السلام عليكم ورحمة الله وبركاته
اخواتي هذي اول مشاركه لي بالمنتدى وبصراحه مااعرف كثير بشغل المنتديات اسمحوا لي بأن انقل لكم قصة صديقتي التي عشت معها بألامها وحزنها وسمحت لي بأن ادونها لكم بذكر اسمها واسم اختها دون تغيير ولكن مع تغيير اسماء البقيه ومع وضع لمساتي للقصه
اولا: الشخصيات...
بطلتنا لها توأم (نوف ونور) 24سنه نور اكبر من نوف بعشر دقايق وامهم توفت اثناء الولاده
عائلتهم الاب سعد60 ,,غنيمه زوجة الاب 40سنه,, واخواتهم من ابوهم حصه18 سنه,,,عبدالعزيز20,,,بدر15 سنه,,, منال 17 سنه,,,محمد10 سنوات,,
وهناك شخصيات سوف تذكر
اليوم الاحد بداية الدوامات..
نوف: صبااااااااح الخيررر ياحلوات
تهاني: هلاااااا وغلااااااااا صباح النور والسرور لاحلى بنوووته
نوف: يؤيؤيؤيؤ بس ترا استحي
نور: وجع لاتتغزلي بأختى
تهانى: وانتى بعد اتغزل فيج يااحلى قمر
نور: فديت عويناتج, المهم فطرتووا
تهانى:لا ننتظركم
نور:نونو وش تبغين اجيبلج؟؟ (نونو دلع نوف)
نوف: انيثينك
تهاني: نور مالي خلق اقوم جيبيلي عصير وفطيره جبن
ومن ناحيه ثانيه كانت وحده تناظر البنات واكثر وحده نوف
مواصفات بطلتنا نوف(بنت نعووومه حييييل وطريقه حكيها فيه دلع طبيعي مو تصنع شعرها اسووود طويييل لاخر الظهر وبشرتها تتميز باللون الابيض وعيونها وااااسعه لونها اسووود داكن والجسم منحوووت ماشاءالله مثل عارضات الازياء وبصراحه جمااالها خرااافي وتجذب اللي يناظرها) ونور نفس الجمال ونفس الشبه بس الاختلاف شامه بخد نور
نوف: ياربي من ذا الاستاذ وش سويت مايعجبه
تهانى: وش مسويه؟؟؟
نوف: سويت بحث وماعجبه وقال ايش مش مكتمل
تهانى: متعقد الله يعينه
نوف: هههههههههههههههه اكيد
وحضرت نور وفطروا البنات وبعدها الكل راح لمحاضرته
وبعد نص ساعه طلعت نوف من محاضرتها والبنت اللي كانت تناظرهم تبعت نوف وقربت منها وقالت
النت: لوسمحتي ياختي
نوف: هلاا
البنت: ممكن اتكلم معج بموضوع
نوف وعلاامات الدهشه: مووووضوووع خير انشاءالله؟؟؟
البنت: بصراحه من غير مجامله حبيت اسالج متزوجه؟؟
نوف:هههههههههههههه لا مو متزوجه
البنت: ليش الضحك؟؟؟ ماقلت نكته
نوف: سوري بس عبالي بتساليني عن اسمي على طوول متزوجه
البنت : اسفه معاج منال وانتي؟؟
نوف: اهلين حبوبه عاشت الاسامي ومعاج نوووف
منال: ممكن نجلس لوحدنا
نوفقربت من البنات: خيرررر ليش ماتجلسي مع صحباتي هنااك
منال: لا ابيج لوحدنا نجلس ونسووولف
منال بووويه ونوف خافت منها
نوف: والله بخاطري خليها مره ثانيه عندي موضوع مع صاحبتي
منال : اوكيه مره ثانيه بس ممكن رقمج؟؟
نوف توهقت: جوالي موب عندي بس سجلي رقمج واتصل انشاءالله
منال مو مقتنعه: طيب ذا رقمي انتظرج
نوف: اوكييييه بااااااااااااااايووو
منال: بااااااايوو حياتي
نوف : تهاني لحقيني البووووويه جتني وش اسوي
تهاني عربجيه وماهمها احد: خلها تولي لا اقووووم اكوفنها ولا تخافي وراج رجااال
نوف تستعبط تلف يمين يسسار : وينهم
تهاني دفتها:: وجع اناا
نوف: اجل انتي رجااااال هههههههههههههههههههههههههههه
تهاني: مالت
نروح لبيت الغزلاااان نوف ونور
معلومات عنه
السرداب فيه حوض سباحه وكبير ومغطي بالزجاج وجلسه ارضيه من ناحيه اليمين وطاوله طعااام
ومن ناحيه اليسار اجهزه رياضيه
الدور الارضي صالتين استقبال ودرج بنص الصاله يعنى يقسم الصالتين واخر الدور في باب خشبي ويكون المطبخ كبير حييل وفيه طاوله طعام وتنور وفرن وميكرويف وشوايه والمطبخ داخله غرفه المخزن وفيها اربع ثلاجات وفريزن والمكواه
اما الدور الاول لجدة البنات وبناتها مع تلفزيووون بلاازما وغرفه للجده مع حمامها(عزكم الله) وغرفه للبنات مع حمامها(عزكم الله) وغرفه للدراسه مسمينها البنات المكتبه فيها كتب الكليه والاب لكل وحده مكتب خاص وغرفه ثالثه اسمها المسجد للصلاه وكتب دينيه ومزين بالزخاريف الاسلاميه ومطبخ تحضيري
الدور الثاني صاله كبيره وغرفه للوالدين مع حمامها( عزكم الله) وغرفه للبنات مع حمامها(عزكم الله) وغرفه للشباب مع حمامها (عزكم الله) ومطبخ تحضيري
والدور الثالث غرفه للخدم مع حمامها(عزكم الله) وحمام كبييير لغسيل الملابس
وطبعا البيت فيه اصنصير للجده
نور ونوف توهم داخلين البيت وكانت جالسه غنيمه بالصاله
نوف: ولييييييييه حيزبون جالسه هنااا
نور بهمس: اووووش لا تسمعنا مالى خلق للنجره
نوف بصرااخ: السلاااااااااااااااااام عليكم
غنيمه: وجع انشاءالله وليش الصرااخ
نوف: توجع العدووو يامستجيب اقبلهااا منى ترا من كل قلبي طالعه
غنيمه: لا والله اشوف قدامي وتدعين علي اجل من وراي وش تقولين؟
نور: شدعوه خالتى انتى بمقام امى
نوف بهمس: اخاف صدق امي منيره وبس
نور: طيب فكينا من الهوااش
نوف: شدعوه خالتى دعوتى للعدو مو لج وله ماتسمعين عدل
غنيمه عن الكلام اللى ماله داعي وبسرعه بحط الغداء واذا ماتبون احسن
نوف: شدعوه في احد يعوووووف الغداء قدام وجهج الحلو
غنيمه: دام كذا استعجلن
نوف: صدقت حيزبووون
نور واهيا تدف نووف وتقولها: زين خلنا نصعد بسرعه ونحدر
انتهى البارت الاول واتمنى يعجبكم وانتظر ردودكم بلييييييز لا تبخلون على عشان اتشجع واكتبهااا
اختكم : نـــــــووووااااارره:eh_s(8):
