رولات الكراميل بالفستق وجوز الهند مع رشة سكر ودارسين(بالصور) .. سهل-بسيط-لذيذ

[قطوووة]

السلام عليكم ..

أمس ثاني أيام الشهر الفضيل .. وسويت طبق حلو سهل وبسيط وسريع ..

والطعم يمي .. حق اللي تدور شي مضمون تجربه وتدعي لي ..

أول شي المقادير .. بالصور ..

عجينه السمبوسة الجاهزه - حليب نستله مكثف محلى ( العادي او اللي بدون دسم شي راجع لج ) - جبنه كيري ( الجرة أسهل لهالوصفة من المربعات ) - جوز هند - فستق - سكر - دارسين ..



نفرد شريحة من العجينة ونقصها نصين ..

بعدين ندهن النص بجبن كيري ..كمية معقولة ..

ونلفها رول مثل الزقارة ..


ونسوي كل الرولات جذي ..

وبالاخير تقدرين تقلينه على طول أو تغلفينه وتحطينه بالفريزر عادي ما يضر ..او تسوين نصه وتفرزنين نصه ايضا شي راجع لج ..

لان كمية وايد وتكفي تقريبا 3 صواني

بما انه انا سويته العصر حطيته بالفريزر وزهبت باجي الشغل ..



بخصوص حليب نستله المكثف .. المطلوب انج تفوحين القوطي لمدة ماتقل عن ساعتين ..

مهمة جدا هالخطوة .. الهدف منها ان السكر يتكرمل داخل العلبة ..

أنا خليته ساعتين ونص تقريبا ..

طبعا مع الوقت الماي راح يتبخر .. حاولي ان الماي يكون راهي مرتفع عن العلبة لان المطلوب انها كلها تفوح من كل الجوانب ..

بعد ماحطيت الرولات بالفريزر وخليت النستله يفوح ..
زهبت باجي الشغل .. عشان بعد الفطور كل شي جاااااااااااهز


تاخذين سكر ودارسين وتحطينهم بخلاطة البهارات لين يصيرون بووووودر


هذا قبل

وهذا بعد

الفستق انا شاريته مع قشوره .. قشرته وطحنته .. وتقدرين تاخذين مطحون وخالص لو حبيتي مايفرق

يتبع ....

 

[قطوووة]

رد: رولات الكرامبل بالفستق وجوز الهند مع رشة سكر ودارسين(بالصور) .. سهل-بسيط-لذيذ


بعد الفطور طلعنا الرولات من الفريزر .......

نبدي نقليهم بس ديرو بالكم لا يلصقون .. لين يصير لونهم ذهبي ..

نحطهم في صينية وتحتها الورق اللي يمص الدهن

وقبل لا تبرد نر ش عليها بودرة السكر والدارسين المطحون .. ونحرك الصينية نهزها شوي عشان كل صوب يحوشه من البودر .....

طبعا تكونين مزهبه السكر البودر والدارسين ويمه الفستق تخلطينه مع جوز الهند ..

والنستله تبطلينه يكون شكله جذي ..

بعد مانرش الرولات بالسكر والدارسين ..



مغمس نص الرول بالنستله .. يمي يم

وبعدها تغمسينه بالفستق وجوز الهند

وبالهناء والشفاء ..




تمتعوا بالطعم الحلو اللي مايقاوم



الشكل النهائي ......

 

[مخلصة للاسلام]

مشكورة شكله يشهي

 

[ام حموديNEW]

الله يعطيييييج العااافيييه
مبيييييين لذييذه وفي جم حركه غررريبه فيهاا

 

[قطوووة]

منورين

 

[كويتيه مذهله 87]

يممممممممممممي مشكووره عاد ناطره هالحلوووو

 

[قطوووة]

منورة

 

[ريـمـآأن..}]

تسلم ايدك

 

[ريـمـآأن..}]

مششكوره

 

[غلبانه]

يسلموووووووووووووووووووووو

 

[ام ورود مول]

الشكل يشهيييي
بجربه باجر
مشكوووورة

 

[ام عفاف الكويت]

وااااااااااي طريقه التوفي عجيبه
انا اول احطها نص ساعه واقول واي شدعوه ماتكرمل
الحين السالفه ساعتين ونص

 

[قطوووة]

تسلم ايدك

الله يسلمج

مششكوره

العفو

يسلموووووووووووووووووووووو

حياج

الشكل يشهيييي
بجربه باجر
مشكوووورة

اي ام ورود جربيه وععطيني رايج

 

[قطوووة]

وااااااااااي طريقه التوفي عجيبه
انا اول احطها نص ساعه واقول واي شدعوه ماتكرمل
الحين السالفه ساعتين ونص

اي جربيه وذوقي شلون الطعم وااااااااااااااااي ودج تاكلينه كله من حلاته ههههههه

حياج حبيبتي

 

[الأميرة جوري]

شكلها لذيذه وسهله..بس النستله ماتخافين القوطى يتفاعل مع النستله ؟؟

 

[جارة القمر]

مشكوووووووووره


وتسلم ايدج

 

[om mariam]

تسلم الايادي
روعه

 

[زوجة عزيز]

يعطيج الف عافيه

 

[...العنااا...]

يسلموووو ..

 

[بنوتـــ عسل ـــة]

تسلميييييييين يالغلا مع ان ما اطعتلي الصور بس من الوصف باين عليها حلووووووة