روايتي الثالثة (( يا دنيا ارحميني )) .. قصة واقعية .. ReRez

[ba6re8a]

حبييييييييييييييييييبي حمممممممممممد واييييييي ببجي

 

[رفاعية19]

واااااااي الله يستر!!!!!!!!!!!!

 

[أم@الحلوين]

واااااااااي الله يستر شنو راح يقول حق فرح على سبب غيابه@@

ومشكوووووووووره ياقلبي عالبارت

في بارت يديد اللحين ولا لأ<<<<<<<<<<<<<< لاتزنطيني

 

[ReRez]

بهالبارت بريت ذمتي وماتطالبوني ولا شي .. تفضلو :eh_s(15):


- 11 / فرحتي برجعتك غير -

- قامت فرح من النوم الساعه 10 الصبح .. وطول الوقت قاعده تطالع الساعه متى يقوم من النوم ومتى تروح تشوفه .. حتى عالغدى كانت سرحانه تفكر –

سامي : يبه فرح اشفيج ؟
فرح : مافيني شي ( ردت تاكل )
أمل : اي صح شكلج كلش مو معانا
فرح : لا خالتي عادي .. بس مو يوعانه وايد
ندى : يبه تره بنطلع اليوم
سامي : وين ؟
ندى : نتمشى ونروح نشتري افلام وخرابيط حق السهر
أمل : ( تبتسم ) من وانتي صغيره كنتي مدمنة افلام
ندى : اي بعد عطلة و مومسافرين هالسنه شنسوي بعد ماكو غير الافلام
سامي : بس خل تولد امج بالسلامه ان شاءالله .. اول عطلة تمر علينا راح نسافر وانتي فرح بتكونين معانا اكيد
فرح : ( سرحانه )
سامي : فرح ؟
ندى : ( تدوس على ريل فرح من تحت الطاوله )
فرح : آي اشفيج ؟؟
ندى : ( خزتها ) ابوي يكلمج
فرح : هلا عمي ؟
سامي : ( يبتسم ) لا يبه انتي اليوم بعالم ثاني
فرح : مادري عمي بس يمكن لأني تعبانه شوي .. الحمدلله ( قامت )
ندى : آنا بعد شبعت الحمدلله ( الحقتها )
سامي : اشفيهم البنات ؟
أمل : والله مادري عنهم
سامي : خلينا منهم اشلونج انتي واشلون عبود
أمل : والله متعبني وايد يحليله
---

- غرفة ندى -

ندى : لا ليش جذي كل شوي سرحانه .. فضحي عمرج مره وحده و اشكيلهم الحال
فرح : خلاص عاد ندوي والله قلبي قاعد يعورني .. متى اشوفه بعرف كل شي بعرف ليش غاب كل هالفتره ؟
ندى : الله يستر منه ماحبيته كلش
فرح : اوو ندى بس عاد

( رن تلفون ندى .. دلول يتصل بك )

ندى : او هذي دلول منزمان مادري عنها
فرح : قطيعه خليها تولي لا تردين
ندى : ( احقرت فرح و ردت عليها ) اهليين دلووله اشلونج ؟
دلال : تمااام وينج يالقاطعه قلنا عطله بس عاد دقي علي سألي عني شي
ندى : بعد شسوي لهيت والله حقج علي
دلال : زين وينج خل نطلع اليوم متملله حدي
ندى : ماقدر فرح نايمه عندي
دلال : ويع هذي ماعندها بيت كل ما اكلمج القاها عندج
ندى : ( تضحك ) اي بعد انتي اشلونج ؟
دلال : اهي يمج الحين ؟
ندى : اي والله وبعد اشعندج ماعندج ؟
دلال : يللا عيل اخليج اذا راحت بيتهم كلميني
ندى : خلاص عيل .. مع السلامه ( سكرت الخط )
فرح : اشبغت ؟
ندى : ماكو تسلم و كانت تبي تطلع معاي
فرح : لا تطلعين معاها بعدين مافي واحد بالكويت مايلحقكم
ندى : استغفرالله ماخلصنا من هالموضوع ؟؟
فرح : بلى خلاص خلصنا مالي خلق اتكلم عنها .. واي قلبي يعورني متى يقوم من النوم ويدق علي
ندى : الحمدلله والشكر تسكر موضوع بايخ وتفتح موضوع ابيخ
فرح : ( احذفت عليها المخده ) ويعه ندوي زين
---

- مر الوقت وصارت الساعه 7 ونص جان يدق حمد –

فرح : ( ردت بسرعه ) الووو ؟
حمد : ( صوته توه قاعد من النوم ) هلا حياتي
فرح : ( قلبها يرقع جنها اول مره تكلمه ) توك قاعد ؟
حمد : اي والله حتى للحين ماقمت من فراشي
فرح : صح النوم
حمد : صح بدنج .. ها متى اشوفج ؟
فرح : متى ماتبي
حمد : خلاص عيل انا بقوم اسبح والبس واييلج عند الجمعيه
فرح : اوكي
حمد : يللا باي حبيبتي
فرح : مع السلامه ( سكرت التلفون وحطته على قلبها ) ماني مصدقه راح اشوفه والله ماني مصدقه
ندى : ( تهز راسها ) مو مرتاحتله كلش
فرح : كيفج مولازم ترتاحيله خل اقوم ابدل ( قامت بسرعه )
ندى : زين شوي شوي لاتطيحين بس
---

- راحت ندى مع فرح مسافط الجمعيه .. وكان حمد سافط اهناك .. اسفطت ندى يمه بس من صوب دريشة فرح –

فرح : مادري اشفيني قاعده ارجف ( لفت على حمد طالعته وبسرعه ردت تطالع ندى ) وايد ضعفان
ندى : زين نزلي خلصيني انا بنزل الجمعية اذا خلصتي دقي علي
فرح : اوكي

( انزلوا ثنتينهم .. ندى راحت الجمعيه وفرح اصعدت مع حمد )

فرح : ( طالعت حمد جان تنزل دموعها )
حمد : ( مسح دموعها باصبعه ) لا تبجين عمري
فرح : ليش خليتني ؟
حمد : أقدر احرك ؟
فرح : لا اخاف خلنا اهني
حمد : ماراح اطلع بره بس بسفط بالمسافط اللي فوق
فرح : اوكي

- حمد راح المسافط الي فوق .. سفط بعيد عن السيارات .. طفى السياره وقعد يطالع فرح –

فرح : يللا قولي ليش خليتني ؟
حمد : ( مسك ايد فرح ) تصدقين اذا قلتلج والله العظيم احبج
فرح : مادري بعد مارحت وخليتني ماقمت ادري عن شي
حمد : انتي تدرين ان ابوي متوفي .. وماكو الا امي عندنا واهي نور بيتنا
فرح : اي ادري انكم تحبونها وايد الله يخليها لكم
حمد : فرح امي صار فيها المرض الخبيث بعيد الشر عنج وعن اللي يعز عليج
فرح : ( انصدمت مادرت شتقول )
حمد : وبنفس اليوم اللي شفتج فيه آخر مره .. رحت البيت لقيت امي ويهها اصفر ومبين عليها التعب .. رحت وديتها المستشفى و سوولها فحوصات و طلع اشتباه بالخبيث .. حولوها مستشفى مكي جمعه مع التقارير ملوتها واكدو ان فيها سرطان بالدم ( سكت شوي و عينه تلمع فيها دموع متعلقه )

( فرح انزلت دموعها لأن حمد مبين ان تعبان وباذل جهد كبير واهو يقولها هالشي )

حمد : ( حط اصبعه على رموشه عالسريع عشان لا تطيح دموعه ) تقريبا 4 ايام وانا اراكض بأوراقها ماكنت اقدر ادق الا آخر الليل ارد هلكان وادق عليج بس القاه مغلق .. بعدها خذيت كل التقارير و سافرت مع امي لندن سويت لها دخول اهناك و تونا اليوم الصبح ردينا وعلى طول دقيت عليج
فرح : اشلونها الحين ؟
حمد : عطوها علاج مكثف بس قالو لازم الجسم شوي يرتاح ونرجع لهم بعد 3 اشهر
فرح : ماتشوف شر ان شاءالله
حمد : الشر ما اييج
فرح : زين ليش مادزيتلي مسج عالاقل ؟؟ .. والله كنت احاتيك
حمد : كنت متضايق من كل شي .. متضايق على امي .. ومتضايق منج لأنج مسكره جهازج .. وصراحه كنت وقتها ما افكر الا بأمي
فرح : الله يشافيها يارب
حمد : اشتقتيلي ؟
فرح : ( بجت ) وايد والله
حمد : ( لمها ) بس حبي لا تبجين والله دموعج غالية علي
فرح : يعني بعد 3 اشهر راح تسافر مره ثانيه ؟
حمد : ( وخر عنها وباس ايدها ) واللي يقولج بملج عليج اول ؟
فرح : ( مو مصدقه ) شنو ؟؟
حمد : ( يبتسم ) اي والله بتزوجج فروح
فرح : ( منصدمه ) بس اشلون تتزوج وامك مريضه ؟
حمد : ( تضايق ) الصراحه امي مصره تبي تزوجني ودها تشوف احفادها
فرح : يعني انت ما ودك تتزوج بس انجبرت ؟
حمد : لا والله موجذي بس يعني ماكنت مفكر اني اتزوج حاليا .. ويوم امي اصرت انها تخطبلي .. قلتلها اني اعرف وحده وابيها .. فرح والله احبج وابي اتزوجج انتي مو غيرج اشقلتي ؟
فرح : ( مو عارفه شتقول بس قاعده تطالعه وادموعها تنزل )
حمد : يرحم امج بس عاد تعبت وانا اشوف دموع .. انتي تبجين .. خواتي يبجون .. اخوي يبجي بس عاد تكفوون ابي اشوف ضحكه
فرح : ( تضحك وتبجي بنفس الوقت )
حمد : ( لمها ) اعتبرها موافقه ؟
فرح : ( لمته زياده ) اي
حمد : ( وخر عنها ) خلاص عيل عطيني رقم امج
فرح : ( تبجي وتنقله اياه ) 6705 .. ( وكملت له الرقم واهو يسجله بتلفونه )
حمد : ( طقها على راسها ) بس عاد خلااص
فرح : حمد والله احبك

(حمد مسح دموعها بعدين قرب منها وباسها .. واهي مادزته )

فرح : ( وخرت عنه مخترعه من رنه تلفونها )
حمد : اشفيج نقزتي خرعتيني .. منو داق عليج ؟
فرح : ( تطالع الشاشه ) هذي ندى
حمد : يللا خلاص قوليلها دقيقة وتكونين عندها ( شغل السياره ونزل من المسافط )
فرح : ( ردت عليها ) الو ؟
ندى : انتي وينج ؟ ليش مشيتو ؟ ماتخافين يصير مثل المره اللي طافت ؟
فرح : خلاص دقيقه واكون عندج
ندى : لا تطولين
فرح : اوكي باي ( سكرت التلفون )
حمد : كلها يومين بالكثير وامي تدق على امج
فرح : ( تبتسم )
حمد : ( وصلها عند سيارة ندى ) يللا حبيبتي اول ماتوصلين البيت دقي علي
فرح : اوكي مع السلامه ( انزلت )

- اركبت سيارة ندى واهي ساكته –

ندى : ها شنو ترقيعته ؟
فرح : ( ساكته ماردت عليها )
ندى : هيي اشفيج قاعده اكلمج ؟ شنو قال وصدقتيه ؟
فرح : ( طالعتها ) خذا رقم امي ويبي يخطبني
ندى : شنوو ؟؟ انتي هبله تعطينه رقم امج ؟
فرح : ليش هبله ؟ اشلون الواحد يخطب ؟
ندى : لا هذا غير .. يخوف يمكن يهددج او شي
فرح : ( تنرفزت ) ندى خلاص عاد .. امه مريضة فيها سرطان وتبي تزوجه بسرعه .. يمكن حاسه انها بتموت او شي مادري عنها بس حرام عليج وايد تشكين فيه
ندى : ( اسكتت شوي ) زين واشمعنى انتي يعني ؟
فرح : يحبني بعد شنو اشمعنى ؟
ندى : لا مو لأن يحبج بيخطب .. لأن امه مريضه وبيتزوجج عشانها اهي
فرح : ( بصراخ ) يعني ماكان يقدر يتزوج أي وحده امه تختارها ؟ مايقدر يتزوج أي بنت من عايلتهم ؟ ليش موراضيه تصدقين ان يحبني و علشان جذي اختارني انا .. ندى خلاص وايد قمتي تقهريني وانا اسكت على تعليقاتج اللي مالها داعي
ندى : ( كملت طريجها واهي ساكته وماعلقت )
---

- اوصلو البيت .. انزوا وكل وحده متضايقه من الثانيه –
( دشو الغرفة و محد يكلم الثاني )

( فرح بدلت و اقعدت على فراشها دقت على حمد )

فرح : الو ؟
حمد : هلا عمري ها انتي بالبيت ؟
فرح : اي في بيت ندى
حمد : سلمي عليها
فرح : وقت ثاني
حمد : ليش اهي مو يمج ؟
فرح : بلى بس وقت ثاني
حمد : والله احس هالبنت كارهتني
فرح : لا تقول جذي
حمد : زين فروح يمكن اندق على امج باجر
فرح : لا مو باجر .. لأن باجر بييون ناس يخطبون اختي
حمد : الله يوفقها .. خلاص عيل متى تبينا اندق ؟
فرح : بعد 3 ايام يناسبكم ؟
حمد : خلاص اوكي .. تدرين حبي .. اهو صج اني ماكنت ناوي اتزوج حاليا .. بس والله كنت مفكر اذا بتزوج ابيج اتكونين انتي العروس .. تخيلت حتى اعيالنا اشلون اشكالهم وشنو اساميهم .. بس ماكنت بتزوج قبل لا اعرفج عالاقل سنه
فرح : ليش يعني ؟
حمد : مادري والله .. بس شوفي هل 6 اشهر اللي عرفتج فيهم والله دشيتي قلبي و صرت كله افكر فيج .. وانتي اول وحده طرت على بالي يوم امي قالتلي تزوج
فرح : امك تدري ان ابوي على قد حاله ؟
حمد : اي تدري و هم تدري انج نادره ومافي مثلج ثنتين بهالدنيا
فرح : ( استحت )
حمد : الو ؟ فروح معاي ؟
فرح : اي

( دشت وحده على حمد وقالتله " حمد امي تبيك " )

حمد : اوكي الحين اروح لها .. الو ؟
فرح : الو
حمد : اختي اتقول امي تبيني بروح اشوفها بعدين ادق عليج
فرح : اوكي حبيبي .. سلامتها ان شاءالله
حمد : الله يسلمج من كل شر .. باي
فرح : مع السلامه ( سكرت الخط )

ندى : ( قاعده عالسرير تطالعها )
فرح : اشفيج ؟
ندى : لا ماكو شي
فرح : ندى انتي ليش مو مستانسه عشاني ؟
ندى : بلى مستانسه
فرح : ( قامت واقعدت يم ندى عالسرير ) لا والله احس انج كلش مو مستانسه
ندى : ( دموعها انزلت ) صراحه مادري اشفيني
فرح : ( لمت ندى ) والله ماراح اخليج بروحج اذا كنتي جذي مفكره
ندى : حبيبتي فروح الله يوفقج
فرح : ويوفقج يارب ( وخرت عنها ) والله ندوي ماني قادره اصدق انا وحمد راح نكون بنفس البيت
ندى : ( تبتسم ورموشها مبلله ) اي وبنفس الغرفه بعد
فرح : ( طقت جتف ندى ) ويعه ندوي اشهالحجي
ندى : ( اضحكت بس بنفس الوقت كانت حاسه بغصه )

- اقعدوا يسولفون مع بعض و صار وقت العشى انزوا يتعشون عقب اصعدو الغرفه و ندى نامت وفرح اقعدت تكلم حمد بصوت واطي لين نومها –
---

- ثاني يوم .. فرح ردت بيتهم .. وصار وقت وصول الناس اللي بيخطبون نوره .. كانو ساره وريم موجودين بعد .. و فرح اطلبت من ندى انها اتيي بس ندى تحججت انها لازم تقعد مع امها بالبيت وماتخليها بروحها .. يو الناس وشافتهم نوره وارتاحت حق الريال وقالت حق امها انها موافقه –

( بعد يومين .. صار الوقت اللي اتفقو فيه فرح وحمد ان امه تدق على امها )

فرح : ( قاعده مع نوره وقلبها يرقع ) نورو حدي خايفه
نوره : شكو تخافين اهو مو قال بيقولون انج رفيجة اخته ؟
فرح : اي بس مادري حدي مرتبكه
نوره : خليج طبيعيه عشان امي لا تحس
فرح : اوكي
نوره : يللا الحمدلله طلع خوش ولد وخطبج وما نصب عليج وطلب فلوس
فرح : يالخبله اهو غرقان بالفلوس المفروض انا انصب عليه مو اهو
نوره : يللا الحمدلله صار من نصيبج

- بعد دقايق دشت امها عليهم واقعدت يمهم –

فاطمة : ( مبتسمه ) فرح
فرح : ( قلبها يرقع ) هلا يمه
فاطمة : ام رفيجتج عبير دقت علي قبل شوي .. انتي عطيتيها رقمي صح ؟
فرح : اي اطلبته مني قبل جم يوم وعطيتها
فاطمة : من وين تعرفين هالبنت ؟
فرح : معاي بالكلية بس مو رفيجتي حيل
فاطمة : اخطبوج قبل شوي حق ولدهم العود
فرح : ( ويهها قام يقط الوان بس تحاول تكون طبيعيه ) ها ؟؟ جم عمره ؟
فاطمة : 26 سنه
نوره : لا يمه مانبيه وايد كبير عليها
فرح : ( تطالع نوره )
فاطمة : لا كبير ولا شي .. وماشاءالله اهو ولد ال... الله يزيدهم عندهم خير
فرح : زين يمه اشقلتيلهم ؟
فاطمة : قلت حياكم الله .. وبيون الخميس ان شاءالله
نوره : يعني بعد 4 ايام ؟؟ يمه هذي ماعندها شي تلبسه يصير انزل لهم انا ؟؟
فاطمة : سكتي انتي خلاص انخطبتي ومبينين خوش ناس
نوره : ( تضحك ) اي ادري بس كنت اتغشمر
فاطمة : ( لمت فرح ) انخطبتو ثنتينكم مع بعض الحين تطمنت عليكم .. بس باقي اخر وحده ابيها تتزوج عشان ارتاح
فرح : ( راسها على صدر امها ) نسيتي فهد يمه
فاطمة : فهد ريال ماينخاف عليه الخوف عليكم انتو
فرح : الله يخليج لنا حبيبتي
نوره : ( لمت امها من وره ) انا بعد يمه ابي حنان
فاطمة : ( حاوطت بناتها بيدها ) انا كلي لكم حبايب قلبي
---

بنات حبي ابي اعتذار رسمي حق حمد عالسرييييييع كلكم ماعدا بنتين او ثلاث كانو مو شكاكيين
ولا الغالبية لوووووووووول يمه منكم الله يعين ازواجكم عليكم شك موطبييعي :23_asmilies-com:
اكيد مو سياراته .. واكيد مو بيته .. واكيد منتف .. واكيد نصاب .. اكيد اهو دبر موقف الشرطه لووول مادري شكو .. المهم لا تنسون الاعتذار :eh_s(22):

 

[spongebob93]

loooooooooooool ee walla b3t.ther kent shaka feh le a5er l7'9aa kaaak lma Gltay w7da dshat 3leh lma kan ykalem fara7 ya ebally enna ymken etkoun zojta kaaaaak flm
almohem allah ywafeQhom enshallah .., ;$

w thanx 3al.part alrw3a methlich ;**
waiting

 

[jtbnmk]

حبيبتي ريري لاتلومينهم بصراحه من الي يسمعونه وانا اول وحده بصراحه عيال الكويت البعض منهم يقصون على البنات البعض عشنا محد يعصب علي لوووول يعني وين الي تلاقينه صادق بمشاعره والله يتمم عليها :>
وحبيت اقول لج بصراحه حيل عجبني تصميم صورة الرواية حده حلو

 

[am_kshaa]

البارت وايد حلو
وفى حدث مهم انها رضت على امها
بس نبى تعويض باجر بارت اطول شوى لان حيل حيل اندمجت وياها
ويعطيج العافيه وماتشوفييين شر انشالله والف سلامه عليج

 

[kokosha]

وااااااااااااااااااااااااااااااااااااااااي فديته هالحمد انا
جان زين كل الشباب مثله
ثانكس قلبي عالباااارت وناطرين الباجي

 

[beauty.n]

واااااااااااااي
هالباارت تحطييييييييييييم عجييييييييييييييييييييييييب
بس قطييعه هذي دلال ليش طلعت مره ثاانيه :j013: ;@ كان البارت اللي قبل هذاا حلوو بدونهاا قطيعه تقطعهاا
عالعموم ناطرينج حبوو بااجر الساعه 6 المغرب d;

 

[*الغاليه*]

يسلمووووو خيتوووو ع الباااااااارت

بس ماااشااااء الله عليج شككتيناااا بالممقرررود حمد

حسيناااااه مووو مضبووووط اقدم اعتذااااارلي له ولفرررح علشااان ماتزعل علينااااا

صراااحه ابداااع افدااااج ماتوقعنااا حمد بيطلع خوووش ريااال​

 

[ReRez]

loooooooooooool ee walla b3t.ther kent shaka feh le a5er l7'9aa kaaak lma Gltay w7da dshat 3leh lma kan ykalem fara7 ya ebally enna ymken etkoun zojta kaaaaak flm
almohem allah ywafeQhom enshallah .., ;$

w thanx 3al.part alrw3a methlich ;**
waiting

لوووووووووووووووووول اي يمممه منكم بناااااااااااااااااات بعد شقول صح الحريم ينخاف منهم اشسوه مسكين ؟؟
6 اشهر مافكر يجيسها فضيعين لووووووووووووول

حبيبتي ريري لاتلومينهم بصراحه من الي يسمعونه وانا اول وحده بصراحه عيال الكويت البعض منهم يقصون على البنات البعض عشنا محد يعصب علي لوووول يعني وين الي تلاقينه صادق بمشاعره والله يتمم عليها :>
وحبيت اقول لج بصراحه حيل عجبني تصميم صورة الرواية حده حلو

لا خرعوني ههههههههه عاد والله ماسوالها شي يضرها فيه لوووول فضيعين يحلييلهم
التصميم والله سوته كيوت اهي متكفله بتصميم التوقيع حق القصه هذي
:$ شكرا لج ولها فديتكم

البارت وايد حلو
وفى حدث مهم انها رضت على امها
بس نبى تعويض باجر بارت اطول شوى لان حيل حيل اندمجت وياها
ويعطيج العافيه وماتشوفييين شر انشالله والف سلامه عليج

ام كشه مضيعه حبيبتي ؟؟؟ البارت نزلته بنفس هالصفحه 51
شوفي التوقيع :× ومشكووره حبو

وااااااااااااااااااااااااااااااااااااااااي فديته هالحمد انا
جان زين كل الشباب مثله
ثانكس قلبي عالباااارت وناطرين الباجي

لا والله ؟؟؟!! تو الناس زييييييين مابغيتو تحنون عالولد والله كسر خاااطري خذا حسناتكم بهالجم بارت اللي طافو :×
مشكوره حبو عالمتابعه فديتج

واااااااااااااي
هالباارت تحطييييييييييييم عجييييييييييييييييييييييييب
بس قطييعه هذي نوره ليش طلعت مره ثاانيه ;@ كان البارت اللي قبل هذاا حلوو بدونهاا قطيعه تقطعهاا
عالعموم ناطرينج حبوو بااجر الساعه 6 المغرب d;

لووول عاد ماعرفنالكم ماتبون نوره ولا دلال لوول مشكوره حبي

 

[B!g Sm!le]

ريري شلونج الحين ؟ ان شاء الله أحسن

البارت عجيييييييييب :eh_s(15):

عاد انا ظلمت حمد واصلا كلش ما توقعته حبووب لان بالبدايه كان يلحقهم ويقول حق ربعه راح ارقمها وبتشوفون، فتوقعت انه مغازلجي بس طلع عسسسسل لوووول >> انا آسفه حمـــد

ريريز انتي بكل قصه تخليني أحب واحد >> اول شي حبيت علي وبعدين بدر والحين حمد >> زوجيني واحد منهم :eh_s(22)::eh_s(22):

يعطيج العافيه حبيبتي ،،

 

[over love]

الله وناسه حمد طلع خوش ريال ياحليله

ريري خوش بارتات فديتج طولى القصه شوى لاتخلص بسرعه

الله يعطيج العافيه وسلامات

وترى ردي بس عشان تشوفين السناجب والا انا فينى كسل مادرى شقصتى يمكن كبرت

 

[zooz92]

ويييي مسكييين حمد ظلمناااه

مسكيينة تكسر خااطري ندى =\

البااارت واااااايد حلوووو يعطييج العااافية ريريز

ناااااطرينج ..~

 

[so_what]

لوول اتوقع خذينا كل ذنوب حمد من كثر ما حشينا فيه ، يالله ان شاء لله الفال حق ندى ، و مشكوووره على البارت

 

[NaB'9 QaLBi]

loooooooooooooooooooooooool
asfa 7amad eni shkeet feek
ana 9iij a3t'theeeeeer
waaaY ya zeenaa yhabel 5laa9 abii wa7ed mathla << shfty altnage'9
alllaaah ywafgha yaa raab o ys3dha o 3gbal kil alabaker enshalla
THaaaaaaaaaaaaaaanx 7bibty wallla 5osh parts 7aadhm ythljon al9ader >> shrayech ib ythljon 7dii mo hayna
waiting 2morrow 7bebty with new part ;***8

 

[ReRez]

يسلمووووو خيتوووو ع الباااااااارت

بس ماااشااااء الله عليج شككتيناااا بالممقرررود حمد

حسيناااااه مووو مضبووووط اقدم اعتذااااارلي له ولفرررح علشااان ماتزعل علينااااا

صراااحه ابداااع افدااااج ماتوقعنااا حمد بيطلع خوووش ريااال​

لووووووووووووووول والله كاسر خاطري ماسوى شي كلش بس انتو شكاااكيييين :× ماشاءالله عليكم
الله يعين ازواجكم لوول مشكوره حبي عالكلام الحلو فديتج

ريري شلونج الحين ؟ ان شاء الله أحسن

البارت عجيييييييييب :eh_s(15):

عاد انا ظلمت حمد واصلا كلش ما توقعته حبووب لان بالبدايه كان يلحقهم ويقول حق ربعه راح ارقمها وبتشوفون، فتوقعت انه مغازلجي بس طلع عسسسسل لوووول >> انا آسفه حمـــد

ريريز انتي بكل قصه تخليني أحب واحد >> اول شي حبيت علي وبعدين بدر والحين حمد >> زوجيني واحد منهم :eh_s(22)::eh_s(22):

يعطيج العافيه حبيبتي ،،

خلاص حياتي كملي معاي القصه واذا للحين تبين حمد من عيووووني جم بق سمايل عندي ;p
بس وحده وتدلل عادي لوول

الله وناسه حمد طلع خوش ريال ياحليله

ريري خوش بارتات فديتج طولى القصه شوى لاتخلص بسرعه

الله يعطيج العافيه وسلامات

وترى ردي بس عشان تشوفين السناجب والا انا فينى كسل مادرى شقصتى يمكن كبرت

لووووووووووووووول لا حبي كل مره ردي علي فديتج انا والقصه 30 بارت واذا ماقدرت اخلصها يمكن اتطول اكثر
فديتج انا

 

[cute princess]

الحمدلله على سلامتي :|
بعد صراع وجدال مع المنتدى من الساعه 11 ومادري جم توني اوصل :|
لوووووووووووول
حمد مسكين :$ كسر خاطري لوووووووول
اهم شي يقول مليت من الدموع حرام عور قلبي لوووول
الله يتمم عليه اهوه وفرح

 

[ReRez]

ويييي مسكييين حمد ظلمناااه

مسكيينة تكسر خااطري ندى =\

البااارت واااااايد حلوووو يعطييج العااافية ريريز

ناااااطرينج ..~

لووووووووووووول حده ظلمتو الريال الله يعيينه بس لوول
مشكووره حبييي تسلميين فدييتج انا ^_^

لوول اتوقع خذينا كل ذنوب حمد من كثر ما حشينا فيه ، يالله ان شاء لله الفال حق ندى ، و مشكوووره على البارت

حدكم والله الحين اهو يدش الجنه على طول لوووووووووووووووووول

loooooooooooooooooooooooool
asfa 7amad eni shkeet feek
ana 9iij a3t'theeeeeer
waaay ya zeenaa yhabel 5laa9 abii wa7ed mathla << shfty altnage'9
alllaaah ywafgha yaa raab o ys3dha o 3gbal kil alabaker enshalla
thaaaaaaaaaaaaaaanx 7bibty wallla 5osh parts 7aadhm ythljon al9ader >> shrayech ib ythljon 7dii mo hayna
waiting 2morrow 7bebty with new part ;***8

اي والله اشعقبه تمدحين بالولد لووول بس هم مقبول اعتذارج فديتج
^^ مشكوووره حبي عالتعليق الحلو مثلج

 

[Low_Fat]

لوووول اي كيوووتووو احسن ختكدشج عشان لا تصيرين المرسول بدالي
وان ولدت اختها ان شاء الله بالسلامه بروح الاستقبال اقعد معاها واتقهوى واشرب عصير وانتي قعدي اهني ردي عالبنات

والله ياريريز من يوم الطلعه وانا مو مترقعه لا تشوفين عيوني ماقلتلج عنها لاهيه بالسوالف الثانيه لول اقولهم مادري منو صكنا عين مساكين احنا

.....
البارتات عجيبه الحمدلله انها ردت حق فاطمه صج عوار قلب بس عالاقل تكون امها راضيه عليها
وفرح وحمد يحليلهم يونسوون وكسر خاطري حمد عشان امه وفرح الله يعينها على ذيج الفتره
لوول واهم شي الاعتذار اشوه انا ما اعتذر لاني دافعت عنه
ونوره ونستني الله يهنيها والفال حق العزاب
والله يسهل على امل احس وناسه ان يابت الولد ندى اللي راح تعتني فيه ويصير مثل ولدها :>