روايـتي الثانيــه ** أرهقـني انتـظاره **

[نونيتا]

ناطرييين

 

[الغزلان]

انا اتوقع اللي مع ام يوسف


سحر ..... حب يوسف الاولي


وانه راح ينسى جوى ويرد حق سحر <<<<< حدي شريره

 

[فوفو الحلووه**]

لالالالا غزلان لا تقوولي كذا حراام جوووي لازم يرجعوا حق بعض

 

[NaB'9 QaLBi]

Yallla HamoSa 9art alsa3a 1 Mtaa btnzlen alpart ;p

 

[gold girl]

slaaaaaaam

alyoom ma 7net 3lech hamosa:080402ask_prv:

yaaaalaaaaaa weeeeen alpaaaaaaaaaaart :ggdw::ggdw::ggdw:

naa6rtch glbooooooooo:eh_s(22):

bs lazm ma yz3al yousf blbaart :bbbiu:

yala adri 6wlt-ha oo ehya g9era

 

[كويتية و النعم]

يلا ناطرينج همووسة
عاااشوا عااااشوا :ggdw:
يلااا يلاااا عاشواا :ggdw:
فديييتج بعد قلبي :eh_s(6):​

 

[همســات حالـمه]

بناااااااااات سوووووري بس قررررررربت اخللللللص ان شاااء الله

 

[فوفو الحلووه**]

خذذذذذذذي راحتك قلبوووو

 

[نونيتا]

اخذي راحتج هموووووس

 

[عيون امها]

هموووووووووووووووووووووووووووووسه
وااااااااااااو انا صار لي يومين مو داخلة النت واليوم قريت كل البارتات روعه
صج صج مو متحسفه على وقتي وانا أقراء روايتج بدعتي ومبارك عليج الشهر لوول ادري تأخرت بس شنو نسوي الدنيا تشغل
ناطرتج

 

[كويتية و النعم]

انا واايد متفائلة ان البارت بيطلع قممممة قمة في الرووعة <<<< طبعاً قمة لإنج انتي همسااات اللي كاتبته ننطر البااارت حيااااتي

 

[كويتية و النعم]

~





~

ناطريينج حبيبتي مع بارت

 

[zqertya]

لوووووووووووووووووول .. بس كاتبه عن كاتبه تفرق طبعا مع احترامي للجميع .. بس من رايي ان هموسه is the best وال top1 هذا رايي الشخصي من غير مجامله :d

ههههههههههههههههههههههههههههههه وانا معاج بهالنقطه بس هموسه العجيييييييييييييييبه بس والله انا قريت قصص حلوه ماشالله والكاتبات مبدعين بس انا لاحظت ان هالشي زاااااااااااااااااااااااااااااااااااااااااد وااااااااااااااااايد يعني الكل صار يكتب ايواااااااا منتدانا فيه مواهب مستخبيه


ناااااااااااااااااااااطرييييييييييينج ياعسل

 

[كويتية و النعم]

ايوااااا ايواااااااااااا
عاشت عااااشت
ايواااااا عاشت همسات
فديييييتهاااا اللي قاعدة تكتب لنا احلى باااارت :hjy5jewf:

 

[•ː̗̀»AghLa 7υB«ː̖́:]

:ggdw::ggdw::ggdw::ggdw::ggdw:

 

[~*~الملكة~*~]

:ggdw::ggdw::ggdw:

بانتظاااااااااارج

 

[همســات حالـمه]

بنـــات حدي سووري على التأخيــــر

البـارت التــاسـع عشـــر

سمع طـق علـى البــاب.....عرف انه امه لان اهيه كانت قايله انها راح تمره...

فتـحلها البـــاب وانـــصدم.....كانت مع أمــه ااااخر انسااانه توقـع يشوفها ويايه لي عنده!!!

يوســف: ســحر!!!!!!!

سـحر واهيه خانقتها العبره واقفه ساكتـه مو مصدقه انها واقفه جدامه..!!

( سـحر بنت قصيره شوي....شـعرها أسـود كاريـه....ملح الدنيا فيـها....ضعيـفه)

يوسف: شتسوين اهني؟!!

ام فيصل: يوسف خل ندخل بالأول

يوسف: اي اي دخلوا تفضلوا

دخلوا واقعدوا بالصاله الصغيره الموجوده بالغرفه...

سـحر: يوسف شلونك؟؟

يوسف: تمام.....بس بعرف شتسوين اهني؟؟!!

سحر: ييت أشوفك

يوسف: ويـن ريـلج؟؟!

سـحر نزلت راسها تحت: انا تطلقت من سنتين

يوسف: اهاا!!! وحق شنو يايه تشوفيني؟؟

ام فيصل: يوسف شفيك ذبحتها تحقيق!! البنت يايه تسلم عليك

يوسف: حق شنو يايه تسلم علي!!!

سحر: يوسف يعني انا بنت عمك قبل اي شي ثاني...ما يصير ايي اسلم ولد عمي؟!

يوسف كان وبعده متضايق منهااا لانها تخلـت عنـه بعز حاجته لــها.....

سـحر: امك قالتلي كل شي....بس عدنان بعده ما اعترف؟؟

يوسف: بعدهم ما عطوني خبر!!

سحر: الحمدالله انهم طلعوك من السجن...

يوسف: ليش يهمج يعني؟؟؟ بالسجن او لا!!!

سحر: يوسف من صجك!!! اكيد يهمني

يوسف: اي صح!!! عاد ان شاء الله بس هالمره مصدقه اني بريئ

سحر بدت تبجي......

يوسف انكسر خاطــره عليـها.....

يوسف: خلاص سحر لا تبجين

سحر: يوسف انت ما كنت تدري وقتها شنو كان قاعد يصير معاي!!! اضطريت أخليـك واقولك هالكلام!!! ابوي هددني وقالي اذا ما تركتيه راح تشوفين شي ما شفتيه وانت كنت هارب وبره الكويت وصايره كل هالمشكله فخـفت...!!

يوسف تفاجئ من كلامـها!!!

يوسف: حتى لووو سحر...كان باين انج ما كنتي مصدقتني أصلا!!!

سـحر: يوسف وقتها ما كنت قادره أفكـر من كثر ما كنت مصدومه!! بس والله كنت بعدني أحبك

يوسف: سحر بس تركتيني تزوجتي عقب 6 أشهر!!! شنو تحبيني!!!

سحر: يوسف والله اهلي اللي اجبروني بس صدقني حتى لما تزوجت عمري ما نسيتك

يوسف: المهم سحر خلااص ما ينفع الكلام الحين واللي صار صار ولا تحاتين انا مو شايل عليج

سحر: يوسف

يوسف: نعم؟؟؟

( سحر ودها تقوله انها بعدها تحــبه بس خافـت يردها خصـوصا انه امبين ان وايد متضايق منها ومعصـب فهونت)

سحر: الحمدالله على سلامتك ولك وحــشه والله

يوسف: الله يسلمج!!!

جــوى كانــت قاعده في غرفتـها ومخنـوقـه حيـــل....

ام جيهان طقت عليها الباب ودخلت....

ام جيهان: ها حبيبتي...شلونج؟؟؟

دوى منسدحه على الفراش حتى ما لفت ويهها وطالعت امها

جوى: هلا يمه

ام جيهان: جوى يلا انا وجنى الحين رايحين المطار

بعدين عدلت نفسها جوى وقامت عشان تودع امها....

( ام جيهان رايـحه البحريـن يوميـن عشـان كانت مسويه عمليه لان كان في مشكله بعيونها والحين عيونها ارجعت اتعبت فرايحه تفحص)

جوى: بالسلامه يمه ان شاء الله وديري بالج على نفسج وطمنينا عليج

ام جيهان: لا تحاتين يمه بس بروح افحص....بس اكيد ما تبون اتييون معانا انتي وجيهان؟؟؟ كلها عقب باجر رادين لان قاعده احاتيكم

جوى: لا يمه ما اقدر ودوامي وجذي...لا تحاتينا انا وجيهان مو يهال

ام جيهان: والله جان حجزت بالويك اند بس ما قدرت اخذ موعد بهالوقت

جوى: ميخالف يمه انتي روحي ولا تحاتيناا

ام جيهان: انزين حبيبتي وبقولج وترى راشد كلمني ووايد متضايق عشان صارلج فتره ما طلعتي معاه...ما يصير جذي جوى!!! شفيج؟؟!

جوى سكتت اول شي....

ام جيهان: قوليلي شفيج؟؟

جوى انفعلت: يمه مو قادره احبه موو قااادره

ام جيهان بانفعال: من صجج انتي!!!! قلتلج راح تحبينه مع الوقت

جوى: يمه ما ابيه

ام جيهان: انتي شقاعده تقولين؟؟؟ شنو ما ابيه!!! الحين انتو مالجين مو بس خطوبه عشان يايه تقوليلي ما ابيه!!!

جوى: يمه لو نترك بعض الحين احسن من بعديــن وتتعقد الأمور!!

ام جيهان بدت تعصب: شنووو؟؟؟ ما صارلكم شهر مالجين!! اشتبين الناس يقولون عنج!!! لا طبـعا موو بهالسهوووله تنهين كل شي

جوى بدت تبجي: يمـه انا اخر همي الناااس

ام جيهان بعصبيه: شوفي سمعيني زيييين...سالفة انج تتركينه انسييييي...الريال زيـن وخووش وااااحد ويحبج وشاريج!!!
مالج عذرر عشاان تتركيـــنه!! واذا كان يبي يطلعج طلعي معاااه فاهمه؟؟؟

جوى: بس يمه.....

جيهان دخلت عليهم...

جيهان: يلا يمه ...انا بنطركم بالسياره

ام جيهان: اي يلا حبيبتي

جوى: يمه يعني ترضين علي جذي اتعب؟؟؟

ام جيهان: بلا دلع الشكو تتعبين!!!! شسوالج اهوه عشان يتعبج؟؟؟!!

جوى: يمه انا......

ام جيهان: جوى انا تأخرت وجيهان ناطرتنا عشان توصلنا....مثل ما قلتلج شيلي فكرة انج تتركينه من بالج!! ووالله يا جوى لو اسمع انج قلتيله شي من هالكلام اللي قلتيلي اياه يا ويـــلج...اهي مو فووضى هاااا!!!

جوى نزلت راسـها....

ام جيهان: يلا انا رايــحه وحطي بالج على روحج هااا...ولا تزعليني منـــج

وسلمت على بنتها وباستها وطلـعت من الغـرفه......

جــوى كانــت قاعــده بالغــرفــه وبس تفــكر بيــوسف وميـته تبي تـعرف شيايبه الكويــت وليــش ما يــاها من قبــل!!! تبــي تشــوفــه...نفسها لو أدور عليه بالكويت كلها بس عشان تـوصـله....

بـعديـن تذكرت انها لمحت واحد بالشيراتون وحسته يـوسف...فقررت تروح هنااك على أمــل ممكن يكون صج كان اهوه وتصادفـه....

على طـول لبـست على السـريــع واركبـت سيارتـهاا رايحـه الشيراتون....

في الفندق....

يوسف طول ما كان قاعد وياهم سـاكت وماله خـلق يتكلم ومو مرتااح لوجود سـحر....

ام فيــصل لما دقـت عليها سـحر تسألها عن يـوسف وانها بخاطرها تـشوفه وافقت على طوول لان ودها تساعد يوسف يطلع من الحاله اللي اهوه فيــها ويمكن حبه القديم يقدر ينسيه جوى....

ام فيـصل: يوسف شفيك؟؟؟

يوسف: لا ولا شي

سـحر: يوسف شكله وجودي مضايقك....تبيني امشي؟؟؟

يوسف: هاا!!! لا اشدعوه

جـوى كانت دايـسه على ال 120 عشان تبي توصل بأسرع وقــت....دخلت الشيراتون وراحت الريسبشن...

جوى: السلام عليكم

الموظف: وعليكم السلام

جوى: ممكن أعطيك اسم تتأكدلي اذا حاجز غرفه او لا؟؟

الموظف: اااه لا طبعا اسف مأدرش

جوى: ليـش؟؟؟

الموظف: الأوانين ما تسمحش لنا نؤول بس اذا تديني رأم الغرفه اللي هوه فيها انا أتصل فيه

جوى: اووف اشدعوه يعني ليش ما يصير!!!

الموظف: اسف مأدرش أساعدك

وجوى عصـبت ومـشت عنــه جان تقعد باللوبي يمكن تشوفه داخل او طالع....

وظلـت حوالي ساعـه الا ربــع بس قاعــده على أعصــابــها تنــطرر...موو قادرره خلاااص تبي تشووفـه بأي طريـــقه...لازم لازم تكــلمه....

طبــعا كالعاده حاطــه ريــل علـى ريـــل وتهزز ريوولــهااا هـــز ومتوترره وحاســه ان بأي لحــظه ممكــن تشــوفه.....
في غرفـة يوسـف....لما شافـت ام فيــصل الوضع وايـد كان متـوتر بالغرفـه وبما ان صار وقـت غذا فاقـترحت ان يطـلعون يتغـدون كلـهم...

انزلوا ام فيصل وسحر اللوبي عشان يوسف ياخذ راحته ويبدل وينزلهم....

ام فيــصل بس انزلت تحـت اعرفت جوى وتفاجـئت....وجوى اول ما شافتها فزت من مكانها وراحتلها بسررررعه وكانت حيــل حيــل متووترره....

جوى: خالتي خالتي

ام فيـصل باستغراب: جوى!!!! شيايبج اهني؟؟

جوى بانفعال: خالتي يوسف وينه؟؟؟

اول ما سمعتها سحر تسأل عن يوسف غــارت وقامت تطالعها من فوق لي تحـت وجـوى كلــش ما طالعتها ولا حتى حاسـه فيـها....

ام فيصل: يوسف!!! موجود الحين نازل

جوى انفعلت: صجج!!

ام فيصل: جوى انتي شقاعده تسوين اهني؟؟؟ مو ملجتي!!!

اول ما ذكرتها انها متزوجه حسـت بعوار بقلبـها....

جوى: خالتي محتاجه اشوفه ضروري

ام فيصل: غلط اللي قاعده تسوينه جوى

جوى نزلت راسها: ادري خالتي بس لازم اشوفه لازم

شــوى جــان يـوصـل يوسـف وكان مغـتر وانصـدم بس شاف جوى ووسعت عيونه وتجمد بمكانه وقلبـــه قام بطق بقووووه....

يوسف: جوى!!!

جوى صرخت: يوووووسف....

على طووول اول ما شافتـه راحتــله بسرررررعه وكانت خلاااص راح تقط روحها عليـــه وبعديــن بس وصلت عنده جان توقف جداامــه وكانت تنتفض وقلبها يررقع...

يوسف: ش شنو تسو تسوين اهني؟!

جوى: يوسف محتاجه اكلمك

يوسف واهوه متفاجئ حيـل: جوى ش شلون؟؟!

جوى حست انها ما تقدر تكلمه جذي جدام الناس

جوى: يوسف امش معاي سيارتي

يوسف: شنوو؟؟!! جوى ما يصير!!

جوى امسكت ايده: امش يووسف يلااا

يوسف: جوى اللي قاعده تسوينه ما يصير!!!

جوى انفعلت: يوووسف خلااااص بس تعااال معاااي يلااا

وصارت تسـحبه....

يوسف حس ان شكلـهم صار غلط جدام الناس الموجودين باللوبي واستسلم لها ومشى معاها...

يوسف : جوى بس امي قاعده تنطرني خل اقولها

راح يوسـف حـق امه وراحت معاه جوى...

جوى توها تلاحــظ ســحر وقامت تطالعها باستغراب واخترعت من نظرات سحر لها....

يوسف: يمه اسف بس ميخالف انتو روحوا تغدوا

ام فيصل: يوسف ما يصير!!!

يوسف: يمه ميخالف روحوا....انا اسف

ومـشى مـع جـوى....

سـحر: خالتي منوو هذي؟؟؟!!

ام فيصل: ااااه هذي كانت حبيبته

سحر: شنووو!!!! حبيبته؟؟!! متى حبها؟؟؟

ام فيصل: من مده بفرنسا

سحر: اهاااا!!! ومن صجهااا هذي؟؟؟ مالجه ويايه حق يوسف!!!

ام فيصل: اي غريبه!!!

سحر: اهيه جوى شنوو؟؟؟

ام فيصل: جوى ال.....

سحر: اهااااا!!! ومنو ماخذه؟؟

ام فيصل: امممم قالولي ماخذه راشد ال......

سحر: المحااامي؟؟؟

ام فيصل: اي تعرفينه؟؟؟

سحر: اي اي سامعه عنه

ركب يوسف سيارة جـوى وطلعت من المواقف وداســت على طــول...

يوسف: جوى شوي شوي....وين رايحين؟؟

جوى بانفعال: يوسف ليش توك ياااي؟؟؟ ليش ما ييتني من قبل؟؟؟؟

يوسف: جوى انا....

جوى قامت تبجي : يوووسف قووولي ليش خليتني اتزوج ليييش؟؟؟ اناااا قلتلك عندي اسبوووع تعاااالي ومااا ييت لييييش ليييش؟؟؟؟

يوسف: جوى...جوى انااا ييتج ثاني يوم

جوى تفاجئت: هاااا؟؟؟

يوسف: جوووى تكفيـــن انتبهييي...شوي شوي

جوى: شنووو؟؟؟ شقلت؟؟؟

يوسف: جوى اول شي اوقفي بأي مكااان عشان نتكلم عدل

جوى: يووسف فهمنييييي

يوسف: راح افهمج كل شي بس اوقفي بمكاان ايدج قااعده تررجف!!!

جان تلف جوى فوق تحــت ودخلت مواقف مطعم ووقفت....

جوى: يلااا تكفى فهمنييي

يوسف: انزين راح اقولج كل شي....جوى انا كنت هارب بالديره وكان محكوم علي بالاعدام

جوى انصــدمت وعيونها وســعت وما استوعبت اي شي من اللي قاله وظلت ساكته تطالعه....

يوسف: جوى

جوى مو قادره تستوعب : شنووو؟؟؟ هاااارب!! اعداااام!!!!!!!

يوسف اي
جوى: انت؟؟؟؟ شلووون؟؟ ما أصدق!! يعني قتلت؟؟

يوسف: لا جوى لااا!! انا ما قتلت احد...واحد من ربعي اهوه اللي ورطني والحين كل شي بااان ورفيجي اللي كان شاهد على الجريمه أخيــرا يه واعترف بكل شي وبس الحين حاطين اللي ذبحه تحت ضـغط عشان يعترف

جوى لفت ويهها تطالع جدااام واهيه مصدووومه...هذا ااااخر سبب توقعت تسمعه من يوسف ومو قادره تصــدق !!!

يوسف: عشان جذي انا ييتج ثاني يووم ابي الحق علييج بس امسكووني وقطوني النظاره أسبوعين

جوى بانفعال: يوسف بس وصلت ليش مااا كلمتني؟؟؟ ليييش مااا دقيت علييي؟؟؟

يوسف: جوى ادق عليج شقولج؟؟ اقولج انا بالسجن محكوم علي بالاعدام؟؟ شقولج؟؟؟ اقولج لا تتتزوجين ونطريني يمكن يخففون علي الحكم؟؟

جوى: ليييش كل هذا ما قلتلي ايااااه واحنا بفرنساااا؟؟؟؟

يوسف: جوى لو قايلج جان خفتي مني ووخرتي عني

جوى عطته نظره: للهدرجه مو متأكد من حبي لك؟؟؟

يوسف: والله جوى انتي بسهوله انخطبتي وملجتي حق غيري هاا

جوى انفعلت: يوووسف مو من حقك تقوولي جذي!! انااا سنييين نطرررتك من غير ما اعرف سبب بعدك عني...ظليت على امل انك اتيينييي بيووم لما بالنهايه انهد حيــلي وانكسررت !!!

وقامت تبــجي ويوسف مو متـحمل كلـش يشوفها جـذي....

يوسف واهوه خانقته العبره : جوى بس تكفيــن خلااص..الحين شالفايده؟؟

جوى قامت تبـجي أكثـــر على حالـها وعلى وضـعهم ويـوسف على كل دمـعه تنزل من عيــنها يحس بخـناجـر تقـطع قلبـه وقام يبـجي... يحس انه اهوه السبب بكل هذا.....

إثنيَنآ خنآ بعض ~ لمآ رضيَنآ بآلفرآق

لآإنت جآبگ ليَ حنيَن ~ ۈلآجآبنيَ لگْ إشتيَآق ~

عآندتنيَ ۈعنيَ رحلت ~ ۈأنآ بعد زدت آلعنآد

علمنيَ بسـ

يـوسف: جوى بس خلاص رحميني بسج بجي

جوى: يوسف انا خلاص بترك راشد

يوسف : والله؟؟ تقدرين؟؟؟

جوى: اناا ماااحبه...ما ابيييه!!! يوسف جذي انا راح امووت بدونك ومابي بعدين اظلم الريال معاي اكثر

يوسف: انزين يعني ما صار شي بينج وبينه؟؟؟

جوى: لا ما صار شي

يوسف ارتااااااااح : واللله؟؟!

جوى: لا يوسف ما صار شي من اللي بالك كلش

يوسف رجع راسه على الكرسي: اااااااخ جوووى ريحـتييينييي

جوى هدت شوي وامسحت دموعها وبعدين مسكت ايده....

جوى: يوسف

يوسف لف ويهه عشان يطالعها وبكل هداوه قالها : عيون يوسف

جوى قعدت بس تطالعه...مرتبــكه وموو مصـدقه انه بالكويـــت....معاها....وقاعد يمــهااا...
وظلوا ساكتيـن وبس يطالعون بــعض....يبون يستلذوون بكـل لحظـه قبل ما يرجعون يتفارقون.... اهوه كان حاط راسه على الكـرسي ولاف ويهه و يطالعها واهيه لافه كل جسـمهااا ومتسنده على جنــب تطالعه....

لـو تقــول لي : مــوت أحبــك

مابقـوول لـك : و أنــا أكثـر ..!

لا تحبنــي منـي أكثــر

ولا أحبــك منـك أكثــر ..!

خـل حـبنــا بالتســاوي

و دامـه شعــور متبـادل

في الهــوى خلنـا نتعـادل

مـاابي أظلـم خفـووقـك

لا و لا تظلــم خفــووقـي

هــذا شـوقي قـد شــوقك

و إنت شــووقك .. قـد شـوقي

لا أزيــد .. ولا تــزيـــد

حـبنــا ميــزان عــادل

في الهــوى خلنــا نتعــادل

يـوم أقــرب منـك خطــووه

لا تقــرب خطــووتـيـن

بالمثـل إعشقنــي و إهـوى

ولا تحمــل قلبــي ديــن

مانبــي فـوز ,, و خســاره

لـو تبـي نغيـض العــواذل

في الهــوى خلنــا نتعــادل

يوسف: يعني خلاص؟؟ راح تتركينه؟؟؟

جوى: اكييد

يوسف: متى؟؟ اليوم؟؟

جوى: هااا؟؟ ياريـــت اليوم قبل باااجر بس ما أقدر...لازم انطر امي ترجع من السفر واكلمها

يوسف: امج متى راده؟؟؟

جوى: اهيه سافرت اليوم وراده عقب باجر

يوسف يتنهد وتضايق لان الحين لازم يتحمل بعد يوميــن تكون على ذمة ريال غيره...

جوى: اول ما اتيي راح اكلمها بالموضوع وخلاص انهي كل شي بيني وبينه

يوسف: تتوقعين امج راح تكون واقفه معاج؟؟

جوى: مادري يوسف!!! بس خلاااص العرس لو شنو ما راح اخليه يتم

يوسف: جوى يعني اكيد كلش ما تحبينه؟؟

جوى: وااااي يوووسف بذبحك!!! من صجك؟؟؟ يوسف من كثر ما احبك ما في مجال احب غيرك

يوسف استانس: والله؟؟؟

جوى: اييييييي والله

يوسف: جوى وبعدين شاللي ماخذته هذا هااا؟؟؟ هذا شــكل؟؟؟!!!

جوى: هههههههههه

يوسف: والله انصعقت!!! ما كنت ادري ان ذووقج جذي!! لا لا طحتي من عيني

جوى: احلللف!!! ههههههههه

يوسف: والله يعني تخليني انااا وتروحيـن حق واحد مثل هذا؟؟؟ ههههه

جوى: ههههههه يا سلاااام انزين بس بس لا تكثررر

يوسف: جوى صج صج!! شلون هان عليج تملجين حق واحد غيري؟؟؟

جوى سكتت شوي بالأول :...مادري يوسف انت قهرتني وااايد ويمكن رضيت عشان بس أقهرك !!وكنت لي اخر يوم اقول اكيد راح اييني قبل الملجه بس ما ييت!!!

يوسف ظل ساكت وبعدين قالها :جوى انا اسف على اللي خليتج تمرين فيـه

جوى: ما يهم يوسف المهم ان بالأخير انا لك وانت لي

يوسف ابتسملها : ان شاء الله

يوسف: يلا جوى نحررك

جوى: شنووو زهقت مني؟؟؟

يوسف: لا يبه شنو زهقت منج؟؟! بس طولناا

وحركت السـياره......

جوى: يوسف

يوسف: هلأ

جوى: منو البنت اللي كانت واقفه مع امك؟؟؟

يوسف: اي هذي سحر

جوى: اها و منو تطلع سحر؟؟؟

يوسف: بنت عمي

جوى: اهااا...وشيايبها عندك؟؟؟

يوسف: يايـه تسـلم

جوى: اهاااا اوكي تسلم

جوى تحـس في شي خاشه عنـــها....

جوى: كان في شي بينك وبينها؟؟

يوسف سكت شوي بعدين رد: اي....كانت خطيبتي

جوى: شنوووو؟؟؟ عمرك ما قلتلي انك كنت خاطب؟!

يوسف: اممم مادري ما صار وفتحنا الموضوع

جوى: كنت تحبها؟؟

يوسف: جوى شنو لزومه الحجي الحين؟؟ خلاص كل شي بيني وبينها انتهى

جوى: يعني كنت تحبها

يوسف: اي

جوى حســت بغيـــررره تاكل فيها وعمرها ما تخيلت ان يمكن كان في احد بقلبه قبلها...

جوى ظلـت ساكـته طول الطريـج وكان بايـن عليها انها متضايقه....

يوسف: جوى شفيج؟؟؟

جوى: لا لا ولا شي

يوسف: انتي الحين متضايقه من وحده كنت كنت خاطبهااا عيل انااا شقوول وانتي الحيـــن متزوجه وااحد غيري هااا؟!!

جوى حســت الحيــن ان شكثرر ممكن يكوون صج صعب عليــه....

سكتت لان كلامه صح وما عندها شي تقـوله....

صارت جـدام الفندق....

يوسف طالعها وابتسم: اول اول ما تتركينه راح ايي اخطبج من أهلج

جوى طالعته وعضت على شفايفها وابتسمتله....

يوسف: يلا حطي بالج على رووحج ها

جوى: ان شاء الله وانت بعد

يوسف: يلا مع السلامه

جوى: يووسف

يوسف: هلاا

جوى: على فكره شكلك ايييننننن وانت مغترر

يوسف: ههههههه اي صاير كل يوم ادشدش من كثر ما انا ولهان عالدشداشه

جوى: ههههههه

يوسف: يلا مع السلامه

جوى: يوسف

يوسف: هااا؟؟ ههههه

جوى: امممم بسألك....منو اكثر وحده حبيتها بحياتك؟؟؟

يوسف: ههههههههه بالله عليج هذا سؤال؟؟؟

جوى: اي يلا جاوب بعرف

يوسف: امممم منو منوو؟؟

جوى: يووسف يلاااااااا

يوسف: شسوي كانوا شكثرر...قاعد احاول اتذكرر

جوى ويهها قلــب: شنوووو؟؟؟؟

يوسف: هههههههه قاعد أضحك معاااج....من غير تفكير اكيد انتي

جوى: جذاب

يوسف: كيفج جذاب جذاب يلا باي

جوى: لا يووسف تعااال اصبر

يوسف: نعم؟؟

جوى:لا بس بقولك اني أحبك

يوسف: الحين مناديتني عشان تقوليلي هالكلمه؟؟

جوى: هااا؟؟

يوسف: هههههه يبه قاعد اطفررج والله....وانا اموت عليـج....في بعد شي ولا انزل من السياره؟؟؟

جوى: لا بس خلاص روح... باااي

يوسف: بااي

يوسف كان طااااير من الفرحه....وجـوى عقب ما وصـلته على طــول راحــت البـــيت وطول الطريج شاقه حلـجهاا وكاانت الفــرحـه موو شايلـتهاا...

وصـلت البـيت وعلى طــول قطـت نفســها على الفراااش وتفكرر بيوسف وكل اللي صار بينهم اليوم....

جيهان طقت عليها الباب ودخلت....

جيهان: جوى انتي وين كنتي؟؟؟

جوى: هااا؟؟

جيهان: وين كنتي؟؟ تأخرتي؟؟؟

جوى: جيهان بكلمج

و راحت قعدت على فراش اختها...

جيهان: شنوو؟

جوى: رحت شفت يوسف

جيهان: شنوووووو؟؟؟ انتي مينوووونه؟؟

جوى: جيهان انا احبه وما اقدر اعيش بدونه وخلاص راح اترك راشد

جيهان: امبيييه جوى من صجج!!!!

جوى: اي جيهان بسويها ومو هامني احد

جيهان: امبيه جوى وامي شبتقوليلها؟؟

جوى: بس بقولها كل شي وراح اترك راشد يعني راح اتركه

جيهان: امبيه مسكينه امي راح تنصدم!!! وراشد بعد شذنبه؟؟

جوى: والله ضميري قاعد يأنبني و ادري اني ظلمته معااي بس اذا تميت معاه راح اظلمه اكثر

جيهان: والله مادري شقولج جوى بس مو سهل اللي بتسوينه

جوى: جيهان اوقفي معاي

جيهان: حبيبتي انتي اختي اكيد بوقف معاج واكيد ما احبج تطلقين بعدين وتصرين نفسي

جوى: بعد عمري والله

ولــمت اخـــتهااااا.....

ثـــاني يووم الصبـــح.....

راشـد قـاعد على مكـتبه......

دق تلفونه...

السكرتيره: سيد راشد في وحده ما رضتش تأولي اسمها عايزه تكلمك

راشد: الشكو ما تبي تقولج اسمها؟؟؟!!!.....يلا عادي عادي حوليها

سـحر: الوو

راشد: نعم؟؟؟

سحر: اخ راشد صح؟؟

راشد: اي نعم...من حضرتج؟؟؟

سحر: مو مهم......انت مو ريال؟؟؟

راشد: نعممم؟؟؟

سحر: امسك مرتك

راشد انفعل: شنوو؟؟

سحر: مو مرتك جوى ال......

راشد انفعل اكثر: اي!! شفيهااا؟؟؟

سحر: اي امس كانت بفندق الشيراتون وطلعت مع واحد

راشد قام من مكانه : انتي جذابه

سحر: الله يسامحك وهذا وانا قاعده احاول اساعدك

راشد: لا لا انتي قاعده تجذبين

سحر: والله العظيم اني مو قاعده اجـذب وراس ولدي اللي قلتلك اياه صاار...حاب تصدق صدق واذا مو حاب كيــفك الشي راجعلك ولو انت ريااال حاول تضبط مرتك....

وصـكت الخــط.....

راشد بدا يطلــع من عيووونه شرااااااار وقلب ويهه احمررر وعصـــب.....

كان يبي يدق عليــها بس قاااال لازم يشـوفهااا ويه بويــه ويواجـههاااا....واهوه عارف انها الحين بالدواام فراااحلهاااا الدوام ووقف برره ينطرها تطلــع وكان قاعد على أعصااابــــه وناوي على شر.....

بـــس شــافها طلـــعت من الدوام طــق هررن.....

جوى اول شي ما التفتت بس لما رجع طق بعد مرره شافته بالسياره واستغربت!!! اول مره اييها الدوااام!!! ولما رجع طق جان تروحله

جوى: راشد!!! شتسوي اهني؟؟؟

راشد: جوى ركبي السياره ابيج

جوى: هااا؟؟؟ ليش؟؟؟

راشد: جوى تكفين حااس اني مخنوق وبموووت محتاج اكلم احد

جوى: هااا؟؟!؟ امممم راشد مااادري

راشد: جوى شفيييج؟؟؟ قاعد اقووولج تعبااان ومخنووووق تكفييين دخلي السيااره

جوى بس شافته جذي كسر خاطرهااا وقالت ما يضر لو دخلت السياره ...

اول ما اركبت مشــى....

جوى: راشد وين رايح؟؟؟

راشد: يبيله نروح مكان نقعد نتكلم جذي ما ينفع

جوى: انزين شفيك قولي؟؟؟

راشد: لا لا بعدين اقولج

جوى: راشد اختي ناطرتني بالبيت

راشد انفعل وقام يصرخ وويهه صار احمر : الحييين انااا مووو ريلج؟؟؟؟؟ موو مفرووض اكون اهم من اختج؟؟؟

جوى اخترررعت منــه: راشد شفيك؟؟؟

راشد: قاااعد اقوولج مخنوووق...مخنوووق

جوى: انزين هدي شوي....

راشد: اممم اقول شرايج ناخذلنا عصير؟؟

جوى: هذا وقته!!!

راشد: اي في محل قريب من اهني

ووقف جدام محل يطلب عصير....

راشد: ما تبين شي؟؟

جوى: لا مشكور

خذا العصيـــر راشــد ومـشى.....لما شافها لفت راسـها الصوب الثاني جان يقوم يطيـح العصيـر عليــه....

راشد: ويييييييه!!!

جوى: وييي شلون طااح؟؟؟

راشد: اوووف ماااادري!!! خل ارجع ابدل ونروح

جوى: هااا؟؟وين؟؟ بيتكم؟؟

راشد: اي يعني وين؟؟ أبدل بالسكه؟؟؟

جوى سكـتت......

وصلوا بيــت راشـــد.....

راشد: شنوو ما راح تنزلين؟؟؟

جوى: هااا؟؟؟ لا لا انطرك بالسياره

راشد: من صجج؟؟؟ ما تبين تنزلين تسلمين على امي؟؟؟

جوى: امك موجوده فالبيت؟؟؟

راشد: اي اكيد موجوده

جوى: اممممم اوكي

جوى قلبها كان قاعد يطـــق حيــل وحاسـه بخووف بس لما عرفت ان امه فالبيت ارتاحت....

دخلوا بيــته...

راشد: امشي فوق

جوى: وين امك؟؟؟

راشد: اكيد قاعده فوق بالصاله

جوى قلبها قام يرقع من الخوف: هااا؟؟؟

راشد: يلا امشي

جوى: راشد ما تقدر تقولها تنزل؟؟

راشد: من صجج انتي؟؟؟ امي حرمه كبيره ما تقدر تصعد وتنزل كل شوي...يلا امشي

جوى كانت واقفه وخايـفه...

راشد: يبه شفيييج؟؟؟ والله ما راح اسوي فيج شي

جان تـصعد معااه فــوق....

جوى: راشد وين امك؟؟؟ ماكو احد بالصاله؟؟

راشد: الظاهر بغرفتها!!! خل اروح ابدل بالأول وبعدين اناديهاا

جوى ابلعت ريجها :ما تقدر تناديها الحين؟؟؟

راشد: خل ابدل هدومي بالأول لان لايعه جبدي

جوى: انزين وين خواتك؟؟؟

راشد: مادري الظاهر طالعين!! اقول يلا شوي وراجع

ودخل غـرفته عشان يبدل.....

اهيــه ظــلت واقـفه بررره وميــته خوووف وبعدين قررت تنزل وتطلع من البيت.... واهيه ماشيــه جاان تسـمع شي ينكسر و صراااخ

راشد: اااااااااي

جوى اختررررعت

راشد: جوى جوى لحقييينييي بسررررعه

جوى كانت مرتبكه حـيــل و لا شعووريااا اركضت ودخلت غرفته تشووف شفيــه واول ما دخلت وقفت و شافت زجااج منكسر على الأرض !!!!

فجأه جان تسمع الباب اللي وراها يتســكر......




تــــم الجـــزء التــاسـع عشـــــر

أقول حبااايبي ترى احتماااال قوووي ان البارت الياي يكون اخر باااارت لان احس الروايه اكتفت بس بعد مو متأكده....بحسم الأمووور واشوووف واذا قررت ان البارت الياي اخر بااارت رح اعطيكم خبــر قبــلهااا

سووري على اااخر شي ميخالف تحملوني بس لزوم التشويق :ada:

 

[NaB'9 QaLBi]

heeeeeyaaaa nzlty paaart
mashkora 7bibty
yalla nw bgrah

 

[همســات حالـمه]

حبيبتي سوووري ترى مابي اتعبج و الله ... كتبي الي تقدريين عليه حيااتي .. كل شيء منج حلووو

لا عمررري ولوووو

خلاص نزلت باااارت طويــــل :eh_s(6):

 

[همســات حالـمه]

هااااي هموووس كيفك اشتقتلك يالدبه ومتى رااح تنزلي البااارت؟؟
هموووس رحت السوووق وجيت بدري عشان البااارت لا يروح عليااا ههههههههه

هااااااااياااااااااااااات

بـــعد قلبييييييييي واناااا بــــعد أكثررررر :eh_s(6):

نززززلــــته :ggdw:

لووووووول وي بعد عمري فديــــتج:***

سوري على التأخيــــر يا عسللل