رواية ( بيت عبد الغني شربت ) اجتماعية واقعية

[Miss Hayoon]

:dالسلام عليكم ورحمة الله وبركاته ​

هذي قصة كتبناها انا وخواتي , رواية اجتماعية تتكلم عن بيت اسرة كويتية واقعية 99% , كلها تقريبا احداث صايرة بالفعل واحداث صغيرة احنا ضايفينها على الرواية , ونتمنى انها تنال اعجاابكم

** البــــارت الأول **​

أسره مكونه من خمس أفراد : ( أبو ) مشدد على عياله باللبس والأكل شوي وحتى الطبايع ، ( أم ) حنوونه عندها ذاك القلب الحنون ، ومن ثلاث بنات بس وطبعا ما تخلى بينهم ادواار الهوااش والمعاير و الغشمره و السواالف اكييد ، وترى الأعمار بينهم قريبه من بعض ( هنادي ) بينها وبين ( رغد ) سنه و3اشهر وبين ( رغد ) و ( حنان ) سنه وحده بس ،
وعلى فكره إن الابو ( صقر ) كبير بالسن وعنده عيال من وحده ثانيه (( 5 بنات و4 صبيان )) يعني ( صقر ) كان متزوج من 2 وحده مصريه والثانية كويتيه بس الحين اهو مطلقهم طبعا ، المصرية عندها 4 بنات 3 صبيان ، والكويتية بنت و صبي واحد وعلى فكره ترى ( صقر ) عــــــــصـــبــــي .
الأم ( ناديه ) واهيا أصغر من ( صقر ) بـ15 سنه . وقلبها ما يخلى من الحب والحنان لبناتها الـ3 وحتى عيال زوجها وكل الناااس(هنود ) اكبر خواتها من الام والابو ، ملامحها ناعمة ، طبعها ماتعرف تتهاوش مع احد يعني وحده مسالمة ، عصبيه شوي ، وخوافه من شي واحد انها تخاف من أي غلطه تسويها لانها تخاف من ابوها ، متفوقه بدراستها ، لما كبرت شوي كان كل طموحها انها تصير طبيبة اسنان بس ابوها ماكان راضي لان بالجامعه و الشغل في اختلااط .
( رغود ) الوسطيه بين خواتها ، لها شخصيتين ، وحده جدام الناس والمدرسه ووحده في البيت ، وجدام الناس خجووووووله بمعنى الكلمه وهاديه ، بس في البيت وما ادراك ما في البيت ( لووول ) في البيت هواش مع اختها حنون 24 ساعة ، وعنييييييييييده وماتحب احد يأمرها وينهيها عن شي باختصار اهيا ماتحب احد يتحكم فيها ، متفوقه بالدراسه ، ومن صغرتها تبي تصير ابله ولين كبرت ما غيرت رايها بهالشي ، وأكثر كلمه تقولها ( امبــيي فشله ! )
(حنون ) أصغر وحده بين خواتها ، شخصيتها اجتماااااعيه ، ولاشي يهمها من صوب الفشله يعني ماتحب شي اسمه فشله ، وكله عندها الحياة حلوه بالنسبه لها ،وكله تقط المصايب ورا ظهرها ، وأكثر مقوله تقولها ( يبا عادي الحياة حلوة ) ، وكله تتعاير مع اختها رغوود وطبعا لازم كل يوم يتهاوشون } هذا ملح الاخوه {

وانشالله البارت الياي بتبدي الأحداث
ونبي نشووف تفاعلكم ويانا عشاان نكمل :d​

 

[Miss Hayoon]

شدعواا بنات 21 مشاهده و ولا احد يرد بس انا بصير احسن منكم وبنزل بارت لووول
بس والله لايغركم اول شي وترى الاحدااث يايه وعجييبه بعد

** الـــبـــارت الـــثـــانـــي **​

نبدي بالاحداااااااااااااااااااااااااااااااث

.:.:.:.:. أول مابدت العطلة .:.:.:.:.:.

رغود : يمااا اليوم اول يوم بالعطله وطبعا احنا كالعاده مانطلع ، انزين انا بس بفهم متى نطلع اووف ، رفيجاتي كلهم طلعوا الا احنا محبووسين في البيت يعني لييش ! (( وهني كانت رغود توها مخلصه من سادس يعني بترووح سابع ، وعلى فكره ترى رغوود شوي شوي عسره مو وااايد ))
الام ( ناديه ) : وااي رغد انتي ليش تحنين جذي اول يوم عطله خل نقعد مع ابوج اليوم عشان يخلينا بعدين نطلع وعشان مايقول : ( أي اول يوم طلعتوا وخليتوني جنكم ما صدقتوا ) .

رغود : اوووووووووه خلاص كيفكم  ( واهيا معصبه )

هنود : وااي رغود سكتي يعني ماتعرفين ابوي ! أي بعدين لاحقين على الطلعات والله خلااص سكتي

رغود : انزين يعني انا شقلت اف

حنون : ويييييع يعني ماتعرفون رغد كله جذي اقول يباا ماعلينا خل نستااانس حتى لو في البيت شنو يعني عااادي .

رغوود عصبت وراااحت لان صج كان ودها تطلع .( وعلى فكره ترى هنادي اهني كانت مخلصه ثامن وبتروح تاسع و حنانو خلصت خامس وبترووح سادس )

رغود تكلم عمرها : انا احسن ارووح ادق على آية ابرك ( آية رفيجة رغود بسادس واهيا مصريه ومشالله رغود كله طاقه الصحبه مع المصااروه خو عادي كلنا اوادم )

رغد : الوو سلام عليكم
اخت آية ( : وعليكم السلام
رغد : ممكن اكلم فاطمه
اخت آيه : أي لحظه
آيه : الوو سلااام عليكم
رغد : وعليكم السلاااااااااام اهلين
آيه : شلونج رغد ؟
رغد : زينه الحمدالله انتي شخبارج ؟
آيه : الحمدالله
رغد : اقوول فاطمه ! اليوم وين بتطلعين ؟
آيه : مادي ماراح اطلع ابوي اليوم عنده شغل ومايقدر !!
رغد : وييي يعني نفس الحاله انا امي تقوول على الاقل بس هاليوم نقعد في البيت والطلعات لاحقين عليها والعطله شطوولها !! 
آيه : أي عادي انا ما همني اطلع ... بس المهم افتك من شي اسمه مدرسه ودرااسه .. وييييييع
رغد من داخلها اقتنعت .. خو لازم رفيجتها اقنعتها بهالكلااام !!
وعاد قعدوا يسووولفوون لين ام رغد قالت تبي التلفون ..

حنون وهنود مبطلين الكمبيوتر (خوماكان عندهم لاب توب ) وسوااالف و
يتهم رغوود جان تقول
حنون : اووه اشوفج رضيتي عن القعده في البيت !!
رغود : أي كيفي ارضى بمزااجي وااي حنون شنو الا تتهاوشين يعني !
حنون : وااااااي شدعواا ما يصير اتكلم يعني ..
هنوود : اووف سكتو انتوا الثنتين اصلا اثنينكم تبون الهواش .. وااي ياهال ياهال
عاد رغود وحنون طخوا ونسوا السالفه وكلهم قعدوا بس سوالف وظحك خو رغود احلى شي عندها الظحك وبس .
هنوود قطعت السوالف : هييييي بنات خل نرووح حق ابوووي ما رحنا قعدنا عنداا
رغود : وييي عاد بدينا ياليت ما بدت العطله .. اوووف

( بالبيت ابوهم امطلعلهم قانون ان اذا قعد بمكان لازم اهما يقعدون عندا )

حنون : أي أي صح خن نرووح قبل لا يعصب مالنا خلق عاد .

.:.:.:.:.:.:.:.:.:.:.:. باللـــــــــــــــــــــــيـــــــــــــــــــــل .:.:.:.:.:.:.:.:.:.:.:.:.:

الساعه 8 صقر قاعد يشوف الاخبار ..
والكل فااضي وماكو شغل خو خبركم عطله !! والكل قاعد بالصاله .

وعقب ما صارت الساعه 9
ناديه : ها صقر شنو تبي عشا ؟!!
صقر : والله حطي لي كورن فليكس ( صقر من زماان واهوا يحب يتعشى كورن فليكس لان اهوا كان دارس بأمريكا ويعني عادي متعود ياكل جذي )
ناديه : أي انشالله .. ها بنات شتبون عشاا عاد انتوا تعالوا المطبخ سوولكم عشا ( لان اهما بعض المرات اهما الي يسوون لهم اللي يبون )
البنات كل وحده تسأل الثانيه انتي شنو تبين وانتي شنو تبين لين استقروا على كل وحده وشنو تبي .

بعد العشا وصقر راح نام بداره لان اهوا طبعه ينام مبجر واهما عاد يستغلون الفرصه ويشوفون مسلسلات لان ابوهم صقر ما يرضى يشوفون مسلسلات ، وعاد اهما ما يسهرون بس حدهم لي الساعه 12 او 1 بالكثيييير وبعدين ناموا كلهم

----------------------------------------------------------------------------- ​

وهالله هالله بالردود ما عليكم أمر :icon30:​

 

[دلوعة vvip]

لا يوقف
كملي كملي حبيبتي

 

[توتا كويتيه]

خوش قصه حبيبتي
بس ويع شالعيشه الله يعينهم
ننطرج لاطولين علينا

 

[Dr.Nouf]

يعطيج العاافية حبيبتي ، بس رفيجتي بالمدرسة بنت عبدالغني شربت ، تهقين تصيرلهم ؟

 

[so_what]

كملي حبيبتي

 

[Miss Hayoon]

مشكوورييين بناات ع الردود ..
و Dr.NouF لا وين تصيرلهم هههههه بس اهما مو صج بيت عبدالغني شربت بس جذي اسم لوووووووووووووووووووول
وانشالله اليوم راح انزل بارت واتمنى يعجبكم

 

[الكويت داري]

مادري ليش تخيلت الابو ابراهيم الصلال

 

[Miss Hayoon]

الكويت داري لوووووول عاد ابراهيم الصلال مرة وحده

 

[Miss Hayoon]

** الــــبــــارت الـــثـــالـــث **​

ناديه : بنات ترى هالسنه ابوكم قال بنرووح السعوديه العمره
البنات : وييييييييي ما نبي مالنا خلق
وكان الكل ما وده بس شيسون اذا صقر قال شي ما يصير احد يعارظه

وعاد قعدوا جم اسبوع يزهبون حق السفر واهما اذا ابوهم بيسفرهم العمره ما يروحون بس مكة والمدينه لأ صقر يوديهم جم منطقه بالسعوديه يعني سياحه وعمره وعلنا اهما ما عندهم أهل هناك

وصار يوم السفره طبعا اهما مسافرين بسياره , والبنات ولا مره سافرو بطياره يعني ولا مره شافوها وناديه من خذت صقر ما ركبت والطياره وماسافرت الا السعوديه وياه

.:.:.:.:.:.:.:.:.:.:.:.:.: الصبـــــح يـــــــــوم الســـفــــــــــــــــرة .:.:.:.:.:.:.:.:.:.

صقر قاعد من الساعه 3 الفير عشان يجهز السيارة
صقر: يالله ناديه قومي قومي الساعة 4
ناديه : انشالله كاني الحين أقوم
وقامت ناديه واهما ناوين يحركون من البيت جذي ع الساعه 6 أو 7
وقعدوا يسنعون مع الخدامه ( اسمـا )
ناديه : يالله بنات قوموا قوموا يالله الساعه 5
حنون : واي يما فيني النوم
هنود :انزين انزين
ناديه : يالله قوموا قبل لا ابوكم يسوي لكم سالفه الحين يالله
رغود: هااا انزين انزين
ناديه : يالله عاد قومو لا ايي ابوكم الحين ويشوفكم
وقامو بطلعة الروح وقامو يساعدون امهم وابوهم وكانوا دايخين
حنون : يبا امي تقول نييب الاغراَض السيارة
صقر: أي ييبو يبو كل شي يالله بسرعه لا نتأخر
حنون : انشالله
وراحت اهيا وخواتها واسما يودون الاغراض وما حركو من البيت الا الساعه جذي 7 وشي واهوا صقر باااااااااارد حده المهم حركو ووصلو الحدود وخلصو الجوازات ومشو وكملو الطريج ... لين وصلوا هنااك والحمدالله تعمروا وراحوا المدينه المنوره وسووا سياحه على السعوديه كالعاده .. وعاد واهما بمنطقة(تبوك)
مرت اخو ناديه عبدالعزيز ( نوريه ) دقت على ناديه وقالت لها ان بنتها ديومه (ديومه عايشه بامريكا من يوم كان عمرها 18 لان الحكومه مطرشتها بعثة دراسة واهيا لي الحين عايشه هنااك ويمكن ماترد والحين اهيا درست الماجستير وبتدرس الدكتوراه وانشالله الله يوفقها ) خاطبها واحد من هناك يعني امريكي طبعا عن حب المهم ناديه ما قالت الا حق بناتها وتأكدت من ان خطيبها اسلم وبس ومرت الأيام .
آخر يوم لهم بالسعوديه ، الكل كان قاعد يجهز عشان الرده وعاد كان احلى يوم بالنسبه حق رغود وحنون لانهم ما يحبون يروحون السعووديه !!

بالسياره .... الكل كان قاعد يتوقع جم الساعه يوصلون الكويت وعااد كل واحد وتقديره !

لما وصلوا الكويت تقريبا جذي الساعه 2 بليل .. الكل كان دااايخ وفيه النووم بس نزلوا كللللللللل الاغاض اللي بالسياره وصار البيت كله زهييويه(وانتوا بكرامه )
وعاد على ما نظفت الخدامه الحمامات وناديه نظفت الثلاجات عشان يحطوون الاكل فيها و هنود و رغود و حنون راحوا غرفتهم فوق وعلى فكره البنات كلهم بغرفه وحده !! يعني يونسوووون بعض والبنات ماعندهم سوالف وخرابيط كلش
المهم راحوا غرفتهم وبدلوا الكفرات والشراشف والمخااد ( مخده ) عقب هذا كله راحوا نااااااااااااااااااااااااموا ارتاااااااحوا !!!


اليوم الثاني قعدوا ناديه وصقر والخدامه من النوم الصبح و ناديه والخدامه
( اسما ) يرتبون وينظفوون ولما صارت الساعه 9ونص

ناديه : يلا اسما روحي قعدي البنات من النوم .

اسما : زين ماما !
اسما : يلا بنات قومي قومي يلا هنادي يلا قوم حنان رغد يلا !
حنان : هاااااا زين زين انتي روحي واحنا نقووم
هنود : زييين انتي صكي الليت ولا تبطلينا

ورغــــــــــود طنـــــــــــش تــعــــــــــــــــــــــــــــــش

ناديه : ها قعدوا ؟!
اسما : قول زين الهين قوم
وبعدين البنات قاموا وغسلوا وبدلوا وساعدوا امهم في الترتيب .​

 

[Riooma]

waiting waiting

 

[Riooma]

oo atmana ekon alpart a6wal

 

[الكويت داري]

هيون عشان مسلسل درس خصوصي

 

[Miss Hayoon]

Riooma انشالله يمكن اليوم أو باجر انزل بارت ومن عيوني احطه اطول

 

[مـ سهله ـو]

تم فتح الروايه القوانين تغيرت :*

يعني عادي اي بنوته تنزل الروايه بس قبلها تحط بقسم الطلبات انها بتنزل الروايه عشان يكون عندنا خبر :*