالت إنها ماتبيني....


وصله مسج ع الجوال صحاه من عالم الذكريات..
قرء المسج وتنهد بضيق..
كان من رشا ..

مساء الخير يا حلو أخبارك؟؟
وينك يالقاطع ماتكلم أختك حبيبتك..
ولا شوقوهـ تمكنت من قلبك البارد..
وخلتك تحبها أخيراً وتنساني..
كلمني لما تقدر..

وصفت البرود ياما نعتته فيها شوق..
بالبرود والاهمال وعدم المبالاة لها..


قرر يتكلم معها ويتفاهم معها على كل شيء...
وبنفس الوقت ما أدرك..
إن شوق أبحرت من شؤاطى الإنتظار من زمان..
ومالها نية ترجع تتعشم بحياتها معه...


؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛ ؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛



ناظرت بالمراية مفجوعة من منظرها..
حطت يدها على رقبتها مستغربة اللي تشوفه..
معقولة ناموس يسوي كل هذا..
بس ما أذكر الناموس يجي بالشتاء..
يمكن ناموس هذولاء غير ناموس شتوي...
يقطع عمـــرهـ كل هذا منه..
باقوول لماريا تشوف حل لهاالناموس قليل الأدب..
أستاهل لو لابسة بجامة بدل الفستان كان ماقدر يأكلني كذا..
فيه احد ينام بفستان مالت علي..
عفست فستاني المخلع العاري القليل السنع..
راح اخبيه لغادة ولا سارة قليلات الادب..
هذي علوومهم ملابس مخلعة يامال الصلاح..

لبست كنزتها وخرجت من الغرفة..
نزلت دورت على ماريا بس مالقتها في المطبخ..
جلست بالصالة الحجرية...قريبة من النار..
وفزت لما سمعت صوته..
غازي\صبــــاح الخير..
أنصدمت من وجودهـ في القصر..
وتسالت متى رجع..
وقفت مكانها بجمود وماردت عليه..قرب منها..
غازي\كيفك..؟؟
هديل ماعرفت وش ترد وتقول..هو يعرف حالها من دون مايسال..
تقول بخير..ووين الخير منها..
نست معناه و ولونه..
همست\الحمد لله..
أنتبهت على نظراته على شعرها..
هي مالبست حجابها لانها واثقة مافيه غيرها هي وماريا والخادمات..
لو عرفت انه رجع كان لبست حجابها وعلى حسب وعده بانه راح يحترم حدودها..
وما يمنعها من الحجاب قدامه..
هديل\تقبل الله حجك وغفـــ.... وغفر ذنبك
غازي\منا ومنك..
طاهرة القلب...رغم جراحها وألامها منه الا أنها قالت غفر الله ذنبك...
أي فتاة صابـــرة انتي..؟؟

غازي\وش هذا اللي برقبتك؟؟
هديل حطت يدها على رقبتها\نــ ـاموس..
غازي\ناموس؟؟
هديل\ناموسهم مدري وش يحس فيه جاي في الشتاء..
غازي\هههههههههههه ماعنده سالفة..
هديل\تتمسخر علي؟؟
غازي عذبته برائتها\لا أبداً..
هديل\بلى تضحك علي..عساهـ ياكل رقبتك مثلي..
غازي بخبث\فديته إن كان ناموسي مثل ماكان ناموسك فلبى قلبه..
هديل مصدومة\أنت مريض؟؟
غازي\إيـــــــــــه..
هديل ببرود\أحســــن..

خرجت من الصالة وهو واقف مكانه يضحك على ردها عليه..
ماكان متوقع أبدا تقوله سلامتك..

بما أن عدوي مو قادر يساعدني..
فمالي الا ربي اتوكل عليه ثم نفسي..
راح ألعب لعبتك..وأنتظر غفلتك..
وبعدها وعــــد مني لأخليك تندم على دفني وانا حية معك..

وأرجع لأمي وهلي..
وإنت تهنى بهلك..

؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛ ؛؛؛؛؛؛؛؛؛؛؛؛؛؛؛

كانت جالسة تناظر الشوارع الممطرة بغزارة..
مو قادرة تحضر لمحاضراتها..
ولا قادرة تركز بموادها...
مو مصدقة اللي هي سوته..كيف قلبت حياتها بارادتها..
كيف سمحت لغباء الانتقام يسيطر عليها..
لو وافقت على مالك وتجاهلت كل شيء..
هي بتأخرها في الرد..
تركت مجال لعمها وولدهـ يدخلوا بالموضوع..
سرحت تتذكر الحرب اللي صارت في مجلس أبوها..

في مجلس ابو علي...بعد رجوعهم من الحج بيوم..
كان صوت العيال عالي بالصراخ ..
علي وراكان كل واحد منهم يحاول يضرب الثاني..
بس الشيبان فكوا بينهم قبل لا يبدون الهواش..
ابوعلي\انطم يالرخمة أنت واياهـ..مابقى الا تسدحوني وتدوسون علي..
علي بعصبية\والله ما يعرفها لو يلمس السماء..
راكان\بنت عمي واولى فيها من خويك ومن غيرهـ..
علي\لاتنسى كلامك يالنذل يا الخسيس..
ابوعلي بغضب\حسبي الله عليك وعليه..لابركة فيكم ولا في مجلسكم..
إنقلعوا برا بيتي يا ثنين غضبي عليكـــــ ......
ابوراكان\لا ياحسين اذكر الله وادحر ابليس عنك..
استغفر ربك وصل على النبي..
وهذولاء الكلاب انا اوريك فيهم..
سحب ولدهـ وخرجه من مجلس ابو علي..
وطرد علي وراهـ..
خرجوا محمد وهادي وسلمان يحاولون يهدون بين الاثنين..
علي\تخسي ماتعرفها يا الكلب..
جاي بعد سواتك ولك عين تطالب فيها ماتعرفهــــــــــــــا..
راكان\والله ما اخليها هي بنت عمي وحيرت عليها..
ولو تبقى سنين معلقة في بيت أبوها ما تركتها..
هادي بغضب\مايحق لك تخطب على خطبة مسل مايحق لك..
راكان\يحق لي لأنها لي من قبل لا يتكلم فيها غيري..
طلبتها ووافقت وانتشر الخبر..
علي بصراخ\واللي أنت سويته وش تسميه..؟؟
راكان\خسة نذالة حقارة مثل ماتحب سمه..
عرفت خطاي وتراني معذور باللي سويته لو انت مكاني سويت اكثر..
علي يرمي عقاله بقوة على راكان ويهجم عليه يضربه..
وراكان كان ردهـ بنفس قوة علي..
علي بغضب\معذور يالخسيس تقول معذور..
الشرهه على اللي مافضى الرشاش في صدرك من أولتها..
راكان\لو سويتها أبرك من أنك تعطي نصيبي لغيري..

سلمان ومحمد وهادي يحاولون يفكون بين الثنين بس ماقدروا..
كل ماسحبوا واحد هجم الثاني عليه...

أبو علي خرج من المجلس واخوهـ معه..
أبو راكان يسحب علي بالغصب ويوقف بوجهه..
أبو راكان\مابقى لعمك حشيمة ولا قدر في بيتك يا ولد حسين..؟؟
علي بغضب\الحشيمة لك ولسلمان بس ذا الخاين ماله حشيمة..
راكان\خاين واللي تبي بأخذها غصبن عليك..
علي يبعد عمه ويحاول يرجع يتضارب مع راكان...
الجدة بجزع تبكي\أمك يا حسين..تبون تذابحون يالحريم..
تبون تسيلون الدم بينكم..مابقى لدمكم كرامة عندكم...
نسيتوا أنكم أخوان ودمكم واحد..نسيتوا من أنتوا عياله..
حسبي الله عليكم وتقولون رجاجيل وعيال حمايل..
تخسون ماحولكم مرجلة يالحريم..

أبو علي يمسك امه يحاول يهديها..
دخلها المجلس والباقين دخلوا وراهم...
أبو راكان\أذكري الله يومه الزعل ماهو بزين لك..
الجدة\وهم خلوا لـ الزين محل...لو يحترمون ويقدرون ماسووا سواتهم..
أبوعلي\هذا أنتي يومه أحكم باللي تريدينه..
واللي تامرين فيه يمشي على الجميع..
الجدة\مايمشي حكم المره على شيبان بلحاهم..
أنت أبو البنت وأنت ملفاها..
كنك راضي برويكن لها الله يسدد لهم..
بس قلبي ماهو براضين عليه ولا على قربه..
راكان\يومـــه اسمعـــ......
الجدة\ولا كلمة ولا تكلمني..حلفت ماتعرفها ولا تقربها..
وانا على حلفي الا اذا خالفني ولدي..
ابوعلي\وراكان ماله عندنا مرهـ...والله ييسرهـ طريقه ..

راكان\وبنت عمي ماني مرخصها وان طالت ولا قصرت..
لا انا ولا غيري نعرفها..
ابو راكان\خلاص ياولد الزواج ماهو غصب...
كانت لك وأنت اللي رفست النعمة..ويشهد الله ماني بعارف وش اللي جاك..
ولا وش اللي غير راي عمك وهله..
هي بنته وأنت ولدهـ..وماهي بنصيبك..
علي\خله يهايط على كيفه يا عم..
عــــــرف قدرهـ ومنزاله...
راكان وقف بعصبية\والله ياعم والله والله..
إن خرجت من بيتك الليلة وغادة ماهي بزوجتي..
لأذبح خوي علي وأعيد سالفة هادي وسلمان..
وأسلم نفسي لـ القصاص وأكون ميت ومرتاح..
إن مالك ما خذاها..

أبو علي وأبو راكان تجمدوا من كلام راكان..
مصدومين ملكومين من جرئته على فتح جراح قديمه..
مايعرفها غيرهم ولا يقدرها مثلهم..

الجدة بعصبية\انثبر ياولد لا أذبحك قبل تطلع من المجلس..
راكان بصوت ناري\واللي خلقني ان ماملكت على غادة الليلة..
ليكون ممسى مالك الليلة في المقابر..
علي هجم على راكان وضربه ..
علي\هذي مرجلتك يالخسيس..تبى تجبرنا نوافق عليك..
راكان يضربه ويرميه بعيد عنه..
راكان بقهر\حلفت وتراني بايع حياتي برخيص التراب..

هادي\تبي تذبح الرجال من دون حق..؟؟
راكان\مثل ماذبحت ولد الناس من دون حق...
هادي يصرخ بقهر\لا تحكم على شين ماتعرفه يالخسيس..
سلمان\راكان أذكر الله..وش تذبح مالك أنت صاحي..
تقتل نفس من غير حق..؟؟
راكان\وانتوا يالمجرمين..قتلتوا وشردتوا من الديرة..
ولولا الجمايل والمناصد لغازي وهله مارجعتوا..

أبو علي بصوت مقهور ومخنوق\تخسي وتهبي لولا ربي ثم اللي تجهلونه..
مارجعوا ولا عرفناهم..
وش ذنبنا يوم تذبحون العرب وتبلونا بمصايبكم..
ليه ماكلن يتحمل وزر أفعاله وأغلاطه..
وش ذنب اللي بعناهم علشان نلقاكم..
وين نلقى اللي ذبحناهم لعيونكم..؟؟
خلفناكم نبي نقابل الله فيكم بالعبادة والخير..
عاقبتونا ليه ان حن انجبناكم يالهابين...
تبي تذبح ولد الناس رح إذبحه..
واشرب دمه..بس بنت ماتعرفها ولا تكون لك..
قهرتوني في بناتي وأحرقتوا قلبي..
لابركة فيكم ولا في اللي خلفوكم..

أبو راكان\من انت؟؟وش انت من البشر ياولد..
ماتذكر معاناتنا مع العرب والقبايل عشان نرجع أخوك وولد عمك..
ماتخبر ضيقنا وكربنا ..
أمك وحزنها على أخوك..خواتك وشوقهم له..
وانت ماتذكر وش سويت عشان يرجع عضيدك ولا تنقص رقبته...؟؟

راكان\مانسيت ولاني بناسي..
بس اللي لي ما اتخلى عنه ولا أخليه..
وعهدن علي ان ماكانت الليلة بذمتي ليكون مالك بذمة رب العباد..

أبوعلي بصراخ\حــــرام ماتقول عليك قبوووول ...

........\أنا موافــــــــــقة يوبـــــــــــه ...


كل اللي بالمجلس ألتفتوا على اللي واقفة عند باب المجلس..
ماعدا راكان والجدة..
كانت لابسة عبايتها ومتغشية بطرحتها ..
وامها واقفة جنبها..

علي بعصبية\غادة الشور ماهو بشورك...
غادة بصوت مخنوق\يا أبو عبدالله تكفى..
أنفضحنا بين العرب وكفانا ما جانا..
لاني بشرانية ولا خسيسة..
يوم أخلي هلي يتذابحون وأنا أقدر أحل الأمور بينهم..

أبو راكان\وأنتي راضية يابنتي براكان؟؟
المهم رضاك ماهو برضانا؟؟

غادة تحاول تقنع الجميع بكلامها..
وتقصر السالفة اللي وصلت لـ لذبح والقتل..
غادة\إيه ياعمي راضية..
راكان ولد عمي..وإن كنت انجرحت منه بكلمة قالها..
بس ربي يسامح وأنا سامحته..

أم علي\أقصروا الشر وأذكروا ربكم..
ترى شيبانكم ماعاد يتحملون الضيم منكم..
مارجعوا أخوانكم الا بعد ماذقنا العناء والويل..
أرحمونا تكفون أرحموا شيبانكم..

أبو راكان\وش تقول يا أبو علي..؟؟
أبو علي مارد عليهم وظلت عيونه متعلقة في بنته..
يعني أختك راحت عشان ننبسط بهادي..
ويرجع ولد عمك..راحت مضحية بكل شيء..
غافلة عن اللي ينتظرها من غربة من هلها..
جاهلة قسوة أبوها انه بيشيعها جنازة..
وأنتـــــــــي تبين تسوين سواتها..
تبين تضحين عشان هلك وعمك ..
لا يــا أبوك مايعرفك وراسي يشم الهواء..
يا حسرتي في أكبر ذنوبي..
ماتعادلها حسرة يا غادة..

أبو علي\والله واللي خلق السما وبسط الأرض ماتعــــ ........
غادة تحب يد أبوها\تكفى يوبـــه..بسنا قهر وضيق..
بسنا عنا من القتل والثار..
ماهو بعلشانه علشانك عشان عمي وعمتي..عشان خواته ..
عشان مالك وأمه وهله..
يوبه حسرة الموت اللي ذاقوها هل القتيل..
ذقناها بموت هديل..
ليه ترجعون علينا حسرة الموت بلحظة شيطان..
سامحه يوبه أنا سامحته سامحه..

أبو علي يضم بنته ويتحسر على هديل..
اللي تمسكت فيه بيوم مترجيته يضحي فيها ..
مترجيته يدفنها بالحياة..
ويرجع أخوها..
نزلت دموعه من القهر والضيق..

خلا المجلس من العيال ومن غادة وأمها..
ومابقى غير أبو علي وأبو راكان والجدة..

أبوعلي\يومــــه..مستوجعة من شيء..؟؟
الجدة بحسرة\ياويلي منك ياحسين..
ياويل أمك وش اللي أنت سويته..؟؟
أبوعلي برعب\وش تقصدين ..؟؟
الجدة\وش مخبي ياولد أمك..
من اللي بعتهم من اللي ذبحتهم عشان ولدك؟؟
وش اللي نجهلــــه؟؟
أبوراكان\الله يهداك يومه..وش اللي تقولينه..
حسين مايقصد شيء..

رفعت نظرها وناظرت بوجه أبوعلي..
كان منكس راسه..ودمعته طفرت من عينه..
وقفت ومشت تبي تطلع من المجلس..

الجدة\بأنتظر معك ياأمك..
بأنتظر وأذوقك حزنك وفرقاك..


أنتهى ذاك اليوم بليله..
وغادة صارت مرة راكان وبذمته..

صحت من سرحانها على صوت هادي يناديها...
هادي\غادة أمي تبيك تعالي كلميها..
غادة\هلا يومه..
ام علي\هلا ياقلب أمك..كيفك؟؟
غادة\الحمدلله بخير..طمنيني عنك وعن أبوي وأخواني..
ام علي بعصبية\طيب أصبر يا النشبة..ياولد فك السماعة..
غادة\يومه وش فيك..؟؟
ام علي\عبيد يضاربني على السماعة يبي يكلمك..
غادة\الــــــــــــــوغد ما ابى اكلمه..
عبدالله\ماوغد غيرك يا اليزابيث الجاسم..
غادة\ههههههههههههه وش عندهـ وليم الجاسم..
عبدالله\ابى اكلم عمتي وأصل رحمي حرام ولا كفرنا..؟؟
غادة\لا لا لا حرام ولا كفرتوا..
مير ماهي بعوايدكم يا الأوغاد تصلون أرحامكم وتقولن عمتي الا وفي بالكم موال..
عبدالله\دائـــماً أقول مايفهمني الا الوغدة غادة...
غادة\يعني ماتبى تتربى يا الوغد..؟؟
عبدالله\عمتي يا نظر عيني...يرضيك حالي..
مطفر مافي جيبي ريال..ولا قرش..يرضيك حالي..؟؟
غادة مفجوعة\ياويلي منك يالسرروووق تبي تنهبني حتى وانا في بريطانيا..؟؟
عبدالله\بس ابى سلف وارجعه لك لما نزلت الرواتب..تعرفين حن الحين نص الشهر ومافيه راتب..
غادة\كيف اعطيك فلووس وبيني وبينك قارات ومحيطات..؟؟
عبدالله\ظرف المهر اللي مع جدتي ابى منه بلاك بيري..
غادة\اي مهر واي ظرف..أنت وش تقول؟؟
عبدالله\مهرك يا الدوبة ابى منه جوال بلاك بيري..
قولي لجدتي انك موافقة عشان تعطيني الفلوووس..
غادة بعصبية\عطني أمي..
عبدالله\اول عطيني الفلوس..
غادة بصراخ\عبييييد قلت عطني أمي..
عبدالله\طيب بس ماخذها ماخذها..
ام علي\هلا يومه..
غادة\اي مهر اللي عبدالله يتكلم عنه..؟؟
ام علي\ملقوف ذا الولد..مهرك جابه عمك وولده اليوم وعطوه ابوك..
غادة بقهر\وليش أخذتوا المهر منه...؟؟رجعوه له يومه ما ابيه..
ام علي\ابوك رده بس عمك حلف مايرجع..
غادة\والمهر الاول والجهاز اللي جهزته مايكفي..؟؟
ام علي\أي جهاز..؟؟ناسية أنك عطيتي جهازك لريم بنت خالك..
وان علي رجع المهر كامل لراكان..
غادة مخنوقة بعبرتها\أكلمك بعدين يومه مع السلامة..

دخلت غرفتها وهي تبكي بقهر..
هين ياراكان هين..
والله لا أطعنك مثل ما طعنتني...
والله لا أشربك الظيم واللي ذقته منك لا أذوقك إياهـ..

؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛ ؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛


دخل جناحه تعبان من آخر إجتماع له اليوم..
تسبح وصلى فرضه..
وفتح شنطة أوراقه يراجع آخر القرارات..
بعد نص ساعة دخل الأوراق بالشنطة وأستغرب وجود اوراق ثانية..
خرج الملف وأول مافتحه تذكر هذا وش يكون..
هذا الملف الخاص بغازي الصغير..
واللي أخذه راجح من بين أغراض رشا لما كان معها في بيت طالب..
فتحه وتصفح اوراقه..
شهادة ميلادهـ..ولد في الكويت..كويتي الولد لبى قلبه..
تطعيماته ..أوراق المستشفى..
ركزت عيونه على اسم الأم رشـــــا..
على تاريخ الولادة..
متى ولد ومتى طلع من المستشفى...

قفل الملف ورجعه بالشنطة..أنسدح على فراشه وغمض عيونه..
وتردد في باله لما حضر زواج سعود ورشا...
كانت في باله وناوي يخطبها..
تفاجاء بخطبت سعود لها وهو ماكان يفكر فيها أبداً..

مثل الملسوع قام من مكانه بسرعة..
وقف دقايق متصنم بمكانه..
مايتحرك فيه غير عيونه..
يسترجع ويسترجع..

فتح الشنطة بسرعة ونثر كل الأوراق..
فتح الملف الخاص بغازي..
وراجع موعد الولادة..
الولد مولود بشهره التاسع...كامل..
بس ولد بعد زواج امه وأبوهـ بست شهور...
كيـــــــــــف يعيش وهو مولود بالشهر السادس..
وكيف يكون مكتمل..؟؟
ويطلع بعد الولادة بيومين...؟؟
الولد مولود وهو مكتمل ومتمم أشهره التسعة...
يعني هو متكون في بطن أمه قبل لا تتــ ...............
ماقدر ينطق الكلمة...
حتى بينهوبين نفسه ماقدر ينطقها...

حملت بولدها قبل الزواج بسعود...
معقــــــــــــــولة رشـــــــــــــــا..
وسعود تزوجها لانها اخت اخوهـ وعرض أخوهـ ..
ونسب الولد له ...

تلبســـه الغضب والأفكار تأخذه لأبعد من الحقيقة..
لأبعد من الصواب..
في دقائق كان لابس ملابسه وشنطته في يدهـ ويخرج من الفندق متوجه للمطار...


؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛ ؛؛؛؛؛؛؛؛؛؛؛؛؛؛؛؛؛؛؛؛؛؛؛


كانت واقفة جنبه تنتظر تشوف الحصان الجديد..
اللي أشتراهـ غازي ...
ماتدري ليش قررت تطلع معه..
مع أنه حاول يمنعها وقال تشوف الحصان بعدين بس هي أصرت تخرج معه..
هديل تلبس قفازاتها\لا بأروح معك..
غازي يكتم ابتسامته\رايح الألعاب أنا..؟؟
شوفيه بعدين..لان الحصان ماهو مروض يعني عصبي..
هديل\غريبة منهو يشبه..؟؟
غازي فاهم عليها\الله أعلم..
المهم أجلسي هنا لحتى ندخله الحضيرة..وبعدها يصير خير..
هديل\طيب..
خرج وهي أنتظرت دقايق وبعدها طلعت وراهـ..
ولما شافها عقد حواجبه..
غازي\ما تتوبيـــن..
هديل\عـــــــــادي إضرب يمكن أعقل..
غازي يركز عيونه في عيونها\أنا وعدتك...
هديل\ماراح توفي بوعدك وأنا متأكدة مثل ما انت متأكد...
غازي\نشوف...خليك بعيدة وقفي هنا..
الحصان هايج ويمكن يثور ويهرب..
ما أبيه يشوفك قدامه بيتوطاك..
سوت مثل ماقال لها ووقفت بعيدة عنه..

خرجوا العمال الحصان وهو يصهل ويضرب الأرض بعنف..
ويبي يفلت من الحبال اللي مربطته وتسحبه..

خافت من صوته ومن ثورته..
وقارنت بينه وبين الفرس اللي كانت تخاف منها..
والله كانت هادية ومسالمة مو مثل هذا الأسود الخبل..
مجرم شكله خريج سجون..
ابتسمت على خيالها وهي تراقب محاولاتهم لتهدئت الحصان..

غازي كان يصرخ على العمال بلغتهم..
ويطلب منهم يخففوا الشد من على رقبته..
لأنهم راح يخنقونه وكل واحد يشدهـ بجهه..
واحد من العمال ترك الحبل اللي بيدهـ..
وهو فاهم قصد غازي بالغلط..
وبهذي اللحظةرفس الحصان العامل الثاني وطاح تارك الحبل..
مابقى الا فكتور وهو يشد من جهة جانبية لكن ماقدر يتحكم بالحصان..
اللي صار يركض ويسحب فكتور على الأرض معه..
غازي وباقي العمال كانوا يركضون وراهـ ويحاولون يحصرونه بالمضمار الخاص بالخيل..
ترك فكتور الحبل لما شاف الحصان دخل المضمار وقفلوا الباب عليه..
بس كلهم تفاجئوا لما ظل يضرب الأرض ويضرب..
وصار يركض بالمضمار وبعدها قفز من على الحواجز..
وصار يركض بحرية..
هديل جمدت بمكانها خايفة ومرعوبة وهي تشوفه جاي يركض لها...
رمت نفسها على الأرض وضمت حالها بقوة..
وهي تصرخ بخوووف..
بعد لحظات حست بيدين ترفعها وتقلبها على ظهرها..
غازي برعب\فيك شيء..؟؟
هديل تناظر فيه بخوف وماترد..
غازي بعصبية\ردي ضربك الحصان...صارلك شيء..؟؟
هديل تهز راسها بلا مو مستوعبة انه ما داسها..
لو مارمت نفسها على الأرض كان الحين هي ميتة تحت أرجوله..
أستاهل جزات اللي مايسمع الكلام..
غازي يوقفها وهو مركز عينه عليها..
غازي\أكيد ما سوت لك شيء..؟؟
هديل\....... لا مــ ماشيء..
غازي\والحين بتسمعين الكلام وترجعين القصر ولا كيف..؟؟
هديل\لا بأسمع الكلام وأرجع القصر..وما اجي مرة ثانية هنا ...توبة..
وصلها القصر ورجع لـ العمال اللي مسكوا الحصان ويحاولون يدخلونه الحضيرة المغلقة في الإسطبلات...

 

[طــُـهــر ♥!]

البارت الثامن والثلاثون...


إذن ، تسلقت بوابة القلب.
إذن ، تمكنتِ أن ترتقي الجدران المرصعة بقطع الزجاج ، المطوّقة بالأشواك الوحشية..
وإذن ، استرقت السمع ..
فاجأتِ قلبي يتحدث مع نفسه :
" أيها الرفيق القديم ، بدأنا نشيب . بدأنا نشيخ . الثلج في كل شبر .
العنكبوت في كل زاوية . الغبار يمتص الخلايا "
وعندها بدأت مؤامرتك الصغيرة .
تواطأت مع الزهور فقالت لي إنك مررتِ بها هذا الصباح .
مكرتِ مكرك مع العصافير فكانت زقزقتها حروف اسمك.
وانضم الغيم إلى المؤامرة فتلّون بضفائرك.
ونجحت المؤامرة.
خفق القلب العجوز وصفق. وطرب ورقص .
ذاب الثلج . رحل العنكبوت. وتطاير الغبار.
وانهمرت من كل مكان سمفونية العشق المجنونة.
وأضبئت الشمعة . وأقبل الأصدقاء.
وكانت المفاجأة ...
يحتفل القلب بعامه الأول.. القلب يتحول إلى طفل صغير شقيّ يحبو.
ويموء كالقطط الضئيلة . ويعبث بالأثاث ويطارد ذيله.
ووقفت أتأمل قلبي الجديد القديم..
أتأمله ينبض على انطباقة جفنتين من النرجس.
ويصحو على تمرد شفتين من الشفق. ويستسلم سعيداً ليدين من حرير.
مرحباً بك في قلبي!

المرحوم بأذن الله تعالى..غازي القصيبي...



كانت جالسة بغرفتها...
تقرء حروف الكتاب فلا ترى الا الإنتقام يرتسم بين الحروف..
تنظر لحرف u فتتمنى لو كانت مشنقة لذاك الكريـــهـ..
وحرف g كمقصلة لقطع رقبتهـ..
تريد التركيز فدراستها والشهادة المحدوودة قد تساعدها كثيراً..

ورسالته اللتي ارسلها على جوالها..
تضيق بها وتتمنى لو تستطيع رميه بالرصاص..



العفو دام العفو للمقتدر
قدرك ربي على قلب يبيك
اما يذبحني جميلك وتغفر !
ولا انا ذابحني ذنبي قبل اجيك
انت ياللي اوسع الدنيا "صدر " !
احلم الاحباب لا جيت ارتجيك
ما عرفتك .. لين فقدانك قهر
لين صارت كل اسألتي عليك !
العناد اللي ملكني .. والكبر !
" كذبتني " عنك وقلبي مشتهيك !
جيتك آسف كلي يمك { منكسر
لمني .. بحضنك وقلي ما عليك !
صاحبي ما عن دروبي لك مفر
سقت لك عمري وتركته في يديك
قلبي مل من الجفا وجيت اعتذر
لا تعاتب من فقدك وحس فيك !



وإن إنتقمت منه كما يستحق..
هل ستنطفى النار بقلبها...

رغم مرارة الفكرة اللي تدور في بالها..
وقســـــوت اللي راح تسويه..
وصعوبة الموقف اللي راح تتعرض له مع راكان..
إلا إنها مصممة تنتقم وتذوقه نفس اللي ذاقته..

مو فضحني..
مو تكلم علي وجرحني..
سبني شتمني وتقول علي بالباطل..

والله ياراكان انك تستاهل اللي بأسويه فيك..


مرت ببالها شـــهد ...
وهي تسترجع حوارهم عن الإنتقام..
وكيف قدرت تنتقم لنفسها من زوجها..

فتحت جوالها وقررت تتصل بشهد..
لكن جوال شهد كان مغلق..
أحتارت كيف توصل لها او تتكلم معها..

فتحت المسن..
بس إيميل شهد مو عندها..
راقبت المتواجدين معها في المسن..
خانة المفضلة لم تحتوي الا على اسم واحد..
هـــديل فقط...

قفلت ايميلها وفتحت إيميل هديل..
ماكانت هذي أول مرة تدخله..
بين فترة وفترة تدخله تراسل نفسها على ايميلها..
تخاف لا يجي يوم وماتلقى الايميل..

لاحظت وجود شهد متصلة..
نسخت ايميل شهد ولما كانت بتطلع ..
انفتحت صفحة محادثة من شهد لهديل..

أفنيت عمري بانتظاري وعدها و أبليت فيها العمر وهو جديدي**

من أنتي ...؟؟


حست بصدمة شهد لما شافت إيميل هديل اون لاين..
وأكيد تبي تعرف من يكون العابث بايميل صديقتها..
الله عليك ياشهد لساتك تنتظرين وعدها..


أفنيت عمري بانتظاري وعدها و أبليت فيها العمر وهو جديدي**

مـــــــــــــــــــــــــــن أنتي..؟؟


من عقب الاحباب مكسورة مجاديفــي غرقان والموج يلعب بي على كيفــــه**

أنا غادة...

ياقلب أختك يا هديل..
كنت أشوفك تذبلين بفراق هادي...وتموتين من القلق والشوق..
حسبي الله ونعم الوكيل..صدق كانت مكسورة مجاديفك..

شهد\أنتي غادة؟؟
غادة\إيه انا غادة..
شهد\ليه..؟؟كيف طاوعك قلبك ؟؟
غادة تمسح دموعها\تصدقين لو أقولك لما ادخل احسها موجودة..
تنسيقها لايميلها..ولا التوبيك..أشتقت لها ياشهد..
شهد\وش أقول أنا..وأنا كل مافتحت ايميلي ارسل لها رسالة..
سولفت لها عني ووش صار فيني بعد موتها..
كتبت لها اني نجحت بالرياضيات بالقسم اللي اخترته عشانها..
مع اني مو فالحة فيه ولا في التخصص كامل..
قلت لها عن سعد وش سوى فيني..وقلت لها كيف انتقمت منه..
حكيت لها عن زواجي..وعن خوفي من زوجي..
غادة\تدرين أن هديــــل ماتت..؟؟
شهد تبكي\إيـــــــــه يا غادة ماتت..
غادة\يعني مابترجع..
شهد\لا حبيبتنا مابترجع..

إنقطع الإتصال وكل وحدة منهم..
غرقت بذكرياتها مع هديل..


؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛ ؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛


كان في سيارته من صلاة الفجر وهو فيها وينتظر..
يراقب متى تطلع ام غازي من البيت لتحفيظ القرآن..
لما شافها طلعت ومشت سيارتها..
نزل وهو متلطم بشماغه..
دخل الفلة ورقى الدرج بسرعة..
فتح باب غرفتها ودخل من دون إستئذان..

صدت عنه مفجوووعة بوجود رجل غريب معها ...
مدت يدها لروب القميص تبي تلبسه..
وهي تركض هاربة منه لغرفة تبديل الملابس..
لكن يدينه كانت أسرع ومسكتها بقوة..
رشا بصراخ وخوف\لااااااااااا ابعد عني ابعد..
يومــــــــــــــــاااااااهـ..اتركني يا كلب يا حقير اتركني..
ياحيوان اتركني..
زوجي بيجي الحين وبيذبحك اتركنيييييييييييييييييييييييي..

ضربته على وجهه بقوة وسحبت نفسها منه ..
لكن يدينه كانت تضغط على عضودها بقوووة لحتى حست انها راح تتحطم بين يديه..
رشا تبكي برجاء\تكفى اتركني الله يخليك وش تبي مني وش تبي..
الحين خذ الفلووس وخذ الذهب اللي تبيه خذه بس اتركني..

للحظة طرى في باله لو يغتصبها من دون ماتعرف من يكون..
وتعيش بالقهر والخزي اللي عيشته فيه..
بس هو ماهو بمثلها..وقلبه عايفها وكارها..
طول ماهو برحلت الرجوع..
والأفكار والظنون تتوالد براسه..
بس ماكان يقتنع باي فكرة مهما كانت راجحة..
هي تزوجت وهي حامل..
والأكيد من بعد ما تاكد ماهو بولد سعود..

راجح بصوت حاد\الولد منهو أبوهـ..؟؟
رشا بصوت مقطوع من الصراخ\رر ر اجـ.. ــح
راجح يمسك فكها بقوة\منــهو ولــدهـ ..؟؟
إنطقي قولي الولد وش اسم أبووووه تكلميييييييييييييييييييييييييييييي؟؟
رشا تبكي\أنت وش تسوي ابعد عني يامجنون..
اتركني راجح اتركني..
راجح يثبتها على الجدار\قولي وش اسم ابوووه..
من ابوه تكلمي..
رشا برعب\أبو من..؟؟ابعد عني
راجح\ولدك يا كلبة من يكون ابوووه؟؟
رشا بصراخ\ولد أبوووه ولد سعووود..
انت استخفيت اتركني..
راجح\كــــــــــــــــــذابة مو ولد سعووود مو ولده..
رشا تبكي\والله ولد سعود والله العظيم ..
راجح\كذابة خاينة..
سعود لما تزوجك ماكان يقدر يجيب عيال..
سعود مايجيب عيال يا كذابة..
رشا منهارة\ولد سعود ولدهـ..
راجح\أنتي ولدتي بعد زواجك بست شهور بولد كامل..
كيف تولدي بولد ما تمم شهوره التسعة ويكون كامل كيف..؟؟
رشا برعب\ممم ..مـ ن ربي..أنت مو أكرم من الله..
الله عطاني اياه كامل..
راجح يهزها بقوووة\سعود مايجيب عياااال من أبو الولد من؟؟
رشا تشهق\مـــــــــــــــــــــــــــ أدري..ما أدري من يكون أبوه ما ادري..

راجح من بعد كلامها حس الدم يطفر من عيونه..
والأعصاب راح تنفجر براسه..
مو مصدق رشا تكون كذا..
والمصيبة انها ماتعرف من ابو ولدها..

راجح باحتقار ضربها كف\مـــن كثــرتهم ماعاد عرفتي من أبوووهـ..
ماعدتي تعرفين من يكون أبو ولدك يا يا ..... ولا كلمة ممكن توصفك..

رشا تبكي من الخوف ورهبة الموقف..
مو قادرة ترد عليه..
ولا تشرح له اللي صار..
هو مو مساعدها ابدا..
يصارخ ويسب ويشتم..
رشا\لا والله لا مو كذا اسمــعنــ ......
راجح يحط يده على فمها بقوة\ولا كلمة..ولا تحلفين بالله..
تسدين حلقك وتنكتمين..
كيف خدعتيه وخليتيه ينسب الولد له..
سعود تعرض لحادث قبل زواجكم ومن بعدها مايقدر يجيب عيال..
ولما تزوجك وعرف انك حامل كلمني وقال زوجتي حامل..
وقلنا ان الفحوصات كانت غلط وصدقته..
صدقت سعود وهو كان يغطي عليك..
وأنتي كذابة يا حقيــــــــرة..
والمصيبة ماتعرفين من ابوووه ماتعرفين..
رشا طاحت ع الارض تبكي..
رشا بصوت مخنوق\أنــا مدري هو سعود ايه سعود..
راجح\ماهو بسعود يا الكذابة..
رشا\بلى بلى اكيد هو ولد سعود ايه هو ولدي ولدي..
راجح\ولدك ماهو بولدنا..


راجح طلع من الغرفة ووقف عند الباب قبل يطلع.
راجح بقــــــــــسوة\أنتــــــــــي طــــالق..


أنا اللي كنت مع سعود بعد الحادث اللي صار عليه..
وأنا كنت معه في علاجه..
الفحوصات اثبتت ان سعود مايقدر يجيب عيال..
بس ليه كذب علي وقال ان زوجته حامل وبيجيه ولد او بنت..
ليه غطى عليها..
لايكون غازي اجبرهـ..لانها اخته..
بس غازي ماهو بنذل..
يدفنها ولا يسال فيها بس ما يداريها بهالشكل..
نصبت على سعود وخلته يتزوجها..
وانا اقوول كل شيء صار بسرعة..
اتاريها كانت تبي تستر على نفسها قبل لا يظهر حملها..
ياصدمتي فيك يارشا..
كيف مثلت دور البريئة المسكينة..
رحمت رعبها مني وماقدرت افسرهـ الا لانها وفية لسعود..


خرج وتركها طايحة على الأرض محطمة من تصرفه معها..

كانت تصرخ تنادي عليه..
بس صوتها ماطلع من داخلها..ظلت صرخاتها مكتومة بجوات صدرها..
ضمت نفسها وهي تبكي بصوت عالي..
دخلت الخدامة وهي شايلة غازي الصغير..
اللي نزل من يدين الخادمة وراح يركض لها ..
ضمته بقووووة وهي تتنفس ريحته..
رشا بحزن\رجـــع من يظلم أمك يا يومـــه..
رجع من يقهرها فيك يارووووحي...

:::::::::::::::::::::::::::::::::::::::::::::::


كان جالس في مكتبه ومركز بالأوراق اللي قدامه..
وهي جالسة معه بنفس المكان..
ماسكة المفكرة الالكترونية الخاصة فيه..
وتقراء اشياء تعرفها واشياء ماتعرفها..
واذا توهقت بشيء تقفل الجهاز وتشغله من جديد..
ماتبي تساله او تطلب منه يعلمها على شيء..
ومع انها تدري ان حركتها هذي ممكن تعدم المفكرة..
بس حطت نفسها بالمرتبة الاولى على غازي وعلى مفكرته..

صوت الجوال خلا اثنينهم يرفعون راسهم ويناظرون في بعض..
شاف الرقم ومارد على الاتصال..
بعد دقايق اتصل نفس الرقم مرة ثانية..
في البداية هديل ما اهتمت للمتصل ومن يكون..
بس سمعته لما كان يتكلم بالعربي..
مابين لها من ردووده من اللي على الخط معه..
وهي طنشت وماسمحت له يدري بفضولها ..
لحتى ناداها..

غازي\رسل..تعالي كلمي..
حست برجفة قوية بقلبها..
وحست ان كيانها ممكن ينهار بلحظة..
معقولة سامحني..وبيعتقني..
أمـــــي..
هذي أكيد أمي..
قامت تركض وتعثرت بطريقها ..
وصلت عندهـ بسرعة وهي طايرة من الفرح..
أخذت الجوال منه بخفة..
هديل بشووق\يومـــــــه ياروووحي..
وحشتيــــــــــــــني..
.....\هلا هديل كيفك يابنتي..؟؟
حست باختناق..
وكانها انضربت على بطنها بقوة..
ماقدرت ترد..لان الصوت مو صوتها..
الوله مو وله أمي..
بنتي..هذي ماهي بكلمة أمي..
هذي ماهي بامي..
هذي أمــــــــــه..
أمــه هـــو..مو امــــــي..
أم غازي\هديل وينك أنتي معي...؟؟

نزلت الجوال..
وعيونها مركزة بعيونه..
نظرات ألم..
تقابلها نظرات خاصة فقط بذاك الجلمود..
ولا تعلم بأنها الوحيدة اللتي تحظى بتلك النظرة منه..

يــــاربي أصبحت حالي كحال اليتامى..
مستحيل عليهم سماع حروف الراحلة..
ومستحيل علي سماع صوت الغالية..

يا آســــــــــــري..
كم من طعنة تخبى لــــــي..؟
وكم من صفعة ستضربـــني..

كم هو قاسٍ ذنبي..
عندمـــــــــا أذنبت بحقك..
نعم اذنبت يا ساجنـــــــــي..
فعاقبني كما تشتـــــهي..
ذنبي لا يــــــغتفر..
قد أكون أحرقتك حيـــــــــــاً..
أو شوهتـــك ب بالإيسيــد عمداً..
نعــــــم ذنبي أنا لا يغتفر..

لكـــــــــــــن أجبني أرجوك...

مـــــــــــاهو ..
مانـــــــوعه..
ما أصلـــــه وعمرهـ..
ذاك الذنب اللذي أنا أقترفته بحقك...ماذا يكون..؟؟

مـــــــــــــــــــــاهو ذنبــــــــــــــــــــي ...؟!


مد يدهـ لها ينتظر منها تحط الجوال..
ناظرت يدهـ ورجعت تناظر عيونه..
وبتحدي وكردت فعل اللي صار..
غمست الجوال بكأس الماء اللي على الطاولة..
وخرجته ورجعت تغمسه..
هديل بصدمة مصطنعة\آآآآآهـ طاح بالمويــــا..
ياحــــــرام مسكين مات غرقان..

وهي واثقة تمام الثقة إنه راح يعاقبها على هالشيء..
بس اللي صار كان بعكس توقعها..
حط يدينه ورى رقبته وتراجع بالكرسي..
وكانه يتابع مشهد مسرحي..

ردت فعله ما أرضتها..
فقررت تثير أعصابه أكثر..

ضربت كاس الماء بأصابعها..
طاح الكاس على المكتب..
والماء غرق الأوراق..
ووصل بعض الماء لجهازه المحمول..
أخذت بعض الاوراق البعيدة عن الماء..
وحطتها على الماء على اساس انها تحاول تجفف المكتب..
هديل\شكل كأس المويا هذا مو راضي عليك..

بقى على نفس جلسته مايتحرك فيه غير عيونه..
اللي تراقبها بنظرات قهرت هديل..
وكانها نظرات معجبة باللي تسويه..


ضربت المفكرة الإلكترونة بالأرض بقوة..
وشهقت بغرور\يـــوهـ طاحت..الله يعوضك عنها..

كانت عيونها تشع تحدي..
وهي تشوفه يوقف ويقرب منها..
تراجعت خطوتين عنه..
وهي مقهورة من خوفها ال لا إرادي..
فصار ابتعادها عنه كل ماشافته شيء ماتقدر تتحكم فيه..
رغم عنها جسمها يتراجع بخووف..
بينما نفسها تحاول تكون اقوى..

غازي يهمس قريب منها بصوت هادى ورايق..
.....\فـــــــــدوة لك...

؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛ ؛؛؛؛؛؛؛؛؛؛؛؛؛؛؛؛؛؛؛


هذا ثالث يوم يمر عليها وهي على حالها..
حابسة نفسها بغرفتها وتبكي..
كل ماتذكرت كلماته لها..صراخه فيها..
تخاف وتضم نفسها اكثر..
ماقالت لأم غازي ان راجح طلقها..
ولا قالت لطالب..
ماتبي تطلع من بيت غازي..
تحس انها بخير وبتظل بخير..
هنا عاشت مع سعود قبل وفاته..
وهنا تبي ولدها يتربى في بيت أبوهـ..
مع عمه وأمه وهله..
والغيــــر مالها غاية فيه ...


ناظرت بغازي النايم بحضنها..
مسحت على وجهه وهي تبتسم..
رشا ببحة\عادي ولو قال فيني وقال..
المهم انك لي ولدي حبيبي..
اللي ما يبيك ما أبيه..
أصلا انا من زمان أكرهه..
من لما كنت صغيرة واجي عند اخوي غازي..
كان يهاوشني على شعري القصير ويقول خليه يصير طويل..
كان يخليني البس عباية غصب عني..
ولما يدرسني رياضيات كان يضرب أصابعي بالقلم اذا جاوبت غلط..
وهو يوقع على أوراقي ويتابع درجاتي..
مايخليني اطلع مع غازي دائما يقول هو المسئول عني..
أنا ما أحبه..من زمان ما أحبه..
ما أحبــــــــه..
أنا أحبك انت..
أنت حبيبي وقلبي..انت اللي ابيك بدنيتي..
مو مهم اتزوج وأعيش مثل الناس..
ولا يهم يمر عمري وانا بريئة مظلومة..
أنا ربحتك بذنب ماهو بذنبي..
ربحتك لأنك ولدي..انت ولدي..
وراجح ذاك ما ابيه..
مهما ملكني ما ابيه..

الله يسامحك ياسعود على سواتك فيني الله يسامحك..


؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛ ؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛


في الخبــــــــــــــر مول ...

تحس أنها مبسوطة لأنها رجعت للحضارة...
كانت تحس بكبت وضيق في البيت لوحدها..
وهي ماتعرف احد في الشرقية الا طالب..
وهو طول اليوم برا البيت..
ولما يرجع على اخر اليوم تحضر العشاء له وبعدها تختفي لغرفتها..
حاول يتكلم معها..
لكن ماكان عنده اي فكرة كيف يبداء بالموضوع..
كيف يحاول يصلح بعض ظنون شوق..

دخلت فنيسيا وبدت تتشرى احسن الجزم ..وأنتوا بكرامة..
فلات..كعب عالي..
أعجبها بوت لحمي وكانت بتاخذهـ..بس لما سمعت راي طالب غيرت رايها بسرعة..
طالب\زين أخذتي بوت..ماهي بعوايدك..
رمت البوت بمكانه عناد..
وأخذت كعب ثاني..
شافت فستان أورانج رايق..
قصير لتحت الركبة..
نسقت معه شنطة وجزمة..
وأنسحبت عند المكياج والعطورات..

طالب\وش هذا كله..لايكون عروس؟؟
شوق\أي عروووس..لاتنسى أني ماجهزت شيء للعرس..
وهذا أحسن لك طبعاً..لان فلوسك بتظل برصيدك..
طالب\لاتستفزيني بمكان عام..لما رجعنا البيت يصير خير..
شوق\لا عام ولا في البيت..
عادي اذا ضايقتك الأغراض هذي..
خلاص ولا يهمك ماابيها..
عن إذنك..

طلعت شوق من المحل من دون ماتأخذ اغراضها..
طالب خرج معصب من تصرفها..
لما يحاول يتكلم معها في البيت ماتعطيه فرصة وتهرب منه..
بس لما يصيروا بمكان عام...
تلسعه بالكلام..
طالب يمسك يدها بقوة\وعزة الله وجلاله لو تسوينها مرة ثانية..
وتعطيني ظهرك لأكون كاسر ظهرك ولا اهتم فاهمة..
شوق\اترك يدي..وجعتني..
طالب يشد عليها اكثر ويسحبها معه للمحل..
شوق\ما ابي شيء..
ولا راح أخذ من فلوسك ولا خيرك أتركني..
طالب يكلم القائمين بالمحل..
يلموا الأغراض وحاسب عليها..

كان بيطلعها من المول لكن كانت خايفة تظل معه بالسيارة لحالهم..
مو خايفة من صراخه أو معاتبته لانها تركته بالمحل..
خايفة لا يستخف فيها وفي كلامها لما قالت عروس..
تخاف يجرحها اكثر وهو مايحس فيها..
سحبت يدهـ ووقفته..
شوق برجاء\طالب ابي اتعشى اول..
طالب يناظرها\مو تونا تعشينا قبل ساعتين بالمطعم..
شوق\أنا دائما أتعشى مرتين..لازم عشى ثاني..
طالب يضحك\ههههههههههههههههه لا والله اللي فلسنا..
طيب يالله نتعشى عشاء ثاني..بس مايبين عليك التخمة..
شوق\بسم الله علي..لا انا صح أتعشى مرتين ..
بس ما اكثر بالأكل..كل شيء اوزن لنفسي منه..
طالب\كم وزنك..؟؟
شوق تشهق\عيب تسال المره عن وزنها..
طالب\هههههههههههه ليه ..
شوق\طيب انت كم راتبك؟؟
طالب\لاتسالين الرجال عن راتبه..
شوق\ههههههههه شفت..
طالب\بس المره ماتحب تقول عمرها على كلام رشا..
شوق\العمر والوزن ادهى من بعض..
طالب\ياساتر عندكم أسرار مدري وش تبي..
تحس الوحدة فيكم أن عمرها مصيبة مالازم احد يدري فيه..
بالعكس الوحدة لما تقول عمرها ان كانت كبيرة..
بيقولون عنها عاقلة ورزينة..يعتمد عليها..
شوق\مخرفة عجوز راحت عليها يالله حسن الخاتمة..
طالب\هههههههههههه ماكنت ادري انك تفكرين كذا..
شوق\بس انا كنت ادري كيف انت تفكر..
طالب\شو..........
شوق تقاطعه\بعكس الرجال..
لما يكون عمره كبير الكل يمدح فيه عاقل..
قد المسئولية..يعرف العلوم والمراجل..
بس اذا كان بعمر البنت اللي بنظركم كبيرة قلتوا بزر..
ماعليه عمدة ولا ينعطى راي..
خلوه يكبر..
طالب\وأنا من أي فئة..؟؟
شوق\من فئة غازي أخوي..
طالب\ونعم الفال..
شوق بحسرة\إيـــــه على قولك..
طالب\وش اللي كدرك..؟؟
شوق تشرب ماء وماردت عليه..
طالب\سالتك وش اللي كدرك..؟؟
شوق\أتخيـ....ل لو أنت مثل غازي..
تعاملني مثل ماغازي يعامل هــــ....

ستظلين جرحاً غائراً في روحي..
فرغم جهلك عن طالبي..
فانا اعلم بان لك مكانً عظيماً في قلبه..

طالب\تقصدين أضربك؟؟
شوق بكذب\لا مو هذا قصدي..
طالب\بس انا ضربتك لاتنسين..
شوق\اشوفك مفتخر باللي سويته..
طالب\أذكرك..إني أشبه غازي..
شوق\بس غازي قاسي..
وانا مانسيت عشان تذكرني..
طالب\غازي قاسي؟؟؟
شوق\ليه بتنكر قسوته على رسل..
طالب\وأنتــــ ................
كان راح يقول وأنتي كنتي قاسية عليها..
لكن تدارك نفسه وبتر كلامه..
شوق تبتسم\وانا كنت قاسية عليها ايه صح..
ابي ارجع البيت..ممكن..

طلعوا من المطعم وحركوا على بيتهم..
كان راح يتكلم في السيارة لكن شهقة شوق منعته من الكلام..
فأجل الكلام لحتى يوصلوا البيت..

دخلت شوق البيت قبله..
وهو كان ينزل اغراض من السيارة..
طلعت غرفتها بسرعة وقفلت الباب عليها..
ماتبي تتكلم معه..
ماتبي تنجرح أكثر..


:::::::::::::::::::::::::::::::::::::::::::

كانت واقفة على بلكونتها..
وفي بالها تمر تفاصيل هالغربة القاتلة..
دائما تنسى انها في بيت مو بيتها..
تنسى الاشخاص اللي معها..
تتخيل احبابها معها هنا..
لان تخيلها لهم بهالمكان..
صار اسهل من انها تتخيلهم في بيت هلها..

تذبحها الذكرى..
اليوم كملت سنة وهي بغربة عن أهلها..
بمثل هاليوم أخذها وغربها..
قهرها ..
يتـــــــمها..

لما سحبوها الحريم غصب عنها..
وابوها راح من دون مايودعها ويطمنها..
وذاك الجلمـــــود..
أول موقف معه..
نظراته عصبيته..
حبسه لي..
ولما حاول يخنقني بالسيارة..
ولما ركبني الطيارة بالغصب..

غربــــــــــــــــــني ..


تناظر على مدى المزرعة..
الثلج مع القمر يسبب هذيان للخواطر..

وبالقرب من بلكونتها..
كان واقف مثل وقفتها..
يميز وقفته عنها..القوة..والثقة..
بينما هي واقفة بتعب وبحنين..

هي تناظر للبعيد..
وهو يناظر للقريب..

ضامة نفسها بوشاح ابيض..
وهو مكتفي بكنزته السوداء..

يتسال اذا كانت تدري وش يكون اليوم..
وسهرها هذي الليلة هل هو لانها تعرف التاريخ..
وتتذكر تفاصيل هاليوم..

مشى بهدوء باتجاها..
مايبيها تحس فيه..
لانه واثق انها ما انتبهت لوجوده على نفس البلكونة الكبيرة..
وواثق انها ماتدري ان هو واياه مشتركين بنفس البلكونة..

حست بـأحد يوقف وراها..
من دون ماتلتفت عرفت من يكون..
مافيه غيره يقدر يدخل غرفتها..
ومافيه غيره يتعدى الحدود معها..

غازي بغموض \سنــــــــــــة ..
هديل بحسرة\سنــــــــين..

غازي\أروع سنة مرت علي بعمري..
هديل\أقسى سنــــة..
غازي\متى تتقبليـن الواقع..؟؟
هديل بغصة\بكــرهـ يجون..
غازي\باقي عنــدك أمل..؟؟
هديل\بكـــــره يجون..


الين اليــوم ... و أنا عندي أمل فيهم
و لا مر يوم ... الا في تحـــــــــــريهم
و لو طال انتظاري ... سنين و سنين
اكيــــــد في يوم القاهيم



غازي بهمس\نســــــــوك ...
هديل\مـــــا نسيت..

قرب منها أكث وهي ألتفت باتجاهه..
مسحت دموعها ومدت يدها بوجهه..

هديل بشهقات\وعدتني تحترم حدودي..
وعدتني ماتضايقني..
خلك بعيد عني خلك بعيد..

غازي يمد يدهـ لها
يحاول يفهمها وش تكون بالنسبة له..
غازي بولهـ \تعالي..
هديل بضيق\ما أبيــــــــك ..
غازي\أنتي تدرين وش صرتي تعنين لــــي..
هديل تبكي\ما أبيـــــــــــك..
غازي\وأنا أبيـــــ......

حطت يدها على فمه بسرعة..
منعته من الكلام..
ماتبي تسمعه ماتبي تعرف..
هي مو جاهلة بنظراته..
مو جاهلة بتصرفاته..
محاولاته يبقى قريب منها..
وهذا أكثر شيء مخوفها ومرعبها..
ماتبي تعرف..
تبيه يظل يضربها أهون من رقته وحنانه..
أهون يطعنها بالخناجر ولا يحاول ياخذ أكثر من اللي خذاه منها..

باس يدها وضمها على صدرهـ..
غازي\صرتي هنـــــــــــــــــا...

سحبت نفسها منه وضربته على صدرهـ..
ضربته بقهر وضيق وزعل..
بخوف ورعب..

كانت تهمس بصوت مخنوق وهي تبعده عنها..
...\ما أبيـــــــــــــــك ...

 

[طــُـهــر ♥!]

البارت التاسع والثلاثون...



في الفجر كنت أتمشى في الحديقة الحسناء..
اجمع الورود..
عندما سمعت فجأة غناء البلبل..
وا أسفاه ! لقد أحب وردة .. مثلي..
وهو يتعذب بحبه .. مثلي..
ويمضي يرسل في الآفاق ..
تشييح ألمه..
مضيت أتنقل بين الأزاهير ..
بخطوة حزينة بطيئة..
أفكر في القصة الفاجعة.. الحب .. والوردة .. والبلبل..
كم كانت تلك الوردة جميلة !
أحبها البلبل بعمق..
لك يكن بوسعة البقاء بدونها..
ولكنه لم يحظ منها بكلمة حنان واحدة..

المرحوم باذن الله تعالى..غازي القصيبي ..


حطت يدها على فمه بسرعة..
منعته من الكلام..
ماتبي تسمعه ماتبي تعرف..
هي مو جاهلة بنظراته..
مو جاهلة بتصرفاته..
محاولاته يبقى قريب منها..
وهذا أكثر شيء مخوفها ومرعبها..
ماتبي تعرف..
تبيه يظل يضربها أهون من رقته وحنانه..
أهون يطعنها بالخناجر ولا يحاول ياخذ أكثر من اللي خذاه منها..

باس يدها وضمها على صدرهـ..
غازي\صرتي هنـــــــــــــــــا...

سحبت نفسها منه وضربته على صدرهـ..
ضربته بقهر وضيق وزعل..
بخوف ورعب..

كانت تهمس بصوت مخنوق وهي تبعده عنها..
...\ما أبيـــــــــــــــك ...

غازي\مرت سنة لازم تنسين....
هديل تبكي\اتركني ياكريـــهـ ..وعدتني والله وعدتني...
غازي يمسك وجها بين يدينه\وعدتك بس أنتي تجبريني أنكث وعدي..
هديل\والله ماسويت شي والله...اتركني.
غازي بهمس\وهو بقى شيء ماسويتيه...؟؟
عضت على خده بقوووة وغرزت أظافرها برقبته...
تركها وركضت على البلكونة هاربة منه..
دخلت غرفته وقفلت باب البلكونة الزجاجي...
توجهت لباب الغرفة الرئيسي وقفلت الباب..
طفت كل الانوار وطاحت على ركبها تصرخ بخوووف..
ضمت نفسها وهي ترجف بقوووة..
هديل بنحيب وصوت عالي\الله ياخذك ويريحني منك..
الله ياخذك وياخذني..ضاقت الدنيا بوجودك ضاقت علي..
ما ابيييييييييييييييييييييييييييك تسمعني ما ابييييك ياكلب ياحيوان..
ابقى بعيد عني رجعني لأمــــــــــي أريد امي...
يوممممه آآآآهـ يومه وينك تعالي..الله ينتقم منك..
الله يجازيك بقهري...
مسحت فمها وخدهابشدة وهي تردد..
هديل بقرف\مقرررف مقررررف ..
أكرهك الله ياخذك..

وقفت بسرعة دخلت دورة المياهـ..
أجبرت نفسها تستفرغ...
غسلت وجها ورقبتها وفركتها بالشامبو وصابون اليد والمطهر...

طلعت وانسدحت على السرير وهي تبكي..
تناجي نفسها او طيف يتهيىء لها...
اهربي..اهربي يامجنونة قبل يسوي لك شيء..
هذا مجنون مايخاف الله..حقييير..
اهربي منه قبل تندمين..

هديل بهمس\طيب يوبه انا أوريك..
سنة ومالقيتني..
ولا كنت تبي تتخلص مني..
وش وسيت عشان تنساني وتنسى وعدك..
وعدتني مايهنى فيني الحقير..
طيب وين وعدك...؟؟
يمكن ماعرفت وين الاهبل هذا موديني..
أو تعبان ومو قادر الحين تسافر..
بس لا تتأخر أكثر..
ترى ماعدت اقدر أصبر..
اذا ماجيت هربت منه..
والله اهرب منه ولا اذبحه..
ما ابيه يلمسني..
يوببببببببه تعال تكفى تكفى...

رفعت راسها وناظرت على اللي مضايقها..
كان شيء غريب ماعرفت وش يكون في الظلام..
شغلت الأبجورة وشهقت بصدمة مخنوقة لما شافت اللي على الوسادة..
هديل بصوت مبحوح\شــ ... ـــعري ...
كانت جديلتها ..شعرها..
كائبتها وحزنها ..
خوفها ورغبة هربها..
رمت الجديلة على الأرض بعيد عنها...
دامه يحبها ما ابيها...

ياربي ألهمني القوة والصبر يارب...


؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛ ؛؛؛؛؛؛؛؛؛؛؛؛؛؛؛؛؛


انسدح على سريرها ويده على خدهـ..
يتضايق لما يخوفها ويرعبها بهالشكل..
بس وجودها صار يجبرهـ ينسى كل شيء..
ينسى وعده لها..
ينسى خوفها وبرائتها..
مايشوف غير أنثى تسلقت أسورا قلبه..
تملكت مالم يمتلكه قبلها انسان...
شعور غريب يداعب قلبه..
لما يفكر هي نايمة بغرفته وهو نايم بغرفتها..
ناظر بجهة باب غرفتها وابتسم لما شاف كرسي ورى الباب..
إلى هالدرجة تخاف...
حط يده تحت راسه..
حس بوجود شيء تحت الوسادة..
رفعها وشال المفكرة اللي كانت تكتب فيها...

فتحها بلهفة لقرائت مافيها...

عندما أعود من غربتي..
سأبصق الماضي خلفي..

لن أسجن نفسي بذاكرتي..
ولن أذكرك بمنامي..

ستبقى سراباً لا يصلني..
ومهاجراً تبغضك بلادي..

يا آسري:
سجنك لا يحويني..
حقدك لايكويني..
كرهك لي يحييني..
انتقامك مني يسليني..

يا آسري:
سأرحل عنك يوماً...
إما هديلاً أو جثتاً ..
فإلى ذاك اليوم وداعاً..


بصفحة أخرى...

أيها الجنون لاتسكن عقلي..
فلتبق لي بعض الفنون..

كوابيسي لا تحكي وجعي..
بل تشوقني للقلب الحنون..

وبأخرى...

اين عكازك أبي..؟؟
لم اسمع صوته منذ زمن..
لايضرب الأرض كالماضي..
لايطرق باب غرفتي..
أرهف سمعي..
لكن السمع يخذلني...
أرهق عيني..
والنظر اصبح يبكيني..

عكازك أبي..
يتردد صداهـ بذاكرتي..
تتخثر بقدومه جروحي..

هــــل فقدت عكازك يا أبــــــــي ؟؟!
أم نسيـــــــــــــتني ..؟؟


وأخرى...

سنيني الماضية..
طفولتي الدفينة..
دراستي نجاحي وطموحي..
لا تنتظريــــــني..
فأنا راحــــلة إلى الغياب...

أخذ القلم وسطر حروفه القاسية الحنونة..

أسيرتي الغالية..

ان خسرتك وين ابلقى لك شبيهه

وانت من كل شي نادر تحتوي

انت حتى الجرج منك اشتهيه

من غلاك اضم عذابك وارتوي

ليه اسولف لك من غير ليه؟؟

تعرف انك تطوي احزاني طوي

انت حبك شي مااقدر عليه

انت حبك ضيف والقلب بدوي


؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛ ؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛


هادي بترقب\وش رايك..؟؟
غادة\موافقة..
هادي مصدوم\موافقة؟؟
غادة\ايه موافقة..مابعد الملكة الا الزواج..
هادي\اذا تبين تاخرين الزواج الشور لك..هذا اللي قاله علي..
غادة بخبث\وليه ناخر..مافيه سبب باقي اسبوعين واخلص الدورة اللي اخذها..
وبعدها خلاص ارجع السعودية..
هادي\يعني يوافقون الزواج بعد شهر...؟؟
غادة\ايه ماعندي مشكلة..
هادي يضحك\ههههههههههه طيب استحي وانتي تقولينها شوي..
غادة تبتسم\ماخليتوا فيها حيا..نسيت اني دخلت اهاوش في المجلس..؟؟
هادي\هههههههههههههههه لامانسيت..بس مااحد يلومك..
اتصل هادي على ابوه وقاله ان غادة موافقة على موعد الزواج..
وانصدموا نفس ردت فعل هادي..وعلي يحاول فيها تاجل الموضوع..
دخلت غرفتها واختلت بنفسها..
خلوني اخلص من هذا الموضوع واكمل حياتي..
ولو انه بعد أيام مايهمني...
المهم أنفذ اللي في بالي..
والله ياراكان لا أخليك تندم..وأطعنك بنفس السكين..
وبعدها أطويك مثل صفحة انتهى زمنها...
اتصلت بشهد وقالت لها عن موعد زواجها..
شهد\مبروووك الف مبروك..عقبال الطلاق ههههههههههه
غادة\الله يبارك فيك في الثانية اما الاولة ماهي بشارة..
شهد\وش ناوية تسوين..؟؟
غادة\خليها في وقتها..
شهد\مو محتاجة مساعدة..اكشن أي شيء انا معك..
غادة\فديتك شهودتي..أكيد راح احتاجك وانتي وضميرك..
شهد\في السالفة ضمير...اممممممممم نايم الضمير منذو مبطي هههههههههههههه
غادة\وهذا اللي أبيه..وويلك ياشهد اذا ماسويتي اللي راح اقوله لك..
شهد\افا قولي وانا بنت ابوي اكرفس رويكن مثل ماسويت بسعيدان..
غادة\شهد أحذرك...اللي راح اسويه ماراح يرضيك..
شهد\ماهو جرحك؟؟طعنك بأنوثتك وبرائتك؟؟ماهو كان نذل وحقير ويستاهل اللي بيصير فيه؟؟
غادة بحقد\ايــــــــــــــه يستاااهل الف مرة...
شهد\أجل معك يا قلبي وعليهم عليهم ...
غادة\هههههههههههههههههههه عليهم....

قفلت من شهد وأتصلت ببنات خالتها..
وطلبت منهم ياخذون المهر من امها ويجهزونها أحسن واروع جهاز..
من لبس ومكياج جزم ومجوهرات..
فتحت جهازها وتصفحت المواقع تختار فستان زفاف..
لقت الفستان اللي راح يرضي غرورها..
ويبهر عيون الحاضرين..
والأهم يحطم راكان...

أرسلت رسالة وطلبت الفستان واستعجلتهم فيه..

ابتسمت بخبث\ياحليلك يارويكن أجل تبي تعرس..
أبشر ماطلبت غالي..أعرس يا راكان..

؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛ ؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛


كان يمشي في الشارع متوجه للمكتبة العامة..
ويفكر بغادة وتسرعها في موضوع الزواج..
ممكن مثل ماقال محمد غادة تبي تنهي موضوع الزواج وتعيش باستقرار..
لان هذا الموضوع طال ومشاكله كثرت..
فالأفضل يسرعون بالزواج عشان ترتاح من التفكير والمشاكل..

هادي يمشي من دون مايدرك وجود عيون تلاحقه بتصميم..
عيون مصدووومة بشوفته..
ومصممة تعرف هذا الشخص من يكون..
حس بفلاذ يشده من يدينه ويجبره يوقف..
التفت بعصبية على المتهجم عليه بهذا الشكل..
هادي بحدة\ماذا تريد...؟؟
....\من انت؟؟
هادي عرف المتحدث عربي وشك أنه سعودي..
....\من أنت؟؟وش اسمك؟؟
هادي يبعد اليد اللي على ذراعه ويرد بعصبية
هادي\وأنت وش تبي فيني تسال؟؟
ترى التعارف بين الناس ماهو بكذا..الأولة ابداء بالسلام وبعدين صارخ..
.....بحدة\من انت؟؟
هادي\ماهو بشغلك..وش تبي انت؟؟
....\أنــ ــت هادي بن جاسم ...
كان تاكيد وليس سؤال ...
هادي احتار\ايه انا هادي بن جاسم..آآمر..
راجح\سبحان الله صدقت عيني..
هادي\يا ابن الحلال وش سالفتك؟؟ترى ماعرفتك..أنت تعرفني..؟؟
راجح مركز بعيون هادي\سبحان الله..
هادي\سبحان الله والحمدلله..طيب وأخرتها معك...
راجح\أنا مشبه عليك..
هادي\مشبه علي وتعرف اسمي؟؟
راجح\تشبه أخوك كثير..
هادي\علي؟؟
راجح\ايه علي أخوك بينكم شبه كبييير..خصوصا عيونك..
هادي\اول واحد تقول اني اشبه احد من اخواني..
مالي الا شبيه واحد بس والله يرحمه..
راجح فهم قصد هادي\الله يرحمه..ترحم على شبيهك كثير تراه محتاج..
هادي مافهم\الله يرحمه..الا ماقلت من انت؟؟
راجح\انا راجح خوي علي اخوك فمان الله..

يا الله نفس العيون..
سبحان من صورهم...يختلفون كثير..
هي اجمل منه باشواط...واضعف منه..
بس لهم نفس العيون...وحدة ملامح..
ويقول الله يرحمه ..عسى الله يرحمها ويصبرها..
كيف تنسى اخوها وهو منسوخ بعيونها..
لاحول ولاقوة الا بالله..الله يسامحك ياغازي بذنب البنت..

وانت ياراجح يعني مالك ذنب في حال البنت..
ولا بحال رشا..
لا رشا الذنب الاول والتالي عليها وعلى سعود اللي ضفها..
مصدوم فيها وفي برائتها..كيف لفقت وسوت سواتها..
انا رجعتها...بس لازم اربيها..
والولد لازم تعترف من يكون ابوهـ..
بس الولد يشبه لسعود..وسعود مايجيب عيال..
تزوجت سعود وهي حامل...
بس اعرف من يكون ابوهـ وارميها هي وولدها عليه.


؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛ ؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛


جالسة بفستان العروس...شادة على مسكتها بقوة..
خايفة من وضعها الجديد ومن شريك حياتها..
وافقت عليه لانه خطبها..
كانت تظن غازي جاي يخطبها لعمه..بس هو خطبها لاخوهـ..
تسالت وزعلت وقالت كيف اتزوج اخوي..
بس قالوا لها سعود ماهو اخوك من الرضاعة مثل غازي ويجوز يتزوجك..
احتجت عليهم وقالت اسالوا الشيخ..
والشيخ كلما وقال لها سعود ماهو اخوها..
تعذرت اعذار كثير تحاول تبطل موضوع زواجها منه..
بس اعذارها ماكانت الا غضب لخذلان راجح لها..
ماعمره وعدها بالزواج..ولا صرح لها بشيء..
عادي عنده اتزوج ولد أخوهـ..
وانا عادي اتزوج اخو اخوي...

صار لهم اكثر من ساعتين جالسين هي بمكانها..وهو جالس بعيد عنها وسرحان..
استغرب حاله وسكوته..بس ماعندها الجرئة تتكلم..
بعد وقت طويل تكرم عليها بكم كلمة..
سعود\بدلي ملابسك بنسافر بعد صلاة الفجر..
خرج من الجناح..وهي على حالها مصدومة وساكته..
بدلت وهو رجع أخذها وتوجهوا للمطار..
حتى ماقدرت تكلم طالب او ام غازي وشوق توودعهم..
وعلى نفس حالته كان في الطيارة ساكت واللي جنبه كانها ماتعني له شيء..
وصلوا مطار الكويت...
اول اسبوع قضوه بفندق..او بالاصح قضته هي بفندق..
بينما هو كان يمر عليها نص ساعة ويغيب باقي اليوم..
ثارت عليه بقهر وطالبته يرجعها السعودية..
طلعها من الفندق لفلة صغيرة خاصة فيه..
وقال لها بكل جمود\هذا البيت ملك لك وتحت امرك..
حوالينك جيران من اطيب الناس..تعرفي عليهم وكوني لك صداقات جديدة بمجتمع جديد..
رشا بنفور\مو بحاجة لصداقات جديدة ولا اصحاب..ابي ارجع السعودية..
سعود\بنرجع السعودية بس ماهو الحين..اصبري لحتى تنتهي مشاكل شغلي هنا..
رشا\وانا مالي دخل بمشاكل شغلك...
أنا ماني هامش ياسعود من ليلة زواجنا وانت مهمشني..
عرفت وايقنت انك ماتبيني وكثر الله خيرك..رجعني لهلي...
سعود\رشا ادري اني جرحتك كثير..
بس ابيك تفهمين وضعي..
رشا\اي وضع..مافيه شيء يسمح لك تعاملني هذي المعاملة..انا ما استاهل منك كل هالاسى ياسعود..
سعود\رشا صاحبي خوي دنياي يموت..
مصاب بالمرض الشين وانا اقضي طول وقتي معه..
هو يحتضر يارشا يودع...قلبي مخنوق عليه ومقبوض على حاله..
احاول افرح فيك واهنيك..بس تفكيري فيه يعذبني..
رشا بحزن\الله يشفيه ويقومه بالسلامة...
سعود\اصبري علي يا الغالية وربك يصلح الامور...

لم يكن السبب مقنع ابداً بنظر رشا..
لكن لما حطت نفسها بمكان سعود وتخيلت اخوها طالب او غازي مصابين بهالمرض..
عذرته وتاكدت انها مستحيل تفرح واحبابها يودعون الدنيا...

مرت عليها شهور...وبيوم من الأيام دخل سعود الفلة متلطم بشماغه..
وبيدينه طفل ماتجاوز عمره الأيام...
كانت جالسة بغرفتها وتبكي من وحدتها الغريبة..
لما دخل عليها وانصدمت بحاله وباللي بين يدينه..
جلس على ركبه عندها وحط الطفل على أرجولها..
وبشكل آلي مدت يدينها وثبتت الطفل بحضنها..
سعود بصوت مكسور\هذا ولدي من المرحومة..ولدت من يومين وماتت..
وهي صاحبي اللي قضيت معه طول الفترة اللي فاتت..

تجاهل شهقات رشا وارتجافها..
تجاهل انه يطعنها والطفل بحضنها..
سعود\هذا الولد صار لك حلالك..ان رضيتي كوني أمه كوني هله قبيلته وربعه..
وان مابغيتيه والله مايلقى من يراعيه..ولا من يحضنه ويحبه ويعترف فيه..

رشا بدموع\تبي تتخلى عن ولدك؟؟
سعود\هو ولدي ويحمل اسمي ودمي...بس قلبي مايبيه..قلبي يبي أمه..

كان المفروض تنطعن وتصرخ وتبكي وتهينه..
أو ترمي الطفل بحضنه وتقول ما ابيه..
دامك تبي امه خذه معاك وروحوا لها..
انا ماني مسئولة عن ولد ماهو ولدي..
ولاني مجبورة اعيش مع انسان كذاب وحقير يهيني ويغربني بكيفه..

وبدل ماتسوي كل هذا..
ضمت الطفل بقوووة وشمت ريحته وشم ريحتها..
ومن يومها صار ولد قلبها وروحها..

سجله سعود باسمها وصار الولد رسمياً ولدها...
وعلاقتها بسعود كانت ماتعتبر علاقة..
وهذا الشيء ماكان يضايقها مثل أول..

لأنها بغازي الصغير نست سعود وراجح ونست رشا وحقوقها..
نست انه ممكن يجي يوم وتنهان لانها ضمت ولد مو ولدها..
جهلت ان الزمن يحفر لها طول السنين ومادفنها الا راجح..

باست غازي وضمته بقوة لحتى بكاء من الزعل..
رشا بحب\يخسووون كلهم ...ما ازعل على خسيس منهم..
خلهم يولون المهم انت لي صح قلبوو..
غازي بعصبية\اقعي كبة >>اقلعي كلبة
رشا تمسح دموعها\هههههههههههههههههه فديت المنطوق...


؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛ ؛؛؛؛؛؛؛؛

صحت من نومها مرعوبة مثل أغلب لياليها...
ناظرت حوالينها بفزع...
وكان كل شيء طبيعي ومافيه أثر لغازي...
من بعد هذك الليلة ماتكلمت معه ولا سمحت له يشوفها...
ان كان موجود في المزرعة تحبس نفسها بغرفتها وتقفل بلكونتها..
واجهته صبيحة هذاك اليوم بكل قسوة..
طردته من غرفتها ..
وهددته إن حاول يعيد اللي سواهـ ..
راح تجن ولايلومها على اللي ممكن تسويه..
تركها من دون مايتكلم معها..
وحست انها قدرت تخوفه على حالها..
ومستحيل يحدها على شيء هو متوقع منها تسويه اذا صار وهاجمها مثل اخر ليلة..
بس هذا مامنعها من التفكير بالهرب..
أحكمت خطتها وتاكدت من قدرتها على تنفيذ كل خطوة من مخططها..
بس الحين لازم تسترضيه وتبين له انها ممكن بيوم ترضى بواقعها معه..
قامت من فراشها ووقفت عند زجاج البلكونة..
حيرانة لانها تعرف مدى شفافيتها..
وهو دائما يكشفها ويعرف ضعفها وقوتها..
قررت تفتح باب بلكونتها وتكون هذي الخطوة الأولى لبداية مخططها..

طلعت ع البلكونة والثلج غطى الأرضية الحجرية للبلكونة..
مشت بهدوء ووقفت على حاجز البلكونة..
عيونها ماناظرت للقريب..
كانت كعادتها تناظر للبعيد..
وهالمرة ناظرت في الأفق..
توها الشمس ما أشرقت..
لازالت تحارب حدود الظلام..
ومثل كل يوم وكل مرة راح تنتصر الشمس رغماً عن الليل والظلام العاتم...
نزلت نظرها لداخل حدود المزرعة..
وحست برجفة بعظامها لما شافت الجلمود واقف بالحديقة عند الورد ويناظرها..

ركزت عيونها بعيونه مع صعوبة الروية بهالوقت..
بس عيونها تعلقت بعيونه...
تذكرت قصص الأميرات بالقصص المصورة..
الأمير يكون بأسفل البرج..
والأميرة محبوسة بأعلى البرج..
لكن حالها يختلف عنهم..
هي مسجونة واللي ساجنها الجلموود...
أنتبهت عليه يتحرك ألتهى عنها للحظات..
ورجع يناظرها...رفع يده لفوووق..
ورمى عليها بوردة لونها بلون البنفسج...
مسكت الوردة بشكل آلي وناظرت فيه...
أشر على قلبه ثم أشر عليها..
مسكت ع الوردة بقوة واستغربت ان الشوك ماانغرز بيدها..
ولما دققت النظر فيها كانت الوردة خالية من الشوك..
لأنه شال الشوك قبل لا يرمي الوردة...
وبقلب حزين مصمم على الرحيل..
رفعت الوردة لخدها ومسحت عليه..
لاحظت استغرابه أو الأصح صدمته...
زادت عليه بابتسامتها الباهتة المحرومة...
وأشرت براسها إنها راح تنزل لـ الحديقة ...


بدلت ملابسها وهي تقنع نفسها إنها مو حقيرة..
ماتبي تلعب بمشاعره وتكذب عليه..
بس هو الجارح وهو الجاني وهو الظالم..
وهو اللي حدها على هالأفكار المجنونة..
بتلعب بالنار وتدري النار بتحرقها...

هو يبيها ويبي يفرح فيها..
بس قبل هو جرحها وعذبها..
كيف يبي يفرح وانا حزينة..

تدري..
ان الجرح للمجروح دين ..
وانت جارحني وحقك اجرحك..
وين تبعد وانت في نفسك سجين..
وين تنسى وانت ناسيني معك..
كيف تفرح وانت تاركني حزين..
جرحك مثل ظلك يتبعك..


مشت بتردد مع انها كانت تتمنى لو تمشي بثقة ومن غير خوف..
هي الى الان مانست انها ماوفى بوعده لها وممكن يتمادى معها..
لاحظت ابتسامته وفرحته بنزولها له..
خافت يكون حاس باللي يدور في بالها..
حطت يدينها بجيب جاكيتها عشان مايفكر يمسكها..
ماقدرت تكمل طريقها..
أنا جبانة ما اقدر..
والله ما اقدر..وش اللي كنت افكر فيه..
رجعت خطوة على ورى وهي تشوفه يتوجه لها..
ولما حس بترددها وانها غيرت رايها وقف بمكانه مايبي يخوفها وتهرب..
ظلت عيونها متعلقة بعيونه..
ولما تمالكت اعصابها قررت تكمل اللي هي بداته وماتخرب على نفسها..
قربت منه وظلت ساكته لحتى هو بادر بالكلام..

غازي\صباح البسمة الحلوة...
حست انها تذوب من الخجل..
هي تستحي منه رغم عصبيته وضربه..
ورغم صراخها وهواشها..
لازالت تستحي منه وتخجل بتواجده..
هديل بهدوء\صباح الخير..
غازي\كيـــفك؟؟
هديل\الحمدلله..
غازي\تحبين نتمشى ولا ندخل..
هديل خافت\لا ابى اشوف عسولة زمان ماشفتها..
غازي\طيب نروح نشوفها يالله..هذي عسولة مو اي احد..
هديل\لايكون مو عاجبك اسمها؟؟
غازي\هههههههههههه تبين الصدق عاجبني وبنفس الوقت محيرني..
هديل\ليه محيرك؟؟
غازي\مدري كيف جاء في بالك الاسم..
هديل تبتسم\هذا الاسم خاص جداً..
غازي بنظرة\خاص الى اي درجة؟؟
هديل لازم احسسه باني بديت اتقبل لازم..
هديل\هذا الاسم كنت انادي فيه انسانة في زمان فات مـــ....ــــالــــه ررجـــ..وع..
صدت عنه وكملت طريقها للاسطبلات وهو مشى جنبها..
ماتبيه يشوف وجها ويدرك كيف عذبتها الكلمة..

دخلوا الاسطبلات وتوجهت لحضيرة عسولة..
بس تراجعت بسرعة لما أنضرب باب الحضيرة بقوة..
لصقت في غازي وهو سحبها وبعدها عن الحضيرة..
هديل بعصبية\هذا الاسود من اللي دخله حضيرة عسولة؟؟
غازي يبتسم على كلمتها\أنا قلت لهم يحطونه هنا لان هذي الحضيرة كبيرة..
هديل\وعسولة وينها؟؟
غازي\هذي هي هنا قريبة منك..
هديل\علم حمارك قصدي حصانك حركات المراهقين ما احبها..
لا يفتن علي ويشوت الباب يعننه قوي..وجع..
غازي\هههههههههههههههه خوفك..
هديل\بس ابي اعرف وش اللي خلاك تشتري حمار اسود وعصبي..
غازي\هذا حصان اصيل وانا لي خيول هنا وفي السعودية..
تدخل سباقات عالمية..وهذا اللي ماهو بعاجبك ابي اروضه وبيدخل في السباق العام الجاي..
هديل\وانا بعد ابي عسولة تشارك في السباقات..الاسود ماهو احسن منها..
غازي\لاحظي انك تسبين حصاني..
هديل\تدري انه يشبهك..
غازي\مثل ماعسولة تشبهك..وترى حصاني معجب بعسولتك..
هديل\ماعندي بنات ل الزواج علم حمارك ..
غازي\هههههههههههههههههههههههههه

تركته وهي تبتسم على صوت ضحكته..
تفاجئت بوجود فكتور بحضيرة عسولة وانه كان يراقبهم..
خرجت من الحضيرة بسرعة ورجعت عند غازي..
استغرب تصرفها ولما شاف فكتور خارج من الحضيرة عرف ليش هي خايفة ومرتبكة..
طلع فكتور من الاسطبلات ولما كانت بترجع لحضيرة عسولة مسكها غازي من يدها ولفها له..

غازي بهدوء\هو سؤال واريد جوابه..ليه ماتقولين ان فكتور هو اللي أذاك طول هذا الوقت..
ليه تخبين علي..خايفة منه..أو خايفة مني..ليه ساكته وماكشفتيه لي..
هو اللي ضرك هذاك اليوم في مزرعة النخيل..
وهو اللي اذاك بهذيك الليلة وكان سبب انك تطيحين من على الفرس..
ليه تتسترين عليه ليـــه..
هديل بخوف\اترك يدي..وبعدين لاتظلم الرجال..هو ماسوى لي شيء..
غازي بصرخة\كذااابة ليه تبين تحمينه قولي..
هديل بعناد\ما ابي احمي احد يا متخلف اتركنيييييييييي المفروض اعرف انك ماراح تتغير وراح تظل توجعني وتضربني..
غازي يهزها\لا تغيرين الموضوع..أنتي تدرين كيف أنا احاول اغير نفسيتك واخليك تقبلين الحياة هنا..
بس الحين جاوبيني لاني عجزت اعرف الاجابة..
ليه ما اشتكيتي على فكتور وعلمتيني انه ياذيك..ليـــــــــــــــــه..؟؟!
هديل تبكي\لأنه الوحيــــــد..
غازي\كيف الوحيد؟؟
هديل\ لأنــ ..ـه الوحيد اللــي يكرهك بهذا المكان..
وهو الوحيــ...يد اللي كان ممكن يساعدني..هو عدوك وأنت عدوي..
ماكنت ابيه يروح او ينطرد لانه الوحيد اللي يكرهك..
غازي بهمس\تدرين وش اللي أنقذك من العقاب..؟؟
هديل بسخرية\وعدك الكذاب..
غازي يهز راسه ويبتسم\لا كلمتك لما قلتي إن فكتور هو الوحيد اللي يكرهني بهذا المكان..
كلمتك هذي تمحى كل غلطاتك..
هديل دفته عنها\أنت اللي تجبرني أكرهك..أنت السبب ماهو أنا..
حاول يمسكها بس هي هربت ورجعت القصر..


؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛ ؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛


كسرت بخاطري
يومي أجيك بلهفتي محتاج..
عن العالم تمنيتك بأحزاني
معي توقف!!
تحريتك و ناديتك و حس القلب
بالإحراج..
رجعت و خاطري مكسور وحزني
فوق مايوصف!!
خلاص أقول من قلبي" أنا آســــــف "
على الإزعاج
حرام القلب كذا يحزن وحرام أمثالكم يعرف ..!!

طالب بعصبية\شوق أنا قلت نتفاهم مانصارخ وتبكين..
شوق بقهر\وأنا ما ابكي..بس ما ابي اتفاهم..
مو مقتنعة بالنقاش معك موغصب اتكلم معك مو غصب..
طالب\أبي افهم وش اللي مخوفك اذا جلستي وتفاهمت معك..يرضيك حالنا كذا..؟؟
شوق حطت يدينها على اذونها\جيتك وانا خايفة ومجروحة..
جيتك ابيك تساعدني وتحسسني اني راح اكون بخير..
بس أنت كسرتني أهنتني ضيقت الدنيا فيني..
ما ابي كلام ولا اسمع كذب منك..
حقيقتك أعرفها اعرفها ..ماتبيني ماتبيني..
طالب\لا تتقولي على لساني..
قولي ما ابيك بس لا تقولين عني..
اهدي ليه ترجفين كذا..؟؟
شوق\خلاص ماعدت اتحمل ولا انت تتحمل..أدري وش راح تقول والله ادري..
بس انت مرتبك ومو عارف تقولها..
خلاص انا اقولها عنك واريحك تبي تطلقني طلقني ماعاد يهم..
بارجع بيت ابوي..ولا اهتم فيك ولا في غازي ولا في الدنيا كلها..
عطيتك أكثر من اللي اقدر عليه..واصلتك بس انت كنت تقطعني..
كنت تكسرني وتبهذلني..تحملتك وقلت هذي اطباعه..
بس لهذاك اليوم وبس...
الى انك تعشق وتحب ويطلع عندك قلب وانا ما ادري عنه خلاص هنا نوقف..
أنت حبيت بغض النظر من تكون حبيت اللي ماهي بحلالك..بينما حلالك واللي كانت تتمنى رضاك..
كنت راكزها بأخر رف..مالها وجود حتى منظر لا ماتبي منظر ..
لاتقول نتفاهم أنت اناني ماتبيني..
بلحظة كانت شوق بحضن طالب وقبلها بقوة يمنعها ماتكمل كلامها..
ضربته حاولت تبعده عنها بس ماقدرت..
بعد لحظات..
شوق تبكي\حقييييير أكرهك يا حقييير..
لا تعاملني بهذا الاسلوب اللي مايليق الا فيك..
ما ابيك وما ابي قربك..خلاص اعلنتها لكأنا ماعدت ابيييك ماعدت ابيييك..
وغصب عنك تطلقني وترجعني لهلي غصب عنننننك..
طالب\ماراح أطلقك ياشوق...واللي تقدرين تسوينه سويه..
ومن هالبيت ماراح تطلعين....
شوق بتحدي\غصب عنك تطلق...
طالب \بالله وريني كيف غصب عني وش راح تسوين؟؟
شوق\لاتنسى انا من بنته واخوي من يكون..وعمي راجح ..
طالب بحدة\طيب يابنت ابوك واخت اخوك..حقوقي الزوجية أبيها بالكامل..
قدامك اسبوعين بس...لحتى تجهزين نفسك لهذي الفكرة...وأشوف وش تقدرين تسوين..


؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛ ؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛


دخلت المطبخ وهي مرتبكة ووجها شاحب من الخوف..
حطت ورقة صغيرة على الطاولة وتكلمت مع ماريا..
هديل\ماريا أنا بحاجة الى هذه الأغراض...لاتنسي احضارها..
ماريا بلطف\لن أفعل عزيزتي...سأحضرها بكل تاكيد..
والآن ساذهب لأغير ملابسي اعذريني..
راقبتها هديل وهي تدخل غرفتها..
خرجت من المطبخ بسرعة ودخلت السيارة اللي بتروح فيها ماريا مع احد العمال..
تخبت في المرتبة الثالثة وتغطت بوشاح أسود اخذته معها..
تاكدت من بوك غازي بجيبها ...
حست بدخول ماريا السيارة وبعدها العامل..
تجمدت من الخوف وظلت تقراء المعوذات وكل اللي حافظته من القران الكريم..
هي قفلت غرفتها وقفلت البلكونة من برا..
دخلت غرفة غازي وهو يتحمم كانت بتطلع بس شافت البوك وأدركت انها راح تحتاج فلوس..
أخذته وطلعت من غرفته بسرعة..
شافت أسوار المزرعة وهي بعيدة عنها..ماتدري ليش أنقبض قلبها فجئة..
الأكيد ماهو شوق للمزرعة...يمكن خوف من اللي برا المزرعة...
ظلت نازلة ولامة نفسها بقوة..
تمللت متى يوصلون وتقدر تخرج وتهرب...
سمعت جوال ماريا وهي ترد وتتكلم بلهجتها السريعة الغير مفهومة لهديل...
قفلت جوالها وبلحظات كانت السيارة توقف بقوة تتفادى التصادم بسيارة ثانية..
شهقت هديل من الرعب وحطت يدها على فمها...
حمدت ربي لما رجع السائق وحرك السيارة وكملوا طريقهم...
غمضت عيونها وهي مبسوطة بخيالها...
هربت منه...ماراح يكتشف غيابي عنه الا بعد يومين او ثلاثة..
عودته احبس نفسي بالايام..عشان مايحس على غيابي..
ولو كانت هديل تعرفه حق المعرفة كان المفروض تعرف انه مستحيل يمر يوم مايشوفها فيه...
تتخيل لما ترجع لبتيتهم..
كيف راح تحضن أمها بقوووة..تقبل يدينها جبينها قلبها وعيونها...
أبوها مع انها ماخذة بخاطرها عليه بس بتسامحه لانها خلاص رجعت..
اخوانها وغادة...كيف بيكون لقاهم ...يمكن زعلانين علي..
معهم حق وش هالغيبة كلها..بس اراضيهم المهم ارجع لهم..
عسولتي الغالية يافديت عصاتها وريحتها وحناها...
هادي الوحيد اللي مو قادرة تتخيل لقاهم كيف بيكون...
وقفت السيارة وهي لسى غارقة باحلامها...
سمعت ماريا تتكلم من بين أحلامها بس ماقدرت تفسر كلامها..
ماريا\أنا آسفة ياصغيرتي لكن هو سيدي سامحيني...
ماخطر في بالها ان ماريا توجه الكلام لها..
لان ماريا ماتدري بوجودها...
أنفتح الباب بقوة وشهقت لما شافت وجهه قدامها...
غازي بغضب\رايحة مشوار من دوني ...؟؟
لم يعطيها عدة ثوان حتى تستوعب انها رجعت الى المزرعة..
في لحظات غير مرئية كانت هديل بين يدينه شالها ودخلها القصر..
كانت مثل المصعوق بالكهرب..مو مستوعبة..
كيف رجعت المزرعة..؟؟ليه رجعت..؟؟
وين الأحلام اللي كانت تعيشها؟؟
باي حق يحرقها بهالشكل..
ليه رجعوها لييييه..؟؟
هديل برعب\نزلني ... ما ابيك تلمسني نزلني..
ضربته بقوة على رقبته وصدره حاولت ترمي نفسها على الدرج..
بس هو كان موثقها بقوووة لصدره..
بدت تبكي وتصرخ من الخوف مرعووووبة لحد كبير مرعوووبة..
هديل\نزلني نزلنييييييييييي ما ابيك ابي ارجع بيتنا ما ابي اظل معك يا حقييير ..
أكرهك ما اطيقك ابي ارجع بيتنا اتركني...
دخلها غرفته وهي تضربه وتصرخ..
نزلها على الأرض وقرب منها..
هديل تبكي بخوف\حلفت والله انت حلفت ماتضربني..
وعدتني حلفت ماتضربني لا تضربني لا لا لا يوماااااهـ..
لا تضربني لا تضربني..انت وعدتني ماتضربني مرة ثانية..وعتني بعد السوط ماتضربني..
قرب منها ولمها بين يدينه\الضرب ماعاد ينفع معاك...
انا لازم أحرق كل الجسور اللي تربطك بالماضي..
لازم تدرين انك صرتي تنتمين لي...
دفتها عنها بخوف ورعب\ابعد انت وش تقول؟؟وش تبي مني اتركني..
ابعد عنيييي ابعـــــــد...
غازي\لازم تنسين الماضي..انتي مو راضية تفهمين...
حل عقلها المعادلة اللي تحاول تنفيها ..
أول مارماها على فراشه..
هديل بنحيب\لا لا تكفى اضربني اضربني شوهني احرقني..
اذبحني اقتلني بس لا لاتسوي فيني كذا لاااااااااااااااااااا
تكفى اضربنييييييييي شوهني تكفى لا لااااااااااااااا
غازي بهمس\عذبتيني...
هديل برجاء وبصوت مبحوح\سامحنييييييييي غــ...غغـازي
غــــــازي لا لا لا اتركنيييييييييييييييييييييييييي
لاااااااااااااااااااااااااااااااااااااااااااااا

 

[طــُـهــر ♥!]

البارت الأربــــعون ...

المكـــــــــــــــــــــان""

لست أدري ما الذي جاء بك إلى هذا المكان حيث تقطف الورود وتمضغ،
وتدوس الأصابع الغجرية على براءة الفل، وتسحق الأقدام الثقيلة ذكريات الربيع..
ولكنني أعرف أنك الآن وردة مقطوفة .
زهرة فلٍ فقدت براءتها..ذكرى ربيع سحقته الأقدام الثقيلة .
ألمح في عينيك قرونا من الحزن الأسود العميق تشبه الكحل الأسود العميق الذي يحاصر عينيك ليخفي شماتة الغضون.
وألمح في شفتيكِ لوعة لا تستطيع أن تعبر عن نفسها لأنها نسيت منذ سنين كيف بدأت.
وعلى يديك آثار من الأظفار التي تتغذى بقطرات الدم الصغيرة.
ومع ذلك فأنت تنظرين إليّ وكأنني أحمل معي بشرى الخلاص.
لا! أيتها الفلة التي فقدت براءتها.
إن بضاعتي كلمات اجترها و تجترني حتى شاحنت من التكرار وأصيبت بالحزن.
وكيف لكلمات كهذه أن تبشر بالخلاص ؟
أما أنتِ فقد أصبحت دون أن تدركي أسيرة هذا المكان وجاريته و قهرمانته.
أدمنتِ الأيدي التي تقطف . والأصابع التي تدوس. والأقدام التي تسحق.
أدمنتِ حتى لم يعد بإمكانك أن تتعاملي مع إنسان لا يقطف ولا يدوس ولا يسحق.

ستنتقلين من قبضته إلى قبضة الكهولة الجليدية بلا كلمة وداع.

فما الذي جاء بك إلى هذا المكان؟!.

المرحوم بإذن الله تعالى..غازي القصيبي..



دخلها غرفته وهي تضربه وتصرخ..
نزلها على الأرض وقرب منها..
هديل تبكي بخوف\حلفت والله انت حلفت ماتضربني..
وعدتني حلفت ماتضربني لا تضربني لا لا لا يوماااااهـ..
لا تضربني لا تضربني..انت وعدتني ماتضربني مرة ثانية..وعتني بعد السوط ماتضربني..
قرب منها ولمها بين يدينه\الضرب ماعاد ينفع معاك...
انا لازم أحرق كل الجسور اللي تربطك بالماضي..
لازم تدرين انك صرتي تنتمين لي...
دفتها عنها بخوف ورعب\ابعد انت وش تقول؟؟وش تبي مني اتركني..
ابعد عنيييي ابعـــــــد...
غازي\لازم تنسين الماضي..انتي مو راضية تفهمين...
حل عقلها المعادلة اللي تحاول تنفيها ..
أول مارماها على فراشه..
هديل بنحيب\لا لا تكفى اضربني اضربني شوهني احرقني..
اذبحني اقتلني بس لا لاتسوي فيني كذا لاااااااااااااااااااا
تكفى اضربنييييييييي شوهني تكفى لا لااااااااااااااا
غازي بهمس\عذبتيني...
هديل برجاء وبصوت مبحوح\سامحنييييييييي غــ...غغـازي
غــــــازي لا لا لا اتركنيييييييييييييييييييييييييي
لاااااااااااااااااااااااااااااااااااااااااااااا
غازي بهمس\ليــه قلتي اسمي..
مازودتيني الا عذاب..
هديل تبكي بألم\أنا رر...رسســ..ل
أنا رسسسسسسسل..خلاص انا مو هديل سامحني..
انا رسل انت امي انت ابوي انت كل شيء..
سامحني غازي سامحني انا صرت رسل خلااااااص انا رســـــــــــــــــــــل..

كتم باقي كلامها وماسمح لها تتكلم اكثر..
كانت تحاول تجمع شيء من قوتها تبعده او تمنعه عنها...
وتحاول تغطي شيء من اللي كشفه ..
لكن قوته كـــــــــانت اكبر....


؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛ ؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛

كانت جالسة مع أم غازي..سرحانة بآخر رسالة وصلت لجوالها..
وخايفة كيف توصل الخبر لطالب او غازي..
المهم واحد منهم يوقف بوجه راجح..
مايهمها لو يقول لهم اللي هو اكتشفه..
ماراح يعرف احد ان الولد ماهو ولدها..
فتحت جوالها وقرت الرسالة مرة ثانية..
من ""جـــارح""
رجعـــــــــــــــــتك.
أول ماشافت الرسالة ماتدري وش الاحساس اللي تملكها..
بس الاكيد مو ضعف ومو توسل..
أنا ماغلطت وهو ماله حق عندي..
ردت عليه برسالة مثل رسالته كلمة وحدة بس..
طلقــــــــــــــــــني.

لو انها تعرف كيف ثار وعصب..
وتمنى لو كان مو في المطار..
كان رجع لها وسحبها من شعرها..
تفكيره كان خارج عن سيطرته..
كان راح ينتقم من برائتها الكذابة..
من احتقارها لهم ..ونسب ولد مو ولدهم لهم..

لكن شغله كان اهم من الرجوع لضربها او تاديبها..
وهو واثق لما يرجع راح تكون موجودة..
وبياخذها غصب عنها..

أم غازي\رشا متى يرجع راجح..؟؟
رشا\مدري باقي مطول...
أم غازي\ليش مارحتوا معه يومه..؟؟تنبسطون وهو مايضيق بسفرته..
رشا بدفاع\لا يكون مليتي منا يومه..
ام غازي\يمكن امل منك بس غزوي مستحيل أمل منه فديته..
وش رايك تسافرين لزوجك وتتركين غازي عندي..
وقفت بسرعة واخذت غازي من يدين ام غازي..
رشا وهي تضم ولدها\اذا ضاق بيتك فيني عادي باروح بيت اخوي طالب ماهو عاجزن عني..
بس ولدي ولد قلبي مابيظل الا في حضني..
أم غازي تمسك يدين رشا\بسم الله عليك وش فيك ترجفين..؟؟
وبعدين وش هذا الكلام؟؟تبين ازعل منك ناسية اني بمقام امك..
رشا تبكي\ولدي يومه لا تاخذونه..
ام غازي تضمها\يابنتي من سنين ترددين هذا الكلام..
وقلنا لك ما احد بياخذ ولدك منك...ما احد يقدر..ليه ماتفهمين..


؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛ ؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛


وقف يناظرها غايبة عن الوعي...
جلس قريب منها وحضنها..
يعرف إنه دمرها وقضى عليها..
وصار الوقت لحتى تعرف كل شيء...
لازم تعرف إنها حلاله واللي صار ماهو حرام مثل ماتظن..
وهو يدري ان معرفتها لهالشيء مستحيل تخفف من ضرر اللي صار..
يتذكر همسها وهي تبكي وتتألم..
هديل تبكي\مـ.... مابقى ششيء..أخــ...ذت كــ ـل شيء
مابقيت شي...ضــ...ـاع
ناداها يبيها تصحى..بس ماسمعته او مو قادرة تصحى..
غطاها ودخل دورة المياه يتحمم ويصلي الفجر...
لما خرج ماكانت موجودة بغرفته...
بدل ملابسه وخرج يدور عليها..
غرفتها مقفولة وهو نسى ان الغرفة مقفول من زمان وماتقدر تدخلها..
رجع يصلي الفجر وبعدها يروح لها ويفهمها كل شيء..

؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛ ؛؛؛؛؛؛


لامة نفسها بملابسه قميصه وبنطلونه وجالسة على درج القصر الخارجية...
مو حاسة بالبرد..مو حاسة بالألم..
ومو حاسة إنها من دون حجاب او دفاء..
تناظر بالفراغ وباقرب نقطة منها..تناظر بيدينها اللي بحضنها..
بأظافرها المجروحة...
مابقى شيء في البعيد عشان تناظر فيه..
رغم بياض الارض حواليها بالثلج..
بس حقيقتها كانت سوداء..
رفعت راسها لما حست فيه واقف قدامها...
تعلقت عيونها بعيونه..
نظرات مكسووورة ماهي نفس نظراتها الاولى..
وجه ذابل مقهور..
كان بيتكلم...بس لسانه معقود..
من فترة شاف اخوها بلندن..
وكان الشبه بينهم غير معقوول..
بس اللي قدامه ماتشبه الأحياء أبداً..
نظراتها ماهي اللي عهدها..
وقفت بتعب ومشت حافية على الأرض...
كان يتمنى لو يشيلها ويدخلها غصب عنها..
بس هو ماله حق يلمسها أبداً..
تسأل بغضب وين اللي له كل الحق..
وينه عنها تاركها بهذا الحال..
معقولة يكون ضربها وأذها مثل أول..
دخل القصر ونادى بكل صوته على غازي..
طلع فوق ووقف بالممرات ونادى غازي بصوت عالي..


غازي بصدمة\راجح..؟؟
راجح\وش مسوي فيها هالمرة...كيق اذيتها..بأيش ضربتها...؟؟
غازي بغضب\انت وش تقول عن من تتكلم؟؟
راجح بعصبية\عن يتيمتك صارت عديمة احساس...
جالسة على الثلج بدون وشاح..بدون جزمة ولا حجاب..
أنت وش مسوي فيها..هي جنت؟؟
غازي أستوعب وفهم إن اللي يتكلم عنها هي هديل..
ركض ع الدرج وخرج من القصر يدور عليها...
غازي يتلفت\وينها وين شفتها؟؟؟
راجح وقف وراهـ\راحت للاسطبلات...
ركض للاسطبلات وهو يسمع صراخ وهواش..
كان راجح يركض معه ومو فاهم وش صاير..
بس الأكيد الموضوع يخص هديل..
أنتبهوا عليها بوسط المضمار...


طاحت كم مرة من صعوبة المشي على ارض باردة..
بس كانت توقف وتكمل طريقها...
وقفت بتعب وتمسكت بخشب المضمار...
تناظره واقف قدامها...
هو ماغيره واقف قدامها...
دخلت من بين الخشبات بسهولة..لصغر جسمها ورشاقتها..
سمعت صراخ وصوت عالي يناديها..
ماردت مشت تناظر قاتلها اللي واقف امامها...
فكتور كان يصرخ فيها وصوته بعيد عنها...
فكتور يركض للمضمار\رسيييييل اخرجي من هناك اخرجي...

قربت اكثر معمية عن كل شيء...
وبكل صدمتها بأبوها..
ونسيان هلها لها..
بظلم شوق..تعنت رشا..
استعطاف راجح..
أذى طالب..
حنية ام غازي..
طعــــــــــــــنة غازي...
موتــــــــــــــها..

صرخت بالآآآآآآآآآآآآآآآآهــ ...

فز بعصبية من سماعه لصراخ حاد قريب منه..
تلفت بزهو أصالته..
حدد موقع الإزعاج والمتحدي له...
رفع حوافرهـ الأمامية وضرب الأرض...
شجعه أكثر إن الضحية طاحت امامه على ركبها..
فصار أسهل التخلص منها..

ركض بكل سرعته للي مدت يدينها له تبي عونه...
رفع أرجوله الأمامية وضربها بكل قوة على مقدمة راسها..
طاحت بين أرجوله..
وهو كمل رفسه لها...

الى ذاك الوحل أنتمي..
جاريـــــة..
هذا هو مكــــــــــاني..


فكتور كان اول الواصلين لها..
سحب الحصان وحاول يبعده عن هديل..
لكن الحصان كان ثائر ورافض الاصغاء لفكتور..
كان يضربه بقوة ويسحبه لبعيد...
وبلمح البصر طاح الحصان على الأرض مقتوول..
من البندقية اللي كانت بيد غازي واخذها من احد العمال...
رمى السلاح على الأرض ..
وجلس على ركبه قريب منها...

رفعها عن الأرض سدحها بحضنه..
مرر يدهـ على وجها كمحاولة لمسح الوحل عنها..
بس الوحل أختلط بدمائها الحارة..
أحتضنها بقوووة وصمت...
قبل جبينها عيونها..
همس بكلمات برجـــاء..
همس لها بالسر اللي أخفاه عنها سنة وشهور..
قال لها حقيقتها ومن تكون..
قال لها اللي ممكن لو عرفتها من زمان تخف جروحها..
ترضي غرورها..تطمن على نفسها وشرفها..
الكلمة اللي بخل عليها فيها..
خلاها تتخبط بين خجلها وخوفها..
وهو يراقبها يتمتع بمعاناتها...

ماكان المفروض يغفل عنها بعد اللي سواهـ..
مايخليها لحالها بعد اجرامه فيها..
كان متوقع تسوي شي بنفسها..
بس ماترمي حالها تحت حصانه الحقير..

سمع طلقة نارية ثانية كانت من راجح على الحصان..
اللي كان يتعذب وباقي مامات..
فقرر يقتله وينهي عذابه..

راجح حاول ياخذها منه بس هو ماتركها...
اخذ الايشارب من يد راجح وحطه على الجرح اللي براسها..
وصلت الاسعاف واخذوها المسعفين من بين يدينه بالغصب عنه..


في الاسعاف يراقبهم ويعرف هم وش يسوون..
يحاولون ينعشونها بالاكسجين..
يوقفون نزيفها.. معادلة الحرارة بجسمها البارد..
يعتصر يدها بيدهـ بشدة..
ناظر بأظافرها الصغيرة..
وتذكر كيف كانت تصرخ فيه وتدافع عن نفسها بغير وعي...

وصلوا المستشفى ونقلوها لغرفة العمليات..
بعد اكتشاف كسر بالجمجمة..

وقف على باب العمليات محتج ورافض يترك المكان..
ويطالب ان له الحق بالتواجد معها داخل جدارن الغرفة..
راجح حاول يعرف ويستفسر منه وش اللي صار لها..
بس ماكان يلقى جواب لسؤاله..

؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛ ؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛

بمطار هيثرو..
كان يودع غادة ويطمنها انه راح يراجع ادراة الكلة وياخذ تقريرهم عن شهادتها..
كانت تتمنى لو الطائرة تاخذها لغير السعودية...
لو تضيع بأحد الجزر وماترجع..
استغفرت وهي تلوم نفسها ليه مكتئبة علشانه..
هو مايستاهل..مايسوى..
زواجنا بعد اسبوعين...
لكن مالها اي رغبة بالرجوع ..

واثقة بنفسها وباللي راح تسويه..
شهد وعدتها تكون معها..وتكتم كل شيء...
هي تثق بشهد ثقة كبيييرة..
وتثق بقدرتها على تنفيذ المؤامرة اللي متفقين عليها...

بس لازم تضمن تعاون راكان معها عشان تقدر تنجح باللي في بالها..
وعلى هالحال..لابد تقلل من تجاهلها له..
هو الحين زوجها رسميا وشرعياً..
فماراح تكون تتعدى الحدود لو ردت على رسايله..
لازم يعرف انها الى الحين زعلانة عليه..
وهو لازم يراضيها وياخذ اللي بخاطرها..

قرئت رسالته

ياللي مفارق يشهد الله فقدناك
تعال باسم الحب جرحي خطيري
أنا غريق بالهوى هات يمناك
في زحمة أمواجك تعذر مسيري
مشتاق بالحيل يا كود فرقاك
عن ذكريات الحب وين العشيري
أرفق بقلب تالي الليل ناداك
وقتي حدني في هواك استخيري


كانت تتمنى من كل قلبها لو ترسل هالرد عليه وتريح قلبها شوي..

لازم تذوق الذل وتعيش مكسور,,
هذا وعد مني مادمت انا حي
ولو بعت لي عمرك ماقلت مشكور،،،
لانك بعيني كلك ولا شي!!

لكن حكمت عقلها وهي لازم تنفذ خطتها صح..
كتبت الرد بحركة سريعة أرسلت الرد على اسم ""................""
مجرد نقط هذا كان اسمه عندها..

يا قوّها صدمه..وانا لون الغدر ماهوب لوني
مصدوم خِـلقه..لين مات الحب فيني وانعطبت
الله يجازيهم على استنزافيَ..وحرقة جفوني
ما كنت حاسب يبيعون الغلا..يومي حسبت

وصلها الرد قبل تقفل جهازها..


تفداك نفـــس ..شالها الشوق جدواك
ويــفداك قلــب ..مالقــى مثلك أبد
و تفداك عين.. ما تبي غير شوفك
و يفداك عمر .. ما فدى قبلك أحد

لك حق تزعليـــن ومن روحي أرضيك...


أبتسمت بفخر وثقة على انها قادرة تحقق اللي في بالها ..
قفلت الجهاز وماردت عليه ..

حطت السماعات بأذونها وألتهت بصوت السديس في قرأت سورة النور..

ولا كانت تدري إن زوجها معها على نفس الطيارة..
وهو نفسه اللي كان يراقبها في الكلية...
وإبتسامتها الأخيرة بنت صرووح من الأمل في قلبه..
وصار واثق بقدرته على دفن الماضي..
ومواصلة حياته مع اللي تمناها...
رغــــــــــــــم وجود شك ذليل مقهور في قلبه لسرعة مسامحتها له..


؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛ ؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛

طلعت الدرج وبيدها كوب كاكاو بارد..
طفت الأنورا اللي تحت كلها..
طالب من بعد العشاء طلع ينام..
الكلام بينهم من بعد آخر مرة..كان عند الضرورة بس..
او سلام ورد ل السلام..
كل واحد مقتنع بانه هو اللي صح..
أرسلت رسالة من جوالها قبل فترة على جوال غازي..
تطلب منه ينسى زعله عليها شوي..
ولاينسى انها اخته وهي بحاجته وحاجة تواجده معها..
اعترفت بغلطها وترجته يسامحها..
بينت له مدى شوقها له..
ووعدته اللي يامر فيه يصير..
وحتى لو طلب منها تعتذر لهديل..
لان هذا الشيء يدور في بالها وهي مترددة خايفة من ردت فعل هديل او غازي..
بينما طالب ماكان له اي مكان في حسابها وتفكيرها...

فتحت باب غرفتها بس مافتح الباب معها..
استغربت هي ماتقفلها الا لما تكون زعلانة او هاربة ماتتكلم مع طالب..
بس من اللي بيقفلها غيرها..
الجواب واضح امامها..
مافيه غيرهـ..بس باي حق يقفل غرفتها..
الى متى يتصرف تصرفات يحاول يقهرها فيها..
جلست بالصالة الفوقية..
مافي بالها ابداً تدخل غرفته او تطلب مفتاحها..
واضحة ياغبية كل تصرفاته واضحة..
مايبيك في بيته..
إستعجلي وانقلعي لبيت ابوك..
يسوي اي شيء عشان يقهرك ويزعلك...
والحين قفل الغرفة..
فهمت قصده لما قال هو بحاجة مكتب بس مافيه غرف تكفي..
ولاني مافهمت التلميح قفل الغرفة عشان يفهمني..

وغازي التافه مايرد علي..
المفروض يفهم من رسالتي اني بحاجته..
ويجي ياخذني ويرجعني بيت ابوي..
مايخليني لهذا الكرييه..

وصحى في بالها اللي يصحى بكل مرة..
وهديل من كان يدافع عنها عند أخوك..
من كانت تراسل او من كانت تنتخي..
ماكان لها احد..
وأنتي عاجبك اللي كان يصير فيها..

همست وهي تبكي\لا لا والله ماكنت راضية باللي يصير فيها والله العظيم..
كنت ازعل عليها كثير..كنت ادعي لها..
وبعد ماقدرت انسى اخوي مو قادرة انسى سعود والله مو قادرة..

من المــــــــاضي""

بعد صلاة الفجر..
كانت سهرانة على فلم أجنبي..
دخل وتوه راجع من المسجد بعد صلاة الفجر..
سعود\السلام عليكم..
شوق\وعليكم السلام تقبل الله..
سعود\منا ومنكم..الا اشوفك بمكانك رحت ورجعت وانتي مسنترة قدام التلفزيون..
ماصليتي..؟؟
شوق\استغفر الله والله العظيم صليت ورجعت اكمل الفلم والله العظيم..
سعود\ههههههههههههه طيب خلاص صدقتك ياساتر..
شوق\أشوف قشك عند الباب وين رايح؟؟
سعود\ماهو بشغلك..استعجلي رشا وانا اكمل الفلم لحتى ترجعين..
شوق بلقافة\ليه وين بتروحون علمني..يمكن اروح معكم..
سعود\لاني ما ابيك تروحين معنا ماراح اعلمك..
شوق\يعني تبون تسافرون؟؟
سعود\بنروح العمرة..تكفين لا ترزين وجهك معنا ..
عيب استحي رجال وزوجته يبون يعتمرون لا تلصقين..
شوق\ ما ابى اروح معكم..بارووح مع امي وغازي..
خل الاجر يكون لغازي ماهو بلك...
رشا وهي شايلة غازي\أي أجر..؟؟؟
سعود يغمز لرشا\قلت ما ابيها تجي معنا العمرة..
وتقول الاجر بيكون لغازي ماهو لي..
رشا بهدوء\يستاهل أبو ذياب الأجر كله..
سعود يقرب منها\عطيني غازي ويالله مشينا..
رشا ضمت غازي اكثر\لا....أمــــه أولى فيه..
شوق\رشوو لاتنسين تراه ابوهـ..
رشا بعصبية\وأنا أمــــــــــه..
شوق باستغراب\طيب وانتي امه..
بس ولامرة شفت سعود ماسك غزوي..كله معك..
رشا\مع السلامة أنا في السيارة..

بأي حق يشيله أو يلمسه..
ماله حق أبداً..هذا الولد لي...
هو رماني شهور..وبعدها رمى الولد علي..
كثر الله خيرهـ..مانبي منه شيء..
ناظرت بغازي الصغير بحضنها وسرحت فيه..
بتظل شمعة حياتي...
أنا ماغلطت يوم قبلت بكلامه...
هو اللي غلط عليك وعلي..
ماحنا مجبورين نتحمل خطاهـ..
أنت سكنت روحي قبل لا يحطك بحضني..
شميتك وضميتك وصرت بقلبي العروق..
مستحيل اخليه يفكر انك له...
او يتراجع عن قراره وياخذك مني..
أنا مو لعبة بيدينه مو دومية يتلاعب فيني..
أنــــــــــــت لي وأنا لـــك ومانبي من الدنيا شيء...


حست بيد تهزها بهدوء وصوت طالب يصحيها..
طالب\شوق..شوق استهدي بالله..
ليه كل هالبكاء..عشان قفلت الغرفة..
خلاص ولا يهمك الحين افتحها..

شوق تناظر فيه وتبكي بحسرة..
مو قادرة ترد عليه...
طالب\يابنت الحلال هدي حالك..والله ما اجبرك على شيء..
أنا آسف على كلامي وعصبيتي عليك..
بس مالقيت حل للوضع اللي احنا فيه..
كل ماحاولت نتفاهم نزيد بالمشكلة..

شوق\تعـ...ببت..ابي ارجع لامي..
طالب يتنهد\مايصير الا اللي يرضيك..
بس أنتي سمي بالله وقومي نامي..
شوق\أحس معك بالاهانة..
طالب بصدمة\إهانة..؟؟
شوق\ايه اهانة واحتقار..
مو قادرة اتنفس او انسى اي شيء..
انا ماعدت انا ..وانت بعدك انت..
انت ماتغيرت..بس عرفتك اكثر من قبل..
طالب أنا ممـ.... ماأبيــــ....ـــك..

؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛ ؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛



أعلن الكابتن طيار..هبوط اضطراري في مطار اسطنبول الدولي..
بسبب الأحوال الجوية السيئة..
خافت غادة وماكانت حاسبة حساب هالشيء..
هادي راقبها وكان معها ع الجوال لحتى جلست بمقعدها..
ومتفقة مع محمد يكون بانتظارها عند بوابة الاستقبال في الرياض...
نزلت الطيارة ع المدرج بصعوبة..
وكان فريق الدفاع المدني بانتظار الركاب وقت نزولهم من الطائرة..
رافقوهم الى قاعة خاصة في المطار..
اجتمعوا الركاب مع طاقم الطيران..
وصلهم الخبر من ادارة الأرصاد الجوية بتركيا عن صعوبة مواصلة الرحلة..
أعتذر الكابتن بالنيابة عنه وعن الخطوط البريطانية..لان الرحلة كانت دولية..
عمموا على كل الركاب يتوجهون لفندق المطار ويقضون ليلتهم هناك..
لحتى يوصلهم الأذن بالإقلاع..
كانت واقفة مفجوعة ماهي مصدقة الخرابيط اللي يقولونها..
كانت حريصة تكون بجنب الخليجين اللي انتبهت على تواجدهم..
ع الأقل احد يفهمها وش صاير...
فتحت عيونها على وسعها من الخوف لما حست بيد تلتف على كتوفها..
فزت بسرعة وبعدت اليد عنها وهي تصرخ..
كل اللي بالقاعة التفتوا عليها...
.....\سلامات اختي وش فيك؟؟
غادة ماردت لانها مركزة عيونها بخوف على اللي واقف قدامها..
كيف وصل لهنا...هل هذا راكان أو تتخيل..
وش يسوي بتركيا...
بس الموجودين بالقاعة هم اللي كانوا على متن الطائرة..
يعني راكان من ركاب الطائرة ..مثلها بالضبط..
راكان بهدوء\تعالي نطلع من هنا..
مشت معه من غير وعي..
لأن أفكارها خذتها لبعيـــد..
راكان كان بلندن...وهذا شيء صار واضح جداً..
بس وش كان يسوي بلندن..؟؟!
معقولةرجع يشك فيني ويراقبني...
ليـــــــه هو أصلاً توقف عن الشك عشان يرجع يشك...
لمعت عيونها من القهر والعصبية...
والله يا راكــــــــان لأذوقك المر والإهانة..
والله لأخليك تموت من الغيــــض ..وماتعرف كيف تخلص نفسك من الهم..
كثر من تصرفاتك...بذمتي لأخليك تندم وتندم...

وصلوا الفندق القريب والخاص بالمطار...
طلب غرفتين وتكون قريبة من بعض..
بس ماكان فيه الا غرفة وحدة بس..
ومن سياسة الفندق بوقت الازدحام محاولة الدمج بين الغرف..
<<خاصية سيئة مرة بالدستور التركي..
حجز الغرفة وأخذ أغراضه وأغراض غادة..
وتوجهوا للأصنصير..
والى الآن ما احد منهم تكلم او قال كلمة وحدة..


حقدها المتعاظم بقلبها منعها من التفكير بالوضع اللي هم فيه..
لما شافته دخل وراها الغرفة وقفل الباب..
ماسيطرت على أعصابها...
غادة بهدو\لو سمحت أطلع برا ودورلك على غرفة ثانية او فندق ثاني...
راكان\باطلع بس لازم أتكلم معك...
غادة\أنا اللي راح أتكلم...
عندي سؤال وابي الاجابة عليه الحين..
راكان\تفضلي...
غادة\ليـــه كنت بلندن..؟؟
راكان\عشانك..
غادة\اطلـــع برا...
راكان\وانا عندي سؤال...
غادة بضيق\مايهمني أعرفه..
راكان بمحبة\يهمني تعرفينه...
كانت تتمنى لو تصرخ فيه تضربه تهينه..
تمسح الابتسامة الكذابة المنافقة اللي على وجهه..
بس لازم تتحكم باعصابها وتنفذ خطتها من الآن..
غادة\قـــول..
راكان\فديت الحنون...
ليـــه سامحتيني..؟؟
غادة أختنقت كانت تبي تصرخ فيه وتقول مستحيل اسامحك..
لكن ردت كما يجب أن ترد..
غادة بهدوء\لأنك تستاهل فرصة ثانية..

شهقت بخوف لما ضمها له بقوة وقبلها على جبينها..
راكان بهمس\على راسي يابنت حسين..

خرج من الغرفة ونبها تقفل الباب وتخلي المفتاح على القفل..
جلست على الكنبة ومسحت دمعة حارة متمردة..
نهرت نفسها بعصبية..
ويلك تبكين...أو تفكرين تضعفين..
بديتي مشوارك ولازم تنهينه..
تذكرت كلام هديل مثل الحلم بأحد جلساتهم الاخوية الصريحة..
لما قالت بقلب مقهور..
إن هادي وسلمان لازم يرجعون ويواجهون نتيجة أفعالهم..
كانت مقهورة على حال ابوها وعمها..
ومن قهرها قالت اللي قالته..
اللي بـداء المــأساة هــو اللي ينهيها...
راكان بداء المأساة بس انا اللي راح انهيها..

؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛ ؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛

مر يومين وهو بنفس مكانه وعلى حاله..
من بعد خروجها من غرفة العمليات وهي بغيبوبة..
الأطباء طمنوه بانها راح تصحى عما قريب..
لان غيوبتها مو طويلة...
تعاني من رضوض بكامل الجسم..
كسر باليد اليمنى..
كسر بالجمجمة تم معاملته اثناء العملية..

ماقدر يشوفها الا من ورى الزجاج..
بس هو ما كان يشوفها..
لانها ماكانت أسيـــرته..
ماكانت الا ضحيـــــته..

أنتبه على النيرس تتكلم معه..
وتفاجاء باللي قالته..
النيرس\سيدي لقد إستيقظت منذ ساعة وهي تطلب رؤيتك...

مو مصدق..
تطلب تشوفه بعد اللي صار..
كان متوقع تطلب الشرطة..
تقول لهم يتصلون بالسفارة..
متوقع منها تستغل الفرصة ..

دخل الغرفة وجات عيونه عليها ...
صغيـــرة مثل ماتعود عليها..
لامة الغطاء على صدرها بقوة..
ويدينها متحجرة بحضنها..
بس فيه شيء مختلف..
ماقدر يحدد الإختلاف وين يكون..

ماهو بالشحووب..ولا بالأمل المفقوود..
لا فيه شيء يخوفه..
عنده احساس غريب ينبض براسه..
اخرج من الغرفة..
اخـــــرج..
لا تقرب منها ..
اخــــــــرج..

لكن من متى كان يشوفها بطريق ومايتبعه..
من متى كان يغير الطريق اللي يوصل لها..

وقف قدامها بنظراته الغامضة..
بكلماته المعدومة..

بس هي ماناظرت فيه وهذا شيء متوقع..
كانت تناظر بيدينها ..
أو بالفراغ...
وهذا الفراغ هو صار عالمها..

مد يدهـ ومسك يدها بلطف..
حس برعشة يدها بيدهـ..
ضغط عليها ..
غازي بحنية\الحمدلله على سلامتك...
مارد عليه غير الصمت...

بعدها ماتكلم ولا تكلمت..
جلس على السرير قريب منها مررة..
مقابل لها يناظرها ويتمنى لو ترفع راسها وتناظره..
طلع ورقة من الظرف اللي معه..
ومدها لها...
بس هي ماتحركت..
ولا مدت يدها ولا سألته وش اللي بالورقة..

غازي بهدوء\خذي الورقة..
أنتي صار لازم تعرفين كل شيء...

رفعت راسها ببطء..
بس ماناظرت فيه..
الى الآن تناظر في الفراغ..

مدت يدها اليسرى بتعب..
ومررتها بالهواء تدور على الورقة المقصودة..

شهق بقوووة وقام واقف من على السرير...
وهي تلفتت براسها بهدوء..
غازي بغير تصديق\خـــــذي الورقة من يدي..
مدت يدها مرة ثانية وحركتها بالهواء..

رمى الأوراق والظرف اللي بيدهــ..
قرب منها مسك وجها بين يدينه ورفعه له..
ركز عيونه بعيونها...
يحاول يثبت كذبها...


يازمن ارجع مكانِي …

بين امسِي والقدرْ …

ارجع وشُوف الامَاني ..

خانها الحظْ ..وغدَر ..

خلنِي احيا ثوانِي ..

قصة الشمعَه وقمَر ..

شمعه ذابَت .. وهي تعانِي..

قسْوة الظلما .. وبشرْ ..

والقمَر رافَق اغانِي ..

تنعزفْ لحظَة .. سحَر ..

"
قصة الشمعه حزينه ..

(تنتنشي - تطفي - وتموت )

نورها .. اصبح سراب .. يتبع الظلما ويزول ..!

وين كانت ..؟

وكيف صارت ..؟؟

وليه ماعدنا نشوف .. للعطا غير الذبول …!؟

"
ليه مانذكر ضياها ..!؟

وكيف دمرها عطاها ..!؟

(شمعه )..

واحرقها سناها ..!!
قطرة ..
قطرة ..
ترسم الموت بجسدها ..!

والدفا ضاع بلحدها ..!!

"


غازي بهمس\شوفيني تكفين...
هديل تبتسم\أشوفك صدقني..
لأول مرة أشوفك...
كنت كل ماغمضت عيني أشوفك..
ألحين حتى وأنا مفتحتها أشوفك..
لا تخاف أشوفك..
غازي ضم راسها له بقووة..

غازي بألم\قولي انك بخير...
تكفيــــــــــــــــــــن..

أول مرة يترجاها...
ياما قالت تكفى...
ياما بكت وترجت..
تذكرت بلحظات ألمها..
كيف كانت تبوس راسه عشان يعتقها..
كيف تعلقت برقبته وترجته يسامحها..
بس كان مايسمعها..
وكل اللي سوته خلاهـ يصمم على إذلالها..

هديل بألم\للأسف جاريتك صارت عمياء...

غازي بصراخ\انتي مو عمياء...
أنتي بخير...بكرة بس تطيبي أطلعك من هنا..
وأخذك احسن مركز علاج بالعالم..
بتقدرين تشوفين أوعدك..

هديل\ما ابي أشوف...
مرتاحة على حالي..
عساني أظل طـــول العمـــــر وأنـــــ...............

منعها ماتتكلم..
حط يده على شفايفها..
وهمس لها\كل شيء بيتصلح والله...

تبكي وبحسرة\وش اللي بيتصلح يامجرم..
أنت وش بقيت فيني..
مابقى شيء..
والله مابقـــى شيء...


ياآسري:
ماذا بقي لأعلق الآمال وأحلم..
أبني السفن وأبحر...؟؟

هل أنا دومــــــــية..
انعقطعت عيناي الاصطناعيتان..
فتأتي بأخرى جديدة..؟؟

أم أكـــــــــون كقطع الغيار...
تستبدل التالف بالصالح...؟؟!

يا آسري:
مرحــــــــــــى لـــ الظلام...


دخل راجح وسحب غازي من هديل..
اللي كان حاضنها وهي تبكي تبيه يتركها..

راجح بصوت خافت\ماهي ناقصة...
غازي\لازم أخذها من هنا...
وين الدكتور..راح أنقلها اليوم من هذا المستشفى..
بأوديها روما..هي لازم تتعالج..
راجح\هذي هي مافيها شيء...
لا تفاول عليها..
لما طلعت من المستشفى خذها وين ماتبي..
بس الحين خلها ترتاح..
غازي\وش مافيها شيء...؟؟
أنت ماتدري وش اللي فيها؟؟
راجح أستغرب كلام غازي..
مو من عادته أبداً المبالغة..
بس البنت قدامه بخير...
ترك غازي وقرب من هديل...
راجح\الحمدلله على سلامتك...طهور ان شاء الله..
ماردت عليه نزلت راسها وتجاهلت وجودهـ..
راجح\وش اللي تحسين فيه ألحين..؟؟؟
هديل بآسى\أحس إني حقيرة..
غازي بصراخ\لا تطلقيني على نفسك هذا اللقب..
هديل\أنا رسل الحقيرة هذي حقيقتي..

قرب منها بسرعة ولما كان بيمسكها...
راجح تدخل وسحبه بينما هو كان ثائر بشكل متوحش..
وخرجه قبل لا يسوي شيء بهديل..

كانوا يسمعون صراخها وهي تبكي..
دخل الدكتور وثبتها..
كانت تصرخ برعب وخوف..
ماتشوف اللي حوالينها..
أيدي كثير تلمسها تثبتها..
هديل بصراخ\بعدوووووا عنيييييييييييييييييييييييييييي...
اتركوووني...ما ابيييكم ما ابييييكم...
لا تلمسوني لاااااا لاتلمسوني أكرهكم اكرهـــــــــــــــــــكم..

ضربها الدكتور بمهدء..وطلب نقلها لغرفة ثانية..
تكون الأنوار فيها قليلة..
لأن قوة الانوار والأشعة اللي تدخل من الشباك تسبب صداع حاد وألم في العين..



؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛ ؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛

جلست قدام مرايتها...
تناظر الانسانة اللي صارتها..
واثقة بنفسها بجمالها..
بقدرتها على هزم خصمها...
بقت ثواني بس وتنزف لراكان...
ناظرت بفستاهنها المشكوك على الصدر...
طرحتها الممتدة وراها بالطوول..
ناظرت بيدها...وهي تتأمل إسوارة هديل الخاصة...
معلقة أحرف من ذهب..
بأحرف هديل...
تمنيتك معي يانور الدنيا..
تمنيتك جنبي يا الغالية...
الله اعلم لو كنتي حية الى اليوم..
كنت ممكن أزفك لراكان...
بس هو مايستاهلك ياغلاي...
ومايستاهل طرف ثوبك..
ولا يستاهل اختك...
من متى كان العفن يطغى على ألماس...
قلبي كرهته يا هديل...كرهت حتى وعودهـ وحبه الكذاب..
ليتك معي الليلة..نضحك عليه ونرجع لبيت شايبنا وننام..
ناظرت بنحرها..
كان عقد من الألماس يلتف على رقبتها بروعة..
هو من إختيار راكان..لما كانوا بتركيا...

فتحت الباب ودخل يستعجلها عشان يطلعون...
غادة بقهر\راكان لو سمحت مابينا شيء رسمي عشان اطلع معك...
راكان\يعني الحفلة والرقص هي الشيء الرسمي.
يالله لازم تجين معي..عندي لك مفاجئة...
غادة\مو ضروري..بعدين...
راكان بخبث\متى بعدين بعد الظهر ولا متى..
غادة\وش معنى بعد الظهر؟؟
راكان\طوول الليل سهران اذا ماطلعتي معي فاسمحي لي انام هنا..
تعبااان ومافيني حيل..
غادة\بس فيك حيل تتمشى ...؟؟
راكان\ايــــه مادام معك فأكيد..
غادة\ما ابى اطلع..ولو سمحت احترمني واطلع...
راكان يفسخ جاكيته ويفسخ جزمته ..
غادة\خلااااص خلاص نطلع قووم نطلع والله..
راكان يكمل فسخ جزماته ..
غادة بعصبية\قلتلك خلااص والله..
راكان يبتسم\طيب وش فيك مستعجلة أبي اوضي ...
حست أنها تتبخر من القهر...
بعدها طلعوا يتمشون وهي تحذر نفسها لا تبين مدى كرهها له ولصحبته..
لاحظت نظراته عليها طول الوقت..
وفسرتها إنها نظرات الشك...
تمنت لو تسوي شيء يثبت شكوكه ويقهرهـ..
بس هي كانت اكبر من التصرفات اللي ممكن تدينها وهي بريئة ...
دخلها محل مجوهرات..
وطلب منها تختار اللي يعجبها ...
في البداية ترددت كثير وماحبت تاخذ منه شيء..
بس لها حق تدلل وهي عروووس..
ضحكت بخاطرها على أفكارها..
وأختارت الطقم اللي أعجبها وناسب ذوقها ..
وطبعا كانت مراعية السعر مرررررة...
المهم يكون غالي ويفلس راكان شوي..

شهد تبتسم\جاهــزة يا عرووووس...
غادة ترد الابتسامة\جاهزة ياقلبي...

أعلنوا عن نزول العروس للقاعة...
وغادة كانت طالبة من عبدالله ولد علي يرزف قدامها وهي تمشي ع المسيرة..
في البداية عصب وقال رجال وش كبري أرزف عند الحريم..ماتستحون..
بس غادة وحنان قدروا يقنعونهـ..
وكان بين لحظة ولحظة يلتفت لها ويقول عاشت الوغدة...

 

[طــُـهــر ♥!]

البارت الواحد والأربعون ...


أتجاهل كل أشيائكـ
وأصد عن كل الدروب
التي قد تأتي بكـ ..
لكي لا تقرا مافي اعيني افرر منكـ لـ أخفي
........ كل ألمي وامنعكـ
من مشاهدت حقيقتي ..
انا أخشى مواجهتكـ
بكل تفاصيلها ، " !
وبرغم من كل شئ ، "
] ..!
لا ننسى أن :
![ لكل زمن حكاية ؟ ]!

المرحوم باذن الله تعالى..غازي القصيبي..


أعلنوا عن نزول العروس للقاعة...
وغادة كانت طالبة من عبدالله ولد علي يرزف قدامها وهي تمشي ع المسيرة..
في البداية عصب وقال رجال وش كبري أرزف عند الحريم..ماتستحون..
بس غادة وحنان قدروا يقنعونهـ..
وكان بين لحظة ولحظة يلتفت لها ويقول عاشت الوغدة...

أبتسمت غادة لعبدالله وتصميمه على الوغدة حتى بليلة زواجها..
جلست على الكرسي وسارة وحنان كانوا وراهـ..
ساعدوها تجلس ورتبوا فستانها..

سلمت عليها امها للمرة الألف وجلست جنبها تصور معها..
وعسولة بالغصب رضت تطلع وتسلم عليها..
الجدة\مبروك يا الغبراء بيت السعادة والهناء ...
غادة تبوس يد جدتها وهي تضحك\الله يبارك فيك يالغالية..
الجدة بهمس في اذن غادة\حلفتك بالله العظيم ان زعلك رويكن ولا رجع بكلامه القديم..
ماتخبين علي تراني حلفتك ياغادة ولا ابريك ليوم الدين..
غادة بقوة\لا تخافين علي يومه..أنتي تعرفيني وراكان حسابه معي عسير..
الجدة تبوسها على راسها\بعدي بنتي..اكسري رقبت القطو من أول ليلة ..
غادة كتمت ضحكتها\يوممه تكفين لا تخليني انبطح واضحك الحين بكل صوتي وانفضح ..
الجدة\ان سمعت ضحكك بالعصا بين جنوبك..

بعد دقايق أعلنوا دخول المعرس ....
دخل راكان بجنبه أبوه وابو علي ..
ومعهم علي ومحمد وهادي...
سلم عليها أبوها وكان كلامه نفس كلام امه..
وعلي كلامه يشبه كلام أبوهـ..
ومحمد وهادي مباركة عميقة من القلب لها ولراكان..
لان محمد وهادي ماعندهم علم باتهامات راكان لغادة من فترة...

قرب راكان منها وباسها على راسها وبارك لها..
راكان\مبروك يا المســـك..
ماردت عليه...

أهداها ابوها وأخوانها كل واحد منهم هديته..
كانت امها واقفة قريب منهم لمت الهدايا وعطتهم لسارة..

سلم عليها عمها وقدم لها هديتها..طقم ذهب أبيض..
ابو راكان\الف مبروك يا بنتي..الله يبني بيتكم ويبارك لكم ..
غادة بهدوء\الله يبارك فيك..

خرج أبوها وعمها وأخوانها..
ساعدتها سارة ونزلت وشاحها الأبيض من على كتوفها..
لأنها تستحي يشوفها ابوها واخونها وفستانها مكشوف من فوق..

جلست وهو جنبها..
أحرجها قدام الحضور وهو مبحلق فيها مانزل عيونه..
كانت بقمة جمالها والفستان مع مكياجها الرايق..
مظهرها بأروع شكل..
خجلت من نظراته وتمنت لو خلت الوشاح عليها ولا يشوفها بهالشكل..

سارة\راكان الناس يناظرونك..
راكان\ماهم يناظروني..يناظرون غادة..
سارة تبتسم\طيب ناظر المصورة..
راكان\وش ابي في الفلبينية..؟؟؟
سارة\تبي تصورك مع العرووس خل عنك الاستهبال..
راكان\مو قلتلك أنتي صوري..ليه تطلبين مصورات؟؟
سارة\مالي دخل زوجتك هي اللي طلبتهم..
راكان بهدو\هذي المرة سماح لأنها ليلة زواجنا بس مرة ثانية اوريكم الشغل ..
المهم الكورية مدري الصينية لا تطلع الا بعد ماتعطيك كل شي..
واذا فتشتيها يكون أحسن..
سارة متفشلة من غادة\طيب من عيوني..خل الهواش عنك..
سهى\سوير انزلي ولا اجلسي بحضن غادة احسن..
راكان\هههههههههه ايه انزلي اقلقتينا..

غادة دارت بعيونها في القاعة تدور على شهد..
لمحتها جالسة جنب أمها وجدتها..
ودعت من قلبها ان ربي ينصفها ومايكسر بخاطرها..
فزت بخوف لما حست بيدهـ تشد على يدها..
ناظرت فيه كان مبتسم لها..
الفرحة باينة في عيونه..
حاولت تصدق فرحته فيها..
بس قلبها مجروح..أنوثتها مجروحة..
عشق طفولتها بصدرها مذبوح..
نزلت عينها عنه بكدر..
وهو لاحظ كدرها..
كان عاذرها ومستحيل يلومها..
اللي سواه فيها مو شوي..
بس هو كان مصمم وناوي يعوضها..
يراضيها..يطيب خاطرها مهما طال الوقت..

خذت لهم المصورة كم صورة..
حاولت غادة تكون الصور عادية وماتعبر عن شيء..
لكن راكان كان له راي ثاني..
ولازم تكون الصور تعبر عن ليلة فرحهم وجمعتهم..
لأنه واخيراً قدر ينال أميرته وأميرة أحلامه..


طلعوا من القاعة وتوجهوا للفندق..

نهرت نفسها بقهر..
انتي متوقعة مثل هاللمسات والحركات..
تحملي وكوني قوية..
ماهو أنتي المقصودة تذكري هالشيء..
فسخت عبايتها ورتبت شكلها وجلست بجمود..
متجاهلة الرجفة الغريبة اللي بقلبها وعظامها..

ركان جلس قريب منها ومسك يدها..
سحبت يدها منه وهو تركها براحتها..
راكان\غادة انا ما ابي افتح مواضيع بهالليلة تضايقك وتزعلك..
وبنفس الوقت ما اقدر اتجاهل انك الى الحين زعلانة والحق معك..
ناظرت فيه تنتظر يكمل كلامه..ومتاملة فيه..
ركز عيونه بعيونها\تطمني وساعديني أنسيك اللي صار ونبداء من جديد..
غادة بضيق\أساعدك..؟؟
راكان\ايه ساعديني انسيك اللي صار..
غادة\الي صار ماهو شوي عشان أنساهـ..
راكان\أدري..
غادة بزعل\وش اللي غير رايك؟؟
وش اللي بدل شكوك؟؟
ليــــ..............
حط اصابعه على فمها يمنعها تكمل..
راكان\هششش هذا الموضوع يضايقك ويضايقني اكثر..
بيجي يوم ونتفاهم...
بس الليلة ما ابيك تتضايقين..

بعدت يده عنها ووقفت..
دخلت الغرفة وقفلت الباب..
حست بدموعها على خدها..
مسحتهم بسرعة بكل قهر..
أخذت جوالها وأرسلت لشهد...
...شهد كوني معي...
وصلها الرد من شهد..
..والله العظيم معك اصبري يا قلبي وتحملي...

بدلت ملابسها تحممت وكانت ناوية تنام لما دخل عندها راكان..
راكان\مافيه نوم قبل العشاء..
غادة ببرود\الحمدلله تعشيت بالقاعة..
راكان\بس أنا ماتعشيت..
غادة\عليك بالعافية تصبح على خير..
حست فيه واقف جنبها..
تجمدت وخافت..
راكان\على الأقل إجلسي معي..
غادة بارتباك\تعــ ـبانة...ابي انام..
راكان\باقي ساعة ع الفجر..بعدها نامي على راحتك..
غادة بعصبية\طيب بس هذي الساعة ما ابى اقضيها معك..
راكان\ادري...بس انتي مجبورة ماقدامك غيري..
غادة\راكان لو سمحت ابي اظل بغرفة لحالي..
يعني ما ابى شريك..
راكان\والى متى قرارك هذا..؟؟
غادة بغصة\لحتى أنسى إهاناتك وأتقبل حياتي معك..
راكان\أنا ماراح أجبرك على شيء..
ولا اطالبك الا بشيء واحد بس..
غادة بخوف\اللي هو؟؟
راكان\الاحترام...
غادة بصدق\ما أوعدك...إنت ما إحترمتني..
راكان\بس بنت حسين معروف عنها السنع..
وأكيد بتحترم زوجها قدام نفسها وقدام الناس..
غادة بحقد\لا تلوي ذراعي بأبوي..
مسك يدها وباس كفها برقة\سلامة قلبك وذراعك...
غادة\تصبح على خير..
سحب يدها وأخذها معه لـ الصالة..
جلسها قريب منه وهي متضايقة..
راكان\مابقى وقت على الصلاة..
صلي وبعدها نوم العوافي...
ولك ماطلبتي..ما أضايقك ولا أجبرك على شيء...

صدت عنه..
وين قسوتك..وين إتهاماتك الشك القاتل وينه..؟؟
لاتعاملني بطيبة وحنان...
جرحك أكبــــــــــر من أعذارك...
ماني قادرة أنسى..
لا تحاول تنسيني...

؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛ ؛؛؛؛؛؛؛؛؛؛؛؛؛؛؛؛؛؛


لازالت تناظر في الفراغ...
الشيء الوحيد اللي تشوفه ولأول مرة بحياتها تقدر وجودهـ..الفراغ..
تحس بثقب كبيـــر بقلبها..
مرارة بمجرى تنفسها..
حتى يدها المكسورة ماتحس بألمها أبداً..
لأن الألم الداخلي أشد وأقوى..
قد يسمى ألم وهمـــــي..
فلا يشعر به الا ذاك المعاني منه..
ولا تظهرهـ الفحوصات..
ولا تهدء سعيرهـ المهدئات...

سمعت النيرس تتكلم معها وتقرب منها طاولة الأكل...
مالها رغبة تتكلم..
تسألها عن حالها...
وش يكون الرد الأنسب لهذا السؤال..
بكل اللغات..الحروف..الكلمات..
لايجيب الا السكوت...
وللمرة الألف ينتصر الصمت على الكلام...

مرت أيام مازارها..
ولا تكلم معها...
هذا الشيء يرضيها ويريحها..

ماتعرف انها بعالم فيه ناس..
الا لما تدخل النيرس..أو يدخل الدكتور..
وباقي الوقت تلتهي بالظلام اللي حواليها..
وترجع لها ذكرى إغتصابه لها..
وسلبه لروحها وكيانها...
تغرق بنوبة بكاء حاد..
يهاجمها الصداع مع ألم العملية براسها..
وبلحظات تكون النيرس عندها وتحقنها بمهدىء..

حست بشيء على شفايفها..
كانت الملعقة..
بعدت وجها ورفضت الأكل...
بس النيرس كانت صابرة عليها مثل كل وجبة..
وظلت جالسة جنبها لحتى رضت تفتح فمها..
بعد الملعقة الثالة..
حست بالغصة تخنقها..
ماقدرت تكمل..
رفعت يدها تشير انها اكتفت وماتبي أكل زيادة...
بس النيرس ماأعجبها ردت فعل هديل..
رفعت الملعقة لفم هديل..
هديل بضيق مسكت يد النيرس ونزلتها..
ظلت ماسكة بيدها تلمست أصابعها وكف يدها..
وتبين لها إن هذي مو يد الممرضة..
مستحيل تكون يد أنثى..
عرفت يد من تكون هاليد...
هذي اليد اللي أنطبعت على خدها بالصفعات..
ونفس اليد اللي شدت شعرها وقطعته..
هذي اليد اللي جلدتها بالسوط...
وهذي اليد اللي وثقتها وقيدت مقاومتها...
قيدتها بأشد لحظاتها لـ الدفاع عن نفسها..

رمت يده من يدها وكأنها جمرة تحرقها...
وأدركت إن هاليد هي اللي كانت تأكلها قبل دقايق ..
ويمكن تكون هي اللي تأكلها وتشربها طول الوقت..

هديل بصراخ\ما أبيـــــــــــــــــــك...
وبلحظة أجبرت نفسها على الإستفراغ..
حاول يمنعها بس كانت اسرع منه..
أستفرغت كل اللي أكلته بسرعة..
تعلن بهالشيء مدى قرفها من الاكل اللي اكلته بيدهـ..
كانت تكح بتعب وهو يحاول يشربها ماء..
ضربت الكاس وانصب الماء على ردائها...

هديل بنحيب\اطلع برا ما ابيك اطلع برااااااا..
ما ابييييييييييييييييك ما ابيييييييك..

مسكت راسها بالم...تحاول تخفف المها..
دخلوا الممرضات وثبتوها..
كانت تصارخ فيهم ..
هي ماتدري من اللي يلمسها..ماتعرفهم ولا تشوفهم..
يمكن ممرضين مو ممرضات..
هديل\ما ابيه طلعووه برا ما ابيه...
اكرهه اكرهكم كلكم ما ابيكم...
لا تلمسوني ابعدوا عني ما ابي تلمسوني اتركوووني..
يومـــــــــــــــــه....

بعدهم عنها وحضنها غصب عنها...
رفضت أحضانه حاولت تضربه بس يدها محبوسة في الجبس..
واليسرى ماتقدر تنفعها وهو مثبتها على صدرهـ..
هديل بتعب\ما ابيـــكم..لا تلمسوني ما ابيكم..
غازي بحنية\راحوا عنك خلاص ما احد بيلمسك..
بس أنتي اهدي راعي الألم اللي براسك..
جسمك مايتحمل المهدئات..
هديل منهارة\ياربيييييييييييييييييييييييييييييييييييي...

ظل حاضنها لحتى هدت..
خرج وسمح للمرضات يبدلون لها ويهتمون فيها..
وصله إتصال سريع..
اتصل براجح وطلب منه يجي المستشفى..
وصاهـ على هديل ونبهه يظل عندها لحتى يرجع..
هو مضطر يروح روما عشان المستشفى اللي راح ينقلها له..
راجح أنحرج منه كيف يرافق عندها او يظل معها..
راجح\غازي خلك مع حرمتك وانا اروح اشوف المستشفى والدكتور..
غازي\أنت ماتعرف حالتها وانا لازم اتكلم معهم عنها..
واشرح لهم ان حالتها النفسية ماراح تساعدهم ابداً..
راجح بعصبية\ابي اعرف أنت وش سويت لها؟؟
وش اللي انت سويته عشان تفكر تنتحر..؟؟
غازي\حطها بعيونك مع السلامة..

سافر غازي الى روما وراجح بين فترة وفترة يدخل عندها..
يتكلم معها بس ماترضى تتكلم معه..
وهو يتركها على راحتها..

؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛ ؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛


كانوا بسيارة أستئجرها طالب من المطار..
نقلتهم من المطار الى بيت أم غازي..
وقف السيارة وألتفت يناظرها..
مسك يدها بحنية وهي ناظرت فيه..
طالب\أدري إني جرحتك كثير وقسيت عليك..
بس ياشوق أنتي لك مكان بقلبي فوق ماتتصورين..
شوق تبتسم\ماله داعي تكذب عشان تراضيني..
طالب أنا ماني زعلانة منك..خلاص هذا نصيبنا..
طالب بحدة\لا تكذبيني...
شوق\آسفة بس هذا الصدق..
أنا من زمان تعودت على فكرة انك ماتبيني..
والحمدلله أدركت إن نهايتنا ماهي نهاية العالم..
طالب\لو لساتنا في بيتنا مارضيتي نتكلم عن الموضوع..
شوق\تدري ليش؟؟
لان هذاك ماهو بيتنا..أنا دخلته كدخيلة غير مرغوب فيها..
فلاتلومني اذا ما اعتبرته بيتي..
طالب يشد على يدها\واذا غيرت نظرتك من دخيلة لحبيبة توافقين ترجعين..؟؟
شوق بقلة حيلة\صدي الحين هو حصاد سنين ياطالب..
سنين وأنت تزرع الجفاء والصد..

كان بيتكلم لكن غير الموضوع لما شاف أم غازي طالعة مع غازي الصغير في الحوش..
ورشا طلعت وراهم والخادمة معها..
طالب بحنية\ما أشتقتي للحنونة؟؟

لفت بنظرها عنه وناظرت باللي يناظرهـا..
شهقت وهي تشوف نبع الحنان تمشي قدامها..
تمشي وتلاعب غازي الصغير من دون ماتنتبه عليها..
نزلت من السيارة بسرعة..
نزلت غطاها وطرحتها..
وقفت بمكانها..
مشتاقة لك يومه تكفين لاترديني تكفين..
مشتاقة لريحتك يومه..
مشتاقة لحضنك لقلبك الطيب..
وقفت مترددة تخاف لا تصد أمها عنها..

غازي الصغير\سوكه..سووكه..
أم غازي\فديت اللي يذكر عمته..
غازي يمد يده على شوق\سوووكه كبه..<<شوقه الكلبة..
أم غازي تناظر للي يأشر عليها غازي..
وقفت وركزت عيونها في بنتها..
أنصدمت من وجودها ..
لو غازي ما ياشر عليها ويصرخ بأسمها كان قالت انها تتخيل..
بس بنتها قدامها صدق..
شهووور مرت عليها..
لاشافتها ولا سمعت صوتها..
كيف يتمت بنتها منها..
وكيف حرمت نفسها من بنتها..
لاحظت ترددها وخوفها..
كانت تدري انها خايفة لا تطردها او ترفض تقابلها..

أم غازي مدت يدهابحنية\شووق يومه..
شوق مثل الطفل ركضت لأمها..
ضمتها وهي تبكي بقوووة..
تعلقت فيها وشمت ريحتها..
ماقدرت تتكلم..
الكلام ماله اي مكان بهالوقت..
أحتضنت أمها أكثر لحتى حست انها ممكن تدخل جوات صدرها..
شوق\والله يومه كنت مثل اليتيمة..
مكسورة بجفاك يومه والله العظيم ..
أم غازي تبكي\وأنا كنت جوف خالي..
مالي قلب ولا روح..

قال أنا كني غريب ضيع دروب المدينة
قلت أنا كني مدينة تنتظر رجعة غريب ...

شوق\سامحيني يومه تكفين سامحيني..
أم غازي\خلاص يا شوق ربي يسامحنا ويغفر لنا..
شوق تبوس يد أمها\ماتدرين كيف عشت غريبة..
يومه مالي غيرك والله مالي غيرك..
أم غازي\بسم الله عليك من الغربة..
أنتي عند طالب وهو حاطك بعيونه..
شوق بهمس\ما ابي غيرك..

رشا\يا الله من حركات النص كم..
خلاص شوفيني مثلك مكسور خاطري..
تعلقت باخوي شوي وبكيت على صدرهـ..
وطبطب علي وخلصنا..
وأنتي مع العجيز ماشبعتوا سلام ودموع تماسيح..

طالب\ههههههههههههههههه تقولين هذي دموع تماسيح..??
شوق بحضن امها\مالكم دخل بنت امها لاتدخلون بينا عواذل..
رشا\طيب استحي على وجهك وسلمي علي..
وابعدي خلي طالب يسلم على ماماتي..
شوق\بعدين اسلم عليك..
باقي مشتاقة لامي..
طالب يسحب شوق من أمها\وخري حركات بزارين..
قفلي عليها بصندوق وقولي مالكم دخل فيها..

سلم على أم غازي على راسها...
وشوق سلمت على رشا وغازي الصغير..
شوق بعصبية\سوكه في عينك قليل سنع..
رشا\ههههههههههههه ترى يعرف يقول شوق بس مدري ليه مصمم على سوكه..
شوق بقهر\إيه أذكر كان يدلعني سوقوو والحين بس شوكه..
طالب\تبين أربيه ذا النتفة..
ألحين أفرم وجهه قدامك ..أنتي بس أمري..
رشا بدفاع\والله ياولد أمي لو فكرت تمد يدك عليه أذبحك..
طالب\عوووذة تحبينه أكثر مني..
رشا تضم ولدها\أكثر من روحي محدن يسوا ذا الشيخ..
شوق\مالت شوفي انفه فطساء..
رشا\الله يبلغني أشوف إنتاجك إن ماجاء فلبيني فما اكون أم غازي..
شوق تشهق\مالي دخل وانا ابى اصير مثلك أنتي وامي..
رشا\بسم الله مثلنا في وشهو؟؟
شوق\ولدي باسميه غازي مالي دخل..
طالب\لو ينبت في راسك شجرة ماسميت ولدي غازي..
من زين عمايله فينا يخسي..
شوق بقهر مع انها استحت من طالب\إيـــه يخسي نسمي باسمه..
رشا\ياجعلكم فدوة لغازي الكبير ولسميه الصغنون..
مالت يا البومة والبوم..فالكم شين ووجيهكم شينة..
أم غازي\ههههههههههههههههه تستاهلون كله ولا غازي..
شوق\قم قم لا يكون الأخطبوط موجود ويخرج يتوطانا..
رشا\لا فديته باقي مسافر..
طالب\أحسن يسافر على طول...
شوق\يفكنا من غثاه...
أم غازي\تراكم في بيته غلطة ثانية عليه وأنتوا برا البيت..
شوق\يومه عشانك باسكت..ولا والله ماخذة بخاطري عليه..
رشا بصراحة\لك عين تاخذين بخاطرك..؟؟
شوق\ايه مو هو أخوي ومسئول عني..
مهما صار بينا لازم مايتركني ل الدنيا لحالي..
يعرف مالي غيرهـ بعد رب العالمين..
رشا\بس هو مأمن عليك مع زوجك...
شوق\أنا ما أشتكيت من زوجي...
ولو كان واثق بزوجي وبمعاملته لي..
المفروض يثبت لي أنا قبل لا يثبت لأحد إنه سند لي وموجود عشاني..
هو عزوتي بالدنيا...أنا ما ابرى نفسي من الغلط..
خطاي كان كبيير ويهد الحيل اعترف..
بس شهوور مضت ماخففت من حقده علي..
بس هو عيونه ماعدت تشوف غيرها..

أم غازي بحدة\شوق إن طريتيها على لسانك
صار اللي مايعجبك..
شوق\هو ملزوم فيني مثلها...
أم غازي\لا ماملزوم فيك الا زوجك وهذا هو جنبك..
ان زعلك او ضربك بيت أبوك مفتوح..
وانتي تدرين غازي مابيقصر معك...
بس هي من وين لها اخ وعزوة ؟؟
من يساندها من ضرب اخوك لها..
بكرة ان طلقها من وين لها بيت يضفها..؟؟
شوق\يطلقها..؟؟
ليه هو متى تزوجها عشان يطلقها؟؟
أم غازي\تزوجها من لما صدقت كذبتك وكذبت أخوك..
يوم عشمتوها بهادي وغدرتوا فيها..
شوق\هي زوجة غازي طول هالوقت..؟؟
أم غازي\ايه زوجته...
رشا\طيب ليه قلتوا انها تشتغل عنده وهو ماخذها له جارية..؟؟
أم غازي\هذا شيء بين غازي و نفسه..
شوق بخوف\طيب وهي يومه؟؟؟
أم غازي\وش فيها؟؟
شوق\هي تدري انها زوجته؟؟
أم غازي\إيه تدري..
شوق باستغراب\ماكان باين عليها انها تدري..
مو كانت تنام بالملحق..
وهو يعاملها..........
أم غازي\شوق يومه خلاص أخوك وحرمته مالنا شغل فيهم...

سكتت شوق بس هي مو بزر..
مستحيل هديل كانت تدري انها زوجة غازي..
معقولة يكون يكذب عليها لما قال انها جارية..
اذا كانت زوجته كيف هان عليه يعذبها بهالشكل..
مستحيل يكون له قلب..
ظلت تسترجع مواقف كثير تدل على ان هديل ماكانت تدري انها زوجة غازي..
وتتذكر هي بنفسها كيف كانت تقسى بالكلام على هديل..
اتهمتها بشرفها واخلاقها..
أهانتها حتى قدام غازي..

أستئذنت منهم ودخلت الفلة..
جلست في غرفتها وتفكيرها كله في هديل..
اتصلت بغازي بس مارد عليها..
شوق بقهر\مصدق اني ابيك..
أرسلت رسالة..
..ابي اكلم هديل...

؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛ ؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛


سمعت صوته يناديها..
حاولت تتجاهل وماترد عليه لكن كلامه شد إنتباها..
هديل\مافهمت..
راجح\سالتك أنتي قادرة تخرجين من المستشفى وتسافري معي..؟؟
هديل بهدوء\مافهمت..
راجح\غازي مسافر وبيرجع بكرة او بعده أو يمكن الليلة..
يعني ماراح يطول..انا ابي اطلعك من المستشفى وارجعك معي السعودية..
قبل لا هو يرجع هنا..
هديل\ترجعني السعودية؟؟
راجح\ايه أرجعك..
يمكن نطول هنا عشان اقدر اشوف السفارة ونكمل اوراقك..
هديل بانهزام\ليه ماسويتها من زمان؟؟
ليه خليته يعذبني وتركتني معه؟؟
بعد ماقضى علي جاي تبي تساعدني؟؟
ما ابى منك شيء..
راجح\ماكان بيدي اسوي شيء اكثر من اني اعترض على معاملته لك وضربه..
حاولت اخذك معي بس شورك بيده ماهو بيدي..
هديل تبتسم بسخرية\مالكم عذر..
كلــــــــكم مالكم عذر..
راجح\هديل تعالي معي..أرجعك لأمك وأبوك وأخوانك..
وأرجعك لهادي أخوك..
هديل تبكي\لا ما اقدر ارجع..
كيف ارجع؟؟وباي وجه أرجع لهم؟؟
مابقى فيني شيء..أنا خلاص رضيت بحياتي هنا..ما ابى ارجع ما اقدر..
راجح بعصبية\وش اللي رضيتي فيه؟؟
أقولك ابي ارجعك لهلك..
أنا قابلت هادي اخوك..
شهقت من قوة كلامه وصدمتها فيه..
هديل\هــ...ادي اخوي؟؟
راجح\ايه قابلته في لندن يشبهك كثير..
ماكنت راح اعرفه لو ماشفتك فيه..

هديل مدت يدها تدور على راجح..مد يده ومسك يدها..

هديل برجاء\وش كان يسوي في لندن وش يسوي؟؟
راجح\هو يكمل دراسته في لندن..
هديل\قصدك يدور علي في لندن؟؟
راجح بالم\تبين اكذب عليك؟؟
هديل تهز راسها بايه\ايه أكذب علي..قل إنه يدورني..
قل ان هلي مانسوني..وان ابوي وعمي قالبين الدنيا علي..
قل لي اني بارجع لهم مثل اول..
قل ان غازي ماسوى اللي سواهـ..
وانه ماذبحني وأنا أترجاه يسامحني..
قل اني مو عمياء..
قل ان امي تنتظرني ومشتاقة لي..
كذب علــــــــــــي تكفى كذب علي..

راجح\تعالي معي وارجعك لامك..
ويصير كل اللي تتمنينه حقيقة ماهو كذب..
هديل باستسلام\ما اقدر ارجع لهم..
مالي وجه أقابلهم..أنا خنتهم خنتــــــــــــهم..
راجح\أنا ماني فاهم عليك..
احاول افهم بس ماقدرت..وش اللي مخوفك كذا..
لانك عمياء عادي بكرة تتعالجين وتطيبين...
واذا مارجعتي تشوفين هذا نصيبك واللي ربك كاتبه لك..
أنا اعرفك عاقلة ومستغرب تفكيرك الحين..

هديل تبكي\مـــــــــــــــــــــــــابقى شيء خلاص مابقى شيء..
خذا مني كل شيء..ذبحني قتلني خلاص..
راجح\خلاص اهدي الحين أنتي باقي تعبانة..
هديل تشد على يده\كل شيء انتهى ماعدت اقدر ارجع..
مكاني معه خسرت كل شيء...
راجح يهديها\صلي على النبي ونامي..
نامي ولما تصحين ابيك تفهميني كل شيء..
ابيك تعلميني وش سوى فيك غازي..
هديل بآسى\ ماسوى شيء بس دفنــــــــــــــــــــــي...
هذا اللي ســـــواهـ..
راجح\ابيك تكونين قوية عشان اقدر اطلعك من هنا وارجعك السعودية..
هديل بحزن\ما ابى أرجع السعودية...
راجح بحيرة\وش اللي أنتي تبينه؟؟
هديل غمضت عيونها\أبي أظل مع غازي..


ترك يدها وغطاها..
ظل واقف لحتى نامت وتاكد من نومها...
خرج من الغرفة وسكر الباب..
رفع راسه وشاف غازي واقف قدامه...
وحلف لو وافقت تروح معه..
كان بيبلغ على غازي في السفارة وفي الشرطة..
وياخذها غصب عنه ..

راجح بقسوة\ياليتها رضت كان طعنتك في ظهرك ولا تحسفت عليك..
مابقى لك الا الذبول أما الزهر ماتت أيامه..
..عظم الله أجرك ..تهنى في بقاياها..

طلع من المستشفى وصرت هديل عالقة بين عيونه وجفونه...
ماقدر ينسى شكلها وهي مستسلمة ومنكسرة..

بينما الجلمود..
كان واقف مثل الصخر ماهزته صدمته براجح..
وانه كان بياخذها ويرجعا لهلها..
مثل ماهزته كلمتها..
..أبي أظل مع غازي..
مرر أصابعه على خدها الشاحب شحوب الموتى...
دمعتها المتسللة من خلف بوابات العناء..
تبي تظل معه...
غازي بهمس\وأخيراً رضيتي تظلين معي...
بعد ما رميتك في الظلال رضيتي..
بعد مادفنتك بالحيا رضيتي..
بكرهـ يتعدل الوضع وماتندمين..
وحشــــــــــــــتيني..

قبلها على جبينها وهو يسترجع كلامها مع راجح..
خليك على ظنك...
لاترجعين لهم مالك مكان عندهم..
أنتي ميتة وتحت التراب من زمان..
خليك معي وانسيهم..
قلتي مالك وجه تقابلينهم...
ياروحي أنتي مالك وجود عندهم...

خليك بظنونك وخليهم بظنونهم ...


؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛ ؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛

صحت من النوم وهي تحس باحساس غريب..
ابتسمت لما تذكرت انها في غرفتها وفي بيت ابوها...
ناظرت في ساعتها كانت الساعة8 ونص..
وهذا الوقت أمها تكون صاحية..
جلست بسرعة وناظرت طالب نايم جنبها..
عصبت منه هي متفقة معه ينام على الكنبة..
بس هو يجي ينام على السرير وهي نايمة..
هذي ثالث مرة يسويها..
يقول الكنبة ماتريحه...
تتذكر صدمتها اول يوم نام جنبها..
لما رفسها بالغلط..
وهي صحت مفزوعة..
اول ماشافته نايم جنبها صحته وهي تهزه بقوة..
شوق\طالب وش تسوي نايم هنا؟؟
طالب يكتم ابتسامته\يوووه معصقل بانام مرتاح ظهري انكسر من نومة الكنبة...
شوق\مالي دخل خله ينكسر قوووم من فراشي قوووم..
طالب\انتي نامي على الكنبة أنتي صغيرة والكنبة مثلك..
شوق\لا والله تذكر لما كانت رشا وراجح عندنا خليتني انام على الكنبة وانت على السرير..
أقولك قم ناام بمكاااااااانك..
طالب سحبها من شعرها وسدحها جنبه..
حط الوسادة على وجها وكتم نفسها..
طالب\ولا كلمة...تنامين مثل العالم ولا كفختك...
بانام هنا رضيتي ولا بكيتي..
شوق من تحت الوسادة\بس أنت ترفس وتشوت لا مافيه قم مكانك..
طالب يضحك\ههههههههههههههه طيب خلاص اخر مرة اذا سويتها مرة ثانية انام على الكنبة كذا زين؟؟
شوق تضربه على راسه وصدره تبي تخرج نفسها من تحت الوسادة..
طالب\ههههههههههههههههه اتفقنا ايه او لا عشان ما اذبحك...
شوق\ترى باشووتك ابعد تبي تذبحني..
طالب شال الوسادة من على وجها وهو يضحك على شكلها..
وقفت على طولها وصارت تضربه وتشوته...
شوق\مالك شغل غرفتي وسريري..ماتنام هنا يعني ماتنام هنا...
قووووم قووووم...
طالب كان يضحك على شكلها وكيف تدفه لحتى طيحته من على السرير..
رمت الوسادات كلها عليه والمفرش بعد على الأرض...
شوق بانتصار\والحين نام وانا انزل افطر مع أمي..
نزلت هذاك اليوم ببجامتها خايفة لا يمسكها قبل تشرد منه...

والحين تناظر فيه نايم جنبها بهدوء ولا يرفس مثل اول يوم..
لدرجة انها شكت انه يرفسها وهو صاحي عشان بس يصحيها..
حست ان حياتها معه في بيت أهلها طبيعية وحلوة..
مابينهم اي حساسية او مشاكل..
بالعكس تحس انها نست انها راجعة بيت هلها على طول..
أبعدت عنها شعور الكدر والضيق..
ناظرت فيه بخبث..
مو هو يرفسني وهو صاحي..
طيب وانا بارفسه عشان مرة ثانية مايعيدها...
كل ماحاولت ترفسه تضحك وماتقدر تسويها...
رفسته بقوة على ركبته وجات بتقوم وتشرد بس هو مسكها وطاحت من على السرير..
شوق\آآآآآآآآآآآآآآي هههههههههههههه آآآآآآآآآي هههههههههه
طالب\هههههههههههههههههههه تستاهلين يالزوجة العاطلة الغير بارة بزوجها..
شوق تمسح على يدها\هههههههههههههه اعوذ بالله منك كيف قدرت تمسكني..
طالب\أصلاً صحيت من صوت ضحكك كل ماحاولتي ترفسيني ضحكتي..
شوق\هههههههه المهم لاتنام هنا مرة ثانية تراك اقلقتني..
طالب مد يده ورفعها من شعرها..
شوق\آآآآي آآآي فك شعري لاتخليني اسوي شيء مايعجبك..
طالب\وش تسوين شعري مايمديك تمسكينه..
شوق خذت كاس الماء من على الكومندينو وكبته عليه..
خرجت من الغرفة بسرعة وهي تركض..
دخلت غرفة رشا وقفلت الباب..

رشا\لا اله الا الله...وش ربي بلانا ببزارين كل يوم مضاربة..
شوق\الحمدلله اليوم ربيته صح..
قووومي بلا كسل..اممم ابي ملابس شوفيني بالبجامة...
امم خليك نايمة لحتى اتحمم واختار من ملابسك..

تحممت بغرفة رشا ولبست فستان عشبي رايق..
قصير لتحت الركبة بشوي..
حطت مكياج صباحي خفيف..
صحت رشا وبعدها نزلت عند امها تحت..
لاحظت نظرات طالب المعجبة جـــــــــداً بشكلها..
وأدركت إن هذي أول مرة يشوفها طالب بهالشكل..
أستحت من نظراته وحاولت قد ماتقدر تتجاهلها...

؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛ ؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛

كانوا يتمشون على البحر الوقت ليل والمكان هادى..
حاول يمسك يدها بس هي تحججت بجوالها وظلت تشتغل فيه..
تمنت لو ظلوا بالسعودية بدل السفر اللي ماله اي طعم..
ماتبي تقضي معه شهر عسل ولا تلفق كذبة وتبني اوهام..
كان ناوي ياخذها لماليزيا لكن هي حلفت ماتروح..
تعذرت باعذار واهية وهو وافق كلامها عشان راحتها..
بس ماقدرت تعترض على دبي..

راكان كان حاس بصدها..
ومحاولاتها لقطع كل الطرق اللي يستخدمها عشان يوصل لقلبها..
لكن هذا ماقلل من عزيمته وإصراره على استمالتها...
حس بملل من الحواجز اللي بينهم وقرر يفرض نفسه غصب عنها..
مسك يدها غصب عنها وهو يحس باعتراضها وتجاهل مناداتها له..
نزل على البحر وهي تسحب نفسها منه..
غادة\راكان تبي تغرق بكيفك..انا باقي أحب نفسي..
راكان\لايكون صدق تخافين من الغرق..
غادة بقهر\من قالك؟؟
راكان\يعني صدق؟؟
غادة\اكيد انا وحدة ما اعرف اسبح اكيد اخاف من الغرق..
راكان\طيب واذا سبحتي مع محترف؟؟
شالها بين يدينه ونزلها في البحر وهي تصرخ..
كان يضحك عليها على خوفها وصراخها فيه..
كانت تضرب بيدينها في الماء بقوة وخوف..
قربها منه وثبتها...
غادة متمسكة فيه بقوة\راكان طلعني يامجنون طلعني...
راكان\هششش فضحتينا وطي صوتك...
الناس بيتصلون على الشرطة يقولون يغرقها..
غادة بعصبية\اتركني ابعد عني ما ابى اسبح قليل ادب..
بعد يدينه عنها وهي رجعت تتخبط في الماء وتحاول ترفع نفسها بس ماقدرت..
رفعها مرة ثانية وخرجها من البحر..
غادة بقهر\نزلني يامجرم تبي تذبحني..
راكان\الحين البلشة كيف ندخل الفندق وانتي غرقانة كذا..؟؟
غادة\إسال نفسك يامتهور..
راكان\هههههههههههههه كنت ابي اكسر شي من حواجزك اللي موراضية تنكسر..
غادة\شفت سور الصين..؟؟مايسوى شيء عندي..
قبلها على خدها وهمس لها\فديت الصين كل أبوها..

نزلها وجلسوا على الشاطى كانت تحس بالبرد..
بس مفتشلة تمشي وملابسها غرقانة...
راكان\مر اسبوعين ياغادة..والى الحين ماتفاهمنا..
غادة\نتفاهم على ايش؟؟
راكان\على اللي زعلنا..وفرقنا..
غادة\أنا ماعندي شي اقوله...
ومهما كان اللي عندك..ماراح يرضيني..
راكان\لاتحكمين قبل تسمعيني..
غادة بسخرية\ما انت شكيت وحكمت ونفذت حكمك...
بعدها استئنفت وطلعت برايك برائة...
راكان\فيه جروح ماتطيب مهما داويناها..
يظل أثرها موجود يحذر من الاقتراب منها..
بس هذا مايعني اني ما اهدي هالجروح واخليها غير محسوسة..
غادة\اعذرني راكان...لكن اللي صار ماله حل غير الصبر..
راكان\الصبر..؟؟
غادة بغصة\مثل هالجروح مايبريها الا الزمن...
والزمن يقدر ينسيني..
راكان\ماهي من عوايدي اسلم مهماتي لغيري وحتى لو كان الزمن..
قلبك لي ياغادة وانا أداويه...

سكتت عنه وماردت على كلامه...
حاول ياراكان حاول واتعب معي قد ماتقدر..
المرار اللي ذقته بسبتك لازم تذوقه..
لازم تشرب من نفس الكاس..

راكان\بردانة؟؟
غادة\لا شوب مرة تصدق..؟؟
راكان يبتسم\طيب لاتبكين هههههههههههههه..
غادة بقهر\وش استفدت من تغريقي بنص الليل..؟؟
راكان قربها منه وضمها\وش اللي ما أستفدت..
غادة بحدة\فك عني ما ابيك تلمسني..
راكان\أنتي بردانة لما تجف ملابسك شوي ندخل الفندق..
غادة بزعل\عادي اظل بردانة ابعد..
راكان\فيك خير اسحبي نفسك مني..
غادة\راكان..
راكان بوله\عيونه..
صدت عنه بقهر..
ماتبي تتلاقى عيونها بعيونه...
ظلت تحسب في بالها كم بقى على وقت انتقامها منه..
همست لنفسها كوني قوية..
لاتسمحين لقلبك يضعف ويصدق همساته وكلامه..
تذكري الطعنة اللي طعنك فيها..
تذكري إنه مايبيك وإنتي تظلين بدل لهديل ...
رفعت يدها وناظرت بالإسوارة حوالين معصمها..
مسك يدها وفي لحظات كانت الاسوارة بين أصابعه..
راكان\هديـــل...
غادة وقفت بغضب وأخذت الاسوارة من يدهـ..
غادة بكرهـ\الله يرحمها لاتطري اسمها على لسانك فاهم...
وقف مصدوم من انقلابها المفاجىء..
راكان\أنتي وش فيك؟؟
غادة\أختي لاتجيب اسمها على لسانك..
راكان\هديل..
غادة بصراخ\مالك شــــغل بأختي مالك شغل لا تطري اسمها...
راكان باستغراب عميق\غادة وش صاير لك؟؟
غادة بحقد\مالك حق تذكرها...
لاتدخلها بينا ولا تحاول تجرحني باختي..لانك مارراح تقدر فاهم ماراح تقدر..
ضربته على صدره بقوة ..
وتوجهت للفندق...
دخلت غرفتها وهي منهارة وتبكي..
ضمت الاسوارة وهي تهمس\نامي بسلام يابعد أختك..
والله لا أخليه يندم على كرامتنا وشرفنا اللي طعنة..
والله لأخليه يندم لانه استخدمك عشان يقهرني..

حاولت تتصل بشهد لكن جوالها غرق بالمويه ومو راضي يشتغل..

؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛ ؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛



هونتها لكنها عيت تهون
لا قلت راح الهم ألاقيه قدام
فيني ألم ما مر في قلب مطعون
فيني حزن ما مر في عيون الأيتام...

كانت ساندة راسها على شباك السيارة..
طلعها من المستشفى وهي مو راضية..
ماتبي ترجع المزرعة..
ماتبي ترجع لمكان أنهانت فيه وقضت من عمرها دهر ماهو سنة...
مكان رغم إتساعه جماله غناه وروعة مناظرهـ..
بس كان مثل السجن المظلم..
بدهاليز مشوكة..
سجــــــــن كبير حراسه بالمئات..
والسجناء هي وظلها فقط...
رئيس السجانين هو ملك القصر..
الجلمود القاسي...

طلعت منها آآآهـ حادة لان راسها ضرب في الشباك..
بعد ماداست السيارة على كومة ثلج..
سحبتها يدينه ولمها على صدره..
مرر يده على راسها يحميه من الألم..
وسمعت حدة صوته وهو يوجه كلامه لـ السائق..
سخرت منه في دواخلها..
ومن حنيته الغير مقبولة لها...

يا آسري:

غريب أمرك تقتلني..
وتخاف علي من الألم..

تسلخ جلدي بسوطك..
وتنهر قطرات الدم..

تطعنني باليأس..
وتستعطف دموعي..

أوتعلـــــــــــــــــــــم..؟؟
أنت تستحق الجحيم اللذي تعيشه..
فلقد مزقت أحلامي..
بعثرت مارسمته أنا لغدي..
أحرقت أمنياتي..

يا ملك التعاسة:
قتلت فلاح الامل..


وصلوا المزرعة نزل ومسك يدها ينزلها...
رغماً عني أمسك بيدك..
فالظلام يهابك..
وأنت ستكون لي دليلاً حتى مماتك..
مرحى لـ الظلام...

طلع الدرجات الخارجية ويده على خصرها..
واليد الثانية ماسكة يدها اليسرى..
سمعت صوت ماهو غريب عليها..
ويدين دافية تلمسها..
عرفت هذي من تكون..
خبت وجها بصدرهـ وهمست\ما أبيها تلمسني...
ماريا\صغيرتي كنت خائفة عليك كثيراً..
هديل بحقد\أبتـــــعدي عني لا تلمسيني..
ماريا\عزيزتي انا ماريا ألم تعرفيني..؟
هديل تألمت ..وكيف أنساك وأنتي اللي رجعتيني له..
كيف أنساك وأنتي كنتي سبب في نهايتي ومماتي..
هديل\لا تقتربي مني أبداً..
حتى وإن رأيتيني أموت إياك ان تقتربي..
ماريا\صغيرتي أرجوك إفهميني..أنتي تعلمين كم أحبك..
هديل\ما أبيـــــــــــــــها ما ابي أظل بهذا المكان..
أكرهــــــــك وأكره هالمكان وأكره كل اللي فيه أكرهــــكم...
غازي ضمها\هششش طيب إهدي لاتعصبين بتتألمين أكثر..
هديل بهمس\أكـــــــــــــــــرهك..
غازي بمحبة\أدري..
هديل بتعب\ما أبيــــــــكم..ما ابي أنام هنا ما أبي أظل هنا خرجني..
غازي دخلها المكتب..
سحبت يدها منه غصب عنه..
كل ماحاول يمسكها تصرخ فيه وتعصب..وهو يتركها عشان ما تتألم من عصبيتها..
يراقبها وهي تدور حول نفسها تحاول تعرف هي وين..
وتحاول تتذكر شكل الغرفة وأيش ممكن يكون بطريقها..
مشت أول خطوة بخوف ماتعثرت بشيء..تشجعت ومشت كم خطوة ثانية..
وحزرت إنها تمشي بإتجاه المدفئة ...
كملت خطواتها ويدينها تتحرك بالهواء قبلها..
ضربت ركبها بأحد الكنبات بعدت عن الكنبة وضربت بالطاولة الصغيرة..
توازنت رغم صعوبة الحالة..
ومشت كم خطوة لكن هالمرة كانت ضربتها جامدة بأحد زوايا المكتب الرئيسي..
رجعت وراها بشكل سريع وصدمت بشيء قاسي..
ماعرفت وش يكون الا لما أحتضنتها يدين هالصخر..
غازي بهمس\لاتعذبيني أكثر..
فكت يدينه من عليها وكملت اللي كانت تسويه..
كانت تمشي وتضرب بكل الأثاث اللي قدامها..
وهي أصلاً مو عارفة ليش ما تجلس على أحد الكنبات..
ليش تمشي وتضرب بهالشكل..
وش اللي راح تستفيده من كل هذا؟؟
تعبت وحست إنها ممكن تنهار بأي لحظة..
خافت لانها ماسمعت صوته معها في المكتب..
صارت تتخيل المكان كله مظلم..
ومافيه أحد في القصر..
وهي بتظل واقفة بمكانها طول العمر..
كلهم راحوا وتركوها..
وهــــــــــــو راح وتركها..
همست بصوت مبحوح\غــ...ـــازي..
بلحظة كانت بحضنه يضمها بقوة ويهمس لها بكل العبارت المطمئنة..
همس لها بوعود إنه مستحيل يتركها وبتكون بخير معه..
بكت بأحضانه وشكت منه له..
ضربته وصرخت فيها..
وبأخر ثورتها غفت بحضنه..

شالها وطلعها لغرفته نيمها وظل جالسة جنبها..
يناظر فيها ويتأمل بقاياها..
مثل ماقال راجح..
بقـــــاياها...

نام جنبها مايبي يتركها لحالها..
وبنفس الوقت مايبي يحضنها لانها بتحس فيه ويمكن تعصب وتصارخ وتتعب..

صحى على صوت صراخها وهي تبكي وتضرب بيدها اليسار بالهواء..
مسك يدها وهو يحاول يهديها...
غازي\ياقلبي إهدي حلم حلم مثل الأحلام اللي تجيك دائماً..
إصحي خلاااص..
بس هي ماكانت تسمعه...كانت تصارخ من الخوف..
الى ألحين الكابوس ما انتهى..
لا الى الحين ما انتهى...

غازي يحضنها\تكفين خلاص بتذبحين نفسك بالصراخ والألم..
إهدي أنا جنبك...
هديل بخوف\ غااااااااااازي شغل النووور الدنيا ظلااام شغل النووور..
غازي يبوسها على عينها\ياروح غازي وقلبه..لاتعذبيني أكثر ..
هديل\شغل النوور أنا ماشوووف ظلام يخوووف والله يخوف ما ابــــــــــــــــى..
تكفى شغل النووور..يومــــــــــــــــــــــه..

ظلت تبكي وهو حاضنها تطلب منه يشغل النور ويبعد الظلام اللي محاوطها..
ماقدر يهديها الا بقراءة القرآن...
همست قبل تنام\ربي مابيسامحــــني..


؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛ ؛؛؛؛؛؛؛؛؛؛؛؛؛؛؛؛؛؛؛؛؛؛


خرجت من دورة المياهـ وهي بروب الحمام..
ولامة منشفتها على شعرها...
توجهت لسرير غازي تطمنت عليه نايم..
قرت عليه الأذكار وباسته...
طلعت ملابسها من الكبت..
نشفت شعرها بمنشفتها ومشطته..
نزلت الروب من عليها وكانت بتلبس بجامتها..
لما حست بيدين تعتصرها بقوة..
راجح بقهر\أبي حقوقي مثل غيري ...

 

[طــُـهــر ♥!]

البارت الثاني والأربعون ...


وأنتِ يا سيدتي ،
بدون ريب ، جميلةٌ جداً..
العيون الكحيلة دون كحل..
القوام الذي ينتصب كنخلة مراهقة مغرورة..
الشعر الذي ينحدر كمهرجان في الليل الملامح السمراء الودود ..
الشفاه التي تقول دون أن تتكلم ..

المرحوم باذن الله تعالى ..غازي القصيبي...


خرجت من دورة المياهـ وهي بروب الحمام..
ولامة منشفتها على شعرها...
توجهت لسرير غازي تطمنت عليه نايم..
قرت عليه الأذكار وباسته...
طلعت ملابسها من الكبت..
نشفت شعرها بمنشفتها ومشطته..
نزلت الروب من عليها وكانت بتلبس بجامتها..
لما حست بيدين تعتصرها بقوة..
راجح بقهر\أبي حقوقي مثل غيري ...
رشا تشهق برعب\لاااااااااا ابعد عنـــييييي ...
راجح يضمها بقووة\أزرع أنا التفاح وغيري يتهنى فيـــه؟؟
رشا تبكي\راجح اتركنيييي عيب اتركني..
راجح يهزها\اي عيب لايكون من كثر ماسويتي العيب صار مع زوجك عيب ..
رشا ضربته بقوة\لا تهيني ولا تغلط علي...
العيب منك وفيك ماهو بفيني...لا تهينييييييي لا تهيني..
راجح يوثقها على الجدار\جرحتك الحقيقة؟؟عادي قلبي الحقيقة تجرح كثير..
رشا بحدة\لا تتكلم عن شيءمفقوود..
راجح\أستغرب قوتك على وحدة مثلك...المفروض تدفني راسك بالتراب..
رشا بقهر\ماسويت شيء يخليني أخجل او ادفن راسي بالتراب..
راجح\وولدك يا محترمة؟؟
رشا بتحدي\تقصد تاج راسك ...
راجح بحدة\هذا الــــــــــــــــ..............
قبل لا يكمل كلامه حطت جبينها على فمه تمنعه من هالشيء..
لان يدينها كانت سجينت يدينه...
رشا تبكي\الظلم ظلمات يوم القيامة...تكفى يا أبو حمد لا تظلمنا..

كان مصـــــــدوم من حركتها..
ومن خوفها من كلمة كان راح ينطقها...
بس كلامها كان مثل البلسم الخفي اللي هداء قلبه...
وتأكد إن فيه حلقة ضايعة في الموضوع...
كان يتمنى تقول شيء تشير لشي يثبت انه غلطان وهي مثل مارسمها في باله..
أنثى طاهرة صادقة...تربت تحت عينه وبوجودهـ..
الظلم ظلمات يوم القيامة...
ما ابي أظلمها...بس أبي الحقيقة ..
أريد أعرف كل شيء...
رجعتها لان الأمور ناقصة كثير...
ولاني ما أترك شيء قبل لا انهيه عشان أرتاح...
مع ان العقل كان ضد بوست جبينها..
لكن هي تستاهل بوسة الجبين..
فقبل لا يظلمها مرة ثانية وثالثة وعاشرة..
ذكرته إن الظلم ظلمات...

راجح بحدة\ما أبي أظلمك...
وما اريد أكون مثل الاهبل وأغمض عيوني..
الحقيقة أبيها يارشا...بالطيب أو الغصب أبيها...
رشا لمت نفسها بمنشفتها وهي ضايقة من وضعها معه..
خجلانة منه..خايــــــفة..مرعوووبة..
ناظرت بغازي النايم ووقفت عندهـ...
رشا بهدوء\إنت طلقتني..والأفضل تكمل اللي بديته..
راجح\هذي راح تكون المرحلة الأخيرة لا تستعجلين عليها..
لاترمين نفسك بسكوتك عن الحقيقة...قولي كل شيء واعترفي..
رشا\ماعندي شي اقوله..ولا عندي شي يهمك تسمعه..
اطلع برا لو سمحت..وياليت تكون هذي اخر مرة اشوفك فيها..
خلك بعيد عني وعن ولدي..
راجح يرتكز على الجدار بشكل مايل\اممممممم شيء طيب..
والحين البسي ملابسك وعباتك وامشي قدامي..
رشا\نعــــــــــم ..؟؟!
راجح ببرود\ينعم عليك..قلت قدامي على البيت...
رشا\لا ماراح أروح معك..طلقني وخلصنا من هالسالفة..
راجح يقرب منها\ماتبين تروحين معي..؟؟
رشا بصد\لا ما ابي...
راجح\على راحتك..ما ابي اجبرك على شيء..
أنحنى بشكل سريع وشال غازي من فراشه..
ومشى فيه باتجاه الباب..
رشا بصدمة\لا لا لا راجح لا حرام عليك ولدي..
راجح بحدة\تبينه تعرفين وين تلقينه..
رشا تمسكت فيه\لا تكفى تكفى كله ولا غازي لاتاخذه مني..
سو اللي تبيه بس غازي لا تاخذه لاتحرمني منه تكفى..
راجح\بتجين ولا مشيت عنك واحلمي تشوفينه..
رشا تبكي بهستريا\مالك حق تاخذه مالك حق..
هذا ولدي أنا ولديييييييييييي..ماتقدرون تاخذونه مني..
لا ماتقدر ماتقدر..لا انت ولا سعود ولا هم ...
هذا ولدي ولدي..ليه تعذبوني فيه ليه تخوفوني..
والله العظيم أحبه اموووت فيه ما اقدر اعيش من دونه سامحوني بس انا احبه...
أنا أمه امه خلوه لي لا تاخذونه...

خذت غازي من بين يدينه وهو تركه بهدوء..
مصدوم من كلامها ومن خوفها على ولدها..
معقولة الى الان خايفة ومصدقة إن فيه أحد ممكن ياخذ ولدها منها..
جلس على الأرض جنبها\رشا ليه ناخذه منك؟؟
ضمته لها أكث\لا ماتاخذونه أنا امه انا امه لا تاخذونه مني..
مالك دخل فيه انا أحبه انا ابيه...لاتقرب منه ابعد اببببببببببعد..
راجح\ليـــه ناخذه منك..؟؟
رشا بتعب\لأنكم هله..
راجح بحذر\وأنتي أمــــــه ....؟؟
من خوفها ما أنتبهت ان راجح كان يسأل ما يقرر حقيقة..
رشا\أمـــه خدامته روحه وقلبه..
راجح\رشا من أنتي..؟؟
رشا تناظرهـ بخوف\أمـــــــــه..أم غازي أنا امه..

وقفها وكان بياخذ غازي منها بس هي ماتركته..
سدحها بفراشها وغازي بحضنها نايم..
راجح\نامي وبكرة يوم جديد..
رشا\لا تأخذونه مني...
راجح بحنية\أنتي أمه ولا أحد بياخذه منك..

نامت وهو جالس يراقبها وغازي بحضنها...
معقولة تكون مصابة بحالة نفسية من بعد موت سعود وهي تنهار وماتخلي احد يلمس غازي..
حبها له الكل مستغرب منه...حب قهري مخيييف...
تخاف عليه من كل شيء...
تركت دراستها بالجامعة وهي كانت باخر سنة واتبعت التعليم عن بعد..عشان تظل معه طوال الوقت..
يتذكر ان غازي وطالب حاولوا يطمنونها بان ولدها بيظل معها وما احد بياخذه منها..
هو ماكان مقتنع بان هذا كله حب لولدها..لانها توسوس بانه راح يبتعد عنها..
بس مع معرفته بالوقت الحالي بغرابة موعد ولادة غازي..
وثقته الغريبة في رشا محيرته..

؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛ ؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛


ضربته وصرخت بقهر لما حست فيه يشيلها وينزلها الدرج غصباً عنها..
نزلها على الأرض وتحمل كل كلامها وسبها له..
هديل بعصبية\مالك شغل فيني أطيح أموت ماهو شغلك..
ما أبي منتك ما ابي مساعدتك أكرهك والله العظيم اكرهك..
غازي\طيب والحين لازم تأكلين وتاخذين دواك..
واذا ماتبين أوكلك بيدي..لازم تسمحين لماريا..
هديل\تخسي إنت وماريا واللي خلفوها..
غازي\مايجوز تاكلين باليسار..
هديل\أنت أخر من يتكلم عن الجائز والحرام..
غازي\وقفي قدامك درجة انزلـــــــــــ..............
طاحت على ركبها وهو متأكد إنها سمعته..
لكن ما انتبهت لمحاولتها للابتعاد عنه.
جلس جنبها عل الأرض..حاوطها بيدينه حاول يوقفها..
بس مارضت جلست ع الأرض وبعدته عنها..

راقب شكلها وكأن هالموقف ينعاد..
من شهووور بعيدة ..
ابتسم لما تذكر جلوسها بهالشكل وبنفس المكان ..
لما لقاها بالمزرعة سكرانة مع صوفي..
غازي\اليوم عندنا فطور تبين..

هديل نزلت راسها بانكسار..
وش اللي ينتظرهــ منها..
تضحك وتتذكر معه...
تحفظ بذاكرتها شيء يغضب ربها عليها..
ولا تحفظ ضربه لها وهي مو واعية وتعبانة..
تدري انه يذكر ماضيها هنا عشان يعذبها...

هديل بألم\تبيني أقول إني كنت بنعمة قبل شهور..
تبيني أعترف إن حالي قبل شهور كان أحسن بألف مرة من ألحين..
إيــــــه أعترف ضربك لي..قسوتك..معاملتك كانت أرحم من اللي فيني ألحين..
كنت بخيــــــ.....ـير..كنت بنعمة ولا قدرتها أبداً..
ليتك ضربتني..ياليتك ذبحتني عذبتني مثل ماعهدتك..
بس ما ما تـــ........

سكتت ماتبي تنطق الكلمة...
ماتبي تجرح نفسها أكثر...
وكأنها لو مانطقتها ماصارت ولا كانت..

غازي\قومي معي المكتب...أنتي لازم تعرفين كل شيء...
هديل\ما ابي ارجع أشوف...أبي أظل عمياء على طول...
شكلي الحين مقرررف..أنا منقرفة من نفسي...
ما ابي اشوف شكلي وانا حقيـــرة..
حط يده على فمها بقوة\انكتمي...أنتي أشرف من هالكلام...
نزلت يده\عقابي هو الرجم صح؟؟؟
الــ........... تُرجم صح؟؟
غازي بغضب\ثمني كلامك على نفسك أو ذبحتك..
هديل بألم\دائما أنت كنت تعطيني دروس عن الجواري والأسياد...
باقي درس باطلب منك تعلمني اياهـ...
الجارية لما تصير عديمة فايدة لسيدها مثلي وش يسوون فيها؟؟
يموتونها بالسم...يرمونها للوحوش..أو يبيعونها بسوق الجواري..

حط يده على وجها وشد على فكها بقوة..
غازي بحدة\أقسم بالله العظيم إن عدتي مثل هالكلام يا هـــ..............
هديل بصراخ وهي تضربه\لاااااااااااااااااااااااااااااا
أنا رسل أنا رســــــــــــــــــــــــل رسل..
هذا اسمي هذي انا رسل وبس..
كان هذا أول درست عطيتني إياهـ..
واليوم انا حفظته وطبقته..
أنا رسل..

وقف بغضب وسحبها توقف معه..
مسك يدها ودخلها المكتب وهي تتبعه باستسلام..
جلسها على كرسي وقرب كرسي ثاني وجلس قدامها...
غازي\ألحين أبيك تسمعيني..وتفهمي كل كلمة أقولها..
هديل تقول اللي تفكر فيه من دون ماتهتم لكلامه ورغبته في الكلام معها..
همست بتسئول\هادي بأي قسم يدرس..؟؟
نسيت أسال راجح..يمكن يدرس طب لا هو مايحب الطب..
يمكن يدرس تكنولوجيا وبرمجة ...أو يـــــــــ................
غازي يقاطعها\ هو يدرس حقوق..يبي ينتسب في القانون..
هديل بسخرية\شكلك ماتضيع وقت مراقب هادي..
غازي\قاتل ويبي يصير محامي...
هديل\والمجرم اللي صار دكتور..
غازي يقرب وجهه منها\مع انه كمل حياته من دونك..
لساتك مصرة تدافعين عنه..؟؟
هديل بصد\أنتوا مجرمين والله بلاني فيكم..
عسى ربي يصبرني وعسى ربي يعدلها..
غازي تنهد\بكرة سفرنا على روما...
الأطباء هناك صار عندهم فكرة عن حالتك..
لما نوصل لهم بيسوون لك فحوصات قبل العملية..
هديل\ماراح أسوي العملية...
غازي بقسوة\ومن متى كان لإرادتك أي أهمية..
هديل بتحدي\ماتقدر تجبرني..
غازي بهمس\لاتنسين ياكثر ما اجبرتك وانتي خسرتي..

شهقت و حطت يدها على فمها وبكت بحسرة وقهر..
كانت تدري إنه يكرها يبغضها...
حنيته الغير مقبولة كانت مجرد شفقة على حالها ..
اليتيمة العمياء المهجورة..
هذا هو غازي اللي تعرفه...
الجلمود القاسي...يعايرها باللي سواهـ فيها...
انتصر في حربه الخاصة..
وهي المهزومة...
سبية حرب..بدل...كبش فداء...
وقفت مجروووحة محطمة لحدوود اليأس..
مشت بضياع..
ضربت في الأثاث..وازنت نفسها وكملت طريقها..
تبي توصل الباب وتخرج...
ماتظل معه ماتشاركه نفس الهواء اللي يتنفسه..
ضربت في الجدار عدت مرات...
قررت تظل بجنب الجدار وتتلمس لحتى توصل الباب..
بس الطريق مارضى يوصلها لغايتها..
وقفت في زاوية المكتب حيرانة وين الطريق..
وباي اتجاهـ..
حطت جبينها على الجدار وبكت محروقة القلب على حالها...

ياحســــــــــرتي على نفســـــــــي...

لفها عليه..حاول يضمها..
صفعته بقووووة على وجهه..
هديل\صح إني خسرت وإنت اللي ربحت..
بس ماراح أنحني لك..
غازي بهمس\أنهزمنا إن رضينا و مارضينا..
مابيننا منتصر ياقلبـــــي..

قبلها على شفايفها بحنية..
رغم رفضها لقربه...ومحاولتها ابعاده عنها..

همست بقرف\باستفرغ...
دخلها دورة المياه التابعة للمكتب..سكرت الباب ومنعته يدخل معها..
أستفرغت وهي تبكي وتتألم من قلبها قبل جسمها..


؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛ ؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛

تنهدت متضايقة من محاصرته لها ومحاولته إستمالتها بأي شكل..
بالموت رضى يرجعون السعودية..أحترم رغبتها وقدر انها محتاجة تلتقي بالناس..
يمكن اذا رجعوا وعاشت معه ومع هله ممكن تتقبل الفكرة وتحاول تنسى اللي صار..
مسك يدها وشد عليها..
ناظرته ببرود\وش المناسبة..؟؟
راكان\مشتاق..
غادة\لما نوصل ابي اشوف هلي..
راكان\بنمر هلك بكرة اليوم أبوي عازم الجماعة لملفانا الليلة..
غادة\وهلـــــــــــــــي..؟؟
راكان\هلك هم هل البيت من قبل لا نتزوج..
غادة\طيب.......وضعنا كيف راح يكون..؟؟
راكان فهم عليها\مثل ماتحبين..
غادة\مافهمت؟؟
راكان\انتي زوجتي وبتكونين معي بجناحي..
وأبيك تحطين في بالك الحال هنا راح يتغير عن اللي عودتك عليه هناك..
غادة\ما اعتقد راح يتغير شيء..أنت وعدتني..
راكان\وانا على وعدي..بس بما اني أتنازل واتركك على راحتك..
لي حق الاحترام ..
غادة بغيض\ماقللت من إحترامك..وماراح اسويها قدام هلك..
راكان\وانتي تفتكري لو سويتيها قدام هلي راح اعديها لك..
أنا اتكلم عن احترامي بيني وبينك..
غادة\وانا احترمك ياراكان..وماقللت من أهميتك..
راكان\نشـــوف..
ماردت عليه ولا حاولت تكمل كلامها معه..
هو حنون معها كثير وصابر عليها..وطبعا هذا شيء مايُشكر عليه..
وبنفس الوقت شكله بدا يطفش من عدم تقبلها له..
وصلوا بيت هله..
كانت أمه وأخوته في إستقبالهم...
سلم عليهم وتوجه لأبوه وعمه في المجلس الخارجي..
سارة\مبروك ياغادة جعلك الماحي...
غادة\بسم الله علي يالسحلية وش مسوية لك أنا..؟؟
سارة\ركوني أخوي حبيبي متغير واااجد وش مسويه فيه..؟؟
غادة\سوير فكيني من شرك لا أتوطى في بطنك..
سارة\ياربي لا تقولين باقي تستحين..تراني أخبرك مثلي مضيعة السنع..
غادة عصبت وضربت سارة على راسها\انطمي ولا تكلميني الى يوم العيد بعد سنتين طيب..
سارة\هييييه ترا بيني وبينك عهد لاتنسينه..أنا نفذت نصي من العهد والحين دورك..
غادة بحقران\تهبين يالخسيسة مابيني وبينك شيء..
سارة تشهق\غادوووة والله تعلميني ولا ما اعلمك لما اتزوج مرة ثانية ..
غادة\هههههههههههههههههههه ياويلي منك ناوية تتزوجين مرة ثانية..؟؟
سارة\بسم الله علي الله يحفظ زوجي وبيتي..عفوية عفوية طلعت عفووووية..
غادة توقف\قومي لا بارك الله في عفوياتك ياكثر ماتجيب العيد..
قومي وديني جناح اخوك يالله..
سارة بعيارة\يووومه يعننها ماتدري وين جناح راكان؟؟
غادة بخبث\طيب الشرهه مو عليك على اللي يبي ينفذ نصه من المعاهدة تفووه عليك..
سارة انشق حلقها من الوناسة\جايتك يا بعد روحي..واذا ودك اشلك على كتافي طاح وجهك..
غادة\هههههههههههه الا وجهك...

طلعوا لجناح راكان قبل لا تدخل غادة سحبتها سارة بقوة..
غادة بعصبية\وجع وجع وجع ترفقي فيني تراني عروووس..
سارة\فووتي برجلك اليمين...
غادة\على تبن بغيتي تكسريني...
سارة تمسك غادة وتلصق فيها\غدووو حبيبتي راكان مو فيه خليني أشلك وأدخلك جناحكم.
مثل زوجي يوم شلني...
غادة\لانه ثووور..لو كان زوجك كفووو كان شاتك مثل القطوة ودخلك الجناح..
الحمدلله والشكر تشبهين نفسك بركووني...أعوووذ بالله..
سارة بشهقة وقية تضرب غادة وتدخلها الجناح وهي تضربها..
سارة\هذا اللي تستاهلينه يا مئصووفة الرئبة...
غادة تضحك\هههههههههههههههه أولي ابن عمي هريتي لي كتافي..
سارة\هههههههههههههه داخلة جووو بقووة..
غادة تناظر في الجناح ومعجبة باللي تشوفه..
سارة بفخر\وش رايك بالذوووق؟؟
غادة\ماشاء الله روعة التصميم...بس مو غريب علي..
سارة سحبتها\لااا غرفة النوم بتجلطك جنااااان..
دخلت الغرفة ومتوقعة الغرفة راح تكون بأناقة المدخل والصالة..
سارة بخبث\وش رايــــــــــــــــــــك..؟؟

غادة وقفت مصدووومة من اللي تشوفه...
هذي الغرفة كيف وصلت لهم...
مدخل الغرفة من الحجر الأحمر الصغير ال لامع..
اللون الدارج للغرفة بين الموف والرمادي المائل للأبيض..
الأرضية مرسومة بالسيراميك الملون...
مصنوع بحيرة صغيرة معكوس فيها رسم لأسماك صغيرة..
السرير مصمم مثل السفينة من الخشب الفاتح اللون...
وعليها من فوق مثل الأشرعة النازلة على جوانب السرير لكن كانت مرفوعة وهي تشوفها..
بسقف الغرفة رسومات رائعة...
طريق مرصوف بين صفين طووويلة من الأشجار الخريفية..والأوراق المتساقطة..
تسريحتها والادراج الملحقة فيها..
متأخذة طابع الستايل البحري الخرافي...

هذي غرفتي الخاصة..تصميمي أنــــــــــــــــا..
ناظرت في سارة متسألة..

سارة\ههههههههههههه مالي دخل راكان هو اللي جاب التصميم..
غادة بدهشة\كيف قدر يحصل على تصميمي؟؟؟
سارة\أعتقد من احد دكاترتك اللي بلندن..طلبهم تصميمك وماقصروا معه..
غادة\كذااااابة هم مايخونون طلابهم...وهذي الغرفة ماعرضت تصميمها عندهم..
سارة تبتسم\خلاص أعترف انا سرقت التصميم من عندك وعطيته راكان..
مالي دخل هو المسئووول..وانا حبيت اكون شريكة في رحلة استعادة حب غادة..
غادة\أي رحلة هذي.؟؟
سارة تجلس على السرير\هذي الله يسلمك مشروع تعمير لأحد الأبنية التحتيه لناقلة النفط سامسونج..
غادة\يا هبلاء وش دخل النفط في سمسنج وايش اللي دخل البنية التحتية في النفط..؟؟
سارة\ههههههههههههههه مدري بس هذي ألفاظ توني متعلمتها وحبيت اكون جملة مفيدة قبل لا انساهـا..
وأشوف نفسي عليك واني صرت اعرف في هذا الكلام..
غادة\ههههههههههههههههههه ما انتي بصاحية..
سارة تسحب غادة وتجلسها جنبها\يالله قولي كيف حليتوا الخلاف بينكم..
غادة\أي خلاف..؟؟
سارة\غادة قلبي روحي حبيبت قلب أخوي لا تجننيني...
ترى انا عارفة سالفتكم من اولها لأخرها..
غادة بضيق\وش اللي أنتي عارفته...
سارة\انكم تزاعلتوا زمان وتركتوا بعض..
غادة تقاطعها\انا اللي تركته ...
سارة تماشيها\طيب أنتي هو كلكم واحد المهم كيف تراضيتوا..؟؟
غادة\قال آسف قلت حياك الله وأنتهى الزعل..
سارة\تصدقيين اني غبية..وأني باصدقك ..وجعععععععععع قولي لاتحرقين قلبي..
غادة\اووف منك وش اقووولك؟؟
سارة\كيف تراضيتوا..؟؟
غادة بحالمية\امممم بليلة زواجنا..
سارة\وهـ ياقلبي كملي وش صار..؟؟
غادة\هههههههههههه شوي شوي لا تسيحين بعدني ماكملت..
سارة\كملي ماباسيح ..
غادة\يووووه سارة أستحي اقوولك..
سارة\ياللي ماتستحين على وجهك رايحة مع اخوي لدبي..
وماخذين طول هالوقت وجاية الحين تدلعين وتقولين انك تستحين..
غادة\أجل وش تحسبين وجهي مغسول بكلوركس مثلك..
سارة عصبت\وغدة كملي أحسن لك..
غادة\اممممم جلسنا جلست مصارحة...أعترف لي بحبه وأنا ماقصرت معه..
سارة تشهق\ياللي ماتستحين وش قلتي له ..؟؟
غادة\ههههههههههههههههه عادي تراه زوجي ههههههههههه..
سارة\في ليلة زواجكم قلتي احبك ومدري وشهو..؟؟
غادة\لا عااد تراني استحي كثير..قلت له لازال قلبي مجروح منك ..
أخر كلام غادة قالته بالانجليزي...
سارة\يااااااااااااااااو قلتيا أحبك بالانجليزي ويعننك تستحين ..؟؟
غادة\هههههههههههههه الحين هذي ترجمة الكلام اللي قلته؟؟
سارة بكذب\ايه مو قلتي احبك اي لوف يو..؟
غادة\ههههههههههههههه لا مو كذا ياكذابة..
سارة\وهو كسر راسك بالانجليزي حقته..
غادة تبي تطفرها\لا فديته مايقوى يكسر راسي..مو انا حبه الأول والأخير..
سارة تشهق\قال كذا؟؟راكان اخوي قال كذا؟؟
غادة\ايه قال بس لا تعلمين عمي عشان لا ينقد علينا..
سارة\لا ماراح اعلمه وجع شايفتني خبل..وبعدين يطيح راكان من عين ابووي..
غادة\ههههههههههههه وليه يطيح..
سارة\يعننك ماتعرفين الرجال..مايبون احد يدري انهم يحبون حريمهم..
وخصوصا حريمهم لا يدرووون..
غادة\هذا زوجك الخبل بس زوجي غير كل الرجال..
سارة\ياحظك..طيب كملي وبعد احبك يا قلبي وروحي وش قال قصدي وش سوى..؟؟
غادة\مالك دخل سر..
سارة\غادوووة تراني علمتك علميني احسن لك..
غادة\مالي دخل استحي اقوولك عييب..
سارة\مالي دخل قولي وش صاااار؟؟
غادة\خلي أخوك يعلمك انا أستحي..
سارة\والله أساله تراني مسحوبة من لساني..
غادة\اذا فيه خير خليه يعلمك..
راكان بمرح\وليه ما اعلمها..أجل تبين أختي تموت من الغيض بسم الله عليها..
وقفت غادة مصدومة من دخوله عليهم..
وبذهن متجمد حاولت تتذكر وش اخر كلامها ولا يكون سمع شيء..
سارة\مادمت كشفتنا لا تخليها في خاطر أختك..ترى عندي بزارين لا تموت امهم من الغيض..
راكان بخبث\لا والله ما اخليها في خاطرك..بس استرينا وانا اخوك..
نقلت نظرها بينهم ..من جدهم هذولاء بجد مايستحون..
نهرت نفسها تكفين انتي ياللي تستحين..مو قبل شوي تكذبين يالكذوب...
قرب راكان منها وسارة مفتحة عيونها مبسوطة..
غادة تبعد\خير خير وش فيه ابعد..
راكان\لا بس ابي أأكد لك إن فيني خير..هذا اللي صار ياسارة..
ضمها وقبلها على شفايفها قدام سارة ..
سارة شهقت وأنفجرت من الضحك ماتوقعت هالشيء يصير قدامها..
رحمت غادة وهي تتحرك بين يدينه مستحية منها ومنه..
خرجت من الغرفة وتركتهم بعد مانساها اخوها..
راكان بهمس\هذا اللي صار صح؟؟
غادة دفته عنها بقهر ودخلت دورة المياه وقفلت عليها..
ظلت مرتكزة على الباب ويدها على قلبها اللي يخفق بقووة..
لا تصدقينه هذا خاين...
خانك..جرحك طعـــــنك..
أنتي تكرهينه..تكرهينه تبغضينه...
أنتي تحبي هديل تحبيها مووت..وهو تكرهينه لحد الموت...
مسحت على فمها بقوووة تمحي أثارهـ عنها..
فتحت عيونها بضيق..
وأنذهلت بتصميم الحمام المشابه لديكور الغرفة..
سماوي بحري..
البانيو كبير على شكل صدفة كبيرة..
المغسلة متخذة رسم نص الدلفين..
أما الرفووف كانت أيدي أخطبوط..
أستغربت عند الرفوف لان هذي ماكانت فكرته ولا طرت في بالها..
لربما من بنات أفكار راكان..

طلعت من دورة المياهـ ودخلت غرفة الملابس من دون ماتتكلم معه..
مو غضب قد ماهو خجــــــــــــل من اللي صار..
بدلت ملابسها وتجهزت للعزيمة ونزلت قبل لا يشوفها...
لانه كان بدورة المياهـ..

؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛ ؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛
في صالة بيت أبــو غازي ....

شوق بهمس\استح على وجهك ماتشوف عمي جالس قدامك..
طالب يشد على يدها\وش دخلني في عمك زوجتي ماله شغل..
شوق\طالب..
طالب\معصقل..
شوق بقهر\عمــــــــــــــي عمــــي...وش فيك ماترد..
طالب\انا من رأيي الشخصـــي..نحرتم لحظة صمت عمك وتفكيرهـ ونروح نجلس لحالنا..
شوق بغيض\ياما كان يغم قلبك من جلستنا لحالنا..
والحين ماعدت احب جلستنا..باجلس مع عمي..
طالب بدلع\يعني كنتي تحبين جلستك معي والحين لا..
شوق بخوف\يووومه عميييي عمييييييييي..
طالب\هههههههههههههههههه ادري دلع الرجال يخوف..
شوق\وانت الصادق دلع الوحوش..
راجح\ههههههههههههههه وش بلاك يابنت..؟؟
شوق\فاتك قبل شوي طالب كان يتكلم بدلع..
راجح فتح عيونه بقووة\بالله عدها ياولد..
طالب\استحوا على وجيهكم قالوا دلع..ياي..
راجح\هههههههههههههههههه اروح صاروخ على ياي هذي ههههههههه
طالب\وش اسوي في بنت أخوك كل ماقالت قالت ياي ومدري وشهو...
شوق\ياربي بدوو بدووو مهما قلنا تحضروا تطوروا تظلوون على افا ..كفوو .. اتحداك..
راجح\وش تبين نقول ميرسي ولا ثانكس..
شوق\الا على طاري ميرسي كيف كانت السفرة؟؟
أكيد مالها جوو مثل يوم كنا معك كلنا..
راجح بجمود\ماشي حالها..
طالب\مريت على غازي؟؟
راجح\ايــــــه مريت عليه يسلم عليكم..
شوق بزعل\عمي إنت تدري ان هديل تكون زوجت غازي؟؟
راجح بحدة\أنتي ماتخلين طبايعك العاطلة؟؟
شوق\وش سويت والله اقولك الصدق هديل زوجته..
راجح بعصبية\أدري انها زوجته أجل وش صيغتها جالسة معه؟؟
شوق\مدري توني عرفت من أمي انها تصير زوجته ماكنت أدري..
راجح\شوق تبين تجننيني..هذا شي مايبيله أحد يفهمك اياهـ..تراك مو بزر..
شوق\مدري عنكم مو هو يقول انها جاريته وخادمة عندهـ..
هو اللي قال كذا ماقال انها زوجته..
راجح وقف وسحبها من على الكنبة بسرعة وهزها بقوة..
راجح بصراخ\أنتي وش تخربطين وش تقولين ؟؟؟
شوق بخوف\والله هذا اللي قاله لي..وهي بعد تقوله..
انها خادمة عندهـ ماكنا ندري انها زوجته لا انا ولا رشا..
طالب يبعد راجح عن شوق\راجح واللي يرحم والديك ابعد عنها وتكلم معها بالهداوة..
مابقى الا تضربها وانا موجود..
راجح بصراخ\أنت ماتسمع المجنونة وش تقول..؟؟
طالب\هي قالت الصدق..
غازي قال لهم انها جارية عنده ومابينه وبينها اي علاقة شرعية..
راجح\متى قال لكم هالكلام...تكلميييي؟؟
شوق من ورى طالب\من اول ماعرفنا انه أخذها من هلها..
قال خذاها منهم خادمة له بدل عن أخوها..والله العظيم توني عرفت انها زوجته..
راجح\وكلامك اللي كنتي تقولينه لها..؟؟
شوق تبكي\كنت اظنها مثل ماقال خادمة..
راجح شال شماغه وعقاله من على راسه ورماه على الأرض..
تكلم بغيض\حسبي الله ونعم الوكيل عليك وعلى أخوك وعلى هادي وهله..
حسبي الله ونعم الوكيل..

شوق طلعت غرفتها بسرعة قبل لا يضربها عمها...
بينما راجح بعد ماكان يفكر برشا وغرابتها..
رجع يفكر بهديل..
يتذكر بمرة من المرات لما رجعها لغازي وهي هربانة منه..
كيف قالت انهم يحتقرونها..وبيشوهون سمعة أبوها..
كيف قالت عن نفسها جارية وهو أستنكر قولها بصدمة..
بس ماطرى في باله أبداً إنها تكون مؤمنة بهالشيء ومصدقة فيه..
كان يعتقد إنها تتكلم لانها زعلانة من غازي ومن حرمانه اياها من اهلها..
اذا كانت طول هذاك الوقت تعتقد نفسها جارية..
فهي حالها من حال شوق ورشا..ماتدري انها زوجته..
لا مستحيل غازي يوصل لهذي الدرجة من الدناءة..
تذكر شكلها تحت الحصان وهو يرفسها..
وكيف حاولت تنتحر ولما عميت انهارت..
ورفضها انها ترجع لاهلها وهو يطلبها ويترجاها تهرب معه لهلها..
ما اقدر ارجع لهم..
مالي وجه أقابلهم..أنا خنتهم خنتــــــــــــهم..
مـــــــــــــــــــــــــابقى شيء خلاص مابقى شيء..
خذا مني كل شيء..ذبحني قتلني خلاص..
وقف وهو يرتجف من احساسه..
كلامها مايدل الا على شيء واحد...
إنها الى الحين ماتدري إنها زوجته..وإن النذل أغتصبها..

طلع من البيت توجه لمكتبه وأتصل بالسفارة السعودية في ايطاليا..
وبعدها على الجوازات ...

والله اللي صدقتي ياهديل .. مالنا عذر..


؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛ ؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛

دخلت غرفتها وتوجهت لغرفة الملابس بسرعة وأخذت بجامة ولوازم الحمام..
تبي تتتسبح وتبدل قبل لا يدخل راكان ويشوفها..
خرجت من غرفة الملابس بشكل سريع ودخلت دورة المياهـ ...
انصدمت لما سمعت صوت الماي في الحمام..
وان راكان يتحمم..
طلعت من الحمام بسرعة كانت بتكفخ نفسه من القهر والفشلة...
الله ينشف ريقك ياسارة لو ما اخرتيني كان سبقته وانا نايمة الحين..
قررت تبدل ملابسها ببجامة وتنام وتأجل التسبح لبكرة لما تصحى من النوم..
توها بتدخل غرفة التبديل الا وراكان يعترض طريقها ويمنعها..
كان بروب الحمام ومنشفته على شعرهـ..
راكان باعجاب\الله الله وش الزين هذا كله...
مسك يدها ولفها تدور بين يدينه..
راكان\ماشاء الله حصنتي نفسك وقرئتي أذكارك؟؟
غادة منحرجة منه ومو قادرة ترفع راسها وتناظر فيه..
كانت متفشلة تقابله من العصر بعد اللي صار بينهم..
والحين منحرجة من نظراته وإعجابه فيها..
شافته يقراء عليها ثم يقبل جبينها...
إحساس غريب يسيطر على قلبها..
تمنت لو تبوسه على راسه..
لأنه يحترمها يداريها يرجع لها شيء من ماضيها لماكانت تحبه..
طفرت دمعة من عينها..
لأن مشاعرها تتقاتل جواتها..
تهتف وتقول سامحيه..انسي الماضي أنتي أكبر من الاتهامات..
وهو اكبر من انك تذلينه وتنتقمين منه..
ويطغى صوت غاضب على قلبها..
إياك تفكرين تسامحينه او تحبينه...
حبيـــــــه اذا تبين بس بعد ماتربينه وتأدبينه...
إبعدي عنه إنتقمي لنفسك ولكرامتك...
بكرهـ يهينك بشكه ان صار شيء يثير الشك..
أو يقول عادي مثل مارضت بشرفها ترضى بغيرهـ...
لازم العدالة تأخذ مجراها يا غادة..
سحبت نفسها منه وهي ترتجف..
دخلت غرفة التبديل وقفلت الباب..
جلست بالزاوية وضمت نفسها بقوووة..
حطت يدها على قلبها\لو أدفنك تحت التراب ما اخليك تتهنى بحبه وانت مجروووح...

بعد فترة تمالكت اعصابها بدلت ملابسها ببجامة حرير باللون الأسود..
وطلعت من الغرفة..
كان منسدح على السرير ينتظرها..
جلس لما خرجت وظل يراقبها بهدوء..
كانت تمسح بقايا الكحل من عينها..
مررت اللوشن على يدينها وظلت واقفة بمكانها تناظرهـ..
راكان بهدوء\تعالي اجلسي...
جلست على كرسي باللون السماوي الأبيض...
راكان\وش رايك بتصميمي لـ الغرفة ..
غادة تماشيه\ماشاء الله عليك إحتراف..
راكان يبتسم\عشان بس تدرين مو انتي لوحدك اللي تعرفين تصممين.
غادة\هههههههههههههه ايه عرفت اللي ابتكر هالتصميم خياله بمنتهى الروعة والقمة..
راكان بفخر\وانا معك بكل كلمة..عسى بس أعجبك وكان مثل ماتخيلتيه..
غادة بصراحة\هو رائع مرة..بس ناقص أشياء ماكانت اللي في بالي..
راكان\تحت امرك الناقص بإمكانا نعدله..
غادة بهدوء\والاخطبوط اللي في الحمام..؟؟
راكان\وش فيه؟؟
غادة\صدمتني فيك اخطبوط عاد مالقيت غيرهـ..يعننك تبي تصمم وتساعد..
راكان\هههههههههههههههههه والله ماهو بأنا تراه من إختيار سارة..تقول انه اختيارك..
غادة \ههههه تكذب وانا انصدمت قلت مو لها الدرجة ماعندك ذوووق..
راكان\كأنك تتمصخرين..لو ماعندي ذوووق ما أخذت ست النساء وتاجهم..
غادة بغرور\وهذا اللي صدمني اكثر..ماخذ ست النساء وأخرتها اخطبوط..
راكان بغمزة\هههههههههههه كسرهم يا مغرووور يا واثق...
غادة بخجل\تصبح على خير...بأنام في الصالة..
راكان مسك يدها قبل تطلع من الغرفة..وجلسها وجلس جنبها..
بصوت هادي\غادة انا وعدتك مايصير الا اللي يرضيك...
ما اجبرك على شي او اضايقك..واذا نمتي على السرير وانا نمت عليه..
هذا ماراح يغير في وعدي شيء..وبالتاكيد ماراح أرضى تنامين برا غرفتك وعلى الكنبة او الأرض..
وان كنتي ماعندك ثقة فيني وتظنين اني وحش..
فخلاص انا اترك الغرفة لك واطلع في الصالة..
حست أنها تذوب في ثيابها من الخجل..
بتصرفه حط الحق بصفه ومعه..
ولو عاندت وقالت ايه اخرج بتكون مثل البزر وماعندها حكمة..
غادة هزت راسها ببطء\كلامك ماعليه غبار ياراكان..
أنا ما أشك فيك وبكلامك...بس لاني ماتعودت على وجود احد معي..
هذا كله خجل صدقني مو شك فيك..
راكان\وهذا الخجل لازم ينحل ياغادة...
أنا ما أستعجلك او المح لشيء..بس ما ارضى نظل على هالحال لفترة طويلة..
غادة بغصة\قلت لك اصبر علي ياراكان..
انت تدري باللي في قلبي..
راكان\والله ماهو عشاني كله عشانك ..

نامت بجهتها من السرير...وهو بالجهة الثانية..
ماقدرت تنام ولا تغمض عينها..
مواقفه معها تطارد خيالها وتنغص نومها..
هذا بالاضافة لخوفها لا تقرب منه من دون ماتحس..

؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛ ؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛



لامة نفسها بقوة..وجالسة ترسم على الثلج...
أو بالأصح تكتب..
ولا تدري اذا كان اللي تكتبه صح او ملخبط ومعفوس..
المهم تكتب اللي بخاطرها...
دخلها غرفتها وراح عنها وهذا اللي كانت تتمناهـ..
جرحها كثيــر وماقصر فيها..إهاناته تغطيها وتزيد..
قدرت تتذكر تفاصيل غرفتها بصعوبة...
ضاعت في الغرفة مرتين لحتى وصلت ل الباب الزجاجي الخاص بالبلكونة..
فتحته بسهولة وخرجت على بلكونتها بحذر..
تدري ان الحافة بعيدة عنها..لكن ابليس يوزها ويحرضها على الغلط..
جلست على الثلج بتعب وحضنت نفسها بيدها المكسورة..
عقاباً لــــــي ..
سأبكي ولكن أفتقد الدموع فعيناي تبخلان بها الآن..
سأستبدل العقاب بالنواح..
صوتي الخائن مختنق بغصة الخوف...
لِم لا أجرب قهر النفس..
لربما أفلح في هذا..؟؟؟
وهل يُقهر المقهور..؟؟
أو يُقتل الميــــت..؟؟
أريد أن أعاقب نفسي...
أعاقب تلك البليدة الحمقاء...
غبيــــــة أنا,,
غبيـــــة أنا,,
ماعاد لليأس مايمزقه فيني...
أنا مزقت نفسي وأضعتها..
كــــــــــــم أنا حقيــــــــــــرة..
صغيرة متطفلة..
تــــــــــباً لــ الغربة...
تـــــــــباً لــ الرحيل والسفر..
تــــــــباً لـــــــــي ولـــــــــــهـ ولهــــــــــــــم ...

مـــــــــــــــرحى لـــــــ الظلام ...

غازي بقهر\وش اللي خرجك هنا...؟؟
هديل\...................... ربي بيسامحني؟؟
غازي جلس جنبها وهو يغطيها بجاكيته..
وهمس\وش ذنوبك اللي مخوفتك؟؟
هديل دارت بعيونها تبي تذكر أي ذنب من ذنوبها..
تبي تذكر أقوى ذنب..بس كلها متشابهة بعيونها..
تنهدت وظلت ساكته..
غازي\كثيرة ذنوبك لدرجة مو عارفة تختارين واحد منها؟؟
هديل\مـــــاقدرت أحصيها..
غازي بحنية لم يده على كتوفها وقربها منه..
مسح على شعرها وحركت غرتها بعبث على جبينها..
غازي\أنتي ذنب..لكنك أطهر ذنب وأطهر روح عرفتها..
هديل برجاء باكي\لاتوصفني بالطهر..
هذي الصفة تكون لناس طاهرين مقبولين في الأرض..
مو مكروهين منبوذين حقيرين...
غازي\هششش حتى رمي نفسك بالكلام الغلط يُكتب عليك بكتابك..
هديل\غابت الشمس؟؟
غازي\من ثلاث ساعات..
هديل\متى بتجي؟؟
غازي\لما سويتي العملية..
هديل\ما ابي أسويها..
غازي بطولة بال\ليــــــه؟؟
هديل بصدق\لأني ما ابى أشوفك..
غازي\يعني تفضلين الظلام..؟؟
هديل\أحس فيه بأمان..
غازي\تظنين لو ظليتي عمياء راح أتخلى عنك..
هديل بألم\حتى لو رجعلي النظر بتتخلى عني..
بترجعني لهلي عشان تقهرهم فيني وتقهرني..
غازي\وإن رجعتك كيف أعيش..؟؟
هديل\أنتقمت والله العظيم أنتقمت لأخوك ووفيت دينك عليه..
حسرتك على اخوك ماتسوى حسرت الحي على حي..
غازي\حسرتي على أخوي أقوى..
هديل\أنا رسل وضعت منك...
خذاني إنسان قاسي يكرهك ويبي يقهرك فيني..
يبي ينتقم مني لأني تواجدت على نفس الكوكب اللي أخوهـ فيه..
وش ذنبي يوبه يأخذني منك ويغربني..ويعيشك مع امي وهلي في حسرة..
ويخليني كل ليلة أحلم بحضنك وحنانك وأحلم بامي وحضنها..
قلي يـــــوبه مت لحضنك يرجعني...أنا رسل بنتك رسل..
ضمها على صدرهـ بقووووة وهي تبكي وتردد انا رسل..
من زمان تخيلها بنته وهو أبوها..
قال لها انا فقدت بنتي وأنتي فقدتي أبوك..
كل واحد فينا يعوض الثاني..
ثارت فيه وقالت أبوي حي مامات..
بس اذا درت إنها ميته وحية وش تسوي...
غازي بحنان\أوعدك ينحل كل شيء ياروحي...
والحضن اللي تبينه ترجعين له..بسك غربة ياروحي بس..

؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛ ؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛


في حديقة البيت عند المسبح...
غازي نايم بحضنها وهي لامة عليه بقوة...
وصلتها رسالة من راجح...
...خليك في المكان اللي يريحك أنا اعطيك الفرصة لحتى تشرحين كل شيء لي..
أتمنى ماتتاخرين ولا لاتلوميني اذا تصرفت ونطقتك بالغصب...

وش تبيني أقوول...
وبايش اعترف...
أنا بريئة إرحمني ريحني واللي يرحم والديك...
مو قادرة أقووولك...لانك بتكون مثل سعود..
بتكون مثله وبنفس رأيه...
كفاية شايلة ذنب برقبتي بسكوتي..
خلووو الماضي مدفوون تكفون..

المــــــــــــــاضي...
دخل السيارة معصب وماسك نفسه بالغصب لا يأخذه منها بالقوة..
سعود\عاجبك الوضع..الكل ملاحظين أن الولد ما يعرفني أبد..
رشا بهدوء\ما احد يهمني..
سعود\بس أنا يهمني..غازي ولدي وأبيك تتذكرين هالشيء..
رشا بقوة\لا ماهو ولدك...أنت تخليت عنه انت تنازلت عنه وقلت ما تبيه..
انا أمه وانا دنيته..ماله احد غيري..
سعود\رشا اللي قلته لك حقيقة مو كذب...
رشا\حقيقة على نفسك وعليهم..
انا وولدي مالنا دخل فيكم..حلوا مشاكلكم بعيد عنا..
سعود\يابنت هذا مو ولدك لا تجننيني..
رشا بصراخ باكية\لا ولدي غصب عنك وعن اللي يقول لا..
والله العظيم أشكيك لربي وما أسامحك..
حرام عليك لا تأخذه مني..
أرهقتني أحرقت اعصابي..صرت خايفة طول الوقت..
تكفى سعود خلنا نروح العمرة مثل ماقلت لشوق تكفى..
سعود مسك يدها وباسها..وباسها على جبينها..
وهمس بحنان\سامحيني وحلليني..
حملتك فوق طاقتك وعذبتك معي..
رشا تبكي\سعود ما أبي نروح الكويــــت تكفى تكفى لانروح..

بكت وحضنت غازي أكثر...
همست بألم\لو رحت معه ماكان صار اللي صار..
كنت انانية بحبك والى اليوم انانية أبيك لي..
تكفــــــى لا تخليني..لا تروح عني من بعدك اموووت..

؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛ ؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛

طلعوا من المستشفى وهو لام يده على خصرها واليد الثانية ماسكة يدها اليسرى..
صار لهم أكثر من أربع ساعات وهم يسوون التحاليل والأشعة والقياسات...
همس لها\بردانة...؟؟
ماردت عليه وطنشت وجوده..
وكانه نسى إنه هاوشها وصارخ عليها في بدايت اليوم..
لما مارضت تروح المستشفى..
صار لهم في روما ثلاث أيام ...وكان اليوم موعدهم...
حزنت كثير لما غادرت المزرعة..
وتحزن اكثر لما ترجع لها...
ماريا تمسكت فيها ضمتها غصب عنها..
ترجتها تسامحها ...
ماريا\أرجوك يا صغيرتي سامحيني لم اكن انوي ايذائك أبداً..
هديل بهدوء\لا بأس ماريا لم يكن ذنبك انتي فقط..
ماريا\تذكري بأني أحبك واتمنى ان تكوني بخير..
هديل\سأتذكر هذا وداعاً..
وصلتها ماريا عند السيارة ودخلت القصر..
سمعت صوت قريب منها تلفتت بحذر وهي ماسكة مفتاح الباب..
.......\هـــــــل ستعودين؟؟
هديل\هذا ليس من شأنك..
فكتور\بعد ذاك اليوم عندما رميتي نفسك لذاك الحصان..
أدركت بأني رجل نذل جداً..أعتذر لأني ضربتك كثيرا وأذيتك ..
كنت اتمنى أن التقي بك لوحدك دون السيد لكي أعتذر...ولكنه كان يحاوطك طوال الوقت..
هديل\فكتور لن أسامحك..
فكتور\أعلم...لقد ضربتك وأذيتك وتمردت بشدة...
هديل\ليس هذا هو السبب..
فكتور\على ماذا إذن؟؟
هديل\لم تساعدني عندما طلبت منك المساعدة...هددتني وأخفتني..شكرا لك..لن أنسى هذا..
فكتور\لاترحلي وانتي غاضبة أرجوك سامحيني..
أقسم بان هذه لم تكن من صفاتي أبداً..
هديل\هل تعلم بأن لي قلباً غبياً..
لم يعد باستطاعتي الحقد او الكرهـ..
وداعا فكتور...أنا راحلة..
فكتور يحرك قبعته باحترام\سأعود لزيارتك في يوماً ما..

غازي بهزها\وش فيك تعبانة؟؟
هزت راسها بالنفي\لا وين رايحين؟؟
غازي\راجعين الفندق عشان ترتاحين..
هديل\طيب..

وصلوا الفندق سدحها وغطاها نزل اللوبي تبع الفندق..
وأجراء اتصال مهم ومصيري..
أنا وعدتها وصار وقت ننهي المأساة...


ردودكم تسعدنــي ..~

 

[مسـك]

رووووووعه القصه


انا اندمجت بليز لاتاخرين فالبارت


وكم بقى بارت ؟؟

 

[طــُـهــر ♥!]

رووووووعه القصه


انا اندمجت بليز لاتاخرين فالبارت


وكم بقى بارت ؟؟

,’


مرورك الروعهه
ولآ يهمك
بــآقي وآآيد للحد يستعجل ..~



,’​

 

[طــُـهــر ♥!]

البارت الثالث والأربعون ...


أنت السعادة و الكآبه

و الوجد حبك و الصبابه

أنت الحياة تفيض بالخصب

المعطر كالسحابه

منك الوجود يعب

فرحته و يستدني شبابه

و على عيونك تنثر

الأحلام أنجمها المذابه

و على شفاهك يكشف الفجر

الجميل لنا نقابه....


المرحوم باذن الله تعالى...غازي القصيبي...



في غرفة شوق كانت ترتب شنطت طالب ..
غرقانة بتفكيرها فيه..ومستغربة احساسها ليه زعلانة..
وليه مكتئبة هذا اللي كانوا مخططين له..يوصلها لبيت أهلها يطمن عليها ويسافر..
ومع الوقت بيدركون هلها انها ماتبي طالب وبينفصلون..
طبعا هذي كانت فكرة شوق...لما شافت انها ماتقدر تقول لامها طالب مايبيني وانا ماعدت ابيه..
لمت شماغه بين يديها... شمت ريحته وحست بدموعها تخونها..
ماتدري ليه سوت اللي سوته..
بس قلبها مايقدر ينقطع عنه بهالشكل...
لمت الشماغ وحطته بكبتها وقفلت الكبت...
فتحت أحد أدراجها وطلعت علبة خشبية صغيرة فتحتها وخرجت دمية زجاجية منها..
كانت هدية من طالب..ماكان لها مناسبة...
بس عند شوق كانت مناسبتها انها اول هدية يهديها لها من دون مايغلفها بقسوة كلامه..
أو سخريته ومحاولات اغاضتها..
أعطاها اياها بصمت وهي أخذتها بالمثل...
لذلك كانت تبتسم وتبسط لما تشوفها..بعكس هداياه الاخرى..
كان لكل هدية جرح او كلمة معلقة فيها..
طالب\عصقووول..
انتفضت بمكانها وخبت الدمية وراها قبل ينتبه عليها..
طالب\وش مخبية وراك؟؟
شوق\ولاشيء..اممم ترى جهزت اغراضك..انت شيك عليها اذا ناقص شيء..
طالب قرب من شنطته وعفسها وهي مبققة عيونها فيه..
شوق بشهقة\الحين مرتبتها لك وانت عفستها..
طالب\وينـــــــــــها؟؟
شوق حست الدم تجمد بعروقها..
ماتوقعت يفتقد شماغه بهالشكل..مو عنده كثير منها..
شوق بهدو\معي..
طالب\هاتيها..ما اقدر اسافر من دونها..
شوق\مو الحين اقصد مو قريب مني..
طالب بحدة\أبيها ألحين..
فتحت كبتها بخجل وخرجت الشماغ من بين أغراضها...
رمته عليه وجات بتطلع من غرفتها..
لكن هو سحبها من يدها دخلها الغرفة وقفل الباب..
ثبتها على الباب وهو يناظر بدموعها ويرجع يناظر بشماغه..
رفعه بيدهـ\وش ذا؟؟
ماردت عليه تحس بغصة تخنقها واذا تكلمت يمكن تبكي..
رفع وجها بيده\جاوبيني..
شوق بصوت مخنوق\شماغك...مو قلت تبيه؟؟
طالب\لا ماقلت ابيه..بس وش كان يسوي بكبتك؟؟
شوق حطت يدها على صدره تبعده عنها..
بس هو ثبتها أكثر وقرب منها..
شوق بقهر\مو كنت تهاوش تبي شماغك هذا هو معك يالله لم شنطتك والله معك..
طالب\ماكنت أهاوش ابي شماغي..
شوق\أجل وش تبي وش مضيع من أغراضك..؟؟
طالب بخبث\كنت أبي عصقولتي مالقيتها بالشنطة...أتاريك كنتي سارقة شماغي..
شوق طاح وجها\أأ ل لا انا ماسرقت شماغك لاتتبلاني..
اوووف ابعد باروح لامي..
طالب\تروحين لامك وزوجك بيسافر بكره..
وهذي اخر ليلة تقضينها معه ياعصقوول..؟؟
شوق\لاتقوول عصقوول..مااحب هالاسم...
طالب يضحك\هههههههههههههه وانا اموووت فيه لانه منك..
شوق\ابعد خنقتني..
طالب\اول اعترفي ليه سرقتي شماغي..تبين تسحريني؟؟
شوق منحرجة منه بقوووة ومن قربه منها..
طالب\شواقة تبين تسحريني؟؟ولا تحبيني؟؟
نهرت نفسها بقهر لاتخلينه يدووس عليك..
أنتي تعرفينه بيحطمك بيكسرك وقفيه قبل يسويها..
شوق بسخرية\واثق بنفسك بزيادة..إلى الآن تحسبني ميته عليك...
لطالما قلت لي اصحي من اوهامك..اليوم أقوولك اصحى من أوهامك ..
طالب بعناد\وش كان يسوي شماغي بكبتك؟؟
شوق تبتسم\اللي تسويه هذي..
خرجت الدمية الزجاجية من جيب بنطلونها وحطتها بكفه..
بعدته عنها وفتحت الكبت..
خرجت كل هداياه لها ونثرتها بشنطته بين ملابسه..
شوق بحدة\واللي تسويه هذي...كلها بقاياك شلها معك..ما ابي منك شيء يظل عندي..
طالب\يؤؤؤ أنتي محتفظة بكل هذي الهدايا..وانا ما احتفظت بهداياك..مدري وينها يمكن رميتها..
شوق بقهر\عمرك ماراح تتغير بتظل مثل ما أنت..ماتحس ما اطيقك..
رمت ملابسه عليه وهي تصرخ فيه..
شوق تبكي\اطلع من حياتي اكرهك ما ابيييك...روووح سافر طلقني..
طالب يضمها وهو يضحك\وأنا أموووت فيك وأحبك وأبييييك...
ضربته وحاولت تبعد عنه بس هو كان يضمها بقوة وماسمح لها تبعد عنه..
شوق\اتركني اكرهك ياكذاب يامتخلف..
طالب\هههههههه اهدي يارروح طالب وقلبه..
وش اسوي بنفسي أحبك لما تعصبين..
شوق رفسته على أرجوله\وانا ما احبك ابعد عني اتركنيييييييييي..
طالب\تعقبين ما اتركك..
جلسها على السرير وجلس جنبها..كانت بتوقف بس شدها له وجلسها غصب..
شوق بغضب\اتركني ما ابى اجلس معك..وهذي الخرابيط والهدايا ارمها مثل اللي قبلها..
طالب يبوسها على خدها بقوووة..
وهي تضربه\لا تلمسني ما ابييك ابعد..
طالب\هههههههههههه طيب اصبري هشش ولا كلمة كفختك الحين..
كانت بتتكلم بس فتن عليها\قلتلك ولا كلمة ..
فتح جواله وقربه منها...
طالب\شوفي وحدة مزعجتني تراسلني وتحاول تستدرجني..
بس أنا ماعطيتها وجه لاني متزوج..رسايلها هذي من زمااان..
شوق وقفت وبعصبية عضته على كتفه بقوووة وهو انسدح يضحك ويحاول يفكها منه..
بعدت عنه والجوال في يدها\لانها حمااارة غبية ومتزوجة جدار مثلك يالجماد...
يعني محتفظ برسايلي عشان تنكت عليها..
طيب انقلع وخذلك جهاز ثاني هذا باحرقه باللي فيه..
طالب لازال يضحك\هههههههههههههه باذبحك رسايل عصقوولتي ابيها...
شوق بقهر\طالب قووم انقلع من بيتنا ما ابيك عندنا..
طالب\عصقوولتي الى متى وأنتي تشوتيني من بيتكم؟؟
شوق\متى بيجي بكره وتسااافر..
طالب يضمها بقووة\لاتستفزيني واحلف ما أسافر الا وأنتي.............
شوق شهقت من الخجل\لا لا اتركني ابعد ما ابي.
طالب\ترى حذرتك لاتخليني اتهور...
شوق\طالب ابعد..
طالب يقبلها\أحبك يا عصقوولة..تبين اقولك كل هدية وش مناسبتها..
جلسها على الارض وجلس جنبها..
سحب الشنطة وحطها ع الارض وبداء يطلع كل هدية ويقول لها متى اهداها اياها..
وشوق تناظر فيه مصدومة ماظنت انه ممكن يكون متذكر الهدايا ومناسباتها..
ولما وصل عند الدمية الزجاجية ناظر فيها بشك..
طالب\هذي ما اذكر اني أهديتك إياها...
شوق\بلى انت اهديتني اياها ماتذكر؟؟
طالب\كذووووب لو انا كنت باتذكر المناسبة...
شوق تضحك\ههههههههههه مو هنا مربط الفرس لما أنت أهديتني اياها ماتمسخرت علي ولا ضيقت خلقي وطفرتني..
طالب بندم\أجل إرميها هذي هدية ذات غير نفعة..
شوق تخبي الدمية وراها\ههههههههههههه بل هي ذات نفعة كبيرة..
تراها احب هدية عندي منك ههههههههههه..
طالب\بس انا ما احبها ماكان لها مقصد نبيل..
شوق ناظرت فيه بتساؤل...
طالب\يعني ماخدمتني قبل اعطيك اياها وطفرتك..
شوق\انقلع دووووب..
طالب صار يلم الهدايا ويحطها بالشنطة وشوق مفتحة عيونها ع الآخر..
طالب يناظرها\وش عندك هداياي بفلووسي يمكن اهديها زوجتي الثانية..
وقفت بعصبية وسحبت الشنطة منه وخرجت هداياها...
شوق\عساها الجلطة قبل لا تمسك يدك يدها...وهداياي حامض على بوزك انت وهي..
روح واشتر لها هدايا من الحراج يالجدار..
طالب\هههههههههههههههه الحراج؟؟وش عرفك اني ماخذ هداياك منه..طلعتي نبيهه..
شوق ماقدرت تمثل العصبية اكثر..
جلست على الارض تضحك معه وهو ينكت عليها وعلى الهدايا..
أدركت انه صعب عليها تغيرهـ..
وبنفس الوقت أكتشفت حبه لها بتطفيره ومسخرته عشان تثور عليه وتعصب..
ظل يحايلها طول الليل ترمي الدمية الزجاجية ويقول ذات غير نفعة ...
وهي مصممة انها اغلى هدية...
ولما تساله عن هداياها واذا صدق رماها..
مايجاوبها بالصدق...
مرة يقول رهنتها في البنك واخذت قرض..ومرة يقول صادرتها الحكومة لان فيها نفط...
وفي الاخير يتبلاها ويقول انها ما اهدته ولا هديه وهي جالسة تتبلى عليه..

؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛ ؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛

تدري وش آقسى شي ممكن تعآنيه
واسوأ مرآحل وحدتك فٍ ححيآتك

هو إنتظآرك شخص يمكن تلآقيه !
ويمكن يغيب ولآ درى عن طرآتك

بس آلشعور آللي من آلصعب تخفيه
إنك تحبه رغم كسسره لذآتك..

قال لها بيطلعها تغير جو..تتمشى ويمكن تنبسط...
أستنكرت بدواخلها...
وش اللي راح يتغير..؟بيظل الظلام محاصرها..
سواء داخل الفندق أو خارج أسوار المدينة..
ماتدري كم مضى عليها وهي جالسة لوحدها على المقعد كان جالس معها..
لربما مل من انه يتكلم ويرد على نفسه...هذا اللي فكرت فيه...
تسمع أصوات الناس حواليها وتضم نفسها من الوحدة اللي تحس فيها..
ولأول مرة تفكر ملابسها وش تكون وباي لون...حجابها البالطو..
وبنفس الوقت أكتشفت ان هالشيء مايهمها أبداً..
عصبت عليه لما عرض يساعدها بملابسها وهم في الفندق...
كانت يدها تعبث بالملابس بفوضوية..
تحسست كنزة صوفية وحطتها على جنب..سحبت بنطلون ورمته بجهة الكنزة...
لمت ملابسها وبالموت لقت طريقها ورمتها في الكبت..
رجعت تبي تبدل لكن ماقدرت تلاقي الملابس اللي هي جهزتها..
ماتدري باي جهة ومكان حطتهم..
غازي\على يسارك بآخر طرف السرير...
طنشته ولا كأنها تسمعه وكملت طريقها بالغرفة...
ضربت بحافة السرير تحملت المها ومابينت له...
حطت يدها ع السرير وبدت تدور على ملابسها...
شالتهم ووقفت توجهت على يسار السرير لان الحمام من هذي الجهة..
دخلت وقفلت الباب عليها وهو ينتظرها بالغرفة...

سمعت صوت اطفال يلبعون ويركضون بالحديقة اللي هي فيها...
أبتسمت لصوت ضحكاتهم العالية ومرحهم..
بس حست بالم بقلبها ليش وبأي حق تبتسمين..؟؟
اللي مثلك خاينين تافهين مايحق لهم يبتسمون..
أبوك يدور عليك وأنتي خنتيه... كيف تقابلينه..
بس هو تأخر علي كثيـــر..تأخر ولاعاد ينفع اي شيء الحين..
بس هو بيسامحك بيعذرك لما تقولين له غصب عنك...
موضروري أقوله ماهو لازم يعرف وش صار..
ما احد راح يعرف..بيظل سر..
مجنونة أنتي وحدة حقيرة ومستعملة وراح يبين عليك هالشيء...
مسحت دموعها بيدها اليسار..
وتلفتت حواليها تبي تشوف شيء غير الظلام...
بس ماكان فيه الا الظلام وأصوات الناس...

لو كنت أشوف ماكان راح يغفل عني...
ولا يتركني لحالي...
بس لاني عجزانة وعمياء مطمن...

قريب منها على المقعد المجاور لها...
عيونه عليها يراقبها يتأملها..
يدري انها تحاول تشوفه وتعرف وين راح وتركها...
رغم صدها وتجاهلها له ورغم تحقيرها لنفسه ولوجودهـ..
مايقدر الا إنه يضمها أكثر..
يداريها ويجبرها تتقبل وجوده مساعدته وكلامه..
مايقدر يخفي اهتمامه وحبه لها...
ناظر بجواله وابتسم...
لو هي ترد على صاحب الرقم ..
يمكن من فرحتها ترجع تشوف...
بس الأمور لازم تجي بالتئني..عشانها بس..
رد بكل جمووود وألتهى باتصاله..



وقفت باستسلام...
وقررت تمشي...وحتى لو ماتعرف وش الخطوة الثانية المهم تمشي...
صدمت بكم شخص ماحاولت تعتذر منهم...
هم كانوا يعتذرون منها ويعرضون مساعدتهم عليها..
تبتعد عنهم وتكمل طريقها...
الجو باااارد وصقيعي...
لكن ظهرها راسها وعيونها تحس فيهم مثل النار المحرقة...
وكأنها تشتعل وقفت بمكانها خايفة من اللي تحس فيه..
همست بألم\أنا أحترق...
وبلحظات تحولت لقطعة جليد وأنحرمت من الهواء...
شهقت فتحت فمها تصرخ بس بلعت الماء البارد وعجزت عن الصراخ..

صحت على همساته لها وهو يحتضنها...
أصوات كثيرة محيطة فيها..
ماعرفت الا صوته وماحست الا بيدينه..
وبشفايفه تحاول تنعشها وتدخل الهواء لرئتيها..
يدينه تضغط على صدرها يحاول يطلع الماء اللي بلعته..
همست باسمه وغمضت عيونها...

فسخ جاكيته ولمها فيه وهو يشكر الشخص اللي نزل وخرجها من البحيرة..

يحس برجفة مو مصدق إنه كان ممكن يفقدها...
غفل عنها باتصاله ولما انذكر اسمها في الكلام رفع عيونه لها بس ماكانت موجودة..
قفل الجوال وصار يركض يدور عليها ولما شاف تجمع الناس عند البحيرة..
أصابه اليقين من دون شك هذا التجمع على هديل..
دخل بينهم وشافها مرمية على الأرض غرقانة ومثل قطعة جليد..
ماسمح لـ الصدمة تتحكم فيه..
أنعشها بالتنفس الاصطناعي..
أجبرها تطلع الماء اللي بلعته في البحيرة..
حس بسكين تنغرز بقلبه لما سمعها تهمس باسمه..
ضمها بقوووة لدرجة انه شك من امكانيتها تتنفس..
لمها بجاكيته ويده تصافح يد الرجل اللي نزل للبحيرة عشان ينقذ البنت اللي أختفت بسرعة..

غازي بإمتنان\شــكراً...شكرا لك..
الرجل\لقد لاحظت بانها لاترى بعدما اصطدمت بي..
وظللت أراقبها كنت اركض احاول ان احذرها من قرب البحيرة..لكن هي سقطت بشكل مفاجىء..
غازي وهو يضمها\نعم هي لاترى...حبيبتي لا ترى..

شالها وأخذها للفندق..مع انه يفضل لو يتوجهون للمستشفى..
بس لازم تبدل ملابسها ولا بتموت من البرد...
؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛ ؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛

غادة بهدوء\وين يبي يروح عمي؟؟
راكان\الله العالم أبوك وأبوي يمكن يبون يعرسون بايطاليات..
غادة\أبوي بيروح مع عمي..؟؟
راكان\لا أبوي هو بيروح مع ابوك..طلع أبوك هو اللي مخطط لـ السفرة..
غادة\غريبة وش عندهم ليش يبون يسافرون؟؟
راكان\أنا أشك في هالشايبين وراهم أكشن...
غادة\طيب ليه ماتروح معهم؟؟
راكان\تبيني اقول باروح معكم عشان يسوون فيني مثل علي أخوك..
غادة بحماس\وش سووا في علي؟؟
راكان\الله يسلمك لما قال لهم باروح معكم نزلت عليه صواريخ أرض جو من أبوي وأبوك..
شرشحوووهـ..قالوا شايفنا بزارين ولا مهسترين يوم تروح معنا..
غادة\وهـ فديت اخوي فشلووهـ..
راكان\ههههههههههه أحسن بردوا خاطري فيه..
غادة تشهق\هيه ترى تتكلم عن اخوي..
راكان\تبين تشوفين كم فقشة فيني منه..؟؟
غادة بفخر\تستاهل يربيك..
راكان يغمز\طيب يعننك قوية الحين لان هلي قدامنا..
بس لما طلعنا فوق لا تصيرين قطوة أليفة..
غادة تتجاهل معنى كلامه\طيب بيطولون هناك..ترى باروح أسلم على أبوي..
راكان\ماحددوا كم بتكون سفرتهم..أنا بس أبي اعرف وش سببها..يقولون تمشية وتغيير جو..
عادي يكذبون المهم يتكلمون..تحسين وراهم سر عسكري..
سهى\راكان قل لأبوي ياخذني معه..
راكان\كملــــــــــت وين زوجك منك انتي؟؟
سهى\في بيتنا..
راكان\وأنتي وش مجلسك في بيتنا..
سهى\جاية أسلم على ابوي..مو مثل بعض الناس ابوهم بيسافر وماراحوا يسلموون عليها..
غادة\راكان باروح اسلم على ابوي الحين...
قامت وطلعت فوق وراكان ضرب سهى على راسها\وش دخلك في حرمتي تناقرينها؟؟
سهى\ههههههههههههه ابيها تسلم على ابوها..
راكان وقف\الحين بتقول بتنام عند اهلها صدق نشبة أنتي..
طلع راكان وسهى جلست تضحك عليه..
أتصلت بساره وقالت لها عن سفرة أبوها....

دخل غرفتهم وهي تخرج عبايتها من الكبت..
راكان بطفش\يعني مصممة تروحين..عادي كلميه بالجوال وسلمي عليه..
غادة بصدمة\أنت من جدك تتكلم..ترى من تزوجنا مازرت هلي الا مرتين وماطولت عندهم..
راكان\يالظالمة مرتين وش تبين أكثر من كذا؟؟
غادة\راكان يالله ابى اروح لبيتنا..
راكان\وأنتي وين ألحين؟؟
غادة فهمت قصدهـ\بيتكــــــم...
راكان\قولي والله..
غادة تبتسم\لاتطول السالفة ترى بنتاخر..
راكان\نفسي احط الشايبين في خزنتي واقفل عليهم..
متى ماحبيتي تشوفينهم افتح شوي شوفيهم ونقفل عليهم..
غادة تقرب منه وتمد اصبعها\ما أسمح لك تتمسخر عليهم..
ترى اعلم جدتي وبعصاها بين كتوفك..
مسك اصبعها ومررها على خشمه..
راكان\على هالخشم كم قلب عندي...
أرتبكت وبعدت عنه وهو ضحك عليها..
راكان\دقايق ونمشي...امممم متى أجي أخذك..؟؟
غادة بهدو\اممم مدري..
راكان\يومين او ثلاث ايام..؟؟
حاول يقلل الأيام عشان يبين لها انه مابيرضى من أكثر ثلاث ايام..
غادة\اليوم الساعة 11 يكون نام أبوي وسلمت عليه..
راكان\اليـــوم..
غادة بغموض\ايه الا اذا لك رأي ثاني؟؟
راكان يبتسم ماتوقع ترجع اليوم\لا ثاني ولا ثالث على راسي بنت حسين..
للمرة الثانية يعيد هالكلمة لها..
هزت راسها بتعب...لاتعذبني باحترامك ياراكان وطيبتك..

؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛ ؛؛؛؛؛؛؛؛؛؛؛؛؛؛؛؛؛؛؛؛


جلسها على السرير وهي تنتفض بشكل مرعب...وشفايفها باللون الأزرق..
طلب من الاستقبال يتصلون بالطبيب...
فسخ جاكيته من عليها ونزل البالطو حقها...
سحب حجابها وقفاز يدها اليسار ولاحظ لون أظافرها بنفسجي قاني..
فسخ جزمتها وجواربها...
كان بيرفع كنزتها بس مارضت ترفع يدينها حاول فيها بس ماقدر..
مسك كنزتها من الرقبة وشقها بسرعة...
شهقت برعـــــــــــب ..
ورجعت لها الذكرى الأليمة...
لما قطع قميصها بهذاك اليوم...لما دمرها وضيعها...
صرخت بخوف ولمت بقايا كنزتها عليها وهي تبكي...
هديل\لااااااااااااااااااااااااااا ما ابييييييييييييك لا لا ..
انسدحت على جنبها اليمين وضمت نفسها بقوووة..
ماتبيه يلمسها الرعب شل عظامها وكأن الموقف ينعاد بكل قسوته..
كل مالمسها وحاول يقرب منها..تصرخ برعب..
ماعادت تحس بالبرد ولا إنها تتجمد..
رجع لها ألم هذيك اللحظات المخزية القاتلة..
كملت نحيب وهي تردد كلماتها المتوسلة له يتركها ويسامحها..
هديل بحسرة\سامحنييي خلاص سامحني تكفى لا لا..
جلس جنبها وسحبها له غصب عنها....
وهي تصرخ وتضربه وكأنها الى الآن ماضاعت..
غازي بتعب\أنتي اللي خلاص..عذبتيني إهدي اهدي..
هديل ترتجف\اتركنييييي ما ابييك..اكرهك اكرهك..
غازي\طيب باتركك بس أنتي لازم تبدلين ملابسك..
تركها فتح الكبت وطلع لها بجامة قرب منها وحطها بين يديها وهي لسى مسدوحة ع السرير..
غازي\يالله ياقلبي قومي بدلي..لازم تبدلين قبل تمرضين..
هديل صرخت\لا تلمسنـــــــــــــــــــــــــــــــي..
مرر يدينه على شعرهـ بضياع...
مستحيل تثق فيه ..هو أدرك وش اللي يدور في بالها من لما قطع كنزتها..
يدري انها تتوقع ينعاد الموقف الأليم اللي عرضها له...
غازي يهمس باذنها\الطبيب بيجي ويعطيك مهدىء...
بدلي بنفسك قبل تغفين...
تمر همساته بأذونها لكن ترجع لها كلماته القديمة..
كلمات التملك والحب الكاذب..
وكأنه يردد لها كلماته الكاذبة ...
لمت المفرش عليها رافضة تسمعه أو تسمح له يلمسها...
وتردد كلمة أكرهك بقلبها وروحها..

متاكد بانها ماراح تطيعه او تصدقه...
غطاها بالمفرش ودخل الطبيب عندها..
شرح له اللي صار معها بشكل سريع وطلب منه يعطيها حقنة ضد الحرارة..
لاحظ نظرات الطبيب له وكأنه يرفض أوامرهـ ..
غازي بحدة\إن لم تفعل ما أقول لن تجد لك عملاً بعد اليوم ولا بعد 20 عاماً..
رضخ الطبيب لأوامره لان هذا اللي كان راح يسويه لو ما أمرهـ غازي وتدخل بشغله..
ضربها بالحقنة وصرف لها أدوية ...
تكلم مع غازي عن الاعراض اللي راح تواجها بعد سقوطها في الماء الجليدي..
لكن غازي كان متجاهل وجودهـ كلياً..
لانه يعرف وش اللي راح يواجهه معها..
انصرف الطبيب ....
بعد المفرش عنها وقطع باقي كنزتها بدل ملابسها وهو يحس بغضب شديد..
ليس منها بل من نفسه...
ثاني مرة يغفل عنها..
المرة الأولى رمت نفسها تحت الحصان..
والمرة الثانية حاولت تغرق حالها ببحيرة جليد...
أنسدح جنبها وحضنها بقوة..
همس لها\إكـــرهيني بس لا تموتين...


؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛ ؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛


بعد العشاء مجتمعين بالصالة...
عبدالله منسدح على الكنبة وراسه بحضن غادة ويلعب بجوالها..
علي بعصبية\ليه ماتقوم تنام ماتشوف الساعة كم..؟؟
عبدالله بتذمر\بزر أنا أنام الساعة 10 الله يصلحك يوبه..الشيبان اللي بعمرك المفروض نايمين من 7..
علي\عبيييد قم نام وراك مدرسة..
عبدالله بصوت هامس\وغدة قولي لأخوك يفكنا من حنته..
غادة\معليه علي الحين يقوم ينام خله شوي بعد..
علي\عشانك بس..
غادة تغمز لعبدالله\كيفني معك بيضت الوجه..؟؟
عبدالله\مالت ماسويتي خير..بعد شوي يشوتني..
غادة\هههههههههههههه والله مايبين في عينك يالنذل..
علي\يوبه ترى ضبطت أمور شغلي وودي أخاويك في سفرتك..
ابوعلي بحدة\وأنا قلت ماحدن برايح معي الا عمك..
علي بمجاراة\ الحين بدال ماتفرح اني باروح معكم ولاول مرة اطب اوروبا جالس تهاوشني..
ابوعلي\وش اللي بيوديك معي..؟؟ماني رايح أتمشى..
علي\ودي اخاويك مخاواتك تنشرى يا ابوعلي..
عبدالله\مايروح ابوي من غيري..
علي بعصبية\ان ماسكت طبيت في بطنك..
عبدالله\يرضيك يعني تروح مع أبوك وأنا ما أروح مع أبوي يرضيك؟؟
علي\ايوهـ يرضيني يرضييييييني..
عبدالله\وانا مايرضيني مايروح الاب الا وولده معه يساعده يدله على الصح..
ينصحه لا يماشي رفاق السؤ..
علي يناظر حنان\شلي المنحوس لا اقوم بالعقال...
غادة\هههههههههههه خلاص خله علي انا افهمه..
عبدالله باستخفاف\اقول وغدة ترى باخذ غرفتك..
غادة مبققة عيونها\عبيييد ان قربت من غرفتي ذبحتك..
عبدالله\اعووذ بالله وش ذا البخل مو عندك جناح وش كبره عند الوغد زوجك..
غادة\ما الوغد غيرك ياالضب..وغرفتي مالك دخل فيها..
عبدالله\عادي خليها لك بكرهـ ننتقل لبيتنا الجديد ولالك غرفة عندنا..
غادة\علي صدق مالي غرفة في البيت الجديد؟؟
علي باستغراب\من قالك هذا الكلام؟؟
غادة\ولدك..
علي\ياشين ماطريتي مالقيتي الا عبييد تصدقينه..تطمني غرفتك موجودة..
وبعض الناس بنيت لهم غرفة ورى الملحق يفكوني من غثاهم..
عبدالله\المهم أمي معي..
علي يضحك\هههههههههههه تعقب ماهي بمعك..
عبدالله يناظر أمه\بتعيشين معي ولا معه؟؟
حنان\لامعك ولا معه وفكونا من الهواش..
عبدالله يرفع حواجبه\أتحداك تخليها تقولك غير كلامها لي..
علي\لا تتحداني..
عبدالله\أتحداك..
علي\أنتي يامـــرهـ لمي قشك وتعالي في بيتنا الجديد..
حنان ضحكت عليهم وخرجت من الصالة من دون ماترد عليهم..
عبدالله\ههههههههههههههه ماعطتك وجه لبى أمي..
علي بخبث\هههههههههههههه الا راحت تلم قشها يالورع..
عبدالله\تصبحون على خير..
رمى جوال غادة عليها وطلع يركض ورى أمه..
وعلي يضحك عليه مع غادة...
غادة\الله يعينك تراه يموت في أمه..
علي\بس اسكتي لو تسمعينه وهو يقول لها..يومه بس اطول شبرين واطلع رخصة القيادة..
ما اخلي بعض الناس ياخذونك مشاوير..مايوديك ويجيبك غيري..
غادة\ههههههههههههههه يافديت قلبه..
الجدة\بتروح مع أبوك ياعلي؟؟
علي\هذا هو قدامك مارضى اروح معه..
الجدة\وش الطاري على سفرتك ياحسين؟؟
ابوعلي\كل خير يومه..لازم أسافر..
الجدة\ولازم يروح معك اخوك؟؟
ابوعلي\ماهو بلازم بس ودي به يجي معي..
الجدة بنبرة غريبة\ماخلصت أسرارك أنت وأخوك؟؟
ابوعلي\الله يسعدك يومه مابه أسرار ولاشيء..
غادة توقف\باروح اشوف امي قبل يجي راكان..
علي\تبين تنامين هنا الليلة؟؟
غادة\لا ما اقدر ماقلت لراكان والحين هو على وصول..
علي\ماعليك منه اذا تبين تنامين هنا قلت له يروح وماانتي رايحة معه..
الجدة\خل البنت على راحتها ومتفاهمة مع زوجها..لاتدخل بينهم..
علي\ماتدخلت بس تهمني راحتها..
غادة تبوسه على راسه\لاتخاف علي مرتاحة..
طلعت لغرفة أمها ولقتها جالسة وماسكة جوالها بيدها..
غادة\يومه من كنتي تكلمين؟؟
أم علي تمسح دموعها\هادي..
غادة بخوف\طيب ليه تبكين ياروحي..هادي فيه شيء؟؟
أم علي\لا يومه مافيه الا كل خير..
غادة تبوس يد امها\طيب ليه زعلانة؟؟
ام علي\كنا نسولف عن هديل..
غادة بزعل\الله يرحمها...طيب وانتوا كل ماتكلمتوا عن هديل بتبكون؟؟
ام علي تبكي بحسرة\ليه قلبي يوجعني عليها..ليه أحس انها ماهي بخير؟؟
غادة برعب\يومه اذكري الله وش هالكلام اللي تقولينه..
صلي على النبي وادعي لها..هي ان شاء الله بجنات النعيم..
هديل كانت طيبة ومصليه وتخاف الله..لاتقولين كذا يومه تكفين..
ام علي\ماهو بانا اللي اقول..قلبي اللي ناغزني ومعذبني عليها..
اصحى من النوم وانا اسمعها تناديني..ادورها بغرفتها بين هدومها بس ما القاها..
احكم عقلي واقول يمكن يكون هادي..ويطلع حال هادي اردى من حالي..
غادة تبكي\حرام عليكم لاتعذبونها باللي تسوونه..يومه مايجوز والله مايجوز..
الله مايرضى بحالكم وهديل بتزعل عليكم..انتوا ادعوا لها واذكروها بالخير..
وهي بعون الله تنتظرنا في الجنة..هذا حال الدنيا يومه كل من عليها فان..
ام علي\لا اله الا الله محمد رسول الله...يارب صبر قلبي على فراقها..
غادة تقبل راس امها\اللهم آآآآمين..
ردت على جوالها وكان راكان..
غادة\هلا..
راكان\هلا فيك أنتظرك برا لا تتأخري..
غادة تتنهد\طيب..
راكان\غادة وش في صوتك؟؟فيكم شيء..؟؟
غادة\.......لا مابتاخر..
راكان\اوكى انتظرك..
قفلت الخط وهي تكتم العبرة بصدرها..
مانسيناها يومه وحتى هو مانساها...
فديت قلبك ياهديل حتى قلبه يحبك..

ودعت أهلها وخرجت مع علي اللي وصلها السيارة..
رفع يده كرد لسلام راكان الواقف امام سيارته..
جلست وهي ضامة شنطتها وبالها عند أمها..
ماحست فيه وهو يكلمها ولا وهو يناديها..
حط يده على كتفها وهي فزت بخوف وهي تشهق..
راكان\بسم الله عليك..غادة وش فيك؟؟
بعدت عنه وهي تأشر بيدها عشان يتركها بحالها..
أحترم رغبتها وركز عينه ع الطريق مع انه مو مطمن لحالها..
يمكن متهاوشة مع أحد من أخوانها...أو أحد زعلها..
تضايق وعصب باي حق يزعلونها...لما وصلها العصر كانت مرتاحة ومبسوطة..
وصلوا البيت كانت سارة جالسة مع سلمان في الصالة..
سلم راكان وغادة عليهم وجلسوا معهم..
حست انها راح تبكي حاولت تشجع نفسها بس ماقدرت..عضت شفايفها تمنع العبرة..
استئذنت منهم وطلعت لجناحها..
دخلت غرفتها وهي تشهق محتاجة الهواء رمت عبايتها وطرحتها على الأرض..
فكت أزارير بلوزتها وهي ترتجف وتبكي...
حضنها بقووة وهو يقراء عليها..
راكان\غادة ياقلبي وش فيك؟؟
تعلقت بجيب ثوبه وهي تنتحب..أشتقت لها..مشتاقة لحبيبت قلبك..مشتاقة لاختي..
راكان\من اللي زعلك؟؟قولي لي وانا اوريك فيهم؟؟من اللي زعلك من؟؟
غادة بصوت مبحوح\أنــــــــــــــــــت..أنت أنت أنت..
راكان\هشششش اهدي اهدي وفهميني وش فيك ياروحي..
غادة بحسرة\لاتقووول روحي انا مو روحك لاتقول قلبي وانت كذاب كذاب..
راكان جلسها ع السرير وشربها ماء يبيها تهداء..
قالت هو اللي زعلها...لا فيه شيء ثاني مافهمه من كلامها..
راكان\والحين فهميني بايش زعلتك انا اليوم..؟؟
غادة بتعب\ما ابي اتكلم معك الله يخليك راكان خلني لحالي..
راكان يلم يده على كتوفها\لا ماباخليك لحالك ما اقوى..
وش اللي مزعلك ياقلب راكان قولي..
غادة\لا تقوول قلبـــ...............
حط اصبعه على فمها\الا قلبي وروحي عشقي وحبي من طفولتي..
بعدت اصبعه بقهر\لاتكذب علي..انا مو حبك..
راكان\مو مصدقتني يحق لك ماتصدقين...
وش اللي أنا سويته غير جرحك وتكسيرك..
جرحتك جرح مايبراء والى اليوم ماصارحتك بشيء...
غادة\الكلام في الفايت نقصان عقل...
راكان\بالعكس لازم نتكلم عشان توضح الصورة ونكون مرتاحين...
غادة وقفت\الكلام مستحيل يريحني مستحيييييييييييييييييل..
راكان\وش راح تخسرين اذا سمعتيني...؟؟
غادة تضحك بسخرية من حالها\هههههههههههه ماراح اخسر شيء...ولا شيء..
راكان سحبها ووثقها تجلس جنبه\لازم تسمعيني الحين..رضيتي او لا..
المفروض تكلمنا من قبل هالوقت..
والحين مستحيل اتاخر عن الموضوع وما افهمك وش صار..

ظلت جالسة جنبه ويده حوالين كتوفها تسمعه وماتحركت فيها شعره..
ماتأثرت معه ولا اهتزت بمشاعر غضبه..
ولما خلص كلامه رفع كفها وحطه على خدهـ..
راكان\تذكرين كفك لما صفعني...
صحاني من شكي وغضبي..خلاني ادرك أنا وش سويت وكيف ضيعتك من يدي..
غادة ببرود\ماتغير شيء..عرفت وش صار معك..ومع ذلك نفس الاحساس..
ماتصلح الماضي ولا انجبر اللي انكسر..
قبلها على جبينها\وش اللي يرضيك ياغادة وانا اسويه...
غادة\صارحني بالحقيقة...
راكان باستغراب\أي حقيقة..أنا قلتلك كل شيء صار..
غادة حطت يدها على قلبه\حقيقة هذا..
راكان حط يده على يدها وضغط عليها\هذا هو يجاوبك..
غادة حاولت تسحب يدها منه بس ماتركها..
\اتركني ياراكان اتركني ولاتكذب علي...انت اعترفت من زمان اعترفت..
سحبت يدها منه وخرجت من جناحهم بملابسها ومن دون حجابها..
دخلت بغرفة سارة وقفلت الباب..
لمت سارة بقوووة وهي تبكي..
غادة بزعل\ما ابي اشوفه ياسارة تكفين ما ابي..
سارة تحضنها\خليه يولي ماعليك منه ياروحي..
وش سوا قليل السنع وش زعلك فيه..
والله من شفت وجهك لما دخلتي وانا حاسة ان فيك شيء..
غادة\مازعلني بس متضايقة شوي..
سارة تجلسها على السرير وتجلس قبالها\الى متى ياغادة بتقضين حياتك بضيق وزعل..
ماهو كفاية اللي مريتي فيه من بعد موت هديل وخطبة راكان لك..وبعدها كنسلتوا الخطبة والزواج..
دراستك وخطبة جديدة ورجال جديد..وينتكس الحال بسرعة وترجعين لراكان مجبورة ولا راضية..
ماصار الوقت انك انتي تسيطرين على الوضع وماتسمحين ل الظروف تلعب فيك..
غادة\أنتي مو فاهمة ؟؟
سارة\لا ياغادة فاهمة..أنا صح أخت راكان وامووت فيه واعزهـ..
بس نهايتي اكون أنثى..والانثى لما تنطعن يكون صعب مداواتها..
راكان ماقصر فيك جرحك وبهذلك..
ماراح اتكلم عن آخر شيء سواه واللي خلى عمي وجدتي يحلفون ماياخذك..
هذا شيء تقدرون تحلونه بينكم..ومهما كان قرارك بهالموضوع ماتنلامين..
في خاطري كلام وابيك تعرفينه..
غادة\ما ابي اسمعه...ادري بيكون اعذار لراكان..
سارة\لا ماهو عذر لراكان...غادة أنا غلطت غلطة كبيرة لما كنت ارسم راكان العاشق الولهان بعيون هديل..
ويمكن علقتها فيه وهي كانت صغيرة ومراهقة ..
وبالتاكيد بتصدق كلامي لاني اخته..
راكان كان صدق عاشق وولهان وغرقان بعد..
بس مو في هديل لانها بنظرة طفلة ويمكن ماكان يشوفها..
غادة بغضب\الله يرحمها لاتتكلمي عنها كذا..
سارة\راكان ماكان يحب هديل كان يحبك أنتي..
بس انا كنت فاهمة غلط ورسمت الامور بكيفي..
غلطت وغلطتي كبيييرة يمكن لو هديا عايشة الحين نكون جرحناها بقووة..
غادة\ماكنت راح اجرح اختي على حساب احد..
لانها اهم لي من كل الخلق..
سارة\ماتنلامين وكلامك صح..
غادة\راكان بلسانه اعترف انه اخذني بس عشان هديل..
فلا تحاولين تغير الحقيقة عشان ترضيني..
سارة بغضب\كذاب يكذب عليك..والله العظيم هو يحبك أنتي..
غادة\لا تحلفين..وبعدين ماعاد يهم حبه وكرهه عندي واحد..
قلبي ماهو متقبله روحي تبي فراقه..
سارة\لا انتي مو صاحية ومو واعية للي تقولينه..
غادة اسمعي مني..الدنيا بتمشي وانتي ماتعاندي الا قدرك ونصيبك..
اكسبي الاوضاع بصفك ياروحي..لاتخلي الوهم والخيال يقضي عليك وعلى راكان..

انسدحت غادة على سرير سارة وغمضت عيونها..
سمعت سارة وهي تكلم راكان وتقوله ان غادة بتنام عندها..
قدرت عصبيته وانهم مو عايشين لحالهم ولازم ماتخرج مشاكلهم من جناحهم..
وقفت بتعب اخذت طرحت سارة ولفتها على راسها..
دخلت جناحهم وراكان ماكان موجود..
تحممت وبدلت ملابسها ونامت قبل يرجع...


؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛ ؛؛؛؛؛؛؛؛؛؛؛؛؛؛؛؛؛؛؛؛؛؛؛

فتحت عيونها بتعب حاولت تتحرك لكن تحس بالم فظيع بكل مفاصل جسمها..
حست بشفايفه تقبلها على عيونها وخدها..
غازي بمحبة\أخيراً فتحتي..
دفنت وجها بوسادتها تمنعه من تقبيلها ..
غازي\دلالك يذوب قلبي..
هديل بتعب\اتركني..
غازي يحضنها اكثر ويدفن وجها بصدرهـ..
تعبانة ومو قادرة تبعده عنها..
هديل بالم\يدي تعورني..
جلس ومسك الجبس بيدينه...
غازي\كنت ادري انها راح تعورك..كنت انتظرك تصحين لازم اوديك المستشفى..
الماء دخل بالجبس ويمكن يغيرونه..
هديل\أي ماء؟؟
غازي\الماء اللي رميتي حالك فيه..
هديل\يمكن أنت رميتني..بس انا ما اذكر اي شيء..
غازي\مو طلعنا الحديقة..؟؟
هديل\ايه وانت تركتني هناك ورحت..
غازي\وبعدين وش صار؟؟
هديل\مدري..انا صرت امشي وو.......وحسيت اني احترق بعدها تجمدت
غازي باهتمام\كيف حسيتي انك تحترقين؟؟؟
هديل\اترك يدي وابعد عني..
وقفها وصلها دورة المياه واستعجلها..
غازي\انتظرك لازم نروح المستشفى يالله..
كانت تحس بدوخة وتعب حتى حرارتها مرتفعة..
استفرغت وهي تبكي من الالم اللي تحس فيه..
حست بيدينه ترفعها غسل وجها وطلعها من الحمام..
غازي\طبيعي تتعبين بعد اللي صار..
لبسها البالطو ولف حجابها عليها..
وطلعوا ع المستشفى...وهم في السيارة كانت تعبانة شدت على يده..
هديل\باستفرغ...
وقف السائق السيارة وهو نزلها وحط يده على صدرها وهي تتالم..
ضمها\الحين نوصل المستشفى ويهتمون فيك وبترتاحين..
ماردت عليه لان الالم والرجفة مشغلتها ومسيطرة عليها..
وصلوا المستشفى..
اتصل بدكتورها المسئول عنها...
أخذوها لقسم خاص رفض الدكتور اعطائها اي ادوية قبل اجراء فحص أخير عليها..
الممرضة تكفلت بتبديل ملابسها ورعايتها لحتى يرجع غازي..
استغرب غازي من كلام الدكتور عن الفحص...
غازي\لقد أجرينا كافة الفحوصات..لم هذا الفحص الآن؟؟
الدكتور\لاداعي للخوف..لن نجري العملية قبل اجراء هذا الفحص..
هو فحص روتيني لن يكون موئذياً لها..
غازي\هل نسيت باني طبيب وهذا الفحص لايكون روتينياً..
الدكتور\أرجوك سيدي فلننتظر النتائج..
غازي بحدة\ومتى تظهر النتائج؟؟؟
الدكتور\في المساء..ساذهب الى المريضة الآن اعذرني..

دخل عندها ولاحظ علامات الضيق على وجها..
غازي\تحسي بتعب؟؟
هديل\قول لهم يشيلوا هذا مني خلاص ما ابيه..
غازي\قلت لهم والحين بيجي الطبيب الخاص بالعظام ويقرر..
اكتفت من الكلام معه وسرحت بالفراغ..
مسك يدها\ليش رميتي حالك في الماء..؟؟
هديل\أنا عمياء وما اقدر اشوف ان قدامي بحيرة..
فشيء طبيعي اغرق فيها..
غازي يبوس يدها\بس ماغرقتي..
هديل بسخرية\طويلة عمر...
غازي\راح نحدد موعد العملية اليوم..
وباذن الله العملية ناجحة..وماعاد تتعرضين لمثل هالموقف..
هديل\المفروض افرح الحين؟؟؟
انبسط اني ممكن ارجع اشوف؟؟

دخل طبيب العظام وعاين يدها بعد ماشال الجبس..
طمنهم بان الجبس مابقى له اي لازمة بيدها..
بس من الأفضل تلف عليها بشاش لمدة بسيطة لانها تالمت لما ضغط عليها..

غفت من دون وعي منها وعيونه تراقبها...


؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛ ؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛

صحت من النوم على صوت جوالها ناظرت بالساعة كانت 1 بعد نص الليل..
ناظرت الرقم الغريب المتصل عليها..
قررت ماترد يمكن رقم مزعج وناس مضيعين مالها بال في الازعاج..
بس الرقم ظل يتصل لاكثر من خمس مرات..
طار النوم من عيونها وفتحت جوالها كان فيه رسالة..
لما قرتها صرخت من الخوف..
وقفت بسرعة وصارت تدور بالغرفة...
شالت غازي وضمته لها بقوووة..
همست وهي تبكي\وين أوديك الحين..؟؟
وين اخبيك منهم..يبون ياخذونك ياروحي وين اخبيك وييييين؟؟؟
لبست عبايتها بسرعة وشالت غازي نزلت وصحت الخدامة وقالت لها تنادي السائق وتروح معها..
كانت ترتجف بخوف وجوالها مو راضي يسكت من الاتصالات والرسايل..
شهقت وهي تبكي\بياخذونك مني بياخذووونك ياقلبي..
وقفت السيارة وهي نزلت منها تركض..
دخلت البيت وقفلت الباب وراها بقووة..
طلعت فوق وارتعبت لما شافته واقف قدامها والمسدس بيدهـ..
خبت نفسها بحضنه وهي تبكي...
رشا\يبوون ياخذون غازي مني...
لاتخليهم ياخذونه تكفى راجح لا تخليهم ياخذونه منييييييي..
لاتخليهم يذبحوني انا احبه امووت فيه ما اقدر اعيش من دونه والله ما اقدر..
ضمها بقوووة وغازي يبكي متضايق من ضغط الاثنين عليه..
راجح\قلتلك ما احد بياخذه منك والله ما ياخذونه..
رشا\احبه لاتخليهم ياخذونه هم كذابين والله كذابين..
دخلهم غرفته جلسها وعطاها كاس ماء..
شل غازي من حضنها وهزه بين يدينه لحتى نام..
سدحه على فراشه وغطاهـ..
جلس جنبها وهي لازالت ترتجف..
مسك يدها بقووة وشد عليها ...
راجح\رشا لاتخافين أنا معك..
بانهيار نفسي وعقلي وعاطفي لمت يدينها حولين رقبته وبكت بقهر وخوف..
كانت تبكي وتتكلم كلام غير مفهوم..
وهو يحاول يفك معنى كلامها ويفهمها..
انتظرها لحتى تهداء وتطمن..
كانت بتبعد عنه بس هو ماسمح لها حضنها وطلب منها تتكلم من دون خوف..
راجح\والحين سمي بالله وفهميني من اللي يبي ياخذ غازي منك..
وقبل لا تقولين شيء تراك أمه ومستحيل احد ياخذه منك..
رشا بصوت مبحوح\يقولون مو الام اللي تولد الام هي اللي تربي..
حست بيدينه تشتد حواليها بس ماقاطعها وخلاها تكمل..
رشا بتعب\من كان عمرهـ أيام وهو ولدي..حطه سعود بحضني وقال
هو لك..أمه ماتت وانا اعطيك اياه لك أنتي ان كنتي تبينه فصيري امه وابوه وقبيلته..
أما انا ما ابيه ما ابي الا أمه..
أخذته ضميته وصرت أمه برضاي ماهو غصبن علي..
حبيته تعودت عليه هو ولد قلبي وروحي..
من بعد ماصار لي بيوم واحد..صرت اشووف سنيني الماضية فارغة ومالها اي معنى..
تخيل قضيت يوم واحد معه وحسيت ان عمري ماكان له اي اهمية من دونه..
بعد رجوعنا السعودية منعت سعود منه ما اسمح له يقرب منه او يبعده عني..
صرت انانية بحبه..كنت اقول لسعود انت ماتبيه وتكرهه لا تقرب منه..
كل هذا لاني كنت اخاف يتعلق فيه سعود وياخذه مني..
ابيه يظل لي أنا..كانت تجي اتصالات على جوال سعود..
اهل زوجته الاولى يطلبون منه يعطيهم الولد..عشان ام زوجته تربيه وتهتم فيه..
ماكان يرضى يسمع لهم فطلبوا منه بس يزورهم ومعه سعود لان ام زوجته تعبانة وتبي تشوف ولد بنتها الميته..
تهاوشت معه ومارضيت يوديه لهم..
قلت هو ولدي ولدي انا ما احد له دخل فيه..
اخاف يقنعونه يظل الولد معهم وهو يرضى وانا اعيش من دونه..
مات سعود قبل لا نودي الولد لهم...
وهم صاروا يتصلون علي ويهددوني انهم راح ياخذونه غصب عني..
لاني مو أمه ومالي حق احتفظ فيه ويكون تحت وصايتي..

راجح بثقة\حن هله واولى منهم بتربيته..مايقدرون ياخذونه منا..

راجح ورغم صعوبة تقبله لكل الاعتراقات اللي نطقتها رشا..
ماكان الوقت مناسب انه يتعمق ويسال ويستفسر..
فحب يطمنها قبل لا تخاف بزيادة...

رشا تضمه وتبكي\بس أمه حية ما ماتت..
وهـــــي تبيــــــه...


؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛ ؛؛؛؛؛؛؛؛؛؛؛؛؛؛؛؛؛؛؛؛؛؛

كان يصرخ فيهم بغضب..يهدد ويسب..
غازي بعصبية\قلت ان بامكانك اجراء العملية..
لماذا غيرت رايك الآن؟؟
الدكتور\لا نستطيع سيكون خطراً على حياتها..
غازي\بل قل انك انت غير قادر..
سأنقلها لمستشفى آخر وأطباء يستحقون ان يسموا أطباء..
الدكتور\لن نستطيع ان نجري العملية لها الا في حالة واحدة فقط..
غازي بحدة\أســـمعك..
الدكتور\إجهاض الطفل...

 

[طــُـهــر ♥!]

البارت الرابع والأربعون..




هفوف!
الطفل في فراشه..
يسمع صوت الذئب من بعيد..
يبحث حين تقفل " الدروازة "..
عن ولد وحيد ..
الطفل في فراشه..
يسمع صوت " أم الليف "..
تطير في الزقاق..
تملئ الغرفة بالرفيف والحفيف..
الطفل في فراشه يخاف..
أطرافه باردة تحت اللحاف..
وعندما ينام..
يتبعه الذئب إلى الأحلام..
ومرّت الأعوام..
كبرت يا هفوف..
لكنني إذا أويت للفراش..
أسمع صوت الذئب من بعيد..
يبحث حين تقفل " الدروازة "..
عن ولد وحيد..

المرحوم باذن الله تعالى..غازي القصيبي...





راجح بثقة\حن هله واولى منهم بتربيته..مايقدرون ياخذونه منا..

راجح ورغم صعوبة تقبله لكل الاعترافات اللي نطقتها رشا..
ماكان الوقت مناسب انه يتعمق ويسال ويستفسر..
فحب يطمنها قبل لا تخاف بزيادة...

رشا تضمه وتبكي\بس أمه حية ما ماتت..
وهـــــي تبيــــــه...

راجح أبعدها عنه بغضب\مــــأخذين الولد من امــــه؟؟
حرمتــــوا أم من ضنـــاهـــا..حرمتوا الطفل من ريحتها؟؟
أنتوا وش جنسكم؟؟من أي نوع من المخلوقات...
أخوك حارم البنت من اهلها ومغربها ودافنها بالحياة..
وانتي وسعود سارقين الولد من امه..أنتوا جبـــابرة ما تخافون ربكم..؟؟

رشا تبكي وتمسك يدهـ\لا والله العظيم ماحرمتها منه..
سعود قال ماتت وعطاني الولد..قال صيري أمه وهو ولدك..
راجح مثبت عيونه عليها\وليه ماتكلمتي لما عرفتي إن امه حية ماهي ميته..؟؟
ليه سترتي على خبث زوجك وظلمتي الحرمة وولدها..؟؟
رشا\أمـــــــــه ماتت والله العظيم...سعود قالي ماتت وهو أنهار بعد موتها..
لأنه كان يحبها ومتعذب عشانها..
راجح\رشا لا تجنني توك تقولين أمه حية والحين تناقضين كلامك..
رسيني على بر عشان أعرف أتصرف..
رشا\سعــــود ماهو ردي والله العظيم ماهو ردي..
مستحيل يحرمها من ولدها..هي ماتت بعد ماولدت..
راجح بقوة\أنتي متأكدة إنها ميته؟؟
رشا\سعود قال ماتت..يعني هي ماتت لازم تكون ميته..
راجح يشد على يدها\أنا معك يارشا ومستحيل احد يأخذ الولد منك..
بس والله العظيم إن طلعت ام غازي حية ماينتصف الشهر الا وهو في حضنها..
رشا تشهق وتضربه\لا لا انت حلفت توقف معي أنت وعدتني ماتخليني لحالي..
ماتقدر تأخذه مني حرام عليك ليش كذبت علي ليييييش..؟؟
راجح يضمها بقووة\إن خذيت الولد منك ورجعته لأمه ماهو من قل قدرك بقلبي..
مير إني عاهدت نفسي مايتكرر اللي صار لهديل لأحد وانا أقدر أتصرف..
رشا بنحيب\مالي دخل بهديل..ولا بسعود ولا مرته..
أنا ابي غازي مابتاخذونه مني والله ما أسامحكم..
راجح بضيق\معقولة سعود حرم الولد من أمه..؟؟
رشا\راجح حرام عليك والله أمه ماتت..
وهم يكذبون علي ويقولون حيه..
يبون الولد يبون ورثه من ابوهـ..يبون ولدي..
راجح يركز عيونه بعيونها\رشا لاتنهارين كذا..
كوني عادلة وخافي ربك..مايحق لك تاخذين الولد من امه وتنسبينه لك..
مهما كنتي تحبينه هذا مايشفعلك..لاتنسين راح تقابلين رب العالمين فيها وفي ولدها..
وقفت بقهر وهي تصارخ\أنا ما ظلمتها ماظلمت أحد..
هو عطاني اياه وقال هو ولدك..مالي ذنب مالي دخل..
ولدي ما باعطيكم اياهـ...ولو تذبحوني..
راجح يمسكها بقوة\إهدي الحين ونامي عشان ترتاحين...
وبكره بنتكلم وتحكين لي كل شيء بالتفصيل..

دفته عنها بكره وظلت تناظر بعيونه...
أستاهل ليه قلت له ليـــه؟؟الحين بياخذه مني ويرجعه لها..
بس هي ميته والله ميته..سعود يحبها وماكان بيحرمها من ولدها..
وان كانت حيه ليه عذبني وعلقني بولده..؟؟
ليه عذبــــــــني؟؟
كيف اتصرف الحين..راجح بيذبحني مثل سعود..
بياخذه مني بيدمرني..ما باعطيه لهم..
أول يذبحوني وبعدها يسوون اللي يبون..

راجح بتعب\رشا لا تناظريني وكأني مجرم..
رشا بألم\خذلتني..ظنيتك بتساعدني بتحميني وتحمي ولدي..
بس أول ما جيتك طعنتني..تبي تاخذ ولدي مني..
راجح قرب منها وبحنية\الود ودي لو أدفنك جوات قلبي أنتي وولدك..
بس فكري في أم غازي المسكينة..الولد ولد من سنين وامه محرومة منه..
قلتي عطاك اياه وعمره ايام..يمكن حتى الشوف ماشافته ولا شمت ريحته..
رشا تبكي\بس أنا حبيته خدمته بعيوني وسهرت عليه وبأموت عشانه..
راجح\أدري إنك حبيتيه..ولو كان ولدك من بطنك ما حبيته وحميته هالكثر..
إن كانت امه حية فلازم تحضن ولدها ويربى بحضنها..
رشا تشهق وبحزن\وأنـــــــــــا وأنا من يعوضني بولدي..؟؟
كيف أقدر أعيش من دووونه هذا ولدي ولد قلبي...
راجح يضمها\بيعوضك ربك الكريم..

؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛ ؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛


نائمة بإنكســـــــار...
ملامح الذبول والاستسلام ترسم الاستوطان على وجهها الصغير..
دموع متمردة تتسلل بجرئة من تحت الجفون..
تبكي وهي نائمة..تبكي وهي مستيقظة..
تبــــــــــكي منذ إنتمت إليــــــه..
شاركها سريرها وحست فيه..
رفعها بخفة انسدح بفراشها وضمها على صدرهـ..
يد حول أكتافها ويد على خصرها...
حـــس بتنهيدتها المكتومة..وشدها له أكثر..
قبـــل شعرها وهو سرحان بخياله معها..
ومع اللي نايم بأحشائها..

ماينكر صدمته لما عرف بحملها..
كيف أخرسته الصدمة وألجمت كل جوارحه..
ترك الطبيب يتكلم وهو ساقته أرجوله لغرفتها..
وقف قدام زجاج غرفتها..
يتأملها وهي تناظر الفراغ..
يراقب كل حركة تسويها..
كانت تدوخ تستفرغ..
تبكي من ألآم وماتعرف توصفها..
تتسخن وتهذي كثير..وتنـــــام كل ساعتين..
وأقـــوى شيء الإكتئاب اللي تمر فيه..
يدري بسبب كل هذي الأعراض الحين..
بينما الإكتئاب سببه معروف له ماهو الحمل...

أبتسم وهو يتخيل شكلها حامل..
منفوخة وتهاوشه..ويمكن تضربه..
وعد نفسه يكون معها بكل لحظة من لحظاتها..
بيهتم فيها بيداريها..بيفرض مساعدته لها بكل وقت..
بيسعدها غصبن عليها ويخليها تكون مبسوطة بحياتها...
ويحقق لها كل اللي تبيه..
ابتسم أكثر لما وصل لنقطة ولادتها...
بالتأكيد بتكون صعبة وقاسية..
لكنه بيكون جنبها قريب منها..
بيساعدها بحمل الطفل..يراقبها تحضنه ترضعه وتنيمه..

أحتضن عائلته الصغيرة..
ويحاول إبعاد ردت فعلها عن خياله وأفكارهـ..
رغم احساس مرير ينبض بأقصى قلبه...
يبلغه بأن حمــــامته ماراح يكون لها ردت فعل..
استسلمت وذبلت..
ومابقى بعيونها للحياة قبووول..

واعترف بانها أغلى وأهـــم من ذريته..
لن تعلم بذاك الزائر الراحل بعد أيام..
فحالها لايسمح لها بالإنهيار..
أو الثـــوران...

حبيـــــــــبتي تحتاج النور..
لن تهيـــم بالظلام لتسعة أشهر وربمـــا عاماً كاملاً..


ضغط بيده على بطنها بخـــــــــفة..

هنــــــــا حيـــاة جديدة..
نبض(ن) وليـــــــد..
لربما يبكي لبكاء أمـــــــــه..
أو يشعر بالضياع لعتمة الروياء لديه..
مهلاً صغيري..
فلست الوحيـــد..
بأحضاني طفلة تشكو المغيب..
تبكي..تنادي..ومـــامن مجيـــب..
يــانــــائماً بأحشاء الحبيب..
عــــــــذراً ليس العـــمر لك مديـــد..
فصغيرتي أغلى من حبل الوريـــــــد..


؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛ ؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛


وينك .. !
ترى جانا مطر ..
غطّا شوارعنا ..
كل الشوارع امطرت ..
ماغير شارعنا !

قرئت الرسالة وضحكت بصوت عالي لحتى ألتفت عليها..
معجب بها بأناقتها المتواضعة..
معجب بنعومتها وحدة نظراتها..
معجب بقوتها ومحاربتها لنفسها..
وأنعجب بصوت ضحكتها الصادقة..
تسأل في صمت من اللي تراسلها ومبسوطة معها لها الدرجة..
مايعرف صديقاتها ولا قريباتها..خمن تكون سارة بس استبعدها..
راقبها وهي تكتب رسالة سريعة وترسلها ..وكيف متحمسة وتنتظر الرد على رسالتها..
وصلت رسالة وأول مافتحتها ضحكت وهي تعض شفايفها وكأنها تتوعد بشيء..

أستاذ كان يصحح في أوراق الإمتحان , لقى ورقة مكتوب فيها " يا أستاذ أرجوك لا تفتح الورقة "!
فلم يفتح الورقة لكن الفضول قتله , فتردد هل يفتح أم لا ?!?!

<<الباقي بعد ماتكملين النص الثاني من النكته أنتظرك يالوغدة..

حس بجنووون يسيطر عليه..
ليـــــس جنون الشك..بل فضووول متعب..
ليش تضحك كل هالضحك..يبي يشاركها ضحكها..
يابخت اللي له كل هالمكان بقلبها تضحك من غير شعور بوجودي..
أصابعها تتسابق وترسل مرة ثانية..

وصلتها الرسالة الأخرى..

وبعد ساعتين من التردد فتح الورقة فوجد مكتوبا فيها " فتحتها يا ابن الكلب ؟؟ "

ضحكت بصوت عالي وردت على المتصل عليها..
عبدالله\قولي الصدق من اللي نكته أحسن أنا ولا الوغد؟؟
غادة\احفظ لسانك يالورع..
عبدالله\كنت أدري انك بتخونيني مثل امي..
هي حبت أبوي وماراعت مشاعري وأنتي حبيتي أبو فنيلة وسروال..
غادة\هههههههههههههههههه لا تكفى اما انت مو من أهلها..
عبدالله بقهر\الوغد عندك؟؟
غادة تناظر راكان\ايه عندي...
عبدالله\لا يكون كاشفة قدامه؟؟
غادة تشهق\استغفر الله وش شايفني مافي وجهي حيا..
عبدالله\سامحيني عقدتني أمي ما تتغطى من زوجها..
تخيلي لبست بنطلون قدامه ويوم شفت بنطلونها قصيته بالطووول..
غادة\هههههههههه يالملقوووف مالك شغل فيها..
عبدالله\انطمي هي أمي..وانا مسئول عنها..
تخيلي اخليها تهيت مع أبوي لحالها..
غادة\لا مالك حق..لازم تربيها وتعلم أبوك عليها..
عبدالله\كلي تبن ..
غادة\ههههههههههههههههههه وش رايك تجي الليلة وتتعشاء معنا..؟؟
عبدالله\اذا الوغد موجود أنا ماني بحاضر..
غادة\احترم لسانك لا أقصه لك..وبعدين وش عندك عليه؟؟
عبدالله بحمية\أبوي متزاعل معه..
وأنا عندي قناعة اللي مزعل ابوي مزعلني..
غادة\وهـ ياقلبي يعننك تحب أبوك؟؟
عبدالله\أنا أحبه بس لو يفكني من شره ويطلق أمي كان احبه أكثر..
غادة\هههههههههه مبطي عظم يا عبيد..
عبدالله\قربي أقولك..
غادة\لا تستهبل هذا السماعة بأذوني وش تبي..؟؟
عبدالله\تعرفين جدة أبوي؟؟
غادة\تراها جدتك..
عبدالله\يا كذبك هي جدتك أنتي وجدت أبوي..
أما انا فلي جدتي اللي هي أمك..وش حشرني بالنص بينكم وبين جدتكم..؟؟
غادة\طيب اخلص جدتي وش فيها؟؟
عبدالله\تخطط تسافر مع جدي اللي هو أبوك..
مدري وش طرى على العجوز تبي تصيف في اوربا..
غادة بصدمة\كذااااااااااااب ..
عبدالله\الشرهه ماهي بعليك على اللي يكلمك ويكبر قدرك..
يالوغدة رجال وش كبري وتقولين كذاب..
مالقيت منك خير من يوم تزوجتي الوغد اللي مثلك..
قفل الجوال في وجها وهي تنادي عليه تبيه يأكد كلامه أو يفهمها وش صاير..
ناظرت راكان بصدمة...
غادة بضحكة مكتومة\إحزر وش صار؟؟
راكان مبسوط\وش صار؟؟
غادة\جدتي هههههههههههههههههه بتسافر مع أبوي وعمي ههههههههههههههههه..
راكان بشك\من جدك أنتي؟؟
غادة\مدري عبدالله ولد علي هو اللي قالي..
راكان\ههههههههههه تخيلي جدتي في ربوع ايطاليا..
غادة بخيال اكبر\تلبس جنز وتصبغ شعرها ..
راكان\هههههههههههه ترمي العصا وتلبس الكعب..
غادة\ههههههههههههه لا تخيلها ترطن ايطالي..وير ار يو يالغبراء..
راكان\بنت لا تتكلمين على جدتي..
غادة\ياربي وناااسة لازم نسافر معهم ونسوي يوميات جدتنا في ايطاليا..
راكان\ويجي شايب يبى يتعرف يعطيها صفحته في الفيس بوك..ويعننه حركات.
غادة\مشكلة لازم نزوجها قبل تسافر عشان ماتسوي حركات بوي فرند ومدري وشهو..
راكان\ههههههههههههه على شحم هههههههههههههه..

رفعت جوالها وقرئت الرسالة اللي وصلتها..
تغيرت ملامح وجها وأرتبكت..وفي لحظات تحكمت بنفسها وناظرت براكان..
غادة بهدوء\صديقتي بسيارتها تحت..بأنزل لها..
راكان بتسئول\ليش ماتدخل؟؟
غادة\مستعجلة وأنا موصيتها على غرض ابيه..
بتعطيني اياه وبتمشي..
راكان\لا ماتطلعين الشارع...
خليها تدخل في الحديقة خذي غرضك وهي الله يسهل لها..
غادة توقف\طيب عن إذنك..

خرجت من الغرفة بعد ما أخذت حجابها ولفته عليها عدل..
نزلت الدرج وهي تحس بأرجولها تغوص بالدرجات..
طلعت ل الحديقة وأنتظرت دخول صديقتها..
دخلت شهد وسلمت على غادة بشكل سريع..
شهد\غادة..اذا غيرتي رأيك في الموضوع بإمكانك تتراجعي..
غادة تسحب هواء وماترد عليها..
شهد\أنا نفذت كل اللي أتفقنا عليه..
أنتي لك حق تزعلين وتنغاضين..
بس اذا كنتي مرتاحة معه وتشوفين راح يعوضك عن الغلط اللي سواهـ لا تدمرين حياتك..
غادة ترتجف\البلا مو منه..مني أنا..
مو قادرة أنسى حاولت يشهد الله اني حاولت بس ماقدرت..
إهانته ساكنة بقلبي وروحي..وهو ماقصر بتعذرهـ باهتمامه واحترامه..
يعز علي أجرحه وأسوي اللي في بالي..
شهد تشد على يدها\إذن خلاص قلبك بينسى وروحك بترتاح بقربه..
بينسيك اللي صار..هو يحبك وأنتي تحبينه..
ماهو ضروري تنتقمين..
غادة\انا ما ابي انتقم..أخاف أسكت هالمرة وأنسى واعديها..
بعد مرور الزمن يمكن يرجع الشك لسبب او بدون سبب..
ومثل ما اتهمني مرة يتهمني ثانية..
ما أقدر أتحمل طعنتين وزيادة...لازم يأخذ درس عشان العمر الجاي يا شهد..
شهد تضمها\الدرس لازم ياخذه..وهو خذاه من نفسه ومنك..
تعذب لما أدرك حقيقة اللي صار وانه ظلمك..
ومات قهر لما انخطبتي لغيره وكنتي بتتزوجين..
يعني كل هذا ياقلبي ما يرضيك..
غادة\صح تألم بس ماهو مثل ما تألمت..
لازم يشرب من نفس الكأس ويحرم يتعرض لعفتي وطهارتي..
اليوم وعندي الدليل..بكره ان استمرينا من وين أجيب الدليل..؟؟
شهد تمسح دموع غادة\استخرتي؟؟
غادة تشهق\لا...ماقدرت..السالفة انتقام وتسديد حساب..
خجلت من ربي استخير في جرح انسان..
شهد\مهما قررتي ومهما صار..
أنا معك وكاتمة سرك..ومتى ما احتجتيني رنة وأنا قدامك ..
غادة تضمها وتبكي\فقدتها كثييير..بس والله العظيم لك مثل مكانتها والله..
شهد\فقدتها موووت ياغادة ولا لقيت من يملى مكانها..
ودعوا بعض وهم يبكون ويشجعون بعض...
جلست بالحديقة سرحانة وظامة اللي بيدها..
من يومين طلعت مع شهد بمشوار بعد ما أستئذنت راكان..
واليوم وصلها اللي كانت تنتظره وطلبت من شهد تساعدها فيه لأنها واصلة..
مسحت دموعها وهي تتنهد والحيرة متملكتها..
رفعت راسها لجناحها كان راكان واقف على البلكونة ويناظرها..أو يراقبها..
تدري انه مو غبي وهو حاس بارتباكها وتحفزها الدائم..
وبالتاكيد ملاحظ اللي صاير معها لانها لاحظت وجوده بعد خروج شهد..
يعني شاف ضمهم لبعض وبكاهم..
راكان بغمزة\تطلعين ولا أنزلك ...

؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛ ؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛


دخلت غرفتها تركض ردت عليه قبل ينقطع الاتصال..
طالب\يعننك تتغلين يا معصقل..؟؟
شوق برطمت\وعليكم السلام هلا فيك..
طالب\يووهـ فشلتيني...اممممم كيفك يا يا اممم وش اسمها ذيك.....
شوق تبتسم\الحمدلله بخير ماله داعي تفكر وش تكون..بعد شوي تقول كفر السيارة...
طالب\ههههههههه لا لا محشووومة..
شوق\انت كيفك..؟؟
طالب\مالك دخل...
شوق\هـــاهـ..؟؟!
طالب\يعننه يهمك حالي..؟؟
شوق\لا مايهمني...
طالب\لانك جماد ماتحسين ماعندك قلب...
شوق\هههههههههههه دوم تقول حالي مايهمك وانت حالك مايهمني..
طالب\طيب لا تقلبينها هوشة ماني بحوولك أكفخك..
عندك كمبيوتر؟؟
شوق\ايــــه..
طالب\يالله افتحيه واشبكي المسن ابي اوريك شيء..
شوق بحماس\طيب..
طالب\معصقل سألتك بالله قولي الصدق..
شوق\بسم الله وش فيك؟؟
طالب\قبل شوي طلعتي لسانك صح؟؟؟
شوق حطت يدها على فمها\ما اذكر..
طالب\ترى سألتك بالله..
شوق\استغفر الله ياربي ليه حلفتني..ايه طلعت لساني اووف منك..
طالب\لا كنت أتاكد أنتي الضفدع اللي على خبري..
قفلت في وجهه وفتحت المسن وهي متحمسة تبي تدري وش فيه..
كان اون لاين..بدء محادثة معها...
...لعيـــون عصقولة تشرق الشمس وتغيــــب ..<<توبيك طالب..
هلا وغلا عصقووولة نورتيني وارحبي
ابـــــــــــــي أنساك..<<توبيك شوق..
هلا فيك ..
طالب\وجع وجع من تبين تنسين ياللي ماتستحين؟؟
شوق\ابي انسى واحد مايستحي دمه ثقيل ودوووب ويشبه التمساح..
طالب\غيري التوبيك شوفيني متغزل فيك...
شوق\الله واكبر متغزل وخروا منه الكذوووب..
مو قايلتلك ما احب عصقووول ؟؟
طالب\غيري التوبيك ولا ما اوريك المفاجئة اللي محضرها لك..
شوق\اول اشووف مفاجئتك وعليها اقرر اذا اغير التوبيك او لا..
طالب\اممم طيب بس بشرط اذا اعجبتك وانا واثق بنفسي..تحطين التوبيك اللي اقوله لك..
شوق بعصبية\لا اعرفك بتجيب العيد..
طالب\اجل ضفي وجهك يالضفدع ما حدن يسهر معك..
شوق\انت ضف وجهك يالتمساح..وطلقـــــــــني..
طالب\رجعتي ل الطلاق؟؟
شوق\ليه واحد قالك اني تركت الطلاق عشان ارجع له..؟؟
طالب\عصقووول انطمي وشوفي مفاجئتي
شوق\طيب هذاني متحمسة وش عندك..؟؟
شغل الكاميرا وحطها عليه وقام يتبوسم ..
وهي تضحك عليه..
طالب\تضحكين معصقل وش رايك في اللوك الجديد؟؟
شوق\هههههههههههه مستخدم دابر أملا يا راجووو؟؟
طالب\لا يالخبل مستخدم هذا الكريم مدري وش اسمه..
اخذته من على تسريحتك..
شوق تشهق\وش مدخلك غرفتي؟؟وش تسوي فيها هاه؟؟
طالب\بيتي كيفي..تدرين عصقوول..
لما رجعت البيت كان كئيب ومظلم..
بس شغلت الكهرباء نور وصار يهبل..
شوق بقهر\يا الله يا كريم تطفىء الكهرباء عليك ثلاث أيام قوول آآآمين..
طالب يضحك\ههههههههههه لا ان شاء الله في جارنا ولا فيني..
شوق\لا تقول رجعوا عياله ينطون من فوق السور وعلى المسبح؟؟
طالب كشر\الله لا يوريك بس وريتك فيهم جبت هنود وصرفوا الماء وقفلت المسبح وخليهم ياكلون تبن..
عاد لو شفتي جاء ينقد يقووول ماتخلي العيال يستانسون..
شوق بشهقة\لا يكون سكت له..
طالب\لا كفخته وهفيته بالفاس على راسه وقلت لا تعيدها مرة ثانية..
شوق\والله انك كذوووب..
طالب\يوووه تراني كنت مجهز سهرة رومنسية بس انتي خربتيها..
لاتقولين بعدين اني ما اعرف ل الرومنسية..
شوق\طيب يا رومنسي وش عندك...
طالب\احم احم شوفي يا طويلة الأنف..
هذي وش تذكرك فيه..
وجه الكاميرا على الطاولة ..
شافت علب رايقة موضوعة بعناية لكن مسكرة..
دققت النظر فيها وشهقت لما حست انها تعرف محتواها..
طالب\هذي هدايا وصلتني من وزيرة خارجية الصومال...
أذكر لما اعطتني طقم المكتب كان بعد رجوعي بالشهادة الكبيرة..
كانت لابسة عبايتها ومتحجبة مايظهر منها شعره وحدة...
وجها كان ناعم وحلووو بس كانت مبرطمة..
وهذي الهدية اهدتني اياها رئيسة اليابان لسوما..
كانت دووبة مرة ولما عطتني الهدية قلت لها وراك دووبة سوي رجيم..
الله لا يوريك يا عصقووول بكستني على بطني بقوووة..

ضحكت وهي تبكي بعد ماتذكرت البوكس اللي ضربته اياه هذاك اليوم..
ظلت ساكته بانتظاره يكمل تعذيبه اللي كان بلسم لكل جرح بقلبها منه..

طالب يكمل\اما هذا الدبدوب بصراحة تعجبت من زوجت أوباما..
ام شعر محرووق وأنف مدري وش يبي..تعطيني دبدوووب وش شايفتني بزر..
بس ماسكت لها قطعت عيونه وانا افتن عليها..قلت لها ماتدرين انها تمثل أرواح والعياذ بالله..
ان شفتك مرة ثانية جايبة دبدووب نتفت عيونك بدال عيونه..

نزلت السماعات من على اذونها عشان مايسمعها
وهي تضحك وتبكي وتتذكر كيف فتن عليها وكسر خاطرها..
وحلفت تهديه سم فئران او علبة بف باف بدل العطورات اللي تمصخر عليها..

طالب بضحكة\هههههههههههههههه شوفي الخبل كوندليزا رايس ام براطم سوداء وش مهديتني..
كتاب الرجال من المريخ والنساء من الزهرة..
ضحكت عليها ام مشاعر وقلت لها على شحم ..
خذت الكتاب مني وحلفت ماترجعه..
عاد انا ماهان علي رحت ودورت على الكتاب وأشتريته..
بس تصدقين الى اليوم ما قريته..
اشتريته عشان تظل هدايا الغالية موجودة عندي ومحفوظة..

حطت يدها على قلبها تهدي ضرباته القوية..
صار يصارخ يبيها ترد عليه..
طالب\عصقوول بنت لا يكوون طول الليل سهران مع نفسي وأنتي نايمة..
شوق ياقلبي ردي علي..

شوق بصوت مبحوح\أنت مجنون..
طالب يبتسم ويقرب من الكاميرا\ودي اشوفك مثل ماتشوفيني بس يالله خيرها بغيرها..
ماني براضي تشغلين كاميرتك..
شوق\.......................
طالب\عصقووولتي...؟؟
شوق\هلا..
طالب\مرحبتين يا قلبي..
اممممممممم عندي مفاجئة ثانية..احم احم..
وقفي على حيلك..
شوق\وقفت..
طالب\كذابة قلت لك وقفي..
شوق وقفت وهي تضحك\خلاص وقفت..
طالب\مدي يدك تحت السرير...
وخرجي علبة مستطيلة..
شوق باستنكار\تحت سريري أنا؟؟
طالب\لا ياقلبي تحت سريري وسريرك ..
سوت مثل ماقال لها وطلعت العلبة المستطيلة..
كان فيها علبة مخملية لونها أحمر مخملي..
وبطاقة كبيرة بجنب العلبة المخملية..
طالب\فتحتيها؟؟
شوق بهمس خايف\إيــــه..
طالب بخبث\خلاص سكريها ترى مو لك بس حبيت أتطمن عليها..

شوق طنشته وفتحت العلبة تفاجئت بطقم ذهب أبيض نــــــــــاعم..
فراشة متوسطة الحجم منحوت عليها آية قرانية..
وحول الفراشة فيونكات صغيرة رايقة..
إسوارة محفور عليها عصقولتي..
والخاتم محفور عليه طالبـ....ي ..
هزت راسها بعجز بيظل طالبها وهي تموت فيه..
طالب\عصقوول؟؟
قولي الصدق وش تسوين..؟؟
ماردت عليه وظلت تتأمل الهدية..
طالب\أعرفك مادية فتحتي الطقم قبل لا تفتحين البطاقة..
أنصدمت كيف عرف هالشيء..
وأدركت بنفس اللحظة لانها تهمه وهو يعرف عنها الشيء اللي مالاحظته على نفسها..
طالب\وش اتووقع منك مو حرمه..والحريم لما شافوا الذهب نسوا الدنيا..
الله يعينا عليكم وينصرنا يالماديات..افتحي البطاقة وشوفي رومنسيتي..
فتحت البطاقة وكانت بتقراء اللي فيها..لكن هو منعها..
طالب\وش رايك تسمعينها مني احسن من تقرين خطي والأخطاء الاملائية..


أبي أبـقـى وسـط قـلـبــك لوحـدي مـامعــي إنســان !!
أبي أمــلك كــل تفكيــرك // وتمــلــك كــل وجــدااااني


وأبي قلبــك يواعــدني لــو خــــــان البشــر مــاخــااااان
وأبـيـك تـكـون لي ظــلـي // وأكــون بظــلـك الثــــانــي

أبـي أطـلـب طـلــب واحــد "رجيـتـك" وهــو المهـم الآاان
وأنــا أدري مستـحــيــل تــرفــض لأنــك جــــد تهــوااانــي


أبيـك تعيـــش فــي قـلبــي إذا تسـمـح مـــدى الأزماااان
" أبيـك تشــوووووف ماتملك فــي قلبـي ومـاتعــــداني"

طالب بمحبة\وهذا طالب طلبك طلب واحد تعيشين في قلبه مدى الأمان...
وش ردك يا الحبيـــــــــبة..؟؟

تشهق وحاطة يدها على فمها تحاول تتكلم بس مو قادرة..
يحبـــــني..يحترمني..والأهم يعرفني وانا اللي ظنيته مادرى عني..
طالب\أنتظر ردك...
شوق بدموع\وأنت جاوبت على نفسك مستحيل أرفض لأني بجد أهواااك..
طالب بصوت ضاحك\فديتك ياعصقولتي يا قلبي الوهمي ماهو اللي جوا ضلوعي..
ضحكت على كلامه مبسوطة بسماع صوته وضحكته..
طالب بمكر\عصقووولة..؟؟
شوق بهدو\لبيه..
طالب\لبيتي في منى..احم آخر شيء في البطاقة لا تقرينه طيب...
رفعت البطاقة وناظر بأخرها..
كان مكتووب بخط صغير بأخر الزاوية [ لا أحد يصدق نفسه ]

طاحت البطاقة من يدها وانسدحت على الأرض تضحك مبسوووطة..
وهو يضحك ومستغل الفرصة ويتغزل بطريقة ماتشبه الا طالب فقط..
مازعلت ولا تحسست من كلامه.
صارت تعشق أسلوبه لأنه خاص ومايتفرد فيه الا طالبها..
ومايكون الا لعصقووولة...

؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛ ؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛

أتخذت قرارها وحسمت الموضوع...
تعوذت من الشيطان وقررت تكمل حياتها مع راكان وتدمح خطاهـ..
هي تحبه رغم إنها كرهته وكرهت طاريه بعد اللي سواهـ..
لكن قدر يكسبها باحترامه ومراعاته لها..ومحاولاته لتطيب خاطرها..
اليوم بتقوله ان الزمن طيب خاطرها..وهي راضية بحياتها معه..
نشفت جسمها ولبست قميص نوم طويل مشمشي..
سرحت شعرها وطلعت من دورة المياهـ..
وقفت مكانها مصدووووووومة وتحس بقبضة جليدية تمسك على قلبها بقوووة..
ألتفت لها وركز عيونه عليها..
كانت مصدومة وتحس بمدى غبائها واللي طعن مرة يطعن ثاني مرة مثل ماتوقعت..
وهو يتأمل الحورية النادرة الوجود...حوريته الغالية..
عشق الطفولة حلم المراهقة..وأخيراً ملك لقلبه..
أرتجفت بعنف وقلبها ينزف من الزعل والحزن..
كان يقلب بجوالها..يفتش يراقب يشـــــــــك فيها من جديد..
يطعن وهالمرة بالمخفي..
من متى وهو يراقب جوالي ويتجسس عليه..
غادة ببرود\بشـــــــر الليلة صدتني؟؟
راكان بتعجب\صدتــك؟؟
غادة\كم مرة تشيك على جوالي؟؟اممم ماحيرك اسم من الأسماء؟؟
يمكن كاتبه اسماء بنات وهم مو بنات..
راكان بغضب\غــــــــــــادة..!
غادة\وحتى صديقتي خرجت على البلكونة عشان تتأكد انها صديقة مو صديق..
ولو سيد راكان مو غبية عشان أواعد احد في بيت زوجي..
راكان هزها بقوة\انتي صاحية؟؟وش جالسة تخربطين يامجنونة؟؟
غادة بسخرية\مو اخربط..مو تشك فيني وذابحك الشك؟؟
والحين جالس تفتش بجوالي ويمكن تترصد مكالماتي..؟؟
راكان\كل هذا لأني أستخدمت جوالك؟؟
غادة\لا..........لأنك طعنتني بطهارتي بتربيتي وديني وأخلاقي..
ماوقفت على أتفه التوافه اللي اسمه جوال..
راكان\صلي على النبي يا بنت الناس وابعدي الوسواس عنك..
اتصلت من جوالك على جوالي لاني مو لاقيه..
رد علي أبوي وقال جوالي عنده في الصالة..
غادة بعبرة\لا تلومني ياراكان..

أنسحبت من قدامه وتغطت بمفرشها..
ماتقدر..موقف اليوم راح يتكرر ويتكرر..
يمكن يستخدم جوالها..يمكن ينكش اغراضها..
يمكن يسالها سؤال عادي وداخله مبطن بالشك..
مسحت دموعها لما حست فيه نام جنبها..
كان قريب منها لدرجة تسمع صوت أنفاسه..
حاولت تهدي نفسها وهي تقراء الأذكار والمعوذات..
لكن جسمها كان يرتجف من حبس عبرتها..
مد يدينه وسحبها له ضمها وهو يتمتم بأذونها بكلمات غير مفهومة لها..
ولما ركزت سمعت اللي كان يقوله..
كان يقراء عليها وهو ضامها..

كان المفروض تنفر منه..تضربه وتعاتبه وتصرخ عليه..
بس ظلت ساكنة وراضية باللي يسويه..
لكن عقلها هالمرة حذرها وقرر بدون رجعة..
لازم يتعاقب وتنتهي معاناتها..
همست بتعب\راكان اتركني..
ماتركها ولا ابعدها عنه..
همس لها\نامي وانتي مطمنة انا على وعدي..

صرخت بجوات قلبها تستغيث...متـــــــى يا بكرة بتجي...؟؟

؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛ ؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛


كان واقف قريب منها ويتكلم مع دكتورها اللي كان مو راضي بخروجها..
ويراقب حركتها الجديدة المعقدة بالنسبة له..
يبي يتخلص من الدكتور عشان يمنعها من اللي هي تسويه..
تفاهم مع الدكتور وطمنه بانه راح يرجعها المستشفى بعد كم يوم..
يجهضون الطفل وبعد ماترتاح يسوون العملية..
لما اعترض الدكتور وقال لازم هي تقرر لانها صاحبة الشأن..
فتن عليه غازي وقاله انها قاصر وهو المسئول عنها..
وبذلك هو يوقع على أوراقها ويتخذ القرار عنها لانه ادرى بمصلحتها..

تركهم الدكتور غير راضي بتسلط غازي على فتاة صغيرة يحرمها من حق الاختيار..
قرب منها مسك يدها ونزلها..
رفعت يدها الثانية واستخدمتها..
مسكها مرة ثانية ونزلها..
تركت يدينها بحضنها وصدت عنه..
قفل البالطو عليها ورتب حجابها..
غازي بهدوء\الجو حلوو اليوم صح بارد بس أخيراً قدرت الشمس تغلب الغيوم..
هديل بسخرية\إيـــــه شفتها..
غازي يقبلها على جبينها\أيام وترجعين تشوفين..لو ما تمنيتي تطلعين من المستشفى ماطلعتك الا بعد العملية..
هديل\ليه الدنيا حر كذا..
مسكها قبل تطيح على الأرض وسدحها على السرير..
غازي بهمس\حمــــــامتي..غمضي عيونك وبترتاحين..
غمضت عيونها ويده تشد عليها..
بعد فترة فتحت عيونها وقدرت تتحرك..
نزلها بخفة ووقفها على الأرض لحتى توازنت..
غازي\تقدري تمشي أو اطلب كرسي..؟؟
هديل\أنا عمياء مو محرولة..
غازي لم يده على كتوفها\سلامتك من كل عاهة..
مشت معه وغصب عنها تمسكت فيه..وهو شدها له أكثر..
هي ماتشوف ماتدري وش اللي قدامها..
خايفة تطيح تغرق تنصدم...
لو كانت النهاية موت بتكون مطمنة ..لكن النهاية عذاب وألآم لا تحتمل..

وصلوا الفندق نزلها من السيارة بس هي وقفت ومارضت تمشي..
هديل\ما ابى...
غازي بتسئول\طيب وش تبين..؟؟
هديل بصوت مخنوق\مم....مــ دري...
غازي حبس تنهيدة\طيب وش رأيك نمشى في حديقة الفندق..مع إنها ثللللج..
هديل بهمس\إيه أحسن..

فهم عليها كشووفة له دائماً..
تخاف تظل لوحدها معه بالفندق..هو وحش يفرض نفسه عليها..
يحضنها غصب عنها..يلمسها يشيلها ويتدخل باتفه شيء يخصها..
والأمـــــــر من كل هذا إغتصابه لها..
مايلومها ولو فضلت تظل بوسط البحيرة المجمدة ولا تكون لوحدها معه في الغرفة..

لاحظ تعبها والخمول اللي يسكنها..
ناظر بطنها ويبتسم بحسرة..
أغلى امنيـــــــــه على قلبه مضطر يدفنها قبل لا تشوف النور..
مستندة عليه من غير شعور..بسبب الارهاق المتمكن منها..
جلسها على أحد المقاعد وجلس جنبها يحضنها..
همس لها\تعبانة...
ماردت عليه ورجعت على نفس حركتها بالمستشفى..
سحب يدها وضمها بكفه..
سحبت يدها ورجعت تقضم أظافرها..
سحبها بقوة ولبسها قفازاته..
بس الحقيقة مابقى لها أظافر..
اللحم الميت حوالين أظافرها صار مجروووح وملتهب..

لاحظ ظهور هالحركة عندها من بعد ماضربها بالسووط..
بس كان يتغاضى عنها وباحد المرات نبها وحذرها لا يشوفها تقضم أظافرها..
أبتسم لما تذكر عصبيتها وهو يضرب أصابعها بقلمه..
كل مارفعت يدها لفمها ضرب أصابعها بالقلم..
فكانت تثور عليه وتسبه وتقول أظافرها وبكيفها تأكلها أو تشويها..
صب الفلفل على أظافرها وقال لها الحين كملي..
ماتوقعها تعانده وتسويها..
يتذكر لمعت عيونها بالدموع بتحدي..
شفايفها كيف التهبت من الفلفل وجننته بلونها..
ظل يراقبها وهي تقضم أظافرها والفلفل يحرقها..
تأكد مالها نية توقف عن جنونها..
أخذ يدينها وحطهم بكأس ماء..وشربها غصب عنها ماء بارد يخفف حرارة الفلفل..

حـــس بحنيــــن لحمامته العنيدة..المتـــمردة..
اللي تضرب بأوامرهـ الجدار وماتهتم لـ العقاب..
أشتاق لعصيانها صراخها سخريتها..
تجاهلها لعصبيته وتواجدهـ..
لأنه يعش تحديها رغم إنهزامها دائماً..
ما أستسلمت ما أنحنت ...
لحتـــــــــى خـــان كل الوعود وقضى عليـــها بكل همجية..
ما أستمع لتوسلاتها...ماحن على دموعها اللي غرقت وجهه وشفايفه..
مارحم إنكسارها لما صرحت بقبولها بحياتها معه وبمسمى رسل..
وحتى مناداتها باسمــه وكانت أول مرة تسويها..
ماقدر يتركــــها..
بالموت كان يبعد نفسه عنها بكثير من الأحيان..
لأنه يخاف عليها ومايبي يخسرها..
لكن بلحظات إمتلاكه لها ماقدر إلا يمتلـــــكها..

نزل راسه وشاف يدينها طايحة بحضنه وراسها مايل على صدره..
رفع وجها له وابتسم لما تأكد من إنها نايمة من غير ماتحس..
حط يده على بطنها\حن عليها..كفاية أبوك عذبها..
هزها بخفيف\بنروح الفندق ترتاحين..
هزت راسها موافقة مو قادرة تتكلم..
وقفها بحذر تمنى لو يشيلها بدل ماتتعذب وهي تمشي..
متمسكة فيه ومغمضة عيونها...
وش الفايدة من فتحها والنتيجة وحدة ظلام..
كان منتبه لـ الطريق لكن بلحظة تزحلقت أرجولهم على جليد..
وازن نفسه بسرعة بس هي ماقدرت ظلت متمسكة فيه..
طاحت على الثلج وهو طاح عليها..
صرخت بألم ودمعت عينها..
رفع نفسه عنها بسرعة وجلس يبي يرفعها..
حطت يدها على صدرها من الألم..
همس بخوف\بسم الله عليك...وش اللي يعورك..؟؟
وين الألم..هنا ولا هنا..
كان يمرر يده على بطنها وصدرها..
تكلمت بتعب\كلـ.....ـه..
قرب وجهه منها وقبلها على خدها البااارد\ياقلبي ما انتبهت لوجود الجليد..
هديل\مكسرة مهدوود حيلي كنت بتفغصني..
وقف وشالها عن الأرض وهو يضحك\وش اللي ضرب عقلي وخلاني أخرجك من المستشفى..
همست بتعب\لا ترجعني هناك ما ابى..
غازي بتصميم\بتكونين بخير بيهتمون فيك وانا بظل عندك..
هديل بحزن\ما ابــــى ريحني ما ابى..

دخلها الغرفة وسدحها على فراشها...
قرب منها\تحسين بألم ألحين؟؟
همست\لا..
رفع كنزتها من على بطنها..
مدت يدها بدفاع تحاول تبعده عنها..
مسك يدها وحطها تحت ركبته..
ومرر أصابعه على أسفل بطنها ...
غازي بهدو\تحسيـــن بنزيف..؟؟
هديل بخجل وكرهـ واحتقار\ابعد عني لاتلمسنييييييييي...

نزل كنزتها وغطاها بالمفرش..
أخذ جواله وأتصل بدكتورها وحكى له اللي صار..
طمنه بما انها مانزفت والضربة ماجات على بطنها إذن هي بخير..

وقبل لا يدخل من البلكونة وصلته رسالة..
ولاحظ وجود رسالة قبلها..
الأولى من شوق[ تكفى يا أبو ذياب خلني أكلم هديل]
ابتسم وكأنك ياشوق حاسة بوجود ذياب..
مالك لوى ياشوق..هي كارهة حتى نفسها ما اقدر اضايقها اكثر..

فتح الرسالة الثانية وكانت مـــــــن راجح..
[وصــــــــلك العــــلم ]
ابتسم بتحدي واتصل على راجح..
راجح بثقة\الله حيـــه..
غازي بنفس الثقة\الله يبقيك..
راجح\كيفكم يا آل غـــازي..؟؟
غازي بتسلية\يسرك حالنا..ومن صوبك؟؟
راجح\يسرك...
غازي\الحمدلله..
راجح\يعني وصلك العلم..؟؟
غازي ببرود\وصلـــني..وأنت ما وصلك الرد؟؟
راجح\وصلــــــــني..
غازي\ماحدن له عندي شيء...ولا احدن يقدر يأخذها مني..
راجح باحتقار\تقصد الجارية حقتك؟؟
غازي بمرح\أقصد مليكتي زوجتي وروحي..
راجح\رجع البنت لأهلها والله ما اخليك تنعم فيها وتذبحها اكثر من اللي سويته..
غازي بجدية\راجح..وش تبي من زوجتي؟؟
راجح\ابيها ترجع لأمها وأبوها..
غازي\ما يستــــــاهلونها..ضحوا فيها رموها..
تنازلوا عنها بسهولة..ما يستاهلونها..
راجح\وأنت اللي تستاهلها؟؟
غازي بسخرية\ولا أنا ماقصرت فيها..بس مستحيل اتخلى عنها مثلهم..
مستحيل أرجعها لهم مايعرفون قدرها..ماحدن يبيها كثري أنا..ولاحدن تهمه مثل ماتهمني وتخصني..
راجح\اتق الله فيها طلبتك يا غازي اعتقها..
غازي\اناني بحبها ومستحيل أتخلى عنها..
راجح\سويت اللي علي وحذرتك..معي أمر يجبرك ويجبر السفارة ترجعونها السعودية..
أو تصير المسئلة بين ايطاليا والمملكة..لوجود رهينة سعودية على أراضي ايطاليا..
غازي بتحدي\والله ما تطولونها..وأنا أبو ذيــــاب..

؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛ ؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛


جلست على سريرها بغرفتها في بيت أهلها ..
أتصلت برقمه (..........) مجرد نقط..
رد عليها بشوووق..
راكان\هلا وغلا ..
غادة\انت في البيت..؟؟
راكان\ايه توني باطلع وامرك..
غادة\لا تمرني..
راكان باستغراب\ليـــه؟؟
غادة\راكان افتح الصندوق الي بكبتي..لونه فضي..
راكان\غادة وش فيك؟؟
غادة بتصميم\سو اللي أقولك ياراكان لو سمحت..
فتح الكبت وطلع الصندوق..فتحه وظل يناظر فيه..
راكان\فتحته وبعدين..تبين أجيبلك منه شي وانا جاي..؟؟
غادة\لا..فيه ورقة بيضاء افتحها..
راكان بطولة بال\ابشري نفتحها..
فتح الورقة وقراء اللي فيها اشتدت يده على الجوال..
وأحتدت نظرة عينه..
راكان\ماكان له داعي يا غادة واثق فيك..
غادة بسخرية\بجد واثق فيني..؟؟الله يجزاك الف عافية فرحتني مرررة..
راكان\.......................
غادة\الورقة اللي بيدك تثبت بأني لازلت عذراء بنت ..
وأنا متزوجة من شهريـــن والى الآن وحسب التاريخ بالورقة لازلت بنت..
راكان بحدة\طيب..؟؟
غادة\طلــــــــــــــقني...
وقبل لا تعترض أبيك تفهم اذا ماطلقتني قدمت الورقة للمحكمة وأثبت اني متزوجة من شهرين
ولا زلت عذراء وهذا يعني شيء واحد بس اللي هو .............
أعتقد أنت عرفت المقصد من كلامي صح..؟؟!
راح أقول زوجي ماهو رجــــال ...

 

[طــُـهــر ♥!]

البارت الخامس والأربعون...


ضل الألى حسبوك

جسما لا يملون .............

و ضجيعة مسلوبة الإحساس

طيعة الإجابة

و ذبيحة نحرت ليأتي

الذئب منها ما استطابه

و بضاعة في السوق باعتها

العصابة للعصابة

تبقين أنت فقهقهي

مما يدور ببال غابه

تبقين أنت و يذهبون إذا

الصباح جلا ضبابه

تبقين أنت و يذهبون

ذبابة تتلو ذبابه!

المرحوم بإذن الله تعالى..غازي القصيبي...


غادة\طلــــــــــــــقني...
وقبل لا تعترض أبيك تفهم اذا ماطلقتني قدمت الورقة للمحكمة وأثبت اني متزوجة من شهرين
ولا زلت عذراء وهذا يعني شيء واحد بس اللي هو .............
أعتقد أنت عرفت المقصد من كلامي صح..؟؟!
راح أقول زوجي ماهو رجــــال ...

قفل الخط بوجها قبل لا يرد عليها..
نزلت جوالها وهي ترتجف..وتحاول تطمن نفسها اللي سوته مقتنعة فيه..
كانت تبي تجرحه..وجرحته..
وهي تدري باحساسها من قبل لا تسوي سواتها..
هي مستحيل تسوي اللي قالته لراكان..
أصلاً ورقة الفحص الوحيدة معه في يدهـ..
ومالها نية تطلب الطلاق او تتوجه للمحاكم..
هي تشوهت سمعتها قدام أبوها وأخوها عمها وجدتها وقدام راكان وشخص غريب عنهم اللي هو مالك..
تقصدت تجرحه هالجرح برجولته مثل ما جرحها بأنوثتها بأخلاقها..
بس يكون جرح بينها وبينه..ماراح تشمت فيه احد..ولا تسمح لأحد يتطاول عليه..مثل ماصار معها..
كل اللي كانت تبيه يحس بإحساسها وهي تتعرض لنظراته المحتقرة لها وكارهتها..نظرات الشك..
والأكيد الحين حس فيها...حاولت تتوقع عقابه لها وش بيكون..
بس ماهمها العقاب لأنه بيكون من جنــس العمل...
غمضت عينها بتعب..
وهي تتخيل حياتها تمر مجرد إنتقامات..وثأر للكرامة المهدورة..
كان لازم يعرف إني أقبل منه أي شيء ويمكن اسامح..
بس هذا الجرح كان غير..
إن سامحني سامحته..
وإن مارضى لله الحكم بينا..

؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛ ؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛


خمول طاغي على جسمها وجوارحها...
كل ماحاولت توقف او تتحرك تدفن نفسها بفراشها اكثر..
شافت حلم وأنصدمت بأنها مو عمياء بحلمها..
بس الحلم كان حلـــــو رغم كثرة بكاها فيه والمها بس كانت مبسوطة فيه..
ورغم وجود غازي فيه كان حلم مو كابوووس..
صوت مو غريب عليها كان يردد عليها في الحلم..
عبارة غريبة وغير مفهومة..
ركزت بذهنها تحاول تتذكر العبارة ومن أيش تحذرها..
لكن كل حواسها تأهبت وأنهارت أول ماشمت ريحته الغالية على قلبها..
ريحت ثيابه ماتغيرت..ياما عذبها الحنين له ولأحضانه..
ويا ما نادته بشوووق وبألم..وياكثر ما انتظرت رجووعه ورجوعها له..
شهقت بحنيــــــــــن وشقى..
مدت يدينها تدور عليه..
لمسته تحققت من وجوده ضمت نفسها له وهي تصرخ وتبكي..
هديل بألم\يوبـــــــــــــــــــــــــــه ....
طولت علي يوبه طولت الغييييبة..انتظرتك ليش تأخرت لييييييش؟؟
نسيتني ولا ضيعت طريقي..يوبه أنا أنعمييييت أنا ماعدت انا..
خجلانة منك والله العظيم..<<دفنت وجها بصدره تخفي وجها عنه...
صبرت كثير حاربته هاوشته..خليته يظل بعيد عني..
بس انت تأخرت كثير يوبه..وهو مارحمنـــي..
سامحني خنتك خيبت هقوتك فيني..
وين أودي وجهي منك كيف اقابلك وانا رديــــة..
سامحني يوبه والله تحملت وصبرت..
ضربني ..كسرني..جرحني وجلدني..
غير اسمي غير معالمي وشوهني..
بس ماانحنيت له الا بعد ما...... مـــ .... ذبحني..
آآآآآآآآآآآآآآآهـ يوبه وش اللي أخرك عني...
ليش ماجيت قبل شهرين..
ليش ماسبقت برجوووعك..كنت بتلقى فيني رووح..
كنت بتلقى لي بقايا..بس مابقى الحين الا الرماد..
مابقى فيني شيء يوبه أحـــــــــــرقني بحقده وكرهه..

مارد عليها الا بتشديد حضنه عليها وكأنه بيدخلها جواته وبالصمت..
هديل بتعب باكي\أنا صرت عمياء أستاهل اللي صار فيني..
أستاهل أظل عمياء واعيش بالظلام..
لأني مو كفوو لك..ولا كفوو لهلي..
سامحني يا بعد روحي سامحنييييي يوببببببببه...
تكـــفى سامحني يشهد الله مارضيت..
يشهد الله كم تعنيت وبكيت ...يوبه أحبـــك سامحني سامحني..

لا رد وهي صارت تحفر أصابعها بصدرهـ..
مسكت يده وحطتها على وجها ومسحت دموعها بيدهـ..

هديل بنحيب\ليـــش ماترد علي ليه ماتريحني..
طمني يوبه وقل سامحتني..قلبي ماعاد يبيني..
روحي ضاقت بحواجزها..يوبه أعتقني تكفى يوبه تكفى..
يا ما تحملت من العناء من الضرب والسب والشتم..
صرت عامل في المزرعة..ماعدت اخاف من الخيول ولا الحشرات..
حتى النوم لوحدي نمت بالشهووور ماحدن درى عني..
يوبه حتى السووط ماسلم جسمي منه..
باقي أثاره بظهري.. يوبه سامحني تراهم عذبوني..
حتى هله أهانوني..قالوا عني حقيرة واطية يوبه جرحوووني وقطعوا قلبي..
يوبــــــه قل لهم يتركوني قل لهم لا يتكلمون علي..
انا ماني حقيرة ماني مثل ما يظنون..
أنا بنتك حبيبتك ..مظلومة يوبه هو هو الليـ ......... هو السبب ماهو انا..
لا تسسسسسسكت وتصد عني..
لا تأخذني بذنب غيري...سامحني وأسامحهم..
بس انت سامحني وأنسى كل شيء وأسامحهم..
يوبه لا تهجرني وتروح..لا تصد عني وتتركني..

نامت وهي متعلقة فيه وتبكي ترتجيه يرد بكلمة أو حرف ويطمنها..
إنه يبيها وما خيبت ظنه..شكت له من ضربه لها..
من جووورهـ والعار اللي عاشته معه..

؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛ ؛؛؛؛؛؛؛؛؛

ناظرت بجواله والاتصالات مستمرة..
حطته صامت رافضة الرد أو السماح لـدخلاء بأخذ ولدها..
راجح لاحظ تركيزها بشاشة الجوال ورجفة يدها..
جلس جنبها وأخذ الجوال من يدها..
رشا بصرخة\لاااا..مالك شغل بجوالي رجعه..
راجح باستغراب\وش فيك انرعبتي..؟؟
ناظر بالجوال وناظر فيها\من الدخلاء؟؟
رشا بعبرة\مالك دخل...
راجح بهدوء\ليه معصبة كذا وترجفين..؟؟
رشا تبكي\لأنك خاين..تبي تاخذ ولدي مني..
وتعطيه ناس مايستاهلون..
راجح\إهدي واجلسني نتفاهم..
رشا\ما ابي افهم..ما ابي افهم الا شيء واحد بس اللي هو إن غازي بيظل معي..
راجح\كلمت المحامي والحين هو يحقق في الموضوع..
رشا\مايهمني كلام المحاكم ولا قوانين ودستور الدول..
الولد ولدي انا وما احد ياخذه مني..ما احـــــــــــــــــد..
راجح بحدة\رشا أنا ماني عدوك وانا ابيه يظل معنا..
ما احد يقدر يأخذه من غير حق..إذا امه اللي تبيه مالنا حيلة..
أنا مستغرب كيف قدرتي تخفين هالموضوع طول هالسنين...
كيف تحملتي ثقل الأمانة والخوف من انكشاف السر لوحدك..
ليه ماوثقتي فيني..ليه ماقلتي لغازي أو طالب..
رشا بسخرية\وش اللي أستفدته لما قلت لك..
طلعت شهم وراعي امانة وتبي تأخذه مني...
طلعت انذل منهم الدخلاء وبتطعني بولدي..
راجح\لاتنفقدين ثقتك فين انا حبيبك ماني عدوك..
أنا ابيك تكونين مبسووطة وأعرف إن ابعاد غازي عنك بيدمرك..
ياقلبي فكري بكره لما يكبر غازي وش موقفه منك..
لما يقول ليش أبعدتيني وحرمتيني من أمي..
وش بتردين عليه..؟؟
رشا بألم\مالك شغل أنا وولدي نتفاهم ..
مابيزعل علي ولا بيتنكرني..مابينسى حبي له ولا إني أغنيته عن الاهل والأب والاخوان مابينسى..
راجح\ولا بينسى غنك اخذتيه من امه وحرمتيه منها..
رشا\لا تقوووول امه..هي ماتت ماااااااااااااااااتت ليش مو راضي تفهم..
أخذت الجوال من يده بسرعة وردت على المتصل..
رشا بانهيار\مالكم عندي شيء..هذا ولدي انا ولــــــــــــــــــــــــــدي..
ما راح اعطيكم إيه ولو ذبحتوني..تهديدكم ماعاد يخوفني..
موتوا بجهـــــــــــــــــــنم...
أخذ الجوال منها بسرعة\هههههههههههه الولد ولد اختي وانتي مالك فيه أي حق..
وترى رفعنا قضية ضدك وأتهمناك بإختطاف الولد وطمعانة بورثه وأمواله..
حن خواله وأولى من مرت أبــوهـ..والحق معنا..
راجح بقوة\تهبي يا الخسيس..
لو رجال وقد كلمتك تحكي مع الرجال ماهو تهدد الحريم..
ومادام اهل غازي حيين وقادرين فلا الخوال ولا المحاكم لهم يد عليه..
...\خير خير وطلع لكم صوووت وأنتوا مسلمين الأمور للحريم..
كنت أظن الحريم هم اللي يحلون ويربطون عندكم..
راجح بسخرية\وكلنا الحريم للحريم...
.... بعصبية\الولد امه تبيه ترجعونه غصبن عليك..
والمحاكم بينا نأخذه وأنتوا تتفرجون..
راجح\الكلام ماهو معك يالورع..
كلامي مع رجال يوزنون الحكي..
خل اللي أكبر منك وأعقل منك يكلمني أنا راجح بن جالي..
والمحاكم ماتخوفنا..
قفل الخط وحط الجوال بجيبه..
يتمنى لو يقدر يهزها أو يضربها لانه أدرك سبب وسوتها الدايمة..
وإنهم بياخذون الولد منها..اتاريهم يهددونها ومرعبينها..
وبنفس الوقت يفكر..
ليش الى الآن مارفعوا قضية وطالبوا بالطفل..
هم الطرف الربحان لان الأم ماقبلها احد في الوصاية..
يمكن تكون متزوجة وبكذا المحكمة ماراح تعطيها الولد..
فيه شيء غلط وهو لازم يعرف الناقص..
راجح\انا لازم أسافر يومين وراجع...بأوديك عند ام غازي..
رشا بسرعة\وولدي معي..؟؟
راجح\ايه ولدك معك..بس ما ابيك تتصلين بأحد او تردين على احد..
وحتى خروج من البيت ماتخرجين الا معي..فاهمة..
هزت راسها موافقة على كلامه\بيـــأخذونه؟؟
راجح\مالك حق تخفين عني اللي صار..
متزوجين من سنتين المفروض كان ظنك فيني أكبر من كذا..
قبل لا ينهي كلامه دق جوالها بجيبه..
خرجه وشاف رقم من دون اسم..
خرج من البيت ورد على الاتصال..
...\السلام عليكم..
راجح\وعليكم السلام..
...\راجح بن جالي..
راجح\وصلت..
....\معك عامر ال.....
راجح\والنعم..عساك طيب؟؟
عامر\والنعم بحالك الحمدلله يسرك الحال..
راجح\يستاهل الحمد..وش أقدر أخدمك فيه..؟؟
فهد\أنت قلت لفهد نتفاهم..
راجح بحدة\وليه ماتفاهمتوا يالطيب قبل لا تهددون حريمنا..؟؟
عامر\أي حريم..وش تهديدهـ؟؟
راجح تنهد\شكل ماعندك خبر وش عامر مسوي..
يهدد برفع القضية بالمحاكم والله اعلم كم صارله وهو يهدد أهلنا..
عامر\يعلم الله ماعندي خبر عن الللي تقوله..
راجح\وهذا اللي فهمته..
عامر\شف يا اخوك لانبي المحاكم ولا نبي المشاكل بينا..
إن كان لنا قدرة على التفاهم وجه لوجه يكون أحسن..
راجح\شورك وهدايت الله..
عامر\أنا في الشرقية يومين وراجع الكويت إن قدرت ألتقينا..
راجح\بس أنا مضطر أسافر برا المملكة هاليومين..
عامر\مابه خلاف مادمنا تواصلنا معك وتعرفنا عليك فمايضيع علمك..
ولما ترجع على خير نتفاهم ونلتقي..
راجح\الله يسهلها..وزين اللي تعرفت عليك يمكن أفهم الموضوع أكثر..
عامر\حياك الله بالخدمة وان شاء الله ماتعقد الأمور بينا..

قفل منه على وعد باللقاء بعد رجوعه من ايطاليا..
دخل وأخذ رشا وولدها لبيت ام غازي..
كلم غازي لكن مارد عليه..
راجح\الله يصلحك يا غازي إرحموا من في الأرض يرحمكم من في السماء...

؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛

حط قطعة التوست بيدها وهي سرحانة عنه..
غازي بهدو\تأكلي او أاكلك بيدي..
حددت مكانه من صوته ووجهت وجهها له..
حركت شفايفها تبي تتكلم لكن تتردد وتغير رأيها..
غازي يراقبها\أسمعك...
هديل بابتسامة الم\أنـ.... أنـــ ـا جنيـــت..؟؟!
غمض عيونه باسى وهو يرد عليها\والله ما جنيتي...
هديل\أمس نمت بحضن أبوي...صح؟؟
أنا شميت ريحته..مانسيتها أعرف ريحته والله أعرفها..
غازي\إيـــه نمتي بحضن أبوك غازي ماهو ابوك حسين...
هديل بتكذيب\شميـــت ريحته ماهي ريحتك..
وقف ورجع لها بعد ثواني..
جلس جنبها وحط شيء بين يديها..
تحسسته وعضت على شفايفها لما تذكرت وش يكون..
شماغ أبوها اللي خذته معها قبل لا تطلع من بيتهم..
ومعه غرض لأمها وأخوانها وجدتها..
كلها كانت بشنطتها اللي أخذها منها اول أيام غربتها..
لمت شماغ ابوها دفنت وجها فيه وبكت بحسرة لما تأكدت إنها نامت بحضن وهم ماهو بأبوها..
طلع ووقف على البلكونة وتركها لوحدها بالغرفة..
أنسدحت على الكنبة ووجها مغطيته بشماغ أبوها...
:
شفتك حلم متى بشوفك حقيقه
الشوق مايرحم اذا جا بالاحلام ...
وحشتني يابو مشاعر رقيقه
وصرت اتحرى شوفتك قبل ما انام...
غمضت عيني وشفت طيفك دقيقه
اثر الدقيقه بهذلت حالي ايام...
البعد ياخلي من اللي يطيقه
لا لاتخليني عايش بالاوهام...
قلبي مع الاحزان وقع وثيقه
وانت بحياتك سارح الفكر وتنام...

حست فيه يحركها يحسبها نايمة وهي دافنة نفسها بالماضي مع أهلها..
غازي\وعدتك مايصير خاطرك الا طيب والوعد بكرة يا الغالية..
كنت ابي اعطيك شماغ ابوك بس أنتي ظنيت انه موجود..
لازم نروح المستشفى ألحين صار موعد العملية..
جلست بسرعة وهي تضم نفسها بعدته عنها..
هديل\ماراح أسوي العميلة والله ما اسويها..
غازي تنهد\لازم تسوينها...لازم..
هديل تبكي\مابأسويها ما ابي أنت تسوي اللي يعذبني ما ابي اسويها..
غازي\اكيد خايفة ماعمرك دخلتي غرفة العمليات..
بس انا بأكون معك طول الوقت..
هديل\وش عرفك أني ماسويت عملية قبل..
ولا تدري لا تجاوب ما ابي اعرف..
المهم ماراح أسويها ولو كنت انت اللي بتسويها لا تحاول..
غازي\عملية اليوم مابتاخذ وقت طويل..
هديل\بس بتعورني..؟؟
غازي يمسح على وجها\بتعورك فترة وبعدها ترتاحين..
هديل تضرب يده\لا ما باروح معك..ما أثق فيك..
غازي\وش اللي مخوفك...؟
هديل\أنــــــــــــــت...
غازي\ليه تشكين فيني...؟؟
هديل\أشك بنيتك بكل شيء تسويه..
أنت دائما تأذيني دائما تصدمني وتعاقبني...
غازي\لا هذي المرة العملية عشانك ترجعين تعيشين وتشوفين..
هديل\ما ابى اشووف ما ابببببى اتركني براحتي مالك شغل..
غازي وقف بعصبية\أنتي ماتسهلين الأمر لا عليك ولا علي..
العملية بتسوينها غصبن عليك..
هديل بصراخ\مالك شغل فيني ما ابي اشووف ما ابي..
أنا حابة الظلام أبي اعيش فيه..
خايف لا ترتبط فيني طوول عمرك وترشدني..
روووح ماهمني عملية ماراح أسويها..
غازي يرفع وجها له\كنتي موافقة عليها..وش اللي غير رايك الحين..؟؟
سحبت نفسها منه\مالك شغل ياكذاب انت ما اخذت رايي عشان اوافق او ارفض...
وقفها وسحبها\الشرهه علي اللي ناقشتك..
ولا كلمة تبدلين ونمشي الحين..
هديل تتمسك فيه\لا لا تكفى ما ابى اسوي العملية تكفى لا..
غازي\ياقلبي ليه وكل هالخوف عملية اليوم اسهل من العملية الثانية..
كوني واثقة لو تئذيك مستحيل اسمح لهم يقربون منك..
هديل ببكاء\قلبي مو مرتاح لهذي العملية انا مو مرتاحة لها..
وتبي الاكيد أنا صليت الاستخارة وأبدا مو مرتاااحة..
غازي\مانقدر نأجلها خلال هالأسبوع لازم تسوينها..
هديل تتذكر الصوت بحلمها يناديها..
يترجاها بكلمة وحدة ( لاتروحيـــن )
هديل\باروح الحمام..
وصلها لدورة المياه\أستناك لا تتاخرين لازم نمشي..
دخلت وقفلت الباب عليها وكملت بكاها وهي تستفرغ..
جلست ع الكرسي وهي ترتجف...ويدها على بطنها..
همست بالم\ياربي كن معي..
حاولت تضبط انفاسها وتهدي ألم ساكن بجوات روحها..
تحس بشيء ينازع داخل قلبها..وكأنها تحتضر وتموت..
الحلم اللي صارله ثلاث أيام طغى على كوابيس دامت سنتين..
طغى عليها بثلاث أيام..
مبسووطة مطمنة وصوت غريب وبنفس الوقت كانه صوت روحها..
ينبها لا تروحين..لاتروحين..
بس هي تروح وتغرق بظلام ماله آخر..
أكيد هو يحذرني من هذا المستشفى لا أروح..
ما بأرووح ولو يذبحني ما أروح..

سمعته يدق الباب يستعجلها..
ماردت عليه ضرب الباب بقووة وكانه ممكن يكسرهـ..
يمكن يظن اني مت...ليه مو هذا اللي ناوي يسويه بالمستشفى يذبحني..
غازي\ردي علي ... وش صار فيك..؟؟
هديل بتعب\ما ابى اروح...
غازي\طيب افتحي الباب ونتفاهم..
هديل\لا مابارفتح..اوعدني ماتوديني اوعدني..
غازي بحدة\أنتي مو طفلة..العملية لازم تسوينها..
هديل\لا لا لا مو لازم..
ما ابي اسويها..انت وش مخبي علي..
قلي وش مخبي علي..؟؟
غازي\مايصير نتكلم وانت بالحمام..
هديل\بلى يصير..اعرفك ان خرجت من هنا أخذتني غصب عني..
وسويت العملية بكيفك..
غازي\هذي العملية تذبحني أكثر منك..
سويها من دون ماتعرفين وش تكون..تكفين..
هديل تبكي\يعني مخبي علي شيء..؟؟
قووول أنت وش تبي تسوي فيني..
ترى عادي مابقى شيء له اهمية عندي..
أنت أخذت كل شيء ذبحتني مابقيت لي شيء..
غازي\اخرجي...
هديل بخوف\أوعدني اول..
غازي\خلاص مو اليوم..
هديل\ولا بكره ولا بعده ولا بعده..
غازي\قلتلك مو اليوم والحين اطلعي..
هديل \لا مو مصدقتك انت كذاب وخاين..
غازي يكتم غضبه\انا طالع الحين انتي اخرجي وارتاحي بفراشك..
مرتاحة كذا وراضية..
هديل تبكي\تكفــــى ما ابى اسويها..
غازي\بكرة أنتي بنفسك بتقولين أبي أشووف..
وبترضين نسوي العملية..
ماردت عليه وظلت جالسة بمكانها..
وش اللي بيصير بكرهـ..
بيكون مثل اليوم ومثل امس..
وش اللي بيتغير بكرهـ..
مافيه شيء يجبر المكســـــــــــور ...

طلعت من الحمام نامت بفراشها وتغطت بالكامل..
حطت يدها على قلبها مرعوبة من الخفقان القوي اللي تحس فيه..

زجاج من ورق...
وروح من جليد..
أينا سترضي أيها الرفيق...؟!
هل تبداء بإذابة ذاك الجليد..
أم تجبر تلك الكسور ..
وتلملم الشظايا..؟!
نعيش بفصل الضباب..
نتوهـ بين الممرات..
ضائعين بلا دليل..
تراني ولا أراك..
تهواني ولا اهواك..
كم اتمنى لفظ تلك النفس والرحيل..
إغراق بعض الخطايا بتراب الأرض..
أخشى ان تضيق الأرض ودودها بجثماني..
فتلفظني رافضة إحتضاني..
أنظر إلـــى اليـــأس كيف يحويني..
كيف أشفق على باطن الأرض من كفني..
لا ملجـــاء لي بكيان يحويك..
ولا أرض تدوسها قدميك...
آســــــــــري القاسي..
لا بــــــــأس بالرحيل..
مرحــــــــــى لـــ الظلام...

؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛ ؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛


مجتمعين بالصالة يودعون أبو علي وهو يحاول يرضي امه..
ابوعلي\يومه أبشر بعلم طيب ان شاء الله بس انتي ارضي علي قبل أسافر..
الجده\ليه ماتاخذني معك؟؟وش انت مخبي علي قوول..؟؟
ابوعلي\شوفيني طاير من فرحتي خليها تكتمل يا الغالية..
الجده\قلبي ناغزني من زمااان يا حسين..
روحتك ذي ماتبرد قلبي..
ابوعلي\مابه الا كل خير..
الجده\أنا امك يا حسين مابيحفظك غيري..
طمني عنك وش مسوي..؟؟
ابوعلي\تومنين بالله؟؟
الجده\لا إله الا الله..
ابوعلي\تومنين بأن ماحدن يموت قبل يومه؟؟
الجده\مومنة ولله الحمد...
ابوعلي يمسح دمعته\مايموت احد قبل يومه..
الغايب يرجع..وياذن الله ترجع..
الجده تبكي\لا تفجعني يا حسين..
ابوعلي\الله يرجعها بالسلامة والله ما أفرط فيها لو القصاص لرقبتي..
الجده\ياما حسيت بظلم وشميت ريحت الكذب بثيابك..
دموعك اللي ماوقفت ظهرك المكسور والشيب اللي غطى لحيتك كلها..
الله لا يغضب عليك ويسامحك..الله يسامحك على سواتك فيها..
ابوعلي\يومـــه بأرجعها بعون الله بارجعها..
الجده\رجعها وبعدها نتحاكم انا وإياك عند اللي ماتنام عينه..
ابوعلي يقبلها على راسها\بأرضيك وبأرضيها..
بس لازم أمشي الحين الود ودي أسابق الريح والقاها..

خرج من البيت والدنيا وسيــــــعة بعيونه..
كم انتظر وأنتظر خبر منها..
أو خبر منه..يطمن قلبه وروحه..
ويوم تكرم عليه واتصل فيه...
قاله تعال بنتك تبيك...
كيف رمى الجوال من يده وسجد لله شكر..
ابوعلي\الحمدلله يارب..الحمد والشكر لك يا أرحم الراحمين..
أخذ الجوال ورد عليه\أجيها وين ماتكون...
بس انت قلي وينها..وشهو حالها..؟؟
غازي بجمود\خلص أمور سفرك على ايطاليا..
انتظر مني اتصال قريب..
قفل منه من دون مايقول هي بخير..
ولا تعبانة..على خبره ولا تغيرت..
وش مسوية في دنياها..
أكيد عتبانة عليـــه وزعلانة..
كيف اني دفنتها وهي حية..
بس ماعليه كل شيء يهون عند رضاها..
والله أرجعها وأنشر خبر رجوعها بالسلامة..
لا يهمني كلام الناس ولا رمي الأعراض..
بنتي رجعت..ومحدن حس بالشقا مثلي..
محدن دفن ضناهـ وبكاه ميت وهو حي مثلي..
أنا وئدت بنتي..بس بطريقة ثانية..
واليوم ربي عطاني الفرصة أكفر عن اللي سويته..
هو زوجها بس انا أبوها وبأخذها منه بالقتل ولا الدية..
ماعاد لي على فراقها قدرة ..ماعاد لي بغيابها صرووح..

؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛ ؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛


أستغرب حال جدتها وبكاها المبالغ فيه..
الى هالدرجة جدتي خايفة على أبوي..
ولا من جدها تبي تروح معهم وماخلوها..
غادة بحنيه\يومه الله يسعدك لا تسوين بنفسك كذا..
كلها يومين ثلاث أيام وراجعين..
وهذي ماهي أول مرة يسافرون فيها..
بس الجدة ماكانت تسمع لغادة ولا لام علي..
تفكر في البنت اللي رموها من سنة ونص وينها وين راحت عنهم..
وش اللي سووه فيها وليه قالوا ماتت..
هديل متربية ولا تسوي العيب..
لايكون ظلموها..ولا طعنوها مثل أختها وذبحوها..
وين ودوا البنت وين ودوها..
أختنقت وهي تبكي وطاحت عليهم غشيانة..
شالها محمد وامه وخذوها للمستشفى ...
كانت غادة بتروح معهم بس راحوا قبل لا تنزل لهم..
وقفت بالحديقة البيت زعلانة ليش ما أنتظروها..
كانت بتفسخ عبايتها لما حست بيدين توثقها وتسحبها برا البيت..
صرخت بخوف لكن بلحظات فقدت وعيها من دون احساس..
دخلها السيارة وربط عليها حزام الأمان وحرك السيارة بسرعة..

؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛ ؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛

واقفة على البلكونة بالنص بعيدة عن حافتها..
البرد يدثرها وتحس انها صارت متعودة عليه...
حست بيدينه على خصرها ويضمها على صدرهـ..
من وقت ماطلع من عندها ماتدري كم ساعة مرت..
وإذا الشمس غابت أو اشرقت..
ماتعرف الوقت ولا قدرت تحدد موعد الصلاة لوحدها..
غازي بهمس\وحشتيني..
هديل صليت العشاء قبل شوي ..مدري اذا كان وقته؟؟
غازي\إيه وقته من ساعتين مو من شوي..
هديل بتعب\باروح انام...
غازي\امممممم طيب بس بالأول أبي اعطيك شيء...
ماردت عليه تنتظره يكمل اللي يبيه..
حست بوشاحها ينشال عن رقبتها..
وبعدها بلحظات حست بشيء بـــارد وثقيل ينحط على نحرها..
مدت يدها برجفة ومررتها على العقد الماسي اللي قلدها إياهـ..
غازي بهمس\ما احلـــى من العقد إلا لبــــاسه..
قاومت رغبة كبيرة بقلبها تجبرها تقطعه وتطعنه بقلبه وترتاح..
مسك يدها ودخل بإصبعها الأوسط خاتم ثقيل بمعدنه..
كان خاتمه اللي يلبسه بإصبعه الصغيرة..
يدري إنه مستحيل يدخل بأصابعها لانه بيكون وسيع..
بس ثبت بالغصب باصبعها الأوسط..
عقيق أحمـــر قاني...مع رمادي يشبه الشرخ بظهورهـ..
سحبت يدها منه منقرفة من هداياهـ ومن نفسها..
يسترضي جاريته العنيدة..
وش يبي مني أكثر من اللي خذاهـ..
وش بقى يغريه فيني..وش يبي مني..
سحبت نفسها منه بقهر..
مدت يدها تتحسس طريقها مسك يدها سحبتها منه بسرعة..
مشت تبي تهرب منه تبعد عن عيونه..
غازي باستغراب\وش فيـــك؟؟وقفي لا......
ما أمداه يمسكها قبل لا تضرب بأغراض هو جايبها معه..
طاحت على الأرض بقووة..
وراسها ضرب بطرف الطاولة..
صرخت بألم وهي تبكي...
شالها بسرعة ودخلها دورة المياهـ..
وقف عند الغسالة وغسل وجها ودموعها..
عاين الضربة براسها وهي مغمضة بقوووة وتتالم..
هديل\آآآآهـ آآآآهــ وخره عني وخره عنيييييي..
حطت يدينها على وجها وضغطت على راسها بخفة..
سدحها على سريرها\وش اللي يعورك بالضبط..
راسك او بطنك..؟؟ردي علي...
هديل ببكاء\كله منك..دائماً أطيح وأتكسر ويمكن أمووت كله منك كله منك..
أكرهك ما أطيقك ما ابيك تلمسني...
غازي\طيب أكرهيني بس الحين وين الألم..؟؟
هديل مغمضة بقوة\راسي بينفجر...
غازي\خذي هذي الحبة بتهدي الألم مسكنة لـ الألم..
هديل بزعل\لا ما باشرب من يدك شيء ابعد عني..
سحبت العقد اللي برقبتها تبي تقطعه..
بس ماقدرت وجرحت رقبتها به..
فسخت الخاتم ورمته\ما ابي منك شيء..ابعد عني اتركني بحالي ما ابيييييك..
ضمها بحنية وهمس لها\بس أنا أبيــــــــــك...


نامت وهي تبكي..ولا زالت تشعر بالعار يغطيها أكثر من أول مرة..
نفس الأحساس المؤلم ماتغير شيء..
قاومت من دون حيل ولا قوة..
ماقدرت..بتظل جارية مرمية بدهاليز الجواري..

همســـت\الله لا يحلك ولا يبيحك..
الله لا يسامحك..ياربي إنتقم لي منه..
الله لا يحلك..
قبلها على جبينها وضمها يكتم كلامها..

؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛ ؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛

صحت وهي تحس بالم بأخر راسها..
تذكرت اللي صار في ثواني..
نطت جالسة بسرعة وهي تشهق..
صرخت بيـــأس لما حست بأنها من دون ملابسها الكاملة..
لمت المفرش عليها وهي تبكي وتصرخ..
غادة برعب\لاااااااااا لاااا ياربي يا حبيبي لاااااااا...
ياربييييييييييييييييييييييييي....
آآآآآآآآآآآآآآآهـ ياربي خيب ظني ياربي خيب ظني..

كانت الدنيا ظلام مافيه صوت أحد قريب منها..
والمكان مو معروف ...
ثيابها مرمية على الأرض..
لمت المفرش عليها ووقفت بإنهيار..
بكت بحسرة وهي تشوف ثيابها مقطعه..
لمت ثيابها بانكسار وانهارت تبكي..
على الأرض وهي تشوف كل حياتها محرووقة قدام عيونها..
أهلها بينفضحون..أمها وجدتها بيموتون من الحسرة..
همست بالم\راكـــــــــــــان ياقلبي يا راكان..
هذي جزات سواتي معك...
هذا ربي جازاني على اللي قلته..
والله ماكنت بأسوي شيء من اللي قلته..
كنت أبيك تحس فيني..تعرف إن جرحي مايبراء..
سامحني والله أنت أغلى من كذبي وحقدي...
ياربي خذ روحي الحين ما ابي اقابلهم ما ابي افضحهم..
ياربي استرني..استرني...

نامت على الأرض من التعب والانهيار اللي صابها...


؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛ ؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛


دافنة وجها بوسادتها ومتمسكة فيها بقوووة..
حست فيه يكلمها يصحيها بس مثلت النوم أو الإغماء..
باسها على كتفها العاري المجروح من آثار السوط ..
وهمس بحب\راجع حمامة الروح..وكل حياتك تتغير بعد ساعتين بس..
ظلي نايمة لحتى أرجـــع..
طلع من الغرفة وتمنى لو تصحى وتتراجع عن دعوتها عليه قبل لا تنام..
بس اكيد بتتراجع لما تشوف أبوها وتحس بأمان..
توجه للمطار يستقبل أبوها وعمها...
من دون مايدري إن راجح على نفس الرحلة اللي أهلها جايين فيها..
وصل المطار ووقف بصالة الاستقبال..
روحه وتفكيره بالنايمة بالفندق...
خايف يتاخر عليها...
بس مافيه أحد يتعرف على أبو علي ويدله على الفندق..
أستقبلهم بجمود..مصافحة مكروهة من قلبه ومن قلوبهم..
رفض لوجودهم باغضين لكيانه..
لكن بوجود هديل بالنص..
لابد من إستحمال كل طرف للآخر..
ركبوا بالسيارة وظل الصمت مخيم عليهم..
حتى الحال ما سألوا عنه...
ماكان بينهم الا السلام...

كان يبي يشرح لهم وضعها...
يحكي لهم عن عماها..وعن حملها..
بس شعور بقلبه طاغي عليه..
يمنعه من الكلام...
وأجل الكلام لحتى يجلسون في لوبي الفندق ويتفاهمون..

وصلوا متأخرين نص ساعة عن موعد رجوعهم..
بسبب الزحمة الغريبة في الطرق...
نزل من السيارة مفجوع بوجود سيارات الإطفاء..
الشرطة والإسعاف..
الفندق يحتـــــــــــــــــــرق...
حبيـــــــــــــــبته تحتــــرق...



دخل من بين رجال الشرطة وهو يركض..
حاولوا يمسكونه بس هو كان يضربهم بقوووة ومن دون وعي..
يصرخ فيهم يبويهم يفهمون قلبه بداخل الفندق ...
حمامته عمياء ماتشووووف...
مابتعرف الطريق عشان تخرج وتهرب من النار..
تضارب معه أحد الإطفائيين..
تدخل أحد المتواجدين بتكتيف غازي وإجلاسه على الأرض غصب عنه..
راجح بحدة\إذكر الله يا أخووك..
بتطلع وهي بخير...مابيصير لها شيء..
غازي يضربه ويرميه على الأرض\بتمـــــــوت قبل يوصلون لها..
حالو يدخل ويفلت منهم بس ماقدر..
حاصروهـ ومنعوه من الإقتراب من الفندق..
يتخيلها تناديه تضرب بالأثاث تطيح أو يغمى عليها بسبب الحمل..
وماتقدر تهرب من النار..
كان يصرخ بيأس ويتضارب مع كل اللي محاصرينه يمنعونه من الدخول..
لحتى ضربه راجح على راسه بقوووة...
خلاه يهداء ويسيطرون عليه...
غازي برعب\طلعها والله أرجعها لأهلها بس طلعها...
بعد ماطفت النار كان فيه نسبة كبيرة من الجرحى...
والمتوفين ثلاثة...أنثى ورجلين...
دورها بين الجرحى ماكانت بينهم...
راقبهم يمكن تكون هي بس متغيرة ملامحها...
عرضوا الأنثى المتوفاهـ..قدامه هو وراجح..
راجح برعب من الأنثى المقتولة...
وإستحالة تكون هذي هديل..
رد عليهم بقة\لا هي ليست من عائلتنا...
رفعها غازي من على الحمالة وضمها بقووووة...
غازي بإختناق\هذي هي ياراجح..هذي هي...
أحترقت حمامتي ما أحترق عقد الألماس...

 

[طــُـهــر ♥!]

البارت السادس والأربعون ...

قبيل الغروب

جمعت ثيابي .. وطفت ُ بدور صحابي .. وودعتهم بدموع الحنين
وعدتُ وكانت دماء الشفق .. تغطي الأفق
حواني طريق الضياع الطويل

وجاء المساء

وأبصرت اشباحه الواجمة .. تحملقُ في !
وظلت تردد في مسمعي ( الى أين تمضي وهذا الطريق بدون رجوع؟)
فضج بأذني عويل الرياح .. وروعني من وراء الكهوف عواء الذئاب
وخلف انحناء الدروب رأيتُ عيون وحوش .. وكدتُ اعود
ولكن سدآ رهيبآ أطلٌ ..
يسد علي طريــــــــــــق الرجوع...


بعد ماطفت النار كان فيه نسبة كبيرة من الجرحى...
والمتوفين ثلاثة...أنثى ورجلين...
دورها بين الجرحى ماكانت بينهم...
راقبهم يمكن تكون هي بس متغيرة ملامحها...

عرضوا الأنثى المتوفاهـ..قدامه هو وراجح..
راجح برعب من الأنثى المقتولة...
وإستحالة تكون هذي هديل..

رد عليهم بثقة\لا هي ليست من عائلتنا...
رفعها غازي من على الحمالة وضمها بقووووة...
غازي بإختناق\هذي هي ياراجح..هذي هي...
أحترقت حمامتي ما أحترق طوق الألماس...

راجح بصدمة\أنت وش تقول..هذي قطعة لحم محروقة..
ماهي بهديل..حتى ملامح مو واضحة أذكر ربك..

خلع العقد من نحرها ورماهـ على راجح..
وهو لازال يحتضنها..
راجح ناظر بالعقد المختوم باسمها..
اسمها اللي حرمها منه وعاقبها عليه..
أرتجفت يدهـ أختنقت روحه..
المرميه بأحضان غازي هي هديل..
المأخوذة بذنب غيرها..
المحرومة من النور..المحرومة من امها وأهلها..
هديل العميــــاء الكسيرة..
ماتـــت من كثرة ذنوبهم فيها...
يوم قرب فرج العباد أخذها رب العباد ...
أخذها الوالي الكريم...
وبنجتمع يوم لا إله الا الله ويحكم بينا العدل الجبار..
جلس راجح على الرصيف ويدينه على راسه بندم...
غمض عيونه وصورتها في باله...
من أول لقاء لهم في الفندق..
كانت مضطهدة مجروووحة..
ولما منعها من الهرب ورجعها لغازي..
كيف سمح له يعاملها بكل قسوة ويسحبها من قدامه وهو يعرف غازي وعصبيته..
حكم عقله وقال مايقدر يتدخل بين رجال وزوجته..
بس اللي قدامه كانوا سجان وأسيرته..
تجريح شوق ورشا لها بكل قسوة...
إنكسارها لما حكى لها عن هادي...
كيف خابت ظنونها بأخوها..وبأهلها..
أنعمت وضاعت وماقدر يساعدها...
نهر نفسه بقهر...
المفروض ماتركتها معه من بعد ماجلدها بالسوط..
حسبي الله ونعم الوكيل..
إنا لله وإنا إليه راجعون...
إنا لله وإنا إليه راجعون..

رفع رأسه وشاف شايب قريب من غازي...
يضربه ويصرخ عليه...
يسحب هديل منه..
وقف وقرب منهم..
أبو علي يبكي\وش سويت فيها يا المجرم..
وين وديتها فيه..؟؟وين بنتيييييييييييي...؟
أبوراكان يرتجف\وين البنت ياغازي؟؟
خويك الله يرحمه بس بنتنا وينها..؟؟
أبوعلي يهز غازي اللي كان غايب عن الدنيا..
متجاهل لكل صوت ولكل ما لا ينتمي لذاك الجسد الم............
وقف راجح بين غازي وأبو علي..
وثبته بين يدينه وهو يحس برعشة جسمه وخوفه..
راجح\أبو هديل؟؟
ابو علي يشهق بعبرته\إ....يــه..
راجح بصوت تعبان\كل من عليها فان..
إن الصبر عند المصيبة الأولى..
قل إنا لله وإنا إليه راجعون..

شهقات عالية وصوت باكي من أبو راكان..
أبوعلي بنظرات مصدومة ردت دموعه الحارة..
قرء راجح السؤال بعيونه..
يبيها جامدة كلمة تُرعب البشرية..
تقسم القلوب الشقية قسمين وأكثر..
كلمة تنحر الروح القاسية..
راجح\هديل ماتت البقاء لله..
أبوعلي بنوح\كذابين والله أنكم كذابين..
تكذبون علي نفس كذبتي على هلي..
انتوا مخبينها عني..وينها فيه..
والله العظيم قلبي ذاب بفراقها..
والله ماتهنيت بيوم ولا ضحكت الا تجيني بلمعت عيونها..
كذابييييين بنتي ماماتت..وين وديتوها؟؟
أتقوا الله فيني خذيتوها وحرمتوني منها..
عطيتكم اياها ودفنتها ظلمتها والغيت وجودها..
والله ان ترجعون بنتي..
خذوا هادي خذوا سلمان..أذبحهوم احرقوهم..

قرب من غازي ومسك يده\تكفى تكفى ردها لي..
سنة وشهور والله كأنها دهر..
تكفى رجعها لأمها ترها ماتقوى على فراقها..
بنتي وأعرفها متعلقة بأمها واجد..
أبوراكان يمسك أخوهـ\أذكر الله يا حسين..
قالوا البنت ماتت..هذا فالنا عليها..
ابو علي طاح على ركبه\كذاااااابين..
تموت بعد مالقيتها..تموت وانا قريب منها..
تموت بزر مامات شايب..

راجح بضيق\غازي فك عنها..
لازم ياخذونها المستشفى..
هديل ماتت فكها واللي يرحم والديك..

ابوعلي قام مثل المصروع..
دف راجح وقرب من غازي..
سحب الجسم اللي في حضنه..
ناظرها مفجووووع..
خذته الرجفة وحس بلسانها ينشل..
ومو قادر يتكلم..
هذي بنته..معقولة هذي هديل اللي باعها برخيص..
هذي بنته اللي تخلى عنها وشيع جنازتها..
قالوا ماتت...قالوا بنتي ماتت..
ابوعلي\ههـ..... هـ.....ـذي مماهــ...بنتـــ.....ـي..
ماتشـ...شبها..لا هـــ.....ـي ما تمــ..مــوت..

ماقدر ياخذها من يدين غازي..
تلمس وجها بيدينه المرتجفة..
ابوعلي بصوت باكي\هــ..ديل..
هديل يا أبـــوك قومي...
تكفيــــ......ـن لاتقطعين قلب ابوووك..
جيت يابنتي..والله جيت..
شوفيني ياهديل شوفي ابوك..
شوفي اللي دفنك راجع يبيك..
ردي لي روحي ياهديل...
نوري عمري وأرجعــــي..

أرتجف جسمه بالكامل وطاح مغشي عليه...

مــــوادع في رجـــاك اليأس..
ولكن صعب نسيانك..
تفارقنا مثل ماجمعتنا صـــدفة الأقدار..
أنا في ناظري دمـــعة تعاتبني لفقـــدانك..
وأشوف الهــــم في الخافق سرى لـ النار معي ذكرى..
لكـــــــــــــن..
فاقد شوفتـــــك..وعنـــــــــــــوانك..
بــلا موعد تفارقنا..ولا أدري بعدها وش صــــار..!!
تســـافر بي على الذكـــرى جروح الصمت وأحــزانك..
وأســـافر بالدروب التايــهة وأقف بــها محتــــار...
مــــــــــــــــــوادع في رجـــاك اليأس مهما طال فقــدانك..
يعيش الحــــب في قلبي ويــــبقى لـــ الزمن تذكــــــــــــار...


تم إسعاف أبو علي من قبل المسعفين المتواجدين في المكان..
ومعه أخوهـ وراجح..


غازي رافق الإسعاف ولازال يحتضن هديل..
وصلوا المستشفى وروحه تناجيها..
وكأنها ممكن ترد عليه وترجع له..
هل تستمر الحياة من دون هديل..
دون عينيها..شهقاتها..
دموعها ..وأنينها..
خجلها..تمردهـــا الأثير..
هل تمضـــي الدنيا بغياب شمسها وقمرها..
وتمطر السماء تشيع رحيــــلها..
جسد من جماد متهالك بين ذراعي..
ماكانت صغيرتي يوماً بهذه القسوة..
ولا باردةً كالجليد..
لِم لا تضربني رافضة قربي منها..
ولا تصرخ نافرة بوجهي رغم خوفها..
لِم سكونها اللذي لا يليق بها..
وصمتها اللذي لا يشـــبهها..
شمعة الحياة أنطفئت بلهيب النار..

لـــماذا يموت الطيـــبون؟؟!
ويعيش الخبيثون..؟؟
بريئة من ذنوبنا..أنقى من ظنونا..
عانت لترضينا..
ماتت حبيبتي..


؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛ ؛؛؛؛؛؛؛؛؛؛؛؛؛؛؛؛؛

صحت على صوته يناديها..
فتحت عيونها بألم وناظرت حوالينها بتعب..
ركزت عيونها فيه وتذكرت اللي صار معها..
جلست بسرعة وحضنته بقوة وهي تبكي..
غادة تبكي\آآآآآآآآآآهـ راكان طلعني من هنا تكفى طلعني..
انا مدري ويني.. مدري وش صار فيني؟؟
راكان\إهدي خلاص انا معك ألحين..
غادة ترتجف\أنت مممــ ..... ماتد...ري وش صار..
أنا مم...ا ..آآآآآآآآآآآآآهـ بموت والله بأموت..
شف حالي أنا مدري وش صار فيني..
راكان\غادة إهدي وأسمعيني...
أنتي بخير ماصار فيك شيء والله...
غادة\مـ ...لابسي..
راكان أخذ قميص من على طرف السرير..
لبسها اياهـ وهي تبكي ومتمسكة فيه..
غادة برعب\ابى ارجع بيتنا..ابى أمي..
راكان\أنا معك لا تخافين..
غادة بخوف\راكان وش صار فيني؟؟
من اللي جابني هنا؟؟
راكان يمسح دموعها\ماصار شيء..
أنا جبتك هنا عشان نتفاهم...
غادة بصدمة\أنـ...ـت..؟؟
راكان\إيــــه أنا...
غادة\أنت اللي سويت فيني كذا؟؟
راكان بجمود\وأنا وش سويت..؟؟
غادة بقهر\وش سويت؟؟؟
ماتدري أنت وش سويت..
ذبحتني من الخوف كنت باموووت مرعوبة...
وملابسي..؟؟كيف سويت فيني كذا..
لييييش ليييش؟؟؟تبي تنتقم مني على اللي قلته لك..
تبي تهيني وتقهرنييييي؟؟
راكان وقف وبعد عنها\لاتصدقين نفسك ياغادة وأني ميت عليك..
وأنا ماني بمثلك حقوود وما افكر الا بالانتقام..
أنتقمتي مني بطعنك لي..الله يجزاك الف خير...
روحي قدمي الفحص اللي سويتيه وقولي زوجي ماهو برجال..
أهينيني يمكن ترضين غرورك..وعزة نفسك..
أكذبي على القاضي وعلى هلك وعلى نفسك..
غادة\أنت اللي جنيت علي بالأول..
أنت اللي طعنتني وأهنتني وطيحت وجهي بين الناس..
ماراعيت الله فيني..وماراعيت أني عرضك وبنت عمك..
شكيت فيني لا ماشكيت الا متاكد من ظنونك الكاذبة..
هاجمتني بكلامك وبقسوتك..تعرضت لي وانا في بيت ابوي..
راكان\قلتلك عذري وش كان..
وقلتلك ان عذري مايشفعلي في اللي سويته لك وظلمي لك..
بس أنتي ماكنتي تشوفين محاولاتي اني أنسيك اللي صار..
طوول ما أنتي معي تضحكين علي وعلى نفسك..
تقولين أصبر علي ياراكان..
الزمن يداوي اللي بقلبي..خليتك على راحتك..
وأنا ماني مطمن لهدوئك..
غادة بحزن\لاتظلمني ياركان...
والله العظيم حاولت أنسى...حاولت أتجاهل اللي صار..
من وأنا في لندن وانا اخطط انتقم منك..
على شكك وطعنك لي..على مطالبتك بي وكأني من أملاكك..
على تهديدك لأبوي أنك بتقتل عشان لا أحد ياخذني..
ولما عشت معك عرفتك..عرفت حنيتك وطيبت قلبك..
واسيت نفسي وقلت سامحيه...كلنا نغلط وهو غلط..
وجيتك بهذيك الليلة أبي اقولك خلاص انا نسيت..
بس لما شفتك تتعبث بجوالي رجع لي الوجع...
مثل ماشك فيني أول بيرجع يشك مرة ثانية..
أخذني الوسواس..قلت لازم يعرف أني أقبل أي شيء..
إلا هذا الشيء..الا الشـــك ما أقبله..
راكان\ما أبـــي أقضي حياتي أنتظر لحظة أنتقامك على شكي..
غادة\ما أبـــي أقضي حياتي أنتظر لحظة شكك فيني...
راكان يمد يدهـ\تفضلي يابنت العم..
غادة برجفة مدت يدها وأخذت الورقة...
فتحتها وقرئت اللي فيها..
شهقت بألم وطاحت دموعها بندم..
غادة بصوت مخنوق\طـــ...طـــلقتـ....ـــني ...
طلقتني ياراكان...؟؟!!


؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛ ؛؛؛؛؛؛؛؛؛؛؛؛؛؛؛؛؛؛؛؛؛؛

سئمت الانتظار

ولعبتي معَ النار

لم تبقى سوى دقائقٌ خمسْ

وتغربُ عن سما حبنا الشمسْ

وتستحيل اجملُ ايامَ حياتي

لروايةٌ تتكلمُ عن مئساتي

وكانَ لي فيها دور البطوله

وبيدي أنــا مفاتيحُ الرجوله

وياليــتَ الذي كان مني ما كانَ

وياليــــتَ دموع الندم تمنحني الغفرانَ ..


يناظر آخر شمس شهدت حياتها..
خياله يرسم معاناتها وهي تحترق..
هل كانت نايمة واختنقت بالدخان ..
ماحست بالنار تحرق فراشها وتستعمر جسدها..
أو حست بالخطر..
ودارت بالغرفة تحاول تهرب بس راحت لـ النار بأرجولها..
أو تعثرت با الأثاث طاحت وماقدرت توقف..
أو صابها إغماء من الحمــ........
يمكن وقفت بالزاوية ماتعرف وين الطريق..
نــــادته أو نادت امها...
الأكيد أبوها..أو هادي حبيبها..
وصلتها النار وعذبتها..
لا هــــذا كـــابوس من كوابيسها...
صرت مثلها أشوف كوابيس..
بأصحى..
بتكون نايمة جنبي..
أصابعها في فمها تقضم أظافرها...
عيونها تايهة في الفراغ...
غرتها مرمية على جبينها بإهمال..

راجح بجموود\عظم الله أجرك...
قلت لهم إكرام الميت دفنه...
يسلمونا الجثة عشان ندفنها...
ياولي أمرها خذ آخر قرار يخصها..
وين تدفنها هنا ولا في السعودية...

بعد عنه بعد مارسمها له مرمية بحفرة..
وهو ينثر التراب عليها..
يدفنها بقسوة وقلب بارد...
يشك بقدرة الأرض على أحتضانها..
بترحمها من الدووود..
بتحن عليها من الظماء والبرد..

حط يدهـ على قلبه..
لمن تنبض...
وبأي حــــق..؟؟
مانبضت إلا لها..
مـــــاتت..
مت معــــــــاها..
حمامتي الكسيرة..
بلا أجنحة ولا سرب..
هــــــاجرت وحيــــدة...
يــــــــــــــــــــارحمة المـــــــــــــــوت بعـــــدها لا تخليــــني...


؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛ ؛؛؛؛؛؛؛؛؛؛؛؛


رفعت راسها مخنوقة بشهقاتها...
مرعوبة من إحســــاسها...
مسحت دمعة حــــارة....دمعة ذكرتــــها بمذلته لها..
همست بكدر\إنبسطي يابنت أنتي ماعدتي عمياء..
حطت وسادته على وجها وبكت بمرارة...
هذا حالي راح أظل جارية مذلولة مهانة..
ياليتني ماشفت...
ما ابي اشـــوووفه..ما ابي أشوووف حالي..
بيــــذلني ويهيني أكثر..
وقفت بتعب وهي تترنح ..
دخلت دورة الميــــاهـ تحممت وهي تبكي..
تتمى من الله يطهرها من ذنوبها..
ويتقبل إستغفارها...
طلعت وهي لافة نفسها بفوطتها...
وقفت قدام المرايه...
ناظرت بوجهها متغييييرة عن آخر مرة..
جسمها ..شعرها..
نحرها..
ركزت عينها بالعقد الآسر نحرها..
فكته بكـــرهـ
ورمته على المرايه بقوووة..
أنشرخت المرايه لعدة أجزاء..
وعكست هديل بين أجزائها المكسورة..
بكت بتعب\هذي حقيقتي...
من يجبــــــــــر المكسور..غيرك يارب..
أجبر كسري..طيب قلبي..
سامحنييي ياربي يا حبيبي سامحني..

وقفت وصلت الفجر الفائت..
بدلت ملابسها وجلست بطرف الكنبة ضامة أرجولها لصدرها..
تناظر بالأرض بضياع..
لفت نظرها الكيس المرمي على الأرض...
وشيء غريب ماقدرت تفسر وش يكون ظاهر من رأس الكيس..
قامت بكسل وفتحت الكيس..
أرتجفت يدينها وهي تشيل الفستـــان الأبيض..
بطــــرحته خبت وجها فيه وبكت بضيــــــق..
لسى يعرف الأبيض...
حقيـــــر..مستـــــبد...
رمت الفستان وقطعت الطرحة بقسوووة...

وقفت وصارت تدور في الأدراج بجنون..
أكيد هو ضامن أني عمياء..
متأكد من عجــــزي...
هذي فرصتي أهرب منه..
عمري مالقيت دار تضفني..
أصلاً من يتشرف بمعرفتي..
بس والله ما أخليه يتهنى فيني...
شافت ظرف أسود باعلى درج..
أخذت الكرسي وسحبت الظرف..
طاحت كل الأوراق اللي فيه..
بعثرتها ومافي بالها إلا جواز سفرها..
بس مالقته..دورت ودورت..
جوازهـ أوراق ما أثارت إهتمامها أبداً..
مبلغ ماهو هين بعملة اليورو...
حاولت تقراء الأوراق بس الوقت مايمدي..
لمتها بالظرف بشكل سريع..
لبست معطفها ولمت حجابها على راسها..
حطت نظاراتها على عيونها وطلعت من الغرفة..
رجعت مرة ثانية ورمت جوازهـ على الأرض..

تراجعت بخوف لما شافت شخص مو غريب عليها..
شافته بس ماتتذكر..
شكت يكون من أصحاب غازي أو حرسه..
لمحت أحد خادمات الغرف..
نادتها ودخلتها معها الغرفة..
هديل\هل يمكنني أن أطلب منك خدمة..؟؟
الخادمة بأدب\تفضلي سيدتي..
هديل\لست سيدتك..
أسمعي انا أحتاج مساعدتك..
أريد الخروج من هنا..ولكن هناك رجل بالممر يراقبني..
الخادمة\سيدتي لا أريد التدخل بأمور لا تعنيني..قد تسبب لي المشاكل..
هديل بعبرة\أرجوك ساعديني...زوجي يسيء معاملتي..
أنظري إلى جبيني إنه يضربني بقسوة..
أريد أن أذهب الى الشرطة..
الخادمة بغضب\ياله من تافه ضعيف..وقح كيف يضربك..
هديل بابتسامة\هل تساعدينني..؟؟
الخادمة\بالتأكيد..ماذا تريدين مني ان افعل..؟؟
هديل\ذاك الرجل بالممر أبعديه عن طريقي كي أستطيع الخروج..
الخادمة بفخر\لك ذالك..
قبل لا تطلع مسكتها هديل وناظرتها بإمتنان..
هديل\أشكرك..أنتي أطيب من قابلت بهذهـ البلاد..
أنتي الوحيدة اللتي ساعدتني..
الخادمة بحزن\أرجوك أهربي ولا تعودي له أبداً..
هديل دارت بعيونها بالغرفة..
طلعت فلوس من الظرف ومدتها على الخادمة..
الخادمة\لو لم تكوني على طريق الهروب لأخذت ضعف ماتعرضين..
ولكنك بحاجة الى المال أكثر مني..
عندت هديل ومارضت تطلع قبل لا تعطيها شيء..
شالت العقد من على الأرض...وشافت الخاتم اللي رمته من يدها أمس..
عرفته هذا خاتمه هو..شالته ودخلته بأصبعها الأوسط مثل ماسوى أمس..
خذت العقد ومدته لها\خذي هذا أنا لا أريده..
الخادمة مفجوعة\لا بد من انك تمزحين..؟؟
هديل بسرعة\أقسم بأني لا أمزح..خذيه أرجوك أريد الهرب قبل عودته..
لبست الخادمة العقد ودفتها برا الغرفة تسوي اللي قالت لها عنه..
بعد فترة راقبت الممر وكان فاضي..

قفلت الباب ومشت بشكل سريع..
نزلت بالأصنصير..توقف عدت مرات وبعدها وصل لـ الطابق الرابع ووقف..
خرجت بسرعة وأستعملت الدرج..
وهي تسمع صافرات الإنذار وتشوف الناس يركضون ع الدرج..
عدت الإستقبال من دون ماتناظرهم..
وهي متأكدة ما أحد راح ينتبه لها ..
الناس كانوا بحالة فوضى ورعب ماعرفت سببه..
كملت طريقها ورفعت قلنسوة الكنزة على راسها..
وقفت على الشارع ماتدري بأي طريق تمشي..
قالت مو مهم أي طريق المهم تبعد عن الفندق وتضيع..

جلست بحديقة بعيدة عن الناس...
فكرت ألحين كيف تتصرف...ووين تروح..
جاء في بالها السفارة السعودية..
مالها إلا السفارة..
متأكدة إنه بيلحقها هناك ويمكن يوصل لها قبل لا توصل لهم..
مو مهم إذا لقاها هناك..
بتكون قبله وبتقوول لهم كل شيء..
بتقول إنه خطفها وأخذها من السعودية بالغصب..
بتقول لهم كل شيء..
وقفت على الشارع وأشرت لسيارة أجرة..
خافت من انها تركب مع غريب لحالها..
قوت قلبها وركبت..تكلمت بهدوء ..
هديل\السفارة السعودية...
السائق\بعيدة جداً..
هديل\حسناً وداعاً...
السائق\إنتظري ...
هديل مافهمت قصده لما قال لها بعيدة جداً..
هو يقصد لازم تزيد بالمبلغ..
وهي فهمت إنه ماراح يوديها لانها بعيدة..
هديل\أريد الذهاب إلى السفارة..
السائق\حسناً أولاً أريد مالي..
هديل\هل ستأخذني إلى هناك أم أنزل هنا..؟؟
السائق\لك ماتريدين..
مسكت يدينها في بعض تخبي رجفتها عنه..
كانت تحس بنبضات قلبها بتوقف لما يمرون بشارع فاضي من السيارت..
وترتاح لما يرجعون لــ الزحمة..
قوت نفسها ..بسك وسوسة..الله معك..

نزلت من السيارة وهي تمنع دموعها..
وأخيــــراً شافت علم المملكة...
أرتبكت من الحرس الواقفين عند بوابت السفارة..
مرت من عندهم وهي تشوف نظارتهم عليها..
دخلت بسرعة توجهت لـ الباب الرئيسي...
دخلت وقفت بحيرة وين تتوجهـ..
ومع مين تتكلم..
أستقبلها أحد الموظفين وأشار لها تروح معه..
مشت وراهـ بصمت من غير ماترد عليه..
ولسى نظاراتها على عيونها..
جلس ورى مكتبه وركز عيونه عليها..
الموظف\هلا فيك..أمري اختي..
هديل بارتباك\أنــ...ـا ا ا ممكن أكلم تلفون..
الموظف\جاية تتصلي بس؟؟
هديل بسرعة\لا لا...أنا جوازي ضاع وانا ابي ارجع السعودية..
الموظف\امممم هذا يبيله وقت..
بس مامعك محرم هنا؟؟
هديل\لا مامعي..
الموظف بتحذير\من الأفضل يجي محرمك معك..
عشان ماتواجهين مشاكل بتواجدك برا السعودية من دون محرم..
هديل أنصدمت\من وين أجيب محرم؟؟
الموظف\أنتي وش تسوين بايطاليا؟؟
هديل بضيق\ممكن أتصل ؟؟؟
الموظف بطولة بال\تفضلي..

أخذت التلفون منه وهي ترتجف..
تتلفت بخوف وكلامه يدور في بالها..
يبي محرم هذا مجنون من وين أجيب محرم..؟؟
يمكن يرجعوني له إذا دروا أني هربت منه..
بيقولوا مامعك محرم..
أحسن شيء أكلم أبوي وهو يكلمهم..
همست\ليش مقفل جوالك؟؟؟
ليييش يوبه مو وقته تقفله ألحين...
المفروض تنتظرني..
الموظف\وش صار معك..؟؟
هديل بيأس\مايرد باتصل مرة ثانية بيرد أكيد..
الموظف بعطف\أتصلي مافيه مشكلة..
عادت الرقم أكثر من عشر مرات بس مقفووول..
بكت بخوف...
لما طرى في بالها ان أبوها ممكن غير رقم جواله..
أتصلت بغادة وكان مقفل جوالها..
هديل بقهر\ليييه مقفلين جوالاتهم..
المفروض ينتظروني..ليه مقفلينها..
الموظف\أختي إهدي شوي..
عادي بعد شوي تقدري تتصل..
أنتي لا تخافي مادمتي عندنا ما أحد يقدر يئذيك..
هديل تمسح دموعها\يئذيني؟؟
أشر على جبينه وهي فهمت عليه..
طنشته ورجعت تتصل على جوال أبوها..
حاولت تتصل بجوال علي او محمد بس ماتتذكر أرقامهم..
أتصلت بالبيت ردت الخادمة وقالت غن اهل البيت برا..
هديل\أنتي مين؟؟
الخادمة\انا كمبر أنتي مينو؟؟
هديل\أنا هديل بنت بابا حسين..
الخادمة\بابا مافي بنت الا غادة..كذاب وحدة
قفلت الخط بوجه هديل..
وماردت عليها مرة ثانية..

تركت التلفون بقهر...
ولما رفعت عيونها ماكان الموظف موجود..
أرتعبت وين راح..
يمكن يتصل بغازي..
أهدي هو مايعرفك وما يعرف غازي....

مشت بالسفارة الهادية جداً..
كان فيه خمسة شباب ومعهم شايب جالسين بأحد المقاعد..
جلست بمكان قريب منهم بس مو بنفس الجهة..
بعد دقايق كانت تقنع نفسها أن الدنيا ماتدور..
وأنها بخير... بس أكيد من الخوف تحس بتعب..
ضمت شنطتها الخالية من كل شيء ماعدا الظرف الأسود..

ماحست بشهقاتها عالية لحتى سمعت صوت قريب منها..
رفعت راسها بخوف وثبتت نظاراتها..
هديل بصوت مبحوح\نننــ...ـعمم...
الشايب\يا أبوك وش فيك؟؟
هديل\مافيــ...ني شيء..
الشايب\طيب ليه تتنافضين كذا..
يابنتي محتاجة مساعدة..تبين فلوس..
حد من هلك تعبان..
ترى نعين ونعاون..
هديل بنحيب\تكفى ياعم تكفى طلبتك..
الشايب\أطلبي عزك وانا أبوك..
هديل\أبى أرجع السعودية..
قالوا مابأرجع الا بمحرم..
قل لهم أبى ارجع ابى ارجع لهلي..
تكفى ياعم قل لهم يرجعوني تكفى..
الشايب\أبشري والله أن ترجعين الليلة...
وما أكون أبو نايف..
هديل بشهقة\صدق ياعم..
صدق بترجعني لهلي..
الشايب\حلفت يابنتي والله ان ترجعين..
هديل وقفت برجفة\الله يفتحها بوجهك ويطمن قلبك ياقادر ياكريم..
الشايب\وإيـــــــــــــاك..
الا ماقلتي من معك من هلك هنا..؟؟؟
هديل نزلت راسها وماردت عليه..
الشايب\لاتنحرجين مني..
ومابه خلاف حتى لو ماقلتي..
أنا على حلفي بترجعين الليلة..

تبي تبوس راسه..
لا لا تبي تبوس يدينه..
تبي تلمه بقوووة مثل أبوها..
الله يارب توفقه وتسعده..
أنتبهت لعيون الشباب عليها..
نزلت راسها وقربت من الشايب وتخبت من عيونهم..

هديل باحراج\ياعم ممكن أستخدم اللاب تبعكم شوي..
أبي ارسل لهلي لانهم مايردون علي..
الشايب\أبشري وجاك هدية..
هديل بصدمة\لا والله ما قصدي بس ابى ارسل لأختي..
الشايب\هههههههههههه ولا يهمك خذي راحتك..
تكلم مع واحد من الشباب\مســفر عطنا بلاك ذا شوي...
مسفر\تبي لابي؟؟
الشايب\ايوهـ لابك ..
قرب منهم مسفر وهو يحاول يسمع وش الشايب يقول للبنت الغريبة..
عطاها الجهاز وسحب مسفر ورجعوا لجلستهم..


جلست منحرجة منهم وحاولت يكون جنبها مقابل لهم بدل ماتقابلهم وجه لوجه..
حست أنها أول مرة تستخدم جهاز..
سمت بالله وفتحت المسن..
كان مفتوح على ايميل ثاني..
سجلت خروج سريع..
وكتبت ايميلها وهي تبتسم..
دخلت كلمة السر وهي توئم هادي..

ماكانت تتوقع انه ممكن يفتح معها..
لأنه صار لها أكثر من سنة ونص وهي مهملته..
جات بتفتح رسالة بس انفتحت معها محادثة مــــــــــــن شهد..


أفنيت عمري بانتظاري وعدها و أبليت فيها العمر وهو جديدي**
ليه مقفلة جوالك؟؟طمنيني وش صار معك؟؟؟

أستغربت هديل معقولة هذا الكلام اللي تقابلها فيه شهد بعد كل ها الغياب..
كتبت بأصابع تعبانة..

هديل\وحشتيني يا شهد..
شهد\مايوحشك غالي يا روحي..
بس ترى زعلت منك..
هدي تبتسم\أدري انك زعلانة وهلي زعلانين وكلكم زعلانين علي..
شهد\مالي دخل بهلك هذي حياتك وأنتي قررتي..
هديل\لا والله ماكنت مرتاحة ولا رضيت بحالي..
شهد\هذا نصيبك ياروحي...وأنا حذرتك لا تتهورين..
هديل\نصيبي بأقطعه وأرجع لهلي..
شهد\ليش أنتي مو عند هلك الحين؟؟
تدرين افتحي جوالك مو قادرة اتطمن عليك كذا..
هديل\مامعي جوال..
شهد\طيب تكفين عشان خاطري مو قادرة اكمل هنا..
افتحي ايميلك وقفلي هذا..
هديل باستغراب\مافهمت عليك..
شهد\غادة أنا قلت لك ما اتحمل أشوف أحد غيرها بايميلها..
هديل\وش جاب غادة الحين؟؟
شهد\غادة تكفين ترى أختنقت بالعبرة اخرجي وادخلي على ايميلك..
هديل\بنت بلا عبط انا مو غادة...أنا هديل..
شهد\الله يرحمها..
لو سمحتي غادة الموضوع هذا يجرحني كثير لاتمزحي فيه..

تجمدت اصابعها وهي تقرء المكتوب..
الله يرحمني...وش قصدها هذي..وبعدين وش اللي يجرحها..

هديل\شهد ليه الله يرحمني؟؟
شهد\مايجوز على الميت الا الرحمة...
ما أحنا قادرين نرجعها وحتى لو سمينا أنفسنا بأسمها..
ماتت والله يصبرنا على فراقها..
هديل تبكي\من اللي ماتت؟؟
شهد\غادة بسسس تكفين أتعبتيني...
هديل\ردي علي من اللي ماتت؟؟
شهد\هديـــــل هي اللي ماتت...شبعت موووت خلاص انسيها وانا بانساها..
شهقت بصوت عالي..
ويدينها تخبي وجها تقرء من بين أصابعها كلام شهد..
هديل\كذابة..
شهد\افتحي جوالك ابي اكلمك..
هديل\متى ماتت؟؟؟
شهد\افتحي جوالك..
هديل\قولي متى ماتت..كم مر عليها ميته..متى دفنوها..تكفين شهد قولي..
شهد\ماتت قبل سنة وخمس شهور بتاريخ ................
ماتت محروقة بحادث سيارة لما راحت مع أبوها مستشفى الأسنان..
راحت ومارجعت..مااااااااااااااااااااااااااااتت...
والحين رضيتي ياغادة..صدقتي انها ماتت..؟؟


؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛ ؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛


ماتت حمامتي محروقه واحترق قلبي معها
ليتني لم أترككِ صغيرتي خلفي ويح قلبي
ماتت حمامتي كـ أبنتي محروقه آهٍ ما أقسى القدر
ومالي سوى الرضا به .. دعوني أحتضنها فـ أنا من عذبتها..!

نور الحربي..

واقف بأحد الممرات القريبة من ثلاجة الموتى..
رفض يتحرك أو يطلع من المستشفى وهي مو معه..
يدري أنها بردانة جوات الثلاجة..
وحتى الجنين بردان...
مع الحمل صارت تبرد كثير..

مارد على راجح ولا أهتم لوجودهـ..
باله وتفكيره في المتجمدة قريب منه..
راجح\صل على النبي وتعال نطلع من هنا..
ياغازي أنت مؤمن بالله..
بكرهـ لازم ندفنها قبل لا يوصلون عيال عمها وأخوها..
وصلهم خبر الجلطة اللي تعرض لها أبو هديل..

رفع راسه وركز عيونه براجح..
اسمها...
من ذكر اسمها حس بقلبه ينقبض..
اسمها الغالي واللي حرمها منه..
يبي يدخل لها...
يبي يناديها باسمها..
يبيها تسمعه يمكن ترجع..
يبيها تدري أنها طاهرة وشريفة..
ماهي مثل ماصورها لنفسها..
ماهي جارية ولا رفيقة...
هي زوجة وحبيبة وحمامة الروح..

كان بيدخل ويخرجها غصب عنها..
بس راجح منعه وهو يذكره بحرمة الأموات..
وأن الله مايرضى باللي يبي سويه,,,
روحها عانقت السماء...
وباذن الله بجنات النعيم...

 

[طــُـهــر ♥!]

البارت السابع والأربعون....



وفي الفجر

أقبل نحوي غريب .. يرددُ اهلآ بهذا الرفيق
وقلبتُ عيني فأبصرت فيه .. هزال الخريف .. وذل المساء

وكان سؤال طويلٌ وقال :

(( انا ياصديق من الضائعين .. هجرتُ المدينةَ .. وأقبلتُ أدفن بين الدروب
بقايا الليالي الحزينة.. فقد كان لي في رحاب المدينة.. حياةُ وطفلُ صغيرُ
وذات مساء أتتنا الرياح وسارت ببيتي وطفلي الصغير))

وطالعته في حنان الحبيب
وقلت: (( يدي يااخي في يديك
فقد كان لي خلف باب المدينة قلبٌ وليدٌ
كطفلك قد كان قلبي الوليد
وذات مساء .. طواه الردى
فأصبحتُ من غيرِ قلبٍ أسيرُ
فهيا معي ))

المرحوم بإذن الله تعالى..غازي القصيبي..



هديل\قولي متى ماتت..كم مر عليها ميته..متى دفنوها..تكفين شهد قولي..
شهد\ماتت قبل سنة وخمس شهور بتاريخ ................
ماتت محروقة بحادث سيارة لما راحت مع أبوها مستشفى الأسنان..
راحت ومارجعت..مااااااااااااااااااااااااااااتت...
والحين رضيتي ياغادة..صدقتي انها ماتت..؟؟

حطت يدينها على وجها وهي تشهق بقوووة..
ميتــــة من يوم ما أخذها غازي وهي ميتـــــة..
ذبحني أبوي..دفني وأنا حية..
تخلى عني..نســــاني..
ليــــــــه دفني لييييييه؟؟؟
تذكرت كلام غازي..
كم مرة وهو يردد عليها الكلام..
هلك نسووك انسيهم..وهي متمسكة بكلامها وواثقة فيهم..
كان يدري إنها ميتة ومدفونة من أول يوم أخذها..
كان يدري انها تنتظر سراب وكذبة من خيالها..


غازي\ماكنت أدري ان قول الحقيقة راح يسببلك كل هذا الانهيار..
ظلت على حالها مارفعت راسها ولاردت عليه..حاولت تكتم صوت بكاها بس ماقدرت..
غازي يكمل كلامه بهدؤ\وماكنت أدري انك حاطة في بالك الخلاص مني..وانه عندك الأمل في الرجووع
لأهلك..ماأدري اذا كانوا غشووك بالكلام وقالوالك انك تقدرين ترجعين بعد ما اتنازل عن هادي..
لأن هذا شيء مستحييييل..أنتي صرتي ملك لي تنتمين لي..وأهلك والماضي لازم تنسينه..
لازم تنسينه وتتقبلين الوضع اللي انتي عايشته ألحين..
هديل ببحة\بأرجع لهم..ما أبيييك.
غازي جلس قريب منها وظل يناظرها ووجها بين ركبها..
غازي\كل ماتقبلتي الوضع بسرعة ترتاحي أسرع..
حط يده على شعرها ومسح عليه..
غازي\انسي انسيهم..والله العظيم نسووك انسيهم

والله غشوني قالوا بيرجعوني..
قالوا مابيتهنى فيك..بنأخذك منه..
قالوا أصبري بترجعين قريب لنا..
كذبوا علي خدعوني..باعوني لك باعوني ومادروا عني..
أنت تحلف وأنا أكذبك..

غازي بتسئول\بعيدة؟؟
هديل بهدوء\بعيدة من بيتنا..عشان كذا أبوي تأخر ولا جاء..
غازي قرب منها\تعتقدين هذا هو السبب..؟؟
هديل\يمكن هو يدورني في السعودية..مايدري انك جبتني هنا..
بس هو بيلقاني..وبيرجعني له..
غازي لفها عليه وعيونه بعيونها المليانة دموع..
غازي\مايقدر يأخذك مني..يـــابنت انسي انسي..
هديل\وبعدين أنت بأي حق تطلب مني أنساهم..
غازي بقسوة\بحق انه مابقى لك أهل غيري..

مابقى غيرك..
كنت أستغرب ثقتك الزايدة بنفسك..
واثق ما أحد بيطلب منك تتركني..
ما أحد يدور علي ويبيني..
ضربتني عذبتني ضامن ما احد يقولك شيء..
ولو تذبحني مالهم عندك شيء..
لأن بنتهم ميته من زمان وهم دفنوها..
شف ما أقساهم..
دفنوني بعد ما أخذتني منهم..
شفهم كيف عاقبوني..

كيف هنت عليك يوبه..؟؟
وش اللي سويته أنا عشان تنكرني..؟؟
كم تألمت وأنا أسال نفسي ..ليه تأخر أبوي عني..
أتاريك يوبه سديتها بوجهي..
قفلت بوجهي الباب يوبه..
وعدتك أرجع..وعدتك أهرب منه وأرجع لكم..
ليه ما أنتظرتني..ليه ما وثقت فيني..؟؟
كيف سمحت لك أمي ترميني من دنياك...
كيف هنت عليك يوبه كيـــــــف؟؟
أتاريني رخيصة عندك وأنباع بتراب..
مالي في قلبك قدر ولا مكان..
خذيتني بذنب غيري ولا قدرت حالي..
بعتني برماد يوبه..
أحرقتني وانا حية...


ماتبــــوني...
خلاص ما تحبـــوني..
حرام والله حرام..
كم عانيت وانا أنتظركم..
بكيت شفقانة لكم..

وقفت بتعب وهي تبكي..
مشت بشبه ضياع وطلعت من الباب الرئيسي..
كانت تتكلم مع نفسها بهمس..
بارجع له..هو يبيني..قال مالي غيرهـ..
دائما يقول مالي غيرهـ..
ووينــ....ــنك غازي تعال..
تعال شف أبوي وش سوى فيني..
نساني ضيع طريقي..مابقى لي غيرك تعال..

طاحت على ركبها وهي تنتحب..
ضربت الثلج وهي تنادي غازي...
ليتني ظليت عمياء ولا أبصرت النور..
وش اللي يغري شوفه بالدنيا..
وش اللي أتمنى شوفته غير أمـــــي..
ليتني مت وأندفنت ولا عرفت بسوات أبوي..
ياليتني ظليت عمياء ولا طلعت من الفندق..
ياليتك ماخليتني اعرف اللي عرفته..

مادريت اني على الغالي اصير
مثل غيمه عدت بليا مطر..

مثل غصناً طاح من الرف الاخير
مالمس ارض(ن) ولا شاله شجر..

في ضميري صار يحرقني الضمير
ماعذلني غير خلي يابشر..

النظر ليت النظر دايم ضرير
دام محبوبي رحل عني وهجر..


.....\يابنتي بسم الله عليك وش صاير معك..
تطمني أنتي بخير ووعدتك أرجعك السعودية..
قومي معي داخل..الثلج بيمرضك..
هديل بتعب\أبـــ...ـي غـ....ازي..
بأروح ما ابى ارجع..ابى غــ...
ابونايف\اللي تبينه ابشري فيه..
بس تعالي معي..
سحبت يدها منه وهي تبكي\ما أبيـــك..
رووح جيبه..قله خلاص أنا رضيت..
قله أنا نسيت ومابقى لي غيرهـ..
علمه أني مت من زمان..
مت وتوني عرفت..قله ابي اظل معه..
ماعدت أبيهم...قلــــه يجي عشاني..
ما ابي اظل لحالي ما ابي...ابيه قله يجي..
روووح جيبه روووح..

شد يدينها ووقفها بالقوة..
وفي لحظات طاحت فاقدة وعيها...
شالها بخفة ودخلها السفارة..
قرب منه مسفر وكان بيأخذها منه..
بس هو ماتركها..دخلها بمكتب وقفل الباب..


؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛ ؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛


راكان\ما أبـــي أقضي حياتي أنتظر لحظة أنتقامك على شكي..
غادة\ما أبـــي أقضي حياتي أنتظر لحظة شكك فيني...
راكان يمد يدهـ\تفضلي يابنت العم..
غادة برجفة مدت يدها وأخذت الورقة...
فتحتها وقرئت اللي فيها..
شهقت بألم وطاحت دموعها بندم..
غادة بصوت مخنوق\طـــ...طـــلقتـ....ـــني ...
طلقتني ياراكان...؟؟!!
راكان بعصبية\يعني هذا اللي تبينه...؟؟
غادة تبكي\ماصدقت..تبيها من الله...
خلاص انتقمت لرجولتك انتقمت لنفسك مني..
مو قادر تتحمل شيء من الجرح اللي أنا تحملته..
ترفعت عني وعن حياتك معي..
عساك بس مبسوط بسواياك فيني..
دامك مو قادر تتحمل نتيجة أغلاطك ليش وقفت بنصيبي..
ليه فرضت نفسك علينا بالغصب..
ليه هددتنا وأجبرتني على الزواج منك وأعطيك فرصة ثانية..
لا تتعذر بانتقامي منك لانك تعرفني زين..
ماكنت باسوي اللي قلته لأني أحترم نفسي قبل لا أحترمك..
أحترم أبوي وأخواني وهلي...
بس عقلك أصغر وأغبى من أنه يفهم هالشيء..
راكان مسك يدها\غادة اهدي واسمعيني..
سحبت نفسها منه وهي تصرخ فيه\بأي حق تلمسني..
مادمت مطلقني ليش أخذتني من بيت هلي ليه كشفتني ..
لمستني ضميتني بأي حق..؟
أنا صرت طليقتك يعني ماعاد لك فيني حق..
لا تكلمني ولا تشوفني..انقلع اطلع برا.
اطلع وانا باتصل باخواني يجون ياخذوني..
راكان ببرود\اللي فيه خير يجي يأخذك..
غادة تضربه\وش ارتجي من كذاب وحقير مثلك..
لعبت علي..أحرقت أعصابي..
مثلت أنك تحبني وتنتظر رضاي..
أتاريني مغشوشة فيك وفي كلامك الكذاب..
أنت ماتحب الا نفسك..اناني مالك صاحب..
والحمدلله أنك طلقتني هذي خيرة من ربي خيييرة..
راكان هزها بقوة\كذاااب..
هذا اللي طلع معك كذاب بكل شيء..
الشرهه ماهي عليك على اللي مكبر قدرك..
على اللي مايشوف من النساء غيرك..
غادة تصرخ\اتركني..ايه كذاب الف مرة..
مالقيت منك غير المذلة..
تحسبني بدل غيري..ماتت الأولى تاخذ الثانية..
وتمثل دورك على اكمل وجه..
راكان بقسوة\تقصدي هديل..؟؟
غادة ضربته على صدره\لا تطري اسمها على لسانك..
وقح مريض متخلف...
راكان\ما المريض غيرك يا غادة..
هديل ماتعني لي شيء..
ولا عمري فكرت فيها ولا حبيتها..
غادة بكرهـ\وهذا شيء يشرف هديل..
انك ماعرفتها ولا حبيتها..
لان حبك مايشرف مايشرف احد..
ومايشرفني لاني ما احبك ما احبك..
راكان قبلها بقوووة وهي كانت تضربه بكل قهر..
غادة بتعب\يا حقيييير يا مريض..
مجرم أنت طلقتني طلقتني ما يحق لك تلمسني..
همس لها والورقة بيده\من متى صار اسمك احلام ال.......
ومن متى انا اسمي عبدالرحمن ال..............
ناظرت فيه مو فاهمة قصده من كلامه..
فتح الورقة لها وحط اصبعه على اسم المطلقين..
عبدالرحمن ال.......
واحلام ال..........

يعني هذي مو ورقة طلاقهم..
راكان ماطلقها..
ماطلقها...

راكان\حطي في بالك ياغادة انه مهما صار..
مستحيل أطلقك..او اتخلى عنك..
ماتحبيني براحتك مع اني اعرف انك كذابة..
أنتي زوجتي وأنا زوجك..
أنتقمتي مني ووضحتي انك ماراح تسامحيني..
تعادلنا...أنا ابيك وشاريك..وأدري اللي سويته معك ماهو شوي..
بس بعد سواتك مابقى لك عذر...
ولا تنتظرين مني مراعاة لخاطرك..خذيتي بثارك..

غادة\وش اللي أستفدته من كل هذا؟؟
تخويفك لي لما خليتني اظن اني مع انسان غريب..
وبعدها رمي ورقة طلاق بوجهي..
والحين كلامك وتحذيرك..؟؟

راكان\تبين اقول انتقم منك..؟؟
أو ابين انك ماتقدري تتحديني ؟؟

غادة غمضت عيونها\ابي الصدق..
لاني تعبت من حالي...
ابي ارتاح..ابيك تطمني انك ماتعيد اللي سويته..
ماتشك فيني ولا تظلمني..
ما ابي شيء بس ابي ارتاح ريحني...

راكان لم يده على كتوفها\حن باول حياتنا ياغادة..
نقدر نتحكم بظروفنا ومانخليها تتحكم فينا..
خلينا ندفن اللي صار وننساهـ..
اذا مانسينا مابنقدر نكمل..

هزت راسها موافقة..
قبلها على جبينها ووقفها..
راكان\يالله البسي عباتك نرجع بيتنا..
غادة\دوووب خطفتني وهلي مايدرون اكيد الحين يدوروني..
راكان يغمز لها\قلت لهم انك معي..

؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛ ؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛


فتحت عيونها بتعب...
ناظرت بالمكان حوالينها...
ليش ماهو جنبها...
ويــــنه ...؟؟
ابو نايف\الحمدلله على سلامتك..
جلست بثقل وناظرت فيه..
ابونايف\يابنتي وش فيك؟؟
وين هلك عنك؟؟ابوك اخوك ولا زوجك..
ماعرفنا بمن نتصل علشانك..
همست\مالي أحد...
ابونايف\طيب وش اسمك؟؟
ماتبين جواز عشان ترجعين السعودية..
مانقدر نطلع جوازك من دون اسمك..
هديل\ما ابي ارجع...
ابونايف بصبر\مو قلتي تبين هلك..
علميني بشيء عنك عشان اقدر اساعدك..
وقفت\مالي احد..
وقف\وين رايحة؟؟
هديل\بـ..ـأروح............

تسألت بألم..وين أروح..
أبوي وقطع علي طريق الرجوع..
وهو مستحيل أرجع له..
كله منه هو السبب هو اللي غربني..
هلي أنكروني بسبته..طردوني من حياتهم بسبته..
كانوا يدرون اني بارجع لهم وانا وانا مو انا......
هو ذبحني وهم دفنوني...

ابو نايف\مالك مكان تروحين له؟؟
هزت راسها بنفي\لا..
ابونايف\ماتبين تقولين اسمك ومن هلك؟؟
هديل بغصة\لا...
ابونايف بحنية\تبروا منك؟؟
غطت وجها بيدها وهي تبكي من دون ماترد عليه..

ابونايف\انا حلفت ارجعك السعودية..
وانتي مارضيتي..
والحين احلف ما اخليك تحتاجين وانا موجود..
هديا بتعب\ما أنت مجبور فيني..
أنا بارجع هناك..
ابونايف\وين هناك؟؟
ماردت عليه وهو كمل كلامه..
وادرك انها مستحيل ترد على أسئلته...
ابو نايف بهدوء\كان لي بنت حلوة مثلك..
ربيتها وكبرتها عطيتها كل ما تتمنى..
هي الوحيدة بين أربعة عيال..طلبوها مني شيوخ بس مارضت فيهم..
قالت تبي تبقى معي تعيش في بيتي..حبيتها بس ماوصلت لحبها لي..
مرت علينا فترة البنت كانت تذبل قدامي..تتعب تنهار..جمالها تحول لبشاعة في الوجه وفي الجسم..
سوينا لها تحاليل وطلعت مريضة بالايدز..
ثاروا عليها اخوانها وعمامها..يبون يثأرون منها على شرفهم..
طحت مريض ومادريت وش سووا فيها..
ويوم أني صحيت عرفت انهم نفوها بمستشفى باخر الدنيا..
رحت لها اركض لاني اعرف بنتي واعرف كيف ربيتها..
بس ماكانت تعرفني..استبد فيها المرض..
جلدها ماعاد جلد بشر..ماتت مادرت اني جنبها وواثق فيها..
طلع المرض منقول عن طريق تقويم الأسنان..
من يوم ركبته وهي تموت قدام عيني...

أنتبه على شهقات هديل وهي تمسح دموعها..
ويدينها ترتجف برعب..
ابونايف بحنية\سامحيني ان كدرتك باللي قلته..
أبيك تدرين ان بنتي خذوها مني بوقت عجزي..
وأوعدك تكونين بنتي ومايصيبك شيء عندي..
إن كانوا هلك تبروا منك وأنكروك..
فأنا ماني بمثلهم...مهما كان اللي صاير معك..

حطت راسها بين ركبها ويدها بيده وبكت بصوت عالي..
ماردت عليه ماشرحت له حالها..
يكفيه اللي يحس فيه من بنته الميتة..
ويكفيها الحسرة تظل بقلبها لحالها..

بعد دقايق دخل مسفر المكتب..
وأنتبه على يد هديل بيد أبونايف..
مسفر بصوت عالي\يـــوبه بتخاوينا..؟؟
ابونايف\وين أبوك؟؟
مسفر\هذا هو جاء من ربع ساعة..
ابونايف\ايه باروح معكم..الحين اجيك قفل الباب..
مسفر بعصبية\يوبه لا نتأخر على الجماعة..
ابونايف بحدة\قلت اطلع..

طلع وقفل الباب وهديل منزلة راسها ..
ابونايف\اسمعي يا بنتي..
الحين لازم اروح بنحضر دفن زوجت واحد من أهلنا..
توفت بحريق الله يرحمها..
أبيك تروحين مع مسفر بيوصلك لبيتي وانتظريني هناك..
رفعت راسها\لا ما ابى..
ابونايف\باوصيه عليك لا تخافين منه..
هو ولد ولدي بيهتم فيك..ماتبين تعلميني وش اسمك..؟؟
هديل هزت راسها بالنفي ونزلت عينها بالأرض..
أبونايف\مايصير ماتقولين اسمك..
كيف اهرج معك واناديك..؟؟
ماردت عليه..صدت عنه وسمعت تنهيدته..
ابونايف يبتسم\وش رايك أنا أسميك؟؟
دامك ماتبين تقولين اسمك..بأسميك قمر باسم بنتي..

كل من فقد بنته نسبني له..
وسماني باسم بنته..
معقولة أبوي بيوم يسويها..
يسمي غيري باسمي..

ناظرت حوالينها تبي تعتذر منه...
وتقوله انها ماتبي تعيش عنده ..
بس ماكان في المكتب..

بعد دقايق طلعت من المكتب..
وطلعت من السفارة..
مشت كم خطوة قبل لا تسمع صوت يسألها...
مسفر\وين رايحة..؟؟

؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛ ؛؛؛؛؛؛؛؛؛؛

شوق تضحك\جب ولا كلمة..كله ولا طلوبي..
رشا\ههههههههههههههه والله تطورنا صار فيها طلوبي..
شوق\وش عرفك أنتي وشايبك..
رشا بانزعاج\صادقة شايبي يجيب المرض..
أم غازي\رشا وش هالكلام؟؟
رشا\شكلي بأطلقه..
شوق\هههههههههههههههه شوفي يومه أنقلبت الصورة..
كنت انا منشفة ريق طلوبي..والحين صارت رشا مثلي..
أم غازي\لا رشا عاقلة مو بمثلك خبل..
رشا\العقل ماعاد ينفع يومه..
أم غازي\بنت أنتي وش وراك؟؟
وضعك ماهو عاجبني..
شوق\قالت بتروح معي أنا وطالب..
أم غازي\وليه تروح معكم؟؟
رشا بكذب\أستئذنت من راجح وهو سمح لي..
أم غازي\دامك أستئذنتي زوجك فالأمور تمام..
رشا\الحمدلله كل شيء تمام..
أم غازي\وأنتي معصقل هانم..متى بيجي طلوبك..؟؟
شوق\فديت الطاري بس..
بيجي بكرهـ فديته..
رشا\هههههههههههههههه والله اللي رباك طالب صح..
شوق ترد على التلفون وتأشر لرشا تصبر عليها..
شوق\هلا وغلا عمي..كيفك وحشتنا؟؟.........
عمي وش فيك؟؟...........ايه هذي هي عندي......
مدت السماعة لأمها وهي مستغربة من عمها وصوته..
أم غازي\هلا أبو حمد..............الله يعافيك الحمدلله..
لا إله الا الله محمد رسول الله.............وش فيك ياراجح..
غازي فيه شيء..؟؟............مافهمت توك تقول هو بخير........
وقفت وهي تشهق بقووة\ممـــ.............ـااتت...لا تقولها تكفى..
تكفى ياراجح لا تقولها تكفى...
طاحت على ركبها تبكي مفجوعة بالخبر اللي قال لها راجح..
رشا وشوق جلسوا عندها على الأرض خايفين من اللي بيسمعونه..
شوق برعب\يومه وش فيك؟؟وش صاير من اللي مات؟؟
غازي مات يومه..وش صار فيه ردي علي...
أم غازي بنحيب\ياويل قلبي ياويلي من ربي...
ماتت ضاعت حياتها بسببنا..
ياربي رحمتك يااااااااااااااااااارب...
رشا تبكي\يومه ذبحتينا فهمينا وش صار؟؟
أم غازي ببكاء\أنتقمتوا لسعود يارشا..
أنتقم لأخوووهـ..أنتقمتي لزوجك وولدك..
أنبسطي ياشوق أخوك أخذتوا بثارهـ..
قتلتوها ماتت بسبايبكم..البنت ماتت..
هديل ماتت احترقت خذيتوا بثاركم ياعيال أمكم خذيتوا بثاركم منها...

تعالت صرخات شوق ورشا بعد كلام أمهم ...
شوق بصدمة وهي تبكي\لا يومه تكفين لا...
تكفييين يومه لا تخلينها تموت..قولي لها ترجع..
لا لا ماهو صدق..يومـــــه خلينا نروح نجيبها..
رشا برعب\ماتت...هديل ماتت..
لييييه هي وش سوت عشان تموت...
لا أكيد راجح غلطان مستحيل تموت..
يووومه قولي انهم يكذبون..والله ما أكرها والله..
مالها ذنب ما ابي انتقم منها..ماسوت شيء..
شوق بنحيب تعلقت بامها\يومـــه لاتصدقين مابتموت..
بعدها صغيرة...هي بريئة ماسوت شيء..
أنا ظلمتها كثير انا تبليتها..باقي ماسامحتني..
ماكلمتها ماطلبتها تسامحني..
يومه ابيها تسامحني قولي لها ترجع تكفيييين..
ما أبي أقابلها قدام ربي متخاصمين..
أبيها تسامحنييييييييييييييييييييي...
أم غازي\توكم تحسون فيها..
توكم تدرون انكم ظلمتوها..عيشوا بحوبتها طول عمركم..
الله لا يسامحكم ولا يسامحني..
الله لا يسامحكم ولا يسامحني...

؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛ ؛؛


بعد دقايق طلعت من المكتب..
وطلعت من السفارة..
مشت كم خطوة قبل لا تسمع صوت يسألها...
مسفر\وين رايحة..؟؟
ألتفتت بخوف وشافته واقف قريب منها..
يدينه بجاكيته وعيونه مركزة عليها..
صدت عنه وماتكلمت معاهـ..
وبلحظة وقف قدامها ...
مسفر\سيارتي بالمواقف امشي معي..
هديل بصوت مبحوح\شكراً اعرف طريقي...
مسفر\ماكنت أبي أصر عليك..
بس أبوي منبه علي أوصلك البيت لحتى يرجع..
هديل بتعب\أعتذرت منه مشكور وابوك مشكور..
فمان الله..
مسفر\ما أبي أتعامل معك بالقوة..
أختاري أما تروحين معي..او ترجعين السفارة..؟؟

خافت منه كيف يهددها وبأي حق..
هو كل من ملك القوة الجسدية بيتحكم فيها ويخوفها..
إلى متى بتظل تخاف من الضرب ومن الناس..
قرب منها فصرخت فيه..
هديل بغصة\لا تقرب مني أذبحك...
والله العظيم أن لمستني لأرتكب فيك جريمة..
مالك دخل فيني..أروح بألف مصيبة مالك دخل..
مايهمكم أحد كثر أنفسكم..حقيرين تافهين..
لاتمثلون الطيبة والفزعة مو لايقة عليكم..

مسفر\طيب ما بألمسك..
والحين أدخلي السفارة لحتى يرجع أبوي..

صدت عنه وتركته واقف بمكانه..
مشت ومشت وماتدري وين تروح..
حاسة فيه يمشي وراها..
بكت من احساسها الضايع..
متى يتركوني بحالي..
متى تسامحني ياربي..

جلست على مقاعد أنتظار المترو..
وهو جلس قريب منها..
تجاهلت وجوده..لا بل نست وجودهـ..
غابت عن الدنيا لعالم الماضي..
مع أهلها مع أمها الغالية..
ليه يومه نسيتيني؟؟
كلهم ينسوني بس أنتي لا...
أشتقت لك موووت..
معقولة ماتحسين فيني...ماتحسين بشوقي لك وألامي..
جرحوني يومه..أحرقوا قلبي...
هو وهلي ذبحوني...
مابقى لي أحد ....
والحين أنتظر القطار ولا أدري وين أروح..


شفافة كالماء .... طعنوها .... سامحتهم .....
غدروها ....اكرمتهم ....
قتلوها ..... فما كان منها الا ان تشهر سيف الغياب .....
وسوط العتاب ...... وتتقن فن العذاب ......
هي لن تعوووود ..
.... لن تعووووود ..... فقط ستسافر للغياب ....
ومتاعها كومة جراح رتبتها في حقيبة العذاب ...
وذكريات الم .... وغصات ندم .... وبقايا فرررح .....
ورحيل مرررر ليس له اياب .....
فأي طفلة انتي؟؟ في زمان الذئاب .....!!

... مشـــــاعل ....

مسفر بهدوء\السائق جاب السيارة..قومي أرجعك السفارة..
أنتي باين أنك مو عارفة شيء بالمدينة..
مافيه مترو راح يمر من هنا هالوقت..
تعالي معي..
وقفت وهي تخبي وجها عنه..
مشت معه باستسلام...
مالي أحد..
مالي أحد...

؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛ ؛؛؛؛؛؛؛؛؛؛؛؛؛؛؛؛؛؛؛؛؛؛

أبو نايف بصوت جهوري\إنا لله وإنا إليه راجعون..
لاحول ولا قوة إلا بالله العلي العظيم..
عظم الله اجركم وتغمد فقيدتكم بالرحمة والمغفرة..
راجح\أجرنا وأجرك يا عم..
أبو مسفر\الله يعظم أجركم يا أبو حمد..
راجح\أجرنا وأجرك..
ابونايف\ماعليها عيال المرحومة؟؟
راجح\ماكتب الله..
ابونايف\الله يعين غازي على فقدانها..
راجح بحسرة\الله يعينا جميع يا ابو نايف..
تركي\ليه مانقلتوا جثمانها السعودية..
ودفنتوها بين أهلها..
ابو نايف بحدة\الأرض ومن عليها لرب العالمين..
وأختك دفنتها على ذا القاع لا تنسى..
تركي\الله يرحمها...
ابونايف\ويرحم اللي دفنوها..
خرج تركي من المقبرة مقهور من زعل أبوه عليه..
الى اليوم ماسامحه على موت قمر..
وعلى خطفه لها ورميها بمستشفى العلاج بايطاليا..

كان بعيد عنهم واقف على قبرها..
دفنوها قبل دقايق..
بنفسه نزلها قبرها..ومارضى ينزل معه راجح..
همس لها لما سدحها بقبرها\وداعة الله يا أطهر ذنوبي...
بيدينه رمى التراب عليها...وماسمح لهم يشاركونه دفنها..
خايف لا يرمونه بقوة عليها ويأذونها..
أخفاها عن العالم وعن عينه..
رماها باللحد لـ الدوود..
حرمها من دعاوي امها..
حرمها من دفا أبوها..
ماتت محدن بكاها..
وكأنها ما انوجدت بيوم..
حزنه عليها يكفيها عن أحزااان القبايل..
حسرته على شوفها تكفي عن شوق أهلها لها...

لو عتقها منه يوم طلبته أمه..
كانت الحين حية وفوق الأرض ريانة...

أم غازي\غازي خل البنت ترجع معنا..
يا أمك ان بقى لها عمر خلها تقضيه بحضن امها..
أرحم حالها وحال اللي فقدوها..
\تكفـــــــى يايومه قبل لا يفوت الفوت رجعها..

ياليتك خذيتيها بالقوة...
لو ذبحتوني وخذيتوها معكم...
لو خطفتها مني ياراجح وهربتها لآخر الدنيا..
ياليتكم خذيتوها قبل لا أقتلها...

يسليني بعد موتك دعوة بصدق مقيولة..
تنادي ليوم ألقاك أمام الرب معتوقة ...

؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛ ؛؛؛؛


دخل راكان المجلس وأنصدم بوجود علي عندهـ..
راكان بحذر\هلا علي ..
علي بسرعة\أنا ماعندي فيزا وما اقدر اسافر اليوم ولا بكره..
حجزت لك ابيك تسبقني لهم وتهتم فيهم..
راكان باستغراب\منهم؟؟؟
علي\أبوي تعب هناك جاته جلطة ما أعرف سببها..
هادي بيروح ايطاليا من لندن..
وانت ابيك تسافر لهم الحين..
راكان مصدوم\ياساتر متى صار هالكلام؟؟
عمي وش صار عليه؟؟توهـ مسافر..
علي\هادي بيوصل لهم قبلك والحين امش اوصلك المطار..

طلع راكان وعلي من البيت ع المطار..
وبعد توصيات وحلف من علي على راكان مايخبي عليه شيء عن ابوه..
سافر لايطاليا ...
من غير ماتدري غادة وامها والجدة...
ماكان يدري الا علي وعبدالله اللي أكتشف الخبر وأعتصم السكوت..

وصل راكان واتصل بهادي اللي دله على المستشفى...
راقب حال عمه من ورى الزجاج...
وسال الدكتور عنه وقال حالته مستقرة...
بس راح يعاني من آثارر الجلطة...
صعوبة في الحركة لمدة ..وصعوبة في النطق..
لكن مع العلاج راح يتشافى ويتعدل حاله...

راقب حال أبوه..
وجهه شاحب وعيونه حمراء..
منحني بتعب على كرسي المستشفى..
راكان\يوبه أنت بخير؟؟
مارد عليه ظل منزل راسه..
هادي\ماهو براضي يتكلم معي..
من اول ماجيت وهو يصد عني..
ابو راكان بصوت مهزوز\تكفى يا ابوك سامحني تكفى..
هادي\يوبه جعلني فداك وش اللي مضايقك..
وش اللي صار معكم...؟؟
راكان\يوبه قم معي ارتاح..
باخذك الفندق نام وريح وهادي بيبقى هنا عند عمي..
ابوراكان\لا ماباروح واخلي حسين...
راكان\وعد ارجعك له بكره من الفجر..
بس انت قوم معي..
ابوراكان\والله ما اطلع من هنا ..
هادي\خلاص لاتعصب..
ارتاح في غرفة من غرف المستشفى..
أنت تعبان وحالك ماهو بخير..
شال عينه من على هادي مكسور قلبه..
لو تدري وش صار..
لو تدري وش صار...

راكان أخذ أبوه وطلب منهم ينومونه باحد الغرف..
بينما هادي بقى واقف عند باب غرفة أبوهـ..
حس بشخص يقرب منه ويوقف وراهـ..
ألتفت والتقت عيونه بعيون مهدوودة..
لها نفس نظرات عمه ابو راكان...
والوجه ماهو غريب عنه...

؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛ ؛؛؛؛؛؛؛؛؛؛؛؛؛؛؛؛؛؛؛؛؛؛؛

صحت مفزوعة ونطت واقفة بسرعة...
لما حست بيد تتلمس وجها..
تنفست بهدوء ولانت ملامحها لما تكلمت..
......\أنا آسفة ماقصدت أخوفك...
كنت أبي اتطمن عليك بس...
هديل\.......................
.....تبتسم\أنا مرام زوجت تركي...
عمي قالي اتطمن عليك وأشوف اذا محتاجة شيء..
هديل بتعب\مشكورة ما ابي شيء..
مرام\أكيد جوعانة أنتي صارلك يومين من جيتي هنا ماأكلتي ...
أنا محضرة سفرة صغيرة لي ولك بصالة جناحك..
ولا تخافي الشباب مايجون هنا...
هديل تهز راسها\مو مشتهية مشكورة...
ابي اظل لحالي...
مرام باصرار\لا ياقلبي أنتي لما دختي كان بسبب قلة التغذية..
وبعدين امممم ماتبين اعرف اسمك؟؟

هديل ناظرت بنفسها تتأكد من ملابسها كاملة عليها..
هي فقدت وعيها وماتذكر وش صار معها..
وليش هذي مصرة تعرف اسمها وتأكلها..
هديل\قلتلك ما ابي اكل..لو سمحتي خليني بحالي...
مرام\أعتبريني أختك..
وعادي مو مضطرة تقولي اسمك..عمي قال اسميك قمر باسم المرحومة..
والحين لازم تاكلين حرام الجنين بيتعب ويمكن يموت وإحنا نبيـــــــــه ...


بهتت بمكانها مفجوعة من كلام مرام..
جنيــــــــــــــــن....

 

[طــُـهــر ♥!]

البارت الثامن والأربعون...


وعند الظهيرة ..

سمعنا خطى مقبلاتٍ كثيرة
وجمعآ غفيرآ من الضائعين
يسبون ليل المدينة ..

وسارت مع الدرب قافلة الضائعين .

المرحوم باذن الله تعالى..غازي القصيبي...


هديل ناظرت بنفسها تتأكد من ملابسها كاملة عليها..
هي فقدت وعيها وماتذكر وش صار معها..
وليش هذي مصرة تعرف اسمها وتأكلها..
هديل\قلتلك ما ابي اكل..لو سمحتي خليني بحالي...
مرام\أعتبريني أختك..
وعادي مو مضطرة تقولي اسمك..عمي قال اسميك قمر باسم المرحومة..
والحين لازم تاكلين حرام الجنين بيتعب ويمكن يموت وإحنا نبيـــــه ...

بهتت بمكانها مفجوعة من كلام مرام..
جنيــــــــــــــــن....
ركزت عيونها بمرام بصدمة..
أنتظرتها تعيد كلمتها أو تنفيها..
بس ماتغيرت ابتسامتها الناعمة ونظراتها المتأملة..
أي جنيـــن...؟؟عن من تتكلم...؟؟
غمضت عيونها بسرعة راااافضة لثورة الأفكار المهاجمة لعقلها الباطن..
رافضة النظر لأبوااااب متعددة فُتحت أمامها..
بتصرف عفوي جداً..
رفعت كفها وحطتها على بطنها..
شهقت بغصة ألم..
لما حست بمدى سذاجتها ورفضها للواقع..
خانتها أرجولها..
جلست على ركبها مرعوبـــــــة من إحساسها بمن يشاركها جسدها..
أنفــــاسها..أكلها..شربها..
والأكيد ألمها وغربتها..
أرتجف جسمها وشفايفها..
لما أدركت إن هذا الجنين ماهو إلا وسم الجارية الأبدية..
حبل يلتف عليها ويربطها بـــ الجلمود المجرم..
يقيدها بحيات الذل والعبودية..
يسحبها لدهاليز الظلام...
ويـــأسرها بقيـــود الحرمان..

مرام بخوف\وش فيك تتألمين..؟؟
موجوعة؟؟لا تتحركين ألحين أنادي تركي..

خرجت من الغرفة وتركت هديل على حالها..

لمت يدينها بقوووة على بطنها وكانها تحتضنه..
وتمر في بالها لحظات ألمها..
دوختها..إستفراغها..
أحـــــــــــــــــلامها..خوفـــــــــــها..
والصوت القريب البعيد المألوف الغريب اللي يناجيها..

همست بألم\وش تحتري والله الدنيــــــا ماتسوى..
والله مافيها شيء يغري وينحب..
لاتجي تكفى خلك جواتي..
خلك بداخل روحي..

أنسدحت ع الأرض وهي ترجف وتبكي..
وين أوديك..وين أروح فيك..؟؟
أنا مو لاقية مكان يضمني..
وألحين من يضمك...
لاتطلع خلك جواتي..
لاتكبر خلك صغير..
بكرهـ يبيعونك..
يدفنونك يوهمونك بالسراب..
لاتجي..لاتجي..

صرخت وضمت نفسها لما حست بيدين تتلمسها..
تركي\بسم الله عليك..
لاتخافين بس ابي افحصك..
جلست بسرعة وتمسكت بمرام..
هديل بخوف\ما أبييييييك...لاتلمسني..
لاتقرب مني...
مرام تطمنها\قمر لاتخافين مابيأذيك..
هديل بقوة\ما أبيييه يلمسني ولا يقرب مني..
اطلع برا اطلع..

خرج تركي منحرج من هديل ومن حالها..
وأشر لمرام تطلع معه..
رفعت هديل من على الأرض وسدحتها على فراشها..
مرام بحنية\ياقلبي هدي نفسك..مو زين الزعل والصراخ حالتك ماتساعد..
بأطلع ألحين وأرجعلك بعد ساعة..

طلعت غير مدركة لغياب هديل عن العالم..
ورحيلها بعالم لم يكن ولربما لن يكون..
عالم ما لأهلها فيه مكان..
ولا وجود لمن يغزو حياتها..
يمهتن إنسانيتها..
يهين أخلاقها ويخالف دينها..

سبحــــانك ياربي..
بعدما قفلوا البشر أبوابهم بوجهي..
فتــــــــحتها من اوســـــــع أبوابك..

؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛ ؛؛؛؛؛؛؛؛؛؛؛؛؛؛؛؛؛؛؛؛؛؛؛؛

طلعت من عند هديل شافت تركي بوجها..
تجاهلته وتوجهت لجناحها الخاص..
بعد دقايق دخل عندها..
تركي بغضب\ماسمعتيني انادي عليك..؟؟
مرام باحتقار\سمعتك وطنشتك..عندك مانع؟؟
تركي\كثري من تصرفاتك الغبية يامرام..ما بيأكلها غيرك..
مرام بسخرية\امممممممم بتذبحني مثلاً..تراك ماقصرت..
تركي\البنت قالت لك شيء عن حالها..؟؟
مرام\ماقالت...وانا ابيك توديها المستشفى..
لازم نطمن عليها وعلى جنينها..أخاف يصير فيها شيء او تمرض..
تركي\بس هي مو راضية تتكلم معنا..
وشوفيها كيف مرعوبة..
مرام\يحق لها تخاف وتموت رعب..
كيف تسلم نفسها لناس او عفواً شياطين متلبسة بأجساد بشر..
تركي\صرت مو بشر يامرام ؟؟!
مرام باستخفاف\يؤ لا يكون هزيت كيانك التافه..؟؟
تركي يقرب منها\حاولي اكثر...
مرام بحدة\خلك بعيد عني...أو أخليك تندم..
تركي\لاتهدديني بأغلى ما املك..
مرام\والله لأحرق قلبك التعبان عليها...
تركي بحب \فدوة لها قلبي..بس المهم هي لا تضيق وتزعل..
مرام بكـــرهـ\برا جناحي ما أبي أشوفك..
تركي\امرك يا زوجتي الغالية...

طلع من غرفتها وهي تشد على عيونها بقوووة ماتبي تبكي..
وقت البكاء والضعف راح..


؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛ ؛؛؛؛؛؛؛؛؛؛؛؛؛؛؛؛؛؛


تكلمي يا أرضَ اللقاءْ

أعدلٌ فِيَ هذا القضاءْ

فقد كنتِ شاهداً على حبي

وكنتِ تسمعينَ نبـــــضي

وهل تريدينَ ان اوصفَ لكِ نفسي

عند لقاءنا ..؟؟

كأني بحرٌ هائــج

وكأني ريحاً عاتيه

تنزفُ مشاعري وتبوحْ

وتبكي أحاسيس وتنوحْ..

نـــزار القبـــاني....

منسدح على فراشها في الملحق...
أصابعه تشد على بقايا شعرها بجديلتها..
عيونه تشوفها رغم موتها..
ريحتها تنقش جدران ذاكـــرته..
وترجع بعض أقسى مواقفه معها...

شهقت بخوف لما شافته واقف بنص غرفتها..
حطت يدها على شعرها الطويل ولفته بسرعة..
خافت من نظراته الحادة..
تراجعت كم خطوة وأخذت حجابها من على سريرها وغطت راسها وكتوفها..
هديل بعصبية\اسمع يــا أنت...
هذي غرفتي انا ما أسمح لك تدخلها..
أحترم نفسك وتذكر أني مو من محارمك..
غازي بسخرية\ملك يميني ومافيه حرام..
هديل بهمس\تملكك جني...
غازي بحدة\نـــعم أرفعي صوتك..
هديل بقهر\أخرج من قسمي...
غازي\إلبسي معطفك وتعالي برا بسرعة...
هديل بعناد\أنتهت ساعات عملي اليوم..
خلاص ألحين وقت راحتي..أجل شغلك لبكرهـ..
غازي\بتجين ولا كيف؟؟
هديل\مثلاً ماجيت أقوول مثلاً ماقلت أكيد..
غازي يماشيها\إذا مثلاًمثل ماتقولين فيمكن تتوجعين قلت ممكن ماقلت أكيد..
هديل برجفة\يعني بتضربني..؟؟
غازي رفع حاجبه ومارد عليها..
هديل بعناد\يالله هات كف وضف وجهك من عندي ماني طالعة معك..

قرب منها ومسكها من يدها وسحبها وراهـ..
خرجها برا الملحق وهي تهاوشه وتضربه على ذراعه..
هديل\اتركني يا مستبد..ليش عمال المزرعة تعطيهم اجازة وانا لا..
غازي\لا يكون تبين راتب بعد..؟؟
هديل تفتن\ايـــه ابي راتب ولا هم أحسن مني..؟؟
غازي\أنتي بمرحلة التجربة ألحين..يمكن مايعجبني شغلك..
هديل بسخرية\ومثلاً مااعجبك تقدر تستبدلني بجارية ثانية؟؟
غازي بقسوة\تقصدي وحدة يتخلون عنها هلها ويبدلونها لأخوها..
ما أعتقد فيه ناس يحبون بنتهم يسوون سوات هلك..

سمح لها تضربه وتسحب نفسها منه..
تركها ترجع لغرفتها بعد ما طعنها بكلامه..

غمض عيونه على ذكرى دموعها وبكاها..
وعلى تردد صوت شهقاتها بذاكرته..
كان يتقصد يجرحها يطعنها بكلامه..
يجرح كل مافيها بقسوته..

انتصارهـ كان بعنادها..
بتمثيل القوة وهي ترتجف..
يعشق هيجانها تمردها وسبها له..
تتحداهـ وهي تدري بخسارتها..
تشتمه مستعدة لعقابها..
تهرب منه ومالها ملجاء غيرهـ..

ناظر جديلتها بيدهـ ..
هزهـ الشوق لها..
مايبي بقاياها..
ولا ريحتها بملابسها..
يبيها روح بالدنيا..

ابتسم بحسرة لانه أدرك أنها تركت مايواسيه بغيابها..
تركت له دعــــــوة من قلبها..
وهو مبسوط بدعوتها..
تحرمه نسيانها..
تحرمه الحياة من دونها..
تنسيه النوم وهي بقبرها..
مثل الزجاج المبشور يسكن تحت جفونه..
وأقسى من ضرب الحديد على راسه..


؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛ ؛؛؛؛؛؛؛؛؛؛؛؛؛؛؛؛

دخل البيت تعبان ومهموم...
جلس على الكنبة بعد مافسخ جاكيته..
صداع قوي مع قوة الصدمة بفقدانها متملكه..
يتمنى لو ماراح المستشفى ولا ألتقى بهادي..
شوفته له جرحت قلبه وضيقت روحه..

شافها بعيونه...
نفس الضياع اللي عاشته هديل كان يعيشه اخوها..
شاف برائتها وقهرها...
شوقها لأخوها خوفها ورعبها الدايم..
تمنى لو يضمه بقوووة..
لو يحكي له عنها وعن اللي صار لها..
بس هادي وش ذنبه باللي صار...
عشان يعذبه ويحرق قلبه عليها..
يكفي إنه عايش بكذبة موتها مثل أمها وخواتها...
حمد ربه أن هديل ماتت قبل تدري أن اهلها موتوها بعد ما أخذها غازي..

هادي بصدق\هلا حياك الله..
راجح\....................... الله يحييك..
هادي\عسى ماشر...؟؟
راجح\ماشر.....
هادي بهدوء\تشوف علي فيني؟؟؟
راجح هز راسه بايه\تشبهه حتى بشحوبه..
هادي يبتسم\علي بيوصل بعد يومين وبيفرح بشوفك..
راجح\ماهو بمكتوب ألتقي معه..
جيت اتطمن على الوالد عساه بخير...؟؟
هادي\الحمدلله حالته مستقرة..جلطة الله يكفيك والسامعين شرها..
راجح\الله يقومه بالسلامة...ويصبركم على ما أبتلاكم..
هاد ي باستغراب\يا ابن الحلال وش فيك ضايق؟؟
راجح\بنتي توفت..
هادي بضيق\انا لله وإنا إليه راجعون...الله يرحمها ويجمعك معها في الجنة..
راجح بحسرة على حالهم\لاحول ولا قوة إلا بالله..عسى ربك يعدلها..

أنسحب راجح وطلع من المستشفى..
بقلبه شيء كبير على غازي...
مايبي يقابله أو يشوفه..
حجز على السعودية وسافر..
تركه يغرق بآخر قسوته وعنادهـ...

فتح عيونه على يدين تهزه بخفة وصوت مخنوق يناديه..
شوق بألم\عمـــ...ـي وينها فيه؟؟
قوول انكم تكذبون علينا وهي حية..قول انها رجعت لهلها ونستنا..
تكفى ياعمي لاتكون ماتت والله ماتستاهل...
راجح يضمها\تبكينها ياشوق؟؟
مابه خلاف إبكيها وكثري من دموعك وحزنك..
هلها وحبايبها عزوها قبل سنة وشهوور..والحين دوركم تعزونها بعد ماذبحناها..
شوق بنحيب\عمييييييي تكفى لاتعذبني..
والله ندمانة..ياليتني ماعرفتها ولا قابلتها..
ليتكم تنازلتوا عن أخوها ولا ذبحتوهـ..
ياليت مالي يد بعذابها..ياعمييي تكفى خلها تسامحني.
خلها ترجع وتنسانا..والله ما أخلي غازي يضربها ولا يوجعها..
باعتذر منها على كلامي لها وتجريحها...
راجح\خلاص هي برحمة اللي أرحم منك ومن غازي ومنا..
لابتنجرح ولا بتنظلم بحكم ربها...
موتها ريحها وأحرقنا...الله يبلغها الجنة ويرحمها..
شوق\آآآآآآآآآهـ ياعمي قلبي يوجعني ..
أحسن أني بأموت من فجعتي فيها..
دبرني ياعمي تكفى ريحني..
راجح بحنية\يابنت أذكري ربك وصلي على النبي..
الموت حق..هذا كان قدرها وساعتها...
أنتي تبتي عن ظلمك لها وهي طيبة وقلبها أبيض..
أستغفري ربك على اللي صار بينكم والله غفور رحيم..

ظلت ترتجف بحضنه وتبكي وتستغفر..
وهو يقرء عليها بصوت واطي..
نامت سدحها على الكنبة وغطاها..

؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛ ؛؛؛؛؛؛؛

حــــــــزين !!
وليــــــــــــش كل هذا؟؟!
تلــــــــــفت شوف في بالك..
من اللي فكر يجيلك...
ويــــــــــسأل وشهــي أحوالك..؟؟

ولا واحــــــــد ...

إذن مافيه..أحد يستاهل أحـــــزانك..
أو تـــكرم حيـــاته بحسرة أو دمــعة من أجفــانك..

ولا واحـــد أكيـــــد يحـــس..
خــلك دوووم فوق النفــــس ...

سالم سيـــار...

ضمت نفسها بضعف..
عيونها مو قادرة تتحكم بدموعها..
رجفتها متملكتها بعنف..
حرموني من أمــــي..
مالهم حق يومـــه والله مالهم حق..
أنا حية أنا أتنفس انا أعاني..
حسي فيني..
أسمعي صوتي المكتوم..
كلامي الصامت..
جرحي الساكت..
يمــــه هم نسوني ليه تنسين ليــــه؟؟!
هم دفنوني ولا سألوا عني..
ماعدت أبيهم...
بس أبيك انتي..أبيــــك..
ابى أرجع لك..
محرومة منك ياغلاي..

مرام تمسك يدها\إلى متى بتظلين سرحانة وبعيدة عنا..؟؟
بما انك قلتي تبين مربى الفرولة وصيت عليه مخصوص لك..
هديل بهدوء\ماله داعي توصين عليه..
مرام بابتسامة\لا لازم تاكلينه بما انه بنفسك ومتوحمة عليه..
هديل بنظرات تعبانة\متـ....ـوحمة؟؟
مرام\ايه مو تفكرين بالفرولة وخاطرك فيها؟؟
هديل بغصه\إيه..
مرام\إذن متوحمة ع الفرولة..

سرحت عنها مع الجلمود وكلامه ..
غازي بحنية\كملي أكلك...
هديل بصد\ما ابى طعمه غريب...
غازي\وش الغريب فيه نفس اللي أكلتيه أمس..
هديل\أعرف نفسه..بس نفسي بمربى فرولة ..
غازي بابتسامة\بس هذا عشاء مو فطور..
حتى الغداء طلبتي فرولة..
هديل عصبت\مالك شغل أبي فرولة ولا حرام على الجواري..؟؟
غازي بصوت ضاحك\لا أبد مافيه حرام..كل شيء فيك حلو حتى بهذي طلبتي فرولة..
هديل\حلو..؟! تقصد مُـــــــر..
غازي بأسى\أعرف وش أقصد..وأنتي ماتعرفين..
قرب منها وضمها بقوووة..
بعدته عنها وقامت بسرعة ضربت بالطاولة..
غازي يمسكها\اصبري انا اوصلك لفراشك..
هديل بضيق\ما ابى منك شيء...اتركني..
بقى ماسكها لحتى جلسها وتطمن عليها..
هديل\ماراح اسوي العملية..
غازي بهدوء\بكــره نتفاهم الحين نامي...
موعدنا بعد يومين...

يعني كان يدري...
كان يدري إني حامل وأتوحم ع الفرولة..
هذا قصده لما قال أعرف وماتعرفين..
حست باختناق لما أستوعبت اللي كان بيسويه..

كان يعرف بحملي..
ويطلب مني أسوي عملية...
أستغربت عملية مثل اللي وصفها لي وش لها دخل بعيوني..
أتاريه يبي يذبح ضنـــاهـ..
ما يبي جارية تنجب طفل وينتسب له..
مايشرفه ولا يرفع راسه..

حسبي الله عليك ونعم الوكيل قهرتني في نفسي وفي هلي..
غربتني عذبتني..
وتبي تذبح قطعة مني..
معقولة توصل فيه يقتل ضناهـ..
لاتظلمينه ياهديل وتظلمين نفسك..
هو قالك العملية تذبحه أكثر منك ..

غازي\هذي العملية تذبحني أكثر منك..
سويها من دون ماتعرفين وش تكون..تكفين..
هديل تبكي\يعني مخبي علي شيء..؟؟
قووول أنت وش تبي تسوي فيني..
ترى عادي مابقى شيء له اهمية عندي..
أنت أخذت كل شيء ذبحتني مابقيت لي شيء..

لا اللي مثله مايهزهم شيء..
اللي أنكروا حكم ربهم وطغوا ماعليهم حسوفة..
مايبي يكون له ولد حــــ...........
هو السبب بكل شيء..
هو اللي رضى بالحرام وأجبرني عليه..
هو الغلطان ياربي..
والحين مايبي نتيجة أغلاطه..

مسحت دموعها ويدها تضغط على بطنها..
عرفت تفسير حلمي..
عرفت من يكون صاحب الصوت الغالي على قلبي..
أتاريك أنت تحذرني من أبوك..
تحذرني ما أذبحك مثل ماهلي ذبحوني..
لا تروحين..
مارحت يا قلب أمك..
مارحت ولا بأروح..
خلهم يتهنون بحياتهم..
وانا وإياك بننساهم..

ربي عوضني فيك عن هلي وبلادي...

مرام بهدوء\قمر..عمي بيدخل إذا حابة تغطين راسك..
أخذت الشال من مرام وتحجبت قبل لايدخل أبونايف..
أرتبكت لما دخل معه ولده تركي ومسفر وأبوهـ..
تمنت تختفي ولا تجتمع معهم بمكان..
الكل\السلام عليكم ..
هديل بصوت خافت\وعليكم السلام..
ابونايف بمحبة\بشري يا بنتي كيفك الحين؟؟
هزت راسها وهمست\الحمدلله..
ابونايف\الحمدلله محتاجة شيء يابنتي بخاطرك شيء..
لا تترددين تراك صرتي منا وفينا..
مسفر برفض\ايه حياك الله لا يردك الا لسانك..
ابونايف\حن هلك يابنتي وهذولاء عيالي مثل أخوانك..
مسفر\حتى انا...
ابونايف طنشه\قالت مرام انك تعبانة..ومارضيتي تروحين الطبيب..
مسفر\وشهو له تروح..نجيب الطبيب هنا أحسن..
تركي\مسفر..!!
مسفر بهدوء\مو تعبانة؟؟كيف تروح وهي تعبانة..الا اذا كانت ماهي بتعبانة..
تركي\ترى أبوي يناظرك اسكت قبل لا يتوطاك..
مسفر\ماني بساكت واللي مايعجبني ما ارضى فيه..
هديل بهدوء\لا ياعمي انا مافيني شيء الحمدلله بخير..
مسفر\الحمدلله المهم بخير..
ابونايف بعصبية\ولـــــد ....
مسفر ببرود\سم طال عمرك...
ابونايف\نايف خذ ولدك قبل لا احوسه..
مسفر\لا تحوسني ولا أحوسك..اسمعي يابنت الناس..
ان كنتي منقوصة وفاقدة غالين فحن هلك وسند لك..
بس إن كنتي مطرودة ومرجومة فمالك عندنا مكان..
اللي في بطنك منهو عليه جاوبيني؟؟
ابو نايف\مسفــــر..

وقف تركي بسرعة وسحب مسفر وخرجه غصب عنه..
خرج مسفر بعد ماوتر الجو بزيادة..
ما تستغرب نظرته لها..ولا رفضه لوجودها..
هي مثل الانسان التايه اللي تلاقيه بالشارع..
تضمه وتأخذه لبييتك..ماتعرف أصله ولا فصله..
ماتعرف اخلاقه ولا دينه..
تجهل أحواله عاداته..وهو يصد عنك وأنت تحويه..

ابومسفر\أعذري مسفر تراهـ عصبي ومايفكر الا بحالك يكون بخير..
ابونايف\ماعليك منه يابنتي..البيت لك انتي الداخلة وهو الخارج..
وأنا وعدتك مهما كانت ظروفك انا أبوك وحن هلك..
هديل بغصة\الله يعطيك العافية ياعمي..
بس أنا لي قرايب ولي أهل هنا وأنا ناوية اروح لهم..
ابونايف بقوة\أحلفي بالله العظيم إن لك اهل في ايطاليا..
هديل بصوت مكتوم\ماله داعي أحلف الله يخليك تخليني على راحتي..
ابونايف وقف\والله ماتطلعين الا ويدك بيد هلك ولا ماتطلعين..
كلام مسفر النذل لا يهمك ولا يزعلك..كفاية النظر بوجهك وينعرف أصلك..

خرج وأبو مسفر معه..
كان معصب على مسفر ويتمنى لو يذبحه بعد سواته بهديل..
بس مالقاه في البيت...
تهاوش مع تركي اللي خرجه قل لا يشوفه وهو معصب..

مرام بحنية\قمر ياطيوبة..لاتزعلين من مسفر..
والله مايقصد..تراه طيب مرة..بس مدري وش اللي صابه..
هديل بهدو\لاتعتذري عنه شيء متوقع من مسفر وأمثاله..
عن اذنك باروح غرفتي..

عاتبت نفسها بقهر..
وش اللي زعلك من كلامه...
مو كلامه صح وهذا اللي جرحك أكثر أن كلامه صح..
مو أنتي مطروودة..مرجوومة بحكم الـ................
إيه هو قال الصدق..ماتبلى عليك..
لا اللي صار ماهو انا السبب فيه..
أنا ماني مثل مايقول ويظن..
لازم أترك هالبيت وهله..
انا مو مرتاحة معهم ماني مرتاحة..

مرام تبكي\الله لا يسامحك يامسفر الله لا يسامحك..
مسفر يهديها\ليه ياقلبي كل هالزعل والدموع..
أنتي المفروض تفهميني..
مرام بقهر\لا ما ابى أفهمك..انت بس تبي تزعلني وتقهرني..
أنا حبيتها حبيت وجودها معنا..
ليه تهينها كذا..ليه تجرحها..
مسفر\لاني ماني بمثلكم طيب وعلى الفطرة..
بنت تايهه بدولة اجنبية مامعها محرم ولا اهل..
ماترضى ترجع السعودية وتطلع حامل والله يعلم وش من بلاوي مخبية وراها..
مرام\اسمع أنت..لا تقرب من البيت ولا ترجع ..
ما ابى اشوفك مرة ثانية هنا فاهم..
مدامت قمر موجودة أنت تظل بعيد..ولا أقولك أرجع السعودية..
مسفر\تظنين ما أدري وش اللي تفكرين فيه يا خالتي..
ولا غشيم عنك وعن تركي..أنسي اللي في بالك لانه ماراح يصير..
مرام\مسفر لا تتبلاني ولا تحلل نفسيتي وتستخدم هبالك علي..
البيت لا تقرب منه ولا ابي اشوفك..
مسفر بحدة\اللي في بالك أنسيه..
مرام\ليش تكرهني..؟؟مو أنا اخت امك وحبيبتك..ليش تكرهني ليش؟؟
مسفر بحنية\تدرين أني أموت فيك وأفديك بروحي..
بس هالبنت ما ابيك تحتكين فيها ولا تتاملين بشيء..
مرام بقهر\أكرهك..

قفلت الخط بوجهه وراحت تشوف تركي وتطلب منه يبعد مسفر عنهم..

؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛ ؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛

مدري بيبكي صاحبي لا توفيت..
ولا حبيبي ماتهمه حياتي..
أخاف ياقلب إلا من توفيت..
يبخل علي بديته في صلاتي..


قرب من أبوه وقبله على كتفه..
ومد كفه يمسح دموع ابوهـ..
علي بمودة\لا ماشاء الله اليوم الوجه منور والحال يطمن..
هادي\ايه الحمدلله حالته اليوم أحسن بكثير..
ابوعلي يهز راسه بزعل لعياله اللي مافهموا عليه..
احتاروا من دموعه المالية عيونه وتطفر بين فترة وفترة..
ابوراكان قرب منه وقبله على راسه..
ابو راكان\الحمدلله على سلامتك يا أخوك..
ابوعلي يهز راسه لاخوهـ اللي كان فاهم وش اللي بقلب حسين..
علي\ياعمي تكفى ابوي وش في خاطرهـ..
ابوراكان\الله أعلم....لاتضايقه بأسئلتك ياعلي..
علي قرب من أبوه\تكفى يوبه ريح قلبك مابه شيء يستاهل الزعل..
إن كنك عايف نفسك ترانا نموت فيك ومالنا غنى عنك..
هادي بمحبة\لا خلاص الزعل ماله عندنا مكان..
زعلنا على قدنا..صح يا الغالي..
ابو علي شد على يد هادي وسحبها لشفايفه يقبلها..
هادي مفجوع\استغفر الله يوبه..
تكفى يا ابوي لا تسويها..
جعلني فدوة لك..أنا أحب ارجولك ويدينك..
نزل براسه وقبل يدين أبوه وركبه وراسه ويحس بضيقة تكتم على قلبه..

ابوعلي يناظر أخوه يبيه يفهم سواله..
ابو راكان بغصة يهمس له\إنا لله وإنا اليه راجعون..
البقا براسك يا حسين دفنوها بيوم موتها..

طلع صوت بكاء ابوعلي عالي ويحزن القلب..
شهقات ونحيب مكتوم..
العيال ماهم فاهمين وش صاير مع أبوهم وعمهم..
الأب يبكي ويشهق..
والعم منزل راسه يداري دموعه..

هادي بدموع\يوبه تكفى خلاص لاتعذب نفسك..
وش اللي مزعلك وش اللي صاير معك ومبكيك..
راكان\يوبه اسالك بالله تريحنا..تراكم قطعتوا قلوبنا بحالكم..
وش اللي صار معكم وش اللي ذابحكم..؟؟

ابو راكان قرب من أخوه وصار يقرء عليه من القرآن بصوت جهوري خشوع..
ادمعت عيون راكان وعلي لسماع القران بصوته..
بعد لحظات من البكاء الملكوم..
خفت شهقات ابو علي ونام مغلوب على أمرهـ..

وظلت علامة الاستفاهم الكبيرة على حال الشايبين بعقل علي اللي كان مصمم يعرف وش وراهم..

؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛ ؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛

جالس ورى مكتبه..
عيونه تدور بالمكتبة..
مازال ترتيب الكتب نفس ترتيبها..
رامية كل كتاب بجهه..متقصدة تعانده وتضايقه..

ألتفت لأحد النوافذ بزاوية المكتب..
بأيام زعلها وجفاها له..
بعد ماضربها بالسوط..
وهي أعتصمت الصمت ورفضت تتكلم معه وتسامحه..
كانت جالسة تناظر الثلج من ورى الزجاج..
وهو جالس يراقبها..ويتعذر بأوراق منثورة على مكتبه..
سرحانة عنه بعالم مايشمله ولا يعترف بوجودهـ..
سرحانة بأهلها وماضيها..
يبيها تتكلم معه..ترد عليه..
تفتح له مجال يعتذر منها ويراضيها...

طال السكـــوت ولي متى حبل الزعل مشدود..
طال السكـــوت ولي متى بينا الرضى مفقود..

جلس قريب منها حط يده حوالين كتفها..
شهقة بألم بعد مالامست يده الجروح اللي بظهرها..
رفع يده وقبلها على راسها..
صدت عنه وكأنه غير موجود..
تلمس شعرها بأصابعه وكانه يمشطه..
همس لها\ابي ارضيك..
سكوتك متعبني..ردي علي بكلمة..
ارجعي مثل اول..فقدتـــك أرجعي..

أهتزجسمها الملاصق له من كتمها لشهقاتها..
مدت يدها تمسح دموعها..
سحب كفها من على وجها وقبل باطن يدها..
قبـــل دموعها اللي بيدها..
وأحتضن كفها بيدهـ ورفع راسها له..
نزلت راسها بسرعة وخبته بصدرهـ..
لمها بقوووة وهي بكت بصوت عالي..
أنتحبت بتعب وهي ترتجف..
بكت من اللي سواهـ فيها..
بكت ظلمه لها وخوفها منه..
ومن ألمها والحريق اللي تحس فيه بظهرها وجسمها..
بكت ويدينها تشد عليه بقووة..


رمى راسه على مكتبه بعنف ..
لعل ذكرياته المحاصرة له تخف وترحمه..

وداعاً صغيرتي وداعاً أميرتي
وداعاً يا ذنباً تفوح منه رائحة الطهر
بـ هاتان اليدان جلدت روحكِ بـ هما
أقترفت أسوء أفعالي ...!
بهما لامست طُهر بشرتك بهما
غازلت شعرك وكانت أصابعي مشطاً ..!
أهـٍ ياوجع يحتل يساري أيعقل أنكِ
لم تعودي فوق الأرض ..!

نور الحربي..


؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛ ؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛


راجح حاول يتعذر لشوق وزعلها..
ويفهم طالب أنها مصدومة هالفترة لما تهداء وترتاح بتغير رأيها..
طالب ماكان عاجبه كلامها ولا الوضع اللي تبي تحطهم فيه..
حتى هو مصــــــدوم وأنفجع بخبر موتها..
مايتخيلها ميته وتحت التراب..
عيونها اللي سحرته نايمة لآخر الزمان..
وجهها..كيانها ..اسمها..
هي انسانة دخلت حياته..بغض النظر من تكون..
كان لها مكان كبير عندهـ..من أول ماشافها..
حـــزن ودمعت عينه لفراقها وموتها...

طالب بعصبية\ماهي بالحالها ياراجح المصدومة..
وماهي الوحيدة اللي ظلمتها..
راجح\طيب أنت وش ناوي تسوي..؟؟
طالب\أنا بأتصرف معها..بس انت ما أبيك تدخل بينا..
أطلع من البيت أو روح نام بكيفك..المهم هي لاتشوفك..
راجح\أنا بأخذ هلي وأروح بيتي..فمان الله..
خرج راجح مع زوجته وغازي الصغير وتوجهوا لبيتهم..
طلع طالب لغرفة شوق فتح الباب وفتح النور فيها..
طالب بحدة\قومي إلبسي عباتك يالله..
شوق بزعل\طالب لاتتعبني معك..قلت لك ما ابى ارجع معك..
خلني عند امي..
طالب بعصبية\الى متى؟؟؟
شوق بغصة\على طووول..ما ابى اطلع من بيت هلي..
ما ابى اروح معك..ابى اكلم هديل..خلوني اكلمها..
طالب\وهديل ماتت..كيف بتكلمينها؟؟
شوق\أكرهكم أكرهكم..أنت خليتني أظلمها أكثر..خليتني أتبلا عليها..
بسببكم قسيت عليها وظلمتها..
أنت وغازي المفروض تتعاقبون..وانا إيه حتى انا لازم أتعاقب..
بس كيف..قلي كيف..هي ماتت خلاص..ماتت..
طالب بهدوء\الله يرحمها...خبر موتها صدمني ياشوق..
حسيت بطعنة في قلبي هزتني...
يمكن لو ماعرفنها ماتعذبت..لو تركنها عند هلها ماماتت..
بس هذي كانت ساعتها ولحظت موتها..واللي ربي كاتبه لها..
ولو كانت بحضن أمها ماكانت بتسلم من لحظة الموت..
شوق\كذب علي مثل ماتكذبون على أنفسكم..
قولوا قدرها ومكتوب لها..قولوا نصيبها..
أكذبوا علي وعليكم وعلى الناس..
بس ربي أكبر منكم ومن كذبكم..حن قتلناها حن مسئولين عنها قدام ربي..
طالب وقف\وأنتي مو أرحم من ربي...
الله رحيم غفور..هي راحت للي يحبها أكثر منك ومن أمها وأبوها..الله مايعرف الظلم..
ومايقدر أحد يظلمها ويوجعها وهي عند ربها..
شوق\يعني ربي بيعاقبنا على اللي سويناهـ..؟؟
طالب\الله بيرحمنا..أنتي توبي واستغفري وربك كريم..
شوق\عاشت مقهورة ياطالب...ما أقدر أعيش معك وانا قهرتها وظلمتها ما أقدر..

صد عنها فتح الكبت طلع عبايتها وطرحتها..
توجه لها شالها وهي تصرخ فيه..
خرجها من الغرفة ونزل على الدرج وهي تصارخ وتنادي أمها وراجح..
خرجها منالبيت وركبها السيارة وغطاها بعبايتها..
كانت بتطلع ..ثبتها بحزام الأمان ..
وحرك السيارة وطلع من البيت..

كانت تهاوشه وتصارخ فيه تبيه يرجعها لبيتها لكن مارد عليها..
فهمت منه إنه بيكنسل الطيارة وبيروحون الشرقية بالسيارة...
لأنها ماتنضمن وش ممكن تسوي بالمطار وخصوصاً أنها بحالة نفسية سيئة..

؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛ ؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛


خرج عبدالله من البيت وأتصل بأبوهـ..
عبدالله\السلام عليكم..
علي\وعليكم السلام هلا عبوود كيفك ؟؟
عبدالله\الحمدلله بخير..أنتوا كيفكم وسفرتك كيف؟؟
علي\الحمدلله بخير وكلنا مفتقدينك..يعني لو خذيتك معي كان أنبسطت..
حتى عمك هادي مشتاق لك ويسلم عليك..
عبدالله\الله يسلمه..يوبه ابي اكلم جدي حسين..
علي\جدك يصلي الحين لما يخلص باقوله يكلمك..
عبدالله\لا ماهو يصلي عطني اياهـ..
علي\قلت لك يصلي..افهم الكلام..
عبدالله\طلع من العناية ولا باقي..؟؟حي ولا مات؟؟
علي بصدمة\انت وش تقول؟؟عبيد من قالك هالكلام..؟؟
عبدالله بصوت مكتوم\أدري أنه مريض وأنت سافرت عشانه بيموت صح؟؟
علي\لاوالله يا أبوك هو بخير الحين وطيب وماحوله شر..
عبدالله\ليه ماتخليه يكلمني؟؟
علي\عبدالله تراك رجال وينشد الظهر فيك...
لاتعلم أحد باللي تعرفه لاجدتك ولا غادة ولا امك..
عبدالله\أنا أصلاً عرفت قبلك وماقلت لك..فكيف تعتقد بأقول للحريم..
علي\عرفت قبلي؟؟وش اللي عرفته؟؟
عبدالله\أن جدي تعبان وفي المستشفى..وعرفت أكثــــر من كذا..
علي\من اللي قالك؟؟تدري اكلمك بعدين لازم اقفل الخط..
بس صدقني يا عبيد جدك بخير الحين وحاله طيب..

قفل عبدالله من أبوهـ وهو يفكر بجدهـ وإذا كان مسافر عشان سياحه مثل ماقاله..
بس هو مو مصدقهم...

؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛ ؛؛؛؛؛؛؛؛؛؛؛؛؛؛؛؛؛؛؛؛؛؛؛


خرجت من دورة المياه بروب الحمام..
وتفاجئت بوجود مرام عندها بالغرفة ونايمة على سريرها..
مرام تبتسم\لأني أخاف عليك وعلى البيبي..
قررت أكون ملازمة لك هالفترة واهتم فيك..
هديل بهدوء\لاتغلبي نفسك معي..أنا صرت بخير روحي لزوجك الله يخليك..
مرام عفست وجها\لا ما ابى اروح له..باظل عندك..
صدقيني انا حبيتك وحبيت وجودك معي..
هديل\أنتوا عايشين هنا على طول..؟؟
مرام بحزن\لا أنا جاية مع تركي ومسفر أتعالج..
عمي ووابو مسفر جايين زيارة وراجعين السعودية..
كان المفروض يرجعون من فترة بس أجلوها..
هديل\يمكن علشاني اجلوها..؟؟
مرام\مو يمكن الا اكيـــد..
هديل\منحرجة منهم وهقتهم فيني..
مرام\لاتقولين كذا بيزعل عمي عليك...
هديل\سلامتك قلتي أنك تتعالجي..؟؟
مرام بغصة\كنت بخيــــر بـــ..ـــ..ـس ماعدت بخيـــ...ـــر...
دفنت وجها بوسادتها وبكت بصوت مخنوق..
ألتزمت هديل بمكانها وماقربت منها..
لكل إنسان همومه ومشاكله..
ماتقدر تدخل بحياتهم لأنهم بيطالبوا الدخول بحياتها...

 

[طــُـهــر ♥!]

البارت التاسع والأربعون ...

-1-

يقولون: إنك مت

يقولون: إن غسلت.. كفنت

ثم دفنت

يقولون: هذا ضريحك

دنسه الفاجران الرخيصان

ما قمت

ما ثرت

يا دمية الغاصبين الغزاة

.....!

-2-

سلام!

على قاتل الغيد و الأبرياء السلام!

على بائع الأرض و الكبرياء السلام!

و بوركتما تصنعان السلام

و بوركتما تنثران الحضارة في مربع الجهل

تبتسمان و تعتنقان و ترتجلان

ألذ الكلام

سلام!

-3-

وداعا.. وداعا

فهذا هو القدس ضعنا و ضاعا

وداعا.. وداعا

فها هي ذي ضفة النهر في يدهم

أمة إشتروها و باعا

وداعا.. وداعا

فهذا تراب فلسطين يقطر دمعا

و يندي التياعا

-5-

يقولون: أنت انهزمت

يقولون: إن فقيرك أثخنه البؤس

كيف يطيق فقير كفاحا؟

يقولون: إن ثريك أفسده المال

كيف يهز غني سلاحا؟

-6-

يقولون.. لكنهم يكذبون

و أعرف.. أعرف ما يجهلون

أحسك في.. كأن دمائي

رادار نبضك.. أبصر ما يختفي

خلف صمتك.. أواه لو تبصرون

و سوف تقومين.. سوف تقومين.. سوف تقومين

تبقين أنت.. و هم يذهبون

-7-

تموتين؟! كيف؟! و منك محمد

و فيك الكتاب الذي نور الكون

بالحق حتى تورد

و طارق منك..

و منك المثنى..

و أنت المهند

تموتين؟! كيف؟!

و انت من الدهر أخلد!



المرحوم بأذن الله تعالى ..غازي القصيبي...


وقفت قريب منه ودست يدها بيدهـ..
راجح شد على يدها بقوووة..مشى وهي تمشي جنبه وتحتضن غازي..
حاول ياخذه منها ويشيله..بس ماقدرت تتركه..
دخلوا المجلس وعامر أستئذن منهم..
رشا بصوت مبحوح\راجح قووم خلنا نرووح تكفى..
راجح بحنية\رشا أذكري ربك لاتنهارين ألحين..
رشا ترتجف\أنا ليه طاوعتك؟؟
كان المفروض ما أرضى..بياخذونه مني..
راجح يضمها بقوووة\رشا لاتخلين ابليس يوزك ألحين..
أنتي أدركتي أن امه أولى فيه..هذي امه يارشا لازم تشوفه وماتنحرم منه..
رشا بهمس\بس امه ماتت والله ماتت..
راجح\ألحين نتأكد ان كانت ميته مابياخذونه..وأن كانت حية فأبيك ماتنسين كلامنا وميثاقنا..
رشا\مو اليوم خلااص خلنا نجي بكره..بكره احسن..
راجح مارد عليها ظل يناظر فيها وهي تحتضن غازي وتبكي..
سمع صوت عند الباب ورشا غطت وجها بسرعة..
عامر بصوت عالي\حي الله راجح وهله..نورت الكويت بوجودكم..
راجح\الله يحييك يالطيب ماقصرت منورة بهلها..
أم فهد\حياكم الله أنت وهلك ..
راجح\الله يبقيك ويحييك..
أم فهد بفرح\هذا غازي؟؟
راجح بهدوء\ايه هذا غازي بن سعود..
أم فهد تقرب من رشا\ياهلا وغلا..ياحي الله ولدنا وقطعة منا..
رشا طلع منها صوت مكتوم وضمت غازي بقوة لحتى بكى متوجع..
راجح شده من يدها بس هي تعلقت فيه أكثر..
رشا بخفووت\لا راجح تكفى لا...
راجح\رشا هي بس بتسلم عليه اتركيه يا ام غازي..
رشا رفعت راسها له\انا أم غازي..؟؟
راجح\ايه انتي امه واللي ماجابته امه يقول غير ذا الحكي..
رشا\لاتأخذه بعيد..خلها تشوفه هنا...
راجح يسايرها\طيب..ما باخليها تخرجه..
سحبه من يدينها بالهداوة وهي عيونها تلمع بعداء لهل البيت..
مدهـ لعامر..
اللي شاله وضمه بقووة ورحب فيه في بيت خواله وهله..
أم فهد شاركت ولدها الترحيب بغازي الصغير..
وهي تبكي وتشكر الله وتثني عليه..أنهم شافوا ولد بنتهم والتقوا فيه..
دقايق من أنشغال الكل مع غازي الصغير..
دخلت مترددة خايفة من ردت فعل عامر..
بس هي ماعادت تتحمل..
هذا غازي ..ولد أختها قطعة من قلبها..
ماتقدر تخليهم ياخذونه ويروحون من غير ماتشوفه..
كم تمنت تحضنه..تشوفه وتشم ريحت اختها فيه..
حاولت تتصل برشا..او عائلة سعود..
بس هله ماكانوا يدرون بزواجه من بنتهم..
ولا يدرون أن غازي ولد اختها مو ولد اللصة الي سرقته ونسبته لها..
.....\يومه عطيني إيــــاهـ تكفين...
الكل ألتفت عليها..
راجح وعامر غضوا البصر عنها وهي واقفة بعيد عنهم..
دموعها تناجيهم رجفتها تكسرهم..
....\تكفين يومه عطيني اياه شوي..بس أضمه أشم ريحته..
رشا وقفت\لا مابيطلع من هنا..وأنتي من تكونين..؟؟
..... بقهر\أنا اللي حرمتيني منه..أخذتيه منا ياللي ماتخافين ربج..
هربتي فيه مع أبوه ماسألتوا عن أمه وهله..
عامر\بنــــــــت روحي داخل...
....\لا مابأروح أبي ولد اختي..حرام تأخذهـ المجرمة كل هالسنين وحن نحتريه..
عامر\ انزين روحي داخل و أنا أجيبه لج..
رشا بخوف خذت غازي من يدين ام فهد\لا خلاص حن ماشين الحين..
راجح وقف وأخذ غازي من يدها...
رشا بهمس\لاتعطيهم اياهـ...
راجح بحدة\أعقلي وخلي الناس يشوفون ولدهم..
رشا بصدمة\وش ناوي عليه ياراجح؟؟؟
عامر\السموحة يا ابو حمد..خذوا راحتكم..وأنا باكلم الأهل شوي..
أنسحب عامر مع أم فهد..
وقف قدام عالية وأشر لها تطلع من المجلس..
أشرت براسها علامة الرفض...
عالية\ما أطلع من دون ولد اختي..
عامر بغضب\اطلعي دام النفس عليج طيبة..لاتفضحينا في الريال..
عالية بغصة\طيب بأطلع مع أمي..بس أنت لاتطلع..ترى بيهربون بالولد ولا يرجعونه لنا..
عامر بحدة\أطلعي لا أذبحج..
طلعت وامها تسحبها معها بالغصب..
وقفت بحديقة البيت حالفة ماتدخل الفلة..تراقبهم لايخرجون والولد معهم..
عالية تبكي\حرام عليهم يومه..ماكفاهم طول هالسنين وهو معهم..
مالمحناه ولا عرفناهـ..مالهم حق يومه..
أم فهد\أقصري حسج لا يخرج عامر ويذبحج..اللي سويتيه ماله داعي..
هو كان بيتفاهم معهم..وش دخلج بين الريايل..؟؟
عالية\وهذي السراقة المحتالة مو جالسة بينهم ومتحضنة ولد أختي..
بس انا أوريها ياقهري طول السنين اللي فاتت عليه أطلعه من عيونها..
أم فهد\البنت شكلها طيبة وتحبه..الحمدلله أنها طيبة فيه انتي ماشفتيها كيف تضمه وتحضنه..
عالية بحزن\كله من زوجك الله لا يرحمه جزات قهر أختي..
أم فهد بغضب\ يابنت استهدي بالله حرام تسبينه وهو ميت مايجوز..
قال رسول الله صلى الله عليه و سلم( لا تسبوا الأموات فتؤذوا الأحياء )
صلي على النبي يابنتي خلي اللي ماتوا لهم رب يحاسبهم ويرحمهم..ماهم بحاجة لدعواتج القاسية عليهم..
عالية بضيق\من قهري يومه...من قهري على أختي وولدها..

عامر بأخر المجلس\ولا لك لوى يا أبو حمد...
بس حن خواله ولنا حق نشوفه ويعيش معنا ولو فترة قصيرة..
أنتوا هله ولابه حد يقدر يأخذه منكم غصب عنكم..
مير وأنا اخوك كن عادل وحقاني..
الولد من أول أيامه وبعد وفاة أمه خذاهـ أبوه وحرمنا وحرم خالته ويدته منه..
راجح\سوات سعود ماني براضي عنها...
بس أنا أعرف سعود زين يخاف ربه ومصــــلي..
ولا ظنتي بيحب يقهركم في ولدكم من ولا شيء..
أكيد أنه ماخذاهـ ورجع فيه السعودية الا بسبب..
عامر\لكل شيء سبب يالطيب...
راجح\لازم نفهم كل شيء عشان نكون على بينه..
عامر\عين العقل..وأنا بأفهمك وش صار..
وحياكم الله هل البيت وحن ضيوفكم..
راجح \لا والله قبل لا تحلف بأودي هلي الفندق ونلتقي..
عامر بحذر\وغازي..؟؟
راجح بثقة\بأخليه مع جدته وخواله وماعليه شر..
شهقة رشا بخوف وعامر طلع من المجلس ينادي ام فهد..
رشا بصدمة\لا لا راجح لاتخوني تكفى لاااا ..
راجح يضم وجها بين يدينه\رشا ياقلبي اسمعيني..
مابينام غازي الا في حضنك اوعدك..
خلي جدته تشوفه وتملى عينها منه..
رشا بعدته عنها\لا حرام عليك..طاوعتك بكل كلامك..
قلت لي نجي الكويت ونرجع بسرعة..
قلت نزورهم في بيتهم وغازي معنا..وثقت فيك وجيت..
بس تقول اخليه لهم لا ما أخليه هذا رووحي ياراجح ما اقدر اعيش بدونه حرام عليك..
راجح يداريها\رشا وين كلامك عن هديل وظلمك لها..
تبين تعيدين غلطك بغازي..؟؟تبين تحملين ذنوب قطع الأرحام..
الرسول والدين وصى بصلة الأرحام..هذولاء خواله دمه من دمهم..وأنتي بسواتك تقطعين بينهم من غير حق..
رشا\لاتجرحني في ديني ياراجح...أنا ماني قاطعة رحم ولا شرانية..
أعرف نفسي ما اقدر اعيش من دونه...
راجح يهديها\مابتعيشين من دونه..وهو مابيقدر على فراقك..
شوفي كيف متعلق فيك..مايبي أحد غيرك..
حتى أنا لما أشيله عنك يجلس معي دقايق ويركض لك..
رشا بهدوء\يعني بيبقى معي..؟؟
راجح بصدق\بيبقى معك إذا الله كتبه..وإذا ربي ماقدر ارضي بالواقع..
رشا بخوف\راجح لاتخوفني تكفى...
راجح يضمها\ما أبى اخوفك..وبنفس الوقت ما ابى اكذب عليك وأعشمك بوهم..
وقف وشال غازي قبل لاتغير رايها وتمنعه..
ضمته لها بقوووة وهي تشم ريحته وتتفداهـ..
حاول يرجع ليدين رشا بس راجح بعدهـ عنها وخرج من المجلس..
مشت وراهـ وهي تبكي وتناظر غازي اللي يمد يده من ورى ظهر راجح لأمه..
سلمه لعامر وهو يوصيه عليه ..
خذاه عامر وصار يلاعبه ويهديه لما شافه يتعبر ودموعه بعيونه يبي راجح اللي بعد عنه..
فتح باب السيارة لها وهو ساندها..
ضربته على صدرهـ وهي تسمع غازي يبكي ويناديها..
رشا بنحيب\تكفــــــــى رووح جيبه لي..
حرام عليكم ذبحتوني فيه..أحرقتوا قلبي..
راجح يشدها له\هشششش صلي على النبي..
لاتصعبين الأمر عليك..
رشا\انتوا ماتحسووون..ظالميييين ..راجح حرام عليك اسمعه كيف يناديني..
لاترعبون الولد خلوني اخذه هو يبيني..
راجح دخلها السيارة ولا سمح لها تروح لغازي وعامر..
وقف يناظر باتجاهـ غازي اللي كان يدور على أمه ويصد عن عامر مايبيه..
فكر يروح وياخذه منه..أو يهديه من خوفه وبكاهـ ..
بس مسك نفسه..ركب السيارة وحرك على الفندق..
وطول الطريق ورشا تقوله انت خنتني..وانت ذبحتني..
وهو كان متفهم وضعها وضايق عشانها...

؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛ ؛؛؛؛؛؛؛؛؛؛؛؛؛؛؛؛؛؛

دخل وغازي يبكي وينادي على رشا..
وصلت له عالية تركض وخذت غازي من يده بسرعة..
ضمته بقوووة وهو يبكي مايبيها..
عالية بشوق\فديت قلبك ياريحت الغالية..عساني ما أنحرم منك يابعد هلي وناسي..
عامر بعصبية\أنتي كيف تسمحين لنفسج تدخلين المجلس والريال موجود..
ماتستحين ماتنتخين؟؟
عالية تبكي\عامر تكفى لاتخرب علي فرحتي بغازي..هواشك أجله لبعدين..
عامر بحدة\جبي لا اصكج بوكس على عينج..لو ما ابي ازعل خالتي ولا كان ربيتج..
عالية بقهر\هيه تراك ذليتني كل شوي اطقج العوزج ترى أروح بيت أبوي ماابي منتك..
ام فهد بقوة\علوووي انجبي ياللي ماتستحين..
عالية\تعال معي يا حلو..خالك شوي وياكلنا اعوذ بالله..
غازي يشاهق وقلب شفايفه دليل انه بيبكي أكثر...
ويمد يده لعامر اللي حن قلبه على شوفه بهالشكل وخذاه من عالية غصب عنها..
عالية تشهق\عامر حرام عليك ماشفته زين..
عامر بهدو\ماتشوفينه خايف شوي وينهبل..خليه معي شوي..
عالية بقهر\قول انك تبيه معك وبس...
عامر رفع حاجب\انزين انقلعي داخل خرعتي الولد بشكلج..
عالية شكت بنفسها وناظرت عبايتها وحجابها ماباين منها الا عيونها...
عالية تحتج\لا ماهو خايف مني..أمه لابسة مثلي ماخاف منها...
عامر يناظرها\أمــــه؟؟!يعني متفقين بان حرمة راجح هي ام غازي..
عالية انصدمت من نفسها كيف اعترفت بلسانها ان رشا تصير أمه..
هذا ولد أختها الغالية المرحومة...
مايصير يقولون ان رشا امه وينكرون اختها ..
له حق يعرف من تكون امه..ولأختي حق ينتسب ولدها لها..
عالية بهدوء\أنت ماتترك مناسبة الا وتجرحنا فيها..
لا هي ماهي ام غازي..هذا ولد أختي ولد أختك مع الأسف..
وبيظل معنا رضيت أو عنك مارضيت انزين..

طلعت لغرفتها متجاهلة عصبيته عليها..وتدري ان امها بتهاوشها...
وتعاتبها على اسلوبها مع عامر..
بس هي ماتقدر تظل ساكته وهو يتحكم بكل شيء..
من عمرها 12 سنة وهو متحكم فيها وقاهرها..
لأنه ولد أبو أخوانها تحملته وأحترمته ..
أخوهم الكبير المسئول عنهم ................ وعنــــــــــها..
ترضخ لأوامره كثير عشان امها اللي توصيها باحترامه ..
مع انه كبير ومحترم معها..
بس تنقهر من تحكمه الزائد فيها..

أبتسمت بحب ودخلت غرفتها تركض..
ناظرت بصورة أختها الغالية على قلبها..
عالية بصوت مخنووق\وينج فيه يا لين وينج تشوفين ولدج الغالي..
وهـ فديته عيونه وش كبرهم كانهم فناييل قهوة..هههههههههههههههههههه ماشاء الله طيب مابأنظله..
شمت ريحته وضميته..خذيناهـ من المجرمة السروووق..
مثل ماحرمتنا منه باحرمها منه..
بس حرام يالينو لو تجوفين كيف متعلق فيها..يحبها واااايد..
بس ماعليج انسيه طوايفها الحوووبة..

؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛ ؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛


كانت أخر محطة في توديع المكان ..هي البلكونة الجامعة غرفته بغرفتها..
وقف بمكانها المعتادة..المكان اللي توقف فيه وتناظر لبعيـــــــد..
ركز عيونه في البعيد اللي كانت تناظرهـ..
يمكن بيوم ينضم لها ويترك الدنيا التافهة من دونها..
رفع وشاحها الأبيض اللون..
بس الوشاح بعيونه وشاح اسود أمام بياض روحها..
شم ريحتها فيه وغمض عيونه بحنين لها..

حبيبتي .. أحِسُكِ تمشينَ

في عروقي ..!

ويداعبُ همسكِ وجداني

ذكرياتٌ داعبتـ خيالي ..!

اخذتني الى ارشيفـ الماضي

حيث الحبِ والحنانِ

وغرقتُ في بحر جمالها

وشربتُ من ماءِ حنانها

ياليتَ الذي مضى يعود

وياليتَ في حُضنَ حبيبتي موجود

نزار القباني...

واقف قدام باب بلكونتها هو برا وهي داخل..
والباب بينهم..
كانت تبي تطلع البلكونة ولما قربت من بابها كان واقف قدامها..
حكمت الباب بسرعة تمنعه من فتحه..
أبتسم على حركتها وأشر لها تخرج عندهـ..
مارضت تفتح الباب وتكلمت عل وعسى يسمع كلامها..
هديل بتشفي\عساك تموت بالبرد..
غازي ضحك وغمز لها..
أنحرجت منه وصدت عنه..
أشرت بيدها له يروح ومايتعدى على بلكونتها..
وأنصدمت لما شافته طايح عند باب البلكونة ويدهـ بأعلى صدره ويشد بقوووة..
تراجعت خطوتين عن الباب مفجوووعة..
فكرت تفتح بس قلبها ماطاوعها...
خليه يموت ويتجمد..هو يستاهل يتعذب..
هبلة أنتي الرجال بيموت..
شهقت بخوف لما لاحظت هدوء حركته..
همست لنفسها\مـــــ......ــات..الحمدلله..
فتحت الباب بهدوء وقربت منه..
مدت يدها حطتها على شعرهـ..
شدت عليه ورفعت راسه لها..
شافت ابتسامته اللي أربكتها وخوفتها..
هديل بتصنع للبرود\يوووء لساتك حي..ماتبي تموت..؟؟!
مسك يدها وسحبها بقوة تجلس جنبه..
بعدت عنه بسرعة ويده بيدها..
انحرجت لما جلسها بحضنه..
ضربته على كتفه وصرخت عليه..
هديل بقهر\تراك زوتدها ومسختها أنت ماتستحي على وجهك..
غازي بابتسامة\وين وردتي؟؟!
هديل بخبث\رميتها مالها معنى عندي..
غازي\كذابة مارميتيها وين مخبيته تحت مخدتك ولا جوات ملابسك..
هديل بنص عين\شايفني مراهقة أنهبلت من وردة؟؟
غازي\هههههههههههههههه عدال بس يالكبيرة...يعني مو مراهقة ألحين؟؟
هديل تحب يدها وجه وقفا\شايب مخرف ما اشرهـ عليك..
ركز معي وفتح عقلك كووويس...
غازي \ألحين أنا شايب..؟؟
هديل ببراءة\من اللي قاله؟؟
غازي\أنتي..
هديل\لاتتبلاني...أنا قلت شايب مخرف..أنتبه فيه فررررق..
غازي يسايرها\اشوى على بالي قلتي شايب..
هديل\لا ماقلت..المهم وردتك اللي فرحان فيها رميتها تبي تعرف وين..؟؟
غازي يهز راسه بالنفي\لا ما ابي اعرف...
هديل بحقد\جبـــــان..
غازي\فيك تقولين وااااثق...وما ابي احرجك..
هديل بعصبية\قلت لك رميتها..
غازي ببرود\كذاااابة...
وقفت\قوووم رووح بلكونتك..قسمي لا أشوفك فيه مرة ثانية..
وحركات الأفلام الهندية اللي سويتها قبل شوي لاتعيدها..
تراك شااايب وش كبرك مرااااااهق..
غازي وقف\أنا مراااهق عادي ماتجرح كلمتك...
وبعدين أنا ماسويت فلم هندي..كان عندي شد عضلي بكتفي..
هديل بزعل\بسم الله عليك..ليته في قلبك ويفكنا منك..
صدت عنه راجعة غرفتها..
مسكها من يدها ووقفها قباله..
غازي بهدوء\تبيني أموووت..
هديل بغصة\الموت هو الحل الوحيد لنا..
أما تموت انت...أو امووت انــــا..
غازي\إلى هالدرجة ضايقة فيك الدنيا معي..؟؟
هديل تهز راسها بالنفي\لا...لأبعد مما تتصور...
ما أقدر أعيش من دون هلي...ولا أقدر أعيش مع شخص مايحترم حدود ربي..
أنت واعي وفاهم معنى كلامي...من حجابي..الى لمسك لي بدون حق..
الى محاصرتي بكل مكان وبكل وقت..
هذا الكوكب مايتسع لي ولك..
أما ترحل انت عنه..أو أنا ....

ضمها بقووووة يعاقبها على مجرد التفكير بالرحيل عن العالم اللي هو فيه..
شد على وشاحها الأبيض عليها لحتى حست أنها بتختنق...
همست له يتركها لأنها يألمها..
تركها بعد ماوصل لها رفضه لمنطقها الظالم...

آآآآآآآآهـ لو تدرين إنك اطهر من الصورة اللي رسمتها لك بعيونك..
وأنك زوجتي وحلالي..
حجابك مع الناس مع الغرب ماهو معي..
حدودك مع العالم والأجناس ماهو معي..
خذيتك بذنب غيرك..
شربتك العلقم..أكلتك الحنضل..
قلت أنك بتفكيرك ظااالمة..
والظلم تلميذ عندي..
دعوتك علي تواسيني..
مرحومة يــــا أطهر ذنوبي..


؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛ ؛؛؛؛؛


رفع راسه يناظرهم كلهم حوالينه..
عيونهم ترتجيه يكون بخير...
رجع اليوم للمملكة يرفض الكلام معهم كلهم..
سارح بفكره وخياله عنهم..
لو تدرووون..ياليتكم عن اللي سويته تدروون..
بنتي ماتت يا ام علي..بنتك اللي عزيتيها وبكيتيها من زمان..
توها ماتت من شهر..بنتك ماتت يا ام علي ماتت..
غادة يا أبوك لاتحبين على يدي..
ترى لو طلبك بدلها كان عطيتك..
أبوك خان أمانته يا يوبه..
مايستاهل بركم ومحبتكم..
آآآآهـ ياعيالي كسرت ظهركم في شوفتكم..

حتى امه الغالية على قلبه..
باست راسه وتحمدت له بالسلامة..
كانت أكثر إنسانة يخاف يواجها..
بس هي أم وفاهمة حسرته..
من اللي صار له وإنكسارهـ فهمت أم حسين أن هديل توفت هالمرة صدق..
ماكانت تبي تعرف وش سووا فيها..
وليه طردوها او سفروها برا البلاد..
ماعاد شيء يهم مادامت ماتت..
تموت السالفة معها..
حسرة بقلبها هذيك البنت الغالية عليهم..
تعرف انها ماتغلط ولا تمشي بطريق المعصية..
فكرت بالخير فيها..بس ماقدرت تعرف بأي ذنب خذوها فيه..
غادة تمسح دموعها\الحمدلله على سلامتك يوبه..
والله العظيم خوفتنا عليك..لاتعيدها مرة ثانية..
محمد\لا ان شاء الله مايعيدها مرة ثانية..
ابوعلي يهز راسه ومايرد عليهم..
غادة بزعل\أفا ماتبي ترد علينا..ترى ندري انك تقدر تتكلم وعلى خفيف..
لاتحرمنا صوتك يالغالي..
علي\خلاص ياغادة لاتصرين عليه...ماله حيل يتكلم الحين..
حنان بمحبة\سلامتك ياعمي وخطاك السؤ..
أبو علي يشد على يدها ويهز راسه..
عبدالله يهمس لامه\فكي يد جدي..حسابك في جناحنا..
حنان بنظره قويه\انطم...
عبدالله ينافخ\طيب انا اوريك..مبسوطة يوم جاء زوجك..
حنان تغايضه بصوت واطي\فديته وحشني..
عبدالله عصب\والله ماتمسين الليلة الا عند خوالي وانا حلفت..
حنان فتحت عيونها بقوة منحرجة من ولدها..
علي باستغراب\ولد وش فيك؟؟
عبدالله بقهر\ليش ماتزوجت من ايطاليا بحرمة ثانية؟؟!
علي يغمز له\اعرست يا أبوك اعرست بس لاتعلم امك..
عبدالله\ليه ماجبتها معك؟؟
علي\تبي امك تذبحها..؟؟!
عبدالله\أنت بس جبها وخل أمي علي..أخليك تطلقها في يوم..
ام علي\عبيييد والعافية..خل عنك المحارش بين هلك..تراك رجال ما انت بزر..
عبدالله\انا حلفت الليلة ممسانا عند خوالي..
علي يرمي ولده بكرتون الفاين\أنقلع يا النتفة..قال حلفت وقال مدري وشهو..
عبدالله فتح عيونه بقوووة\تبيني احنث حلوفتي يوبه؟؟
علي\صم ثلاث أيام..
عبدالله\لا مادمت قادر أتم يميني فلازم اتممه..صح ياجدي..
ابوعلي مارد عليهم..
ام علي\صح بس مايحق لك تحلف على شيء مثل هذا..
بكره تقول كلكم ماتنامون الا في الشارع..وتحلف علينا..
عبدالله يسايرهم\لا لا ما باقوووله..بس هذي المرة وخلاص ما أعيدها..
لازم اتمم يميني...
محمد بعصبية\عبيييد خلك رجال وافهم الكلام..
الحلوفة ماتصير على كل شيء وأي شيء..
خل يمينك قوووية واحترم اسم ربك لما تقووله..لاتحلف على اي شيء وكأنك تاكل حلاو..
عبدالله\طيب فهمت خلاص...
محمد وقف\ولد كله ولادينك لاتتهاون فيه..فاهم..
عبدالله خاف\خلاص والله فهمت..
علي\خلاص يامحمد شكله فهم كلامك صح..
عبدالله يناظر أبوهـ بنظرات خبث..
قرب من امه أكثر وهمس لها بكلام..
وشوي الا رفعت حنان راسها وناظرت بعلي..
ضيقت عيونها بقوووة وصدت عنه..
علي طير عيووونه بولده اللي يبتس ورافع حواجبه لأبوووهـ..
وأرسل رسالة من جواله..
قم وصلنا لخوالي ...
علي قام بسرعة يبي يمسك عبدالله اللي شرد من ابوهـ ووقف ورى راكان..
راكان وقف بسرعة وهو يضحك على شكلهم..
راكان\هههههههههه اصبر علي والله ماتمسه اصبر يارجال..
علي يبعد راكان من طريقه\وخر انت بس خلني أفغصه الضب..
عبدالله بنذالة يتعزوى\وش ذا الكلام يا ابو عبدالله تفغصني..أخو نورة ..
محمد\هههههههههههههههه عليك فيه ياعلي نفدا خشتك..
عبدالله\خلك محضر خير يا الدوووب...
راكان\علي لاتخليني احلف عليك ماتمسه..صل على النبي يارجال..
علي يأشر لعبدالله ويتوعد فيه\عليه الصلاة والسلام..
رجع علي يجلس قريب من أبوهـ ..
وعبدالله جلس لاصق براكان..
بعد ماتطمن من أبوهـ ناظر براكان وشافه يناظر بغادة..
دقه كوع على بطنه وراكان فز وناظر فيه مستغرب..
عبدالله بصوت واطي\سلمت على جدي ماودك تروح بيتكم ترتاح بعد السفر..
راكان مستغرب\وشهو..؟؟!
عبدالله\غادة عطشان ادخلي جيبي مويه الله لا يهينك..
كلهم ناظروا فيه مستغربين أمرهـ لغادة..وبصوت عالي..
غادة ماحبت تكسر كلمته قدام كل اللي في المجلس..
وقفت وبابتسامة\ابشـــر..
خرجت من المجلس الا وتسمع صراخ الشباب عالي..
رجعت بسرعة وشافت راكان سادرح عبدالله على الأرض ويعضه..
علي جالس مكانه مبسووط\عطه كم بووكس وكم شوووته خله يتأدب..
عبدالله يستنجد\وغــــ....ــدة روحي البيت قبل أحووسك الحين مع الوغد حقك..
يوقف بسرعة ويدف راكان وينط عليه مثل حركات المصارعة اللي متعلمها من التلفزيون..
راكان كتفه بسرعة وهو يضحك عليه..بس لما ناظر بغادة عفس ملامح وجهه وهو يشوفها تترجاه يفك عبدالله..
فكه ومثل عليه ان عبدالله قوي ومايستهان فيه..
راكان يمثل التعب\أتاريك ياعبييييد ماشاء الله قوي وينخاف منك..
عبدالله نفخ صدره\عشان تدري المربوعين يطلع منهم..
محمد يضحك ويقفل جواله\بعد ساعة فلمكم الوثائقي هذا اعرضه في اليوتيوب..
علي بعدم رضا\حالتكم حالة..لو واحد ماشي في الشارع صوروه وحطوه في اليوتيوب وقالوا مدري وشهو..
قطووة تركض صوروها وقالوا شوفوا أول قطوة تركض في التاريخ..
محمد\ههههههههههههههههه لا بأكتب هوشة ماحصلتش ..
عبدالله بحدة\أقول لاتعرض صورنا في خرابيطك ترانا عيال قبايل والله..
محمد\وخروا منه خلاص جاه عرق البداوووة الأصيلة..
عبدالله\ترى لو مامسكني راكان منك ولا كان حستك مثله..
راكان بغيض\خذ راحتك قم عليه..
عبدالله\لا خلاص سامحته شفه كيف يتنافض..

صد عنهم غارق بحزنه عليها...
ماعزاها من زمان..كان في قلبه امل يلقاها ويرجعها..
صار دوره اليوم يبكيها ويفقدها للأبد مثل ما فقدوها..
عطيتها له عطية..خذاها مني وانا أتفرج..
ياحسرة بقلب أبوووك ياهديــــــــــــل..
ياحسرة في قلبي وروحي..
وش اقول لربي يوم يسألني عنك...؟؟
كيف أواجه ربي وانا ماصنتك وحفظتك..
زوجتك له وانا اعرف مابيداريك ولا يراعيك..
عطيتك اياهـ مكسورة الروح والقلب..
شفت الشك بعيونك وتغاضيت عنه..

هديل بنتي مثل نور الضحى
أسمع فيها هدهدات العويل..

تقول يا بابا تريث فلا
أقول إلا سامحيني .. هديـــــل..



؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛ ؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛

ياعمري الدنيا ماتسوى تنام وخاطرك زعلان..
ولا شي يستاهل يخلي قلبك يعاني..
طلبتك كان لي خاطر تبعد عنك الأحزان..
فديت عيونك الحلوة تبسم لو على شاني..
حبيبي صارلي مدة أشوفك تايه وحيران..
وأنا لاشفتك حزين تزود أحزاني..
أناأحبك ولاودي تعيش بدنيتك ندمان..
ترى الأيام محسوبة وتالي هالعمر فاني..

دخل غرفته بس مالقاها موجودة..
كان يدري وين بتكون..
فتح الباب وشافها جالسة على الأرض عند سرير غازي..
ألعابه حواليها ملابسه بحضنها..
قرب منها بهدوء وجلس جنبها..
من يوم رجعوا السعودية وهي زعلانة منه ماتتكلم معه ولا تراضيه..
خذا منها ولدها وعطاه لغيرها..
تجاهلت وجوده..او يمكن ما انتبهت لتواجده قريب منها..
كانت عايشة بعالم ولدها المحرومة منه..
خذوهـ منها مارحموها..ماراعوا قلبها المكسور..
راجح بحنية\رشا ياقلبي إلى متى بتعذبين نفسك كذا..
غازي بسم الله عليه حي وبخير..لازم تتعودين على فراقه فترة ويرجع لك..
رشا\.........................................
راجح\مايهون علي أشوفك على هالحال..
تعتبريني عدو لك..أدري انك مقهورة على بعدهـ ومشتاقة له..
وتحسبين أني خذلتك وحرمتك منه..ياغلاي ترفقي بعمرك ...الحزن ماهو زين لك..

فكري في امه المرحومة لو كانت حية أكيد تبي ولدها يعرف امها وهلها..
رشا بشهقة\فكري في أمه..فكري في غازي نفسه..
فكري بابوهـ..فكري بالناس كلهم.. وأنتي يارشا موووت بحسرتك..
مالك شغل فيه لا انتي امه ولا أنتي أبوهـ...أنتي بس طفيلية تطفلتي على حياته وخذيتيه من غير حق..
مالك حق تحبينه وهو سنين بحضنك..مالك حق تلمينه وهو ماهو من بطنك..
رشا انتي مالك حق بغازي ما أنتي امه...أنتي بس ربيتيه وسهرتي عليه وحضنتيه..
وغير كذا مالك شغل فيه..محدن يدري باللي في قلبي لغازي..
ماني امممممممممممه والله ماهو من بطني..بس هو من قلبــــــــــي قطعة من روحي..
خذيتوووه مني قهرتوني...اتهمتوني بالظلم والنصب..
جرحتوووني وخنقتوني وأنتوا تتفرجون...
أنا نخيتك وأنت لويت ذراعي..طلبتك تحفظه لي منهم..بس أنت بنفسك وديته لهم..
عطيتهم اياه وأنت مبسووط بقهري..وهم خذوووهـ..
وهو بينساني..بينسني لأني ماني أمـــه..
حتى أم سعود زعلت علي ليش ماقلت لها..غازي وطالب ماوقفوا معي..
عاقبتوني لأني حبيته.. بس عشاني حبيـــــــــــــــــــــــــه..

غطت وجها ببجامته وانتحبت بصوت عالي..
راجح ضمها له بقوووة وهي تضربه وتحاول تبعد عنه..
وقفت بسرعة ورمت بجامة غازي عليه..
رشا بغصة وهي تبكي\خلاص خذوهـ لكم..تهنوا فيه..
ربوهـ بكووهـ كبروهـ ولا اذبحوووهـ..
هو ولدكم أنتوا هله وهم خواله..
انا ماعاد لي عازة فيه..ما ابي اشوووفه مرة ثانية ولا أعرفه..
خذوووهـ لكم ما أبيييييييييه...أصلاً ماعمري حبيته..
كان هم على قلبي..مربطني ومعقدني بحياتي..
كنت ناسية نفسي معه مثل الخادمة والمربية له..ماعمري حبيته ولا راح احبه..
انتوا خذيتوه مني...أنتوا قتلتوني..
أكـــــــــرهك ياراجح...أكرهك يومك ذبحتني من سنين واليوم تجدد طعوونك لي..
انا ممــــــ....ــأ ابيه..أحبــــــــه أمووت من دونه بس ما أحبه ما أحبه..

جلست على ركبها قدامه وضمت نفسها بيدينها..
مد يدينه لها وقربها منه...
ضمها وهي تبكي وتتناقض بكلامها..
بس وعدت نفسها انها مستحيل تشوف غازي مرة ثانية او تحضـــــــــــــنه...

؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛ ؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛


خرج من القصر بعد ما قفل أبوابه..
هجر المكان بعد ما اندفنت حمامته..
ترك المزرعة تحت إدارة فكتور وماريا...
اللي بعد ماعرفوا بموت هديل ندموا وطلبوا منه يدلهم على قبرها..
لكن غازي مارضى يقول لهم وين قبرها..
هم مو مسلمين ولهم شعائر عند القبور..
هديل بمقبرة مسلمين ولا يبي يعرض حرمة القبور المسلمة للإنتهاك..
فكتور زاد حقده على غازي وقاله هو السبب بمقتلها ...
وكانت فرصة ينتقم غازي منه على كل اللي سواه بهديل..
وفرصة لفكتور ينتقم لها منه..
تضاربوا بقسوووة وكل منهم يسيرهـ حقده وكرهه للآخر..
تدخل بينهم الصديق القريب من غازي..
الصديق الوفي ..ماكس..
وكان له من الندم القسم الكبير..
عرف بوفاتها من يوم الحريق..
كان بيحضر جنازتها لكن راجح منعه وقاله وجودهـ غير مستحب..
فهو لن يصلي صلاة الميت معهم وبالتأكيد ماراح يحمل الجثة ويدفنها..
تفهم ماكس قرار راجح وفضل يظل بعيد عن الجنازة والمقبرة..

اما صوفي فهي إنهارت وثارت بوجه ماكس وهي تتوعد بغازي..
كلمت ماريا وهاوشتها لما درت أنها كانت تكذب عليها أن هديل رجعت لوطنها..
اتهمت ماريا بالتواطىء في الجريمة وفي اختطاف هديل..
كلمت محاميها وطلبت منه يرفع قضية اختطاف وتعذيب وقتل بحق هديل..
وأشركت ماكس وماريا وفكتور بالجريمة..
كرهت ماكس اللي كذب عليها وشاركهم بكذبتهم ان هديل رجعت لوطنها وغازي تركها بحالها..
كانت تعاتب نفسها على اهمالها لهديل..
وكل ماشافت أزياءها اللي ساعدتها فيها هديل تتحسر وتزيد من تصميمها على رفع القضية..
واللي صدمها أكثر شيء أن غازي ماوكل محامي..
وسمح لها تتهمه وتصارخ عليه بقصرهـ..
سمح لها تناديه بكل أسماء المجرمين بالعالم..
كانت تبكي وترتجف وهي تصرخ فيه .. كيف أستطعت أن تقتلها ..؟؟!



؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛ ؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛

جلس قريب منها وحط يده حوالين كتفها وضمها له..
حس برجفتها وشدد على يده..
طالب بمحبة\بعدك زعلانة...؟؟
شوق بهدوء\مني زعلانة منك...متضايقة شوي..
طالب\عشااان؟؟
شوق تحبس دمعتها\أنت تدري..
طالب\يعني ما أنتي مصدقة كلام الشيخ..؟؟
شوق تهز راسها بالنفي\مصدقة كلامه....بس قلبي يوجعني مو قادرة..
طالب\الشيخ قالك مادمتي تبتي من ذنبك فلا ذنب عليك..
قال الرسول عليه الصلاة والسلام( التائب من الذنب كمن لا ذنب له )
وأنتي ياشوق تبتي وأستغفرتي ربك...
شوق تبكي\والله تبت والله العظيم تبت خلاااص..
بس ماني قادرة أنساها..أشوفها بكل دمعة..وان ابتسمت تذكرتها وهي تبكي..
عمرها مابكت قدامي..بس دموعها تتجمع بعيونها بقهر..
كنت اضيق لما اشوف دموعها وخاطرها مكسور..بس اتجبر عليها..
كيف كنت غبية وكيف كنت انانية ..ياربييييييي ارحمها ياربي..
طالب\هي طيبة..؟؟جاوبيني..
شوق بالم\مع انها كانت ترد علي وتواجهني..وكانت تدافع عن نفسها وتضربني..
بس من وجها يبان مدى سمو اخلاقها وطيبتها..ياويلي ياقلبي متى انساها..؟؟
طالب بهدوء\شوق باسالك سؤال...من يحبك أكثر مني ومن أمك؟؟
أكثر من رشا ومن غازي؟؟وسعود الله يرحمه..من يحبك أكثر منا..؟؟
شوق\..........................................
طالب\ربي...لاتأسفين على وجود هديل عند ربها..
الله يحبها وباذن الله هي من أهل الجنة...وعسى ربي يكتب لقانا بها في جنات النعيم..
شوق ترتجف\ماتت وحيدة...ماتت تتمنى تشوف هلها وترجع لهم..ماتت مظلومة يا طالب..
طالب\الله يرفع عنا الظلم ويغفر الذنب العظيم..
ماتت ما ألتقت بهلها وهذا شيء مقدر ومكتوووب..لاتعترضين على حكمة الله ياشووق..

مهما حاولوا يدارونها ويخففون من شعورها مايقدرون..
هي مو خايفة من عقاب ربي لها..لان الله غفور رحيم وهي تابت والله يقبل التوبات..
هي زعلانة على هديل واللي صار لها...كيف انقهرت وأنظلمت..وتعذبت لموت سعووود..
وهي مالها علاقة في سعود ولا فيهم...

؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛ ؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛


حطت يدها على بطنها وأسندت ظهرها على ظهر المقعد..
ناظرت بالسماء لو الشمس تظهر شوي..
دخلت شهرها السادس خف الوحام عليها من شهرين..
بس نفسياتها بالحضيض..كل ماحاولت تنسى وتبداء حياتها من جديد..
ماتقدر لان كل اللي حواليها غريب ومالهم أمان..
هذي أول مرة تطلع من البيت من بعد ماسافر أبو نايف..
طلب منها ترجع معه السعودية وهو بيرعاهـا..
بس مارضت..تبي تظل بعيدة عنهم قد ماتقدر..
تعرف قلبها ..وتعرف الحنين بيغلبها وبترجع لهم..
ان كانت قريبهم منهم في السعودية بيسحبها الشوق لهم..
وان ظلت بعيدة عنهم..فماراح تقدر ترجع لهم..
أكثر شيء يضايقها هو اهتمام مرام المباااالغ فيها..
تتدخل بكل شيء...باكلها نومها طريقة جلوسها..
وحتى سرحانها تهاوشها عليه..
في البداية ظنت ان هذا مجرد اهتمااام فقط..
لكن مع الوقت وكثرة مواقفها مع مرام بينت لها ان هذا مو اهتمام وبس..
صارت تحس بشيء من التملك بتصرفات مرام والهوس..
كان المفروض ترجع مرام وتركي السعودية بس هي مارضت..
قالت تبي تكمل علاجها هنا..
الكل استغرب منها وهي اللي رافضة العلاج..
بس شجعوها وخصوصا لما شافوها مبسووطة بوجود هديل او كما يسمونها قمر..

يـــــا أيها الإنسان هل تبكي لما أبكاني
أرأيت ماذا قد حصل في العالم الحيران ؟؟
اليـــــــــــأس يعــــــــبث بالأمـــل
ويـــــــــهز كـــــــــــــل كــــيــــــانــي

العــــين فــــــــــارقها الكـــــــــــرى
و القـــــــــــــــــلب فارقه الأمان
وأرى هنــــــــــــــــــــــــاك أحبتـــي
يلقون أصنــــــــــــــاف الهـــــــوان
وأنـــا هنـــــــــــا في غربتـــــــــــي
مالــــــــــي بنصــــــــــــــــرتهم يدا

يا ليل كم أثقلتني بالهم و الأحزان
أصداء صرخة موطنــــي تنساب في وجداني
فتــــــــى كـــــــــــل نحــري أعيني
بمــــــــــــــــدامـــــــع الحــــــــــــرمان

يــــــا أمــــة الإسلام كم تبكي عيون بنيك دم
فلقد تفرق شملهم وتمزقوا بين الأمم
رحمــــــــــــــــــــاك يا ربـــــــي بهم
رحمـــــــــــاك فاجـــــــبر كسرهم

هتف الجهاد بإخوتي فمضوا بلا استئذان
سأعيد أرضي بالدم القاني و بالنيران
والله لـــــــــن يطـــــــــأوا الثــــــــــرى
إلا عـــــــــــــــــلى جثـــــــمـــاني

أنشودة .. العالم الحيـــراني ...


حست بشيء يطيح بحضنها فزت بخوووف..
وبعدها سمعت ضحكات طفولية.
ناظرت بالطفلة الواقفة قدامها تضك بشقاوة وتمد يدها على حضنها وتأخذ البالونة..
الطفلة\آسفة..
هديل بابتسامة\فديتك مسموحة..
ياسمين باعتذار\أنا آسفة أسمحيلي يا اختي..بنت أخوي مابتعرفش تلعب بدون مشاكل..
هديل برضا\لاتعتذري وتعصبي عليها حبيتها مرة..
ياسمين تبتسم\حبتك العافية..اممم هاي اول مرة اشوفك هان..
باقولك هيك عشان انا بأجي هان كثير واول مرة اشوفك..
هديل مبسوطة بوجود أحد من اهلها بهالمكان..والأهم شافت طيبتها بكلامها..
وأرتاحت أكثر لأن البنت محجبة ..
هديل\أول مرة اجي لها الحديقة...عشان كذا ماشفتيني من قبل..
ياسمين\هيك توقعت..انا ياسمين من فلسطين..
هديل بمحبة\عاشت الأسامي ياياسمين..تشرفت بمعرفتك..
وأنا .....................من السعودية
ترددت تقول اسمها..ماتبي تعترف بذاك الاسم المهجور..المدفون تحت التراب..
ولاتبي تنتسب لذاك الجلموود وتتسمى باسم بنته..
وبذات الوقت ماتبي تكون بدل لروح عانقت السماء وتعيش بشخصية انسانة انظلمت وأهلها يحاولا يعوضوها بهديل..
ياسمين تسأل بضحكة\ايش مالك يا اختي؟؟نسيتي اسمك؟؟
هديل تبتسم\اسمي تبراء مني..وصار الوقت أني اسمي نفسي بنفسي..
ياسمين باستغراب\أمرك عجيب..يعني مالكيش اسم ينادوك فيه؟؟
هديل بحسرة\اسمي قضية وينحل ..
ياسمين بحسرة\معك حق..بتقدري تسمي حالك باي اسم بدك اياه..ماهو قضية وينحل..
بس المصيبة بالقضايا اللي مابتنحلش.
هديل بهدوء\ربك يحلها ياياسمين..
ياسمين بفخر\ماعدناش نرتجي من اي حد إشي..كل املنا بربنا..هو اللي راح ينصرنا ويرجع لنا بلادنا..
هديل بتأييد\الله القادر..وان شاء الله يجي هذاك اليوم اللي تتحرر فيه فلسطين ..
ياسمين\إنتي بحياتك سويتي اشي عشان فلسطين؟؟
هديل بنظرات استغراب\مافهمت عليك..
ياسمين\قصدي اذا كان الك موقف تجاه قضية فلسطين.؟؟
هديل بمحبة\مابيدي شيء اسويه غير الدعاء..
انا لاحاكمة دولة عظمى..ولا رائدة جيوش ولاحاملة قنابل..
قدرتي هي بدعائي رب العالمين يفك عنكم المحتلين والحصار الدائم..
ياسمين\إحنا بنحضر لمسيرة مليونية سلمية...تدعوا لانضمام فلسطين لليونيسكو..
وباذن الله راح ننجح وتدخل فلسطين رغم أنف الحاقدين..
هديل\اللهم آآآمين...الله يقويكم ويفتحها بوجهكم ..
ياسمين تبتسم\لو ماكنتيش حامل كنت سحبتك معنا بالمسيرة..
هديل تضحك ولاول مرة من وقت طويل\هههههههههههههههههههه
وين أروح معكم وكرشي سابقني ..
ياسمين\الله يقومك يالسلامة ويكتبلك اياه من الصالحين..
هديل بغصة\اللهم آآآآمين..مبسوطة لاني اتكلم معك..
فاقدة الناس بقوووة..مو قادرة اتاقلم مع الطليان..
ياسمين بتردد\طيب ليش عايشة معهم؟؟
أنتي الك بلد.. الك مملكة وشعب..ليش عايشة بعيدة عنهم؟؟
هديل\جاوبيني أنتي أول..ليش عايشة بايطاليا..؟؟
ياسمين تتنهد\لأني ترحلت مع أخوي وعائلته من بلادنا..
أستوطنوا مدينتنا وصارت إلهم..أنا بغربة عشان غربة الوطن..
هديل بعبرة\أنتي متغربة عشان غربة الوطن..
وأنا متغربة عشان غربة الأهل..
ياسمين\ايش مالهم اهلك؟؟
هديل برفض\ما ابي اتكلم عنهم..فيك تقولي مابقى لي أهل..
ياسمين\هذا مش عذر يخليكي تعيشي بدولة الغرب وتتركي وطنك..
هديل\هذا المكتوووب يا ياسمين...
ياسمين\لكل شء حكمة يا............
هديل تبتسم\مو قادرة اسمي نفسي...
ياسمين\اممم طيب اللي في بطنك ايش ناوية تسميه أو تسميها..؟؟
هديل مصدومة\اللي في بطني اسميه؟؟
ياسمين تضحك\هههههههههههههه لا خليه مجهول مثل أمه ..
هديل\.............................................
ياسمين\يا اختي مالك سرحتي عني..؟؟
هديل برجفة\مافكرت باسمه..ماطرى في بالي اسميه..
ياسمين\مابيحتاج كل هالخوف منك..اذا كان ولد سميه على اسم ابوهـ..
وان كانت بنت سميها ياسمين بما ان امها مالهاش اسم..
هديل بغصة\ابــــوهــ؟؟؟
ياسمين\ايش مال بترجفي؟؟ مالك يا اختي؟؟
هديل\ابوووهـ؟؟لا..لا مايصير..مستحيل مايصير..
ياسمين تشد على يدها\ايش مالك..ايش صار لك...؟؟
اهدي الله يخليكي اهدي...
هديل\لاتقولي ابوووهـ...ماله أبو لاتقولي ابوووهـ...
ياسمين\ طيب خلاااص زي مابتحبي...بس استهدي بالله و صلي على النبي..
بداخلك روح لاتفجعيها..
هديل بخوف\ابى اروح البيت...باروح البيت..
ياسمين\ بتحبي اتصلك ع حد يجي ياخذك..؟؟
وقفت هديل وهي تترنح وخايفة..
تتلفت حواليها يمكن يشوفها...
يمكن يعرف هي وين وبعدها بيذبحها ويمكن يذبح اللي في بطنها..
هديل\لا....مـــ.........ـافيه احد..ممـــ.......ـابي احد..
ياسمين\طيب انا بمشي معاك وبوصلك..مابيصير تمشي لحالك وأنتي بحالتك هاي..

حاوطت هديل بيدها..وأستندت عليها..
تمشي وتحاول تخبي نفسها لا يشوفها..

خرجوا من الحديقة بعد ماياسمين وصلت بنت اخوها عند اخوها واستئذنت منه..
دخلوا باحد الشوارع وكانت عائلة ياسمين تعيش بهذاك المكان..
طلبت منها تدخل معها وترتاح عندها..
بس هديل تبي تتخبى من الكل..
تبي تظل لوحدها وتفكر بسالفة الاسم اللي مافكرت فيها من قبل..
وصلتها لبيت ابو نايف..واستئذنت منها على أمل تلتقي معها مرة ثانية..

؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛ ؛؛؛؛؛؛؛؛؛؛؛؛؛؛؛؛؛؛

دخلت البيت وأنصدمت بوجه مرام يفتح لها الباب..
مرام بعصبية\وين كنتي؟؟كيف تطلعين من دون ماتقولين لي؟؟
انتي باي حق تتصرفي على هواك؟؟
هديل باستغراب\نعـــم؟؟
مرام\ليش ماقلتي انك طالعة؟؟ليييييش؟؟
هديل بغيض\لأن مالك شغل اطلع او انفلق..
فكي عني باهتمامك الغير مرغوووب..
مرام بصدمة\كيف تقولين كذا انا ما أذيتك؟؟
هديل\مرام واللي يرحم والدينك...انا مو ناقصة هم ولا ناقصة قهر ومصايب..
أبونايف حلف علي ما اترك البيت أنا جالسة بس عشانه حلف علي..
أنا ما أبي أحد في حياتي ولا أبي انتسب لأحد..لاتضيقينها علي بتصرفاتك..تراك تخوفيني ماتريحيني..
مرام تبكي\لاتروحين تكفين قمر لاتروحين خليك معنا..
أنا اخاف عليك الدنيا مالها امان..حتى ظلك يخونك انتبهي ياروحي..
هديل تحبس دموعها\مرام وش فيك كذا؟؟ليه خايفة علي..؟؟قولي..
مرام تلمس بطن هديل\أخاف يحرمونك منه مثل ماحرموني من ضناي..
هديل بشهقة\ضناك؟؟!
مرام\كنت مثلك حامل..وأفكر فيه كل ما انام او اصحى..أجلس امشي اسبح..
طوول الوقت مرافقني..بس خذوه مني خذووه..
هديل تضمها بقوووة\من اللي خذاه منك؟؟
ليييه ياخذونه ويحرموك منه..؟؟من اللي خذا ضناك يامرام؟؟
مرام بحزن\أبــــــــوهـ هو اللي خذاهـ..
هديل برجفة\وين وداهـ..؟؟؟
مرام بانهيار\شربني عشبة تذبح الولد من دون ما أدري...

تجمدت يدينها حوالين مرام ودموعها الحارة تحفر خدودها...
همست بانهزام\يارحمــــــــــــة ربـــــي ...
شاركت مرام بكيها وهم يحضنوا بعض..
صوت بجوات روحها يصرخ بحــــــزن..
ليه يقســـــــــــون على عيالهم...
ليــــــــــــــــــــــهـ ..؟؟!



؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛ ؛؛؛؛؛؛؛؛؛؛؛

جالس ورى مكتبه بشركته الخاصة دخل عندهـ المعاون وأستئذنه بدخول شخص يبي يقابله..
رفض مقابلة أي احد وكل اهتمامه في المشروع اللي بداهـ من أيام حمامته الراحلة..
سكرتيرهـ شد انتباهه لما قاله الشخص عربي الهيئة..
رفع راسه باستغراب وسال عن اسمه..
غازي\هل ذكر اسمه؟؟
......\لا لم يفعل طلب لقائك فقط..
غازي بهدوء\ادخله من فضلك..

انسحب السكرتير من المكتب وغازي رجع لباقي المشروع..
اسم مشروعه ..حمامتي ... My Dove..
تهيئت له عيونها الغالية على قلبه..

رفع راسه يرحب بالزائــــر الغريب...
وقف من غير وعي لما شاف ضيفه..
رجعـــــــــــــت يقسم بدواخل قلبه وروحه..
حمامته رجعت واقفة قدامه..
رغم الفرق الكبير بينهم بس نفس عيونها..نظراتها..
فيه من ملامحها..برائتها..
والمصيــــــــــبة انكسار بعمممق عيونه..
يشبه انكسارها وشوقها المعذب..
ياما تمنت تشوفه..
وش كثر حبته ودافعت عنه..
فدته بروحها بحياتها و أنهزمت عشانه..
حمامته تناظرهـ بعيون توئــــــــمها..

هــادي بهدوء\السلام عليكم ورحمة الله وبركاته ..