رودي للاستشارات الهندسية

[جيجان77]

كيكه
مشكورةعلى الرد
والحين بسوي ستارة اغمق من لون الغرفه بكثير يعني خمري لكن الغرفه الثانيه شلون راح يكون لون ستارتها وراح احط صوفا وكرسيين تظنين اللون البيج مناسب والوسايد حمرا؟
اما مسكة الستاير الذيل
الصور مو واضحه المسكات فيها ومااعرف اكبرها ممكن توريني صورة اوتكبرينها مشكورة وايش افضل اللون للمسكه نحاسي والا معتق

 

[أسولة]

مشكوره حبيبتي على الرد والله لا يحرمنا منج بالنسبة لغرفة بناتي عندي وحده عمرها 13 والثانية 8 بعدي مافصلتهم عن بعض لأن أمي تزورنا كل أسبوع وتنام عندنا فعطيتها دار علشان جذي بناتي بنفس الغرفه على ما نكمل الطابق الثالث أنا عندي ربع طابق ثالث يعني غرفتين كبار وحمام واستراحه صغيره حق كواي الملابس هذي مشكله ثانيه أكتب لج عنها بعدين وبالنسبه للسرداب هو إلحين لونه بيج ودي ارسم زوايا السقف بس وفي عامودين مادري شسوي فيهم وعندي مكان بالسرداب مادري اشلون ما اعرف اشرح هو بالزاويه وايد داخل وأنا حاطه فيه بار صغير بس ودي أحط شي ثاني لأن صاير وايد مدعوس لداخل ما يبين والقنفات مسكره عليه ودي أحط شي ثاني لآن عندي مثل صاله داخلها حمام ومغاسل بعد بالسرداب بس معزوله أنا سويت فيها قعده وحطيت فيها بوفيه ولبسته ستان فا ما احتاج البار إلي داخل أنا شاريته من سنتر بوينت وأنا أحب النجاره أكثر من الجاهز أدري طولت عليج بس أدري انج صدرج وسيع وما تقصرين

 

[داريني]

ماحد رد علي

 

[bint ilq8]

هلا والله رودي حبيت اسئلج انا ودي افاجئ ريلي لأن بيرجع من السفر آخر الأسبوع الياي فأحب اغير له بالدار او الدار ما تسمح صغيرة او ما عندنا مطبخ او ملحق فممكن تساعديني حبيبتي؟ يعني شنو اقدر اشتري من الأثاث علشان اغير بشكل الغرفة او انا خاطري بطاوله او كورنر حق الأكل بس ما يكفي

 

[ام وهابي]

اختي رودي او الكيكه انا فصلت مطبخ رئيسي ولونه خشبي مايل لونه للبرتقالي شوي
شنو رايك احط لون سطح المطبخ حدي احترت بالالوان عاجبني الاسود المصدف حيل بس مدري يناسبني ولا اختار لون جر انيت فاتح خاصه ان لون الطوفه سكري مايل للمشمشي والارضيه لونها خشبي وسط شكل الباركيه
ياريت تردين بسرعه لاني بوقع العقد مع الشركه وما اخترت لحد الحين

 

[الكيكة]

السلام عليكم بنات ... اعذروني عالتأخير .. كنت مريضه و توني طالعه من المستشفى


ام وهابي .. الاسود عجيب ... شوفي صورة مطبخي التحظير

بنت الكويت ... مو حلو كورنر اكل بغرفة النوم ..و ثانيا غرفتج صغيرة .. اذا حابة تغيرين شكل الغرفة ركبي ورق جدران و غيري الستارة و الكفر. و حطي مراية كبيرة كبر الطوفه اللي على يمين السرير او عاليسار حسب تقسيمة غرفتج .. منها اتكبر شكل الغرفه و منها مثيرة وقت النوم .

أهلين أسولة ... لا ترسمين .. راح موديل الرسم .... و العامودين مرات يكونون حلوين ... تخيلي انا صالاتي مافيهم عواميد و رحت سويت عامودين ديكور علشان افصل بين الصالة و غرفة الاكل .

فالعامودين اللي عدج ما اقدر احكم عليهم لاني مو شايفه مكانهم و اشعرضهم؟ ... تقدرين تصبغينهم لون اغمج من الطوفه بدرجه او اتلبسينهم ورق جدران أو اتلبسينهم جرانيت او رخام أو اتعلقين عليهم مرايا او لوحات

المكان المدعوس بالسرداب استغليه بشي يريحج ....سكريه ابارتشن و حطي داخله سخان اللي جنه كبت يحفظ الاكل الحار اذا نجبتيه مبجر مثلا و ثلاجه تحفظ الاكل البارد او الحلو .... هالسوالف بيريحونج وايد خصوصا برمضان و البار خليه داخل تخشين فيه مواعينج و صحونج اذا يكفيهم .. الفكره انه بيصير جنه مطبخ تحظير.

هلا جيجان .. الألوان اللي قلتيهم حلوين ... و الستاره الثانيه و الغرفه الثانيه لازم تكون نفس روح الاوان بس بدرجات غير علشان يصير فيه تناغم بالالوان خصوصا ان الغرفتين مفتوحين على بعض. ادري بتقولين صبغ الغرفه الثانيه اخضر .. دخلي شويه اخضر على غرفة النوم حتى لو بالاكسسوارات يعني مزهريه او كوشيات ... و الغرفة الخضرا دخلي فيها درجات غرفة النوم .. عرفتي اشلون؟ ... انا صالات الاستقبال زيتي و عنابي و دخلت بيج و ذهبي بالاكسسوارات
و اي سؤال من عيوني


داريني .. اذا السقف نازل خلي لون السقف ابيض و الطوف فواتح ... أفتح الدرجات الل تقدرين عليها ... و الثريات اخذي النوع اللازق بالسقف لا تاخذين معلقات

انا سقف صالات الاستقبال نازل ... صبغ الطوفه كريمي و السقف ابيض و حاطه جم طوفه ورق جدران و حطيت ثرية كرستال لازقه بالسقف شكلها هرم مقلوب و قياسها متر و نص بمتر و نص ... وايد فخمه و كبيره و بنفس الوقت مو نازله وايد ....

 

[الكيكة]

جيجان شوفي المرابط

 

[nono78]

اشلونج كيكه حبيبتي

بسالج عن محلات السراميك حاليا ابي حق المطبخ الرئيسي

ابي حق الطوفه 10*10 او 15*15

والأرضيه الأحجام الوسط لوني البني الفاتح

واي حست رحت حولي

عند رميح ماعجبوني ماعنده الوان وايد الوانه محدوده

ورحت البانيوووووووووو لقيت سراميك تينن واااااو بس طلع كله تقريبا 700 وشي واااي تو مج

وين القى سراميك حلووووووووه واسعارهم معقوله

غير حسن ابل

والشايع

بليز ساعدونيييييييييييييييييييييييييييي

 

[الكيكة]

هلا نونو

اشدعوه 700 ... والله لو رخام ماصار 700 ... خليهم يولون
محلات السيراميك اللي بتروحين و بتدعيلي اهم مخازن المحلات اللي يروحون لهم الناس ... شي عجيب و رخيص ارخص من المحلات وايد

بس عاد لازم ريلج يوديج لانه المكان دواعيس و يخرع و ماراح ادلينه بروحج ....

اسمه مخازن الصناعات ... جدام مينا الشويخ بالضبط ....
اذا يايه من شارع الغزالي و انتي جنج بتصعدين جسر المينا يكون بالضبط على ايدج اليمن قبل صعدة الجسر

هذا المكان كله محلات يم بعض طحنا عليه عقب ما خلصنا بيتنا .. و مت من الحره لما شفت بظاعتهم و اسعارهم .

 

[nono78]

بعد قلبي كيكه ماقصرتيييييييييييييييييييييييييييييييييييييييييييييييي

اموااااااه على خدج

بس ريلي يرجع لبيت ان شاء الله بقوله لأن مصر على بو 700 دينار يقول هذا اسعارهم

حدي استاننست

مشكوووووووووووووووووووووووووووووووووووووووووووره

 

[الكيكة]

العفو نونو اشدعوه

قولي لريلج من قال هذي اسعارهم؟

اصلا الاسباني الغالي بالسوق المتر ان ذبح عمره ب 3 دنانير

الصيني على دينار و نص و دينارين ( بس ما انصحج بالصيني )

الرخام السيسيليا الايطالي المتر اب 7 .... اشلون بتشترون سيراميك مطبخ اغلى منه؟

انا شريت لبيتي من محل اسمه جداول ... بالري يم النصر الرياضي ... متعنيتله لانه رخيص و ماكو محلات يمه و ناس قايليلي عنه..... شريت منه المطبخ الرئيسي طوفه و ارضيه (قياس المطبخ 9 في 5 ) و خذيت ارضيات سيراميك للدور الاول كله مع 3 حمامات .... و للدور الثاني خذيت منه جرانيت و حمامين .... كله اسباني هاي كواليتي طلع اب 1000 دينار

شكو مطبخ اب 700 ؟؟؟؟؟؟


و يمدحون بعد بسامكو بالعارضيه اذا ماني غلطانه يقولون عنده شغلات حلوه و مو غالي بس ما شفته

 

[nono78]

واي كيكه بعد قلبي ريحتنييي كنت احاتي السيراميك

انا مطبخي 8 * 4

قالي الي بالمحل مطبخ وايد في طول خاصه الطوفه تخيلي الطوفه حسبها لنا بس ب 500 دينار

والسيراميك كان 15*15

ماادري 10 *10

الي اجلنا موضوع السيراميك لي الشهر الياي تخيلي

بعد قلبي والله اشوه اني سالتج ولا ريلي بينطر لي شهر الياي بيروح ياخذه !!!!!!!!!!!!!!!!!!!!!!!!!!!!!!!!!!!!!!!!!

 

[nono78]

واي كيكه بقولج عن المطابخ بس عفيه لا تصدميني بالسعر


اقولج حجزت مطبخ من العنجري للمطابخ العالميه

مطبخ ايطالي تقريبا طلع علي مع الجرانيت 3 وشي بس من غير اجهزه

زين ولا مو زين

طبعا اخترت جرانيت لأنه الكوريان بروحه سعر وقدره

 

[الكيكة]

انتي حجزتي خلاص دفعتي عربون؟

أنا سويت مطبخي فينول و كوريان من داخل الكباته كله سلال بصل و عيش و منظفات ... يعني مطبخي 5 ستارز طلع علي ب1900 مع الشفاط و جزيره

شوفي صورته حاطتها بالموضوع

 

[ام وهابي]

الكيكه ما تشوفين شر حبيبتي
بعد اذنج ابتليقف شوي وارد على الاخت نونو محلات السيراميك الحلوه بسامكو روعه صراحه خذيت منه حمام الاستقبال المتر 3دنانير وحلو سعره وفيه مطابخ عندهم حلوه بس اغلب بضاعتهم صيني وتحصلينه باغلب المحلات بالشويخ
وال بانيو حلو خذيت منه بورسلان لحمامي الخاص اسباني المتر 3 دنانير وقطع الديكور مالته المتر 5
والمحلات بالشويخ لا عد ولاحصر عندهم الرخيص والغالي مثل حسن ابل اللي بالشويخ الركن الاقتصادي حلو بعد
واسعاره ارخص من فرع حولي ونفسه الشايع بس الشايع ما عجبني شي فيه
وعندك المركز الاسباني يبيع ارضيات جرانيت رووعه صيني بس درجه اولى احسن من المحلات الغاليه المتر 3,5بس وفل بدي والله العظيم روعه للصالات الاستقبال والدور الارضي كله اتمنى اني افدتك

 

[الكيكة]

ام وهابي الشر مايييج حبيبتي

نونو شوفي مطبخي

الثلاجه و الشفاط ستيل ...بس هالصوره قبل لا اسكن البيت و اشيل النايلون الابيض اللي عالثلاجه و الشفاط و الستيل طالع مع الخشبي البني الغامج عجيب

 

[أسولة]

مشكوره كيكه والبنات كلهم أنا شريت من قبل من بسامكو وجداول الصراحه سيراميكهم اينن وبقيت افاده كيكه من وين اسوي مطبخ فينيل وكوريان من أي محل وبقيت أعرف الصاله إلي عارضته هي صالة بيتكم لأني أي نفس الرخام والجرانيت إلي حاطته وابي أعرف من وين اشتري ربطات الستاره الطويله ومشكوره

 

[الكيكة]

هلا أسوله

فينول و كوريان سويته بالشويخ محل اسمه العالمية يم حمامات الرفاعي سوالي المتر اب 60 دينار ... كان عندهم مهندس مصري شاطر اسمه جابر بس طلع و راح محل بنفس الشارع بس ماعرف اسم المحل .. بصراحه جابر اهو اللي هندس مطبخي و ارسمه لي بالكمبيوتر و عطاني الرسمه و كان صدره وسيع و ينصح لاني يننته كل يوم اروح له بفكرة يديده و اغير رايي بالالوان وايد .. و لما طلع جابر من العالميه قالولي انه بايع لي المتر رخيص المفروض اب 70 دينار.

ربطات الستاير تحصلينهم بالضجيج عند محلات اكسسوارات الستاير ( المحلات مجابلين مجمع جلاريا عالشارع )


أيهي الصالة اللي تسألين عنها؟

 

[nono78]

هلا أسوله

فينول و كوريان سويته بالشويخ محل اسمه العالمية يم حمامات الرفاعي سوالي المتر اب 60 دينار ... كان عندهم مهندس مصري شاطر اسمه جابر بس طلع و راح محل بنفس الشارع بس ماعرف اسم المحل .. بصراحه جابر اهو اللي هندس مطبخي و ارسمه لي بالكمبيوتر و عطاني الرسمه و كان صدره وسيع و ينصح لاني يننته كل يوم اروح له بفكرة يديده و اغير رايي بالالوان وايد .. و لما طلع جابر من العالميه قالولي انه بايع لي المتر رخيص المفروض اب 70 دينار.

مشكوره كيكه حبيبتي

بس حبيت اسأل وبأذيج بسألتي

من داخل الباب كامل ملبس ولا نص ؟؟؟
وشنو نوع مطبخج

في هولندي وايطالي والماني وتركيب سعودي واماراتي يختلفون بالأسعار

ومتر الكوريان بجم خذيتي ومن وين ؟؟؟

مطبخي من غير شفاط واجهزه يوصل تقريبا 2 الفين ونص جريب 3 ما ادري اذا مع جرانيت ولا لأ
بس انا اخترت مطبخ ايطالي ومن داخل الكبت ملبس كامل مو نص فيختلف بالسعر
ومن ناحيه الدفع بس حجزت ب 300 دينار بس اذا كنسلت اكيد بيروح علي قيمة من المبلغ

بس مطبخج ما شاء الله روعه روعه تهنيين في يارب وعليج بالف عافيه
وريلي طبعه وايد مستعيل ما ينطر يشوف اكثر من محل ماله خلق يفتر
بس يوم قتله الأسعار اشوي اقتنع انه لازم نفتر

والله كريم هذا بيت جاهز وتعبنا

مشكوره كيكه والبنات كلهم أنا شريت من قبل من بسامكو وجداول الصراحه سيراميكهم اينن وبقيت افاده كيكه من وين اسوي مطبخ فينيل وكوريان من أي محل وبقيت أعرف الصاله إلي عارضته هي صالة بيتكم لأني أي نفس الرخام والجرانيت إلي حاطته وابي أعرف من وين اشتري ربطات الستاره الطويله ومشكوره

مشكوره اسوله
الحين بكتب كل اسامي محلات السيراميك
عشان نروح نشوف

 

[nono78]

الكيكه ما تشوفين شر حبيبتي
بعد اذنج ابتليقف شوي وارد على الاخت نونو محلات السيراميك الحلوه بسامكو روعه صراحه خذيت منه حمام الاستقبال المتر 3دنانير وحلو سعره وفيه مطابخ عندهم حلوه بس اغلب بضاعتهم صيني وتحصلينه باغلب المحلات بالشويخ
وال بانيو حلو خذيت منه بورسلان لحمامي الخاص اسباني المتر 3 دنانير وقطع الديكور مالته المتر 5
والمحلات بالشويخ لا عد ولاحصر عندهم الرخيص والغالي مثل حسن ابل اللي بالشويخ الركن الاقتصادي حلو بعد
واسعاره ارخص من فرع حولي ونفسه الشايع بس الشايع ما عجبني شي فيه
وعندك المركز الاسباني يبيع ارضيات جرانيت رووعه صيني بس درجه اولى احسن من المحلات الغاليه المتر 3,5بس وفل بدي والله العظيم روعه للصالات الاستقبال والدور الارضي كله اتمنى اني افدتك

ام وهابي مشكوره حبيبتي

والله كتبت كل المحلات الي قلتولي عنهم

بروح اشوف وان شاء الله القى الي ابيه بسعر معقول