روايتي الثانية ...(( ضاعت حياتي بلحظة )) ... قصة واقعية .. ReRez

[كويتية و النعم]

ريـــــــــــــريز ولهنا علييج :eh_s(21)::eh_s(21)::eh_s(21):
لج وحشة والله حبيبتي :eh_s(2): :eh_s(21): :eh_s(2):
ان شاء الله تتصلح الوصلة يا رب بأقرب وقت :eh_s(2):
ناطرييينج حـــــــــبي :eh_s(21):​

 

[داريني]

جان زين تتصرفين وتشوفين لج حل بسرعه
استخدمي لاب توب اختج رفيتج اخوج
مو معقوله جذي انتم معلقين
قصتج حلوه بس عدم التزامج وتاخيرج يخربها\

مع تحيات معجبه لسانها طويل لوووووول

 

[هاناا]

ريريز

اشتقنا لج

و اشتقنا لروان

ترى طولتي الغيبة

 

[Low_Fat]

السلام عليكم بنات
بعد العناء والافلام قدرت اخذ من ريريز البارتات وبنزلهم لكم
والبنات اللي معصبين اشفيكم ؟؟ يعني اهي مو بكيفها صارلها جذي وصلتها حنجت مو راضيه تشتغل وابتلشت وعشانكم كانت تكتب كل بارت بيومه
ــــــــــــــــــــــــــــــــــــــــــــــــــــــــ


** البارت الثالث والعشرون **



روان : ( اكتبت حق فجر مسج وايدها ترجف )

" فجر .. بدر اهني بالسينما وانا وايد خايفه .. شسوي ؟ "



( روان دزته بس طلع لها لم يتم الارسال لأن السيرفس بالسينما كان طايح )

- صار تقريبا نص الفلم وروان على اعصابها خايفه ان بدر يسوي شي ويخرب عليها حياتها لأنها اتعرفه اذا غار يصير انسان ثاني –



منال : ( ميته ظحك على لقطه بالفلم ) عجيب هالريال

جاسم : اي حده خطير .. روان ؟

روان : ( واهي مرتبكه ) هلا ؟

جاسم : اشفيج .. مو عاجبج الفلم ؟

روان : بلا عاجبني بس احس شوي تعبانه

جاسم : خلاص عيل خلينا نرجع البيت

روان : مابي اخرب عليكم الفلم

جاسم : لا تحاتين الفلم و الاسبوع الياي وعد اوديكم فلم احلى

روان : بس منال ..

جاسم : انا اكلمها

جاسم : منول ؟

منال : ( مندمجه مع الفلم )

جاسم : ( يعلي صوته ) منوله

منال : نعم ؟

جاسم : بنرجع البيت الحين ووعد الاسبوع الياي اعوضكم

منال : ( اتطالع روان ) فكرتج صح ؟

روان : ( ساكته )

جاسم : منول مايصير تكلمين اختج جذي مهما كان اهي اكبر منج .. وتره روان تعبانه لازم نقدّر ظروفها

منال : ( تفشلت من كلامه ) انا آسفه روان

روان : لا حبيبتي عادي

جاسم : يللا عيل قوموا



( قاموا ومرو من يم بدر .. روان ماحطت عينها بعينه كانت تمشي وقلبها يرقع وريلها زين شايلتها .. مو لأن اهو حبيبها اللي ضاع .. بس كانت خايفه يصير شي لأنها تعرف اطباع بدر )



- بدر قام ولحقهم –

( اطلعوا من قاعدة السينما جان تلفتفت وراها لقته لاحقهم .. تمت تتعوذ وتسمي بقلبها وحست ريلها ترجف ماتشيلها جان توقف )



روان : بروح الحمام

جاسم : اوكي ناطرينج بالكفتريا

روان : ( خلتهم ودشت الحمام )



- واهي بالحمام رن تلفونها قلبها بغى يوقف شافت الرقم .. اطلعت فجر اللي داقه –



روان : ( شوي وتبجي ) فجر بدر اهني

فجر : ادري توه وصلني مسجج .. صار شي جاسم لاحظ شي ؟

روان : لأ للحين بس انا خايفه اهم الحين بره وانا بالحمام اخاف اطلع والله خايفه حيل

فجر : لا تخافين حبيبتي انا الحين اتصرف

روان : ناطرتج دقي علي الله يخليج لا تطولين

فجر : اوكي ( سكرت التلفون )



- روان تمت بالحمام – عزكم الله – ناطرتها اتدق عليها وتقولها ان بدر راح –

---



- بدر واقف بعيد يطالع جاسم و منال قاعدين عالطاوله .. مسك تلفونه بيدق على روان بس ياله اتصال من فجر –



بدر : ( سكر التلفون بويهها ) مو وقتج .. ( دق على روان )

روان : ( ردت على طول ) ها فجر اشصار ؟

بدر : انا بدر

روان : ( حدها معصبه ومرتبكه ) اشتبي مني ؟؟!!! انا خلاص تزوجت ليش قاعد تلاحقني اشتبي ؟

بدر : اسمعيني ولا تصرخين

روان : ( شوي وتبجي ) بدر اشفيك بالظبط ؟ خلاص اللي بينا انتهى .. الله يخليك روح

بدر : لهالدرجه شوفتي ضايقتج ؟ روان انا للحين احبج و

روان : لا تقول احبج مابي اسمعها منك مره ثانيه

بدر : اذا رديتي البيت شبكي و كلميني ناطرج

روان : ايميلي راح الغيه وخطي راح اغيره ومابي اكلمك .. بدر خلني اعيش حياتي مرتاحه

بدر : ( معصب بس ماسك اعصابه ) جسوم جم عمره ؟

روان : بدر مابي مشاكل الله يخليك روح من اهني

بدر : لا تخافين .. بعمري كله مافكرت اضرج .. يالج ريلج ( سكر التلفون )

---



( روان بالحمام عدلت شكلها وحاولت تهدي اعصابها وسمت بالرحمن واطلعت لقت بويهها جاسم )

جاسم : تأخرتي خفت عليج

روان : ما لاحظت اني تأخرت

جاسم : نمشي ؟

روان : يللا



( واهم ماشيين طلع بدر جدامهم وطق جتفه بجتف جاسم حيل )



بدر : ( يعلي صوته ) ماتشوف ؟

جاسم : انا اللي ماشوف ؟ انت اللي داش فيني جنك عمَي



- روان تمت ترجف بمكانها -



بدر : هيي انت تكلم عدل لا اعرف اشلون اتصرف معاك

جاسم : ( عطى روان سويج السياره ) اسبقوني انتوا

روان : ( حدها خايفه ) لا عفيه تعال معانا

بدر : ( واقف يطالع روان وويهها صاير احمر )

جاسم : ( بعصبيه ) تلقينها بالكافتريا روحو لاحقكم



( روان راحت حق منال خذها وانزلو تحت )

منال : وين جاسم ؟

روان : الحين يلحقنا

منال : وين راح

روان : خلاص قلتلج الحين يلحقنا

---



جاسم : عامل الناس باحترام عشان يردون عليك بمثله

بدر : اقول اذلف لا اطلع الحره فيك عدل

جاسم : والله انت شكلك اهبل مو صاحي



( جاسم عطاه ظهر جان يمسكه بدر ولفه عليه وعطاه بكس قوي )



جاسم : ( حط ايده على شفايفه ثواني بعدين استوعب ) يا ولد الكـ.... :× ( راح بيطقه ولا اثنين من اللي يشتغلون اهناك – اللي يلبسون دشاديش – اوقفو بينهم وواحد مسك جاسم )

موظف1 : رجاءا طلعوا بره كملو سوالف اليهال بعيد عن اهني

بدر : ( يطالع جاسم ) لا انا خلصت ماعندي شي بعد ( خلاهم ومشى رايح حق الباب )

جاسم : ( دز ايد الموظف ) وخر عني .. وانت يالحقير لو انك ريال ماتنحاش

بدر : ( وقف شوي بعدين تمالك اعصابه و حقره ومشى )

جاسم : ( كان بيلحقه لأن للحين فيه حره .. بس الموظف مسكه )

موظف2 : خلاص صل عالنبي يا اخي .. انتو كبار وعيب اللي تسوونه

جاسم : لو سمحت هدني بمشي

موظف2 : اول هدي نفسك وتعوذ من بليس

جاسم : اعوذ بالله من ابليس ( وخر ايد الموظف عنه ومشى )

---



- بالسياره روان ومنال ناطرين جاسم –



روان : ( دقت على فجر ) كلمتيها ؟

فجر : لا مايرد

روان : انا خايفه

منال : ليش اشصار ؟

روان : خلاص فجر اكلمج بعدين اوكي ؟

فجر : اوكي

روان : باي ( سكرت التلفون )

منال : قوليلي اشصاير انا مو ياهل الحين لا تخشين علي شي

روان : ماكو شي

منال : شنو ماكو شي انا حاسه ان في شي من اول مادشينا السينما.. ووين جاسم ليش تأخر علينا ؟

روان : ( اتصرخ ) خلاص سكتي عني و لاتحنين ماكو شي

منال : ( ارجعت لي وره وعيونها دمعت )

روان : ( امسكت راسها وتمت تدعي بقلبها ان مايصير شي )

---



- بره مجمع الفنار –



جاسم : اوقف يالحقير يعني ماتسمعني ؟

بدر : ( التفت عليه ) اقول امش احسلك .. لا تندم والله

جاسم : ( بدون مقدمات عطاه بكس على حنجه ) يالخسيس تمد ايدك علي وتمشي تبيني اطوفها لك ؟



( بدر مسك جاسم وقعد يطقه وينطق )

( يو جم واحد من المصريين اللي يشتغلون بمطعم يم الفنار اللي يلبسون اصفر اذا تعرفونه .. مع جم واحد من الشباب واقعدو يفاككون بينهم )



بدر : يالواطي يالحقير .. والله لو مو هالناس جان خليتك انت والقار واحد

جاسم : كل ... يا ولد الكـ.... متهجم علي جني بايق حلالك

بدر : ( بصراخ ) اي بايق حلالي يال.....



( جاسم موفاهم شالسالفه ..توه بيرد ولا اييون الشرطه اللي دايما يوقفون عالزاويه بره المجمع )

شرطي 1 : اشفيكم اشصاير منو متهاوش

جاسم : هالحقير تهدد علي من غير سبب

بدر : ( واقف يطالعه وحيل معصب )

شرطي 1 : ( مسك بدر ) تعالو معاي المخفر

بدر : ( بعصبيه ) هدني ماراح ماراح انحاش

جاسم : اهلي بالسياره اوصلهم البيت والحقكم

شرطي 2 : وين أي سياره ؟

جاسم : اهناك .. بس اوصلهم الحقكم المخفر

شرطي2 : أول ورني وينهم



( جاسم مشى والشرطي لحقه .. والشرطي الثاني راح مع بدر الدوريه )

---



(وصل جاسم السياره ومعاه الشرطي وروان حدها خايفه وقاعده اتطالعهم يتكلمون بره )



منال : ( قربت يم روان ) روان شنو فيه ؟

روان : مادري الله يستر

منال : ليش الشرطي يكلم جاسم ؟

روان : مادري منال الله يخليج شوي سكتي



( جاسم طلـّع بطاقته المدنيه وعطاها الشرطي وصعد السياره واهو ساكت وكانت شفايفه فيها دم و عينه شوي مورمه )



روان : ( اتطالعه واهي خايفه ) جاسم ؟

جاسم : ( طالعها بعصبيه وعيونه فيها شرار ) نعم ؟

روان : ( اسكتت و قلبها يرقع خايفه تسأله عن شي )

منال : انت تهاوشت ؟

جاسم : ( ساكت بس يتنفس بعصبيه )

منال : جاسم ؟

روان : ( بهدوء ) خلاص منال

منال : ( ارجعت مكانها واسكتت )

---



- اوصلوا بيت خالتها ام محمد –



جاسم : ( ساكت ماتكلم )

روان : ( واهي خايفه ) بنزل اناديهم

جاسم : لا انتي قعدي .. منال روحي ناديهم

روان : ( قلبها يرقع وتحس ودها تبجي بس مو قادره )

منال : ( اوكي ) انزلت من السياره

جاسم : ( بصوت واطي ) كلمة وحده و مابي الكلام يطول

روان : ( ساكته وتسمعه )

جاسم : انتي اتعرفين الزفـ.. اللي كان اهناك ؟

روان : ( بطلت عيونها وتمت اتطالعه ودموعها اللي كانت غصب ماسكتهم لا اراديا انزلو على خدها )

جاسم : ( بصراخ ) ردي علي

====================================

 

[انا خطر]

41 ( العضوات 19 والزائرات 22)
‏انا خطر, ‏!.عزوة اهلها.!, ‏أميرة العود, ‏مرت ريلها, ‏ايمان......, ‏بلووونه, ‏بيبي ناز, ‏ladeen, ‏Low_Fat, ‏M!sS roo7 alm!sk, ‏Ms.PinK, ‏n00ni, ‏NaB'9 QaLBi, ‏nalrashidster, ‏رفاعية19, ‏صـوفي, ‏Queen66, ‏t3wdna, ‏عثمان حبي


ريريز

شوفوي الجيش اللى يتابعج

 

[Low_Fat]

** البارت الرابع والعشرون **



جاسم : ( بصوت واطي ) كلمة وحده و مابي الكلام يطول

روان : ( ساكته وتسمعه )

جاسم : انتي اتعرفين الزفـ.. اللي كان اهناك ؟

روان : ( بطلت عيونها وتمت اتطالعه ودموعها اللي كانت غصب ماسكتهم لا اراديا انزلو على خدها )

جاسم : ( بصراخ ) ردي علي

روان : ( دموعها تنزل ) جاسم انت اشقاعد تقول ؟

جاسم : لا تردين على سؤالي بسؤال .. اتعرفينه ولا لأ ؟؟

روان : لأ ماعرفه

جاسم : اكيد ؟

روان : ( دموعها تنزل وحنجها يرجف ) اي اكيد ماعرفه

جاسم : ( بهدوء ) استغفرالله ( تم ساكت ماتكلم )

روان : ( كل ما تمسح دموعها ينزلون غيرهم ودها تبجي بصوت عالي بس ماسكه نفسها )

---



- بيت ابو جاسم –



ام جاسم : هالولد مادري اشفيه ادق عليه وايد مرات مغلق ومرات مايرد

ابو جاسم : خليه على راحته توه متزوج

ام جاسم : ادري بس عاد شيصير لو رد علينا انا ماقلت خل يهدها ويعيش عندي .. بس بكلمه شوي

هلا : اي انا بعد بكلمه قلتله يقط علي فروس بس كشت فيني

ام جاسم : اشتبين بالحنه والبجي

هلا : يهبل اسم الله عليه .. خل ادق على روان يمكن يخلونه عندي اليوم

ابو جاسم : الله يرزقج بالعيال الصالحين .. اللهم آمين

هلا : ( تضايقت وطالعت امها )

ام جاسم : آمين يارب

هلا : يبه انا بكلمك بموضوع

ام جاسم : خلاص هلا مو وقته

ابو جاسم : خليها تتكلم .. اشصاير يبه ؟

---



- جاسم وصل روان واخوانها البيت –



جاسم : ( طفى السياره وعطاها السويج – فيه مفتاح البيت - ) هاج بطلو الباب وخلي خيريه ترده لي بسرعه

روان : ( بصوت واطي ) وانت ؟

جاسم : رايح شوي وارجع لا تنطروني ناموا

روان : ( تبلع ريجها ) رايح المخفر ؟

جاسم : اي .. يللا نزلو

روان : ( ايدها ترجف وغصب حطتها على ايد جاسم ) طمني

جاسم : ( تم مده يطالعها وماكو أي تعبير بويهه ) يللا نزلو



( انزلوا كلهم بعدين خيريه رجعتله السويج وراح )



- بالبيت –



روان : خيريه اليهال تعشو ؟

خيريه : اي كليتي بطاط و ناجيتس

روان : اوكي عيل نومي فروس .. وانتو روحوا ناموا

مشاري : انا مابي انام الحين

روان : خلاص إلعب شوي بعدين نام اوكي ؟

مشاري : اوكي ( ركض صعد داره )

منال : وانا بعد مابي انام .. بنطر جاسم

روان : ( طالعتها) قال لا تنطروني روحي نامي

منال : لا انا بنطره ماشفتي ويهه مبين ان متهاوش بنطر لين اعرف شالسالفه وليش الشرطه خذت بطاقته ؟

روان : منول روحي نامي

منال : ماراح انام

روان : خلاص انا بصعد انام و بخليج اهني بروحج

منال : اوكي انا بنطره اهني ( اقعدت بالصاله )



( روان خلتها واصعدت واهي حيل خايفه من اللي ممكن يصير.. اول ما اصعدت غرفتها بجت و دقت على فجر )



روان : ( تبجي ) فجر الله يخليج حاولي تعرفين اشصار

فجر : اهدي روان والله قاعده ادق عليه ودزيت اكثر من 5 مسجات مايرد علي

روان : اشلوون الحين احس بموت والله .. ماشفتي نظرة جاسم اشلون كان يطالعني مادري بدر شنو قاله بالظبط

فجر : لا ماتوقع بدر يسويها ويقوله .. اهو اللي قال الله يوفقج

روان : ( زادت بجي ) عيل ليش لاحقني اذا مو ناوي يخرب علي .. انا قاعده احاول انساه حرام عليه ليش يسوي جذي ليش يبي يكرهني فيه

فجر : اهدي حبيبتي خلاص لا تحاتين ان شاءالله مايصير الا الخير .. روحي توضي وصلي العشى وادعي وانا بحاول لين يرد علي

روان : ماراح يرد عليج اهم الحين بالمخفر

فجر : بالمخفر !!! اشدراج ؟

روان : ( واهي تشاهق ) مادري ماعرف شي بس اللي شفته ان الشرطي وصل جاسم لي السياره وخذه منه بطاقته واهو الحين راح المخفر .. اتوقع بدر اهناك

فجر : ان شاءالله ماكو الا كل خير .. روحي صلي وادعي وانا بعد بدعيلج ويارب مايصير شي

روان : اوكي مع السلامه



( روان سكرت التلفون وراحت بطلت الكبت وخذت الرساله مالت بدر اللي كاتبلها على ظرفها " تزوجيني " .. واقعدت اتشققها واهي ميته بجي )

روان : ( امسكت الأوراق المشققه ولمتهم ) خلاص رووح وخلني .. تعبتني وايد ماقدر اتحمل اكثر

---



- بالمخفر –



جاسم : لا ماراح اتنازل

بدر : ولا انا

المحقق : انا اقول فكروا عدل .. لأن صار تبادل ضرب بينكم .. و لو كان طرف واحد متضرر اهني السالفه تمشي اسرع .. بس انتوا الأثنين متضررين فراح تكبر السالفه وتطول

جاسم : آسف ماراح اتنازل لأن اهو اللي تهجم علي بالبدايه ومن غير سبب

المحقق : أخ بدر ممكن تنطرنا بره شوي

بدر : ( مارد عليه بس وقف وطلع من المكتب )

المحقق : يا اخ جاسم .. انت شفت ويهه مبين عليه آثار الهوشه مثلك .. وبعدين انتوا راح تروحون المستشفى اتطلعون تقرير انكم تعرضتو للضرب .. وانا اخذ اجراءاتي واحولها قضية واتطول القصه وهم فيها حق العام لأن انتو تهاوشتوا بالشارع.. و آخر شي وبعد طواله يطلع الحكم ويمكن فيها سجن .. يعني ماراح تستفيد شي .. آنا و الله مابي اضغط عليك اهي مجرد نصيحه اقولها حق الكل

جاسم : ( ساكت )

المحقق : وبعدين انت مالك معرفه فيه على حسب مافهمت .. يعني خلاص خل السالفه تعدي وماراح تشوفه مره ثانيه ان شاءالله

جاسم : اذا تنازل اهو انا اتنازل

المحقق : خلاص انت انطرنا بره و الحين اناديه واكلمه

----



( روان اطلعت من الحمام متضايقه )



روان : ( بقلبها ) حتى صلاة ماقدر اصلي الحين



- اوقف وافعت ايدها –



روان : يارب استر علي ولا تخلي بدر يخرب حياتي .. يارب يبتعد وينساني ويعيش حياته بعيد .. يارب خله يرجع حق دراسته ولا تخليه يتعرضلي .. يارب ارحمني برحمتك واعفو عني فإنه لا يغفر الذنوب الا انت



- شوي رن تلفون روان راحتله بسرعه -

---



- بيت ابو جاسم –



ابو جاسم : تتطلقين !!! يبه هذا ابغض الحلال

هلا : بس انا مابيه خلاص يبه الله يخليك لا تجبرني ارجع

ابو جاسم : بس احنا طول عمرنا انشوف حسن يعاملج احسن معامله

هلا : لا اصلا من مرت 4 سنين على زواجنا واهو تغير صار واحد ثاني كرهني لأني ما يبت له عيال

ابو جاسم : لا ماكرهج .. اهو بس وده يكون عنده ولد يشيل اسمه ومافيها شي يا بنيتي .. الله حلله الزواج خليه يتزوج ويفرح بشوفة العيال بس لا تهدمين بيتج بيدج

هلا : ( تتكلم وفيها غصه ) وانا يبه ؟؟!! ليش عادي عندكم احترق من داخلي واهو يروح حق غيري ؟ ليش ماتحسون بمشاعري انا ؟؟ .. آسفه يبه بس انا قررت ابي اتطلق ومابي ارجعله

ابو جاسم : لا حول ولا قوة الا بالله العلي العظيم .. يبه فكري عدل قبل لا تقررين جذي قرار

هلا : خلاص يبه لا تصعبها علي اكثر

ابو جاسم : انا بدق عليه و اخليه ايي الكويت

هلا : لأ يبه مابي

ابو جاسم : انا بسمع منه مثل ماسمعت منج ( قام وطلع من الصاله عشان يدق عليه )

هلا : يمه كلميه انا مو ياهل وقررت هالقرار وانا مقتنعه مابي احد يغير رايي

ام جاسم : ابوج يسوي جذي عشان مصلحتج

هلا : ( تصارخ ) مابييييه كيفي مابيييه انا اللي بتعذب من عيشتي معاه واهو متزوج ولا انتو ؟؟ كيفي يمه كيفي

ام جاسم : لا تصرخين ابوج ريال متدين وفاهم وماراح يظلمج اكيد .. بس اهو يبي يصلح بينكم

هلا : مو كيفكم والله ماني راجعه واذا ماتبون تتحملون مطلقه عادي اعيش عند جاسم

ام جاسم : هلا اشهالكلام !!

---



- بالمخفر –



المحقق : وقعوا على هالتعهد

بدر : ( وقع وحط القلم عالطاوله )

جاسم : ( خذه القلم ووقع ) اقدر امشي الحين ؟

المحقق : اي توكلوا على الله واتمنى ان محد يتعرض للثاني حصل خير واللي فات مات

جاسم : ( مد ايده حق المحقق ) مشكور يللا مع السلامه

المحقق : ( يسلم عليه ) الله معاك



- اطلعوا من المخفر وخزو بعض بعدين جاسم ركب سيارته وبدر تم واقف ناطر احد ياخذه –

---



- غرفة روان –



روان : لا مادق علي والله خايفه قلبي بيوقف وانا احاتي

فجر : زين خليج طبيعيه و دقي عليه انتي

روان : ماقدر والله انتي ماشفتي نظرته جنه يدري عن شي

فجر : اي بس انتي نكرتي انج تعرفينه عشان جذي لازم اتدقين تتطمنين عليه

روان : ماقدر والله اخاف .. لحظه وصلني مسج ....

فجر : ها من منو ؟

روان : ( اقعدت تبجي )

فجر : الوو ؟؟ روان اشصار ؟

روان : المسج من بدر .. يقول والله احبج وماقدرت امسك نفسي وما اطقه بس لا تحاتين مامات

فجر : وااي حده قاهرني ودي اذبحه .. روان من باجر رقمج يتغير

روان : ( تبجي ) كنت بغيره بس الحين صعبه بهالوقت .. مابي اخلي جاسم يشك اكثر

فجر : اي صح .. خلاص هدي نفسج دام دز مسج معناته اطلعو من المخفر .. و راح ادق اتهاوش معاه واذا مارد علي احط حرتي فيه بالمسجات

روان : لا انا اللي بدق و اتهاوش معاه

فجر : لا روان مايصير انتي متزوجه

روان : خلاص فجر اللي قاعد يصير فوق طاقتي لازم اوقفه عند حده

فجر : اوكي لا تطولين يمكن جاسم يرجع

روان : اوكي باي ( سكرت التلفون وبإيد ترجف قاعده اتدق على بدر )



- رد عليها من أول رنه –



بدر : الو؟

روان : ليش تسوي فيني جذي ؟ وليش مديت ايدك عليه اهو اشذنبه ؟!!

بدر : لأني احبج .. وماتحمل انج تكونين حق غيري

روان : ( تصرخ ) بس انت خليتني ورحت وقلتلي ..

بدر : ( يقاطعها ويصرخ ) ادري ادري قلت الله يوفقج .. بس هم صعبه علي اشوفج مع احد ثاني

روان : انت ماشفتني بالصدفه .. انت لاحقنا .. ليش بتخرب حياتي ليش ؟ ماكفاك اللي سويته فيني يوم تخليت عني ورحت ؟

بدر : لو خذيتج ماراح اتحمل هالظروف .. ماكنت راح اسعدج

روان : ( اقعدت تبجي ) عيل خلاص اشتبي ؟؟!! خلني الله يخليك بدر لا تتعبني اكثر

بدر : لا تبجين عمري خلاص والله بسوي اللي تبينه بس لا تبجين .. قوليلي انتي مرتاحه بحياتج ؟

روان : ( تشاهق ) اي قبل لا تخربها كنت مرتاحه

بدر : انا ماخربتها .. واهو مادرى عن شي

روان : ( زادت بجي )

بدر : خلاص حبيبتي لا تبجين والله انا اسف وماراح اتعرض لج كلش .. واذا يرضيج اني اسافر راح ارجع من باجر بس لي طلب اخير

روان : ( بصوت مخنوق ) شنو ؟

بدر : طمنيني عليج من فترة لي فترة .. لو بالسنه مره بعيد ميلادج .. مابي اكثر من ايميل اتقوليلي فيه انج بخير .. او انج يبتي ولد وسميتيه بدر

روان : ( تبجي اكثر ) خلاص بدر لا تذبحني ماقدر اسوي اللي تطلبه .. انا متزوجه الحين .. والله يخليك لا تدق ولا تدز لا مسج ولا حتى ايميل

بدر : خلاص .. انا اسأل عنج من بعيد لي بعيد .. بس انتي لا تبجين

روان : اوكي باي

بدر : روان ؟

روان : ( ساكته )

بدر : قولي احبك بسمعها منج للمرة الأخيره

روان : ( ردت تبجي ) بدر خلاص انت اشفيك ؟ انا متزوجه افهم

بدر: خلاص .. من هالبجي عرفت اني للحين بقلبج .. وهالزفـ.. ماقدر ياخذ غلاتي

روان : ( ودها تصرخ من القهر بس امسكت نفسها ) مع السلامه بدر

بدر : مع السلامه



( روان امسحت هالاتصال من السجل وامسحت المسج واقعدت تبجي )



ليه يادمعي نزلت ؟!
يقولون أصعب تحدي لابتسمت ..

.. وإنت في عيني انوجدت ..


يادموعي .. .. لاتهيني النفس أكثر ..
ياجروحي .. .. لاتخلي الجرح أكبر ..
ياعيوني .. .. لاتقولي ولاتعيدي ..
كلمه وحده بإختصار ..
لاتظهري فيها إنكسار ..


~فمان الله ياحبي الكبير ~
~ هذي النهايه .. وإنت السبب باللي يصير ~
---



شوي ولا ينفتح عليها الباب .. قلبها بغى يوقف .. لفت ويهها ولا تلقى منال واقفه عند الباب وتطالعها ودموعها بعينها



روان : ( تمسح دموعها ) اشفيج منول ؟

منال : انا سمعت كل شي

روان : ( داخت وغضمت عينها من الصدمه ) شنو سمعتي ؟

منال : سمعت كل شي وعرفت ان اللي طق جاسم واحد كنتي تعرفينه

روان : ( بطلت عينها وطالعتها وماعرفت شتقول )

منال : ( تبجي ) ليش سويتي جذي بجاسم حرام عليج .. والله انه طيب و مايستاهل

روان : منول انتي بعدج صغيره ومو فاهمه شي

منال : ( تصرخ ) بلى افهم مو ياهل .. واعرف وايد اشياء

روان : ( قامت بتروح حق منال )

منال : لا اتيين يمي مابي اشوفج ( خلتها وراحت غرفتها )

روان : ( اقعدت عالأرض وغطت ويهها بيدها واقعدت تبجي ) ليش كل شوي تتعقد الامور اكثر والله تعبت

=============================

 

[نبض روحك]

أمبيه :|

امبيه :|

امبيه :|

امبيه :|

امبيه :|

امبيه :|

امبيه :|

 

[<> إيلاف الكويت <>]

@@ الله يسترررررررر

حسبي الله عليه هالبدر ما خلا البنيه ترتاح بحياتها :/



مشكووره حبيبتي لو فات ع البارت .. ما قصرتي والله

 

[Low_Fat]

بنااااااااااااااااااااااااااااااااااااااااااااااااات
ريريز حدهااااا زعلااااااااانه منكم
تقول عمري ما قصرت معاكم واضغط نفسي عشانكم وكل يوم انزل بارت بس يوم صارت ظروف القى جذي ردود ! ترى اذا بيدي شي جان ما خليتها تخترب من الاساس
(طبعا الكلام مو حق الكل بس لان سألتني عن الردود وقريتلها)
وترى اهي حدها متضايقه لانها قاعده من غير نت فاعذروووها مو بيدها
حتى انا متضايقه ماعندي احد اجابله بالمسنجر << انتي شكووو تشرحين حالتج
اهم شي الحين سويت اللي عليي ووصلتلكم البارتات وان شاء الله تشوف لها حل مع وصلتها وترد لكم
بس طولو بالكم اشوي :eh_s(14):
ترى اعصب ومو زين ان عصبت :23_asmilies-com:

وشكرا
تعبت من القرقه

 

[مـ سهله ـو]

امبييييييييييييييييييييييييييييييييييييه كملييييييييييييييي حسبي الله عليك يا بدر

 

[مليحة الكويت]

يا حراام يا روااان ....عورت قلبي ...

 

[عذبه الروح]

الله ونآسه ما بغيتوا تنزلون بارت

نبي بعد

 

[oranGe~Girl]

لو فات يعطيج العاافيه

أمااانه سلمي ع ريريز وقولي لها الله يعطيها ألف عاافيه

وااااااي شنو هذا بدر مليغ

ومنال بطت جبدي شتبي رازة ويهاا ياكرهي لليهال لووول

 

[ReRez]

بنات اول شي السلام عليكم .. اشلونكم ادري ان 3 ارباعكم فقد القصه بس مافقد هالنك ..

ارد اعيد واقول ماعندي وصله اختربت ومتى تتعدل الله اعلم .. المهم انها مو راضيه تشبك

الحين انا ماخذه وصلة اخوي وتره الايام اللي طافت حاولت اخذها منه اكثر من مره بس كان مشغول ويبيها
وبصراحه انا ما اعرض ويهي اكثر من مره حتى لو كان اخوي ..

المهم تره ردودكم زعلتني وداشه اعاتبكم وبرجعله الوصله

اللي يقول كل هذا تأخير .. واللي يقول شكلها ناسيه ان عندها قصه .. واللي يقول مابغيتو تنزلون البارتات

يعني لو الشي بيدي ماتأخرت عليكم ..

وبروحها القعده من غير نت حدها تتعب النفسيه ..

كنت اتمنى القى الكل متفهم ..

ومشكووره حبي لو فات على تنزيل البارتات تعبتج معاي .. فديتج

ومشكورين بنات كلكم ...

برجعله الوصله

مع السلامه

 

[T-flower]

واااااااااااااي رورو بعد عمري والله اني فقدتج
ناطرينج حبوبة
ولا تزعلين ترا صج فاقدينج وادري انج ما تغيبين الا بشي جايد
زاللي تتحلطم ختشوف بعض الكاتبات اللي غطون ولا يدرون عن متابعين ولا شي
ولا قصه تنطرهم ولا هم يحزنون
بعد عمري
ناطرينج حبوبة

 

[ReRez]

ادري والله في انكم فاقديني فديتكم .. وهم اللي فقد القصه هم اشكره لأن هذا دليل انها عاجبتكم

و لاتزعلون من كلامي بس انا تضايقت شوي لأن ماعندي نت وحالتي النفسيه اكس والله وبعض الردود ضايقتني

المهم مشكووريين فردا فردا وبرجع الوصله لأن يبونها

الى اللقاء

 

[NaB'9 QaLBi]

ambiiiiiiiiiiiih alpart 7daaa 3jeeeeeeeeeb
wallla o bda y9er al.action
thaaaaaaaaaaaaaaanx yaa a77la ReRez
o walllla wallla e7na 3athreeeench ;**********8

 

[over love]

منال حدها مالها داعى شهالنفس الخايسه وقلت الأدب

مسكينه ياروان بروحه مضحيه بدراستها وبحبها وبكل شي عشان اخوانها تييها هالدعله وتضغط عليها

مال كف والله

مشكوره لوفات على نقل البارتات ومشكوره ريريز خوش بارتين القصه وايد حلوه

 

[مياسين الحب]

مشكوره ياعسل ماقصرتي

 

[Strawberry Shortcake]

امبيييه الله يسترر من بديرو الزفت :eh_s(4):

وو حيااتي ريريز والله انه فقدناج يا الغااليه ولاا تزعلين من ردوود البنات يا قلبي مسحيها بويهي
والبارتاات رووعه رووعه وانشاالله بدر يطلع من حياه روان ويفكنا