روايــــه غض البصر مالك في قلبي محل ؟!< تتكلم عن حال البنات بعد الثانويه

[غلا قطريه]

بسم الله الرحمن الرحيم

هاذي اول تجربه لي وان شاء الله تنال على اعجابكم
بعض من مقتطفات القصه لاحداث حقيقيه

اتمنى تعجبكم


انتظروني​

 

[غلا قطريه]

الروايه تتكلم عن 3 صديقات تخرجوا من الثانويه
ساكنين بقطر
كل وحده منهم بتعيش حياه جديده بعد التخرج
فيها حب وحزن وموت والعادات والتقاليد

الروايه جداااا حلللوه نبدا


--------------------------------------------------------------------------------------------------

ريم
عمرها 19بنت حلوه راعيه مقالب امنيتها تصير محاميه وهذا حلمها من يوم كانت صغيره ومن متوسطي الدخل

بيت ريم
ابو محمد عمره 47 طيب وكريم ومتقاعد عن العمل
ام محمد عمرها 44 طيبه وصابره على المشاكل اللي تصير مع زوجها بسبت اهله
محمد 24 طالب جامعي اكمل دراسته بالخارج متمسك بعاداته وتقاليده رغم دراسته بالخارج
نواف 17 بثاني ثانوي واقرب شخص لريم

نجلا
عمرها 20 رسبت باول متوسط جميله جدا ودلوعه وعبيطه وكسوله ما تحب تسوي شي


بيت نجلا
ابو نايف العمر 50 متزوج قبل وعنده ولد اسمه جاسم لكن عايش مع خواله بالكويت وما يجي الا بين فتره وفتره ويرجع ابو نايف تاجر وعنده محلات اقتصادي من يبذر بالفلوس
ام نايف 40 متزوجه من ابو نايف بالغصب حياتها معه اكثر من عاديه لكن صابره بس عشان عيالها
نايف 22 يعمل بالشرطه انسان عبيط
جاسم 25 يعمل في شركه النفط الكويتيه وساكن مع خواله بالكويت

منيره
عمرها 19 هاديه جدا ناعمه جمالهاعادي لكن اللي يميزها عيونها العسليه من متوسطي الدخل

بيت منيره
بو سلمان متوفي صار له سنتين
ام سلمان 41 طيبه وتحب عيالها كثير وتبي تزوجهم قبل ما تموت
سلمان 25 يشتغل بالشرطه وهو صدديق لنايف وجارهم بعد
مها عمرها 30 ما تزوجت لحد الان مع انها جميله وحبوبه
هيا 15 تدرس بالمتوسط وشقيه حيل ودايم تتهاوش مع اختها منيره




بيت ام سلمان

ترن ترن
ام سلمان : يا بنات شوفوا من على التلفون
منيره : لحد يشيله اكيد ريم
ام سلمان : شدراج
منيره : < تاشر لامها
منيره: الو
ريم : ولعنه انتي وينج ادق على جوالج ما تردين
منيره : الناس يسلمون بالاول ثانيا جوالي عالشاحن وانا بالمطبخ
ريم : طيب انا انقبلت
منيره : حلفي مبروك والله تستاهلين
ريم : تسلمين فديتج
ام سلمان : على وشو تباركين انخطبت
منيره: لالا انقبلت بكليه القانون
ام سلمان : والله جعله مبارك ان شاء الله باركي لها
منيره : زين ريم امي تبارك لج
ريم : الله يباركها
ريم : طيب انا بسكر الحين بكلم نجول
منيره : للحين ما قلتي لها
ريم : امبلا بس هي رايحه لعياده الاسنان ابي اشوف شصار معها
منيره : ايه انا استغربت بالعاده نجول تدري بكل شي مو انتوا الخبلان دايم مع بعض
ريم : هين خليني اشوفج والله ما تسلمين مني
منيره : ههههههههههههههه
ريم : باي
منيره : باي

----------------------------------------------------------------------------------------

في بيت ريم

ام محمد : بو محمد بارك لبنتك ريم انقبلت بالكليه
بو محمد : اي كليه
ام محمد : كليه القانون
بومحمد : صدق
ام محمد : ايه والله
محمد : وشو قانون ليكون تبي تصير محاميه
بومحمد : ويش عليك انت
محمد : يا يبه البنت مالها الا بيت زوجها الحين كم يبي لها تتخرج من الجامعه
يعني مصصاريف وتعب وبعد يمكن تعنس
ام محمد : فال الله ولا فالك
بو محمد : دامني حي محد له كلمه على بنتي
بو محمد : يقوم ويروح لغرفه ريم
محمد : والله محد مخرب البنت الا هذا الشايب
ام محمد : استح نعنبو وجهك هذا ابوك

غرفه ريم

طق طق
ريم : لحظه لحظه
ريم : تبطل الباب وتشوف ابوها وتبتسم
بو محمد : حيالله المحاميه
ريم : هههه من قال لك
بومحمد : امك ما تقدر تمسك لسانها ما تعرفين
ريم: هههههههههههه
بو محمد : يطلع 500 ويعطيها بنته
ريم : والله ما اخذها
بومحمد: اخذيها هاذي هديتك اشتري فيها اللي تبين
ريم : لا والله يا يبه مو محتاجه شي تسلم لي
بو محمد : اخذيها يا بنتي <ويعطيها بالغصب
بو محمد : اذا بغيتي شي قولي لي
ريم : ما تقصر



بعد مرور اربع شهور

توظفت منيره بمستشفى بالاستقبال
ريم بدت اداوم بالجامعه من الساعه 6 لحد 5 ومرات ترجع اذا ما كان عندها شي
نجلا تقدم لها واحد من جماعتهم وتم كل شي وتملكت



حفله ملكه نجلا
ريم ومنيره جو عند نجلا الساعه 4 العصر

بغرفه نجلا

نجلا : والله مدري شلون وافقت
ريم : النصيب
منيره : صح النصيب
نجلا : بس انا ما حبيته لحد الحين
ريم : تو الناس للحين ما صار شي بس ملكه
منيره : بس المفروض يكلمها من فتره الخطوبه
نجلا : هذا اللي اقصده تخيلوا ما كلمني ولا بارك لي بس كلم امي
ريم : وين اخوي محمد يسمع هالكلام
منيره : يييوه اخوج المعقد تكفين لا تجيبين طاريه احس الدنيا تسود في وجهي
ريم : ههههههههههههه
منيره :ههههههههههههه
نجلا : غريبه صدق خلاج تدرسين
ريم : الله يخلي ابوي لي والله بدونه مدري شسوي
منيره : امج وينها ليش ما توقفه عند حده
ريم : يووه ما تعرفين الحريم يستانسون جذيه على بالهم ولدهم رجال
منيره : بس اخوج نواف غير عنه
ريم : فديت نواف طيب وحنون بس هذا مدري من وين جايب التعقيدات
ريم : نجول ليش تبكين
نجلا : بنات راح نتفرق
منيره : اعوذ بالله شفيج انتي
نجلا : انا بتزوج وبروح وريم بتزوج وتروح
منيره : من جاب طاري زواج ريم
ريم : تنزل راسها وخانقتها العبره
منيره : شسالفه
نجلا : ريم ما قالت لج
ريم : خلاص بنات سكروا على الموضوع
منيره : لالا شسالفه
ريم : ولد عمي يبيني
منيره : لا تقولين الشيفه اللي كنتي تضحكين عليه
ريم : ااااه بس
منيره : انتي من جدك تبين تتزوجين وتروحين للكويت
ريم : تكفين منور سكتي وربي اللي فيني كافيني
نجلا: بنات ما تحسون قلبناها عزا
منيره : ايه والله
ريم : وين راحت الكوفيره ما صارت صلاه



وقت الحفله
المعازيم بدوا يحضرون ويسلمون على نجلا ويباركون لها
بعدها مده قالوا بدش المعرس
دش المعرس ولبس الشبكه للنجلا
ريم : منور
منيره: هاه
ريم : يا حليلها نجول شوفي شحلاتها وشوفي ابو بوز
منيره : ههههه وطي صوتك يا الهبله
ريم : وانا صادقه من اليوم ماد البوز

عد اليوم على خير وكلن رجع لبيته

بيت ريم
ريم : < قاعده بالصاله
نواف : سلااام
ريم : وعليكم السلام
نواف : للحين صاحيه
ريم : ما جاني نوم
نواف : ليه تفكرين في الحبيب
ريم : مالت اي حبيب
نواف : خالد ولد العم
ريم : وععع ما جبت اسم الا هو
نواف : تدرين مالك الا هو وهو رافض انها يخليك
ريم : <يبين عليها الحزن
نواف : <يلاحظ على اخته
نواف : ترى خالد رجال وما عليه كلام وبعزك اكثر من الباقين
ريم :< تحس طعنات تجيها من كل صوب
ريم : مع السلامه انا رايحه انام

غرفه ريم

ريم : < تسكر الباب وتقعد تبكي
كله خالد خالد الاسم هذا ما يفارقني معي من يوم انا صغيره لحد الحين
كل شي يتغير ويتبدل الا هذا الاسم معي
بمووت ما احبه ما احبه غصب اخذه

<<<< قعدت ريم تبكي لحد ما غلبها النوم





​

 

[غلا قطريه]

نجلا فر غرفتها بعد الحفله تفكر
نجلا: يا ربي اللي سويته صح والا غلط
ليش وافقت يمكن تسرعت
لالالا ما تسرعت ولا شي
وفي اللحظه هاذي يدق جوال نجلا
نجلا : < اطالع بالرقم الا وكن كف جاي على وجهها
نجلا : مو معقول هذا ويش يبي

نجلا : الو
... : السلام عليكم
نجلا : وعليكم السلام
... : نجلاا ؟ انتي نجلا
نجلا : ايييه
... : اخبارك
نجلا : انا بخير انت شخبارك
... : انا ماني بخير بدونك
نجلا : < تخنقها العبره
... : صدق اللي سمعته
نجلا : شنو ؟؟؟؟؟
... : تملكتي ؟؟؟
نجلا : اييه لكن !!
... : لكن وشو ليش ما انتظرتي لهاذي الدرجه بعتي حبنا
نجلا :راشد ما هو بيدي وربي مو بيدي

حاله من الصمت بين الطرفين

راشد: حبيتج لكن ما تستاهلين يا الخاينه
نجلا : < تبكي
راشد : تبكين بعد وشو بعد ما طعنتيني
نجلا : انا ما طعنتك انا انتظرتك وانتظرت لكن انت مو راضي تتحرك
من زمان وانا اقولك ولد خالتي خطبني وصرت تتعذر ارفضيه
وان بدور لي وظيفه غير وظيفه الجيش
راشد : بس انتي تدرين كان ممنوع ان الجيش ياخذ من بره ديرته
نجلا : خلاص يا سعود
راشد : شنو خلاص والحب اللي بيننا نجلا تطلقي وباخذك
الحين صار عادي ناخذ من برا
نجلا : راشد لا عاد تكلمني خلاص اللي فات مات وانا على ذمه رجال الحين
راشد : نجلا
نجلا : مع السلامه

سكرت نجلا وطاحت على المخده تبكي وصارت تلوم نفسها
صح انا اللي غلطت وتسرعت


من هو راشد
عمره 22 ساكن بالرياض ونجلا تكون من اهله
كانوا يحبون بعض لكن بحكم ان وظيفه راشد بالجيش
كان ممنوع ياخذ من خارج دولته
وبحكم انا نجلا عايشه بقطر فتعتبر من الممنوعين


==================================

في اليوم الثاني

في بيت ريم

ريم تصحى من النوم وتشوف مسج من نجلا مكتوب

ريم بليز اذا صحيتي كلميني ابيج ضروري

ريم اتجهز وتلبس ملابسها وتروح للجامعه وبالكافتريا اتذكر نجلا ودق عليها

دقت لكن ما ردت وبلحظه

جوال ريم يدق

ريم : الو
نجلا: صباح الخير
ريم : يا صباح النور ها ما كلم امس الحبيب وبارك لج
نجلا : لاااا لكن دق
ريم : من
نجلا : راشد
ريم : هااااااه شقلتي
نجلا : راشد يا ريم راشد
ريم : هذا ويش يبي بعد السنين
نجلا : يبيني للحين يا ريم
ريم : هيه انتبهي تصدقين كلامه
نجلا : لكن يا ريـ
ريم : لا لكن ولا غيره نجول انا عندي محاظره الحين اذا رجعت اليوم بمر عليج طيب
نجلا: طيب

====================================

في بيت منيره

ام سلمان مع جارتها

الجاره : ها يم سلمان محد خطب في البنات
ام سلمان : اااه تكفين همي والله هالبنات
الجاره : يا بنت الناس هونيها
ام سلمان : ابي ازوجهم قبل لا اموت ابي ارتاح
الجاره : لج طولت العمر ان شاء الله
ام سلمان : اخاف عليهم بكره احد يقول لهم كلمه تحز بالخاطر
الجاره : قريب ان شاء الله تفرحين فيهم
الجاره : يقول المثل اخطب لبنتك قبل لا تخطب لولدك اذا شفتي لج واحد سنع لبنتج كلميه
ام سلمان : ما هم براضين يقولون بكره يضحك علينا يقول انتم اللي مناديني
الجاره : محد من اهلكم عنده ولد صاحي تزوجينه
ام سلمان : تدرين انا غريبه ومن يوم تزوجت بو سلمان محد يحبني لاني غريبه
تبينهم الحين يجون يخطبون في بناتي
الجاره : يالله يم سلمان اجل انا اترخص
ام سلمان : على وين تو الناس ما شبعنا منج
الجاره : العيال بردون الحين من دواماتهم بروح ازين الغداء
ام سلمان : اجل سلمي لي عالبنات
الجاره : يوصل ان شاء الله

==========================================

بدوام منيره


المسؤول : يا بنات وحده منكم تخلص لي هالمعامله
منيره : <يفز قلبها كل ما شافت هالشخص وتتامل فيه
المسؤول : < يطالع في منيره ويقول لها خلصي المعامله
منيره : ان شاء الله
يطلع المسؤول
منيره في قلبها تقول
صار لي مده بالدوام ولا عمرك نطقت اسمي على السانك
يا ترى يدري عني والا لا

مريم : منيييييره
منيره : هاااا
مريم : وين سرحتي
منيره : لاا ولا شي
مريم : طيب خلصي المعامله قبل ما يرجع ويشوف انها ما خلصت ويسوي لج سالفه

خلص الدوام والكل رجع لبيته
وبالسياره منيره تفكر

يارب متى اتزوج وارتاح واريح امي معي
لمتى وامي شايله هالهم انا شاللي ناقصني عشان ما اتزوج
الكل يمدح بتربيتنا بس ليش للحين محد طق الباب

​

 

[غلا قطريه]

فيه بدليات سوري لاني قاعده اكتبها لكم باسرع وقت

 

[غلا قطريه]

شدعوه بنات وين الردود انا بنزل الباقي اذا شفتها اعجبتكم

 

[غلا قطريه]

شدعوه ما فيه ردود

 

[سميتك الغلا كله]

موفققققه يَ الغلا .. والرواييه باين انها حلوه ..
وانشالله لي باك :$

 

[غلا قطريه]

ارجعت ريم من الجامعه الساعه اربعه ونص ومرت على بيت نجلاء​

بعد ما استاذنت من ابوها وامها ​

​

بالغرفه ​

نجلا: اااه يا ريم لو تعرفين شقد اتعذب​

ريم:نجول لا تبطين كبدي انتي الحين تعتبرين متزوجه ​

اصحي والا اصكج على راسج ​

هو وينه من قبل وينه ​

نجلا: ريم ما الومه مسكين وهو اللي يصرف عالبيت ​

ريم: لحظه لحظه اشوف بديتي اتعذرين له ليكون حنيتي له ​

منتي صاحيه نعنبو دارج قطج ولا سال عنج والحين توه يتذكر ​

نجلا: ريم انتي ما جربتي الحب ​

ريم : ولا ابي اجربه وان جربته والشخص اللي احبه باعني ابيعه برخيص ​

مو برخيص بعد الا مجاني ​

نجلا:هههههه ريم الله يقطع سوالفج ​

ريم: وانا صادقه ​

نجلا: محد يبعد الضيقه مني الا انتي ​

ريم |: اقول لو تدري منور اني عندج تفجرنا ​

نجلا: هههههههه ليش​

ريم : تبي تقرقر معنا هههههه​

نجلا: عاد الله والسوالف ​

ريم: طيب انا بروح الحين ​

نجلا: تو الناس ​

ريم : وعدت امي ارجع قبل ما يرجع العسكري​

نجلا: تقصدين اخوج محمد هههههههه​

ريم: ايه عاد امي اداري خاطره كل شي ولا محمد يزعل عاد الله ومحمد هذا ​

اللي يشوفها يقول مغرقها بهدايا وهو كل يوم يرفع صوته مو كنها امه ​

نجلا: القطو يتبع خناقه ​

ريم: سبحان الله لايق عليج ​

نجلا: انقلعي بس ​

ريم: يالله مع السلامه ​

نجلا: مع السلامه ​

 

[غلا قطريه]

بالليل ​

​

الكل يفكر ​

​

ريم : ااااه يا ريم متى على الله نتخرج وافتح لي مكتب خاص فيني ​

شقد انا مشتاقه لهذا اليوم ​

​

نجلا: شلون اكمل حياتي مع واحد ما احبه واللي احبه صعب اتزوجه كلام ريم صحيح هو تركني ​

لكن ريم ما تدري عن ظروفه يا ربي ساعدني ​

​

منيره : كل يوم ماده كحله ومنزله كحله ولا عمره انتبه لي ​

يعني حضوري نفس عدمه ليش كذا ثقيل ااام يمكن يحب وحده او يمكن خاطب ​

لالالا بنات ادوام يقولون عاقل ما عنده حب وخرابيط يا ربي شسوي ​

احبه وهو ما يدري عن هوى داري​

​

​

اليوم الثاني ​

​

دوام منيره ​

​

منيره قاعده على الكمبيوتر وفجاه لمحت عين مسؤولها يطالعها ​

لاحظت انه انحرج وغض البصر ​

منيره : يا ربي معقوله انا اتخيل والا شنو كان يطالع فيني ​

ااام يمكن شكلي غلط اليوم يمكن الكحل ساح < اطلع المرايه واطالع نفسها ​

لالا شكلي عدل ما فيه شي يا ربي ليش كان يطالع ​

​

بعد مرور خمس ساعات ​

​

مريم : منووور حبيبتي ممكن طلب ​

منيره : امري ​

مريم : ابيج تودين الاوراق هاذي للمسؤول ​

منيره : بس كذا تامرين امر عطيني ​

شذى: لالا انا بوديها ​

منيره : لا اصلن انا ابي اتحرك شوي عطيني الاوراق ​

شذى :< حاقده على منيره من يوم توظفت ​

​

تاخذ منيره الاوراق وتروح اطق الباب على مكتب المسؤول ​

طق طق ​

المسؤول فيصل : تفضل ​

منيره : السلام عليكم ​

المسؤول : وعليكم السلام هلا ​

منيره : هاذي اوراق المرضى اللي راح تبعثونهم للخارج ​

المسؤول : مشكوره عذبناج ​

منيره : لا عادي ولو هذا شغلي ​

المسؤول : انا ملاحظ انج نشيطه بالعمل من يوم توظفتي ​

منيره : < منحرجه ​

المسؤول : اذا تبين اي شي اطلبيه مني ولا تترددين ابد ​

منيره : مشكور ما قصرت استاذن ​

المسؤول : تفضلي ​

المسؤول : منيره ​

منيره : < اطالع مو مصدقه انه نطق اسمها ​

المسؤول : اذا فيه احد مضايقج بلغيني ​

منيره : < تبتسم وميته من الوناسه​

​

منيره عاشت اجواء حلوه كانت ما تصدق على الله تطلع الشمس عشان تروح للدوام وتشوف الشخص اللي تحب ​

وكانت هاذي الفتره تتخلخلها نظرات سريعه خجوله من قبل منيره ومسؤولها ​

 

[غلا قطريه]

نجلا بدات ترد على اتصالات راشد الحبيب السابق ​

وبدات علاقتهم ترجع مثل قبل لكن بدون علم احد حتى صديقاتها​

​

نجلا: هلا حبيبي ​

راشد : نجول انتي ما قلتي بتفتحين الموضوع مع امج ​

نجلا: فتحت الموضوع ​

راشد : شقالت ​

نجلا: قلت اني مش مطمنه للزواج هذا وقعدت اخربط ​

راشد : زيييييين​

نجلا: قالت لي احلمي بالانفصال تبين تسببين مشاكل بيني وبين اهلي ​

واني اصلن راضيه يوم خطب وليش غيرت رايي​

راشد: قولي ما ابيه غصب ​

نجلا: بسـ؟؟​

راشد: ابيج تخلصين الموضوع بسرعه عشان اخطبج ​

نجلا: طيب وامك ​

راشد: ويش فيها ​

نجلا : ما تقول انها تبي بنت عمتك لك ​

راشد : ما اقدر اتزوجها انا مقدر على بيتين ​

نجلا: يعني تقصد لو تقدر كان بتاخذها يا راشد ​

راشد : انا ما ودي اكسر بخاطر امي ​

نجلا : بس بس خلاص لا تكمل الشرهه مو عليك الشرهه على اللي رد عليك ​

راشد : نجلا انتي فهمتيني غلط ​

نجلا: اي غلط خلاص انا الحماره اللي صدقتك ​

طوطوطوطوط​

​

نجلا:< والله صدقت ريم قالت مو كفو اصلن لكن انا الغبيه اللي كلمته ​

يا ليتني ما عرفته وبدات تتحلطم وتبكي على حياتها ​

​

​

في الصباح الثاني ​

​

بالجامعه ​

...: ريوووم ​

ريم : هلا وغلا بساره ​

ساره : اخبارج ​

ريم : والله الحمد الله ​

ريم : وانتي اخبارج شمسويه مع الدراسه ​

ساره : ماشي الحال طيب عندج شي الحين ​

ريم : عندي محاظره بعد نص ساعه ​

ساره : يعني يمديني اقولج ​

ريم : خير ان شاء الله ​

ساره : ما فيه الا كل خير ​

ساره : تعالي نقعد هنا ​

ريم : اوكيه ​

ساره : بصراحه يا ريم ما ادري شقول لج ​

ريم : قولي شسالفه ​

ساره : تعرفين خالي المهندس ​

ريم : ايه شفيه ​

ساره : هو ما شاء الله عليه يشتغل باحد الشركات وراتبه زين وعنده بيت وارثه من جدي ​

ريم : طيب ​

ساره : وعمره 25 عاد هو يبي يتزوج وكلم امي وتدرين امي ما تعرف الا ربعي عاد هي مدحتج لخالي وخالي رضا ​

ريم : ااممم بصراحه مدري شقول لج صدمتيني ​

ساره: انتي فكري بالموضوع وشاوري الاهل وهو يقول اللي تبيه حاظر ​

ريم : انا افكر وارد لج خبر ​

ساره : خلاص عطيني رايج بعد يومين اوكيه ​

ريم : اوكيه ​

ساره : يالله انا الحين استاذن بروح عندي محاظره بالمبنى الثاني ​

ريم : الله معج ​

ريم : < والله خالها خوش رجال ما عليه كلام وغير كذا دارس ومتعلم وفاهم الامور​

وما شاء الله عليه الكل يتمناه بعدين مزيون وعنده فلوس هذا اللي ابيه ​

بشوف امي اليوم وبفاتحها بالموضوع ​

 

[Miss-Madry]

وين التكمله يلآ تحمست ..تسلم ايدج