رواية الحرف التاسع والعشرون .

[Bq]

يعطيج ألف عافيه عن نبذة الكتاب منت حابة أعرف شنو فيه

 

[kooka83]

مبروك دكتورة لولوة على روايتج الجديدة
اتمنى لج مزيد من النجاح والتألق ...
سعدت جدا بلقائج ومعرفتج ...

 

[Dr.LULWA]

أهلاً بكم أعزتي .. شكراً لهكذا مرور

 

[Om eL-3a9aGeeL]

سؤال فيه لقافة شوي >> دكتورة ولا ليلحين تدرسين؟

:

الله يوفقج وماشالله اسلوبج راقي , ان شالله اذا قريته اقولج رايي

 

[تولين]

كنت في المعرض
حاولت اشتريه بس شخص طول قاعدين يسولفووون معاااه ابي اشتري الكتاب ماقدرت

 

[حرووف الشووق]

:q8: الكاتبه لولوة محمد تحياتي لج :q8:
انا اليوم رحت معرض الكتاب عساس اشتري كتابج الحرف التاسع والعشروون واشتريته ولقيتج موجوده وبصراحه انتي وااايد ذوووق واسلوبج وااايد حلوووو فديتج وانشاءالله اقرى الكتاب واقووولج رايي بالكتاب وبكل صراحه
اتمنى لج التوفيق والى الامااااااام دائما

 

[shosho27]

المؤلفة لولوه
شلونج وشخبارج انشالله بالف خير
انا رحت المعرض وشريت كاتبج وكنتي موجوده ووقعتيلي اياه وقتلج انشالله راح اعطيج رايي لما اخلص الكتاب
اليوم ببدى اقراه وانشالله اقولج رايي باسرع وقت واهو من المقدمه مالته شكله عجييييب

والله يوفقج انشالله والى الامام دايما

وشفت لتل كوين بعد كانت واقفه وسلمت عليها لانها جكتني يوم قتلج اقولج رايي بالمنتدى

سي يو باقرب وقت بروح اقرى روايتج الحين

 

[Ms_sWeeTaa]

اختي لولوة
انا توني رادة من العمرض وشفتج وسلمت عليج وانتي عرفتيني اول ما ييت :$
فديتج تهبلين مشالله واسلوبج اينن

والكتاب شكله يشووق والله حدي متشوقة اقراه وانشالله ابدي فيه قرييب

مشكوورة على التوقيع
الله يوفقج انشالله

 

[لجين العبرات]

كل الشكر لكافة الأحبـة اللواتي مررن بالموضوع


بالنسبة للقديرة : جمـانة ،

تحيـةً إليكِ أيتها الفاضلة ، بقدر مايحمله هذا الإسم الرائع من معنى ..

شكراً لكلماتكِ .. ولإحساسكِ .. ولتشجيعكِ

وإن شاء الله سأحادث المكتبة بشأن نقل الكتاب للمعارض المقامة بالخليج ، ولكن أحتاج لمعرفة إسم دولتكِ

عزيزتي ارسلت لكِ رسالةً على الخاص

 

[~q8ia~]

يعطيج العافية

و انا شريته بس ليلحين ما قريته لما اقراه ان شاء الله اقولج رايي...

و اول يوم 31/10 على ما اعتقد يوم الجمعه شفتج كنتي واقفة يم كتابج و قاعده اقول يحليلها حبوبه كنتي علطول مبتسمة ما شاء الله والله انج رفعتي راسنا و الله يوفقكم يا ادباء الكويت كلكم

و بس=)

 

[Dr.LULWA]

امبيـــــــــــــــه حيااتي انتو والله :**


لما اقرى كلامكم احس تيينيي البجيـه والله ، صج صج صج ماقصرتو على هالكلام الحلو
الي فعلاً لما اقراها قاعده انسى تعب الدراسه و وقفـة المعرض ،

والله شوفتكم يالغالين تسوى الدنيا .. وايد استانست لما إلتقيت فيكم صبايا وعشان جذي تلاقوني داذماً مبتسـمة
لأن الحمدلله كلامكم خير برهان على نجاحي واكبر دليل على أن تعبي ماراح هباء

الله يوفقكم ويسدد دروبكم يارب ويحميكم من الشر يااارب

وبالنسبة للأخت الي اسألت انا أدرس ولا اشتغل .. لا والله خيتي للحيـني ادرس :$


وباقي يومين على المعرض الي تحس نفسها فااضيه خل تمر اقعد اسولف وياها والله حدددي استانس هههههه اموت على القرقه :$

فديييتكم والله :*


(f) (f)

 

[~q8ia~]

اي مبين عليج صغنون باي كلية او معهد تدرسين؟؟ اذا ممكن

 

[Dr.LULWA]

ههههه اي صغيره للحين


كلية الطب - سنه أولى

 

[~q8ia~]

888
ما شاء الله تبارك الرحمن الله يوفقج يا رب و يسهل عليج

 

[كويتية بحتة]

شكلها الرواية حلوة
بس حسافة اليوم يخلص المعرض
فما راح اقدر اشتريها
يلا خيرها بغيرها

 

[ღ كحلاء العين ღ]

؛
الـــســلآمـ عـلـيـكـمـ و رحـمـة الله و بـركـآتـه

اليومـ مريت المعرض و شريت هالكـتـآب ,,,

و إن شــآء الله بس اتخلص الإمـتـحــآنـآت وأقرآهـ ,,,

بالتوفيق ,,,

و مـــــع السلامــــه ,,,
|~|

 

[برنسيسة زمااني]

شكررررررررررررررررررا

 

[العـــائده]

بارك الله فيك ونفع بك

 

[~q8ia~]

انا قريت الكتاب وايد حلو

يعطيج العافية و بانتظار الكتاب الثاني

و بس حراام عليج على آخر شئ بجيتيني لما ماتت زوجه فراس

و بس حلوة الرواية و فكرتها حلوة...و فيها غموض شوي...

 

[الرباب]

المبدعة..
دكتورة لولوة

لا أستطيع إلا أن أقول وفقك الله..
ولكن هل الرواية تباع في المكتبات؟

إن لك تكن معروضة لحد الآن فأنا أتمنى أن تقبلي بمراسلتي لأقتني نسخة من الكتاب
ومستعدة لشرائها منك شخصيا..

بالتوفيق