روايتي الأولى:هلي لا تنزل دمعتكم تراها تعذبني

[ليمونة حلوه]

​

​

بسم الله الرحمن الرحيم​

اللهم صلي و سلم على محمد وآله محمد​

السلام عليكم ورحمة الله وبركاته​

هذي روايتي الأولى بقلمي((هلي لا تنزل دمعتكم تراها تعذبني)) ​

راح انزل كل يوم بارت الساعة عشر بليل اذا ما سمحتلي الظروف اني انزل راح ابلغكم و بليز ما ابي ردود مثل البارت اقصير او جاري الأنتظار او اذا ما عجبتكم الرواية تكتبون كلام مالا داعي اذا ما عجبتكم الرواية لا تقرونها مع احترامي لكم.​

الشخصيات:​

الجد بوجاسم:شخص وايد طيب و حنون و اغلا شي عنده احفاده و بناته اثنتين و ما يرضه احد يهاوشهم و اهو شخص القعده مع وناسه بس وقت الجد جد عنده شركاته الخاصه و اهو رجل له سمعته طيبه.​

​

الجده ام جاسم:امرأه حيييل حيييل حنونه و ما اتخلي شي ابخاطر اعيالها و احفادها و اهي ربة منزل.​

​

عيال واحفاد بوجاسم:​

​

عايلة جاسم:​

جاسم :شخص طيب و حنون و وقت الغشمره يصير غشمرجي و وقت الجد يصير جدي و ساعات يكون عصبي و يحب اخوانه عمره 35سنة بشرته بيضه و شعره ناعم لونه اسود و عيونه لونها بني قامج جسمة رياضي و في طول وعريض من فوق يشتغل دكتور قلب.​

​

فاطمة:زوجة جاسم اهيه طيبه ولاكن لمن يصير الغلط جدامها اتعصب وساعات وقت الغشمره اتفلها اهيه اتحب حماواتها اثنتين و اتحب اترزهم و اطلعهم بأحلى صورةعمرها33 سنة بس ما يبين عليها بيضة و جسمها حلو مثل عارضات الأزياء و تقريبا طولها يوصل لجتف جاسم و شعرها لونه بني و عيونها بني فاتح تشتغل مدرسة روضة.​

​

عيال جاسم:​

​

محمد الولد الكبير :عمره 15سنة شعره اسود ناعم و بشرته حنطاويه وعيونه وساع بنيه و البنات ينعجبون في اهو حيل مع ولد عمه يعقوب و يكره لمن بنت اتبوسه والقعده معاه ما تنمل .​

​

علي:عمره 14 سنة شعره اسود و ناعم وماخذ بياض امه و عيونه ناعسه لونها بني فاتح و نفس الشي اهو حيل مع يعقوب و نفس اطباع اخوه محمد.​

​

حبيب:عمره 9 سنوات نسخه مصغره من ابوه يشبه ابوه لمن كان ابعمره حيييل طبعه حيل يختلف عن اخوانه و مدمن شي اسمه اجهزة الكترونية(تلفزيون-بليستيشن و من هل العاب)ما يحب احد يتحرش في اذا كان مندمج ابشي عصبي حيل و ما يحب احد ياخذ منه شي يحبه اهو.​

​

يوسف:اخر العنقود عمره ثمن سنوات يشبه اخو علي حيل لاكن الفرق ان اهو حنطاوي اهو مزعج البيت ساعات يكون ازعاجه ابمحله و ساعات يكون ازعاجه مو بمحله يعني بالمختصر البيت بدونه هدوووووووووووووووووووووووووء.​

​

عايلة يوسف:​

يوسف:الأبن الثاني لبوجاسم وااااايد حنون واغلى شي عنده اعيالة و يحب عيال اخوانه يعتبرهم اعياله و يحب خواته و ما يرفض لهم طلب جسمه رياضي نفس اخوجاسم عيونا بنيه و شعره اسود و خشن اشوي عمره 33 سنة يشتغل دكتور اطفال و كان متزوج و طلق.​

​

عيال يوسف:​

​

يعقوب الولد لكبير:عمره 15 سنة في من ملامح ابوه نفس شعره و نفس جسمه لأنه يعقوب في طول بس طوله حلو مو وايد و من فوق عريض و اهو حيل متعلق بعيال عمه محمد و علي بسبب العلاقه القويه بينهم في نفس اطباعهم و اهما الثلاثة مع عمتهم زينب يشكلون رباعي مرح صج في فرق بالعمر بينهم و بين عمتهم بس ما يحسون فيه.​

​

عبدالله:عمرة 9 سنوات يشبه ابوه حيل يحب اخته رؤى حيل ولي يشوفهم يحسب انهم توؤم لأن يتشابهون و لهم نفس اطول و الشكل.​

​

رؤى:اهي العنقود و الحفيده الوحيده من احفاد ابوجاسم الكل يحبها و ما يرفض لها طلب و اهيه دلوعة البيت عمرها ثمن سنوات.​

(اكيد تسألون شنو شعور اليهال من دون امهم؟ ما أتأثروا لمن طلقها يوسف لأن من صغرهم و اهيه مو مهتمه فيهم و الي يعوضهم عن حنان الأمومه عماتهم و يدتهم و حريم عمامهم)​

​

عايلة موسى:​

موسى:الأبن الثالث لبوجاسم عمره 25 سنة ابيض و شعره بني قامج وناعم عيونه وساع وعسليه و جسمه رياضي يشتغل دكتور بالجامعه و يحب اخته زينب حيل و ما يرفض لها طلب و يعتبرها بنته مو اخته.​

​

مريم:مرت موسى عمرها 23سنة تشتغل دكتورة نساء بيضه و جسمها حلو و اتحب زينب وايد و اتخاف من شي اسمة حشرات.​

​

ابراهيم:ولدهم الوحيد عمره ثلث سنوات وااااااااااايد هادي و يشبه ابوه حيل.​

​

عايلة ناصر:​

ناصر:الأبن الرابع لبوجاسم عمره 23 سنة يشتغل مهندس معماري شفتوا جايكوب الي بتوايلايت اهو يشبهه حيييل خصوصا عضلاته و لون اعيونه و يحب خواته اثنتين و شخصيته اتوسع اصدر.​

​

روان:زوجة ناصر عمرها 20 و اتصير اخت فاطمة تشبه فاطمة لاكن روان ملامحها انعم اشوي تشتغل دكتورة اطفال و اهي حامل الحين بشهر السابع.​

​

رقية:الأبنة الخامسة لبوجاسم عمرها 22 سنة اتموت بختها زينب وتعتبرها كاتمت اسرارها بشرتها برونزيه عيونها بني فاتح و شعرها قصة فكتورية لونة بني و خصل عسليه جسمها حلو تدرس ادارة اعمال ادارية و ما اتفكر تتزوج تبي اتعيش حياتها.​

​

​

وليد:الأبن السادس لبوجاسم عمره18 سنة شاب يعجز اللسان عن وصفه من وسامته شعره ناعم و مدرج لين رقبته و لونه بني على اشقر عيونه عسليه و شفايفه ورديه فيها لمعه و روحه وااااااااااايد مرحه و القعده مع ما تنمل و يموت باخته زينب.​

​

​

زينب:توأم وليد بنت كثر ما اتكلم عن طيبتها ما اوفي ابحقها و هذا اسبب الي يخلي الكل يحبها اتخاف على عايلتها وايد من انا يتركونها و دايما تسكت عن حقها و ما اتقول عن الي ابقلبها الا حق و وليد ورقية و مهدي و ما اتحب اتبين حق احد اذا كانت حزينه لأن تبي اتكوم دايما زينب المبتسمه البشوشة لاكن اهي مفضوحه عند وليد لأن وليد يقدر يعرف كل شي من عينهاو اهي نسخه من وليد لاكن الفرق ان وليد عنده سكسوكه و جسمه رياضي اما زينب جسمها خيااااال في كل معالم الأنوثه. ​

​

خل اقول لكم منو مهدي: مهدي يصير ولد اعز اصحاب بوجاسم امه و ابوه توفوا بحادث سيارة وقبل مايموت بومهدي وصى بوجاسم على انه يربي مهدي لأنه ماله احد بعد امه وابوه و بوجاسم ما قصر ربى و سواه ريال ينشد في الظهر و اعتبر مهدي واحد من اعياله وكبر مهدي و سلمه بوجاسم شركة من شركاته و الحين مهدي عمره 21سنة ريال وايد وسيم شعره بني و عيونه وساع لونها اخضر ابعسلي و يحب زينب و يخاف عليها من نسمة الهوى و على فكرة اهو يصير خطيب زينب.​

​

ملاحظة:ترى كل الأبطال ساكنين ابقصرين مفتوحين على بعض و كل واحد يتكون من اربع طوابق وسرداب طبعا السرداب واحد تحت هل قصرين القصر الأول و الطابق الأول يسكن في الجد و الجده يتكون من صالة وغرفتين نوم و ثلث حمامات (الله يكرمكم) و مطبخ اصغير و الطابق الثاني يسكن في جاسم و فاطمة و عياله و يتكون من خمس غرف نوم و داخل كل غرفة حمام(الله يكرمكم) (الغرفة الأولى جاسم و فاطمة و باجي الغرف كل غرفة فيها واحد من لعيال) و في مطبخ و صالة الطابق الثالث يسكن في يوسف و عيالة يتكون من اربع غرف نوم و في كل غرفة حمام (الله يكرمكم)غرفة ليوسف و كل واحد من اليهال له غرفة الطابق الرابع في موسى و مريم وابراهيم يتكون من اربع غرف و صالة و مطبخ و في كل غرفة حمام (الله يكرمكم)غرفة حق موسى و مريم و غرفه حق ابراهيم اما القصر الثاني و الطابق الأول في ناصر و روان و يتكون من ثلث غرف و صالة و مطبخ و في كل غرفة حمام (الله يكرمكم) و اطابق الثاني حق وليد و مهدي يتكون من ثلاث غرف و صالة و مطبخ غرفتين فيهم حمام (الله يكرمكم) وحده حق وليد وحده حق مهدي و الغرفة الثالثة فيها قعده و شاشة كبيرة يستخدمونها حق الأفلام اما الطابق الثالث حق رقية و زينب يتكون من اربع غرف و صالة و مطبخ غرفتين فيهم حمام (الله يكرمكم)الي هم حق رقية و زينب و غرفة حق الكبتات اما الطابق الرابع مقفول و محد يدري شنو في الا بوجاسم و مهدي و ممنوع احد يدخل اما السرداب يتكون من صالة و مطبخ كبير و غرفة فيها طاولة طعام طبعا كل وجباتهم من فطور و غداء و عشاء في هل غرفة و مجلس حق حريم و مجلس حق رياييل و قاعتين لرياضة وحدة لل حريم و حدة لرياييل و ورا القصرين في حوضين سباحة واحد مكشوف حق الرياييل و ثاني مصكر للحريم.​

ملاحظة ثانية:علشان اتفرقون بين يوسف لكبير و يوسف لصغير راح اكتب حق يوسف لصغير يسوف و لكبير يوسف. ​

هذيل اهم ابطال روايتي اما الباجي راح اتعرفونهم بعدين​

​

​

​

​

​

​

 

[ليمونة حلوه]

​

​

هلي لا تنزل دمعتكم تراها تعذبني​

​

​

​

البارت الأول:​

​

​

​

يوم السبت الساعه التاسعة صباحا الكل مجتمع على طاولة الطعام ما عدا شخصين.​

​

الجد:وين زينب و مهدي؟؟؟​

الكل ما عدا وليد الي كاتم ضحكته:ما ندري.​

الجد طالع وليد و قال:اشفيك كاتم ضحكتك انا قلت شي يضحك.​

وليد قام و ساسر ابوه و رد مكانه الجد قام و راح القصر الي في ساكنين زينب و مهدي.​

اول ما اختفه الجد الكل التفت حق وليد وقالوا :اشقلتله؟؟؟​

وليد اخترع :بسم الله خرعتوني بس قلتله انه زينب و مهدي نايمين ابغرفة السينمة((الغرفة الي فيها شاشة يعرضون عليها افلام)).​

الكل صارت اعيونهم جذي 0_0​

وليد مات ضحك عليهم​

جاسم:شسوون نايمين ابغرفة السينما؟؟؟​

وليد: لا بس كانوا سهرانين و ناموا مناك.​

​

​

​

​

​

عند الجد​

راح غرفة السينما و شاف زينب نايمه ابحضن وليد و الأكل كلا حولهم الجد ابتسم ابخبث راح ورد مع سطل ماي بارد مع ثلج ووووووو طشششششششششششششششش كبه عليهم زينب و مهدي قاموا و اهم مفزوعين و زينب ترتجف من البرد​

الجد كاتم ضحكتة على اشكالهم:هذا درس لكم علشان مره ثانية ما تنامون مع بعض.​

مهدي:يبه خو عادي اهيه زوجتي احنا مالجين<<<ينادي يبه لأنه يعتبره ابحسبت ابوه​

الجد:حتى لو اناخليتكم اتسوون كل شي لاكن قلتلكم نوم مع بعض لالالا و يلا الحين جدامي لكم نص ساعه تتزهبون و تنزلون.​

زينب و مهدي:انشاءالله​

​

​

​

​

نزل الجد و الكل فيهم فضول بعرفون شنو سوه فيهم<<خخخ اشتغل عرج اللقافه​

كلهم طالعوا الجده علشان تسأله​

الجده فهمتهم و قالت:الا يبو جاسم اشسويت.​

الجد:اولا اذا بتستفسرون عن شي سألوني انا مو اتطالعون ام جاسم علشان تسأل اهي و ثانيا الي سويته و قالهم كل شي سواه في مهدي و زينب​

ما قدروا يمسكون ضحكتهم​

الجده:حرام ليش سويت فيهم جذي اخاف ياخذون برد​

الجد ابتسم:لا تخافين وبعدين علشان يتعلمون جم مره قلت لهم لا ينامون مع بعض انا اخليهم يسوون كل شي يطلعون يسهرون الا النوم لا ينامون مع بعض​

وليد:حسافه ما شفتهم ​

محمد:اكيد زنوب اول ما حاشها الماي بدت ترتجف زنوب و اعرفها ما تستحمل البرد صح يدي​

الجد ضحك:اي صح​

​

​

​

​

اما عند زينب و مهدي​

اول ما راح الجد كل واحد راح غرفتة و اخذ شاور عالسريع​

​

زينب نشفت شعرها و لبست بنطرون جينز اسكني و بلوزه سوده عليها صورة بوسة بالفوشي و لبست صندل (الله يكرمكم) فوشي و اكسسوارات بالفوشي​

​

اما عند مهدي لبس شورت ابيض و بلوزه لونها اصفر مكتوب عليها كلام بالنجليزي بالأسود و لبس جوتي(الله يكرمكم)سبورت لونه ابيض و علي خطين بالأسود و طلع بدون ما ينشف شعره​

​

و اهو رايح للأصنصير لقه زينب توها ابتدخل وقف وراها بيخرعها جان اتقول زينب:مهدي لا تحاول ولفت له و ابتسمت صباح الخير​

رد لها ببتسامه و قال:صباح النور​

وقفت زينب على اصابع ريلها لأنها تعتبر اقصيره لمهدي و مسكت شعره المبلول و قالت:ليش ما نشفت شعرك بعدين تمرض​

مهدي:عادي​

زينب:لا مو عادي روح نشف شعرك​

مهدي:مابي​

زينب:عيل ما راح ننزل​

مهدي ببتسامة خبث:ابشرط​

زينب: اموافقه بس روح نشفه​

مهدي:لا سمعي اول​

زينب:شنو​

مهدي: انتي اتنشفين شعري​

زينب صار ويها الوان:لا​

مهدي:عيل بقعد جذي لين امرض مو بعدين اتقولين و يقلد صوتها شفت انا مو قلتلك نشف شعرك يلا الحين عاجبك مرضت​

زينب امبطله عينها عل اخيرو شهقت: انا اقول جذي!!!!!​

مهدي و هو كاتم ضحكته:لا انا يلا اتنشفين شعري و لا امرض​

زينب :لا خلاص انشفه​

مهدي ابتسم:يلا ​

و راحوا لغرفة مهدي ونشفت زينب شعره​

مهدي مسك ايدها و باسهه:تسلم ايدج​

زينب استحت:الله يسلمك يلا ننزل​

مهدي:يلا​

​

​

​

و نزلوا علشان يتريقون​

​

​

​

اول ما دخلوا سلموا و باسوا راس الجد و الجده و قعدوا يتريقون​

رقية:في ناس قعدوهم بماي بارد خخخخخخ​

زينب و مهدي عطوها نظرة خلتها تسكت​

​

فجأه رن تلفون رقية ابصوت بوسات يعني وصلها مسج مني رقية قلبت طماط من الفشله<<<خخخخ احب هل رنه​

الكل قام يطالعها و كاتم ضحكتة​

بطلت الرسالة شافتها من زينب مكتوب فيها ((خل الكل يسمع رنتج و هذا درس لج))​

​

زينب كانت كاتمه ضحكتها و اطالع صحنها ما وعت الى على رفسة من رقية على ريلها قالت ابصوت واطي محد سمعه الى مهدي و وليد:ااااااه​

مهدي و وليد ابخوف:اشفيج​

زينب:لا بس رقوي رفستني​

مهدي و وليد طالعواها ابنظرة وعيد​

رقية ما اهتمت​

​

​

​

انتهى البارت​

شنو رايكم؟؟؟​

اذا عجبتكم اكمل ما عجبتكم ما اكمل​

 

[دلوعة بيان 98]

وناسة عجبتني البداية و الصراحة تحمست وايد
plz كمليها :eh_s(8):
​

 

[a77sas '3alee]

لا كملي يعطيييج العافيه حبووبه بدايه موفقه :ggdw:اليد عجيييييييييب :eh_s(22):

 

[ليمونة حلوه]

وناسة عجبتني البداية و الصراحة تحمست وايد

plz كمليها :eh_s(8):​

يسلموا مرورج حبوبه واسعدني انه عجبتج البداية :ggdw:و انشالله باجر انزل بارت

 

[ليمونة حلوه]

لا كملي يعطيييج العافيه حبووبه بدايه موفقه :ggdw:اليد عجيييييييييب :eh_s(22):

الله يعافيج حبيبتي تسلمين و اسعدني مرورج

 

[ليمونة حلوه]

​

​

هلي لا تنزل دمعتكم تراها تعذبني​

​

​

​

البارت الثاني:​

​

​

بعد ما خلصوا ريوق الكل توجه للحديقة الخلفيه الي يصير اقبالها المسبح المكشوف ​

​

قعدوا الحريم ما عدا زينب​

و الشباب نزلوا يتسبحون ​

زينب نزلت معاهم لأنها ما تتحجب عن احد​

طبعا زينب اتخاف تتسبح بالعميق لأنا وايد غزير بنسبه لها و اهي تسبح بالعادي حست احد يسحبها للعميق مني خافت قعدت تبجي ما تقدر اتصرخ لأنه الي سحبها حاط ايدا على حلجها و ما تدري منو لأنه ظهرها على صدره فجأه لفها عليه صار ويهه اقبال ويهه من شافت منو تعلقت فيه و صارت اطقه على ظهره و تبجي لأنها خافت وهو قعد يهديها​

........:خلاص اشفيج تبجين​

زينب:ياحمار خوفتني​

........:ههههههههههه ما كنت ادري انج خوافه جذي​

زينب:لا والله انت تدري اني اخاف من العميق و انت بعد ياي تسحبني من ورا و حاط ايدك على حلجي اكيد بخاف​

....... و هو يضمها:خلاص اسف حقج علي​

زينب ليلحين امبوزه​

....... باسها على خدها:ها رضيتي​

وليد يصرخ من ابعيد:هي انت وياها في يهال مني ​

زينب ويها صار طماط​

مهدي انحرج و وخر عنها مني اهي بدت اتصرخ وتتعلق في ​

مني الكل مات ضحك ​

مهدي استوعب انه هدها بالعميق و قام يضحك ​

اهيه متعلقه في و اطقه​

وصلها لين العادي وراح ​

صارت الساعة 11 الكل طلع الي راح ياخذ شاور و الي راح يريح والي راح يلعب ....الخ​

​

خل ناخذ فره على كل واحد​

​

غرفة الجد والجدة قاعدين يسولفون​

الجده:الى اقول يبو جاسم ​

الجد:قولي​

الجده:متى بتحددون عرس زينب و مهدي ​

الجد:اهم كيفهم ما يبون الحين​

الجده:كيفهم​

​

غرفة جاسم وفاطمة جاسم قاعد يقرا و فاطمة تمشط شعرها ​

فاطمة:جاسم​

جاسم رفع عينه و ابتسم:عيونه​

فاطمة ابتسمت: تسلم اعيونك امممم ما ودك انييب بنت​

جاسم:امبله​

فاطمة:انزيييين بقولك شي​

جاسم هد الكتاب و طالعها:قولي​

فاطمة بتوتر:امممم انا​

جاسم قام و قعد على اركبة و حط ايده على ريلها :انتي شنو​

فاطمة :ااانـ ـا​

جاسم خاف:فاطمة حبيبتي اشفيج​

​

​

​

​

​

​

​

​

فاطمة نزلت راسها:انا حـــ ــامــــ ـــل​

جاسم انصدم:شنو!!!!!​

فاطمة دموعها خانتها و نزلت:اذا انت ما تبي ترا عادي​

جاسم ضمها:شششش لا اتقولين جذي بالعكس استانست​

فاطمة مسحت ادموعها و رفعت راسها:صـــج​

جاسم ابتسم:اي صج​

​

​

في غرفة يوسف كان قاعد يسولف مع اختة زينب​

زينب:يوسف​

يوسف:هلا​

زينب:ما ودك تتزوج افتحلي قلبك قولي​

يوسف:ااااه محد فاهمني غيرج امبله ودي بس ​

زينب:بس شنو​

يوسف:اخاف يعقوب وعبدالله و رؤى ما يبون او راح يتضايقون انه في وحده حلت مكان امهم​

زينب:انت متأكد انه ما راح يرتاحون​

يوسف:لا بس اخاف​

زينب:انت مو متأكد انا راح اعرف ابطريقتي الخاصه​

يوسف بتردد:ها اوكي خلاص عرفي من طريقتج الخاصه​

​

​

​

اما عند موسى و مريم ​

موسى قاعد يلعب مع ابراهيم​

و مريم قاعده اتسوي حلو​

​

اما في غرفة ناصر و روان​

روان منسدحه و ناصر قاعد يلعب مع البيبي<<<خخخخ اهبل​

روان:يووووه ناصر خلاص اهو ليلحين ما طلع و تسوي جذي عيل لو يطلع​

ناصر:خخخخ اتغارين​

روان بطلت عينها:انا اغار من ولدي​

ناصر مات ضحك عليها:اشويشوي لا تطلع اعيونج​

روان دزته على خفيف:لا اتعيب​

​

​

اما عند وليد و مهدي مندمجين يلعبون سوني​

<<<يتبع

 

[ليمونة حلوه]

​

و عند رقية قاعدة اتسولف مع رؤى​

رقية:رؤون​

رؤى:نعم​

رقية:الحين اذا خالة روان يابت بنت راح اتحبينها و تلعبين معها​

رؤى:اي بس اذا دلوعوها اكثر مني ما راح احبها​

رقية:رؤنو و ويعه لا تصيرين انانية​

رؤى:اشفيج اعوذ بالله اتغشمر​

​

اما عند لصبيان قاعدين يلعبون كرة بالحديقة​

فريق الأول:محمد-حبيب-يسوف​

فريق الثاني:يعقوب-علي-عبدالله​

​

و اهما يلعبون يات الكرة حق يعقوب ياي بشوتها جان ياخذها يسوف و يطيح يعقوب طــــــــــراااااااااااااااااااااااخ على ريله​

يعقوب بصراخ:ااااااااااه رييييلييي​

محمد وعلي و يوسف و حبيب و عبدالله التموا حوله ​

محمد ابخوف:يعقوب ما تقدر اتحركها​

يعقوب و يتألم:ااااااااااااااااه اي مو قادر احركها​

علي بصراخ:يـــــســــــــــــــــــــوف روح نــــــــــــادهــــــــــم​

يسوف قام يركض و يطق كل باب و يصرخ :يــــــــــــعـــــــــقـــــــوب انـــــــــــكــــــــــســــــــــرة ريـــــــــــــــــــلـــــه بالــــحــــــــديــــــــــقة<<< قلت لكم مزعج​

​

الكل طلع يركض للحديقة خايف شافوا يعقوب منسدح على الزرع و لصبيان حوله يا يوسف و وخرهم وقعد يم راس يعقوب ​

يوسف ابخوف:شنو اتحس ​

يعقوب و هو اغمض عينه حيل و يتألم:اااااااه عوار قوي ​

يوسف:تقدر اتحركها​

يعقوب :لا ااااااااااااااااااااااااااه ​

الجد:خل انودي المستشفى​

يوسف:لا لازم ما انحركه لأنه يمكن اتكون مكسورة​

يعقوب:لااااااا لايجبسونها​

جاسم:علشان مرة ثانية اتلعبون عدل​

زينب ابخوف:اشلون طاح​

محمد:قالهم السالفة كلها​

رقية:و انت ما اتعرف تلعب عدل​

يسوف:انا اشذنبي انا هل اهبل و يأشر على يعقوب ما يعرف يلعب عدل ​

يعقوب ابعصبيه:منو الأهبل يالعمي اااااااااااااااااااااااااااااااااااااه ريلي​

وصلوا الاسعاف بعد ما دق عليهم ناصر و نقلوا يعقوب للمستشفى الرياييل راحوا مع و خلوا ناصر و وليد مع الحريم​

بالمستشفى​

قاعدين ينطرون الدكتور ما رضوا يدخلون يوسف لأنه اهو دكتور اطفال مو عظام​

صارلهم نص ساعة ينطرون طلع الدكتور قاموا كلهم​

يوسف:ها دكتور بشر​

لدكتور:لا الحمدالله مافي خطور سوينا اشعة و طلع في كسر في ساق راح انجبس ريله​

الجد:مشكور و ما قصرت و الله يعطيك العافية​

الدكتور ابتسم:العفو واجبنه ​

يوسف:انزين دكتور لازم يراجع مرة ثانية صح؟؟؟​

الدكتور:اي بعد ثلاث اسابيع خل ايي اذا أتعافه الكسر راح انفج الجبس انشاءالله و الحين انا بكتب له مسكنات ياخذهم وقت الضروره و خل دايما يشرب حليب علشان تتقوى اعظامه و لا يمشي على ريله وايد ​

يوسف:انشاءالله​

الدكتور: يلا انا استأذن​

الكل:اذنك معاك​

دخل الكل عند يعقوب​

الكل:الحمدالله على السلامة​

يعقوب:الله يسلمكم​

يوسف:يلا مشينا​

الكل:يلا​

طلعوا من المستشفى و وصلوا البيت الكل استقبلهم و تحمدوا بسلامة حق يعقوب و قعدوا بصالة​

زنوب قامت و باست يعقوب على خده:مره ثانية انتبه ​

يعقوب يطالعها من طرف عينه:و ما اتعرفين اتقولينها بدون ما اتبوسين​

الكل:ههههههههههههه​

مهدي يسوي روحه امعصب:اصلا حاصلك بوسة من شفايف زوزو انت ما تستاهل و طالع زينب المفروض اتبوسيني مو اتبوسينه​

وليد:يلا زنوب قومي بوسي يلا يلا ولا تستحيـــ ​

ما كمل كلمته الا مخدة محذوفة عليه من زينب​

وليد:خخخخخخخخخخخ اموت على الي يستحون​

زينب ويهه صار طماط:ولــــــــــــــــــــيــــــــــــــــــــدوووووو​

الكل ميت ضحك عليهم​

وليد:زنوب قلنه اتحبين الون الاحمر بس مو لدرجة اتصبغين ويهج احمر​

زينب قامت و قعدت اطقه ​

وليد:زنوب ترضين اطقين توأمج​

زينب أنبها ضميرها:لا خلاص قامت و باسته على خده و ضموا بعض​

الكل بطلوا عينهم على وسعها ما عده رقية و مهدي لأنا متعودين عليهم يتهاوشون و يتصالحون​

مهدي حس ابغيره​

يوسف:زنوب​

زينب:اعيونها​

يوسف:تسلم اعيونج بس يبي قلاص حليب حق يعقوب​

يعقوب خاف:لييييييييييييييييييييش​

جاسم:لأنه الدكتور قال علشان تتقوى اعظامك​

يعقوب :لا والله​

موسى:اي والله​

يعقوب يطالع زينب ابرجى:زوزو انتي حبيبتي مابي حليب قولي لهم​

زنوب:حتى انت حبيبي بس لازم علشان يفجون الجبس ولا ما تبي اتفجه​

يعقوب مد بوزه:امبله ابي افجه بس كلكم تدرون اني ما احب الحليب​

محمد و علي:الله لا يورينه الي وراك​

يعقوب ابتسم ابتسامة خبث:..............​

​

انتهى البارت​

توقعاتكم ​

شنو ورا ابتسامة يعقوب الخبيثة؟؟؟

 

[دلوعة بيان 98]

لا يوقف لا يوقف لا يوقف
البارت عجييييييييب
:ggdw:

و يعطيج العافية حبي بس الصراحة تخربطت بالاسماء
شكثرهم

:eh_s(17):
​

 

[ليمونة حلوه]

لا يوقف لا يوقف لا يوقف

البارت عجييييييييب
:ggdw:​

و يعطيج العافية حبي بس الصراحة تخربطت بالاسماء
شكثرهم​

:eh_s(17):

تسلمين حبيبتي انتي العجيبه :eh_s(22): والله يعافيج و انشاء الله مع الأيام تحفظينهم

 

[ليمونة حلوه]

​

هلي لا تنزل دمعتكم تراها تعذبني​

​

​

​

البارت الثالث:​

​

يعقوب ابتسم ابخبث:اذا تبوني اشرب الحليب اتنفذون طلبي​

الكل:شنو اهو طلبك​

يعقوب وهو في الضحكة:حمود و علي يشربون معاي حليب​

محمد و علي:لاااااااااااااااااااااااااااااااااااااااااااااااااااااااا​

الكل مات ضحك لأن محمد وعلي و يعقوب و رقية معروفين ما يطيقون شي اسمه حليب ابعيشت الله​

جاسم:يلا زنوب روحي يبي ثلاث قلاصات حليب​

محمد و علي:يبـــــــــــــــه​

الجد:وحطبه راح اتشربون يعني راح اتشربون​

​

يعقوب ابصوت واطي محد سمعه الى وليد و مهدي و محمد و علي لأنهم كانوا يمه:والله طحتوا و محد سمه عليكم مهدي و وليد كتموا ضحكتهم و محمد و علي يطالعونه ابنظرات وعيد​

​

اما عند زينب وهيه اتصب لقلاص الثالث خطرت على بالها فكرة خطيرة صبت الثالث و جن اتصب واحد رابع​

وراحت بتوديهم دخلت وعطت كل واحد واحد و رابع مسكته بدينها و ساسرت يعقوب​

​

يعقوب ابتسم ابخبث و قال ابصوت عالي الكل يسمعه: ما راح اشرب الحليب​

الكل:ليش بعد​

يعقوب:اشلون اشرب وعمتي حبيبتي رقية ما راح تشرب اذا شربت انا راح اشرب ​

رقية طلعت اعيونها:استغفرالله تــــــــــبــــــــيـــــــــنــــــــــي اشـــــــــــــــــرب حــــــــــــــــــــــــــلـــــــــــــــيـــــــــــــب انا بفهم منو وازك علينا اليوم ​

يعقوب:محد وازني يلا اتشربين معانا و لا ما اشرب​

الجد:يلا شربي​

رقية:بس يـــــبــــه​

الجد:و حطبه اتشربين يعني اتشربين​

رقية:هذا ولدك بذبحه انا​

يوسف ابغشمرة:جيسي شعرة منه اخليج اتصبحين و اتمسين ابحليب و يلا شربوا​

​

يعقوب:خل يشربون علشان انا اشرب بعدين​

يوسف:يلا علي اشرب​

علي:ليش انا اول يعني ​

الجد:يلا اشرب ​

علي:اففففف امري لالله سكر خشمه و غمض عين وشرب الحليب زقبة وحده​

يوسف:يلا الحين دور محمد​

محمد:بسم الله سكر خشمه و شربه​

يوسف:يلا الحين دور رقوي شربي​

رقوي:يوسف حبيبي انت يعني ترضاها علي هذا زبوط انقعه يمشي كلامه علي​

يوسف وهو كاتم ضحكته:اي ارضاها​

رقية شهقت​

يوسف:يلا شربي​

رقية غمضت عينها و سكرت خشمها و شربته:يـــــــــــععععععععععععععع​

الجد:نعمة الله اتقولين عنها جذي استغفر الله اليهال ما قالوها انتي اشكبرج اتقولينها​

يوسف:يلا يعقوب دورك​

يعقوب:انشاءالله و شربه بدون ما يسوي نفس حركاتهم​

​

الكل راح يتغده و بعدها اجتمعوا بصالة وقعدوا يسولفون​

​

جاسم:عندي لكم خبر يفرح​

الجد:شنو اهو الخبر​

جاسم:راح اصير ابو​

موسى:ليش انت الحين أم​

الكل مات ضحك​

جاسم تفشل:لا يعني راح اصير ابو للمره الخامسة​

الكل:؟؟؟؟؟؟ فوق راسهم امية علامة استفهام​

جاسم:يعني فاطمة حامل​

الكل فرح و بارك لهم​

محمد يستهبل و يروح يقعد ابحضن امه و يقول:لا محد راح ياخذ امي مني​

جاسم:اشكبرك قوم ياهل انت​

محمد:اي انا ياهل بس عل أقل مو ام بصير ابو​

الكل مات ضحك​

قام جاسم وشاله من ابلوزته و قطة عل قنفة الثانية و قعد يطقة على غشمرة محمد طاح غشيان​

مني الكل اخترع و قاموا له​

يعقوب عرف انه يجذب و اشر لهم انا جذاب ​

جاسم قال برد له المغلب و ساسر الكل و قال لهم انه يسوون روحهم انه فاطمه اغمى عليها ​

وبدوا بتمثيل و لصراخ ​

مني محمد خاف و قام ابسرعه حق امه شافها قاعده و ميته ضحك و الكل يطالعه و يضحك ​

جاسم:هذا درس لك علشان اتعرف انك ممثل فاشل​

وردوا يسولفون و سوالفهم ما تخلى من الغشمرة​

​

بعدها الجد و الجده و جاسم و فاطمة راحوا يرتاحون ​

اما الباجي قاعدين يسولفون​

زينب:اففففف ملل منزمان ما طلعنا​

وليد:اي والله​

مهدي:خل نطلع الحين تو الناس ​

الكل:اي والله​

مهدي:وين تبين اتروحين​

زينب:اممممممممم خل انروح السينما​

الكل:اوكي​

موسى:انزين اليهال ما نبي ناخذهم​

محمد:انزين متى نلبس​

مهدي:ما تسمع شنو قال موسى قال اليهال ما نبي ناخذهم​

يعقوب:و انشاءالله اتحسبنه يهال​

مهدي:عيل​

محمد:اقول لا تنسى تره مرتك الفرق الي بينا و بينها بس ثلاث اسنسين​

يوسف:خلاص اشفيكم مهدي قاعد يتغشمر معاكم راح ناخذكم يلا نص ساعة و الكل القاه بره​

الكل:انشاءالله​

<<<يتبع

 

[ليمونة حلوه]

​

كل واحد راح غرفته يبدل ​

يوسف خذه يعقوب وصعدوا جناحهم ​

و ساعده يلبس يعقوب لبس ابلوزة زرقة عليها علامت سوبرمان مع شورت ابيض مقلم بزرق مع جوتي اسبورت(الله يكرمكم)و الريل لمجبسة حط عليها الجوتي(الله يكرمكم)مال الجبس​

يعقوب:يبه​

يوسف ابتسم:هلا​

يعقوب ابتسم:البس مثلي​

يوسف:انشاءالله انطرني اروح ابدل و ايي​

يعقوب:يلا انطرك​

اول ما طلع يوسف دق يعقوب على محمد و علي و قالهم يلبسون مثله<<<<خخخخخخ صاروا طقم رباعي​

​

​

عند موسى و مريم​

موسى لبس بنطرون ابيض مع بلوزة أخضر تفاحي فيها كلام بالأبيض و جوتي من نايك (الله يكرمكم) و لبس كاب ابيض​

مريم لبست بنطرون اسود اسكني مع ابلوزه نص جم لونها ازرق قامج و تحتها بدي اسود مع شيلة لونها اسود وفلات اسود(الله يكرمكم)​

موسى:مي مي​

مريم:اعيونها​

موسى ابتسم:تسلم اعيونك بس وين ساعتي البيضة​

مريم:تلقاها بالدرج الي على يمينك​

موسى:اوكي​

​

​

اما عند ناصر و روان​

ناصر لبس شورت بيجي مع بلوز بيضة اطرافها بيجي و جوتي سبورت بيجي(الله يكرمكم)​

و روان لبست نفنوف اطويل حفر لونه اسود وفوقه جاكيت ابيض اقصير الي يصير تحت الصدر مع شيلة بيضة مع صندل ابيض(الله يكرمكم)​

​

​

و عند رقية لبست بنطرون بيجي سكني مع قميص ابيض الكم ماله يجفس و تحت بدي ابيض مع شيلة بيجية و فلات بيجي(الله يكرمكم)​

​

​

اما عند زينب و وليد اتفقوا يلبسون نفس اشي لبسوا قميص كاروهات رمادي الكم ماله يجفس و زينب لبست تحته بدي و مع شيلة سوده و لبسوا مع سكيني اسود وليد لبس جوتي سبورت رمادي(الله يكرمكم) اما زينب لبست فلات رمادي(الله يكرمكم) ​

​

​

و عند مهدي لبس بنطرون اسود و بلوزة رمادية فيها كلام بالأسود و جوتي سبورت(الله يكرمكم)من نايك و رجع شعره لي ورا بالجل ولبس نضارة سودة قصة ريبان و طلع شكله رووووعــــــــــــــــه​

​

الكل طلع و اتقسموا بسيارات ​

يعقوب و محمد و علي راحوا ابسيارة يوسف​

​

موسى و مريم راحو ابسيارة موسى​

​

مهدي و وليد و رقية و زينب راحوا ابسيارة​

​

​

انتهى البارت ​

توقعاتكم​

شنو راح يصير بسوق؟؟؟​

 

[ليمونة حلوه]

​

هلي لا تنزل دمعتكم تراها تعذبني​

​

​

البارت الرابع:​

​

وصل الكل و نزلوا دخلوا المجمع و راحوا صوب السينما يبون يحجزون تذاكر​

يوسف: فلم شنو تبون​

الشباب:رعب​

البنات:لاااااا​

الشباب:امبله​

البنات:لاااااا​

الشباب:امبله​

يوسف:لحظة لحظة​

الكل يطالعه ينطرونه يكمل​

يوسف:راح اسوي قرعة طلع مفتاحه و حطه ورى ظهره وقال:بنات نقوا​

البنات اتفقوا:اليمين​

الشباب:اكيد اليسار​

يوسف:للأسف الشباب خسروا​

الشباب:لاااااااااااااااااااااااااااااااااااااااا​

البنات:يسسسسسسسسسسسسسسسس​

يوسف:لا اتغشمر الشباب فازوا​

زينب:ليكون قاعد اجذب بس علشانهم​

يوسف:لا مو قاعد اجذب صج اهم الي فازوا ​

البنات:افففففففففف​

رقية:انزين غير رعب احنا انخاف​

مهدي:خلاص كل وحده تقعد يم زوجها و انتي قعدي يم يوسف​

زينب ابنذاله:و انا يم وليد​

مهدي طلعت اعيونه:لا والله و انا وين رحت​

زينب ابغشمرة:انت مو زوجي انت بس خــــــطــــيــــــبــــي​

مهدي حز ابخاطره و قال ابحزن ما خفه عن زينب:خلاص على راحتج قعدي وين ما تبين​

زينب لعنت نفسها اميت مره بينها و بين نفسها:انا غبية ليش قلت جذي في احد يتغشمر هل غشمرة البايخة ماكو الى اني اقعد يمه بالفلم و اتسامح منه ​

الشباب:خلاص حلت المشكله​

البنات استسلموا: اي​

حجز يوسف التذاكر ​

يوسف:حجزت اقرب عرض بعد ساعة ونص الحين خل نتمشى او نقعد ابكوفي​

رقية:انا بقعد ​

يعقوب:انا اكيد​

محمد وعلي:و احنا بعد​

مريم:انا بقعد​

موسى:انا بعد​

يوسف:عيل انا بقعد​

وليد:همن انا​

ناصر:انا و روان بنتمشى شوي​

الكل:اوكي​

زينب:مهدي بتمشى تعال معاي​

مهدي:اوك​

​

راحوا زينب و مهدي يتمشون ​

زينب:مهدي​

مهدي:هلا​

زينب:انت زعلت صح​

مهدي:على شنو​

زينب:على الي قلته لمن قلت و انا ويني يوم كنه ابنحجز اتذاكر​

مهدي تذكر و سكت​

زينب امتلت عينها بالدموع و وقفت و مسكت ايد مهدي و قالت و بصوت مبحوح:مهدي والله ما كان قصدي كنت اتغشمر انت تعني لي وايد اشياء مو بس خطيبي انت حياتي انا بدونك كأني جثة يعني جسد بلا روح يعني امــ​

مهدي حط صبعه علي شفايفها:اشششششش لا اتكملين اسم الله عليج من قال اني زعلت كنت ادري انه الكلام مو من قلبج​

زينب بينها وبين نفسها هه ما تقدر اجذب علي لأني افهم من اعيونك كل شي قبل لا تنطق:مهدي​

مهدي:اعيونه​

زينب:احبك​

مهدي:بس انا ما احبج​

زينب اتصنمت لكن سرعان ما رجعت لها الروح لمن قال:بس اموووووت فيج و ضمها​

زينب ابتسمت:الله يخليك لي​

مهدي ابتسم:و يخليج لي بعد و رجعوا الكوفي شوب​

​

اما عند ناصر و روان دخلوا محل حوامل​

ناصر:شوفي هذا وايد حلو​

كان عباره عن نفنوف حفر لي تحت اركبه لونه ابيض و في ورود حمره من خرز كان واااايد ناعم و حلو​

روان:الله وايد حلو​

ناصر:اوك خل ناخذه خذوه و راحوا خذوله اكسسوارات و صندل (الله يكرمكم) بعدين رجعوا الكوفي شوب​

​

بالكوفي شوب​

محمد:بطلوا ابلوتوثكم​

الكل:ليش​

محمد:بدزلكم فيديو دازينه لي ​

الكل بطل لبلوتوث و دز محمد الفيديو​

اول ما شافوا الفيديو قاموا يطالعون مهدي و زينب فجأه انفجروا ضحك​

مهدي وزينب متصنمين​

وليد:والله طلعت مو هين بو جسوم هههههههههههه​

محمد:افا عليك اعجبك ​

يوسف:هه اشلون هه صدتهم ههههههههههههههههههههههه​

رقية:ها زنوب هه ابتتمشون هههههههه ولا بتسوون غراميات​

موسى:هه عفيه ما فيكم هه صبر لين انروح البيت هههههههههههه​

مريم:ههههههههههههههههههههههههههههههههههههههههههههههه<<<مو قادره تتكلم خخخخخخ​

زينب و مهدي ليلحين متصنمين​

مهدي:حموووووووووود قد هل حركه​

محمد:اي​

مهدي:اوكي شقلك بالبيت​

يوسف:يلا قوموا بقى على الفلم ربع ساعة​

​

راحوا شروا نفيش و بيبسي و ككاو....الخ​

ودخلوا القاعه و كان ترتيبهم جذي​

(علي-محمد-يعقوب-يوسف-رقية-روان-ناصر-وليد-مهدي-زينب-مريم-موسى)​

​

و بدا الفلم و عسى ما طلعت لقطة اتخرع تتعلق كل وحده من البنات بالي يمها و اتصرخ و الشباب مندمجين عل اخير بالفلم​

لمن خلص الفلم طلعوا وراحوا مطعم علشان يتعشون​

كل واحد طلب​

يا اطلب و بدوا ياكلون و يسولفون و يضحكون​

يوسف:بالفلم كل اشوي وحدة يمي تمسكني​

الشباب:خخخخخخخخ​

البنات:لأانه قلنه لكم انخاف​

​

يعقوب:زوز​

زينب:هلا​

يعقوب:لمن انخلص ابيج اتيين معاي ابي اخذ رايج ببلوزه شفتها​

زينب:انشاءالله​

​

و كملوا سوالف لمن خلصوا الكل قام و راح سيارته و قعدوا ينطرون زينب و بعقوب​

​

اما عند زينب و يعقوب دخلوا المحل​

يعقوب:شوفي هذي لبلوزه​

كانت لبلوزه لونها ازرق سماوي و عليها صورة جزيرة ​

زينب:اي حلوه مع بنطرون ابيض​

يعقوب:يعني اخذها​

زينب:اي​

راحوا عند الكاشير يبي يحاسبون​

يعقوب:يووووه نسيت بوكي عند ابوي خلاص امشي مالا داعي لبلوزة​

زينب:يوه اشدعوه انا احاسبها معاي لفلوس​

يعقوب:عيل اوكي بالبيت اعطيج لفلوس​

زينب:اقول لا اتردلي ولا شي اشدعوه ترا انا مو غريبه​

.......:هه امسويتلي فيها العمه الحنونة يالياهل​

لفوا و انصدمو شافوا شخص ما كان بالحسبان بتعرفون منو اهو نزلوا​

v​

v​

v​

v​

v​

v​

v​

v​

v​

v​

v​

v​

v​

v​

v​

v​

v​

v​

v​

v​

v​

v​

v​

v​

v​

​

انتهى البارت​

توقعاتكم ​

منو الشخص الي شافوا؟​

​

 

[ليمونة حلوه]

السلام عليكم بنات سوري بس راح انزل البارت اساعه 12

 

[ليمونة حلوه]

​

هلي لا تنزل دمعتكم تراها تعذبني​

​

​

​

البارت الخامس:​

​

​

لفوا و انصدموا شافوا شخص ما كان بالحسبان شافوا نجات زوجت يوسف السابقة​

زينب و يعقوب:نجات/يمه​

نجات:اي نجات الي ترستي راس اخوج و خليتي يطلقها<<<الله و اكبر يا كبرهه عند ربي​

زينب واقفه منصدمه ​

يعقوب ابعصبية و لدموع ابعينه:لا مو زينب الي ترست راس ابوي و خلته يطلقج تصرفاتج و معاملتج لنه اهي الي دفعته انه يطلقج و زينب الي قاعده تتبلين عليها و عذبتيها لمن كنتِ عندنه ربتنه و خافت علينه و عوضتنه عن حنان الأم الي فقدناه و ابوي صار لنا الأم و الأب و كلهم ما قصروا علينه و ما حسينه انه ناقصين أم و انا ما اتشرف فيج ابكونج امي لو ابوي يتزوج راح اعتبر زوجته امي و راح يعقوب لأن لو قال بعد كلمه وحده ادموعه راح تنزل​

قربت نجات من زينب و عطتها كف خلتها اطيح على الأرض<<<حشى ريال مو مره​

نجات بصراخ خله كل الي بالمحل يطالعون:انتي الي ترستي راسه بهل كلام انتي يلي ما اتربيتي<<<طبعا اهي ما اهتمت ابكلام يعقوب بس فيها قهر من زينب بدون سبب​

​

​

​

​

فجأه يا مهدي و قوم زينب و قال بصراخ:اهي متربية احسن منج و هل كلام من قلب يعقوب و صح كلامه لو صج كنتي اتحبينهم و اتخافين عليهم جان ما سويتي كل الي سويتي و اكبر دليل لمن شفتي يعقوب و ريله مكسوره ما سويتي مثل ما اتسوي اي ام اتخاف على ضناها من نسمة الهواء​

وراحوا و خلوا وراهم بركان قابل للأنفجار​

​

​

​

وصلوا لمواقف السيارات​

يوسف:زينب​

زينب برتباك و لدموع ابعينهه:نـ ـعـ ـم ​

يوسف:اشصاير يعقوب مو راضي يقول و قرب منها ومسك ويها شنو هذا​

كان مكان الكف ازرق​

زينب ارتبكت اكثر:هـ ـا لا و و ولا شـ ـي​

يوسف:لمن نوصل البيت راح اتقولينلي كل شي​

زينب:انـ ـشـ ـاءالله​

​

رجع الكل للبيت​

راح الكل ينام ما عدا يوسف و زينب و مهدي و وليد و رقية و يعقوب​

راحوا بدلوا وراحوا جناح يوسف​

​

​

​

عند جناح يوسف​

طقوا الباب و دخلوا بعد ما أذن لهم يوسف​

قعدوا الهدوء كان سيد الموقف​

يوسف:زينب شنو صار​

زينب:​

يوسف:زينب اتكلمي​

زينب:​

مهدي:زينب قولي شنو صار​

زينب:​

يوسف:زنوب اخر مره اسأل جاوبيني شنو صار​

زينب بدت ادموعها تنزل ​

مهدي وهو يضمها:اشششش خلاص خلاص يوسف خلاص باجر راح اتقول​

​

((اكيد مستغربين ليش اهي تبجي اهي قاعده تبجي لأنه لمن شافت نجات اتذكرت لمن كانت نجات اتعذبها و اشلون ذوقتها الويل علشان سبب تافه غيره منها و من اختها اهي ما سوت شي لرقية لأنه رقية اكبيرة و ماراح تسكت اما زينب ما راح اتقول لو سوتلها شي))​

​

​

​

يوسف تنهد:انزين ودهه غرفتهه خل ترتاح و باجر نتكلم​

​

راح الكل ينام ​

و راح مهدي يبي يكلم ابوه​

مهدي:يبه​

الجد:هلا​

مهدي:اليوم ابي انام مع زينب لأنه تعبانه​

الجد ابخوف:ليش اشفيها​

مهدي ابزله:اليوم شافت نجات بسوق​

الجد ابصدمه:شنووو!!!​

مهدي ابنفسه:اوووه ليش قلتله ​

الجد:الحين اتعلمني شنو صار​

مهدي:انا ما ادري شنو اسالفه باجر زينب بتقول كلشي حقي و حق يوسف ​

الجد:منو يدري بالموضوع بعد​

مهدي:رقية و وليد و يعقوب​

الجد و هو عاقد حواجبة:يعقوب؟؟؟​

مهدي:اي لأنه كان موجود مع زنوب لمن صار كل شي و الحين عادي اروح انام عندها​

الجد:اي روح​

مهدي باس راسه:تصبح على خير​

الجد:وانت من اهل الخير​

​

​

​

راح مهدي غرفته بدل و راح عند زينب علشان ينام​

وصل جناحها و طق الباب​

فتحت زينب الباب ودخلته الغرفة ​

انسدح مهدي على اسرير و نيم زينب على صدره​

مهدي:ما تبين تتكلمين​

زينب وامتلت عينها بالدموع:شقول اقول اني كلما اشوفها اتذكر العذاب و الويل الي ذقته منها شقول و بدت تبجي و اتشاهق​

مهدي يحاول يهديها:اشششش خلاص اهي وحده ما تستاهل ادموعج الغالية اااااااه قلبي​

زينب ابخوف:مهدي شفيك​

مهدي:ااااه قلبي ااااه​

زينب:مهدي اشفيك قوم انوديك اطبيب​

مهدي:ما يفيد اطبيب بس شي واحد يفيد​

زينب:شنو اهو مهدي قول​

مهدي:ما اشوف ادموعج​

زينب ضحكت غصب عنها و طقته على صدرة ابخفيف:خوفتني يدب​

مهدي:هذا جزاي ياي نايم عندج​

زينب:انزين اشلون اقنعت ابوي​

مهدي:بس قلتله انها تعبانه اشوي خاف بس طمنته قلتله بس متضيقه اشوي​

زينب:اها​

وكملوا سوالف لين ناموا​

<<<يتبع

 

[ليمونة حلوه]

اشرقت الشمس تعلن يوم جديد على ابطالنه​

اجتمعت العايلة كل عاده على طاولة الطعام و بدوا ياكلون ابهدوء​

الجد:يوسف​

يوسف:امر​

الجد:ما يامر عليك عدو ابيك اتييني الدار انت و مهدي و وليد و رقية و زينب و يعقوب بعد ما انخلص ريوق​

يوسف:انشاءالله​

خلصوا الريوق و الكل قام الي راح يطلع مع مرته والي راح يلعب والي راح حق الجد​

في غرفة الجد​

دخلوا على زينب و مهدي و يوسف ورقية و وليد ويعقوب​

الجد:زينب​

زينب:هلا​

الجد:الحين اتقولين كل شي صار امس بينج و بين نجات​

رقية و وليد كشروا من سيرتها<<<قايلتلكم محد يحبها​

زينب تنهدت:الي صار انه انا و يعقوب رحنه انشوف ابلوزه شفناها و عجبتنه رحنه انحاسبها و قالت لهم كل شي بدون ما اتنقص ولا اتزيد​

الكل انصدم ما عدا مهدي و يعقوب طبعا​

الجد وقف وابعصبية:واهي اب اي حق اتمد ايدها و انت يا مهدي لمن قلت لك شنو صاير قلت لي ما تدري​

مهدي:انا ييت على اخر شي كنت بشوف ليش اتأخروا وقبل ما ادخل المحل شفت يعقوب طالع وكان حيل متضايق قلتلا اشفيك قال امي داخل مع زينب قلتله شنو صار قال فرغت كل الي ابقلبي و راح مني انا اتأكدت انه ما قال الا اصج رحت وسمعت اصراخها ما لحقت اوصل لهم الا اهي مدت ايدها​

الجد تنهد:لازم اكلم ابوها علشان يوقفها عند حدها​

زينب قربت من ابوها و مسكت ايده:يبه اذا عندي خاطر عندك لا اتكلم ابوها خلها اتولي الله يجازيها​

الجد ابداخله:يا طيب قلبج يا زينب دايما تسكتين عن حقج:تنهد و قال:انشاءالله​

و نفس اشي دار ابداخل البقية​

توجه الكل لخارج الجناح الي راح جناحه ولي راح يقعد مع الثاني​

خل ناخذ لفه على الكل​

عند الجد و الجده ​

الجدة قاعده تعطي الجد ابرة السكر​

عند جاسم و فاطمة ​

جاسم منسدح ومنيم فاطمة على ايده ​

جاسم:شنو بتسمينها اذا كانت ابنية​

فاطمة:ابي اسميها حور​

جاسم:و اذا ولد​

فاطمة:انت سمه​

جاسم:انسمي اممممم عيسى​

فاطمة:حلو هههههههههههههههههههه​

جاسم عاقد حواجبة:شضحك​

فاطمة:ما اتلاحض انه اغلب اسمأكم اسماء انبياء​

جاسم ابتسم:اي صح يوسف-يعقوب-محمد-موسى-ابراهيم-صالح(الجد)-و الحين بنسمي عيسى​

فاطمة:اي وبعد ناصر بسمي سليمان​

اما عند يوسف كان قاعد مع اعياله يكلمهم​

يوسف:يعقوب انت صج تبيني اتزوج​

يعقوب نزل راسه:اي بس ما كنت ابي اقصبك و خفت هشي يضايقك​

يوسف:من قال اني ما ابي اتزوج بس انا خفت اتزوج و انتوا تتضايقون انا اهم شي عندي راحتكم​

يعقوب قام و باس راس ابوه:يبا صدقني انت كفيت و وفيت و احنا همن ما نبي الا راحتك و رضاك​

يوسف ضم ولده:حبيبي انته​

رؤى قامت و اتخصرت جدامهم اهي و عبدالله:لا والله بس اتحب يعقوبوووو​

يوسف و يعقوب ضكوا عليهم​

يوسف:لا همن انتوا احبكم انزين ابي اسألكم اذا انا اتزوجت راح اتحبون زوجتي و تعتبرونها نفس امكم​

الكل:اي​

يوسف ابتسم​

وعند موسى ومريم كانوا قاعدين يلعبون مع ابراهيم​

موسى:مريوم​

مريم:هلا​

موسى ما تبين اتييبين اخوه او اخت حق ابراهيم​

مريم:امبلة بس خل يكبر اشوي بعد بعدين اييب​

وعند وليد و رقية و محمد و علي كانوا قاعدين يلعبون اونو​

اما عند مهدي و زينب كانوا طالعين ​

واهما بطريج​

مهدي:وين بتروحين​

زينب:امممم خل انروح البحر​

مهدي:انشاءالله​

وصلوا البحر و فرشوا مفرش و قعدوا كانت زينب متربعه و راس مهدي على ريلهه ​

مهدي:زنوب​

زينب:اعيونهه​

مهدي:تسلم اعيونج متى تبين انحدد العرس​

زينب:والله ما ادري انا قاعده افكر انه تو اناس خنعيش ايام خطوبتنه​

مهدي ابتسم اي والله​

وكملوا سوالف و ضحك​

بالجهه الثانية من البحر كانت تتمشه مع رفيجتها ​

رفيجتها:نجات نجات شوفي مو هذي زينب​

نجات لفت وين ما كانت رفيجتها اتأشر و شافت زينب و مهدي:انا اوريها اتقول انا مو متربية و طالع اهي شتسوي مع قليل الأدب الثاني والله لا اعلمهم منو انا خل يشوفون سواية بنتهم و الغريب الي امدخلينه بيتهم​

طلعت تلفونها و قعدت اتصورهم <<<طبعا لمن اهي اطلقت كانوا زينب و مهدي مو مالجين و لما ملجوا ما كانت تدري ​

انتهى البارت​

توقعاتكم ​

شنو راح اتسوي نجات؟؟؟​

بنات انا مو قاعده اشوف ردود فما راح انزل الى لمن اشوف ردود لأني قاعده اشوف مشاهدات وايد بس مافي ردود مع احترامي لكم

 

[دلوعة بيان 98]

سوري ما كنت اعلق على البارتات لاني كنت مشغولة شوي

الرواية عجييييييييبة و كثر ما اقول عجيبة شوية عليها

و الله يعطيج الف الف عافية

:eh_s(7):

و اتوقع ان نجات توري الصورة حق الجد او واحد من العايلة
يمكن اتوقع يعني

و ناطرينج :eh_s(17):
​

 

[ليمونة حلوه]

سوري ما كنت اعلق على البارتات لاني كنت مشغولة شوي ​

الرواية عجييييييييبة و كثر ما اقول عجيبة شوية عليها ​

و الله يعطيج الف الف عافية ​

:eh_s(7):​

و اتوقع ان نجات توري الصورة حق الجد او واحد من العايلة
يمكن اتوقع يعني ​

و ناطرينج :eh_s(17):​

عادي حبيبتي وتسلمين هذا من ذوقج والله يعافيج اليوم انشاءلله راح يكون في بارت:ggdw:

 

[ليمونة حلوه]

​

هلي لا تنزل دمعتكم تراها تعذبني​

​

سوري بنات اتأخرت بس كنت اكتب البارت ​

البارت السادس:​

​

بالجهه الثانية من البحر كانت تتمشه مع رفيجتها ​

رفيجتها:نجات نجات شوفي مو هذي زينب​

نجات لفت وين ما كانت رفيجتها اتأشر و شافت زينب و مهدي:انا اوريها اتقول انا مو متربية و طالع اهي شتسوي مع قليل الأدب الثاني والله لا اعلمهم منو انا خل يشوفون سواية بنتهم و الغريب الي امدخلينه بيتهم​

طلعت تلفونها و قعدت اتصورهم <<<طبعا لمن اهي اطلقت كانوا زينب و مهدي مو مالجين و لما ملجوا ما كانت تدري​

​

نرجع حق مهدي و زينب​

مهدي:يلا ما تبين انقوم​

زينب:اي يلا اخاف يحاتونه​

قاموا مهدي و زينب وراحوا سيارة ​

و اهما بطريج وقف مهدي عند محل ورد وشره باقة ورد اتهبل حق زينب وركب و عطاها ياه​

زينب ابتسمت:واااو وايد حلو مشكور​

مهدي ابتسم:العفو تستاهلين حبيبتي​

وطبعا صار كل هذا تحت انظار نجات الي ما بقى شي ما صورته​

​

وصلوا البيت وراح كل واحد على جناحه و بدل​

​

الساعة 1 و نص الظهر اجتمعت العايلة كل عادة على طاولة الطعام​

يوسف:يبه​

الجد:هلا​

يوسف:انا قررت اتزوج​

الجد:قبل لا تاخذ هل قرار اعيالك فكرت فيهم​

يعقوب:يدي اي ابوي سألنه و احنا راضين و ابتسم​

الجد:انشاءلله يام جاسم عيل دوريله على بنت الحلال​

ابتسم يوسف:لا يبه موجوده​

جاسم:اوووه اووه يوسف قمنه انراهق مره ثانية​

وليد ابصوت واطي:اي مراهقه راسه متروس شيب​

يوسف:وليدو منو الي راسه متروس شيب​

وليد:ها لا من قال ماشاءالله توك ابعز شبابك​

يوسف:عبالي بعد​

الجد:الا ما قلتلي منو بيته البنت​

يوسف:اسمها حوراء محمد ال........​

الجد:اي انا اعرف ابوها خوش ناس اهمه​

الجده:الى من وين اتعرفها​

الكل قام يطالع يوسف​

يوسف:بسم الله اشفيكم اطالعوني​

الكل:من وين اتعرفها​

يوسف:ياشين اللقافه يمه اهي تشتغل عندي​

الجده:اها​

رقية:رؤون اشفيج مادة البوز​

رؤى ساسرت رقية لأنها كانت يمها​

رقية انصدمت:لا رؤون عيب لا اتقولين جذي بعدين راح نتكلم​

الكل يطالعها ابمعنه شنو قالت​

رقية اشرت لهم انه بعدين اقولكم​

خلصوا غدا و راحو الحديقة وقعدوا​

واليهال راحوا يتسبحون ما عدا يعقوب الي قعد مع لكبار​

يوسف:رقوي اشقالتلج رؤون​

يعقوب ييه بقوم علشان يتكلمون على راحتهم بس وقفته رقية وقالتله:لا يعقوب اقعد و كملت لمن سألتها اشفيج قالتلي انا خايفه تطلع زوجت بابه شريره نفس امي كله اتقولنه اذبحكم اذا ما سكتوا او اذا صرنا شيطانين اتقول لا اتخلوني اطلع السجينه و اذبحكم ​

الكل انصدم ​

يوسف ابصدمه:صج يعقوب​

يعقوب و هو امنزل راسه:اي كانت اتقولنه جذي​

يوسف:وليش ما قلتوا لي؟؟؟​

يعقوب:لأنه مره امي سمعت رؤون اهي و عبود قاعدين يقولون لي انه بيقولون حقك عن الي اهي اتقوله لهم جان تدخل علينه وهددتنه انه تذبحنه و اهم زاد خوفهم لأنها لمن قالت لنه كانت ماسكه سجينه بيدها لأنها كانت تطبخ فأهم عبالهم ابتذبحهم فيها وانا سكت لأني خفت اتسوي لهم شي لأني الي شفته منها اشلون كانت اطق وسكت​

يوسف:اطق منو كمل​

يعقوب تنهد:اطق زنوب فخفت عليهم​

الكل سكت​

يوسف:انا لازم افهمهم انه حوراء ما راح اتسوي جذي فيهم اذا ما فهمتهم راح يخافون منها و يكرهونها​

الجد:صح كلامك و خلاص صكروا الموضوع​

ومر اليوم عادي كأي يوم ​

بعد مرور شهر​

الي صار في هالشهر ​

يوسف تقدم حق حوراء و حوراء وافقت و ملجوا ​

ونجات صارت اتلاحق مهدي و زينب في كل مكان واتصورهم​

يعقوب فج الجبس ​

واما باجي ابطالنه لا جديد​

​

كان يوم السبت الساعة ثلاث العصر ​

العايلة كانت مجتمعه بالحديقة كل عاده​

زينب:اقول يوسف ما حددتوا زواجكم​

يوسف:امبله بعد شهر​

رقية:جان قلت لنه من زمان علشان يمدينه نجهز​

يوسف:لأنه يا ذكية تونه حددنه​

ناصر:عيل روان ماراح اتروح​

الكل:ليش​

ناصر:نسيتوا انه الشهر الياي راح تدخل التاسع​

روان بأحباط:اي صح​

واهمه يسولفون يت الخدامه و عطت يوسف ظرف​

الخدامه:بابا هادا في هرمه يجي يعتي انا هادا و يقول اتي هادا بابا يوسف<<<بابا هذا في حرمه يجي يعطي انا هذا و يقول عطي هذا بابا يوسف​

يوسف خذه الظرف و كان مكتوب عليه ((اقراه جدام الكل ابصوت الكل يسمعه ))بطله و طلع لورقة الي داخله وقراها ابصوت عالي والكل كان ينطره يقول شنو فيها​

يوسق بدا يقراه:تذكر لمن طلقتني شنو قلتلي قلتلي اني مو متربية وما استحي على ويهي و انه اختك متربية وانا الي مو متربية الحين شوف اختك على حقيقتها اهيه والغريب الي دخلتوا بيتكم طلع يوسف الصور و قاعد يشوفهم وكانت الصور لزينب ومهدي لمن كانوا يطلعون ولمن كانو يقعدون بالحديقة الأماميه كانت همن اتصورهم<<<اكيد عرفتوا منو ​

الجد:يوسف منو داز الظرف​

الجده:و شنو الي بصور​

يوسف حط الصور عطاوله والكل مسغرب انه اصور عاديه مالها علاقة بالكلام​

الجد:انزين منو داز الظرف​

يوسف تنهد:نجات​

زينب:انزين منو قصدها بالغريب​

مهدي بهدوء:سهله ما يبيلها تفكير انا المقصود وراح وخله وراه الكل مصدوم​

زينب قامت ولحقته ​

<<<يتبع

 

[ليمونة حلوه]

​

وليد خذه الظرف وطل ولقه اورقه داخله طلعها وعطاها يوسف​

وليد:يوسف في اورقه​

يوسف خذاها وقراها ابقلبه:عرفت منو فينه الي مو متربية​

يوسف فار دمه قط لورقة وطلع ​

وليد خذه لورقة وقراها ابصوت عالي ​

الكل انصدم ​

​

خنروح عند زينب ومهدي ​

زينب لحقت مهدي لغرفته طقت الباب ماكو رد طقته مره ثانية همن ماكو رد ​

خافت انه مهدي سوه شي ابروحه ​

دخلت وشافت مهدي قاعد على القنفه ومنزل راسه وحاط ايده على راسه زينب قربت منه وقعدت يمه​

زينب وهي تمسح على راسه:مهدي مالك شغل بالكلام انت واحد منه وفينه اهي من حرتها قاعده اتقول هل كلام​

مهدي:لا صح كلامها انا غريب مني انا بس الحين صرت زوجج حتى لو كنت زوجج مالي حق اعيش مني المفروض اعيش عند اهلي ونزل راسه بس وين اهلي ونزلت ادموعه​

زينب عورها قلبها واهي اتشوف ادموع حبيبها​

زينب ضمته:انا اهلك انا امك انا ابوك انا اختك انا اخوك انا راح اصير لك العايلة​

دخل الجد عليهم ​

الجد:و احنه وين رحنه يا مهدي انت مو غريب ابوك الله يرحمه قبل لا يوصيني انا الي كنت بربيك انت ولدي عمري فرقت بينك وبين الباجي​

مهدي:لا​

الجد:لأنه هذا اكبر دليل انك ولدي​

مهدي قام وباس راس ابوه​

الجد ضم مهدي و زينب ابتسمت​

​

اما عند يوسف ​

وصل بيت ابو نجات و طق الباب ​

بطله ابو نجات ​

ابو نجات:هلا هلا يوسف تفضل ​

و دخلاه المجلس​

قام بونجات بييب جاي و عصير..الخ​

وقفه يوسف:عمي خلك انا مو ياي علشان اتضيف بس ما عليك امر ناد نجات بكلمها وجدامك​

ابونجات استغرب وقام وناده نجات الي دخلت وهي لافه الشيله بأهمال​

نجات:السلام​

يوسف:وعليكم السلام ​

نجات:اكيد ياي اتردني و اتصلح غلطك عقب ما عرفت منو الي مو متربي بس اقولك من الحين اني رافضه​

يوسف ضحك بستهزاء وقال:من قال اني ياي اردج و اصلح غلطي وانا اساسا ما غلطت انا ياي اصلح غلطج شوفي يا بنت الناس اصور الي انتي دازتهم لنا احنه ندري فيهم و راضين لأنه مثل هالشي وشدد على كلامه حلال على متزوجين​

هل كلمه صارت تتردد ابأذن نجات​

كمل يوسف:و مهدي الي وصفتي بالغريب اهو اخونه قبل لا يصير زوج اختنه واتمنه ما اتقربين منه لأنه مافي اي شي يربطنه فيج والسالفه الي صارت بسوق و الكف الي عطيتي زينب ما كنت بعديها بس عديتها ابطلب من زينب​

نجات:امبله في اعيالي​

يوسف:اضن انج اتنازلتي عنهم واتمنى ما نسيتي هشي​

بونجات بستغراب:يوسف اشصاير واي صور وشنو اسالفه​

يوسف:السالفه انه حضرت بنتك وقاله كل السالفه حق عمه​

بو نجات وقف و قرب من نجات وعطاها كف خلاها اطيح على الأرض​

بونجات بصراخ:هذا نتيجة تربيتي فيج وين اودي ويهي وصدق يوسف انه انتي الي غلطانه اخته متربيه انتي الي مو متربيه لا انتي تربيتي بس تربيتي لج خذيتيها من اهني وقطيتيها من اهني​

يوسف:با عمي لا اتعب روحك هل اشكال ما ينفع معاها​

وطلع يوسف ورد البيت عقب ما علم نجات منو الغلطان فيهم​

وصل البيت لقه الكل بصاله​

يوسف:السلام ​

الكل:وعليكم السلام​

الجد:يوسف اشسويت​

يوسف قالهم كل شي​

زينب وقفت ولدموع ابعينهه:يوسف حرام عليك ليش سويت جذي اكيد الحين ابوها ذبحهه طق​

يوسف وقف وابصوت مرتفع:لا زنوب مو كل مره اسكت اشوف اختي يصير فيها جذي وانا ساكت خل اتذوق اشوي من الي ذوقتج ايا الكل يدري اهي اشسوت فيج لا اتحاولين اتخشين عنه​

زينب ودموعها نزلت:الله يسامح ليش احنه ما انسامح​

وليد وقف:زنوب اهي وحده مهما سوينه لها ما تتعدل و يوسف ما سوه شي غير انه خذه حقج منها ولي سواه فيها اشويه​

زينب ابصوت مخنوق:اذا ابتاخذون حقي مو ابهالطريقة تاخذونه​

وصعدت وهي تبجي​

الجد:لو كل الناس نفس زينب جان الحين ماكو ذرة حقد​

الكل:اي والله​

قام مهدي وراح عند زينب وهو يصعد ادري وقفه كلام وليد​

وليد:مهدي ما اوصيك لمها ها ​

مهدي انحرج والكل ضحك​

كمل مهدي طريجه لين غرفة زينب ​

اول ما وصل سمع صوت اخترع بطل الباب وشاف .......​

​

​

​

انتهى البارت​

توقعاتكم​

شنو شاف مهدي؟؟؟