روايه ( رتيل ) عن خفايا البويات ثاني روايات الكاتب فيصل الجاسم في معرض الكتاب !

[Tom ♥ Jerry]

-


بمناسبه افتتاح معرض الكتاب اتمنى تشرفوني في صاله 5 جناح 35 دار مسعى
حتى تعيشوا روح المغامره مع روايه ( رتيل ) البحث عن الخلاص في رحله حب المحرم
وهي قصه واقعيه عن عالم البويات و موثقه بملف صوتي مدته 25 دقيقه تقريبا
للطلب و الاستفسار : 55588859
آخوكم ( فيصل وليد الجآسم ) :eh_s(7):


______________________


تعليقي / تعتقدون استفآد من الانتقاد الي كآن على الروايه الأولى !
و لا هالروايه بتطلع مثل الي قبلها ؟!


رآيكم

 

[أنثى اليمامة]

شكلها اقرب للسيره الذاتيه او المذكرات عن الرواية ، لانها موثقه بملف صوتي ..


​

 

[♥ ݤليے ﻁﻔووله ♥]

شنو بيكون بالروايه غير تشويه سمعت البنات .. والحين الكل قام يدخل البويات بكل شي // كتاب مسلسل برنامج // الخخخ ..

ماتشني هالانواع من الروايات الي احس انها تهدف لربح فقطط ..


8
8

طبعن وجهت نظر لاغير والله يوووفق الكاتب

 

[أنثى اليمامة]

كلي طفولة ، معاج حق من جهة لان فعلاً مثلا الملف الصوتي بيدعم الرواية كثير وبنشرها بسبب ان الناس مفطورة على الفضول ..

بس من ناحية ممكن انه يلقي الضوء على هالمشكلة ، الي انتشرت بالعالم الآن ~ المشكلة مو بالموضوع المشكلة تكون بالطرح وطريقته ، يعني او ان الطرح يكون بطريقه ايجابيه تحقق الرسالة المطلوبه والتأثير المطلوبة ، او ان الطرح يكون مجرد طريقه لكسب المال مثل ما ذكرتي ، وطبعاً مرح نعرف هل هالطرح ايجابي والا سلبي إلا لما نعرف المحتوى ،،،

عموماً ننتظر رأي البنات ، ونشوف شنو الهدف ، وهل كان الطرح ايجابي والا سلبي



​

 

[عادت ذكرياتي]

ما قد سمعت فيه ...

الله يوفقه

 

[Tom ♥ Jerry]

.



يآليت نشوف رآي ليلووو

 

[M!SS EV!L]

دااااااااااام عن البويات شكله بيكون قذر

يسلمووو حبيبتي

 

[كراميلا مرة]

ان شاء الله يكون طرح راقي يناقش المشكله من غير مبالغه

 

[ليلو جبريت]

.



يآليت نشوف رآي ليلووو

:eh_s(13)::eh_s(13)::eh_s(13):


توني قايمة من النوم

شوفي شكتبت لج بالرساله
خخخخخخخ



المهم اولا لاتعد رواية هي مذكرات شخصية

ثانيا هو قال ان تطور وكتبها بالفصحى ( يارب ماتطلع مثل ذيج كلمه عامي وكلمة فصحى )

على العموم بانتظر راي البنات الثقة

لان المجاملات برع واعرف كيف ركبووه لي السماء وليش


على العموم هالرواية راح تحدد مستواه الادبي
لان ثاني انتاج له ووعد انها تكوون غير

والفكرة كلش مو عاجبتني واحسها تافهه

شو رايكم نسميه كاتب المراهقات

 

[Tom ♥ Jerry]

.


^


هههههههههههههههه

اي شفت شنو كتبي بالرساله مت من الظحك الله يخس ابليسج
آمممم آن شاء الله تكون غير على قولتكم .،

بس الفضول الي فيني بعرف التسجيل الصوتي حق شنو
نشووف نقرا الروايه و نحكم عليها !

هههههه كآتب الـ مراهقات > مسكين لا يسمعج تتحطم آحلامه

 

[Kadin Cligin]

نعم!!

وماكو شي اسوء من جذي بعد !!

متى يفهمون هالكتّاب .. الكتابة فن .. رسالة .. احساس

مو تجارة ولعب عالعقول !!

لأن احنا ناقصين على كثر هالمسلسلات التافهة والاغاني الهابطة

يجون ناس يدعون انهم كتّاب ويكتبون مثل هالكتب !!

وبعدين لي متى هالمراهقين والأطفال يتعرضون لهالنوع من التفاهات

اللي لا تنشأ ثقافة ولا أدب ولا أخلاق !!!!

متى يحسون أنه هذي مو أرباح كتاب وشهرة وانهم يأثرون بجيل كامل !!!


.......

عندي احساس انها ماتعالج ولا اهم يحزنون !!

وان شاء الله كل اللي قلته خطأ ويكون قد المسؤولية !!!!!!

 

[ليلو جبريت]

خاطري ارسله ردودكم

طبعا انا قاعده اسوي جريمة اللحين
خخخخخ

 

[أنثى اليمامة]

الله يستر من جرايمج ليلو ، تركي الريال بحاله خليه يلتقط انفاسه الفصحى دمرته هالعام هههههههه
​

 

[ليلو جبريت]

ترى تهاوشت معاه اليوم
ولقيت واحد يساعفني
سوينا عليه هجوم مدمر

تدرين من الصبح قاعده اقطع فيه

http://twitter.com/#!/lailaalmotawa

 

[ليلو جبريت]

وترى اسم الرواية مشتق من ترتيل القرآن

\:

 

[أنثى اليمامة]

ههههه ، عاد يعني شنو نتوقع من كاتب الشخابيط السنه الي فاتت ، اكيد هالمره بشخبط بالخط العريض ...
​

 

[Tom ♥ Jerry]

.


اب اب تسلمون على رايكم

 

[زبدة ككاو]

ليلووو الفاجعه لا شفتي سيرررته الذاتيه
لووول
بس بالرغم من اني انتقدته على روايته الاولى وشفته بالمعرض وعرفني بس واجهني بابتسامه
انا بعطيه فررصه
وبس بشووف اذا غير النمط التقليدي او لأ ما ابي اشطح لهدف اكبررر

الكاتب حاط البن ماله والواتساب والايميل وكل شي يبي نقد
بالنسبه لي ماراح اقصرر بالنقد اذا ماعجبني شي
بس اتمنى ما تكون احداثها ممله مثل سابقتها

بالنسبه لسيرته الذاتيه شوفو شنو كاتب ؛
- حفيد فلان الفلاني مؤسسس المكتبه الوطنيه
-عمه المذيع الفلاني اللي قدم كذا وكذا

طبعا مع ذكر الاسامي

احسسس ماكو مشكله لو افتخر بجده بسسس عمه !!
طولها شوي لما ابي اعرف شي عن كاتب ابي اعرف اشياء ثانية مو هالاشياء

 

[أنثى اليمامة]

السيرة الذاتيه تكون عن الشخص نفسه ، دراسته أراءه ، أعماله .. مو أهله ..

ننتظر رايج بروايته الجديده ..


​

 

[ليلو جبريت]

كااااااااااااااااااااااااااااااااااااااااااااك


خوش سيرة ذاتيه

ياربي حتى مو عارف يكتب سيرة ذاتيه