روايتي الثانية ...(( ضاعت حياتي بلحظة )) ... قصة واقعية .. ReRez

[baby johnson]

بناااااااااااات شالسااالفه
كل الصفحااات تفتح معاااااااااااااي
كل صفحات الروايه بس صفحة 91 اللي فيها البارت اليديد ماتفتح يطلعلي جاري تطوير المنتدى مادري شنووووووووووووو!!!
ابي اقرا الباااااااااااااااااااااااااااااااارت @@

كل الصفحااااااااااااات فاتحه الا 91

 

[Danya =)]

ترى روان مسكيينه محد يقدر ينسى شخص يحبه بهالسهووه

وهم جاسم مسكين يكسر الخااطر

تسلم اييدج عالباارت

وناطرييينج​

​

 

[الليدي ديانا]

جسوم ذهبه و انشالله روان تسعده

و اتوقع فجر راح تحب بدر

 

[ReRez]

أول شي الف الف الف مبروووووووووووووك لي لأن تبطل معاي الموقع << حدها مو مصدقه :krkrkr:

ثاني شي مشكوووره كيوووت فديتج لأنج نزلتي البارت عني :klhfl:

ثالث شي هذا اعادة حق بيبي جونسون وحق البنات اللي ماتتبطل معاهم صفحة 91

-------------------

** البارت التاسع عشر **

( جاسم قرب منها جان ترجـّع جسمها لي وره )
جاسم : ( تنرفز ) تره مابي شي بس كنت بصبح عليج ببوسة خد واقوم اروح المحكمه عشان عقد الزواج
روان : ( ساكته )
جاسم : ( قام ) كملي نومتج
( راح دش حمام الغرفه – عزكم الله – وسكر الباب بقوه و روان تمت قاعده مكانها وخذت المخده ولمتها )
بعد فتره طلع واهي نفس مكانها ماكلمها ولا قال شي بس صلى ولبس دشداشته واهي قاعده عالسرير متلحفه واتطالعه واهو يلبس الغتره

جاسم : ماراح تردين تنامين ؟
روان : لا بقوم اغسل بعدين اطل على فراس
جاسم : ( كمل يلبس غترته ) اليوم بالليل في عندنا عشى رياييل بالدوانية وهم انتو عندكم عشى حريم ماقالت لج هلا ؟
روان : بلى
جاسم : نادي خالاتج واللي يعز عليج
روان : اوكي
جاسم : ( خلص لبس و حط شوية دهن عود بيده فركهم ببعض ومسح على ارقبته ) يللا انا ماشي تبين شي ؟
روان : لا تسلم
جاسم : مع السلامه ( خلاها وطلع )

( أول ماطلع قامت اسبحت و راحت غرفتها لقت اخوانها نايمين .. بطلت الكبت خذت تلفونها افتحته وخذت الدبدوب و انسدحت يم فراس وغمضت عينها بترد تنام )

- شوي دشت هلا -
هلا : روان ؟
روان : ( توها بتغفى جان تقوم ) هلا ( هلا )
هلا : بتردين تنامين ؟
روان : يعني قلت شوي انام لي الظهر
هلا : ( ابتسمت ) امس مانمتي صح ؟
روان : ( حست ان هلا تقصد بسؤالها شي ثاني بس سوت روحها مافهمت ) بلى نمت الحمدلله
هند : ( قامت ) اوكي عيل اخليج
روان : ( ردت غمضت عينها ولمت الدبدوب )

( نص ساعه جان يرن تلفونها وقعدها من النوم )
روان : الو ؟
فجر : هلا حبيبتي روّون ولهت عليج اشلونج ؟
روان : الحمدلله بخير
فجر : ها قعدتج من النوم ؟
روان : اي
فجر : اوكي بخليج تنامين بس تره امي اليوم عازمتكم عالغدى انتي وجاسم
روان : اليوم ؟
فجر : اي اليوم عطيه خبر ها
روان : وانتو بالليل معزومين عالعشى عندنا
فجر : اوكي اقول حق امي .. وانتي لا تنسين تقولين حق جاسم
روان : اوكي باي ( سكرت التلفون ودزت حق جاسم مسج )
" السلام قوه جاسم .. خالتي حصه اتقول اليوم الغدى عندها مادري يناسبك او لأ ؟ "

( شوي جان يدق )
روان : الو
جاسم : هلا روان .. كنت اتمنى اشوفج داقه بدل المسج
روان : ( ساكته )
جاسم : عموما خالتج الحين بحسبة المرحومه امج .. فأكيد بعتبرها عمتي وما ارفض عزيمتها
روان : تسلم
جاسم : يللا انا الحين بالمحكمه أي شي تبينه دقي ماحب سوالف مسجات
روان : اوكي
جاسم : يللا ديري بالج مع السلامه
روان : باي

( نامت ساعه وقامت الظهر قعدت اليهال وقالت لهم يبدلون وخلت خيريه تاخذ فراس وتلبسه )

- البست و انزلت الصاله لقت ام جاسم وهلا –
روان : السلام عليكم
ام جاسم : وعليكم السلام زين شفناج
روان : ( ساكته ماردت )
هلا : ( تغير الموضوع ) ها شكلج طالعه ؟
روان : اي بنروح انا وجاسم واليهال بيت خالتي عازمتنا عالغدى
ام جاسم : وليش ماعطيتوني خبر عشان ماحسب حسابكم ؟
روان : مادري خالتي انا الصبح دريت و..
ام جاسم : ( تقاطعها ) شنو الصبح دريت انتي عبالج انتو واحد ولا اثنين ؟ انتو خمسه وكلكم بتروحون كل هالأكل وين بوديه يعني ؟
هلا : يمه حصل خير عادي اشفيج
ام جاسم : شنو عادي كل شي عندكم عادي ( قامت واهي تتحلطم )
هلا : ميخالف روّون طوفيلها تره ماتقصد
روان : ( تبتسم ) لا عادي ماصار شي
هلا : ها اشلون امس ؟ كل شي تمام ؟
روان : ( ماعرفت شترد ) الحمدلله
هلا : ( ابتسمت ) الحمدلله

( دش جاسم )
جاسم : السلام عليكم
روان وهلا : وعليكم السلام
جاسم : ( قعد يم روان ) ها متى نروح ؟
روان : الحين بس يخلصون لبس
جاسم : على خير .. زين امي وابوي وين ؟
هلا : امي بدارها وابوي للحين مايه
جاسم : خل اقولها اني بتغدى بره
هلا : لا ماله داعي تونا قلنالها .. روحوا اخذوا راحتكم

( انزلو اليهال مع الخدامه )
جاسم : ( وقف ) يللا عيل مشينا
---

- بيت ابو محمد –

فجر : شنو هذا يمااا .. ماقدر على المحاشي بمووت حطيلي بصحن تصبيره
ام محمد : فجور طلعي من المطبخ و روحي شوفي يعقوب شنو لابس لا يفشلنا
فجر : يمه اشكبره شكو نشوف شنو لابس
ام محمد : ابي مره وحده اقولج شي وتسمعين الكلام .. خل اروح ابدل قبل لا اييون
فجر : اي يمه روحي فشله تقعدين بدراعه فيها ريحة طباخ
ام محمد : فجوور تراج طالعه من بطني اعرفج عدل .. تبيني اطلع عشان تحطين لج اكل بس يللا جدامي روحي بدلي انتي بعد
فجر : فديتها كله جاكتني .. يللا صج صج بروح البس ( راحت غرفتها )

- بعد فترة اوصلوا جاسم وروان واليهال -

ابو محمد : اهليين جاسم وعليكم السلام ( يسلمون على بعض خد بخد )
ام محمد : هلا وليدي اشلونك
جاسم : ( يبتسم ) الحمدلله بخير اشلونكم انتو
ام محمد : بخير دامكم بخير حياكم

( اقعدوا بالصاله .. روان اقعدت يم فجر واليهال راحوا غرفة يعقوب )
ام محمد : خيريه خلاص خلي فروس عندي وروحي مع اليهال
خيريه : اوكي ( راحت )
فجر : ( مقصره صوتها ) اشلونج ؟
روان : زينه
فجر : اشون الزواج
روان : ( طالعتها مده واسكتت )
فجر : اشفيج ؟
روان : ماكو شي بس مالي خلق ارد عليج
فجر : ( تحاول تلطف الجو ) اشهالنفسيه لا يكون حملتي ؟
روان : ( تخزها ) فجر اشفيج بالظبط
ابو محمد : ها يبه روان اشلونج ؟
روان : الحمدلله بخير
ابو محمد : مبين على جاسم خوش ريال تتهنون ان شاءالله
جاسم : ( يبتسم ) تسلم عمي
روان : ( قاعده تطالع جاسم اول ما طالعها بسرعه لفت ويهها )

- بعد الغدى روان اصعدت فوق مع فجر –
فجر : يللا سولفيلي
روان : اذا قصدج شنو صار فخل اختصر عليج واقولج ماصار شي
فجر : صج ؟؟!!
روان : اي والله ماصار شي
فجر : ليش؟
روان : ( عصبت ) وتسألين ليش؟
فجر : ادري روان بس خلاص انتي تزوجتي مايصير جذي و جاسم ريلج يعني ..
روان : ( تقاطعها ) ادري ريلي بس والله ماقدرت حاولت بس كل شوي بدر ايي على بالي وماقدر اسوي شي احس اني اخونه
فجر : ( انصدمت ) اتخونينه ؟؟؟!! انتي جذي قاعده تخونين جاسم حتى لو تفكرين ببدر مجرد تفكير هم يعتبر خيانه
روان : ( دمعت عينها ) ادري بس والله موبيدي كل ما اشوف جاسم يطري علي بدر واقعد اقارن بينهم وادري ان هالشي غلط بس مادري شسوي
فجر : تقارنين!!
روان : ( دموعها انزلت واهي معصبه ) اي اقارن .. اقارن بالشكل و بالعمر
فجر : اذا تبين تقارنين بشي قارني ان جاسم خذاج وعزج ورضى فيج وبخوانج وان بدر ماسواها
روان : خلاص فجر سكري هالموضوع
فجر : لا ماراح اسكره قاعده تقارنين بالعمر ومادري شنو وبدر اساسا حتى ما...
روان : ( قاطعتها ) أي اكيد اقارن بالعمر انتي تدرين ان طول عمري اتمنى آخذ واحد اكبر مني مو آنا اكبر منه
فجر : الريال بتصرفاته مو بعمره
روان : لو خطبج واحد اصغر منج توافقين ؟؟
فجر : ( ساكته )
روان : ردي علي ليش ساكته ؟
فجر : اي اذا زين ارضى ليش لأ
روان : والله انج جذابه واعرفج عدل ماكنتي راح ترضين
فجر : والله روان اللي سويتيه اهو الصح وتره مبين على جاسم انه ريال طيب واللي تسوينه فيه والله حرام
روان : ( زادت بجي ) فجر انا تعبت حرام عليج والله ماقدر اتحمل كل هذا احس اني مضغوطه لا تزيدين علي
فجر : ( اكسرت خاطرها ) روان آنا كل اللي قصدته انج تعطين جاسم فرصه عشان تحبينه كل مايطري بدر على بالج فكري بشي ثاني .. خلاص عاد روّون لاتبجين
روان : ( تمسح دموعها وتسكت شوي ) .... اهو كلمج ؟
فجر : روان اشفيج ؟؟ خلاص لاتتكلمين عنه انسيه انتي الحين متزوجه
روان : اذا كلمج سلمي عليه وطمنيني
فجر : اذا كلمني ماراح اقولج ولا ابيج تكلميني عنه لأن اللي قاعده تسوينه غلط

- دشت منال –
منال : روان جاسم يقول يللا بنمشي
روان : خلاص الحين انزل
منال : اوكي ( اطلعت )
فجر : عدلي شكلج الكحل صاير عفيسه
روان : ( اوقفت عند المنظره وعدلت مكياجها ) يللا انا رايحه
فجر : ( سلمت عليها ) ديري بالج ولا تفكرين بشي غير بيتج
روان : ( ماعلقت على جملتها ) اليوم مو ماتييون
فجر : أي اكيد راح انيي
روان : اوكي باي
فجر : مع السلامه

- أول ماراحت روان فجر اقعدت بطلت اللاب توب لقت بدر اون لاين –

Good Bye Beautiful Days :
السلام
Fjo0oOo0o :
هلا بدر
Good Bye Beautiful Days :
ها يت عندج ؟
Fjo0oOo0o :
اي توها راحت
Good Bye Beautiful Days :
واشلونها ؟
Fjo0oOo0o :
الحمدلله بخير
Good Bye Beautiful Days :
اكيد ؟
Fjo0oOo0o :
اي اكيد
Good Bye Beautiful Days :
فجر والله ماني قادر اتحمل ودي اسمع صوتها واقولها اني اهني
Fjo0oOo0o :
لا يويلك حرام عليك لا تعذبها اكثر الحين اهي متزوجه لا تسوي جذي
Good Bye Beautiful Days :
زين عالاقل بدز لها ايميل اتطمن عليها
Fjo0oOo0o :
ماتشوف ايميلات ولا تبطل النت .. فلا تتعب عمرك وخلاص خلها انت مو قلت لها اتشوف حياتها اشتبي الحين
Good Bye Beautiful Days :
والله تعبان فجر حسي فيني ودي ادزلها أي شي اتطمن عليها عالأقل
Fjo0oOo0o :
خلاص انا طمنتك عليها واهي بخير عفيه بدر لا تسوي جذي حرام عليك خلها تتعود على حياتها اليديده
Good Bye Beautiful Days :
خلاص اوكي
---

- بيت ابو جاسم –
( عزيمة العشى )
( روان كانت لابسه نفنوف طويل علاق وحيل ناعم لونه ذهبي على نحاسي ومسويه شعرها استشوار ومن فوق بف خفيف مع تاج نحاسي بسييط .. و حاطه مكياج برونزي ناعم .. كان شكلها وايد حلو)

ام علي : ( رفيجة ام جاسم ) ماشاءالله جنتج تهبل يستاهل جاسم
ام محمد : اي الله يهني ولدي
ام علي : اذا عندها اخت تره حجزتها من الحين حق عليوي
ام محمد : ( تظحك ) شنو ناويه اتزوجينه مره ثانيه

- فجر يت مع اهلها وثنتين من بنات خالتها فاطمه ( حريم كبار ) مع اعيالهم ويو بعد ثنتين من رفيجات روان اللي تعرفهم من ايام الثانويه و اقعدوا يمها وظحكوها حست ان اليوم حلو ومافكرت بشي وبعدين تعشو ومشو الناس –

هلا : الرياييل للحين بالدوانيه والساعه 11 تأخر الوقت ما اتوقع بتروحون بيتكم اليوم
روان : مادري اهو قال اليوم .. خل اروح ابدل واكلمه
هلا : اوكي

( روان اصعدت فوق لقت خيريه منومه فراس ومنال مبدله ملابسها ومنسدحه )
روان : منول لا تنامين بدق على جاسم اشوف انروح بيتنا ولا لأ
منال : اوكي
روان : ( دقت على جاسم ) الو ؟
جاسم : الو هلا
روان : اقول جاسم اليوم بنروح بيتنا ؟
جاسم : لا باجر بعد الغدى احسن لأن الوقت تأخر ومشاري كاهو يمي ومبين عليه نعسان
روان : اوكي خلاص
جاسم : روان
روان : هلا
جاسم : لا تبدلين بشوف شكلج
روان : ( ساكته )
جاسم : زين ؟
روان : اوكي
جاسم : يللا باي ربع ساعه واصعد

( روان سكرت التلفون وقلبها يرقع ودها تبدل وتنام قبل لا يرجع )
منال : ها اشقال ؟ انام ولا انطر ؟
روان : لا نامي باجر بعد الغدى نمشي
منال : ( تلحفت وغمضت عينها ) اوكي
روان : خيريه حطي فراشج اهني بالارض عشان اذا قام فروس تشوفينه لأني ماراح انام اهني
خيريه : اوكي ( راحت اتييب فراشها )

( تمت روان قاعده وخايفه وماودها تروح تقوم بس بتتعوذ من ابليس وتروح .. خذت ملابسها وطفت جهازها مغلق وحطته بالدرج وراحت غرفة جاسم )
- تمت قاعده بالغرفه وكل ما تتذكر بدر تخنقها العبره وتفكر بشي ثاني .. بعد شوي دش جاسم –
( أول مادش طالعها وقعد يبتسم واهو بعيد )

جاسم : اشوف قومي اوقفي
روان : ( قامت اوقفت وريلها ترجف )
جاسم : ( مشى لين صار جدامها ومسك ايدها وباسها ) طالعه وايد حلوه
روان : ( ساكته )
( جاسم قرب منها يبي يبوسها جان ترجع لي وره )
جاسم : ( بصوت هادي ) اشفيج روان ؟
روان : ( بدت ترجف ) مافيني شي
جاسم : زين يللا بدلي
روان : اوكي ( راحت خذت ملابسها وبتدخل الحمام – عزكم الله - )
جاسم : وين ؟
روان : ببدل
جاسم : بدلي اهني ماراح اشوف
روان : لا لأني بغسل بعد و..
جاسم : لا تغسلين عاجبني مكياجج
روان : اوكي ابدل وارجع ( دشت الحمام )

( جاسم ابتسم وفصخ دشداشته وانسدح .. روان اطلعت من الحمام لابسه قميص طويل علاق وكانت حييل مرتبكه ومتضايقه )
جاسم : ( يبتسم لها ويطق عالسرير يمه ) تعالي
روان : ( انسدحت بس بعيده عنه )
جاسم : ( انسدح على جنب ورفع جسمه شوي وسند راسه على ايده وقعد يطالعها ) روان
روان : ( طالعته وقلبها يدق بسرعه ) هلا
جاسم : تدرين انج قمر
روان : ( لفت ويهها وطالعت السقف )
جاسم : سولفي
روان : عن شنو ؟
جاسم : عن العشى اليوم منو يه وشنو صار
روان : ( للحين اتطالع السقف ) يو رفيجاتي وفجر وبنات خالتي الكبار و..
جاسم : ( قاطعها وقعد يطالع فوق ) لحظه شنو فيه
روان : ( طالعته ) شنو؟
جاسم : مادري انتي قاعده اتطالعين السقف قلت يمكن فيه شي متعلق
روان : ( اظحكت ) لا مافي شي
جاسم : اتهبل ظحكتج و نادر اشوفها
روان : ( اسكتت وتمت اتطالعه )

( قرب منها باسها جان اتدزه عالخفيف من صدره بس كمل وماوخر لين هدت وتجاوبت معاه .. بعد 5 دقايق دزته عنها حيل )
روان : ( بصوت عالي ) وخر خلاااص مابي ( قامت اقعدت وتلحفت عدل )
( جاسم حقرها قرب منها جان تدزه )
روان : ( اقعدت تبجي ) اقولك وخر عني مابي ماابي
جاسم : ( يطالعها وحييل تنرفز ) انتي مرتي شنو مابي
روان : مابي خلاص الله يخليك
جاسم : ( يكلمها بهدوء ) روان انتي مو صغيره يعني اتعرفين ان هذا شي لازم يصير
روان : مو مستعده حاليا خلاص خلني على راحتي
جاسم : ( معصب ) شنو اخليج على راحتج انتي اصلا مو ناويه تستعدين
روان : بلى بس مو الحين الله يخليك عطني وقت
جاسم : لي متى يعني ؟
روان : مادري الله يخليك خلني جم يوم والله اوعدك اني راح اصير احسن
جاسم : ( ساكت يطالعها مده بعدين انسدح مكانه وعطاها ظهر )

( روان تمت تبجي بصوت واطي لأنها موقادره ترضيه )

- اليوم الثاني بعد الغدى ارجعو بيتهم واليوم اللي قبله كانوا مخلين الخدامه تنظفه وتسنعه –
( منال ومشاري حيل استانسو وكل واحد راح غرفته يركض )

روان : شفتهم اشلون مستانسين
جاسم : ( للحين منفس من سالفة امس ) اي

( روان اصعدت معاه غرفتها وكانت كبيره ( ماستر مع حمام ) و فيها سرير بونفرين )
روان : هذي غرفتي .. اقصد غرفتنا
جاسم : راح انغير اثاثها لأن شكله بناتـّي وايد
روان : ( ابتسمت ) اوكي
--

- مر اسبوع اليهال ردو المدرسه وجاسم كل يوم يعطيها ظهره وينام وماحاول يقرب منها –
( بالليل جاسم واليهال قاعدين بالصاله يطالعون تلفزيون وروان بالمطبخ )
جاسم : ( ينادي ) خيريه خيريه
خيريه : ( يت ) نام بابا
جاسم : ( عطاها فراس ) روحي نوميه ونامي خلاص
خيريه : اوكي
جاسم : ها شباب ماتبون تنامون ؟ باجر مدرسه
مشاري : لاااا .. خل انشوف الفلم معاك
جاسم : باجر راح اقعدك مبجر مو تقوولي خلني انام تره اسويلك ضربتي الساحقه
مشاري : ( يظحك ) اشلون ورني
جاسم : تبي تشوف متأكد ؟
مشاري : اي متأكد
جاسم : ( نط على مشاري وقعد يسوي روحه ياكل كرشته )
مشاري : ( ميت ظحك ) خلاااص خلاااص والله راح اسويها على نفسي هدني خلااااص
جاسم : تستسلم ؟؟؟؟
منال : ( تطالعهم وتظحك ) اي صج خله الحين يسوي شي يفشل اهو كله جذي
جاسم : ( وخر عنه ) لا يحوشك يبخر الصاله بعدين
( مشاري ومنال اقعدو يظحون بعدين راحو ينامون )

( قام جاسم راح حق روان بالمطبخ لقاها واقفه اتطالع كبت الصحون .. راح وراها وحط ايده على بطنها و لمها وقعد يشم شعرها من وره روان بغت اتوخر بس ماخلاها )

جاسم : لا تتحركين خلينا شوي جذي
روان : جاسم هدني اليهال بالصاله
جاسم : ( بصوت هادي ) اليهال نامو .. ( باس راسها من وره وارقبتها ولمها اكثر )
روان : ( ماقدرت تتحمل بتوخر عنه بس ماهدها ) جاسم هدني
جاسم : ( هدها وتم يطالعها بس نظراته كانت تخوف و غير عن كل مره )
روان : انا مو قلتلك خلني على راحتي ؟
جاسم : ( يصرخ ) انتي ليش وافقتي عالزواج اذا ماكنتي قده هاا ؟
روان : جاسم انا ..
جاسم : ( يصرخ واهو مقهور ) انتي ثلج مافيج مشاعر لا والله انتي ابرد بعد لأن حتى الثلجه لو مسكناها تذوب ( طلع من البيت وخلاها واقفه ودموعها تنزل )

- روان راحت غرفتها ودقت على فجر وقالتلها عن اللي صار –
فجر : والله مادري شقولج .. انتي وايد غلطتي بحقه حاول يعطيج فرصه ومايقرب منج بس هم نفس الشي ماصار منج أي تغيير
روان : ( تبجي ) فجر ماقدر والله كل مايلمسني احس ان بدر موجود ويطالعنا
فجر : خلاص عاد ذبحتينا ببدر انتي الحين تزوجتي جاسم لا تييبين طاري بدر لا تخونين ريلج روان فهمي عاد
روان : ( تبجي ) والله نفسيتي تعبانه حتى البيت تعبني زياده كل شي يذكرني فيهم حتى المواعين كل شي
فجر : تعوذي من ابليس وروحي نامي الله كريم تنحل الامور ان شاءالله
روان : ان شاءالله .. اوكي اخليج الحين باي
فجر : باي
--
( انسدحت اتحاول تنام مو قادره لين أذن الفير قامت صلت ودعت ربها ان يريحها من اللي اهي فيه ويقدرها ترضي زوجها خلصت صلاة و اقعدت عالسرير تحاتي جاسم .. خذت التلفون ودقت عليه )

جاسم : ( باسلوب ناشف ) نعم ؟؟
روان : ( بصوت واطي ) وينك ؟
جاسم : موجود اشبغيتي ؟
روان : بغيتك ترجع البيت
جاسم : ليش يعني ؟ عشان احرسكم انتي واخوانج ؟
روان : ( تضايقت من كلمته بس اعذرته ) لا عشان اكلمك
جاسم : كلميني الحين سامعج
روان : لا ابيك اتيي
جاسم : ( سكت )
روان : جاسم ؟
جاسم : هلا
روان : ناطرتك
جاسم : نص ساعه وايي


تحياتي
ReRez
-------------------------------------------------------------
بنات اللي تقول ان هذا قصير لا تكلمني لأني جد زعلت عليها من الحين
ولأ ماكو بارت اليوم وتره طولته لكم تعويض وماقدرت اكتب شي زياده sorry :tek:

 

[الليدي ديانا]

في بارت بالليل؟

 

[ReRez]

بنااااااااااات مشكووريييييييين فردا فردا عالتفاعل وادري كلكم منقهرين من روان بس والله ماتنلام
واللي يحب شخص ويتزوج ثاني راح يفهم شعورها بهاللحظه بالذات .. وبعد البيت ذكرها بأهلها وتعب نفسيتها زياده


<< وايد اتدافع عن رفيحتها :×

--

ومشكوووووووووووووووووووره ريمووه لأنج فاهمة رفيجتي ودانيا بعد

ومشكورين كلكم لأنكم زفيتووها تموونوون ميخالف :×

 

[رفاعية19]

واااااااي ميتة بعرف شنو يصير بعدين!!!!!!!

 

[مـ سهله ـو]

وااااااااااااااااااااااااااااااااااي كسر خااااااطري جاااااااسم

خلاص الله يعييين روان وينسيها بدر يارب يارب

يعطيج العافيه يا قلبي

 

[صباح الليل]

البارت عجييييب
ريريز غيرت رايي هذي احلى بالف مره من الفتاة الهاربه
انتي مبدعه وافضل كاتبه قريت لها بحياتي
متى بتنزلين كتابج اللي فيه رواياتج
شكلي بشتري كل النسخ(اشفيها المشفوحه مو شايفه خير خخخخخخخخ)
انا وايد متعاطفه مع جاسم ومعصبه على روان
حرام شنو ذنب الريال تعذبه معاها .

البارتات كل مالها تحلو اكثر
الله يصبرنا لي باجر

 

[بلووونه]

جاسم مسكيييين والله يكسر الخاطر
مشكوووووووووووورة ريري على هالبارت حياتي انا بعد امس كان معلق الموقع معاي اشوا إن اليوم شبك لأني استانست

 

[SoS <3]

llllllll2 9Raaaaaa7a alPaRt 3jeeeeeeeeeeeeeeB msHKoRa ReRe

Bs Rwaaaaaaaan 9j 9j ma Ynf3 Jtheee 5eeeeR T7s Enha T5oon Bdr
wHya T5oN jaaaaaaaaaseem Mo Bdr wllaH eNH msKeeeeen ylla 5leHa Tra'9eeH w al7een <<loooooooool
a8ool Jasem a9'3r mNha bjm sna ? w aKo PaRt alyuom =D

 

[madam_chocolate]

آنا وحده حدي ماااااااااااااااااااااااااألوم روان وحاسه فيها حيييل

(مع إني الحمدلله مانحطيت بموقفها)) بس هم جاسم ماله ذنب مايستاهل..


وعلشان منو!! بدر الي تخلى عنها بكل سهوووووووووله!!! ( مع إني ليلحين ودي تكون له>>شلون مادري،،المهم ضايق

خلقي عليها وبدر حده قاثني وباط جبدي>>>تكفه ريريزووووو عطيني إيميله خل أسفل فيه وأطلع كل حرتي
:eh_s(14):

الله يهون عليها يارب ويسهل الأمور

ريريز حدج كنتي قاثتني ليش مانزلتي أمس بارت بس يوم شفت البارت توه وقريته بردتي قلبي طويييييييييييييييييييل

إن شاء الله كل بارتاتج كل يوم جذي_03BA:​

 

[العروس الضايعه]

هيا اخيراااا شبك معاي المنتدى وقريت البارتات
مشكوره ريري حبي
حياتي والله اكسرو خاطري مادري اوقف مع جاسم ولا روان كلهم واعليا الله يهديهم لبعض انشاءالله ويقدر جاسم ينسي روان هالبدر
ناطرين البارت شكلها القصه كل مالها وتشوق

 

[baby johnson]

ريررررررررررررررررررررررررررررري
لاتشوووووووووووووفيني شلوون متشققه من الونااااااااااااااااااااااااااسه
حبيييييييييييييييييييييييبتي مشكووووووووووووووووووره



امبيه احس ناااااااااادته تبي تراااضيه
بعد هم مسكين ريال ماله ذنب



مشكووووووووووره
والبارت ايننننننننننن مو قصير لالالالالالا خوش باارت
وكل مره نبي جذي بلييييييييييييييييييييييييييييييييز

 

[×...Fa6o0oma...]

حمد الله على سلامة المنتدى زين تبطل واااه مابقى:tomato2:

ريريز تسلمين على البارت حده عجيب

بس روانووووووه بطت جبدي مال تهديني عليها وانا اخليها تنسى بدير_03BA:

 

[لسـع ـة شقاوهـ]

تسلمين حبـيـبتي ريرز عالبارت اللي يبرد الجبد ~~

روان احسن قاثتني وبنفـس الوقت كاسـره خـاطري ...!

حرااام جاسم مــا يستاهل اللي تسويه فيه روان ~~

ناطرين البارت ....

:tek:

 

[dloooo3_89]

السلام عليكم أختrerez
الصراحة أبدعتي سواء في هالقصة أو الفتاة الهاربة من جميع النواحي
وبالنسة لروان صراحة رافعة ضغطي اهي متعبة روحها بروحها بما أنها اختارت تعيش حق غيرها ختكمل إحسانها وتسعد جاسم شنو ذمبه ​

 

[عــاشــقــه]

ثآنكس على آلبآرت

 

[madam_chocolate]

واااااااااي ليش بعض البنات موحاسين بروان والله كسرت خاطري زياده( بس طبعا مو إني مأيدتها،لأن جاسم ماله ذنب )

 

[girl0lisheis]

ثانكس ع البارات ناطره البارت الياي