رواية حالنا افضل ، بقلمي
- بادئ الموضوع قمر جنها
- تاريخ البدء
shireen
New member
Ms.romanceya
New member
الجزء الثامن
(في منزل سهيله , في غرفة , عند جلوس جمانه على سريرها و هي تراسل احدهم عبر الجوال بوجه متجهم , دخلت ليلى قائله): بسج بسج , ما تتعبين من التلفون...........
(قالت جمانه متذمره): اوووه ليول , ترى مال خلق , حدي لايعه جبدي.......
ليلى: ليش بعد ؟؟ طلال مسكين ؟؟
جمانه: مسكين !! انا اللي مسكينه ...
(ليلى تحدق بجمانه): جمانو !! , انتي مسكينه! , ايي مبين , مبين من سالفة بدور ولد خالتي حياة , تحطم بسبتج ....
جمانه: ليلى (نظرت لها متضايقه) , مالي خلق اتحجى بالموضوع ...
ليلى: والله نونو حرام تعقد , طاح من عين الكل بسبتج انتي و امي و عبدالله , يعني اول شي , تقولين حق عبدالله احبك , لا و تخطبينه بعد , لما ما عطاج ريج حلو , رحتي تتلزقين ببدر عشان تحرينه (صارت جمانه تومئ بإيماءات الملل و التذمر و اللا مبالاة) , والله كيفج جمانه , انتي ما استفدتي شي , طيحتي روحج من عين عبدالله اكثر , يعني لو خالتي حبت تزوجكم , ما راح تقدر تقنعه , على حركتج باخوه لأنج تبين تشدينه , الحمدلله و الشكر , لا تعليق .....
جمانه: منو اللي عينج محامي عن بدر ؟؟ (تتساءل ساخرة) بدر ؟! وله عبدالله !؟ وله خالتي ؟! انتي تحاسبين و تتحلطمين , ما تفكرين شكثر اني انجرحت ولا زلت مجروحه , حتى انتي تحبين واحد متزوج و مو خايفه من علاقتج فيه ....
ليلى: مجروحه و جرحتي , بالنسبه لي انا , المجتمع ماقصر , ملجت , ما صدقو تطلقت , عشان ياكلوني بلسانهم , من غير ما اغلط , عشان جذي محد يهمني الحين ....
جمانه: الناس ,(ابتسمت بحسره)الناس يسوون جذي محترين من اللي تسويه امي , تزوجت ابوج و تطلقت , و بعدين تزوجت ابوي , تطلقت فتره , بعدين ردت , بعدين طلبت الطلاق....
///////////////
(في منزل حوريه , في غرفة بشاير و مناير , وصلت بشاير للتو قائله): هاااي (صارت تخلع حجابها)...
مناير: شسالفتج مع ابوي اليوم ؟ كنت مستعيله و ما عرفت اسألج ؟
بشاير: شسالفتي انا!! , معصب!! , جمانه بنت خالتي داقه تسألني عن معيد عندنا اذا يغازل وله لا , الغريب بالموضوع !! انه ما زف ليش تسأل عنه , معصب , لانها متصله علي , و اذا لها عاده تتصل علي دايما , استغربت!!....
مناير: هما بيت خالتي سهيله / انا حاطه عليهم x من زمان...
بشاير: اي حتى انا , بس ابوي شدراه !!! يعني احنا لان مسولفه جدامنا سوالف سخيفه , بس ابوي شفيه ...
مناير: من خالتي حبيبتي , ما قلت لج ,,,
بشاير: شنو (باستفهام و استغراب)...
مناير: بدر , معيد بالكليه اللي فيها مريوم .....
بشاير: حلفي , منوووور(غاضبة) , شفتيه بعد يا النحيسه ؟؟
مناير: اي حره شفته , راحت مريوم حاجته , و يات و مدحته , قالت محترم لبق , و ما يرفع عيونه ...
بشاير: اهمه عيال خالتي حياة جذي , يهبلون , شفتي عبدالله انتي , عبدالله يزوغ القلب , جان زين بما ان هو يبي يتزوج ياخذني , بس ما يطل بويهي , تلاقين عنده ياهله...
مناير: لا والله , عبدالله عصبي , مصرقع , الله يعينه على نفسه , اي صح تذكرت , شفت حسون اخوي بجامعة مريوم بعد (ابتسمت) مواعد رفيجته هناك تدرس ....
بشاير: الله يفشله , جدام مريمو؟ تتوقعين تدري؟؟
مناير: اي , تدري ...
(نداء من حوريه): يا بنات....
بشاير: هلا يا حلوه ....
(قالت حوريه غاضبة و متذمره): ايي قصي علي , ساحليني , ما تنزلون انتي و منور تشربون الشاي معانا , نبي نشوفكم , كله قاعدين بالمعتقل !!!...
(ضحكت بشاير قائله): يالله يما الحين يايين ...
(في غرفة المعيشه , كانت حوريه تجهز الاكواب لتضع بها الشاي , فقال حسن): حوريه !! ابي كوب كبير , كيفكم انتي ويا نون النسوه اللي بينزلون الحين / مالي شغل فيكم !! عيل هذا كوب !!
حوريه: ايي خنشوف خنقول حق بلسم , تعالي يا نون النسوه معانا , حسن يقول ماله شغل فينا ....
حسن: لا حوريه لا , لا تربطين عصاعص , انا قلت انتي و اللي بينزلون الحين , ما قلت بلسم ...
(ضربت حوريه حسن على كتفه): عمى بعين الشيطان , والله اذا هذا اولها بينعرف تاليها ....
حسن: لا شدعوه , كلج خير و بركه ام حسون ....
حوريه: ول زين انا مو ام احد ....
(صار حسن يضحك): يما يالله عاد لا تزعلين , اطفرج والله قشمره ....
(نزلت الفتاتين , فجلست بشاير مباشرة , و القت مناير التحيه): هاااي ....
حوريه: و عليكم الهاي و رحمة الله ....
(مداخله من حسن): تعالو !! ما قلت لكم منو لقيت بالمكان اليديد اللي انتقلت له ....
بشاير: منو ؟ حبيبة القلب ....
حسن: تقريبا , بس اللي بلاعبين الاحتياط ....
مناير: حمدالله و الشكر ....
حسن: مقبوله منج , المهم , نور بنت خالتي حياة , قمر العايله معاي ....
مناير: تكفى حسنو , لا تقول لها جذي , ترى مو ناقصه هي , بروحها شايفه حالها (صارت تتمتم) على قولة بشور , يا حلو عيال خالتي حياة , الا هي , بروحها يايه من الفضاء ....
حوريه: بسكم حش ...
//////////////
(مضت سنتان , حيث تخرجت بشاير و حور , و صارت مناير تعمل , ولا يزال عبدالله يود الزواج و يتم رفضه لانه عصبي المزاج , و يشترط بان يعيش في بيت والدته , و بدر نال شهادة الماجستير , اما نور فصارت تزداد رغبتها بارضاء حسن دائما).....
(قالت جمانه متذمره): اوووه ليول , ترى مال خلق , حدي لايعه جبدي.......
ليلى: ليش بعد ؟؟ طلال مسكين ؟؟
جمانه: مسكين !! انا اللي مسكينه ...
(ليلى تحدق بجمانه): جمانو !! , انتي مسكينه! , ايي مبين , مبين من سالفة بدور ولد خالتي حياة , تحطم بسبتج ....
جمانه: ليلى (نظرت لها متضايقه) , مالي خلق اتحجى بالموضوع ...
ليلى: والله نونو حرام تعقد , طاح من عين الكل بسبتج انتي و امي و عبدالله , يعني اول شي , تقولين حق عبدالله احبك , لا و تخطبينه بعد , لما ما عطاج ريج حلو , رحتي تتلزقين ببدر عشان تحرينه (صارت جمانه تومئ بإيماءات الملل و التذمر و اللا مبالاة) , والله كيفج جمانه , انتي ما استفدتي شي , طيحتي روحج من عين عبدالله اكثر , يعني لو خالتي حبت تزوجكم , ما راح تقدر تقنعه , على حركتج باخوه لأنج تبين تشدينه , الحمدلله و الشكر , لا تعليق .....
جمانه: منو اللي عينج محامي عن بدر ؟؟ (تتساءل ساخرة) بدر ؟! وله عبدالله !؟ وله خالتي ؟! انتي تحاسبين و تتحلطمين , ما تفكرين شكثر اني انجرحت ولا زلت مجروحه , حتى انتي تحبين واحد متزوج و مو خايفه من علاقتج فيه ....
ليلى: مجروحه و جرحتي , بالنسبه لي انا , المجتمع ماقصر , ملجت , ما صدقو تطلقت , عشان ياكلوني بلسانهم , من غير ما اغلط , عشان جذي محد يهمني الحين ....
جمانه: الناس ,(ابتسمت بحسره)الناس يسوون جذي محترين من اللي تسويه امي , تزوجت ابوج و تطلقت , و بعدين تزوجت ابوي , تطلقت فتره , بعدين ردت , بعدين طلبت الطلاق....
///////////////
(في منزل حوريه , في غرفة بشاير و مناير , وصلت بشاير للتو قائله): هاااي (صارت تخلع حجابها)...
مناير: شسالفتج مع ابوي اليوم ؟ كنت مستعيله و ما عرفت اسألج ؟
بشاير: شسالفتي انا!! , معصب!! , جمانه بنت خالتي داقه تسألني عن معيد عندنا اذا يغازل وله لا , الغريب بالموضوع !! انه ما زف ليش تسأل عنه , معصب , لانها متصله علي , و اذا لها عاده تتصل علي دايما , استغربت!!....
مناير: هما بيت خالتي سهيله / انا حاطه عليهم x من زمان...
بشاير: اي حتى انا , بس ابوي شدراه !!! يعني احنا لان مسولفه جدامنا سوالف سخيفه , بس ابوي شفيه ...
مناير: من خالتي حبيبتي , ما قلت لج ,,,
بشاير: شنو (باستفهام و استغراب)...
مناير: بدر , معيد بالكليه اللي فيها مريوم .....
بشاير: حلفي , منوووور(غاضبة) , شفتيه بعد يا النحيسه ؟؟
مناير: اي حره شفته , راحت مريوم حاجته , و يات و مدحته , قالت محترم لبق , و ما يرفع عيونه ...
بشاير: اهمه عيال خالتي حياة جذي , يهبلون , شفتي عبدالله انتي , عبدالله يزوغ القلب , جان زين بما ان هو يبي يتزوج ياخذني , بس ما يطل بويهي , تلاقين عنده ياهله...
مناير: لا والله , عبدالله عصبي , مصرقع , الله يعينه على نفسه , اي صح تذكرت , شفت حسون اخوي بجامعة مريوم بعد (ابتسمت) مواعد رفيجته هناك تدرس ....
بشاير: الله يفشله , جدام مريمو؟ تتوقعين تدري؟؟
مناير: اي , تدري ...
(نداء من حوريه): يا بنات....
بشاير: هلا يا حلوه ....
(قالت حوريه غاضبة و متذمره): ايي قصي علي , ساحليني , ما تنزلون انتي و منور تشربون الشاي معانا , نبي نشوفكم , كله قاعدين بالمعتقل !!!...
(ضحكت بشاير قائله): يالله يما الحين يايين ...
(في غرفة المعيشه , كانت حوريه تجهز الاكواب لتضع بها الشاي , فقال حسن): حوريه !! ابي كوب كبير , كيفكم انتي ويا نون النسوه اللي بينزلون الحين / مالي شغل فيكم !! عيل هذا كوب !!
حوريه: ايي خنشوف خنقول حق بلسم , تعالي يا نون النسوه معانا , حسن يقول ماله شغل فينا ....
حسن: لا حوريه لا , لا تربطين عصاعص , انا قلت انتي و اللي بينزلون الحين , ما قلت بلسم ...
(ضربت حوريه حسن على كتفه): عمى بعين الشيطان , والله اذا هذا اولها بينعرف تاليها ....
حسن: لا شدعوه , كلج خير و بركه ام حسون ....
حوريه: ول زين انا مو ام احد ....
(صار حسن يضحك): يما يالله عاد لا تزعلين , اطفرج والله قشمره ....
(نزلت الفتاتين , فجلست بشاير مباشرة , و القت مناير التحيه): هاااي ....
حوريه: و عليكم الهاي و رحمة الله ....
(مداخله من حسن): تعالو !! ما قلت لكم منو لقيت بالمكان اليديد اللي انتقلت له ....
بشاير: منو ؟ حبيبة القلب ....
حسن: تقريبا , بس اللي بلاعبين الاحتياط ....
مناير: حمدالله و الشكر ....
حسن: مقبوله منج , المهم , نور بنت خالتي حياة , قمر العايله معاي ....
مناير: تكفى حسنو , لا تقول لها جذي , ترى مو ناقصه هي , بروحها شايفه حالها (صارت تتمتم) على قولة بشور , يا حلو عيال خالتي حياة , الا هي , بروحها يايه من الفضاء ....
حوريه: بسكم حش ...
//////////////
(مضت سنتان , حيث تخرجت بشاير و حور , و صارت مناير تعمل , ولا يزال عبدالله يود الزواج و يتم رفضه لانه عصبي المزاج , و يشترط بان يعيش في بيت والدته , و بدر نال شهادة الماجستير , اما نور فصارت تزداد رغبتها بارضاء حسن دائما).....
يتبع........
حبيبتي انتي الله يجبر بخاطرج ،، سامحيني على التقصير ،، ان شالله راح اقدم شي احلى في الاجزاء القادمه
Ms.romanceya
New member
الجزء التاسع
(عبدالله عند قبر والده): يبه انا كل مره ايي اقول لك حالنا افضل , لكن , انا حاس اني واقف بمكاني , ابي اتزوج , و اي وحده اتقدم لها ما تبي تقعد معاي ببيتنا , انا مابي اخلي امي يبا , احس اني لازم اكون يمها , نور لي الحين ترفض و بدر (سكت) , ايي يبا حوريتك تخرجت , و نوت تتحجب خلاص ...
/////////////
(صباحا , عندما وصلت نور الى العمل و كانت تترقب قدوم حسن كعادتها , الا انها لا ترغب ان يشعر احدا بذلك , لكن لهفتها لوجوده مرئيه و ملحوظه , فقالت لها زميلتها سالي): نور حبيبي , شو عم تجربي تلاقي ....
(اجابت نور متضايقه): الله , ماكو شي , شفيج سالي كله تعايريني بحسن ...
سالي: لا , ما تزعلي بليز , انا ما بقصد دايئك , بس بطلي تدوري عليه , هوني بيحكو ....
نور: شنو يقولون مثلا , خيقولون , هو اللي يتغزل فيني , هو اللي يحب طريقة لبسي , انا ما راح اخاف من كلامهم , هو ..
سالي: هو شاب , ما يهمو حدا , نور , بعزك كتير وحياة الله , فيكي تحكي لي ما تخافي من شي ...
////////////////
(في منزل حياة , دق جرس الهاتف , فأجابت حياة): الوو ...
سهيله: الو مرحبا ....
حياة: مرحبتين هلا سهيله ,,
سهيله: هلا فيج , شلونكم؟ شصار على عبدالله؟
حياة: عبدالله , هذا هو , يوافقون عليه , و تشرط عليه العروس شقه بروحها و هو ما يرضى , شسوي فيه راسه يابس ....
سهيله: واي حياة , لو عيالج عيالي , جان من زمان منتفتهم , حمدلله و الشكر معقدين (قالت سهيله هذا غيظا لشعورها بكون ابناء اختها افضل من ابناءها , فما كان من حياة الا انها جرحت) عبدالله يبي الحريم بكيفه يقعدون عندكم بالبيت , و اذا شفتي مره و ذكرى وفاة ابوه قريبه يسوي قصه [مابي , اخاف يحددون الملجه او العرس يوم الوفاة] , و نور مو عاجبها احد , مادري ليش شايفه روحها , و بدر خو حدث ولا حرج , وله حور عاد ....
(غضبت حياة و اجابت بصرامه و هدوء): لا حدج عاد حدج , الصراحه يحق لهم عيالي , عبدالله لوا , و بدر ماخذ الماجستير , و نور تقول للقمر قوم قعدني مكانك ....
سهيله: شالفايده بتم جذي عبالج , ما ردها بتعنس ....
حياة: انتي داقه تسألين عنا وله تتمسخرين علينا ,,,
سهيله: الله ! شدعوه ! انا منكسر خاطري عليج حيووت , حاجي عيالج خل يتيسرون ....
حياة: ان شالله بيتيسرون , و عيالي , على كل النقد اللي انتقدتيهم الناس يحبونهم , و شوفة عيونج نور ترفض شوي ايون لها ناس غيرهم , و عبدالله , الحريم كل شوي وحده داقه علي تقول لي لقيت حق عبدالله مره , شوفي عيالج انتي دبري امورهم مالج شغل بعيال الاوادم ...
(جلست حياة وحدها تبكي بعد اغلاقها الخط من سهيله , دق جرس الهاتف ثانية فأجابت): هلا ...
حوريه: هلا حيووت شلونج ؟؟
(صارت تواصل البكاء , فقالت حوريه): يوووه !! شفيج ؟؟
(روت حياة لحورية ما دار بينها و بين سهيلة فضحكت حورية قائلة): من صجج حياة , ختولي ما تعرفينها انتي , تلاقين احد مادح عيالج يمها و استنفرت , اذا بعد مو سامعه ان احد بيخطب وحده من بناتج .....
حياة: حوريه , انا قلبي عورني لما قالت معقدين , لان صج كلامها بدران معقد من بنتها الخايسه , و عبدالله معقد من استشهاد ابوه جدامه , والله اني اموت من الخف لا اييب له عروس و جريب ذكرى استشهاد ابوه ....
حوريه: لا والله اسم الله عليهم يهبلون عيالج ,, جنهم البخت المقعد على التخت , ما عليج منها , انا عطيتج المفيد ....
/////////////////
(نور تجلس على المكتب تتابع عملها , جاء حسن من خلفها و صرخ): شلونج يا شمسي و القمر ؟؟
نور: هلا حسن , شلونك ؟؟
حسن: تمام والله , تدرين , بغيت اغيب و هونت , ولهان عليج , 3 ايام مرضيه , تعودت اشوفج كل يوم ...
(نور بعتب): اسأل نفسك , متعود تشوفني و تغيب هالكثر !!
حسن: والله مسخن يا احلى الحلوين , والله صدقيني ...
نور: سلامتك حسن , ما تشوف شر ....
حسن: ابوي انتي , ابوووووووي , الشر ما اييج (دق جرس جواله , نهض و ابتعد قليلا ليتحدث بالجوال)....
حسن: الوو , هلا فيج , شلونج يا الغاليه , الحمدلله احسن , ايي داومت ,(ضحك) ايي كا هي قاعده هناك , ايي ادري انها حلوه , بعد قلبي والله , غيرانه , منو حظه مثلي , بلسم , ولهان عليج , تعالي , والله دايخ , يالله بالزور وصلت الدوام , ما تخافين علي ما اقدر ايي عندج , راح اتيين , يا الله يا ناس , وناسه , ايي امي كلمتها بتكلم امج اليوم , عشان ايي و انا منشول , حلوه علي النشله (ضحك) , يعني باجر تيين عقب ما اخطبج , حلو اتفقنا ....
(اتت سالي لنور سعيده جدا قائله): ليكي نور .....
نور: هلا ...
سالي: بتعرفي سالم ؟؟
نور: ايي اعرفه , الصبي الاسمر , شفيه ؟؟
سالي: من شوي كان واقف مع شاب , طويل , مش حلو كتير , لكن وسيم , كان الشاب , عم يحكي عنك لسالم , بيقلو انو معجب فيكي كتير و بدو يتجوزك ....
نور: اوووو سالي , من صجج !! على نياتج انتي , تلاقينهم شايفينج و قالو جدامج ...
سالي: لا هني مش عارفين اني جوا الغرفه ....
(دق جرس جوال نور فقالت): هذي امي (اجابت الهاتف) الوو , هلا , هلا حورو , ايي بالدوام ...
حور: امي قالت لي اتصل عليج اقول لج ان فيه وحده داقه عليها تبي تخطبج , تقول ان المعرس معاج بالدوام , جنه اسمه مراد ناصر , لا , يمكن ناصر مراد ....
(نور تنظر لسالي مذهوله): ايي , ليش امي وينها , ليش ما اتصلت ؟؟
حور: امي وديتها النادي , قالت اتصل اقول لج ....
(اغلقت نور الخط و قالت لسالي): شاسمه الولد اللي سمعتيه يحاجي سالم , اسمه ناصر؟
سالي: ما بعرف والله , انا بس سمعتون عم يحكو , بعرف سالم , بس ما بعرف اسم الشاب (التفتت الى الوراء , فوجدت الشاب يقف مع حسن) ليكي , هياه هونيك , عم يحكي مع حسن ....
(التفتت نور اليه): ايي عرفته , هذا اللي يصفط جدام سيارتي....
////////////////////
(دخل عبدالله المنزل , فوجد والدته تجلس مع حوريه في غرفة المعيشه): السلام عليكم ...
حوريه: عليكم السلام ...
حياة: هلا يمه , وينك , من زمان طالع انت , طولت!!
عبدالله: رحت حق ابوي , قعدت شويه اقرا سورة ياسين , اقرا دعاء ...
حياة: زين سويت يمه , يالله احنا ناطرين نور اختك تيي عشان نتغدى ...
عبدالله: زين ...
حياة: بيون لها ناس اليوم , واحد معاها بالدوام شايفها و عاجبته ....
عبدالله: منو هذول ؟
حياة: اللي اتصلت تقول شايفها بالدوام , و لما سأل عنكم طلع يعرف ولدكم ...
عبدالله: انا ...
حياة: جان زين , يعرف بدووور , بدور شنو يفج راسه يخليه يرضى يكون واسطه بهالسالفه ؟!
عبدالله: تحاتين بدور !! حاتي ام هجام بنتج ترضى وله ما ترضى , بعدين بدر ....
حياة: مبدئيا ,, راضيه تشوفه ...
عبدالله: عجيبه , شسمه هو الولد ؟؟
حياة: ناصر مراد ....
عبدالله: وييييه , شخباري , هذا كان مع بدير بنادي صيفي اللي دخلتيه مره , بس هو اكبر منه , يا كبري , يا اكبر مني بسنه ....
حياة: مدام تعرفه يمه , اقعد انت وياهم , اخاف ننادي بدوور يطبن , يقعد ساكت , وله يخليهم يولون و يقوم ....
عبدالله: لا يما , ما اعتقد انه بدر غبي اجتماعيا , ناجح بحياته , بدليل ان الكل يحلف باسمه , مشكلته معانا احنا بالعايله ...
(دخل بدر و القى التحيه): السلام عليكم ...
الجميع: و عليكم السلام ...
(توجه بدر الى السلم فأوقفه عبدالله): بدر ...
بدر: هلا ...
(اقترب عبدالله من بدر و قال له): ابي اسأل , شنو عندك اليوم ؟
(بدر باستغراب): ليش ؟
عبدالله: في واحد بيي حق نوورو اليوم يقول انه يعرفك ...
بدر: يعرفني انا !! منو ؟؟
عبدالله: نصور مراد , كان معاك بنادي صيفي , تلعبون كرة قدم ....
(ابتسم بدر متفاجئ): الله , شمذكره فيني ياي يخطب اختي !!
عبدالله: معاها بالدوام , قرا اسمها تذكرك , و بيي اليوم يخطبها , ها شقلت , تقدر وله لا ...
(سكت بدر قليلا ثم اجاب): ان شالله اقدر , بس ما عندي خلفيه شنو لازم اسوي ....
(على الجانب الاخر , دق جرس جوال حياة): الو , هلا والله ام راشد , الله يسلمج , بخير عساج بخير , عبدالله , صج , عادي تقعد ببيتنا , لا والله هو ام راشد , هو اللي مقفل الامور على روحه , انا مو بروحي شكثر احاجيه ما يرضى , والله ادعي له الله يوفقه ببنت حلال , على الله , فيج الخير ام راشد , ان شالله , انا اقول له و ارد لج خبر , يعطيج العافيه ما قصرتي , حياج الله , مع السلامه ....
(اتى عبدالله لوالدته): يما ,, بدر رضا بس يقول ما اعرف شسوي ,,,
يتبع....
