روايتي الثالثة (( يا دنيا ارحميني )) .. قصة واقعية .. ReRez

[baby johnson]

قطييييييييييييييييييعه تقطع مشاعل وهددددى
بعدقلبي فرح والله


مشكوره ريري حبيييييييبتي

 

[*الغاليه*]

هااااي عرباااويه ياااحلوو المطررر لا وانتي الصااجه بالقاايله نووقفه ع ريل وحده لوووول

واللي يسألوون ووين الباارت

البااارت بدماااغ ريري تبيني اررروح افعصلج دمااغهااا واطلعه لووووووول

قلنااا ونقوول وراااح نقووول البااارت راااح ينزل متى ماجهز


,,,​

 

[baby johnson]

قطييييييييييييييييييعه تقطع مشاعل وهددددى
بعدقلبي فرح والله


مشكوره ريري حبيييييييبتي

 

[baby johnson]

قطييييييييييييييييييعه تقطع مشاعل وهددددى
بعدقلبي فرح والله


مشكوره ريري حبيييييييبتي

 

[برونزيه كويتيه]

حياآاآاآاتي رورو تسلمين قلبي ...
وناطرين البارت الياآاآاآي على احر من الجمر
"waiting"

 

[naaanaa]

ناطره

 

[ba6re8a]

متى البارت؟؟؟

 

[Sarooii]

♥طللللععععت من صمتييي♥!!
واي ريريز اسلووبج يشووق .. والله حدي اندمجت و مو قادره انطر الباارت
بس ما راح احن عشانج هههههه .. اخذي راحتج و متى ما صار عندج وقت نزلي لنا بارت يديد >> و يفضل يكوون طوويل p:
و امبيييييه على على خواات حمد !! اوكي كيفكم مو لازم تحبونها بس عاد لا تشككون اخوكم فيها .. ماقول الا كل من يرى النااس بعين طبعه .. و الله يستر من اللي ياي!

 

[PorscheGirl3]

مشكوره حبيبتي على البارتآت
وااايد تعبناااج معانا بس شنسوي متشوقين
على راحتج كتبي احنا ناطرين

 

[دلوعهـ أهلها]

مشكووووره حبيبتي

ع البارتات الروووعه

الحين مع رايي بالشخصيات مثل ما وعدتج ..

1) ندى :- حبيتهآ هالبنت .. كسرت خااطري بالقصه .. احسها على نياااتها .. واللي شاافته من هالدنيا مو شوي .. ما اقول الا الله يشفيها ويوفقها ..
2) فرح :- حبووبه وطيووبه .. ووصلت للي تبيه وهو قلب احمد .. بس يا ترى هالقلب راح يتم لها على طول (( هذا اللي ابي اعرفه )) وان شاء الله ما يشووف غيرها لانها تستاهل ..
3) حمد :- حبيته لانه وفى بوعده لفرح وتزوجها .. وكان مخلص معاها .. بس بصراحه كرهته لما صار يشك فيها لما قالت له مشاعل انها تكلم ..
4) احمد :- هالولد كلش ما ارتحت له .. مبين انه يلعب على الحبلين .. وكرهته اكثر لما ترك ندووي يالترفيهيه ..
5) مشااعل :- هالبنت شنو كرهتها من قلب .. كلش ما حبيتها .. وتصرفاتها مو حلوه



هذا اللي حبيت اكتبه عن الشخصيات


بصراحه انتي الكاتبه الوحيد اللي انطر روايتها بهالمنتدى .. رواياتج كلها قريتهم ..
اسلووبج رووعه
ولج مستقبل بالكتااابه
حبيبتي يعطيج الف عااااافيه
وانا بتم انطرج ..

 

[دلوعهـ أهلها]

بنات سؤاال ..

متى البارت الجاي ؟.

 

[naaanaa]

حياتي دلوعه والله علمي علمج قاعده انطر

 

[B!g Sm!le]

ريري ولهت عليج وعلى فرح وحمد :d

قريت اللي طافني وانقهرت اكثر واكثر من ريا وسكينه (مشاعل وهدى)
والحمدلله على سلامة فرووحه بس كاسره خاطري بعد عمري احس ان حمد راح يشك فيها وايد واخاف يطلقها
حسبي الله على اللي كان السبب

يسلموو ريري حياتي وناطره البارت

 

[jtbnmk]

بنات متى البارت انا فاتحه الصفحه وكل شوي اسوي رفرش واطالع يمكن نزل بارت شكلي سهاري اليوم وباجر طاف حق الدوام والسبب البارت:>

 

[naaanaa]

لوووووووووووووول يعني نفس حالتي انا بعد فاتحتها وكل شوي مسويه رفرش انطر البارت حديييييي متشوووووووووقه

 

[داريني]

للحين ماكو بارت

 

[ReRez]

منزمان وانا احاول انزل البارت بس المنتدى مبدع فيني .. بس هم مثل ماقلت بينزل متأخر والحين ابجر من كل مره

تفضلو





- 22 / عافك الخاطر -

- حمد واهو بلندن وصى أحمد ان اييب حق فرح خدامة بأسرع وقت .. وفعلا يابلها الخدامة عشان تساعدها مع الياهل –

- بعد الاربعين ( بعد النفاس ) -

فاطمة : يمه ليش رايحه هذا بيتج .. ريلج مو موجود واهناك ماكو لا ابو ولا ام ليش رايحه ؟
فرح : ( تلم اغراضها ) يمه خلاص عاد جم مره تكلمنا بهالموضوع لازم اروح هذاك بيتي الحين
فاطمة : بيتج ماقلنا شي .. بس ريلج مسافر وبيطول شهور أو سنين الله العالم
فرح : ( فيها غصة ) عفية يمه اترجاج لا تزعلين وخليني اروح
فاطمة : خلاص يمه على راحتج
فرح : ( باست امها ) يللا حياتي مع السلامة
---

- بيت ندى –

ندى قاعدة بالصالة و يمها عبودي قاعده تلعب معاه .. دشت عليها امها

أمل : ( اقعدت يمهم واهي مبتسمه ) اشحلاتكم وانتو مع بعض
ندى : اي تصدقين يمه .. ماقص عليج كنت متضايقة يوم انولد .. بس الحين احسه يونس
أمل : ( تنعم على شعر عبود ) اي يمه هذا اخوج مالكم الا بعض
ندى : راح يصير رفيج نواف .. مافي فرق كبير بينهم
أمل : اي صح يحليلهم .. ندى يمه اتعرفين رفيجتي ام محمد ؟
ندى : أي وحده .. عندج ثنتين ام محمد
أمل : ام محمد اللي كانت بالفريج اللي ورانا بعدين انتقلت
ندى : اي تذكرتها اشفيها ؟
أمل : امس دقت علي اتقول في ناس يبون يتزوجون وقالتلهم عنج
ندى : اكيد ما يعرفون حالتي
أمل : يمه لا تقولين جذي ماله شغل هذا بالزواج
ندى : بس لو فرضنا انهم يدرون وطبعا ماتوقع .. بس لو نفرض .. هم انا مابي اتزوج وقلتلج من قبل مو مستعدة اجازف بعيالي .. ولا مستعدة ازيد النوبات جذي عاجبيني
أمل : ( تهز راسها ) لا حول ولا قوة الا بالله العلي العظيم
ندى : ( حطت ايدها على ايد امها ) يا قلبي شاللي مضايقج والله العظيم انا مرتاحه جذي
أمل : بس يا يمه سالفة العيال وانهم يحملون المرض تره مو اكيده يعني نسبة قليلة و..
ندى : يمه الريال بيتزوج عشان يرتاح ولا يتأذى ؟؟ محد مجبور ياخذ وحده ويبتلش فيها .. فخلاص والله يمه انسي عفية
أمل : لا ماراح انسى بس بخليج تفكرين عدل
ندى : ( قامت ) خل اروح اسوي الهوم وورك احسلي
أمل : فكري عدل .. واخذي ادويتج
ندى : اوكي حق الثانيه الاولى انا خلصت منها ( خلتها واطلعت من الصالة )

دشت غرفتها .. اقعدت عالسرير و امسكت تلفونها لقت 5 مسد كول .. كلهم من أحمد

ندى : ( بقلبها ) ليش داق شنو بتقول بعد
( احذفت تلفونها عالسرير وبطلت اللاب توب عشان تسوي شغل الكلية )
---

- شقة فرح –

مشاعل : ( شايلة نواف ) حياااتي اغووو اغووو
فرح : اتحبين اليهال ؟
مشاعل : ( تطالعها بنظرة ) يعني ولد اخوي اشلون ما احبه ؟
فرح : لا ماقصد نواف .. اقصد اليهال بشكل عام
مشاعل : اي احبهم
فرح : الله يرزقج زوج و اعيال صالحين يارب
مشاعل : ( بعصبية ) شاكيتلج انا شاكيتلج ؟؟
فرح : ( انصدمت ) اشفيج اشقلت ؟؟
مشاعل : لا انا فاهمة قصدج فروح هالاستهبال مو علي

- نواف قعد يبجي واهو بيد مشاعل –

فرح : ( مدت ايدها ) عطينياه خوفتيه مسكين
مشاعل : ( عطتها نواف ) هاج اخذيه الشرهه انا اصلا مليت من القعدة اهني ( اطلعت من الشقة )
فرح : ( تكلم نواف ) عميمة مينووونة صح ماما ؟

- بعد ما رضعت نواف و نومته .. امسكت التلفون ودقت على حمد .. وبعد ثالث رنه ... –

حمد : الو
فرح : هلا قلبي اشلونك ؟ اشلون خالتي
حمد : الحمدلله انتي اشلونج ؟
فرح : تعبانه من غيرك
حمد : ميخالف فرح صبري .. زين اشلون نوافو ؟
فرح : مشتاق لك
حمد : وانا اكثر والله .. فروح رديتي البيت ؟
فرح : اي اليوم رديت
حمد : عفية عليج اي جذي ابيج على طول .. تسمعين كلام ريلج
فرح : حمد .. بطلبك طلب
حمد : تفضلي
فرح : ابيك تشبك كل يوم قبل لا انام بشوفك بالكام
حمد : حاضر من عيوني
فرح : ( استانست حيل ) فديت عيونك يا قلبي .. بوسلي خالتي وتحمد لها بالسلامة
حمد : اوكي يوصل .. اخليج الحين ديري بالج .. وتذكريني قبل لا تسوين أي شي
فرح : على طول بعيوني والله
حمد : فديت عيونج .. يللا حبي اخليج .. مع السلامة
فرح : باي ( سكرت التلفون واهي مبتسمة )
---

- ثاني يوم بالكلية –

دلال : ندى اشفيج صايرة ماتسولفين مثل قبل
ندى : بس مالي خلق
دلال : ( تطق جتف ندى ) يللا عاد سولفي
ندى : دلال خلاص خليني بتمشى بروحي
دلال : ليش اشصاير ؟ كلمتي واحد وانا مادري ؟
ندى : لا شكو
دلال : اشدراني قلت ماكو غير الشباب اهم اكثر شي يعكرون المزاج
ندى : ( ساكته )
دلال : اوف صايره مليقة
ندى : خلاص دلال انا وصلت كلاسي عن اذنج
دلال : بكون عند الباب اذا خلصتي تلقيني
ندى : ( انفخت ودشت الكلاس )

- كان اللي يدرسها المادة اهو نفسه الدكتور ثامر بمادة داتا ستركجر –

( بنص الشرح رن تلفون ندى .. نست تحطه سايلنت .. بسرعة امسكته وحطته ميوت .. ارفعت راسها ولا الدكتور موقــّف الشرح و يطالعها )

ندى : عفوا دكتور نسيت احطه سايلنت
دكتور ثامر : ( يتطنز ) لا اخذي راحتج ردي عليهم
ندى : ( طالعت الشاشة لقت اللي داق أحمد .. حطته سايلنت وارفعت راسها مره ثانيه عالدكتور )
دكتور ثامر : الحمدلله اخت ندى خلصت نقدر نكمل شرح الحين
ندى : ( بقلبها ) هذا كله جذي يعاملني جدامهم

- بعد ماخلصت المحاضرة .. وقبل لا يطلعون اللي بالكلاس –

دكتور ثامر : ندى مشعل
ندى : هلا دكتور
دكتور ثامر : لا تطلعين من الكلاس ابي اكلمج
ندى : ( لمت كتبها و اوقفت )

- اطلعو الطالبات من الكلاس و مابقى فيه الا ندى و الدكتور –

الدكتور ثامر : ندى هالشي اللي صار مابي يتكرر عندي مرة ثانية
ندى : ان شاءالله ماراح يتكرر
الدكتور ثامر : يعني حتى لو كانت المكالمة مهمة .. ماتكون اهم المحاضرة من مستقبلج عدل ؟
ندى : اي ادري دكتور وقلتلك ماراح يتكرر هالشي
الدكتور ثامر : ( يبتسم ) اي جذي الحين ارتحت .. لأن بنت مثلج كاملة والكامل الله المفروض ماتغلط جذي غلطات
ندى : ( ابتسمت بس كلش ماحبت جملته الاخيرة )
الدكتور ثامر : أي شي تبينه سواء عن الدرس او بره الدرس انا موجود ومكتبي مفتوح لج على طول

- دلال بطلت الباب طلت عليهم بعدين اطلعت وسكرت الباب وراها –

ندى : اوكي دكتور الحين اقدر اروح ؟
الدكتور ثامر : اي تقدرين .. اشوفج عقب باجر بالمحاضرة ان شاءالله .. أو اذا كنت سعيد حظ فراح اشوفج منوره مكتبي باجر
ندى : ( اسكتت واطلعت بسرعة )
---

- بره الكلاس –

دلال : ( تبتسم ) اشبغى منج ؟
ندى : اشدراني عنه قطيعه
دلال : تبين ال a لا تنفسين عليه يالهبلة
ندى : انتي للحين نفسج ماتغيرتي .. اللهم لوكج صار اركد شوي
دلال : حرام عليج والله تغيرت و ما اكلم احد .. هالتلفون مال امي و اول ما تاخذني من الكلية تقولي عطينياه و تقعد تفحصه وتشوف السجل 3 ساعات
ندى : اي يمكن تغيرتي لأنها مو ماعطيتج مجال .. ولا انتي الود ودج ترجعين حق سوالفج
دلال : ندوي خلاص عاد خفي علي والله انا اكسر الخاطر
ندى : ( اسكتت وكملت طريجها ودلال يمها )
---

- بعد الدوام .. غرفة ندى –

ندى امسكت التلفون ودزت حق احمد " خلاص أحمد الله يوفقك لا تدق علي لو سمحت "

- بعد عشر دقايق تقريبا دق –

ندى : ( ردت عليه ) نعم ؟؟
أحمد : نعم مره وحده ؟؟ أول شي السلام عليكم
ندى : أحمد اشبغيت ؟ تبي تردلي قلتلك مابي ارد مو لازم يعني
أحمد : ندى والله انا ارتحت لج وايد .. وادري غلطت بحقج يوم تركتج
ندى : أحمد بس عاد .. دام عندك وحده تكلمها اشتبي مني الحين ؟
أحمد : سولفيلي عن مرضج
ندى : ( انصدمت ) نعم ؟
أحمد : اي صج سولفيلي بحس فيج
ندى : اقول احمد .. تكفى راسي مصدع .. تبي تسولف دق على أي وحده انا مابي اتكلم .. ولا تخليني اضطر اغير رقمي
أحمد : ندى اشفيج انا احمد
ندى : ومنو هذا أحمد انا طلعت ما اعرفك عدل
أحمد : واذا قلتلج احبج ؟
ندى : ( اسكتت )
أحمد : ندى معاي ؟
ندى : اي و بسوي روحي ماسمعتك
أحمد : ليش عاد ؟
ندى : بس جذي
أحمد : لا صج انا أحبـ...
ندى : ( قاطعته ) أحمد عفية خلاص و اذا ماتبي تفشل نفسك لا تدق مره ثانية
أحمد : هذا آخر شي عندج ؟
ندى : اي واكون شاكرة لو سويته
أحمد : اوكي الله يوفقج
ندى : ويوفقك ان شاءالله .. باي ( سكرت التلفون )

- اقعدت ندى اتطالع رقمه بالشاشة وهالمرة دمعت عينها .. ماتدري انزلت دموعها عليه ولا على نفسها .. امسحت دموعها وسوتله دليت من التلفون –

خلاص .. عافك الخاطر خلاص
هذا القرار الأخير وإعتبرنا منتهين
لا تنتظر لحظة حنين هذا القرار الأخير
ما أحبك .. بقناعة قلتها
إنتهى الحب إنتهى
إلتهى القلب إلتهى
وهذا القرار الأخير
روح بطريج وأنا بطريج
خلني على جرحي العتيج
خلاص عافك الخاطر

---

- بعد جم يوم –

فرح : ( تكلم ندى بالتلفون ) ندوي حدي متمللة
ندى : امشي نطلع
فرح : وين نروح ؟
ندى : أي مكان مطعم سوق سينما كيفج
فرح : و حمد ؟
ندى : قوليله
فرح : نايم الحين
ندى : اهو يعصب لو طلعتي شميتي هوا ؟
فرح : لا بس .. اوكي خلاص بلبس وامرج
ندى : اوكي بقوم ابدل باي
---

- البست فرح وشالت نواف .. وانزلت معاها خدامتها شايلة جنطة البيبي –

( هدى كانت زايرتهم مع اليهال .. وكلهم قاعدين بالصالة وشافوها نازلة )

هدى : اهلين مرت اخوي .. شنو طالعة ؟
فرح : اي والله مليت من البيت قلت اغير جو
هدى : اهاا .. زين وين بتروحين ومع منو ؟
فرح : ( اضحكت ) ضروري تعرفين ؟
مشاعل : اكيد ضروري .. ولا بس تعرفين تحبسين عمرج فوق وماتنزلين الا عشان تطلعين ؟
عبير : ( تضايقت من خواتها ) خلاص بنات اشصار يعني تلقونها بتروح بيت امها
مشاعل : كل يوم عند امها اشدعوه !!
فرح : ( منغثة من هدى ومشاعل ) لا حياتي عبير ماراح اروح عند امي .. ضايق خلقي وبطلع اتمشى ..ومحد له حق يمنعني أو حتى يسأل وين رايحه اشوفكم على خير ( اطلعت وخلتهم )
مشاعل : ( تكلم عبير ) شفتيها ؟؟ شفتيها ؟ عشان لا تقولين احنا نتبلى عليها
هدى : انا اشكبري اتيي هذي تقل ادبها علي .. ماشي والله اذا ماخليتها تكره اليوم اللي اعرفت فيه حمد .. ما اطلع هدى
---

- فرح ودت ولدها وخدامتها عند امها .. وراحت خذت ندى –
( بالسيارة )

ندى : ها وين نروح ؟
فرح : مادري احس حيل متضايقة
ندى : ليش اشصاير ؟
فرح : هدى و مشاعل .. علقو علي قبل لا اطلع
ندى : يعني شي يديد ؟ على طول اهم جذي
فرح : لا بس مادري مو مرتاحة .. وايد تمادو معاي
ندى : تبين نرجع نقعد عندي بالبيت احسن ؟
فرح : لا لا .. خل نروح مطعم انا حتى غدى مو متغدية .. والسبه اني ما احب اقعد اجابلهم
ندى : ( تضحك ) الله يعينج

- اوصلو مطعم ( قيصر ) بالسالمية .. وانزلو –

ندى : شخبار نوافو الخايس ؟
فرح : يهبل
ندى : اشتقت له ودي اطقه
فرح : ( تضحك ) حرام عليج
ندى : عسول الله يحفظه

- اقعدو يسولفون و توه وصل اكلهم الا يرن تلفون فرح مكالمة خارجية –

فرح : ( مبتسمة ) هذا حمد
ندى : سلمي عليه
فرح : ( ردت عليه ) الو هلا عمري
حمد : ( بعصبيه ) انتي وين طالعة ومو قايلتلي ؟
فرح : انت كنت نايم عمري
حمد : ( يصرخ ) عيل ماتطلعين دام انا نايم و تنطريني لين اقوم وتستأذنين .. وبعدين انتي شنو قايله حق خواتي ؟
فرح : اشقلت ماقلت شي وتره اهم تمادو معاي وايد
حمد : سمعي يا فرح .. مو لي غاب القطو العب يا فار
فرح : شنو ؟؟ انت اشفيك شنو قالولك عشان تصرخ جذي
حمد : رجعي الحين الحين .. وماتطلعين من البيت الا بإذني فاهمة
فرح : انت من صجـ...
حمد : ربع ساعة وارد ادق .. اذا كنتي للحين بره ماتلومين الا نفسج ( سكر التلفون بويهها )
فرح : ( منصدمه ونزلت التلفون من اذنها )
ندى : شالسالفة ؟
فرح : ( عيونها انترست دموع ) طلبي الحساب خل نمشي

- ادفعو الحساب وقامو وفرح ماتكلمت كلش .. و ندى ما اسألتها عشان لا تزيد عليها –
---

تحياتي

ⓡⓔⓡⓔⓩ

بنات اذا شفتو بدليات او غلطانه بالاسامي و حاطه فرح مكان ندى و ندى مكان فرح اعذروني وطفو
سهرانه بالظبط 28 ساعه يعني اكثر من يوووم كامل ف طوفولي


الى اللقااااء بروح انتحر بالنوم

نوم العوافي انا :$

 

[kokosha]

لووووووووووووووووووووول شكلنا كلنا ماراح نداوم باجر والسبب البارت
انا محاضرتي الساعه 8 وكل شوي اجيك على الصفحه

 

[*الغاليه*]

حجزت لي مكاان بقرا الباارت وارجع

 

[DALLY]

خوات حمد منهم لله


يعطيج العافيه ريرررري والحال من بعضه مع المنتدى....