جمانه يابت كامرتها كانون وصورا كلهم واول ماشافوا الصوره صرخوا بصوت عالي : آآآآآآآآآآه*
مريم تركض بالدري دشت الغرفه لقت البنات متيبسين بمكانهم : شنوو شصاير ليش اتصرخون ؟؟
جمانه تبجي وتررجف وماسكه الصوره : آآه يمممه ششش....وووفي شوفي ( عطتها الصوره )*
مريم مسكت الصوره شافتها وقطتها بسرعه وحطت ايدها ع حلجه وصرخت صرخه خفيفه : آآآه*
حور : يممه مو معقول*
ام خالد : شفيها الصوره ؟؟*
ضي تبجي لانها حساسه حيل : يمه احنا صورنا وبالصوره فيه ذيال ويها كله دم وله اربع عيون ماسك رهف*
ام خالد : شهالخرابيط*
حور صرخت : يممه اي خرابيط احنا شايفين بعيونها*
رهف منسدحه ع الطوفه تبجي بصوت شبه مسموع وويها احمر وقربت جمانه منها وقالت : لا تخافين رهف*
رهف بصوت مخنوق : شلون ما اخاف انتي من صجج منوو هذااا ؟*
ضي اتطالع امها : يممه بنطلع من هالبيت بسرعه*
وام خالد : يالله مع السلامه ي ام جاسم ( لفت على رهف ) لا تصدقين حبيبتي يمكن الكاميرا خربانه*
رهف سكتت*
باليل*
عند غرفة محمد ومريم*
محمد : يممه شلون اكيد السالفه فيها ان اولا اليوم الظهر جاسم شاف رهف ويها مشوه ورهف اتقول انها توها طالعه من الحمام والحين بالصوره فيه واحد معاهم*
مريم قربت منه : تهقى بيتنا مسكون أو رهف فيها شي*
محمد : لالالا بيتنا مافيه شي*
مريم اوقفت : بالبيت القديم كان مافيه شي ورهف مافيها شي بس اول مافتحنا بيتنا اليديد بدت هالاشياء*
محمد وقف وراها : لا ما اعتقد تهقين من ....
مريم : من شنوو*
محمد : قبل لا تموت ام رهف كانت اتصير هالاشياء*
مريم فكرت شوي واستغربت بعدين قالت : لا*
فجأه طق الباب*
محمد ومريم اخترعوا ولفوا بسرعه ومريم افتحت الباب لقت رهف*
رهف ساكته ومشت سيده دشت الغرف ومريم صكرت الباب*
رهف طالعت مريم : خالتي*
مريم : عيونها*
رهف : انا خايفه عادي اتنامين عندي*
مريم : ان شاءالله تعالي شربي لج عصير بارد يبرد ع جبدج*
رهف ابتسمت : اوك*
عند جمانه*
اطلعت جمانه من غرفتها ماعليها نوم تبي تسولف مع رهف *ودشت غرفة رهف لقت رهف قاعده بالكرسي !!!!!!!*
جمانه : رهوف ابي اسولف معاج*
رهف : انجلعي*
جمانه استغربت من هالاسلوب : رهف شهالاسلوب*
رهف صرخت : ماتفهميين*
جمانه : خلاص بروح*
طلعت واهيا منصدمه*
لييييش وشلووووون ؟؟؟؟؟؟؟ اكييد كلكم راح اتقولون شياب رهف بغرفتها واهيا بالاساس تشرب عصير بغرفة خالتها !!!!*
عند غرفة محمد ومريم*
رهف : ممم لذيذ العصير*
مريم : بالعافيه*
رهف : يعافيج ( سكتت شوي وقالت ) يالله مراح اتنامين معاي ؟؟*
مريم : اكييد بنام معاج يالله*
راحت مريم فرشت لها فراش ع الارض ورهف نامت ع السرير
مرت ساعتين ومريم نامت ورهف ليلحين مانام قاع تتقلب يمين ويسار يمين ويسار وفجأه لقت عند كبتها العيوزه قامت بسرعه اشهقت*
العيوزه : ها رهف انا يايه ازورج*
رهف سيده بجت*
العيوزه : عادي اتقولين لخالتج تنام عند ريلها*
رهف : مابي مابي روحي*
فجأه يااا رهف طرااااق وطاحت يم السرير تبجي والعيوزه اختفت ومريم قامت*
مريم اركضت عند رهف : ليش تبجين وليش طايحه اهني ؟؟*
رهف : خايفه*
مريم : من شنو خايفه ؟؟؟*
رهف : خايفه من العيوزه الي كله اتزورني باليل*
مريم صرخت صرخه خفيفه وحطت ايدها بحلجها : انتي تتوهمين*
رهف تبجي وتهز راسها : لالا انا شفتها صج*
مريم : يقولون الي ياكل وايد قبل النوم اتييه كوابيس وهاذا اكيد كابوس*
رهف صرخت : لااااااا مو كابوس انتوا لييييش ماتصدقووني ماتصدقون الااااا لمماااا اتشوفون بعيوووونكم*
مريم : بس بس قومي معاي*
مريم شربت رهف ماي وامسحت ع راسها : انسي ي رهف انسي خلاص جنه ماصار شي لا تخافين ولا تخلين الخوف يتملكج تغلبي عليه وخلي ايمانج بالله قوي
رهف : ان شاءالله*
الصبح*
الكل قام ع الريوق*
رهف : صباح الخير*
الكل م عادا جمانه : صباح الخير*
رهف اقعدت ع الكرسي *: ها شفيح جمانه*
جمانه : سألي نفسج امس شسويتي*
رهف انصدمت : شسويت ؟؟؟*
جمانه : صرختي علي وقلتيلي انجلعي وماتفهمين*
رهف خافت والكل منصدمين يطالعونهم رهف اشرت ع نفسها : أنا !!!!*
جمانه : لا يدتي*
رهف : بس انا امس ماكلمتج ولا قلت لج هالكلام*
جمانه شوي بدت اتخاف : يعني شلون*
رهف لفت ع خالتها : سألي امج انا امس كنت عندها شربت عصير*
جمانه قطت القفشه : يممه عيل منو *الي كلمني امس ؟؟؟!!!!!!!
