روايتي الثانية ...(( ضاعت حياتي بلحظة )) ... قصة واقعية .. ReRez

[فوز وفواز]

عسى المانع خير انشالله ياريريز

 

[com-teacher]

بنات توه فتح معاها الموقع
الحين قاعده تنزله

 

[PorscheGirl3]

يــــــآ رب مايسكر نبي البارت
وااااي صارلي يومين احاتي اذا جاسم دره ولا لا

 

[cute princess]

بنات ترا كاهي ريريز توها تبطل معاها الموقع كان معلق وصارلها اكثر من ساعه وشوي قاعده تحاول تبطله .....
تبطل معاها الحين بس على ما تنزل البارت قالتلي اقولكم جذي :>
عاد ادعو الموقع ما يتنح وينزل البارت بسرعه :×

 

[miss fa6om]

ايواا ايواا ماراح انام الا لما اقرى البارت > انشاااالله xd

 

[ma3boocha]

مستخدمين موجودين حالياً يشاهدون الموضوع: 57 (27 أعضاء و30 ضيوف)
ma3boocha, ρüяε pάŜşioη, مياسين الحب, baby johnson, ام الفناتك, ام سديم, dlo3t^baba, fa6m al-s, fllaa, حشمه, خـوخه, دنيتي غريبه, حور الجنان, NaB'9 QaLBi, رفاعية19, رفيف الورد, PorscheGirl3, ReMaaas^MLS, SoS <3, the baby, غمـــ ^^ ـــازه, UNiQe^PRiNceSs, فوز وفواز, فوفو الحلووه**, نبض روحك, قلب فصوااالي, كيكة حبيبي






مااااااااااااااااا شااااااااااااااااااااااااااء الللللللللللللللللللللللللللله


القصه عامره

 

[!pink-card!]

enshala ma y3l8

na6reeen

 

[miss disaster]

( العضوات 29 والزائرات 32)
‏the baby, ‏!pink-card!, ‏مياسين الحب, ‏baby johnson, ‏الدانــه, ‏dlo3t^baba, ‏fa6m al-s, ‏fllaa, ‏خـوخه, ‏دنيتي غريبه, ‏حور الجنان, ‏jegrom, ‏joory-82, ‏M!sS roo7 alm!sk, ‏MacIaToOo, ‏n00ni, ‏NaB'9 QaLBi, ‏رفاعية19+, ‏رفيف الورد, ‏om_7amo0od, ‏PorscheGirl3, ‏Sara.M, ‏shaja, ‏عثمان حبي, ‏UNiQe^PRiNceSs, ‏فوفو الحلووه**, ‏zooz92, ‏نبض روحك, ‏قلب فصوااالي


ناطريين

 

[تنـــاســـانــي]

الله يعينها ،، صج صج الموقع مهنق و بطيئ مو منها التأخير

 

[baby johnson]

الذين تشاهدون محتوى الموضوع الآن : 59 ( العضوات 28 والزائرات 31)
‏baby johnson, ‏مياسين الحب, ‏الدانــه, ‏dlo3t^baba, ‏fa6m al-s, ‏fllaa, ‏خـوخه, ‏دنيتي غريبه, ‏حور الجنان, ‏jegrom, ‏joory-82, ‏M!sS roo7 alm!sk, ‏MacIaToOo, ‏n00ni, ‏NaB'9 QaLBi, ‏nalrashidster, ‏رفاعية19, ‏رفيف الورد, ‏زمرد, ‏om_7amo0od, ‏PorscheGirl3, ‏Sara.M, ‏shaja, ‏the baby, ‏UNiQe^PRiNceSs, ‏فوفو الحلووه**, ‏نبض روحك, ‏قلب فصوااالي

 

[SoS <3]

Naaa6ReeeeeeeN

 

[ReRez]

التأخير مو مني من النت عندي حددده بطيء كله من الوصله اللي عندي ماكان يدش معاي كلش
-----


** البارت الثاني والعشرون **

- نص ساعه اقعدت تبجي وعقب ماهدت غسلت ويهها و اطلعت –

دشت الصاله لقت جاسم قاعد عاللاب توب وعيونه عالشاشه .. شافته حست الدنيا تفتر وريلها ترجف .. جاسم حس فيها جان يرفع راسه ويطالعها

جاسم : ( أشر عالقنفه ) تعالي قعدي يمي
روان : ( خايفه ) اشفيك؟
جاسم : تعالي يمي اشفيج واقفه بعيد
روان : ( غصب تمشي وراحت يمه بس تمت واقفه )
جاسم : ( يطالعها ) روان اشفيج ؟ قعدي
روان : ( اقعدت يمه وعينها عالارض مو قادره اتشوف اللي قاعد يشوفه )
جاسم : ( يأشر عالشاشه ) عطيني رايج أيهو أحلى ؟
روان : ( ارفعت راسها وشافت الشاشه ولا يطلع موقع السينما سينسكيب .. طالعت جاسم وتحس ودها تبجي )
جاسم : ( يبتسم ) ها أي فلم أحسن؟ انا محتار بين هالأثنين
روان : ( للحين تحس ريلها ترجف ) مادري كيفك اثنينهم زينين
جاسم : يعني اختار على ذوقي ؟
روان : اي
جاسم : زين .. بختار الساعه 7 ونص .. ونودي اليهال بيت خالتج اوكي؟
روان : اوكي
جاسم : اشفيج ماودج تروحين ؟
روان : ( تبتسم ) لا لا عادي
جاسم : اكيد ؟
روان : اي اكيد
جاسم : ( حوطها بيده وخله راسها على جتفه ) دام اكيد عيل خل نختار فلم مع بعض مابي اختاره بروحي .. بعدين يطلع مو حلو وتقطينها براسي
روان : ( بقلبها ) آسفه والله ماتستاهل اللي اسويه فيك
----

- بيت ابو جاسم –

ام جاسم : يمه اشفيه حسن معاج ؟
هلا : ( ساكته )
ام جاسم : انا امج حبيبتي قوليلي اشفيج ؟ ادري انج يايه من البحرين وانتي زعلانه بس ليش شالسبب ؟
هلا : يمه حسن بيتزوج علي
ام جاسم : ( مصدومه ) شنو !!!؟؟
هلا : ( عيونها اتدمع ) اي يبي عيال وانا ماقدر اعطيه اللي يبيه
ام جاسم : ( معصبه ) الله ياخذه
هلا : يمه لا تدعين عليه هالشي منحقه
ام جاسم : زين انتو مو سافرتو تتعالجون ؟ ليش ماينطر يمكن تحملين
هلا : ماكو فايده .. وخلاص قرر يتزوج
ام جاسم : ( ساكته متضايقه )
هلا : يمه خلاص حياتنا صارت كلها نجره وهواش .. صاير يكرهني لأني ما اييب عيال .. خلاص خليه يتزوج كيفه
ام جاسم : واهو قاعد يدق عشان يبيج ترجعين ؟
هلا : اي بس انا ما اتحمل اكون يمه واهو متزوج .. ابي اتطلق
ام جاسم : ( انصدمت ) شنو؟؟!!
هلا : ( دموعها انزلت ) اي يمه ابي اتطلق خلاص والله ماقدر اتحمل
ام جاسم : يمه تعوذي من ابليس وخليج مع ريلج
هلا : لا مابي خلاص و لا تجبروني ارجع .. انا ييت اهني عشان ارتاح لا تضغطون علي
ام جاسم : الله يهديج وترجعين حق بيتج ريلج
هلا : خلاص يمه مابي اتكلم بهالموضوع ( قامت وخلتها )
---

- بيت روان وجاسم –

روان : ( صوتها يرجف ) فجر ماقدر اعلي صوتي بس تخيلي كان قاعد عاللاب توب والله حسيت اني بغيت اطيح غشيانه .. شسوي لو كان شايف شي ؟؟
فجر : اهدي خلاص الحمدلله ماصار شي .. وبعدين افرضي على يوم طلب الباس وورد .. عفيه روان مسحي كل الايميلات وانا راح اكلمه واقوله لا يخرب حياتج
روان : خلاص الحين لازم اروح ابدل بنقط اليهال عندكم اوكي؟
فجر : اوكي
روان : باي ( سكرت الخط )

- راحت حق منال –

روان : يللا حبيبتي منول بدلي ملابسج بنقطكم انتي واليهال بيت خالتي حصه
منال : وانتي ماراح تيين معانا ؟
روان : لأ .. انا بطلع مع جاسم
منال : اوكي انا مابي اروح خلوني اهني
روان : منول عمري ميخالف شوي ماراح اطول وارجع اخذكم
منال : اهناك كله صبيان وفجر كله عالنت محد يقعد معاي
روان : قعدي مع خالتي .. و والله ماراح اطول وعد
منال : ( معصبه ) شنو اهو غصب يعني ؟ مابي اروح .. روحو وخلونا اهني مع خيريه
روان : لا مايصير
منال : بلى يصير
روان : ( بصراخ ) خلاص منال لا تيننيني قومي لبسي لا تأخريني ( خلتها واطلعت )
منال : ( قامت وسكرت باب غرفتها حيل )
روان : ( واقفه عند الباب ) لا تتأخرين ربع ساعه كوني تحت
جاسم : اشفيكم ليش اصواتكم عالية ؟
روان : منال ماتبي تروح بيت خالتي
جاسم : وخري شوي ( يطق الباب ) منوله بطلي الباب
منال : ( تبجي ) اشتبون الحين ؟ خلاص راح البس
جاسم : انتي بطلي شوي
منال : ( بطلت الباب وويها احمر ورموشها مبلله ) نعم ؟
جاسم : ( يطالع روان ) ممكن تخلينا على انفراد ؟
روان : على شنو ؟
جاسم : ( يظحك ) على انفراد .. تره انا مثقف اعجبج
روان : ( تبتسم ) اوكي اخليكم رايحه اشوف الثاني جهز ولا للحين قاعد عالبليستيشن ( خلتهم وراحت )
جاسم : ( يكلم منال ) تره احنا ماكنا بناخذج معانا لأن الفلم رعب قلت يمكن ماتنامين بالليل
منال : بس انا مو صغيره عادي ماخاف
جاسم : لا الفلم هذا حتى الرياييل يخافون منه .. المهم انا الحين قمت اشوف الافلام بالموقع جان القى واحد ثاني كوميدي .. عاد الحين بناخذج معانا
منال : ( تغيرت ملامحهها ) بس روان ماتبيني ايي معاكم
جاسم : اصلا اهي اللي اقترحت هالشي .. بس انا قلت لها الفلم رعب خليها تروح بيت خالتها احسن بس الحين راح نروح كوميدي ونبيج معانا
منال : ( ابتسمت )
جاسم : يللا لبسي ناطرينج تحت
منال : اوكي
---

- بيت ابو محمد –

فجر : ( تتكلم بالتلفون ) اللي سويته اكبر غلط .. ترضاها على مرتك؟
بدر : انا ماراح اتزوج
فجر : لو نفرض انك تزوجت ترضى مرتك تكلم حبيبها اللي قبل ؟؟
بدر : انا ادري انها دزت الايميل من وره قلبها وادري انها راح اتدق علي بس انتي لو شوي تسكتين عنها .. والحين انا مشغول ماقدر اكلمج
فجر : لا انت غلطان اهي ماتبي تكلمك ولا بتشوفك وانا ماراح اسكت عنها لأن اللي تسويه حرام واذا خربت حياتها شنو راح تستفيد ؟
بدر : فجر جد مشغول اخليج الحين اذا ممكن
فجر : لو عندك شي اتقوله جان قلته بايميل وخلاص .. بس اللي تبي تسويه انك تعور قلبها وتخرب حياتها
بدر : لا مابي اعور قلبها بس ابي اطلبها طلب واحد .. و بعدها بخليها على راحتها .. وانا اعرف اشلون اخليها تكلمني
فجر : ( بعصبيه ) بدر انت ... معاي خط ثاني باي ( ردت على روان )
روان : الو احنا بره فجو الباب لهم
فجر : اوكي .. روان ديري بالج اوكي
روان : اوكي مع السلامه
---

- عند روان –

مشاري : ليش ماتنزل منال ؟
منال : كله صبيان اهني و انا بروح معاهم
مشاري : وين بتروحون ؟
منال : بنروح ..
روان : ( ماخلتها تكمل ) مشاري حبيبي يعقوب ناطرك بيلعب معاك ماتبي تروح له ؟
مشاري : بلى
روان : يللا عيل انزل ودير بالك على اخوك احنا بنروح شوي السوق ونرجع
مشاري : اوكي ( راح مع خيريه وفراس )
----

- سيارة بدر –

( بدر واقف بعيد يطالع اليهال انزلو من السياره وروان وبدر ومنال مشو .. وقعد يلحقهم من بعيد )

بدر : ( ماسك السكان بعصبيه ) اذا الايميل مافاد اكيد شوفتي راح اتخليج تكلميني
---

- اوصلوا الفنار وانزلوا .. اصعدوا فوق حق السينما –

جاسم : ( حجز 3 تذاكر ) الفلم بعد ربع ساعه امشوا نقعد بالكافتريا
روان : اوكي

( بدر كان وراهم بس ماشافته روان .. راح عند شباك التذاكر )

بدر : لو سمحت ابي حجز يم الجماعة اللي قبل شوي
الموظف : ( طالعه ) اتعرف أي فلم بيدشون ؟
بدر : انت اللي تعرف .. توهم حاجزين عندك
الموظف : بس اهم مكان عائلي مايصير
بدر : زين انت بس ورني وين بيقعدون وخلاص انا اختار
الموظف : انت تبي تشوف الفلم ولا شنو بالظبط ؟
بدر : ( معصب بس ماسك اعصابه ) انا بدفع فلوس وادش الفلم مو شغلك اذا بنتبه عليه او لأ
الموظف : ( قصر الشر و سواله اللي يبيه )

( روان ومنال اقعدو على طاوله )

جاسم : شنو تبون ؟
روان : انا ابي عصير برتقال بس
جاسم : وانتي ؟
منال : ابي بوب كورن كاراميل وعصير
جاسم : اوكي ( راح يشتريلهم )
منال : ( تبتسم ) جاسم طيب وايد
روان : اي وايد
منال : انا مستانسه ان ساكن عندنا

( روان ابتسمت لها .. واول ماشافت جدامها ولا تختفي ابتسامتها وقلبها اتحس ان راح يطلع من مكانه .. لقت بدر قاعد عالطاوله اللي جدامها وكان يطالعها و مبين عليه ان حيل معصب وعيونه صايره حمر )

روان : ( حست الدنيا ظلمت عندها وويهها تغير لونه ) يارب سترك
منال : اشفيج ؟
روان : ( تحاول تكون طبيعيه ) لا ماكو شي
منال : بلى فيج شي

( يه جاسم وقعد جدام روان )

جاسم : ها نقعد شوي اهني ولا اندش القاعه من الحين ؟
روان : ( ساكته وقلبها يرقع )
منال : مادري كيفكم
جاسم : روان ؟ اشفيج ساكته
روان : لا ماكو شي
جاسم : انقوم اندش القاعه ؟
روان : اوكي
جاسم : ( وقف ) يللا عيل قوموا
روان : ( اوقفت جان تحس ان الدنيا تفتر ردت اقعدت مره ثانيه )
جاسم : ( حط الجياس عالطاوله ومسك ايدها ) اشفيج ؟؟ تعبانه ؟
روان : لأ بس دخت شوي
جاسم : تبين نرجع البيت ؟
روان : ( طالعت منال ) لا لا مافيني شي كاني قمت
جاسم : ( تم ماسك ايدها ومشوا مع بعض ) اذا تعبانه قوليلي تره نرجع عادي
روان : ( ريلها ترجف مو شايلتها بس تحاول تمسك اعصابها ) لا بس شوي دخت لا تحاتي
منال : ليش فجأه دختي ؟
روان : ( ماردت عليها بس قاعده تفكر ببدر وليش لاحقها )

- دشو القاعه اقعدت وبدر قعد يمهم بس بقسم الشباب وكان يفصل بينه وبين جاسم ممر .. لأن جاسم كان مختار انهم يقعدون عالطرف .. واهم قاعدين شافت تلفونها ولا فيه مسج ماكانت منتبهه عليه بطلته وايدها ترجف –

( المسج كان من بدر وهذا اللي مكتوب فيه )

" كنت اتمنى اني اكون مكانه .. بس الظروف كانت اقوى"

( روان اول ماقرت المسج امسحته على طول )

روان : ( تبتسم غصب ) يحليلها فجر
جاسم : اشفيها ؟
روان : ( اتحاول تسيطر على نفسها ) ماعندها سالفه تسألني عن اسم الفلم
جاسم : يحليلها
روان : ( اكتبت حق فجر مسج وايدها ترجف )
" فجر .. بدر اهني بالسينما وانا وايد خايفه .. شسوي ؟ "

( روان دزته بس طلع لها لم يتم الارسال لأن السيرفس بالسينما كان طايح )
-----------------------------------------------

لحد يزف ويقول قصير .. والله عندي شغل لي راسي ماقدرت اكتب عدل

 

[<> إيلاف الكويت <>]

الذين تشاهدون محتوى الموضوع الآن : 64 ( العضوات 30 والزائرات 34)
‏<> إيلاف الكويت <>, ‏مليحة الكويت, ‏مياسين الحب, ‏alMzYona, ‏B!g Sm!le, ‏baby johnson, ‏ام سديم, ‏dlo3t^baba, ‏fa6m al-s, ‏fllaa, ‏حشمه, ‏خـوخه, ‏دنيتي غريبه, ‏حور الجنان, ‏M!sS roo7 alm!sk, ‏ma3boocha, ‏miss-sponga, ‏NaB'9 QaLBi, ‏رفاعية19, ‏رفيف الورد, ‏PorscheGirl3, ‏Sara.M, ‏SoS <3, ‏the baby, ‏عثمان حبي, ‏UNiQe^PRiNceSs, ‏عزيزه النفس, ‏فوفو الحلووه**, ‏نبض روحك, ‏قلب فصوااالي




ماشاءالله .. وناااااسه :>

 

[ReRez]

الذين تشاهدون محتوى الموضوع الآن : 63 ( العضوات 30 والزائرات 33)
‏ReRez, ‏ملاك العذاب, ‏مياسين الحب, ‏B!g Sm!le, ‏ام سديم, ‏dlo3t^baba, ‏emo'z, ‏تنـــاســـانــي, ‏fa6m al-s, ‏fllaa, ‏خـوخه, ‏حور الجنان, ‏Low_Fat, ‏M!sS roo7 alm!sk, ‏MacIaToOo, ‏رفاعية19, ‏رفيف الورد, ‏om_7amo0od, ‏PorscheGirl3, ‏Sara.M, ‏SoS <3, ‏عثمان حبي, ‏UNiQe^PRiNceSs, ‏WorldGirl, ‏فوفو الحلووه**, ‏zooz92, ‏همسات ليالي, ‏نبض روحك, ‏قلب فصوااالي, ‏كيكة حبيبي
------------------

لووووووووووووووووووووووووووووول اهم شي اني كسرت بهال 63 وماصار طاخ طيخ وكان يطالع موقع سينما فقط لا غير
:dddds: :dddds: :dddds:

 

[!pink-card!]

thx taty

 

[NaB'9 QaLBi]

thaaaaaaaaaaaaaanx roro 3la alpart
o allah y36eech al3aafya ma greta nw bgraah ;******8

 

[PorscheGirl3]

قصـــــــــــــير ريزيز عفيه نبي بارت طويل:yaaaaaarb:
احنا نطرنـــا واايد
اشوه انه مادره
امبي بدر يبط الجبد ابي اذبحه شنو مايفهم هذا :eh_s(12):
خلاص الحين روان بذمه ريال ثاني:bbbiu:

 

[B!g Sm!le]

البارت روووووعه روووووووعه
بس قعدني على اعصابي وقلبي يرقع لووووووول
وترى مو قصير .. يعطيج العافيه فديييتج

 

[همسات ليالي]

ابدااااااااااااااااااااااااااااااااااااااااااااع في ابدااااااااااااااااااع

بس

لا تنسينا باجر بارررررررررررت طويل

وماشاء الله شوفي اللي تحت شكثر متابعين القصة

 

[Low_Fat]

لووووووووووول ضحكني لما قريت انه قاعد يطالع موقع السينما وكل البنات مختبصين على روان
مسكييييينه باط جبدي اشيبي ويييييييع