.* ~ رواية السجينة لـ مليكة أوفقير .. Stolen ~ *.

[Blue BerrYa]

من بد الروايات هالروايه ماني قادره اخلصها

فعلا ما عجبني ابدا طريقة تكلمها عن الدين اساميهم عربيه مسلمه و سوالفهم مالها علاقه بالدين خير شر !!!!


يعني الواحد لما يدش بهالمعاناة المفروض ودايما الانسان اهني يلتجأ لله فحيل مستغربه ليش ما ياهم هالشعور :\

الحمدلله الذي عافاناه



بنات بسألكم وين الاقي مقابلتها مع اوبرا ؟؟؟؟؟ عيزت وانا ادورها باليوتيوب ؟

 

[الأسطووره]

السلام عليكم




انا بصراحه من زمان مكن 3 سنين قرت رواية السجنه ممتعه ممتعه و شدتني و عجبتني و ما تصورت انه في ظلم لهدرجه بس صح لاحظت انهم عايشين حياة متبجحه الملك يدخل على امها البيت عادي و البنت كانت حيتها ماجنه واللي اعرفه عن الملوك بالمغرب تمسكهم بالديين يعني مو متاثرة بالاميرة اللي تربت معاها بس عموما الرواية جميله و انصحكم فيها




و عقب فترة قريت روايه الغريبه عقب ما طلعت من السجن بصراحه طاحت من عيني حيل مبجله المسيحين و انا المسلمين ظالمين و تشوقها للممارسه الجنس يعني لو قايلة ادور على الحب و تجربه مثل بنات جيلها بلعتها بس وصفها كانمو حلو يعني فرق بينها وبين السجينه و جدا ممله ما انصحكم بقرايتها و الحين شفت روايه اخوها رؤوف و اختها فاطمة ودي اقراهم بس ما شجعتوني بصراحه




و على فكرة الرواية اللي محطوطه اول صفحه مو حلوة ترجمتها و مطولينها واهي قصيرة في روايه اللي حطتها الاخت ترجمة دار ورد احسن وافضل ترجمه و مشكوريين وايد​

 

[وهج الحب]

من بد الروايات هالروايه ماني قادره اخلصها

فعلا ما عجبني ابدا طريقة تكلمها عن الدين اساميهم عربيه مسلمه و سوالفهم مالها علاقه بالدين خير شر !!!!


يعني الواحد لما يدش بهالمعاناة المفروض ودايما الانسان اهني يلتجأ لله فحيل مستغربه ليش ما ياهم هالشعور :\

الحمدلله الذي عافاناه



بنات بسألكم وين الاقي مقابلتها مع اوبرا ؟؟؟؟؟ عيزت وانا ادورها باليوتيوب ؟

السلام:
اختي انصحج تكملينها هي تجربة انسانية ان تحسين فيها كلام يضغط على الاعصاب وان تحسين فيها مبالغة بس تجربة عاشوها ونقلوها وزين نقراها وانتي حليليها بس الحلو ان قريتيها لان اللي يتكلموا عن شئ تكونين تعرفينه وتردين بعدين على وجه نظرك ..

 

[خليجية وافتخر]

السلام
هذا صورة للا امينة طلبتها للاخت ايمانو

وهذا الكلام اللي مكتوب تحت الصورة

صاحبة السمو الملكي الأميرة للا أمينة، عمة الملك محمد السادس. لها وضعية اعتبارية خاصة في وسط الأسرة المالكة وبين الشعب المغربي قاطبة، ترتبط بتاريخ المغرب الحديث حيث رأت نور الحياة في المنفى في مدغشقر وكان يعتبرها الملك الراحل محمد الخامس هدية تؤنسه ببراءتها في منفاه قبل استقلال المغرب في العام 1956تزوجت بالراحل مولاي إدريس الوزاني.

 

[سمرة كويتية]

انا قريت رواية السجينة مرتين ... وقريت روايتها (الغريبة) اللي تتحدث فيها مليكة عن حياتها بعد خروجها من السجن

حرام عورت قلبي شلون قضت 25 سنة بالسجن واحتوت اخوانها ... حسيت ان امها وايد ضعيفة الشخصية ومالها دور في احتواء ابناءها

ومليكة كان دورها اقوى واكثر فاعلية



صراحة حاشني اكتئاب من هالرواية ... وعطيتها لوحدة من زميلاتي ولا ابيها تردها

 

[princess89]

واااو شوقتوني أقرااااهاا

 

[princess89]

http://www.liilas.com/vb3/t86542-2.html
هذا رابط القصة