أهدي لكم هذه الرواية التي تتوعد بالألم وتتجدد بالأمل ...ولا يوجد احسن من رضاء الوالدين ولقاء الحبيب ...
اثارت إعجابي واتمنى أن تعجبكم ....مع لهفتي لقراءة الجديد منها ....وأتمنى تعجبكم وياليت أسمع ردودكم وتوقعاتكم للأحداث...
الجزء الأول
قامت حسنة كعادتها من النوم .. وراحت لدوامها تداوم لتصبح مربية أجيال ..وماشاالله عليها تقوم بصبح عشان تركب مع الباص وما كانت تحب تروح مع أبوها لأنه كان يتأفأف ..وهي كذلك تحب تجلس في الباص وتسولف مع زميلات الباص ...وإن ما جازتلها السوالف تقوم تفتح راديو المبايل لتسمع إما قرآن أوحوارات الصباح على الراديو ونادرا ما كانت تسمع أغاني ...وكعادتها نزلت من الباص واتصلت بصديقاتها بدور و مريم حتى يفطرون مع بعض ..وكانت نقاشات بدور عن المكياج ومريم عن الطبخات وأخر صيحات الموضة ..حسنة ماكانت تهتم كثير بهالشغلات إلا الطبخ لأنها ما تكثر من روحات السوق .. مو خبرناكم في بداية القصة أن ابوها نكدي في الطلعة وأخوانها ما يقدرون للدوامات وأعذارهم شكثرها وأيضا نكديين بس مو زي أبوهم اللي بزود ...المهم أول ما بدت سوالفهم بالطبيخ اهتمت مريم : أمس يابنات طبخت مكرونة أهلي لحسوا الصحن لكن موزي أي مكرونة مع اضافات بصراحة بناااات كل ما طلعتي طبخة بنات خالتي اسرقوا طبخاتي وانسبوها لهم شنوااا هذا .. أقول بس هيا يا صديقاتي عطوني اسم طبخة شنو اسميها طبختي مكرونة مع فطر وبطاط وخرابيط شكثر عطوني اسم طبخة ...تدروووووون شلون أنا أحسلي أحط طبخاتي في كتاب وأطبعلي واحد تصدقون والله لأربح ... قامت حسنة وبدور يضحكون من تحلطم صديقتم مريم كانت نكتة بنكتة ...قامت بدور من طاولة الكافتيريا واتجهت الى ستاند على الزاوية مليان جرايد ومجلات أخذت بدور مجلتين وردت لطاولتهم حسنة : خمطت مجلة ..بدور :: يمه منك بشويش علي ..بعدها تصفحت بدور المجلة وشافت مناظر طبيعية في دول أوربية وقالت : بنات شوفوا ماودكم تسافرون إف لاعت جبدي كل صيف نروح للخفجي إف لاعت جبودنا ...مريم : إي والله تكفين أنا ما تحصلي سفرات حدي الجاخور لا وزين إذا امرحنا إف متى نشتغل عالأقل أفتحلي مشغل ملابس أو مطعم ...حسنة :: قولوا الحمدلله على كل حال المهم عايشين بخير ونعمة محد منكم في علة ولا اعاقة أهم شي الصحة مو الفلوس :... بدور : ما قلنا شي بس بسافر بشم هوااا أقول إدعوا معاي بس ...يارب يارب نتزوج واحد يسفرنا كل مكان ونشم هوا شوي اااااااأخ يارب ....... هني البنات ماقالوا لأ طبعا فكلهم أجابوا: يارب .....بدور : بنات تخيلوا تزوجنا وتحققت أمانينا شنوا الدولة اللي ودكم تروحون لها أنا أولا دولاتي جنيف ,نيوزلندا وهولندا وروما عشان أشوف الآثار .. مريم :: طع هذي وجهها لا حبيبتي ما ني رايحة هناك أنا شكلي حدي تركيا أنا أخاف الدول هذي تصير فيها حالات خطف اعضاء وسوالف الله لايبلانا .. حسنة : أنا بصراحة ما يهمني أسافر اللي يطلعلي حظي ونصيبي بس أهم شي العمرة هذي واجب أديها كل سنة انا ماأشبع من بيت الله يالله أتذكر قبل 6سنين لما رحنا وصيلنا الفجر وكانت الصلاة فيها روعة وريحنا في الحرم لين ما طلع الفجر طبعا لأنه كان زحمة وما كانت فاضية إلا الفخمة وإغسلوا ايدينكم أبوي يقط فلس حمر أنا إذا شريت شي بعشرة دنانير وطلعتهم قدامه أي شي لو إنه جنطة ينعصر قلبه بصراحة شي مو طبيعي .. بس لا تفهمون أبوي غلط لأنه مر بأزمة مالية وهو يحاول ما يهدر فلوسه ...بدور :: المهم أنا أبي اسافر ياعالم مابي اروح الخفجي لاعت جبدي يارب مابي أروح لها خلاص ...حسنة ::: أقول شكلج بتاخذين واحد سعودي وساكن بالخفجي هااااااههههها ...بدور : فال الله الله ولا فالج يارب يارب مابي يارب كلش إلا هناك بالخفجي إنزين رقعيلي قولي الرياض قولي جدة وطبعا أهم شي ما يكون متين ... مريم : بصراحة أنا ما عندي مانع أخذ هناك في حالة وحدة إذا كان ملك جمال مثل الدكتور حمد ألعن أمههههه يازينة ...حسنة : صج بنات مراهقات بلا تفكير وبلا خرابيط أهم شي أروح بيت الله ...بدور ومريم :: أقول حسنة ما يندرى منو اللي يروح بعيد عن اهله إحنا وإلا أنتي ..حسنة : والله أنا مخليتها لله المهم رضا الوالدين والصحة والعافية
...................................................
الجزء الثاني
ردت حسنة وصديقاتها بدورومريم وقربت العطلة وفي يوم من الأيام ..أم حسنة : يما حسنة شرايج نروح للعمرة نتعمر ونعين من الله خير ..حسنة:: يمى تكفين لا تحطميني لا تعلقيني, السنة الماضية تعبنا وحنا نقنع أبوي كل ما قلناله أنا ماعندي فلوس ماقلت شي أخش اعانة الكلية وأروح فيها ..يقول لا ما تكفي واخوانك دوامات يمى ما تبتي ما تعرفين اسطوانة زوجك ..أم حسنة : يمة وشرايج نروح بالباص أوفر وأحسن لنا كله ب20دينار وإن زاد ب30ويمكن نستانس نتعرف على ناسن طيبة وتقدرين توفرينها من إعانتج وأنا ببيع خاتم من خواتمي ال4 ما عندي غيرهم ..حسنة : يمه الباص أولا يبي محرم ومنو بيرضى بيروح وياج كلهم بيتعذرون بدواماتهم وإذا عيالج ما فيهم خير لا تبيعين خاتمج انا بدفعلج التذكرة أنتي أقنعيهم ويصير خيرأنا بروح أصلي العصر وأدعي جود الله يلين راس أبوي ....أم حسنة لزوجهاوهي جايبة صينية الشاي والقهوة : قوة بوخالد
بوخالد : هلاهلا ما هي عادتن لج قولي وش تبين ؟؟ أم حسنة ( أو أم خالد ) : طلبتك طلب لا تردني ياعلك تشوف بيتك بالجنة وتدخلة الله يخليك ؟؟ بوخالد :: قولي وش تبين؟؟ أم حسنة : أبي عمرة دبرلي لا تقول ما عندي فلوس أروح إما أنا وياك وحسنة أو أنا ويا واحد من العيال وحسنة ؟ ... بو خالد :: وليش مانروح كلنا الأربعة والباقين يقعدون مع خوانهم كبار ويقزرون أنفسهم وعيالك الاثنين كبار ورياجيل ويشتغلون خالد وعبدالله واحد منهم يروح معنا وواحد يقعد بس هاااااا أنا ما عندي إلا 70دينار للمصرف .......أم حسنة : أنت ارضى الحين وبعدين لا تحاتي هم الفلوس, ليش ما تخلي عيالك يعطونك فلوس أنت ابوهم وغصب يعطونك ,كل عيال هالناس يعطون أبوهم ولا جت عليك بس خلك رجال وكلمهم وهم انشالله ما يقصرون ... ابوخالد هنا شاش عقلة في راسة: إي لازم أخذ منهم مو أنا أبوهم ربيتهم غصب عنهم يعطوني ماراح أطلب منهم المعاش كله كل واحد 100دينار ماني بأناني ....أم حسنة ركضت لحسنة وفتحت باب الدار وشافت حسنة صلت خلصت وتسلم ......أم حسنة : حسنة يمه أبشرج أبوج رضا يروح العمرة وبياخذ واحد من أخوانج بعد, لا وفلوسج خليهن يمه عندج, أنا كلمته وحرشته بعد ياخذ من أخوانج فلوس للعمرة هااااا وشرايج بأمج ؟؟...حسنة وهي طايرة من الفرحة :يما ياعلج تشوفين بيتج بالجنة يالغالية الله لا يحرمني منج ....جلست تبجي هنا حسنة مو مصدقة رايحة العمرةوقالت: ركض ادق على بدور ومريم ابشرهم إن حلمي تحقق قبل يومين أسولف عليهم وشكثر ودي بالعمرة .....حسنة ركضت لمبايلها ودقت على بدور :بدور قوة شلونج ياعسل عندي لج بشارة ؟؟بدور: ها حسنة بشري أكيد ملجتي ؟؟؟؟؟........ حسنة : ههههه أنتي ما تتوبين لا في لأأحسن منها بسافر للعمرة؟؟ ....بدور : مالت اللي يشوج فرحانة يقول كسبانه ذهب وخير ياطير مو أول مرة تسافرين لها ,الناس كلها تسافر لها
حسنة : من صجج أنا صارلي ست سنين ما سافرت عمرة ,,, المهم تامرين بشي باجر آخر امتحان لي وانا ماراح أشوفكم إلا بعدين السنة الجاية تامرين بشي ؟؟............بدور : والله عارفة شنو وصيتي هالله هالله إرفعي ايدينج للرحمن وقولي يالله ياكريم انك ترزق بدوره رفيجتي بالزوج يارب اللي يفر فيها كل بلد.......... ..حسنة:الله ياخذ بليسج هذي سوالفج أبشري مايصير خاطرج الا طيب بدعيلج وبدعي لمريومة بصراحة ما قدر اطول ..يلا مع الس......بدور : لحظة لحظة لا تنسين نفسج ادعي لنفسج يالخبلة لا تصيرين خبلة هذا حلم كل بنت وحنا تعدينا ال20 إذا ما تزجنا ألحين متى بنتزوج ؟؟؟ حسنة :خلاص أبشري ,أمانة وصي مريومة إذا تبي شي تدز لي مسج أنا باخذ المبايل وياي وبسج عبط يا عسل وباي ...
ركضت حسنة لأهلها ونزلت من السلم وراحت للصالة وشافت أهلها واخوانها مجتمعين ردت وراحت للجلسة الثانية ما تبي تشتتهم لأن خوانها كانوا معصبين....... أبو خالد : حسنة يمى لا تروحين نادي أمج و تعالي أبيكم بسالفة ... حسنة : انشاالله يبا .. هلا يبا ...بو خالد : قررنا نسافر العمرة وأنا أدري إن نفسج فيها من زمان يابنيتي وبيخاوينا أخوج عبدالله ( 23سنة وموظف ) انشالله ...صوت الوالد: ياأم خالد ....أم خالد: هلا بو خالد ..بوخالد : هالله هالله نوينا نحجز الأسبوع الجاي تجهزوا ..لا ينقصكم شي يوم الخميس نهجم للسعودية الساعة 9 مع الباص ..أم حسنة : أبشر يابو خالد أنت تامر ..حل الليل ومسرع ما مشى الوقت وخلصت حسنة من المذاكرة ولازم تنام الحين .. قامت حسنة من النوم وصلت صلاة الفجر ورفعت ايدينها للرحمن وقالت : يالله يارب ياللي خلقت السما بعيدة عن الأرض إنك توفقني في امتحان اليوم وتقبل طاعتي بعمرتي وتسهلها لي يارب والحمدلك والشكر والحمدلك والشكر انك كتبتها لي ... بعد ما خلصت حسنة من الصلاة قام وفي خاطرها تقول الحمدلله صبرت ونلت وبروح أشوف بيت الله بس يارب حسن الخاتمة ..راحت حسنة للكلية وقدمت اختبارها والحمدلله كان لا باس فيه حلت اللي عرفت ..وبعدها ركبت الباص ردت للبيت وتفكر شنو تاخذ وشلون بتقضي الطريق فيه ... ووصل السواق الى بيتها ونزلت والبهجة تترس وجهها والأمال عندها تتجدد ... طقت الباب وفتحلها أخوها خالد ودخلت داخل للمطبخ : قوة يما ها الغدا جاهز ولا تبين أساعدج بشي .. أم حسنة : لا يمى روحي قطي ملابسج وانزلي وتغدي ونادي خواتج يلا يما حبيبتي عسالله يوفقج ويرزقج يا بنيتي ...سوت حسنة اللي طلبت منها أمها ونادت خواتها لللغدا
الجزء الثالث :
مر اليوم الموعود وصار بكرة الخميس والفرحة مالية وجه حسنة وأمها وقاعدين يجهزون اغراضهم وأغراض أبوهم وولدهم عبدالله ..أم حسنة لحسنة : يما حسنة جهزتي ملابس أخوج ..حسنة : إي يما خلصت منها وألحين بجهز ملابس الوالد وأجي أجهز نفسي ..أم حسنة : ياعل الله يفرح قلبج ويرزقج باللي تدعين له يارب ..والله إني أخاف يجي اليوم الي ياخذج مني الرجال وتروحين وتخليني ( تقصد الزوج ) وأنتي اللي مالية علي هالبيت كله إلا أنتي أساسه الي موقفه ..ونزلت دمعات أم حسنة ...حسنة لأمها : لا يمى لا تخافين ماراح أخليج أنا بنتج وإن بغيتي أجيج كل يوم (وقالتها بضحك) والله عاد كيفه ما يحرمني من أمي ..اضحكت أم حسنة على كلام بنتها اللي ينسي الهم لصاحبه ...حسنة راحت تجهز أغراضها عقب ما خلصت من أغراض أهلها ودخلت غرفتها وجهزت ملابسها وجلست تقول : يارب أنا حاسة إني ناقصني شي يارب شنو ؟؟التفت يمين وشمال وجهت نظراتها لغرفتها وحست بضيقة كأنها ماراح تشوف غرفتها مرة ثانية ..راحت نظراتها إلى منضدة التسريحة وأرفف الخزانة وانتبهت للقرآن وارتاحت عرفت إن هذا الشي الوحيد اللي نقصها كتاب الله ...مر يوم الخميس وفزت حسنة من طقة باب أمها الساعة 5على باب غرفتها ..أم حسنة : حسنة يمى قومي ..قومي صلي وتجهزي وأنابروح أجهز الفطور ورانا سفر لازم نحرك من الساعة 8ونص ما نبي نتأخر ..الباص مو لنا بروحنا معانا ناس وما نبي نأخرهم ..قومي أخوج عبدالله عشان يصلي ويجهز نفسة؟؟ ...حسنة : إنشالله يمى أنتي أمري بس ...أم حسنة :عسى الله يوفقج يابنيتي ...سوت حسنة اللي وصتها عليه أمها قعدت خالد من النوم وراحت تصلي وتسبحت ونزلت الشنط لي تحت وشنطة يدها اللي فيها بوكها وكتاب الله ...وجهزت أ م حسنة الفطور ونزل عبدالله وخالد يفطرون ويا البنات ولما خلصوا بوخالد لخالد : يلا يابوك ياخالد حرك السيارة وصلنا أنا وأهلك ما نبي نتأخر عن الباص مانبي نضيق العرب اللي معنا خلص استكانتك ( بيالة شاي ) وحرر السيارة ....خالد : أبشر يبا ....طلع بوخالد عقب ما سلموا عليه بناته وسبق أم حسنة وحسنة ...وجا دور أم حسنة وحسنة يسلمون على بعض مع البنات اللي بيقعدون في البيت ...أم حسنة لبناتها غدير ومها ( غدير ب1ثانوي ومها ب4 ثانوي) :: ما أوصيكم خليكم حريم بيت واحرصوا على البيت وأي شي يبيه خالد سووله اللي يبي ...البنات : انشالله يمى لا توصين حريص ..أم حسنة ::أنا خابرتج يامها بس والله مدري عنج ياغدير خلي الدلع عنج بعيد فهمتي ..
ركبت أم حسنة وحسنة بالوانيت وبوخالد قاعد قدام مع ولده خالد وعبدالله ورى ..بطلت الباب حسنة :وركبت يم عبدالله وركبت بعدها أمها ... وحركوا إلى مكان الباص ونزل خالد من السيارة يودع اهله سلم على أبوه وبعدين سلم على عبدالله وقال : عبدالله ما أوصيك على أمك وحسنة واصبر على الوالد واسمع كلامه أدري إنه نار ومايطلع اللي بيخاطره ووانت تعرفه زين ..عبدالله : أبشر لا توصي حريص أنا خابر الوالد ما أحب أزعلة وأنت تعرفني زين ..تامر بشي .. خالد لعبدالله : أبيك سالم غانم انشالله يلا مع السلامة ..سلمت حسنة وأمها على خالد وركبوا الباص جلس عبدالله وبوخالد قدام عند الرجاجيل وجلست حسنة وأمه بالخلف عند الحريم ..سلمت حسنة على الحريم وردوا السلام اجلست أم حسنة عند مرة اسمها أم سالم وتعرفت عليها وطول الطريق سوالفهم ماتخلص وجلست حسنة عند في الكرسي الأخير وكان الباص زحمة وكان أهو اللي يتسع لشخصين مع البنتين اللي قعدوا فيه وتعرفت عليهم وحدة عالية والثانية فرح وتعرفت عليهم وسولفت وياهم وضيفوها بالشاي والحب والبسكوت اللي كان وياهم وضيفوا أم حسنة وبدا الطريق بالسوالف مرت ساعة من حرك الباص ناموا البنات وبطلت حسنة شنطتها وطلعت كتاب الله تبي تقرا من كتاب الله وناويه تقرا لين توصل الجوازات ...جلست تقرا وتقرا وخلصت ثلث الكتاب لين قال السايق : يلا يافلان ويافلان الجوازات انزلوا وطبقوا بسرعة قبل الزحمة.. انزلوا الرجاجيل ووصى بوخالد أم حسنة وحسنة : يالله يام خالد بسرعة قدام الزحمة خلصوا وبسرعة تعالوا وخليكم ويا الحريم ...راحوا الحريم ومعاهم حسنة وأم حسنة وطبقوا قبل الحريم وجلسوا ينطرون على ما يخلصون الحريم وصعدوا الباص وحرك الباص ودخل لجوازات السعودية وتم التطبيق بسرعة وحركوا لمدة ربع ساعة لين وصلوا استراحة يبي يتغدون ويريحون ويصلون شوي .. حجز بو خالد غرفة وسأل العيال وأم العيال : وش مشتهين تغدون ؟؟؟ واتفقوا على كبسة لحم وزبادي ..تغدوا وصلوا وجلس السايق ينادي بيحرك وحرك الباص ...
الجزء الرابع
جلس يحرك الباص لين ما صارت الساعة وحدة ووصلوا لاستراحة بيريحون ويحركون الصبح ..أذن الفجر وجلس بوخالد من النوم وأم خالد صحوا عبدالله وحسنة ووصى بوخالد لبنته حسنة : يبوج حسنة بروح أشتري من البقالة ريوق وغريضات يكفون لين مانوصل الحرم انشالله, زيني لنا قهوة وشاي أريني نزلت لج العزبة الصغيرة تلاقينها عند الباب وهذي الولاعة ولعي فيها الطباخة اللي بالمطبخ؟؟ ....حسنة :: انشالله يبا ....سمعت حسنة كلام أبوها وجا بو خالد ومعاه فطور وشوية قراميش يقرقشون فيها بالطريق ..خلصوا الفطور وتجهزوا وصعدوا الباص الساعة6 وحرك الباص لمدة طويلة تقريبا 4ساعات وجلست حسنة تكمل ما قرت البارحة من كتاب الله..نادى بوخالد حسنة :يبوج وين القهوة تعالي جبيها لي.. ووصلوا المغاسل الساعة10 ونزل عبدالله شنطة الاحرامات اللي تخصهم وأخذت حسنة أغراضها وأخذ بوخالد أغراضه هو وعبدالله وتغسلوا وخلصوا وجلس عبدالله ينطر أمه وأخته لما يخلصون وطلعت حسنة من باب المغاسل ووراها أمها وشافهم عبدالله وصعدوا الباص ونطر الباص ربع ساعة لين ما يكتمل الباص .. اكتمل الباص من المسافرين وحرك الباص لين ماوصل الفندق اللي تم الحجز عليه الساعة12الظهر ..راح بو خالد الرسبشن يستلم مفتاح الشقة اللي تم الحجز فيها دخل بوخالد والعايلة معاهم الشنط والعزبة داخل الشقة وقال : ام خالد .عبدالله . حسنة يلا يلا عجلوا علينا خلونا نعتمر بسرعة ..أم حسنة : انشالله يابوخالد ,, يلايلا ياعيال سمعتوا كلام أبوكم ,,خلونا ننزل .
نزل بوخالد والعايلة وراحوا مشي للحرم وهو موبعيد تقريبا 13متر مشي من السكن لي للحرم ..وبدوا عمرتهم وطافوا وهنا تذكرت حسنة كلام صديقتها بدور وارفعت ايدينها للرحمن ووهي تضحك بشويش متذكرة كلام صديقتها ووصيتها ودعت مثل ماوصتها : يالله يارب ترزق بدور باللي يلين خاطرها وترزق مريومة وترزقنا وياهم يارب ..أدت عايلة بوخالد العمرة ونادى بوخالد أم حسنة والعيال : ام خالد .ياعيال وشرايكم نطلع للساحة البيضا نتغدى ونعين من الله خير ولامن خلصنا نرد نصلي العصر ها وشرايكم ؟؟.. حسنة : إي والله يبا تكفى بصلي ما شبعت من بيت الله تكفى يبا عسى تشوف بيتك بالجنة ..عبداللة : شنولالالا تبونا نموت حر ؟؟يبا خل نرجع للسكن ونجي نصلي المغرب والعشا مابينهم وقت ..بوخالد : ها يام خالد وشرايج أنتي ؟؟ أم حسنة :والله أنا ودي اللي ودي فيه حسنة ونصلي المغرب في السكن وبعدها ننزل السوق ونصلي العشا لامن حل وقت صلاة العشا ...بوخالد : أنا داري إن ما وراكم إلا السوق ..عبدالله : شفت يبا أنا قايلك أنا أعرف الحريم للسوق ما يتعبون ولا جيتهم بغيت منهم حاجة يتحججون لك بالتعب ..بو خالد : يبوج ياحسنة ودج في السوق ؟؟حسنة ::والله اللي تشوفه يبا لو تمرونه ماني قايلة لا..ضحك بوحسنة ويدري إنها ماتبي المشاكل لكن رده كان :أنا أقول بنسمع كلام أمكم بس عشان حسنة عمرها ما قالت لي لا يبا عسى الله يوفقج يابنيتي ...عبدالله وعيونه حمر :أنا داري إنك بتقول هالكلام لو أدري إن غلا البنات أكثر من العيال ياليتني كنت بنت ...ضحكت حسنة وبوخالد وأم حسنة ::استغفر ربك وقول الحمد لله لا تحسد إختك على الغلا.باجر لا جربت الضنا منت بلايمنا .....سوت العايلة على اللي صممت عليه وصلوا العصر وردوا مشي للسكن ووصى بوخالد حسنة : يابوج قبل أذان المغرب زيني لنا قهوة وشاي نتقهوة ونصلي هنا المغرب وبعدها أوديكم يم السوق ...حسنة : أبشر يبا ما يكون خاطرك إلا طيب ..بوخالد : عسى الله يصلحج ويرزقج باللي أقوى منج ويعقلج..قيلت العايلة تقريبا ساعة قامت حسنة تزين القهوة والشاي ...قام بوخالد وعبدالله وأم حسنة من النوم ... راحت أم حسنة تشوف حسنة ولقتها زينت القوة والشاي وقالت : عسى الله يوفقج يابنيتي ويعلقج باللي أقوى منج وتشوفين بيتج بالجنة يارب ..حسنة : أهم شي رضاج أنتي وأبوي يمه الله يخليكم لي ....تقهوت العايلة: بوخالد وعبدالله وحسنة وأمها ..بوخالد لأم حسنة : أم خالد ...أم حسنة : هلا بوخالد ....بو خالد : يلا تجهزوا أوديكم يم السوق وقولي لبنتج تلبس وتخلص عشان يمديكم تسوقون ونلحق على صلاة العشا في الحرم ..أم حسنة : أبشر بوخالد ...بوخالد لعبدالله : ودك تجي معنا ولا تقعد تحرص الشقة أحسن لك ..عبدالله : لا يبا روحوا أنتم أنا تعبان من السفر وحنا بنقعد هنا ليلتين وانشالله أعوض صلوات اليوم بكرة بالحرم بصراحة يبا اللي بيتعمر عدل لازم يروح بروحة بدون حريم ينام بالحرم ويصلي كل الصلوات بالحرم ...بوخالد : خلاص حنا رايحين للسوق ...نزلت حسنة وأمها وأبوها للسوق ..دخلوا مجمع كبير وراهي ..دخلت أم حسنة لمحل البخور وجلست هي وبوخالد يتنقون ويشمون في هالبخور أيه أحسن ...جلست حسنة زهقانة تنتظرهم على ما يخلصون وصارلهم تقريبا نص ساعة ويالله خلصوا ..طلعوا من المحل مشوا للطابق الثاني وكان الطابق الثاني فيه عبايات جنان وكانت تموت بالعبايات دخلت حسنة وأمها للمحل وشافت العبايات وقالت أمها : يامج ياحسنة خل نطلع هذا المحل غالي ما نطوله ..حسنة إنشالله يمى ..كان محل هالعبايات صاحبته مرة وينقالها (أم فايز) وكانت تطالع حسنة وعاجبتها حسنة (حنطاويه فرسة بالجسم ,وخطوات أنثى ) مع إنها كانت مستوى جمالها عادي لكن جذابه , طول وزول وعيون ..في هذا الوقت كان داخل المجمع وبنفس الطابق رجال يتمشى مبين إنه ولد جاه هامور ومعروف لأنهم كان يسلمون عليه (هلا فارس) ورايح يشوف أحوال السوق الظاهر كان هالسوق ملك لأهلة ومنزل نظارته وحاطها في جيبه وكان جدا مملوح ومخاويه صاحبه سعد و3رياجيل تقول كنهم حرس وخويه سعد كان من اللي عندهم علاقات وحاجز له شقة والمشكله اللي كانت تضبطله أم فايز راعية محل العبايات ..بس هالمحل ما تقعد فيه دايما, تجيه من وقت لي وقت لأنها كانت مشغولة في البنات اللي تجيبهم من مجمعات أخرى غير اللي موجود في مكة كانت لها فروع أخرى في مناطق السعودية وأي بنت تدخل مزاجها طبعا كانت تخدرها وتختطفها وبعدين تعطيهم الرياجيل اللي يشتغلون معها يخفون أثار جريمتها بإنهم يتخلصون من البنات ويذبحونهم إذا خلصت منهم وشافت إنهم ما ينفعون وما يجيبون لها فلوس زي أول مرة بس هالمرة شافت فارس وهو يطالع أحوال السوق طاحت عينه على ذيك البنية المستحية كانت عادية ومستترة بعباية الراس ومتنقبة ( مع إنه ما كانت تهمه سوالف سعد اللي كان يحرشه دايم الدوم إنه يستانس بالبنات زيه زي أي رجال بالعكس كان انسان متفاني في عمله وظل دايم الدوم يحرشه ) .في هاللحظة شافته أم فايز مع إن حسنة ما انتبهت ولا كانت تهتم لنظرات الرجال لكن أم فايز قررت ترتكب جريمتها طمعا بالفلوس وكانت متأكدة إنها بنت لأن كانت وياها أمها وأبوها وومامعاها زوج وأكيد هني بتزيد الفلوس خصوصا إنها بنت ...لكن حسنة عقب ما نادتها أمها طلعت ومشت مع امها لأبوها وصعدوا يتعشون في الطابق الخامس كان مليان مطاعم ...ووصت أم فايز أحد في المحل وخذت 2أندونيسين اللي يشتغلون معها في المحل وهذي أول مرة تسويها (لا حول ولا قوة الا بالله, وصلت لي منطقة الحرم ). المهم خلت 1داخل المحل ومشت تلاحقهم ...
الجزء الخامس
حسنة لأبوها : يبا بروح الحمام مستعجلة ...أبوها : تدلينه وين صاير ...حسنة : نسأل عامل المطعم ...بوخالد : خلاص خل يجيب العشا ونسأله ..جا العامل وسأله بوخالد وعرفت حسنة إن مهو ببعيد ورى لفة المطعم قال بوخالد : روحي وأمج بخليهاتلحقج أول ما تاكل حبت السكري ...حسنة : إنشالله يبا ...راحت حسنة وياليتها ماراحت, افتحت باب الحمام ودخلت داخل ولحقتها أم فايز ووصت واحد يقعد برى لين ما تخلص وأي أحد يبي يدخل يقوله إنه يتصلح وأول ما طلعت حسنة من الافرنجي وراحت تغتسل ما شافت أحد إلا يد تخنقها وتغطي خشمها وطاحت من المخدر وشالها العامل وكان متستر بالعباية كأنه مرة. وشالوها وغطوا وجها بغطوة لأنها كانت لابسة نقاب وممكن تمر أمها وتعرفها, طلعت من الحمام وكل هذا حصل في وغصون 8 دقايق وهي ماشية في الممر جلست تتحوب أم فايز وتقول : ياويلي عنج يابنيتي ..مرت أم حسنة في االممر اللي يوصل للحمام وشافت أم فايز تقول هالكلام ...وقالتأم حسنة : ما تشوف شر بنتج ..مادرت إنه هذي بنتها حسنة اللي راح تنحرم منها وماراح تشوفها للأبد ماانتبهت لأن شنطتها أخذها العامل الأندونيسي اللي متغطي بالعباية وخاشها في كيس ...دخلت أم حسنة تدور على بنتها بالحمام وتصوت يمكن تكون داخل في الحمامات ..بس ما كو أحد يرد ..وقالت : الظاهر إنها ردت عند ابوها ..ردت أم حسنة لأبوخالد : ما لقيت حسنة بالحمام ماردت لك ..بو خالد : لا ماردت انتي متأكدة إنها ماهي ب داخل ...أم حسنة : أقولك دورت عليها وصوت لها ماردت وفتحت باب باب .اقول بوخالد قم قم ندورها عسى الله يستر عليها لا تضيع ولا يصير فيها شي ....تخربط بو خالد ووجه حمر وما كمل عشاه راح يدور ها وأم حسنة على حسنة بدو في الحمام وخلصوا الطابق الللي هم فيه ودورا في الطوابق الأخرى لكن للأسف البنت راحت ولا لها أثر ...طاح أبو خالد يبجي وأم حسنة إغشى عليها من السكري وإلتموا الحريم عندها وإلتموا الرياجيل عنده وعرفوا إن البنت ضاعت وخبروا اللي ماقصروا الشرطة وتم الأمربتحويط المجمع لي الساعة 2بالليل وإتصلوا في ولدهم عبدالله ..الضابط : ألو؟؟؟ عبدالله : نعم ...,الضابط :الأخ عبدالله ؟....عبدالله :إي نعم هلا آمر ؟؟ ...الضابط : حبيت أبلغك إن الوالد والوالدة عندنا اسم الله عليكم ياليتك تجينا بسرعة ؟؟..........عبدالله : ليه امي فيها شي .؟؟ .الضابط : إنت تعال وبتعرف كل شي ...وأول ما وصل عبدالله الساعة 10؟ ..شاف أمه غشيانه والمسعفين والمسعفات والحريم عندها وأبوه يبكي بحرقة ...عبدالله :يبا شفيكم عسى ماشر خرعتوني وش صاير؟ ... بو خالد : اختك حسنة يا عبدالله ما لقيناها راحت وماردت ؟؟؟مدري وش حل فيها ؟؟ عبدالله : يبا الله يهداك شفيك ما تضيع إنتم دورتوها عدل تراها ماهيب عيل ؟؟؟بوخالد :: أقولك ما خلينا مكان ..وتم التفتيش عنها لكن بلا جدوى كن الأرض انشقت وابلعتها مالها آثر ولا أحد حس فيها ؟؟؟
في هذي اللحظة راحت أم فايز إلى منطقة بعيدة عن مكة إلى أحد مناطقها المعروفة تبعد عن الرياض 2000كيلو ووصلت إلى شقة البنات(فلتهاالخاصة جزء منه خلته شقه للفاجرات) الي خطفتهم وفهمتهم إنه مستقبلهم ضاع وإذا ما اشتغلوا عدل راح يواجهون مصيرهم مصير اللي قبلهم وغلبت فيهم الشخصية الدنيئة عندهم وكانن جدا فاسقات كل ما خرجوا يحطن المكياج والعباية المفتوحة واللبس الغير محتشم.. صعدت أم فايز ..ضربت الباب ..وجلست تصوت : سميحة , هدى بطلوا الباب اليوم جايبة بضاعة جديدة .فتحت الباب سميحة ...أم فايز بعصبية : سنــــههه على ما تفتحون الباب ...وكل البنات خايفين ما يبون يتجاهلونها لأنها تدري وش تقدر تسوي فيهم ...وكان في داخل الشقة 5بنات هدى وسميحه ودلال ولميا وضحى كلهم كانوا متكبرات في المعاملة واخضعوا لأمر أم فايز لأنه لو هدتهم كل وحدة عايلته ماراح ترضى فيها مع إن هالشي ماصار بكيفهم صار بخطف ..لكن كل شي إلى العار يدرون إن كل وحدة وأهلها يفضلون إنهم سمعوا إن بنتهم ماتت ولا تظل عايشة بفسق وفجور ...أم فايز لسميحة : روحي جيبيلي ماي وكلونيا خل أصحي هالبقرة اللي ماتقوم؟ بسرعـــــــــة (قالتها بصراخ)..راحت سميحة ونفذت كلامها بالحرف الواحد..أخذت أم فايز الكلونيا وحطتها بمنديل وسدت فيه خشم حسنة ..اختنقت حسنة وفزت من النومة..حسنة ::أأأأأهههههههه وخري عني ...فتحت لعيونها شافت نفسهافي مكان غريب وقدامها 5بنات جميلات متزينات بملابس وجواهر واقفات وراعية المحل جالسة يمها...وقالت : إنتي مو راعية محل العبايات وأنا شجابني لهنيه ؟؟؟ أم فايز لحسنة : بلاش كلام وقولي شسمك ؟؟؟حسنة وأم فايز رافعة حواجبها كأنها شيطان : إسمي حسنة ..حسنة : أناشجابني هنيه ؟؟ أم فايز لحسنه : فوقي لنفسك أنتي ألحين ملكي وأي شي أطلبه منك اتنفذينها بالحرف الواحد ..قاطعتها حسنة :أنتي شتقولين شتخربطين وين أهلي وين أمي وأبوي ...أم فايز كبركان هائج : لا تصرخين وإسمعي كلامي ( وبضحكة ساخرة ) ولا راح أخليج تواجهين مصير اللي قبلك مدعات الشرف ..إسإلي زميلاتك وهن راح يخبرنك عدل وإن سمعت إنك تحاولين تهربين راح تحكمين على نفسك بالموت أنتي وزميلاتك ؟فاهمـــــــــــهه.....جلست حسنة تبكي على حظها رواح فكرها يم أمها وأبوها وشحل فيهم وشصار ؟؟وجلست يمها سميحة تهديها...حسنة قامت وصرخت عليها : وخري عني أنا ما أعرفكم ولايشرفني أكون معكم ولا مثلكم ...صرخت هدى على حسنة : هي أنتي لا تشوفين نفسك اسمعي الكلام واحمدي ربك إن في وحدة تهديكي وتجن على حالك أنتي ما واجهتي اللي واجهنا..ماجاج إلا قليل وزي ماقالتلك أم فايز : لا تفكرين بالهرب لأنك ماراح تعيشين أنتي في ديرة غير ديرتك وصعب إنك تهربين وإن حاولتي ماتروح عن أم فايز تطلعك من تحت الأرض وتخلي رياجيلها ينحرونك مثل ما انحروا اللي قبلك ...صاحت حسنة وجلست تبجي من الخوف واعتزلت البنات وغطت نفسها بعبايتها وجلست تدعي ربها وتسجد له إنه يستر عليها لين ما حل الصبح ..
ضربت الباب سموحة : صباح الخير حسنة أنتي صاحية أنا جايبتلك الفطور ؟؟ حسنة : وخري عني مابي فطور خليني أموت من الجوع أبركلي ....سميحة :ياحبيتي ياحسنة أناقبلك سويت كذا وماصار وكل يوم أتمنى إني أرضي ربي وأصلي له ما باليد حيلة فكرت أنحاش وترى أقدر أنحاش أغري السايق يوديني لكن فكرت وين أروح ومن أردله أرد لأهلي تلقينهم ادفنوني وأنا حية ...دمعت عيون سميحة وهي تكلم حسنة وتتابع في كلامها :شقولهم ياحسنة أنا دشيت فلل ورقص وبلاوي وسهرات وتزنيت مومن كيفي غصبن عني واضطريت أني أضحك واكون بحالة سكر عشان أرضي الزباين لأنهم إذا رضوا راح ترضى أم فايز وراح تحل عني شوي وصديقيني أنا مولوحدي كانت معي بنت خالتي تدرين وشلون قدرت علينا: (جلست سميحة تقص قصتها شلون وصلت هنية) قبل 3سنين كنت ساكنه بالرياض كنت أنا وبنت خالتي مها رايحين لعرس صديقتنا كان بيت خالتي في حارتنا وكان العرس عرس صديقتنا واتفقنا إحنا يالبنات إنه نروح لصالة العرس ونجلس إلين ما يخلص العرس هذا, وعدنا لصديقتنا العروس وأهلنا كانوا راضين وأبوي كان راضي لأنه صديقتي سلمت على أبوي قبل زواجها باسبوع ووصته وأبوي يعز أبوها وعشان أبوها مايرفض له طلب ...(تكمل سميحة قصتها وحسنة تشوف مدامعها تترس عيونها ) رحنا للعرس لكن أهلنا أمهاتنا طلعوا وخلونا نكمل العرس وكانت طول العرس تراقبنا ذيك المرة وتسألني أنا وبنت خالتي على أسامينا لين ماجاوبناها وجلست تمدحنا كنا إحنا أجمل ما في الحفل وكنا نجاوبنا تعرفين وين راح فكرنا إنها تسأل يمكن تخطبنا لأحد من عيالها لكن للأسف اتفقت أنا وبنت خالتي مها إن نطلع من الحفل 1ونص والحفل كان زحمة لأن العرس مطول وأول ماطلعنا ننتظر السايق ما حسينا إلا إغشى علينا أثريها كانت حاطة مخدر ومعها حراسها واقفين برة متغطيين بملابس نسائية ووصلنا لها ...حسنة لسميحة : وين بنت خالتك مها ؟ سميحة : حاولت تهرب وفعلا قدرت لكن قدرت لها أم فايز وصادتها وقالت لها : شحقه بتهربين تحسبين أهلك بيرضون فيكي تردين لهم ألحين طيب أنا عندي جوال أبوكي وبكلمه قدامك ,وفعلا كلمته واتصلت به وقالت له : السلام عليكم بو مها ؟قال نعم ؟ شخبارك بو مها أنا صديقتها من زمان وأخبارها عني انقطعت وأتصل في البيت محد يرد علي لين ماحصلت جوالك وقالولي كلميه أحسن ؟... سميحة لحسنة : تدرين وش رد قال : مها ماتت من عقب العرس لقينا جثتها بأحد المستشفيات ودفناها هي وبنت خالتها ..سمعنا الكلام أنا ومها وتفاجأت من كلام أبوها وتصرفت أم فايز مع ابو مها وجلسنا نبكي بحرقة ...لكن أم فايز ما خلتها شنقتها قدامنا مع رجالها الآسيويين عشان ما تفكر وحدة فينا تهرب وأخذتها للحوش ونحرتها زي ما ينحرون الذبايح وشافوها البنات من الشباك أما أنا ماراح من فكري يوم شفتها تموت بالحبل وهي قبل لاتموت قالت لأم فايز إذبحيني أنا مااستاهل إني أعيش وماتت قهر ...وأنا ليومك هذا أدعي إن الله يغفر لها ويهدي البنات لأن اللي حصل مو كيفنا غصب عنا وكل يوم أصلي الفجر وكانت ضحى تغطي علي ماتبي أحد يدري لأن باقي البنات ما تأمنينهم بالأسرار ....حسنة كانت في منتهى الذكاء وهي متأثرة في قصة سميحة : وأم فايز هاذي وش جايبها لكم ؟ سميحة : طلعت تعرف زوج صديقتنا كان راعي سهرات وجلسات لكن هذا اكتشفته لوحدي يوم شفته في حفلة يكلمها ويسألها عن العرس ومدحت عرسه وسألها عن سالفة البنات اللي إختفم لكن زي العادة أنكرت لأنه تدري وش يقدر يسوي فيها إذا درى إن لها يد بالسالفة خاصة وهو يعرف أبومها بس هذا اكتشفته بعد ما ماتت مها ....حسنة لسميحة : تدرين ياسميحة يوم سمعت قصتك ما أنكر إنج خففتي عني ؟؟والله إنها تعور القلب ..ما حاولتي تكلمين زوج صديقتج العروس ...سميحة : حذرتنا أم فايز قالت انسان له اسمه وما يبي الفضايح وإن درى إني عايشه ليذبحني ما هو ناقص إنه سمعته تتشوه وهوشكله موبهين ياخذ حقة حتى من اللي أكبر منها خاصة وهو محامي. ...حسنة لسميحة : سميحة قولي يارب إن الله يفرج كربتنا وأرد لديرتي وأهلي .....سميحة : تهقين أهلك بيرضون فيك عقب اللي صار ؟ وشلون راح تعيشين مع كلام الناس هذا إذا ما قالوا هي منحاشة مع واحد ....حسنة : تصدقين مافكرت بهالطريقة (جلست تبكي حسنة ) إذا مارضوا فيني ديرتي تضفني حنا القانون ما يسمح لحد يتعدى على وراح أخضع لأي شي عشان يتأكدون إني بينت ؟؟سميحة لحسنة :طيب وإن ما صرتي بنت ؟شبتسوين ؟ماتدرين أسعار البنات غالية عند أم فايز للزباين وخصوصا إنتي غريبة عن ديرتنا ...ما تحملت حسنة كلام سميحة وجلست تبكي ...سميحة لحسنة : أقولك الله بيحطك وين مايحطك أفطري وصلي وإدعيلك وإدعيلي وأنا بوقفلك برة عن الباب أراقب لحد يطب علينا حتى الصلاة بالحسرة هنا فتن ....حسنة ما أكلت إلا لقمتين وصلت الفجر مع الضحى وجلست تدعي لكن فجأة
اثارت إعجابي واتمنى أن تعجبكم ....مع لهفتي لقراءة الجديد منها ....وأتمنى تعجبكم وياليت أسمع ردودكم وتوقعاتكم للأحداث...
الجزء الأول
قامت حسنة كعادتها من النوم .. وراحت لدوامها تداوم لتصبح مربية أجيال ..وماشاالله عليها تقوم بصبح عشان تركب مع الباص وما كانت تحب تروح مع أبوها لأنه كان يتأفأف ..وهي كذلك تحب تجلس في الباص وتسولف مع زميلات الباص ...وإن ما جازتلها السوالف تقوم تفتح راديو المبايل لتسمع إما قرآن أوحوارات الصباح على الراديو ونادرا ما كانت تسمع أغاني ...وكعادتها نزلت من الباص واتصلت بصديقاتها بدور و مريم حتى يفطرون مع بعض ..وكانت نقاشات بدور عن المكياج ومريم عن الطبخات وأخر صيحات الموضة ..حسنة ماكانت تهتم كثير بهالشغلات إلا الطبخ لأنها ما تكثر من روحات السوق .. مو خبرناكم في بداية القصة أن ابوها نكدي في الطلعة وأخوانها ما يقدرون للدوامات وأعذارهم شكثرها وأيضا نكديين بس مو زي أبوهم اللي بزود ...المهم أول ما بدت سوالفهم بالطبيخ اهتمت مريم : أمس يابنات طبخت مكرونة أهلي لحسوا الصحن لكن موزي أي مكرونة مع اضافات بصراحة بناااات كل ما طلعتي طبخة بنات خالتي اسرقوا طبخاتي وانسبوها لهم شنوااا هذا .. أقول بس هيا يا صديقاتي عطوني اسم طبخة شنو اسميها طبختي مكرونة مع فطر وبطاط وخرابيط شكثر عطوني اسم طبخة ...تدروووووون شلون أنا أحسلي أحط طبخاتي في كتاب وأطبعلي واحد تصدقون والله لأربح ... قامت حسنة وبدور يضحكون من تحلطم صديقتم مريم كانت نكتة بنكتة ...قامت بدور من طاولة الكافتيريا واتجهت الى ستاند على الزاوية مليان جرايد ومجلات أخذت بدور مجلتين وردت لطاولتهم حسنة : خمطت مجلة ..بدور :: يمه منك بشويش علي ..بعدها تصفحت بدور المجلة وشافت مناظر طبيعية في دول أوربية وقالت : بنات شوفوا ماودكم تسافرون إف لاعت جبدي كل صيف نروح للخفجي إف لاعت جبودنا ...مريم : إي والله تكفين أنا ما تحصلي سفرات حدي الجاخور لا وزين إذا امرحنا إف متى نشتغل عالأقل أفتحلي مشغل ملابس أو مطعم ...حسنة :: قولوا الحمدلله على كل حال المهم عايشين بخير ونعمة محد منكم في علة ولا اعاقة أهم شي الصحة مو الفلوس :... بدور : ما قلنا شي بس بسافر بشم هوااا أقول إدعوا معاي بس ...يارب يارب نتزوج واحد يسفرنا كل مكان ونشم هوا شوي اااااااأخ يارب ....... هني البنات ماقالوا لأ طبعا فكلهم أجابوا: يارب .....بدور : بنات تخيلوا تزوجنا وتحققت أمانينا شنوا الدولة اللي ودكم تروحون لها أنا أولا دولاتي جنيف ,نيوزلندا وهولندا وروما عشان أشوف الآثار .. مريم :: طع هذي وجهها لا حبيبتي ما ني رايحة هناك أنا شكلي حدي تركيا أنا أخاف الدول هذي تصير فيها حالات خطف اعضاء وسوالف الله لايبلانا .. حسنة : أنا بصراحة ما يهمني أسافر اللي يطلعلي حظي ونصيبي بس أهم شي العمرة هذي واجب أديها كل سنة انا ماأشبع من بيت الله يالله أتذكر قبل 6سنين لما رحنا وصيلنا الفجر وكانت الصلاة فيها روعة وريحنا في الحرم لين ما طلع الفجر طبعا لأنه كان زحمة وما كانت فاضية إلا الفخمة وإغسلوا ايدينكم أبوي يقط فلس حمر أنا إذا شريت شي بعشرة دنانير وطلعتهم قدامه أي شي لو إنه جنطة ينعصر قلبه بصراحة شي مو طبيعي .. بس لا تفهمون أبوي غلط لأنه مر بأزمة مالية وهو يحاول ما يهدر فلوسه ...بدور :: المهم أنا أبي اسافر ياعالم مابي اروح الخفجي لاعت جبدي يارب مابي أروح لها خلاص ...حسنة ::: أقول شكلج بتاخذين واحد سعودي وساكن بالخفجي هااااااههههها ...بدور : فال الله الله ولا فالج يارب يارب مابي يارب كلش إلا هناك بالخفجي إنزين رقعيلي قولي الرياض قولي جدة وطبعا أهم شي ما يكون متين ... مريم : بصراحة أنا ما عندي مانع أخذ هناك في حالة وحدة إذا كان ملك جمال مثل الدكتور حمد ألعن أمههههه يازينة ...حسنة : صج بنات مراهقات بلا تفكير وبلا خرابيط أهم شي أروح بيت الله ...بدور ومريم :: أقول حسنة ما يندرى منو اللي يروح بعيد عن اهله إحنا وإلا أنتي ..حسنة : والله أنا مخليتها لله المهم رضا الوالدين والصحة والعافية
...................................................
الجزء الثاني
ردت حسنة وصديقاتها بدورومريم وقربت العطلة وفي يوم من الأيام ..أم حسنة : يما حسنة شرايج نروح للعمرة نتعمر ونعين من الله خير ..حسنة:: يمى تكفين لا تحطميني لا تعلقيني, السنة الماضية تعبنا وحنا نقنع أبوي كل ما قلناله أنا ماعندي فلوس ماقلت شي أخش اعانة الكلية وأروح فيها ..يقول لا ما تكفي واخوانك دوامات يمى ما تبتي ما تعرفين اسطوانة زوجك ..أم حسنة : يمة وشرايج نروح بالباص أوفر وأحسن لنا كله ب20دينار وإن زاد ب30ويمكن نستانس نتعرف على ناسن طيبة وتقدرين توفرينها من إعانتج وأنا ببيع خاتم من خواتمي ال4 ما عندي غيرهم ..حسنة : يمه الباص أولا يبي محرم ومنو بيرضى بيروح وياج كلهم بيتعذرون بدواماتهم وإذا عيالج ما فيهم خير لا تبيعين خاتمج انا بدفعلج التذكرة أنتي أقنعيهم ويصير خيرأنا بروح أصلي العصر وأدعي جود الله يلين راس أبوي ....أم حسنة لزوجهاوهي جايبة صينية الشاي والقهوة : قوة بوخالد
بوخالد : هلاهلا ما هي عادتن لج قولي وش تبين ؟؟ أم حسنة ( أو أم خالد ) : طلبتك طلب لا تردني ياعلك تشوف بيتك بالجنة وتدخلة الله يخليك ؟؟ بوخالد :: قولي وش تبين؟؟ أم حسنة : أبي عمرة دبرلي لا تقول ما عندي فلوس أروح إما أنا وياك وحسنة أو أنا ويا واحد من العيال وحسنة ؟ ... بو خالد :: وليش مانروح كلنا الأربعة والباقين يقعدون مع خوانهم كبار ويقزرون أنفسهم وعيالك الاثنين كبار ورياجيل ويشتغلون خالد وعبدالله واحد منهم يروح معنا وواحد يقعد بس هاااااا أنا ما عندي إلا 70دينار للمصرف .......أم حسنة : أنت ارضى الحين وبعدين لا تحاتي هم الفلوس, ليش ما تخلي عيالك يعطونك فلوس أنت ابوهم وغصب يعطونك ,كل عيال هالناس يعطون أبوهم ولا جت عليك بس خلك رجال وكلمهم وهم انشالله ما يقصرون ... ابوخالد هنا شاش عقلة في راسة: إي لازم أخذ منهم مو أنا أبوهم ربيتهم غصب عنهم يعطوني ماراح أطلب منهم المعاش كله كل واحد 100دينار ماني بأناني ....أم حسنة ركضت لحسنة وفتحت باب الدار وشافت حسنة صلت خلصت وتسلم ......أم حسنة : حسنة يمه أبشرج أبوج رضا يروح العمرة وبياخذ واحد من أخوانج بعد, لا وفلوسج خليهن يمه عندج, أنا كلمته وحرشته بعد ياخذ من أخوانج فلوس للعمرة هااااا وشرايج بأمج ؟؟...حسنة وهي طايرة من الفرحة :يما ياعلج تشوفين بيتج بالجنة يالغالية الله لا يحرمني منج ....جلست تبجي هنا حسنة مو مصدقة رايحة العمرةوقالت: ركض ادق على بدور ومريم ابشرهم إن حلمي تحقق قبل يومين أسولف عليهم وشكثر ودي بالعمرة .....حسنة ركضت لمبايلها ودقت على بدور :بدور قوة شلونج ياعسل عندي لج بشارة ؟؟بدور: ها حسنة بشري أكيد ملجتي ؟؟؟؟؟........ حسنة : ههههه أنتي ما تتوبين لا في لأأحسن منها بسافر للعمرة؟؟ ....بدور : مالت اللي يشوج فرحانة يقول كسبانه ذهب وخير ياطير مو أول مرة تسافرين لها ,الناس كلها تسافر لها
حسنة : من صجج أنا صارلي ست سنين ما سافرت عمرة ,,, المهم تامرين بشي باجر آخر امتحان لي وانا ماراح أشوفكم إلا بعدين السنة الجاية تامرين بشي ؟؟............بدور : والله عارفة شنو وصيتي هالله هالله إرفعي ايدينج للرحمن وقولي يالله ياكريم انك ترزق بدوره رفيجتي بالزوج يارب اللي يفر فيها كل بلد.......... ..حسنة:الله ياخذ بليسج هذي سوالفج أبشري مايصير خاطرج الا طيب بدعيلج وبدعي لمريومة بصراحة ما قدر اطول ..يلا مع الس......بدور : لحظة لحظة لا تنسين نفسج ادعي لنفسج يالخبلة لا تصيرين خبلة هذا حلم كل بنت وحنا تعدينا ال20 إذا ما تزجنا ألحين متى بنتزوج ؟؟؟ حسنة :خلاص أبشري ,أمانة وصي مريومة إذا تبي شي تدز لي مسج أنا باخذ المبايل وياي وبسج عبط يا عسل وباي ...
ركضت حسنة لأهلها ونزلت من السلم وراحت للصالة وشافت أهلها واخوانها مجتمعين ردت وراحت للجلسة الثانية ما تبي تشتتهم لأن خوانها كانوا معصبين....... أبو خالد : حسنة يمى لا تروحين نادي أمج و تعالي أبيكم بسالفة ... حسنة : انشاالله يبا .. هلا يبا ...بو خالد : قررنا نسافر العمرة وأنا أدري إن نفسج فيها من زمان يابنيتي وبيخاوينا أخوج عبدالله ( 23سنة وموظف ) انشالله ...صوت الوالد: ياأم خالد ....أم خالد: هلا بو خالد ..بوخالد : هالله هالله نوينا نحجز الأسبوع الجاي تجهزوا ..لا ينقصكم شي يوم الخميس نهجم للسعودية الساعة 9 مع الباص ..أم حسنة : أبشر يابو خالد أنت تامر ..حل الليل ومسرع ما مشى الوقت وخلصت حسنة من المذاكرة ولازم تنام الحين .. قامت حسنة من النوم وصلت صلاة الفجر ورفعت ايدينها للرحمن وقالت : يالله يارب ياللي خلقت السما بعيدة عن الأرض إنك توفقني في امتحان اليوم وتقبل طاعتي بعمرتي وتسهلها لي يارب والحمدلك والشكر والحمدلك والشكر انك كتبتها لي ... بعد ما خلصت حسنة من الصلاة قام وفي خاطرها تقول الحمدلله صبرت ونلت وبروح أشوف بيت الله بس يارب حسن الخاتمة ..راحت حسنة للكلية وقدمت اختبارها والحمدلله كان لا باس فيه حلت اللي عرفت ..وبعدها ركبت الباص ردت للبيت وتفكر شنو تاخذ وشلون بتقضي الطريق فيه ... ووصل السواق الى بيتها ونزلت والبهجة تترس وجهها والأمال عندها تتجدد ... طقت الباب وفتحلها أخوها خالد ودخلت داخل للمطبخ : قوة يما ها الغدا جاهز ولا تبين أساعدج بشي .. أم حسنة : لا يمى روحي قطي ملابسج وانزلي وتغدي ونادي خواتج يلا يما حبيبتي عسالله يوفقج ويرزقج يا بنيتي ...سوت حسنة اللي طلبت منها أمها ونادت خواتها لللغدا
الجزء الثالث :
مر اليوم الموعود وصار بكرة الخميس والفرحة مالية وجه حسنة وأمها وقاعدين يجهزون اغراضهم وأغراض أبوهم وولدهم عبدالله ..أم حسنة لحسنة : يما حسنة جهزتي ملابس أخوج ..حسنة : إي يما خلصت منها وألحين بجهز ملابس الوالد وأجي أجهز نفسي ..أم حسنة : ياعل الله يفرح قلبج ويرزقج باللي تدعين له يارب ..والله إني أخاف يجي اليوم الي ياخذج مني الرجال وتروحين وتخليني ( تقصد الزوج ) وأنتي اللي مالية علي هالبيت كله إلا أنتي أساسه الي موقفه ..ونزلت دمعات أم حسنة ...حسنة لأمها : لا يمى لا تخافين ماراح أخليج أنا بنتج وإن بغيتي أجيج كل يوم (وقالتها بضحك) والله عاد كيفه ما يحرمني من أمي ..اضحكت أم حسنة على كلام بنتها اللي ينسي الهم لصاحبه ...حسنة راحت تجهز أغراضها عقب ما خلصت من أغراض أهلها ودخلت غرفتها وجهزت ملابسها وجلست تقول : يارب أنا حاسة إني ناقصني شي يارب شنو ؟؟التفت يمين وشمال وجهت نظراتها لغرفتها وحست بضيقة كأنها ماراح تشوف غرفتها مرة ثانية ..راحت نظراتها إلى منضدة التسريحة وأرفف الخزانة وانتبهت للقرآن وارتاحت عرفت إن هذا الشي الوحيد اللي نقصها كتاب الله ...مر يوم الخميس وفزت حسنة من طقة باب أمها الساعة 5على باب غرفتها ..أم حسنة : حسنة يمى قومي ..قومي صلي وتجهزي وأنابروح أجهز الفطور ورانا سفر لازم نحرك من الساعة 8ونص ما نبي نتأخر ..الباص مو لنا بروحنا معانا ناس وما نبي نأخرهم ..قومي أخوج عبدالله عشان يصلي ويجهز نفسة؟؟ ...حسنة : إنشالله يمى أنتي أمري بس ...أم حسنة :عسى الله يوفقج يابنيتي ...سوت حسنة اللي وصتها عليه أمها قعدت خالد من النوم وراحت تصلي وتسبحت ونزلت الشنط لي تحت وشنطة يدها اللي فيها بوكها وكتاب الله ...وجهزت أ م حسنة الفطور ونزل عبدالله وخالد يفطرون ويا البنات ولما خلصوا بوخالد لخالد : يلا يابوك ياخالد حرك السيارة وصلنا أنا وأهلك ما نبي نتأخر عن الباص مانبي نضيق العرب اللي معنا خلص استكانتك ( بيالة شاي ) وحرر السيارة ....خالد : أبشر يبا ....طلع بوخالد عقب ما سلموا عليه بناته وسبق أم حسنة وحسنة ...وجا دور أم حسنة وحسنة يسلمون على بعض مع البنات اللي بيقعدون في البيت ...أم حسنة لبناتها غدير ومها ( غدير ب1ثانوي ومها ب4 ثانوي) :: ما أوصيكم خليكم حريم بيت واحرصوا على البيت وأي شي يبيه خالد سووله اللي يبي ...البنات : انشالله يمى لا توصين حريص ..أم حسنة ::أنا خابرتج يامها بس والله مدري عنج ياغدير خلي الدلع عنج بعيد فهمتي ..
ركبت أم حسنة وحسنة بالوانيت وبوخالد قاعد قدام مع ولده خالد وعبدالله ورى ..بطلت الباب حسنة :وركبت يم عبدالله وركبت بعدها أمها ... وحركوا إلى مكان الباص ونزل خالد من السيارة يودع اهله سلم على أبوه وبعدين سلم على عبدالله وقال : عبدالله ما أوصيك على أمك وحسنة واصبر على الوالد واسمع كلامه أدري إنه نار ومايطلع اللي بيخاطره ووانت تعرفه زين ..عبدالله : أبشر لا توصي حريص أنا خابر الوالد ما أحب أزعلة وأنت تعرفني زين ..تامر بشي .. خالد لعبدالله : أبيك سالم غانم انشالله يلا مع السلامة ..سلمت حسنة وأمها على خالد وركبوا الباص جلس عبدالله وبوخالد قدام عند الرجاجيل وجلست حسنة وأمه بالخلف عند الحريم ..سلمت حسنة على الحريم وردوا السلام اجلست أم حسنة عند مرة اسمها أم سالم وتعرفت عليها وطول الطريق سوالفهم ماتخلص وجلست حسنة عند في الكرسي الأخير وكان الباص زحمة وكان أهو اللي يتسع لشخصين مع البنتين اللي قعدوا فيه وتعرفت عليهم وحدة عالية والثانية فرح وتعرفت عليهم وسولفت وياهم وضيفوها بالشاي والحب والبسكوت اللي كان وياهم وضيفوا أم حسنة وبدا الطريق بالسوالف مرت ساعة من حرك الباص ناموا البنات وبطلت حسنة شنطتها وطلعت كتاب الله تبي تقرا من كتاب الله وناويه تقرا لين توصل الجوازات ...جلست تقرا وتقرا وخلصت ثلث الكتاب لين قال السايق : يلا يافلان ويافلان الجوازات انزلوا وطبقوا بسرعة قبل الزحمة.. انزلوا الرجاجيل ووصى بوخالد أم حسنة وحسنة : يالله يام خالد بسرعة قدام الزحمة خلصوا وبسرعة تعالوا وخليكم ويا الحريم ...راحوا الحريم ومعاهم حسنة وأم حسنة وطبقوا قبل الحريم وجلسوا ينطرون على ما يخلصون الحريم وصعدوا الباص وحرك الباص ودخل لجوازات السعودية وتم التطبيق بسرعة وحركوا لمدة ربع ساعة لين وصلوا استراحة يبي يتغدون ويريحون ويصلون شوي .. حجز بو خالد غرفة وسأل العيال وأم العيال : وش مشتهين تغدون ؟؟؟ واتفقوا على كبسة لحم وزبادي ..تغدوا وصلوا وجلس السايق ينادي بيحرك وحرك الباص ...
الجزء الرابع
جلس يحرك الباص لين ما صارت الساعة وحدة ووصلوا لاستراحة بيريحون ويحركون الصبح ..أذن الفجر وجلس بوخالد من النوم وأم خالد صحوا عبدالله وحسنة ووصى بوخالد لبنته حسنة : يبوج حسنة بروح أشتري من البقالة ريوق وغريضات يكفون لين مانوصل الحرم انشالله, زيني لنا قهوة وشاي أريني نزلت لج العزبة الصغيرة تلاقينها عند الباب وهذي الولاعة ولعي فيها الطباخة اللي بالمطبخ؟؟ ....حسنة :: انشالله يبا ....سمعت حسنة كلام أبوها وجا بو خالد ومعاه فطور وشوية قراميش يقرقشون فيها بالطريق ..خلصوا الفطور وتجهزوا وصعدوا الباص الساعة6 وحرك الباص لمدة طويلة تقريبا 4ساعات وجلست حسنة تكمل ما قرت البارحة من كتاب الله..نادى بوخالد حسنة :يبوج وين القهوة تعالي جبيها لي.. ووصلوا المغاسل الساعة10 ونزل عبدالله شنطة الاحرامات اللي تخصهم وأخذت حسنة أغراضها وأخذ بوخالد أغراضه هو وعبدالله وتغسلوا وخلصوا وجلس عبدالله ينطر أمه وأخته لما يخلصون وطلعت حسنة من باب المغاسل ووراها أمها وشافهم عبدالله وصعدوا الباص ونطر الباص ربع ساعة لين ما يكتمل الباص .. اكتمل الباص من المسافرين وحرك الباص لين ماوصل الفندق اللي تم الحجز عليه الساعة12الظهر ..راح بو خالد الرسبشن يستلم مفتاح الشقة اللي تم الحجز فيها دخل بوخالد والعايلة معاهم الشنط والعزبة داخل الشقة وقال : ام خالد .عبدالله . حسنة يلا يلا عجلوا علينا خلونا نعتمر بسرعة ..أم حسنة : انشالله يابوخالد ,, يلايلا ياعيال سمعتوا كلام أبوكم ,,خلونا ننزل .
نزل بوخالد والعايلة وراحوا مشي للحرم وهو موبعيد تقريبا 13متر مشي من السكن لي للحرم ..وبدوا عمرتهم وطافوا وهنا تذكرت حسنة كلام صديقتها بدور وارفعت ايدينها للرحمن ووهي تضحك بشويش متذكرة كلام صديقتها ووصيتها ودعت مثل ماوصتها : يالله يارب ترزق بدور باللي يلين خاطرها وترزق مريومة وترزقنا وياهم يارب ..أدت عايلة بوخالد العمرة ونادى بوخالد أم حسنة والعيال : ام خالد .ياعيال وشرايكم نطلع للساحة البيضا نتغدى ونعين من الله خير ولامن خلصنا نرد نصلي العصر ها وشرايكم ؟؟.. حسنة : إي والله يبا تكفى بصلي ما شبعت من بيت الله تكفى يبا عسى تشوف بيتك بالجنة ..عبداللة : شنولالالا تبونا نموت حر ؟؟يبا خل نرجع للسكن ونجي نصلي المغرب والعشا مابينهم وقت ..بوخالد : ها يام خالد وشرايج أنتي ؟؟ أم حسنة :والله أنا ودي اللي ودي فيه حسنة ونصلي المغرب في السكن وبعدها ننزل السوق ونصلي العشا لامن حل وقت صلاة العشا ...بوخالد : أنا داري إن ما وراكم إلا السوق ..عبدالله : شفت يبا أنا قايلك أنا أعرف الحريم للسوق ما يتعبون ولا جيتهم بغيت منهم حاجة يتحججون لك بالتعب ..بو خالد : يبوج ياحسنة ودج في السوق ؟؟حسنة ::والله اللي تشوفه يبا لو تمرونه ماني قايلة لا..ضحك بوحسنة ويدري إنها ماتبي المشاكل لكن رده كان :أنا أقول بنسمع كلام أمكم بس عشان حسنة عمرها ما قالت لي لا يبا عسى الله يوفقج يابنيتي ...عبدالله وعيونه حمر :أنا داري إنك بتقول هالكلام لو أدري إن غلا البنات أكثر من العيال ياليتني كنت بنت ...ضحكت حسنة وبوخالد وأم حسنة ::استغفر ربك وقول الحمد لله لا تحسد إختك على الغلا.باجر لا جربت الضنا منت بلايمنا .....سوت العايلة على اللي صممت عليه وصلوا العصر وردوا مشي للسكن ووصى بوخالد حسنة : يابوج قبل أذان المغرب زيني لنا قهوة وشاي نتقهوة ونصلي هنا المغرب وبعدها أوديكم يم السوق ...حسنة : أبشر يبا ما يكون خاطرك إلا طيب ..بوخالد : عسى الله يصلحج ويرزقج باللي أقوى منج ويعقلج..قيلت العايلة تقريبا ساعة قامت حسنة تزين القهوة والشاي ...قام بوخالد وعبدالله وأم حسنة من النوم ... راحت أم حسنة تشوف حسنة ولقتها زينت القوة والشاي وقالت : عسى الله يوفقج يابنيتي ويعلقج باللي أقوى منج وتشوفين بيتج بالجنة يارب ..حسنة : أهم شي رضاج أنتي وأبوي يمه الله يخليكم لي ....تقهوت العايلة: بوخالد وعبدالله وحسنة وأمها ..بوخالد لأم حسنة : أم خالد ...أم حسنة : هلا بوخالد ....بو خالد : يلا تجهزوا أوديكم يم السوق وقولي لبنتج تلبس وتخلص عشان يمديكم تسوقون ونلحق على صلاة العشا في الحرم ..أم حسنة : أبشر بوخالد ...بوخالد لعبدالله : ودك تجي معنا ولا تقعد تحرص الشقة أحسن لك ..عبدالله : لا يبا روحوا أنتم أنا تعبان من السفر وحنا بنقعد هنا ليلتين وانشالله أعوض صلوات اليوم بكرة بالحرم بصراحة يبا اللي بيتعمر عدل لازم يروح بروحة بدون حريم ينام بالحرم ويصلي كل الصلوات بالحرم ...بوخالد : خلاص حنا رايحين للسوق ...نزلت حسنة وأمها وأبوها للسوق ..دخلوا مجمع كبير وراهي ..دخلت أم حسنة لمحل البخور وجلست هي وبوخالد يتنقون ويشمون في هالبخور أيه أحسن ...جلست حسنة زهقانة تنتظرهم على ما يخلصون وصارلهم تقريبا نص ساعة ويالله خلصوا ..طلعوا من المحل مشوا للطابق الثاني وكان الطابق الثاني فيه عبايات جنان وكانت تموت بالعبايات دخلت حسنة وأمها للمحل وشافت العبايات وقالت أمها : يامج ياحسنة خل نطلع هذا المحل غالي ما نطوله ..حسنة إنشالله يمى ..كان محل هالعبايات صاحبته مرة وينقالها (أم فايز) وكانت تطالع حسنة وعاجبتها حسنة (حنطاويه فرسة بالجسم ,وخطوات أنثى ) مع إنها كانت مستوى جمالها عادي لكن جذابه , طول وزول وعيون ..في هذا الوقت كان داخل المجمع وبنفس الطابق رجال يتمشى مبين إنه ولد جاه هامور ومعروف لأنهم كان يسلمون عليه (هلا فارس) ورايح يشوف أحوال السوق الظاهر كان هالسوق ملك لأهلة ومنزل نظارته وحاطها في جيبه وكان جدا مملوح ومخاويه صاحبه سعد و3رياجيل تقول كنهم حرس وخويه سعد كان من اللي عندهم علاقات وحاجز له شقة والمشكله اللي كانت تضبطله أم فايز راعية محل العبايات ..بس هالمحل ما تقعد فيه دايما, تجيه من وقت لي وقت لأنها كانت مشغولة في البنات اللي تجيبهم من مجمعات أخرى غير اللي موجود في مكة كانت لها فروع أخرى في مناطق السعودية وأي بنت تدخل مزاجها طبعا كانت تخدرها وتختطفها وبعدين تعطيهم الرياجيل اللي يشتغلون معها يخفون أثار جريمتها بإنهم يتخلصون من البنات ويذبحونهم إذا خلصت منهم وشافت إنهم ما ينفعون وما يجيبون لها فلوس زي أول مرة بس هالمرة شافت فارس وهو يطالع أحوال السوق طاحت عينه على ذيك البنية المستحية كانت عادية ومستترة بعباية الراس ومتنقبة ( مع إنه ما كانت تهمه سوالف سعد اللي كان يحرشه دايم الدوم إنه يستانس بالبنات زيه زي أي رجال بالعكس كان انسان متفاني في عمله وظل دايم الدوم يحرشه ) .في هاللحظة شافته أم فايز مع إن حسنة ما انتبهت ولا كانت تهتم لنظرات الرجال لكن أم فايز قررت ترتكب جريمتها طمعا بالفلوس وكانت متأكدة إنها بنت لأن كانت وياها أمها وأبوها وومامعاها زوج وأكيد هني بتزيد الفلوس خصوصا إنها بنت ...لكن حسنة عقب ما نادتها أمها طلعت ومشت مع امها لأبوها وصعدوا يتعشون في الطابق الخامس كان مليان مطاعم ...ووصت أم فايز أحد في المحل وخذت 2أندونيسين اللي يشتغلون معها في المحل وهذي أول مرة تسويها (لا حول ولا قوة الا بالله, وصلت لي منطقة الحرم ). المهم خلت 1داخل المحل ومشت تلاحقهم ...
الجزء الخامس
حسنة لأبوها : يبا بروح الحمام مستعجلة ...أبوها : تدلينه وين صاير ...حسنة : نسأل عامل المطعم ...بوخالد : خلاص خل يجيب العشا ونسأله ..جا العامل وسأله بوخالد وعرفت حسنة إن مهو ببعيد ورى لفة المطعم قال بوخالد : روحي وأمج بخليهاتلحقج أول ما تاكل حبت السكري ...حسنة : إنشالله يبا ...راحت حسنة وياليتها ماراحت, افتحت باب الحمام ودخلت داخل ولحقتها أم فايز ووصت واحد يقعد برى لين ما تخلص وأي أحد يبي يدخل يقوله إنه يتصلح وأول ما طلعت حسنة من الافرنجي وراحت تغتسل ما شافت أحد إلا يد تخنقها وتغطي خشمها وطاحت من المخدر وشالها العامل وكان متستر بالعباية كأنه مرة. وشالوها وغطوا وجها بغطوة لأنها كانت لابسة نقاب وممكن تمر أمها وتعرفها, طلعت من الحمام وكل هذا حصل في وغصون 8 دقايق وهي ماشية في الممر جلست تتحوب أم فايز وتقول : ياويلي عنج يابنيتي ..مرت أم حسنة في االممر اللي يوصل للحمام وشافت أم فايز تقول هالكلام ...وقالتأم حسنة : ما تشوف شر بنتج ..مادرت إنه هذي بنتها حسنة اللي راح تنحرم منها وماراح تشوفها للأبد ماانتبهت لأن شنطتها أخذها العامل الأندونيسي اللي متغطي بالعباية وخاشها في كيس ...دخلت أم حسنة تدور على بنتها بالحمام وتصوت يمكن تكون داخل في الحمامات ..بس ما كو أحد يرد ..وقالت : الظاهر إنها ردت عند ابوها ..ردت أم حسنة لأبوخالد : ما لقيت حسنة بالحمام ماردت لك ..بو خالد : لا ماردت انتي متأكدة إنها ماهي ب داخل ...أم حسنة : أقولك دورت عليها وصوت لها ماردت وفتحت باب باب .اقول بوخالد قم قم ندورها عسى الله يستر عليها لا تضيع ولا يصير فيها شي ....تخربط بو خالد ووجه حمر وما كمل عشاه راح يدور ها وأم حسنة على حسنة بدو في الحمام وخلصوا الطابق الللي هم فيه ودورا في الطوابق الأخرى لكن للأسف البنت راحت ولا لها أثر ...طاح أبو خالد يبجي وأم حسنة إغشى عليها من السكري وإلتموا الحريم عندها وإلتموا الرياجيل عنده وعرفوا إن البنت ضاعت وخبروا اللي ماقصروا الشرطة وتم الأمربتحويط المجمع لي الساعة 2بالليل وإتصلوا في ولدهم عبدالله ..الضابط : ألو؟؟؟ عبدالله : نعم ...,الضابط :الأخ عبدالله ؟....عبدالله :إي نعم هلا آمر ؟؟ ...الضابط : حبيت أبلغك إن الوالد والوالدة عندنا اسم الله عليكم ياليتك تجينا بسرعة ؟؟..........عبدالله : ليه امي فيها شي .؟؟ .الضابط : إنت تعال وبتعرف كل شي ...وأول ما وصل عبدالله الساعة 10؟ ..شاف أمه غشيانه والمسعفين والمسعفات والحريم عندها وأبوه يبكي بحرقة ...عبدالله :يبا شفيكم عسى ماشر خرعتوني وش صاير؟ ... بو خالد : اختك حسنة يا عبدالله ما لقيناها راحت وماردت ؟؟؟مدري وش حل فيها ؟؟ عبدالله : يبا الله يهداك شفيك ما تضيع إنتم دورتوها عدل تراها ماهيب عيل ؟؟؟بوخالد :: أقولك ما خلينا مكان ..وتم التفتيش عنها لكن بلا جدوى كن الأرض انشقت وابلعتها مالها آثر ولا أحد حس فيها ؟؟؟
في هذي اللحظة راحت أم فايز إلى منطقة بعيدة عن مكة إلى أحد مناطقها المعروفة تبعد عن الرياض 2000كيلو ووصلت إلى شقة البنات(فلتهاالخاصة جزء منه خلته شقه للفاجرات) الي خطفتهم وفهمتهم إنه مستقبلهم ضاع وإذا ما اشتغلوا عدل راح يواجهون مصيرهم مصير اللي قبلهم وغلبت فيهم الشخصية الدنيئة عندهم وكانن جدا فاسقات كل ما خرجوا يحطن المكياج والعباية المفتوحة واللبس الغير محتشم.. صعدت أم فايز ..ضربت الباب ..وجلست تصوت : سميحة , هدى بطلوا الباب اليوم جايبة بضاعة جديدة .فتحت الباب سميحة ...أم فايز بعصبية : سنــــههه على ما تفتحون الباب ...وكل البنات خايفين ما يبون يتجاهلونها لأنها تدري وش تقدر تسوي فيهم ...وكان في داخل الشقة 5بنات هدى وسميحه ودلال ولميا وضحى كلهم كانوا متكبرات في المعاملة واخضعوا لأمر أم فايز لأنه لو هدتهم كل وحدة عايلته ماراح ترضى فيها مع إن هالشي ماصار بكيفهم صار بخطف ..لكن كل شي إلى العار يدرون إن كل وحدة وأهلها يفضلون إنهم سمعوا إن بنتهم ماتت ولا تظل عايشة بفسق وفجور ...أم فايز لسميحة : روحي جيبيلي ماي وكلونيا خل أصحي هالبقرة اللي ماتقوم؟ بسرعـــــــــة (قالتها بصراخ)..راحت سميحة ونفذت كلامها بالحرف الواحد..أخذت أم فايز الكلونيا وحطتها بمنديل وسدت فيه خشم حسنة ..اختنقت حسنة وفزت من النومة..حسنة ::أأأأأهههههههه وخري عني ...فتحت لعيونها شافت نفسهافي مكان غريب وقدامها 5بنات جميلات متزينات بملابس وجواهر واقفات وراعية المحل جالسة يمها...وقالت : إنتي مو راعية محل العبايات وأنا شجابني لهنيه ؟؟؟ أم فايز لحسنة : بلاش كلام وقولي شسمك ؟؟؟حسنة وأم فايز رافعة حواجبها كأنها شيطان : إسمي حسنة ..حسنة : أناشجابني هنيه ؟؟ أم فايز لحسنه : فوقي لنفسك أنتي ألحين ملكي وأي شي أطلبه منك اتنفذينها بالحرف الواحد ..قاطعتها حسنة :أنتي شتقولين شتخربطين وين أهلي وين أمي وأبوي ...أم فايز كبركان هائج : لا تصرخين وإسمعي كلامي ( وبضحكة ساخرة ) ولا راح أخليج تواجهين مصير اللي قبلك مدعات الشرف ..إسإلي زميلاتك وهن راح يخبرنك عدل وإن سمعت إنك تحاولين تهربين راح تحكمين على نفسك بالموت أنتي وزميلاتك ؟فاهمـــــــــــهه.....جلست حسنة تبكي على حظها رواح فكرها يم أمها وأبوها وشحل فيهم وشصار ؟؟وجلست يمها سميحة تهديها...حسنة قامت وصرخت عليها : وخري عني أنا ما أعرفكم ولايشرفني أكون معكم ولا مثلكم ...صرخت هدى على حسنة : هي أنتي لا تشوفين نفسك اسمعي الكلام واحمدي ربك إن في وحدة تهديكي وتجن على حالك أنتي ما واجهتي اللي واجهنا..ماجاج إلا قليل وزي ماقالتلك أم فايز : لا تفكرين بالهرب لأنك ماراح تعيشين أنتي في ديرة غير ديرتك وصعب إنك تهربين وإن حاولتي ماتروح عن أم فايز تطلعك من تحت الأرض وتخلي رياجيلها ينحرونك مثل ما انحروا اللي قبلك ...صاحت حسنة وجلست تبجي من الخوف واعتزلت البنات وغطت نفسها بعبايتها وجلست تدعي ربها وتسجد له إنه يستر عليها لين ما حل الصبح ..
ضربت الباب سموحة : صباح الخير حسنة أنتي صاحية أنا جايبتلك الفطور ؟؟ حسنة : وخري عني مابي فطور خليني أموت من الجوع أبركلي ....سميحة :ياحبيتي ياحسنة أناقبلك سويت كذا وماصار وكل يوم أتمنى إني أرضي ربي وأصلي له ما باليد حيلة فكرت أنحاش وترى أقدر أنحاش أغري السايق يوديني لكن فكرت وين أروح ومن أردله أرد لأهلي تلقينهم ادفنوني وأنا حية ...دمعت عيون سميحة وهي تكلم حسنة وتتابع في كلامها :شقولهم ياحسنة أنا دشيت فلل ورقص وبلاوي وسهرات وتزنيت مومن كيفي غصبن عني واضطريت أني أضحك واكون بحالة سكر عشان أرضي الزباين لأنهم إذا رضوا راح ترضى أم فايز وراح تحل عني شوي وصديقيني أنا مولوحدي كانت معي بنت خالتي تدرين وشلون قدرت علينا: (جلست سميحة تقص قصتها شلون وصلت هنية) قبل 3سنين كنت ساكنه بالرياض كنت أنا وبنت خالتي مها رايحين لعرس صديقتنا كان بيت خالتي في حارتنا وكان العرس عرس صديقتنا واتفقنا إحنا يالبنات إنه نروح لصالة العرس ونجلس إلين ما يخلص العرس هذا, وعدنا لصديقتنا العروس وأهلنا كانوا راضين وأبوي كان راضي لأنه صديقتي سلمت على أبوي قبل زواجها باسبوع ووصته وأبوي يعز أبوها وعشان أبوها مايرفض له طلب ...(تكمل سميحة قصتها وحسنة تشوف مدامعها تترس عيونها ) رحنا للعرس لكن أهلنا أمهاتنا طلعوا وخلونا نكمل العرس وكانت طول العرس تراقبنا ذيك المرة وتسألني أنا وبنت خالتي على أسامينا لين ماجاوبناها وجلست تمدحنا كنا إحنا أجمل ما في الحفل وكنا نجاوبنا تعرفين وين راح فكرنا إنها تسأل يمكن تخطبنا لأحد من عيالها لكن للأسف اتفقت أنا وبنت خالتي مها إن نطلع من الحفل 1ونص والحفل كان زحمة لأن العرس مطول وأول ماطلعنا ننتظر السايق ما حسينا إلا إغشى علينا أثريها كانت حاطة مخدر ومعها حراسها واقفين برة متغطيين بملابس نسائية ووصلنا لها ...حسنة لسميحة : وين بنت خالتك مها ؟ سميحة : حاولت تهرب وفعلا قدرت لكن قدرت لها أم فايز وصادتها وقالت لها : شحقه بتهربين تحسبين أهلك بيرضون فيكي تردين لهم ألحين طيب أنا عندي جوال أبوكي وبكلمه قدامك ,وفعلا كلمته واتصلت به وقالت له : السلام عليكم بو مها ؟قال نعم ؟ شخبارك بو مها أنا صديقتها من زمان وأخبارها عني انقطعت وأتصل في البيت محد يرد علي لين ماحصلت جوالك وقالولي كلميه أحسن ؟... سميحة لحسنة : تدرين وش رد قال : مها ماتت من عقب العرس لقينا جثتها بأحد المستشفيات ودفناها هي وبنت خالتها ..سمعنا الكلام أنا ومها وتفاجأت من كلام أبوها وتصرفت أم فايز مع ابو مها وجلسنا نبكي بحرقة ...لكن أم فايز ما خلتها شنقتها قدامنا مع رجالها الآسيويين عشان ما تفكر وحدة فينا تهرب وأخذتها للحوش ونحرتها زي ما ينحرون الذبايح وشافوها البنات من الشباك أما أنا ماراح من فكري يوم شفتها تموت بالحبل وهي قبل لاتموت قالت لأم فايز إذبحيني أنا مااستاهل إني أعيش وماتت قهر ...وأنا ليومك هذا أدعي إن الله يغفر لها ويهدي البنات لأن اللي حصل مو كيفنا غصب عنا وكل يوم أصلي الفجر وكانت ضحى تغطي علي ماتبي أحد يدري لأن باقي البنات ما تأمنينهم بالأسرار ....حسنة كانت في منتهى الذكاء وهي متأثرة في قصة سميحة : وأم فايز هاذي وش جايبها لكم ؟ سميحة : طلعت تعرف زوج صديقتنا كان راعي سهرات وجلسات لكن هذا اكتشفته لوحدي يوم شفته في حفلة يكلمها ويسألها عن العرس ومدحت عرسه وسألها عن سالفة البنات اللي إختفم لكن زي العادة أنكرت لأنه تدري وش يقدر يسوي فيها إذا درى إن لها يد بالسالفة خاصة وهو يعرف أبومها بس هذا اكتشفته بعد ما ماتت مها ....حسنة لسميحة : تدرين ياسميحة يوم سمعت قصتك ما أنكر إنج خففتي عني ؟؟والله إنها تعور القلب ..ما حاولتي تكلمين زوج صديقتج العروس ...سميحة : حذرتنا أم فايز قالت انسان له اسمه وما يبي الفضايح وإن درى إني عايشه ليذبحني ما هو ناقص إنه سمعته تتشوه وهوشكله موبهين ياخذ حقة حتى من اللي أكبر منها خاصة وهو محامي. ...حسنة لسميحة : سميحة قولي يارب إن الله يفرج كربتنا وأرد لديرتي وأهلي .....سميحة : تهقين أهلك بيرضون فيك عقب اللي صار ؟ وشلون راح تعيشين مع كلام الناس هذا إذا ما قالوا هي منحاشة مع واحد ....حسنة : تصدقين مافكرت بهالطريقة (جلست تبكي حسنة ) إذا مارضوا فيني ديرتي تضفني حنا القانون ما يسمح لحد يتعدى على وراح أخضع لأي شي عشان يتأكدون إني بينت ؟؟سميحة لحسنة :طيب وإن ما صرتي بنت ؟شبتسوين ؟ماتدرين أسعار البنات غالية عند أم فايز للزباين وخصوصا إنتي غريبة عن ديرتنا ...ما تحملت حسنة كلام سميحة وجلست تبكي ...سميحة لحسنة : أقولك الله بيحطك وين مايحطك أفطري وصلي وإدعيلك وإدعيلي وأنا بوقفلك برة عن الباب أراقب لحد يطب علينا حتى الصلاة بالحسرة هنا فتن ....حسنة ما أكلت إلا لقمتين وصلت الفجر مع الضحى وجلست تدعي لكن فجأة
