Yallla HaMooSaaa aNa Ga3Da an6rech mn al7en
YMKiiiN Y7eeN QaLBCh o TNZLeeN Gabel 12
waiting Ya MBD3aaa;******
YMKiiiN Y7eeN QaLBCh o TNZLeeN Gabel 12
waiting Ya MBD3aaa
;******
Bq
New member
inspiring-girl
New member
inspiring-girl
New member
^هديل الكويت^
New member
هموووووووسه نبي بعد بارت يلااااااااااااااااااااااااااااااااااااااااااااااااااااااااااااااااااااااااااااااااااااااا
^هديل الكويت^
New member
inspiring-girl
New member
لوووول توني ادري عن الاسامي الي تحت ... وناااسه هموووسه اكييد قاعد اتحطييين البارت الحيين .. هههههههه!
^هديل الكويت^
New member
•ː̗̀»AghLa 7υB«ː̖́:
New member
- إنضم
- 29 يونيو 2009
- المشاركات
- 156
- مستوى التفاعل
- 0
- النقاط
- 0
همســات حالـمه
New member
البـــارت الثامــن عشـــر
بــعد مــرور أسبوعيـــن يوســـف طول هالفتــره بالســجـن وأمـه درت عنــه لان كانت تحاول تحصـله ومو قادره وبس قرت بالجريـده انهم اقبضوا على واحد هارب من ست سنين شكت ان ولدهاا وراحتله المخفر ولقتـه ومنهااره نفســياا ومو عارفه شلون تساااعده وحاولت تطلب من أبوه بس متبري منه وما يبي يكون له أي علاقه فيـه.....
........: السلام عليكم
الضابط: وعليكم السلام....من حضرتك؟؟؟
.........: أنا حمود الـ.....
الضابط: اي اي عرفتك....أصلا احنا كنا ندور عليك بس عرفنا انك مسافر
حمود: اي انا رجعت امس
الضابط: يوسف يقول انك انت الشاهد الوحيد على الجريــمه
حمود بخوف : اي نعم
الضابط: انزين عيل نبي نحقق معاك
حمود: اي عشان جذي انا ييت المخفر وحاب اتكلم وأقول كل شي
الضابط: انت كانت لك أقوال عن الجريـمه اول بس تختلف عن اللي قاله لنا يوسف الحين
حمود ساكت خايف انه اذا اعترف وقال كل شي راح ينقط اهوه بالسجن بتهمة ادعاء كاذب ومشاركه بالجريمه....
حمود بدا يبــجي: حضرة الضابط انا صارلي سنين تعبااان وضميــري يأنبينيي ومو قادر ارتاااح....وعدنان هددني وخلاني أسافر غصبن علي وسافرت عشان بعد احاول انسى بس موو قادر....ولما ناس قالولي انه يوسف موجود بالسجن انصدمت وما أقدر اسكت اكثر من جذي!!!
الضابط: انزين انزين هدي...خلاص جاهز حق التحقيق؟؟؟
حمود قام يرجــف وميــت خوف : اي اي جاهز
وقالــه القــصه كلـــهااا وان عدنان اهوه اللي قتــل صالـــح.....
حمود: حضرة الضابط الحين شنو راح يكون وضعي انا؟؟
الضابط: اللي سويته مو شي انك تضلل الشرطه وبجذي ساعدت عدنان بس دامه ان هددك راح نراعيــك
حمود: حضرة الضابط ممكن اشوف يوسف؟
الضابط: امممم اوكي الحين أستدعيــه
في هالأسبوعيــن جــوى كانت ميــته من داخـــل وتحس بضيااااع ومو مصدقــه انها خلاص ملجــت وصارت حق غيـــره....كانت كل يوم تبجــي وكل شي يذكرها بيوسـف....وظلت تقول حق نفسها ان لازم تنساه لان مو من حقها ان تفكـر فيـه واهيه على ذمـة ريال ثاني....!!! كانت تحاول تخفي جرحها كثر ما تقدرر عشان لا احد يحس فيــها خصوصا جدام أمـها وراشـد.....
جوى بــاين على ويههاا التــعب من كثر البجي و لان مو قاعده تنااام كلــش....
جوى: يمه شوي وياي راشد ياخذني عشان نطلع
ام جيهان: انزين يمه مو عاجبتني!!! شـكلج وايد تعبـان!!!
جوى:.........
ام جيـهان: حبيتي اذا عشان بعدج تحسين انج ما حبيتي راشد راح تحبينه مع الوقت صدقيني
جوى تتنهد: خلاص يمه شيفيد الكلام الحين!!!!
دق راشد وقالها انه برره....
جوى: يلا اهوه بره..مع السلامه
ام جيهان: انزين حبيبتي مثل ما قلتلج ديري بالج لا يصير شي بينج وبينه قبل العرس
جوى: اي يمه لا تحاتيــن
في المخـفر.....
يوسـف كان قاعد بالسجن شكله كان يعور القلـب واهوه قاعد على الأرض وحاط ايدينه على راســه و باااين عليه التــعب وطالعله لحيــه وضعفاان لان صاير لا ياكل ولا يـشرب....
الشرطي: يوسف قوم تعال يبيك الضابط
وخذاه عند الضابــط وبس دخل وشاف حمـود قاعد طااح قلبــه في بطـــنه وموو مصــدق ان وأخيــــرااا أخيــــرااا حمــود رجــع.....
يوسف: حمود!!!
حمـود ما قدر يتحمل منظر يوسف وبدا يبجي لان كان اهوه السبب في كل اللي قاعد يمر فيه يوسف....
وقام وحضـنه...
حمود: سامحنيي يووسف سامحنييي
يوسف من كثر ما اهوه مو مسـتوعب ظـل ساكــت وما يدري شيقول...
حمود: يوسف انا اعترفت بكل شي وقلتلهم ان عدنان اللي اقتله
يوسف كان حيـله مهدود من التــعب وواقف واهوه مكـسور خاطــر وقاله واهوه خانقته العـبره: عقـب شنو حمود؟؟؟ ويــنك من قبـل عني؟؟
حمود:............
يوسف: سنين انا وامي نسأل عنك و ندورك...شلون هنت عليـك تسوي فيني جذي؟؟؟
حمود: يـوسف ادري اني غلطان وهم انا ضميري عذبني كل هالسنين
الضابط: يوسف تعال اقعد
راح يوسق قعد جدام مكتب الضابط.....
الضابط: انت الحين استانس...الحمدالله انه يه اعترف وكل اللي قعدته بالسجن ثلاث أسابيــع...في ناس تنعدم مظلومه وفي ناس يقعدون بالسجون سنين ويموتون فيها واهم مظلوميــن!!!
يوسف ضحك ضحكه استهزاء: انا أصلا مـت من أول أسبوع....بهالأسبوع خسرت دنيــتي !!
الضابط: لا تقول جذي!! جدامك العمر كلــه وان شاء الله مع شهادة حمود راح تقدر تطلع والحين استدعينا عدنان وراح نحطه تحت ضغط لما يعترف....
يوسف: يعني راح أقدر اطلع اليوم؟؟
الضابط: اي تقدر بس طبعا راح يكون عليك منع سفر لما نخلص من القضيه
يوسف: انزين
الضابط : لان يوسف لحد الحين الأدله عليك قويـه واذا اعترف عدنان كل شي راح ينحل ان شاء الله
يوسف: ان شاء الله...
الضابط: بس عطنا الرقم والعنوان اللي ممكن نحصلك فيـه
يوسف: انزين
الضابط: يلا يوسف قول الحمدالله...لان صج حمود يه بوقته
يوسف: الحمدالله
بالسياره جـوى وراشـد.....
جوى: راشد وين رايحين احناا؟؟؟
راشد: بوديـج مطـعم يديـد راح يعجبج
جوى: وين صاير؟؟
راشد: راح تشوفيــن
جوى سكتت وبتشوف شنو اخرتها معاه.... بعدين بس وقفوا عند الشيراتون خافت...
الشيراتون: ليش يايين الفندق؟؟؟
راشد: شفيج؟؟ بنتعشى اهني
جوى: اشمعنا يعني؟؟
راشد: بس عندهم خوش مطعم
جوى حاسه ان وراه شي بس انزلت وامرها لله.....
يوسف اول ما طلـع من المخـفر غورقت عيووونه موو مصــدق ان أخيـــرا ومن سنيــن انه حر ومو هربان من شــي....أمه كانت ناطرته بالسياره بــره مع السايق وراحلها وركب وحضــنته وقامت تبجي وصار اهوه يبجي معاها....
ام فيصل: الحمدالله على سلامتك يمه
يوسف: الله يسلمج يالغاليه
وباس راسهاا....
ام فيـصل: يلا الحين وأخيرا راح ترجع بيتك
يوسف: لا لا يمه مابي اروح هناك
ام فيصل: ليش حبيبي؟؟؟ هذا هم بيتك
يوسف: لا يمه مابي اروح هناك
ام فيصل: خايف من ردة فعل أبوك؟؟؟ مالك شغل
يوسف: يمه مابي اكون في مكان مو مرغوب فيني
ام فيصل: يوسف قلتلك هذا بيتك حالك حال اخوانك
يوسف: ميخالف يمه مابي ارجع هناك والحين تعبااان حيــل ابي ارتاااح...خل انام بفندق هاليومين وبعدين يصير خيـر
ام فيصل متضايقه على ولدها: خلاص حبيبي على راحتك
يوسف طول الوقت حاط راسه على الكرسي ويطالع بره...ولهاان على كل شي بالكويــت وحاس انها تغيررت عليـــه....
كانوا قاعدين يتعشون جوى وراشد...جوى خلاص تقريبا تعودت على طريـقة أكلــه.... وبس خلـصوا قاموا....
جـوى راحيـه تطلع من الباب...
راشد: تعالي تعالي صبري
جوى: شنو؟؟
راشد: مسويلج مفاجأه
جوى: شنو؟؟!
راشد: حاجزلنا انا ووياج غرفه
جوى: نعممم؟؟؟؟ من صجك انت؟؟!!!
راشد: اي شنو جوى؟؟! انتي تعتبرين زوجتي الحين وما فيها شي!!!
جوى: راشد انت عطيت حق امي كلمه واحنا كنا متفقين ما يصير شي بينا قبل العرس
راشد: جوى انا أحبج وبس مو قادر أصبر اكثر
جوى: راشد راح تردني البيت ولا شلوون؟؟؟
راشد: جوى امج مو لازم تعرف شي
جوى انفعلت: راشد ردني البيييت الحيييييين
راشد بعصبيه وعيونه صاروا حمر لدرجه ان جوى اخترعت: انزيــن يلا تفضلي امشي جدامي
ومـشت جــوى وركبوا السياره....واهيه بالسياره لمحت واحد داخل الفندق مع حرمه كبيـره بس معطيها ظهره فما شافت ويهه....بس للحظه حست انه يوسـف بعديـن ضحكت على نفسها ان شلون تفكر انه اهوه!!!!
طــول الطريــج كانوا ساكتيــن ما يكلمون بــعض....بس صاروا جدام البيـت
راشد: جوى انا اسف
جوى تفاجئت!! اول مره يتنازل ويتأسف!!!
جوى: مو مشكله
راشد: يعني خلاص مو زعلانه مني؟؟
جوى: لا خلاص
بعديـن قرب يمها وباسها على خـدها...اهيه بهالحظه غمضت عينها و حست انها ماتت ألف موتـه...وبالها بـس شي واحد..." يوسف"
رجـع باسـها مره ثانيه واهيه متجمده ومشاعرها بااارده ولا اهتـزت....وبس قرب كان ببوسها على رقبتها اختررعت وافتحت الباب
جوى: يلا راشد مع السلامه
راشد بنفسـيه: مع السلامه
مــر أسبوع وكان عدنان محطوط تحت ضغط مو طبيــعيي عشان يعتررف بــس مو راضي يتكلم...
يوسـف نفسيـته شووي صارت أحســن وقدر يحصل رقـم بيــت جــوى من معارف ام جيـهان....كاان باليوم الواحد يرفع التلفون عشر مرات عشان يدق عليها ويتردد ويصكه قبل ما يدق الرقم....
بالفندق.....
يوسـف قاعــد يطالـع التلفوون يمووت ويدق بس عشان يسمع صوتها....بعديـن قرر أخيـــرااا ان خلاااص يــدق....
اول ما رن التلفون حس ان قلبــه وقـــف.....
بعديــن طلــعله صووت شـــل جســـمه...
جوى: الو؟؟
يوسف ساكت وقام يتنفس بسرعه واسمعت جوى صوت نفس....
جوى: الووووو؟؟؟
يوسف حس ان لسانه مشدوود ومو قادر يتكلم....
جوى نغزها قلبها : يوسف؟؟
اول ما سمعهاا قالت اسمــه جان يصــك الخـط على طـــول....
جوى : الوووو؟؟ الوووو؟؟؟!
جوى حسـت ان اهوووه...حست اللي داق عليــها يوووسف...ماتت بمكانها وظلت ناطره يم التلفون يمكن يرجع يــدق....
يــوسف ذاااااااااب اول ما سمع صوتــها وحـس براحــه مو طبيـــعيه بس سمعها....حس انه كان غلـطان ان دق عليـها واهوه عارف انها الحين متزوجه خصوصا انه تأكد انها فعلا املـجت من معارف امه....بـس مو قـادر يمـسك نفســه...يبي يحس فيــها بأي طريــقه....
الصــووت مايـرويـك لا صـرت عطشــان ..!
مـايرويـك .. غيـر : شــوفة : اللي عيـوونك تـودهـ
تسكــر من شفتـه و هـو منـك سكــران
ولا مـن غفــا بشـوويش عضـيت خــدهـ ..!
شوي جان يدق تلفون يوسـف وفز من مكانه....وطلعت امه اللي داقه وارتاح
ام فيصل: ها يوسف...شلونك؟؟
يوسف: هلا يمه...تمام الحمدالله بخير وانتي؟؟
ام فيصل: بغيت اشوفك اذا محتاج شي
يوسف: لا يمه سلامتج
ام فيصل: يلا يوسف متى راح ترد البيت؟
يوسف: يمه ميخالف بس ما أقدر
ام فيصل تنهدت: على راحتك...يوسف اذا بغيت اي شي عطيني خبر
يوسف: اي لا تحاتين...
ام فيصل: شرايك نطلع انا ووياك باجر؟؟
يوسف: يلا اوكي
ام فيصل: تمام انزين اطرش السايق اييبك عندي باجر عشان تاخذ سيارتك ونطلع فيها؟؟
يوسف: لا يمه مابي أمر البيت
ام فيصل: ما ولهت على سيارتك؟؟ عشان بعد تروح واتيي على كيفك
يوسف: اي ولهان عليها بس مو متحمل امر البيت
ام فيصل: انزين يوسف ترى طلال قام يسألني عنك
يوسف: توه ما تذكرني
ام فيصل: يوسف ميخالف عشان تأثر من أبوك وفيصل...عطه فرصه
يوسف: يمه انا خلااص ما قمت أثق بأحد ومحد يستاهل اعطيه فرص
ام فيصل: لا يوسف اذكر الله وصدقني الناس بعدها فيها خير
يوسف: الله كريم يمه
ام فيصل: يلا حبيبي مع السلامه وحط بالك على روحك
يوسف: مع السلامه يمه
يـوسف من اول ما طلع من السجن ما طلع الا مره وحده....حس انه غريـب بالكويــت وضايع بين النــاس ومكانه مو اهنـي!!!
جـوى بعـدها قاعـده يـم التلـفون تنـطر اللي دق توه يرجع يــدق...كات قاعده ومتوتره حيــــل وتهزز ريــولهاااا وقلبــها يطــق بقوه....
جنى: شفيـج؟؟!
جوى: ها؟؟ لا ما فيني شي!!
جنى: مادري شكلج على أعصابج!!!
جوى: ها؟!! لا لا عادي!!
جنى: مادري عنج!!!....اوووف باااجر اوول يووم دوااام لااا مالي خلـــق
جوى: اي الله يعينج!!
جنى: جوى شفيــج تهزززين ريوولج؟؟! بسسسس
جوى: أقول في مره شلتي التلفون وما كان في رد وصكوه؟!
جنى: ويييييه الااا مراااات...شكثر شكثر تصير
جوى: لا يعني أقصد بهالفتره!!
جنى: مادري!! بس تصير وايد عادي يعني!!
جوى باحباط: انزين
ثـــاني يوم في الكليــه.....
جنى كانت راكبـه مع صديقتها نوره ويايين بسياره وحده....
جنى: فييينيي النوووم
نوره: سكتي انا مواصله هااا!!
جنى: احلى شي اني بشووف عذاب العاشقينا اليوووم
نوره: وااااي انتييي!!! بعدج عليــه.!!
جنى: لااا والله أحبــه
نوره: اي حب أي بطيخ!!! عشان شكله وستايله بس
جنى: لا لا اهوه يهبــل
صفطوا السياره وانزلوا ودخلوا الكليـه ووقفوا يسلمون على البنات وجذي....
جنى: انتي شالدنيا فيج؟؟! حدي ولهاانه عليج
بشاير: حبيبتي وانا بعد والله
جنى: شلون العطله؟؟
بشاير: والله وناسه سافرنا لبنان
جنى: حلوو واحنا سافرنا فرنسا
بشاير: اللللله يا حظج وناااااسه
بعدين نوره شافت لؤي بالممر وانصدمـت....شكثررر تغيــــر!!! ضعفااان وشايل النظاره وصاير شكله حيـل كيووووت
بعدين طقت جنى على ريولها وتأشرلها براسها بمعنى شوفي هناك....
جنى لفت ويهها وشافته....
جنى: اووووخ!!!
بشاير: شنوو؟؟
جنى: تعرفين لؤي اللي يدرس معانا نفس تخصصنا؟؟
بشاير: ايييييييي شفته اليووم متغيررر
جنى: حددده!!!
بشاير: صاااير حلووو....ما كاان جذي كللللش!!!
جنى: اي!!!
جنى فعلا انعجبت بشـكله بس ما أثـر فيـها وايـــد....
جنى: انزين ومحيسن ما شفتيه؟؟
بشاير: اممم لا ما صادفته بعدني!!
جنى: ولا اناا شفـته!!
بعدين مشوا نوره وجنى عن بشاير....
نوره: امبيه ما أصدق..ما أصدق!!!
جنى: شنوو؟؟
نوره: شلووون لؤي غير نفسه بهالسرررعه!!!
جنى: عادي يعني شنو؟!!! وايد ناس غيرت لوكهاا
نوره: اي بس اهوه اكيد سوا كل هذا عشان.....
بعدين سكتت تذكرت ان ما يبيها تقول حق جنى عنه....
جنى: عشان شنوو؟؟؟
نوره: ها؟! مادري مادري!! بس تغير وايد وايد
جنى: شكللج انعجبتيي فيييه هااا؟! اعتررررفي
نوره: اناا؟؟! لا الشكوو بس مستغربه
دخلوا محاضرتهم وبس خلصوا طلعوا وكانوا واقفين بالممر....
لؤي كان يحوس بالممر رايح راد يحاول كثر ما يقدر يلفت انتباه جنى....نوره حست ان بعده يحبها ويبيها.....
نوره: شرايج فيه الحين؟؟
جنى: منو؟؟؟ ان شاء الله لؤي؟؟
نوره: اي!!
جنى: انتي شفيج ماسكتلي لؤي ولؤي!! والله شكلللج معجبه فيييه
نوره: جنى الشكووو!! والله مو معجبه فيــه بس جذي قاعده أسألج
جنى: انزيـــن....اممم احلو عن اول
نوره: اي وايد....وما حسيتيه صار نفس ستايل اللي انتي تبينه؟؟؟
جنى: امممم اي صح لاحظت مغير ستايله!!
نوره: اممم انزين تخيلي تخيلي ياج وقالج انا معجب فيــج و احبج..شنو تكون ردة فعلج؟
جنى: هههههههههههه تخيلي!!!!
نوره: اي تخيلي
جنى: لا الشكووو!! مادري شلون أحسه
نوره: حرام عليييييج!!
جنى:انتي اشتبين!!! أصلا كاافي سيارته لوميــناا..شالسالفه؟!
نوره: الحين يعني مو عاجبج عشان سيااارته؟؟؟!
جنى: اي حبيبتي السياره وايد مهمــه
نوره: لاااا انتي موو من صججج!!!
جنى: امبيه انتي شفيج انفعلتي جذيي؟؟!ّ انا الشكوو فيـــه؟؟!!! أقول خل نسولف بشي عدل ممكن
نوره بانفعال: انزززين!!!
جـوى خلـصت من دوامـها وردت البيــت بسرعه عشان تبدل وتطلع مع راشـد...
جوى: يلا يمه انا رايحه اوكي
ام جيهان: اوكي حبيبتي ومثل ما وصيتج
جوى: هههههه يمه والله عرفت خلاااص لاا تحاتيــن بــس
ام جيهان: انزين حبيبتي...الله يحفظج
جوى: مع السلامه
جـوى لابـسه وكاشـخه وطلـعت مع راشد رايحـين الأفنيـوز.....
بالأفنيـوز قاعديــن يتمـشون واهيه عمرها ما حطت ايدها عليـه ولا تحاول تمسك ايده بس اهوه ساعات يمسك ايدها واذا مسكها ما تقدر تمانع....
تغدوا وخلصوا وبعدين قاموا يتمـشون....
راشد: ودج تدخلين فلم؟؟؟
جوى: امم مادري كيـفك
راشد: اذا ودج تدخلين قولي ابي واذا ما ودج قولي مابي!!
جوى: امبييه شفيك انفعلت!!! انا عندي كله واااحد تبي ندخل ندخل ما تبي كيـفك!! ما تفررق معاااي
راشد: انزين انزين
بـعديـن مسـك ايـدهاا....اهيه مو عاجبها اسلوب الدفاشه عنده..!! بس يبي يمسكها يخبط ايدها جنه غصب!!!
اهمه وقاعديـن يتمـشون رايحين صوب السنما جان فجأه تشـوف واحد مغـتر طالع من محـــل وظل واقف جدام المحل بس كان لاف ويهه الصوب الثاني فمو قادره تشـوفه!!! بعديــن بس لف ويهه وطالــعهاا..........كانــــت الصدمـــــــه!!!!
وقــفت فجـأه وقلبـــهااا قااام يطق بقوووووه وتتنفس بســرررعه ومو قااادره تستوعــب انه يوووسف!!!....يووسف بالكويـــــت!!!!
واهوه ظل واقف متحطـم بمكانـــه.....عيوونــه وســعت....وظل بس يطالعهااا وقلبـه يطــق حيــــل ويبلع بريــجه....بعديــن بس شاف ايدها بأيده جان ينكسرررر ونزل راسـه تحـــت....
اهيــه ظلت متجمده بمكانهااا....ما تدري شتسوي!!! ودهااا بس تركــض عليـــه وتلـــمه بأقوى ما عندهاااا.....
راشد: جوى شفيج؟؟؟
جوى واقفه ومصدومه.....
راشد: جوووى!!! شفيــــج؟؟! امشي
جان يسـحبهااا معااه وقامت تمشي غصـب واهيه بس تطالــعه وخاطـرها مكسـور..ومو فااااهمــه شلوون اهوه بالكويــت؟؟؟ من متى؟؟؟! ليش ما ياهاا وخذاها؟؟!
صارت جدامه وبعدها لافه ويهها تطالعه....
راشد: جووى انا بفهم انتي شقاعده تطالعين؟؟؟ تبين ندخل المحل؟؟؟
جوى لفت ويهها بسرعه: هاا؟؟ لأ
ورجعت تلف ويهها تطالــعه بس بعده منزل راسـه.....
بـعديـن لفـت ويهها عنها واهيه خانقتـها العبرره ومو قادره تسـتوعب....قلبهااا ذابحهااا عوااار ومخنوقــه حيــــل وجسمها كله ينتفض !!!
يوسف رفع راسـها وشافها تمشي وايدها بايد راشــد وكان قاعد يحترررق من داخـل....
كان قاعد يطالعهم وخانقته العبره وقال بينه وبين نفسه: ليـت الله خذاني قبل ما اشوفج معاه....
يـاااااااااهـ ؛؛
أقـرب لـي مـن ’ دم الـوريد ،
و - أبعـد - مـن نجـوم السمـا
يـاااااااااهـ ؛؛
حـد النظـر حـولي ولا اقـدر ألمسـك
..! حـد النظـر عنـدي وغـيري " يهمسـك " ..!
حـد النظـر × وماقـدر × أشـوف
كـن العمـى صـاب العيـون
كـني غـديت بـلا نظـر ..!والمشكلـهـ
انـي
أشـوفك
حـد النظـر و ][ غـيري ][ هـو اللـي يلمسـك .... !!
يوسف دخل المحل على طووول....يمه خل نمشي من اهني
ام فيصل: ليش؟؟ تو الناس!!!
يوسف: يلا يمه خل نطلع بسرررعه حاس اني مخنووق
ام فيصل: ليش يمه شفيك؟؟؟
يوسف انفعل: بس يمه خل نطلع خل نطلع
ام فيصل: انزين انزين يلا
وطلعوا من المحل...
ام فيصل: وين رايح؟؟؟ السياره ذاك الصوب
أشرت الصوب اللي راحوا فيه جوى وراشد....
يوسف: خل نطلع من هالصوب
يوسف اول مره ايي الأفنيوز وما كان يعرف حق المواقف....
ام فيصل: لا وين من اهني؟؟ وايد بعيـد!! شفيك خل نروح من هناك!!!
يوسف: خلاص يمه امشي نروح هناك من فوق
كانوا واقفيــن عند السـنما بس جـوى بالها كلــش موو معااهاااا وسرحانه ولحد الحين تحت تأثيـر الصدمـه...
راشد: أقوول جوى انا مو قاعد اكلم الطوفه؟؟!
جوى: هاا؟؟
راشد: صارلي ساعه اكلمج وانتي موو معااااي
جوى: راشد مو حابه ادخل سنمااا...ِرايك تدخل انت؟؟
راشد: وانتي بالله وين بتروحين؟؟
جوى: انا أقعد احوس بالسوق
راشد: لا يبه شنوو!! مو شرط اروح بأي وقت ثاني
جوى: لا والله عادي انت ادخل وانا اروح اتسوق
راشد: لا لا أصلا مافي فلم حلوو
جوى ضاق خلــقهااا ان مو قادره تخليه يدخل الفلم عشان تدور على يووسف لانها ميته تبي تكلمه بأي طريـقه....
يـوسـف وامه علـى طــول طلعوا من الأفنيوز.....
ام فيصل: يوسف شفيك؟؟ أحسك مو طبيعي!!!
يوسف: لا ما فيني شي
ام فيصل: يوسف انا اعرفك قولي شفيك؟؟
يوسف خانقتها العبرره حيـــل وحاس انه خلااص راح ينفجر: يمه شفتها معاه
أم فيصل: شفت منوو؟؟
يوسف: جوى
يقول اسمهاا وصوته يـرجــف....
ام فيصل سكتت مو عارفه ترد علـيه...شتقوله!!!
أم فيصل: بس يمه لا تزعل روحك بعد كل شي نصيب
يوسف: يمه شسوي بحياتي انا الحين؟؟
أم فيصل: يوسف انت ألف بنت تتمناك...حياتك مو متوقفه عليها
يوسف: حياتي مو متوقفه عليها؟؟؟ يمه اهيه حيااااتي !!!
يـوسف رجـع الفنـدق وخله أمه تـروح لأن مو متـحمل يقعد مع أحــد....فتح زراير دشداشـته لان كان يحس انه مخنوووق حيـــــل وقلبـه يعوووره....
منهــو , حبيبــك ‘ ..؟
غـايتــي بـس أهنيـه
عـلى حسـن حظـه عشـانك , حـبيبـه ‘
أنـا أشهـد ان الله يحبــه و معطيـه ..
اللــي هـداك الـرب تصبـح نصيبـه
ياللـي خـذيت مـن [ الـحـلا ] كـل مافيـه
و مـن الطبـ ع ..:
كـل الخصــال الحميـدهـ ..
تسحـر بـ \ همســاتك .. عقـل تحـاكيـه
مـع خـف الـدم و ملـح ماينحكـي به ..
لك حـق يوم تمـووت و تحـس بالتيّـه
الله وهبــك اوصـف , زيــن ‘ غــريبة
قبـلك .. انا بعـض الجمــال التفـت فيـه
و عقبــك ظهـر في كـل من شفتــه ..
عـــيبـــــه
جــوى ارجــعت البيـــت واهيــه متووترره حيـــل واي احد ايي بويهها تتهاوش معااه....حاسه بكبت موو طبيـــعييي...ودهااا تكسررر كل شي جدامها...
بس بدت تستوعب الموضوع اكثر وأكثر قامت بـس تبجــي....لما صارت بالأرض وتبجي مثل اليهااااال بصراااخ وتشــهـــق واسمعوها خواتها ويووهااا...
جيهان: جوووى شفيــــج؟؟؟؟؟
جنى: جوووى!!!!
جوى بس تبجــــي بصرااااخ وبهسترياااااا....
جيهان ماسكه جوى: اسم الله عليج...اسم الله عليـــج
جنى واقفه مو عارفه شنوو تسووى وحاطه ايدها على حلجها وترجــف....
امــهم ما كانت بالبيــت....
جيهان: جوى فهميني شنو صااار؟؟
جوى قامت تصرخ: ليــــش؟؟؟ لييييش يوووسف ليــــش؟؟؟!!
جيهان: شنووو؟؟!! منو يووسف؟؟؟
جوى: ليش تسووي فيني جذييي ليـــش؟؟؟! حرام علييك...حراام عليييك
جيهان: جوى بس سمي بالرحمن
وحطت ايدها على راسها وقامت تقرا عليها المعوذات عشان تهدى شوي....
وخذتهااا وحطتهاا على الفراااش وقامت تطبب عليــهااا عشان ترتااااح وجوى من كثرر ما انفعلت وبجت وصررخت من التعب غفـت...
وقامت جيهان من يمها ومسكت جنى وطلعت بره....
جيهان: تعرفين منو يوسف؟؟؟
جنى: هااا؟؟!
جيهان: شكلج تعرفينه صح!!! منو يوسف؟؟
جنى: هااا مادري!! سأليها انتي بعدين
جيهان بانفعال: يلا جنى خلصيني تكلمييي قوووليلي
جنى اختررعت وقالتلها كــل شي....جيهان تفاجئـت وظلت ساكـته
جنى: بس جيهان لا تقولين حق امي...ترى ما تدري عن شي!!
جيهان: معقوله كل هذا كان يصير واحنا ما ندري!!!
جنى: جيهان ترى حبته غصبن عليها
جيهان: والحين شاللي خلاها بهالحاله؟؟؟
جنى: مادري!!! ما كان فيها شي قبل ما تروح!!!
مــر جــم يــوم وجــوى حالتها صارت من سيء الى أسوأ....حتى من وقتها ما طلعت مع راشد....بس قاعده في غرفتهاا وما تاكل ولا تكـلم أحــد.....
يـوسف نــفس حالـة جـوى وموو متحمل شي وكااره الدنيااااا....حتى صار يخاف يطلع أي مكان ويصادفــهاا.....
اهوه ومنسدح على فراشه يفكر....
سمع طـق علـى البــاب.....عرف انه امه لان اهيه كانت قايله انها راح تمره...
فتـحلها البـــاب وانـــصدم.....كانت مع أمــه ااااخر انسااانه توقـع يشوفهاا ويايه لي عنده!!!
تـــــــم البــــــــارت الثــــامـن عشـــــر
بنااااااات سوووري اذا كان في وايد حـزن بهالبارت بس ان شاء الله راح أعوضـكم بالبارتات الياااايه
_03ba:
التعديل الأخير:
inspiring-girl
New member
همســات حالـمه
New member
همووووووووووووووووووووووووووووووووووووووووووووووووس ناطره الساعه 12
عاد ان شالله مايعلق السايت معاي
وييييييييي ويــــن رحتـــي؟؟؟ لا يكووون علــق معاااج السـايت
سوووري اذا تأخررررت قلبــــي
همســات حالـمه
New member
اي حبيبتي عاااادي مااا وراي شيء ... ههههههه يعني مجابله الروااايه مجابل >>>افا عليج بس
و تيك يوووور تاااايم عمري ... موو مشكله على الوقت .. المهم في بارت بعد شوي .. ما تفرق الدقايق ... و الله ترى ما نبي انتعبج
و هههههه .. الحيين انا انحرجت ... لووول بس تستاهليين أكثر بعد ...الابداع للابداع
بــــعد قلبــــي والللله انتييييي :eh_s(6):
سووووري على التأخيرررر بس انا خلـــصت الباارت الساعه 12:44 >>> يعني فيها 12
بس لان خذا وقت عبال ما نزلت البارت واترك فراغ بين جمله وجمله وألونه >>> عشتووو
ياااااااي بــعد جبـدي انتيي :eh_s(6):
