|[ البارت الاول ]|
لولوه بهمس : وينج انتي امي راح تذبحج
فجر بستغراب : ليش وبعدين شفيج تهمسين جذي
لولوه بخوف : اششش سكتي قصري حسج قومي بسرعه دشي الغرفه يالله
فجر قامت مع لولوه ودخلت الغرفه بخوف : شصااير
لولوه تقفل الباب وبنفس همسها : ابوي سكران كالعاده ومتحلف فيج عباله الاخ الساعه 3 الفير والحين 10
فجر : اهـم شي هذا وانا مستئذنه منه وقايلت له بروح بيت خالتي نوره !!
لولوه بعصبيه : وشدعوه صج رايحه بيت خالتي نوره
فجر : اقول ماتكرمينا بسكوتج وتقولين لي الحين شسوي ؟
لولوه : ماراح تسوين شي راح ننحكر انا وياج بالغرفه وامي عنده
فجر : شنو امي عنده مينونه انتي ؟
لولوه : انجعمي فهودو الحين ياي توني داقه عليه
فجر ادش غرفة الملابس : واي مادري لي متى هالحال متى اتزوج وافتك
لولوه اتخصر : وانتي بس تبين الريل
فجر : اي لا تلوميني الصراحه عيشتكم جهنم
لولوه : حلفي ؟ ومنو هالحمار الي بيرضى فيج
فجر بعصبيه خفيفه : نواف
لولوه : ههههه امبي خبله يبا يلعب عليج والله
فجر : لا مايلعب
لولوه : يالخبله تراه اكبر لعيب بالكويت والكل شاهد
فجر تمسك دموعها : اهو صج اكبر لعيب بس يحبني تخيلي عمره مالمسني ودايم مايرفضلي طلب ويخاف علي ودايم بلسانه احبج وهذا وانا ميننته بعد
لولوه تنسدح على بطنها : والله اعلم ما بالنوايه
فجر ماردت عليها وقامت تفصخ ملابسها بتبدل
فهد توه داش البيت وهو متوتر ركض دش الصاله وانصدم : يمااااااااااا
ركض صوب امه وهو يطقها بخفه على خدها : يمه .. يمه تكفين ردي علي يماااااااا
رفع عينه شاف ابوه مو بوعيه ويقول كلام مو مفهوم
ماله خلق يتناقش معاه ولا حتى يكلمه لانه بنام ويقوم وهو مو متذكر شي
شال امه وحط عليها العبايه وركبها وره بالسياره وحرك المستشفى وهو على طريف الدمعه
خواته عايشين بجهنم وامه كل يوم مطقوقه وطايحه غشيانه وهو معاشه 700 دينار ويالله يكفونه
حقه وحق خواته وامه والماجله وفوق هذا ابو ياخذ منه 200 وبالغصب حق سمه الهاري !
تعريف العايله
بو فهد : سكير مايخاف و ربه ! جدام الناس انا وانا وهو من وراهم نو كومنت .. 47 سنه
ام فهد : ياحياتي تقدرون تقولون الام المثالثه متحمله كل شي عشان عيالها لو بيدها اتطلع من اليوم قبل باجر بس ماتقدر ضروفها كلش ماتسمح وعيالها ماهم كلهم كبار .. 39 سنه .. ضعيفونه والي يشوفها يقول اصغر تهتم بنفسها وايد !
فهد : شايل كل العايله على راسه وساكت ومتحمل .. دايم تحن عليه امه تبي تزوجه بس اهو يعاند ويقول " شبتسون بدوني ؟ " .. اسمراني بس مو وايد يعني حنطي :\ عنده غمازتين شعره كثيف اسود يهتم بجسمه ( رياضي ) ! .. 24 سنه
فجر: رومانسيه وهايمه وتبي فارس الاحلام بسرع وقت :eh_s(3): ! .. بيضه صابغه شعرها اشقر بس مو الشقار القوي يوصل لي نص جتفها عندها غمازه وحده بالخد ضعيفووونه :× ! .. 21 سنه
لولوه : تاخذ كل شي جد بجد صج انها غشمرجيه شوي بس وايد جاده :\ !! تحب سوالف السياسه ماسياسه وحلمها تخلص الثنويه ودش حقوق وتصير محاميه .. قزومه شوي بيضه مليانه بس مو وايد عشرها لي نض ضهرها صابغته كستنائي كثيف .. عيونها وساع بنيين ورموشها كثيفه شفايفها شبه حادين .. 17 سنه
* بمكان ثاني *
قاعده بالصاله وطقطق بالبيبي وهي بقمة الحره
دش البيت نواف : شوي شوي ع الفون تكفين
لفت عليه ورفعت حاجبها : انت ييت
نواف يتربع جدامها: لأ ضلي يايلج ؟
روان : املق املق
نواف : جب جب وين جسوم
روان : يعني مكانه المفضل وين
نواف : اكو غيره المطبخ
روان : أفكورس الحق عليه قاعد يسوي جكن فليه طبخته المفضله ههه
نواف يركض المطبخ : جويسسسسم احسب حسابي
قامت تطلعت الحديقه ودقت 99******
بعد جم رنه : الوو
روان : حمود وينك ؟ وشنو هذا وين قاعد انت بديسكو مو عساس بتروح الدوانيه
محمد : شوي شوي كليتيني ؟ انا بالدوانيه وحاطين الستيريو
روان : لا ربعك يحبون برتني سبيرس ها
محمد : اي مو بس انتي تحبينها ؟
روان وهي بتاكل نفسها من الحره : محمد !!
محمد : عيوووونه قلـبه الي يسوي دق دق
روان : وييييييييينك لايكون عندها
محمد عاقد حواجبه : عندها ؟
روان : اي عند حبيبة القلب انفالو
محمد : هههههههههههه كاااااااااااك
روان : هيهي شضحك !!
محمد : يبا والله بالدوانيه وراسج وغلااااتج وحياااتج
روان : مابي جذاب
محمد بخبث : تبيني اييج يعني
روان بدلع : ايي
محمد : قولي جذي من الاول افا عليج جم رورو عندي انا قولي وين وطيران
روان : حديقتنا !
محمد : شنهو ؟ ينيتي !
روان : عادي ماهمني احد بشوفك
محمد : يالخلبله كل خوانج بالبيت ويين ايي الله يهداج بس
روان : حمووود والله مشتاقتلك
محمد : خلاص باجر امرج من الكليه واخذج نتريق
روان : زييين اووف
محمد : فديتها ام برطم
تعريف العايله
ام جاسم : حبوبه بس عصبيتها الزايده مالها داعي .. 48 سنه
بوجاسم : خوش ابو يعني قد المسؤوليه :eh_s(3): .. 50 سنه
جاسم : البجر 27 سنه خااطب .. والله يستر مايغير رايه بعد
نواف : يعشق يموت بوحده اسمها " فجر " بس لو يهد خرابيطه اهو بخيير .. 24 سنه
روان : دلوعه وحنانه .. فصله وعوبه .. 21 سنه
نواف : خلاص انا قررت !
فجر بهمس : شقررت
نواف : فجور ماني قادر اسمعج
فجر بنفس همسها : عيل خلنا مسجات
نواف : افف لا خلاص ! انزين ترا قررت
فجر بهمس : ههه والله ادري انك قررت بس بشنو
نواف بنفس همسها : اتزوجج !
الدكتور : لازم نخليها عندنا جم يوم
فهد بخوف : ليش دكتور اهي فيها شي خطير ؟
الدكتور : لا ابداً بس عشان نتأكد على صحتها لانه تدري الطق الي فيها جايد ! ولاتنسى تقدر تقدم تقرير
فهد بشوية راحه :لامشكور مابي اقدم
الدكتور : براحتك !
..
نطرووني بالبارت الياي
وهالبارت مجرد تعريف يعني مافيه شي
وشسمه سوري اذا في بدليات حدي دايخه :ch12:
!
