روايه ما هقيت ليله فراقنا طويله لين صارت امس بعيني اطول من شهر .. !!روايتي الثانيه

[نبع الكون]

كملي حبوبة

 

[ekht el.goumar]

كملي حبيبتي الروايه تهبل وايد عجبتي



اب اب اب اب

 

[ارييج الكويت]

السلام ..

ان شاء الله بس شوي وانزل البارت اليديد ..

شكرا على متابعتكم ...

 

[أنـــفال]

اب اب

 

[روحين في رـوح]

اب اب اب اب اب اب
ويننننك

 

[ekht el.goumar]

اب اب اب اب اب اب اب اب

 

[خفايا البحر]

كملي كملي

 

[خفايا البحر]

مااتوقع خالد بيموت يمكن جلطه

والصور تبي تبتز مدرى شسمها عشان مااتنفضح البنت وتناسبهم

 

[ارييج الكويت]

البارت الثالث..!؟​

محمد : تعالي نقعد
نور : خالد بموت
محمد : نور هدي بالج شنو بموت الاعمار عند الله
نور : محمد والله ان ما قلتلي بصير فيني شي من الخرعه
محمد : اسم الله عليج شوفي نور ( ويفتح محمد الاشعه وياشر على الاشعه ) خالد فيه ورم براسه
نور ودمعه بعينها : سرطان
محمد يحاول : الورم وايد تالف الخلايا الدماغيه مما ادى الي انه يفقد الوعي لساعات
نوردموعها اربع اربع : شنو الحل
محمد : راح اودرييج لدكتور مخصص و راااااااااااااح يشرحليج كل التفاصيل
نور تبجي : يا على عمرك يا خوي ما عشت شبابك عيالك شبصير فيهم
محمد : نور انتي شفيج خليتي الريال يموت 50% ناس تعافو واالحين عايشين حياتهم الطبيعيه
نور : مادري شلون بقوله شلون بيتقبل الموضوع شلون
محمد : انتي شتقولين هذي مستشفى تخصيصيي كل شي فيه حتى لحب الشباب فيه دكتور متخصص يعني احسن من كل المستشفيات اخوج بين ايدنا لا تحاتين
نور : لا حوله ولا قوه الا بالله ياربي عونك يربي عونك
محمد اخذ نور شوي ترتاح بغرفته وهو يراجع النتايج و الفحوصات مع الدكاتره ​

-----------------------------
ريم كانت كل شي تفز من نومها تشوف خالد لكن للاسف كله يكون نايم
خالد : ريم ريومه
ريم نايمه بسابع نومه
خالد : ريم حياتي بسج نوم يلله قومي
ريم تحاول تستوعب الصوت : خالد
ترفع رسها ولا خالد يبتسم لها تقوم من فرشها وتاخذ الدرب معها لي سريره
ريم : يا عيون ريم ( وتبيجي ) ا
خالد : ليش ليش كل هالدموع شفيج حبي
ريم : انت طايح بالمستشفى ماتبي ابجي اناديك ما ترد علي
خالد : حبي انتي مسحي هالدموع مابيج تبيجين كلش لا بجيتي عيونج يصيرون صغار
ريم : هههههه يعني قايل شي يديد
خاالد :اي هذي ريومه اللي اعرفها
ريم : لمن شفتك طايح بالارض حسيت روحي ودي اموت ولا اشوفك طايح جذي
خالد : حياتي ماكو الا العافيه ان شاء الله لا تحاتين
ريم : ان شاء الله
خالد : وين ننوس
ريم : عند امي خذتها
خالد : ولهان عليها
ريم : خلودي
خالد : يا عيون خلودج
ريم تحط ايد خالد على بطنها
خالد بصدمه : حامل
ريم : اي
خالد : ...
ريم : شفيك
خالد : ماني مصدق
ريم : بصير عندنا نونو ثاني
خالد :لا تكفين لا تسوين مثل ما سويتي بحملج بننوس
ريم : هههههههههههه
خالد : الساعه 3 الفجر غرقان بنومتي مقعدتتني خالد مشتهيه اقعد على البحر و اكل برد الدنيا برد و انتي تبين برد ولا على البحر بعد
ريم : ههههه والمشكله انك انت ميت برد وانا قولك يا حلات الجو
خالد : فديت هالضحكه للي تسو الدنيا و مافيها ( ويبوس يدها)
ريم : خالد بس حنا بالمستشفى
خالد : تعالي قربي
ريم : خالد يا مينون
خالد : مررتي ومشتاق لها منو عنده اعتراض
ريم : مينون ادري فيك
خالد : تعالي قربي ريوم بقولج شي باذنج
ريم تقرب اذنها لصوب خالد
خالد : احبج وموت فيج يا احلى انسانه بالوجود ​

ريم استحت
خالد : قفلي الباب وتعالي يمي
ريم : مابي
خالد : ما تبيني
ريم : مابي قفل الباب
خالد : حياتي يلا عاد عشاني
ريم : ماعنده سالفه اللي يرد شانك
ريم تروح تقفل الباب و تنسدح يم خالد باسرير​

ريم : خالد
خالد : عيون وروح و قلب وكل خالد
ريم تمسح دموعها : احبك
خالد : انا مو بس احبج انا كلي ميت بحبج
ريم : الله لا يحرمني ومنك وخليك دايم ذخر لي
خالد : ولا يحرمني منج ومن ضحكتج
و قضو ليلتهم بالحب​

-----------------------
الساعه 7 لصبح
شريفه : يما ترا خالد و ريم بلمستشفى
ام نور مخترعه : ويه ويه ليش يالله سترك
شريفه : مادري بس امس طايح خالد و ودوه لمستشفى
ام نور : ابوج درا
شريفه : اكيد درا انا عقب الجامعه بمر عليهم اتين معاي
ام نور : لا لا انا بعد شوي بروحلهم اكيد ابوج عندهم
شريفه : بس يمه تكفين بلا مشاكل مع نورو
ام نور : لا يمه لا مشاكل ولا شي تلقينها خامده هالوقت
شريفه : يا عليها تقوم من لفراش وتطيح وتتكسر عيوز النار
ام نور : ههههههه بس يا بنيه مو زين الدعاوي
شريفه : تستاهل كل دعوه اخذ ابوي منج اكرها يمه اكرها
ام نور : ما عليه يما مالج شغل فيها
شريفه : يلا يما خلصت ريوق بروح لجامعه
ام نور : موفقه حبيبتي موفقه
تقوم شريفه تبوس راس امها و تطلع
ام نور : تبوسين الكعبه ​

شريفه واهي طالعه دق عليها احمد
احمد : صباح الخير حبيبيتي
شريفه : صباح النوم وانت لصاج
احمد : ههههههه انتي صايره خياس نوم
شريفه : شسوي احمد والله دراسه ونوم
احمد : موفقه حياتي
نوف : سلميلي عليه
شريفه تلتفت وراه تلقا نوف واقفه
شريفه : حياتي شوي و اكلمك باي
نوف : صج ما تستحين على ويهج
شريفه تروح صوبها : هذا الي علمتج امج عليه تتسمعين للناس
نوف : لا تيبين طاري امي فاهمه
شريفه : اول شي هذي اطباع امج بواقه الريايل و ثاني شي مو انتي اللي تقوليلي شسوي وما سوي وثالث شي ان شفتج مره ثانيه تسمعين علي و راس امج يا نوفو انج بشوفين شي ما شفتيه
نوف شوي وتبجي : انتي حقيره
شريفه : امبيه من متى كبيرتي و تقولين هالكلامات لا حبيبتي مو زين عيب ماما بعدين الله يقطج بالنار
دق تلفون شريفه : واي ثمور دق يالله ماما تت عن ويهي
شريفه وهي تمشي لي سيارتها : هلا حبي هلا حايتي انت
فرح : هي يا خبله انا فرح
شريفه : موااااااااااااااه حق حبيبي
نوف دمعتها على عينها
فرح : هههههه لا ينت البنت
شريفه : هههههه نوفو قعده تسمع وانا اكلم احمدو فقهرتها لزفته بنت عيوز النار
فرح : والله انج داهيه لمهم وينج
شريفه : توني راكبه السياره
فرح : خلاص اشوفج بلجامعه حبي
شريفه": اوكي ​

------
نوف
ردت لبيت
جوان : شفيج تبيجين
نوف : السخيفه شريفه
جوان : انتي شنو انتي اكيد اغلطت عليج وعلى امي وانتي ساكته لها صح
نوف : ما اعرف ارد عليها ما ادري شقولها انسانه مادري شلون
جوان : انا علمج فيها ولا يهمج روحي لجامعه ولمن تردين بتشوفين شسوي فيها
نوف : انزين يالله باي ​

ورحو لبنات الجامعه ​

يتبيع للبارت الثالث ​

 

[ارييج الكويت]

مااتوقع خالد بيموت يمكن جلطه

والصور تبي تبتز مدرى شسمها عشان مااتنفضح البنت وتناسبهم

خالد راح تعروفون قصته بالبارت الثالث

وسالفته شريفه و امنه شوي شوي راح تنكشف الاحداث


شكر حبيبتي على مرورج

 

[ارييج الكويت]

احب اشكركم على متابعه الروايه و تشجيعي ...

انفال
روح في روحين
اخت لقمر
خفايا البحر


اتنمنى متابعتكم لدايمه لي وسامحوني على اليومين اللي فاتو الظروف امنعتني

 

[روحين في رـوح]

اب اب اب اب اب اب اب اب اب اب اب اب ا
ويتنق يو
ما تتأخري كتتتتتتير
نبي بارت

 

[ekht el.goumar]

لا عادي حبيبتي اهم شي سلامتج واصلي حبيبتي

 

[خفايا البحر]

الله يعينج علي ضرووفج ويعديها علي خير

 

[ارييج الكويت]

اب اب اب اب اب اب اب اب اب اب اب اب ا
ويتنق يو
ما تتأخري كتتتتتتير
نبي بارت

هلا والله بروحين في روح

ان شاء الله حبيبيتي اللحين انزل البارت الجديد :**

عطيني رايج اوكي :$$

 

[ارييج الكويت]

لا عادي حبيبتي اهم شي سلامتج واصلي حبيبتي

حبيبتي الله يسلمج شكرا على صبركم

ان شاء الله الحين انزل البارت الجديد

 

[ارييج الكويت]

الله يعينج علي ضرووفج ويعديها علي خير

حبيبتي مشكوره ما تقصرين

شكرا على متابعتج الحين بنزل البارت الجديد

 

[ارييج الكويت]

(( يتبيع للبارت الثالث )) ​

-------​

الساعه 8 الصبح
روان يالله يالله تفتح عينها : شوي شوي جسوم
جاسم : بسج نوم روانو ان ما قمتي اللحين صدقيني اليوم كله ما راح تسمعين صوتي
روان : جاسم دايخه لا تصير جذي
جاسم : لا بصير قثيث و موس بلعومج قومي يلا اف والله انج تعورين الراس حبيبتي من الساعه 6 ادق وكل شوي قوليلي نص ساعه قومي محاظرتج الساعه 10
روان : خلاص بقوم
جاسم : شوفي روان و راس اغلى الناس بعد 10 دقايق بدق ان ما رديتي صدقيني 24 ساعه ماراح اكلمج
روان : جاسم جسوم انا ترا مو بالضباط لا تعيشني اجواء الظباط حرام عليك
جاسم : ما ينقع معاج الا جذي حريم ما تيون الا بالعين الحمرا
روان : انزين يا بو عين حمرا احبك
جاسم يضحك : هههههه خبله اللحين احبك
روان تدلع : اي احبك احبك بصرخ اقول احبك احبك
جاسم : ياخبله قومي بس فضحتينا
روان : من عيوني يا بو حمد
جاسم : فديت ام حمد والله
جاسم ( عمره 25 سنه ضابط بالشرطه يحب روان وناوي يتقدم لها ما عنده خرابيط ولا بلعب ولا بنات ما يشوف الا روان .. متوسط الجمال بس طوله و جسمه حلوين )
روان ( رفيجت شريفه الروح بروح لكن روان ما عندها خرابيط بس جاسم و ياما تحاول تهدي شريفه لكن ما ترد عليها وتغير الموضوع مع شريفه بالجامعه نفس تخصصها .. جميله طول وجسم مثالي بيضه شعرها طويل اسود )​

---------------------------​

ريم : لا تخليني
خالد : دربالج على ننوس والبيبي تكفين
ريم : لا تخليني خالد تعال
خالد : انا بروح صار وقت اني اروح عنكم ديري بالج عليهم
ريم تبجي : لا لا ماتروح اخذيني معاك اخذني معاك
خالد : لا انتي خليج عند عيالنها ريم وصيتي لج تتزوجين اخوي
ريم : خالد لا خالد
خالد : وصيتي ان مت اخوي تتزوجين محد بيهتم بعيالي اكثر من اخوي
ريم : خالد تعال لا تروح ليش تروح بعيد
خالد : اخوي ياريم وصيتي لج
ريم : خالد خالد خالد خالد
خالد : حياتي قومي شفيج حلمانه حياتي
ريم تفتح عينها و تشوف خالد تلمس ويها وتلمه وتبجي : خالد لا تروح عني خالد اذا بتروح اخذني معاك
خالد يمسح على راس ريم : شفيج حياتي انا معاج ماراح اخليج
ريم : مابي حياتي بدونك
خالد : بس حياتي ماكو شي شفيج هدي بالج هدي بالج قومي غسلي ويهج وصلي يلا حياتي
ريم : ان شاء الله
---------------------------​

دخلت نور الكفتيريا و لقت محمد قاعد راحت له
نور : صباح الخير
محمد : صباح النور يا احلي صباح
نور : شلونك
محمد : الحمدالله
نور : شفيك حياتي
محمد : ماكو شي متى مراجعتج
نور : الساعه 10
محمد : يالله انا بي معاج
نور : الدكاتره هني يعرفونك شلون
محمد : بنطرج بره
نور : اوكي حياتي
محمد : يلا قومي مابقى شي
نور : يلا
------------------​

روان : اي ادري
جاسم : شلي تدرين خبله
روان : خبله فيك
جاسم : ههههههه
شريفه : هاي
روان : هلو
شريفه : وايد متاخره
روان : شسوي ما قعدت بسرعه زين ما كشت بس
شريفه : ههههه تسوينها
روان: دقيقه حياتي انا بقعد مع البنات اوكي
جاسم : خلاص حياتي ماشي دربالج على روحج
روان : ان شاء الله بحفظ الرحمن حياتي
شريفه : يسلملي العاشقيه
روان : هههههه احبه حب اليهد
شريفه : ههههه لا لا لا انتي مو طبييعيه ماكو شي اسمه حب اليهد
روان : مو انا قلت الحين
شريفه : اي
روان : يعني فيه
شريفه : هههههههه خبله
فرح : هاي بنات
شريفه : جب جب يلا على المحاظره كله ماخرتنا و بس
فرح : اف امشو بس زف من صباح الله خير
شريفه : امبيه شنو هذا لا لا مو طبيعي كلش يالله ياجماله مو جذي جمال احسه قمت البرائه ​

روان : اي امبيه جميل حده متعوب عليه لازم يعطون امه وابو جائزه اتعبو فيه حيل
فهد : السلام
روان : لا و يقول السلام قلبي حبه
شريفه : ههههههه خلاص اخذيه اعطيج اياه
روان : هههههه تم
فرح : انتي وين جاسم عنج
روان : موجود ها شعليه جاسم
فرح : مالت عليج
شريفه : اي والله شكو جاسم شنو البنت ما تشوف احد غير السيد جاسم
فرح : اي
شريفه : ويعيه
روان : حقرها
فرح : يا حماره انا تحقروني
روان : شدراني عنج
فرح : جبو جبو
روان : ويه هذي زعلت من صجها
شريفه : فرح
قامت فرح و قعدت بمكان ثاني
شريفه : خل تولي طناقرها على اشياء ما تسوى
روان : حرام
شريفه : بس بس سكتي لا يطردنا ​

--------------------------​

خالده : السلام عليكم
خالد : هلا يما وعليكم السلام حياج
ريم تقوم تبوس راس ام نور : تفضلي
خالده : سلامات يمه ماتشوف شر
خالد : الله يسلمج من الشر شلون البيت و البنات
خالده : كلنا زينين الحمدالله
خالد : الحمدالله
خالده : ها خالد شفيك ليش بالمستشفى
خالد : والله يا يمه مادري للحين ما يه الدكتور قالولي عنده عمليه و لمن يخلص بي
خالده : على خير ان شاء ماكو شي لا تحاتي
خالد : ريم ممكن تقولين للنيرس راسي من قعدت من النوم يدور وصداع
ريم : ان شاء الله
خالده : ابوك ما مر عليكم اليوم
خالد : لا اللحين بي على ييه
خالده : اي يالله زين
ريم : خالتي عندي بشاره حلوة
خالده : خير يا يمه قولي
خالد : ريم حامل
ريم : خلني اقول ههههه
خالده : ويه يا حياتي الف الف مبروك يمه تعالي احبج ( تبوس ريم على راسها وريم تبوس راس ام نور )اي و اخيرا بتيبون اخت لريماس
خالد : هههههههه الحمدالله وعلى اسمج اتسمه
ريم : انتي اول وحده تدري بالخبر
خالده : عساه خير لكم يارب
خالد : امين امين
ابو خالد : السلام عليكم
الكل : وعليكم السلام
ابو خالد يبوس راس خالد و ريم تبوس راس عمها و ابو خالد يبوس راس ام نور
ابو خالد : ها يبه شلونك اليوم
خالد : والله يا يبه الحمدالله احسن بس هالصداع اللي ناشب فيني من الصبح ريم شصار
ريم : الحين بي الدكتور
بو خالد : شقالولك
ام نور : بعد شوي بي الدكتور وبنشوف شصير
بو خالد : شريفه توها داقه علي تقول انها تخلص محاظرتها وبتجي تمر
خالد : اي فيها الخير
بو خالد : امك وينها
خالد : والله يا يبا مادري ما يتنا
ريم : اهي كانت موجوده امس وراحت
بو خالد : استغفر الله
---------------------------
الدكتوره : الحمدالله كل شي زين
نور : الحمدالله
الدكتوره : الحمدالله
نور : محمد
محمد : هلا
نو ر: الحمدالله كل شي زين
محمد : الحمدالله يلا اشوفج بمكتبي
نور : اوكي
وراحو المكتب
نور : محمد شلون الحين ما حلينه السالفه
محمد : بتقدملج بخلي مرت عمي تدق على امج
نور : هههههههههههه ميته ضحك
محمد : يا خبله شفيج تضحكين
نور : على اساس احنه مو متزوجين
محمد : ههههههههههههههه خلاص هونت
نور : لا عفيه عفيه تزوجني مره ثانيه
محمد : صرت مضحكه انا ها
نور : هههههههههه مو قادره بس اسكت بطني
محمد : لا ولدي شوي شوي عليه
نور : عيل اسكت
محمد ويصك ايده بحلجه : هااا ما راح اتحجى
نور : عفيه عليك
محمد : خبله​

------------------------​

اجتمعو كلهم عن خالد الكل حضر بو خالد /ام خالد / ام نور / نور /شريفه/نوف /جوان /ريم/ننوس/
محمد : السلام عليكم
الكل : وعيليكم السلام
محمد : انا دكتور محمد و هذا دكتور سامي
بو خالد : يا هلا دكتور ابي اعرف خالد شفيه
الدكتور سامي يطلع الاشعه و يوري الكل : خالد فيه ورم براسه شوفو معاي الكتله السوده هذا الورم تالف اغلب وظايف الدماغ
ريم قامت من مكانها : ورم ورم شنو يعني ورم
محمد : هدي مو زين للجنين يا اخت ريم
ام خالد : جنين جنين شنو
خالد : كمل دكتور
ام خالد : قاعده اكلمك انا جنين شنو
خالده ( ام نور ): ريم حامل
ام خالد : وانا اخر من يعلم
خالد : يما تكفين بس خل اشوف الدكتور
ام خالد : اللحين هذي تدري وانا اخر من يعلم
خالد بعصببيه : يما انا فيني ورم وانتي همج اخر من يعلم بحمل ريم
ام خالد عصبت و خذت جنطتها : دام خليت هذي امك ان شاء الله تنشل انا شكو فيك خلها تنفعك
بو خالد : انتي شهالكلام اللي تقولينه طلعي بره يا ام خالد
ام خالد : طالعه طالعه بدون لا تقول
محمد ( الله يعينج يا نور اللحين حسيت بمعاناتح ) ح
الدكتور سامي : الورم ماثر على حميع وظايف الدماغ مما معالجته وايد صعبه و معجزيه
ريم : يعني شنو بموت
خالد يمسك ايد ريم : حبيبتي هدي خل نسمع الدكتور الاعمار بايد الله هدي تذكري مو زين للبيبي و شوفي ننوس خايفه
الدكتور سامي : راح نبدي كورس كيماوي وراح نشوف النتايج
بو خالد : شوف يا ولدي انا ادري انكم خوش مستشفى و الاولي بالكويت بس ودي اني اسفره برا يمكن نقدر نحل المرض
الدكتور سامي : اي طبعا تقدر النتايج والفحوصات كلها عندي اذا تبي ترسلها لاي مستشفى بره راح اكون معاكم بكل خطوه
بو خالد : يعطيكم العافيه
الدكتور سامي : تفضل معاي عشان نسوي الاجراءات و انت شوف اي مستشفى تبون ؟
بو خالد : يلا خير
نوف تبجي بس بدون صوت
خالد : اختي الصغيره شفيه ويها صاير يخرع
نوف : مافيني شي
خالد : تعالي يمي حبيتي تعالي
نوف تروح يم خالد و يمسك ايدها
خالد : حبيبتي سمعتي الدكتور و ابوي بيدزني بره يعني كل شي بصير اوكي باذن الله لا تحاتين
نوف تبجي حيل وتحط ايدها على قلبها و تضغط عليه : خالد قلبي يعورني
خالد : سلامت قلبج يا حبيبت قلبي مافيني شي شوفيني مافيني شي
نوف تلم خالد وتشاهق من البجي و تسحبها جوان وبجي بعد زادتهم شريفه و نور صار الكل يبجي وريم قاعده بالكرسي ماسكه بنتها
ريم : بابا مافيه شي بابا بس يقص علينا عشان ما يروح الدوام مثل ما انتي تسوين الصبح
ريماس مو فاهمه شي بس تضحك بويه امها وتمسك شعرها
ريم : حبيبتي بابا اليوم بنومج بليل و كل يوم بنومج لا تخافين ما راح يروح بابا مكان لا تخافين ماما حبيبتي بابا وماما و النونو الصغير ( تحط ايد ريماس على بطنها ) شوفي ماما في بيبي هني نفسج لمن كنتي عنونه تلعبين معاها باجر و تلبسون نقس الشي وتكبرون مع بعض مع ماما و بابا
ريم تبجي ما قدرت تقمت بجيتها لمت بنتها حيل وتبجي تبجي
خالد : لا لا ماهقيتكم جذي تبوني اموت ها
ريم : يعل يومي قبل يومك
خالد : بس ارجوكم تدرون اني اموت لاشفت احد يبجي لا تبجون ويلا روحو يبو غدا خل نتغدا كلنا ولهان عليكم
الكل يشوفه بدون لا يقول اي كلمه
خالد : شفيكم ترا والله بناكل اكل والله ماني ماكلكم هههه
ريم تاخذ ريماس وتطلع
ونور تطلع وراها تلاقي محمد بره
تسكر الباب وتوقف على الطوفه و تبجي وتغطي ويها بيدها
ريماس تلها من هدومها : ماما ماما
ريم تشيل ريماس : نروح ناكل هم هم يوعانه
ريماس تمسح دموع ريم وطقها على خشمها لانه ريماس لمن تبجي ريم تمسح دموعها و طقها على خشمها شوي شوي عشان تسكت
ريم زاد بجيها على براءه بنتها : نروح ناكل يلا مع بابا
نور : ريم حياتي بس لا تبجين
ريم تلم نور : نور مابي اخسره نور خل ياخذني معاه مابي عمري بدونه
نور : ما يصير تقولين هالكلام يا ريم شفيج ان شاء الله يتعالج
ريم : منو بربي معاي عيالنا شلون ننوس والبيبي بعشون بدون ابوهم
نور : هدي بالج حبيبتي عطيني ننوس وروحي انتي توضي وصلي ركعتين و اقري شوي من المصحف و بتهدين
ننوس: ماما ماما
نور : ماما مينونه ماما كله تبجي ننوس ما تبجي ننوس كبيره يا حلات البنات
راحت ريم تصلي
محمد : شلونج
نور والدمعه بعينها: الحمدالله على كل حال
محمد : هذي ننوس يا حلات البنات هذي مرت ودنا
نور :
محمد : نور
نور : هلا
محمد : احبج
نور تشوف عيون محمد : حيل تعبانه محمد قلبي يعورني
محمد : حياتي مسحي دموعج و انا شوي واخلص من مناوبتي يلا ردي البيت و اخذي ملابسج وتعالي البيت اليوم نامي عندي
نور : خلاص بقول لامي بنام عند اسيل
محمد : اوكي حبي دربالج على روحج
نور: ان شاء الله
---------------------------​

شريفه : روان تعالي محتاجتج
روان : شفيج خرعتني
شريفه : تعالي بسرعه بيتنا بليز روان مو قادره اتحمل
روان : وين فرح
شريفه : مادري الزفته ما ترد علي
روان : خلاص حياتي انا شوي وايج لا تحاتين لا تبجين حبي هدي بالج كل شي بينحل مهما كان
شريفه تمسح دموعها : ان شاء الله حياتي لا تاخرين ​

http://www.4shared.com/mp3/7ehuneoc/___online.htm​

نهايه البارت الثالث ..​

 

[شوشة حبيبي]

حلوووووه كملي

 

[meme>the best]

متاااااابعه @@