رواية فرجينيا 999 للكاتب محمد الكندري في فيرجن مارينا مول

[نونو^الدلوعه]

حاليا رواية الكاتب الشاب محمد الكندري فرجينيا 999 في فيرجن مارينا مول صارلها أسبوع تقريبا الرواية شارك فيها الكاتب مع بلاتينيوم بوك في معرض الكتاب والحمد لله حققت صدى ونجاح والحمد لله أن من خلال مشاركتها في معرض قطر الدولي للكتاب نباعت كل النسخ لا تطووووفكم

تتكلم الرواية عن الشباب والبنات الكويتيين إلي يدرسون في ولاية فرجينيا الإمريكية الرواية تجمع ما بين قصص الحب والاكشن والازمة الاقتصادية العالمية والإرهاب والاحداث تصير في الكويت والعراق وافغانستان وفرجينيا =)

وهذا غلاف الرواية

 

[Tom ♥ Jerry]

رد : رواية فرجينيا 999 للكاتب محمد الكندري في فيرجن مارينا مول

.


عآد آمس رديت من جرير توقعت آشوفها بس حسافه مآ شفتهآ !
يمكن لآني مستعيله :/ ! مآ دورت عدل
مشكـــورة ع الخبر حياتي .. :*

و يبت صورة اوضح للروايه : )

.

 

[رحيل المرافيء]

رد : رواية فرجينيا 999 للكاتب محمد الكندري في فيرجن مارينا مول

يمدحون هالرواية
بس مترددة اشتريها ولاا لاا
لانه اغلب كتابات الشباب اللي طالعين اي شي
تشكرات على الموضوع

 

[Eng_Roka]

شريتها من المعرض وقريتها

كانت جيدة وعطيتها ٧ من ١٠ مادري هذا رايي يمكن غيري يختلف رايه

عموما بالتوفيق له ولكل الكتاب الصغار المبدعين

رحيل عذرا لتدخلي بس اتمنى ما تحكمين وتعممين وتقولين الاغلبيه كتاباتهم اي شي
فعلا البعض كتاباتهم مالها معنى وتافهة بس حرام مو الكل
بسئلج قريتي شي حق خالد النصرالله؟؟
او عبدالله المضف؟؟
ممكن البعض ما يحبون كتابات المضف بس النصرالله جد كاتب مبدع بمعنى الكلمه من حيث الفكرة والاسلوب والسرد والاحداث وكل شي يكون متكامل بكتاباته
انصحج تقرين التجربه الانجليزيه والحقيقه لا تقال اذا ما كنتي قاريتهم
وحتى المضف محد يقدر ينكر ابداعه صج صج غواص محترف في مجاله ينتقل بين الاحداث والافكار بسلاسه ومو الكل يستوعب اللي يكتبه بس جد كتاباته تدل على مدى ثقافته

واتمنى ما اكون ضايقتج ودخلت بموضوع ثاني او تدخلت بشي ما يعنيني ؛*

يعطيج العافيه سويتي ؛*

*

 

[Q8_QT]

مشكورة حبوبة شوقتيني عالرواية بس بسإلج اهي بس بفيرجن مااحصلها بمكان ثاني

 

[الصواني]

رد : رواية فرجينيا 999 للكاتب محمد الكندري في فيرجن مارينا مول

up
up up
up up up
up up up up

 

[ليلو جبريت]

رد : رواية فرجينيا 999 للكاتب محمد الكندري في فيرجن مارينا مول

شكلي باخم كل االكتب تبع بلاتنيوم