الجـزء العـــاشر
جوى قاعده تتنفس بســرعه وقلبها يطق يطق حيـــــل....
جوى: وااااااي احسني راح أمووووت
أنوار: وأخيــــراا ان شاء الله راح تشوفيـــنه جووه
جوى: وااااي مو قادره أصــدق
أنوار: بس أهم شي خلي عندج كنترووول بنفسج
جوى: والله مادري شبيصير فيني بس أشووفه
كان المكان مزدحم شوي واهيه تمشي تحرك ويهها تدور عليـــه تحاول تلقطه من بعيــــد....وصارت أقرب وأقرب ليـــن صارت تقدر تشوف المكان اللي كانوا يتلاقون فيـــه....بس شافت المكان بطئت شوي....
جوى: أنوااار مووو شايفته مووو شااايفته
أنوار: هذا اهوه المكان؟؟
جوى: اي هذااااا بس ويــــــــنه؟؟؟؟ موووو موجووود؟؟؟ ليـــــــش؟؟!!!
قلبه كان يطق حيـــــل...مو قاادره تستوعب ان وصلت لي اهني وما لقته؟!!! زاااد توتررررهاااا...!!!
جوى: ويـــــنه؟؟!!! أخااااف صااارله شي!!!
أنوار: لا جوى لا تفكرين جذي...يمكن ما قدر ايي اليوم
جوى: لا لا انا كنت دايما أحصله بهالوقت!!! أنوااار خاااااايفه يكوون صار فيه شي ومادري عنننه
أنوار: جووى بس خلاااص لا تفاوليـــن على الريااال....بسم الله تونا واااصلين لاحقه جدامج أسبوعيـن
جوى: خل نقعد ننطرر
أنوار: انزين بس ما نقدر نتأخر وايد
جوى قعدت على الكرســي وكانت على أعصااابـــهااااا....تموووت وتعرف ويـــنه؟؟!! كاااان واضح حيــــــل انها متوترررره
أنوار: جوى حبيبتي ان شاء الله راح تشوفينه لا تحاتين
جوى ساكته فيييها بجوووه بس كاتمتهاااا.....
أنوار: انا حاسه انج راح تشوووفيـــنه
جوى: ما راح أمشي من فرنسا الا لما أشووفه
أنوار: لا لا ان شاء الله تلتقين فيه قبل
جوى: اوووووووووف يعنيييي ويـــــــــنه؟؟!!!
مطعم في فرنــسا.....
يوسف: هااا يمه شلون الأكل؟؟؟
أم فيصل: والله خوش مطعم عجبني
يوسف: شعبالج يمه...ولدج ذويــق وباجر راح أوديج مكان ثاني هم راح يعجبج
أم فيصل: يا يمه دلعتني وااايد خلاااص ..كل يووم مكااان وكل يوم يايبلي شي
يوسف: أفاااا بس يمه انتي تستاهليـــن أصلااا أكثررر...وبعدين كل متى ومتى راح تكونين عندي بفرنساااا
أم فيصل: اي بس حبيبي خلك عني مو شرط كل وقتك معاي
يوسف: لا يمه انا بهالفتره كلي لــج عشان بعد أشبع منج قبل ما تردين الكويت خخخ
أم فيصل: بعد قلبي ما قصرت والله
يوسف: ولووو يا يمــه...لو طول عمري أحاول أعوضج على كل اللي فات راح أظل أكون مقصر بحقج
أم فيصل: الله يحميك ويخليك لي يارب
يوسف: ولااااا يحرررمني منج ياااارب
أم فيصل: يوسف بقولك
يوسف: هلا يمه
أم فيصل: ترى طول هالمده وانا بالكويت كنت أسأل عن حمود بس للأسف لحد الحين يقولولي مسافر
يوسف: بس خلاص هذا شكله ما راح يرجع الكويت كلش
أم فيصل: الله كريم
نهـر الســين.....
أنوار: يلا جوى بس صارلنا نص ساعه ننطر خل نمشي وباجر انيي من الصبح
جوى: لا لا صبري بعد شوي
أنوار: راح تصير الساعه 9 بليل لو قعدنا بعد أكثر راح أحصل زفه محترمه من أمي
جوى قاعده على الكرسي وتهز ريوولهاااا حيـــل من كثر ما اهيه متوترره....
أنوار: جوى حبيبتي مو زين تسوين بنفسج جذي...هدي شووي
جوى: انوااار شسوووي غصبن علييي والله
أنوار: انزين يلا امشي امشي خل نقوم
جوى بالغصب قامت....ضايــق خلــقهااا حيــــل وتحاااتــي وتفكررر....
بينها وبين نفسها: ويـنه؟؟؟ أخاف صار فيه شي؟؟ أخاف نساااني؟؟!! ما عاد يحبني؟!!! يارب ان شاء الله يكون بخيــر
بعديـن جوى لما وصلت حدها قامت تبجي....
أنوار: جووووى لااا ليش قااعده تبجين؟؟!!
جوى: خااايفه أنواار...خايفه عقب كل هالوقت وكل هالمسافه اللي قطعتها واخر شي ما اشوفه
أنوار: واااي جوى ان شاء الله راح تقلبين السفره كلها منااحه؟!! خلااص صبرتي كل هذا صبري بعد شووي وان شاء الله راح تشوفينه
جوى: ان شاء الله
أنوار: بس خلاص عاد لا تبجيـــن
جوى امسحت دموعها وقاعده تحاول تقنع نفسها انها ان شاء الله راح تشوفه باجر...
يــوسف وصـل أمــه البيـــت وبس نامــت طلع راح المكااان اللي ما يمر يوووم من غيــر ما يروحــله....يكفيــه بس يقعد ويفكر ويتأمل حتى لو كاان بروحــه....وكافي هالمكان كان فيـــه أحــلى ذكرياات بالنسبه لـه....
ماعاد يغريني القمر ليلة النصف *** عادي طلع وإلا تحجبه سحابه
من يوم غاب اللي ماشفت له وصف *** صارت معي كل الليالي تشابه
ثانـــي يوم الصبـــح....
جوى: يلا أنواار قووومي
أنواار: هاااا
جوى: أنوار يلا صار الصبح خل نرووح
أنوار: الساعه جم الحين؟؟؟
جوى: الساعه 7
أنوار: اوووله من صججج!! انا قلتلج الصبح بس مووو جذي عااااد
جوى: أنوار ولا يعااافيج مو قادره اتحمل أكثرر...أصلا تدرين اني ما نمت كلش
أنوار: وييييه جوى من صجج!!! ناميلج الحين ساعتين على الأقل
جوى: يعني انا طووول الليل مااا نمت...تبيني انااام الحيــن؟؟!!
أنوار: يعني تبين عقب كل هالمده اخر يشوفج وانتي شكلج جذي تعبااان!!!
جوى: أنوااار رحميـــني وقووومي
أنوار: اوووف منننج...من متى انتي جذي حنااااانه؟؟!!!
جوى: أنوار ترى اذا ما راح تقومين اتيين معاااي راح أروح من غيرج
أنوار: لا لا بقوم خلاص
عقب ما البسوا وتجهزوا واستئذنت أنوار من أمهااا ومشوا....
الــساعه 8:30 الصبــح...
جوى: واااااااي شنووو هذاااا!!! ويـــنه؟؟!!!
أنوار: يمكن بعده نااايم...اذا الدياااي بعد مااا قام
جوى: لا لا في شي انااا متأكده
أنوار: احنا يمكن قاعدين انيي بأوقات غلط...
جوى: لا أنوار من اول ما تعرفت عليه واهوه على طوول الاقيه اهني بهالأوقات
أنوار: وييي جوى هذا كان قبل حوالي 5 أشهر
جوى بعصبيه: عيل شلووون الحيـــن!! اذا جذي خلاااص وين راح ألاقيــه
أنوار: انزين انا ليش معصبه علي؟!!
جوى: شسووي احسني راح أنفجررر
أنوار: جوى بين كل فتره وفتره انطل على هالمكان
جوى: لا ما راح أتحرك من اهني
أنوار: جوى يلاا عااد طاقين كل هالدرب عشان نقعد
جوى: أنوار خلاص انتي روحي انا بظل
أنوار: لا جوى ما أقدر أخليج اهني بروحج
جوى: أنوار عادي روحي
أنوار: لا امي جان تذبحني لو تدري اني خليتج بروحج وبعدين انا أصلا راح أقعد أحاتيج
جوى: اووه أنوار يعني الحين شلوون؟؟؟
أنوار: خلاص شوفي نقعد بعد ساعه وبعدين عااد نمشي اوكي؟؟
جوى واهيه تتنهد: اوكي
شقـه يوسـف.....
يوسـف: صباااح الخيــــر
أم فيـصل: هلا عيوني صباح النوور
يوسف: يلا امشي بريقج بره
أم فيصل: خلاص يوسف خل ناكل اي شي اهني
يوسف: لا لا امشي نطلع
أم فيصل: انزين يوسف روح شوف شغلك صارلك الحين 5 أيام ما رحت
يوسف: قلتلج ما راح أخليج ولا دقيقه لما تردين الكويت وبعدين انا الحين صرت حر نفسي اروح اشوف شغلي ما اروح أشوف شغلي الشي راجعلي
أم فيصل: الحمدالله
نهر السيــن....
أنوار: يلا جوى نقوم
جوى: يلا
أنوار: جوى لا تزعلين مني بس صارلنا ساعتين ونص قاعدين
جوى: لا أنوار معاج حق وبعدين انتي اول مره اتيين فرنسا حرام تضيعينها على جذي
أنوار: ايي جووه امشي خل نرووح السووق..مريت على محلات واايد حلوه ودي أدخلهاا
جوى: يلا امشي اول نلتقي بأمج وخالتج ونروح
جوى كانت من داااخل متحطـــمه بس اكسرت خاطرها أنواار ومو حابه ان تنكد عليــها فحاولت كثر ما تقدر تكبت بروحهاا....
طـول الوقـت سرحانه وتفكـر وطول ما اهيه ماشيـه تتلفت يميــن ويســار على أمل انها تلمـحه....
أنوار: شوووفي جوى هالنفنووف احسه يطلع حلوو عليج
جوى: اي
أنوار: مسكي جنه هذا قدج
جوى:.........
أنوار: جوى هااالووو؟؟؟
جوى: هلا
أنوار: وبعدين معاج.؟!
جوى: شنو؟؟؟
أنوار: خلاااص لااا تفكريـــن...راح تشووفينه ان شاء الله
جوى: واااي الله يسمع منج
أنوار: ممكن الحيــن تخلينه عنج شوووي
جوى: أنوار شسوي غصبن علي!! والله قلبي قاعد يعورني حيــل
أنوار: اناا لله
جوى: أنوار تكفين حسي فيني
أنوار: كاسره خاطري انتي والله
جوى: بالله الحين اهوه هنااااك
أنوار: جوى تونا قبل ساعتين كنا هناك
جوى: اي بس ما تدرررين
أنوار: يعني الحين شلون؟؟؟! كل شوي ان شاء الله بنروح نطل
جوى: انا بروح اكلم خالتي
أنوار: شبتقوليلها؟؟؟
جوى: خالتي
أم جاسم: هلا حبيبتي
جوى: خالتي في مانع لو أروح اتمشى شوي لان مو ياي على بالي سوق
أم جاسم: بروحج؟؟
جوى: اي خالتي عادي وامي ترضى ما تقول شي
أم جاسم: لا حبيبتي اخاف عليج تروحين بروحج وانتي مسؤوليتي
جوى: خالتي عادي راح اكون بين الناس
أم جاسم: لا لا جوى ميخالف صعبه اخليج تروحين بروحج
أنوار: يلا امشي امشي خل نرووح
جوى: صجججج
أنوار: اي....يمه احنا راحين نتمشى شوي
ام جاسم: انزين ديروا بالكم على روحكم
جوى: أنوااار يا بعد قلبي انتييي
أنوار: بس توعديني جوى ان اذا الحين ما لقيناه ما نرجع نروح كل ساعتين
جوى: انزيـــن
وراحوا بــس للأسف هم ما حصــلته....
مرت الأيام واهوه يروح واهيه تروح نفس المكان بس ما تصادفوا ولا مره...
كانت السـاعه 10 الصبــح وقاعده جوى على الكـرسي على أمل ان هالمره راح تشوفــه....
متى حـبيبي يجـتـمع فـينا المـكـان .. مـتــى لقــانا ياهــوا قـلـبي يـكــــون
الـقـلــوب الي لعــب فيـها الزمـان .. تـنـتـظـر مـشــوار خاطــر يلـتـقـــون
تحت ضو الشمس والحان الكمان .. تبتدي لحظــات عــشـاق الـجـــنـون
قامت شوي أنوار من مكانها عشان ملت من القعده...بس قامت لاحظت جوى شي مكتوب على الكرسي الخشب ما شافته من قبل وتفاجئـــت!!!!
لقــت قلــب محفــور ومكتوب داخلــه جـوى....بس شافت الرسمه قلبها قام يرقع حيـــــل...
جوى: انواااار
أنوار: ها ؟؟
جوى: شوووفي
أنوار: اوووووووخ
جوى: أنواااار طلع صج يحبنييي يحبنيييي
أنوار: اييييييييه
جوى: واااااااااااي بس بعرررف ويــــــــــــنه؟؟؟!!!
أنوار: يحليـله
جوى قامت من على الكرسي وكانت حيــل متوترره وفرحااانه حيـــل بنفس الوقت...
جوى: ابي ابي شي عشان اقدر اكتب فيه شي
أنوار: على الكرسي؟؟
جوى: اييي محاجه شي حاااد...مو معاج شي؟؟!
أنوار: امممم لا والله
جوى: عيل امشي بسرعه خل ندور مكان يبيعون فيه شي أقدر استخدمه
أنوار: انزين هدي شوي يعني وين بيطير الكرسي !!!
جوى راحت بسرعه حق أقرب سوبر ماركت على الشارع واشترت شي حااد تقدر تحفر فيــه...
واول ما وصــلت عند الكرســي احفــرت يــم الرسـمه قلــب ثاني واكتبت فيـه
" يوســف "
جوى: ان شاء الله يشووفه ويعرف اني موجوده
أنوار: اي اذا شافه أكيد راح يعررف
جوى: على الأقل حتى لو سافرت قبل ما احصله راح يعرف اني كنت أنتظره
أنوار: اي راح يفهم أكيد...
ومشـــوا......
الســـاعه 10:30 بليـــل كان قاعد يوســف على الكــرسي يرسم على ورقه....
وبس حط اللي كان بأيده على الكـرسي....
شااااف القلـــب...مااا كااان قاادر يستوعب...طقــته البوهه....
يوسف: من وين؟؟؟ شنوو؟؟! شلووون؟؟متى؟!؟!
يوسف انعفــــس لدرجه قاعد يكلم نفسه....قلبه قام يرقع حيــــل...
يوسف: معقوله جوى اهنييي!!!
ما كان عارف شيسوييي!!!وده لووو يلتقي فيــها الحيــــن....
بينه وبين نفسه: لااا يكوووون اهيه اهني من مده وانا مادري عنهااا!!! لاااا لا يكووون يت وراااحت ومااا شفتهااااا!!!
طلع يوسف مفتااحه وحفـر على الكــرسي...." بانتظارج حبيبتي "
يــوسف كااان مستاااانــس حيـــــــــــــل....استوعب انهااا تحـــبه...ما كان متوقــع هالشـــي!!!! ناوي من الصبــح يكون هناااك ينتظرهاااا....بس خااايف خااايف انه تأخررر وما لحــق عليـــها!!!
ثانـي يوم الصبــح....يوسف كان ملهووووف من الساعه 6 الصبح هنااااك قااااعد على أمل يشوووفها.....
كان لابـــس جينز وبلوزه سوده بأحمر وفوقها جاكيـت أسود...وماسك معاه ورده حمره وينتظــررر....
صارت السـاعه 9 وبعدها ما يــات....وكل ما يمر الوقت توترره يزيـــد...
تعال
وإرجع لي ......... .
ورجع أنفا!ا!اسي بـ وجودك ,
تعال
وحسسني بـ غلا ريحة ورودك ,
كل شي مر فـ غيابك
حتى نور البيت ظلمه .!!
وفرحتي بـ دقات بآآآآآبــــك
أرتوي منها ولا أظمى ........ .
صورتك قدام عيني . . .
مـــا أنام إلا فـ حضنها .!
يـلا !! ردّ الروح فيني
ورجع (الروح) إلـ وطنها . . .
تعا!ا!ا!ال
وإرجع لي ....... .
ورجع أنفاسي بـ وجودك ,
تعا!ا!ا!ال
وحسسني بـ غلا ريحة ورودك
جــوى : يلااا أنوااار امشي أسررع...
أنوار: عذبتيييني معاااااج
جوى: اوووف تأخررررنا اليووووم
أنوار: انزين بس خلاص كانا رايحين
جــوى كاااانت طااااايره...تمشي بسرررررعه......وبعديــــن فجأه بطئت ووقفت وعيونها تبققت!!!
أنوار: شفيج وقفتي؟؟؟
جوى:................
أنوار: جوى هاااالووووو ( وتحرك ايدها جدام ويههاا)
جوى قامت تتنفس بسررعه وقلبها بدا يرقـع حيـــل....
كانت شايفه شخص قاعد بس معطيها ظهره...بس قلبها يقولها انه اهوووه....وحست بارتباااك مووو طبيـــعي!!!! مو قادره تصدق ان فعلا يكووون اهووه
وبعديـــن أخيـــــــرا لـــف ويهه...وشاااافهااااا!!!
قااااام بســـرعه من مكـــانه بس ظل واااااقف متسمرررر....
اهوه بس لف ويهه وشااافته تجمدت بمكانهاااا.....حــست ان الروووح فجأه ارجعت فيــهااا...
أنوار: جــوى؟؟؟
بعديــــن بصوت خاااقت واهيه خانقتها العبره قالت " يوسف"
وما حست على روحها الا قامـت تركض عليــــه....واول ما وصلت لي عنده وقــفت...ظل اهوه يطالعها واهيه
تطالعه....الأثنين حاسين انهم في حلم....محد فيهم قادر يصدق عقب كل هالفتره واخيــرا التقوووا!!!
يوسف بصوت مبحوح: جـوى
وحط ايده على ويههاااا.....
ما اقدرت تمسك نفسهاااا ولقت نفسها صارت بحضـــنه.....
تـــم الجــزء العـاشــر
_03BA: لا حرآآم 
