روايتي الثالثة (( يا دنيا ارحميني )) .. قصة واقعية .. ReRez

[ام نهارر]

شنو صار معاي ليش جذي تكررن مشاركتي ..

 

[ReRez]

- 18 / صدمة الموقف -

حمد : ( طالع الباسكن وقال بصوت عالي ) والله الشرهه علي آنا اللي متعني ويايبه لج ( فصخ ملابسه و تم عالشورت و نام )

- فرح نامت بالصالة .. وحمد نام بالغرفة .. والباسكن تم عالطاولة لين ذاب –
---

- غرفة ندى -

ندى : ( تكلم أحمد بالتلفون ) أحمد في سر انت خاشه ماقلته لأنك خايف من ردة فعل الشخص اللي راح تقوله اياه ؟
أحمد : اشلون يعني ؟ مافهمت
ندى : يعني في مره خشيت بقلبك موضوع اتخاف اذا قلته تصير اشياء ماتبيها تصير ؟
أحمد : يعني مثل خليها بالقلب تجرح ولا تطلع بره وتفضح ؟
ندى : ( تضحك ) اي بالظبط
أحمد : لا صراحة ماعندي شي خاشه .. بس اكيد انتي عندج قوليه ولاتخافين صدقيني ماراح يصير شي
ندى : ( خافت ) لا اصلا انا كنت اسألك لأني بشوف اذا في شي خاشه عني او لأ
أحمد : اكيد ؟
ندى : اي اكيد
أحمد : زين ندوي متى اشوفج ؟
ندى : مادري خل اشوف فروح وحمد متى يدبرون طلعة
أحمد : ( سكت )
ندى : اشفيك ؟
أحمد : ماكو شي .. بس كان ودي اشوفج بروحنا حتى لو نتمشى بمكان عام .. جمعية مثلا
ندى : لا أحمد .. احنا متفقين منزمان ان مانطلع الا معاهم
أحمد : اوكي خلاص اللي تشوفينه
ندى : ( اسمعت صوت امها تناديها ) أحمد اخليك الحين امي قاعده تناديني
أحمد : اوكي .. مع السلامة
ندى : باي

- سكرت الخط و راحت حق امها –

ندى : نعم يمه ؟
أمل : حبيبتي تقدرين تخلين عبود عندج ؟ انا و خالتج بنروح السوق
ندى : لا يمه والله ماعرفله
أمل : ماراح تسوين شي بس تقعدين يمه و أي شي يحتاجة شيريل موجودة
ندى : ( صج انها تحبه بس للحين مو متعودة عليه ولا تبي تتدخل بالعناية فيه ) لا لا يمه الله يخليج اخذيه معاج
أمل : استغفرالله .. اوكي خلاص روحي مشكورة
ندى : يمه لا تزعلين بس ماعرفله
أمل : انتي اصلا ماتبين تعرفيله
ندى : ( اسكتت مدة بعدين راحت غرفتها )
---

- شقة حمد –

( قامت فرح من النوم .. راحت الغرفة لقت حمد نايم على بطنه والبرّد عالطاولة صاير حليب )

فرح : ( تذكرت اللي صار .. راحت يم حمد و اقعدت تدلك ظهره )
حمد : ( فتح عينه ) وخري عني آنا زعلان
فرح : ( باست ظهره ) آنا آسفه
حمد : ( رد غمض عينه ) مابي لا تراضيني
فرح : زين سامحني بس مو عشاني آنا .. عشان نواف
حمد : ( قلب على ظهره ) يا هالنواف اللي مخليته شماعتج
فرح : ( ابتسمت وماقالت شي )
حمد : عمري يعني يصير جذي تقوميني من فراشي و اتعنى اييبه لج آخر شي تكشتين وتنامين ؟
فرح : ( تضحك ) حمد اللي يسمعك يقول وديتك الوفرة
حمد : يعني بالله عليج هذا رد ؟؟ ان شاءالله لو كنتي نزلتيني المطبخ تحت وكشتي فيني هم غلط وعيب
فرح : ( تقرص خده ) فدييت اللي يتدلعون
حمد : ( ضحك ومد ايده ) تعالي انسدحي يمي
فرح : ( انسدحت على ايده ) زين ماراح تييبلي باسكن ؟
حمد : فروح قومي قومي .. ماتنعطين ويه انتي
فرح : زين خلاص خل يطلع بويه الياهل
حمد : والله لو يقولولي ان راح يطلع منقط وكله اوريو بويهه هم ماراح اييبلج
فرح : ( تضحك ) حمد عاد حرام عليك
حمد : فرح سكتي عن الموضوع احسن
فرح : زين خلاص بسكت
حمد : شاطره
---

- مر شهرين و علاقة ندى و أحمد صارت اقوى .. و فرح دشت شهرها السادس –

- غرفة ندى -
( فرح زايرتها )

ندى : ( تمسك بطن فرح ) يللا نواافووو اطلع بشووفك
فرح : ( تضحك ) شيطلعه ؟ توه داش السادس امس
ندى : يللا هانت .. فديته مشتاقتله
فرح : ( تضحك ) راح تشوفينه ان شاءالله

- دشت أمل عليهم –

أمل : ها ندوي .. مستانسه على بطن فرح ؟
ندى : اي وايد
أمل : يا بختج فروح .. معاي انا ماكانت مستانسة كلش
ندى : ( اسكتت )
فرح : ( تطوف السالفه ) اي صج خالتي وين عبودي
أمل : نايم .. شخبار نوره مع الزواج ؟
فرح : الحمدلله ماشي حالها
أمل : الحمدلله .. يللا عيل اخليكم تسولفون على راحتكم رايحه اطل على عبود
فرح : ( ابتسمت ) اوكي خالتي
ندى : ( انطرت امها تطلع من الغرفة ) اشلون ريلج مع الزقاير ؟
فرح : من حملت ما اخليه يدخن .. بس اشم ريحته زقاير اقلب الدنيا عليه
ندى : ( تضحك ) مسكين
فرح : لا مو مسكين احسن .. ليش يدخن يعني شالفايدة
ندى : اي والله احسله .. زين راح نطلع باجر ؟
فرح : اي ان شاءالله
ندى : وين ؟
فرح : المدينة الترفيهية
ندى : من صجج ؟؟ اشلون تمشين انتي وبطنج
فرح : عادي شكو .. ماراح العب واذا تعبت اقعد ياكثر الكراسي اهناك
ندى : زين غيرو المكان آنا اخاف اروح اهناك
فرح : لا تخافين ماكو شي .. وبعدين انتي متى ناويه تقوليله ؟
ندى : قلتلج لين اعرف اذا السالفة فيها زواج اقوله .. غير جذي مو منحقه يدري .. ماحب اقول حق احد
فرح : على راحتج
---

- بالليل بعد ماراحت ندى –
( أحمد يكلم ندى بالتلفون )

أحمد : كلمتج فرح عن الطلعة باجر ؟
ندى : اي قالت بتروحون الترفيهية
أحمد : عاد بس انا وانتي وعبير اللي بناخذ راحتنا ونلعب اما حمد المسكين بس راح يتمشى مع البطه فرح
ندى : حرام عليك مو بطه مسكينه
أحمد : شايفه كرشها انتي ؟
ندى : ( تضحك ) يحليلها ... زين تره انا ماراح العب
أحمد : ليش ؟
ندى : بس ماحب
أحمد : تخافين يعني ؟
ندى : لا بس أدوخ
أحمد : ماراح العبج شي يدوخ
ندى : لا مابي العب شي بس بتمشى معاكم
أحمد : انروح اهناك ويصير خير
---

- اليوم الثاني .. أحمد خذى عبير وراح بسيارته .. و حمد وفرح مرو على ندى وخذوها معاهم .. و تلاقو عند البوابة –

أحمد : ( يطالع ندى و اهو مبتسم ) اشلونج ندى
ندى : ( استحت من عبير ) الحمدلله انت اشلونك ؟
أحمد : تمام الله يسلمج
عبير : ( سلمت على ندى ) اشلونج ندى
ندى : الحمدلله
حمد : ( قص التذاكر و يه صوبهم ) يللا

- دشو المدينة واقعدو يتمشون .. وأحمد كل شوي يطالع ندى –

عبير : ( بصوت واطي ) بسك عاد .. عيب خزيت البنت خز
أحمد : ذلفي اهناك
عبير : زين زين ( راحت يم حمد ) حمد خل نروح قطار الموت
حمد : فرح ماتقدر تركب
عبير : عادي فروح تنطرينا بره ؟
فرح : اوكي مو مشكلة

- اوصلوا عند قطار الموت .. حمد وعبير دشو ينطرون دورهم –

ندى : انا بنطر مع فرح اهني
أحمد : ليش ؟
ندى : ( ابتسمت ) بس مابي اركب
أحمد : يللا عاد امشي .. والله مايقلب ولا شي
ندى : ادري بس والله مابي
أحمد : ندوي عاد والله ماراح يصير شي راح اركب يمج اذا تبين
فرح : ميخالف أحمد خلها .. اهي مو متعوده تركب جذي العاب .. اصلا هذي اول مره اتيي اهني
ندى : ( خزت فرح )
أحمد : ( انصدم ) صج ؟؟؟
ندى : اي صج
أحمد : عيل الحين الا تركبين معاي .. دام هذي اول مره صدقيني بتحبين هالتجربة
فرح : خلاص ندوي جربي ان شاءالله مايصير شي
ندى : ( تضايقت لأن غصبها وماحبت ترفض اكثر ) اوكي بس هذي أول و آخر لعبة
أحمد : اوكي على راحتج
ندى : و بقعد يم عبير
أحمد : ( يضحك ) اوكي بس خلصي امشي
عبير : ( تصرخ من بعيد ) يللا بسرعه دورنا وصل
أحمد : شوفو اشلون تصرخ جدام الاوادم .. والله على يوم راح اذبحها
فرح : ( تضحك ) زين روحوا يالله .. وانتي لا تخافين غمضي ولا تفكرين بشي
ندى : اوكي

- خلصوا وانزلوا .. ندى حست انها وايد استانست .. أول مره تركب جذي لعبة .. حتى واهي صغيرة ما اختبرت جذي احساس .. كانت امها دايما تبعدها عن هالأجواء –

فرح : ها بشري ؟
ندى : ( مبتسمه حيل ) وايد وناسة
أحمد : شفتي قلتلج
عبير : اصلا طول اللعبة مغمضة
ندى : ( تضحك )
فرح : صورتو ؟
حمد : لا الريال قالنا ان الكاميرا خربانه
فرح : حسافة

- كملوا يتمشون و حمد وفرح راحو يقعدون بمطعم لأن فرح تعبت من المشي –

عبير : خل نلعب عاصفة الصحراء
أحمد : لا لا هذي تقلب و ندى ماراح تركب
عبير : زين انا بلعبها انطروني بره
أحمد : اوكي امشي

- دشو الصالة – اللي فيها لعبة عاصفة الصحراء - ( حق اللي مايعرفها اهي من النوع اللي يقلب ويفتر و يكون ظلمة بس فيها ليتات تشب وتطفي عالسريع مثل الفلاش ) .. عبير اركبت اللعبة و أحمد وندى واقفين بره ناطرينها تخلص –

أحمد : ماودج تجربينها ؟
ندى : ( حست بدوخه ) لا ودي اطلع من اهني
أحمد : فيج شي ؟
ندى : لا بس بطلع
أحمد : نطري شوي .. بس خل تخلص عبير ونمشي كلنا
ندى : لا انت خلك معاها انا بروح شوي وراجعه ( خلته و اطلعت من الصالة )
أحمد : لحظة نطري شوي ( طلع وراها وكان يناديها بس اهي تمشي سريع و مو راضية توقف )

ندى اقعدت اتطالع حواليها .. كل شي ازعجها الليتات والالوان واصوات صراخ الناس بالألعاب .. امسكت راسها واقعدت تمشي بممر تقريبا خالي ..

أحمد : ( لحقها ومسكها من زندها ) اشفيج وين رايحه
ندى : ( وخرت ايده عنها ) وخر عني
أحمد : ليش ؟
ندى : ( اتدزه من صدره وتصرخ ) أقولك وخر عنييي خلني بروحي
أحمد : انتي اشفيج ؟

- ندى فجأه طاحت عالارض واقعدت ترجف واطرافها كلها متصلبه ومشدودة –

( أحمد واقف يطالعها مصدوم واهي طايحه يم ريوله ومو عارف شيسوي )

أحمد : ( من الصدمة رجع لي ورى )

- كان في شوية ناس يمهم .. كانو واقفين يطالعون من بعيد .. بس في ريال كبير يه يمها –

الريال : ( قعد على اركبه يمها ) عندك شي انحطه بحلجها
أحمد : لأ
الريال : تعرف حق الصرع ؟ انت تصيرلها ؟
أحمد : ( سكت واقف يطالعها )
الريال : ( حط ايده تحت راسها عشان لا يطق بالأرض .. وخلاها تعضه ) نادو الأمن خل ياخذونها العيادة

- راح مصري – من اللي كانو واقفين يطالعون- عشان ينادي احد من العيادة اللي بالمدينة .. بعد دقيقتين هدت ندى –

الريال : في احد عنده كلينكس ؟

- يابوله كلينكس و مش حلجها ولف بوكه وحطه يمه –

ندى : ( بطلت عينها و خافت يوم شافت الريال ماسكها ) انت منو ؟
الريال : يبه لا تخافين انتي بخير .. بنوديج العيادة الحين
ندى : ( اقعدت و طالعت احمد )

أحمد : ( طالعها مده بعدين مشى و دق على حمد ) الو
حمد : هلا أحمد
أحمد : قول حق فرح اختها طاحت و انصرعت جدامي .. خل تروح لها العيادة .. وبالمرة دق على عبير اخذها معاك .. انا طالع من اهني ( سكر الخط بويهه قبل لا يسمع رده )
---

- راحو حمد و فرح العيادة لقوا ندى اهناك قاعدة تبجي –

فرح : ( لمت ندى ) اهدي حبيبتي
ندى : اشلون اهدى .. ماشفتوه اشلون طالعني ومشى عني
فرح : اهو يمكن انصدم لأن ماكان يدري .. وانتي كان المفروض تقوليله من نفسج
ندى : ( تبجي ) و ليش راح ؟؟ ليش حسسني ان فيني وباء وخايف ينعدي منه
فرح : لا حياتي اهو مايقصد جذي .. بس انصدم .. اعذريه شوي
حمد : فرح انا بشوف وين عبير نطروني اهني
فرح : اوكي

- راح حمد ياب عبير وخذى فرح وندى و مشو –
( ندى طول الطريج كانت تبجي بس من غير صوت )

- اوصلو بيت ندى –

فرح : ( افتحت الباب ) بوصلج داخل
ندى : لا خليج اعرف انزل بروحي
فرح : ندى انتي تعبانه خل اوصلج
ندى : ( انزلت من السيارة ) لا تقولين حق امي شي .. لو درت والله يافرح ماراح اسامحج ( خلتها ودشت البيت )
ندى : ( تضايقت حيل ) اشلون الحين ؟
حمد : انا راح اكلمه
عبير : شالسالفة اهي شفيها ؟ و شكو أحمد شالموضوع ؟

- الكل حقرها و كملو الطريج واهم ساكتين –
----

تحياتي

ⓡⓔⓡⓔⓩ

 

[جمال رباني]

رووووووووووووووعه

 

[~RouNa~]

@@

لاااااااااااا

حراااااااام

احسه راح يرد لها بس اهوا منصدم

او يعني زعل لانها ما قالت له !

ري ري البارت عوار قلب

تسلم ايدج :*

 

[رفاعية19]

رووووووووووووووووووعة

فديت اناملج والله...

 

[Danya =)]

مسكيييينه ندى تكسر الخاطر

واحمد يمكن انصدم وان شاء الله يتفهم ويرد

ثاانكس حبيبتي ريريز عالبارت الرووعه

يعطيج العاافيه

 

[over love]

واااااااااااااااااااااااااااااااااااااااى شنطرنى لى باجر عفيه ريريز تكفين كمليه اليوم

أول مره اطلب منج طلب

عفيه لاتردينى

 

[أنين الورد]

فديتج حبيبتي
بس بصراحه غلطان مو مفروض يهدها بروحها

 

[<> إيلاف الكويت <>]

كسرت خاااطري ندى

تسلمييييييين حبيبتي ريريز

وناطرين البارت اليا

 

[NaB'9 QaLBi]

a7laaaaaa part
7daa 3jeeeb
mawgef a7mad 6be3y msken mn athar al9adma bs ymkin ytfham almaw'9o3 o ymkin laaa2
allah ysteer mn alpart alyay
thaaaanx alot 7bebty
nn6rk bukra 3la khair

 

[كويتية اكيد]

لا امبيه والله تشوقت اففففففف هالبارت خطيييييييييير صج صج خطرطر

يسلمووو خيتوو سوري تعبناج معانا

 

[NaB'9 QaLBi]

a7laaaaaa part
7daa 3jeeeb
mawgef a7mad 6be3y msken mn athar al9adma bs ymkin ytfham almaw'9o3 o ymkin laaa2
allah ysteer mn alpart alyay
thaaaanx alot 7bebty
nn6rk bukra 3la khair

 

[نبغي رضاك]

وااااي عجيب هالبارت تسلم اناملج
تكفين كمليه اليوم ماقدر اصبر ...؟<

 

[sweety_love2]

يلااااا ناطرينج على ناااااااااااااااااااااااااااااااااااااااااااار

 

[عثمان حبي]

وي من صجه احمد شلون خلاها ولاتصرف صج غثني

 

[ReRez]

الريال : ( حط ايده تحت راسها عشان لا يطق بالأرض .. وطلع بوكه من مخباته و خلاها تعضه )

مادري ليش ما اطلعت وانبلع نص الكلام ومن المنتدى الظريف والحلو .. ماقدرت اعدل المشاركه

 

[T-flower]

واااااااااااااااااااااااااااااااااااااااااااااي فديت هالرزروووز فديتها
امبيه البارت يقطع القلب من كثر ماهوووو حلوووووو
امبيه احمد ردة فعله طبيعيه بس بالنسبة لندى راح تنجرح منه لانها حبته ممكن وغلطت لانها ماقالتله
وظحكت اخر شي لما حقرووو عبير لوووووووووووووووووووووووووووول
مسكينة كسرت خاطري


وناطرينج حبووو

 

[صباح الليل]

لأ لأ لأ ليش تصرف احمد جذي الله يهداه
حرام ندى تكسر الخاطر كل حياتها مآسي
احس الروايه الحين دشت بالعميق واحلوت الاحداث
يسلمووو ريريز عالبارت

 

[T-flower]

احنا من جهتنا بنشووف احمد غلطان بس ترا ردة فعله طبيعيه لانه ندى ما قالتله شي من قبل او حتى لمحت له نادر انه الشخص يتقبل الموضوع من اول مرة بصدر رحب>>>>>واااي ايينن على هالتعبيرات اللي مادري وين تطلع
ولانه يحبها انصدم فيها وتوقعاتي انه راح يظل خاااانس فتره بريحاااااته يفكر فيها بعدين يردلها

وندى خوووو مسكينة الله يعينها ويصبرها وين ما تطقها عوووويه وعليا
اكيد هالتصرف من احمد مو بس ضايقها الاجرحها حيييييييييييييل لانه اهيا من اول حساسة بالنسبة لمرضها

 

[!pink-card!]

نااااااااااااااايس


ثانكس حووبي