رد : رويتي الاوولي : رآسي يبيلكـ برج آيفل تطوله .. لأصرت فوق البرج لأقيت رأسي
الباارت الثاني
خل نتكلم عن خالد شووي
خالد عمره 22 سنه ساكن بمنطقه منيره يدرس بالجامعه مو حلوو وايد بس جذاب ابيضاني جسمه حلو معضل شعره واييد الي بقلبه بلسانه
وربعه الي حييل وياه
عبدالله ومشعل
ننكلم عن عبدالله
عمره 23 سنه يشتغل حلوو عيونه عسليه قصير لاضغيف ولا متين جسمه حلوو ومايحب يطلع الي بقلبه لو شنو يصير
نروح حق مشعل
عمره 23 ابيص طويل مترووس شوي ومعضل مو حلوو حيل بس ابتسامته تسحر ويشتغل
نرجع للقصه
فطوم تعرفت علي خالد حيييل وصارت تحبه واهو يمكن يبادلها الشعور وبعدين راح تعرفون اكثر
منيره وفاطمه راحو يتغدون بشيليز البدع
واهما يسولفون
فاطمه : تصدقين عبدالله رفيج خالد يدق علي
منيره : ويييع شيبي
فاطمه : انتي ليش تكرهينه ترا والله طيب وحبوب
منيره : منو قالج اني اكرهه اصلن اكرهه كل الشباب
فاطمه : اي عشان ماجربتي الحب
منيره : اوش خلاص يه الاكل
فاطمه : انا بعرف انتي تاكلين وين يروح الاكل بل بل
منيره : واي سمالله قولي مشالله حبيبتي انا اطامر واروح النادي مو انتي كل مبربخه مالت
فاطمه : اي صج منوو بدش وياج النادي
منيره : خلاص اووكي يكون احسن بعد وياي نستانس
وقعدوو ياكلون ويسولفوون
وخلصوو ومنيره قطت فطوم البيت
ولا يطلع اخوهاا محمد
محمد : انتي وين كنت هايته
فاطمه : كنت ويا رفيجتي
محمد :ذلفي داخل ولا اشوفج طالعه فاهممه
فاطمه : انزين انزين افف
دشت فاطمه البيت اقعدت ويا امهاا
خل اعرفهكم علي بيت فاطمه
امهاا : مخليتهم علي كيفهم والي يسونه يسونه ماهمها عيالها لو ينامون بالشارع
ابوها صالح : ريال كلا مشغوول وكلا مساافر ومايدري عن البيت الا اذا كان بس موجود
اخوها محمد : عمره 22 عصبي حيييييل ومايحب سوالف الطلعات مالت البنات وجذي لان يكلم بنات ويلعب ومايبي خواته جذي
فهد :الكبير عمره 30 مطلق وعنده بنت عمرها سنه ونص اسمها ريم
ريم اختهم الكبيره عمرها 24 متزوجه وعايشه مع زوجها
نرجع للاحداث
منيره ردت البيت نامت شوي ولبست وراحت النادي
طبعا اهيا مدربه بالنادي
قعدت تدرب البنات
الكل عباله انها اجنبيه
بس لمن وحده قالت
شفيها هذي متنرفزه اليوم
منيره : حبيبتي مافيني شي ويلا اشتغلي
البنت انصدمت لووول
وصار الكل يدري انها كويتيه
نروح حق فطووم
فاطمه تكلم خالد
وداشين جوو علي الاخر
خالد : فطوم عطيني بووسه
ودشوو جوو لوول
ولمن سكره خالد
قاعد ويا رفيجه عبدالله
خالد : افف زين سكرته من هل عله
عبدالله : اي والله عله الله يعينك انا مقزرها عليها بليل
خالد : هههه اي زين تسوي فيها
عبدالله : اي يبا رفيجتها منيره شلوونها
خالد : والله حرام منيره تكون رفيجتهاا اخلاق وبرائه شلوون هذي جذي
عبدالله : يبا انت ماتعرف سوالف البنات اول شي يدقون الشرف عليك بعدين تخورها هههههه
خالد : لا والله بس منيرره غيررر
دقت فطووم بهل لحظه
خالد : اففف دقه الحنه يبا ببطها بويها مابيهاا
عبدالله : يبا قزرها شوراك
وشاله خالد
خالد : ها وينج
فاطمه : طالعه مع بنت خالتي
خالد : وليش ماقلتيلي ياشقوول انا شنو طرطور عندج ياحماره
فاطمه : حبيبي والله اسفه ماكان قصدي
خالد : انقلعي ولاتدقين سكره بويهاا
فاطمه قعدت تبجي ومنهاره من حبيبها الي تحبه سكره بويها قعدت تدق بالسااعات عليه ومايرد بعدين قامت تدق لقته انتظار قامت تشكل عليه لمن سكر جهازه
دقت علي عبدالله
فاطمه : الووو
عبدالله : هلاا
فاطمه : عبدالله تكفه مادري شفيه خالد
عبدالله : يبا خالد مايبيج خلاص لاتدقين عليه واذا دقيتي عليه لاتدقين علي سكره بويهاا
فاطمه قعدت تقول بقلبها شفيهم هذوول المهم مرت الاياام والشهوور
وفاطمه تكلم عبدالله بس مو حب لا فريند وعبدالله مقزرها عليهاا
وفاطمه كانت تشبك منيره ومنيره تسكت وتسمع سوالفهم
وبعدين فاطمه دقت علي خالد
خالد يقول حق عبدالله
خالد : عبدالله هل قح.. دقت علي مايفيد فيها
عبدالله : الحين العن خيرها انطر علي
خالد : ههههه يلا يلا تكفه
عبدالله دق علي فاطمه
عبدالله : انا مو قتلج لاتدقين عليه ولا انتي ماتفهمين
فاطمه : بس انا احبه
عبدالله : بس يالقح... اهو مايحبج فهمي
فاطمه : سدته وقعدت تبجي منهااره ودقت علي منيره قالت لها كل شي
منيره : شفتي انا مو نصحتج مو انتي كنتي تقولين لي حبي ومادري شنوو ها شرايج الحين
ارتحتي
فاطمه : قاعد تشاهق ب،س بس انا مادري
منيره : خلاص فطوم والله عيشي حياتج نفسي احسلج وقومي غسلي ويهج الحيين
فاطمه : اوكي يلا باي
منيره : باي
منيره قاعده بالبيت
وياها خواتها دلال ودانه وعززوز
تبون اطلعكم
طبعا كلها ويا بعض
دلال عزيز ودانه :
اي منوووووووور عفيه اي
منيره : يلا قومو لبسوو كلكم نروح نتشمي ونتعشي ونرد
لبسو وخلصو وطلعوو
بالسياره مع منيره واخونها
دلال قاعده جدام ودانه بالكرسي الي بالنص واقفه لوول مكانها المعروف وعزيز يمها
مرت سياره شباب وقعدوو يتحرشون بدانه الصغيره ويسون لها حركات عشان يضبطون منيره سوالف التضبيط لوول عارفينها
ودانه قعدت تضحك عليهم ولا يلها كففففففف صدمه من منوو
ههههااي من عزيز النزقه
عزيز : انتي بالفصعوونه شلون تضحكين لهمم هاا
دانه : تبجي منور شوفيه وقعدو يتكافخون والشباب ميتين ضحك عليهم ومنوور ميته من الاحراج والضحك
المهم ردوو تعشو برجر كنج البحر الي يم بيتهم وردو البيت
منيره انسدحت بفراشها تفكر بعبدالله الي سكن قلبها واهيا مو حااسه
منيره : شلون انا حبيته بس اهو نوعيته يخربط ومايحب وحتى الي يحبها مايتزوجهاا شلوون ياربي
دقت علي بنت عمتها الجوري
منيره قالت لها كل شي
الجووري : اي منوور نسيتي الي كنتي تلعبين عليهم اوول
نسيتي الي كان يحبج ولعبتي عليه وقطيتيه يلا الحين جربي شنو كنتي تسوين فيهم
منيره : ساكته ومنصدمه شلون الجوري بنت عمتها حبيبتها الي تموت عليها اختها بالرضاعه تقول لها هل كلام تدروون ليش
لان الجوري كان تحب الي كان يحب منيره وكان يقول لها عن منيره وكانت تحقد
سدته منيرره بويهها وماقدرت تقول ولا شي غير انها انسدحت بفراشها وقعدت تبجيييييي حيييييييل لمن ناامت
قامت الصبح تذكرت الي صار وقعدت تطالع وياها بالمنظره وتبجي وعيونها حمرر واليوم ويك اند ياربي شلون بسمع صوته شلون بسمعه واهو يسولف ويا فطووم انا ما اصدق اني بديت احبه
منيره علي طول دقت علي رفيجتهاا لولوه
لولوه عمرها 18 سنه كبرهم مو حلوه حيل عاديه حيل
جسمها عريض شعرها لي نص جتوفها اسود كيرلي
دقت عليهاا
منيره : الوو
لولوه : هلا بالقاطعه هلا بالي ماتدق
منيره : لولو مالي خلقج تدري شصار بفطوم من خالد
لولوه : اي قالتلي عنه الحقيير
منيره : لولوه بقولج شي بس حلفي ماتقولين حق فطوم
لولوه جكت بلموضوع : قولي منور واللله ماقول
منيره : لوولوه انا بديت احببببه
لولوه انصدمت : منور لايكوون انتي تحبين خ
قاطعتها منيره واهيا ماسمعت خ : لولو احبه والله احبه مادري شسوي
لولوه : منور انتي من صجج شلون تحبينه ماشفته شنو سوا بفطوم بعدين خالد وييع
منيره قعدت تضحك
لولوه : انتي تستعبطين صح
منيره : لولو شفيج مو خالد عبدالله
لولوه : اي عبالي بعد بس عبدالله مو زين عنده خرابيط
منيره : وانا هذا الي خايفه منه
لولوه : خلاص عيل انسي انسي
منيره مو من قلبها تتكلم بس تبي تسكت لولوه الي اندمت قد شعر راسها لمن قالت لهاا
منيره : خلاص لولو شوي واكلمج
لولو : يلا عيل حبيبي باي
منيره : باي
مرت الاسابيع والشهوور وعلي نفس الحال منيره من الجامعه لي البيت ومرات تطلع ويا اخوانها وفاطمه وياهم يتمشوون
ومرات وياهم لولوه ماتغير حالهم ومنيره كل يوم تحب عبدالله اكثر من اول
منيره قاعده تنشف شعرهاا ولا تدق عليهاا فاطمه
فاطمه : هلا بالحب كله
منيره : هلا فيج ياقلبي
فاطمه : هلا بعمري والله
منيره : هلا بشرايني والله
فاطمه : هلا بكل شي فيني
منيره : خلاص عااد مو لمن خالد هدج قعدتي صرتي بويه علي افاي وتضحك
فاطمه : اخييه علي هل ضحكه تذوب
منيره : فطووم ياشقوول بس عاد خلصي شتبين
فاطمه : افا افا يالحب
منيره تنرفزت : يلا باي
فاطمه : لا اتغشمر خلاص والله
منيره : اي عبالي بعد
فاطمه : منور من زمان مو قازين شرايج نطلع نستانس
منيره : اي والله انا ضايق خلقي يلا فوقه فوقه
فاطمه : يلا دقايق البس
منيره : يلا اخلص شعري وامرج باي
فاطمه : بااااي
قعدت منيره نشفت شعرهاا وكان الجو حلوو يعني براد بس مو حيل
لبست شورت جينز لي نص الركبه وفلوفر قااب وسوت شعرها عادي ماستشورته ويفي طبيعي الي يكون ناعم وماحطت شي بويها بس قلووس وخذت فونها ونزلت
محمد ابو منيره قاعد علي الابتوب ولتفت عليها
محمد : هاا وين رايحه
منيره : ويي يبا انتي هني ماشفتك ( تستعبط )
محمد : لا حلفي شكبري ماتشوفييني
منيره : تضحك ايي يبا ضعفان صاير ماتبين
محمد : اي قصي علي عشان تطلعين هاا
منيره : افا افا يبا انا بنتك حبيبتك اقص عليك افا بس
محمد : خلصي وين بتروحين
منيره : مع فاطمه
محمد : انا مو قايلج ماتطلعين مع هل اشكال
منيره : يبا فاطمه غير عن ابوها والله
محمد : خلاص روحي بس ما اشوفج تطلعين وياها وايد
منيره : انزين بحزن
محمد مايبي يطلع بنته من البيت واهي متضايقه : ها جم تبين
منيره : عندي
محمد : بعد يعني ماتبين
منيره : لا مابي وماده بوزهاا
محمد مد الفلووس : هااج يلا عن الدلع
منيره خذتهم : يبا شنو 40
محمد : يبيهم خلاص
منيره : لايبا خلاص وانحاشت
فاطمه لبست جينز اسود وفلوفر اسود مخطط ببيض عليه رسمت فيونكا بالاحمر وسوت شعرها ستريت وبف
وقاعده بالصاله تنطر منيره
دش محمد وحطت ايدها علي قلبها ماتبيه يشوفهااا
وراح وماشافها لول
وطلعت بسرعه اول ماركبت مع منيرره
منيره : شفيج شفيج مطيوره
فاطمه : حركي حركي بسرعه اخوي
منيره : اففف زين
حركت وراحو مرينا وتمشوووشرو ملابس وتعشوو واهما رادين ولا فوون فطوم رن رقم غرييب
فاطمه شالته
فاطمه : الووو
: هلا والله
فاطمه : هلا منو معاي
: انا مشعل ماعرفتيني
فاطمه : انت مشعل رفيج خالد امبلى وعبدالله امبلى عرفتك
اهني قلب منيره قام يطق لمن سمعت اسم عبدالله
مشعل : اي بصراحه انا معجب فيج وابيج
فاطمه : هااا
مشعل : ويعاا واهوا يضحك شفيج مستغربه
فاطمه : لا بس شلوون وخالد
مشعل : خالد قالي عادي كلمها وقاعد يمي وبعدين اهو يحب الحين
فاطمه : بس كانت بتحط ابالها انها بتحرق خالد مادرت انه مايدري عن هوا دارهاا
فاطمه : اوك عيل ارد البيت اكلمك
مشعل : ليش وينج انتي
فاطمه : طالعه من مرينا برد البيت
مشعل : مع منوو
فاطمه : مع رفيجتي منوور
مشعل قال لهها لحظه
مشعل يكلم خالد وعبدالله
مشعل : تقول راده من رفيجتها منور
خالد فز : هاا قول لها بشوفج بسرعه
مشعل يرد علي الفون
مشعل : فوفو بشوفج حياتي
فاطمه : لا ما اقدر منور ماراح ترضي
منيره : شنو الي ماراح ارضي ها تجذبين وتضحك
فاطمه : يالعوبه يقول بشوفج ها عادري
منيره : تنهدت وسحرت بعبدالله هل راح يكون وياه ولا لاء
فاطمه تهز منيره سيارره شفيج
منيره : ها اي اي عادي اذا بتشوفين بس بروحه
فاطمه تسأل مشعل انت بروحك
مشعل : لا وياي ربعي
فاطمه : منو خالد وعبدالله
مشعل : اي بس ماراح يكونون وياي
منيره : خلاص قوليله اوكي
واتفقو علي المكان
البحر مال مريناا
وخالد ومشعل وعبدالله راحو اهنااك
دق مشعل
فاطمه : هلاا
مشعل : ها وينكم
فاطمه : انا انطرك بالبحر ومنور راحت ماتبي تقعد
مشعل : وين راحت منيره
خالد يقول حق مشعل : قولها لاتروح
مشعل طنش وقال
مشعل : يلا عيل فطوم نزلي
فاطمه : يلا اوكي
فاطمه نزلت قعدت ويا مشعل
وعبدالله وخالد نزلو داخلي المريناا
ومنيره قعدت تحوس بمرينا تشتري حق خوانها ملابس حق الشتي
ولمحت عبدالله طبعا اهيا تعرفه من الصوور
وقعدت تطالعه لمن يت علينه بعينهاا وعبدالله عباله اجنبيه لوول بس نقز خالد
عبدالله : شوف شوف شحلاتها الاجنبيه مو بناتنا مالت بس
خالد : اي والله طبعا خالد شايف منيره بس مو مركز عليها بس شافها من ورا
ردت منيره ودقت علي فاطمه
ركبت فاطمه وردوو خالد وعبدالله
خالد انصدم لمن شاف منيرهه
خالد بقلبه هذي منيره اخيييه بس والله اخييييه
خالد : عبود شفت الاجنبيه
عبدالله يسولف ويا صاحبته : ايهي الله يهديك وايد داخل اجانب
خالد : الي قتلي عنها حلوو
عبدالله : ماتذكر المهم شفيها
خالد : طلعت رفيجت القح,,, فطيم
عبدالله : وشنو يعني ههههه
خالد : مالت عليك زييين
وردو الدوانيه الشباب
لعب جنجفه
وردت منيره نامت وفاطمه تكلم مشعل
وصارت وايد معاه ومشعل يلعب علييها لان يدري اهيا صار وياها يمكن 4 شهور بعدين هدها وغير رقمه
فاطمه اهيا ومنيره بالجامعه
فاطمه : منور مشتاقتله ماقدر
منيره : اووف انتي شلون يعني وياج
فاطمه : منوور عفيه بدق عليه من رقمج
منيره استغلت الفرصه وقالت يمكن تدق علي عبدالله
منيره : هاج دقي
فاطمه : دقت علي مشعل مغلق ودقت علي خالد هم مغلق لمن دقت علي عبدالله قام يرن
منيره : فطوم تدقين علي منوو
فاطمه : علي عبدالله بشوفه شلونه يمكن يرد
منيره : اهاا
يرن يرن اخر شي
المشترك لايرد يرجي الاتصال في وقت لاحق
خذت فونها منيره ودرت البيت نامت واهياا نايمه رن فونها قعد يرن
منيره تطالع الرقم ماعرفت
شالت
منيره : الووو
: الوو هلا ( كان صوته توه قاعد من النووم )
منيره : هلا منوو
: انتي كنتي داقه الصبح
منيره اختبصت وعرفت صوته وماتدري شتقول ولا شتخربط
منيره : اي بس بس كنت بالغلط اسفه
عبدالله : خلاص عيل ماصار شي يلا مع السلامه
منيره : سكرته بويهها ولا كلمه
عبدالله قعد يفكر بهل صوت منو هذي مو معقووله متخربطه وكان صوتها فيها شي
بس ماني داق بس عاد ياعبدالله اثقل مرا بس مسح الرقم عشان مايدق
منيره تقول بقلبها تعبت انا لي متى وانا جذي بقوله مايصير ولمليت من فطووم ماتحس فيني مابي اقول لها استحي والله شلون بقول له
مرات سنه تقريبا ومنيره خاشه حب عبدالله بقلبها وعبدالله حالته حاله كل يوم مع بنت يديده
مرا من الايام فطوم تقول حق منيره
فطوم : منووور بليز فونج بشوف عبدالله
منيره : اوكي
فطوم خذته ودقت يرن يرن بس ماشاله
منيره قطت فطوم البيت ولا يرن فونها
عبدالله : الوو منوو
منيره ماعرفت رقم عبدالله ونست صوته : انت الي منوو داق تستعبط ياشقول عيب ماعندك خووات وطاحت فيه منيره
عبدالله : ياشقول يالقح... انتي ماعرفو اهلج يربوج تدقين علي الشباب
منيره : سدته بويها وطالعت الرقم انصدددددددددمت حيييييل
وصل لها مسج
يالقح،،، والله لعرفج
ردت بمسج
اسفه والله ماكان قصدي اني اقولك هل كلام بس رفيجتي كانت تدق من فوني وعبالي واحد اهيا داقه عليه اسسفه اخووي
عبدالله انحرررج حييل واول مرا بحياته ينحرج
رد عليها بمسج
لاعادي انا الي اسف سبيتج ماكان قصدي سامحيني والله
ردت عليه
مسامحتك اخر مرا لوول واهيا تضحك علي نفسهاا
ردت عليهاا
يلا عيل اخليج اسف سي يو
ردت عليه
سي يو 2
لمن ردت البيت واهيا مستانسه
حدهاااااااا
خذت فونها ولبست مايوهاا ولبست اخوانهاا وراحوا السرداب يتسبحون
قبل لاتطب الحمام السباحه
دزت هل مسج حق
احبببببببببببببببك
دزته وقعدت متورتره وندمت
وصل لها مسج
خلص البارت الثانني
توقعاتكم شنو بيصير بالمسج الثاني الي دزته حق المجهووول
ووترا البارت تعمدت اخليه طوويل
عشان يكفيكم يومين
وانشالله اذا قدرت نزلت بارت
والقصة مبين عليها حلوووه .. ونااطرييييينج حبيبتي لا تطولييين .. :hjy5jewf: 
