روايتي الثانيه (عهدي مع الايام)(واقعيه)

[@أحلاهم وأتحداهم@]

ويتنق قلبي

فديت قلبج :hjy5jewf:

 

[@أحلاهم وأتحداهم@]

مشكووووووووووووووووووووورة احلاهم على بارتات والله وصلتي كانت منفصله بس كنت احاتيج وااااااايد والحمدالله انج بخير

حياتي والله كنت تعبانه شوي والحمدالله الحين احسن
بسميج سارووونه الحنونه
الله يسهل عليج انشالله

 

[@أحلاهم وأتحداهم@]

رد: رد : روايتي الثانيه (عهدي مع الايام)(واقعيه)

واااااااااااااااي البارت عجييييييييييييييييييب
بس الله يستر من مسجات طلال لا تخرب علا المعاريس
ناااااااااااطرينج

امممم شكلج ماقريتي البارت التاسع انا نزلت بارتين

 

[@أحلاهم وأتحداهم@]

مشكوووووووره عالبارت يعطيج العافيه
واااي اخيرااا بترتاح ليال بس الله يسترر من مريم !
وناطرينج حبيبتي . . لا تطولين علينا

العفو ياقلبي بس لو ليال بترتاح جان ماكتبت رواية
وياليت الكل يستفيد من الاحداث اليايه

 

[@أحلاهم وأتحداهم@]

رد: رد : روايتي الثانيه (عهدي مع الايام)(واقعيه)

نـاطرينج احلاهم اليووم السبت

منعيوني وانا عند وعدي اليوم بنزلكم بارت طويل بس مو الحين ان شاء الله بعد الساعه 9

 

[bent.gaga]

رد : روايتي الثانيه (عهدي مع الايام)(واقعيه)

Chnaa waayed b3d ilsa3a 9 please 7awly abchr

Y36ech il3afya 7bebty

 

[غــلآهاا غير]

نااطرينج غلااي

 

[MISS.D&G]

ناطرين على احر من الجمر

 

[Miss.blue berry]

رد : روايتي الثانيه (عهدي مع الايام)(واقعيه)

ناطرييينج احلااااااااااااااهم

 

[نواارهـ]

ويييييتنق

 

[Cruella Devil]

waiting

 

[الصبر له حدود]

ووينج .. ننطر بأحر من جمررررر :")

 

[الوجه السمح]

يفداج الكون ناطرينج حياتي

 

[ma3boocha]

باقي ساعه الا ربع و يخلص يوم السبت
بالانتظار قلبي



شدي حيييلج حدددددددددددها تشوق القصه

 

[Aloolah]

رد : روايتي الثانيه (عهدي مع الايام)(واقعيه)

ناطرينج حياااتي بليييز نزلي بارت

 

[@أحلاهم وأتحداهم@]

صباح الخيييير
ادري طولت عليكم بس توني خالصه من البارت
كنت كاتبته الضهر ومسحته ماكان عاجبني المهم الحين انزل البارت قراء ممتعه للجميع

 

[@أحلاهم وأتحداهم@]

البارت العاشر



مريم:واهيا فعلن خدامة بنتي بس هم ماراح يهدالي بال ولا ارتاح الا بعد ماأقلب حيات جراح كلها وخليه مايعرف اليل من النهار
فرح:ياك الموت ياتارك الصلات ....مريوم اذا حطت ابالها شي اتسويه لو شنو



بليل في بيت بوفواز

ليال كانت حايسه مع ملاك الي طول اليوم تبجي وموعارفه اشلون اتسكتها .....واحمد من دخل البيت وهوا معصب الانه ليال ماخذه بنت جراح
احمد بعصبيه :حصه ...حصه
حصه:خير بوفواز
احمد:اي خير ...روحي قولي حق بنتج اتسكت العله الي عندها لااذبحهم
حصه:بوفواز حرام عليك هذي ياهل ليش اتكول عنها جذي ...هذي بحسبت بنت ليال
احمد:وبنتج هل غبيه ليش ماخذتها ...ماعندها اهل يبارونها ولا مالقو غير المدمغه بنتج تباريها
حصه:حرام عليك البنت مالها احد وبعدين ليال الحين مسؤله عنها وكلاك بحسبت بنتها
احمد:عيل خل تذلف بيت ريلها وتجابلها هناك احنه موناقصين عوار راس ...الواحد موقادر ياخذ راحته بالبيت بسبتها
حصه:ليشم وقادر تاخذ راحتك بالبيت ...احمد هذي ياهل يعني ماتسوي شي
احمد:بس طول اليل ونهار تبجي
حصه:في ياهل مايبجي كل اليهال يبجون مو بس اهيا
احمد:راسي صدع روحي سكتيها بنام محنه قادرين
حصه :انشالله.....وراحت بغرفة ليال

ليال:يمه زين انج يتيم ادري شفيها موراضيه تسكت
حصه:يبيها ...وسمة برحمن وخذتها منها ....متى شاربه حليبتها
ليال:توها ...يمه انا ملاحضه من تشرب الحليب تبجي وايد
حصه:اممم ....يمكن الحليب موطايح عليها
ليال:شلون
حصه:يمكن الحليب في غازات وايد او ماتقدر تهضمه بسرعه
ليال:والحل
حصه:لازم تغيرين الحليب تعطينها نوع ثاني
ليال:اذا جذي لازم اوديها الطبيب
حصه:مايحتاج طبيب عطيها نفس حليب احمداني هذا وايد زين خفيف على المعده ومافي غازات وايد
ليال:اي بس اخاف جراح مايرضى
حصه:يعني عاجبج حال البنت جذي ليل ونهار تبجي.....لاتخافين ماراح يقولج شي ...المهم متى غيرتيلها
ليال:توه بعد ماخلصت حليبتها

شوي والعنود داشه:ليول اشفيها ملوكه صوتها واصل لي فوق
ليال:مادري من شربت حليب قامت تبجي
العنود:يمكن تبي بعد
ليال:لا ماعتقد الانه الحليب ضل فيه شوي وماتبي
ملاك كانت تبجي وتترعص
العنود:ليول هذي شكلها متضايقه من الغازات
ليال:انزين شسوي عشان ترتاح
العنود:اهيا جم عمرها
ليال:4 اشهر
العنود:خلاص الحين اسويلها ملوبا عشان ترتاح
ليال:بس توها شاربه
حصه:هذي شكلها مايعطونها ادويه (اعشاب) بس حليب
ليال:اي مايعطونها شي
العنود :غلط جذي ......الحين انا ايبلها زيت ادهنا فيه وسويلها ميلوبا
ليال:عنود عفيه بسره قلبها ذاب من البجي
العنود:الحين اسويلها....الا ص جانا ملاحضه انه لبسها كله حفر ونص جم
ليال:اي ماعندها جم طويل
حصه:والله حرام قاطين البنت على الخدم ومايبونها تصير جذي...العنود يمه ماعندج شي من ملابس احمد ...حرام البنت لازم تلبس شي يدفيها
العنود:اي عنده بس حاطتهم بجنطه الحين اشولج جم بجامه
ليال:والله تعور القلب ...بالله بالعقل الياهل يلبسونها جذي...العنود اذا باجر ماعندج شي انروح انا وياج السوق باخذلها ملابس
العنود:الصبح ماعندي شي
حصه:خلاص الحين روحي يبي الزيت والبجامه عشان ترتاح
العنود:انشالله خالتي
حصه كانت شايلتها وتسمي عليها وتقرا عليها المعوذات ...وليال كانت اتراقب امها عشان تتعلم منها ...العنود يابت الزيت والملابس
العنود خذت ملاك من حصه عشان ادهنا ومن ارفعت ملابسهها:امبيييييييه ليشم وملبستها تبانه(داخلي )
ليال:ماعندها
حصه:هذيل من صجهم .....بيذبحون البنت موعارفين شلون
العنود:عشان جذي البنت بس تبجي ...مايلبسونها عدل واكيد بتستبرد
حصه:العنود يمه روحي يبي جنطة احمداني
العنود:انشالله خالتي
حصه:الحين حماتج ماعندها عيال
ليال:عندها ولد عمره 3سنوات
حصه:اولدها هم كله عند الخدم
ليال:اي ...بس خدامتها شاطره مومثل الخدم ملوكه
العنود:واي الجنطه ثقيله
حصه:انتي دهني البنت وانا اطلعلها ملابس
العنود:انشالله ...وخذتها من حصه...ليول تعالي شوفي شلون اسويلها مساج
ليال:اوكي
العنود بلشت مساج حق ملاك وليال كانت اتراقبها ...ومن اتقرب العنود صوب بطن ملاك كانت تبيجي
ليال:اخاف بطنها يعورها
العنود:وانتي صاجه بطنها مثل الصخر من الغازات ...هذي لازم اتغيرين حليبها حرام مخلي بطنها مثل الصخر
ليال:نغيره ليش مانغيره
محمد طق الباب ودخل:ياناس ياعالم وراي باجر جامعه ابي انام
ليال :حمود آسفه موقصدي ازعجكم بس هذي وايد تبجي
محمد:الله يعينج ...عنود شتسوين فيها
العنود:اسويلها مساج
محمد:اها....اهم شي بعد هل المساج بتسكت ولا لاء
عنود:ان شاء الله
محمد:ماتبون مساعده
ليال:بالله شبتسوي
محمد:اضحكها لكم ...على الاقل تضحك ماتبجي
حصه:لا مانبيها تضحك نبيها تنام ابوك معصب
محمد:يمه لاتلومينه من يت بيتنا محنا قادرين انام مثل العالم ...مزعجه من قلب حتى احمدو ماسوى جذي
حصه:الانه احمد امه اليم جابلته اما ملاك كله بيد الخدم اكيد بتصير حنانه




بفلاة خالد
طلال :جراح
جراح وهوا قاعد على الاب توب يشتغل:نعم
طلال:بغيتك بموضوع
جراح:بخصوص
طلال بصوت واطي:انا وحنان
جراح:طلال ماتشوفني مشغول مو وقتك ...اجل موضوعك لين اخلص الي بيدي
طلال:الله يادنيا لمن كانت المواضيع بخصوص حرمكم المصون اتهد كل الي بيدك ولمن صار الموضوع يخصني
جراح:طلال انا طول اليوم مشغول وموقادر احك راسي حتى ملوكه مادري عنها ...اذا حاب انطر لين اخلص وبعدها قول كل الي عندك
طلال:على طاري ملوكه شمسويه مع ليال
جراح:حنه ورنه....طلال لاتسولف ابي اركز بشغلي
طلال:اوكي من اتخلص نادني انا بغرفتي
جراح:اوكي...طلال
طلال:مامداك
جراح:لا ماخلصت بس في مشروع ياتصعدنا فوق السحاب ياتخفس فينا بالارض شرايك
طلال:قصدك انجازف وندخل المشروع
جراح:والله الارباح وايد حلوه
طلال:والخساره احلى....لي خصرنا بنقعد حاطين ايدنا على خدنا
جراح:امممم ....اذا جذي يبيلنا انشوف شريك بالمشروع
طلال:والله مادري الي تشوفا بس لازم يكون ثقه
جراح:مايبيله كلام
طلال:انت سويت دراسه ولا بعدك
جراح:قاعد اسوي دراسه للمشروع ...بس لازم واحد فينا يسافر عشان يخلص كل شي
طلال:مومشكله انت خلص بالاول وبعدين لي كل حادث حديث
جراح:اوكي....طلال كلملي المهندس فهد ابيه باجر من اصبح عندي بالمكتب
طلال:ان شاء الله .....ماخلصت
جراح وهوا مندمج بالشغل:لا
طلال:جراح لاحق على الشغل ابيك بموضوع
جراح:طلال لازم اخلص كل الي بيدي الحين اليوم مارحت عند ملوكه
طلال:ملوكه ولا ليال
جراح وهوا يبتسم:الاثنين لاتزعل
طلال:ومنو فيهم الاهم
جراح:ملوكتي طبعا
طلال:جراح شلونك معاها
جراح:............
طلال:جراح
جراح:هلا
طلال:شلونك مع ليال
جراح:الحمدالله
طلال:شنو الحمدالله ...ابي افهم البنت زينه موزينه مرتاح معاها مومرتاح
جراح:قتلك الحمدالله
طلال:انت الكلام عندك بالقطاره
جراح بعصبيه:طلال انا وين وانت وين ....قوم روح غرفتك ومن اخلص اناديك
طلال:مامنك فود ...وقام.....وهوا صاعد السلم
كادي:هاااااااااااااي طليل
طلال :طليل بعينج...اصغر عيال جوانا مادري
كادي:واي كليتني مايسوا علي قتلك طليل
طلال:حشى واحد من الربع ....البنات يقولون طلول ..طلولي
كادي بدلع:سوري طلولي
طلال:اي الحين صرتي انثى
كادي:سم الله علي طول عمري انثى
طلال:هههههههههههههه واضح
كادي:اروح حق جروحي وايد ابرك منك
طلال:هههههههههههه هذا اذا عطاج ويه
كادي:لا حبيبي بيعطيني ويه ...واذا ماعطاك ويه ماينلام
طلال:اقول لاتصدقين روحج وايد
كادي:وليش انشالله ...حبيبي لاتقارن روحك فيني انا غير
طلال:طبعن انا غير انتي وحده فاصله ماقول الا الله يعين المقرود الي بياخذج
كادي:يحصله اصلن امه داعيتله
طلال:قصدج داعيه عليه
كادي:ههههههههههههه ماتنلام الانه موحاصلك وحده بحلاتي وبسنعي
طلال:الحمدالله انه موحاصلي
كادي:الحمدالله وشكر ...اروح اشوف اخوي حبيبي وايد احسن
طلال:روحي واذا عطاج ويه اعطيج الي تبينه
كادي:اوكي بس خلك عند وعدك
طلال:وانا متى قلت شي ومانفذته
كادي:اممممم ولا مره ...بس تعال عشان اتشوف بعينك
طلال:اوكي
وراحت كادي مع طلال عند جراح
كادي وهيا تقعد عند جراح:جراح ماتبي اسويلك شي تشربه
جراح وهوا مندمج:لا مشكوره
كادي :جراح اشرايك اتقول حق ليال اتي باجر عندنا على الغدا
جراح وخر الاب توب :اقولها ليش لا ....ومنها اتشوف الجناح الي بتسكن فيه
كادي وهيا تغمز حق طلال:اي وبالمره تقعد لي العشا وانا بدق على كل البنات ايون عشان تتعرف عليهم ويتعرفون عليها
جراح:الفكره الاولى حلوه بس الثانيه لا
كادي:ليش ماعجبتك
جراح:من طلعت ملوكه من المستشفى وانا ماطلعت معاها ...حتى اول يوم ماطلعنا الا شوي
كادي:اذا جذي خلاص خلها وقت ثاني ...انت اطلع معاها والبنات لاحقه عليهم
جراح:كدوي اشرايج اتخلين ملوكه عندج باجر عشان نطلع
كادي:بس من عيوني .... انت تامر امر جم جراح عندي
جراح وهوا يقرص خدها:فديت عيونج ....الله لايحرمني منج
كادي:ولا منك وخليك تاج على روسنا كلنا
جراح:كدوي شرايج تطلعين معانه باجر ...انتي صارلج فرته ماتطلعين من البيت
كادي:لا خلها مره ثانيه ...انت لازم تقعد مع ليال وتتعرف عليها اكثر لاتنسى انتو بفترت ملجه
جراح:خلاص حسبي حسابج عقب باجر تطلعين معانه
كادي:امممم ...اذا ماخاب ضني امي مسويه عشى عقب باجر عازمه عمامي وعماتي وبناتهم
جراح وهوا يطالع طلال:كل البنات بيون
كادي:اي كلهم
طلال:اشوف قعت وسولف مع كدوي وانا قتلي بعدين
جراح:كدوي غييير
طلال:الحين انا اخوك الوحيد وذراعك اليمين تكشت فيني وترد على هل ياهل
كادي بعصبيه:منو ياهل
طلال:انتي في غيرج
كادي:يمكن اكون صغيره بالعمر بس كبيره بالعقل...والكل يشهدلي بهشي
جراح:بهذي معاج حق عقلج اكبر من عقل اريام بوايد
كادي:الا على طاري اختك
طلال يقاطعها :وليش اهيا مو اختج
كادي:اختي بس اهيا متبريه منه
جراح وهوا رافع حاجبه:ليش انشالله
كادي:اتقول انه انا ودانو ورتوج مو ستايل
طلال:يعني اهيا الي ستايل ....انا كذا مره انبها على لبسها الي يرفع الضغط
كادي:ولا فوق هذا مو عاجبتها مرت جراح
جراح:محد طلب رايها
طلال:هذي منو يعجبها
كادي:ارفيجاتها الي رايحين فيها
جراح:انتي شايفه عليهم شي
كادي:لا بس ما أرتاحلهم
جراح:دام مو شايفه عليهم شي ماعليج منهم
كادي:انا مالي شغل فيهم بس يشيشون اريام علينا وايد
طلال:واااي سوالف يهالوو
جراح:من قلب
طلال:انتي خلج بعيده عنهم واذا شفتي عليهم شي ماعجبج عطينا خبر
كادي:انشالله ...طلال لاتنسى الوعد
طلال:انا وعدتج ابشي
جراح:كدوي اذا تبين شي قولي وباجر من الصبح يكون عندج
كادي:انا ابي من طلال اهوا وعدني اذا انت عطيتني ويه وسولفت معاي يعطيني الي ابيه
جراح وهوا يبتسم:اممم يعني جذي السالفه ...اضاهر طلال ناسي اني ما اقدر اطنشج حتى لو كنت بعز شغلي
كادي:وااااااااااااي ...الله لايحرمني منك هذا الاخو ولا بلاش
طلال:هين اوريج يعني انا مو عاجبج الحين
كادي:عاجبني بس جروحي مافي مثله
طلال :دام خلصت شغلك ....خل اقولك موضوعي
جراح:قول شعندك
طلال:كدوي لو سمحتي فجي شوي ابي جراح بروحه
كادي:انشالله...وقامة
جراح: يالله قول شعندك
طلال:ابي اتزوج
جراح:ومنو ماسكك قول حق الوالده تخطبلك
طلال:جراح انا قصدي ابي حنان
جراح:والله انا من رايي تنسى موضوع حنان بالمره
طلال:لي شان شاء الله
جراح:الانها ماتصلح لك
طلال:اذا قصدك انها من من مستوانا انت خذيت وحده مومن مستوانا
جراح بعصبيه:طلال لاتقارن ليال بحنان...ليال بنت متربيه
طلال:يعني حنان الي مومتربيه
جراح:عندك شك ....البنت الي تخون ثقت اهلها فيها شنو تتوقع منها
طلال:شكو هذا بهذا ...انت ماتعرف شي اسمه حب ولا عمرك جربته
جراح:الحب الي من هنوع مابيه والله يغنيني عنه
طلال:جراح انا قاعد اتقطع كل يوم افهم
جراح:خلك من هل كلام واسمعني عدل ....انت اخذ كل الي تبيه منها وبعدين خلها تولي
طلال:مو طلال الي يسوي فيها جذي انا عندي خوات وخاف عليهم
جراح:طلال انت ليش منت راضي تفهم البنت لها سوابق وايد شلون بتأمن فيها شلون بتخليها تربي عيالك
طلال:كل هل كلام مايهمني
جراح:عيل شنو الي يهمك ...تاخذ وحجه بهل مستوا ماكو اخلاق بالمره
طلال:جراح حدك عاد ...صارلك ساعه اتغلط عليها وانا ساكت الانك اخوي الكبير...ومثل ماأنت ماترضى على زوجتك انا ماأرضى على حنان
جراح:انت قلت بعظمت السانك زوجتك ...يعني مورفيجتي
طلال:حنان ارفيجتي وحبيبتي وكل دنيتي
جراح:لا انت اكيد فيك بلا انت ماتفهم اقولك البنت لها سوابق وايد ..تعرف مليون واحد غيرك تفهم ولا ماتفهم
طلال:الي وصلك الكلام هذا جذاب حنان موجذي
جراح يقاطعه:دام جذي اسمع الكلام الي بقوله لك..واذا ماكنت مصدقني روح شوف وتأكد بنفسك
طلال:قول خل نسمع آخر الاشاعات عنها
جراح:حنان مو بنت
طلال:ليش شايفها داقه الزقاره وماشيه ولا عندها شنب وانا مادري
جراح بعصبيه :لاتستعبط على راسي ...انا قصدي انها راعيت شققه واذا منت مصدق روح جرب بنفسك واذا كانت بنت تقدر اتقول لبوي انك دخلت عليها وبجذي بزوجونها لك
طلال بعصبيه:كل شي توقعته منكم الا تقولون هل كلام عنها حرام عليكم البنت مافي اشرف منها
جراح يقاطعه:هذي وين وشرف وين...منت خسران شي روح جرب
طلال:كل شي وصل حده وانا الغلطان الي اسولف معاك ...وقاموهوا معصب
جراح:لا حول ولا قوت الا بالله ...البنت لاحسه عقله



ثاني يوم الصبح بسوق
ليال:عنود هذا حلو بس آخذلها من جم لي جم
العنود:اخذيلها من 3 لي 6 اهيا ضعيفه وهل مقاس يناسب عمرها وحجمها
ليال:اوكي...انزين وبعد شنو آخذ لها
العنود:اخذيلها تبانات (ملابس داخليه)
ليال:جم واحد
العنود:10 كافي
ليال:اممم...شوفي هذا زين
العنود:لا في نوع احسن تعالي الصوب الثاني انشوف
ليال:اوكي......ورن تليفونها هذا جراح امبيه ماقتله اني بطلع نسيت
العنود:مومشكله ردي عليه وقوليله
ليال:اخاف يزفني
العنود:الحين ردي عليه
ليال:الووو
جراح:صباح الخير
ليال:هلا جراح صباح النور
جراح:ليال شكلج مو بالبيت وينج
ليال :سوري جراح والله نسيت كنت مستعيله حدي
جراح بنبره حاده:يألتج وينج
ليال:بسوق مع العنود
جراح:اها ...وماعرفتي ادقين او اطرشين مسج قبل ماتطلعين
ليال:آسفه جراح والله نسيت
جراح:والله خوش ....في وحده تنسى ريلها
ليال:لا مانسيتك بس كنت لاهيه وايد ونسيت جراح لاتزعل مني بليييز آخر مره والله ماعيدها
جراح وبداخله يضحك عليها:هل مره بطوفها لج ....بس مابيها تتكرر
ليال :من عيوني
جراح بداخله تسلملي عيونج:الا وين ملوكه
ليال:عند امي
جراح:اممم ...ليال ملوكه مومأذيتج
ليال:لا سم الله عليها ...اي صج ذكرتني لازم انغير حليبها الانه من تشرب الحلبيت تبجي وايد
جراح:شدخل الحليب بالبجي
ليال:الحليب في غازات وايد وي اذيها
العنود:ليول شوفي هذا يهبل الاحمر يطلع يانن بالبس
جراح راح تفكيره ابعيد:انا بعد احب الاحمر
ليال:اممم يعني آخذه
جراح:اي اخذيه
ليال:بس حفر
جراح :وهذا المطلوب
ليال:لاجراح حرام تستبرد
جراح بستغراب:منو الي تستبرد
ليال:ملوكه
جراح بستغراب:ملوكه شدخلها بالموضوع
ليال:اي انا يايه آخذ ملابس حق ملوكه
جراح:اها ...بس ملاك عندها ملابس وايد كبتها بي زوع من الملابس
ليال:الملابس الي انا باخذلها غير انتو كله ماخذلها حفر وجم قصير وماعندها ملابس داخليه ...والله عورت قلبي امس جسمها بارد لبسناها ملابس احمد ولد فواز والله احسها تدفت ونامت عدل
جراح ماعجبه الي قالته بس ماحب يبين لها:اها وخذيتيلها شي
ليال:اي قاعده آخذلها جم طويل وداخلي وكل شي وناسه
جراح:ههههههه
ليال:جراح والله ماتدري اشكر نا مستانسه احس انه فعلن ملوكه بنتي وهشي يخليني احس بالمسؤليه وسعاده كبيره ماقدر اوصفها لك
جراح:و هذا الي ابيه ملوكه بنتي وبنتج
العنود:ليول شوفي هنفنوف وااااااااي ابي بنيه
ليال:ههههههههههههه خلاص يبيلج بنت
جراح:هههههههههههههه اي والله ختيب لها بنت
ليال:جراح انا لازم اسكر هابي اركز بالاغراض الي باخذهم مابي آخذلها اي شي....ولازم ابسرعه ارد البيت قبل ماتقعد من النوم
جراح:ملومه نايمه لي الحين
ليال:اي انا وصيت امي من تقعد من النوم ادق علي علشان ارد البيت
جراح:غريبه
ليال:وليش غريبه
جراح:ملوكه اذا كثرت نامتلها 4ساعت
ليال:من البرد ماتقدر اتنام ....بعد عمري والله امس العنود سوتلها مساج ولبسناها جم طويل حسيتها تدفت وعلى طول نامت وماقامت الا مرتين حق الحليب
جراح:والله وشايلينها على كفوف الراحه
ليال:طبعن موبنتي لازم اشيلها على كفوف الراحه ...فديتها ولا مصورتها وهيا نايمه ...حلاتها
جراح:اوكي روحي خلصي شغلج واذا طلعتي دقي علي
ليال:اوكي ...اي صج قبل ماأنسى ملوكه عندها عربانه
جراح:لا ماعندها ..اهيا كله بالبيت ومايطلعونها عشان جذي ماتحتاج عربانه
ليال:خلاص الحين باخذلها وحد الانها من يوم ورايح كل مابطلع باخذها معاي ....وبعد شنو شنو ياربي
جراح:اذا بتاخذينها معاج يبيلها كارسيت
ليال:ماعندها
جراح وهوا يضحك:لا
ليال:والله حاله قاصين على بنتي مايشترولها شي ...انزين عندها العاب
جراح:اي العاب وايد
ليال:خلاص الحين اخذلها كارسيت وعربانه ...وجم لعبه حق السياره
جراح:ليال
ليال:نعم
جراح:عطيني رقم حسابج
ليال:ماعندي حساب بالبنك
جراح:من صجج ماعندج حساب بالبنك
ليال:ماعندي.....بس ليش تسأل
جراح:بغيت احولج فلوس بالحساب
ليال:مايحتاج
جراح:شلون مايحتاج رايح السوق وبتاخذين حق بنتي ملابس
ليال تقاطعه:انت موتقول انها بنتي
جراح:بنتج بس البو اهوا الي يصرف على عياله مو الام
ليال:انا وانت واحد ...جراح ممكن انأجل الموضوع لين اخلص
جراح:اوكي...بس من تطلعين دقي
ليال:اوكي
جراح:باي
ليال:باي
العنود:ليول صج الي سمعته
ليال:شنو
العنود:ماعندها لاعربانه ولا كارسيت
ليال:اي ...جراح يقول بنته كله بالبيت وحد يطلعها عشان جذي ماعندها لاعربانه ولا كارسيت
العنود:واااي شهل اهل الي مايطلعون عيالهم
ليال:هذول الطبقه المخمليه آخر شي يفكرون فيه عيالهم
العنود:موكلهم... و اهل ريلج بزود
ليال:الكل لاهي بعمره وتبين الصراح هاهما موملزومين فيها المفروض امها اتجابلها بس امها قطتها وماتبيها
العنود:عفيه قلب
ليال:المهم خل انخلص ابسرعه
العنود:انا خذيتلج صداري وملابس وخذيتلها مخده صغيره وكفر وجم شغله تحتاجهم بس الي باقي الحين العربانه والكارسيت
ليال:عنود والله من غيرج ماكنت اعرف اتصرف
العنود:لاتقولين جذي احنه خوات
ليال:لاتجذبين انا حماتج
العنود:ههههههههههه بطلي خبال الحين وامشي جدامي لانطول اكثر من جذي
ليال:اوكي

بعد 4 ايام
جراح بهل فتره الي طافت ماراح عند ليال ولا شافها كان مشغول وايد بالمشروع اليديد وكل الي بينهم اتصالات .....ليال غيرت حليب ملاك وعطتها حليب اخف ومن غيرت الحليب ملاك صارت اهدا بوايد وصارت تلعب وتنام بدون بجي ...وليال كانت مستانسه عليها وتعلقت فيها وايد وكل وكتها مع ملاك ماتفارقها كل شواذا بتروح تسبح خلتها عند امها او العنود

بغرفة ليال
ملوكه كانت نايمه وليال كانت قاعده اترتب ملابسها ...انطق باب غرفتها وليال راحت اتبطل الباب وهيا معصبه
ليال بعصبيه:عمه انش....ووسكتت لمن شافت جراح واقف عند الباب
جراح:وعليكم السلام
ليال ابسرعه حطت ايدها على شفايف جراح وبصوت واطي:اووووش ملوكه نايمه
جراح باس راحت ايدها...وليال من الاحراج وخرتها بسرعه
جراح بصوت واطي:ممكن ادخل الغرفه
ليال بنفس النبره:ممكن بس بدون صوت
جراح وهوا يبتسم:من عيوني...ودخل الغرفه..وعلى طول راح حق ملاك
جراح:الخايسه ...والله مكانها خالي مشتاقلها
ليال:اوووووش
جراح بصوت واطي:من متى نايمه
ليال بنفس النبره:من ساعتين
جراح بصوت عالي :بيييييييييه كل هل هدوء ومن ساعتين نايمه
ملاك من اسمعت صوت عالي فزت من النوم وبجت
ليال:يالمجرم...وراحت شالتها ..وكلمتها بحنيه..بس ماما بس حبيبتي انا هني لاتخافين اوووش
جراح كان يشوف ليال وهوا يبتسم وبداخله طاير من الفرحه:ليال يبيها والله مشتاقلها
ليال وهيا توخر:جراح صبر خل تسكت بعدين اخذها ...موكافي خرعتها
وضلت ليال اتكلمها بنفس الطريقه لين اسكتت
جراح:يالله يبيها اسكتت
ليال:انطر اشوي...يمكن بتنام
جراح:بسها نوم انا مشتاقلها وايد...وراح صوب ليال وخذا ملاك منها...ومن وخرها عن ليال بجت مره ثانيه
ليال:شفت بجيتها يبها
جراح:مابي ويلمها حيل الحين اخليها تسكت ...ملوكتي انا بابا موبس ليال اتقولج انا ماما حتى انا اقولج
ليال:ههههههههههه
بس ملاك زاد بجيها
ليال:جراح بس خلاص والله البنت قلبها ذاب يبها موكافي مخرعها وهيا نايمه
بس جراح ماعطاها ويه ولا جنه سمعها وكان يبوس ملاك ويلمها حيل...وملاك يزيد بجيها
ليال بعصبيه:جراح خلاص يب البنت
جراح يطالعها وهوا رافع حاجبه
ليال:لا تطالعني جذي قتلك يب البنت ...حرام عليك يبها
جراح عطاها ملاك وهوا عاف سويه بس من داخله مستانس من الي يشوفه
ليال بحنيه:بس حبيبتي خلاص بس لاتبجين انا آسفه مره ثانيه ماخلي الشرير ياخذج مني
جراح:منو شرير
ليال:انت في غيرك خرعت البنت..مجرم ..ومن هدت ملاك...ليال قعدت على السرير وخلت ملاك على صدرها كانت تلعب بشعرها .. لين هدت ونامت
جراح بصوت واطي:نامت
ليال:اي
جراح:لالالا اكيد هذي موبنتي
ليال:جراح حرام عليك ليش اتقول عنها جذي
جراح:الانها ماتنام لين اتصدع راسنا من البجي
ليال:الانكم ماتعرفولها وماتهتمون فيها وكله مفصخينها ...بعد عمري والله انتي الي مأذينها مواهيا اليم أذيتكم
جراح بجديه:ليال اتحبينها
ليال :مو بس احبها امووت فيها ...الله يخليها لي ولا يحرمني منها
جراح :آآآمين ...بس اهيا الله يخليها لج
ليال انحرجت ونزلت راسها
جراح:ليولتي متى اتين البيت تراني مشتاق
ليال ويها قام يقط الوان :..........
جراح:هل اسبوع يناسبج
ليال ردت ابسرعه:لا
جراح بستغراب:ليش لا
ليال :..............
جراح:جاوبيني ليش لا
ليال:انا ليلحين ماتعون عليك
جراح:كل هذا وماتعودتي علي
ليال:جراح يبيلي وقت احنه ماصارلنا شهر من ملجنا وانت اغلب وقتك بشغل وموقادره اقعد معاك
جراح هوا يبتسم:اذا جذي مومشكله بمدد المهله اسبوعين
ليال:وليش مو شهرين
جراح@@:غلطانه
ليال:انا ليلحين مومجهزه شي
جراح:عندج اسبوعين جهزي روحج فيهم غير هل كلام ماعندي
ليال:انزين شهر
جراح:اسبوعين مافي غيرهم
ليال:جراح عشاني خلهم شهر
جراح:ليول والله ماقدر بعد شهرين بسافر عندي شغل ويمكن اطول ...على الاقل هل فتره انكون مع بعض
ليال:ان شاء الله طول العمر بنكون مع بعض
جراح:آآمين.... يعني افهم من كلامج انج بتين بعد اسبوعين
ليال:ان شاء الله
جراح:نسيت اقولج باجر امي مسويه عشا ابيتنا
ليال:اي دانه قالتلي قبل جم يوم
جراح:ابيج تكشخين على الاخر
ليال:لاتوصي حريص

بسيارة طلال
طلال:قولي شلون اتأكد من كلام جراح
احمد :اممم والله انا من الاول وانا حاس انه البنت مومضبوطه وكنت سامع عنها حجي بس ماحبيت اقولك
طلال:احمد لازم اتأكد من الموضوع مابي اظلم البنت
احمد:اخذها شقه وتأكد
طلال:لالالا مابي الامور توصل لي جذي
احمد:امممم ماجدامك الا حل واحد
طلال:الحقني فيه
احمد:اهيا مودايمن اتقولك انها غاسل ايها من الزواج منك بحجت اهلك
طلال:اي
احمد:قولها اهلي وافقو وباجر بخطبج وشوف ردت فعلها
طلال:اكيد بتستانس مايبيل كلام
احمد:هذا اذا كانت مو مثل ماسمعنا عنها
طلال:شلون يعني
احمد:يعني اذا ماكانت بنت اكيد بتماطل وبعدها لي حست انه الموضوع صار جدي بتتهرب منك ودورلها عذر عشان تبعد عنك ولاتفضح روحها
طلال:واذا كانت كل الكلام الي نقال عنها صح ومن قتلها اني بخطبها استانست اشلون اعرف انها مو بنت
احمد:صدقني اذا الكلام صحيح وهيا مو بنت بتماطل وتتهرب منك الانها تخاف تنكشف
طلال:شورتك وهدايت الله
احمد:اذا قالتلك خل اهلك يدقون باليوم الفلاني امش معاها بالفلم ...انا اخلي اختي الكبيره اتكلمهم على اساس انها امك وفهمها الموضوع بس بطريقه مختلفه شوي
طلال:صار ...بعد اشوي اكلمها واعطيك خبر


نهاية البارت

 

[al.7o0or]

رد : روايتي الثانيه (عهدي مع الايام)(واقعيه)

البارت رووووعة
تسلم ايدج

 

[Zozαĺiиaђ]

اللله ونااسه اول ما جفت انج منزله روايه حدددددددددي استانست

روايتج يا روح الروح كانت روووووووعه قلت حق الكل عليها

و الحين هذي شكلهااا حدهااا حلللوه

الله يستر من مرايموو اكيد بتسوي شي جايد :/

و حنان من اول ما طلعت و اهيا باطه جبدي حدهاا تنرفز

و ليال تشوق حبيتهااا و حداا لايق عليها جراح حبيت شخصيته ،، الله يخليهم لبعض انشالله مرايموو ما تسوي شي و يفرقهم

يعطيج الف عافيه على الروايه الروعه
ناطرينج
متى بتنزلين بارت ؟؟

 

[@أحلاهم وأتحداهم@]

رد: رد : روايتي الثانيه (عهدي مع الايام)(واقعيه)

البارت رووووعة
تسلم ايدج

الله يسلمج حبوبه