روايتي وطن عمري(أحبك لا تقول اشلون)بقلمي

[miss 3yara]

هاااي اشلونكم شخباركم :$
والله ولهانه عليكم حدي لهيت بالامتحانات والحمدالله اخر تعبي نجحت ويبت نسبة وايد حلوه والفال حق الي بالثانوي ~_*
امم رديت لكم بروايه رومانسية واهي حقيقية وخيالية وتعتبر الرواية ال14 لي ..امم بتحسون بأول البارتات ان ماكو احداث ومليقه بس انا متعمده علشان ابيكم تتعرفون على شخصيات الابطال وبعدها انشالله بتبدي الاحداث اممم وما احلل اي وحده تنقل روايتي بدون ذكر اسمي
ــــــــــــــــــــــــــــــــــــــــــــــــــــ
: تغيرتي وااايد !!

ـــــــــــــــــــــــــــــــــــــــــــــــــ​

:سكرااانة !!​

ــــــــــــــــــــــــــــــــــــــــــــــــــ​

تغني وترقص وبأيدها كااس وتقول:وخرري عنيي م م حد له شش غل فييني!!​

ــــــــــــــــــــــــــــــــــــــــــــــــ​

بصوت واطي محد يسمعها:طووول عمررها انطوائية!!​

ــــــــــــــــــــــــــــــــــــــــــــ​

تطالعها وتبتسم بخبث وبقلبها:انا اعلمج عيل تاخذين حبيبي مني!!​

ــــــــــــــــــــــــــــــــــــــــــــــ​

ميته من البجي:بس انا ما احبه والله ما احبه بس مجرد زميل واخو!!​

ـــــــــــــــــــــــــــــــــــــــــــــ​

قالت بكل حب وشووق:اهوو هواي الي اتنفسه !!​

ـــــــــــــــــــــــــــــــــــــــــــ​

قرب منها:حياتي بدونج ولاشي!!​

ـــــــــــــــــــــــــــــــــــــــــ​

:لااااا الا بنتي!!​

ــــــــــــــــــــــــــــــــــــــــــ​

:للاسف انك مومن مستووااي!!​

ـــــــــــــــــــــــــــــــــــــــــــ​

عطاها كف قوي وقال:ينيييتييي!!​

ـــــــــــــــــــــــــــــــــــــــــــــ​

سرحت شوي وقالت:شنو بتكون ردت فعلك لمن تشوف اسمي بين الوفيات!!​

ــــــــــــــــــــــــــــــــــــــــــــــــــ​

قرب منها:ماقلت لج بتيينيي بريوولج!!​

ــــــــــــــــــــــــــــــــــــــــــــ​

تلعب بشعرها وتناقز وتغني بعبط:وشسوووي له حتى يحبنيي!!​

ــــــــــــــــــــــــــــــــــــــــــــ​

همست له:على فكرة انا الي يبيعني ابييعه برخص التراااب!!​

ـــــــــــــــــــــــــــــــــــــــــــــ​

:احبك ..اعشقك.. اهواك!!​

ــــــــــــــــــــــــــــــــــــــــــــــ​

Wa6an 3oumry (a7bik la tgool (eshloon;**​

 

[miss 3yara]

~البارت الاول~​

ـــــــــــــــــــــــــــــــــــــــــــــــــ​

سنة 2008م​

ـــــــــــــــــــــــــــــــــــــــــــــــ​

شيخة:يالله يما تكفين قنعي ابووي ابي ادرس ببريطاانيا مابي بالكويت​

ام فيصل وهي تسوي شغلها عاللابتوب:ابووج موراضي انا شعلي​

شيخة:يما عفيه حاولي فيه ابي ادرس ويا حصووه ببريطانيا​

ام فيصل تشوف ساعتها:ابوج الحين بيي روحي دارج وانا بحاول فيه​

شيخة باست راس امها :يسس الله يخليج لي يالغاليه...وصعدت فوق دارها ركض​

ـــــــــــــــــــــــــــــــــــــــــــــــــــــــ​

عايلة حمود غانم ال.......محامي مشهور بالديرة كل همه شغله وعياله وحبووب وطيب والي يشوفه يعطيه اصغر من عمره واايد​

مرته أماني ام فيصل بيضه عيونها سود شفايفها صغار وشعرها طويل وصابغته اشقر مهتمه بجسمها وشكلها ودايما انيقه الي يشوفها يقوول بالعشرينات وهي مووكبيرة ومومتحجبه وناظرة بمدرسة ...............ابتدائية بنين​

عيالهم:​

فيصل الكبير عمره 22 سنة ابيض عيونه سود وحواجبه عراض ومسوي له قفل ومووطويل وايد ومعروف بكشخته طالع على ابووه وتوه متخرج من كلية الهندسة عصبي شوي بس قلبه ابيض اذا حب يحب من كل قلبه يحب السفر وايد كان كل عطلة يروح الامارات ويا ربعه ​

شيخة عمرها 17 سنة بييضه عيونها بنيه ووساع ورموشها كثااف شفايفها صغار وردية شعرها لونه بني فااتح وطويله وجسها اينن كانت انطوائية شوي وبأخر سنة بالثانوي علمي ماتحب تكون صداقات عندها صديقة وحده اسمها حصة وياها من الروضه وتعشقها وتموت عليها اممم هاديه حييل وماعندها شخصية كل شي عاادي اوكي حساسة زيادة عن اللزوم بس بالدراسه مصرية على قولة فيصل اخووها تاكل الكتاب اكال وهالشي خلاها اتصير الاولى على دفعتها وعالمدرسة وعالمنطقة التعليميه وامها وابوها رافعين راسهم فيها​

مشاري عمره 6 سنين ابيض عيونه عسليه شعره لونه بني ويكون ياي على يبهته وعنده غمازتين على خده وبأولى ابتدائي وحيل حيل متعلق بأمه دلوع شووي امه وابوه مدلعينه مايردون له طلب ​

ملاحظه(هذي اعمارهم ب2008)​

ـــــــــــــــــــــــــــــــــــــــــــــــــــــــــــــــــــــــــــــــــ​

مشاري:مااماا​

ام فيصل مندمجه باللابتوب:عيونها​

مشاري:ابي كورن فليكس​

ام فيصل:روح حق الخدامه خل تسوي لك​

مشاري يفرك عيونه:انشالله​

ولابوفيصل داش:السلااام عليكم​

ام فيصل صكرت لابتوبها:وعليكم السلام هلا حبيبي​

بوفيصل:هلااا بأموونتي هلا بحيااتي​

ام فيصل:وااي حموود بس كبرنا على هالسواالف​

بوفيصل قعد يمها وباسها على خدها:لاتووناا شبااب​

وشيخه قاعده عالدري تراقب الوضع​

ام فيصل:انزين بوفصول حبيبي​

بو فيصل:ها فيها بوفصول حبيبي تبين شي عدل​

ام فيصل:عدلل​

بوفيصل:ها حبي شبغيتي​

ام فيصل:ولي يسلمك حمود سو اوراق شيوخ وخلها تدرس ببريطانيا​

بوفيصل:ردينااا على هالطااري​

ام فيصل:حررام عليك حمود البنيه زايغ قلبها على الدراسه بره وهي مشالله شاطره نسبتها بالكورس الاول 99.6 والاولى عالمنطقة التعليميه يعني اكيد قبول فوري​

بوفيصل:لاحول ولا قوة الا بالله​

ام فيصل:وهيا وياها حصونه رفيجتها مورايحه بروحها​

بوفيصل:اماني ياحبيبتي يا حياتي فهمي بنتج ماعندها شخصيه بالمووليه يعني اشلوون بتتصرف هنااك​

................​

شيخه فقدت الامل بأبوها وتضايقت حيل خصوصا لما قال عنها انها ماعندها شخصية​

.................​

ام فيصل:اهيا بتدرس بلندن نفسها ولندن كلها عرب يعني ماعليها خوووف​

بوفيصل:شيخو الخدامه تييب لها الماي هالدور هناك شبتسوي هيا الي بتغسل هدومها وهيا الي بتطبخ وبتصير المسؤوليه عليها وايد كبيرة​

ام فيصل:لا لا شيووخ قد المسؤووليه​

بوفيصل:نشووف... وينها اهيا الحييين​

ام فيصل:بدارها​

بوفيصل:ناديها​

ام فيصل بصوت عالي:مشاااري مااماا​

يا مشاري وهو شايل المله وياكل كورن فليكس:نعمم​

ام فيصل:ميشو حبيبي حط ملتك ورووح ناد شيوخه​

بوفيصل:الحين حزة غدا ليش تخلينه ياكل كورن فليكس​

ام فيصل بدلع:واااي حموود بخااطرره وهوا توه قاعد من النووم​

ولا يايه شيخه:نعم يبا​

بوفيصل بجديه شووي:قعدي​

شيخه قعدت يم ابوها​

بوفيصل:اماني روحي المطبخ جهزي ويا الخدامه الغدا ​

ام فيصل عرفت ان يصرفها:انشالله....وقامت​

بوفيصل:شتسوين؟؟​

شيخة:قاعده ادرس حق الفاينل​

بوفيصل:شنو اول امتحان ؟​

شيخة:كيميا​

بوفيصل:بالتوفيق يبا​

شيخة:اجمعين​

بوفيصل:انا موافق انج تدرسين ببريطانيا وباجر بسوي اوراقج بس علىىى شرررط​

شيخة نقزت من الوناسه:صججج احلفف يبااا انا مووافقه على كل شروطك ​

بوفيصل يضحك:انتي سمعي شرطي​

شيخة حطت خصلتها ورا اذونها:شنو​

بوفيصل:ابييج تصييريين قد المسؤولييه هناااك ومابي خرابييط مني منااك انتي رايحه دوله اوربية ورايحه حق الدراسه وبس ابيج تحطين هالشغلة فباالج وابييج ترفعين رااسييي يا شيخة مثل ما انتي رافعه راسي الحيين​

شيخة بوناسه:انشالله يبااا​

بوفيصل:خلاص انا الحين اكلم خالج وباجر الصبح نروح نسوي اوراقج ​

شيخة باست راس ابوها:احبك يبا مشكور وايد​

بوفيصل طالعها وابتسم​

ولا فيصل داش وبايده جنطة النادي:السلااااااااااااااااام عليييييييييييييكم​

بوفيصل:وعليييكم السلام من وين راد اخ فيصل​

فيصل:يبا انت اشجايف معااايييي جايف معاي جنطه يعني اشكره راد من النادي​

ام فيصل وهي بأيدها ماعون الورق عنب:والله انت يافصيل ينخاااف منك​

فيصل:افا يا ام فصوووول​

ام فيصل:انا اقوول تعالوو تغدوو ابرك​

 

[miss 3yara]

اخر يوم امتحانات فاينل​

ــــــــــــــــــــــــــــــــــــــــــــــــــــ​

شيخة:امبييه حصيص مومصدقه واخيرا خلصنا​

حصة:اي حده وناسه باقي بس3 اشهر ونساافر لندن واي لازم نروح السوق ونشتري لنا ملابس حق السفرة​

ــــــــــــــــــــــــــــــــــــــــــــــــــــــــــــــ​

حصة اعز رفيجات شيخة حنطاويه عيونها بنيه حواجبها مرسومين رسم وشفايفها صغار وعندها غمازتين باختصار تينن وطولها حلوو وضعيييفه وماخذه بطولات بالتكواندو واهيا دايما من المتفوقات وعكس شيخة بكل شي جريئة حييل والسانها طوويل وتحب تسولف فصلة ودمها خفيف اجتماعيه وايد تحب تكون صداقات يديده تحب المووضه وافلام الرعب ​

ــــــــــــــــــــــــــــــــــــــــــــــــــــــــ​

شيخة:وااي وااي حصوه اشفيج مستعيله ماندري نموت نعيش​

حصة:ويه لاتلوميني مستانسه حددددي بنبيعها هنااك​

شيخة: لا حبيبتي انا رايحة بس حق الدراسه ويالله حصيص كا امي وصلت اول ما اوصل البيت ادق عليج​

حصة:رايحة بس حق الدراسه هااا ماشي اذكريج شيووخ واوكي حياتي باي​

ــــــــــــــــــــــــــــــــــــــــــــــــــــــ​

وركبت شيخة السياره:هااااي​

ام فيصل ابتسمت:هايات ها شسوويتي بالامتحان​

شيخة:ماااي​

ام فيصل:الحمدالله شيوخ ماما ......ماكملت امها كلامها والا شيخة حاطه سيدي راشد الماجد ومطوله على حدده​

ــــــــــــــــــــــــــــــــــــــــــــــــــــــ​

هلي لاتحرموني منهـ .. هلي لاتبعدوني عنهـ

مثل ماهو قطعهـ مني .. أنا ترانيقطعهـ منهـ​

أحبهـ أموت أنا أذوب أنا أدوخ أنا والله ميت فيهـ
أحبهـ وعقليوروحي وقلبي ياعلني ماأبكيهـ​

هلي الله يسامحكم .. إذا ماكان عاجبكم
هليتكفون طالبكم .. أحس بشوفهـ الجنهـ​

هلي تكفون خلوني .. معاهولاتلوموني
هلي ماأريد أنا غيره .. ولايغني أحد عنهـ​

حشى ماكنت لهـ جاحد .. ولاحب من طرف من واحد
شكيت لراشد الماجد .. سبايبكم هلي غنى​

ــــــــــــــــــــــــــــــــــــــــــــــــــــ​

ام فيصل عصبت وقصرت:اووه شيخوووه ويعا لاتفشليني ​

شيخة تضحك:يما خليني مستانسه​

ام فيصل:لاا والله اناا اقووول نزلييي البيت لا اييج كف الحين على ويهج​

شيخة:افاا​

ام فيصل:شيوخ نزلي يالله وراي شغل ​

شيخة طنقرت :انزيين....وبطلت الباب ونزلت وصكته حيل​

ام فيصل ضحكت على بنتها وبقلبها:عسى الله يخليج ليي​

ــــــــــــــــــــــــــــــــــــــــــــــــــــــــــ​

دخلت شيخة البيت ورقعت الباب حيل​

فيصل عصب:يا الحيوانه سويتي زلزال​

شيخة:جب مليق​

فيصل:شسويتي بالامتحان سحيلة​

شيخة وهي تقعد يمه:مااي​

فيصل وهو ياخذ الجريده:أي اكيد ماي مصرية​

شيخة بققت عيونها:جبببب​

ــــــــــــــــــــــــــــــــــــــــــــــــــــــــ​

بعد مرور تقريبا 3 اشهر​

يوم السفرة لبريطانيا​

شيخة يايه ركض وهي وجنطتها الصغيره​

حصة تنرفزت:شيوخ وينج سنة​

شيخة:شسووي امي حبيبتي قعدت تبجي مو راضيه تخليني وفصول يهديها صارت لويه​

حصة:يالله يالله مابقى شي عالطيارة​

شيخة وهي تعدل شعرها:يالله​

وهما يمشون​

حصة:تهقين بيقعدونا يم بعض@@​

شيخة:اكيد لا تذكرتي غير عن تذكرتج وانتي يايه قبلي ذكية​

ودخلو البوابة قعدو تقريبا 10 دقايق بعدين دخلوهم الطيارة​

وكانت حصة جدام شيخة بكرسيين وشيخة تبي تبدل مع المره الي يم حصة بس موراضيه​

شيخة مدت البوز وبصوت واطي:شنوو هذا ابي حصييص ....ولبست نظارتها الطبيه وطلعت كتابها وقعدت تقرا​

:ِ A20 A20 ايييي كاا واخيرا​

وحط جنطته الصغيره فوق وقعد يم شيخة:السلام​

شيخة ساكته ​

:قلناا السلاام يبا ​

شيخة هم ساكته وتقرا​

:ماقعدوني الا يم هالسحيله​

شيخة وصلت حدها بس هم ساكته والي باط جبدها اكثر خلاص ماتقدر تغير مكانها​

يت المضيفه تكلم شيخة:اختي ربطي الحزام​

شيخة رفعت راسها وبصوت واطي:اوكي​

بقلبه اخيييييه شحلاااتهااا​

ـــــــــــــــــــــــــــــــــــــــــــــــــ​

بعد مرور ساعتين تقريبا​

:انزين سولفي​

شيخة خلاص لاعت جبدها:اووه على فكرة لوعت جبدي​

:زين يباا اسفيين​

شيخة تبي كلينكس قعدت تحوس بجنطتها مالقت ومستحيه تقول حق الي يمها بس تجرأت:اخوي عندك كلينكس​

يعطيها الكلينكس الي بأيده:تفضلي استعمال خفييف​

شيخة تنحت بويها ومبين من تعابير ويها انها لايعه جبدها وبقلبها الله يلوع جبدك​

يبا نتغشمر ....ويطلع من مخباته باكيت كلينكس صغير:هاج​

شيخة:مشكوور​

:العفوو..الا ماقلتي لي شسمج​

شيخة:مالك شغل​

ضاري:انزين انا ضاري​

شيخة وهي مندمجه بالكتاب:اممممممم​

ــــــــــــــــــــــــــــــــــــــــــــــــــــــــ​

ضاري توه كامل 18 سنة حنطاوي حواجبه عراض عيونه سود مسوي له قفل وطويل ومجسم بس مو الاوفر على خفيف وطويل والي يشوفه يعطيه اكبر من عمره بوايد وحاط تقويم وشخصيته حبووب وفصله ودمه خفيف بس موزين يعصب مايعرف امه من ابوه :p فيه شوية غروور بس طيب​

((لاتنسووون الاعمار هذي بسنة 2008))​

ـــــــــــــــــــــــــــــــــــــــــــــــــــــــــ​

وبعد مرور 4 ساعات وصلو مطار هيثرو ​

نزلو من الطيارة​

وشيخة لايعه جبدها ​

راحت صوبها حصة:شوشو حبي اشفيج​

شيخة:ويع لاعت جبدي من الي يمي​

حصة:هههههههههههههههههههه حرااام عليج شكله يونس​

شيخة:يونس ها...ومسكتها من زندها:امشي امشي​

ـــــــــــــــــــــــــــــــــــــــــــــــــــــــــــــــ​

بالكويت​

ـــــــــــــــــــــــــــــــــــــــــــــــــــــــــــــــــ​

ام فيصل:وااي لوو ادري مومخليتها تدرس بره مكانها مبين ​

فيصل معصب:اي يبا ناس وناس تخلونهم يدرسوون بره​

بوفيصل:انت ماقلت بدرس بره لو قايل جان مخليك وعلى حسابي بعد​

مشاري:ماما خلاص شيوخه مراح ترد بعد​

ام فيصل تلمه:لا امي بترد​

ـــــــــــــــــــــــــــــــــــــــــــــــــــــــــــــ​

بلندن​

ـــــــــــــــــــــــــــــــــــــــــــــــــــــــــــــ​

شيخة حطت جنطتها ونسدحت عالفراش بتعب​

حصة وهي تصكر الباب:ويع قطيعه هالحيوان الي تححت نرفزني​

شيخة:حصووه فصخيني جوتيي​

حصة:وليش موانتي الي تفصخينه انشالله​

شيخة:تعبااانه​

حصة:جب هذا الي ناقص بعد​

شيخة تعدل قعدتها:انزين انا بفهم اشحقه معصبه​

حصة:من هالجلب الي تحت​

شيخة قامت من الفراش وطالعتها وتنهدت خذت فوطتها وبجامه ودخلت الحمام​

اما حصة بطلت الدريشه وليلحين تتحلطم​

 

[miss 3yara]

شيخة كانت حاسه بدووخه موطبيعيه غسلت ويها بماي بارد وغمضت عينها بعدين بطلتهم حست نفسها ماتشووف شي كل شي جدامها موشوش ..قعدت تمشي شوي لين وصلت لي الباب وبطلته ​

حصة قربت صوبها:شيخوه اشفييج​

شيخة طاحت عليها من غير ماتحس:وديني الفراش بنام​

حصه اسدحتها عالفراش ​

حصة خايفه عليها:شيخوه امشي اوديج مستشفى ابوي كل مانروح لندن يروح له وايد زين​

شيخة تحط ايدها على راسها:لاماله داعي كل مره يصير فيني جي​

حصة:ومن شنو عاد​

شيخة:اووه حصيص عادي خو هذا ضغط مادري شسمته امي ​

حصة طالعتها​

ـــــــــــــــــــــــــــــــــــــــــــــــــ​

اليوم التالي​

الساعة 6 الصبح بتوقيت بريطانيا​

شيخة قعدت بكل نشاط شافت حصة نايمة يمها بسابع نومه دخلت الحمام خذت لها شاور سريع وبعدها طلعت علشان تلبس اليوم اول يوم لها بكلية علوم سياسية لبست نفنوف اسود جبنيز يووصل لي فوق ركبها بشوي وشعرها عنقوص وماحطت بويها ولاشي ​

شيخة قامت وقربت صوب فراش حصة وصرخت بأذونها:قووووووووووووميييييييييييي​

حصة فزت من النوم مخترعه وقالت بعصبية:ويعا​

شيخة وهي تضحك:خلصي قوومي ورانا جامعه واشياء وايد​

حصة خزتها بطرف عيونها​

قامت حصة وخذت لها شاور ولبست وكشخت بعدها اجرو لهم تاكسي وراحوا لجامعه​

شيخة وحصو وقفو جدام جامعتها​

شيخة شافت الجامعه وخذت نفس ومسكت ايد حصة ودخلو ​

ـــــــــــــــــــــــــــــــــــــــــــــــــ​

انتهى البارت واول البارتات راح تحسونها سخيفة شوي j لان بأول البارتات بس ابيكم تتعرفون على شخصيات الابطال بعدها راح نبدي بالاحداث وباالنسبة لللبارتات راح يكونون يوم وترك بس اليوم بارتين يعني باجر ماكو والاحد في​

 

[تفدى رويشد]

وااااى متا البارت الياي تشوووق والله عجيبه كملى ناطرتج

خصوصا انها باسم اغنيه رويشد الرواايه فديتج

 

[♥ بقآيآ آنسآنه ♥]

لووول لآ سخيفه ولآ شي اينن

وشيوخ اتوقع تحب ضآريو

وكممملي نآطرينج

 

[sweet.sanfoora]

وااااااااااااااااااااي

اصول الحلوة كاتبة رواية وانا اخر من يعلم

شيخة بتتغير

وبثث


ثانكيووو

 

[a77sas '3alee]

يعطييج العاافييه كملي ناطريييييييينج

 

[Tom ♥ Jerry]

.,،



ههه ظحكتني " استعمال خفيف "
الروايه اتينن وآيد مو سخيفه و لا حآجه :/ !

مشكووورة و نآطرينج يا قلبي
يعطيج العافيه

 

[miss 3yara]

وااااى متا البارت الياي تشوووق والله عجيبه كملى ناطرتج

خصوصا انها باسم اغنيه رويشد الرواايه فديتج

لووول حبيبتي
فداج كلي لوول عاد هذا رويشد الحب حياج الله حبي

 

[miss 3yara]

لووول لآ سخيفه ولآ شي اينن

وشيوخ اتوقع تحب ضآريو

وكممملي نآطرينج

لا حبيبتي قصدي بأول الروايه الي بتحسونها مليقه وجي
يمكن
حياج الله حبيبتي

 

[miss 3yara]

وااااااااااااااااااااي

اصول الحلوة كاتبة رواية وانا اخر من يعلم

شيخة بتتغير

وبثث


ثانكيووو

بعد عمري انتي والله مس يو :*
يمكن
ولكم حياتي انتي حياج الله

 

[miss 3yara]

يعطييج العاافييه كملي ناطريييييييينج

الله يعاافيج

 

[miss 3yara]

.,،



ههه ظحكتني " استعمال خفيف " :d
الروايه اتينن وآيد مو سخيفه و لا حآجه :/ !

مشكووورة و نآطرينج يا قلبي
يعطيج العافيه

لول اي
يا حياتي
العفو والله يعافيج

 

[miss 3yara]

البارت الثاني الفير انشالله :* نطروني :$

 

[άGώâ ми àώàŁ]

واااااااو
ولكم باك يالحووب
بالعكس مو سخيف بداية عجيييييبة
متاااابعه
وتبي بارت ثاني عشان عيوني الزرقه:$​

 

[فتاة الكئابه]

اوه اوه اصايل عندها روايه و انا مادري
الروايه روووعه تسلم الايادي
مشكوره قلبووو ناطرين البارت

 

[miss 3yara]

واااااااو​

ولكم باك يالحووب
بالعكس مو سخيف بداية عجيييييبة
متاااابعه

وتبي بارت ثاني عشان عيوني الزرقه:$​

يا حياتي انتي
فديتج
علشان عيونج الرزق البارت الفير

 

[miss 3yara]

اوه اوه اصايل عندها روايه و انا مادري
الروايه روووعه تسلم الايادي
مشكوره قلبووو ناطرين البارت

حبيبتي الله يسلمج
العفو وحياج الله

 

[بقايا قلب مجروح]

Waaaaaaaaaaaaaaaaaaaaw
Shklhaa atyann
Waiting