رواية جديدة للمتميزة الاستاذه علياء الكاظمي

[miss89]

السلام عليكم

وصلني ايميل من الاستاذه الكاتبه المبدعه علياء الكاظمي حول كتابها الجديد

((

قرائي الأحباء



صدر كتابي الجديد (عيناها) وهو اصدار مختلف عن اصداراتي السابقة حيث انه يضم أربعين قصة قصيرة



يعرض الكتاب ابتداء من يوم الخميس 19 مايو في فيرجن المارينا مول و مكتبة ذات السلاسل في الافنيوز و مكتبة العجيري



وابتداء من الاسبوع القادم في مكتبة جرير



أحبتي ... أتمنى أن ينال كتابي الجديد اعجابكم و رضاكم و أن أكون دائما عند حسن ظنكم بي وأنا بانتظار رأيكم به



شكرا على دعمكم و حبكم الذي يعني لي الكثير



أختكم الكاتبة علياءالكاظمي



مايو 2011

))

بالتوفيق لها

 

[Tom ♥ Jerry]

,.


و عليكم السلام (=
آكيد رآح اقراها تسلمين حبيبتي :*

 

[~ miss NERD ~]

مع اني ضايفتها بالفيس بوك ما دزتلي!@@
ان شاء الله اشتريها لما اخلص دراسه =)

 

[:: Diva ::]

موفقه ان شالله

 

[برعم الخوخ]

وناسة

 

[رحيل المرافيء]

ويه مو توه روايتها الاخيرة صدرت متى مداها تكتب قصص قصيرة
كل شهر تصدر كتاااب !!!!!!!!!!!!!!!

 

[Eng_Roka]

علياء اسلوبها يشوق وطريقتها حلوة بس فيها عيب ما تنوع بكتاباتها رايما نفس الستايل

بس اكيد باخذ كتابها وبشوف هالمرة شلون لان شي يديد عليها قصص قصيرة

كل مرة روايه او تكون مجموعه قصصيه

والله يوفقها

 

[Eng_Roka]

رحيل شكو كل شهر ؟؟

انا على حسب معلوماتي ان آخر شي نزلته كان شهامه اللي نزل قبل رمضان اللي طاف اذكر وانا رادة من السفر شفته بفيرجن وخذيته

يعني في تقريبا ١٠ اشهر واهي ماشالله نشيطه

وذكري الله حرام تحسدينها وانتي مو قاصدة

 

[MiṦs ♥ fĩẍ]

ثانكس على الخبر

ان شاء الله راح اشتريها

 

[كراميلا مرة]

ماقريت لها شيء بس البنات يمدحونها
اكيد بقرا لها

 

[رحيل المرافيء]

رحيل شكو كل شهر ؟؟

انا على حسب معلوماتي ان آخر شي نزلته كان شهامه اللي نزل قبل رمضان اللي طاف اذكر وانا رادة من السفر شفته بفيرجن وخذيته

يعني في تقريبا ١٠ اشهر واهي ماشالله نشيطه

وذكري الله حرام تحسدينها وانتي مو قاصدة

انتي قلتيها قبل رمضان
رمضان كان شهر 8 حسبي وقت الطباعة شهرين
يعني 6 شهور واصدرت قصص قصيرة ثانية
الكاتب بعد لازم يخلي فجة بين كتاب وكتاب عشان الناس تشتاق له
متى مداها تكتب
ولاهذا عقد مع شركة الطباعة لازم كل سنة كتاب واحنا ناكلهااا
برداءة المحتوى والمضمون

 

[دلع السلاطين]

اكثر مايميز علياء نشاطها الواضح

احب اقرا لها لانه اسلوبها بسيط وحلوو

لكن الي ما يشجعني اشترى لها او احرص علي كتبها انه رواياتها دايما نفس الشي مافيها تغير كبير
دايما تتكلم بنفس لاطار

 

[Eng_Roka]

انتي قلتيها قبل رمضان
رمضان كان شهر 8 حسبي وقت الطباعة شهرين
يعني 6 شهور واصدرت قصص قصيرة ثانية
الكاتب بعد لازم يخلي فجة بين كتاب وكتاب عشان الناس تشتاق له
متى مداها تكتب
ولاهذا عقد مع شركة الطباعة لازم كل سنة كتاب واحنا ناكلهااا
برداءة المحتوى والمضمون

ايي يعني تقريبا انا شفته بشهر 7 ليش تحسبين شهرين طباعه عقب؟؟

عدي من شهر 8 لي الحين تقريبا 10 شهور

بغض النظر عن المحتوى وجودته اكيد ان دار النشر تشوف اقبال على كتبها لو العكس ما تصدر لها كتب بعد

انا بعد صارت ما تعجبني مثل قبل احسها تكرر وماتطور من نفسها وكله تكتب بنفس الاسلوب مقارنة مع الكتاب الصغار امثال خالد النصر الله وغيره اللي يجددون من نفسهم وتحسين كل كتاب مختلف عن الثاني مع وجود الطابع اللي يميز الكاتب اهي مكررة ومو قاعدة تتقدم

عموما الله يوفقها وانشالله تتعلم من تجاربها

 

[برنسس أوراق]

ثاااانكس

 

[miss89]

يا جماعه تنزل الكاتبه كل جم شهر روايه ولا كل يومين روايه شعليكم منها هذا اجتهاد

والله يوفق الجميع

 

[ليلو جبريت]

رحيل بالنسبه للكتاب اغلب الكتاب يكونون كاتبين رواية كامله بس ماطرحوها فيعدلون عليها جم شهر وبعدين ينزلونها

ومعلووومة ادبية بتفيدج لكتاب يسمى مجموعه قصصية وليس برواية في فرق شاسع

الحمدالله ان لكتاب بيوصلني هالاسبوووع وبيكون ضمن اللسته لجديدة

كراميل انصحج فيها انا احبها مو بس لكتاباتها لا لتواضعها وحسن معاملتها للجميع

الله يوفقها

 

[أنثى اليمامة]

مع أني ولا مره قريت لها ، ولكِن حسب كلام رحيل انه كتابها الآخيره ما صارله فتره بسيطة ، يعني حتى لو سنه شدعوه بهالسرعه ..!
الكاتب لازم يراجع كتاباته وينقيها ويقراها بعد فتره من الزمن ويرجع يشوف وين كلمة فيها خطأ وين عباره تحتاج تصحيح ، هل الآفكار جديده ، مترابطه ، متنوعه ، تعطي الغرض الي مطلوب منها أو لا ، البناء اللغوي غريبة كل 6 شهور نتاج أدبي ؟!

لهذا السبب وبسبب التخم الانتاجي نحصل على روايات متشابهه ومتكرره ، لان الكتاب مافي له مجال او فتره انه يخرج من تأثير روايته السابقه ، لذا يبقى محبوس بنفس الفكره ونفس العبارات ..

عموماً موفقة الكاتبه ..

 

[ليلو جبريت]

يمامه اوافقج الرأي في نقطتج
حاليا بعد ماقرأت ثالث كتاب لها اكتشفت ان الافكار والاسلوب نفسه ماتغير
الكاتب لايسمى اديب الا اذا استطاع تملص كل الشخصيات والمشاعر واطلق لفكره العنان لكن التكرار المميت فالوصف والاحداث والفكرة يقتل الكاتب بسرعه

كتابها الجديد بيوصلني باجر او السبت بأذن الله ويارب يكووون مختلف

لكن علياء كاخلاق وطريقة تعامل تعجبني وايد

 

[دانه الشطوره]

ما شاء الله عليها
رواياتها كل وحده احلى من الثانيه
ان شاء الله بشتريها عن قريب
ربي يوفقها ان شاء الله

يسلموو حبوبه على هيك خبريه