روايتي الثالثة (( يا دنيا ارحميني )) .. قصة واقعية .. ReRez

[أروسا]

@@@@@@@@@ <<<<<< عيون مبققه

لاااااااااااااااااااا هالشي ما ينسكت عنه .... كل حزة مغرب يخرف المنتدا .... شنو تييله وشه هالحزه!!!

توني كاتبه رد و رحت و طلعت و دخلت قصه ثانيه و علقت واللحين ارد و ما القا ردي !!!!!!

أبي ردي طلعولي ردي !!! مالي خلق اكتبه مره الثانيه

 

[DALLY]

ناطررررررين

 

[فيلجـ كول ـاويه]

نبي باااارت

 

[cute princess]

@@@@@@@@@ <<<<<< عيون مبققه

لاااااااااااااااااااا هالشي ما ينسكت عنه .... كل حزة مغرب يخرف المنتدا .... شنو تييله وشه هالحزه!!!

توني كاتبه رد و رحت و طلعت و دخلت قصه ثانيه و علقت واللحين ارد و ما القا ردي !!!!!!

أبي ردي طلعولي ردي !!! مالي خلق اكتبه مره الثانيه

تعيشين وتاكلين غيرها :016:

 

[ReRez]

آسفه عالتأخير بس والله مرت علي ظروف السمووحه فديتكم
---

- 7 / حزني كبير -

- ندى اطلعت من بيت فرح واهي تبجي اصعدت السيارة وحركت واهي تفكر بحياتها –
امي قطتني حتى لو ظروفها كانت صعبة ونيتها صافية بس قطتني!! تخلت عني وانا باللفة .. ليش جذي صار .. الله حطني برحمها ليش ارفضت هالنعمة

( تمت تبجي طول الطريج وكانت فرح تدق عليها بس ماترد .. لين اوصلت البيت .. وانزلت مالقت احد غير الخدامه .. راحت دشت دارها واقفلت عليها الباب .. شوي جان فرح اتدق بس ندى حطته مغلق ولمت المخدة واهي تبجي )
---

- دشو سامي وامل البيت وكانت أمل للحين مو مصدقه وعيونها متفوخه وحمر من البجي –

سامي : ( ماسك ايد أمل ) خلاص أموله لا تبجين اذا بتسوين شي قعدي ادعي وحمدي الله على النعمه والبجي مانبيه
أمل : ( تمسح دموعها ) والله معني شفته و سمعت قلبه بس للحين مو قادرة اصدق

- راحو غرفتهم –

أمل : اشلون انقولها الخبر ؟ اخاف تتضايق
سامي : لا ليش تتضايق ؟ في احد مايحب يكون عنده اخو أو اخت ؟
أمل : اي بس ندى غير .. أكيد راح تحس بـ...
سامي : لا ماراح تحس بأي شي .. ندى بجرنا واهي تدري انها بتبقى على طول جذي
أمل : انا اقول انكلم الدكتورة غالية أول .. يمكن نفسيتها ماتسمح انها تسمع جذي خبر
سامي : ( تنهد ) احنا لو مانعامل ندى بطريقة خاصة جان منزمان تعدلت حالتها
أمل : اي بس اخاف تحط في بالها اني بفرق بينها وبين اللي ببطني .. سامي انا وايد خايفه عليها
سامي : خلاص انتي قعدي اهني وانا اروح اقولها
أمل : لا .. بيي معاك
سامي : اوكي
---

- راحوا عند غرفة ندى –

سامي : ( يطق الباب ) ندى ؟
أمل : ( كانت بتبطل الباب بس لقته مقفول ) ندوي يمه انتي نايمه ؟
سامي : ( يطق الباب حيل ) ندى .. ندى ؟

- ندى بطلت الباب وردت انسدحت وعطتهم ظهرها –
( أمل وسامي اقعدو على طرف السرير )

أمل : يمه ندوي اشفيج ؟
ندى : مافيني بس شوي تعبانه
سامي : يبه اوديج الطبيب ؟
ندى : لا لا بس انام اصير احسن
أمل : قومي قعدي وخلينا انوديج الطبيب قومي يمه عشان خاطري
ندى : ( اقعدت ) يمه والله ماله داعي مافيني شي بس شوية ارهاق
أمل : زين خذتي ادويتج ؟
ندى : لا
سامي : ليش اشناطره يعني ؟
ندى : كا الحين اخذهم
أمل : صارلج شي وانتي عند فرح ؟
ندى : ( اسكتت )
سامي : في احد كلمج ؟
ندى : اي خالتي فاطمة .. كلمتني بالموضوع اللي ماحب اتكلم فيه
سامي : يبه مهما كان تره لها حق عليج
ندى : ( سكرت اذنها ) خلااص عاد هالسالفه مابي اسمعها والله تعبت ارحمووني
أمل : ( طالعت سامي ) خلاص خلها تنام الحين
سامي : يللا يبه ارتاحي .. تصبحين على خير
ندى : وانتو من اهله
---

- اليوم الثاني بالكلية –
( مكتب الدكتور ثامر )

ندى : دكتور بغيت اكلمك بخصوص الهوم وورك .. ادري اليوم التسليم بس صارتلي ظروف امس وماقدرت اكملة.. بس اكيد باجر الصبح راح أسلمه كامل
دكتور ثامر : ( يأشر لها عالكرسي ) أول تفضلي ليش واقفه
ندى : لا ماقدر عندي محاضرة بس قلت اعطيك خبر اني ماقدر اسلمه اليوم
دكتور ثامر : قعدي شوي نتفاهم ماراح اخذ من وقتج
ندى : ( اقعدت )
دكتور ثامر : قوليلي شنو هالظروف اللي ما خلتج تسوينه ؟
ندى : ظروف خاصة دكتور
دكتور ثامر : ( يبتسم ) قوليها اسمعج
ندى : ماقدر
دكتور ثامر : زين الفلاش معاج ؟ لأني لازم اشوفه عشان اعرف صج اشتغلتي فيه الاسبوع اللي طاف ولا لأ ؟؟
ندى : اي معاي بس مو كامل
دكتور ثامر : ميخالف عطيني اشوفه
ندى : ( طلعت الفلاش من جنطتها وعطته الدكتور ) تفضل
دكتور ثامر : ( خذاه منها واهو يبتسم .. وركبه بالكمبيوتر اللي على طاولته ) أي واحد فيهم ؟
ندى : بفولدر داتا ستركجر .. اسمه ندى هوم وورك3
دكتور ثامر : وايد عندج فولدرات .. تعالي طلعيه
ندى : ( قامت راحت صوب كرسي الدكتور )
دكتور ثامر : ( دزلها الماوس ) هاج
ندى : ( حطت ايدها عالماوس وانزلت شوي عشان تطلـّع الملف )
دكتور ثامر : ( يطالعها ) تبيني اقوم و تقعدين مكاني
ندى : ( مو عاجبها الوضع ) لا ماله داعي الحين اطلعه
دكتور ثامر : ( تم يطالعها واهي تدور الملف ) عطرج وايد حلو شسمه ؟
ندى : ( هدت الماوس وعدلت وقفتها ) كاهو بطلته
دكتور ثامر : ( يبتسم ) زين شسم العطر ؟
ندى : مادري ناسيه .. دكتور ممكن تاخذ منه نسخه الحين لازم اروح متأخرة
دكتور ثامر : اوكي .. ( نسخ الملف عنده وعطاها الفلاش ) تفضلي .. المره اليايه تعالي بوقت تكونين فيه فاضية
ندى : ( خذت الفلاش ) ان شاءالله .. مع السلامه ( اطلعت )
---

- راحت ندى محاضرتها وكانت معاها دلال .. و أول ما خلصت اطلعت من الكلاس لقت فرح ناطرتها عند الباب –

فرح : ( معصبه ) ممكن اتيين شوي بروحنا ؟
ندى : اشفيج ؟
فرح : اشفيني ؟؟!!! ندى لا تسوين روحج ماتدرين .. امشي بروحنا لا اقول كل اللي بقلبي جدام هذي
دلال : هيي هيي انتي شنو هذي ؟؟ ماما تره عندي اسم .. مو تقعدين تطلعين حرتج على راسي
ندى : ( اتطالع دلال ) خلاص دلول مالي خلق نجرتكم
فرح : ندى امشي شوي
ندى : اوكي بس دقيقة خل اخلص موضوعي مع دلال واييلج
فرح : لا انا بقول اللي عندي الحين
ندى : ( تنرفزت ) اوو فروح خلاص عاد قلتلج بعدين
فرح : انتي ماتخافين من ربج ؟؟ هذي امج حرام عليج قاعده تبجينها كل يوم .. تره الجنه تحت ريلها مو تحت ريل خالتي
ندى : فرح خلاص
فرح : لا مو خلاص .. بس عاد .. كافي .. حرام عليج من امس لي اليوم مانامت و بس قاعده تبجي
دلال : ( ساكته وتطالعهم مو فاهمة شي )
ندى : امشي دلال
فرح : ( امسكت ندى من زندها ) لا ماتروحين مكان .. توقفين وتسمعيني

- كان فيه الناس واقفين يطالعونهم .. لأن صوت فرح كان عالي –

ندى : ( بصوت واطي ) فرح هديني عيب في اوادم
فرح : عيب!! واللي قاعده تسوينه بأمي شنو اسمه ؟ ندى انتي كبيرة و تفهمين ان اللي سوته امي كان حق مصلحتج ( هدتها ) ويللا روحي وين ماتروحين بس تذكري انها امج ولها حق عليج وباجر ربج راح يحاسبج عليها ( خلتهم ومشت )
ندى : ( واقفه بمكانها ماتحركت )
دلال : هذي اشخربطت مافهمت ولا شي
ندى : ( ساكته )
دلال : الوو ؟؟ ندى .. فهميني اشصار ؟
ندى : امشي نطلع احس اني مختنقه
دلال : اوكي

- راحو اهي ودلال يم السيارة –

ندى : ( عطتها السويج ) هاج انتي سوقي
دلال : ليش ؟
ندى : بس مالي خلق
دلال : اوكي

( اصعدوا السيارة و راحو على الخط السريع )

دلال : زين ممكن الحين تتكلمين وتفهميني اللي صار ؟ حسيت نفسي غبية مافهمت شي من اللي قالته
ندى : شنو مافهمتي ؟ اهي قالت كل شي وخلصت
دلال : مادري مافهمت انتي الحين زعلتي امج ؟ ولا امها
ندى : ( تضحك ضحكة قهر ) كلهم واحد
دلال : شنو يعني ؟
ندى : يعني امها اهي امي .. بس من انولدت قطتني على خالتي اللي اهي الحين امي .. عرفتي ؟
دلال : ( انصدمت ) وليش ؟؟
ندى : اتقول عشان اعيش احسن لأني مريضة وين تتحملني واهم على قد حالهم .. بس انا اقول اهي سوت هالشي لأن تبي صبيان وملت من كثرة البنات
دلال : امبيه حدج صدمتيني وليش ماقلتيلي منزمان ؟
ندى : يعني شايفه ان هذي سالفة تنقال ؟؟
دلال : زين عمري ندوي صج فكري فيها .. صج احسلج انج عشتي عند خالتج .. حالتهم المادية وايد احسن .. و انتي يا كثر ماتروحين مستشفيات و جلسات و عفيسة
ندى : و لو مو منحقها تتخلى عني .. زين اهي مو عطتني اختها ؟ اشتبي الحين ؟ خل تعتبرني ميته
دلال : لا ندوو عاد ادري ان انتي اطيب من جذي .. و اكيد اهي ندمانه طوفي عاد خلاص
ندى : ( اسدحت الكشن وغمضت عينها ) دلال سفطي يمين
دلال : وين اسفط احنا عالخط السريع
ندى : اخذي حارة الأمان
دلال : ( طقت فليشر واسفطت عالأمان ) اشفيج ندوي ؟

( ندى ساكته ومغمضة عيونها .. وبعد دقيقة يتها النوبة .. قامت ترجف و كل اطرافها تصلبت )
( دلال كانت لابسه جاكيت قصير فوق بدي حفر .. افصخته بسرعة ولفت الجم على كفها وحطتها بحلج ندى .. لأن قبل صارت حق ندى نوبة واهي معاها وموصيتها تحط بحلجها شي ليّن مو يابس )

دلال : ( تمسح على راس ندى بيدها الثانية ) اسم الله عليج ندووي خلاص قومي والله اخاف

- بعد 3 دقايق .. هدت نوبة ندى –

دلال : ( وخرت ايدها ) ندوي ؟
ندى : ( بطلت عينها ) همم
دلال : اشلونج الحين ؟
ندى : الحمدلله .. ( ابتسمت ) مشكورة دلول
دلال : على شنو ؟ ماسويت شي
ندى : مشكورة لأنج ما انحشتي وخليتيني
دلال : صراحة بغيت انحاش بس انا عالخط خفت اطلع واندعم
ندى : ( ابتسمت اكثر )
دلال : لا والله اتغشمر معاج
ندى : ادري فيج
دلال : زين اشلون الحين اذا رديت الكلية منو يردج البيت ؟ مايصير تسوقين وانتي تعبانة
ندى : لا عادي اقدر .. بس امانة دلول لا تقولين حق فرح لأن مابي امي تدري
دلال : ليش ؟ انا اقول لازم يدرون
ندى : لا مو لازم عفية لا تقولين .. والله بعدين تاخذ السيارة مني اقل شي 3 اشهر .. ما تتذكرين المرة اللي طافت ؟
دلال : اي صح .. خلاص والله ماراح اقول
ندى : زين يللا روحي الكلية خل اقطج و اروح البيت برتاح
دلال : اوكي
--

- ارجعت ندى البيت .. وكانت وايد تعبانة .. دشت لقت امها وابوها قاعدين بالصالة –

ندى : السلام
سامي : هلا ببنيتي وعليكم السلام والرحمة
أمل : ها يمة رادة مبجر
ندى : اي ماعندنا شي .. يبه مو رايح الدوام ؟
سامي : بلى بس توني راد قلت اقعد مع امج أونسها
ندى : اوكي انا بروح ارتاح
سامي : لا يبه قعدي شوي بنسولف معاج
ندى : عن موضوع خالتي ؟
سامي : لا لا .. موضوع يخصنا احنا الثلاثة .. قعدي اهني ( حط ايده على الغنفه بينه اهو وأمل )
ندى : ( اقعدت بينهم )
أمل : ( ساكته تطالع سامي )
سامي : بنقولج خبر و انا متأكد ان الشي راح يونسج
ندى : شنو هالخبر ؟
سامي : يبه امج حامل
ندى : ( طالعت امها واهي منصدمة ) ها ؟ اشلون ؟
أمل : ( تبتسم وعيونها مغورقة ) مادري سبحان الله .. قدرة ربج
سامي : راح يصير عندج اخو صغير
ندى : ( للحين مصدومة ) بأي شهر الحين ؟
أمل : تقريبا بالثالث
ندى : ( بعصبية ) وليش توكم تقولون ؟
سامي : يبه احنا امس درينا وكنا بنقولج بس شفناج متضايقة
ندى : ( اسكتت مدة )
أمل : ( حطت ايدها على ايد ندى ) اشفيج يمه ؟
ندى : ( دمعت عينها وماردت )
سامي : يبه ندوي تأكدي ان هالياهل ماراح يفرق عنج .. انتي واهو اعيالنا وما راح انفرق بينكم .. بالعكس انتي الغالية وبتبقين الغالية لأنج البجر
أمل : اي والله انتي بجري ندوي وماراح اعزه اكثر منج
ندى : ( انزلت ادموعها ) اهو صبي ؟
أمل : ماندري للحين .. بس والله يا يمه اثنينكم طلعتو من هالبطن ( تأشر على بطنها )
ندى : ( طالعت بطن امها فترة بعدين لمتها حيل ) مبروك يمه
أمل : ( بجت وباست راسها ) حياتي انتي كنت خايفه انج تتضايقين
ندى : ادري اشكثر تتمنين ياهل والحمدلله ان صار عندج
أمل : ( وخرتها ) لا يمه لاتقولين جذي انا صار عندي ياهل من 20 سنة .. انتي بنتي يا يمه والله انتي بنتي واحس اني انا اللي ولدتج
ندى : ( ردت لمتها ) الله لا يحرمني منج
سامي : زين وانا ؟
ندى : ( لمت ابوها ) وانت بعد الله لا يحرمني منك

- اقعدت تسولف معاهم شوي بعدين قالت لهم انها بتنام وماتبي غدى واصعدت غرفتها عشان ترتاح –

( انسدحت واقعدت تفكر باللي اسمعته من امها وابوها .. وباللي صارلها مع فرح .. وباللي راح يصير لها بعد ولادة الياهل .. فكرت بكل شي .. وبعدها اقعدت تبجي حييل .. لين سكتها صوت التلفون ..وكانت اللي داقة دلال )

ندى : ( بصوت تعبان ) الو ؟
دلال : ( تضحك ) خلاص عاد عليوي يوز
ندى : الوو
دلال : الو اشوه لحقت عليج عبالي نمتي
ندى : اي كنت بنام .. اشبغيتي
دلال : اشلونج الحين ؟
ندى : الحمدلله احسن .. بس ودي انام
دلال : خلااص عاد علي قاعدة اكلم البنت
ندى : طالعه معاه ؟
دلال : اي
ندى : متى مداج ؟
دلال : ( تضحك ) قطيتيني صعدت سيارتي ورحت اشوفه .. المهم ندوو تعالي معانا السينما باجر .. رفيج علي بيي معانا عفية تعالي
ندى : لا دلال مابي
دلال : حياتي انتي لا تقولين لأ فديتج
ندى : خليني انام دلول اكلمج بعدين
دلال : ماراح اخليج تنامين الا اذا قلتي اوكي
ندى : اوكي خلاص زين بس فكيني
دلال : تره وعد الحر دين .. مو تغيرين رايج والله ازعل عليج
ندى : اوكي ماراح اغيره الحين خليني انام
دلال : اوكي فديتج .. نوم العوافي .. باي ( سكرت الخط )
---

- العصر في بيت فرح –

( فرح كانت تمشي يم غرفة نورة اسمعتها تبجي وتتكلم بصوت عالي )

نوره : مو قلت انك مريض وتعبان وبتسوي فحوصات شاملة ؟؟؟ مو قلت انك محتاج فلوس حق أشعة الرنين ؟؟ ( نوع اشعة غالي ) تقص علي وتسافر فيهم عشان تخربط ؟؟ الشرهه مو عليك علي انا الخبلة اللي صدقتك .. يللا الحين روح قص على غيري خل تعطيك فلوس ( سكرت التلفون وردت تبجي )

فرح : ( دشت عليها الغرفة ) نوره ؟
نوره : ( تصرخ ) طلعي بره وسكري الباب وراج
فرح : تره صوتج عالي سمعت كل شي .. قصريه لا يسمعج احد
نوره : اقولج طلعي بره ماتفهمين ؟؟
فرح : ( اطلعت وسكرت الباب ) الحمدلله والشكر عبالها عايشه بروحها جنه امي ناقصها مشاكل
----

مشكورين بنات عالتقدير ماقصرتو فديتكم .. وعالشي المصيري .. الحمدلله نص ونص بس احس اني مرتاحه ادعولي كل ما قدرتو :weight_lift: وشكرا

 

[MISS.D&G]

البارتات :
1 - 7 - 11 - 15 - 19 - 25​

 

[cute princess]

ثانكس عالبارت
حده يونس
ندى مسكينه :× مو ناقصه لوووول
وام فرح الحين شتبي يعني :rgewrg: مو قالت حق امل اهيه بنتج :rgewrg: ترا غاثتني شوي لوووول
واشوه ندى ما عصبت على سالفة البيبي اليديد
ولا تطلع مع دلال :| ناقصين احنا :| ويع :|
ناطرينج باجر :$

 

[فيلجـ كول ـاويه]

ثانكس عالبارت الرووووعه اتوقع رفيج علي بيحب ندى

ناطريييييينج

 

[Danya =)]

هلا ريريز الحمدالله على سلامتج

ولهناا عليج والله :*

وييه الظاهر دلال بتجر ندى معاها !!

شكثر اكرها قطييعه

ونورة استغلت ندى عشان خرابيطها ! الحمدالله والشكر

مشكورة حبيبتي ريريز عالباارت

والله يوفقج يارب ويحقق اللي في بااالج

 

[spongebob93]

thaaaaanx 3al.paaart :rerrerek:
allah yaster men Rfej 3li :eh_s(10):
waiting :016:

 

[MISS.D&G]

البارتات
1 - 7 - 11 - 15 - 19 - 25 - 34​

 

[MISS.D&G]

مشكوووورة عالبارت لعجييب فديتج و الله
انشالة رفيج علي يطلع خوش واحد و يحب ندى :016:
تسلمين:eh_s(2):​

 

[JaN JaN]

يعطيج العافيه ريري تسلم الايادي :eh_s(21):


الله يستر من هالدلال لا تلف راس ندى:eh_s(10):

وفرح حدها بطت جبدي على حركتها :rgewrg:




ومبروك على الشي المصيري وانشالله يتحقق كل اللي تبينه :aha:

 

[مياسين الحب]

مشكوره بس البارت قصير

 

[العروس الضايعه]

مشكوره حبي
ندى الله يستر عليها من هالدلال لاتضيعها
نوره مادري شقول عنها اما فرح صراحه رفعت ضغطي بحركتها يعني كان لازم اشكره جدام الدعله دلالو وجدام خلق الله

ريريز حبيبتي الله يوفقج ويكتب لج اللي فيه الخير موفقه يالغاليه

 

[العروس الضايعه]

مشكوره حبي
ندى الله يستر عليها من هالدلال لاتضيعها
نوره مادري شقول عنها اما فرح صراحه رفعت ضغطي بحركتها يعني كان لازم اشكره جدام الدعله دلالو وجدام خلق الله

ريريز حبيبتي الله يوفقج ويكتب لج اللي فيه الخير موفقه يالغاليه

 

[أروسا]

فرح المفرووووض اتهدي الوضع ما تزيده و تقعد تعلي صوتها بالكليه

الدكتور ثامر ذكرني بالدكتور محمد الشلال بعلم اجتماااع وععععععععععع عليه شيبة النخره!!!

دلال اف عليج اففف لزقه بو أسد مالت الظهر اللي ما تطلع الا بعد ما تشيل يلدج وياه ويا ليت على شي سنع (الله اخيرا قدرت اكتب الالف المقصوره ى ى ى )<<<<< تعالوا باركولي رز رز و كيوته !!

ندى ى ى ى بلييييييييز لا تروحين مع شلة الفساد

 

[~RouNa~]

ريري , عسى الله يوفقج و يسهل امورج و ييسر دربج و يكتب لج بـ كل خطوة توفيج ! :*

الباااارت :

ندى حبيبتي كسرت خااطري !

والحمدلله طلعت دلال على خبالها خوش بنت وقت الازمات !

فرح موقفها بـ الجامعة ,, اممممـ

يعني كلامها نص ونص

صح ان فاطمة لها حق على ندى بس اسلوبهاا كان خايس !

وندى مهما صار او سوت احنا ما نعرف شعورها !

حتى لو عيّشنا روحنا بـدالها !!

الله يعينها ان شاءالله

و اتوقع الشخص اللي كان بـ اول القصة اهوا رفيج علي !

 

[العروس الضايعه]

الله الله شنو هذا صج المنتدى مسكون شكو حاط الرد مرتين بس يالله تستاهلين ياريرو
الله يسهل عليج ويكتب لج اللي فيه الخير

 

[العروس الضايعه]

الله الله شنو هذا صج المنتدى مسكون شكو حاط الرد مرتين بس يالله تستاهلين ياريرو
الله يسهل عليج ويكتب لج اللي فيه الخير