روايتي السادسه : زيــنه وحــسن (( حقيقية )) ..!!

[فيلجـ كول ـاويه]

ناااطرييين البارت حبيبتي​

 

[واحشني مووووت]

ناااطرييين البارت حبيبتي​

البارت بالطرييييييييييييييييييييييج يا حلوة انتي​

:RoadRunner:

 

[noof>>]

ناطرينج حبيبتي

 

[واحشني مووووت]

البااااااااااااااارت بالطريج

 

[ReRez]

waiting Hun

 

[:: Diva ::]

ودي اعلق
بس ما ودي اضيق خلقكم


عورني قلبي
بنت عمرها 14 سنه ولا 15 سنه تكلم
لااا و خواتها يدرون





عشتي طفولتج ؟ عشتي مراهقتج ؟
لا تقولين اي
لاني كلمت و تزوجت حبيبي و انا بالعشرينات و احس اني ما عشت
شبابي !

الريال يبي له خلق و ويه و رعايه و دلع و خدمه
و على هواه يرقصج يمين يسار
اوووف

صج ضاق خلقي




يارب ان تكون عواقب هالحب سليمه و انتهت بالزواج
ياااااااااااااارب

 

[DALLY]

جان زين تحاولون تحطون كل يوم بارت لو حتىقصير راضيين لان بصراحه جذي ننسى احداث القصه وهم ياليت مو سهله او واحشني موت وحده منكم تحط ارقام الصفحات اللي فيها بارتات لان حملة حنه نبي بارت ماصارت زيادة عدد صفحات عالفاضي اشدعوه حمله بنص روايه

مع احترامي

وناطرينكم

 

[مـ سهله ـو]

فديتكم بنات مشكورين على مروركم وان شاء الله بعد ما انز البارت راح احط ارقام الصفحات اللي فيها بارتات برد لان التواقيع ما تشتغل :>


دالي حياتي انا قلت كل يوم وترك بس امس كانت زيونه تعبانه والله وانا بعد كنت مع رفيجاتي فما قدرت السموحه

وان شاء الله راح احاول كل يوم بارت :> لا تنسون انها عطله انا مو كل يوم بالبيت بس ان شاء الله احاول وحتى لو قصير :>

 

[cup-cacke]

فديتكم بنات مشكورين على مروركم وان شاء الله بعد ما انز البارت راح احط ارقام الصفحات اللي فيها بارتات برد لان التواقيع ما تشتغل :>


دالي حياتي انا قلت كل يوم وترك بس امس كانت زيونه تعبانه والله وانا بعد كنت مع رفيجاتي فما قدرت السموحه

وان شاء الله راح احاول كل يوم بارت :> لا تنسون انها عطله انا مو كل يوم بالبيت بس ان شاء الله احاول وحتى لو قصير :>

اخذي راحتج حياتو..المهم نشوووف لنا بارت حلو مثلج:$

 

[ReRez]

ودي اعلق
بس ما ودي اضيق خلقكم


عورني قلبي
بنت عمرها 14 سنه ولا 15 سنه تكلم
لااا و خواتها يدرون

ناطرينج مو مووو ..

صج اني احب زيووون لوول وادري بتطقني بس انا ايام ال 14 و 15 و 16 كان همي العب نايتندو بعدين بال 20
تطورت وصرت العب بليستيشن خخخخخخخخخخ

وطبعا مافيه بالتلفزيون بباي ما تابعته وللحين حافظة الاغاني صم

:* احبج زيون بس انتي عطيتيني الضوء الاخضر اني اعبر عما في نفسي :weight_lift:

 

[واحشني مووووت]

ناطرينج مو مووو ..

صج اني احب زيووون لوول وادري بتطقني بس انا ايام ال 14 و 15 و 16 كان همي العب نايتندو بعدين بال 20
تطورت وصرت العب بليستيشن خخخخخخخخخخ

وطبعا مافيه بالتلفزيون بباي ما تابعته وللحين حافظة الاغاني صم

:* احبج زيون بس انتي عطيتيني الضوء الاخضر اني اعبر عما في نفسي :weight_lift:

لووووووووووووووول اخذي راحتج حبيبتي انتي على راسي:eh_s(21):​

 

[مـ سهله ـو]

بعد النتيجه كانت زين حيييل زهقانه وحيل مو متحمله تشوف أي ردة فعل ثانيه

كافي عقاب نظرة امها وابوها العتاااب !!

عقاب حسن

سب اختها من صووب !!

قاعده تسولف مع لولو الحين

لولو : امبيييييه زيووون مو قادره اصدق انتي تييبييين جذي !!

زينه : لا والله داقه عليج تواسيني تزيديني خلاص واللي يعافيج ابي انسى كافي عقاب حسن متعبني !!

لولو : واااي على هالحسن لوعتي جبدي وربي بعد شبسوي !!؟؟

زينه : معاقبني اسبوع كامل ما يسمعني صوته بس مسجات !!

لولو : ما يحبج !!

زينه : لا يحبني اهو خايف على مصلحتي

لولو : يا سلام اصحي زينه !!

زينه : وااي لولو خلاص خلينا نطلع

لولو : لا اسفه اخاف نجرحج وتتبجبجين علينا !!

زينه : يالله عاد بستأذن من حسن

لولو : انا ما عندي مانع نروح مع اختج واله اختي

زينه : اثنينهم لازم اسولف معاهم واراضي اختي امبيييه علياء المشكله !!

لولو : ليش ؟

زينه : زعلانه عشان النتيجه وتقول دلعناج وايد

لولو : أي والله

زينه : اووووووووف ترى انتي مليقه اوكي ممكن توقفين معاي شوي !!

لولو : هههههههه شتبيني اقولج أي ما شاء الله عليج زين تسوين جابلي حسن وبلاوييييه واهملي دراستج انتي ما سويتي شي !!

زينه : خلاص بشد حيلي اصلن بحول مقررات لا تحاتين !!

لولو : خوش حل وتضيع سنه من عمرج !!

زينه : ما راح يضيع شي خل انجح ويصير خير !!

لولو : يالله خل اكلم اختي وروحي كلمي مريووم واستأذني من بابا حسن

زينه : ههههههه يا خايسه يالله باي

لولو : باي​

**

متى أشوفك يللي في بالي
متى أشوفك أنت يا غالي

انت عمري وانت ماالي

وانت الوحيد اللي صفى ...


زينه : مريووووم يالله عاد قومي يالله ابي اطلع

مريم : اقول روحي درسي بس

زينه : عاااااااااد لا تصير جذي عطله خووو

مريم : درسي الماده اللي ساقطه فيها والله لج عين !!

زينه : ترى وربي تعبت ذليتيني خلاص انا اسفه واوعدكم بالامتياز

وقامت تبجي

مريم : خلاص

زينه : ............. (( تبجي ))

مريم لمتها : دلوعه دلوعه هالبنت روحي قولي لابوي عبال ما ابدل

زينه : اوكي

بس اول شي مسكت التلفون وتذكرت العقاب دزت مسج حق حسن

(( حبيبي بطلع ))

(( وين ))

(( مع اختي ولولو واختها الكبيره دانوه بنروح السوق))

حسن(( اوك ))

زينه (( مشكور ))

حسن (( العفو .. ))

طالعت التلفون بحزن

يلعن المدرسه زين وراحت لابوها

زينه شافت ابوها ودمعت عيونها لان لي الحين زعلان عليها

زينه : بابا

بو عمار .....

زينه : انا اسفه

بو عمار لان طيب ومدلع بنته ما قدرت مسح على شعرها : خلاص بابا توعديني انج تشدين حيلج ؟

زينه خنقتها العبره : وعد

بو عمار : خلاص انا برضى عليج

زينه باست راس ابوها وتوها بتطلع من الغرفه

زينه : بابا بطلع مع اختي عادي ؟

بو عمار : تبين فلوس ؟

زينه : لا بابا عندي مشكور

بو عمار : خلاص بابا روحي استانسي بس لا تطولون

زينه : من عيوني

** ​

وراحت زينه واختها ومروا دانه ولولو وراحوا شرق

زينه ملت من هالحال وتوها بتروح لمريم سمعت مريم تقول...

مريم: حمود قول لحسن يوخر عنها

لا لا مالي شغل يوخر عنها

صدقني اهو السبب

البنت سقطت بماده زينه كانت كله امتيااز

والله اهلي بشكون

شنو نخليهم حموود افهمني البنت ضاعت من سبته

شنو مالنا شغل لا لا احنا السبب المفروض ما نخليهم يكلمون بعض

دشت علينا زينه : انتي شفيييج ما اقدر اخليه مريووم فهميني انا احبه مو اهو السبب وعد اشد حيلي

مريم : حمود اكلمك شوي

مريم : مو عيب تتسمعين وبعدين انا خايفه على مصلحتج علياء اذتني انتي السبب وانتي السبب ترضينها علي زينه ؟!!!

زينه : مريوووووووم صدقيني عطيني فرصه وحده وراح تشوفين اني بتغير صدقيني !! كافي حسن زعلان علي وما يكلمني خلاص واللي يعافيج انسي

مريم بنظرة تهديد : وفي امي معصبه عليج واخواني بعد وعلياااء وانا بعد يا زينه راح اعطيج فرصه بس انا بحذلج للمره المليون الكل شاك فيج وقد اعذر من انذر !! اوكي

زينه : خلاص خلاص والله بشد حيلي وبتشوفين

مع الايام محمد بدى يقنع مريم انه خلاص احنا مالنا شغل فيهم زينه وحسن يتصرفون كيفهم لا نخرب علاقتنا بعلاقة غيرنا

وحسن شال العقاب عن زينه وبدى يكلمها طبيعي بس وايد يصرخ عليها ويحذرها وخلاها تنظم جدولها من الحين !! وتدرس وانه اذا ما شدت حيلها ونجحت له تصرف ثاني معاها واحتمال يهدها بعد !!

حسن يسولف مع زينه بالتلفون

زينه : هاا حبيبي شلونك اليوم خفت النشله ؟

حسن : أي والله خفت بس وااااي اكره النشله مزعجه

زينه : حياتي والله انا قلت لك كثر شوربه وليمون

حسن : أي والله انا اقول لامي وفاد معاي بعد

زينه : ممممممممم

حسن : ها زهبتي اغراضج ؟

زينه : ايييي

حسن : باجر اول يوم من الكورس الثاني يالله سمعيني شوصيتج فيه ؟

زينه : اني اشد حيلي واني ما العب بذيلي واني اييب امتياز واني ما اطفر الأبلات واصير خوش بنت واييب نسبه واحول مقررات عشان ما تضيع علي سنه من عمري صح :>

حسن : ان شاء الله تحفظين الدروس جذي :>

زينه : ههههه ان شاء الله

حسن : شكلي انا بشرح لج يمكن ينفع معاج

زينه : أي كلمه تقولها احفظها على طول

حسن : خوش

زينه : ولهااانه عليك ابي اشوفك :>

حسن : قلنا بالويكند بس

زينه : اوووف ما احب المدرسه

حسن : منو يحبها

زينه : ههههههههههههههه

وداومت زينه الكورس الثاني وحسن ما قام يكلمها العصر والمغرب عشان تدرس اول بأول واهو بدوره بس يكلمها بلليل

**​

مرت أيام

ام زينه قررت تروح العمره بحمله

بس الحلو بهالحمله والصدفه ام حسن بتروح الحمله !!

واهني ام زينه وام حسن تعرفوا على بعض وقضوها سوالف طول الطريج حتى بالحسينيات يتصادفون

ومرت الأيام على أبطالنا ورجعت ام زينه

زينه تصرخ : ماااااااماااااااااا ولهت عليييييييييج (( وتلمها حيييل ))

وبدت ام زينه تسلم على عيالها ومع دموع الفرح انه الله ردها بالسلامه وشافت عيالها مره ثانيه ..

زينه : يالله شنو شريتي لي هههههههههه

مريم : شوي شوي على امي شفيج

زينه : انتي شحارج يالله ماما بطلي الجنطه

عمار : يابت لج ماي زمزم بس كافي عليج

زينه : ماما صج ؟

ام زينه : ههه لا يلعبون بأعصابج اناالحين تعباانه انام لي شوي واسولف لكم

مريم : يماااااه قعدي ما شبعنا منج

وجذي ام زينه قامت تسولف ويابت طاري ام حسن

طبعا مريم وزينه ويهم قام يقط الوان وكل وحده تسوي حالها ما تدري عن شي !!

زينه : ههههههههه يا حليلها تونس

مريم : امبيه مووو صج أي يمه كملي

ام زينه : اييي وعاد اقولكم وجذي واحنا نطوووف كانت معاي حتى صادفتها اكثر من مره بالسوق وتسوقنا مع بعض يا حليلها عسل

مريم : عاد يمه انتي نكته اكيد رقمتيها

ام زينه : هو هو ههههههه اهي رقمتني

زينه : عاااشت ماما

ام زينه : يالله الحين خلوني اروووح انام حدي تعبانه

زينه : يالله واي خدمه سوي لنا رنه

ام زينه : هههههه يالله مع السلامه اذيوني سماله عليكم ...

وراحت امهم نامت وظلت زينه مع مريم

زينه : امبييييييه وناسه تعرف ام حسن

مريم : وانا بعد تعرف ام محمد

زينه : اخوان يا غبيه

مريم : شكو تقولين عيل ام حسن المفروض ام محمد محمد اكبر من حسن

زينه : ااااااه فديته بروح اكلمه

مريم : زينوووووه درستي واله لا ؟

زينه : أي أي شفيج

مريم : عاد احنا حذرناج

زينه : وييييه بدينا الذل يالله باي

**

وتمر الأيام والأسابييييع وبطلتنا زيونه

شاده حيلها بدراستها

وتحب حسن زياده واهو يموت عليها

حبهم ماله وصف ولا مثيل !!

نتيييييييجة الكورس الثاني


قاعده جدام باب المدرسه وتشوف الورقه

كانت مريم ولولو معاها

واهو يا بعد

ويدورون الاسامي واهي ميته من الخوف

وفجأة شافو اسمها

زينه ....... امتياز

اهي حاطه ايدها على حلجها منصدمه

ومريم تصارخ مستانسه ولوولوو ينت من الوناسه

وراحت زينه 3 ثانوي مقررات

ونفذت الوعد

لهلها

ولحسن حبيبها

اهلها حيييييل فرحوا وعليااء ردت علاقتها بزينه اكثر وحتى مريم وخلاص افتكت من الذل والمعاير خاصه من اخوها عمار اللي كان قط اللوم على ابوه انه اهو اللي مدلع زينه والدلع اهو اللي خربها !!

والحمدالله حققت حلم اهلها وحلم حسن

شهر 7 -2006


حسن كان مفتخر بحبيبته اكثر ووثق بزينه اكثر وظل معاها ووعدها بمفااجئه

بس مفااجئة زينه غير طبعا !!

لبست البنطرون الجنز

والنفنوف كان بيج وابيض بس كان مخصر وضيج شوي وكان طويل لي الركبه تقريبا

لبست كعب تكرمون

لفت الملفع الابيض عليها

حطت مكياج خفيف

طالعت نفسها برضااا

مسكت التلفون : ها حسون حبيبي ايي ؟

حسن : ايي اهلي راحوا وينج انتي ؟

زينه : انا بالبيت الحين دانه تمرني

حسن : اوكي يا قلبي ناطرج

زينه سدت التلفون وشافت شكلها اخر مره وتنفست حيييييييل وطلعت

زينه تحجبت

حققت حلم حسن

والحنه اللي كان يحنها

مرت على ابوها اول شي وباست راسه وباست راس امها فرحوا لهااااااا حيل بحجابها

حتى مريم : واااااااااااو عجيبه صايره مره

زينه : ههههههههه صج

حتى اخوها عمار وزوجته استانسو منها

طلعت بره البيت راحت بخطوات ترجف شوي لدانه اهي مو خايفه من دانه كانت خايفه من ردة فعل حسن وهم مستانسه لان تدري هالشي بونسه اكثر !!

دانه : زيييييييينووووووه هذا كبوس واله ملفع هههههههههههههه

زينه : ههههههههه يا حيوانه حلو ؟

دانه : أي والله ما صدقت انج تحجبتي والله

زينه : ايييه امبيه تتوقعين شنو ردة فعل حسن ؟

دانه : والله علمي علمج بس راح يستانس بعد حققتي له الحلم شيبي اكثر والله انتي مو مقصره أي شي يطلبه منج ينفذه اقول عطيني رقمه عشان اذا بطلب منج طلب اقولها يقولج عشان تنفذييين

زينه : بس بس سكتي بسولف معاااه انتي توتريني

دانه : حلفي بس اطردج من السياره يعني !!

زينه : هههههههه عاد بدت المنه !!

وكملت دانه الطريج واهي تكلم حسن ووصلت بيتهم وراحت طقت البيت يعني مؤدبه هههه

وطلع لها حسن !!

@@
@@
@@
@@
@@
@@
@@
هاذي حياتي بين ادييك
وينك حياتي مشتاق اجيك
مشتاق اضمك مشتاق لك
مشتاق اشوفك لحظة صفى

حسن : زيووووووون !

زينه : هاي

حسن : عجيييييييبه

زينه : صج

حسن : مو مصدق

وقام يطالعها من فوق لي تحت بوناسه ولمها حيييييييييييييييل


عجبني فيك انت فنك وذوقك

وخفت الدم اللي في عروقك

ادري شوقي مثل شوقك

واذا زاد حب صفى

حسن : بس لبسج عفيييييييييه زيون وسعيه بليييز

زينه : من عيوني

حسن : حياتي والله

ومسك ايدها وراحوا غرفة حسن ...

زينه : امبيه ابي اقطه احس اني مختنقه خلاص تراجعت ههههه

حسن : مشتاقه للطراقات يعني ؟

زينه : ههههه لا لا واللي يعافيك

حسن مسك ايدها وقعدها على القنفه وطلع الهديه وعطاها اياه

زينه @@

زينه : حياتي والله

الهديه عباره عن ساعه حلوه ومبين عليها غاليه ودب كبييييييير

زينه : حياتي والله ليش كلفت على عمرك ؟

حسن : هذا ولا شي زينه انتي غاليه علي باقي بس سنتين يالله صبرني ابيييييييج زيون

وقرب منها وقرب شفايفه من شفايفها وقام يبوسها

زينه حطت ايدها على صدره وبدت تدزه شوي واهو مسك ظهرها وقربها اكثر ...

وما قدرت تقاومه ..

وكملت معااه

وبدى يفصخها حجابها

ونامت على صدره

وبدى يمسح على شعرها : زيون وناسه كلها سنتين واتقدم لج مو قادر اصبر خلاص

زينه : حبيبي والله

حسن : تعتب من دونج والله


زينه : وانا بعد

وظلو يسولفون لمن يت دانه وراحت معاها وردت البيت وكانت ميته من الونااسه ...

وتمر الأيام والأسابيع

والحب أكبر من الحب اللي قبل

...​

زينه كانت معزومه على جم عرس

وكانت تروح اهي واختها وامها ...

وكانت تصادف ام حسن

ام حسن حيييل اعجبتها زينه وكانت تدري بعلاقتهم ... وكانت تقوول حق حسن عرفت تختار خوش بنت وحلوه ومن ناس معروفه ...

وكانت ام حسن تعاتب حسن تقول هالمريم المسكينه اللي معلقها اخوك ما ادري متى ياخذها

وكان حسن يستمتع حييل لمن امه تمدح بزينه

ويروح يقول لزينه الكل حاسدني فيج ..


ومر الكورس الاول كان بالمقررات زينه شافت رفيجاتها اللي كانوا معاها بالمتوسط وحيل استانست

ومر هالكورس على خير ونجحت ويابت امتياز وكالعاده حسن يكافئها ويروحون يشوفون بعض واهلها بعد باركوا لها وكافئوها

وكانت مستانسه بس ..!!


بس في شي كدر الوناسه اللي كانت اهي فيها !!

اهلها قرروا يسافرون بالصيف

واهي طبعا حالتها حاله

اختبصت يعني راح تخللي حسن

مستحيييل ما تقدر

اهي لازم كل يوم تكلمه

لازم كل اسبوع تشوفه ؟؟!!

شلون الحين !!

مريم : لا تقنعيني بتظلييين بروحج محد بخليييج

زينه : لا والله وحسن ؟

مريم : يااااا هالحسن هذا اللي ملعوزنا !!

زينه : لا تقولين عنه جذي رجاا ءااا

مريم : نزين نزين فكينا زهبي اغراضج لان مستحيل نخليج بروحج

كانت السفره حق ماليزيا ...



زينه تكلم حسن وتبجي : امبيه حسون شلون اخليك

ما خبروك اني عليك انت ميت
ما قد سمعت بها ولا يوم لي الحين
ياليت عيني عنك صدت وعيت
بعدين قلي معك بعدين بعدين !!

حسن : بابا والله انا ضايق خلقي شلون تروحين وتخليني بس دام فيها وناستج روحي حبيبتي وبنتظرج كلي لهفه وشوق يا حياتي

زينه : ما اقدر شلووون !!

حسن : حياتي والله ولا يهمج والله بشوف صورج وبسللي عمري وانتي عاد لا تقصرين معاي كل فتره دقي عني سألي اوكي ؟

زينه : اكيييييد ما يبيله اصلن اول ما اوصل بطلع لي رقم وادق عليك

حسن : حياتي والله

وظلت زينه تسولف معاه لمن راحت المطار

كان اهو موجود

وكان بس يطالع زينه

وزينه كل ساعه تشوفه وتدز له مسج

مريم شافته وعصبت لان زينه كانت لاهيه معاه وما تدري شللي يدور حولها ولا تسمع اخوها ولا ابوها ولا امها

مريم : يا الخبله بس بس ترى والله الكل شاك فيج شفيج انتي مو جذي اشكره يعني

زينه : كافي بروح ومراح اشوفه حاسدتني على هاللحظه

مريم : الحمدالله والشكر يا ربي

زينه : اوووف

لولو : زينه

زينه طبعا بخبر كان كانت لاهيه مع حسن ولمن راحوا كلهم بدشون قالت لهم روحوا انتو انا بروح الحمام وراجعه

مريم بنظرة تهديد واهي تقولها امانه امانه

وراحت صوب حسن ولا شعوريا لمته جدااام الناااس !!

حسن ويها احمر : بابا عيب مو جدام الناس

زينه تبجي : والله راح اشتاق لك والله حسن دير بالك على عمرك الله يخليييك ونام عدل وتغطى عدل واكل واشرب عدل امانه اول ما اوصل ادق عليك اوكي

حسن : خلاص بابا حبيبي انتي روحي يالله تروحين وترجعين بالسلامه يا قلبي
..


بعدت عنه وراحت التفت عليه وقالت : احبك

حسن : اموت فيج

بحفظ الله يالغاليه

الوداع اخر حروفن في خفوقي شلتها !!






زينه ركبت الطياره وكانت يمها لولو

وطبعا لولو من اول ما طارت الطياره وصارلهم ساعه واهي تقرق على راس زينه

وزينه مبوزه وتسمع اغاني حزينه وتبجي

لولو : ويييع لوعتي جبدي انا شلون اقعد معاج خلاص عااد ضحكي ما صارت يعني !!

زينه : ما اقدر ولهت عليه

لولو : شدعوه عليج بس جد لان اوفر زينه ما يصير جذي !!

زينه : اوووه خلاص عاد

لولو : وااي لو مو اختي يم اختج جان قعدت يمهم

زينه : والله اسفه لولو بس فترة وتعدي

لولو : بننطر هالفتره اوووف

زينه اووول ما نزلو راحت واشترت خط ودقت علييييييييه على طووووووووووول

حسن كان نايم ورد عليها وصوته كله نوم : الوووو

زينه : ولهت عليييييييييييييك

حسن : حبيبي والله ها وصلتي الحمدالله على السلامه

زينه : الله يسلمك وااي حسون متى ارد لان صج ولهت عليك

حسن : زيونه ابيج تستانسين اذا تحبيني لا تكدرين خاطرج انا باقي لج طول عمري لا تخافين انا لج وانتي لي

زينه : حياتي يلوموني فيك

حسن : أي يالله سولفي وبعدها روحي قعدي مع اهلج

وظلو على هالحااال طول السفره كانت بس تدق على حسن وكانت كله كاااام معاه 24 ساعه

وكل ما راحت تشتري شي تشتري حق حسسسسن

بحياتها حسن وبس

وردت الكوييت وكان اهو بعد ناطرها بالمطار

وشافته ابتسمت له وكان ودها تلمه بس كانوا اهلها معاها

وثاني يوم راحت معاه المطعم وقعدوا يسولفون وكانوا بكبينه فلمته وظلت على صدره واهو يسولف لها لمن غابت عنه

وبدى الكورس الثااااني ونجحت زينه ويابت امتياااز

وكانت معاها لولو ومريم بعد واهم استانسوا وبدوا يصرخون

بس وناسه حسن غيررر


حسن شالها وفرهاااا


واهي انحرجت لان الحارس كان يشوفهم


حسن : واللله احبج

زينه : اموت فيك




خلاص بقى لها رابعه ويتحقق حلم حسن

بس راح يتحقق !!
:eh_s(21):
**​

قرااااااااااااءه ممتعه حبايبي :eh_s(21):​

 

[واحشني مووووت]

حبايبي بنات الي طلبوا ارقام صفحات البارتات



هاذي ارقام الصفحات عندكم​

1،5،7،11،14،22،32​

 

[» miss♥f6oum «]

وااااااااااااااي بااارت ولاا أروع :$

مووسهله فديتج والله والله يعطيج آلعافيه ع الباارت وماتقصريين

زيووون كاااااك بدعتي والله حدج موصج

يااااارب يتحقق الحلم يااارب

 

[ReRez]

ثانكس مو سهله حبوو
---

زيون ان شاءالله ماتلمينه كل شوي جدام الناس ؟؟!!!!
وخفي روحات البيت تره الشيطان شاطر :rgewrg:
ادري القصه خلصت ومايفيد الكلااام بس ودي ازف :×
--

اي و مبروووك عالحجاب ^_^

 

[cute princess]

زيون !! بدعي اكثر :\

 

[admant_7abk]

وااااااو رووعه الباارت

يسلموو حياااتي

ناطرين الي بعده

 

[مـ سهله ـو]

حبايبي بنات الي طلبوا ارقام صفحات البارتات



هاذي ارقام الصفحات عندكم​

1،5،7،11،14،22،32​

حياتي الله يعطيج العافيه مشكورة سهلتي المهمه :d​

 

[واحشني مووووت]

وااااااااااااااي بااارت ولاا أروع :$

مووسهله فديتج والله والله يعطيج آلعافيه ع الباارت وماتقصريين

زيووون كاااااك بدعتي والله حدج موصج

يااااارب يتحقق الحلم يااارب

يسلمووووووووووووووو​

 

[مـ سهله ـو]

وااااااااااااااي بااارت ولاا أروع :$

مووسهله فديتج والله والله يعطيج آلعافيه ع الباارت وماتقصريين

زيووون كاااااك بدعتي والله حدج موصج

يااااارب يتحقق الحلم يااارب

حياتي والله تفداج العافيه مشكورة على المرور الحلو :eh_s(21)::aha:​