روايـتي الثانيــه ** أرهقـني انتـظاره **

[miss 3yara]

الله يخليييييييييييييييييييج كملي

 

[همســات حالـمه]

الجـزء الثـاني

جوى وجنى قاموا يمشون أسرع من الخوف

........: مدموزيل

وكل ما حسوا في الشخص صوته قام يصير أقرب اسرعوا اكثر

........: سيلف فو بلي

ولما حسوا فيه قرب حيـل لفت جوى وطقته بالجيس اللي كان بايدها...

........: ااااه باغدون

جوى امسكت ايد جنى: امشي امشي بسرعه

........: لحــظه

اول ما سمعت جوى قال هالكلمه خففت من سرعتها...استغربت ما توقعت انه عربي

.........: اختي دقيقه شوي انا بس بعطيج تلفونج

جوى لفت ويهها على طول

جوى: هاا؟

.......: ما بغيت منكم شي بس هاج تلفونج تركتيه على الكرسي

جوى: ااااه مشكور,,,,سامحني بس لان كنا خايفين ومستعيلين

.......: صج عورتيني بالجيس...الله يهداج شحاطه فيه؟؟ بس ما عليـه ( وايبتسم)

جوى: اسفه ما كان قصدي

......: انتو كويتيات صح؟

جوى: اي

......: ااااخ يا كثر ما أفرح لما اكلم او حتى أشوف ناس من الكــويت...انا كويتي و اسمي يوسف

جوى ابتسمت: اهاا,,انزين احنا مضطرين نمشي الحين...

يوسف: انتو خايفين مني؟؟

جوى: لا مو جذي بس قلتلك احنا مستعيلين

يوسف: انزين بس ما يصير اخليكم تمشون جذي بليل بروحكم على الأقل خلوني أوصلكم

جوى: لا ماله داعي

ومشت ومسكت ايد اختها......

اهوه ما تكلم وتركهم يمشون,,,,,

جنى: جوى انا خايفه

جوى: لا تخافين خلاص قاعدين نقرب

لفت جوى ويهها وشافته من بعيـد ماسك جاري ويمشي...

جوى: هذا شكله لاحقناا!!!

جنى: صج!!! ( ولفت ويهها وشافته)

جوى: يلا جنى امشي أسررع

جنى: يمكن يبي يتطمن ان وصلنا

جوى: محد طلب منه!!!

جنى: بس شكله طيـب

جوى: وااي منج انتي تثقين بالناس بسرعه

واهمه ماشيين شافوا مجموعة اثنين شباب يايين ويقطون كلام فرنسي بس حسوا ان عليـهم

جنى: وااي جوى قلبي قاعد يرقع بسرعه

جوى: لا تطالعينهم وامشي بسرعه مالج شغل فيهم

جنى: خاايفه خاايفه

جوى مسكت ايد اختهاا واهمه ماشيين وقف واحد منهم جدامهم على طول...حاولت توخر عنه لكن يرد يوقف جدامهم ويضحك...طول الوقت تطالع تحت ما تحاول تحط عينها بعيونه ويقط كلام فرنسي بس مو فاهمه ولا شي من اللي يقوله!!!
جوى وجنى كان واضح عليــهم الخوف وهذا اللي خلا الشباب يستقوون عليهم زياده
شوي جان يشوفون يوسف ياي وكان منفعل على الشباب وصار بينه وبينهم حديث بس كله بالفرنسي ومو قادره تفهم شي!!! وحست انهم قاموا يشتدون بالكلام أكثر وكانت حاسه ان يوسف شوي وراح يطقهم لكن ماسك نفسه لكن شوي جان تشوف الوضع هداا والشباب مشوا بسلام ولا كأن صار شي!!!

يوسف: انا قلتلج خلوني أوصلكم,,,طيعيني ترى مو زين جذي بنات تمشون بروحكم بليل وفي مكان هادي وبعيد عن الناس...خلوني امشي قريب منكم

جوى سكتت ما عرفت شتقوله وأشرت براسها ان بمعنى انزين

وطول الطريـج يمشون واهوه كان وراهم بس قريب منهم وجوى وجنى طول الوقت ساكتين من الخرعه من اللي صار توه...وبعد حوالي 15 دقيقه مشي وصلوا الفندق ودخلوا.....
بس دخلت جوى استوعبت ان حتى ما أشكرته كلـش!! كانت تبي ترجع تطلع عشان تشكره بس حست ان ما تسوى وخلاص دامهم خلاص دخلوا!!

دخلوا الغرفه وطلت جوى على غرفة امهم وجيهان لان كان الغرف كونيكت بس ما كان في احد

جنى: واااي الحمدالله على السلااامه وأخيـــرااا

جوى: اي والله...بس امي وجيهاان وينهم؟؟! لا حس ولا خبـر!!!

وخذت التلفون تدق على امهااا

جوى: هااا يمه...شلونج؟؟ ويـنكم؟؟ الساعه 10:20!!

ام جيهان: والله 10:20؟!! اووف ما حسينا بالوقت وانتو وينكم؟؟

جوى: ويييي يمه توه ما سألتي عناا؟!! احنا بالفندق الحين وانتو؟؟

ام جيـهان: احنا قاعدين في كافيه بالشانزلنيز

جوى: يمه ولا يعافيج لا تحاولين تقولين اسم الشارع!!والله اسمه الشانزليزيه

ام جيهان: اي وانا شقلت؟؟

جوى: ههههههه أقول المهم عشتوو شكلكم حدكم مكيفين

ام جيهان: اي والله وناسه طافتكم القعده والجو يهبللل

جوى: انزين يلا ردوا الوقت تأخررر

ام جيهان: يلا الحين قايمين

جوى: ديروا بالكم على روحكم

ام جيهان: لا تحاتين حبيبتي قريب من الفندق احناا

جوى: يلا اشوه...بااي

صكت الخط,,,,

جوى: جنى لا تقولين حق امي عن اللي صار اليوم

جنى: لييش؟؟

جوى: بس اخاف تصير تحاتينا بعدين وايد وما تخلينا نطلع على راحتنا مثل الحين

جنى: ومن صجج عقب اللي صار اليوم عادي تطلعين بعد بروحج مره ثانيه

جوى: لا اليوم لان الوقت كان متأخر واحنا بعدنا وايد وبس ما راح نسويها مره ثانيه

جنى: امممم اوكي

وراحت جوى خذتلها شاور سريع ولما طلعت تطمنت لما شافت اهلها وصلوا وبعدين انسدحت على فراشهاا وطول الوقت تتقلب وتفكر بكل اللي صار معاهم!!! وكل شوي يخطر على بالها الكويتي اللي ساعدهم....

بينها وبين نفسها: من وين طلع هالكويتي؟!!شقصته؟؟ وشكله أصلا ما يوحي انه كويتي!! شكله كان بسيـــــط ويبين انه على نياته حيـل....شقال حق الشباب عشان يمشون؟؟ ما شاء الله يتكلم فرنسي عدددل!!!!

كل اللي تتذكره من شكله انه أبيضاني....طويـل....ملامحه رجوليه....حتى صوته كان رجولي وبس مو قادره تتذكر شي أكثر من جذي لان ما دققت فيه والدنيا كانت ظلمه.... وظلت تفكر وتفكر لما أخيــرا نااامــت
ثاني يوم الصبـح قامت جوى على الساعه 9 ولبست جينز ومن فوق تي شيرت ناعمه بيضه وعليها ألوان..شكلها كان سبوور بس حلووو

جوى: صبااح الخيـر يمه

ام جيهان: اوه غريبه قاعده جذي امبجر

جوى: اي مادري شطاري علي!!! لا ومصحصحه بعد

ام جيهان: يلا زيـن احسنلج

جوى: دام الياجي كلهم نايمين امشي يمه انا ووياج نتريق

ام جيهان: يلاا

ونزلوا تريقوا في مطعم الفندق وخلصوا وراحوا صوب المصاعد عشان يصعدون الغرفه...

جوى: يمه انا ما ودي أصعد...بروح اتمشى شوي

ام جيهان: ويـن؟؟؟

جوى: مادري بس ودي اشم هواا

ام جيهان : انزين بس تعالي اخذي جاكيتج لان يكون براد الصبح

واصعدت خذت جاكيت جيـنز والاي بود مالها عشان تسمع أغاني وطلعت تتمشى.....وكان فعلا الجو براااد فالبست جاكيتهاا وراحت صوب النهر لان وااايد يعجبهاا منظره وترتااح بس تقعد هنااك

واهيه تمشي لمحت شخص قاعد على الكراسي بس ما كانت قادره تشوف شكله لكن حاسه انه نفسه الشخص اللي ساعدهم وما كانت حاسه بنفسها انها قاعده تخزه حيـــل الا لما لف ويهه وصارت عيونه بعيونها وارتبكت ولفت ويهها بسرعه
بينها وبين نفسه: أشكره عن امس ولا ما أشكره؟؟!! أشكره ولا لا؟!! خلااص طاااف!!! امممم لا لا فشله حراام
ولما حست بنفسها انها ارتبكت وايد!! اوووف جوى شفيج عايشه صرااع مع نفسج!!! ما فيها شي لو بس شكرتيه!!!!

جوى: أخوي

يوسف فز من مكانه على طول: اهليـــن

جوى: اسفه امس نسيت أشكرك

يوسف: ولووو ما سويت الا الواجب

جوى: لا بس فعلا مشكور لان صج أنقذتناا

يوسف: لا عادي بس المهم ديروا بالكم.. في من هالمهابيل وايد

جوى: هههههه اي بس انت شنو قلتلهم؟؟

يوسف: قلتلهم انج مرتي

جوى ارتبكت: هااا؟!!!

يوسف: شفيج تصروعتي؟؟ هههههه بس اضطريت أقولهم جذي عشان يمشون

جوى: اهاااا بس على العموم مشكور ( وابتسمتله)

يوسف: اختي

جوى: هلا؟؟

يوسف: شلون الكويت واهلها؟؟؟

جوى: هااا؟؟ اي بخيرالحمدالله

يوسف : الحمدالله

شافت ابتسامته كانت مثل ابتسامة ارتيااح....بس عيونه كانت فيها حزن وانكسااار وحست بفضوول موو طبيعي ودهااا تعرف قصته!!! ولا شعوريا اسألته

جوى: انت عايش بفرنسا؟؟

يوسف: اي

جوى: يعني مقيم فيها ولا تدرس اهني؟؟

يوسف: لا مقيم فيهاا

جوى حست انها مو قادره تاخذ منه شي لان يجاوبها بس على قد السؤاال وما حبت تضغط عليه اكثر واصلا ما بينها وبينه شي على اي أساس تسأله كل هالأسئله!!!

جوى: اهااا...انزين أخوي اناا...

يوسف اول ما حس انها بتمشي قاطع كلامها....حاس براحه بقربهااا!! وما وده تمشي

يوسف: شلون فرنساا؟؟ ان شاء الله مستانسين؟؟

جوى: امم تمام وناسه بس زهقنا شوي

يوسف: من صجج!! الظاهر ما عرفتولها عدل!!!

جوى: لا بالعكس افترينا وايد اماكن

يوسف: جم يوم صارلكم؟؟

جوى: اممم هذا اليوم الخامس

يوسف: اهاا ولي متى ظالين؟؟

جوى حست ان أسئلته كثرت وخافت....!!

جوى: هااا!! مادري؟!! انا لازم امشي تأخرت

يوسف: انزيـن دقيـقه.... انتي ليش أحسج خايفه مني وايد؟؟؟؟ شكلي يخرع؟؟

جوى: لا بس انا ما أعرفك عشان اخذ واعطي معاك!!!

يوسف: انزين يعني فيها شي لو تعرفنا على بعض؟؟؟

جوى: هااا؟!!!

يوسف: يعني أقصد اعتبريني مثل اخوج بس

جوى: ما اعرفك عشان اعتبرك مثل اخوي!!

يوسف: مو انتي ما تبين تعطيني فرصه؟!!!

جوى: اعتقد هالشي راجعلي

يوسف: والله انا كلش مو مثل ما انتي حاطه في بالج

مع ان جوى تحسه ان صادق في كلامه....وتحسه مو مثل الشباب الهتليه اللي يلعبون على البنات!!! بس هم ما تقدر تعتمد على احساسها بس!!

جوى: عن اذنك

ومشت جوى مع ان انكسر خاطرها عليـه...ما تدري ليش تحسه محتااج حق احد!! حاسته وحيــد...مهمووم...صاكه فيه الدنيا!!

بينها وبين نفسها: انزين وانا شعلي؟!!!

يوسف تحسف انها مشت...مايدري ليش ارتاحلها بصووره مو طبيعيه!!! يحس وده يتقرب منها أكثـر ويعرفها أكثر وبـس ما يبي منها اكثر من جذي....!!

وارجعت جوى الفندق.......

جنى: انتي ويــــنج؟؟ طولتييي!! زهققققت

جوى: رحت اتمشى شووي

جنى: انزيـن المره الياايه عفيه اخذيني معاااج حتى لوو تقعديني من النووم عااادي

جوى: انزيـــن

جيهان: وين تبوون ترووحوون اليووم؟؟؟

جوى: خل نروح السووق

جيهان: يلا شكله ماكو غيـر السووق

وانزلوا راحوا السوق....

في المحل قاعدين تسوقون....

جوى: اليوم صادفت الكويتي اللي ساعدنا امس

جنى: يووسف!!

جوى: اي يعني منو غيره مثلا!!!

جنى: انزين وصار شي؟

جوى: لا بس شكرته على اللي سواه امس معانا

جنى: اهااا !!

وظلوا يفترون بالسووق لحد الساعه 4 العصـر واتعبوا وقرروا يرجعون الفندق!!

صارت الساعه 6 المغرب وبعدهم بالفندق...جوى ملـت وقالت حق امها انها تبي تطلع تتمشى وراحت معاها جنى وانزلواا....واول ما طلعوا من باب الفندق شافوه

جنى: مو هذا يوسف؟؟!

جوى باستغراب : ايي

يوسف: قووه

جوى: الله يقويك!!!

يوسف: امممم هذي أوراق فيها كل الأماكن اللي بباريس اللي لازم ماا تطوفوونها

جوى: حق شنو؟؟

يوسف: لا بس تقولين انكم زهقتوا...وحبيت أساعدكم

جوى: اهاا مشكور

يوسف طالع جنى: شلونج اليوم؟؟

جنى بحياا : زيـنه

يوسف: الحمدالله...

جوى وجنى ويوسف واقفين وصارت لحظة صمـت

جوى بينها وبين نفسها:يعني لي متى بيظل واقف!!!

جوى: انزين عن اذنك

يوسف: ما تبون مرشد سياحي؟؟

جوى: لا يعطيك العافيه

يوسف: على راحتكم...اممم عيـل انا ماشي >> يقولها واهوه متحســف

جوى: الله معاك

ومشوا عنــه....

جنى: وااااي بذمتج ما تحسينه اينننن

جوى: والله؟؟

جنى: امبيــه من صجج؟؟؟ ما شفتي ويهه؟؟ما شفتي عيونه؟؟ ما شفتي شعررره؟؟؟

جوى: انزين شخليتي بعد؟؟!! بس مادري حسيته عادي

جنى: لا بصراحه انا خقيـت عليييه وامبيييه مؤؤؤدب حيـــل يحليــــله

جوى: اي

جنى: كسر خاطري حسيته ناطرنا نقوله تعال معانا

جوى: اي لصقه

جنى: حرام عليــج ترى شكله طيووب وحبووب حيـــل

جوى: يعني الحين اشتبين؟؟ اناديلج اياه؟؟

جنى: ياريت خخخخخخ

جوى: انزين سكتي لا أرنج بتلفوني

جنى: انزيييين...ياربي ليش ما تخليني أعبر عن مشااعري!!!

جوى: لا كسرتي خاااااااطري

جنى: ترى صج فيني مشاعر واحاسيس مدفونه وراح اتيي يوم وتتفجررر

جوى: ههههههه الله يستررر

جنى: انزين عطيني الأوراق خل اشوفها

جوى: هااج

قعدت تقلب بالصفحات

جنى: يحليله كاتب اسم كل مكان ووين موجود وشنو فيه

جوى: اهااا صج

جنى: الله شكله في اماكن وايد حلووه

جوى: خووش عيل باجر نسوي برنامج

جنى: اوووووخ

جوى: شفيــج!!! شصار؟؟؟؟

جنى: شوفي شكاتب على اخر صفحه!!!!!

جوى وقفت ومسكت الأوراق وقعدت تقرا المكتووب!!!!

تــم الجــزء الـــثاااني

 

[همســات حالـمه]

حبيبتي همسات انا اول ما قريت الزين عشقي

حسيت بعالم ثاني وحبيتج وامووووووت فيج

واحب رواياتج يا يا ألبي كملي ويسلمو على الرساله بالخاص

وانا اللي تهمني رواياتج حيل يلااااا


لا يوقف لا يوقف لا يوقف

بعد قلبيييي انتييييييي...والله انج تهبليـــــــن
وولوو ما سويت شي انااا

ومشكوووره على مرووورج :eh_s(6):

وااااااااو قصه بداينها تشوق يلا كمليها

متابعتج و متابعه رواياتج الحلوه

وتقبلي مروري يالغلا

بعد عمري حدج مشكووووووره ونستيني :ggdw:

يالله ويننننننننننننج

كاني :eh_s(6):

لا يوقف لايوقف حبيبتي واللي يعجبني في رواياتج ان اسامي البنات كيوووت هع هع تحمست

لوووووول أشكــرج يا قلبي :ggdw:

ناطرينج حبيبتي :ggdw:

مشكووره على مروورج ليـلااس

 

[لولا المحبه]

:ggdw:


بارت حلوو حيل


:ggdw:

 

[نونيتا]

وااااااااااي همسات شنو مكتوووب علقتييني


كل اشوي اتوقع مكتوب شي خخخخخ


ناطره ناطره خخخ

 

[قدسآويه_q8]

بليز متى راح تنزلين ؟؟
شوقتيني ع اللي كاتبه
حاولي بسرعه ما اقدر اصبر
ناطرينج​

 

[over love]

همسات
مبين عليها بتكون واو بدايتها حيل حلوه ومشوقه وهالشي ماكان موجود بالقصه الأولى أقصد البدايه

كملى منتظرين أبداعج

 

[miss 3yara]

مشكووووره عالبارت الحلوو نفسج وناطرينج على احر احر احر احر من الفحمه لوووول اقصد من الجمر

 

[^ليلاس^]

عاد شكاتب لوول مافيني صبر

 

[~*~الملكة~*~]

وااااااااي ابي اعرف شنوو كاتب

يعطيييج العافيه

 

[زحمة أحاسيس]

يااااااااااااااااااااااااااااااااااااااااااي حبيت البارت
:hjy5jewf:

وحبيت جوى اكثر.. حسيتها تشبهني ماعندها وقت ابدااا:wqedqw:... لووووووووووووووووووووووووووووول

تدرين

احلى شي بروايتك انو كل شي سريع سريع

امممممممممممممممم شبعد!!
اي

في كلمه بعد مافهمتها ذكريني اسألك..

يالله انا بانتظاررك يا حبيبــى<<اقصد بارت 3 لوووووووووووووووووووووووول

اي اي صح تذكرت شي مهم جداااااااااا
ذكريني اقولك اياه بعدين ( شي بخصوص روايتك)
اووكي

برايفت هموسه
سي يووووو 4 ونص<<<<<وراك وراك والزمن طويــــــل:tomato2::tomato2:​

 

[العين الكحيله]

بكـــل القصص مبدعه ياهمسااات

يلا ننتظررررررررر

 

[~ الزيـــن ~*]

واااو يهبل البااارت والقصة حدهاااااااا اتينن

واااي شوقتيني اعرف شنووو كاتب وبلييييييييييز لاتطولين علينا>>>>>بدت الحنة لوووووولز

وثانكيوووو على البارت يهبل مثلج

 

[العين الكحيله]

ودى أعرف شنو كاتب يوســف

يلا ياقلبي كمــــلى




:ggdw:
:ggdw:

 

[كويتية و النعم]

البارت عجيييب و مشووق حده :eh_s(6):

انه اتوقع انه كاتب لها انه معجب فيها إلخ إالخ ..... <<< ألفت كل شي من خيالي :eh_s(6):

يعطيج العافية حووبي و ما قصرتي :eh_s(6):

و ناطرينج تكمليييين حبيبتي :eh_s(6):​

 

[كويتية و النعم]

نسيت اقولج انه قصتج :s142:

يعني عجاااااااااااايب

:bye22:

 

[الغزلان]

بانتظار البارت

 

[~*~الملكة~*~]

:ggdw:

:ggdw:

:ggdw:


همووووسه ترا ماحطيتي شي عن جيهاااان ابي اعرف عنها اكثر _03BA:

 

[over love]

همسات بليز لاتلطعينه ترى قصتج من بدايتها ناريه

 

[ღ TőOőma ღ]

عااشت لايوقف لايوقف لوول
البااارت حده عجيييب بس نهايه كل بارت تبط جبدي لووووووووووووول تشووووق ودي اعرف شبيصير
يلا مواطوليين ويعطيج العافيه حوووبي